📅 2022-yil 26-oktabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 26 октябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 26 октября 2022 г. · Законы и кодексы
Официальный текст. Официальный документ. Редакционные примечания не включены.
📅 26 October 2022 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида
Қонунчилик палатаси томонидан 2022 йил 29 сентябрда қабул қилинган Сенат томонидан 2022 йил 7 октябрда маъқулланган
Кейинги йилларда мамлакатимизда амалга оширилаётган ислоҳотларнинг ҳуқуқий асосларини мустаҳкамлаш мақсадида кўплаб қонунчилик ҳужжатларига ўзгартиш ва қўшимчалар киритишга тўғри келмоқда.
Қонунчиликка ўзгартиш ва қўшимчалар киритишни назарда тутувчи норматив-ҳуқуқий ҳужжатларнинг шакли ҳамда уларни расмийлаштириш тартиби аҳолига уларни содда тилда тушунтириш имкониятини бермаяпти.
Шу билан бирга, қонун лойиҳаси умумхалқ овозига қўйилганда овоз бериш бюллетенини тўлдиришнинг амалдаги тартиби фуқароларнинг ўз хоҳиш-иродасини тўлақонли ифода этиши учун муайян мураккабликлар туғдирмоқда.
Шу муносабат билан норматив-ҳуқуқий ҳужжатларга ўзгартиш ва қўшимчалар киритиш, шунингдек уларни ўз кучини йўқотган деб топишни назарда тутувчи лойиҳаларда муқаддиманинг мавжуд бўлиши белгиланмоқда.
Бундан ташқари, «Ўзбекистон Республикаси Олий Мажлиси Қонунчилик палатасининг Регламенти тўғрисида»ги Ўзбекистон Республикаси Қонунида қонун лойиҳаларининг номи ва муқаддимасини муҳокама қилиш ҳамда уларга овоз бериш тартиби очиб берилмоқда.
Шунингдек, умумхалқ овози жараёнида фуқароларга янада қулай шарт-шароитлар яратиш мақсадида бюллетенга муайян белгилардан бирини қўйиш йўли билан овоз бериш тартиби жорий этилмоқда.
Ушбу Қонун норматив-ҳуқуқий ҳужжатларни қабул қилиш заруриятини, сабабларини ва мақсадларини ҳамда уларнинг моҳиятини аҳолига содда ва тушунарли тилда етказишга, шунингдек умумхалқ овози жараёнида фуқароларнинг ўз хоҳиш-иродасини тўлақонли билдириши учун қулай шарт-шароитлар яратишга хизмат қилади.
1-модда. Ўзбекистон Республикасининг 1991 йил 18 ноябрда қабул қилинган «Ўзбекистон Республикасининг референдуми тўғрисида»ги 417-XII-сонли Қонунига (Ўзбекистон Республикасининг 2001 йил 30 августда қабул қилинган 265-II-сонли Қонуни таҳририда) (Ўзбекистон Республикаси Олий Мажлисининг Ахборотномаси, 2001 йил, № 9-10, 176-модда; 2005 йил, № 1, 18-модда; 2019 йил, № 9, 588-модда; 2021 йил, 4-сонга илова; 2022 йил, № 3, 216-модда) қуйидаги ўзгартишлар киритилсин:
1) 29-модданинг биринчи қисми қуйидаги таҳрирда баён этилсин:
«Референдумда овоз бериш бюллетенида референдумга қўйилаётган масаланинг матни аниқ акс эттирилади ва овоз берувчи хоҳиш-иродасининг вариантлари «ҳа» ёки «йўқ» ёхуд «рози» ёки «қарши» деб кўрсатилади»;
2) 31-модда иккинчи қисмининг биринчи жумласи қуйидаги таҳрирда баён этилсин:
«Овоз бериш биносида ёки бевосита унинг олдида участка комиссияси стенд жиҳозлайди, унга овоз бериш бюллетенининг намунаси ва уни тўлдириш тартиби жойлаштирилади, агар референдумга қонун лойиҳаси қўйилган бўлса, стендга шу лойиҳанинг матни ҳам жойлаштирилади»;
3) 35-модданинг иккинчи қисми қуйидаги таҳрирда баён этилсин:
«Фуқаролар овоз бериш бюллетенида референдумга қўйилаётган масала бўйича ўзи овоз бераётган вариант рўпарасида, ўнг томонда жойлашган бўш квадратга «+» ёки « » ёхуд «х» белгисини қўяди».
2-модда. Ўзбекистон Республикасининг 2003 йил 29 августда қабул қилинган «Ўзбекистон Республикаси Олий Мажлиси Қонунчилик палатасининг Регламенти тўғрисида»ги 522-II-сонли Қонуни (Ўзбекистон Республикаси Олий Мажлисининг Ахборотномаси, 2003 йил, № 9-10, 136-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 4, 163-модда, № 7, 326-модда; 2008 йил, № 12, 637-модда; 2009 йил, № 4, 136-модда; 2011 йил, № 4, 101-модда; 2013 йил, № 4, 95-модда; 2014 йил, № 4, 86-модда, № 5, 130-модда; 2015 йил, № 12, 452-модда; 2016 йил, № 9, 276-модда; 2017 йил, № 6, 300-модда, № 9, 510-модда; 2018 йил, № 1, 4-модда, № 4, 224-модда, № 7, 431-модда; 2019 йил, № 1, 1-модда, № 3, 157-модда, № 5, 261, 265-моддалар, № 8, 468-модда, № 9, 588-модда, № 12, 884-модда; 2020 йил, № 8, 488-модда; 2021 йил, 4-сонга илова, № 11, 1061-модда) 15-моддасининг ўн иккинчи қисми қуйидаги таҳрирда баён этилсин:
«Қонун лойиҳасини Қонунчилик палатаси томонидан иккинчи ўқишда кўриб чиқиш чоғида муҳокама унинг номи, муқаддимаси (агар мавжуд бўлса), ҳар бир моддаси бўйича алоҳида-алоҳида ўтказилади. Бунда масъул қўмита томонидан маъқулланган фикрлар ва таклифлар ҳам, маъқулланмаган фикрлар ва таклифлар ҳам муҳокама қилинади. Қонун лойиҳаси бўйича, қоида тариқасида, унинг номига, муқаддимасига (агар мавжуд бўлса), ҳар бир моддасига алоҳида-алоҳида овоз берилади. Қонунчилик палатасининг қарорига кўра қонун лойиҳаси бўйича овоз бериш боблар ёки бўлимлар бўйича, шунингдек бир неча моддалар бўйича бир вақтнинг ўзида ўтказилиши мумкин».
3-модда. Ўзбекистон Республикасининг 2006 йил 11 октябрда қабул қилинган «Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги ЎРҚ-60-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2006 йил, № 10, 537-модда; 2014 йил, № 5, 130-модда; 2017 йил, № 9, 510-модда; 2018 йил, № 1, 1, 4-моддалар; 2019 йил, № 5, 261-модда; 2020 йил, № 8, 488-модда; 2021 йил, 4-сонга илова, № 10, 968-модда) 19-моддасига қуйидаги ўзгартишлар ва қўшимча киритилсин:
1) иккинчи қисм қуйидаги таҳрирда баён этилсин:
«Қонун лойиҳаси унинг қабул қилиниши зарурияти, сабаблари ва мақсадларига оид тушунтиришни қамраб олган, шунингдек унинг моҳиятини ва аҳамиятини очиб берадиган муқаддимага эга бўлиши мумкин»;
2) қуйидаги мазмундаги учинчи ва тўртинчи қисмлар билан тўлдирилсин:
«Ўзбекистон Республикасининг Конституциясига, Ўзбекистон Республикаси конституциявий қонунларига ҳамда қонунларига ўзгартишлар, қўшимчалар ва тузатишлар киритиш тўғрисидаги қонун лойиҳалари, шунингдек Ўзбекистон Республикаси қонунларини ёки уларнинг айрим нормаларини ўз кучини йўқотган деб топиш тўғрисидаги қонун лойиҳалари, қоида тариқасида, уларнинг қабул қилиниши зарурияти, сабаблари ва мақсадларига оид тушунтиришни қамраб олган, шунингдек уларнинг моҳиятини ва аҳамиятини очиб берувчи муқаддимага эга бўлади.
Ҳуқуқий нормалар муқаддимага киритилмайди»;
3) учинчи — еттинчи қисмлар тегишинча бешинчи — тўққизинчи қисмлар деб ҳисоблансин.
4-модда. Ўзбекистон Республикасининг 2021 йил 20 апрелда қабул қилинган «Норматив-ҳуқуқий ҳужжатлар тўғрисида»ги ЎРҚ-682-сонли Қонуни билан тасдиқланган Норматив-ҳуқуқий ҳужжатлар лойиҳаларини, шунингдек уларга илова қилинадиган ахборот-таҳлилий материалларни юридик-техник жиҳатдан расмийлаштиришнинг ягона услубиётига (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 288-модда; 2022 йил, № 3, 213-модда, № 8, 788-модда) қуйидаги қўшимча ва ўзгартишлар киритилсин:
1) қуйидаги мазмундаги 59 1 ва 59 2 -бандлар билан тўлдирилсин:
«59 1 . Қонуности ҳужжатларига ўзгартиш ва қўшимчалар киритишни, шунингдек уларни ўз кучини йўқотган деб топишни назарда тутувчи қонуности ҳужжати лойиҳасининг номида мазкур лойиҳа билан киритилаётган асосий ўзгартиш ва қўшимчаларнинг моҳияти кўрсатилиши керак.
59 2 . Норматив-ҳуқуқий ҳужжатларга ўзгартиш ва қўшимчалар киритишни, шунингдек уларни ўз кучини йўқотган деб топишни назарда тутувчи лойиҳа, қоида тариқасида, уни қабул қилиш зарурияти, сабаблари ва мақсадларига оид тушунтиришни қамраб олган, шунингдек норматив-ҳуқуқий ҳужжатнинг моҳиятини ва аҳамиятини очиб берадиган муқаддимага эга бўлади. Зарур бўлган тақдирда, қонуности ҳужжати лойиҳасининг муқаддимасида у қайси қонунчилик ҳужжатларини ижро этиш учун ёки қайси қонунчилик ҳужжатларига асосан қабул қилинаётган бўлса, ўша қонунчилик ҳужжатлари кўрсатилади»;
2) 68-банд қуйидаги таҳрирда баён этилсин:
«68. Агар қонуности ҳужжатларига ўзгартиш ва қўшимчалар киритиш, шунингдек уларни ўз кучини йўқотган деб топиш тўғрисидаги нормаларни ўз ичига олган лойиҳада ушбу нормалар икки ёки ундан ортиқ бандни ташкил этса ва катта ҳажмга эга бўлса, улар лойиҳага илова (иловалар) тарзида тайёрланади.
Бу ҳолда, қонуности ҳужжати лойиҳасининг иловани тасдиқлаш назарда тутилаётган таркибий бирлигида киритилаётган ўзгартиш ва қўшимчаларнинг, шунингдек ўз кучини йўқотган деб топилаётган нормаларнинг моҳияти қисқача баён этилади;
3) 76-банднинг иккинчи хатбошисидаги «бундан қонун лойиҳалари мустасно» деган сўзлар чиқариб ташлансин.
5-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;
ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
6-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2022 йил 26 октябрь,
ЎРҚ-796-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida
Qonunchilik palatasi tomonidan 2022-yil 29-sentabrda qabul qilingan Senat tomonidan 2022-yil 7-oktabrda maʼqullangan
Keyingi yillarda mamlakatimizda amalga oshirilayotgan islohotlarning huquqiy asoslarini mustahkamlash maqsadida koʻplab qonunchilik hujjatlariga oʻzgartish va qoʻshimchalar kiritishga toʻgʻri kelmoqda.
Qonunchilikka oʻzgartish va qoʻshimchalar kiritishni nazarda tutuvchi normativ-huquqiy hujjatlarning shakli hamda ularni rasmiylashtirish tartibi aholiga ularni sodda tilda tushuntirish imkoniyatini bermayapti.
Shu bilan birga, qonun loyihasi umumxalq ovoziga qoʻyilganda ovoz berish byulletenini toʻldirishning amaldagi tartibi fuqarolarning oʻz xohish-irodasini toʻlaqonli ifoda etishi uchun muayyan murakkabliklar tugʻdirmoqda.
Shu munosabat bilan normativ-huquqiy hujjatlarga oʻzgartish va qoʻshimchalar kiritish, shuningdek ularni oʻz kuchini yoʻqotgan deb topishni nazarda tutuvchi loyihalarda muqaddimaning mavjud boʻlishi belgilanmoqda.
Bundan tashqari, “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi Oʻzbekiston Respublikasi Qonunida qonun loyihalarining nomi va muqaddimasini muhokama qilish hamda ularga ovoz berish tartibi ochib berilmoqda.
Shuningdek, umumxalq ovozi jarayonida fuqarolarga yanada qulay shart-sharoitlar yaratish maqsadida byulletenga muayyan belgilardan birini qoʻyish yoʻli bilan ovoz berish tartibi joriy etilmoqda.
Ushbu Qonun normativ-huquqiy hujjatlarni qabul qilish zaruriyatini, sabablarini va maqsadlarini hamda ularning mohiyatini aholiga sodda va tushunarli tilda yetkazishga, shuningdek umumxalq ovozi jarayonida fuqarolarning oʻz xohish-irodasini toʻlaqonli bildirishi uchun qulay shart-sharoitlar yaratishga xizmat qiladi.
1-modda. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasining referendumi toʻgʻrisida”gi 417-XII-sonli Qonuniga (Oʻzbekiston Respublikasining 2001-yil 30-avgustda qabul qilingan 265-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2001-yil, № 9-10, 176-modda; 2005-yil, № 1, 18-modda; 2019-yil, № 9, 588-modda; 2021-yil, 4-songa ilova; 2022-yil, № 3, 216-modda) quyidagi oʻzgartishlar kiritilsin:
1) 29-moddaning birinchi qismi quyidagi tahrirda bayon etilsin:
“Referendumda ovoz berish byulletenida referendumga qoʻyilayotgan masalaning matni aniq aks ettiriladi va ovoz beruvchi xohish-irodasining variantlari “ha” yoki “yoʻq” yoxud “rozi” yoki “qarshi” deb koʻrsatiladi”;
2) 31-modda ikkinchi qismining birinchi jumlasi quyidagi tahrirda bayon etilsin:
“Ovoz berish binosida yoki bevosita uning oldida uchastka komissiyasi stend jihozlaydi, unga ovoz berish byulletenining namunasi va uni toʻldirish tartibi joylashtiriladi, agar referendumga qonun loyihasi qoʻyilgan boʻlsa, stendga shu loyihaning matni ham joylashtiriladi”;
3) 35-moddaning ikkinchi qismi quyidagi tahrirda bayon etilsin:
“Fuqarolar ovoz berish byulletenida referendumga qoʻyilayotgan masala boʻyicha oʻzi ovoz berayotgan variant roʻparasida, oʻng tomonda joylashgan boʻsh kvadratga “+” yoki “ ” yoxud “x” belgisini qoʻyadi”.
2-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi 522-II-sonli Qonuni (Oʻzbekiston Respublikasi Oliy Majlisining Axborotnomasi, 2003-yil, № 9-10, 136-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 4, 86-modda, № 5, 130-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 3, 157-modda, № 5, 261, 265-moddalar, № 8, 468-modda, № 9, 588-modda, № 12, 884-modda; 2020-yil, № 8, 488-modda; 2021-yil, 4-songa ilova, № 11, 1061-modda) 15-moddasining oʻn ikkinchi qismi quyidagi tahrirda bayon etilsin:
“Qonun loyihasini Qonunchilik palatasi tomonidan ikkinchi oʻqishda koʻrib chiqish chogʻida muhokama uning nomi, muqaddimasi (agar mavjud boʻlsa), har bir moddasi boʻyicha alohida-alohida oʻtkaziladi. Bunda masʼul qoʻmita tomonidan maʼqullangan fikrlar va takliflar ham, maʼqullanmagan fikrlar va takliflar ham muhokama qilinadi. Qonun loyihasi boʻyicha, qoida tariqasida, uning nomiga, muqaddimasiga (agar mavjud boʻlsa), har bir moddasiga alohida-alohida ovoz beriladi. Qonunchilik palatasining qaroriga koʻra qonun loyihasi boʻyicha ovoz berish boblar yoki boʻlimlar boʻyicha, shuningdek bir necha moddalar boʻyicha bir vaqtning oʻzida oʻtkazilishi mumkin”.
3-modda. Oʻzbekiston Respublikasining 2006-yil 11-oktabrda qabul qilingan “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi OʻRQ-60-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 537-modda; 2014-yil, № 5, 130-modda; 2017-yil, № 9, 510-modda; 2018-yil, № 1, 1, 4-moddalar; 2019-yil, № 5, 261-modda; 2020-yil, № 8, 488-modda; 2021-yil, 4-songa ilova, № 10, 968-modda) 19-moddasiga quyidagi oʻzgartishlar va qoʻshimcha kiritilsin:
1) ikkinchi qism quyidagi tahrirda bayon etilsin:
“Qonun loyihasi uning qabul qilinishi zaruriyati, sabablari va maqsadlariga oid tushuntirishni qamrab olgan, shuningdek uning mohiyatini va ahamiyatini ochib beradigan muqaddimaga ega boʻlishi mumkin”;
2) quyidagi mazmundagi uchinchi va toʻrtinchi qismlar bilan toʻldirilsin:
“Oʻzbekiston Respublikasining Konstitutsiyasiga, Oʻzbekiston Respublikasi konstitutsiyaviy qonunlariga hamda qonunlariga oʻzgartishlar, qoʻshimchalar va tuzatishlar kiritish toʻgʻrisidagi qonun loyihalari, shuningdek Oʻzbekiston Respublikasi qonunlarini yoki ularning ayrim normalarini oʻz kuchini yoʻqotgan deb topish toʻgʻrisidagi qonun loyihalari, qoida tariqasida, ularning qabul qilinishi zaruriyati, sabablari va maqsadlariga oid tushuntirishni qamrab olgan, shuningdek ularning mohiyatini va ahamiyatini ochib beruvchi muqaddimaga ega boʻladi.
Huquqiy normalar muqaddimaga kiritilmaydi”;
3) uchinchi — yettinchi qismlar tegishincha beshinchi — toʻqqizinchi qismlar deb hisoblansin.
4-modda. Oʻzbekiston Respublikasining 2021-yil 20-aprelda qabul qilingan “Normativ-huquqiy hujjatlar toʻgʻrisida”gi OʻRQ-682-sonli Qonuni bilan tasdiqlangan Normativ-huquqiy hujjatlar loyihalarini, shuningdek ularga ilova qilinadigan axborot-tahliliy materiallarni yuridik-texnik jihatdan rasmiylashtirishning yagona uslubiyotiga (Oʻzbekiston Respublikasi Oliy Majlisi palatalarining Axborotnomasi, 2021-yil, № 4, 288-modda; 2022-yil, № 3, 213-modda, № 8, 788-modda) quyidagi qoʻshimcha va oʻzgartishlar kiritilsin:
1) quyidagi mazmundagi 59 1 va 59 2 -bandlar bilan toʻldirilsin:
“59 1 . Qonunosti hujjatlariga oʻzgartish va qoʻshimchalar kiritishni, shuningdek ularni oʻz kuchini yoʻqotgan deb topishni nazarda tutuvchi qonunosti hujjati loyihasining nomida mazkur loyiha bilan kiritilayotgan asosiy oʻzgartish va qoʻshimchalarning mohiyati koʻrsatilishi kerak.
59 2 . Normativ-huquqiy hujjatlarga oʻzgartish va qoʻshimchalar kiritishni, shuningdek ularni oʻz kuchini yoʻqotgan deb topishni nazarda tutuvchi loyiha, qoida tariqasida, uni qabul qilish zaruriyati, sabablari va maqsadlariga oid tushuntirishni qamrab olgan, shuningdek normativ-huquqiy hujjatning mohiyatini va ahamiyatini ochib beradigan muqaddimaga ega boʻladi. Zarur boʻlgan taqdirda, qonunosti hujjati loyihasining muqaddimasida u qaysi qonunchilik hujjatlarini ijro etish uchun yoki qaysi qonunchilik hujjatlariga asosan qabul qilinayotgan boʻlsa, oʻsha qonunchilik hujjatlari koʻrsatiladi”;
2) 68-band quyidagi tahrirda bayon etilsin:
“68. Agar qonunosti hujjatlariga oʻzgartish va qoʻshimchalar kiritish, shuningdek ularni oʻz kuchini yoʻqotgan deb topish toʻgʻrisidagi normalarni oʻz ichiga olgan loyihada ushbu normalar ikki yoki undan ortiq bandni tashkil etsa va katta hajmga ega boʻlsa, ular loyihaga ilova (ilovalar) tarzida tayyorlanadi.
Bu holda, qonunosti hujjati loyihasining ilovani tasdiqlash nazarda tutilayotgan tarkibiy birligida kiritilayotgan oʻzgartish va qoʻshimchalarning, shuningdek oʻz kuchini yoʻqotgan deb topilayotgan normalarning mohiyati qisqacha bayon etiladi;
3) 76-bandning ikkinchi xatboshisidagi “bundan qonun loyihalari mustasno” degan soʻzlar chiqarib tashlansin.
5-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
6-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2022-yil 26-oktabr,
OʻRQ-796-son
Закон Республики Узбекистан
О внесении изменений и дополнений в некоторые законодательные акты Республики Узбекистан
Принят Законодательной палатой 29 сентября 2022 года Одобрен Сенатом 7 октября 2022 года
В целях укрепления правовых основ осуществляемых в последние годы реформ в большинство законодательных актов вносятся изменения и дополнения.
Формы и порядок оформления нормативно-правовых актов, предусматривающих внесение изменений и дополнений в законодательство, не дают возможности доведения их до населения на доступном языке.
Вместе с тем при вынесении законопроекта на всенародное голосование имеющаяся практика по заполнению бюллетеня голосования приводит к определенным сложностям для полноценного выражения гражданами своего волеизъявления.
В связи с этим устанавливается наличие преамбулы в проектах, предусматривающих внесение изменений и дополнений в нормативно-правовые акты, а также признание их утратившими силу.
Кроме того, в Законе Республики Узбекистан «О Регламенте Законодательной палаты Олий Мажлиса Республики Узбекистан» раскрывается порядок обсуждения наименования, преамбулы законопроекта и голосования по ним.
Также в целях создания дальнейших благоприятных условий гражданам в процессе всенародного голосования внедряется порядок голосования путем проставления одного определенного знака в бюллетени.
Данный Закон послужит доведению доступным и понятным языком до населения необходимости, причин и целей принятия нормативно-правовых актов, их сути, а также созданию благоприятных условий для полноценного волеизъявления граждан в процессе всенародного голосования.
Статья 1. Внести в Закон Республики Узбекистан от 18 ноября 1991 года № 417-XII «О референдуме Республики Узбекистан» (в редакции Закона Республики Узбекистан от 30 августа 2001 года № 265-II) (Ведомости Олий Мажлиса Республики Узбекистан, 2001 г., № 9-10, ст. 176; 2005 г., № 1, ст. 18; 2019 г., № 9, ст. 588; 2021 г., приложение к № 4; 2022 г., № 3, ст. 216) следующие изменения:
1) часть первую статьи 29 изложить в следующей редакции:
«В бюллетене для голосования на референдуме точно воспроизводится текст выносимого на референдум вопроса и указываются варианты волеизъявления голосующего «да» или «нет» либо «за» или «против»;
2) первое предложение части второй статьи 31 изложить в следующей редакции:
«В помещении для голосования или непосредственно перед ним участковая комиссия оборудует стенд, на котором помещаются образец бюллетеня для голосования и порядок его заполнения, а если на референдум вынесен проект закона, то на стенд помещается также текст этого проекта»;
3) часть вторую статьи 35 изложить в следующей редакции:
«Граждане ставят в бюллетене для голосования знак «+» или « » либо «х» в пустом квадрате, расположенном справа напротив варианта, за который они голосуют по выносимому на референдум вопросу».
Статья 2. Часть двенадцатую статьи 15 Закона Республики Узбекистан от 29 августа 2003 года № 522-II «О Регламенте Законодательной палаты Олий Мажлиса Республики Узбекистан» (Ведомости Олий Мажлиса Республики Узбекистан, 2003 г., № 9-10, ст. 136; Ведомости палат Олий Мажлиса Республики Узбекистан, 2007 г., № 4, ст. 163, № 7, ст. 326; 2008 г., № 12, ст. 637; 2009 г., № 4, ст. 136; 2011 г., № 4, ст. 101; 2013 г., № 4, ст. 95; 2014 г., № 4, ст. 86, № 5, ст. 130; 2015 г., № 12, ст. 452; 2016 г., № 9, ст. 276; 2017 г., № 6, ст. 300, № 9, ст. 510; 2018 г., № 1, ст. 4, № 4, ст. 224, № 7, ст. 431; 2019 г., № 1, ст. 1, № 3, ст. 157, № 5, ст.ст. 261, 265, № 8, ст. 468, № 9, ст. 588, № 12, ст. 884; 2020 г., № 8, ст. 488; 2021 г., приложение к № 4, № 11, ст. 1061) изложить в следующей редакции:
«При рассмотрении законопроекта Законодательной палатой во втором чтении обсуждение проводится по наименованию, преамбуле (при наличии) и по каждой статье отдельно. При этом обсуждаются как одобренные, так и не одобренные ответственным комитетом мнения и предложения. Голосование по законопроекту, как правило, проводится по наименованию, преамбуле (при наличии) и по каждой статье отдельно. По решению Законодательной палаты голосование по законопроекту может проводиться по главам или разделам, а также по нескольким статьям одновременно».
Статья 3. Внести в статью 19 Закона Республики Узбекистан от 11 октября 2006 года № ЗРУ-60 «О порядке подготовки проектов законов и их внесения в Законодательную палату Олий Мажлиса Республики Узбекистан» (Ведомости палат Олий Мажлиса Республики Узбекистан, 2006 г., № 10, ст. 537; 2014 г., № 5, ст. 130; 2017 г., № 9, ст. 510; 2018 г., № 1, ст.ст. 1, 4; 2019 г., № 5, ст. 261; 2020 г., № 8, ст. 488; 2021 г., приложение к № 4, № 10, ст. 968) следующие изменения и дополнение:
1) часть вторую изложить в следующей редакции:
«Проект закона может содержать преамбулу, которая содержит необходимость, разъяснение мотивов и целей его принятия, а также раскрывающую его суть и значение»;
2) дополнить частями третьей и четвертой следующего содержания:
«Проекты законов о внесении изменений, дополнений и поправок в Конституцию Республики Узбекистан, конституционные законы и законы Республики Узбекистан, а также проекты законов о признании утратившими силу законов Республики Узбекистан или их отдельных норм, как правило, имеют преамбулу, которая содержит необходимость, разъяснение мотивов и целей его принятия, а также раскрывающую его суть и значение.
Правовые нормы в преамбулу не включаются»;
3) части третью — седьмую считать соответственно частями пятой — девятой.
Статья 4. Внести в Единую методику юридико-технического оформления проектов нормативно-правовых актов, а также информационно-аналитических материалов, прилагаемых к ним, утвержденную Законом Республики Узбекистан от 20 апреля 2021 года № ЗРУ-682 «О нормативно-правовых актах» (Ведомости палат Олий Мажлиса Республики Узбекистан, 2021 г., № 4, ст. 288; 2022 г., № 3, ст. 213, № 8, ст. 788), следующие дополнение и изменения:
1) дополнить пунктами 59 1 и 59 2 следующего содержания:
«59 1 . В наименовании проекта подзаконного акта, предусматривающего внесение изменений и дополнений в подзаконные акты, а также признание их утратившими силу, должна быть указана суть вносимых данным проектом основных изменений и дополнений.
59 2 . Проект, предусматривающий внесение изменений и дополнений в нормативно-правовые акты, а также признание их утратившими силу, как правило, имеет преамбулу, содержащую в себе пояснение о необходимости, причинах и целях принятия проекта, а также раскрывающую суть и значение нормативно-правового акта. В преамбуле подзаконного акта, при необходимости, указываются акты законодательства, во исполнение или на основании которых он принимается»;
2) пункт 68 изложить в следующей редакции:
«68. В случае, если в проекте, содержащем нормы о внесении изменений и дополнений в подзаконные акты, а также о признании их утратившими силу, эти нормы составляют два или более пунктов и имеют большой объем, они готовятся в виде приложения (приложений) к проекту.
В этом случае в структурной единице проекта подзаконного акта, предусматривающей утверждение приложения, вкратце излагается суть вносимых изменений и дополнений, а также признаваемых утратившими силу норм»;
3) из абзаца второго пункта 76 слова «за исключением законопроектов» исключить.
Статья 5. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону;
обеспечить исполнение, доведение до исполнителей и разъяснение среди населения сути и значения настоящего Закона.
Статья 6. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
26 октября 2022 г.,
№ ЗРУ-796