📅 2022-yil 15-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 15 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 октября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 15 October 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасига олиб кириладиган товарларнинг божхона қийматини аниқлаш жараёнларида ахборот тизимлари кенг қўлланилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида
Мамлакатимизга олиб кириладиган товарларнинг божхона расмийлаштируви жараёнлари тубдан ислоҳ қилиниб, божхона операцияларини рақамлаштириш орқали инсон омилини қисқартиш борасида тизимли чора-тадбирлар амалга оширилмоқда.
Шу билан бирга, олиб кириладиган товарларни божхона расмийлаштирувида нарх маълумотлари бюллетенидан фойдаланиш, уни янгилаш муддатларининг узоқлиги, иқтисодиёт тармоқларининг бу борадаги етарлича ҳамкорлик йўлга қўйилмаганлиги, бюллетендаги айрим нархларнинг жуда юқори белгиланганлиги божхона расмийлаштируви жараёнида улар бўйича тўловларнинг юқорилиги кўплаб муаммолар келтириб чиқармоқда.
Олиб кириладиган товарларнинг божхона расмийлаштирувида божхона қийматини назоратдан ўтказиш жараёнларида божхона қийматининг эҳтимолий диапазонини автоматик ҳисоблаб чиқадиган ахборот тизимларини жорий этиш ва божхона органлари томонидан хавфни бошқариш ахборот тизимида айрим товарларнинг индикатив нархларини белгилаш орқали соддалаштириш, бу борада бюрократизм, сансалорлик ва бошқа маъмурий тўсиқларни бартараф этиш, эскирган ва замон талабларига мос келмайдиган тартиб-таомилларни қисқартириш мақсадида, шунингдек, Ўзбекистон Республикаси Президентининг «Божхона маъмуриятчилигини янада такомиллаштиришга доир қўшимча чора-тадбирлар тўғрисида» 2022 йил 27 апрелдаги ПФ-122-сон Фармонига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартиришлар киритилсин:
божхона қийматининг эҳтимолий диапазонини автоматик ҳисоблаб чиқадиган ахборот тизимини жорий этиш йўли билан нарх маълумотлар бюллетенини шакллантиришни тўлиқ бекор қилиш;
божхона қийматини аниқлаш жараёнларида хавфни бошқариш ахборот тизимида айрим товарларнинг индикатив нархларини белгилаш орқали назорат қилиш механизмини жорий этиш.
2. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат божхона қўмитаси раиси А.Ю. Мавлонов зиммасига юклансин.
Вазирлар Маҳкамасининг 2022 йил 15 октябрдаги 604-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг 2020 йил 14 майдаги 283-сон қарори билан тасдиқланган Ташқи савдо операциялари амалга оширилиши мониторингини олиб бориш ва назорат қилиш тартиби тўғрисидаги низомнинг 32 — 34-бандлари ўз кучини йўқотган деб ҳисоблансин.
2. Вазирлар Маҳкамасининг 2022 йил 6 апрелдаги 160-сон қарори билан тасдиқланган Ўзбекистон Республикаси божхона ҳудудига олиб кириладиган товарнинг божхона қийматини аниқлаш тартиби тўғрисидаги низомда :
а) 66-бандда :
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
б) 114-банд қуйидаги таҳрирда баён этилсин:
«114. Божхона органлари электрон божхона расмийлаштирувини амалга оширишда олиб кириладиган товарнинг божхона қиймати тўғри аниқланганлигини назорат қилиш мақсадида хавфни бошқариш ҳамда божхона қийматининг эҳтимолий диапазонини автоматик ҳисоблаб чиқадиган ахборот тизимлари, шунингдек, бошқа ахборот тизимларидан фойдаланади.
Ушбу тизимлар томонидан автоматик тарзда (инсон аралашувисиз) энг кўп импорт қилинган товарлар бўйича уларнинг энг қуйи нархлари, шу жумладан асосий таркибини ташкил этувчи хом ашё нархидан паст бўлмаган индикатив нархлар шакллантирилади.
Олиб кириладиган товарларнинг божхона қиймати хавфни бошқариш ахборот тизими орқали назорат қилинишида индикатив нархлардан фойдаланилади.
Индикатив нархлардан товарларнинг божхона қийматини аниқлашда фойдаланишга йўл қўйилмайди».
Ўзбекистон Республикасининг Бош вазири А. АРИПОВ
Тошкент ш.,
2022 йил 15 октябрь,
604-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasiga olib kiriladigan tovarlarning bojxona qiymatini aniqlash jarayonlarida axborot tizimlari keng qoʻllanilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida
Mamlakatimizga olib kiriladigan tovarlarning bojxona rasmiylashtiruvi jarayonlari tubdan isloh qilinib, bojxona operatsiyalarini raqamlashtirish orqali inson omilini qisqartish borasida tizimli chora-tadbirlar amalga oshirilmoqda.
Shu bilan birga, olib kiriladigan tovarlarni bojxona rasmiylashtiruvida narx maʼlumotlari byulletenidan foydalanish, uni yangilash muddatlarining uzoqligi, iqtisodiyot tarmoqlarining bu boradagi yetarlicha hamkorlik yoʻlga qoʻyilmaganligi, byulletendagi ayrim narxlarning juda yuqori belgilanganligi bojxona rasmiylashtiruvi jarayonida ular boʻyicha toʻlovlarning yuqoriligi koʻplab muammolar keltirib chiqarmoqda.
Olib kiriladigan tovarlarning bojxona rasmiylashtiruvida bojxona qiymatini nazoratdan oʻtkazish jarayonlarida bojxona qiymatining ehtimoliy diapazonini avtomatik hisoblab chiqadigan axborot tizimlarini joriy etish va bojxona organlari tomonidan xavfni boshqarish axborot tizimida ayrim tovarlarning indikativ narxlarini belgilash orqali soddalashtirish, bu borada byurokratizm, sansalorlik va boshqa maʼmuriy toʻsiqlarni bartaraf etish, eskirgan va zamon talablariga mos kelmaydigan tartib-taomillarni qisqartirish maqsadida, shuningdek, Oʻzbekiston Respublikasi Prezidentining “Bojxona maʼmuriyatchiligini yanada takomillashtirishga doir qoʻshimcha chora-tadbirlar toʻgʻrisida” 2022-yil 27-apreldagi PF-122-son Farmoniga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar kiritilsin:
bojxona qiymatining ehtimoliy diapazonini avtomatik hisoblab chiqadigan axborot tizimini joriy etish yoʻli bilan narx maʼlumotlar byulletenini shakllantirishni toʻliq bekor qilish;
bojxona qiymatini aniqlash jarayonlarida xavfni boshqarish axborot tizimida ayrim tovarlarning indikativ narxlarini belgilash orqali nazorat qilish mexanizmini joriy etish.
2. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat bojxona qoʻmitasi raisi A.Y. Mavlonov zimmasiga yuklansin.
Vazirlar Mahkamasining 2022-yil 15-oktabrdagi 604-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining 2020-yil 14-maydagi 283-son qarori bilan tasdiqlangan Tashqi savdo operatsiyalari amalga oshirilishi monitoringini olib borish va nazorat qilish tartibi toʻgʻrisidagi nizomning 32 — 34-bandlari oʻz kuchini yoʻqotgan deb hisoblansin.
2. Vazirlar Mahkamasining 2022-yil 6-apreldagi 160-son qarori bilan tasdiqlangan Oʻzbekiston Respublikasi bojxona hududiga olib kiriladigan tovarning bojxona qiymatini aniqlash tartibi toʻgʻrisidagi nizomda :
a) 66-bandda :
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
b) 114-band quyidagi tahrirda bayon etilsin:
“114. Bojxona organlari elektron bojxona rasmiylashtiruvini amalga oshirishda olib kiriladigan tovarning bojxona qiymati toʻgʻri aniqlanganligini nazorat qilish maqsadida xavfni boshqarish hamda bojxona qiymatining ehtimoliy diapazonini avtomatik hisoblab chiqadigan axborot tizimlari, shuningdek, boshqa axborot tizimlaridan foydalanadi.
Ushbu tizimlar tomonidan avtomatik tarzda (inson aralashuvisiz) eng koʻp import qilingan tovarlar boʻyicha ularning eng quyi narxlari, shu jumladan asosiy tarkibini tashkil etuvchi xomashyo narxidan past boʻlmagan indikativ narxlar shakllantiriladi.
Olib kiriladigan tovarlarning bojxona qiymati xavfni boshqarish axborot tizimi orqali nazorat qilinishida indikativ narxlardan foydalaniladi.
Indikativ narxlardan tovarlarning bojxona qiymatini aniqlashda foydalanishga yoʻl qoʻyilmaydi”.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 15-oktabr,
604-son