📅 2022-yil 6-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 6 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 октября 2022 г. · Постановления Президента
Официальный текст. Официальный документ. Редакционные примечания не включены.
📅 6 October 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қишлоқ хўжалиги маҳсулотлари етиштиришни молиявий қўллаб-қувватлашнинг қўшимча чора-тадбирлари тўғрисида
Ички бозорни озиқ-овқат маҳсулотлари билан барқарор таъминлаш, маҳсулот етиштиришни кўпайтириш ҳисобига аҳоли даромадини ошириш, шунингдек, қишлоқ хўжалиги маҳсулотлари етиштирувчиларни моддий ресурслар (хизматлар) билан узлуксиз таъминлаш ҳамда етиштирилган маҳсулотларни кафолатли харид қилиш мақсадида:
1. Қишлоқ хўжалиги вазирлиги, Иқтисодиёт ва молия вазирлиги ҳамда Қишлоқ хўжалигида хизматлар кўрсатиш агентлигининг (кейинги ўринларда — Қишлоқ хўжалигида хизматлар агентлиги) мева-сабзавотчилик соҳасини давлат томонидан қўллаб-қувватлаш учун ажратилиши кўзда тутилган маблағлар ҳисобидан Боғдорчилик ва иссиқхона хўжалигини ривожлантириш жамғармасига 12 ой муддатга, шу жумладан 11 ойлик имтиёзли давр билан қўшимча 200 миллиард сўм бюджет ссудасини йиллик 10 фоиз ставкада ажратиш тўғрисидаги таклифи маъқуллансин.
Иқтисодиёт ва молия вазирлигига қайтарилган маблағлар ҳисобидан йил давомида Қишлоқ хўжалигида хизматлар агентлигининг буюртманомалари асосида қўшимча бюджет ссудаси ажратиб борилишини таъминлаш вазифаси юклатилсин. Бунда, ажратилган бюджет ссудаси бўйича қарздорликнинг жами суммаси мазкур қарор доирасида 200 миллиард сўмдан ошиб кетмаслиги кераклиги белгилаб қўйилсин.
2. Мазкур қарорнинг 1-бандида белгиланган маблағлар Қишлоқ хўжалигида хизматлар агентлиги томонидан тижорат банкларига ресурс сифатида йўналтирилган ҳолда, Қишлоқ хўжалигида хизматлар агентлигининг лойиҳа офислари раҳбарларининг ҳамда маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимлари ёрдамчиларининг тавсиясига кўра:
қишлоқ хўжалиги корхоналарига — мева, узум, картошка, сабзавот, полиз экинлари, кўкатлар ва доривор ўсимликлар, дуккакли ва мойли экинлар (кейинги ўринларда — қишлоқ хўжалиги экинлари) етиштиришга уруғлик, ўғит, ёқилғи, ўсимликларни ҳимоя қилиш воситалари етказиб бериш учун;
маҳсулотларни қайта ишловчи, сақловчи ва экспорт қилувчи корхоналарга — етиштирилган қишлоқ хўжалиги экинларини харид қилишда талаб этиладиган айланма маблағларини тўлдириш учун ажратилади.
Бунда:
қишлоқ хўжалиги экинларини етиштириш учун кредитлар 150 миллион сўмгача гаровсиз берилади;
кредитлар бўйича фоиз тўловлари йиллик 14 фоиз (шундан 3 фоизи банк маржаси) миқдорида белгиланиб, кредитлар 6 ойгача имтиёзли давр билан 12 ой муддатгача ажратилади;
ажратиладиган кредит маблағларининг 50 фоизигача бўлган қисми қарз олувчи талабига асосан нақд пулда тақдим этилади;
ажратиладиган кредитлар бўйича Боғдорчилик ва иссиқхона хўжалигини ривожлантириш жамғармаси маблағлари гаров таъминоти сифатида қабул қилинади.
3. Молия вазирлиги ва Қишлоқ хўжалиги вазирлиги қишлоқ хўжалиги экинларини етиштириш харажатларини молиялаштириш ва уларни харид қилиш тизимини қўллаб-қувватлаш мақсадлари учун Қишлоқ хўжалигида хизматлар агентлигига зарур бўлган маблағларнинг олти ой олдин ажратиб борилишини таъминласин.
4. Белгилансинки:
а) кредит маблағларининг қайтмаслик хатарини суғурта қилиш бўйича ёки ҳосилни хавф-хатардан суғурта қилиш бўйича суғурта полиси қишлоқ хўжалиги экинлари етиштирувчиларга ажратиладиган кредитлар бўйича гаров таъминоти сифатида қабул қилиниб, кредитларни сўндиришга йўналтирилиши мумкин;
б) қишлоқ хўжалиги экинлари етиштирувчиларга ҳосилни хавф-хатардан суғурта қилиш харажатларининг 50 фоизи Қишлоқ хўжалигини давлат томонидан қўллаб-қувватлаш жамғармаси ҳисобидан қоплаб берилади.
Молия вазирлиги 2023 йил ва келгуси йиллар учун Ўзбекистон Республикасининг Давлат бюджетидан қишлоқ хўжалиги экинлари етиштирувчиларга ҳосилни суғурта қилиш харажатларининг 50 фоизини қоплаш мақсадлари учун Қишлоқ хўжалигини давлат томонидан қўллаб-қувватлаш жамғармасига зарур маблағлар ажратилишини таъминласин.
5. Ўзбекистон фермер, деҳқон хўжаликлари ва томорқа ер эгалари кенгаши раиси А. Ҳаитов, Қорақалпоғистон Республикаси Вазирлар Кенгаши Раиси ва вилоятлар ҳокимлари:
жорий йилда қўшимча ажратилаётган 20 минг гектар ва 2023 йилда бериладиган 95 169 гектар экин майдонларида етиштирилган маҳсулотлар ҳисобидан импортни қисқартиришга шахсан масъул эканликлари белгилаб қўйилсин;
2022-2023 йилларда озиқ-овқат маҳсулотлари етиштириладиган майдонлар камида 300 минг гектарга етказилишини таъминласин. Бунда, озиқ-овқат маҳсулотлари етиштириш учун мўлжалланган ерларга экинларни жойлаштириш Қишлоқ хўжалиги вазирлиги томонидан белгилаб берилади.
6. Қишлоқ хўжалиги вазирлиги (А. Воитов), Ўзбекистон фермер, деҳқон хўжаликлари ва томорқа ер эгалари кенгаши (А. Ҳаитов) Қорақалпоғистон Республикаси Вазирлар Кенгаши Раиси, вилоят, туман (шаҳар) ҳокимлари билан биргаликда:
ҳосилдор уруғ ва кўчат навларини, ўғит ва ўсимликлар ҳимояси воситаларини жойларга етказиб, дала ярмаркаларини ўтказиш ҳамда экинларни ер майдонларида «бир контур — бир маҳсулот» тамойили асосида жойлаштириш;
қишлоқ хўжалиги маҳсулотларини кафолатли харид қилиш бўйича шартномалар тузиш чораларини кўрсин.
7. Қишлоқ хўжалиги вазирлиги ҳузуридаги Мультимедиа маркази мева-сабзавотчилик соҳасида амалга оширилаётган ислоҳотлар, эришилаётган ютуқ ва натижалар тўғрисида кенг жамоатчиликни хабардор қилиш мақсадида қуйидаги вазифаларнинг амалга оширилишини таъминласин:
медиа маҳсулотлар (ролик, кўрсатув, репортаж, интервью ва турли слайдлар) орқали мева-сабзавотчилик соҳасида фермер, деҳқон хўжаликлари, томорқа ер эгалари ҳамда аҳолининг билим ва кўникмаларини ошириш;
аҳолини қишлоқ хўжалиги соҳасида тадбиркорликка қизиқтириш, ердан ва ресурслардан унумли фойдаланиш орқали ўз даромадини оширишга ўргатувчи телекўрсатувлар ташкил қилиш;
аҳолини қишлоқ хўжалиги соҳасида рўй бераётган янгиликлар, ижобий тажрибалар, шунингдек, озиқ-овқат маҳсулотларига бўлаётган талаблар ва ўзгаришлар тўғрисида кенг хабардор қилиш;
қишлоқ хўжалиги соҳасида жаҳондаги илғор тажрибаларни республика ҳудудида оммалаштириш.
8. Бош Вазир ўринбосари Ж.А. Ходжаев ҳамда қишлоқ хўжалиги вазири А.Б. Воитов Экспортни қўллаб-қувватлаш жамғармаси маблағлари ҳисобидан экспортбоп қишлоқ хўжалиги маҳсулотларини етиштирувчи, қайта ишловчи, сақловчи ва экспорт қилувчи корхоналарнинг айланма маблағларини тўлдириш учун Боғдорчилик ва иссиқхона хўжалигини ривожлантириш жамғармасига 2 йил муддатга, шу жумладан 12 ойлик имтиёзли давр билан 10 миллион АҚШ доллари миқдорида йиллик 2 фоиз ставкада маблағ ажратсин.
9. Қорақалпоғистон Республикаси Вазирлар Кенгаши ва вилоятлар ҳокимликлари Қишлоқ хўжалиги вазирлиги (А. Воитов), Ўзбекистон фермер, деҳқон хўжаликлари ва томорқа ер эгалари кенгаши (А. Ҳаитов) билан биргаликда ҳар бир ҳудудда мазкур қарорнинг мазмун-моҳиятини тушунтириш бўйича тақдимотлар ва семинарлар ўтказсин.
10. Ахборот ва оммавий коммуникациялар агентлиги (А. Ходжаев), Ўзбекистон Миллий телерадиокомпанияси (А. Хаджаев), Ўзбекистон Миллий ахборот агентлиги (А. Кўчимов) Қишлоқ хўжалиги вазирлиги (А. Воитов) билан биргаликда мазкур қарорнинг мазмун-моҳияти ҳамда мақсад ва вазифалари оммавий ахборот воситаларида кенг ёритилишини таъминласин.
11. Ҳисоб палатаси (Б. Турабов) Молия вазирлиги ҳузуридаги Давлат молиявий назорати инспекцияси билан биргаликда мазкур қарорда назарда тутилган маблағларнинг ўз вақтида ажратилиши ва мақсадли сарфланиши устидан доимий назорат ўрнатсин.
12. Ўзбекистон Республикаси Президентининг айрим қарорларига иловага мувофиқ ўзгартириш ва қўшимча киритилсин.
13. Қишлоқ хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарорнинг ижросини самарали ташкил қилишга масъул ва шахсий жавобгар этиб қишлоқ хўжалиги вазири А.Б. Воитов, Қишлоқ хўжалигида хизматлар агентлиги директори Х.М. Каримов, Маҳаллабай ишлаш ва тадбиркорликни ривожлантириш агентлиги директори М.М. Убайдуллаев ҳамда Қорақалпоғистон Республикаси Вазирлар Кенгаши Раиси ва вилоятлар ҳокимлари белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ш.М. Ғаниев зиммасига юклансин.
Ўзбекистон Республикаси Президентининг 2022 йил 6 октябрдаги ПҚ-387-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимча
1. Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарори 2-бандининг биринчи хатбошисидаги «1,7 трлн сўм» сўзлари «1,4 трлн сўм» сўзлари билан алмаштирилсин.
2. Ўзбекистон Республикаси Президентининг 2022 йил 27 апрелдаги «Қишлоқ хўжалиги маҳсулотларини етиштириш харажатларини молиялаштириш ва уларни харид қилиш тизимини такомиллаштириш чора-тадбирлари тўғрисида»ги ПҚ-225-сон қарори 1-бандининг иккинчи хатбошиси «қарздорликнинг жами суммаси» сўзларидан кейин «мазкур қарор доирасида» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 6 октябрь,
ПҚ-387-сон
Oʻzbekiston Respublikasi Prezidentining
Qarori
Qishloq xoʻjaligi mahsulotlari yetishtirishni moliyaviy qoʻllab-quvvatlashning qoʻshimcha chora-tadbirlari toʻgʻrisida
Ichki bozorni oziq-ovqat mahsulotlari bilan barqaror taʼminlash, mahsulot yetishtirishni koʻpaytirish hisobiga aholi daromadini oshirish, shuningdek, qishloq xoʻjaligi mahsulotlari yetishtiruvchilarni moddiy resurslar (xizmatlar) bilan uzluksiz taʼminlash hamda yetishtirilgan mahsulotlarni kafolatli xarid qilish maqsadida:
1. Qishloq xoʻjaligi vazirligi, Iqtisodiyot va moliya vazirligi hamda Qishloq xoʻjaligida xizmatlar koʻrsatish agentligining (keyingi oʻrinlarda — Qishloq xoʻjaligida xizmatlar agentligi) meva-sabzavotchilik sohasini davlat tomonidan qoʻllab-quvvatlash uchun ajratilishi koʻzda tutilgan mablagʻlar hisobidan Bogʻdorchilik va issiqxona xoʻjaligini rivojlantirish jamgʻarmasiga 12 oy muddatga, shu jumladan 11 oylik imtiyozli davr bilan qoʻshimcha 200 milliard soʻm budjet ssudasini yillik 10 foiz stavkada ajratish toʻgʻrisidagi taklifi maʼqullansin.
Iqtisodiyot va moliya vazirligiga qaytarilgan mablagʻlar hisobidan yil davomida Qishloq xoʻjaligida xizmatlar agentligining buyurtmanomalari asosida qoʻshimcha budjet ssudasi ajratib borilishini taʼminlash vazifasi yuklatilsin. Bunda, ajratilgan budjet ssudasi boʻyicha qarzdorlikning jami summasi mazkur qaror doirasida 200 milliard soʻmdan oshib ketmasligi kerakligi belgilab qoʻyilsin.
2. Mazkur qarorning 1-bandida belgilangan mablagʻlar Qishloq xoʻjaligida xizmatlar agentligi tomonidan tijorat banklariga resurs sifatida yoʻnaltirilgan holda, Qishloq xoʻjaligida xizmatlar agentligining loyiha ofislari rahbarlarining hamda mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlari yordamchilarining tavsiyasiga koʻra:
qishloq xoʻjaligi korxonalariga — meva, uzum, kartoshka, sabzavot, poliz ekinlari, koʻkatlar va dorivor oʻsimliklar, dukkakli va moyli ekinlar (keyingi oʻrinlarda — qishloq xoʻjaligi ekinlari) yetishtirishga urugʻlik, oʻgʻit, yoqilgʻi, oʻsimliklarni himoya qilish vositalari yetkazib berish uchun;
mahsulotlarni qayta ishlovchi, saqlovchi va eksport qiluvchi korxonalarga — yetishtirilgan qishloq xoʻjaligi ekinlarini xarid qilishda talab etiladigan aylanma mablagʻlarini toʻldirish uchun ajratiladi.
Bunda:
qishloq xoʻjaligi ekinlarini yetishtirish uchun kreditlar 150 million soʻmgacha garovsiz beriladi;
kreditlar boʻyicha foiz toʻlovlari yillik 14 foiz (shundan 3 foizi bank marjasi) miqdorida belgilanib, kreditlar 6 oygacha imtiyozli davr bilan 12 oy muddatgacha ajratiladi;
ajratiladigan kredit mablagʻlarining 50 foizigacha boʻlgan qismi qarz oluvchi talabiga asosan naqd pulda taqdim etiladi;
ajratiladigan kreditlar boʻyicha Bogʻdorchilik va issiqxona xoʻjaligini rivojlantirish jamgʻarmasi mablagʻlari garov taʼminoti sifatida qabul qilinadi.
3. Moliya vazirligi va Qishloq xoʻjaligi vazirligi qishloq xoʻjaligi ekinlarini yetishtirish xarajatlarini moliyalashtirish va ularni xarid qilish tizimini qoʻllab-quvvatlash maqsadlari uchun Qishloq xoʻjaligida xizmatlar agentligiga zarur boʻlgan mablagʻlarning olti oy oldin ajratib borilishini taʼminlasin.
4. Belgilansinki:
a) kredit mablagʻlarining qaytmaslik xatarini sugʻurta qilish boʻyicha yoki hosilni xavf-xatardan sugʻurta qilish boʻyicha sugʻurta polisi qishloq xoʻjaligi ekinlari yetishtiruvchilarga ajratiladigan kreditlar boʻyicha garov taʼminoti sifatida qabul qilinib, kreditlarni soʻndirishga yoʻnaltirilishi mumkin;
b) qishloq xoʻjaligi ekinlari yetishtiruvchilarga hosilni xavf-xatardan sugʻurta qilish xarajatlarining 50 foizi Qishloq xoʻjaligini davlat tomonidan qoʻllab-quvvatlash jamgʻarmasi hisobidan qoplab beriladi.
Moliya vazirligi 2023-yil va kelgusi yillar uchun Oʻzbekiston Respublikasining Davlat budjetidan qishloq xoʻjaligi ekinlari yetishtiruvchilarga hosilni sugʻurta qilish xarajatlarining 50 foizini qoplash maqsadlari uchun Qishloq xoʻjaligini davlat tomonidan qoʻllab-quvvatlash jamgʻarmasiga zarur mablagʻlar ajratilishini taʼminlasin.
5. Oʻzbekiston fermer, dehqon xoʻjaliklari va tomorqa yer egalari kengashi raisi A. Haitov, Qoraqalpogʻiston Respublikasi Vazirlar Kengashi Raisi va viloyatlar hokimlari:
joriy yilda qoʻshimcha ajratilayotgan 20 ming gektar va 2023-yilda beriladigan 95 169 gektar ekin maydonlarida yetishtirilgan mahsulotlar hisobidan importni qisqartirishga shaxsan masʼul ekanliklari belgilab qoʻyilsin;
2022-2023-yillarda oziq-ovqat mahsulotlari yetishtiriladigan maydonlar kamida 300 ming gektarga yetkazilishini taʼminlasin. Bunda, oziq-ovqat mahsulotlari yetishtirish uchun moʻljallangan yerlarga ekinlarni joylashtirish Qishloq xoʻjaligi vazirligi tomonidan belgilab beriladi.
6. Qishloq xoʻjaligi vazirligi (A. Voitov), Oʻzbekiston fermer, dehqon xoʻjaliklari va tomorqa yer egalari kengashi (A. Haitov) Qoraqalpogʻiston Respublikasi Vazirlar Kengashi Raisi, viloyat, tuman (shahar) hokimlari bilan birgalikda:
hosildor urugʻ va koʻchat navlarini, oʻgʻit va oʻsimliklar himoyasi vositalarini joylarga yetkazib, dala yarmarkalarini oʻtkazish hamda ekinlarni yer maydonlarida “bir kontur — bir mahsulot” tamoyili asosida joylashtirish;
qishloq xoʻjaligi mahsulotlarini kafolatli xarid qilish boʻyicha shartnomalar tuzish choralarini koʻrsin.
7. Qishloq xoʻjaligi vazirligi huzuridagi Multimedia markazi meva-sabzavotchilik sohasida amalga oshirilayotgan islohotlar, erishilayotgan yutuq va natijalar toʻgʻrisida keng jamoatchilikni xabardor qilish maqsadida quyidagi vazifalarning amalga oshirilishini taʼminlasin:
media mahsulotlar (rolik, koʻrsatuv, reportaj, intervyu va turli slaydlar) orqali meva-sabzavotchilik sohasida fermer, dehqon xoʻjaliklari, tomorqa yer egalari hamda aholining bilim va koʻnikmalarini oshirish;
aholini qishloq xoʻjaligi sohasida tadbirkorlikka qiziqtirish, yerdan va resurslardan unumli foydalanish orqali oʻz daromadini oshirishga oʻrgatuvchi telekoʻrsatuvlar tashkil qilish;
aholini qishloq xoʻjaligi sohasida roʻy berayotgan yangiliklar, ijobiy tajribalar, shuningdek, oziq-ovqat mahsulotlariga boʻlayotgan talablar va oʻzgarishlar toʻgʻrisida keng xabardor qilish;
qishloq xoʻjaligi sohasida jahondagi ilgʻor tajribalarni respublika hududida ommalashtirish.
8. Bosh Vazir oʻrinbosari J.A. Xodjayev hamda qishloq xoʻjaligi vaziri A.B. Voitov Eksportni qoʻllab-quvvatlash jamgʻarmasi mablagʻlari hisobidan eksportbop qishloq xoʻjaligi mahsulotlarini yetishtiruvchi, qayta ishlovchi, saqlovchi va eksport qiluvchi korxonalarning aylanma mablagʻlarini toʻldirish uchun Bogʻdorchilik va issiqxona xoʻjaligini rivojlantirish jamgʻarmasiga 2 yil muddatga, shu jumladan 12 oylik imtiyozli davr bilan 10 million AQSH dollari miqdorida yillik 2 foiz stavkada mablagʻ ajratsin.
9. Qoraqalpogʻiston Respublikasi Vazirlar Kengashi va viloyatlar hokimliklari Qishloq xoʻjaligi vazirligi (A. Voitov), Oʻzbekiston fermer, dehqon xoʻjaliklari va tomorqa yer egalari kengashi (A. Haitov) bilan birgalikda har bir hududda mazkur qarorning mazmun-mohiyatini tushuntirish boʻyicha taqdimotlar va seminarlar oʻtkazsin.
10. Axborot va ommaviy kommunikatsiyalar agentligi (A. Xodjayev), Oʻzbekiston Milliy teleradiokompaniyasi (A. Xadjayev), Oʻzbekiston Milliy axborot agentligi (A. Koʻchimov) Qishloq xoʻjaligi vazirligi (A. Voitov) bilan birgalikda mazkur qarorning mazmun-mohiyati hamda maqsad va vazifalari ommaviy axborot vositalarida keng yoritilishini taʼminlasin.
11. Hisob palatasi (B. Turabov) Moliya vazirligi huzuridagi Davlat moliyaviy nazorati inspeksiyasi bilan birgalikda mazkur qarorda nazarda tutilgan mablagʻlarning oʻz vaqtida ajratilishi va maqsadli sarflanishi ustidan doimiy nazorat oʻrnatsin.
12. Oʻzbekiston Respublikasi Prezidentining ayrim qarorlariga ilovaga muvofiq oʻzgartirish va qoʻshimcha kiritilsin.
13. Qishloq xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qarorning ijrosini samarali tashkil qilishga masʼul va shaxsiy javobgar etib qishloq xoʻjaligi vaziri A.B. Voitov, Qishloq xoʻjaligida xizmatlar agentligi direktori X.M. Karimov, Mahallabay ishlash va tadbirkorlikni rivojlantirish agentligi direktori M.M. Ubaydullayev hamda Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2022-yil 6-oktabrdagi PQ-387-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimcha
1. Oʻzbekiston Respublikasi Prezidentining 2021-yil 15-dekabrdagi “Meva-sabzavotchilik sohasini davlat tomonidan qoʻllab-quvvatlash, tarmoqda klaster va kooperatsiya tizimini yanada rivojlantirish chora-tadbirlari toʻgʻrisida”gi PQ-52-son qarori 2-bandining birinchi xatboshisidagi “1,7 trln soʻm” soʻzlari “1,4 trln soʻm” soʻzlari bilan almashtirilsin.
2. Oʻzbekiston Respublikasi Prezidentining 2022-yil 27-apreldagi “Qishloq xoʻjaligi mahsulotlarini yetishtirish xarajatlarini moliyalashtirish va ularni xarid qilish tizimini takomillashtirish chora-tadbirlari toʻgʻrisida”gi PQ-225-son qarori 1-bandining ikkinchi xatboshisi “qarzdorlikning jami summasi” soʻzlaridan keyin “mazkur qaror doirasida” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 6-oktabr,
PQ-387-son
Президента Республики Узбекистан
Постановление
О дополнительных мерах по финансовой поддержке производства сельскохозяйственной продукции
В целях устойчивого обеспечения внутреннего рынка продовольственными товарами, повышения доходов населения за счет увеличения производства продукции, а также непрерывного обеспечения производителей сельскохозяйственной продукции материальными ресурсами (услугами) и гарантированной закупки выращенной продукции:
1. Одобрить предложение Министерства сельского хозяйства, Министерства экономики и финансов и Агентства по оказанию услуг в сельском хозяйстве (далее — Агентство сельхозуслуг) о выделении в Фонд развития садоводства и тепличного хозяйства дополнительной бюджетной ссуды в размере 200 миллиардов сумов по годовой 10-процентной ставке сроком на 12 месяцев, включая 11-месячный льготный период, за счет средств, предусмотренных для оказания государственной поддержки плодоовощной отрасли.
Возложить на Министерство экономики и финансов задачу по обеспечению выделения дополнительной бюджетной ссуды в течение года за счет возвращенных средств по заявке Агентства сельхозуслуг. При этом установить, что общая сумма задолженности по выделенной бюджетной ссуде не должна превышать 200 миллиардов сумов в рамках настоящего постановления.
2. По рекомендации руководителей проектных офисов Агентства сельхозуслуг и помощников хокимов районов (городов) по вопросам развития предпринимательства, обеспечения занятости населения и сокращения бедности в махаллях средства, указанные в пункте 1 настоящего постановления, с направлением Агентством сельхозуслуг коммерческим банкам в качестве ресурса выделяются:
сельскохозяйственным предприятиям — для поставки семян, удобрений, топлива, средств защиты растений для выращивания фруктов, винограда, картофеля, овощей, бахчевых, зелени и лекарственных растений, бобовых и масличных культур (далее — сельскохозяйственные культуры);
предприятиям по переработке, хранению и экспорту продукции — для пополнения оборотных средств, необходимых для закупки производимых сельскохозяйственных культур.
При этом:
кредиты для выращивания сельскохозяйственных культур выделяются в размере до 150 млн сумов без залога;
процентные платежи по кредитам устанавливаются в размере 14 процентов годовых (включая 3 процента банковской маржи), кредиты выделяются сроком до 12 месяцев с льготным периодом до 6 месяцев;
часть до 50 процентов от выделенной суммы кредитных средств по запросу заемщика предоставляется наличными;
средства Фонда развития садоводства и тепличного хозяйства принимаются в качестве залогового обеспечения по выделяемым кредитам.
3. Министерству финансов и Министерству сельского хозяйства обеспечить выделение Агентству сельхозуслуг необходимых средств предварительно за шесть месяцев вперед для целей финансирования затрат по выращиванию сельскохозяйственных культур и поддержки системы их закупок.
4. Определить, что:
а) страховой полис по страхованию риска невозврата кредитных средств или по страхованию урожая от риска может быть принят в качестве залогового обеспечения по кредитам, выделяемым производителям сельскохозяйственных культур, и направлен на погашение кредитов;
б) 50 процентов расходов производителей сельскохозяйственных культур по страхованию урожая покрывается за счет Фонда государственной поддержки сельского хозяйства.
Министерству финансов обеспечить выделение необходимых средств из Государственного бюджета Республики Узбекистан в Фонд государственной поддержки сельского хозяйства в целях покрытия 50 процентов расходов на страхование урожая для производителей сельскохозяйственных культур за 2023 год и последующие годы.
5. Председателю Совета фермерских, дехканских хозяйств и владельцев приусадебных земель Узбекистана А. Хаитову, Председателю Совета Министров Республики Каракалпакстан и хокимам областей:
нести персональную ответственность за сокращение импорта за счет продукции, выращенной на дополнительно выделяемых в текущем году 20 тысячах гектаров посевных площадей и 95 169 гектаров — в 2023 году;
обеспечить доведение в 2022-2023 годах площадей под выращивание продовольственной продукции до 300 тысяч гектаров. При этом размещение посевов на землях, предназначенных для выращивания продовольственной продукции, определяется Министерством сельского хозяйства.
6. Министерству сельского хозяйства (А. Воитов), Совету фермерских, дехканских хозяйств и владельцев приусадебных земель Узбекистана (А. Хаитов) совместно с Председателем Совета Министров Республики Каракалпакстан, хокимами областей, районов (городов) принять меры по:
проведению полевых ярмарок и размещению посевов на земельных площадях по принципу «один контур — один продукт» с поставкой на места урожайных сортов семян и рассады, удобрений и средств защиты растений;
заключению договоров о гарантированной закупке сельскохозяйственной продукции.
7. Мультимедийному центру при Министерстве сельского хозяйства в целях информирования широкой общественности о проводимых реформах, достижениях и результатах в плодоовощной отрасли обеспечить выполнение следующих задач:
повышение знаний и навыков владельцев фермерских, дехканских хозяйств, приусадебных земель и населения в плодоовощной отрасли с помощью медиапродуктов (ролик, передача, репортаж, интервью и различные слайды);
организация телепередач по повышению интереса населения к предпринимательству в сфере сельского хозяйства, изучающих увеличение его доходов за счет эффективного использования земли и ресурсов;
широкое информирование населения о новшествах, положительном опыте в сфере сельского хозяйства, а также о спросе на продовольственную продукцию и происходящих изменениях;
популяризация передового мирового опыта в области сельского хозяйства на территории республики.
8. Заместителю Премьер-министра Ж.А. Ходжаеву и министру сельского хозяйства А.Б. Воитову выделить 10 млн долларов США по ставке 2 процента годовых в Фонд развития садоводства и тепличного хозяйства сроком на 2 года, включая 12-месячный льготный период, из средств Фонда поддержки экспорта на пополнение оборотных средств предприятий по производству, переработке, хранению и экспорту экспортоориентированной сельскохозяйственной продукции.
9. Совету Министров Республики Каракалпакстан и хокимиятам областей совместно с Министерством сельского хозяйства (А. Воитов) и Советом фермерских, дехканских хозяйств и владельцев приусадебных земель Узбекистана (А. Хаитов) провести в каждом регионе презентации и семинары по разъяснению сути и содержания настоящего постановления.
10. Агентству информации и массовых коммуникаций (А. Ходжаев), Национальной телерадиокомпании Узбекистана (А. Хаджаев), Национальному информационному агентству Узбекистана (А. Кучимов) совместно с Министерством сельского хозяйства (А. Воитов) обеспечить широкое освещение в средствах массовой информации сути и содержания, целей и задач настоящего постановления.
11. Счетной палате (Б. Турабов) совместно с Государственной инспекцией финансового контроля при Министерстве финансов установить постоянный контроль за своевременным выделением и целевым расходованием средств, предусмотренных настоящим постановлением.
12. Внести изменения и дополнения в некоторые постановления Президента Республики Узбекистан согласно приложению .
13. Министерству сельского хозяйства совместно с заинтересованными министерствами и ведомствами в двухмесячный срок внести в Кабинет Министров предложения о внесении изменений и дополнений в акты законодательства, вытекающих из настоящего постановления.
14. Возложить на министра сельского хозяйства А.Б. Воитова, директора Агентства сельхозуслуг Х.М. Каримова, директора Агентства по работе махаллабай и развитию предпринимательства М.М. Убайдуллаева, Председателя Совета Министров Республики Каракалпакстан и хокимов областей персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Ш.М. Ганиева.
ПРИЛОЖЕНИЕ к постановлению Президента Республики Узбекистан от 6 октября 2022 года № ПП-387
Изменение и дополнение, вносимые в некоторые постановления Президента Республики Узбекистан
1. В абзаце первом пункта 2 постановления Президента Республики Узбекистан от 15 декабря 2021 года № ПП-52 «О мерах по государственной поддержке сферы плодоовощеводства, дальнейшему развитию системы кластера и кооперации в отрасли» слова «1,7 триллиона сумов» заменить словами «1,4 триллиона сумов».
2. Абзац второй пункта 1 постановления Президента Республики Узбекистан от 27 апреля 2022 года № ПП-225 «О мерах по совершенствованию системы финансирования расходов на производство сельскохозяйственной продукции и ее закупок» дополнить словами «в рамках настоящего постановления».
Президент Республики Узбекистан Ш. МИРЗИЁЕВ
г. Ташкент,
6 октября 2022 г.,
№ ПП-387