📅 2022-yil 14-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 14 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 октября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 14 October 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Президенти ҳузуридаги Давлат бошқаруви академияси фаолиятини молиялаштиришнинг қўшимча чора-тадбирлари тўғрисида
2022/2023 ўқув йилида Ўзбекистон Республикаси Президенти ҳузуридаги Давлат бошқаруви академияси фаолияти узлуксизлигини таъминлаш, бошқарув кадрлари малакасини ошириш дастурларини ўз вақтида ва сифатли амалга оширишни ташкил этиш, профессор-ўқитувчилар қўнимсизлигининг олдини олиш ҳамда таълим сифати ва самарадорлигини янада ошириш мақсадида Вазирлар Маҳкамаси қарор қилади:
1. Қуйидагилар:
2022/2023 ўқув йили учун Ўзбекистон Республикаси Президенти ҳузуридаги Давлат бошқаруви академияси (кейинги ўринларда — Академия) магистратурасига қабул амалга оширилмаганлиги туфайли жорий йилнинг сентябрь — декабрь ойлари давомида профессор-ўқитувчилар ўқув юкламаларининг камайганлиги;
Академия профессор-ўқитувчилари томонидан 2022/2023 ўқув йилида давлат органлари ва ташкилотлари ходимларини қайта тайёрлаш ва уларнинг малакасини ошириш ҳамда улар учун қисқа муддатли ўқув курсларини ташкил этиш билан боғлиқ фаолият амалга оширилаётганлиги маълумот учун қабул қилинсин.
2. Академия ва Ўзбекистон Республикаси Молия вазирлигининг:
а) 2022/2023 ўқув йили давомида Академияда 2021/2022 ўқув йилида шаклланган 35 та профессор-ўқитувчилар штат бирликларини сақлаб қолиш;
б) профессор — ўқитувчиларнинг иш ҳақи ва унга тенглаштирилган тўловларни:
2022 йил сентябрь — декабрь ойлари учун Академиянинг 2022 йил учун тасдиқланган харажатлар сметаси доирасидаги бюджет маблағлари ҳисобидан амалга ошириш;
2023/2024 ўқув йилига қадар эса Ўзбекистон Республикасининг 2023 йилга тасдиқланган Давлат бюджети параметрларида Академия учун назарда тутилган маблағлар ҳисобидан тўлиқ молиялаштириш тўғрисидаги таклифига розилик берилсин.
3. Белгилансинки:
Академия профессор-ўқитувчиларининг 2022 йил сентябрь — декабрь ойларида иш ҳақи ва унга тенглаштирилган тўловларни Академиянинг 2022 йил учун тасдиқланган харажатлар сметаси доирасида бюджет маблағлари ҳисобидан;
2023/2024 ўқув йилига қадар эса 2023 йилда Ўзбекистон Республикаси Давлат бюджети параметрларида Академия учун назарда тутилган маблағлар ҳисобидан тўлиқ молиялаштирилади.
4. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 14 октябрь,
597-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidenti huzuridagi Davlat boshqaruvi akademiyasi faoliyatini moliyalashtirishning qoʻshimcha chora-tadbirlari toʻgʻrisida
2022/2023 oʻquv yilida Oʻzbekiston Respublikasi Prezidenti huzuridagi Davlat boshqaruvi akademiyasi faoliyati uzluksizligini taʼminlash, boshqaruv kadrlari malakasini oshirish dasturlarini oʻz vaqtida va sifatli amalga oshirishni tashkil etish, professor-oʻqituvchilar qoʻnimsizligining oldini olish hamda taʼlim sifati va samaradorligini yanada oshirish maqsadida Vazirlar Mahkamasi qaror qiladi:
1. Quyidagilar:
2022/2023 oʻquv yili uchun Oʻzbekiston Respublikasi Prezidenti huzuridagi Davlat boshqaruvi akademiyasi (keyingi oʻrinlarda — Akademiya) magistraturasiga qabul amalga oshirilmaganligi tufayli joriy yilning sentabr — dekabr oylari davomida professor-oʻqituvchilar oʻquv yuklamalarining kamayganligi;
Akademiya professor-oʻqituvchilari tomonidan 2022/2023 oʻquv yilida davlat organlari va tashkilotlari xodimlarini qayta tayyorlash va ularning malakasini oshirish hamda ular uchun qisqa muddatli oʻquv kurslarini tashkil etish bilan bogʻliq faoliyat amalga oshirilayotganligi maʼlumot uchun qabul qilinsin.
2. Akademiya va Oʻzbekiston Respublikasi Moliya vazirligining:
a) 2022/2023 oʻquv yili davomida Akademiyada 2021/2022 oʻquv yilida shakllangan 35 ta professor-oʻqituvchilar shtat birliklarini saqlab qolish;
b) professor — oʻqituvchilarning ish haqi va unga tenglashtirilgan toʻlovlarni:
2022-yil sentabr — dekabr oylari uchun Akademiyaning 2022-yil uchun tasdiqlangan xarajatlar smetasi doirasidagi budjet mablagʻlari hisobidan amalga oshirish;
2023/2024 oʻquv yiliga qadar esa Oʻzbekiston Respublikasining 2023-yilga tasdiqlangan Davlat budjeti parametrlarida Akademiya uchun nazarda tutilgan mablagʻlar hisobidan toʻliq moliyalashtirish toʻgʻrisidagi taklifiga rozilik berilsin.
3. Belgilansinki:
Akademiya professor-oʻqituvchilarining 2022-yil sentabr — dekabr oylarida ish haqi va unga tenglashtirilgan toʻlovlarni Akademiyaning 2022-yil uchun tasdiqlangan xarajatlar smetasi doirasida budjet mablagʻlari hisobidan;
2023/2024 oʻquv yiliga qadar esa 2023-yilda Oʻzbekiston Respublikasi Davlat budjeti parametrlarida Akademiya uchun nazarda tutilgan mablagʻlar hisobidan toʻliq moliyalashtiriladi.
4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 14-oktabr,
597-son