📅 2022-yil 14-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 14 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 октября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 14 October 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
НИЗОМ
СХЕМАСИ
ЖУРНАЛИ
НИЗОМ
НИЗОМ
СХЕМАСИ
«Фавқулодда ҳолат тўғрисида»ги Ўзбекистон Республикаси Конституциявий Қонунини амалга ошириш чора-тадбирлари тўғрисида
«Фавқулодда ҳолат тўғрисида»ги Ўзбекистон Республикаси Конституциявий Қонунига мувофиқ Вазирлар Маҳкамаси қарор қилади:
1. Қуйидагилар:
фавқулодда ҳолат жорий этилган ҳудудда алоҳида тайёргарлик ва малака талаб қилмайдиган авария-қутқарув ва бошқа кечиктириб бўлмайдиган ишларга банд бўлмаган аҳолини жалб қилиш, уларнинг меҳнатини ташкил этиш ва меҳнатига ҳақ тўлаш шартларини назарда тутувчи Фавқулодда ҳолат жорий этилган ҳудудда авария-қутқарув ва бошқа кечиктириб бўлмайдиган ишларни амалга ошириш ҳамда таъминлаш учун банд бўлмаган аҳолини жалб этиш ва уларнинг меҳнатига ҳақ тўлаш тартиби тўғрисидаги низом 1-иловага мувофиқ;
фавқулодда ҳолатни жорий этиш учун асос бўлиб хизмат қилган ҳолатлар натижасида ҳамда бундай ҳолатларни йўқ қилиш ёки уларнинг оқибатларини бартараф этиш чоралари қўлланилиши оқибатида жабрланган шахсларга зарур ёрдамни кўрсатиш ва етказилган зарарнинг ўрнини қоплаш тартибини назарда тутувчи Фавқулодда ҳолат жорий этилган ҳудудда жабрланган шахсларга зарур ёрдам кўрсатиш ва етказилган зарарнинг ўрнини қоплаш тартиби тўғрисидаги низом 2-иловага мувофиқ;
фавқулодда ҳолат режимини таъминлашда (сақлаб туришда) иштирок этган шахсларни ҳисобга олиш тартиби ҳамда уларга қўшимча кафолатлар ва компенсациялар қўллаш шартларини назарда тутувчи Фавқулодда ҳолатни таъминлашда (сақлаб туришда) иштирок этган шахсларни ҳисобга олиш, шунингдек, мазкур шахсларга нисбатан қўшимча кафолатлар ва компенсацияларни қўллаш тартиби тўғрисидаги низом 3-иловага мувофиқ;
халқаро инсонпарварлик ёрдамини кўрсатиш ҳужжатларини кўриб чиқиш, келишиш ва рўйхатдан ўтказиш, уни Ўзбекистон Республикаси ҳудудига олиб кириш, қабул қилиш, тақсимлаш ва тарқатиш, шунингдек, халқаро инсонпарварлик ёрдами мақсадли ишлатилишини назорат қилиш тартибини назарда тутувчи Фавқулодда ҳолат жорий этилган ҳудудда халқаро инсонпарварлик ёрдамини амалга ошириш тартиби тўғрисидаги низом 4-иловага мувофиқ тасдиқлансин.
2. Ўзбекистон Республикаси Фавқулодда вазиятлар вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси фавқулодда вазиятлар вазири А.Х. Қўлдошев зиммасига юклансин.
Вазирлар Маҳкамасининг 2022 йил 14 октябрдаги 600-сон қарорига 1-ИЛОВА
Фавқулодда ҳолат жорий этилган ҳудудда авария-қутқарув ва бошқа кечиктириб бўлмайдиган ишларни амалга ошириш ҳамда таъминлаш учун банд бўлмаган аҳолини жалб этиш ва уларнинг меҳнатига ҳақ тўлаш тартиби тўғрисида
1-боб. Умумий қоидалар
1. Ушбу Низом фавқулодда ҳолат жорий этилган ҳудудда алоҳида тайёргарлик ва малака талаб қилмайдиган авария-қутқарув ва бошқа кечиктириб бўлмайдиган ишларга банд бўлмаган аҳолини жалб қилиш, уларнинг меҳнатини ташкил этиш ва меҳнатига ҳақ тўлаш тартибини белгилайди.
Ушбу Низом қоидалари фавқулодда ҳолат жорий этилган ҳудудда волонтёрлик ёрдамини кўрсатаётган шахсларга нисбатан татбиқ этилмайди.
2. Мазкур Низомда қуйидаги асосий тушунчалар қўлланилади:
авария-қутқарув ишлари — авария ва ҳалокатларнинг хавфли омиллари таъсирини тугатиш ва бартараф этишга, одамларнинг ҳаётини асраб қолиш ва соғлиғини сақлашга, юридик ва жисмоний шахсларнинг мол-мулкини, атроф табиий муҳитни муҳофаза қилишга қаратилган шошилинч ҳаракатлар;
буюртмачи — иш берувчи — мазкур Низомга мувофиқ авария-қутқарув ва бошқа кечиктириб бўлмайдиган ишларни ташкил қилиш бўйича ташаббускор (Қорақалпоғистон Республикаси Вазирлар Кенгаши, вилоятлар, Тошкент шаҳри, туман (шаҳар) ҳокимликлари, вазирликлар, идоралар ва бошқа ташкилотлар);
кечиктириб бўлмайдиган ишлар — қутқарув ишларини ҳар томонлама таъминлаш, одамлар ҳаёти, соғлиғи ва меҳнат қобилиятини сақлаб қолиш учун зарур бўлган шарт-шароитларни яратишга ҳамда жабрланган аҳолига ёрдам кўрсатишга қаратилган ҳаракатлар;
фавқулодда ҳолат — Ўзбекистон Республикаси фуқароларининг, чет эл фуқароларининг ҳамда фуқаролиги бўлмаган шахсларнинг ҳуқуқ ва эркинликларига, шунингдек юридик шахсларнинг ҳуқуқларига нисбатан «Фавқулодда ҳолат тўғрисида»ги Ўзбекистон Республикаси Конституциявий Қонунида назарда тутилган айрим чекловлар белгилашга йўл қўядиган ҳамда уларнинг зиммасига қўшимча мажбуриятлар юклайдиган, Ўзбекистон Республикаси Конституциясига мувофиқ Ўзбекистон Республикасининг бутун ҳудудида ёки айрим жойларида вақтинча жорий қилинадиган давлат бошқаруви органлари, маҳаллий давлат ҳокимияти органлари, фуқароларнинг ўзини ўзи бошқариш органлари, нодавлат нотижорат ташкилотлари ҳамда ташкилий-ҳуқуқий ва мулкчилик шаклидан қатъи назар, бошқа ташкилотлар, уларнинг мансабдор шахслари фаолиятининг алоҳида ҳуқуқий режими;
ҳудуд коменданти — ҳудуд комендатураси фаолиятига раҳбарлик қилувчи ҳамда фавқулодда ҳолат режимини таъминловчи кучлар ва воситаларнинг ягона бошқарувини амалга оширувчи мансабдор шахс;
ҳудуд комендатураси — фавқулодда ҳолат режимини таъминловчи кучлар ва воситаларни бошқариш учун фавқулодда ҳолат жорий этилган ҳудудда ташкил этиладиган вақтинчалик махсус давлат бошқаруви органи.
3. Банд бўлмаган аҳоли қуйидаги алоҳида тайёргарлик ва малака талаб қилмайдиган авария-қутқарув ва бошқа кечиктириб бўлмайдиган ишларни амалга ошириш ва таъминлашга жалб этилиши мумкин:
уй-жой фонди, коммунал соҳа ва бошқа инфратузилма объектларини таъмирлаш ҳамда уларнинг фаолият кўрсатишини тиклаш;
кўчаларни, йўлларни ва йўлкаларни таъмирлаш;
ирригация ва мелиорация тармоқларини таъмирлаш;
ишлаб чиқариш ва хизмат кўрсатиш соҳалари ташкилотларидаги ишлар;
объектларни қуриш, реконструкция қилиш ва таъмирлаш ишлари;
жабрланганларга тиббий ёрдам кўрсатишга кўмаклашиш билан боғлиқ ишлар.
4. Фавқулодда ҳолат жорий этилган ҳудудда авария-қутқарув ва бошқа кечиктириб бўлмайдиган ишларни амалга ошириш ҳамда таъминлаш учун банд бўлмаган аҳолини жалб этиш ва уларнинг меҳнатига ҳақ тўлаш ушбу Низомга иловада келтирилган схемага мувофиқ ташкил этилади.
2-боб. Банд бўлмаган аҳолини алоҳида тайёргарлик ва малака талаб қилмайдиган авария-қутқарув ва бошқа кечиктириб бўлмайдиган ишларга жалб қилиш тартиби
5. Ҳудуд коменданти заруратга кўра фавқулодда ҳолат жорий этилган ҳудудда вақтинчалик авария-қутқарув ва бошқа кечиктириб бўлмайдиган ишларни (кейинги ўринларда — вақтинчалик ишлар) амалга ошириш ҳамда таъминлашга банд бўлмаган аҳолини жалб этиш тўғрисида Ўзбекистон Республикаси Камбағалликни қисқартириш ва бандлик вазирлиги ёки унинг ҳудудий бошқармасида манфаатдор вазирликлар ва идоралар ёки уларнинг ҳудудий бўлинмалари вакилларидан иборат махсус ишчи гуруҳни (кейинги ўринларда — махсус ишчи гуруҳ) тузиш бўйича таклиф киритади.
Ўзбекистон Республикаси Президентининг фавқулодда ҳолатни жорий этиш тўғрисидаги Фармонида Ўзбекистон Республикаси Камбағалликни қисқартириш ва бандлик вазирлигининг фаолиятини вақтинчалик тўхтатиб туриш назарда тутилган бўлса, махсус ишчи гуруҳ Ўзбекистон Республикаси Камбағалликни қисқартириш ва бандлик вазирлиги ёки унинг ҳудудий бошқармаси раҳбарлигида ҳудуд комендатураси таркибида тузилади.
6. Ўзбекистон Республикаси Камбағалликни қисқартириш ва бандлик вазирлиги ёки унинг ҳудудий бошқармаси (ҳудуд комендатураси) бир иш куни мобайнида ўз таркибида махсус ишчи гуруҳни тузади.
7. Махсус ишчи гуруҳ бир иш куни давомида Ўзбекистон Республикаси Камбағалликни қисқартириш ва бандликка кўмаклашиш бўлимида (кейинги ўринларда — бўлим) иш қидирувчи сифатида рўйхатда турган шахслар, шунингдек, вақтинчалик ишларни амалга оширишда иштирок этиш истагини билдирган ишсиз маҳаллий аҳолининг (кейинги ўринларда — жисмоний шахслар) рўйхатини шакллантиради, шунингдек, ушбу рўйхатни тизимли равишда янгилаб ва тўлдириб боради.
8. Вақтинча ишларга:
а) 18 ёшга тўлган, билими, малакаси ва соғлиғи ҳолатига кўра меҳнат қилишга қодир бўлган жисмоний шахслар жалб этилиши мумкин;
б) қуйидаги жисмоний шахсларни жалб этиш тақиқланади:
биринчи ва иккинчи гуруҳ ногиронлиги бўлган шахслар ва уларга ғамхўрлик қилувчилар;
меҳнатга лаёқатсиз шахслар;
ҳомиладор аёллар;
биринчи ва иккинчи гуруҳ ногиронлиги бўлган болани тарбиялаётган шахслар;
12 ёшгача бўлган боланинг ота-онасидан бири ёки васийси;
35 ёшгача бўлган аёллар, агар ишлар ионлаштирувчи нурланиш хавфи зонасида амалга оширилса.
9. Вақтинчалик ишларни амалга оширишга масъул буюртмачи — иш берувчилар заруратга кўра махсус ишчи гуруҳга вазифаларни бажаришга жисмоний шахсларни жалб этиш юзасидан буюртмалар билан мурожаат қилади.
10. Махсус ишчи гуруҳ буюртмачи — иш берувчилар буюртмаларига мувофиқ бир иш куни давомида Бўлим ва буюртмачи — иш берувчилар ўртасида вақтинчалик ишларга жалб қилинган шахслар рўйхатини илова қилган ҳолда фавқулодда ҳолатнинг амал қилиш муддатидан ошмайдиган даврга авария-қутқарув ва бошқа кечиктириб бўлмайдиган ишларни амалга ошириш ҳамда таъминлаш учун банд бўлмаган аҳолини жалб этиш бўйича шартномалар тузилишини таъминлайди.
11. Бўлим шу куннинг ўзида тузилган шартномаларни Ўзбекистон Республикаси Молия вазирлигининг тегишли ғазначилик бўлинмаларида рўйхатдан ўтказади.
3-боб. Вақтинчалик ишларга жалб этилган жисмоний шахсларнинг меҳнатини ташкил этиш ва меҳнатига ҳақ тўлаш тартиби
12. Буюртмачи — иш берувчилар жисмоний шахсларни вақтинчалик ишларга жалб қилишдан олдин:
ушбу Низом талабларига мувофиқ бир иш куни давомида қонунчиликда белгиланган тартибда меҳнат шартномасини тузади;
меҳнатни ташкил этиш ва меҳнатга ҳақ тўлаш шартлари тўғрисида хабардор қилади.
13. Буюртмачи — иш берувчилар томонидан жисмоний шахслар билан тузилган меҳнат шартномалари «Ягона меҳнат миллий тизими» идоралараро дастурий-аппарат комплексида рўйхатдан ўтказилади ҳамда жисмоний шахсларнинг вақтинчалик ишларда қатнашган даври тўғрисидаги маълумотлар электрон меҳнат дафтарчаларида акс эттирилади.
14. Буюртмачи — иш берувчилар жисмоний шахсларга қонунчиликка мувофиқ меҳнат муҳофазаси талабларига мос шароитларни таъминлайди.
15. Жисмоний шахслар учун иш вақтининг давомийлиги меҳнат қонунчилигига мувофиқ белгиланади.
Буюртмачи — иш берувчи иш куни ва иш ҳафтасини ташкил этишнинг мослашувчан шаклларидан фойдаланишга, шунингдек, ишлаган соатларга мутаносиб равишда ҳақ тўланадиган ишларни бажариш учун қисқартирилган иш вақтини жорий этишга ҳақли.
16. Буюртмачи — иш берувчилар жисмоний шахслар учун вақтинчалик ишларнинг ҳажмини белгилайди ҳамда уларнинг иш вақтини ҳисобга олиб боради.
17. Буюртмачи — иш берувчилар томонидан ой якунида (меҳнат шартномасининг амал қилиш муддати тугаган ёки бекор қилинган кунда) жисмоний шахсларга амалда бажарган иши учун ташкилотдаги амалдаги ставкалар ва лавозим маошларидан келиб чиққан ҳолда, аммо ойига меҳнатга ҳақ тўлаш Ягона тариф сеткасининг биринчи разрядидан кам бўлмаган ва меҳнатга ҳақ тўлаш энг кам миқдорининг икки бараваридан кўп бўлмаган миқдорда иш ҳақи тўланади.
18. Буюртмачи — иш берувчилар ушбу Низомнинг 17-бандида назарда тутилган тўловлардан ташқари бюджетдан ташқари жамғарманинг маблағлари ҳисобидан меҳнатга қўшимча рағбатлантириш белгилаши мумкин.
19. Буюртмачи — иш берувчилар ой якунида Бўлимга жисмоний шахсларнинг ишлаган вақтлари тасдиқланган табель ва иш ҳақи ҳисобланган қайдномаларни тақдим этади.
20. Бўлим бир иш куни давомида Ўзбекистон Республикаси Молия вазирлигининг тегишли ғазначилик бўлинмаларига ғазначилик мемориал ордерлари ёки тўлов топшириқномаларини тақдим этади.
Буюртмачи — иш берувчиларнинг жисмоний шахсларни вақтинчалик ишларни бажаришга жалб этиш билан боғлиқ харажатларини қоплаш Камбағалликни қисқартириш давлат мақсадли жамғармасига Ўзбекистон Республикасининг Давлат бюджетидан ажратилган маблағлар ҳисобидан амалга оширилади.
21. Жисмоний шахсларнинг вақтинча ишларни амалга ошириш вақти меҳнат стажига киритилади. Ушбу жисмоний шахслар вақтинча меҳнатга қобилиятсизлик нафақаларини олиш ҳуқуқини сақлаб қоладилар.
22. Жисмоний шахсларнинг меҳнат мажбурияти буюртмачи — иш берувчи томонидан белгиланган вақтда ёки фавқулодда ҳолат бекор қилинган пайтдан кечиктирмай тугатилади.
4-боб. Якунловчи қоидалар
23. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.
24. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Фавқулодда ҳолат жорий этилган ҳудудда авария-қутқарув ва бошқа кечиктириб бўлмайдиган ишларни амалга ошириш ҳамда таъминлаш учун банд бўлмаган аҳолини жалб этиш ва уларнинг меҳнатига ҳақ тўлаш тартиби тўғрисидаги низомга ИЛОВА
Фавқулодда ҳолат жорий этилган ҳудудда авария-қутқарув ва бошқа кечиктириб бўлмайдиган ишларни амалга ошириш ҳамда таъминлаш учун банд бўлмаган аҳолини жалб этиш ва уларнинг меҳнатига ҳақ тўлашни ташкил этиш
Босқичлар Субъектлар Тадбирлар Бажариш муддатлари 1-босқич Ҳудуд коменданти Ўзбекистон Республикаси Камбағалликни қисқартириш ва бандлик вазирлиги ёки унинг ҳудудий бошқармасида фавқулодда ҳолат жорий этилган ҳудудда вақтинчалик авария-қутқарув ва бошқа кечиктириб бўлмайдиган ишларни (кейинги ўринларда — вақтинчалик ишлар) амалга ошириш ҳамда таъминлашга банд бўлмаган аҳолини жалб этиш тўғрисида таклиф киритади Заруратга кўра 2-босқич Камбағалликни қисқартириш ва бандлик вазирлиги ёки унинг ҳудудий бошқармаси (ҳудуд комендатураси) Таркибида Камбағалликни қисқартириш ва бандлик вазирлиги ёки унинг ҳудудий бошқармаси раҳбарлигида манфаатдор вазирликлар ва идоралар ёки уларнинг ҳудудий бўлинмалари вакилларидан иборат махсус ишчи гуруҳни (кейинги ўринларда — махсус ишчи гуруҳ) тузиш бўйича фармойиш қабул қилади Бир иш кунида 3-босқич Махсус ишчи гуруҳ Камбағалликни қисқартириш ва бандликка кўмаклашиш бўлимида (кейинги ўринларда — бўлим) иш қидирувчи сифатида рўйхатда турган шахслар, шунингдек, вақтинчалик ишларни амалга оширишда иштирок этиш истагини билдирган ишсиз маҳаллий аҳолининг (кейинги ўринларда — жисмоний шахслар) рўйхатини шакллантиради Бир иш кунида 4-босқич Буюртмачи-иш берувчилар Махсус ишчи гуруҳга вақтинчалик ишларни бажаришга жисмоний шахсларни жалб этиш юзасидан буюртмалар билан мурожаат қилади Заруратга кўра 5-босқич Махсус ишчи гуруҳ Бўлим ва буюртмачи-иш берувчилар ўртасида вақтинчалик ишларга жалб қилинган шахслар рўйхатини илова қилган ҳолда фавқулодда ҳолатнинг амал қилиш муддатидан ошмайдиган даврга шартномалар тузилишини таъминлайди Бир иш кунида 6-босқич Бўлим Тузилган шартномаларни Ўзбекистон Республикаси Молия вазирлигининг Ғазначилик бошқармаларида рўйхатдан ўтказади Бир иш кунида 7-босқич Буюртмачи-иш берувчилар Жисмоний шахсларни вақтинчалик ишларга жалб қилиш бўйича қонунчиликда белгиланган тартибда меҳнат шартномасини тузади ва «Ягона меҳнат миллий тизими» идоралараро дастурий-аппарат комплексида рўйхатдан ўтказади Бир иш кунида 8-босқич Буюртмачи-иш берувчилар Жисмоний шахслар учун вақтинчалик ишларнинг ҳажмини белгилайди ҳамда уларнинг иш вақтини ҳисобга олиб боради Меҳнат шартномасига мувофиқ 9-босқич Буюртмачи-иш берувчилар Жисмоний шахсларга амалда бажарилган иш учун ҳақ тўлайди Ой якунида (меҳнат шартномасининг амал қилиш муддати тугаган ёки бекор қилинган кунда) 10-босқич Буюртмачи-иш берувчилар Бўлимга жисмоний шахсларнинг ишлаган вақтлари тасдиқланган табель ва иш ҳақи ҳисобланган қайдномаларни тақдим этади Ой якунида 11-босқич Бўлим Ўзбекистон Республикаси Молия вазирлигининг тегишли Ғазначилик бўлинмаларига ғазначилик мемориал ордерлари ёки тўлов топшириқномаларини тақдим этади Бир иш кунида 12-босқич Ўзбекистон Республикаси Молия вазирлигининг тегишли Ғазначилик бўлинмалари Ўзбекистон Республикаси Молия вазирлигининг тегишли Ғазначилик бўлинмалари буюртмачи — иш берувчиларнинг жисмоний шахсларни вақтинчалик ишларни бажаришга жалб этиш билан боғлиқ харажатларини қоплаб беради Бир иш кунида
Вазирлар Маҳкамасининг 2022 йил 14 октябрдаги 600-сон қарорига 2-ИЛОВА
Фавқулодда ҳолат жорий этилган ҳудудда жабрланган шахсларга зарур ёрдам кўрсатиш ва етказилган зарарнинг ўрнини қоплаш тартиби тўғрисида
1-боб. Умумий қоидалар
1. Мазкур Низом фавқулодда ҳолатни жорий этиш учун асос бўлиб хизмат қилган ҳолатлар натижасида ёки бундай ҳолатларни йўқ қилиш ёки уларнинг оқибатларини бартараф этиш чоралари қўлланилиши оқибатида жабрланган шахсларга (кейинги ўринларда — жабрланганлар) зарур ёрдамни кўрсатиш ва етказилган моддий зарарнинг ўрнини қоплаш тартибини белгилайди.
2. Мазкур Низомда қуйидаги асосий тушунчалардан фойдаланилади:
авария-қутқарув ишлари — авария ва ҳалокатларнинг хавфли омиллари таъсирини тугатиш ва бартараф этиш, одамларнинг ҳаётини асраб қолиш ва соғлиғини сақлаш, юридик ва жисмоний шахсларнинг мол-мулкини, атроф табиий муҳитни муҳофаза қилишга қаратилган шошилинч ҳаракатлар;
кечиктириб бўлмайдиган ишлар — қутқарув ишларини ҳар томонлама таъминлаш, одамлар ҳаёти, соғлиғи ва меҳнат қобилиятини сақлаб қолиш учун зарур бўлган шарт-шароитларни яратиш ҳамда жабрланган аҳолига ёрдам кўрсатишга қаратилган ҳаракатлар;
фавқулодда ҳолат — Ўзбекистон Республикаси фуқароларининг, чет эл фуқароларининг ҳамда фуқаролиги бўлмаган шахсларнинг ҳуқуқ ва эркинликларига, шунингдек юридик шахсларнинг ҳуқуқларига нисбатан «Фавқулодда ҳолат тўғрисида»ги Ўзбекистон Республикаси Конституциявий Қонунида назарда тутилган айрим чекловлар белгилашга йўл қўядиган ҳамда уларнинг зиммасига қўшимча мажбуриятлар юклайдиган, Ўзбекистон Республикаси Конституциясига мувофиқ Ўзбекистон Республикасининг бутун ҳудудида ёки айрим жойларида вақтинча жорий қилинадиган давлат бошқаруви органлари, маҳаллий давлат ҳокимияти органлари, фуқароларнинг ўзини ўзи бошқариш органлари, нодавлат нотижорат ташкилотлари ҳамда ташкилий-ҳуқуқий ва мулкчилик шаклидан қатъи назар, бошқа ташкилотлар, уларнинг мансабдор шахслари фаолиятининг алоҳида ҳуқуқий режими;
ҳудуд коменданти — ҳудуд комендатураси фаолиятига раҳбарлик қилувчи ҳамда фавқулодда ҳолат режимини таъминловчи кучлар ва воситаларнинг ягона бошқарувини амалга оширувчи мансабдор шахс;
ҳудуд комендатураси — фавқулодда ҳолат режимини таъминловчи кучлар ва воситаларни бошқариш учун фавқулодда ҳолат жорий этилган ҳудудда ташкил этиладиган вақтинчалик махсус давлат бошқаруви органи.
2-боб. Жабрланганларга зарур ёрдам кўрсатиш тартиби
3. Маҳаллий ижро этувчи ҳокимият органлари ҳудуд коменданти билан келишилган ҳолда фавқулодда ҳолатни жорий этиш учун асос бўлиб хизмат қилган ҳолатлар натижасида ҳамда бундай ҳолатларни йўқ қилиш ёки уларнинг оқибатларини бартараф этиш чоралари қўлланилиши оқибатида жабрланганларга зарур ёрдам кўрсатиш эҳтиёжини, шу жумладан, уларни шахсий маълумотлари — ёши, жинси ва бошқа аниқловчи мезонлари асосида таснифлаш орқали турар жой, озиқ-овқат, ичимлик сув, тиббий хизмат ва бошқа зарур инсонпарварлик ёрдамига бўлган эҳтиёжни аниқлайди.
4. Жабрланганлар учун зарур ёрдамга қуйидагилар киради:
вақтинча яшаб туриш учун турар жойлар билан таъминлаш;
кунига уч маҳал иссиқ овқат, ичимлик сув, кийим-кечак (совуқ мавсумда — иссиқ кийим), ёқилғи билан таъминлаш;
тиббий ёрдам, реабилитация ёрдами;
фавқулодда ҳолат жорий этилган даврда фаолияти чекланиши туфайли даромади йўқолган тақдирда, энг зарур товарлар билан таъминлаш ва моддий ёрдам кўрсатиш;
вақтинчалик ишга жойлашишга кўмаклашиш.
5. Ўзбекистон Республикаси Президентининг фавқулодда ҳолат жорий этиш тўғрисидаги Фармонига асосан фавқулодда чора сифатида хавфсиз ҳудудларга эвакуация қилинган аҳолини ҳамда фавқулодда ҳолатни жорий этиш учун асос бўлиб хизмат қилган ҳолатлар оқибатларидан қочиш учун уйларини (турар жойларини) тарк этишга мажбур бўлган шахсларни вақтинча яшаб туриш учун стационар ёки кўчма турар жойлар билан таъминлаш (ташкил этиш) маҳаллий ижро этувчи ҳокимият органлари ёхуд Фавқулодда ҳолат режимини таъминлаш бўйича давлат комиссияси (кейинги ўринларда — Давлат комиссияси) ташкил этилганда ушбу Давлат комиссияси томонидан амалга оширилади.
6. Жабрланганларни вақтинча яшаб туриш учун стационар жойлар билан таъминлаш ёки уларга кўчма турар жойларни ташкил этиш учун Ўзбекистон Республикаси Президентининг фавқулодда ҳолат жорий этиш тўғрисидаги Фармони билан белгиланган ҳудудларнинг маҳаллий ижро этувчи ҳокимият органлари ҳузурида эвакуация комиссиялари (кейинги ўринларда — эвакуация комиссияси) фаолияти йўлга қўйилади.
7. Фавқулодда ҳолат жорий этилган ҳудуднинг маҳаллий ижро этувчи ҳокимият органлари ёки ҳудуд комендатураси томонидан тегишли эвакуация комиссияларига вақтинча яшаб туриш учун турар жойларга муҳтож жабрланганлар тўғрисида маълумот тақдим этилади ҳамда уларнинг эвакуацияси ташкил этилади.
8. Эвакуация комиссиялари жабрланганларга вақтинча яшаб туриш учун биринчи навбатда стационар турар жойларни жамоат ва маъмурий бино ва иншоотларда (соғломлаштириш муассасалари, таълим ташкилотлари, болалар дам олиш оромгоҳлари, дам олиш уйлари, туристик базалар ва бошқаларда) тайёрлайди.
Жабрланганларни стационар турар жойлар билан таъминлаш имкони чекланганда уларга эвакуация комиссиялари томонидан Ўзбекистон Республикаси Фавқулодда вазиятлар вазирлиги билан биргаликда вақтинча яшаб туриш учун кўчма турар жойлар — палаткали шаҳарчалар барпо этилади.
Жабрланганларнинг вақтинчалик турар жойлардаги ҳаёт фаолиятини таъминлаш тегишли эвакуация комиссияси томонидан амалга оширилади.
9. Жабрланганларни энг зарур товарлар билан таъминлаш ҳамда уларга моддий ёрдам кўрсатиш фавқулодда ҳолат жорий этилган ҳудуднинг маҳаллий ижро этувчи ҳокимият органи раҳбари томонидан тасдиқланган ёрдамга муҳтож шахслар рўйхатига мувофиқ мавжуд фавқулодда ҳолатни таъминлаш учун ажратилган молиявий ва моддий ресурслар, Ўзбекистон Қизил Ярим ой жамиятининг захиралари ҳамда инсонпарварлик ёрдами сифатида тақдим этилган моддий ва молиявий ресурслар ҳисобидан амалга оширилади.
10. Жабрланганларни иссиқ овқат, ичимлик сув, кийим-кечак, кўрпа-тўшаклар билан таъминлаш Ўзбекистон Республикаси Фавқулодда вазиятлар вазирлиги, Мудофаа вазирлиги ва Миллий гвардия кўмагида маҳаллий ижро этувчи ҳокимият органи томонидан ташкил этилади.
11. Фавқулодда ҳолат жорий этилиши учун асос бўлган ҳолатлар натижасида жабрланган шахсларга тиббий ёрдам кўрсатиш, шу жумладан, реабилитация қилиш Ўзбекистон Республикаси Соғлиқни сақлаш вазирлигининг тиббиёт муассасалари томонидан бепул тиббий ёрдам тартибида амалга оширилади.
Тиббий ёрдам тиббий-эвакуация, санитария-гигиена ва эпидемияга қарши профилактик чора-тадбирларни ўз ичига олади.
12. Жабрланганларга кўрсатиладиган молиявий ёрдам миқдори ва уни тақдим этиш тартиби маҳаллий ижро этувчи ҳокимият органи раҳбарининг алоҳида қарори билан белгиланадиган ижтимоий тўловлар тартибида амалга оширилади.
13. Фавқулодда ҳолат жорий этилган ҳудуддаги банд бўлмаган аҳолига Ўзбекистон Республикаси Камбағалликни қисқартириш ва бандлик вазирлиги ёки унинг ҳудудий бошқармаси томонидан меҳнатига ҳақ тўланадиган вақтинчалик авария-қутқарув ва бошқа кечиктириб бўлмайдиган ишларни амалга ошириш ҳамда таъминлашга жалб этилишига кўмаклашилади.
3-боб. Жабрланганларга етказилган зарарнинг ўрнини қоплаш тартиби
14. Фавқулодда ҳолатни жорий этиш учун асос бўлиб хизмат қилган ҳолатлар натижасида ёки бундай ҳолатларни йўқ қилиш ёки уларнинг оқибатларини бартараф этиш чоралари қўлланилиши сабабли етказилган қуйидаги зарарлар қопланиши лозим:
жабрланганларнинг мол-мулкига етказилган зарар;
бутунлай йўқ қилинган ва тиклашнинг имкони бўлмаган мол-мулкнинг бозор қиймати.
15. Жабрланганларнинг мол-мулки тегишли хавф бўйича суғурта қилинган ҳолатларда уларга етказилган зарар тегишли суғурта ташкилотлари томонидан амалга оширилади.
16. Ўзбошимчалик билан қурилган турар жойлар, ишлаб чиқаришлар ва бошқа бино ва иншоотларнинг қиймати, шунингдек, жабрланганларнинг бой берган фойдаси қопланмайди.
17. Жабрланганларнинг соғлиғига зарар етказилган тақдирда, уларга бепул зарур тиббий ёрдам таъминланади, фуқаро ҳалок бўлган тақдирда эса — қонунчиликка мувофиқ унинг оила аъзоларига пенсия ёки боқувчисини йўқотганлик нафақаси тайинланади.
18. Ҳудуд коменданти юридик ёки жисмоний шахсларнинг кўчмас мулкини ёки унинг бир қисмини, транспорт воситасини, машина ва механизмларни, асбоб-ускуналар ёки бошқа мулкларни, агар улардан фойдаланиш авария-қутқарув ва бошқа кечиктириб бўлмайдиган ишларни бажариш учун ўта зарур бўлса ва уларни тезкор етказиб келиш имконияти мавжуд бўлмаса ёки кўп ҳаракатларни талаб қилса, уларни мажбурий фойдаланиш учун вақтинча олиб қўйиш (реквизиция) тўғрисида қарор қабул қилиши мумкин.
19. Мажбурий фойдаланиш ҳудуд коменданти томонидан белгиланган муддатда, аммо фавқулодда ҳолат амал қилиш муддатидан кечиктирмай тўхтатилади.
20. Мажбурий фойдаланиш учун олиб қўйиш ҳудуд коменданти тайинлаган мансабдор шахс (кейинги ўринларда — мансабдор шахс) томонидан амалга оширилади.
21. Ҳудуд коменданти ва мансабдор шахс мажбурий фойдаланиш учун олиб қўйишни амалга оширишда ашёнинг мулкдори ёки эгасидан олиб қўйилиши ёки мажбурий фойдаланилиши керак бўлган кўчма ашёни топшириш учун етказиб беришга мажбурлашга ҳақли.
22. Мажбурий фойдаланиш учун олиб қўйиш тўғрисидаги баённома икки нусхада тузилади. Баённоманинг бир нусхаси ашёнинг мулкдорига ёки эгасига берилади.
Фавқулодда ҳолат амал қилиш муддати тугагандан сўнг сақланиб қолинган мажбурий фойдаланиш учун олиб қўйилган ашё собиқ мулкдори ёки эгасига қайтариб берилади.
23. Мажбурий олиб қўйилган ашёнинг йўқ қилинганлиги ва (ёки) шикастланганлиги учун компенсация тўловлари Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳри шаҳар бюджети, туманлар ва шаҳарлар бюджетларининг захира жамғармалари, Ўзбекистон Республикаси Вазирлар Маҳкамасининг захира жамғармаси маблағлари ҳамда қонунчиликда тақиқланмаган бошқа манбалар ҳисобидан амалга оширади.
24. Фавқулодда ҳолатни жорий этиш учун асос бўлиб хизмат қилган ҳолатлар натижасида ёки бундай ҳолатларни йўқ қилиш ёки уларнинг оқибатларини бартараф этиш чоралари қўлланилиши оқибатида етказилган моддий зарарнинг ўрнини қоплаш ушбу Низомга 1-иловада келтирилган схемага мувофиқ ташкил этилади.
25. Шикастланган ёки йўқ қилинган мулкнинг эгаси ёки мулкдори (кейинги ўринларда — мол-мулк эгаси) фавқулодда ҳолат амал қилиш муддати тугаган кундан эътиборан ўттиз календарь кун мобайнида тегишли маҳаллий ижро этувчи ҳокимият органига моддий зарарни қоплаш тўғрисида ушбу Низомга 2-иловага мувофиқ шаклда тўлдирилган аризани тақдим этади.
26. Зарарни қоплаш тўғрисидаги аризага қуйидагилар илова қилинади:
мол-мулк эгасининг шахсини тасдиқловчи ҳужжатнинг нусхаси (бундай ҳужжат йўқолган ёки йўқ қилинган ҳолларда ички ишлар органлари томонидан берилган вақтинчалик шахсни тасдиқловчи гувоҳнома);
мулкни мажбурий бегоналаштириш ёки мажбурий фойдаланиш учун олиб қўйиш тўғрисидаги баённоманинг нусхаси;
йўқолган ва / ёки шикастланган мулк рўйхати.
27. Аризалар маҳаллий ижро этувчи ҳокимият органи томонидан ушбу Низомга 3-иловага мувофиқ шакл бўйича Моддий зарарни қоплаш тўғрисидаги аризаларни рўйхатга олиш журналида қайд этилади.
28. Моддий зарарни қоплаш тўғрисидаги ариза ушбу Низомнинг 26-бандида кўрсатилган ҳужжатлар келиб тушган кундан бошлаб ўн беш иш кунида кўриб чиқилади.
29. Маҳаллий ижро этувчи ҳокимият органи ариза рўйхатга олинган кундан эътиборан ўн иш кунида мазкур Низомнинг 23-бандида кўрсатилган маблағлар ҳисобидан баҳоловчи ташкилот томонидан етказилган зарар миқдори баҳоланишини ташкил этади.
30. Етказилган зарар миқдорини баҳолаш қуйидаги босқичларда ташкил этилади:
мол-мулк эгаси уч иш кунигача баҳоловчи ташкилотни танлайди;
баҳоловчи ташкилот бир иш кунида мол-мулк эгаси билан келишган ҳолда баҳолаш вақти ва жойини белгилайди;
баҳоловчи ташкилот беш иш кунигача мол-мулк эгаси иштирокида зарарланган мулкни баҳолайди;
баҳоловчи ташкилот бир иш кунида баҳолаш ҳисоботини тайёрлайди, мол-мулк эгасини таништиради ва тегишли маҳаллий ижро этувчи ҳокимият органига тақдим этади.
31. Зарарни қоплаш миқдори, яъни шикастланган мулкни тиклаш (таъмирлаш) учун зарур бўлган харажатлар ва (ёки) бузилганлиги сабабли мулкнинг эскириш миқдорини ёки йўқолган ёхуд шикастланган мол-мулкнинг эскиришини қоплаш ўша вақтда ҳудудда амалда бўлган бозор нархлари қийматидан келиб чиққан ҳолда белгиланади. Зарарланган мулкни тиклаш (таъмирлаш) харажатлари уни тиклаш харажатларининг сметаси ёки ҳисоб-китоби билан тасдиқланади.
32. Мулк, агар уни қайта тиклаш техник жиҳатдан имконсиз ёки иқтисодий жиҳатдан асоссиз бўлса, йўқ қилинган ҳисобланади. Мулкни тиклаш учун кутилаётган харажатлар зарар етказилган кундаги унинг бозор қийматининг саксон фоизидан ошса, мулкни тиклаш иқтисодий жиҳатдан асоссиз деб ҳисобланади.
33. Баҳоловчи ташкилот томонидан мулкий зарарни баҳолаш ишлари тугагандан сўнг маҳаллий ижро этувчи ҳокимият органи уч иш кунида етказилган мулкий зарарни қоплашнинг миқдори бўйича хулоса тайёрлайди, тегишли қарор қабул қилади ҳамда уни Ўзбекистон Республикаси Молия вазирлигининг тегишли ғазначилик бўлинмасига ижро учун юборади.
34. Ўзбекистон Республикаси Молия вазирлигининг тегишли ғазначилик бўлинмаси мол-мулк эгасига мулкий зарарни қоплаш тўғрисидаги қарорни олган кундан бошлаб уч иш куни мобайнида қарорда қайд қилинган мол-мулк эгасининг банкдаги ҳисоб рақамига пул маблағларини ўтказади.
Жабрланганларга етказилган мулкий зарар Ўзбекистон Республикасининг Давлат бюджети маблағлари ҳисобидан қопланади.
35. Турар жойларни тиклаш техник жиҳатдан имконсиз ёки иқтисодий жиҳатдан асоссиз бўлганда уларнинг эгаларига қонунчиликда белгиланган тартибда текинга доимий уй-жой берилиши мумкин.
36. Етказилган зарар қоплангандан сўнг етказилган зарарни қоплаш тўғрисидаги аризаларни рўйхатга олиш журналига тўланган зарар миқдори санаси ва тўловнинг рақами кўрсатилган ҳолда тегишли ёзув киритилади.
37. Мулкка етказилган зарарни қоплашни рад этиш тўғрисидаги қарор қуйидаги ҳолларда қабул қилинади:
а) зарур шаклда расмийлаштирилмаган ҳужжатлар тақдим этилганда;
б) тақдим этилган ҳужжатларда ишончсиз ва асосланмаган маълумотлар мавжуд бўлганда.
4-боб. Якунловчи қоидалар
38. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.
39. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Фавқулодда ҳолат жорий этилган ҳудудда жабрланган шахсларга зарур ёрдам кўрсатиш ва етказилган зарарнинг ўрнини қоплаш тартиби тўғрисидаги низомга 1-ИЛОВА
Фавқулодда ҳолатни жорий этиш учун асос бўлиб хизмат қилган ҳолатлар натижасида ёки бундай ҳолатларни йўқ қилиш ёки уларнинг оқибатларини бартараф этиш чоралари қўлланилиши оқибатида етказилган моддий зарарнинг ўрнини қоплашни ташкил этиш
Босқичлар Субъектлар Тадбирлар Бажариш муддатлари 1-босқич Шикастланган ёки йўқ қилинган мулкнинг эгаси ёки мулкдори (кейинги ўринларда — мол-мулк эгаси) Тегишли маҳаллий ижро этувчи ҳокимият органига етказилган моддий зарарни қоплаш учун аризани тақдим этади Ўттиз календарь кун мобайнида 2-босқич Мол-мулк эгаси Баҳоловчи ташкилотни танлайди Уч иш кунигача 3-босқич Баҳоловчи ташкилот Мол-мулк эгаси билан келишган ҳолда баҳолаш вақти ва жойини белгилайди Бир иш кунида 4-босқич Баҳоловчи ташкилот Мол-мулк эгаси иштирокида зарарланган мулкни баҳолайди Беш иш кунигача 5-босқич Баҳоловчи ташкилот Баҳолаш ҳисоботини тайёрлайди, мол-мулк эгасини таништиради ва тегишли маҳаллий ижро этувчи ҳокимият органига тақдим этади Бир иш кунида 6-босқич Маҳаллий ижро этувчи ҳокимият органи Мол-мулк эгасига етказилган мулкий зарарни қоплашнинг миқдори бўйича хулоса тайёрлайди, тегишли қарор қабул қилади ҳамда уни Ўзбекистон Республикаси Молия вазирлигининг тегишли ғазначилик бўлинмасига ижро учун юборади Уч иш кунида 7-босқич Ўзбекистон Республикаси Молия вазирлигининг тегишли ғазначилик бўлинмаси Етказилган мулкий зарарни қоплаш тўғрисидаги қарорда қайд қилинган мол-мулк эгасининг банкдаги ҳисоб рақамига пул маблағларини ўтказади Уч иш кунида
Фавқулодда ҳолат жорий этилган ҳудудда жабрланган шахсларга зарур ёрдам кўрсатиш ва етказилган зарарнинг ўрнини қоплаш тартиби тўғрисидаги низомга 2-ИЛОВА
___________________________________________ (Моддий зарарни аниқлаш ва қоплаш комиссияси раисининг Ф.И.О. (агар мавжуд бўлса)) ________________________________________дан яшовчининг (Ф.И.О. (агар мавжуд бўлса)) __________________________________________ тел. ______________________________________ Моддий зарарни қоплаш тўғрисида АРИЗА Менга_____________________________________________________________________________ (ҳодисанинг хусусияти кўрсатилади) муносабати билан етказилган зарарни қуйидаги ҳисоб рақамга пул ўтказиш орқали қоплашингизни сўрайман: _______________________________________________________________________________________ (олувчининг банк реквизити кўрсатилади) ______________________________________________________________________________________ (олувчининг Ф.И.О. кўрсатилади) Аризага қуйидаги ҳужжатлар илова қилинади: 1. _______________________________________________________________________________ 2. _______________________________________________________________________________ 3. _______________________________________________________________________________ 4. _______________________________________________________________________________ 5. _______________________________________________________________________________ _______________________________________________ ________________ (Ф.И.О.) (имзо) 20____ й. «_____» _________
Фавқулодда ҳолат жорий этилган ҳудудда жабрланган шахсларга зарур ёрдам кўрсатиш ва етказилган зарарнинг ўрнини қоплаш тартиби тўғрисидаги низомга 3-ИЛОВА
Моддий зарарни қоплаш тўғрисидаги аризаларни рўйхатга олиш
Т/р Шикастланган ёки йўқ қилинган мулкнинг эгаси ёки мулкдорнинг Ф.И.О. Ариза қабул қилинган сана Яшаш манзили Зарарни қоплаш сабаби Етказилган моддий зарар миқдори Моддий зарарни қоплаш учун тўлов топшириқномасининг рақами ва санаси 1 2 3 4 5 6 7
Вазирлар Маҳкамасининг 2022 йил 14 октябрдаги 600-сон қарорига 3-ИЛОВА
Фавқулодда ҳолатни таъминлашда (сақлаб туришда) иштирок этган шахсларни ҳисобга олиш, шунингдек, мазкур шахсларга нисбатан қўшимча кафолатлар ва компенсацияларни қўллаш тартиби тўғрисида
1-боб. Умумий қоидалар
1. Мазкур Низом фавқулодда ҳолат режимини таъминлашда (сақлаб туришда) иштирок этган шахсларни ҳисобга олиш тартиби ҳамда уларга қўшимча кафолатлар ва компенсациялар қўллаш шартларини белгилайди.
2. Фавқулодда ҳолат режимини таъминлаш (сақлаб туриш) ишлари жумласига Ўзбекистон Республикаси Президентининг фавқулодда ҳолат эълон қилиш тўғрисидаги Фармонида белгиланган фавқулодда чораларни амалга ошириш билан боғлиқ саъй-ҳаракатлар киради.
3. Фавқулодда ҳолат жорий этилган ҳудудда қўлланилган фавқулодда чоралар ва вақтинча чекловларни амалга оширишда иштирок этган Ўзбекистон Республикаси Ички ишлар вазирлиги, Миллий гвардияси, Фавқулодда вазиятлар вазирлиги, Давлат хавфсизлик хизмати, Мудофаа вазирлиги (кейинги ўринларда — ҳуқуқни муҳофаза қилувчи органлар ва ҳарбийлаштирилган тузилмалар) ходимлари ва ҳарбий хизматчилари, бошқа давлат органлари ҳамда ташкилотларнинг ходимлари ва ишчи-хизматчилари, шунингдек, ушбу ишларга жалб этилган банд бўлмаган фуқаролар — фавқулодда ҳолат режимини таъминлашда (сақлаб туришда) иштирок этган шахслар ҳисобланади.
2-боб. Фавқулодда ҳолатни таъминлашда (сақлаб туришда) иштирок этган шахсларни ҳисобга олиш тартиби
4. Фавқулодда ҳолатни таъминлашда (сақлаб туришда) иштирок этган шахсларни ҳисобга олиш (кейинги ўринларда — ҳисобга олиш):
хизмат (меҳнат) қилаётган фуқароларни — улар хизмат (меҳнат) қилаётган давлат органлари ва ташкилотлар раҳбарлари томонидан;
банд бўлмаган фуқароларни — Ҳудуд комендатураси таркибида Ўзбекистон Республикаси Камбағалликни қисқартириш ва бандлик вазирлиги ёки унинг ҳудудий бошқармалари раҳбарлигида манфаатдор вазирликлар ва идоралар ёки уларнинг ҳудудий бўлинмалари вакилларидан иборат тузиладиган фавқулодда ҳолат жорий этилган ҳудудда банд бўлмаган аҳолини вақтинчалик авария-қутқарув ва бошқа кечиктириб бўлмайдиган ишларни амалга ошириш ҳамда таъминлашга жалб этиш, шунингдек, уларнинг меҳнатига ҳақ тўлашни ташкил этиш махсус ишчи гуруҳ томонидан амалга оширилади.
5. Ҳисобга олиш тегишли давлат органи ва ташкилот раҳбарининг фавқулодда ҳолатни таъминлаш (сақлаб туриш) ишларига жалб этиш тўғрисидаги буйруқлари, шунингдек, фавқулодда ҳолат жорий этилган ҳудудда вақтинчалик авария-қутқарув ва бошқа кечиктириб бўлмайдиган ишларни амалга ошириш ҳамда таъминлаш ишларига жалб этиш бўйича меҳнат шартномалари асосида амалга оширилади.
3-боб. Фавқулодда ҳолатни таъминлашда (сақлаб туришда) иштирок этган шахсларга қўшимча кафолатлар ва компенсациялар қўллаш шартлари
6. Қўшимча кафолатлар ва компенсациялар фақат фавқулодда ҳолатни таъминлашда (сақлаб туришда) иштирок этган шахслар сифатида ҳисобга олинган фуқароларга қўлланилади.
7. Фавқулодда ҳолатни таъминлашда (сақлаб туришда) иштирок этган шахсларга қуйидаги қўшимча кафолатлар ва компенсациялар қўлланилади:
а) фавқулодда ҳолат режимини таъминлашда (сақлаб туришда) иштирок этган ҳуқуқни муҳофаза қилувчи органлар ва ҳарбийлаштирилган тузилмаларнинг ходимлари ва ҳарбий хизматчилари пул таъминоти (лавозим маоши ва ҳарбий (махсус) унвон маоши йиғиндиси), шунингдек, давлат органлари ҳамда ташкилотларнинг ходимлари ва ишчи-хизматчиларининг лавозим маошлари миқдори 1,5 ошириш коэффициентини қўллаган ҳолда аниқланади;
б) ҳуқуқни муҳофаза қилувчи органлар ва ҳарбийлаштирилган тузилмаларнинг ходимлари ва ҳарбий хизматчиларига пенсия тайинлаш учун хизмат (ҳарбий хизмат) стажини ҳисоблашда:
фавқулодда ҳолат режимини таъминлашда (сақлаб туришда) иштирок этган даврдаги хизмат (ҳарбий хизмат) муддатининг бир куни уч кунга тенглаштирилиб ҳисобланади;
фавқулодда ҳолат режимини таъминлаш (сақлаб туриш) ишларини бевосита амалга оширишда олинган ярадорлик, контузия, тан жароҳати ва касалликлар натижасида шифохона ва бошқа тиббиёт муассасаларида узлуксиз даволанишда бўлган бир кун имтиёзли равишда хизматнинг (ҳарбий хизматнинг) уч кунига тенг ҳисобланади;
в) фавқулодда ҳолат жорий этилган ҳудудда вақтинчалик авария-қутқарув ва бошқа кечиктириб бўлмайдиган ишларни амалга ошириш ҳамда таъминлашга жалб этилган банд бўлмаган фуқароларга:
буюртмачи — иш берувчи ташкилотларда амалда бўлган ставкалар ва лавозим маошлари (ишбай нархлар)дан келиб чиққан ҳолда, аммо меҳнатга ҳақ тўлаш бўйича Ягона тариф сеткасининг биринчи разрядидан кам бўлмаган миқдорда иш ҳақи тўланади;
буюртмачи — иш берувчилар томонидан иш ҳақидан ташқари бюджетдан ташқари жамғарманинг маблағлари ҳисобидан меҳнатга қўшимча рағбатлантириш белгиланиши мумкин;
меҳнат тўғрисидаги қонунчиликда назарда тутилган бошқа кафолатлар ва компенсациялар қўлланилади.
8. Фавқулодда ҳолатни таъминлашда (сақлаб туришда) иштирок этган шахсларга ушбу Низомнинг 7-бандида назарда тутилган тўловларни тўлаш — улар фавқулодда ҳолат жорий этилган ҳудудда ўз вазифаларини ҳақиқатда бажарган вақт учун (фавқулодда ҳолат жорий қилинган кундан олдин бўлмаган ва фавқулодда ҳолатнинг амал қилиш муддати тугаган кундан кечиктирмай) амалга оширилади.
9. Ушбу Низомда назарда тутилган харажатлар:
Ўзбекистон Республикаси Давлат бюджети маблағлари ҳисобидан таъминланадиган давлат органлари ва ташкилотларда — Ўзбекистон Республикасининг Давлат бюджети маблағлари ҳисобидан;
бошқа маблағлар ҳисобидан таъминланадиган ташкилотларда — ушбу ташкилотларнинг молиялаштириш (таъминлаш) манбалари ҳисобидан амалга оширилади.
4-боб. Якунловчи қоидалар
10. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.
11. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Вазирлар Маҳкамасининг 2022 йил 14 октябрдаги 600-сон қарорига 4-ИЛОВА
Фавқулодда ҳолат жорий этилган ҳудудда халқаро инсонпарварлик ёрдамини амалга ошириш тартиби тўғрисида
1-боб. Умумий қоидалар
1. Ушбу Низом Фавқулодда ҳолат жорий этилган ҳудудда халқаро инсонпарварлик ёрдамини амалга оширишда халқаро инсонпарварлик ёрдамини кўрсатиш ҳужжатларини кўриб чиқиш, келишиш ва рўйхатдан ўтказиш, уни Ўзбекистон Республикаси ҳудудига олиб кириш, қабул қилиш, тақсимлаш ва тарқатиш, шунингдек, халқаро инсонпарварлик ёрдами мақсадли ишлатилишини назорат қилиш тартибини белгилайди.
2. Фавқулодда ҳолат жорий этилган ҳудудда фавқулодда ҳолат жорий этишга хизмат қилган ҳолатлар натижасида ҳамда бундай ҳолатларни йўқ қилиш ёки уларнинг оқибатларини бартараф этишда жабрланган аҳолига тиббий ва ижтимоий ёрдам кўрсатиш учун хорижий давлатлар, халқаро ва хорижий ташкилотлар ёки нотижорат ташкилотлар, хорижий давлатлар фуқаролари (кейинги ўринларда — донорлар) томонидан тақдим этилган беғараз ёрдам, шунингдек, ушбу ёрдамни ташиш ва сақлаш билан боғлиқ харажатлар халқаро инсонпарварлик ёрдами (кейинги ўринларда — халқаро инсонпарварлик ёрдами) ҳисобланади.
3. Халқаро инсонпарварлик ёрдами Ўзбекистон Республикасига, давлат бошқарув органларига, маҳаллий ижро этувчи ҳокимият органларига, фуқароларнинг ўзини ўзи бошқариш органларига, юридик ва жисмоний шахсларга (кейинги ўринларда — халқаро инсонпарварлик ёрдамини олувчилар) берилиши мумкин.
4. Ўзбекистон Республикасига халқаро инсонпарварлик ёрдами сифатида олиб кирилаётган товарларга нисбатан божхона тўловлари бўйича имтиёзлар юридик ва жисмоний шахсларнинг ушбу товарларни тўлашни назарда тутувчи ташқи савдо шартномалари (контрактлари)га мувофиқ олиб кирилаётган товарларга нисбатан қўлланилмайди.
5. Халқаро инсонпарварлик ёрдамини (тўлиқ ёки қисман) сотиш тақиқланади.
6. Фавқулодда ҳолат жорий этилган ҳудудда халқаро инсонпарварлик ёрдамини амалга ошириш ушбу Низомга 1-иловада келтирилган схемага мувофиқ амалга оширилади.
2-боб. Халқаро инсонпарварлик ёрдамини кўрсатиш ҳужжатларини кўриб чиқиш, келишиш ва рўйхатдан ўтказиш тартиби
7. Донорлар халқаро инсонпарварлик ёрдамини кўрсатиш истаги бўйича улар тўғрисидаги ҳужжатларни илова қилган ҳолда Ўзбекистон Республикаси Ҳукуматига мурожаат юборадилар.
Ушбу ҳужжатларда қуйидагилар акс эттирилиши керак:
халқаро инсонпарварлик ёрдамининг мақсадлари, номенклатураси ва ҳажми;
халқаро инсонпарварлик ёрдамини олувчилар (охирги олувчилар) тоифалари — жисмоний шахслар, шунингдек, ташкилий-ҳуқуқий шакли ва идоравий мансублигидан қатъи назар юридик шахсларнинг тўлиқ рўйхати;
халқаро инсонпарварлик ёрдамини кўрсатиш усули;
халқаро инсонпарварлик ёрдамини кўрсатиш даврийлиги ёки бир марта кўрсатилиши;
халқаро инсонпарварлик ёрдамини кўрсатиш муддати ва/ёки уни тўхтатиш муддати.
8. Халқаро инсонпарварлик ёрдамини кўрсатиш ҳужжатларини кўриб чиқиш Фавқулодда вазиятларнинг олдини олиш ва бартараф этиш бўйича Ҳукумат комиссияси (кейинги ўринларда — Ҳукумат комиссияси) томонидан амалга оширилади. Ҳукумат комиссияси халқаро инсонпарварлик ёрдамини кўрсатиш тўғрисидаги ҳужжатларни олган куннинг ўзида уларни Ҳукумат комиссияси таркибига кирувчи давлат органларига кўриб чиқиш учун юборади.
9. Ҳукумат комиссияси таркибига кирувчи давлат органлари бир иш кунида халқаро инсонпарварлик ёрдамини кўрсатиш ҳужжатларини кўриб чиқиб, Ўзбекистон Республикаси Фавқулодда вазиятлар вазирлиги — Ҳукумат комиссиясининг ишчи органига (кейинги ўринларда — ишчи орган) қуйидаги жавоблардан бирини тақдим этишлари лозим:
халқаро инсонпарварлик ёрдамини кўрсатиш бўйича ҳужжатлар келишилганлиги;
халқаро инсонпарварлик ёрдамини кўрсатиш ҳужжатлари фикр-мулоҳазалар ва/ёки таклифлар билан келишилганлиги;
халқаро инсонпарварлик ёрдамини кўрсатиш ҳужжатлари келишилиши асосли равишда рад этилганлиги.
10. Ишчи орган томонидан бир иш кунида халқаро инсонпарварлик ёрдамини кўрсатиш ҳужжатлари бўйича тақдим этилган келишувлар, фикр-мулоҳазалар, таклифлар ва раддиялар умумлаштирилиб, ахборот маълумотномаси расмийлаштирилади ва навбатдан ташқари йиғилишида кўриб чиқиш учун Ҳукумат комиссияси раисига тегишли баён лойиҳасини илова қилган ҳолда белгиланган тартибда тақдим этилади.
11. Ҳукумат комиссияси икки иш кунида тақдим этилган халқаро инсонпарварлик ёрдамини кўрсатиш ҳужжатларини навбатдан ташқари йиғилишида кўриб чиқади ва уларни тасдиқлаш (тасдиқлашни рад этиш) тўғрисида қарор қабул қилади.
12. Ҳукумат комиссиясининг қарори унинг мажлиси баёни шаклида расмийлаштирилади ва тасдиқланган куннинг ўзида барча тегишли давлат органларига электрон шаклда ижро учун юборилади. Ушбу баёнда Ташқи ишлар вазирлиги томонидан қабул қилинган қарор тўғрисида белгиланган тартибда тегишли донорлар хабардор этилиши назарда тутилади.
13. Халқаро инсонпарварлик ёрдамини ҳисобга олиш, қабул қилиш, тарқатиш ва улардан фойдаланишни назорат қилиш мақсадида улар мажбурий тарзда рўйхатдан ўтказилади.
14. Ишчи орган томонидан халқаро инсонпарварлик ёрдамини кўрсатиш бўйича келишилган ҳужжатлар тўғрисидаги маълумотлар Ҳукумат комиссиясининг тегишли баёни келиб тушган куннинг ўзида «Халқаро инсонпарварлик ёрдамини кўрсатиш бўйича ягона реестр» ахборот тизимига (кейинги ўринларда — «Ягона реестр» АТ) киритилади ва рўйхатдан ўтказилади.
15. «Ягона реестр» АТ ишчи орган томонидан ишлаб чиқилади, шакллантирилади ва юритилади.
«Ягона реестр» АТ қуйидагиларни назарда тутади:
хорижий давлатлар билан ўзаро электрон ҳамкорликни қўллаган ҳолда халқаро инсонпарварлик ёрдамини кўрсатиш билан боғлиқ тартиб-таомилларни автоматлаштириш;
халқаро инсонпарварлик ёрдамини олувчилар тўғрисидаги ягона маълумотлар базасини шакллантириш;
халқаро инсонпарварлик ёрдамининг барча турлари тўғрисидаги маълумотларни жамлаш ва таҳлил қилиш;
давлат органларига юкланган вазифалар ва функцияларни бажариш учун «Ягона реестр» АТдан зарур ахборотни бериш.
16. Ишчи орган томонидан халқаро инсонпарварлик ёрдамини кўрсатиш ҳужжатларини рўйхатга олиш рақами кўрсатилган ҳолда рўйхатдан ўтказиш тўғрисидаги билдиришнома бир иш кунида халқаро инсонпарварлик ёрдамини олувчилар ҳамда тегишли давлат органлари — ижрочиларга юборилади.
3-боб. Халқаро инсонпарварлик ёрдамини Ўзбекистон Республикаси ҳудудига олиб кириш, тақсимлаш ва қабул қилиш тартиби
17. Халқаро инсонпарварлик ёрдами юклари сертификатлашдан ўтказилганидан ва Ҳукумат комиссияси томонидан келишилганидан сўнг Ўзбекистон Республикаси ҳудудига олиб кирилиши мумкин.
18. Халқаро инсонпарварлик ёрдами халқаро инсонпарварлик ёрдами олувчисига амалда топширилгунига қадар донорнинг мулки ҳисобланади.
19. Донорлар томонидан Ўзбекистон Республикаси ҳудудига олиб келинадиган халқаро инсонпарварлик ёрдами юкларини олиб кириш жараёнини мувофиқлаштириш Ҳукумат комиссияси томонидан амалга оширилади.
20. Халқаро инсонпарварлик ёрдамини олувчилар томонидан халқаро инсонпарварлик ёрдамини кўрсатиш ҳужжатлари рўйхатга олинган кундан бошлаб етти иш куни давомида Ҳукумат комиссиясига ушбу Низомга 2-иловада келтирилган шаклдаги инсонпарварлик ёрдамини олиш талабномаси киритилади.
Истисно ҳолларда, асослар мавжуд бўлганда, талабномани киритиш муддати уч иш кунига қисқартирилиши мумкин.
21. Ишчи орган бир иш кунида келиб тушган талабномалар асосида олиб кирилиши режалаштирилаётган халқаро инсонпарварлик ёрдамининг дастлабки тақсимотини манфаатдор давлат органлари иштирокида ўтказади.
Ишчи орган томонидан шу куннинг ўзида халқаро инсонпарварлик ёрдамининг олувчилар ўртасидаги тақсимоти лойиҳасини Ҳукумат комиссияси раисига тегишли баён лойиҳасини илова қилган ҳолда белгиланган тартибда тақдим этилади.
Ҳукумат комиссияси икки иш кунида навбатдаги йиғилишида халқаро инсонпарварлик ёрдами тақсимоти лойиҳасини кўриб чиқади ва уни тасдиқлаш тўғрисида қарор қабул қилади. Ҳукумат комиссиясининг ушбу йиғилиш баёни шу куннинг ўзида халқаро инсонпарварлик ёрдами олувчиларга ва тегишли вазирликлар ва идораларга юборилади.
22. Ишчи орган халқаро инсонпарварлик ёрдамини олиб келиш режаси ҳақида тегишли маълумотларни олгач шу куннинг ўзида:
барча жалб қилинган вазирликлар ва идораларга халқаро инсонпарварлик ёрдами юклари келиб тушадиган сана, уларнинг номенклатураси ва ҳажми ҳақида хабар беради;
омборларнинг юкларни қабул қилишга тайёрлиги тўғрисидаги маълумотларни тўплайди ва умумлаштиради.
23. Халқаро инсонпарварлик ёрдами юклари Ўзбекистон Республикаси ҳудудига автомобиль, темир йўл ва ҳаво транспортларида чегара — божхона постлари орқали олиб кирилади.
24. Тегишли давлат органлари ва халқаро инсонпарварлик ёрдамини олувчилар халқаро инсонпарварлик ёрдами юкларини қабул қилиш, ҳисобга олиш, сақлаш ва етказишни ташкил этади.
25. Халқаро инсонпарварлик ёрдами юкларини бериш ва қабул қилишда тегишли ҳужжатларни расмийлаштириш учун халқаро инсонпарварлик ёрдамини олувчининг вакилларида лавозимга тайинланганлигини тасдиқловчи ҳужжатнинг (вазирлик, идора ва ташкилот раҳбарлари учун) тасдиқланган нусхаси ёки олувчи ташкилотдан олинган ишончноманинг асл нусхаси ва унга илова қилинган қабул қилиш учун ваколатли шахснинг паспортининг тасдиқланган нусхаси, ташкилотнинг муҳри (агар ишончнома бўлмаган ва/ёки ишончномага муҳрдан фойдаланмаган ҳолда имзо чекиш ҳуқуқига эга бўлмаган тақдирда) ёки инсонпарварлик ёрдами юкини олувчи ташкилот муҳри билан тасдиқланган бериш ва қабул қилиш далолатномалари бланкалари бўлиши шарт.
26. Тегишли халқаро инсонпарварлик ёрдами юклари божхона чегарасини кесиб ўтгандан сўнг қабул қилувчи томоннинг вакили шу куннинг ўзида ишчи органни хабардор қилиши шарт.
27. Халқаро инсонпарварлик ёрдами юкларини сертификатлашдан ўтказиш (чет эл мувофиқлик сертификатларини эътироф этиш) Вазирлар Маҳкамасининг 2004 йил 6 июлдаги 318-сон қарори билан тасдиқланган Маҳсулотларни сертификатлаштириш тартиби тўғрисидаги низомга мувофиқ амалга оширилади.
28. Ишчи орган халқаро инсонпарварлик ёрдами юкларини божхона назоратидан ўтказиш бўйича донорларга кўмаклашади. Ишчи органнинг вакиллари ушбу тартиб юзасидан тушунтириш ишларини олиб борадилар ҳамда тўлдирилиши ва ваколатли органларга тақдим этилиши зарур бўлган ҳужжатлар намуналарини тақдим этадилар.
29. Ўзбекистон Республикаси Ички ишлар вазирлиги халқаро инсонпарварлик ёрдами юклари ортилган транспорт воситаларининг хавфсиз ҳаракатланиши ва тўхташ жойлари, шу жумладан, тушириш жойига етказиш йўналишларини олдиндан ўрганади ҳамда колонналарнинг кузатувини ва хавфсизлигини таъминлайди.
30. Ўзбекистон Республикаси Миллий гвардияси халқаро инсонпарварлик ёрдами юкларини сақлаш жойларида қўриқлаш бўйича навбатчиликни ташкил қилади.
31. Халқаро инсонпарварлик ёрдами юкларини тушириш тақдим этилган ҳужжатларда кўрсатилган олувчиларнинг омборларида амалга оширилади.
32. Халқаро инсонпарварлик юкларини қабул қилиш, омборларда юклаш-тушириш ишларини амалга ошириш ва ҳисобини юритиш ишлари халқаро инсонпарварлик юкларини олувчилар томонидан амалга оширилади. Бунда халқаро инсонпарварлик ёрдами ишчи орган вакили иштирокида, манфаатдор вазирликлар ва идораларнинг мутахассисларини жалб қилган ҳолда қабул қилинади.
33. Ишчи орган ва божхона органи ходимларисиз транспорт воситасидан пломбаларни (назорат ленталарини) олиб ташлаш ва халқаро инсонпарварлик ёрдами юкларини тушириш тақиқланади.
Ишчи орган вакилининг талабига кўра халқаро қабул қилувчининг вакили юкни очиши ва халқаро инсонпарварлик ёрдами юкларини текшириш учун тақдим этиши шарт.
Пломбаларнинг (назорат ленталарнинг) мавжудлиги ва бутунлиги фото-фиксация билан тасдиқланади.
Пломбалар (назорат ленталари) бўлмаган (зарар кўрган) ҳолларда ишчи орган вакили далолатнома тузади. Далолатнома нусхаси Ўзбекистон Республикаси Бош прокуратурасига фото-фиксация материаллари илова қилинган ҳолда юборилади. Транспортнинг конструктив хусусиятларидан келиб чиққан ҳолда муҳрлар бўлмаган ҳоллар бундан мустасно.
34. Халқаро инсонпарварлик ёрдами юкларини тушириш жараёнида ишчи орган вакили олинган юкларнинг номенклатурасини сертификатлаш учун эълон қилинганга мувофиқлигини назорат қиладилар.
35. Халқаро инсонпарварлик ёрдами юкларини туширишда қабул қилувчи томонидан шу куннинг ўзида ишчи орган вакили иштирокида манфаатдор вазирликлар ва идораларининг вакилларини жалб этган ҳолда саноқдан ўтказилади ва юкларнинг ҳақиқий мавжудлиги тўғрисидаги ушбу Низомга 3-иловада келтирилган шаклдаги далолатнома тузилади. Далолатнома нусхаси имзоланган кундан бошлаб уч иш кунида донорга юборилади, далолатноманинг тасдиқланган нусхаси ишчи органга юборилади.
Сертификациялардан ўтказиш учун тақдим этилган халқаро инсонпарварлик ёрдами юкларининг миқдорида тафовут ва номенклатурасида номувофиқлик аниқланган тақдирда, номувофиқлик тўғрисида ушбу Низомга 4-иловада келтирилган шаклдаги далолатнома тузилади.
Дори воситалари ва тиббий жиҳозлар (кейинги ўринларда — тиббий мол-мулк)дан иборат халқаро инсонпарварлик юкларини саноқдан ўтказишда ҳужжатлар бўйича миқдор билан ҳақиқий миқдор ўртасида тафовут юзага келган тақдирда, халқаро инсонпарварлик ёрдамини қабул қилишда миқдор бўйича тафовутлар юзасидан ушбу Низомга 5-иловада келтирилган шаклда номувофиқлик тўғрисида далолатнома тузилади ва унинг тасдиқланган нусхаси белгиланган тартибда кўриб чиқиш учун Ҳукумат комиссиясига тақдим этилади.
Ушбу номувофиқлик тўғрисида далолатномалар халқаро инсонпарварлик ёрдами сифатида қабул қилинган юкларнинг амалда мавжудлиги тўғрисидаги далолатноманинг ажралмас қисми ҳисобланади.
Агар халқаро инсонпарварлик ёрдами юкларининг амалдаги ҳақиқий миқдори (оғирлиги) юк ташиш ҳужжатларида кўрсатилган миқдордан (оғирликдан) ортиқча бўлса ёки юк ташиш ҳужжатларида кўрсатилмаган юк аниқланса, бундай юк номувофиқлик тўғрисидаги далолатномада қайд этилган пайтдан бошлаб инсонпарварлик ёрдами юки деб ҳисобланмайди ва у қабул қилувчининг масъуллигида сақланади ҳамда тегишли қарор қабул қилинмагунча ундан фойдаланилмайди.
36. Халқаро инсонпарварлик ёрдами юкларини тушириш ишлари тугатилганидан сўнг халқаро инсонпарварлик ёрдамини олувчи томонидан ишчи орган вакилига қуйидаги ҳужжатларнинг тасдиқланган нусхалари тақдим этилиши шарт:
вагонларга тахлаш варағининг ёки товар-транспорт юк хатининг тасдиқланган нусхалари;
ўтказиш жойидан то тушириш жойигача бўлган йўл учун юк хатининг тасдиқланган нусхаси;
топшириш ва қабул қилиш далолатномасининг нусхаси.
Нусхалар юк олинган кундан бошлаб икки иш куни мобайнида тақдим этилади.
4-боб. Халқаро инсонпарварлик ёрдами юкларини тарқатиш тартиби
37. Халқаро инсонпарварлик ёрдами юклари жисмоний шахсларга — охирги олувчиларга халқаро инсонпарварлик ёрдами шахсини тасдиқловчи ҳужжат тақдим этилганда берилади ва тарқатиш варағида жисмоний шахснинг имзоси билан қайд этилади. Тарқатиш варағининг нусхаси уч иш кунида умумлаштириш ва ҳисобини юритиш учун ишчи органга тақдим этилади.
38. Тиббий мол-мулк вилоятлар, шаҳарлар ва туманлар соғлиқни сақлаш бошқармалари/бўлимларига, тиббиёт муассасаларига етказиб берилади ва улар томонидан охирги олувчиларга тарқатилади.
Тиббий мол-мулкнинг охирги қабул қилувчиси стационар шароитда даволанаётган ҳамда диспансер рўйхатида турган беморлар ҳисобланади. Вилоятлар, шаҳарлар ва туманлар соғлиқни сақлаш бошқармалари/бўлимлари, тиббиёт муассасалари тиббий мол-мулкни олганлиги тўғрисида халқаро инсонпарварлик ёрдамини олиш журналларида қайд этади. Тиббиёт муассасаларида стационар ва диспансер рўйхатида турган беморлар томонидан тиббий мол-мулк олинганлиги жисмоний шахс (бемор)ни тиббиёт муассасасидан чиқаётганида даволаниш даврида олган халқаро инсонпарварлик ёрдамини ҳисобга олиш журналида унинг имзоси билан қайд этилади (ўлим ҳоллари, шунингдек, болалар (етимлар, ташлаб кетилганлар), қариндошлари бўлмаган беҳуш ҳолатдаги беморлар ва руҳий касалликларга чалинган беморлар бундан истисно ҳисобланади).
39. Халқаро инсонпарварлик ёрдамини юридик шахсларга — охирги олувчиларга бериш қуйидаги ҳужжатлардан бирига мувофиқ амалга оширилади:
топшириш-қабул қилиш далолатномаси;
юк хати;
ҳадя гувоҳномаси.
40. Юридик шахслар — охирги олувчилар томонидан халқаро инсонпарварлик ёрдами олганлигини тасдиқловчи ҳужжатларнинг нусхалари уч иш кунида умумлаштириш ва ҳисобини юритиш учун ишчи органга тақдим этилади.
41. Ижтимоий объектларни тиклаш, қуриш, таъмирлаш, ҳаёт фаолиятини таъминловчи объектлар ва бошқалар учун қурилиш материаллари, шунингдек, ўрнатишни ва монтаж ишларини талаб қиладиган ускуналар ва электр эҳтиёт қисимлари шаклидаги халқаро инсонпарварлик ёрдами таъмирлаш-тиклаш, қурилиш ишлари якунлангач бажарилган ишлар далолатномасининг имзоланган нусхаси ишчи органга тақдим этилади.
5-боб. Халқаро инсонпарварлик ёрдами мақсадли ишлатилишини назорат қилиш тартиби
42. Халқаро инсонпарварлик ёрдами мақсадли ишлатилишини назорат қилиш ишчи орган томонидан амалдаги қонунчиликка мувофиқ тегишли давлат бошқаруви, маҳаллий давлат ҳокимияти ҳамда зарур холларда фуқароларнинг ўзини ўзи бошқариш органлари иштирокида тасдиқланган режаларга асосан текширувларни ўтказиш орқали амалга оширилади.
43. Халқаро инсонпарварлик ёрдами нотўғри ишлатилганлиги тўғрисидаги маълумотлар солиқ ва божхона органларига тақдим этилади.
44. Халқаро инсонпарварлик ёрдами нотўғри ишлатилган тақдирда, божхона тўловлари, солиқлар ва бошқа мажбурий тўловлар, шунингдек, қонунчиликка мувофиқ ушбу суммаларга ҳисобланган пеня ва жарималар белгиланган тартибда Давлат бюджетига ундирилади.
45. Ишчи орган халқаро инсонпарварлик ёрдамининг мақсадли ишлатилиши бўйича назорат ва текшириш тадбирлари натижалари тўғрисида Ҳукумат комиссиясига ахборот бериб боради.
6-боб. Якунловчи қоидалар
46. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.
47. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Фавқулодда ҳолат жорий этилган ҳудудда халқаро инсонпарварлик ёрдамини амалга ошириш тартиби тўғрисидаги низомга 1-ИЛОВА
Фавқулодда ҳолат жорий этилган ҳудудда халқаро инсонпарварлик ёрдамини амалга ошириш
Босқичлар Субъектлар Тадбирлар Бажариш муддати 1-босқич Донор Халқаро инсонпарварлик ёрдамини кўрсатиш истаги бўйича Ўзбекистон Республикаси Ҳукуматига мурожаат юборади Ўз хоҳишига кўра 2-босқич Фавқулодда вазиятларнинг олдини олиш ва бартараф этиш бўйича Ҳукумат комиссияси (кейинги ўринларда — Ҳукумат комиссияси) Халқаро инсонпарварлик ёрдамини кўрсатиш тўғрисидаги ҳужжатларни Ҳукумат комиссияси таркибига кирувчи давлат органларига кўриб чиқиш учун юборади Ариза келиб тушган кунда 3-босқич Ҳукумат комиссияси таркибига кирувчи давлат органлари Тақдим этилган ҳужжатларни кўриб чиқади ва келишилганлиги, таклифлар билан келишилганлиги ёки келишилиши рад этилганлиги тўғрисида Ҳукумат комиссияси ишчи органига (кейинги ўринларда — ишчи орган) жавоб юборади Бир иш кунида 4-босқич Ишчи орган Халқаро инсонпарварлик ёрдамини кўрсатиш бўйича тақдим этилган келишувлар, фикр-мулоҳазалари, таклифлар ва раддиялар бўйича ахборот маълумотномасини расмийлаштиради ва тегишли баён лойиҳасини илова қилган ҳолда Ҳукумат комиссияси тақдим этади Бир иш кунида 5-босқич Ҳукумат комиссияси Ҳужжатларни кўриб чиқади ва уларни тасдиқлаш (тасдиқлашни рад этиш) тўғрисида қарор қабул қилади ҳамда ижро учун барча тегишли давлат органларига юборади Икки иш кунида 6-босқич Ишчи орган Ҳукумат комиссияси баёни асосида келишилган ҳужжатлар тўғрисидаги маълумотларни «Ягона реестр» АТ киритади ва рўйхатдан ўткизади Ҳукумат комиссияси баёни келиб тушган куннинг ўзида 7-босқич Ишчи орган Ҳужжатларини рўйхатга олиш рақами кўрсатилган ҳолда рўйхатдан ўтказиш тўғрисидаги билдиришномани халқаро инсонпарварлик ёрдамини олувчилар ҳамда тегишли давлат органлари — ижрочиларга юборади Бир иш кунида 8-босқич Халқаро инсонпарварлик ёрдамини олувчилар Ҳукумат комиссиясига халқаро инсонпарварлик ёрдамини олиш талабнома-хатини киритади Халқаро инсонпарварлик ёрдамини кўрсатиш ҳужжатлари рўйхатга олинган кундан бошлаб етти (истисно ҳолларда уч) иш кунида 9-босқич Ишчи орган Манфаатдор давлат органлари иштирокида келиб тушган талабнома-хатлар асосида олиб кирилиши режалаштирилаётган халқаро инсонпарварлик ёрдамининг дастлабки тақсимотини ўтказади ва кўриб чиқиш учун Ҳукумат комиссиясига киритади Бир иш кунида 10-босқич Ҳукумат комиссияси Навбатдаги йиғилишида халқаро инсонпарварлик ёрдами тақсимоти лойиҳасини кўриб чиқади ва тасдиқлайди Икки иш кунида 11-босқич Ишчи орган Барча жалб қилинган вазирликлар ва идораларга халқаро инсонпарварлик ёрдами юклари келиб тушадиган сана, уларнинг номенклатураси ва ҳажми ҳақида хабар беради, омборларнинг юкларни қабул қилишга тайёрлиги тўғрисидаги маълумотларни тўплайди ва умумлаштиради Халқаро инсонпарварлик ёрдамини олиб келиш режаси ҳақида тегишли маълумотларни олган кунида 12-босқич Халқаро инсонпарварлик ёрдамини олувчи Тегишли халқаро инсонпарварлик ёрдами юклари божхона чегарасини кесиб ўтганлиги тўғрисида ишчи органни хабардор қилади Халқаро инсонпарварлик ёрдами юклари етиб келган куннинг ўзида 13-босқич Сертификатлаштириш органлари Халқаро инсонпарварлик ёрдами юкларини сертификатлашдан ўтказади (чет эл мувофиқлик сертификатларини эътироф этади) Белгиланган муддатларда 14-босқич Халқаро инсонпарварлик ёрдамини олувчи Ишчи орган вакили иштирокида манфаатдор вазирликлар ва идораларининг мутахассисларини жалб этган ҳолда халқаро инсонпарварлик ёрдами юкларини саноқдан ўтказади ва юкларнинг ҳақиқий мавжудлиги тўғрисидаги далолатнома тузади Халқаро инсонпарварлик ёрдами юкларини тушириш кунида 15-босқич Халқаро инсонпарварлик ёрдамини олувчи Халқаро инсонпарварлик ёрдамини жисмоний ва юридик шахслар — халқаро инсонпарварлик ёрдамини охирги олувчиларига тарқатади ҳамда тарқатиш варақлари, топшириш-қабул қилиш далолатномаси (юк хати, ҳадя гувоҳномаси)ни ишчи органга топширади Мурожаатларга кўра, тарқатиш, топшириш-қабул қилиш ишлари якунлангандан сўнг уч иш кунида 16-босқич Ишчи орган Халқаро инсонпарварлик ёрдами мақсадли ишлатилишини назорат қилиш мақсадида текширувлар ўтказади Тасдиқланган режаларга асосан
Фавқулодда ҳолат жорий этилган ҳудудда халқаро инсонпарварлик ёрдамини амалга ошириш тартиби тўғрисидаги низомга 2-ИЛОВА
Фавқулодда вазиятларнинг олдини олиш ва бартараф этиш бўйича Ҳукумат комиссияси раисига Инсонпарварлик ёрдамини олиш учун ТАЛАБНОМА-ХАТ _______________даги ___________–сон билан рўйхатдан ўтган халқаро инсонпарварлик (сана) ёрдамини олиб киришни келишиб беришингизни сўраймиз. Халқаро инсонпарварлик ёрдами Ўзбекистон Республикаси ҳудудига _______________ (санасида) олиб кирилиши режалаштирилмоқда. Халқаро инсонпарварлик ёрдами юкининг донори (жўнатувчиси) ҳақида маълумот: ташкилотнинг тўлиқ номи: _________________________________________________; юридик манзили:_________________________________________________________; масъул шахс: ____________________________________________________________; масъул шахснинг телефони: ________________________________________________. Халқаро инсонпарварлик ёрдами юкини олувчи ҳақида маълумот: ташкилотнинг тўлиқ номи: _________________________________________________; юридик манзили: _________________________________________________________; моддий жавобгар шахс: ____________________________________________________; моддий жавобгар шахснинг телефони: ________________________________________; юкни тушириш жойи манзили _______________________________________________. ________________________________ мазкур ёрдамни беғараз асосда инсонпарварлик (олувчи ташкилотнинг номи) мақсадларида тақсимлашга ва тарқатишга кафолат беради. Ҳудудда инсонпарварлик ёрдами юкини назорат қилиш учун ваколатли вакил ажратишингизни сўрайман. Иловалар: 1. Олиб кирилаётган халқаро инсонпарварлик ёрдами юкининг таснифи. 2. Халқаро инсонпарварлик ёрдами юкини етказиб берувчи автотранспорт ва шахслар тўғрисида маълумот. 3. Халқаро инсонпарварлик ёрдами юкини кузатувчи шахслар тўғрисида маълумот (мавжуд бўлганда). _________________ _____________ ________________ (лавозими) (имзо) (Ф.И.О.) ___________даги ______-сон хатга иловалар Халқаро инсонпарварлик ёрдами юкининг ТАСНИФИ Т/р Номи Ўлчов бирлиги Миқдори Изоҳ 1 2 ... Жами: Халқаро инсонпарварлик ёрдами юкини етказиб берувчи автотранспорт ва шахслар тўғрисида МАЪЛУМОТ Т/р Автомобиль Шатак Юкни етказиб берувчи шахс русуми давлат рақами русуми давлат рақами Ф.И.О. Паспорт маълумотлари (серияси, рақами, ким томонидан ва қачон берилган) Телефон рақами 1 2 ... Халқаро инсонпарварлик ёрдами юкини кузатувчи шахслар тўғрисида МАЪЛУМОТ* Т/р Ф.И.О. Паспорт маълумотлари (серияси, рақами, ким томонидан ва қачон берилган) Телефон рақами 1 2 ... * Халқаро инсонпарварлик ёрдамини олиб киришда мазкур маълумот кўрсатилиши шарт. _________________ ________________ ________________ (лавозими) (имзо) (Ф.И.О.) Сана М.Ў.
Фавқулодда ҳолат жорий этилган ҳудудда халқаро инсонпарварлик ёрдамини амалга ошириш тартиби тўғрисидаги низомга 3-ИЛОВА
Халқаро инсонпарварлик ёрдами юкларининг ҳақиқий мавжудлиги тўғрисида ДАЛОЛАТНОМА ______________ (сана) ____________________________________________________________________ ____________________________________________________________________ _________________________________________________________лар _______________________________________дани ________________да халқаро (ташкилот номи) (сана) инсонпарварлик ёрдами юкларининг ҳақиқий мавжудлиги тўғрисида далолатнома туздик ва қуйидагиларни аниқладик: Т/р ________да топшириш-қабул қилиш далолатномасига асосан Амалдаги миқдори Халқаро инсонпарварлик ёрдами юкларининг номи Ўлчов бирлиги Миқдори Халқаро инсонпарварлик ёрдами юкларининг номи Ўлчов бирлиги Миқдори 1 2 ... Илова: _________даги _____-сон номувофиқлик далолатномаси (мавжуд бўлганда). (сана) Халқаро инсонпарварлик ёрдами олувчининг вакили: ___________________________________ _________ _______________ (лавозими) (имзо) (Ф.И.О.) М.Ў. Манфаатдор вазирлик ва идоралар вакиллари: ___________________________________ _________ _______________ (лавозими) (имзо) (Ф.И.О.) ___________________________________ _________ _______________ (лавозими) (имзо) (Ф.И.О.) ___________________________________ _________ _______________ (лавозими) (имзо) (Ф.И.О.) Ишчи орган вакили: ___________________________________ __________ _______________ (лавозими) (имзо) (Ф.И.О.) Омборхона вакиллари: ___________________________________ __________ _______________ (лавозими) (имзо) (Ф.И.О.) ___________________________________ _________ _______________ (лавозими) (имзо) (Ф.И.О.)
Фавқулодда ҳолат жорий этилган ҳудудда халқаро инсонпарварлик ёрдамини амалга ошириш тартиби тўғрисидаги низомга 4-ИЛОВА
Халқаро инсонпарварлик ёрдами юкларининг миқдорида тафовут ва номенклатурасида номувофиқлик тўғрисида ДАЛОЛАТНОМА _____________ (сана) Бизлар, қуйида имзо чеккан томонлар, ушбу номувофиқлик далолатномасини ____________________________________________ (қабул қилувчи ташкилот номи) томонидан ___________да олиб кирилган _________________________________________ манзилида инсонпарварлик юкларини (сана) _______________________________________________________ автотранспорт воситаси (трейлер)дан халқаро инсонпарварлик (русуми ва давлат рақами) ёрдами юклари тушириб олинаётганда қуйидаги номувофиқликлар аниқланганлиги сабабли туздик: 1) халқаро инсонпарварлик ёрдами юкларининг номенклатураси ва миқдори уларни жўнатиш ҳужжатларида кўрсатилган маълумотларга мос келмаслиги: Т/р Юк ташиш ҳужжатларида кўрсатилган халқаро инсонпарварлик юкларнинг номи Ҳужжатлар бўйича сони Халқаро инсонпарварлик юкининг бир қисми сифатида ҳақиқатда олинган товарлар ва материалларнинг номи Ҳақиқий миқдори Фарқи (+/-) Ўлчов бирлиги Миқдори Оғирлиги, кг Ўлчов бирлиги Миқдори Оғирлиги, кг Ўлчов бирлиги Миқдори Оғирлиги, кг 1 2 ... 2) халқаро инсонпарварлик ёрдами юкларининг номенклатураси ва миқдори сертификациялашдан ўтказилган инсонпарварлик юкининг спецификациясида кўрсатилган маълумотларга мос келмаслиги*: Т/р Сертификациялашдан ўтказилган инсонпарварлик юкларининг спецификациясида кўрсатилган номи Спецификация бўйича миқдори Инсонпарварлик юкининг бир қисми сифатида ҳақиқатдан олинган юкнинг номи Ҳақиқий миқдори Фарқи (+/-) Ўлчов бирлиги Миқдори Оғирлиги, кг Ўлчов бирлиги Миқдори Оғирлиги, кг Ўлчов бирлиги Миқдори Оғирлиги, кг 1 2 ... * миқдорий кўрсаткичларнинг фарқи, агар улар сертификациялашдан ўтказилган халқаро инсонпарварлик юкининг спецификациясида кўрсатилган кўрсаткичлардан ошса, акс эттирилади. Жўнатувчининг юк ташиш ҳужжатларида келтирилган юкларнинг қолганлари бўйича миқдорида тафовутлар аниқланмади. Ўзбекистон Республикаси Фавқулодда вазиятлар вазирлиги вакили ______________________________________ ________________ __________________________________ (лавозими) (имзо) (Ф.И.О.) Халқаро инсонпарварлик юкини олувчининг вакили ______________________________________ ________________ _________________________________ (лавозими) (имзо) (Ф.И.О.)
Фавқулодда ҳолат жорий этилган ҳудудда халқаро инсонпарварлик ёрдамини амалга ошириш тартиби тўғрисидаги низомга 5-ИЛОВА
Тиббий мол-мулкни қабул қилишда миқдор бўйича тафовутлар юзасидан ДАЛОЛАТНОМА ________________ ________________ (тузилган жой) (тузилган сана) ________________________________________________________________ қуйидаги таркибдаги комиссия: (комиссияни тузган орган номи, қайси ҳужжат асосида у тузилган) Комиссия раиси: _________________________________________________________________________________________ (Ўзбекистон Республикаси Соғлиқни сақлаш вазирлиги вакили) Комиссия аъзолари: _________________________________________________________________________________________ _________________________________________________________________________________________ _________________________________________________________________________________________ ишчи орган вакили ____________________________________________________________________ ҳамда (Ўзбекистон Республикаси Фавқулодда вазиятлар вазирлиги вакили) омборхона вакиллари _____________________________________________________________иштирокида ____________________________________манзилидаги, ___________да ____________________________ (сана) _______________________дан олинган халқаро инсонпарварлик ёрдами юкини қабул қилиш ва саноқдан ўтказиш вақтида қуйидаги тафовутларни аниқлади: Т/р Тиббий мол-мулкнинг номланиши серияси Яроқлилик муддати Ўлчов бирлиги Ҳужжат бўйича миқдори Амалдаги миқдори Тафовутлар ортиқча етишмайди 1 2 ... Жами: Жўнатувчининг юк ташиш ҳужжатларида келтирилган тиббий мол-мулкнинг қолганлари бўйича миқдорида тафовутлар аниқланмади. Комиссия раиси _____________ ____________________ (имзо) (Ф.И.О.) Комиссия аъзолари: _____________ ____________________ (имзо) (Ф.И.О.) _____________ ____________________ (имзо) (Ф.И.О.) _____________ ____________________ (имзо) (Ф.И.О.) Ишчи орган вакили _____________ ____________________ (имзо) (Ф.И.О.) Омборхона вакиллари: _____________ ____________________ (имзо) (Ф.И.О.) _____________ ____________________ (имзо) (Ф.И.О.)
Ўзбекистон Республикасининг Бош вазири А. АРИПОВ
Тошкент ш.,
2022 йил 14 октябрь,
600-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
NIZOM
SXEMASI
JURNALI
NIZOM
NIZOM
SXEMASI
“Favqulodda holat toʻgʻrisida”gi Oʻzbekiston Respublikasi Konstitutsiyaviy Qonunini amalga oshirish chora-tadbirlari toʻgʻrisida
“Favqulodda holat toʻgʻrisida”gi Oʻzbekiston Respublikasi Konstitutsiyaviy Qonuniga muvofiq Vazirlar Mahkamasi qaror qiladi:
1. Quyidagilar:
favqulodda holat joriy etilgan hududda alohida tayyorgarlik va malaka talab qilmaydigan avariya-qutqaruv va boshqa kechiktirib boʻlmaydigan ishlarga band boʻlmagan aholini jalb qilish, ularning mehnatini tashkil etish va mehnatiga haq toʻlash shartlarini nazarda tutuvchi Favqulodda holat joriy etilgan hududda avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlash uchun band boʻlmagan aholini jalb etish va ularning mehnatiga haq toʻlash tartibi toʻgʻrisidagi nizom 1-ilovaga muvofiq;
favqulodda holatni joriy etish uchun asos boʻlib xizmat qilgan holatlar natijasida hamda bunday holatlarni yoʻq qilish yoki ularning oqibatlarini bartaraf etish choralari qoʻllanilishi oqibatida jabrlangan shaxslarga zarur yordamni koʻrsatish va yetkazilgan zararning oʻrnini qoplash tartibini nazarda tutuvchi Favqulodda holat joriy etilgan hududda jabrlangan shaxslarga zarur yordam koʻrsatish va yetkazilgan zararning oʻrnini qoplash tartibi toʻgʻrisidagi nizom 2-ilovaga muvofiq;
favqulodda holat rejimini taʼminlashda (saqlab turishda) ishtirok etgan shaxslarni hisobga olish tartibi hamda ularga qoʻshimcha kafolatlar va kompensatsiyalar qoʻllash shartlarini nazarda tutuvchi Favqulodda holatni taʼminlashda (saqlab turishda) ishtirok etgan shaxslarni hisobga olish, shuningdek, mazkur shaxslarga nisbatan qoʻshimcha kafolatlar va kompensatsiyalarni qoʻllash tartibi toʻgʻrisidagi nizom 3-ilovaga muvofiq;
xalqaro insonparvarlik yordamini koʻrsatish hujjatlarini koʻrib chiqish, kelishish va roʻyxatdan oʻtkazish, uni Oʻzbekiston Respublikasi hududiga olib kirish, qabul qilish, taqsimlash va tarqatish, shuningdek, xalqaro insonparvarlik yordami maqsadli ishlatilishini nazorat qilish tartibini nazarda tutuvchi Favqulodda holat joriy etilgan hududda xalqaro insonparvarlik yordamini amalga oshirish tartibi toʻgʻrisidagi nizom 4-ilovaga muvofiq tasdiqlansin.
2. Oʻzbekiston Respublikasi Favqulodda vaziyatlar vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi favqulodda vaziyatlar vaziri A.X. Qoʻldoshev zimmasiga yuklansin.
Vazirlar Mahkamasining 2022-yil 14-oktabrdagi 600-son qaroriga 1-ILOVA
Favqulodda holat joriy etilgan hududda avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlash uchun band boʻlmagan aholini jalb etish va ularning mehnatiga haq toʻlash tartibi toʻgʻrisida
1-bob. Umumiy qoidalar
1. Ushbu Nizom favqulodda holat joriy etilgan hududda alohida tayyorgarlik va malaka talab qilmaydigan avariya-qutqaruv va boshqa kechiktirib boʻlmaydigan ishlarga band boʻlmagan aholini jalb qilish, ularning mehnatini tashkil etish va mehnatiga haq toʻlash tartibini belgilaydi.
Ushbu Nizom qoidalari favqulodda holat joriy etilgan hududda volontyorlik yordamini koʻrsatayotgan shaxslarga nisbatan tatbiq etilmaydi.
2. Mazkur Nizomda quyidagi asosiy tushunchalar qoʻllaniladi:
avariya-qutqaruv ishlari — avariya va halokatlarning xavfli omillari taʼsirini tugatish va bartaraf etishga, odamlarning hayotini asrab qolish va sogʻligʻini saqlashga, yuridik va jismoniy shaxslarning mol-mulkini, atrof tabiiy muhitni muhofaza qilishga qaratilgan shoshilinch harakatlar;
buyurtmachi — ish beruvchi — mazkur Nizomga muvofiq avariya-qutqaruv va boshqa kechiktirib boʻlmaydigan ishlarni tashkil qilish boʻyicha tashabbuskor (Qoraqalpogʻiston Respublikasi Vazirlar Kengashi, viloyatlar, Toshkent shahri, tuman (shahar) hokimliklari, vazirliklar, idoralar va boshqa tashkilotlar);
kechiktirib boʻlmaydigan ishlar — qutqaruv ishlarini har tomonlama taʼminlash, odamlar hayoti, sogʻligʻi va mehnat qobiliyatini saqlab qolish uchun zarur boʻlgan shart-sharoitlarni yaratishga hamda jabrlangan aholiga yordam koʻrsatishga qaratilgan harakatlar;
favqulodda holat — Oʻzbekiston Respublikasi fuqarolarining, chet el fuqarolarining hamda fuqaroligi boʻlmagan shaxslarning huquq va erkinliklariga, shuningdek yuridik shaxslarning huquqlariga nisbatan “Favqulodda holat toʻgʻrisida”gi Oʻzbekiston Respublikasi Konstitutsiyaviy Qonunida nazarda tutilgan ayrim cheklovlar belgilashga yoʻl qoʻyadigan hamda ularning zimmasiga qoʻshimcha majburiyatlar yuklaydigan, Oʻzbekiston Respublikasi Konstitutsiyasiga muvofiq Oʻzbekiston Respublikasining butun hududida yoki ayrim joylarida vaqtincha joriy qilinadigan davlat boshqaruvi organlari, mahalliy davlat hokimiyati organlari, fuqarolarning oʻzini oʻzi boshqarish organlari, nodavlat notijorat tashkilotlari hamda tashkiliy-huquqiy va mulkchilik shaklidan qatʼi nazar, boshqa tashkilotlar, ularning mansabdor shaxslari faoliyatining alohida huquqiy rejimi;
hudud komendanti — hudud komendaturasi faoliyatiga rahbarlik qiluvchi hamda favqulodda holat rejimini taʼminlovchi kuchlar va vositalarning yagona boshqaruvini amalga oshiruvchi mansabdor shaxs;
hudud komendaturasi — favqulodda holat rejimini taʼminlovchi kuchlar va vositalarni boshqarish uchun favqulodda holat joriy etilgan hududda tashkil etiladigan vaqtinchalik maxsus davlat boshqaruvi organi.
3. Band boʻlmagan aholi quyidagi alohida tayyorgarlik va malaka talab qilmaydigan avariya-qutqaruv va boshqa kechiktirib boʻlmaydigan ishlarni amalga oshirish va taʼminlashga jalb etilishi mumkin:
uy-joy fondi, kommunal soha va boshqa infratuzilma obyektlarini taʼmirlash hamda ularning faoliyat koʻrsatishini tiklash;
koʻchalarni, yoʻllarni va yoʻlkalarni taʼmirlash;
irrigatsiya va melioratsiya tarmoqlarini taʼmirlash;
ishlab chiqarish va xizmat koʻrsatish sohalari tashkilotlaridagi ishlar;
obyektlarni qurish, rekonstruksiya qilish va taʼmirlash ishlari;
jabrlanganlarga tibbiy yordam koʻrsatishga koʻmaklashish bilan bogʻliq ishlar.
4. Favqulodda holat joriy etilgan hududda avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlash uchun band boʻlmagan aholini jalb etish va ularning mehnatiga haq toʻlash ushbu Nizomga ilovada keltirilgan sxemaga muvofiq tashkil etiladi.
2-bob. Band boʻlmagan aholini alohida tayyorgarlik va malaka talab qilmaydigan avariya-qutqaruv va boshqa kechiktirib boʻlmaydigan ishlarga jalb qilish tartibi
5. Hudud komendanti zaruratga koʻra favqulodda holat joriy etilgan hududda vaqtinchalik avariya-qutqaruv va boshqa kechiktirib boʻlmaydigan ishlarni (keyingi oʻrinlarda — vaqtinchalik ishlar) amalga oshirish hamda taʼminlashga band boʻlmagan aholini jalb etish toʻgʻrisida Oʻzbekiston Respublikasi Kambagʻallikni qisqartirish va bandlik vazirligi yoki uning hududiy boshqarmasida manfaatdor vazirliklar va idoralar yoki ularning hududiy boʻlinmalari vakillaridan iborat maxsus ishchi guruhni (keyingi oʻrinlarda — maxsus ishchi guruh) tuzish boʻyicha taklif kiritadi.
Oʻzbekiston Respublikasi Prezidentining favqulodda holatni joriy etish toʻgʻrisidagi Farmonida Oʻzbekiston Respublikasi Kambagʻallikni qisqartirish va bandlik vazirligining faoliyatini vaqtinchalik toʻxtatib turish nazarda tutilgan boʻlsa, maxsus ishchi guruh Oʻzbekiston Respublikasi Kambagʻallikni qisqartirish va bandlik vazirligi yoki uning hududiy boshqarmasi rahbarligida hudud komendaturasi tarkibida tuziladi.
6. Oʻzbekiston Respublikasi Kambagʻallikni qisqartirish va bandlik vazirligi yoki uning hududiy boshqarmasi (hudud komendaturasi) bir ish kuni mobaynida oʻz tarkibida maxsus ishchi guruhni tuzadi.
7. Maxsus ishchi guruh bir ish kuni davomida Oʻzbekiston Respublikasi Kambagʻallikni qisqartirish va bandlikka koʻmaklashish boʻlimida (keyingi oʻrinlarda — boʻlim) ish qidiruvchi sifatida roʻyxatda turgan shaxslar, shuningdek, vaqtinchalik ishlarni amalga oshirishda ishtirok etish istagini bildirgan ishsiz mahalliy aholining (keyingi oʻrinlarda — jismoniy shaxslar) roʻyxatini shakllantiradi, shuningdek, ushbu roʻyxatni tizimli ravishda yangilab va toʻldirib boradi.
8. Vaqtincha ishlarga:
a) 18 yoshga toʻlgan, bilimi, malakasi va sogʻligʻi holatiga koʻra mehnat qilishga qodir boʻlgan jismoniy shaxslar jalb etilishi mumkin;
b) quyidagi jismoniy shaxslarni jalb etish taqiqlanadi:
birinchi va ikkinchi guruh nogironligi boʻlgan shaxslar va ularga gʻamxoʻrlik qiluvchilar;
mehnatga layoqatsiz shaxslar;
homilador ayollar;
birinchi va ikkinchi guruh nogironligi boʻlgan bolani tarbiyalayotgan shaxslar;
12 yoshgacha boʻlgan bolaning ota-onasidan biri yoki vasiysi;
35 yoshgacha boʻlgan ayollar, agar ishlar ionlashtiruvchi nurlanish xavfi zonasida amalga oshirilsa.
9. Vaqtinchalik ishlarni amalga oshirishga masʼul buyurtmachi — ish beruvchilar zaruratga koʻra maxsus ishchi guruhga vazifalarni bajarishga jismoniy shaxslarni jalb etish yuzasidan buyurtmalar bilan murojaat qiladi.
10. Maxsus ishchi guruh buyurtmachi — ish beruvchilar buyurtmalariga muvofiq bir ish kuni davomida Boʻlim va buyurtmachi — ish beruvchilar oʻrtasida vaqtinchalik ishlarga jalb qilingan shaxslar roʻyxatini ilova qilgan holda favqulodda holatning amal qilish muddatidan oshmaydigan davrga avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlash uchun band boʻlmagan aholini jalb etish boʻyicha shartnomalar tuzilishini taʼminlaydi.
11. Boʻlim shu kunning oʻzida tuzilgan shartnomalarni Oʻzbekiston Respublikasi Moliya vazirligining tegishli gʻaznachilik boʻlinmalarida roʻyxatdan oʻtkazadi.
3-bob. Vaqtinchalik ishlarga jalb etilgan jismoniy shaxslarning mehnatini tashkil etish va mehnatiga haq toʻlash tartibi
12. Buyurtmachi — ish beruvchilar jismoniy shaxslarni vaqtinchalik ishlarga jalb qilishdan oldin:
ushbu Nizom talablariga muvofiq bir ish kuni davomida qonunchilikda belgilangan tartibda mehnat shartnomasini tuzadi;
mehnatni tashkil etish va mehnatga haq toʻlash shartlari toʻgʻrisida xabardor qiladi.
13. Buyurtmachi — ish beruvchilar tomonidan jismoniy shaxslar bilan tuzilgan mehnat shartnomalari “Yagona mehnat milliy tizimi” idoralararo dasturiy-apparat kompleksida roʻyxatdan oʻtkaziladi hamda jismoniy shaxslarning vaqtinchalik ishlarda qatnashgan davri toʻgʻrisidagi maʼlumotlar elektron mehnat daftarchalarida aks ettiriladi.
14. Buyurtmachi — ish beruvchilar jismoniy shaxslarga qonunchilikka muvofiq mehnat muhofazasi talablariga mos sharoitlarni taʼminlaydi.
15. Jismoniy shaxslar uchun ish vaqtining davomiyligi mehnat qonunchiligiga muvofiq belgilanadi.
Buyurtmachi — ish beruvchi ish kuni va ish haftasini tashkil etishning moslashuvchan shakllaridan foydalanishga, shuningdek, ishlagan soatlarga mutanosib ravishda haq toʻlanadigan ishlarni bajarish uchun qisqartirilgan ish vaqtini joriy etishga haqli.
16. Buyurtmachi — ish beruvchilar jismoniy shaxslar uchun vaqtinchalik ishlarning hajmini belgilaydi hamda ularning ish vaqtini hisobga olib boradi.
17. Buyurtmachi — ish beruvchilar tomonidan oy yakunida (mehnat shartnomasining amal qilish muddati tugagan yoki bekor qilingan kunda) jismoniy shaxslarga amalda bajargan ishi uchun tashkilotdagi amaldagi stavkalar va lavozim maoshlaridan kelib chiqqan holda, ammo oyiga mehnatga haq toʻlash Yagona tarif setkasining birinchi razryadidan kam boʻlmagan va mehnatga haq toʻlash eng kam miqdorining ikki baravaridan koʻp boʻlmagan miqdorda ish haqi toʻlanadi.
18. Buyurtmachi — ish beruvchilar ushbu Nizomning 17-bandida nazarda tutilgan toʻlovlardan tashqari budjetdan tashqari jamgʻarmaning mablagʻlari hisobidan mehnatga qoʻshimcha ragʻbatlantirish belgilashi mumkin.
19. Buyurtmachi — ish beruvchilar oy yakunida Boʻlimga jismoniy shaxslarning ishlagan vaqtlari tasdiqlangan tabel va ish haqi hisoblangan qaydnomalarni taqdim etadi.
20. Boʻlim bir ish kuni davomida Oʻzbekiston Respublikasi Moliya vazirligining tegishli gʻaznachilik boʻlinmalariga gʻaznachilik memorial orderlari yoki toʻlov topshiriqnomalarini taqdim etadi.
Buyurtmachi — ish beruvchilarning jismoniy shaxslarni vaqtinchalik ishlarni bajarishga jalb etish bilan bogʻliq xarajatlarini qoplash Kambagʻallikni qisqartirish davlat maqsadli jamgʻarmasiga Oʻzbekiston Respublikasining Davlat budjetidan ajratilgan mablagʻlar hisobidan amalga oshiriladi.
21. Jismoniy shaxslarning vaqtincha ishlarni amalga oshirish vaqti mehnat stajiga kiritiladi. Ushbu jismoniy shaxslar vaqtincha mehnatga qobiliyatsizlik nafaqalarini olish huquqini saqlab qoladilar.
22. Jismoniy shaxslarning mehnat majburiyati buyurtmachi — ish beruvchi tomonidan belgilangan vaqtda yoki favqulodda holat bekor qilingan paytdan kechiktirmay tugatiladi.
4-bob. Yakunlovchi qoidalar
23. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
24. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Favqulodda holat joriy etilgan hududda avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlash uchun band boʻlmagan aholini jalb etish va ularning mehnatiga haq toʻlash tartibi toʻgʻrisidagi nizomga ILOVA
Favqulodda holat joriy etilgan hududda avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlash uchun band boʻlmagan aholini jalb etish va ularning mehnatiga haq toʻlashni tashkil etish
Bosqichlar Subyektlar Tadbirlar Bajarish muddatlari 1-bosqich Hudud komendanti Oʻzbekiston Respublikasi Kambagʻallikni qisqartirish va bandlik vazirligi yoki uning hududiy boshqarmasida favqulodda holat joriy etilgan hududda vaqtinchalik avariya-qutqaruv va boshqa kechiktirib boʻlmaydigan ishlarni (keyingi oʻrinlarda — vaqtinchalik ishlar) amalga oshirish hamda taʼminlashga band boʻlmagan aholini jalb etish toʻgʻrisida taklif kiritadi Zaruratga koʻra 2-bosqich Kambagʻallikni qisqartirish va bandlik vazirligi yoki uning hududiy boshqarmasi (hudud komendaturasi) Tarkibida Kambagʻallikni qisqartirish va bandlik vazirligi yoki uning hududiy boshqarmasi rahbarligida manfaatdor vazirliklar va idoralar yoki ularning hududiy boʻlinmalari vakillaridan iborat maxsus ishchi guruhni (keyingi oʻrinlarda — maxsus ishchi guruh) tuzish boʻyicha farmoyish qabul qiladi Bir ish kunida 3-bosqich Maxsus ishchi guruh Kambagʻallikni qisqartirish va bandlikka koʻmaklashish boʻlimida (keyingi oʻrinlarda — boʻlim) ish qidiruvchi sifatida roʻyxatda turgan shaxslar, shuningdek, vaqtinchalik ishlarni amalga oshirishda ishtirok etish istagini bildirgan ishsiz mahalliy aholining (keyingi oʻrinlarda — jismoniy shaxslar) roʻyxatini shakllantiradi Bir ish kunida 4-bosqich Buyurtmachi-ish beruvchilar Maxsus ishchi guruhga vaqtinchalik ishlarni bajarishga jismoniy shaxslarni jalb etish yuzasidan buyurtmalar bilan murojaat qiladi Zaruratga koʻra 5-bosqich Maxsus ishchi guruh Boʻlim va buyurtmachi-ish beruvchilar oʻrtasida vaqtinchalik ishlarga jalb qilingan shaxslar roʻyxatini ilova qilgan holda favqulodda holatning amal qilish muddatidan oshmaydigan davrga shartnomalar tuzilishini taʼminlaydi Bir ish kunida 6-bosqich Boʻlim Tuzilgan shartnomalarni Oʻzbekiston Respublikasi Moliya vazirligining Gʻaznachilik boshqarmalarida roʻyxatdan oʻtkazadi Bir ish kunida 7-bosqich Buyurtmachi-ish beruvchilar Jismoniy shaxslarni vaqtinchalik ishlarga jalb qilish boʻyicha qonunchilikda belgilangan tartibda mehnat shartnomasini tuzadi va “Yagona mehnat milliy tizimi” idoralararo dasturiy-apparat kompleksida roʻyxatdan oʻtkazadi Bir ish kunida 8-bosqich Buyurtmachi-ish beruvchilar Jismoniy shaxslar uchun vaqtinchalik ishlarning hajmini belgilaydi hamda ularning ish vaqtini hisobga olib boradi Mehnat shartnomasiga muvofiq 9-bosqich Buyurtmachi-ish beruvchilar Jismoniy shaxslarga amalda bajarilgan ish uchun haq toʻlaydi Oy yakunida (mehnat shartnomasining amal qilish muddati tugagan yoki bekor qilingan kunda) 10-bosqich Buyurtmachi-ish beruvchilar Boʻlimga jismoniy shaxslarning ishlagan vaqtlari tasdiqlangan tabel va ish haqi hisoblangan qaydnomalarni taqdim etadi Oy yakunida 11-bosqich Boʻlim Oʻzbekiston Respublikasi Moliya vazirligining tegishli Gʻaznachilik boʻlinmalariga gʻaznachilik memorial orderlari yoki toʻlov topshiriqnomalarini taqdim etadi Bir ish kunida 12-bosqich Oʻzbekiston Respublikasi Moliya vazirligining tegishli Gʻaznachilik boʻlinmalari Oʻzbekiston Respublikasi Moliya vazirligining tegishli Gʻaznachilik boʻlinmalari buyurtmachi — ish beruvchilarning jismoniy shaxslarni vaqtinchalik ishlarni bajarishga jalb etish bilan bogʻliq xarajatlarini qoplab beradi Bir ish kunida
Vazirlar Mahkamasining 2022-yil 14-oktabrdagi 600-son qaroriga 2-ILOVA
Favqulodda holat joriy etilgan hududda jabrlangan shaxslarga zarur yordam koʻrsatish va yetkazilgan zararning oʻrnini qoplash tartibi toʻgʻrisida
1-bob. Umumiy qoidalar
1. Mazkur Nizom favqulodda holatni joriy etish uchun asos boʻlib xizmat qilgan holatlar natijasida yoki bunday holatlarni yoʻq qilish yoki ularning oqibatlarini bartaraf etish choralari qoʻllanilishi oqibatida jabrlangan shaxslarga (keyingi oʻrinlarda — jabrlanganlar) zarur yordamni koʻrsatish va yetkazilgan moddiy zararning oʻrnini qoplash tartibini belgilaydi.
2. Mazkur Nizomda quyidagi asosiy tushunchalardan foydalaniladi:
avariya-qutqaruv ishlari — avariya va halokatlarning xavfli omillari taʼsirini tugatish va bartaraf etish, odamlarning hayotini asrab qolish va sogʻligʻini saqlash, yuridik va jismoniy shaxslarning mol-mulkini, atrof tabiiy muhitni muhofaza qilishga qaratilgan shoshilinch harakatlar;
kechiktirib boʻlmaydigan ishlar — qutqaruv ishlarini har tomonlama taʼminlash, odamlar hayoti, sogʻligʻi va mehnat qobiliyatini saqlab qolish uchun zarur boʻlgan shart-sharoitlarni yaratish hamda jabrlangan aholiga yordam koʻrsatishga qaratilgan harakatlar;
favqulodda holat — Oʻzbekiston Respublikasi fuqarolarining, chet el fuqarolarining hamda fuqaroligi boʻlmagan shaxslarning huquq va erkinliklariga, shuningdek yuridik shaxslarning huquqlariga nisbatan “Favqulodda holat toʻgʻrisida”gi Oʻzbekiston Respublikasi Konstitutsiyaviy Qonunida nazarda tutilgan ayrim cheklovlar belgilashga yoʻl qoʻyadigan hamda ularning zimmasiga qoʻshimcha majburiyatlar yuklaydigan, Oʻzbekiston Respublikasi Konstitutsiyasiga muvofiq Oʻzbekiston Respublikasining butun hududida yoki ayrim joylarida vaqtincha joriy qilinadigan davlat boshqaruvi organlari, mahalliy davlat hokimiyati organlari, fuqarolarning oʻzini oʻzi boshqarish organlari, nodavlat notijorat tashkilotlari hamda tashkiliy-huquqiy va mulkchilik shaklidan qatʼi nazar, boshqa tashkilotlar, ularning mansabdor shaxslari faoliyatining alohida huquqiy rejimi;
hudud komendanti — hudud komendaturasi faoliyatiga rahbarlik qiluvchi hamda favqulodda holat rejimini taʼminlovchi kuchlar va vositalarning yagona boshqaruvini amalga oshiruvchi mansabdor shaxs;
hudud komendaturasi — favqulodda holat rejimini taʼminlovchi kuchlar va vositalarni boshqarish uchun favqulodda holat joriy etilgan hududda tashkil etiladigan vaqtinchalik maxsus davlat boshqaruvi organi.
2-bob. Jabrlanganlarga zarur yordam koʻrsatish tartibi
3. Mahalliy ijro etuvchi hokimiyat organlari hudud komendanti bilan kelishilgan holda favqulodda holatni joriy etish uchun asos boʻlib xizmat qilgan holatlar natijasida hamda bunday holatlarni yoʻq qilish yoki ularning oqibatlarini bartaraf etish choralari qoʻllanilishi oqibatida jabrlanganlarga zarur yordam koʻrsatish ehtiyojini, shu jumladan, ularni shaxsiy maʼlumotlari — yoshi, jinsi va boshqa aniqlovchi mezonlari asosida tasniflash orqali turar joy, oziq-ovqat, ichimlik suv, tibbiy xizmat va boshqa zarur insonparvarlik yordamiga boʻlgan ehtiyojni aniqlaydi.
4. Jabrlanganlar uchun zarur yordamga quyidagilar kiradi:
vaqtincha yashab turish uchun turar joylar bilan taʼminlash;
kuniga uch mahal issiq ovqat, ichimlik suv, kiyim-kechak (sovuq mavsumda — issiq kiyim), yoqilgʻi bilan taʼminlash;
tibbiy yordam, reabilitatsiya yordami;
favqulodda holat joriy etilgan davrda faoliyati cheklanishi tufayli daromadi yoʻqolgan taqdirda, eng zarur tovarlar bilan taʼminlash va moddiy yordam koʻrsatish;
vaqtinchalik ishga joylashishga koʻmaklashish.
5. Oʻzbekiston Respublikasi Prezidentining favqulodda holat joriy etish toʻgʻrisidagi Farmoniga asosan favqulodda chora sifatida xavfsiz hududlarga evakuatsiya qilingan aholini hamda favqulodda holatni joriy etish uchun asos boʻlib xizmat qilgan holatlar oqibatlaridan qochish uchun uylarini (turar joylarini) tark etishga majbur boʻlgan shaxslarni vaqtincha yashab turish uchun statsionar yoki koʻchma turar joylar bilan taʼminlash (tashkil etish) mahalliy ijro etuvchi hokimiyat organlari yoxud Favqulodda holat rejimini taʼminlash boʻyicha davlat komissiyasi (keyingi oʻrinlarda — Davlat komissiyasi) tashkil etilganda ushbu Davlat komissiyasi tomonidan amalga oshiriladi.
6. Jabrlanganlarni vaqtincha yashab turish uchun statsionar joylar bilan taʼminlash yoki ularga koʻchma turar joylarni tashkil etish uchun Oʻzbekiston Respublikasi Prezidentining favqulodda holat joriy etish toʻgʻrisidagi Farmoni bilan belgilangan hududlarning mahalliy ijro etuvchi hokimiyat organlari huzurida evakuatsiya komissiyalari (keyingi oʻrinlarda — evakuatsiya komissiyasi) faoliyati yoʻlga qoʻyiladi.
7. Favqulodda holat joriy etilgan hududning mahalliy ijro etuvchi hokimiyat organlari yoki hudud komendaturasi tomonidan tegishli evakuatsiya komissiyalariga vaqtincha yashab turish uchun turar joylarga muhtoj jabrlanganlar toʻgʻrisida maʼlumot taqdim etiladi hamda ularning evakuatsiyasi tashkil etiladi.
8. Evakuatsiya komissiyalari jabrlanganlarga vaqtincha yashab turish uchun birinchi navbatda statsionar turar joylarni jamoat va maʼmuriy bino va inshootlarda (sogʻlomlashtirish muassasalari, taʼlim tashkilotlari, bolalar dam olish oromgohlari, dam olish uylari, turistik bazalar va boshqalarda) tayyorlaydi.
Jabrlanganlarni statsionar turar joylar bilan taʼminlash imkoni cheklanganda ularga evakuatsiya komissiyalari tomonidan Oʻzbekiston Respublikasi Favqulodda vaziyatlar vazirligi bilan birgalikda vaqtincha yashab turish uchun koʻchma turar joylar — palatkali shaharchalar barpo etiladi.
Jabrlanganlarning vaqtinchalik turar joylardagi hayot faoliyatini taʼminlash tegishli evakuatsiya komissiyasi tomonidan amalga oshiriladi.
9. Jabrlanganlarni eng zarur tovarlar bilan taʼminlash hamda ularga moddiy yordam koʻrsatish favqulodda holat joriy etilgan hududning mahalliy ijro etuvchi hokimiyat organi rahbari tomonidan tasdiqlangan yordamga muhtoj shaxslar roʻyxatiga muvofiq mavjud favqulodda holatni taʼminlash uchun ajratilgan moliyaviy va moddiy resurslar, Oʻzbekiston Qizil Yarim oy jamiyatining zaxiralari hamda insonparvarlik yordami sifatida taqdim etilgan moddiy va moliyaviy resurslar hisobidan amalga oshiriladi.
10. Jabrlanganlarni issiq ovqat, ichimlik suv, kiyim-kechak, koʻrpa-toʻshaklar bilan taʼminlash Oʻzbekiston Respublikasi Favqulodda vaziyatlar vazirligi, Mudofaa vazirligi va Milliy gvardiya koʻmagida mahalliy ijro etuvchi hokimiyat organi tomonidan tashkil etiladi.
11. Favqulodda holat joriy etilishi uchun asos boʻlgan holatlar natijasida jabrlangan shaxslarga tibbiy yordam koʻrsatish, shu jumladan, reabilitatsiya qilish Oʻzbekiston Respublikasi Sogʻliqni saqlash vazirligining tibbiyot muassasalari tomonidan bepul tibbiy yordam tartibida amalga oshiriladi.
Tibbiy yordam tibbiy-evakuatsiya, sanitariya-gigiyena va epidemiyaga qarshi profilaktik chora-tadbirlarni oʻz ichiga oladi.
12. Jabrlanganlarga koʻrsatiladigan moliyaviy yordam miqdori va uni taqdim etish tartibi mahalliy ijro etuvchi hokimiyat organi rahbarining alohida qarori bilan belgilanadigan ijtimoiy toʻlovlar tartibida amalga oshiriladi.
13. Favqulodda holat joriy etilgan hududdagi band boʻlmagan aholiga Oʻzbekiston Respublikasi Kambagʻallikni qisqartirish va bandlik vazirligi yoki uning hududiy boshqarmasi tomonidan mehnatiga haq toʻlanadigan vaqtinchalik avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlashga jalb etilishiga koʻmaklashiladi.
3-bob. Jabrlanganlarga yetkazilgan zararning oʻrnini qoplash tartibi
14. Favqulodda holatni joriy etish uchun asos boʻlib xizmat qilgan holatlar natijasida yoki bunday holatlarni yoʻq qilish yoki ularning oqibatlarini bartaraf etish choralari qoʻllanilishi sababli yetkazilgan quyidagi zararlar qoplanishi lozim:
jabrlanganlarning mol-mulkiga yetkazilgan zarar;
butunlay yoʻq qilingan va tiklashning imkoni boʻlmagan mol-mulkning bozor qiymati.
15. Jabrlanganlarning mol-mulki tegishli xavf boʻyicha sugʻurta qilingan holatlarda ularga yetkazilgan zarar tegishli sugʻurta tashkilotlari tomonidan amalga oshiriladi.
16. Oʻzboshimchalik bilan qurilgan turar joylar, ishlab chiqarishlar va boshqa bino va inshootlarning qiymati, shuningdek, jabrlanganlarning boy bergan foydasi qoplanmaydi.
17. Jabrlanganlarning sogʻligʻiga zarar yetkazilgan taqdirda, ularga bepul zarur tibbiy yordam taʼminlanadi, fuqaro halok boʻlgan taqdirda esa — qonunchilikka muvofiq uning oila aʼzolariga pensiya yoki boquvchisini yoʻqotganlik nafaqasi tayinlanadi.
18. Hudud komendanti yuridik yoki jismoniy shaxslarning koʻchmas mulkini yoki uning bir qismini, transport vositasini, mashina va mexanizmlarni, asbob-uskunalar yoki boshqa mulklarni, agar ulardan foydalanish avariya-qutqaruv va boshqa kechiktirib boʻlmaydigan ishlarni bajarish uchun oʻta zarur boʻlsa va ularni tezkor yetkazib kelish imkoniyati mavjud boʻlmasa yoki koʻp harakatlarni talab qilsa, ularni majburiy foydalanish uchun vaqtincha olib qoʻyish (rekvizitsiya) toʻgʻrisida qaror qabul qilishi mumkin.
19. Majburiy foydalanish hudud komendanti tomonidan belgilangan muddatda, ammo favqulodda holat amal qilish muddatidan kechiktirmay toʻxtatiladi.
20. Majburiy foydalanish uchun olib qoʻyish hudud komendanti tayinlagan mansabdor shaxs (keyingi oʻrinlarda — mansabdor shaxs) tomonidan amalga oshiriladi.
21. Hudud komendanti va mansabdor shaxs majburiy foydalanish uchun olib qoʻyishni amalga oshirishda ashyoning mulkdori yoki egasidan olib qoʻyilishi yoki majburiy foydalanilishi kerak boʻlgan koʻchma ashyoni topshirish uchun yetkazib berishga majburlashga haqli.
22. Majburiy foydalanish uchun olib qoʻyish toʻgʻrisidagi bayonnoma ikki nusxada tuziladi. Bayonnomaning bir nusxasi ashyoning mulkdoriga yoki egasiga beriladi.
Favqulodda holat amal qilish muddati tugagandan soʻng saqlanib qolingan majburiy foydalanish uchun olib qoʻyilgan ashyo sobiq mulkdori yoki egasiga qaytarib beriladi.
23. Majburiy olib qoʻyilgan ashyoning yoʻq qilinganligi va (yoki) shikastlanganligi uchun kompensatsiya toʻlovlari Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahri shahar budjeti, tumanlar va shaharlar budjetlarining zaxira jamgʻarmalari, Oʻzbekiston Respublikasi Vazirlar Mahkamasining zaxira jamgʻarmasi mablagʻlari hamda qonunchilikda taqiqlanmagan boshqa manbalar hisobidan amalga oshiradi.
24. Favqulodda holatni joriy etish uchun asos boʻlib xizmat qilgan holatlar natijasida yoki bunday holatlarni yoʻq qilish yoki ularning oqibatlarini bartaraf etish choralari qoʻllanilishi oqibatida yetkazilgan moddiy zararning oʻrnini qoplash ushbu Nizomga 1-ilovada keltirilgan sxemaga muvofiq tashkil etiladi.
25. Shikastlangan yoki yoʻq qilingan mulkning egasi yoki mulkdori (keyingi oʻrinlarda — mol-mulk egasi) favqulodda holat amal qilish muddati tugagan kundan eʼtiboran oʻttiz kalendar kun mobaynida tegishli mahalliy ijro etuvchi hokimiyat organiga moddiy zararni qoplash toʻgʻrisida ushbu Nizomga 2-ilovaga muvofiq shaklda toʻldirilgan arizani taqdim etadi.
26. Zararni qoplash toʻgʻrisidagi arizaga quyidagilar ilova qilinadi:
mol-mulk egasining shaxsini tasdiqlovchi hujjatning nusxasi (bunday hujjat yoʻqolgan yoki yoʻq qilingan hollarda ichki ishlar organlari tomonidan berilgan vaqtinchalik shaxsni tasdiqlovchi guvohnoma);
mulkni majburiy begonalashtirish yoki majburiy foydalanish uchun olib qoʻyish toʻgʻrisidagi bayonnomaning nusxasi;
yoʻqolgan va / yoki shikastlangan mulk roʻyxati.
27. Arizalar mahalliy ijro etuvchi hokimiyat organi tomonidan ushbu Nizomga 3-ilovaga muvofiq shakl boʻyicha Moddiy zararni qoplash toʻgʻrisidagi arizalarni roʻyxatga olish jurnalida qayd etiladi.
28. Moddiy zararni qoplash toʻgʻrisidagi ariza ushbu Nizomning 26-bandida koʻrsatilgan hujjatlar kelib tushgan kundan boshlab oʻn besh ish kunida koʻrib chiqiladi.
29. Mahalliy ijro etuvchi hokimiyat organi ariza roʻyxatga olingan kundan eʼtiboran oʻn ish kunida mazkur Nizomning 23-bandida koʻrsatilgan mablagʻlar hisobidan baholovchi tashkilot tomonidan yetkazilgan zarar miqdori baholanishini tashkil etadi.
30. Yetkazilgan zarar miqdorini baholash quyidagi bosqichlarda tashkil etiladi:
mol-mulk egasi uch ish kunigacha baholovchi tashkilotni tanlaydi;
baholovchi tashkilot bir ish kunida mol-mulk egasi bilan kelishgan holda baholash vaqti va joyini belgilaydi;
baholovchi tashkilot besh ish kunigacha mol-mulk egasi ishtirokida zararlangan mulkni baholaydi;
baholovchi tashkilot bir ish kunida baholash hisobotini tayyorlaydi, mol-mulk egasini tanishtiradi va tegishli mahalliy ijro etuvchi hokimiyat organiga taqdim etadi.
31. Zararni qoplash miqdori, yaʼni shikastlangan mulkni tiklash (taʼmirlash) uchun zarur boʻlgan xarajatlar va (yoki) buzilganligi sababli mulkning eskirish miqdorini yoki yoʻqolgan yoxud shikastlangan mol-mulkning eskirishini qoplash oʻsha vaqtda hududda amalda boʻlgan bozor narxlari qiymatidan kelib chiqqan holda belgilanadi. Zararlangan mulkni tiklash (taʼmirlash) xarajatlari uni tiklash xarajatlarining smetasi yoki hisob-kitobi bilan tasdiqlanadi.
32. Mulk, agar uni qayta tiklash texnik jihatdan imkonsiz yoki iqtisodiy jihatdan asossiz boʻlsa, yoʻq qilingan hisoblanadi. Mulkni tiklash uchun kutilayotgan xarajatlar zarar yetkazilgan kundagi uning bozor qiymatining sakson foizidan oshsa, mulkni tiklash iqtisodiy jihatdan asossiz deb hisoblanadi.
33. Baholovchi tashkilot tomonidan mulkiy zararni baholash ishlari tugagandan soʻng mahalliy ijro etuvchi hokimiyat organi uch ish kunida yetkazilgan mulkiy zararni qoplashning miqdori boʻyicha xulosa tayyorlaydi, tegishli qaror qabul qiladi hamda uni Oʻzbekiston Respublikasi Moliya vazirligining tegishli gʻaznachilik boʻlinmasiga ijro uchun yuboradi.
34. Oʻzbekiston Respublikasi Moliya vazirligining tegishli gʻaznachilik boʻlinmasi mol-mulk egasiga mulkiy zararni qoplash toʻgʻrisidagi qarorni olgan kundan boshlab uch ish kuni mobaynida qarorda qayd qilingan mol-mulk egasining bankdagi hisob raqamiga pul mablagʻlarini oʻtkazadi.
Jabrlanganlarga yetkazilgan mulkiy zarar Oʻzbekiston Respublikasining Davlat budjeti mablagʻlari hisobidan qoplanadi.
35. Turar joylarni tiklash texnik jihatdan imkonsiz yoki iqtisodiy jihatdan asossiz boʻlganda ularning egalariga qonunchilikda belgilangan tartibda tekinga doimiy uy-joy berilishi mumkin.
36. Yetkazilgan zarar qoplangandan soʻng yetkazilgan zararni qoplash toʻgʻrisidagi arizalarni roʻyxatga olish jurnaliga toʻlangan zarar miqdori sanasi va toʻlovning raqami koʻrsatilgan holda tegishli yozuv kiritiladi.
37. Mulkka yetkazilgan zararni qoplashni rad etish toʻgʻrisidagi qaror quyidagi hollarda qabul qilinadi:
a) zarur shaklda rasmiylashtirilmagan hujjatlar taqdim etilganda;
b) taqdim etilgan hujjatlarda ishonchsiz va asoslanmagan maʼlumotlar mavjud boʻlganda.
4-bob. Yakunlovchi qoidalar
38. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
39. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Favqulodda holat joriy etilgan hududda jabrlangan shaxslarga zarur yordam koʻrsatish va yetkazilgan zararning oʻrnini qoplash tartibi toʻgʻrisidagi nizomga 1-ILOVA
Favqulodda holatni joriy etish uchun asos boʻlib xizmat qilgan holatlar natijasida yoki bunday holatlarni yoʻq qilish yoki ularning oqibatlarini bartaraf etish choralari qoʻllanilishi oqibatida yetkazilgan moddiy zararning oʻrnini qoplashni tashkil etish
Bosqichlar Subyektlar Tadbirlar Bajarish muddatlari 1-bosqich Shikastlangan yoki yoʻq qilingan mulkning egasi yoki mulkdori (keyingi oʻrinlarda — mol-mulk egasi) Tegishli mahalliy ijro etuvchi hokimiyat organiga yetkazilgan moddiy zararni qoplash uchun arizani taqdim etadi Oʻttiz kalendar kun mobaynida 2-bosqich Mol-mulk egasi Baholovchi tashkilotni tanlaydi Uch ish kunigacha 3-bosqich Baholovchi tashkilot Mol-mulk egasi bilan kelishgan holda baholash vaqti va joyini belgilaydi Bir ish kunida 4-bosqich Baholovchi tashkilot Mol-mulk egasi ishtirokida zararlangan mulkni baholaydi Besh ish kunigacha 5-bosqich Baholovchi tashkilot Baholash hisobotini tayyorlaydi, mol-mulk egasini tanishtiradi va tegishli mahalliy ijro etuvchi hokimiyat organiga taqdim etadi Bir ish kunida 6-bosqich Mahalliy ijro etuvchi hokimiyat organi Mol-mulk egasiga yetkazilgan mulkiy zararni qoplashning miqdori boʻyicha xulosa tayyorlaydi, tegishli qaror qabul qiladi hamda uni Oʻzbekiston Respublikasi Moliya vazirligining tegishli gʻaznachilik boʻlinmasiga ijro uchun yuboradi Uch ish kunida 7-bosqich Oʻzbekiston Respublikasi Moliya vazirligining tegishli gʻaznachilik boʻlinmasi Yetkazilgan mulkiy zararni qoplash toʻgʻrisidagi qarorda qayd qilingan mol-mulk egasining bankdagi hisob raqamiga pul mablagʻlarini oʻtkazadi Uch ish kunida
Favqulodda holat joriy etilgan hududda jabrlangan shaxslarga zarur yordam koʻrsatish va yetkazilgan zararning oʻrnini qoplash tartibi toʻgʻrisidagi nizomga 2-ILOVA
___________________________________________ (Moddiy zararni aniqlash va qoplash komissiyasi raisining F.I.O. (agar mavjud boʻlsa)) ________________________________________dan yashovchining (F.I.O. (agar mavjud boʻlsa)) __________________________________________ tel. ______________________________________ Moddiy zararni qoplash toʻgʻrisida ARIZA Menga_____________________________________________________________________________ (hodisaning xususiyati koʻrsatiladi) munosabati bilan yetkazilgan zararni quyidagi hisob raqamga pul oʻtkazish orqali qoplashingizni soʻrayman: _______________________________________________________________________________________ (oluvchining bank rekviziti koʻrsatiladi) ______________________________________________________________________________________ (oluvchining F.I.O. koʻrsatiladi) Arizaga quyidagi hujjatlar ilova qilinadi: 1. _______________________________________________________________________________ 2. _______________________________________________________________________________ 3. _______________________________________________________________________________ 4. _______________________________________________________________________________ 5. _______________________________________________________________________________ _______________________________________________ ________________ (F.I.O.) (imzo) 20____ y. “_____” _________
Favqulodda holat joriy etilgan hududda jabrlangan shaxslarga zarur yordam koʻrsatish va yetkazilgan zararning oʻrnini qoplash tartibi toʻgʻrisidagi nizomga 3-ILOVA
Moddiy zararni qoplash toʻgʻrisidagi arizalarni roʻyxatga olish
T/r Shikastlangan yoki yoʻq qilingan mulkning egasi yoki mulkdorning F.I.O. Ariza qabul qilingan sana Yashash manzili Zararni qoplash sababi Yetkazilgan moddiy zarar miqdori Moddiy zararni qoplash uchun toʻlov topshiriqnomasining raqami va sanasi 1 2 3 4 5 6 7
Vazirlar Mahkamasining 2022-yil 14-oktabrdagi 600-son qaroriga 3-ILOVA
Favqulodda holatni taʼminlashda (saqlab turishda) ishtirok etgan shaxslarni hisobga olish, shuningdek, mazkur shaxslarga nisbatan qoʻshimcha kafolatlar va kompensatsiyalarni qoʻllash tartibi toʻgʻrisida
1-bob. Umumiy qoidalar
1. Mazkur Nizom favqulodda holat rejimini taʼminlashda (saqlab turishda) ishtirok etgan shaxslarni hisobga olish tartibi hamda ularga qoʻshimcha kafolatlar va kompensatsiyalar qoʻllash shartlarini belgilaydi.
2. Favqulodda holat rejimini taʼminlash (saqlab turish) ishlari jumlasiga Oʻzbekiston Respublikasi Prezidentining favqulodda holat eʼlon qilish toʻgʻrisidagi Farmonida belgilangan favqulodda choralarni amalga oshirish bilan bogʻliq saʼy-harakatlar kiradi.
3. Favqulodda holat joriy etilgan hududda qoʻllanilgan favqulodda choralar va vaqtincha cheklovlarni amalga oshirishda ishtirok etgan Oʻzbekiston Respublikasi Ichki ishlar vazirligi, Milliy gvardiyasi, Favqulodda vaziyatlar vazirligi, Davlat xavfsizlik xizmati, Mudofaa vazirligi (keyingi oʻrinlarda — huquqni muhofaza qiluvchi organlar va harbiylashtirilgan tuzilmalar) xodimlari va harbiy xizmatchilari, boshqa davlat organlari hamda tashkilotlarning xodimlari va ishchi-xizmatchilari, shuningdek, ushbu ishlarga jalb etilgan band boʻlmagan fuqarolar — favqulodda holat rejimini taʼminlashda (saqlab turishda) ishtirok etgan shaxslar hisoblanadi.
2-bob. Favqulodda holatni taʼminlashda (saqlab turishda) ishtirok etgan shaxslarni hisobga olish tartibi
4. Favqulodda holatni taʼminlashda (saqlab turishda) ishtirok etgan shaxslarni hisobga olish (keyingi oʻrinlarda — hisobga olish):
xizmat (mehnat) qilayotgan fuqarolarni — ular xizmat (mehnat) qilayotgan davlat organlari va tashkilotlar rahbarlari tomonidan;
band boʻlmagan fuqarolarni — Hudud komendaturasi tarkibida Oʻzbekiston Respublikasi Kambagʻallikni qisqartirish va bandlik vazirligi yoki uning hududiy boshqarmalari rahbarligida manfaatdor vazirliklar va idoralar yoki ularning hududiy boʻlinmalari vakillaridan iborat tuziladigan favqulodda holat joriy etilgan hududda band boʻlmagan aholini vaqtinchalik avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlashga jalb etish, shuningdek, ularning mehnatiga haq toʻlashni tashkil etish maxsus ishchi guruh tomonidan amalga oshiriladi.
5. Hisobga olish tegishli davlat organi va tashkilot rahbarining favqulodda holatni taʼminlash (saqlab turish) ishlariga jalb etish toʻgʻrisidagi buyruqlari, shuningdek, favqulodda holat joriy etilgan hududda vaqtinchalik avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlash ishlariga jalb etish boʻyicha mehnat shartnomalari asosida amalga oshiriladi.
3-bob. Favqulodda holatni taʼminlashda (saqlab turishda) ishtirok etgan shaxslarga qoʻshimcha kafolatlar va kompensatsiyalar qoʻllash shartlari
6. Qoʻshimcha kafolatlar va kompensatsiyalar faqat favqulodda holatni taʼminlashda (saqlab turishda) ishtirok etgan shaxslar sifatida hisobga olingan fuqarolarga qoʻllaniladi.
7. Favqulodda holatni taʼminlashda (saqlab turishda) ishtirok etgan shaxslarga quyidagi qoʻshimcha kafolatlar va kompensatsiyalar qoʻllaniladi:
a) favqulodda holat rejimini taʼminlashda (saqlab turishda) ishtirok etgan huquqni muhofaza qiluvchi organlar va harbiylashtirilgan tuzilmalarning xodimlari va harbiy xizmatchilari pul taʼminoti (lavozim maoshi va harbiy (maxsus) unvon maoshi yigʻindisi), shuningdek, davlat organlari hamda tashkilotlarning xodimlari va ishchi-xizmatchilarining lavozim maoshlari miqdori 1,5 oshirish koeffitsiyentini qoʻllagan holda aniqlanadi;
b) huquqni muhofaza qiluvchi organlar va harbiylashtirilgan tuzilmalarning xodimlari va harbiy xizmatchilariga pensiya tayinlash uchun xizmat (harbiy xizmat) stajini hisoblashda:
favqulodda holat rejimini taʼminlashda (saqlab turishda) ishtirok etgan davrdagi xizmat (harbiy xizmat) muddatining bir kuni uch kunga tenglashtirilib hisoblanadi;
favqulodda holat rejimini taʼminlash (saqlab turish) ishlarini bevosita amalga oshirishda olingan yaradorlik, kontuziya, tan jarohati va kasalliklar natijasida shifoxona va boshqa tibbiyot muassasalarida uzluksiz davolanishda boʻlgan bir kun imtiyozli ravishda xizmatning (harbiy xizmatning) uch kuniga teng hisoblanadi;
v) favqulodda holat joriy etilgan hududda vaqtinchalik avariya-qutqaruv va boshqa kechiktirib boʻlmaydigan ishlarni amalga oshirish hamda taʼminlashga jalb etilgan band boʻlmagan fuqarolarga:
buyurtmachi — ish beruvchi tashkilotlarda amalda boʻlgan stavkalar va lavozim maoshlari (ishbay narxlar)dan kelib chiqqan holda, ammo mehnatga haq toʻlash boʻyicha Yagona tarif setkasining birinchi razryadidan kam boʻlmagan miqdorda ish haqi toʻlanadi;
buyurtmachi — ish beruvchilar tomonidan ish haqidan tashqari budjetdan tashqari jamgʻarmaning mablagʻlari hisobidan mehnatga qoʻshimcha ragʻbatlantirish belgilanishi mumkin;
mehnat toʻgʻrisidagi qonunchilikda nazarda tutilgan boshqa kafolatlar va kompensatsiyalar qoʻllaniladi.
8. Favqulodda holatni taʼminlashda (saqlab turishda) ishtirok etgan shaxslarga ushbu Nizomning 7-bandida nazarda tutilgan toʻlovlarni toʻlash — ular favqulodda holat joriy etilgan hududda oʻz vazifalarini haqiqatda bajargan vaqt uchun (favqulodda holat joriy qilingan kundan oldin boʻlmagan va favqulodda holatning amal qilish muddati tugagan kundan kechiktirmay) amalga oshiriladi.
9. Ushbu Nizomda nazarda tutilgan xarajatlar:
Oʻzbekiston Respublikasi Davlat budjeti mablagʻlari hisobidan taʼminlanadigan davlat organlari va tashkilotlarda — Oʻzbekiston Respublikasining Davlat budjeti mablagʻlari hisobidan;
boshqa mablagʻlar hisobidan taʼminlanadigan tashkilotlarda — ushbu tashkilotlarning moliyalashtirish (taʼminlash) manbalari hisobidan amalga oshiriladi.
4-bob. Yakunlovchi qoidalar
10. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
11. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Vazirlar Mahkamasining 2022-yil 14-oktabrdagi 600-son qaroriga 4-ILOVA
Favqulodda holat joriy etilgan hududda xalqaro insonparvarlik yordamini amalga oshirish tartibi toʻgʻrisida
1-bob. Umumiy qoidalar
1. Ushbu Nizom Favqulodda holat joriy etilgan hududda xalqaro insonparvarlik yordamini amalga oshirishda xalqaro insonparvarlik yordamini koʻrsatish hujjatlarini koʻrib chiqish, kelishish va roʻyxatdan oʻtkazish, uni Oʻzbekiston Respublikasi hududiga olib kirish, qabul qilish, taqsimlash va tarqatish, shuningdek, xalqaro insonparvarlik yordami maqsadli ishlatilishini nazorat qilish tartibini belgilaydi.
2. Favqulodda holat joriy etilgan hududda favqulodda holat joriy etishga xizmat qilgan holatlar natijasida hamda bunday holatlarni yoʻq qilish yoki ularning oqibatlarini bartaraf etishda jabrlangan aholiga tibbiy va ijtimoiy yordam koʻrsatish uchun xorijiy davlatlar, xalqaro va xorijiy tashkilotlar yoki notijorat tashkilotlar, xorijiy davlatlar fuqarolari (keyingi oʻrinlarda — donorlar) tomonidan taqdim etilgan begʻaraz yordam, shuningdek, ushbu yordamni tashish va saqlash bilan bogʻliq xarajatlar xalqaro insonparvarlik yordami (keyingi oʻrinlarda — xalqaro insonparvarlik yordami) hisoblanadi.
3. Xalqaro insonparvarlik yordami Oʻzbekiston Respublikasiga, davlat boshqaruv organlariga, mahalliy ijro etuvchi hokimiyat organlariga, fuqarolarning oʻzini oʻzi boshqarish organlariga, yuridik va jismoniy shaxslarga (keyingi oʻrinlarda — xalqaro insonparvarlik yordamini oluvchilar) berilishi mumkin.
4. Oʻzbekiston Respublikasiga xalqaro insonparvarlik yordami sifatida olib kirilayotgan tovarlarga nisbatan bojxona toʻlovlari boʻyicha imtiyozlar yuridik va jismoniy shaxslarning ushbu tovarlarni toʻlashni nazarda tutuvchi tashqi savdo shartnomalari (kontraktlari)ga muvofiq olib kirilayotgan tovarlarga nisbatan qoʻllanilmaydi.
5. Xalqaro insonparvarlik yordamini (toʻliq yoki qisman) sotish taqiqlanadi.
6. Favqulodda holat joriy etilgan hududda xalqaro insonparvarlik yordamini amalga oshirish ushbu Nizomga 1-ilovada keltirilgan sxemaga muvofiq amalga oshiriladi.
2-bob. Xalqaro insonparvarlik yordamini koʻrsatish hujjatlarini koʻrib chiqish, kelishish va roʻyxatdan oʻtkazish tartibi
7. Donorlar xalqaro insonparvarlik yordamini koʻrsatish istagi boʻyicha ular toʻgʻrisidagi hujjatlarni ilova qilgan holda Oʻzbekiston Respublikasi Hukumatiga murojaat yuboradilar.
Ushbu hujjatlarda quyidagilar aks ettirilishi kerak:
xalqaro insonparvarlik yordamining maqsadlari, nomenklaturasi va hajmi;
xalqaro insonparvarlik yordamini oluvchilar (oxirgi oluvchilar) toifalari — jismoniy shaxslar, shuningdek, tashkiliy-huquqiy shakli va idoraviy mansubligidan qatʼi nazar yuridik shaxslarning toʻliq roʻyxati;
xalqaro insonparvarlik yordamini koʻrsatish usuli;
xalqaro insonparvarlik yordamini koʻrsatish davriyligi yoki bir marta koʻrsatilishi;
xalqaro insonparvarlik yordamini koʻrsatish muddati va/yoki uni toʻxtatish muddati.
8. Xalqaro insonparvarlik yordamini koʻrsatish hujjatlarini koʻrib chiqish Favqulodda vaziyatlarning oldini olish va bartaraf etish boʻyicha Hukumat komissiyasi (keyingi oʻrinlarda — Hukumat komissiyasi) tomonidan amalga oshiriladi. Hukumat komissiyasi xalqaro insonparvarlik yordamini koʻrsatish toʻgʻrisidagi hujjatlarni olgan kunning oʻzida ularni Hukumat komissiyasi tarkibiga kiruvchi davlat organlariga koʻrib chiqish uchun yuboradi.
9. Hukumat komissiyasi tarkibiga kiruvchi davlat organlari bir ish kunida xalqaro insonparvarlik yordamini koʻrsatish hujjatlarini koʻrib chiqib, Oʻzbekiston Respublikasi Favqulodda vaziyatlar vazirligi — Hukumat komissiyasining ishchi organiga (keyingi oʻrinlarda — ishchi organ) quyidagi javoblardan birini taqdim etishlari lozim:
xalqaro insonparvarlik yordamini koʻrsatish boʻyicha hujjatlar kelishilganligi;
xalqaro insonparvarlik yordamini koʻrsatish hujjatlari fikr-mulohazalar va/yoki takliflar bilan kelishilganligi;
xalqaro insonparvarlik yordamini koʻrsatish hujjatlari kelishilishi asosli ravishda rad etilganligi.
10. Ishchi organ tomonidan bir ish kunida xalqaro insonparvarlik yordamini koʻrsatish hujjatlari boʻyicha taqdim etilgan kelishuvlar, fikr-mulohazalar, takliflar va raddiyalar umumlashtirilib, axborot maʼlumotnomasi rasmiylashtiriladi va navbatdan tashqari yigʻilishida koʻrib chiqish uchun Hukumat komissiyasi raisiga tegishli bayon loyihasini ilova qilgan holda belgilangan tartibda taqdim etiladi.
11. Hukumat komissiyasi ikki ish kunida taqdim etilgan xalqaro insonparvarlik yordamini koʻrsatish hujjatlarini navbatdan tashqari yigʻilishida koʻrib chiqadi va ularni tasdiqlash (tasdiqlashni rad etish) toʻgʻrisida qaror qabul qiladi.
12. Hukumat komissiyasining qarori uning majlisi bayoni shaklida rasmiylashtiriladi va tasdiqlangan kunning oʻzida barcha tegishli davlat organlariga elektron shaklda ijro uchun yuboriladi. Ushbu bayonda Tashqi ishlar vazirligi tomonidan qabul qilingan qaror toʻgʻrisida belgilangan tartibda tegishli donorlar xabardor etilishi nazarda tutiladi.
13. Xalqaro insonparvarlik yordamini hisobga olish, qabul qilish, tarqatish va ulardan foydalanishni nazorat qilish maqsadida ular majburiy tarzda roʻyxatdan oʻtkaziladi.
14. Ishchi organ tomonidan xalqaro insonparvarlik yordamini koʻrsatish boʻyicha kelishilgan hujjatlar toʻgʻrisidagi maʼlumotlar Hukumat komissiyasining tegishli bayoni kelib tushgan kunning oʻzida “Xalqaro insonparvarlik yordamini koʻrsatish boʻyicha yagona reyestr” axborot tizimiga (keyingi oʻrinlarda — “Yagona reyestr” AT) kiritiladi va roʻyxatdan oʻtkaziladi.
15. “Yagona reyestr” AT ishchi organ tomonidan ishlab chiqiladi, shakllantiriladi va yuritiladi.
“Yagona reyestr” AT quyidagilarni nazarda tutadi:
xorijiy davlatlar bilan oʻzaro elektron hamkorlikni qoʻllagan holda xalqaro insonparvarlik yordamini koʻrsatish bilan bogʻliq tartib-taomillarni avtomatlashtirish;
xalqaro insonparvarlik yordamini oluvchilar toʻgʻrisidagi yagona maʼlumotlar bazasini shakllantirish;
xalqaro insonparvarlik yordamining barcha turlari toʻgʻrisidagi maʼlumotlarni jamlash va tahlil qilish;
davlat organlariga yuklangan vazifalar va funksiyalarni bajarish uchun “Yagona reyestr” ATdan zarur axborotni berish.
16. Ishchi organ tomonidan xalqaro insonparvarlik yordamini koʻrsatish hujjatlarini roʻyxatga olish raqami koʻrsatilgan holda roʻyxatdan oʻtkazish toʻgʻrisidagi bildirishnoma bir ish kunida xalqaro insonparvarlik yordamini oluvchilar hamda tegishli davlat organlari — ijrochilarga yuboriladi.
3-bob. Xalqaro insonparvarlik yordamini Oʻzbekiston Respublikasi hududiga olib kirish, taqsimlash va qabul qilish tartibi
17. Xalqaro insonparvarlik yordami yuklari sertifikatlashdan oʻtkazilganidan va Hukumat komissiyasi tomonidan kelishilganidan soʻng Oʻzbekiston Respublikasi hududiga olib kirilishi mumkin.
18. Xalqaro insonparvarlik yordami xalqaro insonparvarlik yordami oluvchisiga amalda topshirilguniga qadar donorning mulki hisoblanadi.
19. Donorlar tomonidan Oʻzbekiston Respublikasi hududiga olib kelinadigan xalqaro insonparvarlik yordami yuklarini olib kirish jarayonini muvofiqlashtirish Hukumat komissiyasi tomonidan amalga oshiriladi.
20. Xalqaro insonparvarlik yordamini oluvchilar tomonidan xalqaro insonparvarlik yordamini koʻrsatish hujjatlari roʻyxatga olingan kundan boshlab yetti ish kuni davomida Hukumat komissiyasiga ushbu Nizomga 2-ilovada keltirilgan shakldagi insonparvarlik yordamini olish talabnomasi kiritiladi.
Istisno hollarda, asoslar mavjud boʻlganda, talabnomani kiritish muddati uch ish kuniga qisqartirilishi mumkin.
21. Ishchi organ bir ish kunida kelib tushgan talabnomalar asosida olib kirilishi rejalashtirilayotgan xalqaro insonparvarlik yordamining dastlabki taqsimotini manfaatdor davlat organlari ishtirokida oʻtkazadi.
Ishchi organ tomonidan shu kunning oʻzida xalqaro insonparvarlik yordamining oluvchilar oʻrtasidagi taqsimoti loyihasini Hukumat komissiyasi raisiga tegishli bayon loyihasini ilova qilgan holda belgilangan tartibda taqdim etiladi.
Hukumat komissiyasi ikki ish kunida navbatdagi yigʻilishida xalqaro insonparvarlik yordami taqsimoti loyihasini koʻrib chiqadi va uni tasdiqlash toʻgʻrisida qaror qabul qiladi. Hukumat komissiyasining ushbu yigʻilish bayoni shu kunning oʻzida xalqaro insonparvarlik yordami oluvchilarga va tegishli vazirliklar va idoralarga yuboriladi.
22. Ishchi organ xalqaro insonparvarlik yordamini olib kelish rejasi haqida tegishli maʼlumotlarni olgach shu kunning oʻzida:
barcha jalb qilingan vazirliklar va idoralarga xalqaro insonparvarlik yordami yuklari kelib tushadigan sana, ularning nomenklaturasi va hajmi haqida xabar beradi;
omborlarning yuklarni qabul qilishga tayyorligi toʻgʻrisidagi maʼlumotlarni toʻplaydi va umumlashtiradi.
23. Xalqaro insonparvarlik yordami yuklari Oʻzbekiston Respublikasi hududiga avtomobil, temir yoʻl va havo transportlarida chegara — bojxona postlari orqali olib kiriladi.
24. Tegishli davlat organlari va xalqaro insonparvarlik yordamini oluvchilar xalqaro insonparvarlik yordami yuklarini qabul qilish, hisobga olish, saqlash va yetkazishni tashkil etadi.
25. Xalqaro insonparvarlik yordami yuklarini berish va qabul qilishda tegishli hujjatlarni rasmiylashtirish uchun xalqaro insonparvarlik yordamini oluvchining vakillarida lavozimga tayinlanganligini tasdiqlovchi hujjatning (vazirlik, idora va tashkilot rahbarlari uchun) tasdiqlangan nusxasi yoki oluvchi tashkilotdan olingan ishonchnomaning asl nusxasi va unga ilova qilingan qabul qilish uchun vakolatli shaxsning pasportining tasdiqlangan nusxasi, tashkilotning muhri (agar ishonchnoma boʻlmagan va/yoki ishonchnomaga muhrdan foydalanmagan holda imzo chekish huquqiga ega boʻlmagan taqdirda) yoki insonparvarlik yordami yukini oluvchi tashkilot muhri bilan tasdiqlangan berish va qabul qilish dalolatnomalari blankalari boʻlishi shart.
26. Tegishli xalqaro insonparvarlik yordami yuklari bojxona chegarasini kesib oʻtgandan soʻng qabul qiluvchi tomonning vakili shu kunning oʻzida ishchi organni xabardor qilishi shart.
27. Xalqaro insonparvarlik yordami yuklarini sertifikatlashdan oʻtkazish (chet el muvofiqlik sertifikatlarini eʼtirof etish) Vazirlar Mahkamasining 2004-yil 6-iyuldagi 318-son qarori bilan tasdiqlangan Mahsulotlarni sertifikatlashtirish tartibi toʻgʻrisidagi nizomga muvofiq amalga oshiriladi.
28. Ishchi organ xalqaro insonparvarlik yordami yuklarini bojxona nazoratidan oʻtkazish boʻyicha donorlarga koʻmaklashadi. Ishchi organning vakillari ushbu tartib yuzasidan tushuntirish ishlarini olib boradilar hamda toʻldirilishi va vakolatli organlarga taqdim etilishi zarur boʻlgan hujjatlar namunalarini taqdim etadilar.
29. Oʻzbekiston Respublikasi Ichki ishlar vazirligi xalqaro insonparvarlik yordami yuklari ortilgan transport vositalarining xavfsiz harakatlanishi va toʻxtash joylari, shu jumladan, tushirish joyiga yetkazish yoʻnalishlarini oldindan oʻrganadi hamda kolonnalarning kuzatuvini va xavfsizligini taʼminlaydi.
30. Oʻzbekiston Respublikasi Milliy gvardiyasi xalqaro insonparvarlik yordami yuklarini saqlash joylarida qoʻriqlash boʻyicha navbatchilikni tashkil qiladi.
31. Xalqaro insonparvarlik yordami yuklarini tushirish taqdim etilgan hujjatlarda koʻrsatilgan oluvchilarning omborlarida amalga oshiriladi.
32. Xalqaro insonparvarlik yuklarini qabul qilish, omborlarda yuklash-tushirish ishlarini amalga oshirish va hisobini yuritish ishlari xalqaro insonparvarlik yuklarini oluvchilar tomonidan amalga oshiriladi. Bunda xalqaro insonparvarlik yordami ishchi organ vakili ishtirokida, manfaatdor vazirliklar va idoralarning mutaxassislarini jalb qilgan holda qabul qilinadi.
33. Ishchi organ va bojxona organi xodimlarisiz transport vositasidan plombalarni (nazorat lentalarini) olib tashlash va xalqaro insonparvarlik yordami yuklarini tushirish taqiqlanadi.
Ishchi organ vakilining talabiga koʻra xalqaro qabul qiluvchining vakili yukni ochishi va xalqaro insonparvarlik yordami yuklarini tekshirish uchun taqdim etishi shart.
Plombalarning (nazorat lentalarning) mavjudligi va butunligi foto-fiksatsiya bilan tasdiqlanadi.
Plombalar (nazorat lentalari) boʻlmagan (zarar koʻrgan) hollarda ishchi organ vakili dalolatnoma tuzadi. Dalolatnoma nusxasi Oʻzbekiston Respublikasi Bosh prokuraturasiga foto-fiksatsiya materiallari ilova qilingan holda yuboriladi. Transportning konstruktiv xususiyatlaridan kelib chiqqan holda muhrlar boʻlmagan hollar bundan mustasno.
34. Xalqaro insonparvarlik yordami yuklarini tushirish jarayonida ishchi organ vakili olingan yuklarning nomenklaturasini sertifikatlash uchun eʼlon qilinganga muvofiqligini nazorat qiladilar.
35. Xalqaro insonparvarlik yordami yuklarini tushirishda qabul qiluvchi tomonidan shu kunning oʻzida ishchi organ vakili ishtirokida manfaatdor vazirliklar va idoralarining vakillarini jalb etgan holda sanoqdan oʻtkaziladi va yuklarning haqiqiy mavjudligi toʻgʻrisidagi ushbu Nizomga 3-ilovada keltirilgan shakldagi dalolatnoma tuziladi. Dalolatnoma nusxasi imzolangan kundan boshlab uch ish kunida donorga yuboriladi, dalolatnomaning tasdiqlangan nusxasi ishchi organga yuboriladi.
Sertifikatsiyalardan oʻtkazish uchun taqdim etilgan xalqaro insonparvarlik yordami yuklarining miqdorida tafovut va nomenklaturasida nomuvofiqlik aniqlangan taqdirda, nomuvofiqlik toʻgʻrisida ushbu Nizomga 4-ilovada keltirilgan shakldagi dalolatnoma tuziladi.
Dori vositalari va tibbiy jihozlar (keyingi oʻrinlarda — tibbiy mol-mulk)dan iborat xalqaro insonparvarlik yuklarini sanoqdan oʻtkazishda hujjatlar boʻyicha miqdor bilan haqiqiy miqdor oʻrtasida tafovut yuzaga kelgan taqdirda, xalqaro insonparvarlik yordamini qabul qilishda miqdor boʻyicha tafovutlar yuzasidan ushbu Nizomga 5-ilovada keltirilgan shaklda nomuvofiqlik toʻgʻrisida dalolatnoma tuziladi va uning tasdiqlangan nusxasi belgilangan tartibda koʻrib chiqish uchun Hukumat komissiyasiga taqdim etiladi.
Ushbu nomuvofiqlik toʻgʻrisida dalolatnomalar xalqaro insonparvarlik yordami sifatida qabul qilingan yuklarning amalda mavjudligi toʻgʻrisidagi dalolatnomaning ajralmas qismi hisoblanadi.
Agar xalqaro insonparvarlik yordami yuklarining amaldagi haqiqiy miqdori (ogʻirligi) yuk tashish hujjatlarida koʻrsatilgan miqdordan (ogʻirlikdan) ortiqcha boʻlsa yoki yuk tashish hujjatlarida koʻrsatilmagan yuk aniqlansa, bunday yuk nomuvofiqlik toʻgʻrisidagi dalolatnomada qayd etilgan paytdan boshlab insonparvarlik yordami yuki deb hisoblanmaydi va u qabul qiluvchining masʼulligida saqlanadi hamda tegishli qaror qabul qilinmaguncha undan foydalanilmaydi.
36. Xalqaro insonparvarlik yordami yuklarini tushirish ishlari tugatilganidan soʻng xalqaro insonparvarlik yordamini oluvchi tomonidan ishchi organ vakiliga quyidagi hujjatlarning tasdiqlangan nusxalari taqdim etilishi shart:
vagonlarga taxlash varagʻining yoki tovar-transport yuk xatining tasdiqlangan nusxalari;
oʻtkazish joyidan to tushirish joyigacha boʻlgan yoʻl uchun yuk xatining tasdiqlangan nusxasi;
topshirish va qabul qilish dalolatnomasining nusxasi.
Nusxalar yuk olingan kundan boshlab ikki ish kuni mobaynida taqdim etiladi.
4-bob. Xalqaro insonparvarlik yordami yuklarini tarqatish tartibi
37. Xalqaro insonparvarlik yordami yuklari jismoniy shaxslarga — oxirgi oluvchilarga xalqaro insonparvarlik yordami shaxsini tasdiqlovchi hujjat taqdim etilganda beriladi va tarqatish varagʻida jismoniy shaxsning imzosi bilan qayd etiladi. Tarqatish varagʻining nusxasi uch ish kunida umumlashtirish va hisobini yuritish uchun ishchi organga taqdim etiladi.
38. Tibbiy mol-mulk viloyatlar, shaharlar va tumanlar sogʻliqni saqlash boshqarmalari/boʻlimlariga, tibbiyot muassasalariga yetkazib beriladi va ular tomonidan oxirgi oluvchilarga tarqatiladi.
Tibbiy mol-mulkning oxirgi qabul qiluvchisi statsionar sharoitda davolanayotgan hamda dispanser roʻyxatida turgan bemorlar hisoblanadi. Viloyatlar, shaharlar va tumanlar sogʻliqni saqlash boshqarmalari/boʻlimlari, tibbiyot muassasalari tibbiy mol-mulkni olganligi toʻgʻrisida xalqaro insonparvarlik yordamini olish jurnallarida qayd etadi. Tibbiyot muassasalarida statsionar va dispanser roʻyxatida turgan bemorlar tomonidan tibbiy mol-mulk olinganligi jismoniy shaxs (bemor)ni tibbiyot muassasasidan chiqayotganida davolanish davrida olgan xalqaro insonparvarlik yordamini hisobga olish jurnalida uning imzosi bilan qayd etiladi (oʻlim hollari, shuningdek, bolalar (yetimlar, tashlab ketilganlar), qarindoshlari boʻlmagan behush holatdagi bemorlar va ruhiy kasalliklarga chalingan bemorlar bundan istisno hisoblanadi).
39. Xalqaro insonparvarlik yordamini yuridik shaxslarga — oxirgi oluvchilarga berish quyidagi hujjatlardan biriga muvofiq amalga oshiriladi:
topshirish-qabul qilish dalolatnomasi;
yuk xati;
hadya guvohnomasi.
40. Yuridik shaxslar — oxirgi oluvchilar tomonidan xalqaro insonparvarlik yordami olganligini tasdiqlovchi hujjatlarning nusxalari uch ish kunida umumlashtirish va hisobini yuritish uchun ishchi organga taqdim etiladi.
41. Ijtimoiy obyektlarni tiklash, qurish, taʼmirlash, hayot faoliyatini taʼminlovchi obyektlar va boshqalar uchun qurilish materiallari, shuningdek, oʻrnatishni va montaj ishlarini talab qiladigan uskunalar va elektr ehtiyot qisimlari shaklidagi xalqaro insonparvarlik yordami taʼmirlash-tiklash, qurilish ishlari yakunlangach bajarilgan ishlar dalolatnomasining imzolangan nusxasi ishchi organga taqdim etiladi.
5-bob. Xalqaro insonparvarlik yordami maqsadli ishlatilishini nazorat qilish tartibi
42. Xalqaro insonparvarlik yordami maqsadli ishlatilishini nazorat qilish ishchi organ tomonidan amaldagi qonunchilikka muvofiq tegishli davlat boshqaruvi, mahalliy davlat hokimiyati hamda zarur xollarda fuqarolarning oʻzini oʻzi boshqarish organlari ishtirokida tasdiqlangan rejalarga asosan tekshiruvlarni oʻtkazish orqali amalga oshiriladi.
43. Xalqaro insonparvarlik yordami notoʻgʻri ishlatilganligi toʻgʻrisidagi maʼlumotlar soliq va bojxona organlariga taqdim etiladi.
44. Xalqaro insonparvarlik yordami notoʻgʻri ishlatilgan taqdirda, bojxona toʻlovlari, soliqlar va boshqa majburiy toʻlovlar, shuningdek, qonunchilikka muvofiq ushbu summalarga hisoblangan penya va jarimalar belgilangan tartibda Davlat budjetiga undiriladi.
45. Ishchi organ xalqaro insonparvarlik yordamining maqsadli ishlatilishi boʻyicha nazorat va tekshirish tadbirlari natijalari toʻgʻrisida Hukumat komissiyasiga axborot berib boradi.
6-bob. Yakunlovchi qoidalar
46. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
47. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Favqulodda holat joriy etilgan hududda xalqaro insonparvarlik yordamini amalga oshirish tartibi toʻgʻrisidagi nizomga 1-ILOVA
Favqulodda holat joriy etilgan hududda xalqaro insonparvarlik yordamini amalga oshirish
Bosqichlar Subyektlar Tadbirlar Bajarish muddati 1-bosqich Donor Xalqaro insonparvarlik yordamini koʻrsatish istagi boʻyicha Oʻzbekiston Respublikasi Hukumatiga murojaat yuboradi Oʻz xohishiga koʻra 2-bosqich Favqulodda vaziyatlarning oldini olish va bartaraf etish boʻyicha Hukumat komissiyasi (keyingi oʻrinlarda — Hukumat komissiyasi) Xalqaro insonparvarlik yordamini koʻrsatish toʻgʻrisidagi hujjatlarni Hukumat komissiyasi tarkibiga kiruvchi davlat organlariga koʻrib chiqish uchun yuboradi Ariza kelib tushgan kunda 3-bosqich Hukumat komissiyasi tarkibiga kiruvchi davlat organlari Taqdim etilgan hujjatlarni koʻrib chiqadi va kelishilganligi, takliflar bilan kelishilganligi yoki kelishilishi rad etilganligi toʻgʻrisida Hukumat komissiyasi ishchi organiga (keyingi oʻrinlarda — ishchi organ) javob yuboradi Bir ish kunida 4-bosqich Ishchi organ Xalqaro insonparvarlik yordamini koʻrsatish boʻyicha taqdim etilgan kelishuvlar, fikr-mulohazalari, takliflar va raddiyalar boʻyicha axborot maʼlumotnomasini rasmiylashtiradi va tegishli bayon loyihasini ilova qilgan holda Hukumat komissiyasi taqdim etadi Bir ish kunida 5-bosqich Hukumat komissiyasi Hujjatlarni koʻrib chiqadi va ularni tasdiqlash (tasdiqlashni rad etish) toʻgʻrisida qaror qabul qiladi hamda ijro uchun barcha tegishli davlat organlariga yuboradi Ikki ish kunida 6-bosqich Ishchi organ Hukumat komissiyasi bayoni asosida kelishilgan hujjatlar toʻgʻrisidagi maʼlumotlarni “Yagona reyestr” AT kiritadi va roʻyxatdan oʻtkizadi Hukumat komissiyasi bayoni kelib tushgan kunning oʻzida 7-bosqich Ishchi organ Hujjatlarini roʻyxatga olish raqami koʻrsatilgan holda roʻyxatdan oʻtkazish toʻgʻrisidagi bildirishnomani xalqaro insonparvarlik yordamini oluvchilar hamda tegishli davlat organlari — ijrochilarga yuboradi Bir ish kunida 8-bosqich Xalqaro insonparvarlik yordamini oluvchilar Hukumat komissiyasiga xalqaro insonparvarlik yordamini olish talabnoma-xatini kiritadi Xalqaro insonparvarlik yordamini koʻrsatish hujjatlari roʻyxatga olingan kundan boshlab yetti (istisno hollarda uch) ish kunida 9-bosqich Ishchi organ Manfaatdor davlat organlari ishtirokida kelib tushgan talabnoma-xatlar asosida olib kirilishi rejalashtirilayotgan xalqaro insonparvarlik yordamining dastlabki taqsimotini oʻtkazadi va koʻrib chiqish uchun Hukumat komissiyasiga kiritadi Bir ish kunida 10-bosqich Hukumat komissiyasi Navbatdagi yigʻilishida xalqaro insonparvarlik yordami taqsimoti loyihasini koʻrib chiqadi va tasdiqlaydi Ikki ish kunida 11-bosqich Ishchi organ Barcha jalb qilingan vazirliklar va idoralarga xalqaro insonparvarlik yordami yuklari kelib tushadigan sana, ularning nomenklaturasi va hajmi haqida xabar beradi, omborlarning yuklarni qabul qilishga tayyorligi toʻgʻrisidagi maʼlumotlarni toʻplaydi va umumlashtiradi Xalqaro insonparvarlik yordamini olib kelish rejasi haqida tegishli maʼlumotlarni olgan kunida 12-bosqich Xalqaro insonparvarlik yordamini oluvchi Tegishli xalqaro insonparvarlik yordami yuklari bojxona chegarasini kesib oʻtganligi toʻgʻrisida ishchi organni xabardor qiladi Xalqaro insonparvarlik yordami yuklari yetib kelgan kunning oʻzida 13-bosqich Sertifikatlashtirish organlari Xalqaro insonparvarlik yordami yuklarini sertifikatlashdan oʻtkazadi (chet el muvofiqlik sertifikatlarini eʼtirof etadi) Belgilangan muddatlarda 14-bosqich Xalqaro insonparvarlik yordamini oluvchi Ishchi organ vakili ishtirokida manfaatdor vazirliklar va idoralarining mutaxassislarini jalb etgan holda xalqaro insonparvarlik yordami yuklarini sanoqdan oʻtkazadi va yuklarning haqiqiy mavjudligi toʻgʻrisidagi dalolatnoma tuzadi Xalqaro insonparvarlik yordami yuklarini tushirish kunida 15-bosqich Xalqaro insonparvarlik yordamini oluvchi Xalqaro insonparvarlik yordamini jismoniy va yuridik shaxslar — xalqaro insonparvarlik yordamini oxirgi oluvchilariga tarqatadi hamda tarqatish varaqlari, topshirish-qabul qilish dalolatnomasi (yuk xati, hadya guvohnomasi)ni ishchi organga topshiradi Murojaatlarga koʻra, tarqatish, topshirish-qabul qilish ishlari yakunlangandan soʻng uch ish kunida 16-bosqich Ishchi organ Xalqaro insonparvarlik yordami maqsadli ishlatilishini nazorat qilish maqsadida tekshiruvlar oʻtkazadi Tasdiqlangan rejalarga asosan
Favqulodda holat joriy etilgan hududda xalqaro insonparvarlik yordamini amalga oshirish tartibi toʻgʻrisidagi nizomga 2-ILOVA
Favqulodda vaziyatlarning oldini olish va bartaraf etish boʻyicha Hukumat komissiyasi raisiga Insonparvarlik yordamini olish uchun TALABNOMA-XAT _______________dagi ___________–son bilan roʻyxatdan oʻtgan xalqaro insonparvarlik (sana) yordamini olib kirishni kelishib berishingizni soʻraymiz. Xalqaro insonparvarlik yordami Oʻzbekiston Respublikasi hududiga _______________ (sanasida) olib kirilishi rejalashtirilmoqda. Xalqaro insonparvarlik yordami yukining donori (joʻnatuvchisi) haqida maʼlumot: tashkilotning toʻliq nomi: _________________________________________________; yuridik manzili:_________________________________________________________; masʼul shaxs: ____________________________________________________________; masʼul shaxsning telefoni: ________________________________________________. Xalqaro insonparvarlik yordami yukini oluvchi haqida maʼlumot: tashkilotning toʻliq nomi: _________________________________________________; yuridik manzili: _________________________________________________________; moddiy javobgar shaxs: ____________________________________________________; moddiy javobgar shaxsning telefoni: ________________________________________; yukni tushirish joyi manzili _______________________________________________. ________________________________ mazkur yordamni begʻaraz asosda insonparvarlik (oluvchi tashkilotning nomi) maqsadlarida taqsimlashga va tarqatishga kafolat beradi. Hududda insonparvarlik yordami yukini nazorat qilish uchun vakolatli vakil ajratishingizni soʻrayman. Ilovalar: 1. Olib kirilayotgan xalqaro insonparvarlik yordami yukining tasnifi. 2. Xalqaro insonparvarlik yordami yukini yetkazib beruvchi avtotransport va shaxslar toʻgʻrisida maʼlumot. 3. Xalqaro insonparvarlik yordami yukini kuzatuvchi shaxslar toʻgʻrisida maʼlumot (mavjud boʻlganda). _________________ _____________ ________________ (lavozimi) (imzo) (F.I.O.) ___________dagi ______-son xatga ilovalar Xalqaro insonparvarlik yordami yukining TASNIFI T/r Nomi Oʻlchov birligi Miqdori Izoh 1 2 ... Jami: Xalqaro insonparvarlik yordami yukini yetkazib beruvchi avtotransport va shaxslar toʻgʻrisida MAʼLUMOT T/r Avtomobil Shatak Yukni yetkazib beruvchi shaxs rusumi davlat raqami rusumi davlat raqami F.I.O. Pasport maʼlumotlari (seriyasi, raqami, kim tomonidan va qachon berilgan) Telefon raqami 1 2 ... Xalqaro insonparvarlik yordami yukini kuzatuvchi shaxslar toʻgʻrisida MAʼLUMOT* T/r F.I.O. Pasport maʼlumotlari (seriyasi, raqami, kim tomonidan va qachon berilgan) Telefon raqami 1 2 ... * Xalqaro insonparvarlik yordamini olib kirishda mazkur maʼlumot koʻrsatilishi shart. _________________ ________________ ________________ (lavozimi) (imzo) (F.I.O.) Sana M.Oʻ.
Favqulodda holat joriy etilgan hududda xalqaro insonparvarlik yordamini amalga oshirish tartibi toʻgʻrisidagi nizomga 3-ILOVA
Xalqaro insonparvarlik yordami yuklarining haqiqiy mavjudligi toʻgʻrisida DALOLATNOMA ______________ (sana) ____________________________________________________________________ ____________________________________________________________________ _________________________________________________________lar _______________________________________dani ________________da xalqaro (tashkilot nomi) (sana) insonparvarlik yordami yuklarining haqiqiy mavjudligi toʻgʻrisida dalolatnoma tuzdik va quyidagilarni aniqladik: T/r ________da topshirish-qabul qilish dalolatnomasiga asosan Amaldagi miqdori Xalqaro insonparvarlik yordami yuklarining nomi Oʻlchov birligi Miqdori Xalqaro insonparvarlik yordami yuklarining nomi Oʻlchov birligi Miqdori 1 2 ... Ilova: _________dagi _____-son nomuvofiqlik dalolatnomasi (mavjud boʻlganda). (sana) Xalqaro insonparvarlik yordami oluvchining vakili: ___________________________________ _________ _______________ (lavozimi) (imzo) (F.I.O.) M.Oʻ. Manfaatdor vazirlik va idoralar vakillari: ___________________________________ _________ _______________ (lavozimi) (imzo) (F.I.O.) ___________________________________ _________ _______________ (lavozimi) (imzo) (F.I.O.) ___________________________________ _________ _______________ (lavozimi) (imzo) (F.I.O.) Ishchi organ vakili: ___________________________________ __________ _______________ (lavozimi) (imzo) (F.I.O.) Omborxona vakillari: ___________________________________ __________ _______________ (lavozimi) (imzo) (F.I.O.) ___________________________________ _________ _______________ (lavozimi) (imzo) (F.I.O.)
Favqulodda holat joriy etilgan hududda xalqaro insonparvarlik yordamini amalga oshirish tartibi toʻgʻrisidagi nizomga 4-ILOVA
Xalqaro insonparvarlik yordami yuklarining miqdorida tafovut va nomenklaturasida nomuvofiqlik toʻgʻrisida DALOLATNOMA _____________ (sana) Bizlar, quyida imzo chekkan tomonlar, ushbu nomuvofiqlik dalolatnomasini ____________________________________________ (qabul qiluvchi tashkilot nomi) tomonidan ___________da olib kirilgan _________________________________________ manzilida insonparvarlik yuklarini (sana) _______________________________________________________ avtotransport vositasi (treyler)dan xalqaro insonparvarlik (rusumi va davlat raqami) yordami yuklari tushirib olinayotganda quyidagi nomuvofiqliklar aniqlanganligi sababli tuzdik: 1) xalqaro insonparvarlik yordami yuklarining nomenklaturasi va miqdori ularni joʻnatish hujjatlarida koʻrsatilgan maʼlumotlarga mos kelmasligi: T/r Yuk tashish hujjatlarida koʻrsatilgan xalqaro insonparvarlik yuklarning nomi Hujjatlar boʻyicha soni Xalqaro insonparvarlik yukining bir qismi sifatida haqiqatda olingan tovarlar va materiallarning nomi Haqiqiy miqdori Farqi (+/-) Oʻlchov birligi Miqdori Ogʻirligi, kg Oʻlchov birligi Miqdori Ogʻirligi, kg Oʻlchov birligi Miqdori Ogʻirligi, kg 1 2 ... 2) xalqaro insonparvarlik yordami yuklarining nomenklaturasi va miqdori sertifikatsiyalashdan oʻtkazilgan insonparvarlik yukining spetsifikatsiyasida koʻrsatilgan maʼlumotlarga mos kelmasligi*: T/r Sertifikatsiyalashdan oʻtkazilgan insonparvarlik yuklarining spetsifikatsiyasida koʻrsatilgan nomi Spetsifikatsiya boʻyicha miqdori Insonparvarlik yukining bir qismi sifatida haqiqatdan olingan yukning nomi Haqiqiy miqdori Farqi (+/-) Oʻlchov birligi Miqdori Ogʻirligi, kg Oʻlchov birligi Miqdori Ogʻirligi, kg Oʻlchov birligi Miqdori Ogʻirligi, kg 1 2 ... * miqdoriy koʻrsatkichlarning farqi, agar ular sertifikatsiyalashdan oʻtkazilgan xalqaro insonparvarlik yukining spetsifikatsiyasida koʻrsatilgan koʻrsatkichlardan oshsa, aks ettiriladi. Joʻnatuvchining yuk tashish hujjatlarida keltirilgan yuklarning qolganlari boʻyicha miqdorida tafovutlar aniqlanmadi. Oʻzbekiston Respublikasi Favqulodda vaziyatlar vazirligi vakili ______________________________________ ________________ __________________________________ (lavozimi) (imzo) (F.I.O.) Xalqaro insonparvarlik yukini oluvchining vakili ______________________________________ ________________ _________________________________ (lavozimi) (imzo) (F.I.O.)
Favqulodda holat joriy etilgan hududda xalqaro insonparvarlik yordamini amalga oshirish tartibi toʻgʻrisidagi nizomga 5-ILOVA
Tibbiy mol-mulkni qabul qilishda miqdor boʻyicha tafovutlar yuzasidan DALOLATNOMA ________________ ________________ (tuzilgan joy) (tuzilgan sana) ________________________________________________________________ quyidagi tarkibdagi komissiya: (komissiyani tuzgan organ nomi, qaysi hujjat asosida u tuzilgan) Komissiya raisi: _________________________________________________________________________________________ (Oʻzbekiston Respublikasi Sogʻliqni saqlash vazirligi vakili) Komissiya aʼzolari: _________________________________________________________________________________________ _________________________________________________________________________________________ _________________________________________________________________________________________ ishchi organ vakili ____________________________________________________________________ hamda (Oʻzbekiston Respublikasi Favqulodda vaziyatlar vazirligi vakili) omborxona vakillari _____________________________________________________________ishtirokida ____________________________________manzilidagi, ___________da ____________________________ (sana) _______________________dan olingan xalqaro insonparvarlik yordami yukini qabul qilish va sanoqdan oʻtkazish vaqtida quyidagi tafovutlarni aniqladi: T/r Tibbiy mol-mulkning nomlanishi seriyasi Yaroqlilik muddati Oʻlchov birligi Hujjat boʻyicha miqdori Amaldagi miqdori Tafovutlar ortiqcha yetishmaydi 1 2 ... Jami: Joʻnatuvchining yuk tashish hujjatlarida keltirilgan tibbiy mol-mulkning qolganlari boʻyicha miqdorida tafovutlar aniqlanmadi. Komissiya raisi _____________ ____________________ (imzo) (F.I.O.) Komissiya aʼzolari: _____________ ____________________ (imzo) (F.I.O.) _____________ ____________________ (imzo) (F.I.O.) _____________ ____________________ (imzo) (F.I.O.) Ishchi organ vakili _____________ ____________________ (imzo) (F.I.O.) Omborxona vakillari: _____________ ____________________ (imzo) (F.I.O.) _____________ ____________________ (imzo) (F.I.O.)
Oʻzbekiston Respublikasining Bosh vaziri A. ARIPOV
Toshkent sh.,
2022-yil 14-oktabr,
600-son