📅 2022-yil 26-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 26 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 октября 2022 г. · Постановления Президента
Официальный текст. Официальный документ. Редакционные примечания не включены.
📅 26 October 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республикада маҳаллий авиақатновларни ривожлантиришга оид қўшимча чора-тадбирлар тўғрисида
Ўзбекистон Республикасида ички туризм ва минтақавий авиаташувларни ривожлантириш учун қулай шарт-шароитлар яратиш, аҳолининг авиақатновларга бўлган талабини қондириш ҳамда фуқаро авиацияси соҳасида рақобат муҳитини ривожлантириш мақсадида:
1. Транспорт вазирлиги аҳоли ва хорижий сайёҳларнинг талаб ҳамда эҳтиёжларидан келиб чиққан ҳолда:
ҳудудларни бир-бири билан ўзаро боғлаш мақсадида 2023 йил март ойидан бошлаб Самарқанд — Нукус, Самарқанд — Мўйноқ, Самарқанд — Термиз, Бухоро — Термиз, Наманган — Термиз ва Наманган — Нукус каби янги йўналишларда мунтазам авиақатновларни бошлаш;
Қашқадарё, Сурхондарё ва Жиззах вилоятларининг туризм салоҳиятини янада ошириш мақсадида Шаҳрисабз ва Сариосиё аэропортларига авиақатновларни тиклаш, шунингдек, Зомин аэропортига авиақатновларни йўлга қўйиш;
авиақатновлар жадвалини йўловчилар учун қулай бўлган темир йўл, автобус ва микроавтобус йўналишлари билан интеграциялаш орқали ягона логистика тизимини яратиш чораларини кўрсин.
2. Республикада ички туризмни ривожлантириш, йўловчиларга арзон нархларда авиаташув хизматларини кўрсатиш ва авиакомпаниялар фаолиятини қўллаб-қувватлаш мақсадида Ўзбекистон Республикасининг резидент авиакомпанияларига ички туризм йўналишларидаги авиақатновлар учун авиа чипта нархининг 25 фоизи миқдорида Ўзбекистон Республикаси республика бюджетидан субсидия ажратиш муддати 2026 йил 1 январга қадар узайтирилсин.
Транспорт вазирлиги Молия вазирлиги билан биргаликда икки ой муддатда мазкур банд қоидаларини амалга оширишни назарда тутувчи Ҳукумат қарори лойиҳасини Вазирлар Маҳкамасига киритсин.
3. Қуйидагилар:
а) аҳолига арзон нархларда маҳаллий ва халқаро авиаташув хизматларини кўрсатиш мақсадида «Uzbekistan Airports» АЖ таркибида кам бюджетли (low-cost) «SILK AVIA» МЧЖ авиакомпанияси (кейинги ўринларда — авиакомпания) ташкил этилганлиги;
б) хорижий экспертларни жалб этган ҳолда авиакомпания фаолиятини самарали ташкил этиш ва ривожлантириш стратегияси (кейинги ўринларда — Стратегия) ишлаб чиқилганлиги;
в) авиакомпания учун техник ва иқтисодий жиҳатдан маҳаллий йўналишларда энг қулай кўрсаткичларга эга бўлган 3 та «АТR72-600» русумли ҳаво кемаларини харид қилиш бўйича депозит тўловлари амалга оширилиб, улар техник кўрикдан ўтказилганлиги;
г) Стратегия доирасида белгиланган тадбирларни амалга ошириш мақсадида дастлабки харажатларни молиялаштириш, шу жумладан айланма маблағларни тўлдириш ва асосий воситаларни харид қилиш учун «Ўзмиллийбанк» АЖ томонидан «Uzbekistan Аirports» АЖга 2 йил муддатга 6 ойлик имтиёзли давр билан 50,0 млн АҚШ доллари миқдорида кредит ажратилиши бўйича келишувга эришилганлиги;
д) Стратегияга мувофиқ авиакомпания томонидан маҳаллий йўналишлар бўйича:
жорий йилда 10 та йўналишда ҳафтасига 28 та авиақатновларни амалга ошириш орқали 2 минг йўловчига;
2023 йилда 48 та йўналишда ҳафтасига 134 та авиақатновларни йўлга қўйиш натижасида 9 минг йўловчига;
2024 йилда 54 та йўналишда ҳафтасига 216 та авиақатновларни ташкил этиш орқали 14 минг йўловчига хизмат кўрсатиш режалаштирилганлиги;
е) авиакомпания ҳаво кемаларини дастлабки жойлаштириш манзили этиб Ислом Каримов номидаги «Тошкент» халқаро аэропорти ҳудуди белгиланганлиги маълумот учун қабул қилинсин.
4. Транспорт вазирлиги, Молия вазирлиги ва «Uzbekistan Аirports» АЖнинг Стратегияни амалга ошириш доирасида 2022 йилда 3 та «АТR72-600» русумли ҳаво кемаларини харид қилиш ҳамда 2024 йил якунига қадар яна 9 та «АТR» русумли ҳаво кемаларини олиб келиш (харид қилиш ва лизинг асосида) тўғрисидаги таклифига розилик берилсин.
5. «Ўзмиллийбанк» АЖ томонидан «Uzbekistan Аirways» АЖга 50,0 млн АҚШ доллари миқдорида ажратиладиган кредит бўйича:
«Uzbekistan Аirways» АЖнинг 3 та «АТR72-600» русумли ҳаво кемалари учун ажратилган кредит қийматининг 125 фоизи миқдоридаги мулки ҳамда харид қилинаётган ҳаво кемалари гаров таъминоти сифатида тақдим этилади;
асосий қарз, фоизлар, комиссия ва бошқа тўловлар билан боғлиқ харажатлар «Ўзмиллийбанк» АЖ билан имзоланган кредит шартномасида кўрсатилган миқдордан келиб чиққан ҳолда, «SILK AVIA» МЧЖ ҳамда «Uzbekistan Аirways» АЖ ҳисобидан қопланади.
6. Давлат буюртмачиси ҳисобланган авиация корхоналари ва уларнинг таркибидаги корхоналарга харид қилиш тартиб-таомилларини электрон шаклда ўтказмасдан, энг яхши таклифларни танлаш орқали:
ҳаво кемаларини харид қилиш, ижара ёки лизинг асосида олиш жараёнларини ҳуқуқий жиҳатдан таъминлаш учун — халқаро юридик компаниялар билан;
ҳаво кемалари учувчиларини ўқитиш учун — ўқув-машқ марказлари билан;
ҳаво кемалари сотувчи, ижара ва лизинг асосида етказиб берувчи, техник хизмат кўрсатувчи, эҳтиёт қисмлари билан таъминловчи, ташувчи, таъмирловчи, техник ҳужжат ишлаб чиқувчи ҳамда халқаро аудит, консалтинг ва маслаҳатчи компаниялар билан тўғридан-тўғри шартномалар тузишга рухсат берилсин.
7. Транспорт вазирлиги «Uzbekistan Airways» АЖ билан биргаликда 2023 йил якунига қадар:
«Uzbekistan Airways Technics» МЧЖ негизида «ATR» русумли ҳаво кемаларига техник хизмат кўрсатишни (шу жумладан «C-сheсk») ташкил этиш ҳамда зарур инфратузилма яратишни;
«ATR» русумли ҳаво кемаси учувчилари, борткузатувчилари, муҳандис-техник ходимлари ва диспетчерларини ўқитиш учун «Uzbekistan Airways» АЖнинг ўқув-машқ марказида ўқув курсларини ташкил этишни таъминласин.
9. Бандлик ва меҳнат муносабатлари вазирлиги авиакомпаниянинг аризаларига биноан республикага жалб этиладиган хорижий мутахассисларга (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
10. Ташқи ишлар вазирлиги Транспорт вазирлигининг виза талабномаларига биноан мазкур қарорни амалга ошириш доирасида жалб қилинадиган хорижий мутахассислар учун кириш визалари консуллик йиғимлари ва ҳақиқий харажатларнинг ўрнини қоплаш ҳисобидан йиғимлар ундирилмасдан, зарур ҳолларда, Ислом Каримов номидаги «Тошкент» халқаро аэропортида ўрнатилган тартибда расмийлаштирилишини таъминласин.
11. Мазкур қарорнинг ижросини самарали ташкил қилишга масъул ва шахсий жавобгар этиб транспорт вазири И.Р. Махкамов белгилансин.
Қарорнинг ўз вақтида ва самарали ижро этилишини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 26 октябрь,
ПҚ-412-сон
Oʻzbekiston Respublikasi Prezidentining
Qarori
Respublikada mahalliy aviaqatnovlarni rivojlantirishga oid qoʻshimcha chora-tadbirlar toʻgʻrisida
Oʻzbekiston Respublikasida ichki turizm va mintaqaviy aviatashuvlarni rivojlantirish uchun qulay shart-sharoitlar yaratish, aholining aviaqatnovlarga boʻlgan talabini qondirish hamda fuqaro aviatsiyasi sohasida raqobat muhitini rivojlantirish maqsadida:
1. Transport vazirligi aholi va xorijiy sayyohlarning talab hamda ehtiyojlaridan kelib chiqqan holda:
hududlarni bir-biri bilan oʻzaro bogʻlash maqsadida 2023-yil mart oyidan boshlab Samarqand — Nukus, Samarqand — Moʻynoq, Samarqand — Termiz, Buxoro — Termiz, Namangan — Termiz va Namangan — Nukus kabi yangi yoʻnalishlarda muntazam aviaqatnovlarni boshlash;
Qashqadaryo, Surxondaryo va Jizzax viloyatlarining turizm salohiyatini yanada oshirish maqsadida Shahrisabz va Sariosiyo aeroportlariga aviaqatnovlarni tiklash, shuningdek, Zomin aeroportiga aviaqatnovlarni yoʻlga qoʻyish;
aviaqatnovlar jadvalini yoʻlovchilar uchun qulay boʻlgan temir yoʻl, avtobus va mikroavtobus yoʻnalishlari bilan integratsiyalash orqali yagona logistika tizimini yaratish choralarini koʻrsin.
2. Respublikada ichki turizmni rivojlantirish, yoʻlovchilarga arzon narxlarda aviatashuv xizmatlarini koʻrsatish va aviakompaniyalar faoliyatini qoʻllab-quvvatlash maqsadida Oʻzbekiston Respublikasining rezident aviakompaniyalariga ichki turizm yoʻnalishlaridagi aviaqatnovlar uchun avia chipta narxining 25 foizi miqdorida Oʻzbekiston Respublikasi respublika budjetidan subsidiya ajratish muddati 2026-yil 1-yanvarga qadar uzaytirilsin.
Transport vazirligi Moliya vazirligi bilan birgalikda ikki oy muddatda mazkur band qoidalarini amalga oshirishni nazarda tutuvchi Hukumat qarori loyihasini Vazirlar Mahkamasiga kiritsin.
3. Quyidagilar:
a) aholiga arzon narxlarda mahalliy va xalqaro aviatashuv xizmatlarini koʻrsatish maqsadida “Uzbekistan Airports” AJ tarkibida kam budjetli (low-cost) “SILK AVIA” MCHJ aviakompaniyasi (keyingi oʻrinlarda — aviakompaniya) tashkil etilganligi;
b) xorijiy ekspertlarni jalb etgan holda aviakompaniya faoliyatini samarali tashkil etish va rivojlantirish strategiyasi (keyingi oʻrinlarda — Strategiya) ishlab chiqilganligi;
v) aviakompaniya uchun texnik va iqtisodiy jihatdan mahalliy yoʻnalishlarda eng qulay koʻrsatkichlarga ega boʻlgan 3 ta “ATR72-600” rusumli havo kemalarini xarid qilish boʻyicha depozit toʻlovlari amalga oshirilib, ular texnik koʻrikdan oʻtkazilganligi;
g) Strategiya doirasida belgilangan tadbirlarni amalga oshirish maqsadida dastlabki xarajatlarni moliyalashtirish, shu jumladan aylanma mablagʻlarni toʻldirish va asosiy vositalarni xarid qilish uchun “Oʻzmilliybank” AJ tomonidan “Uzbekistan Airports” AJga 2 yil muddatga 6 oylik imtiyozli davr bilan 50,0 mln AQSH dollari miqdorida kredit ajratilishi boʻyicha kelishuvga erishilganligi;
d) Strategiyaga muvofiq aviakompaniya tomonidan mahalliy yoʻnalishlar boʻyicha:
joriy yilda 10 ta yoʻnalishda haftasiga 28 ta aviaqatnovlarni amalga oshirish orqali 2 ming yoʻlovchiga;
2023-yilda 48 ta yoʻnalishda haftasiga 134 ta aviaqatnovlarni yoʻlga qoʻyish natijasida 9 ming yoʻlovchiga;
2024-yilda 54 ta yoʻnalishda haftasiga 216 ta aviaqatnovlarni tashkil etish orqali 14 ming yoʻlovchiga xizmat koʻrsatish rejalashtirilganligi;
e) aviakompaniya havo kemalarini dastlabki joylashtirish manzili etib Islom Karimov nomidagi “Toshkent” xalqaro aeroporti hududi belgilanganligi maʼlumot uchun qabul qilinsin.
4. Transport vazirligi, Moliya vazirligi va “Uzbekistan Airports” AJning Strategiyani amalga oshirish doirasida 2022-yilda 3 ta “ATR72-600” rusumli havo kemalarini xarid qilish hamda 2024-yil yakuniga qadar yana 9 ta “ATR” rusumli havo kemalarini olib kelish (xarid qilish va lizing asosida) toʻgʻrisidagi taklifiga rozilik berilsin.
5. “Oʻzmilliybank” AJ tomonidan “Uzbekistan Airways” AJga 50,0 mln AQSH dollari miqdorida ajratiladigan kredit boʻyicha:
“Uzbekistan Airways” AJning 3 ta “ATR72-600” rusumli havo kemalari uchun ajratilgan kredit qiymatining 125 foizi miqdoridagi mulki hamda xarid qilinayotgan havo kemalari garov taʼminoti sifatida taqdim etiladi;
asosiy qarz, foizlar, komissiya va boshqa toʻlovlar bilan bogʻliq xarajatlar “Oʻzmilliybank” AJ bilan imzolangan kredit shartnomasida koʻrsatilgan miqdordan kelib chiqqan holda, “SILK AVIA” MCHJ hamda “Uzbekistan Airways” AJ hisobidan qoplanadi.
6. Davlat buyurtmachisi hisoblangan aviatsiya korxonalari va ularning tarkibidagi korxonalarga xarid qilish tartib-taomillarini elektron shaklda oʻtkazmasdan, eng yaxshi takliflarni tanlash orqali:
havo kemalarini xarid qilish, ijara yoki lizing asosida olish jarayonlarini huquqiy jihatdan taʼminlash uchun — xalqaro yuridik kompaniyalar bilan;
havo kemalari uchuvchilarini oʻqitish uchun — oʻquv-mashq markazlari bilan;
havo kemalari sotuvchi, ijara va lizing asosida yetkazib beruvchi, texnik xizmat koʻrsatuvchi, ehtiyot qismlari bilan taʼminlovchi, tashuvchi, taʼmirlovchi, texnik hujjat ishlab chiquvchi hamda xalqaro audit, konsalting va maslahatchi kompaniyalar bilan toʻgʻridan-toʻgʻri shartnomalar tuzishga ruxsat berilsin.
7. Transport vazirligi “Uzbekistan Airways” AJ bilan birgalikda 2023-yil yakuniga qadar:
“Uzbekistan Airways Technics” MCHJ negizida “ATR” rusumli havo kemalariga texnik xizmat koʻrsatishni (shu jumladan “C-shesk”) tashkil etish hamda zarur infratuzilma yaratishni;
“ATR” rusumli havo kemasi uchuvchilari, bortkuzatuvchilari, muhandis-texnik xodimlari va dispetcherlarini oʻqitish uchun “Uzbekistan Airways” AJning oʻquv-mashq markazida oʻquv kurslarini tashkil etishni taʼminlasin.
9. Bandlik va mehnat munosabatlari vazirligi aviakompaniyaning arizalariga binoan respublikaga jalb etiladigan xorijiy mutaxassislarga (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
10. Tashqi ishlar vazirligi Transport vazirligining viza talabnomalariga binoan mazkur qarorni amalga oshirish doirasida jalb qilinadigan xorijiy mutaxassislar uchun kirish vizalari konsullik yigʻimlari va haqiqiy xarajatlarning oʻrnini qoplash hisobidan yigʻimlar undirilmasdan, zarur hollarda, Islom Karimov nomidagi “Toshkent” xalqaro aeroportida oʻrnatilgan tartibda rasmiylashtirilishini taʼminlasin.
11. Mazkur qarorning ijrosini samarali tashkil qilishga masʼul va shaxsiy javobgar etib transport vaziri I.R. Maxkamov belgilansin.
Qarorning oʻz vaqtida va samarali ijro etilishini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 26-oktabr,
PQ-412-son
Президента Республики Узбекистан
Постановление
О дополнительных мерах по развитию местных авиасообщений в республике
В целях создания благоприятных условий для развития внутреннего туризма и региональных авиасообщений в Республике Узбекистан, удовлетворения спроса населения в авиасообщениях и развития конкурентной среды в сфере гражданской авиации:
1. Министерству транспорта исходя из спроса и потребностей населения и иностранных туристов принять меры по:
открытию с марта 2023 года регулярных авиасообщений по таким новым направлениям, как Самарканд — Нукус, Самарканд — Муйнак, Самарканд — Термез, Бухара — Термез, Наманган — Термез и Наманган — Нукус в целях авиасоединения регионов;
восстановлению авиасообщений с аэропортами «Шахрисабз» и «Сариосие», а также по налаживанию авиасообщения с аэропортом «Зомин» в целях дальнейшего повышения туристского потенциала Кашкадарьинской, Сурхандарьинской и Джизакской областей;
созданию единой системы логистики путем интеграции расписания авиасообщений с удобными для пассажиров железнодорожными, автобусными и микроавтобусными маршрутами.
2. В целях развития внутреннего туризма, оказания пассажирам услуг авиаперевозок по доступным ценам и поддержки деятельности авиакомпаний в республике продлить до 1 января 2026 года срок предоставления авиакомпаниям-резидентам Республики Узбекистан субсидий из республиканского бюджета Республики Узбекистан в размере 25 процентов стоимости авиабилетов на авиарейсы по внутренним туристским маршрутам.
Министерству транспорта совместно с Министерством финансов в двухмесячный срок внести в Кабинет Министров проект постановления Правительства, предусматривающий реализацию положений настоящего пункта.
3. Принять к сведению, что:
а) в структуре АО «Uzbekistan Airports» создана малобюджетная (low-cost) авиакомпания ООО «SILK AVIA» (далее — авиакомпания) в целях оказания населению услуг местных и международных авиаперевозок по доступным ценам;
б) разработана Стратегия по эффективной организации и развитию деятельности авиакомпании (далее — Стратегия) с привлечением зарубежных специалистов;
в) осуществлены депозитные выплаты для закупки трех воздушных судов модели «ATR72-600» с наиболее благоприятными для авиакомпании техническими и экономическими показателями на местных маршрутах, а также проведен их технический осмотр;
г) достигнута договоренность о выделении со стороны АО «Узмиллийбанк» кредита АО «Uzbekistan Аirports» в размере 50,0 млн долларов США сроком на 2 года, включая шестимесячный льготный период, для финансирования первоначальных расходов по реализации мероприятий, определенных в рамках Стратегии, включая приобретение основных и пополнение оборотных средств;
д) в соответствии со Стратегией авиакомпанией запланировано обслуживание на местных маршрутах:
в текущем году — 2 тысяч пассажиров путем выполнения 28 авиарейсов в неделю по 10 направлениям;
в 2023 году — 9 тысяч пассажиров путем налаживания 134 авиарейсов в неделю по 48 направлениям;
в 2024 году — 14 тысяч пассажиров путем организации 216 авиарейсов в неделю по 54 направлениям;
е) адресом первоначального размещения воздушных судов авиакомпании определена территория Международного аэропорта «Ташкент» имени Ислама Каримова.
4. Согласиться с предложением Министерства транспорта, Министерства финансов и АО «Uzbekistan Аirports» о закупке трех воздушных судов модели «ATR72-600» в 2022 году и ввозе (на основе закупки и лизинга) еще девяти воздушных судов модели «ATR» до конца 2024 года в рамках реализации Стратегии.
5. По кредиту АО «Узмиллийбанк», выделяемому АО «Uzbekistan Airways» в размере 50,0 млн долларов США:
в качестве залогового обеспечения предоставляются имущество АО «Uzbekistan Airways» в размере 125 процентов стоимости кредита, выделенного на 3 воздушных судна марки «ATR72-600» и закупаемые воздушные суда;
расходы, связанные с основным долгом, процентами, комиссией и иными выплатами, производятся за счет средств ООО «SILK AVIA» и АО «Uzbekistan Airways» исходя из суммы, указанной в кредитном договоре, подписанном с АО «Узмиллийбанк».
6. Авиапредприятиям — государственным заказчикам и предприятиям в их составе путем отбора наилучших предложений без проведения закупочных процедур в электронной форме разрешается заключать прямые договора:
с международными юридическими компаниями — для юридического сопровождения процессов закупки, аренды либо приобретения воздушных судов на основе лизинга;
с учебно-тренировочными центрами — для обучения пилотов воздушных судов;
с компаниями, занимающимися реализацией, передачей в аренду и лизинг, техническим обслуживанием, обеспечением запасными частями, перевозкой, ремонтом и разработкой технической документации воздушных судов, а также международными аудиторскими, консалтинговыми и консультационными компаниями.
7. Министерству транспорта совместно с АО «Uzbekistan Airways» до конца 2023 года обеспечить:
организацию технического обслуживания (включая «C-сheсk») на базе ООО «Uzbekistan Airways Technics» и создание необходимой инфраструктуры воздушных судов модели «ATR»;
организацию учебных курсов по обучению пилотов и бортпроводников воздушных судов модели «ATR», а также инженерно-технического персонала и диспетчеров в Учебно-тренировочном центре АО «Uzbekistan Airways».
9. Министерству занятости и трудовых отношений по заявкам авиакомпании обеспечить выдачу (продление) в установленном порядке подтверждений привлекаемым в республику зарубежным специалистам на право осуществления трудовой деятельности на территории Республики Узбекистан (при отсутствии таких специалистов среди граждан Республики Узбекистан).
10. Министерству иностранных дел по визовым требованиям Министерства транспорта обеспечить оформление въездных виз зарубежным специалистам, привлекаемым в рамках исполнения настоящего постановления, при необходимости в Международном аэропорту «Ташкент» имени Ислама Каримова, без взимания консульских сборов и сборов в счет возмещения фактических расходов.
11. Возложить на министра транспорта И.Р. Махкамова персональную ответственность за эффективную организацию исполнения настоящего постановления.
Контроль за своевременным и эффективным исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 октября 2022 г.,
№ ПП-412