📅 2022-yil 12-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 12 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 октября 2022 г. · Постановления Президента
Официальный текст. Официальный документ. Редакционные примечания не включены.
📅 12 October 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ногиронлиги бўлган шахслар жамиятларига тегишли ташкилотларни давлат томонидан қўллаб-қувватлаш ҳамда ногиронлиги бўлган шахсларнинг бандлигига кўмаклашишга оид қўшимча чора-тадбирлар тўғрисида
Ногиронлиги бўлган шахсларнинг ҳаёт сифати ва ижтимоий фаоллигини янада ошириш, ногиронлиги бўлган шахсларнинг жамоат бирлашмаларига қарашли юридик шахсларни давлат томонидан қўллаб-қувватлашнинг самарали тизимини шакллантириш бўйича тизимли ишларни изчил давом эттириш мақсадида:
1. Ўзбекистон Республикаси Президентининг 2022 йил 15 апрелдаги ПҚ-208-сон қарорининг 2-бандида бюджет буюртмачилари учун назарда тутилган чекловлар Электрон кооперация порталида рўйхатдан ўтган, ходимлари умумий сонининг камида 50 фоизи ушбу ташкилотда камида олти ойдан буён меҳнат фаолиятини олиб бораётган ногиронлиги бўлган шахслардан иборат ва ногиронлиги бўлган шахслар меҳнатига ҳақ тўлаш фонди умумий меҳнатга ҳақ тўлаш фондининг камида 50 фоизини ташкил этадиган юридик шахслар (кейинги ўринларда — юридик шахслар) ва ногиронлиги бўлган якка тартибдаги тадбиркорлар томонидан ишлаб чиқариладиган товарларни ёки кўрсатиладиган хизматларни харид қилишга нисбатан татбиқ этилмаслиги белгилаб қўйилсин.
2. Вазирлар Маҳкамаси бир ой муддатда Қорақалпоғистон Республикаси, вилоятлар ва Тошкент шаҳрида ягона иштирокчиси ногиронлиги бўлган шахсларнинг жамоат бирлашмалари ҳисобланган юридик шахслар томонидан ишлаб чиқариладиган маҳсулотларнинг кўргазма ярмаркасини доимий тарзда ўтказиш графикларини тасдиқласин.
Савдо-саноат палатаси Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда икки ҳафта муддатда ҳудудларда кўргазма ярмаркасини ўтказиш учун зарур павильонларни аниқласин ва Вазирлар Маҳкамасига ахборот киритсин. Бунда:
ҳудудларда кўргазма ярмаркасини ўтказиш учун зарур павильонлар бепул тарзда ажратилади;
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари мазкур кўргазма ярмаркаларини ташкил этиш ва ўтказиш учун масъул ҳисобланади.
3. Давлат буюртмачиларига ўз эҳтиёжидан келиб чиқиб, кўргазма ярмаркалари давомида юридик шахслар ва ногиронлиги бўлган якка тартибдаги тадбиркорлар билан улар томонидан ишлаб чиқариладиган товарларни ёки кўрсатиладиган хизматларни уч йилгача муддат давомида кафолатли харид қилишни назарда тутувчи шартномалар тузиш ҳуқуқи берилсин.
4. Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳри ҳокимларининг ишлаб чиқаришни маҳаллийлаштириш ва саноатда кооперация алоқаларини кенгайтириш масалалари бўйича ёрдамчилари ўз ҳудудида фаолият юритаётган , юридик шахслар ва ногиронлиги бўлган якка тартибдаги тадбиркорлар томонидан ишлаб чиқарилаётган товарларнинг ёки кўрсатиладиган хизматларнинг ҳажми ва техник параметрлари тўғрисидаги ахборотларни Электрон кооперация порталига жойлаштирсин ва мунтазам равишда янгилаб борсин.
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари доимий тарзда ўз ҳудудида тадбиркорлик субъектлари учун ўтказиладиган кўргазма ярмаркаси доирасида юридик шахслар ва ногиронлиги бўлган якка тартибдаги тадбиркорларнинг ўз товарлари билан иштирок этишини таъминласин.
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари мазкур бандда белгиланган вазифалар ўз муддатида ва сифатли бажарилиши ҳамда юридик шахслар ва ногиронлиги бўлган якка тартибдаги тадбиркорларнинг фаолиятига кўмаклашиш ва ногиронлиги бўлган шахсларни қўллаб-қувватлаш юзасидан шахсан жавобгар эканликлари белгилаб қўйилсин, шунингдек, амалга оширилган ишлар юзасидан ҳар чорак якуни бўйича Вазирлар Маҳкамасига маълумот киритиб борсин.
5. Камбағалликни қисқартириш ва бандлик вазирлиги ҳамда Иқтисодиёт ва молия вазирлигининг қуйидаги таклифлари маъқуллансин:
а) ходимлари умумий сонининг камида 25 фоизи, бироқ камида 4 нафари ушбу ташкилотда камида олти ойдан буён меҳнат фаолиятини олиб бораётган ногиронлиги бўлган шахслардан иборат ва ногиронлиги бўлган шахслар меҳнатига ҳақ тўлаш фонди умумий меҳнатга ҳақ тўлаш фондининг камида 25 фоизини ташкил этадиган юридик шахслар, шунингдек, камида олти ойдан буён фаолият юритаётган ногиронлиги бўлган якка тартибдаги тадбиркорлар ҳамда улар томонидан ишлаб чиқариладиган товарларнинг ёки кўрсатиладиган хизматларнинг ягона реестри (кейинги ўринларда — Реестр) юритилишини ташкил этиш. Бунда:
Реестр Камбағалликни қисқартириш ва бандлик вазирлигининг расмий веб-сайтида ва Ягона интерактив давлат хизматлари порталида юритилади ҳамда ҳар ой якунида янгилаб борилади;
ходимлари умумий сонининг камида 25 фоизи, бироқ камида 4 нафари ушбу ташкилотда олти ойдан ортиқ муддатда меҳнат фаолиятини давом эттириб келаётган ногиронлиги бўлган шахслардан иборат бўлмаса ёки ногиронлиги бўлган шахслар меҳнатига ҳақ тўлаш фонди умумий меҳнатга ҳақ тўлаш фондининг камида 25 фоизини ташкил этмаса, ушбу юридик шахслар Реестрдан автоматик тарзда чиқарилади;
юридик шахслар ва якка тартибдаги тадбиркорлар Реестрга кириш учун Ягона интерактив давлат хизматлари портали орқали ёки давлат хизматлари марказларига келган ҳолда мурожаат қилади;
б) тадбиркорлик субъектлари томонидан иш ўринлари ва шароитларни ногиронлиги бўлган шахсларга мослаштириш харажатларини қоплаш учун субсидия ажратишда ногиронлиги бўлган шахслар банд бўлган иш ўринларининг меҳнат шароитлари юзасидан давлат экспертизаси хулосасини талаб қилиш тартибини бекор қилиш.
6. Белгилансинки, давлат харидлари доирасида Соғлиқни сақлаш вазирлиги, Мактабгача ва мактаб таълими вазирлиги, Ижтимоий ҳимоя миллий агентлиги ҳамда уларнинг таркибига кирувчи ташкилотлар ва бошқа давлат буюртмачилари ўз эҳтиёжларидан келиб чиқиб режа-жадвалларидаги харид предмети ҳажмининг камида 10 фоизи миқдорида жойлашган ҳудуди бўйича тегишлича Реестрга киритилган Қорақалпоғистон Республикаси, вилоятлар ва Тошкент шаҳридаги корхоналар ва ногиронлиги бўлган якка тартибдаги тадбиркорлар томонидан ишлаб чиқариладиган товарлар ёки кўрсатиладиган хизматларни шартнома асосида сотиб олади.
Бунда, барча давлат буюртмачилари Реестрдаги юридик шахслар ва ногиронлиги бўлган якка тартибдаги тадбиркорлардан харид қилинган товарлар ёки кўрсатиладиган хизматлар тўғрисидаги маълумотларни ўзининг ёки юқори турувчи ташкилотларнинг расмий веб-сайтида доимий равишда жойлаштириб боради.
7. Рақамли трансформация маркази бир ой муддатда Электрон кооперация порталида рўйхатдан ўтган ҳамда Реестрда мавжуд бўлган юридик шахслар ва ногиронлиги бўлган якка тартибдаги тадбиркорлар томонидан ишлаб чиқарилаётган товарлар ёки кўрсатиладиган хизматлар тўғрисидаги маълумотларни акс эттирувчи бўлимни ишга туширсин.
Бунда, ушбу бўлимдан фойдаланган ҳолда давлат буюртмачиларига юридик шахслар ва ногиронлиги бўлган якка тартибдаги тадбиркорлар билан улар томонидан ишлаб чиқарилган маҳсулотларни харид қилиш бўйича электрон тарзда (воситачилик йиғими ундирилмаган ҳолда) тўғридан-тўғри шартномалар тузиш имконияти яратилади.
8. Ўзбекистон ногиронлар ассоциацияси, Ўзбекистон кўзи ожизлар жамияти, Ўзбекистон ногиронлар жамияти ҳамда Ўзбекистон карлар жамиятининг 2022 йил давомида тажриба тариқасида Нукус ва Тошкент шаҳарларида ҳамда 2023 йилдан бошлаб қолган ҳудудларда ногиронлиги бўлган шахсларнинг бандлигига кўмаклашиш, уларни касб-ҳунарга ўқитиш, маданият, санъат, спортга оид қизиқишларини қўллаб-қувватлаш мақсадида «Имкониятлар маркази» фаолиятини ташкил этиш тўғрисидаги ташаббуси қўллаб-қувватлансин.
Белгилансинки, «Имкониятлар маркази»:
ногиронлиги бўлган шахслар ва иш берувчилар ўртасида мулоқот ўтказиш ҳамда ногиронлиги бўлган шахсларнинг ҳуқуқлари ва қонуний манфаатларини ҳимоя қилиш майдони сифатида фаолият юритади;
ногиронлиги бўлган шахслар билан дастлабки суҳбатлар ўтказиб, уларнинг қизиқишидан келиб чиққан ҳолда касб-ҳунарга ўқитишга кўмаклашади.
Бандлик ва меҳнат муносабатлари вазирлиги (Н. Хусанов) «Имкониятлар маркази» фаолиятини ташкил этиш учун Нукус туманидаги Кердер саноат транспорт касб-ҳунар коллежи ва Тошкент шаҳрининг Учтепа туманидаги «Ишга марҳамат» мономарказидан зарур хоналар ажратсин.
9. Ўзбекистон ногиронлар ассоциацияси, Ўзбекистон кўзи ожизлар жамияти, Ўзбекистон ногиронлар жамияти ҳамда Ўзбекистон карлар жамиятининг талабномаларига асосан Транспорт вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда ягона иштирокчиси ногиронлиги бўлган шахсларнинг жамоат бирлашмалари ҳисобланган юридик шахсларнинг жойлашувидан келиб чиқиб, мавжуд жамоат транспорти йўналишларига ўзгартиришлар киритиш ёки янгиларини ташкил этиш чораларини кўрсин.
10. Ахборот ва оммавий коммуникациялар агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси манфаатдор вазирлик ва идоралар билан биргаликда мунтазам равишда юридик шахслар фаолияти ҳамда улар томонидан ишлаб чиқариладиган товарлар ёки кўрсатиладиган хизматлар, шунингдек, ушбу қарорнинг мазмун ва моҳияти оммавий ахборот воситаларида ҳамда Интернет тармоғида кенг ёритиб борилишини таъминласин.
11. Бандлик ва меҳнат муносабатлари вазирлиги икки ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил қилишга масъул ва шахсий жавобгар этиб бандлик ва меҳнат муносабатлари вазири Н.Б. Хусанов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Амалга оширилаётган чора-тадбирлар натижадорлиги юзасидан ҳар чоракда Ўзбекистон Республикаси Президентига ахборот бериб борилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 12 октябрь,
ПҚ-390-сон
Oʻzbekiston Respublikasi Prezidentining
qarori
Nogironligi boʻlgan shaxslar jamiyatlariga tegishli tashkilotlarni davlat tomonidan qoʻllab-quvvatlash hamda nogironligi boʻlgan shaxslarning bandligiga koʻmaklashishga oid qoʻshimcha chora-tadbirlar toʻgʻrisida
Nogironligi boʻlgan shaxslarning hayot sifati va ijtimoiy faolligini yanada oshirish, nogironligi boʻlgan shaxslarning jamoat birlashmalariga qarashli yuridik shaxslarni davlat tomonidan qoʻllab-quvvatlashning samarali tizimini shakllantirish boʻyicha tizimli ishlarni izchil davom ettirish maqsadida:
1. Oʻzbekiston Respublikasi Prezidentining 2022-yil 15-apreldagi PQ-208-son qarorining 2-bandida budjet buyurtmachilari uchun nazarda tutilgan cheklovlar Elektron kooperatsiya portalida roʻyxatdan oʻtgan, xodimlari umumiy sonining kamida 50 foizi ushbu tashkilotda kamida olti oydan buyon mehnat faoliyatini olib borayotgan nogironligi boʻlgan shaxslardan iborat va nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 50 foizini tashkil etadigan yuridik shaxslar (keyingi oʻrinlarda — yuridik shaxslar) va nogironligi boʻlgan yakka tartibdagi tadbirkorlar tomonidan ishlab chiqariladigan tovarlarni yoki koʻrsatiladigan xizmatlarni xarid qilishga nisbatan tatbiq etilmasligi belgilab qoʻyilsin.
2. Vazirlar Mahkamasi bir oy muddatda Qoraqalpogʻiston Respublikasi, viloyatlar va Toshkent shahrida yagona ishtirokchisi nogironligi boʻlgan shaxslarning jamoat birlashmalari hisoblangan yuridik shaxslar tomonidan ishlab chiqariladigan mahsulotlarning koʻrgazma yarmarkasini doimiy tarzda oʻtkazish grafiklarini tasdiqlasin.
Savdo-sanoat palatasi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda ikki hafta muddatda hududlarda koʻrgazma yarmarkasini oʻtkazish uchun zarur pavilyonlarni aniqlasin va Vazirlar Mahkamasiga axborot kiritsin. Bunda:
hududlarda koʻrgazma yarmarkasini oʻtkazish uchun zarur pavilyonlar bepul tarzda ajratiladi;
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari mazkur koʻrgazma yarmarkalarini tashkil etish va oʻtkazish uchun masʼul hisoblanadi.
3. Davlat buyurtmachilariga oʻz ehtiyojidan kelib chiqib, koʻrgazma yarmarkalari davomida yuridik shaxslar va nogironligi boʻlgan yakka tartibdagi tadbirkorlar bilan ular tomonidan ishlab chiqariladigan tovarlarni yoki koʻrsatiladigan xizmatlarni uch yilgacha muddat davomida kafolatli xarid qilishni nazarda tutuvchi shartnomalar tuzish huquqi berilsin.
4. Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha yordamchilari oʻz hududida faoliyat yuritayotgan , yuridik shaxslar va nogironligi boʻlgan yakka tartibdagi tadbirkorlar tomonidan ishlab chiqarilayotgan tovarlarning yoki koʻrsatiladigan xizmatlarning hajmi va texnik parametrlari toʻgʻrisidagi axborotlarni Elektron kooperatsiya portaliga joylashtirsin va muntazam ravishda yangilab borsin.
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari doimiy tarzda oʻz hududida tadbirkorlik subyektlari uchun oʻtkaziladigan koʻrgazma yarmarkasi doirasida yuridik shaxslar va nogironligi boʻlgan yakka tartibdagi tadbirkorlarning oʻz tovarlari bilan ishtirok etishini taʼminlasin.
Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari mazkur bandda belgilangan vazifalar oʻz muddatida va sifatli bajarilishi hamda yuridik shaxslar va nogironligi boʻlgan yakka tartibdagi tadbirkorlarning faoliyatiga koʻmaklashish va nogironligi boʻlgan shaxslarni qoʻllab-quvvatlash yuzasidan shaxsan javobgar ekanliklari belgilab qoʻyilsin, shuningdek, amalga oshirilgan ishlar yuzasidan har chorak yakuni boʻyicha Vazirlar Mahkamasiga maʼlumot kiritib borsin.
5. Kambagʻallikni qisqartirish va bandlik vazirligi hamda Iqtisodiyot va moliya vazirligining quyidagi takliflari maʼqullansin:
a) xodimlari umumiy sonining kamida 25 foizi, biroq kamida 4 nafari ushbu tashkilotda kamida olti oydan buyon mehnat faoliyatini olib borayotgan nogironligi boʻlgan shaxslardan iborat va nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 25 foizini tashkil etadigan yuridik shaxslar, shuningdek, kamida olti oydan buyon faoliyat yuritayotgan nogironligi boʻlgan yakka tartibdagi tadbirkorlar hamda ular tomonidan ishlab chiqariladigan tovarlarning yoki koʻrsatiladigan xizmatlarning yagona reyestri (keyingi oʻrinlarda — Reyestr) yuritilishini tashkil etish. Bunda:
Reyestr Kambagʻallikni qisqartirish va bandlik vazirligining rasmiy veb-saytida va Yagona interaktiv davlat xizmatlari portalida yuritiladi hamda har oy yakunida yangilab boriladi;
xodimlari umumiy sonining kamida 25 foizi, biroq kamida 4 nafari ushbu tashkilotda olti oydan ortiq muddatda mehnat faoliyatini davom ettirib kelayotgan nogironligi boʻlgan shaxslardan iborat boʻlmasa yoki nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 25 foizini tashkil etmasa, ushbu yuridik shaxslar Reyestrdan avtomatik tarzda chiqariladi;
yuridik shaxslar va yakka tartibdagi tadbirkorlar Reyestrga kirish uchun Yagona interaktiv davlat xizmatlari portali orqali yoki davlat xizmatlari markazlariga kelgan holda murojaat qiladi;
b) tadbirkorlik subyektlari tomonidan ish oʻrinlari va sharoitlarni nogironligi boʻlgan shaxslarga moslashtirish xarajatlarini qoplash uchun subsidiya ajratishda nogironligi boʻlgan shaxslar band boʻlgan ish oʻrinlarining mehnat sharoitlari yuzasidan davlat ekspertizasi xulosasini talab qilish tartibini bekor qilish.
6. Belgilansinki, davlat xaridlari doirasida Sogʻliqni saqlash vazirligi, Maktabgacha va maktab taʼlimi vazirligi, Ijtimoiy himoya milliy agentligi hamda ularning tarkibiga kiruvchi tashkilotlar va boshqa davlat buyurtmachilari oʻz ehtiyojlaridan kelib chiqib reja-jadvallaridagi xarid predmeti hajmining kamida 10 foizi miqdorida joylashgan hududi boʻyicha tegishlicha Reyestrga kiritilgan Qoraqalpogʻiston Respublikasi, viloyatlar va Toshkent shahridagi korxonalar va nogironligi boʻlgan yakka tartibdagi tadbirkorlar tomonidan ishlab chiqariladigan tovarlar yoki koʻrsatiladigan xizmatlarni shartnoma asosida sotib oladi.
Bunda, barcha davlat buyurtmachilari Reyestrdagi yuridik shaxslar va nogironligi boʻlgan yakka tartibdagi tadbirkorlardan xarid qilingan tovarlar yoki koʻrsatiladigan xizmatlar toʻgʻrisidagi maʼlumotlarni oʻzining yoki yuqori turuvchi tashkilotlarning rasmiy veb-saytida doimiy ravishda joylashtirib boradi.
7. Raqamli transformatsiya markazi bir oy muddatda Elektron kooperatsiya portalida roʻyxatdan oʻtgan hamda Reyestrda mavjud boʻlgan yuridik shaxslar va nogironligi boʻlgan yakka tartibdagi tadbirkorlar tomonidan ishlab chiqarilayotgan tovarlar yoki koʻrsatiladigan xizmatlar toʻgʻrisidagi maʼlumotlarni aks ettiruvchi boʻlimni ishga tushirsin.
Bunda, ushbu boʻlimdan foydalangan holda davlat buyurtmachilariga yuridik shaxslar va nogironligi boʻlgan yakka tartibdagi tadbirkorlar bilan ular tomonidan ishlab chiqarilgan mahsulotlarni xarid qilish boʻyicha elektron tarzda (vositachilik yigʻimi undirilmagan holda) toʻgʻridan-toʻgʻri shartnomalar tuzish imkoniyati yaratiladi.
8. Oʻzbekiston nogironlar assotsiatsiyasi, Oʻzbekiston koʻzi ojizlar jamiyati, Oʻzbekiston nogironlar jamiyati hamda Oʻzbekiston karlar jamiyatining 2022-yil davomida tajriba tariqasida Nukus va Toshkent shaharlarida hamda 2023-yildan boshlab qolgan hududlarda nogironligi boʻlgan shaxslarning bandligiga koʻmaklashish, ularni kasb-hunarga oʻqitish, madaniyat, sanʼat, sportga oid qiziqishlarini qoʻllab-quvvatlash maqsadida “Imkoniyatlar markazi” faoliyatini tashkil etish toʻgʻrisidagi tashabbusi qoʻllab-quvvatlansin.
Belgilansinki, “Imkoniyatlar markazi”:
nogironligi boʻlgan shaxslar va ish beruvchilar oʻrtasida muloqot oʻtkazish hamda nogironligi boʻlgan shaxslarning huquqlari va qonuniy manfaatlarini himoya qilish maydoni sifatida faoliyat yuritadi;
nogironligi boʻlgan shaxslar bilan dastlabki suhbatlar oʻtkazib, ularning qiziqishidan kelib chiqqan holda kasb-hunarga oʻqitishga koʻmaklashadi.
Bandlik va mehnat munosabatlari vazirligi (N. Xusanov) “Imkoniyatlar markazi” faoliyatini tashkil etish uchun Nukus tumanidagi Kerder sanoat transport kasb-hunar kolleji va Toshkent shahrining Uchtepa tumanidagi “Ishga marhamat” monomarkazidan zarur xonalar ajratsin.
9. Oʻzbekiston nogironlar assotsiatsiyasi, Oʻzbekiston koʻzi ojizlar jamiyati, Oʻzbekiston nogironlar jamiyati hamda Oʻzbekiston karlar jamiyatining talabnomalariga asosan Transport vazirligi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda yagona ishtirokchisi nogironligi boʻlgan shaxslarning jamoat birlashmalari hisoblangan yuridik shaxslarning joylashuvidan kelib chiqib, mavjud jamoat transporti yoʻnalishlariga oʻzgartirishlar kiritish yoki yangilarini tashkil etish choralarini koʻrsin.
10. Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi manfaatdor vazirlik va idoralar bilan birgalikda muntazam ravishda yuridik shaxslar faoliyati hamda ular tomonidan ishlab chiqariladigan tovarlar yoki koʻrsatiladigan xizmatlar, shuningdek, ushbu qarorning mazmun va mohiyati ommaviy axborot vositalarida hamda Internet tarmogʻida keng yoritib borilishini taʼminlasin.
11. Bandlik va mehnat munosabatlari vazirligi ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil qilishga masʼul va shaxsiy javobgar etib bandlik va mehnat munosabatlari vaziri N.B. Xusanov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorakda Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 12-oktabr,
PQ-390-son
Президента Республики Узбекистан
Постановление
O дополнительных мерах по государственной поддержке организаций, относящихся к обществам лиц с инвалидностью, а также оказанию содействия занятости лиц с инвалидностью
В целях последовательного продолжения системной работы по дальнейшему повышению качества жизни и социальной активности лиц с инвалидностью, а также формированию эффективной системы государственной поддержки юридических лиц, относящихся к общественным объединениям лиц с инвалидностью:
1. Установить, что ограничения, предусмотренные для бюджетных заказчиков пунктом 2 постановления Президента Республики Узбекистан от 15 апреля 2022 года № ПП-208, не распространяются на приобретение произведенных товаров и услуг, оказываемых юридическими лицами, прошедшими регистрацию на Электронном кооперационном портале, в общей численности работников которых лица с инвалидностью, осуществляющие трудовую деятельность в данной организации не менее шести месяцев, составляют не менее 50 процентов и фонд оплаты труда лиц с инвалидностью составляет не менее 50 процентов от общего фонда оплаты труда (далее — юридические лица), а также индивидуальными предпринимателями с инвалидностью.
2. Кабинету Министров в месячный срок утвердить графики регулярного проведения выставок-ярмарок продукции, произведенной юридическими лицами, единственным участником которых являются общественные объединения лиц с инвалидностью, в Республике Каракалпакстан, областях и городе Ташкенте.
Торгово-промышленной палате совместно с Советом Министров Республики Каракалпакстан, хокимиятами областей и города Ташкента в двухнедельный срок определить павильоны, необходимые для проведения выставок-ярмарок в регионах, и внести информацию в Кабинет Министров. При этом:
павильоны, необходимые для проведения выставок-ярмарок в регионах, выделяются на безвозмездной основе;
Совет Министров Республики Каракалпакстан, хокимияты областей и города Ташкента несут ответственность за организацию и проведение указанных выставок-ярмарок.
3. Предоставить государственным заказчикам исходя из их потребностей право на заключение с юридическими лицами и индивидуальными предпринимателями с инвалидностью договоров, предусматривающих гарантированное приобретение в период до трех лет произведенных ими товаров или оказываемых услуг, во время выставок-ярмарок.
4. Помощникам Председателя Совета Министров Республики Каракалпакстан, хокимов областей и города Ташкента по вопросам локализации производства и расширения кооперационных связей в промышленности разместить и регулярно обновлять на Электронном кооперационном портале данные об объеме и технических параметрах производимых товаров или оказываемых услуг юридическими лицами и индивидуальными предпринимателями с инвалидностью, осуществляющими деятельность на их территории.
Совету Министров Республики Каракалпакстан, хокимиятам областей и города Ташкента обеспечить регулярное участие со своими товарами юридических лиц и индивидуальных предпринимателей с инвалидностью в выставках-ярмарках, проводимых для субъектов предпринимательства на их территории.
Определить, что Председатель Совета Министров Республики Каракалпакстан, хокимы областей и города Ташкента несут персональную ответственность за своевременное и качественное выполнение задач, установленных настоящим пунктом, оказание содействия в деятельности юридических лиц и индивидуальных предпринимателей с инвалидностью и поддержку лиц с инвалидностью, а также внесение в Кабинет Министров информации о проведенной работе по итогам каждого квартала.
5. Одобрить следующие предложения Министерства занятости и сокращения бедности, Министерства экономики и финансов, предусматривающие:
а) организацию ведения единого реестра юридических лиц, в общей численности работников которых лица с инвалидностью, осуществляющие трудовую деятельность в данной организации не менее шести месяцев, составляют не менее 25 процентов (не менее 4 человек) и фонд оплаты труда лиц с инвалидностью составляет не менее 25 процентов от общего фонда оплаты труда, а также индивидуальных предпринимателей с инвалидностью, осуществляющих деятельность не менее шести месяцев, и производимых ими товаров и оказываемых услуг (далее — Реестр). При этом:
Реестр ведется на официальном веб-сайте Министерства занятости и сокращения бедности и Едином портале интерактивных государственных услуг и обновляется по итогам каждого месяца;
юридические лица, в общей численности работников которых лица с инвалидностью, осуществляющие трудовую деятельность в данной организации не менее шести месяцев, составляют менее 25 процентов (менее 4 человек) или фонд оплаты труда лиц с инвалидностью составляет менее 25 процентов от общего фонда оплаты труда, автоматически исключаются из Реестра;
юридические лица и индивидуальные предприниматели для входа в Реестр обращаются через Единый портал интерактивных государственных услуг или посещают центры государственных услуг;
б) отмену порядка истребования заключения государственной экспертизы условий труда рабочих мест, на которых заняты лица с инвалидностью, при выделении субсидий для покрытия расходов субъектов предпринимательства на приспособление рабочих мест и условий труда к потребностям лиц с инвалидностью.
6. Установить, что в рамках государственных закупок Министерство здравоохранения, Министерство дошкольного и школьного образования, Национальное агентство социальной защиты и организации, входящие в их состав, а также иные государственные заказчики исходя из своих потребностей приобретают на договорной основе производимые товары или оказываемые услуги предприятиями в Республике Каракалпакстан, областях и городе Ташкенте, соответственно включенных в Реестр по месту своей дислокации, а также индивидуальными предпринимателями с инвалидностью, в размере не менее 10 процентов объема предмета закупки в их планах-графиках.
При этом все государственные заказчики регулярно размещают на своем или на официальном веб-сайте вышестоящих организаций информацию о товарах или оказываемых услугах, закупленных у юридических лиц и индивидуальных предпринимателей с инвалидностью из Реестра.
7. Центру цифровой трансформации в месячный срок запустить раздел, отображающий сведения о производимых товарах или оказываемых услугах юридическими лицами и индивидуальными предпринимателями с инвалидностью, зарегистрированными на Электронном кооперационном портале и находящимися в Реестре.
При этом с использованием данного раздела для государственных заказчиков создается возможность электронного (без взимания комиссионного сбора) заключения прямых договоров с юридическими лицами и индивидуальными предпринимателями с инвалидностью по приобретению произведенной ими продукции.
8. Поддержать инициативу Ассоциации инвалидов Узбекистана, Общества слепых Узбекистана, Общества инвалидов Узбекистана и Общества глухих Узбекистана об организации деятельности «Центра возможностей» по оказанию содействия занятости, обучению профессиям и поддержке интереса к культуре, искусству и спорту лиц с инвалидностью в порядке эксперимента в 2022 году — в городах Ташкенте и Нукусе, с 2023 года — в остальных регионах страны.
Определить, что «Центр возможностей»:
осуществляет свою деятельность в качестве площадки для диалога лиц с инвалидностью и работодателей, а также защиты прав и законных интересов лиц с инвалидностью;
проводит предварительную беседу с лицами с инвалидностью и исходя из их интересов оказывает им содействие в обучении профессиям.
Министерству занятости и трудовых отношений (Н. Хусанов) в целях организации деятельности «Центра возможностей» выделить необходимые кабинеты в Кердерском профессиональном колледже промышленности и транспорта Нукусского района и моноцентре «Ишга мархамат» Учтепинского района города Ташкента.
9. Министерству транспорта совместно с Советом Министров Республики Каракалпакстан, хокимиятами областей и города Ташкента на основании заявок Ассоциации инвалидов Узбекистана, Общества слепых Узбекистана, Общества инвалидов Узбекистана и Общества глухих Узбекистана исходя из дислокации юридических лиц, единственным участником которых являются общественные объединения лиц с инвалидностью, принять меры по внесению изменений в действующие либо организации новых маршрутов общественного транспорта.
10. Агентству информации и массовых коммуникаций, Национальному информационному агентству Узбекистана, Национальной телерадиокомпании Узбекистана совместно с заинтересованными министерствами и ведомствами обеспечить регулярное широкое освещение деятельности юридических лиц и производимых ими товаров или оказываемых услуг, а также сути и содержания настоящего постановления в средствах массовой информации и сети Интернет.
11. Министерству занятости и трудовых отношений совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра занятости и трудовых отношений Н.Б. Хусанова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на заместителя Премьер-министра Д.А. Кучкарова.
О результативности осуществляемых мер информировать Президента Республики Узбекистан ежеквартально.
Президент Республики Узбекистан Ш. МИРЗИЁЕВ
г. Ташкент,
12 октября 2022 г.,
№ ПП-390