📅 2022-yil 25-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 25 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 октября 2022 г. · Постановления Президента
Официальный текст. Официальный документ. Редакционные примечания не включены.
📅 25 October 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ЙИҒМА ПАРАМЕТРЛАРИ
ТАРКИБИ
рўйхати
2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида
Республика ҳудудларини обод қилиш, қишлоқ ва маҳаллаларда инфратузилма билан боғлиқ энг долзарб масалаларни тизимли ҳал этиш, хусусан, жойларда ички йўллар, ичимлик сув, электр энергияси ва газ таъминотини, таълим, соғлиқни сақлаш, маданият, спорт ва бошқа инфратузилма объектларини яхшилаш, шу асосда аҳоли учун муносиб турмуш шароитларини яратиш мақсадида:
1. Қорақалпоғистон Республикаси, вилоятлар ва Тошкент шаҳри бўйича ҳудудий ишчи гуруҳлар ташкил этилиб, улар томонидан 9 370 та маҳаллада аҳолининг турмуш даражасига бевосита таъсир кўрсатувчи энг долзарб масалалар ўрганилганлиги ва ҳудудлар кесимида 2022-2023 йилларда маҳаллалар инфратузилмасини ривожлантириш бўйича лойиҳалар дастурлари (кейинги ўринларда — Дастурлар) ишлаб чиқилганлиги маълумот учун қабул қилинсин.
2. Маҳаллалар инфратузилмасини ривожлантириш чора-тадбирларини тизимли ва режали амалга ошириш мақсадида:
2022-2023 йилларда маҳаллалар инфратузилмасини ривожлантириш бўйича лойиҳалар дастурлари доирасида амалга ошириладиган тадбирларнинг йиғма параметрлари 1-иловага мувофиқ;
2022-2023 йилларда маҳаллалар инфратузилмасини ривожлантириш бўйича лойиҳалар дастурлари ижросини мувофиқлаштириш юзасидан Республика ишчи гуруҳи (кейинги ўринларда — Республика ишчи гуруҳи) таркиби 2-иловага мувофиқ;
2022-2023 йилларда маҳаллалар инфратузилмасини ривожлантириш бўйича лойиҳалар дастурларини амалга ошириш юзасидан ҳудудий ишчи гуруҳлар (кейинги ўринларда — Ҳудудий ишчи гуруҳлар) раҳбарлари рўйхати 3-иловага мувофиқ тасдиқлансин.
Республика ишчи гуруҳига (А.Ж. Раматов) Дастурларнинг йиғма параметрларига, зарур ҳолларда, ўзгартириш ва қўшимчалар киритиш ҳуқуқи берилсин.
3. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ҳудудий ишчи гуруҳлар билан биргаликда бир ҳафта муддатда Дастурлар доирасида амалга ошириладиган лойиҳаларнинг рўйхатларини тегишинча Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳри Кенгашларида муҳокама қилиб, тасдиқласин.
4. Дастурлар доирасида амалга ошириладиган қурилиш-таъмирлаш ишлари бўйича буюртмачилар этиб:
ички автомобиль йўллари бўйича — Автомобиль йўллари қўмитаси тизимидаги буюртмачи ташкилотлар;
ичимлик сув таъминоти ва оқова сув тизими объектлари бўйича — «Сув таъминоти ва оқова сув объектлари қурилиши бўйича инжиниринг компанияси» унитар корхонаси;
электр энергияси ва газ таъминоти объектлари ҳамда алоқа тармоқлари бўйича — тегишинча «Ҳудудий электр тармоқлари» АЖ, «Ҳудудгазтаъминот» АЖ ва «Ўзбектелеком» АК;
ижтимоий соҳа объектлари, маҳалла фуқаролар йиғинлари идоралари, ободонлаштириш ва тунги ёритиш ускуналарини ўрнатиш ишлари ва бошқа объектлар бўйича — Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги «Ягона буюртмачи хизмати» инжиниринг компаниялари ҳамда ушбу объектларни сақлаш билан боғлиқ таъмирлаш ишлари бўйича — тегишли тармоқ корхоналари белгилансин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ, «Ўзсувтаъминот» АЖ ва бошқа буюртмачи ташкилотлар 2022 йил 15 ноябрга қадар Дастурлар доирасида амалга ошириладиган лойиҳалар (объектлар)нинг лойиҳа-смета ҳужжатларини ишлаб чиқиш ва давлат экспертизасидан ўтказиш чораларини кўрсин.
6. Шундай тартиб ўрнатилсинки, унга мувофиқ Дастурлар доирасида:
қурилиш-таъмирлаш ишлари Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги «Обод қишлоқ» ва «Обод маҳалла» жамғармалари орқали молиялаштирилади. Бунда, маблағлар Ўзбекистон Республикаси республика бюджетидан маҳаллий бюджетларга бюджетлараро трансфертлар сифатида ажратилади;
2022 йилда ажратилиб, йил якунига қадар ўзлаштирилмасдан қолган маблағлар Давлат бюджетига қайтарилмайди ва ушбу маблағлар 2023 йилда Дастурларда назарда тутилган объектларнинг қурилиш-таъмирлаш ишларини якунлаш учун мақсадли йўналтирилади;
ажратилган маблағлар лойиҳа-смета ҳужжатларига асосан аниқланган ишлар ҳажмини молиялаштиришга етишмаган тақдирда, қўшимча харажатлар тегишинча Қорақалпоғистон Республикаси бюджети, вилоятлар ва Тошкент шаҳри маҳаллий бюджетларининг қўшимча манбалари ҳисобидан молиялаштирилади;
молиялаштириш учун қурилиш-таъмирлаш ишларининг манзилли рўйхатлари Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан тасдиқланади.
7. Дастурларни амалга ошириш доирасида:
бош лойиҳачи ташкилотлар қонунчилик ҳужжатларида белгиланган тартибда танлов (тендер) орқали аниқлансин;
бош пудратчи ташкилотлар белгиланган тартибда «Шаффоф қурилиш» миллий ахборот тизими орқали ҳамда объектларни сақлаш билан боғлиқ таъмирлаш ишлари учун жалб этиладиган ташкилотлар белгиланган тартибда танлов (тендер) орқали аниқлансин;
бош лойиҳачи ва бош пудратчи ташкилотларга, истисно тариқасида, қурилиш-таъмирлаш ишлари учун 30 фоиз миқдорида олдиндан тўлов (аванс) амалга оширишга рухсат берилсин.
8. Бош вазир ўринбосари Ж.А. Қўчқоров, Молия вазирлиги Дастурлар доирасида қурилиш-таъмирлаш ишларини бошлаш ва амалга ошириш мақсадида:
2022 йил 15 ноябрга қадар Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги «Обод қишлоқ» ва «Обод маҳалла» жамғармаларига жами 1,7 триллион сўм миқдорида маблағларни ўтказиб берсин;
келгусида, эҳтиёжга қараб, ушбу қурилиш-таъмирлаш ишларини молиялаштириш учун қўшимча 1 триллион сўм миқдорида маблағлар ажратилишини назарда тутсин.
9. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари ҳамда тегишли вазирлик ва идоралар раҳбарларига Дастурлар доирасида ажратиладиган маблағлардан мақсадли ва самарали фойдаланишни тизимли назорат қилиш ҳамда кредитор қарздорликлар юзага келишига йўқ қўймаслик юзасидан шахсий жавобгарлик юклансин.
10. Белгилансинки:
туман (шаҳар) секторлари ва бошқа ҳудудий ташкилотлар раҳбарлари ҳар ойда халқ депутатлари туман (шаҳар) Кенгашларига Дастурлар доирасида амалга оширилаётган ишлар тўғрисида ҳисобот бериб боради;
Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳри Кенгашлари Дастурлар ижро этилиши ҳолатининг мунтазам муҳокама қилинишини ва масъул раҳбарларнинг тегишли ҳисоботлари эшитиб борилишини таъминлайди;
Дастурларга киритилган объектларни фойдаланишга топшириш бўйича давлат қабул комиссиялари таркибига маҳалла фуқаролар йиғинлари раислари киритилади ва бажарилган қурилиш-таъмирлаш ишларининг ҳажми ва сифати бўйича жамоатчилик назорати ўрнатилади.
11. Ҳудудий ишчи гуруҳлар раҳбарлари Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари билан биргаликда икки ҳафта муддатда маҳаллалар кесимида алоҳида режа-жадвалларни тасдиқлаб:
ҳар ҳафта жойларга чиққан ҳолда маҳаллаларда амалга оширилаётган ишлар ўз вақтида ва самарали ташкил қилинишини назоратга олсин, шунингдек, долзарб муаммолар ҳал этилаётганлиги юзасидан аҳолига батафсил тушунтириш ва ташвиқот ишларини ташкил этсин;
маҳаллалар инфратузилмасини яхшилаш бўйича амалга оширилаётган ишларнинг ҳолатини, бу борада аҳолининг фикр-мулоҳазаларини тизимли ўрганиб, мавжуд муаммоларни ҳал этиш бўйича Республика ишчи гуруҳига таклифлар киритиб борсин.
12. Республика ишчи гуруҳи (А.Ж. Раматов):
Дастурлар ижросини ва Ҳудудий ишчи гуруҳлар фаолиятини мувофиқлаштириб борсин, шу жумладан ҳар бир лойиҳа (объект)нинг амалга оширилишини доимий мониторинг қилиш, кечикаётган лойиҳа (объект)ларни жойларга чиққан ҳолда ўрганиш ва аниқланадиган муаммоли масалаларни тизимли ҳал этиш чораларини кўрсин;
ҳар ойда Дастурлар ижросини танқидий муҳокама қилиб, Вазирлар Маҳкамаси Раёсатига ҳамда Ўзбекистон Республикаси Президенти Администрациясига ахборот киритиб борсин.
13. Дастурлар доирасида амалга ошириладиган ишлар устидан қуйидаги назорат тизими йўлга қўйилсин:
Қурилиш соҳасида назорат инспекцияси, Йўл-қурилиш ишлари сифатини назорат қилиш инспекцияси, Ичимлик сувдан фойдаланишни назорат қилиш инспекцияси қурилиш-таъмирлаш ишларининг сифати, шаҳарсозлик нормалари ва қоидаларига риоя этилиши юзасидан давлат архитектура-қурилиш назоратини амалга оширади;
Давлат молиявий назорати инспекцияси Дастурлар доирасида ажратилаётган маблағларнинг мақсадли ва самарали ишлатилиши устидан тизимли давлат молиявий назоратини амалга оширади;
Бош прокуратура жойларда Дастурларнинг ўз вақтида, тўлиқ ва сифатли ижро этилиши, шу жумладан объектларнинг лойиҳа-смета ҳужжатлари ўз вақтида ва сифатли ишлаб чиқилиши, ҳар бир лойиҳа (объект) бўйича маблағларнинг мақсадли ва самарали сарфланиши, қурилиш-таъмирлаш ишлари сифатли бажарилиши, харид қилиш тартиб-таомиллари қонунчилик ҳужжатларига мувофиқ амалга оширилиши устидан тизимли назорат ўрнатади;
маҳалла фуқаролар йиғинлари раислари, маҳаллалардаги ҳоким ёрдамчилари, хотин-қизлар фаоллари ва ёшлар етакчилари, оммавий ахборот воситалари ва бошқа жамоат ташкилотлари Дастурлар доирасида амалга оширилаётган ишларнинг ҳолати, сифати ва кўлами юзасидан жамоатчилик назоратини ўрнатишга жалб қилинади.
Бош прокуратура икки ҳафта муддатда мазкур қарор доирасида ҳамда ташаббусли бюджетлаштириш асосида молиялаштириладиган лойиҳалар (объектлар)ни амалга ошириш жараёнлари самарадорлигини ошириш, ушбу соҳада давлат ва жамоатчилик назорати механизмларини такомиллаштириш, очиқлик ва шаффофликни таъминлаш бўйича қарор лойиҳасини киритсин.
14. Ўзбекистон Миллий ахборот агентлиги ва Ўзбекистон Миллий телерадиокомпанияси оммавий ахборот воситаларида мазкур қарорнинг мазмун ва моҳияти, маҳаллалар инфратузилмасини яхшилаш орқали аҳоли учун муносиб турмуш шароитини яратиш бўйича амалга оширилаётган ишларнинг кўлами ва ислоҳотларнинг натижаларини кенг ёритиб бориш бўйича мақолалар, мавзули кўрсатувлар ва эшиттиришлар ташкил қилсин.
15. Мазкур қарорнинг ижросини самарали ташкил қилиш, унинг натижадорлигини ҳар ойда муҳокама қилиб бориш ва ижро учун масъул идоралар фаолиятини мувофиқлаштиришга масъул этиб Бош вазир ўринбосарлари А.Ж. Раматов ва Ж.А. Қўчқоров белгилансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига ҳар ой якуни бўйича ахборот бериб борилсин.
Ўзбекистон Республикаси Президентининг 2022 йил 25 октябрдаги ПҚ-408-сон қарорига 1-ИЛОВА
2022-2023 йилларда маҳаллалар инфратузилмасини ривожлантириш бўйича лойиҳалар дастурлари доирасида амалга ошириладиган тадбирларнинг
млрд сўм Т/р Ҳудудлар Маҳаллалар сони (бирлик) Жами тадбирлар шу жумладан, йўналишлар кесимида 2022 йил учун молиялаштириш ҳажми ички йўллар ичимлик сув таъминоти оқова сув таъминоти электр энергияси таъминоти газ таъминоти умумтаълим мактаблари мактабгача таълим ташкилотлари спорт объектлари бошқалар объект сони қиймати объект сони қиймати объект сони қиймати объект сони қиймати объект сони қиймати объект сони қиймати объект сони қиймати объект сони қиймати объект сони қиймати объект сони қиймати Жами 5 284 6 007 7 046,8 2 602 3 828,1 1 848 2 282,1 91 122,5 498 120,9 72 49,2 53 33,0 33 24,6 74 37,0 736 549,4 2 700,0 1. Қорақалпоғистон Республикаси 252 259 293,7 116 150,5 60 99,9 1 0,5 13 3,0 9 0,8 14 7,7 46 31,3 112,5 2. Андижон вилояти 473 527 581,1 173 314,8 272 250,9 9 3,4 30 6,4 23 1,4 7 2,9 1 0,03 12 1,3 222,6 3. Бухоро вилояти 408 413 843,6 341 772,0 21 43,0 8 1,9 4 1,1 1 0,6 2 6,6 36 18,3 323,2 4. Жиззах вилояти 159 184 453,0 57 175,4 78 163,2 3 6,3 8 1,9 6 21,7 2 1,2 1 0,3 29 83,1 173,6 5. Қашқадарё вилояти 511 621 528,6 301 313,7 148 140,2 3 1,0 48 12,4 8 0,9 9 2,3 3 4,2 2 3,0 99 50,9 202,6 6. Навоий вилояти 211 295 397,7 127 197,6 70 148,6 10 3,2 4 0,5 13 1,4 71 46,4 152,4 7. Наманган вилояти 328 377 477,8 94 208,6 134 196,0 9 18,3 52 8,9 3 1,4 2 3,4 6 3,2 77 38,2 183,1 8. Самарқанд вилояти 585 588 394,9 296 251,8 178 105,8 11 6,3 51 10,1 5 0,6 5 3,8 13 4,8 29 11,8 151,3 9. Сурхондарё вилояти 438 532 423,2 207 234,7 194 133,6 2 3,2 58 14,8 8 3,0 8 7,7 6 1,7 2 0,8 47 23,9 162,2 10. Сирдарё вилояти 122 158 137,1 41 52,5 49 52,1 8 3,1 21 5,6 7 6,7 3 0,7 29 16,5 52,5 11. Тошкент вилояти 712 964 1 057,1 329 397,4 376 507,3 13 25,2 88 25,1 2 0,3 5 2,4 9 7,2 12 4,1 130 88,2 405,0 12. Фарғона вилояти 716 719 1 107,8 371 595,5 214 390,9 21 39,5 47 13,9 1 4,8 8 11,1 4 2,5 3 1,1 50 48,5 424,5 13. Хоразм вилояти 302 303 189,5 133 114,7 49 34,5 4 6,2 59 10,7 2 0,9 56 22,5 72,6 14. Тошкент шаҳри 67 67 161,5 16 49,1 5 16,1 7 9,6 5 3,0 3 9,0 1 1,5 1 0,9 4 3,7 25 68,5 61,9
Ўзбекистон Республикаси Президентининг 2022 йил 25 октябрдаги ПҚ-408-сон қарорига 2-ИЛОВА
2022-2023 йилларда маҳаллалар инфратузилмасини ривожлантириш бўйича лойиҳалар дастурлари ижросини мувофиқлаштириш юзасидан республика ишчи гуруҳи
А. Раматов — Ўзбекистон Республикаси Бош вазирининг биринчи ўринбосари, Республика ишчи гуруҳи раҳбари Лавозими бўйича — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари Э. Юлдашев — Бош прокурор ўринбосари Ў. Жуманов — Ҳисоб палатаси раиси ўринбосари Т. Ишметов — молия вазири Б. Закиров — қурилиш вазири Ш. Хидоятов — уй-жой коммунал хизмат кўрсатиш вазири Б. Саидов — халқ таълими вазири А. Шин — мактабгача таълим вазири Б. Мусаев — соғлиқни сақлаш вазири Н. Холмуродов — инвестициялар ва ташқи савдо вазирининг биринчи ўринбосари А. Ахмедходжаев — энергетика вазирининг биринчи ўринбосари А. Бобоев — иқтисодий тараққиёт ва камбағалликни қисқартириш вазири ўринбосари А. Турсунов — маҳалла ва нуронийларни қўллаб-қувватлаш вазири ўринбосари Н. Обломурадов — Экология ва атроф муҳитни муҳофаза қилиш давлат қўмитаси раиси А. Абдувалиев — Автомобиль йўллари қўмитаси раиси С. Саифназаров — «Ўзсувтаъминот» АЖ бошқаруви раиси в.б. У. Мустафоев — «Ҳудудий электр тармоқлари» АЖ бошқаруви раиси Б. Эшмурадов — «Ҳудудгазтаъминот» АЖ бошқаруви раиси М. Жуманиязов — Вазирлар Маҳкамаси котибияти мудирининг биринчи ўринбосари, Республика ишчи гуруҳи котиби
Ўзбекистон Республикаси Президентининг 2022 йил 25 октябрдаги ПҚ-408-сон қарорига 3-ИЛОВА
2022-2023 йилларда маҳаллалар инфратузилмасини ривожлантириш бўйича лойиҳалар дастурларини амалга ошириш юзасидан ҳудудий ишчи гуруҳлар раҳбарлари
Ҳудудлар Ишчи гуруҳ раҳбарлари Қорақалпоғистон Республикаси Б. Абидов — инвестициялар ва ташқи савдо вазири ўринбосари Андижон вилояти Б. Рахимов — инвестициялар ва ташқи савдо вазири ўринбосари Бухоро вилояти О. Рустамов — инвестициялар ва ташқи савдо вазири ўринбосари Жиззах вилояти Х. Тешабаев — инвестициялар ва ташқи савдо вазири ўринбосари Қашқадарё вилояти И. Норқулов — иқтисодий тараққиёт ва камбағалликни қисқартириш вазирининг биринчи ўринбосари Навоий вилояти А. Мирсоатов — «Миллий банк» АЖ бошқаруви раиси Наманган вилояти Ж. Абруев — молия вазири ўринбосари Самарқанд вилояти О. Исаков — молия вазири ўринбосари Сурхондарё вилояти С. Аннакличев — «Ўзсаноатқурилишбанк» АТБ бошқаруви раиси Сирдарё вилояти Д. Султанов — молия вазири ўринбосари Тошкент вилояти О. Насритдинходжаев — молия вазирининг биринчи ўринбосари Фарғона вилояти М. Убайдуллаев — иқтисодий тараққиёт ва камбағалликни қисқартириш вазири ўринбосари — Маҳаллабай ишлаш ва тадбиркорликни ривожлантириш агентлиги директори Хоразм вилояти Н. Холмуродов — инвестициялар ва ташқи савдо вазирининг биринчи ўринбосари Тошкент шаҳри Л. Кудратов — инвестициялар ва ташқи савдо вазирининг биринчи ўринбосари (Бектемир, Мирзо Улуғбек, Чилонзор, Шайхонтоҳур, Юнусобод ва Яшнобод туманлари бўйича) Ш. Кудбиев — Давлат солиқ қўмитаси раиси (Миробод, Олмазор, Сергели, Учтепа, Яккасарой ва Янгиҳаёт туманлари бўйича)
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 25 октябрь,
ПҚ-408-сон
Oʻzbekiston Respublikasi Prezidentining
Qarori
YIGʻMA PARAMETRLARI
TARKIBI
roʻyxati
2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida
Respublika hududlarini obod qilish, qishloq va mahallalarda infratuzilma bilan bogʻliq eng dolzarb masalalarni tizimli hal etish, xususan, joylarda ichki yoʻllar, ichimlik suv, elektr energiyasi va gaz taʼminotini, taʼlim, sogʻliqni saqlash, madaniyat, sport va boshqa infratuzilma obyektlarini yaxshilash, shu asosda aholi uchun munosib turmush sharoitlarini yaratish maqsadida:
1. Qoraqalpogʻiston Respublikasi, viloyatlar va Toshkent shahri boʻyicha hududiy ishchi guruhlar tashkil etilib, ular tomonidan 9 370 ta mahallada aholining turmush darajasiga bevosita taʼsir koʻrsatuvchi eng dolzarb masalalar oʻrganilganligi va hududlar kesimida 2022-2023-yillarda mahallalar infratuzilmasini rivojlantirish boʻyicha loyihalar dasturlari (keyingi oʻrinlarda — Dasturlar) ishlab chiqilganligi maʼlumot uchun qabul qilinsin.
2. Mahallalar infratuzilmasini rivojlantirish chora-tadbirlarini tizimli va rejali amalga oshirish maqsadida:
2022-2023-yillarda mahallalar infratuzilmasini rivojlantirish boʻyicha loyihalar dasturlari doirasida amalga oshiriladigan tadbirlarning yigʻma parametrlari 1-ilovaga muvofiq;
2022-2023-yillarda mahallalar infratuzilmasini rivojlantirish boʻyicha loyihalar dasturlari ijrosini muvofiqlashtirish yuzasidan Respublika ishchi guruhi (keyingi oʻrinlarda — Respublika ishchi guruhi) tarkibi 2-ilovaga muvofiq;
2022-2023-yillarda mahallalar infratuzilmasini rivojlantirish boʻyicha loyihalar dasturlarini amalga oshirish yuzasidan hududiy ishchi guruhlar (keyingi oʻrinlarda — Hududiy ishchi guruhlar) rahbarlari roʻyxati 3-ilovaga muvofiq tasdiqlansin.
Respublika ishchi guruhiga (A.J. Ramatov) Dasturlarning yigʻma parametrlariga, zarur hollarda, oʻzgartirish va qoʻshimchalar kiritish huquqi berilsin.
3. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Hududiy ishchi guruhlar bilan birgalikda bir hafta muddatda Dasturlar doirasida amalga oshiriladigan loyihalarning roʻyxatlarini tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahri Kengashlarida muhokama qilib, tasdiqlasin.
4. Dasturlar doirasida amalga oshiriladigan qurilish-taʼmirlash ishlari boʻyicha buyurtmachilar etib:
ichki avtomobil yoʻllari boʻyicha — Avtomobil yoʻllari qoʻmitasi tizimidagi buyurtmachi tashkilotlar;
ichimlik suv taʼminoti va oqova suv tizimi obyektlari boʻyicha — “Suv taʼminoti va oqova suv obyektlari qurilishi boʻyicha injiniring kompaniyasi” unitar korxonasi;
elektr energiyasi va gaz taʼminoti obyektlari hamda aloqa tarmoqlari boʻyicha — tegishincha “Hududiy elektr tarmoqlari” AJ, “Hududgaztaʼminot” AJ va “Oʻzbektelekom” AK;
ijtimoiy soha obyektlari, mahalla fuqarolar yigʻinlari idoralari, obodonlashtirish va tungi yoritish uskunalarini oʻrnatish ishlari va boshqa obyektlar boʻyicha — Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Yagona buyurtmachi xizmati” injiniring kompaniyalari hamda ushbu obyektlarni saqlash bilan bogʻliq taʼmirlash ishlari boʻyicha — tegishli tarmoq korxonalari belgilansin.
5. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ, “Oʻzsuvtaʼminot” AJ va boshqa buyurtmachi tashkilotlar 2022-yil 15-noyabrga qadar Dasturlar doirasida amalga oshiriladigan loyihalar (obyektlar)ning loyiha-smeta hujjatlarini ishlab chiqish va davlat ekspertizasidan oʻtkazish choralarini koʻrsin.
6. Shunday tartib oʻrnatilsinki, unga muvofiq Dasturlar doirasida:
qurilish-taʼmirlash ishlari Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Obod qishloq” va “Obod mahalla” jamgʻarmalari orqali moliyalashtiriladi. Bunda, mablagʻlar Oʻzbekiston Respublikasi respublika budjetidan mahalliy budjetlarga budjetlararo transfertlar sifatida ajratiladi;
2022-yilda ajratilib, yil yakuniga qadar oʻzlashtirilmasdan qolgan mablagʻlar Davlat budjetiga qaytarilmaydi va ushbu mablagʻlar 2023-yilda Dasturlarda nazarda tutilgan obyektlarning qurilish-taʼmirlash ishlarini yakunlash uchun maqsadli yoʻnaltiriladi;
ajratilgan mablagʻlar loyiha-smeta hujjatlariga asosan aniqlangan ishlar hajmini moliyalashtirishga yetishmagan taqdirda, qoʻshimcha xarajatlar tegishincha Qoraqalpogʻiston Respublikasi budjeti, viloyatlar va Toshkent shahri mahalliy budjetlarining qoʻshimcha manbalari hisobidan moliyalashtiriladi;
moliyalashtirish uchun qurilish-taʼmirlash ishlarining manzilli roʻyxatlari Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan tasdiqlanadi.
7. Dasturlarni amalga oshirish doirasida:
bosh loyihachi tashkilotlar qonunchilik hujjatlarida belgilangan tartibda tanlov (tender) orqali aniqlansin;
bosh pudratchi tashkilotlar belgilangan tartibda “Shaffof qurilish” milliy axborot tizimi orqali hamda obyektlarni saqlash bilan bogʻliq taʼmirlash ishlari uchun jalb etiladigan tashkilotlar belgilangan tartibda tanlov (tender) orqali aniqlansin;
bosh loyihachi va bosh pudratchi tashkilotlarga, istisno tariqasida, qurilish-taʼmirlash ishlari uchun 30 foiz miqdorida oldindan toʻlov (avans) amalga oshirishga ruxsat berilsin.
8. Bosh vazir oʻrinbosari J.A. Qoʻchqorov, Moliya vazirligi Dasturlar doirasida qurilish-taʼmirlash ishlarini boshlash va amalga oshirish maqsadida:
2022-yil 15-noyabrga qadar Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Obod qishloq” va “Obod mahalla” jamgʻarmalariga jami 1,7 trillion soʻm miqdorida mablagʻlarni oʻtkazib bersin;
kelgusida, ehtiyojga qarab, ushbu qurilish-taʼmirlash ishlarini moliyalashtirish uchun qoʻshimcha 1 trillion soʻm miqdorida mablagʻlar ajratilishini nazarda tutsin.
9. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari hamda tegishli vazirlik va idoralar rahbarlariga Dasturlar doirasida ajratiladigan mablagʻlardan maqsadli va samarali foydalanishni tizimli nazorat qilish hamda kreditor qarzdorliklar yuzaga kelishiga yoʻq qoʻymaslik yuzasidan shaxsiy javobgarlik yuklansin.
10. Belgilansinki:
tuman (shahar) sektorlari va boshqa hududiy tashkilotlar rahbarlari har oyda xalq deputatlari tuman (shahar) Kengashlariga Dasturlar doirasida amalga oshirilayotgan ishlar toʻgʻrisida hisobot berib boradi;
Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahri Kengashlari Dasturlar ijro etilishi holatining muntazam muhokama qilinishini va masʼul rahbarlarning tegishli hisobotlari eshitib borilishini taʼminlaydi;
Dasturlarga kiritilgan obyektlarni foydalanishga topshirish boʻyicha davlat qabul komissiyalari tarkibiga mahalla fuqarolar yigʻinlari raislari kiritiladi va bajarilgan qurilish-taʼmirlash ishlarining hajmi va sifati boʻyicha jamoatchilik nazorati oʻrnatiladi.
11. Hududiy ishchi guruhlar rahbarlari Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari bilan birgalikda ikki hafta muddatda mahallalar kesimida alohida reja-jadvallarni tasdiqlab:
har hafta joylarga chiqqan holda mahallalarda amalga oshirilayotgan ishlar oʻz vaqtida va samarali tashkil qilinishini nazoratga olsin, shuningdek, dolzarb muammolar hal etilayotganligi yuzasidan aholiga batafsil tushuntirish va tashviqot ishlarini tashkil etsin;
mahallalar infratuzilmasini yaxshilash boʻyicha amalga oshirilayotgan ishlarning holatini, bu borada aholining fikr-mulohazalarini tizimli oʻrganib, mavjud muammolarni hal etish boʻyicha Respublika ishchi guruhiga takliflar kiritib borsin.
12. Respublika ishchi guruhi (A.J. Ramatov):
Dasturlar ijrosini va Hududiy ishchi guruhlar faoliyatini muvofiqlashtirib borsin, shu jumladan har bir loyiha (obyekt)ning amalga oshirilishini doimiy monitoring qilish, kechikayotgan loyiha (obyekt)larni joylarga chiqqan holda oʻrganish va aniqlanadigan muammoli masalalarni tizimli hal etish choralarini koʻrsin;
har oyda Dasturlar ijrosini tanqidiy muhokama qilib, Vazirlar Mahkamasi Rayosatiga hamda Oʻzbekiston Respublikasi Prezidenti Administratsiyasiga axborot kiritib borsin.
13. Dasturlar doirasida amalga oshiriladigan ishlar ustidan quyidagi nazorat tizimi yoʻlga qoʻyilsin:
Qurilish sohasida nazorat inspeksiyasi, Yoʻl-qurilish ishlari sifatini nazorat qilish inspeksiyasi, Ichimlik suvdan foydalanishni nazorat qilish inspeksiyasi qurilish-taʼmirlash ishlarining sifati, shaharsozlik normalari va qoidalariga rioya etilishi yuzasidan davlat arxitektura-qurilish nazoratini amalga oshiradi;
Davlat moliyaviy nazorati inspeksiyasi Dasturlar doirasida ajratilayotgan mablagʻlarning maqsadli va samarali ishlatilishi ustidan tizimli davlat moliyaviy nazoratini amalga oshiradi;
Bosh prokuratura joylarda Dasturlarning oʻz vaqtida, toʻliq va sifatli ijro etilishi, shu jumladan obyektlarning loyiha-smeta hujjatlari oʻz vaqtida va sifatli ishlab chiqilishi, har bir loyiha (obyekt) boʻyicha mablagʻlarning maqsadli va samarali sarflanishi, qurilish-taʼmirlash ishlari sifatli bajarilishi, xarid qilish tartib-taomillari qonunchilik hujjatlariga muvofiq amalga oshirilishi ustidan tizimli nazorat oʻrnatadi;
mahalla fuqarolar yigʻinlari raislari, mahallalardagi hokim yordamchilari, xotin-qizlar faollari va yoshlar yetakchilari, ommaviy axborot vositalari va boshqa jamoat tashkilotlari Dasturlar doirasida amalga oshirilayotgan ishlarning holati, sifati va koʻlami yuzasidan jamoatchilik nazoratini oʻrnatishga jalb qilinadi.
Bosh prokuratura ikki hafta muddatda mazkur qaror doirasida hamda tashabbusli budjetlashtirish asosida moliyalashtiriladigan loyihalar (obyektlar)ni amalga oshirish jarayonlari samaradorligini oshirish, ushbu sohada davlat va jamoatchilik nazorati mexanizmlarini takomillashtirish, ochiqlik va shaffoflikni taʼminlash boʻyicha qaror loyihasini kiritsin.
14. Oʻzbekiston Milliy axborot agentligi va Oʻzbekiston Milliy teleradiokompaniyasi ommaviy axborot vositalarida mazkur qarorning mazmun va mohiyati, mahallalar infratuzilmasini yaxshilash orqali aholi uchun munosib turmush sharoitini yaratish boʻyicha amalga oshirilayotgan ishlarning koʻlami va islohotlarning natijalarini keng yoritib borish boʻyicha maqolalar, mavzuli koʻrsatuvlar va eshittirishlar tashkil qilsin.
15. Mazkur qarorning ijrosini samarali tashkil qilish, uning natijadorligini har oyda muhokama qilib borish va ijro uchun masʼul idoralar faoliyatini muvofiqlashtirishga masʼul etib Bosh vazir oʻrinbosarlari A.J. Ramatov va J.A. Qoʻchqorov belgilansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har oy yakuni boʻyicha axborot berib borilsin.
Oʻzbekiston Respublikasi Prezidentining 2022-yil 25-oktabrdagi PQ-408-son qaroriga 1-ILOVA
2022-2023-yillarda mahallalar infratuzilmasini rivojlantirish boʻyicha loyihalar dasturlari doirasida amalga oshiriladigan tadbirlarning
mlrd soʻm T/r Hududlar Mahallalar soni (birlik) Jami tadbirlar shu jumladan, yoʻnalishlar kesimida 2022-yil uchun moliyalashtirish hajmi ichki yoʻllar ichimlik suv taʼminoti oqova suv taʼminoti elektr energiyasi taʼminoti gaz taʼminoti umumtaʼlim maktablari maktabgacha taʼlim tashkilotlari sport obyektlari boshqalar obyekt soni qiymati obyekt soni qiymati obyekt soni qiymati obyekt soni qiymati obyekt soni qiymati obyekt soni qiymati obyekt soni qiymati obyekt soni qiymati obyekt soni qiymati obyekt soni qiymati Jami 5 284 6 007 7 046,8 2 602 3 828,1 1 848 2 282,1 91 122,5 498 120,9 72 49,2 53 33,0 33 24,6 74 37,0 736 549,4 2 700,0 1. Qoraqalpogʻiston Respublikasi 252 259 293,7 116 150,5 60 99,9 1 0,5 13 3,0 9 0,8 14 7,7 46 31,3 112,5 2. Andijon viloyati 473 527 581,1 173 314,8 272 250,9 9 3,4 30 6,4 23 1,4 7 2,9 1 0,03 12 1,3 222,6 3. Buxoro viloyati 408 413 843,6 341 772,0 21 43,0 8 1,9 4 1,1 1 0,6 2 6,6 36 18,3 323,2 4. Jizzax viloyati 159 184 453,0 57 175,4 78 163,2 3 6,3 8 1,9 6 21,7 2 1,2 1 0,3 29 83,1 173,6 5. Qashqadaryo viloyati 511 621 528,6 301 313,7 148 140,2 3 1,0 48 12,4 8 0,9 9 2,3 3 4,2 2 3,0 99 50,9 202,6 6. Navoiy viloyati 211 295 397,7 127 197,6 70 148,6 10 3,2 4 0,5 13 1,4 71 46,4 152,4 7. Namangan viloyati 328 377 477,8 94 208,6 134 196,0 9 18,3 52 8,9 3 1,4 2 3,4 6 3,2 77 38,2 183,1 8. Samarqand viloyati 585 588 394,9 296 251,8 178 105,8 11 6,3 51 10,1 5 0,6 5 3,8 13 4,8 29 11,8 151,3 9. Surxondaryo viloyati 438 532 423,2 207 234,7 194 133,6 2 3,2 58 14,8 8 3,0 8 7,7 6 1,7 2 0,8 47 23,9 162,2 10. Sirdaryo viloyati 122 158 137,1 41 52,5 49 52,1 8 3,1 21 5,6 7 6,7 3 0,7 29 16,5 52,5 11. Toshkent viloyati 712 964 1 057,1 329 397,4 376 507,3 13 25,2 88 25,1 2 0,3 5 2,4 9 7,2 12 4,1 130 88,2 405,0 12. Fargʻona viloyati 716 719 1 107,8 371 595,5 214 390,9 21 39,5 47 13,9 1 4,8 8 11,1 4 2,5 3 1,1 50 48,5 424,5 13. Xorazm viloyati 302 303 189,5 133 114,7 49 34,5 4 6,2 59 10,7 2 0,9 56 22,5 72,6 14. Toshkent shahri 67 67 161,5 16 49,1 5 16,1 7 9,6 5 3,0 3 9,0 1 1,5 1 0,9 4 3,7 25 68,5 61,9
Oʻzbekiston Respublikasi Prezidentining 2022-yil 25-oktabrdagi PQ-408-son qaroriga 2-ILOVA
2022-2023-yillarda mahallalar infratuzilmasini rivojlantirish boʻyicha loyihalar dasturlari ijrosini muvofiqlashtirish yuzasidan respublika ishchi guruhi
A. Ramatov — Oʻzbekiston Respublikasi Bosh vazirining birinchi oʻrinbosari, Respublika ishchi guruhi rahbari Lavozimi boʻyicha — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari E. Yuldashev — Bosh prokuror oʻrinbosari Oʻ. Jumanov — Hisob palatasi raisi oʻrinbosari T. Ishmetov — moliya vaziri B. Zakirov — qurilish vaziri Sh. Xidoyatov — uy-joy kommunal xizmat koʻrsatish vaziri B. Saidov — xalq taʼlimi vaziri A. Shin — maktabgacha taʼlim vaziri B. Musayev — sogʻliqni saqlash vaziri N. Xolmurodov — investitsiyalar va tashqi savdo vazirining birinchi oʻrinbosari A. Axmedxodjayev — energetika vazirining birinchi oʻrinbosari A. Boboyev — iqtisodiy taraqqiyot va kambagʻallikni qisqartirish vaziri oʻrinbosari A. Tursunov — mahalla va nuroniylarni qoʻllab-quvvatlash vaziri oʻrinbosari N. Oblomuradov — Ekologiya va atrof muhitni muhofaza qilish davlat qoʻmitasi raisi A. Abduvaliyev — Avtomobil yoʻllari qoʻmitasi raisi S. Saifnazarov — “Oʻzsuvtaʼminot” AJ boshqaruvi raisi v.b. U. Mustafoyev — “Hududiy elektr tarmoqlari” AJ boshqaruvi raisi B. Eshmuradov — “Hududgaztaʼminot” AJ boshqaruvi raisi M. Jumaniyazov — Vazirlar Mahkamasi kotibiyati mudirining birinchi oʻrinbosari, Respublika ishchi guruhi kotibi
Oʻzbekiston Respublikasi Prezidentining 2022-yil 25-oktabrdagi PQ-408-son qaroriga 3-ILOVA
2022-2023-yillarda mahallalar infratuzilmasini rivojlantirish boʻyicha loyihalar dasturlarini amalga oshirish yuzasidan hududiy ishchi guruhlar rahbarlari
Hududlar Ishchi guruh rahbarlari Qoraqalpogʻiston Respublikasi B. Abidov — investitsiyalar va tashqi savdo vaziri oʻrinbosari Andijon viloyati B. Raximov — investitsiyalar va tashqi savdo vaziri oʻrinbosari Buxoro viloyati O. Rustamov — investitsiyalar va tashqi savdo vaziri oʻrinbosari Jizzax viloyati X. Teshabayev — investitsiyalar va tashqi savdo vaziri oʻrinbosari Qashqadaryo viloyati I. Norqulov — iqtisodiy taraqqiyot va kambagʻallikni qisqartirish vazirining birinchi oʻrinbosari Navoiy viloyati A. Mirsoatov — “Milliy bank” AJ boshqaruvi raisi Namangan viloyati J. Abruyev — moliya vaziri oʻrinbosari Samarqand viloyati O. Isakov — moliya vaziri oʻrinbosari Surxondaryo viloyati S. Annaklichev — “Oʻzsanoatqurilishbank” ATB boshqaruvi raisi Sirdaryo viloyati D. Sultanov — moliya vaziri oʻrinbosari Toshkent viloyati O. Nasritdinxodjayev — moliya vazirining birinchi oʻrinbosari Fargʻona viloyati M. Ubaydullayev — iqtisodiy taraqqiyot va kambagʻallikni qisqartirish vaziri oʻrinbosari — Mahallabay ishlash va tadbirkorlikni rivojlantirish agentligi direktori Xorazm viloyati N. Xolmurodov — investitsiyalar va tashqi savdo vazirining birinchi oʻrinbosari Toshkent shahri L. Kudratov — investitsiyalar va tashqi savdo vazirining birinchi oʻrinbosari (Bektemir, Mirzo Ulugʻbek, Chilonzor, Shayxontohur, Yunusobod va Yashnobod tumanlari boʻyicha) Sh. Kudbiyev — Davlat soliq qoʻmitasi raisi (Mirobod, Olmazor, Sergeli, Uchtepa, Yakkasaroy va Yangihayot tumanlari boʻyicha)
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-oktabr,
PQ-408-son
Президента Республики Узбекистан
Постановление
СВОДНЫЕ ПАРАМЕТРЫ
СОСТАВ
СПИСОК
О дополнительных мерах по дальнейшему улучшению инфраструктуры махаллей в 2022-2023 годах
В целях благоустройства регионов республики, системного решения самых актуальных вопросов, связанных с инфраструктурой в селах и махаллях, в частности улучшения на местах внутренних дорог, питьевого водоснабжения, электро- и газоснабжения, объектов образования, здравоохранения, культуры, спорта и других объектов инфраструктуры, создания на основе этого достойных условий жизни для населения:
1. Принять к сведению, что созданы региональные рабочие группы по Республике Каракалпакстан, областям и городу Ташкенту, ими изучены в 9 370 махаллях самые актуальные вопросы, непосредственно воздействующие на уровень жизни населения, и разработаны программы проектов по развитию инфраструктуры махаллей в 2022-2023 годах (далее — Программы) в разрезе регионов.
2. В целях системной и плановой реализации мер по развитию инфраструктуры махаллей утвердить:
Сводные параметры мер, осуществляемых в рамках программ проектов по развитию инфраструктуры махаллей в 2022-2023 годах, согласно приложению № 1 ;
Состав Республиканской рабочей группы по координации исполнения программ проектов по развитию инфраструктуры махаллей в 2022-2023 годах (далее — Республиканская рабочая группа) согласно приложению № 2 ;
Список руководителей региональных рабочих групп по реализации программ проектов по развитию инфраструктуры махаллей в 2022-2023 годах (далее — Региональные рабочие группы) согласно приложению № 3 .
Республиканской рабочей группе (А.Ж. Раматов) предоставить право внесения в сводные параметры Программ, при необходимости, изменений и дополнений.
3. Совету Министров Республики Каракалпакстан, хокимиятам областей и города Ташкента совместно с Региональными рабочими группами в недельный срок обсудить и утвердить перечень проектов, реализуемых в рамках Программ, соответственно в Жокаргы Кенесе Республики Каракалпакстан, Кенгашах народных депутатов областей и города Ташкента.
4. Определить заказчиками по строительно-ремонтным работам, осуществляемым в рамках Программ:
организации-заказчики в системе Комитета по автомобильным дорогам — по внутренним автомобильным дорогам;
Унитарное предприятие «Инжиниринговая компания по строительству объектов водоснабжения и канализации» — по объектам питьевого водоснабжения и системы канализации;
АО «Региональные электрические сети», АО «Худудгазтаъминот» и АК «Узбектелеком» — по объектам электро- и газоснабжения и сетям связи соответственно;
инжиниринговые компании «Служба единого заказчика» при Совете Министров Республики Каракалпакстан, хокимиятах областей и города Ташкента — по объектам социальной сферы, зданиям сходов граждан махаллей, работе по благоустройству и установке оборудования ночного освещения и другим объектам, а также соответствующие отраслевые предприятия — по ремонтным работам, связанным с содержанием данных объектов.
5. Совету Министров Республики Каракалпакстан, хокимиятам областей и города Ташкента, Комитету по автомобильным дорогам, АО «Региональные электрические сети», АО «Худудгазтаъминот», АО «Узсувтаъминот» и другим организациям-заказчикам в срок до 15 ноября 2022 года принять меры по разработке и проведению государственной экспертизы проектно-сметной документации проектов (объектов), реализуемых в рамках Программ.
6. Установить порядок, в соответствии с которым в рамках Программ:
строительно-ремонтные работы финансируются через фонды «Обод кишлок» и «Обод махалла» при Совете Министров Республики Каракалпакстан, хокимиятах областей и города Ташкента. При этом средства выделяются из республиканского бюджета Республики Узбекистан в местные бюджеты в качестве межбюджетных трансфертов;
средства, выделенные в 2022 году и не освоенные до конца года, не подлежат возврату в Государственный бюджет и данные средства направляются в целевом порядке в 2023 году на завершение работ по строительству и ремонту объектов, предусмотренных в Программах;
при недостаточности выделенных средств на финансирование объема работ, определенных на основании проектно-сметной документации, дополнительные расходы финансируются соответственно за счет дополнительных источников бюджета Республики Каракалпакстан, местных бюджетов областей и города Ташкента;
адресные списки строительно-ремонтных работ для финансирования утверждаются Советом Министров Республики Каракалпакстан, хокимиятами областей и города Ташкента.
7. В рамках реализации Программ:
определить генеральные проектные организации через конкурс (тендер) в порядке, установленном актами законодательства;
определить генеральные подрядные организации посредством Национальной информационной системы «Прозрачное строительство» в установленном порядке, а также организации, привлекаемые для ремонтных работ, связанных с содержанием объектов, — через конкурс (тендер) в установленном порядке;
разрешить, в порядке исключения, осуществление генеральным проектным и генеральным подрядным организациям предоплату (аванс) в размере 30 процентов за строительно-ремонтные работы.
8. Заместителю Премьер-министра Д.А. Кучкарову, Министерству финансов в целях начала и осуществления строительно-ремонтных работ в рамках Программ:
в срок до 15 ноября 2022 года перевести в фонды «Обод кишлок» и «Обод махалла» при Совете Министров Республики Каракалпакстан, хокимиятах областей и города Ташкента средства в размере 1,7 триллиона сумов;
в последующем предусмотреть выделение по потребности средств дополнительно в размере 1 триллиона сумов для финансирования данных строительно-ремонтных работ.
9. Возложить на Председателя Совета Министров Республики Каракалпакстан, хокимов областей и города Ташкента, а также на руководителей соответствующих министерств и ведомств персональную ответственность за осуществление системного контроля за целевым и эффективным использованием выделяемых в рамках Программ средств и недопущение возникновения кредиторской задолженности.
10. Установить, что:
руководители секторов районов (городов) и иных территориальных организаций ежемесячно представляют отчет районным (городским) Кенгашам народных депутатов о работе, осуществляемой в рамках Программ;
Жокаргы Кенес Республики Каракалпакстан, Кенгаши народных депутатов областей и города Ташкента обеспечивают проведение регулярных обсуждений состояния исполнения Программ и заслушиваний соответствующих отчетов ответственных руководителей;
в состав государственных приемочных комиссий по сдаче в эксплуатацию объектов, включенных в Программы, включаются председатели сходов граждан махаллей и устанавливается общественный контроль за объемом и качеством выполненных строительно-ремонтных работ.
11. Руководителям региональных рабочих групп совместно с Председателем Совета Министров Республики Каракалпакстан, хокимами областей и города Ташкента, в двухнедельный срок утвердив отдельные планы-графики в разрезе махаллей:
установить контроль за своевременной и эффективной организацией проводимых в махаллях работ с еженедельным выездом на места, а также организовать работу по подробному разъяснению и информированию населения о решаемых актуальных проблемах;
изучать на системной основе состояние осуществляемых работ по улучшению инфраструктуры махаллей, мнения и суждения населения в данном направлении и вносить в Республиканскую рабочую группу предложения по решению имеющихся проблем.
12. Республиканской рабочей группе (А.Ж. Раматов):
осуществлять координацию исполнения Программ и деятельности Региональных рабочих групп, в том числе принять меры по проведению постоянного мониторинга реализации каждого проекта (объекта), изучению отстающих проектов (объектов) с выездном на места и системному решению выявляемых проблемных вопросов;
ежемесячно критически обсуждать исполнение Программ, вносить информацию в Президиум Кабинета Министров и Администрацию Президента Республики Узбекистан.
13. Установить следующую систему контроля за работой, осуществляемой в рамках Программ:
Инспекция по контролю в сфере строительства, Инспекция по контролю за качеством дорожно-строительных работ, Инспекция по контролю за использованием питьевой воды осуществляют государственный архитектурно-строительный надзор за качеством строительно-ремонтных работ, соблюдением градостроительных норм и правил;
Инспекция государственного финансового контроля осуществляет системный государственный финансовый контроль за целевым и эффективным использованием средств, выделяемых в рамках Программ;
Генеральная прокуратура устанавливает системный контроль за своевременным, полным и качественным исполнением Программ на местах, в том числе за своевременной и качественной разработкой проектно-сметной документации объектов, целевым и эффективным использованием средств по каждому проекту (объекту), качественным выполнением строительно-ремонтных работ, осуществлением закупочных процедур в соответствии с актами законодательства;
председатели сходов граждан махаллей, помощники хокимов, женские активисты и лидеры молодежи в махаллях, средства массовой информации и другие общественные организации привлекаются к установлению общественного контроля за состоянием, качеством и масштабами работ, осуществляемых в рамках Программ.
Генеральной прокуратуре в двухнедельный срок внести проект постановления по повышению эффективности процессов реализации проектов (объектов), финансируемых в рамках данного постановления и на основе инициативного бюджетирования, совершенствованию механизмов государственного и общественного контроля, обеспечению открытости и прозрачности в данной сфере.
14. Национальному информационному агентству Узбекистана и Национальной телерадиокомпании Узбекистана организовать публикацию статей, тематические передачи и вещания по широкому освещению в средствах массовой информации сути и содержания настоящего постановления, масштабов работы и результатов осуществляемых реформ по созданию достойных условий жизни для населения путем улучшения инфраструктуры махаллей.
15. Возложить на заместителей Премьер-министра А.Ж. Раматова и Д.А. Кучкарова персональную ответственность за эффективную организацию исполнения настоящего постановления, ежемесячное обсуждение результативности и осуществление координации деятельности ведомств, ответственных за его исполнение.
О результативности осуществляемых мер вносить информацию Президенту Республики Узбекистан по итогам каждого месяца.
ПРИЛОЖЕНИЕ № 1 к постановлению Президента Республики Узбекистан от 25 октября 2022 года № ПП-408
мер, осуществляемых в рамках программ проектов по развитию инфраструктуры махаллей в 2022-2023 годах
млрд сум № Регионы Кол-во махаллей (ед.) Всего мероприятий в том числе в разрезе направлений Объем финансирования на 2022 год внутренние дороги питьевое водоснабжение канализация электроснабжение газоснабжение общеобразовательные школы дошкольные образовательные организации объекты спорта другие кол-во объектов стоимость кол-во объектов стоимость кол-во объектов стоимость кол-во объектов стоимость кол-во объектов стоимость кол-во объектов стоимость кол-во объектов стоимость кол-во объектов стоимость кол-во объектов стоимость кол-во объектов стоимость Всего 5 284 6 007 7 046,8 2 602 3 828,1 1 848 2 282,1 91 122,5 498 120,9 72 49,2 53 33,0 33 24,6 74 37,0 736 549,4 2 700,0 1. Республика Каракалпакстан 252 259 293,7 116 150,5 60 99,9 1 0,5 13 3,0 9 0,8 14 7,7 46 31,3 112,5 2. Андижанская область 473 527 581,1 173 314,8 272 250,9 9 3,4 30 6,4 23 1,4 7 2,9 1 0,03 12 1,3 222,6 3. Бухарская область 408 413 843,6 341 772,0 21 43,0 8 1,9 4 1,1 1 0,6 2 6,6 36 18,3 323,2 4. Джизакская область 159 184 453,0 57 175,4 78 163,2 3 6,3 8 1,9 6 21,7 2 1,2 1 0,3 29 83,1 173,6 5. Кашкадарьинская область 511 621 528,6 301 313,7 148 140,2 3 1,0 48 12,4 8 0,9 9 2,3 3 4,2 2 3,0 99 50,9 202,6 6. Навоийская область 211 295 397,7 127 197,6 70 148,6 10 3,2 4 0,5 13 1,4 71 46,4 152,4 7. Наманганская область 328 377 477,8 94 208,6 134 196,0 9 18,3 52 8,9 3 1,4 2 3,4 6 3,2 77 38,2 183,1 8. Самаркандская область 585 588 394,9 296 251,8 178 105,8 11 6,3 51 10,1 5 0,6 5 3,8 13 4,8 29 11,8 151,3 9. Сурхандарьинская область 438 532 423,2 207 234,7 194 133,6 2 3,2 58 14,8 8 3,0 8 7,7 6 1,7 2 0,8 47 23,9 162,2 10. Сырдарьинская область 122 158 137,1 41 52,5 49 52,1 8 3,1 21 5,6 7 6,7 3 0,7 29 16,5 52,5 11. Ташкентская область 712 964 1 057,1 329 397,4 376 507,3 13 25,2 88 25,1 2 0,3 5 2,4 9 7,2 12 4,1 130 88,2 405,0 12. Ферганская область 716 719 1 107,8 371 595,5 214 390,9 21 39,5 47 13,9 1 4,8 8 11,1 4 2,5 3 1,1 50 48,5 424,5 13. Хорезмская область 302 303 189,5 133 114,7 49 34,5 4 6,2 59 10,7 2 0,9 56 22,5 72,6 14. город Ташкент 67 67 161,5 16 49,1 5 16,1 7 9,6 5 3,0 3 9,0 1 1,5 1 0,9 4 3,7 25 68,5 61,9
ПРИЛОЖЕНИЕ № 2 к постановлению Президента Республики Узбекистан от 25 октября 2022 года № ПП-408
Республиканской рабочей группы по координации исполнения программ проектов по развитию инфраструктуры махаллей в 2022-2023 годах
А. Раматов — первый заместитель Премьер-министра Республики Узбекистан, руководитель Республиканской рабочей группы По должности — Председатель Совета Министров Республики Каракалпакстан, хокимы областей и города Ташкента Э. Юлдашев — заместитель Генерального прокурора У. Жуманов — заместитель председателя Счетной палаты Т. Ишметов — министр финансов Б. Закиров — министр строительства Ш. Хидоятов — министр жилищно-коммунального обслуживания Б. Саидов — министр народного образования А. Шин — министр дошкольного образования Б. Мусаев — министр здравоохранения Н. Холмуродов — первый заместитель министра инвестиций и внешней торговли А. Ахмедходжаев — первый заместитель министра энергетики А. Бобоев — заместитель министра экономического развития и сокращения бедности А. Турсунов — заместитель министра по поддержке махалли и старшего поколения Н. Обломурадов — председатель Государственного комитета по экологии и охране окружающей среды А. Абдувалиев — председатель Комитета по автомобильным дорогам С. Саифназаров — и.о. председателя правления АО «Узсувтаъминот» У. Мустафоев — председатель правления АО «Региональные электрические сети» Б. Эшмурадов — председатель правления АО «Худудгазтаъминот» М. Жуманиязов — первый заместитель заведующего секретариатом Кабинета Министров, секретарь Республиканской рабочей группы
ПРИЛОЖЕНИЕ № 3 к постановлению Президента Республики Узбекистан от 25 октября 2022 года № ПП-408
руководителей региональных рабочих групп по реализации программ проектов по развитию инфраструктуры махаллей в 2022-2023 годах
Регионы Руководители рабочих групп Республика Каракалпакстан Б. Абидов — заместитель министра инвестиций и внешней торговли Андижанская область Б. Рахимов — заместитель министра инвестиций и внешней торговли Бухарская область О. Рустамов — заместитель министра инвестиций и внешней торговли Джизакская область Х. Тешабаев — заместитель министра инвестиций и внешней торговли Кашкадарьинская область И. Норкулов — первый заместитель министра экономического развития и сокращения бедности Навоийская область А. Мирсоатов — председатель правления АО «Национальный банк» Наманганская область Ж. Абруев — заместитель министра финансов Самаркандская область О. Исаков — заместитель министра финансов Сурхандарьинская область С. Аннакличев — председатель правления АКБ «Узпромстройбанк» Сырдарьинская область Д. Султанов — заместитель министра финансов Ташкентская область О. Насритдинходжаев — первый заместитель министра финансов Ферганская область М. Убайдуллаев — заместитель министра экономического развития и сокращения бедности — директор Агентства по работе махаллабай и развитию предпринимательства Хорезмская область Н. Холмуродов — первый заместитель министра инвестиций и внешней торговли Город Ташкент Л. Кудратов — первый заместитель министра инвестиций и внешней торговли (по Бектемирскому, Мирзо-Улугбекскому, Чиланзарскому, Шайхантахурскому, Юнусабадскому и Яшнабадскому районам) Ш. Кудбиев — председатель Государственного налогового комитета (по Мирабадскому, Алмазарскому, Сергелийскому, Учтепинскому, Яккасарайскому и Янгихаятскому районам)
Президент Республики Узбекистан Ш. МИРЗИЁЕВ
г. Ташкент,
25 октября 2022 г.,
№ ПП-408