📅 2022-yil 26-oktabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 26 октябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 26 октября 2022 г. · Законы и кодексы
Официальный текст. Официальный документ. Редакционные примечания не включены.
📅 26 October 2022 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Фуқароларнинг давлат пенсия таъминоти тўғрисида»ги Ўзбекистон Республикаси Қонунига пенсия тайинлаш тартибини такомиллаштиришга қаратилган ўзгартиш ва қўшимчалар киритиш ҳақида
Қонунчилик палатаси томонидан 2022 йил 20 сентябрда қабул қилинган Сенат томонидан 2022 йил 7 октябрда маъқулланган
Ўзбекистон Республикасида аҳолининг, айниқса ногиронлиги бўлган шахсларнинг ижтимоий ҳимоясини янада кучайтиришга, уларнинг ҳуқуқ ва эркинликларини таъминлашга, ижтимоий адолат тамойилларидан келиб чиқиб моддий жиҳатдан қўллаб-қувватлашга, турмуш даражасини оширишга қаратилган изчил ислоҳотлар амалга оширилмоқда.
Шу билан бирга «Инсон қадри учун» тамойили асосида ногиронлиги бўлган шахсларнинг фаровонлигини янада ошириш ҳамда ижтимоий ҳимоя қилиш дастурларининг самарадорлигини қайта кўриб чиқиш зарурати юзага келмоқда.
Ушбу Қонун фуқароларнинг пенсия таъминоти соҳасидаги қонунчиликни амалиётда қўллашда юзага келаётган турли хил ёндашувларнинг олдини олишга ва коррупцияни юзага келтирувчи ҳолатларга барҳам беришга, ижтимоий адолат тамойилидан келиб чиқиб, ногиронлиги бўлган шахсларнинг даромадларини оширишга, уларнинг меҳнатини муносиб баҳолашга, шунингдек пенсия миқдорини кўпайтиришга хизмат қилади.
1-модда . Ўзбекистон Республикасининг 1993 йил 3 сентябрда қабул қилинган «Фуқароларнинг давлат пенсия таъминоти тўғрисида»ги 938-XII-сонли Қонунига (Ўзбекистон Республикаси Олий Кенгашининг Ахборотномаси, 1993 йил, № 9, 338-модда; Ўзбекистон Республикаси Олий Мажлисининг Ахборотномаси, 1995 йил, № 12, 269-модда; 1997 йил, № 4-5, 126-модда; 1998 йил, № 9, 181-модда; 1999 йил, № 5, 112-модда; 2001 йил, № 5, 89-модда; 2002 йил, № 4-5, 74-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 5, 152-модда; 2007 йил, № 12, 590, 608-моддалар; 2008 йил, № 12, 640-модда; 2010 йил, № 5, 178-модда, № 9, 334-модда, № 12, 472-модда; 2012 йил, № 1, 4-модда; 2013 йил, № 10, 263-модда; 2014 йил, № 12, 341-модда; 2016 йил, № 4, 125-модда, № 12, 383, 384-моддалар; 2018 йил, № 1, 1-модда, № 10, 676-модда, № 12, 783-модда; 2019 йил, № 5, 265-модда, № 8, 469-модда, № 9, 592-модда, № 11, 792-модда, № 12, 880-модда; 2020 йил, № 11, 652-модда; 2021 йил, 4-сонга илова, № 10, 973-модда; 2022 йил, № 2, 79-модда, № 5, 464-модда) қуйидаги ўзгартиш ва қўшимчалар киритилсин:
1) 12-модданинг «л» банди қуйидаги таҳрирда баён этилсин:
«л) ихтисослашган тиббий муассасаларнинг шифокорлари ва ўрта тиббий ходимлари — махсус иш стажи шаҳарчалар, қишлоқлар ҳамда овулларда камида 25 йил ва шаҳарларда камида 30 йил бўлган тақдирда (3-сонли рўйхат, VIII қисм)»;
2) 19-модданинг еттинчи қисми қуйидаги мазмундаги жумла билан тўлдирилсин:
«Ўгай ота ва ўгай онанинг вафот этган ўгай ўғилни (қизни) тарбиялаганлиги ёки боққанлигини аниқлаш тартиби Ўзбекистон Республикаси Вазирлар Маҳкамаси томонидан белгиланади»;
3) 27-модда биринчи қисмининг «г» банди «боқувчининг» деган сўздан кейин «пенсияни ҳисоблаб чиқариш учун олинадиган» деган сўзлар билан тўлдирилсин;
4) 28-модданинг «к» банди қуйидаги таҳрирда баён этилсин:
«к) Ўзбекистон Республикаси олдида алоҳида хизматлари бўлган шахсларга — пенсияни ҳисоблаш базавий миқдорининг 100 фоизидан 150 фоизигача. Ўзбекистон Республикаси олдида алоҳида хизматлари бўлган шахсларнинг пенсиясига устама тўлаш тартиби Ўзбекистон Республикаси Вазирлар Маҳкамаси томонидан белгиланади»;
5) 30-модданинг :
иккинчи қисмидаги «ҳисобланиши мумкин» деган сўзлар «ҳисобланади» деган сўз билан алмаштирилсин;
учинчи қисмидаги «ҳисобланиши мумкин» деган сўзлар «ҳисобланади» деган сўз билан алмаштирилсин;
6) 37-модда :
қуйидаги мазмундаги бешинчи қисм билан тўлдирилсин:
«I ва II гуруҳ ногиронлик пенсияси тайинланганидан кейинги ишланган вақт иш стажига қўшиб ҳисобланади»;
бешинчи ва олтинчи қисмлари тегишинча олтинчи ва еттинчи қисмлар деб ҳисоблансин;
7) 41-модданинг ўзбекча матнидаги «анча имтиёзли» деган сўзлар «нисбатан имтиёзлироқ» деган сўзлар билан алмаштирилсин;
8) 49-модда :
қуйидаги мазмундаги иккинчи қисм билан тўлдирилсин:
«I ва II гуруҳ ногиронлик пенсияси тайинланганидан кейин камида 1 йил иш стажига эга бўлса, фуқаронинг аризаси асосида иш стажи ва иш ҳақи инобатга олинган ҳолда пенсия ҳар икки йилда бир маротаба қайта ҳисоблаб чиқилади. Бунда пенсияни қайта ҳисоблаш фуқаро пенсия миқдорини қайта ҳисоблаш учун мурожаат қилган санадаги ушбу Қонуннинг 17-моддасида кўрсатилган ёшга нисбатан талаб қилинган иш стажидан келиб чиққан ҳолда амалга оширилади»;
иккинчи қисми учинчи қисм деб ҳисоблансин.
2-модда. Ўзбекистон Республикаси Молия вазирлиги, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ушбу Қонун 1-моддасининг 6 ва 8-бандлари 2023 йил 1 январдан эътиборан амалга киритилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2022 йил 26 октябрь,
ЎРҚ-795-сон
Oʻzbekiston Respublikasining Qonuni
“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga pensiya tayinlash tartibini takomillashtirishga qaratilgan oʻzgartish va qoʻshimchalar kiritish haqida
Qonunchilik palatasi tomonidan 2022-yil 20-sentabrda qabul qilingan Senat tomonidan 2022-yil 7-oktabrda maʼqullangan
Oʻzbekiston Respublikasida aholining, ayniqsa nogironligi boʻlgan shaxslarning ijtimoiy himoyasini yanada kuchaytirishga, ularning huquq va erkinliklarini taʼminlashga, ijtimoiy adolat tamoyillaridan kelib chiqib moddiy jihatdan qoʻllab-quvvatlashga, turmush darajasini oshirishga qaratilgan izchil islohotlar amalga oshirilmoqda.
Shu bilan birga “Inson qadri uchun” tamoyili asosida nogironligi boʻlgan shaxslarning farovonligini yanada oshirish hamda ijtimoiy himoya qilish dasturlarining samaradorligini qayta koʻrib chiqish zarurati yuzaga kelmoqda.
Ushbu Qonun fuqarolarning pensiya taʼminoti sohasidagi qonunchilikni amaliyotda qoʻllashda yuzaga kelayotgan turli xil yondashuvlarning oldini olishga va korrupsiyani yuzaga keltiruvchi holatlarga barham berishga, ijtimoiy adolat tamoyilidan kelib chiqib, nogironligi boʻlgan shaxslarning daromadlarini oshirishga, ularning mehnatini munosib baholashga, shuningdek pensiya miqdorini koʻpaytirishga xizmat qiladi.
1-modda . Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi 938-XII-sonli Qonuniga (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda; 2002-yil, № 4-5, 74-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda; 2007-yil, № 12, 590, 608-moddalar; 2008-yil, № 12, 640-modda; 2010-yil, № 5, 178-modda, № 9, 334-modda, № 12, 472-modda; 2012-yil, № 1, 4-modda; 2013-yil, № 10, 263-modda; 2014-yil, № 12, 341-modda; 2016-yil, № 4, 125-modda, № 12, 383, 384-moddalar; 2018-yil, № 1, 1-modda, № 10, 676-modda, № 12, 783-modda; 2019-yil, № 5, 265-modda, № 8, 469-modda, № 9, 592-modda, № 11, 792-modda, № 12, 880-modda; 2020-yil, № 11, 652-modda; 2021-yil, 4-songa ilova, № 10, 973-modda; 2022-yil, № 2, 79-modda, № 5, 464-modda) quyidagi oʻzgartish va qoʻshimchalar kiritilsin:
1) 12-moddaning “l” bandi quyidagi tahrirda bayon etilsin:
“l) ixtisoslashgan tibbiy muassasalarning shifokorlari va oʻrta tibbiy xodimlari — maxsus ish staji shaharchalar, qishloqlar hamda ovullarda kamida 25 yil va shaharlarda kamida 30 yil boʻlgan taqdirda (3-sonli roʻyxat, VIII qism)”;
2) 19-moddaning yettinchi qismi quyidagi mazmundagi jumla bilan toʻldirilsin:
“Oʻgay ota va oʻgay onaning vafot etgan oʻgay oʻgʻilni (qizni) tarbiyalaganligi yoki boqqanligini aniqlash tartibi Oʻzbekiston Respublikasi Vazirlar Mahkamasi tomonidan belgilanadi”;
3) 27-modda birinchi qismining “g” bandi “boquvchining” degan soʻzdan keyin “pensiyani hisoblab chiqarish uchun olinadigan” degan soʻzlar bilan toʻldirilsin;
4) 28-moddaning “k” bandi quyidagi tahrirda bayon etilsin:
“k) Oʻzbekiston Respublikasi oldida alohida xizmatlari boʻlgan shaxslarga — pensiyani hisoblash bazaviy miqdorining 100 foizidan 150 foizigacha. Oʻzbekiston Respublikasi oldida alohida xizmatlari boʻlgan shaxslarning pensiyasiga ustama toʻlash tartibi Oʻzbekiston Respublikasi Vazirlar Mahkamasi tomonidan belgilanadi”;
5) 30-moddaning :
ikkinchi qismidagi “hisoblanishi mumkin” degan soʻzlar “hisoblanadi” degan soʻz bilan almashtirilsin;
uchinchi qismidagi “hisoblanishi mumkin” degan soʻzlar “hisoblanadi” degan soʻz bilan almashtirilsin;
6) 37-modda :
quyidagi mazmundagi beshinchi qism bilan toʻldirilsin:
“I va II guruh nogironlik pensiyasi tayinlanganidan keyingi ishlangan vaqt ish stajiga qoʻshib hisoblanadi”;
beshinchi va oltinchi qismlari tegishincha oltinchi va yettinchi qismlar deb hisoblansin;
7) 41-moddaning oʻzbekcha matnidagi “ancha imtiyozli” degan soʻzlar “nisbatan imtiyozliroq” degan soʻzlar bilan almashtirilsin;
8) 49-modda :
quyidagi mazmundagi ikkinchi qism bilan toʻldirilsin:
“I va II guruh nogironlik pensiyasi tayinlanganidan keyin kamida 1 yil ish stajiga ega boʻlsa, fuqaroning arizasi asosida ish staji va ish haqi inobatga olingan holda pensiya har ikki yilda bir marotaba qayta hisoblab chiqiladi. Bunda pensiyani qayta hisoblash fuqaro pensiya miqdorini qayta hisoblash uchun murojaat qilgan sanadagi ushbu Qonunning 17-moddasida koʻrsatilgan yoshga nisbatan talab qilingan ish stajidan kelib chiqqan holda amalga oshiriladi”;
ikkinchi qismi uchinchi qism deb hisoblansin.
2-modda. Oʻzbekiston Respublikasi Moliya vazirligi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 1-moddasining 6 va 8-bandlari 2023-yil 1-yanvardan eʼtiboran amalga kiritiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2022-yil 26-oktabr,
OʻRQ-795-son
Закон Республики Узбекистан
О внесении изменений и дополнений в Закон Республики Узбекистан «О государственном пенсионном обеспечении граждан», направленных на совершенствование порядка назначения пенсии
Принят Законодательной палатой 20 сентября 2022 года Одобрен Сенатом 7 октября 2022 года
В Республике Узбекистан осуществляются последовательные реформы, направленные на дальнейшее усиление социальной защиты населения, особенно лиц с инвалидностью, обеспечение их прав и свобод, материальную поддержку исходя из принципов социальной справедливости, повышение их уровня жизни.
Вместе с тем возникает необходимость дальнейшего повышения благосостояния лиц с инвалидностью на основе принципа «Во имя чести и достоинства человека» и пересмотра эффективности программ социальной защиты.
Настоящий Закон служит предупреждению различных подходов, возникающих при применении на практике законодательства в области пенсионного обеспечения граждан и пресечению случаев, порождающих коррупцию, увеличению доходов лиц с инвалидностью на основе принципа социальной справедливости, достойной оценки их труда, а также повышению размера пенсии.
Статья 1. Внести в Закон Республики Узбекистан от 3 сентября 1993 года № 938-XII «О государственном пенсионном обеспечении граждан» (Ведомости Верховного Совета Республики Узбекистан, 1993 г., № 9, ст. 338; Ведомости Олий Мажлиса Республики Узбекистан, 1995 г., № 12, ст. 269; 1997 г., № 4-5, ст. 126; 1998 г., № 9, ст. 181; 1999 г., № 5, ст. 112; 2001 г., № 5, ст. 89; 2002 г., № 4-5, ст. 74; Ведомости палат Олий Мажлиса Республики Узбекистан, 2005 г., № 5, ст. 152; 2007 г., № 12, ст.ст. 590, 608; 2008 г., № 12, ст. 640; 2010 г., № 5, ст. 178, № 9, ст. 334, № 12, ст. 472; 2012 г., № 1, ст. 4; 2013 г., № 10, ст. 263; 2014 г., № 12, ст. 341; 2016 г., № 4, ст. 125, № 12, ст.ст. 383, 384; 2018 г., № 1, ст. 1, № 10, ст. 676, № 12, ст. 783; 2019 г., № 5, ст. 265, № 8, ст. 469, № 9, ст. 592, № 11, ст. 792, № 12, ст. 880; 2020 г., № 11, ст. 652; 2021 г., приложение к № 4, № 10, ст. 973; 2022 г., № 2, ст. 79, № 5, ст. 464) следующие изменения и дополнения:
1) пункт «л» статьи 12 изложить в следующей редакции:
«л) врачи и средний медицинский персонал специализированных медицинских учреждений при наличии специального стажа работы не менее 25 лет в поселках, кишлаках и аулах и не менее 30 лет в городах (Список № 3, часть VIII)»;
2) часть седьмую статьи 19 дополнить предложением следующего содержания:
«Порядок установления воспитания или содержания умершего пасынка (падчерицы) отчимом и мачехой определяется Кабинетом Министров Республики Узбекистан»;
3) пункт «г» части первой статьи 27 после слова «кормильца» дополнить словами «принимаемого для исчисления пенсии»;
4) пункт «к» статьи 28 изложить в следующей редакции:
«к) лицам, имеющим особые заслуги перед Республикой Узбекистан, — от 100 до 150 процентов базовой величины исчисления пенсии. Порядок выплаты надбавки к пенсии лицам, имеющим особые заслуги перед Республикой Узбекистан, устанавливается Кабинетом Министров Республики Узбекистан»;
5) в статье 30 :
в части второй слова «может начисляться» заменить словом «начисляется»;
в части третьей слова «может начисляться» заменить словом «начисляется»;
6) в статье 37 :
дополнить частью пятой следующего содержания:
«Время работы после назначения пенсии по инвалидности I и II групп засчитывается в стаж работы»;
части пятую и шестую считать соответственно частями шестой и седьмой;
7) в статье 41 текста на узбекском языке слова «анча имтиёзли» заменить словами «нисбатан имтиёзлироқ»;
8) в статье 49 :
дополнить частью второй следующего содержания:
«По заявлению гражданина производится перерасчет пенсии один раз в два года с учетом стажа работы и заработка, приобретенного после назначения пенсии по инвалидности I и II группы, при наличии 1 года стажа работы. При этом перерасчет пенсии производится исходя из необходимого стажа работы по отношению к возрасту, указанному в статье 17 настоящего Закона на дату обращения гражданина за перерасчетом размера пенсии»;
часть вторую считать частью третьей.
Статья 2. Министерству финансов, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Пункты 6 и 8 статьи 1 настоящего Закона вводятся в действие с 1 января 2023 года.
Президент Республики Узбекистан Ш. МИРЗИЁЕВ
г. Ташкент,
26 октября 2022 г.,
№ ЗРУ-795