📅 2022-yil 12-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 12 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 октября 2022 г. · Постановления Президента
Официальный текст. Официальный документ. Редакционные примечания не включены.
📅 12 October 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ПРОГНОЗ КЎРСАТКИЧЛАРИ*
Сув таъминоти оғир бўлган ҳудудлардаги аҳоли томорқа ерлари ва деҳқон хўжаликларини сув билан кафолатли таъминлаш мақсадида Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида
Сўнгги йилларда камбағалликни қисқартириш учун аҳолини қўшимча даромад манбаи билан таъминлаш, аҳолининг томорқа ерларидан самарали фойдаланиш, бозорларда озиқ-овқат маҳсулотларини кўпайтириш ва нарх-наво барқарорлигини сақлаш бўйича изчил ислоҳотлар амалга оширилди.
Шу билан бирга, аҳолининг даромад топишга қаратилган тадбиркорлик ташаббусларини молиявий қўллаб-қувватлаш, қишлоқ хўжалиги маҳсулотларини етиштиришда деҳқон хўжаликларининг улушини ошириш, мева-сабзавотчилик тармоғидаги имкониятларни янада кенгайтириш мақсадида пахта ва ғалла майдонлари қисқартирилиб, фуқароларга деҳқон хўжалигини юритиш учун 0,15 гектардан 2 гектаргача бўлган ўлчамлардаги ер майдонларини очиқ электрон танлов орқали 30 йилга ижарага бериш тизими жорий этилди.
Сув таъминоти оғир бўлган ҳудудларда жойлашган аҳоли томорқа ерлари ва деҳқон хўжаликларини сув билан барқарор таъминлаш орқали қишлоқ хўжалиги маҳсулотлари етиштириш ҳажмларини ошириш мақсадида, шунингдек, Ўзбекистон Республикаси Президентининг 2021 йил 16 декабрдаги «Томорқадан фойдаланиш самарадорлигини ошириш, шунингдек, аҳолининг тадбиркорлик ташаббусларини молиявий қўллаб-қувватлаш бўйича қўшимча чора-тадбирлар тўғрисида»ги ПҚ-54-сон қарорига мувофиқ:
1. Ўзбекистон Республикаси Президентининг айрим қарорларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
сув таъминоти оғир ҳудудлардаги аҳоли томорқа ерлари, деҳқон хўжаликлари ва фойдаланишдан чиққан майдонларни суғориш учун вертикал суғориш қудуқларини бурғилаш, дарёлар, каналлар ва бошқа сув объектларидан сув чиқариш воситаларини сотиб олиш ва ўрнатиш билан боғлиқ харажатларнинг бир қисмини қоплаш учун Давлат бюджетидан маблағ йўналтириш тартибини 2026 йил 1 январга қадар узайтириш;
Фермер, деҳқон хўжаликлари ва томорқа ер эгаларини қўллаб-қувватлаш жамғармасидан ажратиладиган кредитларни ташаббускорларга лойиҳабай шакллантирилган буюртманомалар асосида тижорат банклари орқали оилавий тадбиркорликни ривожлантириш дастурлари доирасидаги лойиҳаларни молиялаштириш манбаларида назарда тутилган маблағлардан ташқари ва навбатсиз расмийлаштириш;
Фермер, деҳқон хўжаликлари ва томорқа ер эгаларини қўллаб-қувватлаш жамғармасига 2022 йилда жами ажратилган 100 млрд сўм маблағдан келиб чиқиб, сув таъминоти оғир ҳудудлардаги аҳоли томорқа ерлари ва деҳқон хўжаликларини суғориш учун вертикал суғориш қудуқларини ишга туширишнинг прогноз кўрсаткичларини қайта тасдиқлаш.
2. Қишлоқ хўжалиги вазирлиги (К.А. Юлдашев) Ўзбекистон фермер, деҳқон хўжаликлари ва томорқа ер эгалари кенгаши (Т.А. Саттаров), Ахборот технологиялари ва коммуникацияларини ривожлантириш вазирлиги (О.А. Пекось) ҳамда Молия вазирлиги (А.Я. Хайдаров) билан биргаликда 2022 йил 1 ноябрга қадар сув таъминоти оғир бўлган ҳудудлардаги аҳоли томорқа ерлари ва деҳқон хўжаликларини суғориш учун вертикал суғориш қудуқларини бурғилаш, шунингдек, дарёлар, каналлар ва бошқа сув объектларидан сув чиқариш воситаларини сотиб олиш ва ўрнатиш учун субсидия маблағлари ажратишнинг тўлиқ жараёни «Агросубсидия» ахборот тизими орқали амалга оширилишини йўлга қўйсин.
3. Молия вазирлиги томонидан 2022 йилда сув таъминоти оғир маҳаллаларда вертикал суғориш қудуқлари қазиш ва насос ўрнатиш харажатларининг бир қисмини қоплаш учун 2022 йилги Давлат бюджети параметрларида Фермер, деҳқон хўжаликлари ва томорқа ер эгаларини қўллаб-қувватлаш жамғармаси учун кўзда тутилган 50 млрд сўмга қўшимча равишда 50 млрд сўм маблағ ажратилганлиги маълумот учун қабул қилинсин.
4. Мазкур қарорнинг ижросини назорат қилиш Бош вазир ўринбосари Ш.М. Ғаниев зиммасига юклансин.
Ўзбекистон Республикаси Президентининг 2022 йил 12 октябрдаги ПҚ-394-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 26 апрелдаги «Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида»ги ПҚ-3680-сон қарорининг 9-бандида :
а) «б» кичик бандда :
иккинчи хатбошидаги «Микрокредитбанк» АТБ, «Агробанк» АТБ, «Туронбанк» АТБ ҳамда АТ «Халқ банки»га» сўзлари «тижорат банкларига» сўзлари билан алмаштирилсин;
учинчи хатбошидаги «Микрокредитбанк» АТБ, «Агробанк» АТБ, «Туронбанк» АТБ ҳамда Ўзбекистон Республикаси АТ Халқ банкига» сўзлари «тижорат банкларига» сўзлари билан алмаштирилсин;
ўн бешинчи хатбоши қуйидаги таҳрирда баён этилсин:
«Кредитлар тижорат банклари орқали боғдорчилик (кўчатчилик), узумчилик (ток сўриси) ва лимончиликни ташкил этиш, иссиқхона қуриш, қишлоқ хўжалиги техникаси ва асбоб-ускуналарини харид қилиш ҳамда уларни жойлаштириш учун бино ва иншоотлар қуриш, артезиан қудуқларини қазиш учун 3 йилгача имтиёзли давр билан 7 йилгача муддатга, чорвачилик (қорамол, қўй, эчки), балиқчилик, қуёнчилик, асаларичилик, куркачилик ва паррандачилик, биогумус ишлаб чиқариш, «дала дўконлари»ни қуриш ва кўчма музлаткичларни ўрнатиш учун 1 йилгача имтиёзли давр билан 3 йил муддатга берилади»;
қуйидаги мазмундаги ўн олтинчи хатбоши билан тўлдирилсин:
«Жамғарма томонидан аҳолининг, деҳқон хўжаликлари ва фермер хўжаликлари раҳбарлари ва аъзоларининг ҳамда «Томорқа хизмати» МЧЖлар ва ишлаб чиқариш кооперативлари ходимларининг билим ва кўникмаларини ошириш учун ўқув курсларини ташкил этиш билан боғлиқ харажатларни қоплаш учун субсидиялар ажратиш ҳамда ўқув марказлари фаолиятини молиялаштириш тартиби Жамғарманинг Васийлик кенгаши томонидан тасдиқланади»;
б) «в» кичик банд қуйидаги таҳрирда баён этилсин:
«Жамғарма маблағлари ҳисобидан кредитлар ҳудудий фермер, деҳқон хўжаликлари ва томорқа ер эгалари кенгашлари тавсияномасига кўра ҳамда ҳар бир маҳаллага маҳаллабай ишлаш бўйича бириктирилган ҳоким ёрдамчиси томонидан бериладиган тавсиялар асосида ажратилади».
2. Ўзбекистон Республикаси Президентининг 2019 йил 7 мартдаги «Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида»ги ПҚ-4231-сон қарорининг 8-бандидан «2018 йил 26 апрелдаги «Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида«ги ПҚ-3680-сон,» сўзлари чиқариб ташлансин.
3. Ўзбекистон Республикаси Президентининг 2020 йил 30 июндаги «Аҳоли томорқаларидан фойдаланиш самарадорлигини оширишнинг қўшимча чора-тадбирлари тўғрисида»ги ПҚ-4767-сон қарорининг 7-бандида :
а) иккинчи хатбошидаги «ҳар йили 1 апрель ва 1 августга қадар» сўзлари «ҳар йили 1 январь ва 1 июлга қадар» сўзлари билан алмаштирилсин;
б) учинчи хатбоши қуйидаги таҳрирда баён этилсин:
«лойиҳа ташаббускорларига белгиланган тартибда тасдиқланадиган рўйхатга асосан ажратиладиган субсидиялар 2026 йил 1 январга қадар Ўзбекистон Республикаси Давлат бюджетидан, 2026 йил 1 январдан бошлаб Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан молиялаштирилади».
4. Ўзбекистон Республикаси Президентининг 2021 йил 16 декабрдаги «Томорқалардан фойдаланиш самарадорлигини ошириш, шунингдек, аҳолининг тадбиркорлик ташаббусларини молиявий қўллаб-қувватлаш бўйича қўшимча чора-тадбирлар тўғрисида»ги ПҚ-54-сон қарорида :
а) 2-банднинг «б» кичик банди қуйидаги мазмундаги хатбошилар билан тўлдирилсин:
«Мазкур гаровсиз кредитлар қайтмаслиги хавфи ташаббускор ҳисобидан кредит олишдан олдин суғурталанади, ташаббускор томонидан кредит эвазига олинган асосий воситаларга тижорат банки томонидан тақиқ қўйилади.
Жамғарманинг Васийлик кенгаши қарорига асосан «Томорқа хизмати» МЧЖларга 300 миллион сўмгача ажратилган гаровсиз кредит учун Жамғарманинг тижорат банклари томонидан гаровга (депозит) олинган маблағларининг акцептсиз ундирилган қисмини қоплаш мақсадида, маблағларни тижорат банкларига жойлаштиришдан олинадиган Жамғарманинг даромадлари ҳисобидан захира яратилади ҳамда Жамғарманинг тижорат банклари томонидан гаровга (депозит) олинган маблағларининг акцептсиз ундирилган қисми мазкур захира маблағлари ҳисобидан қоплаб борилади»;
б) 3-бандда :
қуйидаги мазмундаги тўртинчи хатбоши билан тўлдирилсин:
«жорий йилда бурғиланган вертикал суғориш қудуқларини ишга тушириш билан боғлиқ харажатларни қоплаш бўйича тегишли ҳужжатлар кейинги йилнинг иккинчи чорагига қадар қабул қилинади ҳамда ушбу харажатлар ҳужжатлар қабул қилинган йил маблағлари ҳисобидан қоплаб берилади»;
тўртинчи — саккизинчи хатбошилар тегишинча бешинчи — тўққизинчи хатбошилар деб ҳисоблансин;
олтинчи хатбошидаги «50 миллиард сўм» сўзларидан кейин «, бундан ташқари сув таъминоти оғир маҳаллаларда қудуқ қазиш ва насос ўрнатиш харажатларининг бир қисмини қоплаш учун 50 миллиард сўм» сўзлари билан тўлдирилсин;
в) 5-банднинг учинчи хатбошиси қуйидаги таҳрирда баён этилсин:
«2022 йилда сув таъминоти оғир ҳудудлардаги аҳоли томорқа ерлари ва деҳқон хўжаликларини суғориш учун вертикал суғориш қудуқларини ишга туширишнинг прогноз кўрсаткичлари 2-иловага мувофиқ тасдиқлансин»;
г) 2-илованинг матни қуйидаги таҳрирда баён этилсин:
«2022 йилда сув таъминоти оғир ҳудудлардаги аҳоли томорқа ерлари ва деҳқон хўжаликларини суғориш учун вертикал суғориш қудуқларини ишга туширишнинг
Т/р Ҳудудлар номи Туманлар сони Маҳаллалар сони Жами қудуқлар сони Шундан: кичик қудуқлар сони катта қудуқлар сони 1. Қорақалпоғистон Республикаси 15 89 337 331 6 2. Андижон вилояти 10 37 54 17 37 3. Бухоро вилояти 7 107 145 42 103 4. Жиззах вилояти 9 64 207 134 73 5. Қашқадарё вилояти 7 104 333 268 65 6. Навоий вилояти 7 112 407 224 183 7. Наманган вилояти 9 68 90 20 70 8. Самарқанд вилояти 12 72 128 11 117 9. Сурхондарё вилояти 11 87 133 88 45 10. Сирдарё вилояти 4 18 29 29 11. Тошкент вилояти 7 16 51 30 21 12. Фарғона вилояти 17 125 149 59 90 13. Хоразм вилояти 7 49 100 100 Республика бўйича: 122 948 2 163 1 224 939
5. Ўзбекистон Республикаси Президентининг 2021 йил 20 декабрдаги «Оилавий тадбиркорликни ривожлантириш ва аҳолининг даромад манбаини кенгайтиришга доир қўшимча чора-тадбирлар тўғрисида»ги ПҚ-55-сон қарорида :
а) 1-бандда :
«б» кичик банднинг учинчи ва тўртинчи хатбошилари қуйидаги таҳрирда баён этилсин:
«чорвачилик (қорамол, қўй, эчки), балиқчилик, қуёнчилик, асаларичилик, куркачилик ва паррандачилик, биогумус ишлаб чиқариш, «дала дўконлари»ни қуриш ва кўчма музлаткичларни ўрнатиш учун — 1 йилгача имтиёзли давр билан 3 йил муддатга;
боғдорчилик (кўчатчилик), узумчилик (ток сўриси) ва лимончиликни ташкил этиш, иссиқхона қуриш, қишлоқ хўжалиги техникаси ва асбоб-ускуналарини харид қилиш ҳамда уларни жойлаштириш учун бино ва иншоотлар қуриш, артезиан қудуқларини қазиш учун — 3 йилгача имтиёзли давр билан 7 йилгача муддатга»;
б) 2-банд қуйидаги мазмундаги хатбошилар билан тўлдирилсин:
«Фермер, деҳқон хўжаликлари ва томорқа ер эгаларини қўллаб-қувватлаш жамғармасидан ажратиладиган кредитлар ташаббускорларга лойиҳабай шакллантирилган буюртманомалар асосида оилавий тадбиркорликни ривожлантириш дастурлари доирасидаги лойиҳаларни молиялаштириш манбаларида назарда тутилган маблағлардан ташқари ва навбатсиз расмийлаштириб берилади.
Фермер, деҳқон хўжалиги ва томорқа ер эгаларини қўллаб-қувватлаш жамғармасига, Жамғарма ресурсларини ташаббускорларга тижорат банклари томонидан Ягона электрон платформа орқали расмийлаштириш жараёнларини тўлиқ мувофиқлаштириш ваколати берилади»;
в) 5-банднинг тўртинчи хатбошиси «тўлиқ сўндирилмаган» сўзларидан кейин «(Фермер, деҳқон хўжаликлари ва томорқа ер эгаларини қўллаб-қувватлаш жамғармасидан ажратиладиган кредитлар бундан мустасно)» сўзлари билан тўлдирилсин;
г) 9-банд қуйидаги таҳрирда баён этилсин:
«9. Ўзбекистон фермер, деҳқон хўжаликлари ва томорқа ер эгалари кенгаши ва тижорат банкларининг Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан тижорат банклари томонидан ташаббускорларга боғдорчилик (кўчатчилик), узумчилик (ток сўриси) ва лимончиликни ташкил этиш, иссиқхона қуриш, қишлоқ хўжалиги техникаси ва асбоб-ускуналарини харид қилиш ҳамда уларни жойлаштириш учун бино ва иншоотлар қуриш, артезиан қудуқларини қазиш учун ажратилган кредитлар муддатини ҳамда ресурсларни Жамғармага қайтариш графигидаги муддатларни мазкур қарорнинг 1-банди «б» кичик банди тўртинчи хатбошисида белгиланган муддатларга мос равишда узайтириш тўғрисидаги таклифига розилик берилсин».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 12 октябрь,
ПҚ-394-сон
Oʻzbekiston Respublikasi Prezidentining
Qarori
PROGNOZ KOʻRSATKIChLARI*
Suv taʼminoti ogʻir boʻlgan hududlardagi aholi tomorqa yerlari va dehqon xoʻjaliklarini suv bilan kafolatli taʼminlash maqsadida Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida
Soʻnggi yillarda kambagʻallikni qisqartirish uchun aholini qoʻshimcha daromad manbai bilan taʼminlash, aholining tomorqa yerlaridan samarali foydalanish, bozorlarda oziq-ovqat mahsulotlarini koʻpaytirish va narx-navo barqarorligini saqlash boʻyicha izchil islohotlar amalga oshirildi.
Shu bilan birga, aholining daromad topishga qaratilgan tadbirkorlik tashabbuslarini moliyaviy qoʻllab-quvvatlash, qishloq xoʻjaligi mahsulotlarini yetishtirishda dehqon xoʻjaliklarining ulushini oshirish, meva-sabzavotchilik tarmogʻidagi imkoniyatlarni yanada kengaytirish maqsadida paxta va gʻalla maydonlari qisqartirilib, fuqarolarga dehqon xoʻjaligini yuritish uchun 0,15 gektardan 2 gektargacha boʻlgan oʻlchamlardagi yer maydonlarini ochiq elektron tanlov orqali 30 yilga ijaraga berish tizimi joriy etildi.
Suv taʼminoti ogʻir boʻlgan hududlarda joylashgan aholi tomorqa yerlari va dehqon xoʻjaliklarini suv bilan barqaror taʼminlash orqali qishloq xoʻjaligi mahsulotlari yetishtirish hajmlarini oshirish maqsadida, shuningdek, Oʻzbekiston Respublikasi Prezidentining 2021-yil 16-dekabrdagi “Tomorqadan foydalanish samaradorligini oshirish, shuningdek, aholining tadbirkorlik tashabbuslarini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida”gi PQ-54-son qaroriga muvofiq:
1. Oʻzbekiston Respublikasi Prezidentining ayrim qarorlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
suv taʼminoti ogʻir hududlardagi aholi tomorqa yerlari, dehqon xoʻjaliklari va foydalanishdan chiqqan maydonlarni sugʻorish uchun vertikal sugʻorish quduqlarini burgʻilash, daryolar, kanallar va boshqa suv obyektlaridan suv chiqarish vositalarini sotib olish va oʻrnatish bilan bogʻliq xarajatlarning bir qismini qoplash uchun Davlat budjetidan mablagʻ yoʻnaltirish tartibini 2026-yil 1-yanvarga qadar uzaytirish;
Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan ajratiladigan kreditlarni tashabbuskorlarga loyihabay shakllantirilgan buyurtmanomalar asosida tijorat banklari orqali oilaviy tadbirkorlikni rivojlantirish dasturlari doirasidagi loyihalarni moliyalashtirish manbalarida nazarda tutilgan mablagʻlardan tashqari va navbatsiz rasmiylashtirish;
Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasiga 2022-yilda jami ajratilgan 100 mlrd soʻm mablagʻdan kelib chiqib, suv taʼminoti ogʻir hududlardagi aholi tomorqa yerlari va dehqon xoʻjaliklarini sugʻorish uchun vertikal sugʻorish quduqlarini ishga tushirishning prognoz koʻrsatkichlarini qayta tasdiqlash.
2. Qishloq xoʻjaligi vazirligi (K.A. Yuldashev) Oʻzbekiston fermer, dehqon xoʻjaliklari va tomorqa yer egalari kengashi (T.A. Sattarov), Axborot texnologiyalari va kommunikatsiyalarini rivojlantirish vazirligi (O.A. Pekos) hamda Moliya vazirligi (A.Y. Xaydarov) bilan birgalikda 2022-yil 1-noyabrga qadar suv taʼminoti ogʻir boʻlgan hududlardagi aholi tomorqa yerlari va dehqon xoʻjaliklarini sugʻorish uchun vertikal sugʻorish quduqlarini burgʻilash, shuningdek, daryolar, kanallar va boshqa suv obyektlaridan suv chiqarish vositalarini sotib olish va oʻrnatish uchun subsidiya mablagʻlari ajratishning toʻliq jarayoni “Agrosubsidiya” axborot tizimi orqali amalga oshirilishini yoʻlga qoʻysin.
3. Moliya vazirligi tomonidan 2022-yilda suv taʼminoti ogʻir mahallalarda vertikal sugʻorish quduqlari qazish va nasos oʻrnatish xarajatlarining bir qismini qoplash uchun 2022-yilgi Davlat budjeti parametrlarida Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi uchun koʻzda tutilgan 50 mlrd soʻmga qoʻshimcha ravishda 50 mlrd soʻm mablagʻ ajratilganligi maʼlumot uchun qabul qilinsin.
4. Mazkur qarorning ijrosini nazorat qilish Bosh vazir oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2022-yil 12-oktabrdagi PQ-394-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 26-apreldagi “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-3680-son qarorining 9-bandida :
a) “b” kichik bandda :
ikkinchi xatboshidagi “Mikrokreditbank” ATB, “Agrobank” ATB, “Turonbank” ATB hamda AT “Xalq banki”ga” soʻzlari “tijorat banklariga” soʻzlari bilan almashtirilsin;
uchinchi xatboshidagi “Mikrokreditbank” ATB, “Agrobank” ATB, “Turonbank” ATB hamda Oʻzbekiston Respublikasi AT Xalq bankiga” soʻzlari “tijorat banklariga” soʻzlari bilan almashtirilsin;
oʻn beshinchi xatboshi quyidagi tahrirda bayon etilsin:
“Kreditlar tijorat banklari orqali bogʻdorchilik (koʻchatchilik), uzumchilik (tok soʻrisi) va limonchilikni tashkil etish, issiqxona qurish, qishloq xoʻjaligi texnikasi va asbob-uskunalarini xarid qilish hamda ularni joylashtirish uchun bino va inshootlar qurish, artezian quduqlarini qazish uchun 3 yilgacha imtiyozli davr bilan 7 yilgacha muddatga, chorvachilik (qoramol, qoʻy, echki), baliqchilik, quyonchilik, asalarichilik, kurkachilik va parrandachilik, biogumus ishlab chiqarish, “dala doʻkonlari”ni qurish va koʻchma muzlatkichlarni oʻrnatish uchun 1 yilgacha imtiyozli davr bilan 3 yil muddatga beriladi”;
quyidagi mazmundagi oʻn oltinchi xatboshi bilan toʻldirilsin:
“Jamgʻarma tomonidan aholining, dehqon xoʻjaliklari va fermer xoʻjaliklari rahbarlari va aʼzolarining hamda “Tomorqa xizmati” MChJlar va ishlab chiqarish kooperativlari xodimlarining bilim va koʻnikmalarini oshirish uchun oʻquv kurslarini tashkil etish bilan bogʻliq xarajatlarni qoplash uchun subsidiyalar ajratish hamda oʻquv markazlari faoliyatini moliyalashtirish tartibi Jamgʻarmaning Vasiylik kengashi tomonidan tasdiqlanadi”;
b) “v” kichik band quyidagi tahrirda bayon etilsin:
“Jamgʻarma mablagʻlari hisobidan kreditlar hududiy fermer, dehqon xoʻjaliklari va tomorqa yer egalari kengashlari tavsiyanomasiga koʻra hamda har bir mahallaga mahallabay ishlash boʻyicha biriktirilgan hokim yordamchisi tomonidan beriladigan tavsiyalar asosida ajratiladi”.
2. Oʻzbekiston Respublikasi Prezidentining 2019-yil 7-martdagi “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qoʻshimcha chora-tadbirlar toʻgʻrisida”gi PQ-4231-son qarorining 8-bandidan “2018-yil 26-apreldagi “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida“gi PQ-3680-son,” soʻzlari chiqarib tashlansin.
3. Oʻzbekiston Respublikasi Prezidentining 2020-yil 30-iyundagi “Aholi tomorqalaridan foydalanish samaradorligini oshirishning qoʻshimcha chora-tadbirlari toʻgʻrisida”gi PQ-4767-son qarorining 7-bandida :
a) ikkinchi xatboshidagi “har yili 1-aprel va 1-avgustga qadar” soʻzlari “har yili 1-yanvar va 1-iyulga qadar” soʻzlari bilan almashtirilsin;
b) uchinchi xatboshi quyidagi tahrirda bayon etilsin:
“loyiha tashabbuskorlariga belgilangan tartibda tasdiqlanadigan roʻyxatga asosan ajratiladigan subsidiyalar 2026-yil 1-yanvarga qadar Oʻzbekiston Respublikasi Davlat budjetidan, 2026-yil 1-yanvardan boshlab Oʻzbekiston fermer, dehqon xoʻjaliklari va tomorqa yer egalari kengashi huzuridagi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi mablagʻlari hisobidan moliyalashtiriladi”.
4. Oʻzbekiston Respublikasi Prezidentining 2021-yil 16-dekabrdagi “Tomorqalardan foydalanish samaradorligini oshirish, shuningdek, aholining tadbirkorlik tashabbuslarini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida”gi PQ-54-son qarorida :
a) 2-bandning “b” kichik bandi quyidagi mazmundagi xatboshilar bilan toʻldirilsin:
“Mazkur garovsiz kreditlar qaytmasligi xavfi tashabbuskor hisobidan kredit olishdan oldin sugʻurtalanadi, tashabbuskor tomonidan kredit evaziga olingan asosiy vositalarga tijorat banki tomonidan taqiq qoʻyiladi.
Jamgʻarmaning Vasiylik kengashi qaroriga asosan “Tomorqa xizmati” MChJlarga 300 million soʻmgacha ajratilgan garovsiz kredit uchun Jamgʻarmaning tijorat banklari tomonidan garovga (depozit) olingan mablagʻlarining akseptsiz undirilgan qismini qoplash maqsadida, mablagʻlarni tijorat banklariga joylashtirishdan olinadigan Jamgʻarmaning daromadlari hisobidan zaxira yaratiladi hamda Jamgʻarmaning tijorat banklari tomonidan garovga (depozit) olingan mablagʻlarining akseptsiz undirilgan qismi mazkur zaxira mablagʻlari hisobidan qoplab boriladi”;
b) 3-bandda :
quyidagi mazmundagi toʻrtinchi xatboshi bilan toʻldirilsin:
“joriy yilda burgʻilangan vertikal sugʻorish quduqlarini ishga tushirish bilan bogʻliq xarajatlarni qoplash boʻyicha tegishli hujjatlar keyingi yilning ikkinchi choragiga qadar qabul qilinadi hamda ushbu xarajatlar hujjatlar qabul qilingan yil mablagʻlari hisobidan qoplab beriladi”;
toʻrtinchi — sakkizinchi xatboshilar tegishincha beshinchi — toʻqqizinchi xatboshilar deb hisoblansin;
oltinchi xatboshidagi “50 milliard soʻm” soʻzlaridan keyin “, bundan tashqari suv taʼminoti ogʻir mahallalarda quduq qazish va nasos oʻrnatish xarajatlarining bir qismini qoplash uchun 50 milliard soʻm” soʻzlari bilan toʻldirilsin;
v) 5-bandning uchinchi xatboshisi quyidagi tahrirda bayon etilsin:
“2022-yilda suv taʼminoti ogʻir hududlardagi aholi tomorqa yerlari va dehqon xoʻjaliklarini sugʻorish uchun vertikal sugʻorish quduqlarini ishga tushirishning prognoz koʻrsatkichlari 2-ilovaga muvofiq tasdiqlansin”;
g) 2-ilovaning matni quyidagi tahrirda bayon etilsin:
“2022-yilda suv taʼminoti ogʻir hududlardagi aholi tomorqa yerlari va dehqon xoʻjaliklarini sugʻorish uchun vertikal sugʻorish quduqlarini ishga tushirishning
T/r Hududlar nomi Tumanlar soni Mahallalar soni Jami quduqlar soni Shundan: kichik quduqlar soni katta quduqlar soni 1. Qoraqalpogʻiston Respublikasi 15 89 337 331 6 2. Andijon viloyati 10 37 54 17 37 3. Buxoro viloyati 7 107 145 42 103 4. Jizzax viloyati 9 64 207 134 73 5. Qashqadaryo viloyati 7 104 333 268 65 6. Navoiy viloyati 7 112 407 224 183 7. Namangan viloyati 9 68 90 20 70 8. Samarqand viloyati 12 72 128 11 117 9. Surxondaryo viloyati 11 87 133 88 45 10. Sirdaryo viloyati 4 18 29 29 11. Toshkent viloyati 7 16 51 30 21 12. Fargʻona viloyati 17 125 149 59 90 13. Xorazm viloyati 7 49 100 100 Respublika boʻyicha: 122 948 2 163 1 224 939
5. Oʻzbekiston Respublikasi Prezidentining 2021-yil 20-dekabrdagi “Oilaviy tadbirkorlikni rivojlantirish va aholining daromad manbaini kengaytirishga doir qoʻshimcha chora-tadbirlar toʻgʻrisida”gi PQ-55-son qarorida :
a) 1-bandda :
“b” kichik bandning uchinchi va toʻrtinchi xatboshilari quyidagi tahrirda bayon etilsin:
“chorvachilik (qoramol, qoʻy, echki), baliqchilik, quyonchilik, asalarichilik, kurkachilik va parrandachilik, biogumus ishlab chiqarish, “dala doʻkonlari”ni qurish va koʻchma muzlatkichlarni oʻrnatish uchun — 1 yilgacha imtiyozli davr bilan 3 yil muddatga;
bogʻdorchilik (koʻchatchilik), uzumchilik (tok soʻrisi) va limonchilikni tashkil etish, issiqxona qurish, qishloq xoʻjaligi texnikasi va asbob-uskunalarini xarid qilish hamda ularni joylashtirish uchun bino va inshootlar qurish, artezian quduqlarini qazish uchun — 3 yilgacha imtiyozli davr bilan 7 yilgacha muddatga”;
b) 2-band quyidagi mazmundagi xatboshilar bilan toʻldirilsin:
“Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan ajratiladigan kreditlar tashabbuskorlarga loyihabay shakllantirilgan buyurtmanomalar asosida oilaviy tadbirkorlikni rivojlantirish dasturlari doirasidagi loyihalarni moliyalashtirish manbalarida nazarda tutilgan mablagʻlardan tashqari va navbatsiz rasmiylashtirib beriladi.
Fermer, dehqon xoʻjaligi va tomorqa yer egalarini qoʻllab-quvvatlash jamgʻarmasiga, Jamgʻarma resurslarini tashabbuskorlarga tijorat banklari tomonidan Yagona elektron platforma orqali rasmiylashtirish jarayonlarini toʻliq muvofiqlashtirish vakolati beriladi”;
v) 5-bandning toʻrtinchi xatboshisi “toʻliq soʻndirilmagan” soʻzlaridan keyin “(Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan ajratiladigan kreditlar bundan mustasno)” soʻzlari bilan toʻldirilsin;
g) 9-band quyidagi tahrirda bayon etilsin:
“9. Oʻzbekiston fermer, dehqon xoʻjaliklari va tomorqa yer egalari kengashi va tijorat banklarining Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi mablagʻlari hisobidan tijorat banklari tomonidan tashabbuskorlarga bogʻdorchilik (koʻchatchilik), uzumchilik (tok soʻrisi) va limonchilikni tashkil etish, issiqxona qurish, qishloq xoʻjaligi texnikasi va asbob-uskunalarini xarid qilish hamda ularni joylashtirish uchun bino va inshootlar qurish, artezian quduqlarini qazish uchun ajratilgan kreditlar muddatini hamda resurslarni Jamgʻarmaga qaytarish grafigidagi muddatlarni mazkur qarorning 1-bandi “b” kichik bandi toʻrtinchi xatboshisida belgilangan muddatlarga mos ravishda uzaytirish toʻgʻrisidagi taklifiga rozilik berilsin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 12-oktabr,
PQ-394-son
Президента Республики Узбекистан
Постановление
«ПРОГНОЗНЫЕ ПОКАЗАТЕЛИ
O внесении изменений и дополнений в некоторые постановления Президента Республики Узбекистан в целях гарантийного обеспечения водой приусадебных земель населения и дехканских хозяйств на труднодоступных для водоснабжения территориях
В последние годы в стране осуществлены последовательные реформы по обеспечению населения дополнительными источниками дохода для сокращения бедности, эффективному использованию приусадебных земель населения, увеличению продовольственной продукции и поддержанию стабильности цен на рынках.
Наряду с этим в целях финансовой поддержки предпринимательских инициатив населения, направленных на получение дохода, увеличения доли дехканских хозяйств в выращивании сельскохозяйственной продукции и дальнейшего расширения возможностей в отрасли плодоовощеводства сокращены хлопковые и зерновые площади, внедрена система передачи в аренду населению земельных площадей от 0,15 гектара до 2 гектаров сроком на 30 лет посредством открытого электронного конкурса.
В целях увеличения объема выращивания сельскохозяйственной продукции путем стабильного обеспечения водой приусадебных земель населения и дехканских хозяйств, расположенных на труднодоступных для водоснабжения территориях и в соответствии с постановлением Президента Республики Узбекистан от 16 декабря 2021 года № ПП-54 «О дополнительных мерах по повышению эффективности использования приусадебных земель и финансовой поддержке предпринимательских инициатив населения»:
1. Внести изменения и дополнения в некоторые постановления Президента Республики Узбекистан согласно приложению , предусматривающие:
продление на срок до 1 января 2026 года порядка направления средств из Государственного бюджета на возмещение части расходов, связанных с бурением вертикальных оросительных скважин для орошения приусадебных земель населения, дехканских хозяйств и выведенных из оборота площадей, закупкой и установкой средств добычи воды из рек, каналов и иных водных объектов на труднодоступных для водоснабжения территориях;
оформление инициаторам кредитов, выделяемых из Фонда поддержки фермерских, дехканских хозяйств и владельцев приусадебных земель посредством коммерческих банков, на основании заказов, формируемых в разрезе проектов, помимо средств, предусмотренных в источниках финансирования проектов в рамках программ развития семейного предпринимательства, вне очереди;
переутверждение прогнозных показателей введения в эксплуатацию вертикальных оросительных скважин для орошения приусадебных земель населения и дехканских хозяйств на труднодоступных для водоснабжения территориях исходя из средств в размере 100 миллиардов сумов, всего выделенных Фонду поддержки фермерских, дехканских хозяйств и владельцев приусадебных земель в 2022 году.
2. Министерству сельского хозяйства (К.А. Юлдашев) совместно с Советом фермерских, дехканских хозяйств и владельцев приусадебных земель Узбекистана (Т.А. Саттаров), Министерством по развитию информационных технологий и коммуникаций (О.А. Пекось) и Министерством финансов (А.Я. Хайдаров) в срок до 1 ноября 2022 года внедрить осуществление всего процесса выделения средств субсидий на расходы по бурению вертикальных оросительных скважин для орошения приусадебных земель населения, дехканских хозяйств, а также закупку и установку средств добычи воды из рек, каналов и иных водных объектов на труднодоступных для водоснабжения территориях посредством информационной системы «Агросубсидия».
3. Принять к сведению, что Министерством финансов в целях возмещения части расходов по бурению вертикальных оросительных скважин и установке насосов в труднодоступных для водоснабжения махаллях к 50 миллиардам сумов, предусмотренным в параметрах Государственного бюджета на 2022 год для Фонда поддержки фермерских, дехканских хозяйств и владельцев приусадебных земель, дополнительно выделено средств в размере 50 миллиардов сумов.
4. Контроль за исполнением настоящего постановления возложить на заместителя Премьер-министра Республики Узбекистан Ш.М. Ганиева.
ПРИЛОЖЕНИЕ к постановлению Президента Республики Узбекистан от 12 октября 2022 года № ПП-394
Изменения и дополнения, вносимые в некоторые постановления Президента Республики Узбекистан
1. В пункте 9 постановления Президента Республики Узбекистан от 26 апреля 2018 года № ПП-3680 «О дополнительных мерах по совершенствованию деятельности фермерских, дехканских хозяйств и владельцев приусадебных земель»:
а) в подпункте «б» :
в абзаце втором слова «АКБ «Микрокредитбанк», АКБ «Агробанк», АКБ «Туронбанк» и АКБ «Халк банки» заменить словами «коммерческие банки»;
в абзаце третьем слова «АКБ «Микрокредитбанк», АКБ «Агробанк», АКБ «Туронбанк» и АК «Халк банки» Республики Узбекистан» заменить словами «коммерческим банкам»;
абзац пятнадцатый изложить в следующей редакции:
«Кредиты выделяются через коммерческие банки для организации садоводства (питомничества), виноградарства (шпалеры виноградника) и лимоноводства, строительства теплиц, закупки сельскохозяйственной техники и оборудования, а также строительства зданий и сооружений для их размещения, бурения артезианских скважин сроком до 7 лет, включая льготный период до трех лет, для животноводства (разведения крупного рогатого скота, овец, коз), рыбоводства, кролиководства, пчеловодства, индейководства и птицеводства, производства биогумуса, строительства «полевых магазинов», а также установки передвижных холодильников — сроком на 3 года, включая льготный период до одного года»;
дополнить абзацем шестнадцатым следующего содержания:
«Порядок выделения субсидий Фондом для покрытия расходов, связанных с организацией учебных курсов по повышению навыков и знаний населения, руководителей и членов дехканских и фермерских хозяйств, а также работников ООО «Томорка хизмати» и производственных кооперативов, а также финансирования деятельности учебных центров утверждается Попечительским советом Фонда»;
б) подпункт «в» изложить в следующей редакции:
«Кредиты за счет средств Фонда выделяются по рекомендации территориальных советов фермерских, дехканских хозяйств и владельцев приусадебных земель, а также на основе рекомендаций, выдаваемых помощниками хокимов по работе махаллабай, закрепленными за каждой махаллей».
2. Из пункта 8 постановления Президента Республики Узбекистан от 7 марта 2019 года № ПП-4231 «О дополнительных мерах по широкому привлечению населения к предпринимательству и развитию семейного предпринимательства в регионах» слова «от 26 апреля 2018 года № ПП-3680 «О дополнительных мерах по совершенствованию деятельности фермерских, дехканских хозяйств и владельцев приусадебных земель» исключить.
3. В пункте 7 постановления Президента Республики Узбекистан от 30 июня 2020 года № ПП-4767 «О дополнительных мерах по повышению эффективности пользования приусадебными землями населения»:
а) в абзаце втором слова «ежегодно до 1 апреля и 1 августа» заменить словами «ежегодно до 1 января и 1 июля»;
б) абзац третий изложить в следующей редакции:
«субсидии, выделяемые инициаторам проектов на основе перечня, утверждаемого в установленном порядке, финансируются в срок до 1 января 2026 года из Государственного бюджета Республики Узбекистан, начиная с 1 января 2026 года — за счет средств Фонда поддержки фермерских, дехканских хозяйств и владельцев приусадебных земель при Совете фермерских, дехканских хозяйств и владельцев приусадебных земель Узбекистана».
4. В постановлении Президента Республики Узбекистан от 16 декабря 2021 года № ПП-54 «О дополнительных мерах по повышению эффективности использования приусадебных земель и финансовой поддержке предпринимательских инициатив населения»:
а) подпункт «б» пункта 2 дополнить абзацами следующего содержания:
«Риск невозвращения этих беззалоговых кредитов подлежит страхованию перед получением кредита за счет инициатора, коммерческими банками налагается запрет на основные средства, полученные инициатором в счет кредита.
За счет доходов Фонда, получаемых от размещения средств в коммерческих банках, создается резерв в целях возмещения взысканной в безакцептном порядке части средств Фонда, полученных коммерческими банками под залог (депозит) для беззалоговых кредитов до 300 миллионов сумов, выделенных обществам с ограниченной ответственностью «Томорка хизмати» на основании решения Попечительского совета Фонда, а также за счет средств указанного резерва возмещается взысканная в безакцептном порядке часть средств Фонда, полученных коммерческими банками под залог (депозит)»;
б) в пункте 3 :
дополнить абзацем четвертым следующего содержания:
«соответствующие документы на возмещение расходов, связанных с введением в эксплуатацию пробуренных в текущем году вертикальных оросительных скважин, принимаются до второго квартала следующего года и данные расходы возмещаются за счет средств того года, в котором документы были приняты»;
абзацы четвертый — восьмой считать соответственно абзацами пятым — девятым;
абзац шестой изложить в следующей редакции:
«на меры, определенные настоящим пунктом, Фонду из Государственного бюджета на 2022 год выделяется 50 миллиардов сумов, кроме того, на возмещение части расходов по бурению скважин и установке насосов в труднодоступных для водоснабжения махаллях — 50 миллиардов сумов»;
в) абзац третий пункта 5 изложить в следующей редакции:
«Прогнозные показатели ввода в эксплуатацию вертикальных оросительных скважин для орошения приусадебных земель населения и дехканских хозяйств на труднодоступных для водоснабжения территориях в 2022 году»;
г) текст приложения № 2 изложить в следующей редакции:
ввода в эксплуатацию вертикальных оросительных скважин для орошения приусадебных земель населения и дехканских хозяйств на труднодоступных для водоснабжения территориях в 2022 году*
№ Наименование регионов Количество районов Количество махаллей Общее количество скважин Из них: количество малых скважин количество больших скважин 1 . Республика Каракалпакстан 15 89 337 331 6 2 . Андижанская область 10 37 54 17 37 3 . Бухарская область 7 107 145 42 103 4 . Джизакская область 9 64 207 134 73 5 . Кашкадарьинская область 7 104 333 268 65 6 . Навоийская область 7 112 407 224 183 7 . Наманганская область 9 68 90 20 70 8 . Самаркандская область 12 72 128 11 117 9 . Сурхандарьинская область 11 87 133 88 45 10 . Сырдарьинская область 4 18 29 29 11 . Ташкентская область 7 16 51 30 21 12 . Ферганская область 17 125 149 59 90 13 . Хорезмская область 7 49 100 100 По республике: 122 948 2 163 1 224 939
5. В постановлении Президента Республики Узбекистан от 20 декабря 2021 года № ПП-55 «О дополнительных мерах по развитию семейного предпринимательства и расширению источников доходов населения»:
а) в пункте 1 :
абзацы третий и четвертый подпункта «б» изложить в следующей редакции:
«для животноводства (разведение крупного рогатого скота, овец, коз), рыбоводства, кролиководства, пчеловодства, индейководства и птицеводства, производства биогумуса, строительства «полевых магазинов», а также установки передвижных холодильников — сроком на 3 года, включая льготный период до одного года;
для организации садоводства (питомничества), виноградарства (шпалеры виноградника) и лимоноводства, строительства теплиц, закупки сельскохозяйственной техники и оборудования, а также строительства зданий и сооружений для их размещения, бурения артезианских скважин — сроком до 7 лет, включая льготный период до трех лет»;
б) пункт 2 дополнить абзацами следующего содержания:
«кредиты, выделяемые инициаторам из Фонда поддержки фермерских, дехканских хозяйств и владельцев приусадебных земель, оформляются на основании заказов, формируемых в разрезе проектов, помимо средств, предусмотренных в источниках финансирования проектов в рамках программ развития семейного предпринимательства, вне очереди.
Фонду поддержки фермерских, дехканских хозяйств и владельцев приусадебных земель предоставляются полномочия по полной координации процесса оформления ресурсов Фонда инициаторам коммерческими банками через Единую электронную платформу»;
в) в абзаце четвертом пункта 5 после слов «в рамках данных программ» дополнить словами «(за исключением кредитов, выделяемых из Фонда поддержки фермерских, дехканских хозяйств и владельцев приусадебных земель)»;
г) пункт 9 изложить в следующей редакции:
«9. Согласиться с предложением Совета фермерских, дехканских хозяйств и владельцев приусадебных земель Узбекистана и коммерческих банков о продлении сроков кредитов, выделенных коммерческими банками за счет средств Фонда поддержки фермерских, дехканских хозяйств и владельцев приусадебных земель для организации садоводства (питомничества), виноградарства (шпалеры виноградника) и лимоноводства, строительства теплиц, закупки сельскохозяйственной техники и оборудования, строительства зданий и сооружений для их размещения, бурения артезианских скважин, а также сроков в графиках возвращения ресурсов Фонду соответственно срокам, указанным в абзаце четвертом подпункта «б» пункта 1 настоящего постановления».
Президент Республики Узбекистан Ш. МИРЗИЁЕВ
г. Ташкент,
12 октября 2022 г.,
№ ПП-394