📅 2022-yil 18-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 18 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 18 октября 2022 г. · Указы Президента
Официальный текст. Официальный документ. Редакционные примечания не включены.
📅 18 October 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тошкент метрополитени фаолиятининг самарадорлигини ошириш чора-тадбирлари белгиланганлиги муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Сўнгги йилларда мамлакатимиз транспорт тизимини тубдан такомиллаштириш, хусусан Тошкент метрополитени тармоғини кенгайтириш, аэропортлар инфратузилмасини ривожлантириш, фуқаро авиацияси корхоналари томонидан йўловчиларга хизмат кўрсатиш сифатини янада ошириш борасида комплекс чора-тадбирлар амалга оширилмоқда.
Шу билан бирга, ушбу йўналишларда амалга оширилаётган ислоҳотлардан келиб чиқиб, транспорт соҳасида давлат бошқаруви тизимини, Тошкент метрополитени фаолиятини ривожлантириш ҳамда фуқаро авиацияси соҳасидаги қонунчилик ҳужжатлари нормаларини янада такомиллаштириш зарурати мавжуд.
Тошкент метрополитени фаолиятини такомиллаштириш, метрополитенда йўловчиларга хизмат кўрсатиш сифатини янада ошириш, фуқаро авиацияси корхоналарини қўллаб-қувватлаш, авиация соҳасида амалга оширилаётган трансформация жараёнларини янада жадаллаштириш мақсадида:
1. Ўзбекистон Республикаси Президентининг иловага мувофиқ айрим ҳужжатларига қуйидагиларни назарда тутувчи ўзгартириш ва қўшимчалар киритилсин:
«Тошкент метрополитени» УК «Ўзбекистон темир йўллари» АЖ таркибидан Транспорт вазирлиги тизимига ўтказилганлиги ҳамда «Тошкент метрополитени» УКнинг ташкилий-ҳуқуқий шакли давлат унитар корхонасига ўзгартирилганлиги муносабати билан амалдаги норматив-ҳуқуқий ҳужжатларни мувофиқлаштириш;
Тошкент метрополитени фаолияти учун керакли асбоб-ускуналар ва жиҳозларни алмаштиришга режалаштирилган капитал таъмирлаш ишларини етарли маблағлар билан таъминлаш;
фуқаро авиацияси корхоналарини давлат томонидан қўллаб-қувватлаш.
2. Молия вазирлиги манфаатдор идоралар билан биргаликда бир ой муддатда Ўзбекистон Республикасининг Солиқ кодексига метрополитен линиялари, станциялари ва электродепо иншоотларини 2023 йил 1 январдан бошлаб ер солиғи ва мол-мулк солиғидан озод этишга оид ўзгартириш ва қўшимчаларни назарда тутувчи қонун лойиҳасини Вазирлар Маҳкамасига киритсин.
3. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2022 йил 18 октябрдаги ПФ-234-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 1 февралдаги «Транспорт соҳасида давлат бошқаруви тизимини тубдан такомиллаштириш чора-тадбирлари тўғрисида»ги ПФ-5647-сон Фармони 3-бандининг саккизинчи хатбошисидаги «темир йўл ва дарё транспортидаги» сўзлари «метрополитен, темир йўл ва дарё транспортидаги» сўзлари билан алмаштирилсин.
2. Ўзбекистон Республикаси Президентининг 2016 йил 21 октябрдаги «Тошкент метрополитени фаолиятини янада ривожлантириш ва самарадорлигини ошириш чора-тадбирлари тўғрисида»ги ПҚ-2638-сон қарори 4-бандининг олтинчи хатбошиси чиқариб ташлансин.
3. Ўзбекистон Республикаси Президентининг 2016 йил 7 ноябрдаги «Тошкент метрополитени Юнусобод линияси иккинчи босқичини қуриш» лойиҳасини амалга оширишга доир чора-тадбирлар тўғрисида»ги ПҚ-2653-сон қарорининг 6-бандидаги «Ўзбекистон темир йўллари» АЖнинг» сўзлари «Тошкент метрополитени» ДУКнинг» сўзлари билан алмаштирилсин.
4. Ўзбекистон Республикаси Президентининг 2016 йил 29 ноябрдаги «Тошкент метрополитени Сергели йўналиши қурилиши» лойиҳасини амалга ошириш чора-тадбирлари тўғрисида»ги ПҚ-2664-сон қарорида :
а) 4-банддаги «Ўзбекистон темир йўллари» АЖнинг» сўзлари «Тошкент метрополитени» ДУКнинг» сўзлари билан алмаштирилсин;
б) 17 , 18 ва 19-бандлардаги «УК» қисқартмаси «ДУК» қисқартмаси билан алмаштирилсин.
5. Ўзбекистон Республикаси Президентининг 2017 йил 19 майдаги «Тошкент шаҳрида ер усти ҳалқа метро линияларининг қурилиши» лойиҳасини амалга ошириш чора-тадбирлари тўғрисида»ги ПҚ-2979-сон қарорининг рус тилидаги матнида 3-банднинг тўртинчи хатбошиси қуйидаги таҳрирда баён этилсин:
«погашение основного долга, выплата процентов и комиссий по заемным средствам Эксимбанка КНР и кредита Фонда реконструкции и развития Республики Узбекистан в рамках строительства кольцевой надземной линии метрополитена в городе Ташкенте осуществляются за счет средств Государственного бюджета Республики Узбекистан».
7. Ўзбекистон Республикаси Президентининг 2019 йил 1 февралдаги «Ўзбекистон Республикаси Транспорт вазирлиги фаолиятини ташкил этиш тўғрисида»ги ПҚ-4143-сон қарорига 1-илова «Илмий-тадқиқот ва таълим муассасалари, бошқа ташкилотлар» блокидан кейин «Тошкент метрополитени» давлат унитар корхонаси» блоки билан тўлдирилсин.
8. Ўзбекистон Республикаси Президентининг 2021 йил 30 апрелдаги «Фуқаро авиацияси корхоналарини трансформация қилиш ва қўллаб-қувватлаш чора-тадбирлари тўғрисида»ги ПҚ-5100-сон қарорининг 13-банди қуйидаги таҳрирда баён этилсин:
«13. Давлат солиқ қўмитаси Давлат активларини бошқариш агентлиги ва Молия вазирлиги билан биргаликда 2022 йил 1 ноябрга қадар Тошкент шаҳар, Яккасарой тумани, Бобур кўчаси, 79-уйда жойлашган Тошкент вилояти давлат солиқ бошқармасининг бино ва иншоотлари баҳоланган қийматда «Uzbekistan Airports» АЖ устав капиталидаги давлат улушини ошириш ҳисобига жамиятга берилишини таъминласин».
9. Ўзбекистон Республикаси Президентининг 2022 йил 22 августдаги «2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирлари тўғрисида»ги ПҚ-357-сон қарорига 3б-илованинг 21-позицияси чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 18 октябрь,
ПФ-234-сон
Oʻzbekiston Respublikasi Prezidentining
Farmoni
Toshkent metropoliteni faoliyatining samaradorligini oshirish chora-tadbirlari belgilanganligi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Soʻnggi yillarda mamlakatimiz transport tizimini tubdan takomillashtirish, xususan Toshkent metropoliteni tarmogʻini kengaytirish, aeroportlar infratuzilmasini rivojlantirish, fuqaro aviatsiyasi korxonalari tomonidan yoʻlovchilarga xizmat koʻrsatish sifatini yanada oshirish borasida kompleks chora-tadbirlar amalga oshirilmoqda.
Shu bilan birga, ushbu yoʻnalishlarda amalga oshirilayotgan islohotlardan kelib chiqib, transport sohasida davlat boshqaruvi tizimini, Toshkent metropoliteni faoliyatini rivojlantirish hamda fuqaro aviatsiyasi sohasidagi qonunchilik hujjatlari normalarini yanada takomillashtirish zarurati mavjud.
Toshkent metropoliteni faoliyatini takomillashtirish, metropolitenda yoʻlovchilarga xizmat koʻrsatish sifatini yanada oshirish, fuqaro aviatsiyasi korxonalarini qoʻllab-quvvatlash, aviatsiya sohasida amalga oshirilayotgan transformatsiya jarayonlarini yanada jadallashtirish maqsadida:
1. Oʻzbekiston Respublikasi Prezidentining ilovaga muvofiq ayrim hujjatlariga quyidagilarni nazarda tutuvchi oʻzgartirish va qoʻshimchalar kiritilsin:
“Toshkent metropoliteni” UK “Oʻzbekiston temir yoʻllari” AJ tarkibidan Transport vazirligi tizimiga oʻtkazilganligi hamda “Toshkent metropoliteni” UKning tashkiliy-huquqiy shakli davlat unitar korxonasiga oʻzgartirilganligi munosabati bilan amaldagi normativ-huquqiy hujjatlarni muvofiqlashtirish;
Toshkent metropoliteni faoliyati uchun kerakli asbob-uskunalar va jihozlarni almashtirishga rejalashtirilgan kapital taʼmirlash ishlarini yetarli mablagʻlar bilan taʼminlash;
fuqaro aviatsiyasi korxonalarini davlat tomonidan qoʻllab-quvvatlash.
2. Moliya vazirligi manfaatdor idoralar bilan birgalikda bir oy muddatda Oʻzbekiston Respublikasining Soliq kodeksiga metropoliten liniyalari, stansiyalari va elektrodepo inshootlarini 2023-yil 1-yanvardan boshlab yer soligʻi va mol-mulk soligʻidan ozod etishga oid oʻzgartirish va qoʻshimchalarni nazarda tutuvchi qonun loyihasini Vazirlar Mahkamasiga kiritsin.
3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2022-yil 18-oktabrdagi PF-234-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 1-fevraldagi “Transport sohasida davlat boshqaruvi tizimini tubdan takomillashtirish chora-tadbirlari toʻgʻrisida”gi PF-5647-son Farmoni 3-bandining sakkizinchi xatboshisidagi “temir yoʻl va daryo transportidagi” soʻzlari “metropoliten, temir yoʻl va daryo transportidagi” soʻzlari bilan almashtirilsin.
2. Oʻzbekiston Respublikasi Prezidentining 2016-yil 21-oktabrdagi “Toshkent metropoliteni faoliyatini yanada rivojlantirish va samaradorligini oshirish chora-tadbirlari toʻgʻrisida”gi PQ-2638-son qarori 4-bandining oltinchi xatboshisi chiqarib tashlansin.
3. Oʻzbekiston Respublikasi Prezidentining 2016-yil 7-noyabrdagi “Toshkent metropoliteni Yunusobod liniyasi ikkinchi bosqichini qurish” loyihasini amalga oshirishga doir chora-tadbirlar toʻgʻrisida”gi PQ-2653-son qarorining 6-bandidagi “Oʻzbekiston temir yoʻllari” AJning” soʻzlari “Toshkent metropoliteni” DUKning” soʻzlari bilan almashtirilsin.
4. Oʻzbekiston Respublikasi Prezidentining 2016-yil 29-noyabrdagi “Toshkent metropoliteni Sergeli yoʻnalishi qurilishi” loyihasini amalga oshirish chora-tadbirlari toʻgʻrisida”gi PQ-2664-son qarorida :
a) 4-banddagi “Oʻzbekiston temir yoʻllari” AJning” soʻzlari “Toshkent metropoliteni” DUKning” soʻzlari bilan almashtirilsin;
b) 17 , 18 va 19-bandlardagi “UK” qisqartmasi “DUK” qisqartmasi bilan almashtirilsin.
5. Oʻzbekiston Respublikasi Prezidentining 2017-yil 19-maydagi “Toshkent shahrida yer usti halqa metro liniyalarining qurilishi” loyihasini amalga oshirish chora-tadbirlari toʻgʻrisida”gi PQ-2979-son qarorining rus tilidagi matnida 3-bandning toʻrtinchi xatboshisi quyidagi tahrirda bayon etilsin:
“pogasheniye osnovnogo dolga, viplata protsentov i komissiy po zayemnim sredstvam Eksimbanka KNR i kredita Fonda rekonstruksii i razvitiya Respubliki Uzbekistan v ramkax stroitelstva kolsevoy nadzemnoy linii metropolitena v gorode Tashkente osushestvlyayutsya za schet sredstv Gosudarstvennogo budjeta Respubliki Uzbekistan”.
7. Oʻzbekiston Respublikasi Prezidentining 2019-yil 1-fevraldagi “Oʻzbekiston Respublikasi Transport vazirligi faoliyatini tashkil etish toʻgʻrisida”gi PQ-4143-son qaroriga 1-ilova “Ilmiy-tadqiqot va taʼlim muassasalari, boshqa tashkilotlar” blokidan keyin “Toshkent metropoliteni” davlat unitar korxonasi” bloki bilan toʻldirilsin.
8. Oʻzbekiston Respublikasi Prezidentining 2021-yil 30-apreldagi “Fuqaro aviatsiyasi korxonalarini transformatsiya qilish va qoʻllab-quvvatlash chora-tadbirlari toʻgʻrisida”gi PQ-5100-son qarorining 13-bandi quyidagi tahrirda bayon etilsin:
“13. Davlat soliq qoʻmitasi Davlat aktivlarini boshqarish agentligi va Moliya vazirligi bilan birgalikda 2022-yil 1-noyabrga qadar Toshkent shahar, Yakkasaroy tumani, Bobur koʻchasi, 79-uyda joylashgan Toshkent viloyati davlat soliq boshqarmasining bino va inshootlari baholangan qiymatda “Uzbekistan Airports” AJ ustav kapitalidagi davlat ulushini oshirish hisobiga jamiyatga berilishini taʼminlasin”.
9. Oʻzbekiston Respublikasi Prezidentining 2022-yil 22-avgustdagi “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisida”gi PQ-357-son qaroriga 3b-ilovaning 21-pozitsiyasi chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 18-oktabr,
PF-234-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан в связи с определением мер по повышению эффективности деятельности Ташкентского метрополитена
В последние годы осуществляются комплексные меры по коренному совершенствованию транспортной системы страны, в частности расширению сети Ташкентского метрополитена, развитию инфраструктуры аэропортов, дальнейшему повышению качества оказания услуг предприятиями гражданской авиации пассажирам.
Наряду с этим исходя из реформ, осуществляемых в данных направлениях, имеется необходимость развития системы государственного управления в транспортной сфере, деятельности Ташкентского метрополитена, а также дальнейшего совершенствования норм актов законодательства в сфере гражданской авиации.
В целях совершенствования деятельности Ташкентского метрополитена, дальнейшего повышения качества оказания услуг пассажирам в метрополитене, поддержки предприятий гражданской авиации, дальнейшего ускорения процессов трансформации, проводимых в авиационной сфере:
1. Внести изменения и дополнения в некоторые акты Президента Республики Узбекистан согласно приложению , предусматривающие:
приведение в соответствие действующих нормативно-правовых актов в связи с передачей УП «Ташкентский метрополитен» из системы АО «Узбекистон темир йуллари» в систему Министерства транспорта, а также с изменением организационно-правовой формы УП «Ташкентский метрополитен» на государственное унитарное предприятие;
обеспечение достаточными средствами работ по капитальному ремонту, предусматривающих замену оборудования и инвентаря, необходимых для деятельности Ташкентского метрополитена;
государственную поддержку предприятий гражданской авиации.
2. Министерству финансов в месячный срок внести в Кабинет Министров проект закона, предусматривающий внесение изменений и дополнений в Налоговый кодекс Республики Узбекистан касательно освобождения линий, станций метрополитена и сооружений электродепо от земельного налога и налога на имущество начиная с 1 января 2023 года.
3. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 18 октября 2022 года № УП-234
Изменения и дополнения, вносимые в некоторые акты Президента Республики Узбекистан
1. В абзаце восьмом пункта 3 Указа Президента Республики Узбекистан от 1 февраля 2019 года № УП-5647 «О мерах по коренному совершенствованию системы государственного управления в сфере транспорта» слова «на железнодорожном и речном транспорте» заменить словами «на метрополитене, железнодорожном и речном транспорте».
2. Абзац шестой пункта 4 постановления Президента Республики Узбекистан от 21 октября 2016 года № ПП-2638 «О мерах по дальнейшему развитию и повышению эффективности деятельности Ташкентского метрополитена» исключить.
3. В пункте 6 постановления Президента Республики Узбекистан от 7 ноября 2016 года № ПП-2653 «О мерах по реализации проекта «Строительство второго этапа Юнусабадской линии Ташкентского метрополитена» слова «АО «Узбекистон темир йуллари» заменить словами «ГУП «Ташкентский метрополитен».
4. В постановлении Президента Республики Узбекистан от 29 ноября 2016 года № ПП-2664 «О мерах по реализации проекта «Строительство Сергелийской линии Ташкентского метрополитена»:
а) в пункте 4 слова «АО «Узбекистон темир йуллари» заменить словами «ГУП «Ташкентский метрополитен»;
б) в пунктах 17 , 18 и 19 аббревиатуру «УП» заменить аббревиатурой «ГУП».
5. Абзац четвертый пункта 3 постановления Президента Республики Узбекистан от 19 мая 2017 года № ПП-2979 «О мерах по реализации проекта «Строительство кольцевой надземной линии метрополитена в городе Ташкенте» изложить в следующей редакции:
«погашение основного долга, выплата процентов и комиссий по заемным средствам Эксимбанка КНР и кредита Фонда реконструкции и развития Республики Узбекистан в рамках строительства кольцевой надземной линии метрополитена в городе Ташкенте осуществляются за счет средств Государственного бюджета Республики Узбекистан».
7. Приложение № 1 к постановлению Президента Республики Узбекистан от 1 февраля 2019 года № ПП-4143 «Об организации деятельности Министерства транспорта Республики Узбекистан» после блока «Научно-исследовательские и образовательные учреждения, другие организации» дополнить блоком «Государственное унитарное предприятие «Ташкентский метрополитен».
8. Пункт 13 постановления Президента Республики Узбекистан от 30 апреля 2021 года № ПП-5100 «О мерах по трансформации и поддержке предприятий гражданской авиации» изложить в следующей редакции:
«13. Государственному налоговому комитету совместно с Агентством по управлению государственными активами и Министерством финансов в срок до 1 ноября 2022 года обеспечить передачу АО «Uzbekistan Airports» зданий и сооружений Государственного налогового управления Ташкентской области, расположенных по адресу: г. Ташкент, Яккасарайский район, ул. Бабура, 79, по оценочной стоимости за счет увеличения государственной доли в уставном капитале общества».
9. Позицию 21 приложения № 3б к постановлению Президента Республики Узбекистан от 22 августа 2022 года № ПП-357 «О мерах по поднятию на новый уровень сферы информационно-коммуникационных технологий в 2022-2023 годах» исключить.
Президент Республики Узбекистан Ш. МИРЗИЁЕВ
г. Ташкент,
18 октября 2022 г.,
№ УП-234