📅 2022-yil 25-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 25 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 октября 2022 г. · Постановления Президента
Официальный текст. Официальный документ. Редакционные примечания не включены.
📅 25 October 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
МИҚДОРИ
Жамоатчилик фикри асосида шакллантириладиган лойиҳаларни молиялаштириш кўламини кенгайтириш чора-тадбирлари тўғрисида
Мамлакатимизда ўтказиб келинаётган ташаббусли бюджетлаштириш жараёнларида фаол иштирок этиб келаётган кенг жамоатчиликни янада рағбатлантириш, ҳудудлардаги долзарб муаммоларни қисқа муддатларда бартараф этиш ҳамда фуқароларнинг ушбу жараёнларда фаоллигини ошириш мақсадида:
1. 2022 йил июль — сентябрь ойлари давомида ўтказилган ташаббусли бюджетлаштириш жараёнларида 1221 та маҳалла фуқаролар йиғини томонидан илгари сурилган қиймати 1 триллион бўлган 1 418 та лойиҳа ғолиб бўлганлиги маълумот учун қабул қилинсин.
Молия вазирлиги ҳамда Иқтисодий тараққиёт ва камбағалликни қисқартириш вазирлигининг 2022 йил июль — сентябрь ойлари давомида ўтказилган ташаббусли бюджетлаштириш жараёнларида ҳар бири 2 мингдан ортиқ овоз тўплаган, лекин ғолиб деб топилмаган 364 та лойиҳани амалга ошириш учун қўшимча равишда 335 миллиард сўм маблағни 1-иловага мувофиқ ажратиш тўғрисидаги таклифи маъқуллансин.
Молия вазирлиги уч кун муддатда 2022 йилдаги самарасиз харажатларни мақбуллаштириш ҳисобига шаклланган маблағларни мазкур қарорга 1-иловага мувофиқ лойиҳаларни амалга ошириш учун маҳаллий бюджетларга белгиланган тартибда йўналтирсин.
2. Қорақалпоғистон Республикаси Вазирлар Кенгаши Раиси, вилоятлар, Тошкент шаҳри, туманлар ва шаҳарлар ҳокимлари:
мазкур қарорнинг 1-бандига мувофиқ қўшимча ажратилаётган маблағларнинг уч кун муддатда Фуқаролар ташаббуси жамғармасига ўтказилишини ҳамда мазкур жамғарма маблағларидан мақсадли фойдаланилишини таъминласин;
Маҳалла ва нуронийларни қўллаб-қувватлаш вазирлиги (Т. Худайбергенов) билан биргаликда икки ҳафта муддатда овоз беришда иштирок этмаган маҳаллаларда ташаббусли бюджетлаштириш жараёнларининг тарғибот ишларини ташкил этиш чораларини кўрсин.
3. Белгилансинки, 2023 молия йилидан бошлаб:
а) « Обод қишлоқ » ва « Обод маҳалла » дастурлари доирасида молиялаштириладиган тадбирлар жамоатчилик фикри асосида «Очиқ бюджет» ахборот портали орқали овоз бериш йўли билан аниқланади.
Бунда, аҳоли томонидан амалга оширилиши таклиф этилаётган тадбирлар ҳар бир маҳалла бўйича битта лойиҳалар пакети шаклида овозга қўйилади;
б) Қорақалпоғистон Республикаси республика бюджети, вилоятларнинг вилоят бюджетлари ва Тошкент шаҳрининг шаҳар бюджетида шаклланган қўшимча маблағларнинг 30 фоизи туман (шаҳар)ларда жамоатчилик фикри асосида шакллантирилган тадбирларни молиялаштириш учун туман (шаҳар)лар Фуқаролар ташаббуси жамғармаларига мавжуд аҳоли сони ва маҳаллалар сонидан келиб чиқиб, тенг улушларда йўналтирилади;
в) ташаббусли бюджетлаштириш жараёнлари учун туман (шаҳар) бюджетларининг 5 фоизи миқдорида, бироқ камида 6 миллиард сўм маблағ режалаштирилади.
4. Шундай тартиб ўрнатилсинки, унга мувофиқ:
туман (шаҳар) бюджетлари маблағлари доирасида жамоатчилик фикри асосида «Очиқ бюджет» ахборот портали орқали тадбирларни шакллантириш ва уларга овоз бериш жараёнининг биринчи мавсуми — ҳар йили февраль-март ойларида, иккинчи мавсуми ҳар йили июнь-июль ойларида;
« Обод қишлоқ » ва « Обод маҳалла » дастурлари доирасида жамоатчилик фикри асосида «Очиқ бюджет» ахборот портали орқали кейинги йил учун тадбирларни шакллантириш ва уларга овоз бериш жараёни — ҳар йили ноябрь-декабрь ойларида ўтказилади.
5. Иқтисодий тараққиёт ва камбағалликни қисқартириш вазирлиги Молия вазирлиги билан биргаликда бир ой муддатда « Обод қишлоқ » ва « Обод маҳалла » дастурларини жамоатчилик фикри асосида ташаббусли бюджетлаштириш жараёнлари орқали амалга оширишнинг янги тартибини тасдиқлаш учун Вазирлар Маҳкамасига киритсин.
Бунда, 2023 йилга мўлжалланган дастурларни ташаббусли бюджетлаштириш жараёнлари орқали шакллантириш, лойиҳалар пакети учун ажратиладиган маблағларнинг чекланган миқдорини 8 миллиард сўм этиб белгилаш, дастурларни молиялаштириш учун ҳар йили Давлат бюджетидан камида 4 триллион сўм, 2023 йил учун истисно тариқасида 2,7 триллион сўм маблағ йўналтириш назарда тутилсин.
6. Молия вазирлиги, туман ва шаҳар ҳокимликлари ҳудудий ички йўлларни таъмирлаш учун туман ва шаҳар бюджетларида 2023 йилда 640 миллиард сўм маблағ режалаштирилишини таъминласин.
7. Соғлиқни сақлаш вазирлиги икки ҳафта муддатда ташаббусли бюджетлаштириш жараёнининг 2022 йил иккинчи мавсуми доирасида тиббиёт муассасаларини тиббиёт ускуналари билан жиҳозлаш юзасидан келиб тушган 190 та лойиҳани ўрганиб чиқиб, ушбу лойиҳалар рўйхатини Вазирлар Маҳкамасига киритсин.
Бунда, ушбу лойиҳалар Соғлиқни сақлаш вазирлиги учун 2023 йилда ажратиладиган маблағлар доирасида амалга оширилиши белгилансин.
8. Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимларининг ёрдамчиларига ташаббусли бюджетлаштириш жараёнига фуқароларни кенг жалб қилиш мақсадида тушунтириш ишларини олиб бориш, лойиҳаларни шакллантиришга кўмаклашиш, уларнинг сифатли ва муддатида амалга оширилишини назорат қилиш вазифаси юклатилсин.
9. 2023 йил 1 январдан бошлаб, туман ва шаҳарлар ҳокимликлари молия бўлимларида ташаббусли бюджетлаштириш жараёнида танланган лойиҳаларни бошқариш бўйича мутахассис лавозими жорий этилсин. Бунда, ушбу штат бирликлари Давлат солиқ қўмитаси ва унинг таркибий тузилмаларидан 200 та штат бирлигини мақбуллаштириш ҳисобига ҳамда қолган қисми Молия вазирлигининг умумий штат бирликлари доирасида ажратилади.
10. Молия вазирлиги:
бир ой муддатда ташаббусли бюджетлаштириш жараёни доирасида битта маҳаллада ғолиб деб топилиши мумкин бўлган лойиҳаларнинг чекланган сони, лойиҳалар ғолиб деб топилиши учун талаб этиладиган энг кам овозлар сони ҳамда амалга оширилаётган лойиҳаларда сифат назоратини амалга ошириш ва уларга шартнома асосида мутахассислар жалб қилиш бўйича Вазирлар Маҳкамасига таклиф киритсин;
ташаббусли бюджетлаштириш жараёнининг ҳудудлардаги ижросини баҳолаб бориш мақсадида туман (шаҳар) фаоллиги рейтингини жорий қилсин ва мазкур рейтинг натижаларини «Очиқ бюджет» ахборот порталида эълон қилиб борсин.
11. Ўзбекистон Миллий ахборот агентлиги ва Ўзбекистон Миллий телерадиокомпаниясига маҳаллий давлат ҳокимияти органлари билан биргаликда ташаббусли бюджетлаштириш жараёни доирасида амалга оширилган ишлар бўйича маълумотларни кенг жамоатчиликка мунтазам равишда етказиш тавсия этилсин.
12. Ўзбекистон Республикаси Президентининг айрим қарорларига 2-иловага мувофиқ ўзгартиришлар киритилсин.
13. Мазкур қарорнинг ижросини самарали ташкил қилишга масъул ва шахсий жавобгар этиб молия вазири Т.А. Ишметов ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 25 октябрдаги ПҚ-409-сон қарорига 1-ИЛОВА
2022 йилнинг июль — сентябрь ойлари давомида ўтказилган ташаббусли бюджет жараёнларида ҳар бири 2 мингдан ортиқ овоз тўплаган, лекин ғолиб деб топилмаган 364 та лойиҳани амалга ошириш учун ажратилаётган маблағлар
Т/р Ҳудуд номи Лойиҳалар сони (бирлик) Маблағ миқдори (млн сўм) Республика бўйича жами 364 334 622 шу жумладан: Қорақалпоғистон Республикаси бўйича жами 2 2 200 1. Амударё тумани 1 1 200 2. Беруний тумани 1 1 000 Андижон вилояти бўйича жами 38 35 701 3. Андижон тумани 8 6 928 4. Асака тумани 3 3 400 5. Избоскан тумани 5 4 830 6. Қўрғонтепа тумани 1 1 100 7. Марҳамат тумани 5 4 765 8. Олтинкўл тумани 2 1 600 9. Пахтаобод тумани 3 1 664 10. Улуғнор тумани 2 1 429 11. Хўжаобод тумани 3 3 185 12. Шаҳрихон тумани 6 6 800 Бухоро вилояти бўйича жами 23 15 106 13. Бухоро тумани 2 1 450 14. Вобкент тумани 2 1 700 15. Ғиждувон тумани 10 5 245 16. Жондор тумани 2 1 791 17. Олот тумани 2 2 400 18. Ромитан тумани 3 1 200 19. Шофиркон тумани 2 1 320 Жиззах вилояти бўйича жами 21 22 535 20. Ғаллаорол тумани 4 4 595 21. Жиззах шаҳри 4 3 840 22. Пахтакор тумани 2 2 000 23. Фориш тумани 2 2 000 24. Шароф Рашидов тумани 8 9 150 25. Янгиобод тумани 1 950 Қашқадарё вилояти бўйича жами 33 36 006 26. Ғузор тумани 2 2 064 27. Деҳқонобод тумани 2 2 400 28. Китоб тумани 3 2 600 29. Косон тумани 3 2 700 30. Кўкдала тумани 1 1 200 31. Қамаши тумани 5 6 000 32. Қарши тумани 4 4 350 33. Чироқчи тумани 3 3 497 34. Шаҳрисабз тумани 4 4 095 35. Яккабоғ тумани 6 7 100 Навоий вилояти бўйича жами 12 9 420 36. Навбаҳор тумани 1 370 37. Навоий шаҳри 4 1 850 38. Хатирчи тумани 7 7 200 Наманган вилояти бўйича жами 38 34 605 39. Давлатобод тумани 2 1 649 40. Косонсой тумани 7 7 800 41. Мингбулоқ тумани 3 3 250 42. Норин тумани 4 3 736 43. Поп тумани 8 6 850 44. Тўрақўрғон тумани 3 1 360 45. Учқўрғон тумани 2 1 950 46. Чортоқ тумани 2 1 640 47. Янги Наманган тумани 2 1 520 48. Янгиқўрғон тумани 5 4 850 Самарқанд вилояти бўйича жами 28 24 107 49. Булунғур тумани 3 2 626 50. Жомбой тумани 1 1 128 51. Иштихон тумани 7 5 787 52. Каттақўрғон тумани 2 1 700 53. Қўшрабод тумани 2 2 100 54. Нарпай тумани 1 1 050 55. Нуробод тумани 4 3 750 56. Пастдарғом тумани 1 266 57. Пайариқ тумани 4 2 500 58. Самарқанд тумани 2 2 300 59. Ургут тумани 1 900 Сурхондарё вилояти бўйича жами 43 41 969 60. Ангор тумани 6 4 419 61. Бандихон тумани 2 1 700 62. Бойсун тумани 1 1 200 63. Денов тумани 8 9 100 64. Қизириқ тумани 1 1 200 65. Қумқўрғон тумани 4 4 050 66. Музрабод тумани 2 1 350 67. Олтинсой тумани 8 8 130 68. Термиз тумани 3 2 020 69. Узун тумани 2 2 400 70. Шеробод тумани 4 4 000 71. Шўрчи тумани 2 2 400 Сирдарё вилояти бўйича жами 4 2 320 72. Боёвут тумани 2 1 350 73. Сардоба тумани 2 970 Тошкент вилояти бўйича жами 32 29 880 74. Бекобод тумани 5 4 846 75. Бўка тумани 3 3 163 76. Зангиота тумани 1 1 150 77. Қибрай тумани 2 2 101 78. Қуйи Чирчиқ тумани 1 1 200 79. Оққўрғон тумани 2 900 80. Оҳангарон тумани 4 3 500 81. Паркент тумани 3 3 370 82. Пискент тумани 1 1 200 83. Тошкент тумани 4 4 800 84. Ўрта Чирчиқ тумани 1 1 200 85. Чирчиқ шаҳри 4 1 900 86. Юқори Чирчиқ тумани 1 550 Фарғона вилояти бўйича жами 63 59 869 87. Бешариқ тумани 9 5 160 88. Бувайда тумани 4 4 340 89. Данғара тумани 4 4 473 90. Қўштепа тумани 7 6 145 91. Қува тумани 5 5 693 92. Қувасой шаҳри 1 1 200 93. Олтиариқ тумани 2 2 400 94. Риштон тумани 5 5 320 95. Тошлоқ тумани 4 3 650 96. Ўзбекистон тумани 9 9 539 97. Учкўприк тумани 5 5 309 98. Фарғона тумани 3 2 160 99. Фурқат тумани 5 4 480 Хоразм вилояти бўйича жами 27 20 905 100. Гурлан тумани 6 4 700 101. Қўшкўпир тумани 3 2 555 102. Урганч тумани 7 5 300 103. Ҳазорасп тумани 4 3 900 104. Хонқа тумани 2 1 750 105. Янгиариқ тумани 5 2 700
Ўзбекистон Республикаси Президентининг 2022 йил 25 октябрдаги ПҚ-409-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2018 йил 26 июндаги «Давлат солиқ хизмати органлари фаолиятини тубдан такомиллаштириш чора-тадбирлари тўғрисида»ги ПҚ-3802-сон қарорининг 9-банди қуйидаги мазмундаги хатбоши билан тўлдирилсин:
«Солиқ-сервис» ДУКга давлат солиқ хизмати органлари олдига қўйилган вазифа ва функцияларни бажариш учун Махсус жамғарма маблағлари ҳисобидан қўшимча ходимларни жалб қилишга рухсат берилсин. Бунда, улар меҳнатга ҳақ тўлаш шартларига кўра давлат солиқ хизмати органлари ходимларига тенглаштирилади».
2. Ўзбекистон Республикаси Президентининг 2020 йил 28 апрелдаги «Рақамли иқтисодиёт ва электрон ҳукуматни кенг жорий этиш чора-тадбирлари тўғрисида»ги ПҚ-4699-сон қарорига 5-илованинг 2.3-позицияси қуйидаги таҳрирда баён этилсин:
« 2.3. Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг «Пенсия» дастурий таъминотини функционал кенгайтириш орқали Пенсия жамғармасини бошқариш ахборот тизимини яратиш. Ахборот тизимини амалиётга жорий этиш 2023 йил декабрь Давлат бюджетидан ажратилган маблағлар доирасида ва бюджетдан ташқари маблағлар » .
3. Ўзбекистон Республикаси Президентининг 2021 йил 13 апрелдаги «Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида»ги ПҚ-5072-сон қарори 3-бандининг иккинчи хатбошиси қуйидаги таҳрирда баён этилсин:
«мазкур қарорнинг 1-бандида белгиланган босқичларни инобатга олган ҳолда туман (шаҳар) бюджетлари тасдиқланган харажатларининг 5 фоизи, бироқ камида 6 миллиард сўм миқдордаги маблағлар жамоатчилик фикри асосида шакллантирилган тадбирларни молиялаштиришга йўналтирилади».
4. Ўзбекистон Республикаси Президентининг 2021 йил 22 сентябрдаги «Очиқ бюджет» ахборот портали орқали жамоатчилик фикри асосида шаклланган тадбирларни молиялаштиришни янада кенгайтириш чора-тадбирлари тўғрисида»ги ПҚ-5250-сон қарорида :
а) 6-банднинг биринчи хатбошисидаги «Маҳалла ва оилани қўллаб-қувватлаш вазирлиги» сўзлари «Маҳалла ва нуронийларни қўллаб-қувватлаш вазирлиги» сўзлари билан алмаштирилсин;
б) қуйидаги мазмундаги 6 1 -банд билан тўлдирилсин:
«6 1 . 2023 йил 1 январга қадар Ахборот технологиялари ва коммуникацияларини ривожлантириш вазирлиги ҳамда Молия вазирлиги Дастурий маҳсулотлар ва ахборот технологиялари технологик парки дирекцияси билан биргаликда илғор компанияларни жалб этган ҳолда «Очиқ бюджет» ахборот порталини янада такомиллаштириш ҳамда уни сифатли ва узлуксиз фаолият юритишини таъминлаш чораларини кўрсин».
5. Ўзбекистон Республикаси Президентининг 2022 йил 14 февралдаги «Ўзбекистон Республикаси Давлат бюджети харажатларининг самарадорлигини янада ошириш ва давлат молиявий назорати органлари фаолиятини такомиллаштириш тўғрисида»ги ПҚ-128-сон қарори 1-иловасининг 19-позицияси «Муддати» устунидаги «2022 йил июнь» сўзлари «2022 йил декабрь» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 25 октябрь,
ПҚ-409-сон
Oʻzbekiston Respublikasi Prezidentining
Qarori
MIQDORI
Jamoatchilik fikri asosida shakllantiriladigan loyihalarni moliyalashtirish koʻlamini kengaytirish chora-tadbirlari toʻgʻrisida
Mamlakatimizda oʻtkazib kelinayotgan tashabbusli budjetlashtirish jarayonlarida faol ishtirok etib kelayotgan keng jamoatchilikni yanada ragʻbatlantirish, hududlardagi dolzarb muammolarni qisqa muddatlarda bartaraf etish hamda fuqarolarning ushbu jarayonlarda faolligini oshirish maqsadida:
1. 2022-yil iyul — sentabr oylari davomida oʻtkazilgan tashabbusli budjetlashtirish jarayonlarida 1221 ta mahalla fuqarolar yigʻini tomonidan ilgari surilgan qiymati 1 trillion boʻlgan 1 418 ta loyiha gʻolib boʻlganligi maʼlumot uchun qabul qilinsin.
Moliya vazirligi hamda Iqtisodiy taraqqiyot va kambagʻallikni qisqartirish vazirligining 2022-yil iyul — sentabr oylari davomida oʻtkazilgan tashabbusli budjetlashtirish jarayonlarida har biri 2 mingdan ortiq ovoz toʻplagan, lekin gʻolib deb topilmagan 364 ta loyihani amalga oshirish uchun qoʻshimcha ravishda 335 milliard soʻm mablagʻni 1-ilovaga muvofiq ajratish toʻgʻrisidagi taklifi maʼqullansin.
Moliya vazirligi uch kun muddatda 2022-yildagi samarasiz xarajatlarni maqbullashtirish hisobiga shakllangan mablagʻlarni mazkur qarorga 1-ilovaga muvofiq loyihalarni amalga oshirish uchun mahalliy budjetlarga belgilangan tartibda yoʻnaltirsin.
2. Qoraqalpogʻiston Respublikasi Vazirlar Kengashi Raisi, viloyatlar, Toshkent shahri, tumanlar va shaharlar hokimlari:
mazkur qarorning 1-bandiga muvofiq qoʻshimcha ajratilayotgan mablagʻlarning uch kun muddatda Fuqarolar tashabbusi jamgʻarmasiga oʻtkazilishini hamda mazkur jamgʻarma mablagʻlaridan maqsadli foydalanilishini taʼminlasin;
Mahalla va nuroniylarni qoʻllab-quvvatlash vazirligi (T. Xudaybergenov) bilan birgalikda ikki hafta muddatda ovoz berishda ishtirok etmagan mahallalarda tashabbusli budjetlashtirish jarayonlarining targʻibot ishlarini tashkil etish choralarini koʻrsin.
3. Belgilansinki, 2023 moliya yilidan boshlab:
a) “ Obod qishloq ” va “ Obod mahalla ” dasturlari doirasida moliyalashtiriladigan tadbirlar jamoatchilik fikri asosida “Ochiq budjet” axborot portali orqali ovoz berish yoʻli bilan aniqlanadi.
Bunda, aholi tomonidan amalga oshirilishi taklif etilayotgan tadbirlar har bir mahalla boʻyicha bitta loyihalar paketi shaklida ovozga qoʻyiladi;
b) Qoraqalpogʻiston Respublikasi respublika budjeti, viloyatlarning viloyat budjetlari va Toshkent shahrining shahar budjetida shakllangan qoʻshimcha mablagʻlarning 30 foizi tuman (shahar)larda jamoatchilik fikri asosida shakllantirilgan tadbirlarni moliyalashtirish uchun tuman (shahar)lar Fuqarolar tashabbusi jamgʻarmalariga mavjud aholi soni va mahallalar sonidan kelib chiqib, teng ulushlarda yoʻnaltiriladi;
v) tashabbusli budjetlashtirish jarayonlari uchun tuman (shahar) budjetlarining 5 foizi miqdorida, biroq kamida 6 milliard soʻm mablagʻ rejalashtiriladi.
4. Shunday tartib oʻrnatilsinki, unga muvofiq:
tuman (shahar) budjetlari mablagʻlari doirasida jamoatchilik fikri asosida “Ochiq budjet” axborot portali orqali tadbirlarni shakllantirish va ularga ovoz berish jarayonining birinchi mavsumi — har yili fevral-mart oylarida, ikkinchi mavsumi har yili iyun-iyul oylarida;
“ Obod qishloq ” va “ Obod mahalla ” dasturlari doirasida jamoatchilik fikri asosida “Ochiq budjet” axborot portali orqali keyingi yil uchun tadbirlarni shakllantirish va ularga ovoz berish jarayoni — har yili noyabr-dekabr oylarida oʻtkaziladi.
5. Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda bir oy muddatda “ Obod qishloq ” va “ Obod mahalla ” dasturlarini jamoatchilik fikri asosida tashabbusli budjetlashtirish jarayonlari orqali amalga oshirishning yangi tartibini tasdiqlash uchun Vazirlar Mahkamasiga kiritsin.
Bunda, 2023-yilga moʻljallangan dasturlarni tashabbusli budjetlashtirish jarayonlari orqali shakllantirish, loyihalar paketi uchun ajratiladigan mablagʻlarning cheklangan miqdorini 8 milliard soʻm etib belgilash, dasturlarni moliyalashtirish uchun har yili Davlat budjetidan kamida 4 trillion soʻm, 2023-yil uchun istisno tariqasida 2,7 trillion soʻm mablagʻ yoʻnaltirish nazarda tutilsin.
6. Moliya vazirligi, tuman va shahar hokimliklari hududiy ichki yoʻllarni taʼmirlash uchun tuman va shahar budjetlarida 2023-yilda 640 milliard soʻm mablagʻ rejalashtirilishini taʼminlasin.
7. Sogʻliqni saqlash vazirligi ikki hafta muddatda tashabbusli budjetlashtirish jarayonining 2022-yil ikkinchi mavsumi doirasida tibbiyot muassasalarini tibbiyot uskunalari bilan jihozlash yuzasidan kelib tushgan 190 ta loyihani oʻrganib chiqib, ushbu loyihalar roʻyxatini Vazirlar Mahkamasiga kiritsin.
Bunda, ushbu loyihalar Sogʻliqni saqlash vazirligi uchun 2023-yilda ajratiladigan mablagʻlar doirasida amalga oshirilishi belgilansin.
8. Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlarining yordamchilariga tashabbusli budjetlashtirish jarayoniga fuqarolarni keng jalb qilish maqsadida tushuntirish ishlarini olib borish, loyihalarni shakllantirishga koʻmaklashish, ularning sifatli va muddatida amalga oshirilishini nazorat qilish vazifasi yuklatilsin.
9. 2023-yil 1-yanvardan boshlab, tuman va shaharlar hokimliklari moliya boʻlimlarida tashabbusli budjetlashtirish jarayonida tanlangan loyihalarni boshqarish boʻyicha mutaxassis lavozimi joriy etilsin. Bunda, ushbu shtat birliklari Davlat soliq qoʻmitasi va uning tarkibiy tuzilmalaridan 200 ta shtat birligini maqbullashtirish hisobiga hamda qolgan qismi Moliya vazirligining umumiy shtat birliklari doirasida ajratiladi.
10. Moliya vazirligi:
bir oy muddatda tashabbusli budjetlashtirish jarayoni doirasida bitta mahallada gʻolib deb topilishi mumkin boʻlgan loyihalarning cheklangan soni, loyihalar gʻolib deb topilishi uchun talab etiladigan eng kam ovozlar soni hamda amalga oshirilayotgan loyihalarda sifat nazoratini amalga oshirish va ularga shartnoma asosida mutaxassislar jalb qilish boʻyicha Vazirlar Mahkamasiga taklif kiritsin;
tashabbusli budjetlashtirish jarayonining hududlardagi ijrosini baholab borish maqsadida tuman (shahar) faolligi reytingini joriy qilsin va mazkur reyting natijalarini “Ochiq budjet” axborot portalida eʼlon qilib borsin.
11. Oʻzbekiston Milliy axborot agentligi va Oʻzbekiston Milliy teleradiokompaniyasiga mahalliy davlat hokimiyati organlari bilan birgalikda tashabbusli budjetlashtirish jarayoni doirasida amalga oshirilgan ishlar boʻyicha maʼlumotlarni keng jamoatchilikka muntazam ravishda yetkazish tavsiya etilsin.
12. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirishlar kiritilsin.
13. Mazkur qarorning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 25-oktabrdagi PQ-409-son qaroriga 1-ILOVA
2022-yilning iyul — sentabr oylari davomida oʻtkazilgan tashabbusli budjet jarayonlarida har biri 2 mingdan ortiq ovoz toʻplagan, lekin gʻolib deb topilmagan 364 ta loyihani amalga oshirish uchun ajratilayotgan mablagʻlar
T/r Hudud nomi Loyihalar soni (birlik) Mablagʻ miqdori (mln soʻm) Respublika boʻyicha jami 364 334 622 shu jumladan: Qoraqalpogʻiston Respublikasi boʻyicha jami 2 2 200 1. Amudaryo tumani 1 1 200 2. Beruniy tumani 1 1 000 Andijon viloyati boʻyicha jami 38 35 701 3. Andijon tumani 8 6 928 4. Asaka tumani 3 3 400 5. Izboskan tumani 5 4 830 6. Qoʻrgʻontepa tumani 1 1 100 7. Marhamat tumani 5 4 765 8. Oltinkoʻl tumani 2 1 600 9. Paxtaobod tumani 3 1 664 10. Ulugʻnor tumani 2 1 429 11. Xoʻjaobod tumani 3 3 185 12. Shahrixon tumani 6 6 800 Buxoro viloyati boʻyicha jami 23 15 106 13. Buxoro tumani 2 1 450 14. Vobkent tumani 2 1 700 15. Gʻijduvon tumani 10 5 245 16. Jondor tumani 2 1 791 17. Olot tumani 2 2 400 18. Romitan tumani 3 1 200 19. Shofirkon tumani 2 1 320 Jizzax viloyati boʻyicha jami 21 22 535 20. Gʻallaorol tumani 4 4 595 21. Jizzax shahri 4 3 840 22. Paxtakor tumani 2 2 000 23. Forish tumani 2 2 000 24. Sharof Rashidov tumani 8 9 150 25. Yangiobod tumani 1 950 Qashqadaryo viloyati boʻyicha jami 33 36 006 26. Gʻuzor tumani 2 2 064 27. Dehqonobod tumani 2 2 400 28. Kitob tumani 3 2 600 29. Koson tumani 3 2 700 30. Koʻkdala tumani 1 1 200 31. Qamashi tumani 5 6 000 32. Qarshi tumani 4 4 350 33. Chiroqchi tumani 3 3 497 34. Shahrisabz tumani 4 4 095 35. Yakkabogʻ tumani 6 7 100 Navoiy viloyati boʻyicha jami 12 9 420 36. Navbahor tumani 1 370 37. Navoiy shahri 4 1 850 38. Xatirchi tumani 7 7 200 Namangan viloyati boʻyicha jami 38 34 605 39. Davlatobod tumani 2 1 649 40. Kosonsoy tumani 7 7 800 41. Mingbuloq tumani 3 3 250 42. Norin tumani 4 3 736 43. Pop tumani 8 6 850 44. Toʻraqoʻrgʻon tumani 3 1 360 45. Uchqoʻrgʻon tumani 2 1 950 46. Chortoq tumani 2 1 640 47. Yangi Namangan tumani 2 1 520 48. Yangiqoʻrgʻon tumani 5 4 850 Samarqand viloyati boʻyicha jami 28 24 107 49. Bulungʻur tumani 3 2 626 50. Jomboy tumani 1 1 128 51. Ishtixon tumani 7 5 787 52. Kattaqoʻrgʻon tumani 2 1 700 53. Qoʻshrabod tumani 2 2 100 54. Narpay tumani 1 1 050 55. Nurobod tumani 4 3 750 56. Pastdargʻom tumani 1 266 57. Payariq tumani 4 2 500 58. Samarqand tumani 2 2 300 59. Urgut tumani 1 900 Surxondaryo viloyati boʻyicha jami 43 41 969 60. Angor tumani 6 4 419 61. Bandixon tumani 2 1 700 62. Boysun tumani 1 1 200 63. Denov tumani 8 9 100 64. Qiziriq tumani 1 1 200 65. Qumqoʻrgʻon tumani 4 4 050 66. Muzrabod tumani 2 1 350 67. Oltinsoy tumani 8 8 130 68. Termiz tumani 3 2 020 69. Uzun tumani 2 2 400 70. Sherobod tumani 4 4 000 71. Shoʻrchi tumani 2 2 400 Sirdaryo viloyati boʻyicha jami 4 2 320 72. Boyovut tumani 2 1 350 73. Sardoba tumani 2 970 Toshkent viloyati boʻyicha jami 32 29 880 74. Bekobod tumani 5 4 846 75. Boʻka tumani 3 3 163 76. Zangiota tumani 1 1 150 77. Qibray tumani 2 2 101 78. Quyi Chirchiq tumani 1 1 200 79. Oqqoʻrgʻon tumani 2 900 80. Ohangaron tumani 4 3 500 81. Parkent tumani 3 3 370 82. Piskent tumani 1 1 200 83. Toshkent tumani 4 4 800 84. Oʻrta Chirchiq tumani 1 1 200 85. Chirchiq shahri 4 1 900 86. Yuqori Chirchiq tumani 1 550 Fargʻona viloyati boʻyicha jami 63 59 869 87. Beshariq tumani 9 5 160 88. Buvayda tumani 4 4 340 89. Dangʻara tumani 4 4 473 90. Qoʻshtepa tumani 7 6 145 91. Quva tumani 5 5 693 92. Quvasoy shahri 1 1 200 93. Oltiariq tumani 2 2 400 94. Rishton tumani 5 5 320 95. Toshloq tumani 4 3 650 96. Oʻzbekiston tumani 9 9 539 97. Uchkoʻprik tumani 5 5 309 98. Fargʻona tumani 3 2 160 99. Furqat tumani 5 4 480 Xorazm viloyati boʻyicha jami 27 20 905 100. Gurlan tumani 6 4 700 101. Qoʻshkoʻpir tumani 3 2 555 102. Urganch tumani 7 5 300 103. Hazorasp tumani 4 3 900 104. Xonqa tumani 2 1 750 105. Yangiariq tumani 5 2 700
Oʻzbekiston Respublikasi Prezidentining 2022-yil 25-oktabrdagi PQ-409-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2018-yil 26-iyundagi “Davlat soliq xizmati organlari faoliyatini tubdan takomillashtirish chora-tadbirlari toʻgʻrisida”gi PQ-3802-son qarorining 9-bandi quyidagi mazmundagi xatboshi bilan toʻldirilsin:
“Soliq-servis” DUKga davlat soliq xizmati organlari oldiga qoʻyilgan vazifa va funksiyalarni bajarish uchun Maxsus jamgʻarma mablagʻlari hisobidan qoʻshimcha xodimlarni jalb qilishga ruxsat berilsin. Bunda, ular mehnatga haq toʻlash shartlariga koʻra davlat soliq xizmati organlari xodimlariga tenglashtiriladi”.
2. Oʻzbekiston Respublikasi Prezidentining 2020-yil 28-apreldagi “Raqamli iqtisodiyot va elektron hukumatni keng joriy etish chora-tadbirlari toʻgʻrisida”gi PQ-4699-son qaroriga 5-ilovaning 2.3-pozitsiyasi quyidagi tahrirda bayon etilsin:
“ 2.3. Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining “Pensiya” dasturiy taʼminotini funksional kengaytirish orqali Pensiya jamgʻarmasini boshqarish axborot tizimini yaratish. Axborot tizimini amaliyotga joriy etish 2023-yil dekabr Davlat budjetidan ajratilgan mablagʻlar doirasida va budjetdan tashqari mablagʻlar ” .
3. Oʻzbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini taʼminlash boʻyicha qoʻshimcha chora-tadbirlar toʻgʻrisida”gi PQ-5072-son qarori 3-bandining ikkinchi xatboshisi quyidagi tahrirda bayon etilsin:
“mazkur qarorning 1-bandida belgilangan bosqichlarni inobatga olgan holda tuman (shahar) budjetlari tasdiqlangan xarajatlarining 5 foizi, biroq kamida 6 milliard soʻm miqdordagi mablagʻlar jamoatchilik fikri asosida shakllantirilgan tadbirlarni moliyalashtirishga yoʻnaltiriladi”.
4. Oʻzbekiston Respublikasi Prezidentining 2021-yil 22-sentabrdagi “Ochiq budjet” axborot portali orqali jamoatchilik fikri asosida shakllangan tadbirlarni moliyalashtirishni yanada kengaytirish chora-tadbirlari toʻgʻrisida”gi PQ-5250-son qarorida :
a) 6-bandning birinchi xatboshisidagi “Mahalla va oilani qoʻllab-quvvatlash vazirligi” soʻzlari “Mahalla va nuroniylarni qoʻllab-quvvatlash vazirligi” soʻzlari bilan almashtirilsin;
b) quyidagi mazmundagi 6 1 -band bilan toʻldirilsin:
“6 1 . 2023-yil 1-yanvarga qadar Axborot texnologiyalari va kommunikatsiyalarini rivojlantirish vazirligi hamda Moliya vazirligi Dasturiy mahsulotlar va axborot texnologiyalari texnologik parki direksiyasi bilan birgalikda ilgʻor kompaniyalarni jalb etgan holda “Ochiq budjet” axborot portalini yanada takomillashtirish hamda uni sifatli va uzluksiz faoliyat yuritishini taʼminlash choralarini koʻrsin”.
5. Oʻzbekiston Respublikasi Prezidentining 2022-yil 14-fevraldagi “Oʻzbekiston Respublikasi Davlat budjeti xarajatlarining samaradorligini yanada oshirish va davlat moliyaviy nazorati organlari faoliyatini takomillashtirish toʻgʻrisida”gi PQ-128-son qarori 1-ilovasining 19-pozitsiyasi “Muddati” ustunidagi “2022-yil iyun” soʻzlari “2022-yil dekabr” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-oktabr,
PQ-409-son
Президента Республики Узбекистан
Постановление
Размеры
О мерах по расширению масштаба финансирования проектов, формируемых на основе общественного мнения
В целях дальнейшего стимулирования представителей широкой общественности, принимающих активное участие в проводимых в стране процессах инициативного бюджетирования, решения актуальных проблем в регионах в кратчайшие сроки, а также повышения активности граждан в данных процессах:
1. Принять к сведению, что в процессах инициативного бюджетирования, проведенных в июле — сентябре 2022 года, победителями признаны 1 418 проектов, инициированных 1 221 сходом граждан махалли стоимостью 1 триллион сумов.
Одобрить предложение Министерства финансов и Министерства экономического развития и сокращения бедности о выделении согласно приложению № 1 дополнительно 335 миллиардов сумов на реализацию 364 проектов, каждый из которых в процессах инициативного бюджетирования, проведенных в июле — сентябре 2022 года, набрал более 2 тысяч голосов, но не был признан победителем.
Министерству финансов в трехдневный срок направить местным бюджетам в установленном порядке средства, сформированные за счет оптимизации неэффективных расходов в 2022 году, для реализации проектов в соответствии с приложением № 1 к настоящему постановлению.
2. Председателю Совета Министров Республики Каракалпакстан, хокимам областей, города Ташкента, районов и городов:
в трехдневный срок обеспечить перечисление Фонду гражданских инициатив средств, дополнительно выделяемых в соответствии с пунктом 1 настоящего постановления, а также целевое использование средств этого Фонда;
в двухнедельный срок совместно с Министерством по поддержке махалли и старшего поколения (Т. Худайбергенов) принять меры для организации работы по пропаганде процессов инициативного бюджетирования в махаллях, не принявших участие в голосовании.
3. Установить, что начиная с 2023 финансового года:
а) мероприятия, финансируемые в рамках программ « Обод кишлок » и « Обод махалла », определяются на основе общественного мнения путем голосования на информационном портале «Открытый бюджет».
При этом мероприятия, предлагаемые населением к реализации, выносятся на голосование отдельно по каждой махалле в форме одного пакета проектов;
б) 30 процентов дополнительных средств, сформированных в республиканском бюджете Республики Каракалпакстан, областных бюджетах областей и городском бюджете города Ташкента, перечисляются фондам гражданских инициатив районов (городов) в равной доле исходя из численности населения и количества махаллей на цели финансирования мероприятий в районах (городах), формируемых на основе общественного мнения;
в) для процессов инициативного бюджетирования планируется 5 процентов бюджетов районов (городов), но в размере не менее 6 миллиардов сумов.
4. Установить порядок, в соответствии с которым:
первый сезон процесса формирования мероприятий в рамках средств бюджетов районов (городов) и голосования за них на основе общественного мнения посредством информационного портала «Открытый бюджет» проводится ежегодно в феврале-марте, второй сезон-ежегодно в июне-июле;
процесс формирования мероприятий на последующий год в рамках программ « Обод кишлок » и « Обод махалла » и голосования за них на основе общественного мнения посредством информационного портала «Открытый бюджет» проводится ежегодно в ноябре-декабре.
5. Министерству экономического развития и сокращения бедности совместно с Министерством финансов в месячный срок внести на утверждение в Кабинет Министров новый порядок реализации программ « Обод кишлок » и « Обод махалла » на основе общественного мнения посредством процессов инициативного бюджетирования.
При этом предусмотреть формирование программ на 2023 год посредством процессов инициативного бюджетирования, установление на уровне 8 миллиардов сумов предельного размера средств, выделяемых на пакеты проектов, а также ежегодное направление из Государственного бюджета средств в размере не менее 4 триллионов сумов, в порядке исключения на 2023 год — 2,7 триллионов сумов на финансирование указанных программ.
6. Министерству финансов, хокимиятам районов и городов обеспечить планирование средств в 640 миллиардов сумов на ремонт территориальных внутренних дорог в бюджетах районов и городов на 2023 год.
7. Министерству здравоохранения в двухнедельный срок изучить и внести в Кабинет Министров перечень 190 проектов оснащения медицинских учреждений медицинским оборудованием, поступивших в рамках второго сезона процесса инициативного бюджетирования в 2022 году.
При этом определить реализацию этих проектов в рамках средств, выделяемых Министерству здравоохранения на 2023 год.
8. Возложить на помощников хокимов районов (городов) по вопросам развития предпринимательства, обеспечения занятости населения и сокращения бедности в махалле задачи проведения разъяснительной работы, оказания содействия в формировании проектов, осуществления контроля за их качественной и своевременной реализацией в целях широкого привлечения граждан к процессу инициативного бюджетирования.
9. Ввести с 1 января 2023 года в финансовых отделах хокимиятов районов и городов должность специалиста по управлению проектами, отобранными в процессе инициативного бюджетирования. При этом данные штатные единицы выделяются за счет оптимизации 200 штатных единиц в Государственном налоговом комитете и его структурных подразделениях, оставшаяся часть — в рамках общей штатной численности Министерства финансов.
10. Министерству финансов:
в месячный срок внести в Кабинет Министров предложения по предельному количеству проектов в одной махалле, которые могут быть признаны победителями в рамках процесса инициативного бюджетирования, минимальному количеству голосов, необходимому для признания проекта победителем, осуществлению контроля за качеством реализуемых проектов, привлечению к ним специалистов на договорной основе;
внедрить рейтинг активности районов (городов) и регулярно публиковать его результаты на информационном портале «Открытый бюджет» в целях оценки исполнения процесса инициативного бюджетирования в регионах.
11. Рекомендовать Национальному информационному агентству Узбекистана и Национальной телерадиокомпании Узбекистана совместно с органами государственной власти на местах регулярно доводить до сведения широкой общественности информацию о проделанной работе в рамках процесса инициативного бюджетирования.
12. Внести изменения в некоторые постановления Президента Республики Узбекистан согласно приложению № 2 .
13. Возложить на министра финансов Т.А. Ишметова, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 25 октября 2022 года № ПП-409
средств, выделяемых на реализацию 364 проектов, каждый из которых набрал более 2 тысяч голосов в процессах инициативного бюджетирования, проведенных в июле–сентябре 2022 года, но не был признан победителем
№ Наименование регионов Количество проектов (ед.) Сумма средств (млн сумов) Всего по республике 364 334 622 в том числе: Всего по Республике Каракалпакстан 2 2 200 1. Амударьинский район 1 1 200 2. Берунийский район 1 1 000 Всего по Андижанской области 38 35 701 3. Андижанский район 8 6 928 4. Асакинский район 3 3 400 5. Избосканский район 5 4 830 6. Кургантепинский район 1 1 100 7. Мархаматский район 5 4 765 8. Алтынкульский район 2 1 600 9. Пахтаабадский район 3 1 664 10. Улугнорский район 2 1 429 11. Ходжаабадский район 3 3 185 12. Шахриханский район 6 6 800 Всего по Бухарской области 23 15 106 13. Бухарский район 2 1 450 14. Вабкентский район 2 1 700 15. Гиждуванский район 10 5 245 16. Джандарский район 2 1 791 17. Алатский район 2 2 400 18. Ромитанский район 3 1 200 19. Шафирканский район 2 1 320 Всего по Джизакской области 21 22 535 20. Галляаральский район 4 4 595 21. город Джизак 4 3 840 22. Пахтакорский район 2 2 000 23. Фаришский район 2 2 000 24. Шараф-Рашидовский район 8 9 150 25. Янгиабадский район 1 950 Всего по Кашкадарьинской области 33 36 006 26. Гузарский район 2 2 064 27. Дехканабадский район 2 2 400 28. Китабский район 3 2 600 29. Касанский район 3 2 700 30. Кукдалинский район 1 1 200 31. Камашинский район 5 6 000 32. Каршинский район 4 4 350 33. Чиракчинский район 3 3 497 34. Шахрисабзский район 4 4 095 35. Яккабагский район 6 7 100 Всего по Навоийской области 12 9 420 36. Навбахарский район 1 370 37. город Навои 4 1 850 38. Хатырчинский район 7 7 200 Всего по Наманганской области 38 34 605 39. Давлатабадский район 2 1 649 40. Касансайский район 7 7 800 41. Мингбулакский район 3 3 250 42. Нарынский район 4 3 736 43. Папский район 8 6 850 44. Туракурганский район 3 1 360 45. Учкурганский район 2 1 950 46. Чартакский район 2 1 640 47. Наманганский район 2 1 520 48. Янгикурганский район 5 4 850 Всего по Самаркандской области 28 24 107 49. Булунгурский район 3 2 626 50. Джамбайский район 1 1 128 51. Иштыханский район 7 5 787 52. Каттакурганский район 2 1 700 53. Кошрабадский район 2 2 100 54. Нарпайский район 1 1 050 55. Нурабадский район 4 3 750 56. Пастдаргомский район 1 266 57. Пайарыкский район 4 2 500 58. Самаркандский район 2 2 300 59. Ургутский район 1 900 Всего по Сурхандарьинской области 43 41 969 60. Ангорский район 6 4 419 61. Бандыханский район 2 1 700 62. Байсунский район 1 1 200 63. Денауский район 8 9 100 64. Кызырыкский район 1 1 200 65. Кумкурганский район 4 4 050 66. Музрабадский район 2 1 350 67. Алтынсайский район 8 8 130 68. Термезский район 3 2 020 69. Узунский район 2 2 400 70. Шерабадский район 4 4 000 71. Шурчинский район 2 2 400 Всего по Сырдарьинской области 4 2 320 72. Баяутский район 2 1 350 73. Сардобинский район 2 970 Всего по Ташкентской области 32 29 880 74. Бекабадский район 5 4 846 75. Букинский район 3 3 163 76. Зангиатинский район 1 1 150 77. Кибрайский район 2 2 101 78. Куйичирчикский район 1 1 200 79. Аккурганский район 2 900 80. Ахангаранский район 4 3 500 81. Паркентский район 3 3 370 82. Пскентский район 1 1 200 83. Ташкентский район 4 4 800 84. Уртачирчикский район 1 1 200 85. город Чирчик 4 1 900 86. Юкоричирчикский район 1 550 Всего по Ферганской области 63 59 869 87. Бешарыкский район 9 5 160 88. Бувайдинский район 4 4 340 89. Дангаринский район 4 4 473 90. Куштепинский район 7 6 145 91. Кувинский район 5 5 693 92. город Кувасай 1 1 200 93. Алтыарыкский район 2 2 400 94. Риштанский район 5 5 320 95. Ташлакский район 4 3 650 96. Узбекистанский район 9 9 539 97. Учкуприкский район 5 5 309 98. Ферганский район 3 2 160 99. Фуркатский район 5 4 480 Всего по Хорезмской области 27 20 905 100. Гурленский район 6 4 700 101. Кошкупырский район 3 2 555 102. Ургенчский район 7 5 300 103. Хазараспский район 4 3 900 104. Ханкинский район 2 1 750 105. Янгиарыкский район 5 2 700
ПРИЛОЖЕНИЕ № 2 к постановлению Президента Республики Узбекистан от 25 октября 2022 года № ПП-409
Изменения, вносимые в некоторые постановления Президента Республики Узбекистан
1. Пункт 9 постановления Президента Республики Узбекистан от 26 июня 2018 года № ПП-3802 «О мерах по коренному совершенствованию деятельности органов государственной налоговой службы» дополнить абзацем следующего содержания:
«Разрешить ГУП «Солик-сервис» привлекать дополнительных работников за счет средств Специального фонда для выполнения задач и функций, поставленных перед органами государственной налоговой службы. При этом, они по условиям оплаты труда приравниваются к сотрудникам органов государственной налоговой службы».
2. В тексте на государственном языке позицию 2.3 приложения № 5 к постановлению Президента Республики Узбекистан от 28 апреля 2020 года № ПП-4699 «О мерах по широкому внедрению цифровой экономики и электронного правительства» изложить в следующей редакции:
« 2.3. Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг «Пенсия» дастурий таъминотини функционал кенгайтириш орқали Пенсия жамғармасини бошқариш ахборот тизимини яратиш. Ахборот тизимини амалиётга жорий этиш 2023 йил декабрь Давлат бюджетидан ажратилган маблағлар доирасида ва бюджетдан ташқари маблағлар ».
3. Абзац второй пункта 3 постановления Президента Республики Узбекистан от 13 апреля 2021 года № ПП-5072 «О дополнительных мерах по обеспечению активного участия граждан в бюджетном процессе» изложить в следующей редакции:
«средства, равные 5 процентам утвержденных расходов бюджетов районов (городов), но в размере не менее 6 миллиардов сумов, направляются на финансирование мероприятий, сформированных на основе общественного мнения, с учетом этапов, определенных в пункте 1 настоящего постановления».
4. В постановлении Президента Республики Узбекистан от 22 сентября 2021 года № ПП-5250 «О мерах по дальнейшему расширению финансирования мероприятий, сформированных на основе общественного мнения посредством информационного портала «Открытый бюджет»:
а) в абзаце первом пункта 6 слова «Министерству по поддержке махалли и семьи» заменить словами «Министерству по поддержке махалли и старшего поколения»;
б) дополнить пунктом 6 1 следующего содержания:
«6 1 . В срок до 1 января 2023 года Министерству по развитию информационных технологий и коммуникаций и Министерству финансов совместно с Технологическим парком программных продуктов и информационных технологий принять меры по дальнейшему совершенствованию информационного портала «Открытый бюджет» и обеспечению его качественной и непрерывной деятельности с привлечением передовых компаний».
5. В тексте на государственном языке в графе «Муддати» позиции 19 приложения № 1 к постановлению Президента Республики Узбекистан от 14 февраля 2022 года № ПП-128 «О дальнейшем повышении эффективности расходов Государственного бюджета Республики Узбекистан и совершенствовании деятельности органов государственного финансового контроля» слова «2022 йил июнь» заменить словами «2022 йил декабрь».
Президент Республики Узбекистан Ш. МИРЗИЁЕВ
г. Ташкент,
25 октября 2022 г.,
№ ПП-409