UzbekAI

Ўзбекистон Республикаси Вазирлар Маҳкамасининг

қарори

НАМУНАВИЙ НИЗОМ

НИЗОМ

ҚОИДАЛАРИ

РЎЙХАТИ

НИЗОМ

РЎЙХАТИ

РЎЙХАТИ

РЎЙХАТИ

Идоравий ҳарбийлаштирилган қўриқлаш ҳамда идоравий қоровуллик бўлинмалари фаолиятини ташкил этиш чора-тадбирлари тўғрисида

«Қўриқлаш фаолияти тўғрисида»ги Ўзбекистон Республикаси Қонунига мувофиқ, шунингдек, идоравий ҳарбийлаштирилган қўриқлаш ҳамда идоравий қоровуллик бўлинмалари фаолиятини самарали ташкил этиш мақсадида Вазирлар Маҳкамаси қарор қилади:

1. «Қўриқлаш фаолияти тўғрисида»ги Ўзбекистон Республикаси Қонунининг 7-моддасига мувофиқ:

Идоравий ҳарбийлаштирилган қўриқлаш тўғрисидаги намунавий низомни тасдиқлаш;

идоравий ҳарбийлаштирилган қўриқлаш бўлинмалари ишчи ва хизматчиларининг касбий тайёргарлигини амалга ошириш тартибини белгилаш;

идоравий ҳарбийлаштирилган қўриқлаш ҳамда идоравий қоровуллик бўлинмаларининг ишчи ва хизматчилари томонидан шахсий кўрикдан ўтказиш, ашёлар, қўл юки, багаж ва транспорт воситаларини кўздан кечириш қоидаларини белгилаш;

идоравий ҳарбийлаштирилган қўриқлаш ҳамда идоравий қоровуллик бўлинмалари ишчи ва хизматчиларининг ўз мажбуриятларини бажаришига тўсқинлик қиладиган касалликлар ва жисмоний нуқсонлар рўйхатини тасдиқлаш Вазирлар Маҳкамаси томонидан амалга оширилиши маълумот учун қабул қилинсин.

2. Қуйидагиларни назарда тутувчи:

а) Идоравий ҳарбийлаштирилган қўриқлаш бўлинмалари тўғрисидаги намунавий низом 1-иловага мувофиқ:

идоравий ҳарбийлаштирилган қўриқлаш бўлинмалари вазифалари;

идоравий ҳарбийлаштирилган қўриқлаш бўлинмаларини ташкил этиш, идоравий ҳарбийлаштирилган қўриқлаш бўлинмалари ишчи ва хизматчилари лавозимларига номзодларга қўйиладиган талаблар;

идоравий ҳарбийлаштирилган қўриқлаш бўлинмаларининг ишчи ва хизматчиларининг ҳуқуқ ва мажбуриятлари, уларни ижтимоий ҳимоя қилиш;

идоравий ҳарбийлаштирилган қўриқлаш бўлинмаларининг молиявий ва моддий-техник таъминоти;

б) Идоравий ҳарбийлаштирилган қўриқлаш бўлинмалари ишчи ва хизматчиларининг касбий тайёргарлигини амалга ошириш тартиби тўғрисидаги низом 2-иловага мувофиқ:

идоравий ҳарбийлаштирилган қўриқлаш бўлинмалари ишчи ва хизматчиларининг касбий тайёргарлик машғулотлари бўйича вазифалари;

идоравий ҳарбийлаштирилган қўриқлаш бўлинмалари ишчи ва хизматчиларининг касбий тайёргарлик машғулотларини режалаштириш ва ташкил этиш, шунингдек, ташкил этишга масъул шахсларга қўйиладиган талаблар;

идоравий ҳарбийлаштирилган қўриқлаш бўлинмалари ишчиларининг ва хизматчиларининг касбий тайёргарлик якунлари бўйича синовлар қабул қилиш тартиби;

в) Идоравий ҳарбийлаштирилган қўриқлаш ҳамда идоравий қоровуллик бўлинмаларининг ишчи ва хизматчилари томонидан шахсий кўрикдан ўтказиш, ашёлар, қўл юки, багаж ва транспорт воситаларини кўздан кечириш қоидалари 3-иловага мувофиқ:

идоравий ҳарбийлаштирилган қўриқлаш ва идоравий қоровуллик бўлинмаларининг ишчи ва хизматчилари томонидан объект ходимлари ҳамда ташриф буюрувчиларни шахсий кўрикдан ўтказиш тартиби;

идоравий ҳарбийлаштирилган қўриқлаш ва идоравий қоровуллик бўлинмаларининг ишчи ва хизматчилари томонидан ашёлар, қўл юки, багаж ва транспорт воситаларини кўздан кечириш тартиби;

ашёлар, қўл юки, багаж ва транспорт воситаларини кўздан кечириш ваколатига эга бўлган шахсларнинг ҳуқуқ ва мажбуриятлари;

махсус юклар, махсус почта ва соқчилар назорати остидаги шахсларга ҳамроҳлик қилувчи шахсларни, ҳарбий хизматчилар, мерган спортчилар, овчилар, геологлар, қурол сақлаш ва ташиш ҳуқуқига эга бўлган бошқа шахсларнинг ашёларини кўздан кечириш тартиби;

г) Идоравий ҳарбийлаштирилган қўриқлаш ҳамда идоравий қоровуллик бўлинмалари ишчи ва хизматчиларининг ўз мажбуриятларини бажаришига тўсқинлик қиладиган касалликлар ва жисмоний нуқсонлар рўйхати 4-иловага мувофиқ тасдиқлансин.

3. Ўзбекистон Республикаси Ҳукуматининг 5-иловага мувофиқ айрим қарорларига ўзгартиришлар киритилсин.

4. Ўзбекистон Республикаси Ҳукуматининг 6-иловага мувофиқ айрим қарорлари ўз кучини йўқотган деб ҳисоблансин.

5. Ўзбекистон Республикаси Миллий гвардияси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

6. Мазкур қарорнинг бажарилишини назорат қилиш Ўзбекистон Республикаси Миллий гвардияси қўмондони Р.М. Джураев зиммасига юклансин.

Вазирлар Маҳкамасининг 2022 йил 1 ноябрдаги 630-сон қарорига 1-ИЛОВА

Идоравий ҳарбийлаштирилган қўриқлаш бўлинмалари тўғрисида

1-боб. Умумий қоидалар

1. Мазкур Намунавий низом Идоравий ҳарбийлаштирилган қўриқлаш бўлинмаларининг (кейинги ўринларда — қўриқлаш бўлинмалари) вазифалари ва уларни ташкил этиш тартиби, қўриқлаш бўлинмаларнинг ишчи ва хизматчилари лавозимларига номзодларга қўйиладиган талаблар, ишчилар ва хизматчиларнинг ҳуқуқлари, мажбуриятлари ва ижтимоий ҳимояси, шунингдек, қўриқлаш бўлинмаларининг молиявий ва моддий-техник таъминотини ташкил этиш тартибини белгилайди.

2. Қуйидагилар қўриқлаш бўлинмаларининг вазифалари ҳисобланади:

жисмоний шахслар ҳаётини ва соғлиғини тажовузлардан ҳимоя қилиш;

объектларни қўриқлаш ва тажовузлардан ҳимоя қилиш;

қўриқланадиган объектларда назорат-ўтказиш ва объектнинг ички режимларини таъминлаш;

қўриқланадиган объектлар ҳудудида жамоат тартибини таъминлаш, ҳуқуқбузарликларни профилактика қилиш ва уларга чек қўйиш;

қўриқланадиган объектлардаги мол-мулкни қўриқлаш ва кузатиб бориш;

қўриқланадиган объектларда табиий ва техноген хусусиятли фавқулодда вазиятлар оқибатларини бартараф қилишда иштирок этиш;

қўриқлашнинг илғор муҳандислик ва техник воситалари ҳамда усулларини жорий этиш ва улардан фойдаланиш;

қўриқлаш бўлинмалари ишчи ва хизматчиларининг жанговар ҳамда хизмат тайёргарлигини юқори даражада таъминлаш ва сақлаш;

объектлар ва мол-мулкни қўпорувчилик-террорчилик ҳаракатлари содир этилишидан, ёқиш, ўғирлаш ва бошқа жиноий тажовузлардан ишончли қўриқлашни ташкил этиш масалалари бўйича ҳуқуқни муҳофаза қилиш органлари ва бошқа давлат органлари, жамоатчилик вакиллари билан ўзаро ҳамкорликни таъминлаш.

Қўриқлаш бўлинмалари қонунчилик ҳужжатларига мувофиқ бошқа вазифаларни ҳам амалга оширади.

2-боб. Қўриқлаш бўлинмаларини ташкил этиш

3. Қўриқлаш бўлинмалари Вазирлар Маҳкамаси тасдиқлаган рўйхатга мувофиқ давлат бошқаруви органлари, хўжалик бирлашмалари, маҳаллий давлат ҳокимияти органлари ва бошқа ташкилотларда (кейинги ўринларда — тегишли ташкилотлар) ташкил этилади.

Қўриқлаш бўлинмаларининг тузилмаси, ишчи ва хизматчилари сонининг нормаси ва қўриқлаш бўлинмалари фаолиятини ташкил этиш тартиби тегишли ташкилотларнинг ушбу Намунавий низомга мувофиқ ишлаб чиқиладиган ҳужжатлари билан белгиланади.

4. Қўриқлаш бўлинмаларининг ишчи ва хизматчилари томонидан хизматни ўташни ташкил этиш ва хизмат ўташ тартиби Ўзбекистон Республикаси Қуролли Кучларининг Гарнизон ва қоровуллик хизматлари низоми асосида ишлаб чиқилган ва Ўзбекистон Республикаси Ички ишлар вазирлиги билан келишилган ҳолда, ўз тизимида қўриқлаш бўлинмалари бўлган тегишли ташкилотлар тасдиқлаган қоидаларга мувофиқ белгиланади.

5. Қўриқлаш бўлинмаларининг ишчи ва хизматчилари ўз хизмат мажбуриятларини бажариш чоғида тегишли ташкилотлар томонидан Ўзбекистон Республикаси Ички ишлар вазирлиги билан келишилган ҳолда ишлаб чиқилган ва тасдиқланган ҳамда фарқловчи белгилари бўлган формали кийим-бош кийиб юриш ҳуқуқига эга.

Қўриқлаш бўлинмалари ишчи ва хизматчиларига тегишли ташкилотлар томонидан белгиланган тартибда хизмат гувоҳномалари берилади.

6. Қўриқлаш бўлинмалари ўзларига юкланган вазифаларни бажариш учун хизмат (қўриқчи) итларидан фойдаланиши мумкин.

Хизмат (қўриқчи) итлари хизматда фойдаланишга яроқли деб топилган бўлиши ва уларнинг ветеринар паспорти бўлиши керак.

3-боб. Қўриқлаш бўлинмалари ишчи ва хизматчилари лавозимларига номзодларга қўйиладиган талаблар

7. Қўриқлаш бўлинмаларига Ўзбекистон Республикаси Қуролли Кучлари сафида контракт бўйича ҳарбий хизматни, муддатли ҳарбий хизматни ёки сафарбарлик чақируви резервида хизматни ўтаган фуқаролар олинади (бошқарув, хизмат кўрсатувчи ва техник ходимлар бундан мустасно).

8. Қуйидагилар қўриқлаш бўлинмаларига иш (хизмат)га қабул қилинмайди:

қасддан содир этган жиноятлари учун судланганлик ҳолати тугалланмаган ёки судланганлиги олиб ташланмаган шахслар;

жиноий жазони ўтаётган шахслар;

мулкка тажовуз қилувчи ҳуқуқбузарликларни содир этганлик учун маъмурий жавобгарликка тортилган, шунингдек, жамоат тартибига ёки бошқарувнинг белгиланган тартибига тажовуз қилувчи ҳуқуқбузарликларни содир этганлик учун бир йил ичида такроран маъмурий жавобгарликка тортилган шахслар;

руҳий касалликлари бўлган, наркологик касалликларга чалинган, шунингдек, соғлиғи бўйича тегишли ташкилотлар томонидан белгиланган талабларга жавоб бермайдиган шахслар;

суд томонидан муомалага лаёқатсиз ёки муомала лаёқати чекланган деб топилган шахслар;

умумий ўрта ёки ўрта махсус маълумотга эга бўлмаган шахслар;

чет эл фуқаролари ва фуқаролиги бўлмаган шахслар.

Қўриқлаш бўлинмаларига ишга (хизматга) кириш учун номзодларга нисбатан қонунчиликка мувофиқ қўшимча талаблар қўйилиши мумкин.

9. Қўриқлаш бўлинмаларининг ишчи ва хизматчилари махсус ўқув дастурлари бўйича касбий тайёргарликдан ўтади.

Касбий тайёргарлик бўйича машғулотлар ўтказиладиган вақт иш вақтига киритилади.

4-боб. Қўриқлаш бўлинмалари ишчи ва хизматчиларининг ҳуқуқ ва мажбуриятлари

10. Қўриқлаш бўлинмаларининг ишчи ва хизматчилари ўз вазифаларини бажаришда қуйидаги ҳуқуқларга эга:

қўриқланадиган объектга келган ва унинг ҳудудида турган шахслардан назорат-ўтказиш ва объектнинг ички режимларига, шунингдек, жамоат тартибига риоя этишни талаб қилиш;

қўриқланадиган объект ҳудудидан мол-мулкни қонунга хилоф равишда олиб чиқишга ёки қўриқланадиган объектга тақиқланган предметларни олиб киришга уриниш чоғида шахсларни ушлаш;

шахсини тасдиқлайдиган ва қўриқланадиган объектга кириш (чиқиш) ва унда бўлиш, шунингдек, транспорт воситаларининг кириши (чиқиши), мол-мулкни қўриқланадиган объектларга олиб кириш (олиб чиқиш) ҳуқуқини берадиган ҳужжатларни текшириш;

қўриқланадиган объектлардаги мол-мулкни сақлаш шароитларини, қўриқлашнинг муҳандислик ва техник воситалари ҳолатини ҳамда созлигини текшириш, аниқланган қоидабузарликлар ва камчиликларнинг бартараф этилишини тегишли ташкилотларнинг масъул ходимларидан талаб қилиш;

объектларни қўриқлаш ва мол-мулк сақланиши, назорат-ўтказиш ва объект ички режими қоидалари бузилиши аниқланган тақдирда, уларга барҳам бериш ва уларга кўмаклашадиган шарт-шароитларни тугатиш чора-тадбирларини кўриш;

фуқаролар ва мансабдор шахслардан хизмат вазифалари бажарилишига тўсқинлик қилувчи ҳуқуқбузарликлар ва хатти-ҳаракатларни тўхтатишни талаб қилиш. Ушбу талаблар бажарилмаган тақдирда, ҳуқуққа зид хатти-ҳаракатлар, ҳуқуқбузарликларга барҳам бериш юзасидан қонунчиликда назарда тутилган тегишли чораларни қўллаш;

қўриқланадиган объектдаги, патруллик йўналишидаги ҳодисани, содир этилган ҳуқуқбузарликни белгиланган тартибда расмийлаштириш, жиноят изларини сақлаш мақсадида фуқаролардан ҳодиса жойини тарк этишни талаб қилиш;

қўриқланадиган объектга қонунга хилоф равишда кирган ёки қўриқланадиган объектда ҳуқуқбузарлик содир этган шахсларнинг шахсини аниқлаш, уларни ушлаш ҳамда қўриқлаш хизмати хонасига етказиш;

муомалада бўлиши чекланган моддалар, шу жумладан, объектга олиб кириш (ундан олиб чиқиш) учун тақиқланган предметлар рўйхатига қўриқланадиган объект маъмурияти томонидан киритилган моддалар бор деб ҳисоблаш учун асослар мавжуд бўлган тақдирда, фуқароларни шахсий кўрикдан ўтказиш, уларнинг ашёларини, қўл юкини, багажини кўздан кечириш ҳамда уларни олиб юриш ҳамда сақлаш учун асослар мавжуд бўлмаган тақдирда, мазкур предметлар, воситалар ва моддаларни олиб қўйиш, шунингдек, транспорт воситаларини кўздан кечириш, уларда ташилаётган юкларнинг илова қилинадиган ҳужжатларга мувофиқлигини текшириш;

қонунчиликда назарда тутилган тартибда хизмат қуролини ҳамда махсус воситаларни олиб юриш ва улардан фойдаланиш, шунингдек, жисмоний куч ишлатиш.

Қўриқлаш бўлинмаларининг ноқулай меҳнат шароитларига эга бўлган объектларда хизмат ўтайдиган ишчи ва хизматчилари ушбу объектларнинг ходимлари учун назарда тутилган меҳнат соҳасидаги қўшимча кафолатлардан фойдаланади. Меҳнат соҳасидаги қўшимча кафолатлар қўриқлаш хизматларини кўрсатиш тўғрисидаги шартномада акс эттирилади.

Қўриқлаш бўлинмаларининг ишчи ва хизматчилари қонунчиликда назарда тутилган бошқа ҳуқуқлардан ҳам фойдаланиш ҳуқуқига эга.

11. Қўриқлаш бўлинмаларининг ишчи ва хизматчилари қўриқлаш тури, шакллари, усулларидан қатъи назар, хизматни ўташ вақтида қуйидагиларга мажбур:

қўриқланадиган объектларни ҳимоя қилиш, белгиланган тартибга ва қўриқлаш фаолияти тўғрисидаги қонунчилик талабларига қатъи риоя этиш, қўриқланадиган объектни кузатиб бориш;

қўриқланадиган объектга тажовуз қилган шахсларга нисбатан айни ҳолатда лозим бўлган эҳтиёт чораларини қўллаган ҳолда, қонунчиликда белгиланган тартибда ҳаракатларни амалга ошириш;

қўриқланаётган мол-мулкнинг ўғирланиши ёки бузилишига олиб келиши мумкин бўлган хўжасизлик ва бепарволик намоён бўлишининг ҳар қандай кўринишига нисбатан ўз вақтида чоралар кўриш;

ҳодиса жойида жабрланган фуқароларга, шунингдек, ҳаётига ва соғлиғига зарар етказилган шахсларга биринчи ёрдам кўрсатиш ёки шундай ёрдам кўрсатилишини ташкил этиш;

хизматни ўташ жойларида жамоат тартибини сақлаш, ҳуқуқбузарликларни профилактика қилиш ва уларга чек қўйиш;

ўз ваколатлари доирасида жисмоний шахслар ҳаёти, соғлиғи ва мол-мулкини, шунингдек, юридик шахсларнинг мол-мулкини ҳимоя қилиш учун зарур чоралар кўриш;

қўриқланадиган объектда ҳуқуқбузарликлар ва ҳодисаларнинг излари сақланишини таъминлаш;

қўриқланадиган объектлардаги табиий ва техноген хусусиятли фавқулодда вазиятлар оқибатларини бартараф қилишда иштирок этиш;

қўриқлаш фаолиятини амалга ошириш чоғида ўзларига маълум бўлган хизматга доир ахборотнинг ва бошқа ахборотнинг махфийлигини таъминлаш;

қўриқланадиган объектда назорат-ўтказиш ва объектнинг ички режимларига риоя этилишини қўриқланадиган объект маъмурияти томонидан қўриқлаш фаолиятини амалга оширувчи субъектлар билан келишувга кўра тасдиқланган қоидаларга мувофиқ таъминлаш;

қўриқланадиган объектлар хавфсизлигини таъминлаш мақсадида фуқаролар, ҳуқуқни муҳофаза қилувчи органлар ва бошқа давлат органлари, жамоатчилик вакиллари билан ҳамкорликни амалга ошириш;

ҳуқуқни муҳофаза қилувчи органларга уларнинг зиммасига юклатилган вазифаларни ҳал этишда ўз ваколатлари доирасида кўмаклашиш;

ўзига ишониб топширилган хизмат қуроли ва унинг ўқ-дорилари, махсус ва техник воситалар, шахсий ҳимоя воситалари ҳамда мол-мулкнинг хавфсиз ва лозим даражада сақланишини таъминлаш;

ўзларига юкланган вазифаларни бажаришга ҳалол ва виждонан муносабатда бўлиш, интизомли бўлиш, ўз касбий билимларини доимо ошириб бориш;

тегишли махсус ўқув дастурлари бўйича касбий тайёргарлик даражасини таъминлаш;

белгиланган тартибда махсус формали кийим-бошини кийиш ва фарқловчи белгиларини тақиб юриш.

Қўриқлаш бўлинмаларининг ишчи ва хизматчиларининг зиммасига қонунчиликка мувофиқ бошқа мажбуриятлар ҳам юкланиши мумкин.

12. Қўриқлаш бўлинмаларининг ишчи ва хизматчилари бир йилда камида бир марта иш берувчининг ҳисобидан мажбурий тиббий кўрикдан ўтади.

Мажбурий тиббий кўрикдан ўтишдан бош тортган қўриқлаш бўлинмалари ишчи ва хизматчилари иш берувчининг қарорига асосан мажбурий тиббий кўрикдан ўтиб бўлгунига қадар ишдан четлаштирилади.

Тиббий кўрик натижалари бўйича хизматга яроқсиз деб топилган қўриқлаш бўлинмаларининг ишчи ва хизматчилари билан тузилган меҳнат шартномаси умумий асосларда бекор қилинади.

13. Қўриқлаш бўлинмаларининг ишчи ва хизматчиларининг ноқонуний хатти-ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиниши мумкин.

14. Қўриқлаш бўлинмаларининг ишчи ва хизматчиларининг жисмоний куч ишлатиш, махсус воситаларни ва хизмат қуролини қўллаш тартиби «Қўриқлаш фаолияти тўғрисида»ги Ўзбекистон Республикаси Қонунига мувофиқ амалга оширилади.

5-боб. Қўриқлаш бўлинмаларининг ишчилари ва хизматчиларининг ижтимоий ҳимояси

15. Қўриқлаш бўлинмаларининг ишчи ва хизматчиларига тегишли жамоавий шартномалар ҳамда битимларда назарда тутилган қоидалар ва имтиёзлар жорий этилади.

16. Қўриқлаш бўлинмаларининг ишчи ва хизматчилари меҳнат фаолияти давомидаги бахтсиз ҳодисалар ва касбий касалликларидан қонунчилик ҳужжатларида белгиланган тартибда давлат мажбурий ижтимоий суғуртаси қилиниши лозим.

17. Қўриқлаш бўлинмаларининг ишчи ва хизматчилари хизмат вазифаларини бажариш чоғида жароҳат олган ёки ҳалок бўлган тақдирда, етказилган зарар тегишли жамоа шартномалари ва жамоа келишувларига мувофиқ амалдаги қонунчиликда белгилаб қўйилган нормалардан кам бўлмаган тартибда қопланади.

6-боб. Қўриқлаш бўлинмаларининг молиявий ва моддий-техник таъминоти

18. Қўриқлаш бўлинмаларини молиялаштириш ва моддий-техник таъминлаш қўриқлаш бўлинмаларини ташкил этган тегишли ташкилотлар маблағлари ҳисобидан амалга оширилади.

19. Қўриқлаш бўлинмаларининг ишчи ва хизматчилари меҳнатига ҳақ тўлаш, уларни формали кийим-бош ва махсус воситалар билан таъминлаш қўриқлаш бўлинмаларини ташкил этган тегишли ташкилотлар томонидан белгиланадиган нормаларга мувофиқ амалга оширилади.

20. Қўриқлаш бўлинмаларининг ишчи ва хизматчилари фаолияти тегишли ташкилотлар, шунингдек, Ўзбекистон Республикаси Ички ишлар вазирлиги ҳузуридаги Қўриқлаш департаменти бўлинмалари томонидан уларнинг ваколатлари доирасида назорат қилинади.

7-боб. Якунловчи қоидалар

21. Қўриқлаш бўлинмалари қонунчилик ҳужжатларига мувофиқ қайта ташкил этилади ва тугатилади.

22. Ушбу Намунавий низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2022 йил 1 ноябрдаги 630-сон қарорига 2-ИЛОВА

Идоравий ҳарбийлаштирилган қўриқлаш бўлинмалари ишчиларининг ва хизматчиларининг касбий тайёргарлигини амалга ошириш тартиби тўғрисида

1-боб. Умумий қоидалар

1. Ушбу Низом Идоравий ҳарбийлаштирилган қўриқлаш бўлинмалари ишчи ва хизматчиларининг (кейинги ўринларда — ишчи ва хизматчилар) касбий тайёргарлигини амалга ошириш тартибини белгилайди.

2. Ишчи ва хизматчиларнинг касбий тайёргарлиги уларнинг ўз хизмат вазифаларини бажариши учун зарур бўлган билим, кўникма, малакаларни оширишга, чидамлилик ва эпчилликни таъминлашга қаратилган хизмат-жанговар, ижтимоий-ҳуқуқий, ахлоқий-руҳий ва жисмоний тайёргарлик машғулотларини ўз ичига олади.

3. Зарур билим, кўникма ва малакаларни ўзлаштириш, етарли даражада такомиллаштириб бориш ҳамда жанговар, жисмоний ва ахлоқий-руҳий етукликка эришишга интилиш ҳар бир ишчи ва хизматчининг хизмат бурчидир.

4. Ишчи ва хизматчилар билан касбий тайёргарлик машғулотларини амалга ошириш мақсади ва вазифалари қуйидагилардан иборат:

ишчи ва хизматчиларнинг касбий тайёргарликдаги масъулият ҳиссини ва маҳоратини доимий равишда такомиллаштириб бориш;

ишчилар ва хизматчиларга объектларни қўриқлашни ташкил этишнинг норматив-ҳуқуқий асосларини ўргатиш, уларнинг амалий кўникма ҳамда малакаларини ошириш;

ишчи ва хизматчиларга касбий-этика қоидаларига асосланиб, қўриқлаш фаолиятини амалга ошириш давомида турли хил вазиятларда ўзини тутишни, фуқаролар билан муомала қилиш маданиятини ва ахлоқий-руҳий ҳолатини назорат қилишни ўргатиш;

қўриқланадиган объектларнинг ўзига хослиги ва хусусиятларини ўргатиш;

ишчи ва хизматчилар орасидан бошқарувчанлик қобилиятига эгаларини саралаб, уларга қўриқлаш фаолияти жараёнида бошқарувни амалга оширишни ўргатиш;

ишчи ва хизматчиларни мустақил ҳамда гуруҳ таркибида ўз хизмат вазифаларини бажаришга, жисмоний куч ишлатиш, махсус воситаларни қўллаш, хизмат қуролидан моҳирона фойдаланиш талабларини ўргатиш;

қўриқланадиган объектлар ҳудудида жамоат тартибини таъминлаш, ҳуқуқбузарликларни профилактика қилиш ва уларга чек қўйиш бўйича доимий амалий машғулотларни ташкил этиш;

қўриқланадиган объектларда табиий ва техноген хусусиятли фавқулодда вазиятлар оқибатларини бартараф қилишда иштирок этишни ҳамда қўриқлашнинг илғор муҳандислик, техник воситалари ва усулларини жорий этишни, улардан фойдаланишни ўргатиш;

ишчи ва хизматчиларнинг турли ҳолатларда моҳирона ҳамда самарали ҳаракатланиши, қурол ва махсус воситаларни жанговар шай ҳолатда сақлаши бўйича билим ва кўникмаларини шакллантириш;

ишчи ва хизматчиларга қўриқланадиган объектларни тажовузлардан ҳамда объектдаги жисмоний шахсларнинг ҳаёти ва соғлиғини ҳимоя қилишни ўргатиш;

ишчи ва хизматчиларда юқори руҳий барқарорлик, жасоратлилик, қатъиятлилик, жисмоний чидамлилик ва эпчиллик, зукколик, оғир шароитларда жисмоний ва ахлоқий-руҳий зўриқишга бардош бериш қобилиятини шакллантириш, зийраклик, ҳушёрлик, хотира, тафаккур ва қўриқлаш фаолиятини амалга оширишда зарур бўладиган бошқа ақлий-ҳиссий кўникмаларини ривожлантириш.

5. Ишчи ва хизматчилар касбий тайёргарлик машғулотлари билан тўлиқ қамраб олинади. Хизматда, меҳнат таътилида бўлганлар, касаллик варақаси бўйича ишда бўлмаганлар ёки бошқа узрли сабаблар билан қатнашмаганлар учун қўшимча машғулотлар ташкил этилади.

2-боб. Касбий тайёргарликни режалаштириш ва ташкил этиш

6. Касбий тайёргарлик машғулотлари икки ўқув босқичида ўтказилади:

биринчи ўқув босқичи январь — май ойларида;

иккинчи ўқув босқичи июль — ноябрь ойларида.

Июнь ва декабрь ойи янги ўқув босқичига тайёргарлик ойлари ҳисобланади.

7. Касбий тайёргарлик машғулотлари назарий, амалий, мустақил тайёргарлик ва синовларни қабул қилиш каби ўқитиш усулларидан фойдаланган ҳолда ташкил этилади.

Касбий тайёргарликни амалга оширишда ўқитишнинг замонавий усулларидан фойдаланилади.

8. Касбий тайёргарлик бўйича ишчи ва хизматчиларнинг хизмат-жанговар, ижтимоий-ҳуқуқий, ахлоқий-руҳий ва жисмоний тайёргарлик машғулотларини амалга ошириш тартиби Ўзбекистон Республикаси ички ишлар вазири томонидан белгиланади.

9. Касбий тайёргарлик машғулотлари таркибида идоравий ҳарбийлаштирилган қўриқлаш бўлинмалари бўлган давлат бошқаруви органи, хўжалик бирлашмаси, маҳаллий давлат ҳокимияти органи ёки бошқа ташкилотлар раҳбарининг буйруғи (фармойиши) асосида ташкил этилади ва ушбу буйруқда (фармойишда) машғулотларни ташкил этиш учун масъуллар, тайёргарлик машғулотларни ташкил этиш куни, жойи, вақти, ким томонидан ўтказилиши белгиланади.

10. Касбий тайёргарлик машғулотларини ташкил этиш учун масъул этиб белгиланган мутахассисларнинг вазифалари:

ўқув жараёнини режалаштириш ва ишлаб чиқишда қўл остидаги ишчи ва хизматчиларга вазифаларни тақсимлаб бериш ҳамда уларнинг бажарилишини назорат қилиш;

ўқув жараёнини ташкил этиш учун маълумотлар ва маърузалар ресурсларини шакллантириш ҳамда янгилаб бориш;

машғулотлар гуруҳлар таркибида ва махсус тактик машқлар ўқув режалари ҳамда дастурларига асосан ўтказилиб, ўқув гуруҳ журналларини тўғри юритилишини назорат қилиш;

ўқув-моддий базани яхшилаш ва талаб даражасида сақлаб туришга раҳбарлик қилиш;

машғулотларни ўтказишда хавфсизлик қоидалари ҳамда талабларининг бажарилиши, меҳнатни муҳофаза қилиш қоидаларига риоя этилишини назорат қилиш.

3-боб. Касбий тайёргарлик якунлари бўйича синов имтиҳонларини ўтказиш тартиби

11. Ишчи ва хизматчилар касбий тайёргарлик якунлари бўйича синов имтиҳонларидан (кейинги ўринларда — синов) ўтказилади. Синов касбий тайёргарлик машғулотларининг иккинчи ўқув босқичи якунида ўтказилади.

Синовни ўтказиш ва баҳолаш таркибида идоравий ҳарбийлаштирилган қўриқлаш бўлинмалари бўлган давлат бошқаруви органи, хўжалик бирлашмаси, маҳаллий давлат ҳокимияти органи ёки бошқа ташкилот раҳбарининг буйруғи билан ташкил этилган комиссия (кейинги ўринларда — комиссия) томонидан амалга оширади.

12. Синов қуйидаги йўналишларда ва кетма-кетликда ўтказилади:

а) амалий синовлар:

жисмоний тайёргарлик бўйича (эркаклар учун тўсинда тортилиш, аёллар учун куч ишлатиш машқлари, белгиланган масофаларга югуриш);

жанговар тайёргарлик бўйича хизмат қуролидан ўқ отиш машғулоти бажарилади (хизмат қуроли бириктирилмаган ишчилар ва хизматчилар бундан мустасно);

б) назарий синовлар — қўриқлаш фаолиятини амалга ошириш, ижтимоий-ҳуқуқий, ахлоқий-руҳий, жисмоний куч ишлатиш, махсус воситаларни ва хизмат қуролини қўллаш шартлари, шахсий кўрикдан ўтказишни, ашёлар, қўл юки, багаж ва транспорт воситаларини кўздан кечириш қоидаларини ва ҳуқуқбузарлик содир этган шахсни ушлаш ва қўлга олиш бўйича ўқув босқичида ўтилган назарий билимларни тест топшириш орқали аниқлаш.

13. Амалий синовлар бўйича меъёрлар Ўзбекистон Республикаси ички ишлар вазири томонидан белгиланади. Амалий синовларни муваффақиятли топширганлар («қониқарли», «яхши» ва «аъло» баҳоланганлар) назарий синовига киришига рухсат берилади.

14. Назарий синовлар тест саволлар тўплами асосида ўтказилади. Тест саволлари ўқув йили давомида ўтказилган машғулотлар мавзуларидан келиб чиққан ҳолда, ўз хизмат йўналишлари бўйича ишлаб чиқилади.

15. Тест саволларининг матни «Тimеs Nеw Rоmаn» шрифтида Мiсrоsоft Wоrd матн редакторида қуйидаги тартибда кетма-кетликда тайёрланади:

саволлар кетма-кетликни билдирувчи рақамлар («1.», «2.», «3.» ва ҳоказо) билан белгиланади;

жавоб вариантларининг ҳар бири янги хатбошидан бошланади ва камида учта бўлади, ҳарфлар («А)», «Б)», «В)» ва бошқалар) билан белгиланади, жавобларнинг биттаси тўғри бўлади.

16. Тест саволлари комиссия томонидан текширилади, тўғри жавобнинг хатбошида «*» белгиси кўрсатилади ва зарур ҳолатларда ўзгартиришлар киритилиб, тўғрилигига ишонч ҳосил қилингандан сўнг тест базасига киритилади.

17. Ишчи ва хизматчилардан қабул қилинадиган касбий тайёргарлик бўйича назарий синовлар тести 50 та саволдан иборат бўлиб, уларни ечиш учун 60 дақиқа вақт ажратилади.

18. Назарий синовлар тест саволлари тўплами учта йўналишдан иборат:

қўриқлаш фаолияти йўналиши бўйича (20 та савол);

ижтимоий-ҳуқуқий ҳамда ахлоқий-руҳий йўналиш бўйича (15 та савол);

жисмоний куч ишлатиш, махсус воситаларни ва хизмат қуролини қўллаш шартлари бўйича (15 та савол).

19. Назарий синовлар тестларини баҳолашда ҳар бир тўғри топилган жавоб учун 2 балл берилади ва қуйидагича баҳоланади:

«аъло» баҳо — 43 тадан 50 тагача тўғри жавоб (86,0 баллдан 100 баллгача);

«яхши» баҳо — 36 тадан 42 тагача тўғри жавоб (72,0 баллдан 84,0 баллгача);

«қониқарли» баҳо — 28 тадан 35 тагача тўғри жавоб (56,0 баллдан 70,0 баллгача);

«қониқарсиз» баҳо — 27 тагача тўғри жавоб (54,0 баллгача).

20. Назарий синовларни топширадиган ишчи ва хизматчилар кундалик хизмат кийимида бўлади, уларга ёрдамчи маълумотлардан (шпаргалка, уяли алоқа ва бошқа воситалар) фойдаланиш, тест китобчасини синов олинаётган хонадан олиб чиқиб кетиш қатъиян ман этилади. Синов олиш жараёнида белгиланган тартиб ва хизмат интизомига тўлиқ риоя этилиши лозим.

21. Назарий синовлар компьютер техника воситалари ва видеокузатув орқали тўғридан-тўғри онлайн трансляция қилиш воситалари билан жиҳозланган махсус хоналарда ёки бундай махсус хоналар мавжуд бўлмаса, ёзма равишда қабул қилинади.

Назарий синовларни қабул қилишдан олдин ишчи ва хизматчиларга комиссия томонидан берилган кўрсатмани (тизимга кириш, тест саволларини танлаш ва улар билан ишлаш тартиби) аниқ тушунтирилади.

Агарда, ишчи ва хизматчи компьютерда ишлаш жараёнида хатога йўл қўйса, синовни қайта топширишга рухсат берилмайди ва унинг баҳоси «қониқарсиз» деб баҳоланади.

Ишчи ва хизматчига назарий синовни қайта топширишга компьютерда ёки электр тармоқда техник сабабларга кўра носозликлар пайдо бўлганда рухсат берилади.

22. Амалий ва назарий синовлар жараёнлари видео тасвирга тушириб борилади ҳамда бир йил давомида сақланади.

23. Ўтказилган синов натижалари бўйича комиссия томонидан баённома расмийлаштирилиб, имзоланади ва белгиланган тартибда сақланади.

24. Узрли сабабларга кўра (таътил, хизмат сафари, меҳнатга вақтинча лаёқатсиз бўлган давр) ўқув босқичи якуни бўйича ўтказилган синовда қатнаша олмаган ишчи ва хизматчилар учун қўшимча равишда синовлар ўтказилади.

Ўқув босқичи даврлари ўртасида иш (хизмат)га қабул қилинган ишчи ва хизматчилар учун иш (хизмат)га қабул қилинган йилда белгиланган синов ўтказилмайди.

25. Синовдан ўта олмаган ишчи ва хизматчиларга бевосита бошлиғининг тавсиясига мувофиқ мазкур Низомнинг 12-бандида назарда тутилган синовларни бир маротаба қайтадан топширишга рухсат берилади.

26. Синов натижалари бўйича ва қайта топширишда қониқарсиз баҳоланган ишчи ва хизматчилар малакаси етарли эмас деб ҳисобланиб, навбатдан ташқари касбий яроқлилигини аниқлаш мақсадида даврий текширувлардан ўтиш учун Ўзбекистон Республикаси Ички ишлар вазирлиги минтақавий ўқув марказларининг махсус ўқув курсларида ўз маблағлари ҳисобидан ўқига юборилади.

4-боб. Якунловчи қоида

27. Мазкур Низом талаблари бузилишида айбдор деб топилган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2022 йил 1 ноябрдаги 630-сон қарорига 3-ИЛОВА

Идоравий ҳарбийлаштирилган қўриқлаш ҳамда идоравий қоровуллик бўлинмаларининг ишчи ва хизматчилари томонидан шахсий кўрикдан ўтказиш, ашёлар, қўл юки, багаж ва транспорт воситаларини кўздан кечириш

1-боб. Умумий қоидалар

1. Ушбу Қоидалар Идоравий ҳарбийлаштирилган қўриқлаш ҳамда идоравий қоровуллик бўлинмалари (кейинги ўринларда — бўлинма) ишчи ва хизматчилари томонидан қўриқланадиган объектнинг (кейинги ўринларда — объект) назорат-ўтказиш жойида объект ходимлари ва ташриф буюрувчиларни шахсий кўрикдан ўтказиш ҳамда ашёлар, қўл юки, багаж ва транспорт воситаларини кўздан кечириш тартибини белгилайди.

2. Бўлинмалар объектда шахсий кўрикдан ўтказиш ва кўздан кечириш ҳуқуқига эга бўлган ваколатли тузилма ҳисобланади.

3. Ушбу Қоидаларда қуйидаги асосий тушунчалар қўлланилади:

ашё — муайян моддий қийматга эга бўлган ҳамда иқтисодий муносабатнинг предмети бўла оладиган, объект ходимлари ва ташриф буюрувчилар томонидан ёки улардан алоҳида тарзда олиб кириладиган (олиб чиқиладиган) нарса;

кўздан кечириш — объект ходимларига ва ташриф буюрувчиларга объектнинг назорат-ўтказиш жойида ашёлар, қўл юки ва багаж шаклида олиб кириш (чиқиш) тақиқланган, ноқонуний аралашиш ҳаракатини содир этиш учун фойдаланилиши мумкин бўлган хавфли моддалар ва буюмларни аниқлашга мўлжалланган тадбирлар комплекси;

қўл юки — ўз ўлчамига кўра объектнинг назорат-ўтказиш жойларида объект ходимлари ва ташриф буюрувчилар томонидан қийинчиликсиз олиб кирилиши (чиқилиши) мумкин бўлган, ўрашнинг тури ва хилидан қатъи назар, енгил ташиладиган буюмлар ва ашёлар;

ноқонуний аралашиш ҳаракати — объектнинг барқарор фаолият кўрсатишини издан чиқаришга қаратилган, одамлар ҳаёти ва соғлиғига, объектга моддий зарар етказадиган ёхуд бундай оқибатларнинг келиб чиқиш хавфини яратган ноқонуний ҳаракатлар ёки уринишлар;

объект ходими — қўриқланадиган корхоналар, муассасалар, ташкилотларда меҳнат шартномаси (контракт) бўйича ишлаётган жисмоний шахслар;

ташриф буюрувчи — объектга вақтинча (ўз ихтиёри ёки хизмат вазифаларини бажариш муносабати билан) келган жисмоний шахс;

шахсий кўрик — объектнинг назорат-ўтказиш жойида бўлган жисмоний шахсга нисбатан ўтказиладиган тадбирлар комплекси;

мансабдор шахс — идоравий ҳарбийлаштирилган қўриқлаш ҳамда идоравий қоровуллик бўлинмаларининг қўриқлаш фаолиятини амалга ошириш ваколати юклатилган, объект ходимлари ва ташриф буюрувчиларни шахсий кўрикдан ўтказиш ва кўздан кечириш ваколатига эга бўлган ишчи ва хизматчилари;

шахсини тасдиқлайдиган ҳужжатлар — фуқаронинг биометрик паспорти ёки идентификацияловчи ID-картаси, ҳарбий гувоҳнома, туғилганлик тўғрисидаги гувоҳнома, ҳайдовчилик гувоҳномаси, Ўзбекистон Республикаси фуқаросининг хорижга чиқиш биометрик паспорти, Ўзбекистон Республикаси ҳудудида доимий яшовчи чет эл фуқароси ва фуқаролиги бўлмаган шахснинг яшаш гувоҳномаси, фуқаролиги бўлмаган шахсларнинг ҳаракатланиш ҳужжатлари.

2-боб. Шахсий кўрикдан ўтказиш тартиби

4. Шахсий кўрик объектга олиб кириш (чиқиш) тақиқланган ашёларни объект ходимлари ҳамда ташриф буюрувчилар ёнида яширган деб тахмин қилишга асослар бўлганда, яширмоқчи бўлганда ва уларни ўз ихтиёри билан тақдим этиш сўралганда, тақдим этиш рад этилганда мансабдор шахс томонидан амалга оширилади.

5. Мансабдор шахс томонидан шахсий кўрикдан ўтказиш тўғрисида ёзма шаклда қарор қабул қилинади.

6. Шахсий кўрикдан ўтказишни бошлашдан аввал мансабдор шахс:

шахсий кўрикдан ўтказиш тўғрисидаги қарорни объект ходимлари ҳамда ташриф буюрувчиларга эълон қилиши;

шахсий кўрик ўтказилаётганда объект ходимлари ҳамда ташриф буюрувчиларнинг ҳуқуқлари ҳамда шахсий кўрикни амалга ошириш тартиби билан таништириши шарт.

7. Объект ходимлари ҳамда ташриф буюрувчилар шахсий кўрикни рад этган тақдирда, шахсий кўрикдан ўтказиш тўғрисидаги қарорга мансабдор шахс томонидан рад этилганлиги тўғрисида белги қўйилади ҳамда ушбу шахсларнинг объект ҳудудига киришига (ҳудуддан чиқишига) йўл қўйилмайди.

8. Агар шахсий кўрикдан ўтказилаётган объект ходимлари ҳамда ташриф буюрувчилар мансабдор шахснинг қонуний талабларини бажармаса ёки бажаришга қаршилик кўрсатса, ушбу ҳаракатлар маъмурий жавобгарлик тўғрисидаги қонунчиликка мувофиқ ушбу шахсларни маъмурий йўл билан ушлаб туриш учун асос бўлади.

9. Шахсий кўрик санитария-гигиена талабларига жавоб берадиган алоҳида хонада бўлинманинг шахсий кўрикдан ўтказилаётган объект ходимлари ҳамда ташриф буюрувчилар билан бир жинсдаги мансабдор шахс томонидан худди шу жинсдаги икки холис ҳозирлигида ўтказилади. Бошқа шахсларнинг бу хонага кириши ва шахсий кўрикдан ўтказишни кузатишига йўл қўйилмайди. Зарур ҳолларда, шахсий кўрик ўтказилаётганда таржимон жалб қилинади.

Вояга етмаган ёки муомалага лаёқатсиз ташриф буюрувчилар шахсий кўрикдан ўтказилаётганда уларнинг қонуний вакиллари ёки уларни кузатиб борувчи шахслар ҳозир бўлишга ҳақли.

10. Шахсий кўрик кўрикдан ўтказилаётган объект ходимлари ҳамда ташриф буюрувчилар томонидан ўзида яшириб қўйилган ашёларни топиш учун зарур бўлган доирада ҳамда инсон шаъни ва қадр-қиммати камситилишини, унинг соғлиғи ва мол-мулкига зиён етказилишини истисно этадиган шаклда амалга оширилади.

11. Объект ходимлари ҳамда ташриф буюрувчилар шахсий кўрикдан ўтиш жараёнида қуйидаги ҳуқуқларга эга:

мансабдор шахснинг шахсий кўрикдан ўтказиш тўғрисидаги қарори эълон қилинишини талаб қилиш;

ўз она тилидан фойдаланиш, шунингдек, таржимондан фойдаланиш;

ўз ҳуқуқлари ва мажбуриятлари билан танишиш;

тушунтиришлар, илтимосномалар бериш;

шахсий кўрик баённомаси тузилгандан сўнг у билан танишиб чиқиш ва мазкур баённомага киритилиши лозим бўлган маълумотларни баён этиш;

мансабдор шахснинг шахсий кўрикдан ўтказиш тўғрисидаги қарори ва унинг ҳаракатлари (ҳаракатсизлиги) бўйича белгиланган тартибда шикоят қилиш.

Шахсий кўрикдан ўтказилаётган объект ходимлари ҳамда ташриф буюрувчилар қонунчиликка мувофиқ бошқа ҳуқуқларга ҳам эга бўлиши мумкин.

12. Шахсий кўрикдан ўтказилаётган объект ходимлари ҳамда ташриф буюрувчилар мансабдор шахсларнинг қонуний талабларини бажаришлари шарт.

13. Шахсий кўрик натижалари бўйича белгиланадиган шаклда баённома тузилади ёки маъмурий ҳуқуқбузарлик тўғрисидаги баённомага ёхуд маъмурий йўл билан ушлаб туриш тўғрисидаги баённомага тегишлича ёзиб қўйилади. Баённома қуйидагилар томонидан имзоланади:

шахсий кўрикни ўтказган мансабдор шахс;

холислар;

шахсий кўрикдан ўтказилган объект ходимлари ҳамда ташриф буюрувчилар.

Шахсий кўрикдан ўтказилган объект ходимлари ҳамда ташриф буюрувчиларга шахсий кўрик ўтказилганлиги тўғрисидаги баённоманинг кўчирма нусхаси имзо қўйдириб тақдим этилади.

14. Шахсий кўрикдан ўтказиш ёки ашёларни кўздан кечириш вақтида аниқланган ҳуқуқбузарликни содир этиш қуроли ёки бевосита шундай ашёлар ва ҳужжатлар Ўзбекистон Республикасининг Маъмурий жавобгарлик тўғрисидаги кодексида назарда тутилган органлар томонидан олиб қўйилади.

3-боб. Кўздан кечиришнинг умумий қоидалари

15. Қуйидагилар кўздан кечиришда асосий принциплар ҳисобланади:

кўздан кечиришда қонунчиликка қатъи риоя қилиш;

ушбу Қоидалар талабларига риоя қилиш;

кўздан кечирилаётган ашёлар, қўл юки, багажда ва автотранспорт воситасида объектга олиб кириш (олиб чиқиш) тақиқланган моддий бойликлар ва буюмларни объект ходимлари ҳамда ташриф буюрувчилардан белгиланган тартибда (вақтинча муддатга қайтариб бериш шарти билан ёки бутунлай) олиб қўйиш;

қонунчилик ҳужжатлари ва ушбу Қоидалар талабларини бузувчи объект ходимлари ҳамда ташриф буюрувчиларни аниқлаш.

16. Кўздан кечириш қуйидагиларни назарда тутади:

кўздан кечиришдан ўтишнинг мақсадлари ва қоидаларидан, уларнинг ҳуқуқ ва мажбуриятларидан, шунингдек, объектга ашёлар, қўл юки, багаж ва автотранспорт воситасида олиб кирилиши (чиқилиши) тақиқланган моддий бойликлар ва буюмлар ҳамда улар ноқонуний олиб кирилганлиги (чиқилганлиги) учун жавобгарлик тўғрисида объект ходимлари ҳамда ташриф буюрувчиларни хабардор қилиш;

махсус техник воситаларни зарурат бўлганда хизмат итларидан фойдаланган ҳолда ашёлар, қўл юки, багаж ва автотранспорт воситаларини пухта ва сифатли кўздан кечириш;

объектга ашёлар, қўл юки, багаж ва автотранспорт воситасида олиб кирилиши (чиқилиши) тақиқланган моддий бойликлар ва буюмларнинг ноқонуний олиб кирилишини (чиқилишини) ўз вақтида аниқлаш ва олдини олиш;

кўздан кечирилган ва объектга қўйилган объект ходимлари ҳамда ташриф буюрувчиларнинг кўздан кечиришдан ўтмаган объект ходимлари ҳамда ташриф буюрувчилар билан муомала қилишини истисно этиш;

объектга кириш учун бериладиган рухсатномаларга эга бўлмаган объект ходимлари ҳамда ташриф буюрувчиларни объект ҳудудига қўймаслик.

17. Объект ходимлари ҳамда ташриф буюрувчилар ашёлари, қўл юки, багажи ва автотранспорт воситасини кўздан кечиришга тақдим этишни рад этган тақдирда, объектга кириш учун бериладиган рухсатномаларга эга бўлишидан қатъи назар, уларнинг объект ҳудудига киришига (ҳудуддан чиқишига) йўл қўйилмайди.

4-боб. Кўздан кечириш ваколатига эга бўлган шахсларнинг ҳуқуқ ва мажбуриятлари

18. Кўздан кечиришни амалга оширувчи мансабдор шахслар қуйидаги ҳуқуқларга эга:

объектга кирмоқчи бўлган объект ходимлари ҳамда ташриф буюрувчилардан ушбу Қоидалар талабларини сўзсиз бажаришни талаб қилиш;

объект ходимлари ҳамда ташриф буюрувчилардан шахсини тасдиқлайдиган ҳужжатлари, автотранспорт воситаларида багаж ҳужжатлари мавжудлигини текшириш;

назорат-ўтказиш жойидан кираётган шахслардан кўздан кечириш жараёнида аниқланган, объектга олиб кирилиши (чиқилиши) тақиқланган ашёлар, қўл юки, багаж ва автотранспорт воситасидаги моддий бойликлар ва буюмларни мансабдор шахслар томонидан олиб қўйиш баённомаси тузилиб, унинг нусхасини объект ходимлари ва ташриф буюрувчиларга берган ҳолда, белгиланган тартибда олиб қўйиш;

заруратга кўра, ноқонуний аралашиш ҳаракатини ёки бошқа жиноий ҳаракатларни содир этиш ниятидаги объект ходимлари ҳамда ташриф буюрувчилар учун хос бўлган бир қанча ўзини тутиш белгилари бўйича потенциал хавфли шахсларни аниқлаш мақсадида кўздан кечирилаётганларни психологик сўраб чиқиш;

айрим шахслар томонидан қурол-яроғ, ўқ-дориларни объектга кириб-чиқишнинг белгиланган тартибига риоя қилинишини назорат қилиш;

ноқонуний аралашиш ҳаракатларининг олдини олиш мақсадида объектнинг бутун ҳудудини кўздан кечириб чиқиш.

19. Мансабдор шахслар кўздан кечириш давомида:

ушбу Қоидаларга, объект хавфсизлигини таъминлашга, объект ходимлари ҳамда ташриф буюрувчиларнинг ҳаёти, соғлиғи ва ҳуқуқларини муҳофаза қилишга қаратилган қонунчилик ҳужжатларининг бошқа нормалари талабларига қатъи риоя қилиши;

кўздан кечирилаётган ашёларнинг эгаларига нисбатан ҳушёр, эътиборли ва илтифотли муносабатда бўлиши ҳамда уларнинг шаъни ва қадр-қимматини камситувчи ҳаракатларга йўл қўймаслиги;

кўздан кечирилаётган ашёларнинг эгаларига ўзларида бўлиши мумкин бўлган ашёлар, қўл юки ва багажда объектга олиб кириши (чиқиши) тақиқланган моддий бойликлар ва буюмларни ихтиёрий равишда кўрсатишни таклиф этиши;

ашёларни кўздан кечириш вақтида объект ходимлари ва ташриф буюрувчиларнинг асоссиз равишда ушланиб қолишига йўл қўймаслиги;

қоида бузилишига барҳам бериш чораларини кўриши;

объект ҳудудига олиб кирилиши (чиқилиши) тақиқланган моддий бойликлар ва буюмларни аниқлашнинг зарур кўникмаларига эга бўлиши;

объектдаги табиий ва техноген хусусиятли фавқулодда вазиятлар оқибатларида тан жароҳати олган объект ходимлари ҳамда ташриф буюрувчиларга биринчи ёрдам кўрсатиш, махсус қутқарув хизматларини чақириш чораларини кўриши;

қонунчилик ҳужжатларида белгиланган тартибда маъмурий ҳуқуқбузарлик тўғрисида баённомалар тузиш учун давлат органларига хабар бериши шарт.

20. Кўздан кечириш натижасида:

объект ҳудудига объект ходимлари ва ташриф буюрувчиларнинг ашёлари, қўл юки, багажи ва транспорт воситасида олиб кирилиши (чиқилиши) тақиқланган моддий бойликлар ва буюмлар олиб кирилиши мумкин бўлган ёки улар олиб кирилишига йўл қўйилган кўздан кечириш бўйича хизмат мажбуриятлари бажармаганлиги;

кўздан кечирилаётган ашёлар эгасининг шаъни ва қадр-қимматини камситишга олиб келган хизмат ваколатларидан четга чиққан мансабдор шахслар қонунчилик ҳужжатларида белгиланган тартибда жавоб берадилар.

5-боб. Кўздан кечириш тартиби

21. Объект ҳудудига киришдан олдин мансабдор шахслар томонидан назорат-ўтказиш жойида объект ходимлари ҳамда ташриф буюрувчиларнинг шахсини тасдиқлайдиган ҳужжатлари (объект ҳудудига кириш ҳуқуқини берувчи ҳужжатлари) текширилади.

Объектга киришда (чиқишда) ҳар бир объект ходимлари ва ташриф буюрувчилар ашёлари, қўл юки, багажи ва автотранспорт воситасини кўздан кечиришга тақдим этган ҳолда кўздан кечиришдан ўтиши (заруратга кўра шахсий кўрикдан ўтказиши) керак.

22. Объект ходимлари ва ташриф буюрувчиларнинг ашёлари, қўл юки, багажи ва автотранспорт воситаси назорат-ўтказиш жойида кўздан кечирилади, ҳуқуқбузарлик содир этиш ҳолатлари бундан мустасно.

23. Кўздан кечириш махсус техник воситаларни қўллаган ҳолда, зарурат бўлганда — хизмат итларидан фойдаланиб қуйидаги изчилликда ўтказилади:

объект ходимлари ҳамда ташриф буюрувчилар ушбу объектнинг назорат-ўтказиш жойи орқали ўтадилар ҳамда уларга тегишли ашёлар, қўл юки, багаж ва автотранспорт воситасида объектга олиб кирилиши (чиқилиши) тақиқланган моддий бойликлар ва буюмлар тўғрисида маълумот бериш таклиф этилади;

ашёлар кўздан кечирилаётганда, объект ходимлари ҳамда ташриф буюрувчиларга кийимдаги мавжуд металл буюмларни (калитлар, фолгали қутилардаги сигаретлар, тангалар ва шу кабиларни) назарда тутилган идишга қўйиш ва турғун металл детектор орқали ўтиш таклиф этилади, металл буюмлар мавжудлиги тўғрисида сигнал тушган тақдирда, қўлда ишлатиладиган металл детектор қўлланилади, у бўлмаганда эса — визуал кўздан кечирилади, зарур ҳолларда ашёлар, қўл юки ва багаж махсус қўшимча ускунадан фойдаланган ҳолда кўздан кечирилади;

кўздан кечиришда объект ходимлари ҳамда ташриф буюрувчиларга ашёлар, қўл юки, багаж ва автотранспорт воситасида объектга олиб кирилиши (чиқилиши) тақиқланган моддий бойликлар ва буюмлар аниқланган тақдирда мансабдор шахслар тегишли чоралар кўриш учун дарҳол объект раҳбариятини ва ички ишлар органлари ходимини хабардор қилади;

ҳажми катта буюмлар, объект ходимлари ва ташриф буюрувчиларнинг қўлидаги устки кийимлар ва уларнинг ичида нималар борлигини техник воситалар орқали аниқлаб бўлмайдиган ашёлар қўл ёрдамида текширилади;

қидирувдаги шахсларни аниқлаш ва ушлаш мақсадида шубҳали ташриф буюрувчиларнинг шахсини тасдиқлайдиган ҳужжатлари қўшимча манбалардан ўрганилади;

техник сабабларга кўра интроскопдан ёки турғун металл детектордан фойдаланиш мумкин бўлмаган ҳолатда, объект ходимлари ҳамда ташриф буюрувчилар, шунингдек, уларнинг ашёлари, қўл юки ва багажи қўлда ишлатиладиган металл детектор ёрдамида кўздан кечирилади.

24. Ашё ва қўл юки сифатида олиб кирилаётган маиший мақсаддаги радиоэлектрон аппаратлар умумий асосларда кўздан кечирилади.

25. Фото ва видео аппаратлар махсус техник воситалар қўлланмасдан кўздан кечирилади.

26. Яширин олиб кириш (чиқиш) учун буюмлардан фойдаланиш ҳолатларини аниқлаш мақсадида ашёларни кўздан кечиришда:

уяли телефонлар ва шу каби электрон приборлар ишлаши текширилади;

фото ва видео аппаратларининг ғилофлари, жилдлари, қувватлантириш блоклари текширилади (аппаратни ўчириб-ёқиш, қувватлантириш блокларини очиш ушбу ашёлар эгаси томонидан амалга оширилади);

суюқликлар солинган идишлар ва термослар визуал кўздан кечириш орқали текширилади;

габаритига кўра махсус техник воситалар ёрдамида текшириб бўлмайдиган мусиқа асбоблари ғилофлари ва жилдлари очиб текширилади.

27. Юрак фаолиятини рағбатлантирувчи имплантация аппаратларига эга бўлган шахслар махсус техник воситалар қўлланилмасдан шахсий кўрикдан ўтказилади.

28. Кўздан кечириш тартиб-қоидаларидан ўтилгандан кейин объект ходимлари ҳамда ташриф буюрувчиларга (тақиқланган ашёлар йўқлиги аниқлангандан сўнг) уларнинг ашёлари, қўл юки ва багажи қайтарилади ёки маъмурий бинодан чиқиб кетишда олиб кетиш учун вақтинча муддатга сақлаш учун белгиланган жойда қолдирилади.

Тегишли рухсатномага эга бўлган ва хизмат вазифаларини бажарувчи ҳуқуқни муҳофаза қилувчи органлар ҳамда бўлинма ишчи ва хизматчиларининг хизмат қуроли кўздан кечирилмайди. Бундай ҳолларда қурол мавжудлиги ушбу шахсларнинг тегишли ҳужжатларида кўрсатилади.

29. Кўздан кечиришдан ўтиш вақти объект ходимлари ва ташриф буюрувчиларнинг объектга кириб-чиқишидан кечикиши учун шарт-шароитлар яратмаслиги зарур.

Бунда кўздан кечириш вақтини қисқартириш мақсадида объект ходимлари ва ташриф буюрувчиларнинг ашёларини кўздан кечириш тартиб-қоидасини соддалаштиришга йўл қўйилмайди.

6-боб. Махсус юклар, махсус почта ва соқчилар назорати остидаги шахсларга ҳамроҳлик қилувчи шахсларни, ҳарбий хизматчилар, мерган спортчилар, овчилар, геологлар, қурол сақлаш ва ташиш ҳуқуқига эга бўлган бошқа шахсларнинг ашёларини кўздан кечириш тартиби

30. Объектнинг назорат-ўтказиш жойидан ўтадиган махсус юклар, махсус почта ва расмий хат-хабарлар ҳамда уларни кузатиб борувчи вазирлик ва идораларнинг қуролланган ходимлари, фельдегерлик ва махсус алоқа ходимлари, консуллик валезлари ва Ўзбекистон Республикаси халқаро шартномалари асосида уларга тенглаштирилган, дипломатик мақомга эга бўлган шахслар кузатувида келган хорижий муассасалар ва халқаро ташкилотларнинг вакиллари тегишли ҳужжатлар тақдим этилгандан кейин кўздан кечирилмайди ва ушлаб турилмайди.

31. Қуролланган ходимлар томонидан кузатиб келинган махсус юклар ва почтани ортиш, шунингдек, қуролланган ходимларни ва соқчилар назорати остидаги шахсларни объектга кириши (чиқиши) қонунчилик ҳужжатларига мувофиқ амалга оширилади.

32. Объектга (объектдан) фельдегерлик ва махсус алоқа ходимлари олиб келган (олиб чиқаётган) махсус юклар ва махсус почтада объектга олиб кирилиши (олиб чиқилиши) тақиқланган ашёлар, буюмлар бўлмаслиги керак. Ушбу қоидалар бузилганлиги учун белгиланган тартибда фельдегерлик ва махсус алоқа ходимлари жавоб беради.

33. Объектга кириш учун тегишли рухсат берувчи ҳужжатлар мавжуд бўлган тақдирда, қурол сақлаш ва олиб юриш ҳуқуқига эга бўлган мерган спортчилар, овчилар, геологлар ўзларига тегишли бўлган қурол-яроғ, ўқ-дорилар, ов пичоқлари ва ракетницалар (сигнал берувчи пистолет) билан объект ҳудудига кираётганда (чиқаётганда), уларнинг қуроллари ўқсизлантирилган ва ғилоф кийдирилган бўлиши керак ҳамда магазинларда ўқ-дорилар бўлмаслиги зарур.

7-боб. Якунловчи қоида

34. Ушбу Қоидалар талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2022 йил 1 ноябрдаги 630-сон қарорига 4-ИЛОВА

Идоравий ҳарбийлаштирилган қўриқлаш ҳамда идоравий қоровуллик бўлинмалари ишчиларининг ва хизматчиларининг ўз мажбуриятларини бажаришига тўсқинлик қиладиган касалликлар ва жисмоний нуқсонлар

1. Юқумли ва паразитар касалликлар. 2. Нафас олиш аъзоларининг сил касаллиги. 3. Бошқа аъзолар ва тизимларнинг сил касаллиги. 4. Захм ва асосан жинсий йўл билан юқадиган, бошқа аниқланган касалликлар. 5. Микозлар. 6. Ўсмалар. 7. Хавфли ўсмалар (лимфа, қон ҳосил қилувчи ва уларга турдош тўқималарнинг ўсмалари бундан истисно). 8. Лимфа, қон ҳосил қилувчи ва уларга турдош тўқималарнинг хавфли ўсмалари. 9. Хавфсиз ўсмалар (бош ва орқа мия ўсмалари бундан истисно), in situ ўсмалар. 10. Қон, қон ҳосил қилувчи аъзоларнинг касалликлари ва иммун механизмини (тизимини) жалб қилувчи алоҳида бузилишлар. 11. Эндокрин тизими касалликлари, озиқланиш ва моддалар алмашинувининг бузилишлари. 12. Руҳий ва хулқ-атвор бузилишлари. 13. Органик руҳий бузилишлар. 14. Эндоген психозлар: шизофрения, шизотипик бузилишлар, шизоаффектив, васвасали, ўткир ва ўткинчи психотик бузилишлар ва аффектив бузилишлар (кайфият бузилишлари). 15. Симптоматик ва бошқа экзоген этиологияли руҳий бузилишлар. 16. Стресс билан боғлиқ невротик ва соматик шаклдаги бузилишлар. 17. Шахс бузилишлари. 18. Руҳиятга фаол таъсир этувчи воситаларни истеъмол қилиш натижасида келиб чиққан руҳий ва хулқ-атвор бузилишлари. 19. Ақлий қолоқлик (заифлик). 20. Асаб тизими касалликлари. 21. Эпилепсия ва эпилептик тутқаноқлар. 22. Марказий асаб тизимининг яллиғланишлари, миелинсизлантирувчи касалликлари ва уларнинг асоратлари. 23. Кўпроқ марказий асаб тизимини зарарловчи тизимли атрофиялар, экстрапирамидал, бошқа асаб тизимининг дегенератив касалликлари, асаб-мушак синапс ва мушак касалликлари, болаларнинг церебрал фалажи, асаб тизимининг туғма аномалиялари (ривожланиш нуқсонлари), бош ва орқа мия ўсмалари. 24. Бош ва орқа миянинг томир касалликлари. 25. Бош ва орқа мия жароҳатланишлари ва уларнинг асоратлари. Ташқи таъсир омилларидан бўлган марказий асаб тизимининг зарарланиш асоратлари. 26. Периферик нервлар касалликлари. 27. Периферик нервлар жароҳати ва асоратлари. 28. Ўткир касаллик, сурункали касалликнинг хуружидан, жароҳат ва жарроҳлик йўли билан даволанишдан кейинги марказий ва периферик асаб тизимлари фаолиятининг вақтинча бузилишлари. 29. Қовоқларнинг касалликлари ва шикастланиш оқибатлари. 30. Конъюнктива, кўз ёши йўллари, кўз косасининг касалликлари, жароҳатлар ва куйиш оқибатлари. 31. Кўз склераси, шоҳ пардаси, томирли пардаси, гавҳари, шишасимон танаси, тўр пардаси, кўриш нервининг касалликлари, жароҳатлари ва куйишлар асоратлари. 32. Кўз тўр пардасининг кўчиши. 33. Глаукома. 34. Кўз мушаклари касалликлари, икки кўзнинг ҳамкорликда баробар кўриш фаолияти бузилиши. 35. Рефракция ва аккомодациянинг бузилишлари. 36. Кўрлик, кўриш ўткирлигининг пасайиши, ранг ажратиш аномалиялари. 37. Ўткир касаллик, сурункали касалликнинг хуружлари, жароҳат ёки жарроҳлик амалиётидан кейинги кўриш аъзолари фаолиятининг вақтинча бузилишлари. 38. Қулоқ ва сўрғичсимон ўсиқ касалликлари. 39. Ташқи қулоқ (шу жумладан туғма) касалликлари. 40. Ўрта қулоқ ва сўрғичсимон ўсиқ касалликлари. 41. Организм вестибуляр қобилиятининг бузилиши. 42. Карлик, кар-соқовлик, эшитиш қобилиятининг пасайиши. 43. Ўткир касаллик, сурункали касаллик хуружлари, жароҳат ёки жарроҳлик амалиётидан кейинги қулоқ ва сўрғичсимон ўсиқ фаолиятининг вақтинча бузилишлари. 44. Қон айланиш тизими касалликлари. 45. Ревматизм, юракнинг бошқа ревматик ва ревматик бўлмаган (шу жумладан туғма) касалликлари. 46. Гипертония (хафақонлик) касаллиги. 47. Юракнинг ишемик касаллиги. 48. Аорта, периферик йирик артерия, вена ва лимфа томирлари касалликлари, ривожланишнинг туғма аномалиялари ва шикастланишлар асоратлари. 49. Геморрой (бавосил). 50. Нейроциркулятор астения. 51. Ўткир касаллик, сурункали касаллик хуружи, жароҳат ёки жарроҳлик амалиётидан кейинги қон айланиш тизими фаолиятининг вақтинча бузилишлари. 52. Нафас олиш аъзолари касалликлари. 53. Бурун бўшлиғи, буруннинг ёндош бўшлиқлари ва ҳиқилдоқ касалликлари. 54. Ҳиқилдоқ ва трахеянинг бўйин қисми касалликлари ва шикастланишлари. 55. Нафас олиш аъзоларининг бошқа касалликлари (шу жумладан туғма). 56. Бронхиал астма. 57. Ўткир касаллик, сурункали касаллик хуружи, жароҳат, жарроҳлик амалиётидан кейинги нафас олиш аъзолари фаолиятининг вақтинча бузилишлари. 58. Тишларнинг ривожланиши ва чиқиш илдизидаги бузилишлар, тишнинг қаттиқ тўқималари ва юмшоқ қисми касалликлари. 59. Периапикал тўқималар, милклар ва пародонт, сўлак безлари, оғиз бўшлиғи юмшоқ тўқималари, тилнинг (шу жумладан туғма) касалликлари. 60. Юз-жағ аномалиялари, нуқсонлари, шакл ўзгаришлари, жароҳат асоратлари, бошқа касалликлар ва тишларнинг таянч воситаларидаги ўзгаришлар, жағларнинг касалликлари. 61. Қизилўнгач, ичакларнинг (ўн икки бармоқли ичакдан ташқари) ва қорин парданинг (шу жумладан туғма) касалликлари. 62. Меъда ва ўн икки бармоқ ичакнинг яра касаллиги. 63. Меъда ва ўн икки бармоқ ичакнинг бошқа касалликлари, жигарнинг, ўт қопининг, ўт ажратиш йўллари ва меъда ости безининг касалликлари. 64. Чурралар. 65. Ўткир касаллик, сурункали касалликларининг хуружлари ёки жарроҳлик амалиётидан кейинги овқат ҳазм қилиш аъзолари фаолиятининг вақтинча бузилишлари. 66. Тери ва тери ости қавати сурункали, тизимли касалликлари. 67. Тери ва тери ости қаватининг ўткир касалликлари асоратлари ва сурункали касалликларининг қайталанишидан кейин фаолиятнинг бузилиши. 68. Суяк-мушак тизими ва бириктирувчи тўқималарнинг касалликлари. 69. Юқумли, яллиғланиш, аутоиммун ва бошқа сабаблардан келиб чиққан артритлар ва артропатиялар, бириктирувчи тўқиманинг тизимли касалликлари. 70. Суяклар, йирик бўғимлар, тоғайларнинг жарроҳлик касалликлари ва зарарланиши. 71. Умуртқанинг касалликлари ва уларнинг асоратлари. 72. Кафтнинг, бармоқларнинг шакл ўзгаришлари ва умуман йўқлиги. 73. Яссиоёқлилик, оёқ панжасининг бошқа шакл ўзгаришлари ва бармоқлари нуқсонлари. 74. Оёқ-қўлнинг фаолиятини ўзгартирувчи ва (ёки) хизмат кийимлар, оёқ кийимлар кийишни ва камарлар тақишни қийинлаштирувчи туғма ва орттирилган шакл ўзгаришлари. 75. Оёқ ёки қўлнинг йўқлиги. 76. Жинсий ва сийдик чиқариш аъзолари касалликлари. 77. Буйракларнинг сурункали касалликлари. 78. Буйрак ва сийдик тоши касаллиги. 79. Сийдик чиқариш йўлларида сийдик чиқаришнинг бузилиши (гидронефроз), пиелонефрит (иккиламчи), буйрак ва сийдик чиқариш йўлларининг бошқа касалликлари, қовуқнинг яллиғланиши ва бошқа касалликлари, таносил касалликларига алоқаси бўлмаган уретрит, сийдик чиқариш йўлининг торайиши ва унинг бошқа касалликлари. 80. Эркакларнинг жинсий аъзолари касалликлари (шу жумладан туғма). 81. Аёлларнинг жинсий аъзолари сурункали яллиғланишлар билан кечадиган касалликлари. 82. Эндометриоз. 83. Генитал пролапс, сийдикни тута олмаслик, оқмалар, аёллар жинсий аъзоларининг бошқа яллиғланишсиз кечадиган касалликлари (шу жумладан туғма бўлган). 84. Ҳайз кўриш фаолиятининг бузилишлари. 85. Ўткир касаллик, сурункали касалликнинг хуружи ёки жарроҳлик амалиётидан кейинги сийдик чиқариш ва жинсий аъзоларнинг фаолиятининг вақтинча бузилишлари. 86. Ҳомиладорлик, туғишдан кейинги давр ва унинг асоратлари. 87. Жароҳатлар, заҳарланишлар ва бошқа ташқи омиллар таъсири оқибатлари. 88. Бош суяклари жароҳат ва жарроҳлик амалиётидан кейинги нуқсонлари. 89. Умуртқа поғонаси, гавда, оёқ ва қўллар суяклари синиқларининг асоратлари (чаноқ суяклари, курак, ўмров, тўш, қовурғалар, елка, тирсак ва билак, сон суяги бўйинчаси ва сон, кичик ва катта болдир, тизза қопқоғи суяги ва бошқа суякларининг синиқлари). 90. Кўкрак қафаси, қорин бўшлиғи ва чаноқ ички аъзоларининг жароҳатлари (жароҳат туфайли юзага келган пневмо ва гемоторакс, юрак, ўпка, меъда ичак йўли, жигар, талоқ, буйраклар, чаноқ аъзолари, қорин бўшлиғининг бошқа аъзолари жароҳатлари, кўп тармоқли оғир жароҳатлар), юқорида қайд этилган аъзоларнинг касалликлари туфайли ўтказилган жарроҳлик амалиётлари асоратлари. 91. Тери ва тери ости қавати тўқималарининг жароҳатлари асоратлари. 92. Дори, тиббий ва биологик воситалар билан заҳарланиш, тиббиётга дахли бўлмаган моддаларнинг токсик таъсири, ташқи омилларнинг таъсири (радиация, паст ёки юқори ҳарорат ва ёруғлик, ҳавонинг ёки сувнинг ортиқча босими ва бошқалар). 93. Суяк-мушак тизимининг, бириктирувчи тўқиманинг, тери ва тери ости қаватининг касалликларидан даволанишдан кейин, жароҳатлар, заҳарланишлар ва ташқи омилларнинг бошқа таъсирларидан кейинги фаолиятнинг вақтинча бузилишлари. 94. Жисмоний ривожланиш етишмовчилиги. 95. Сийдик тутолмаслик (энурез). 96. Нутқнинг бузилиши.

Вазирлар Маҳкамасининг 2022 йил 1 ноябрдаги 630-сон қарорига 5-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартиришлар

1. Вазирлар Маҳкамасининг «Портловчи моддалар ва портлатиш воситаларини Ўзбекистон Республикасига олиб кириш, транспортда ташиш, сақлаш ва улардан фойдаланиш тартибини такомиллаштириш чора-тадбирлари тўғрисида» 2004 йил 6 майдаги 213-сон қарорининг 2-банди саккизинчи хатбошисидаги «идоравий ҳарбийлаштирилган соқчилик» сўзлари «идоравий жиҳатдан тегишли бўлмаган ҳарбийлаштирилган қўриқлаш» сўзлари билан алмаштирилсин.

2. Вазирлар Маҳкамасининг 2006 йил 1 ноябрдаги 226-сон қарори билан тасдиқланган Автомобиль йўлларини таъмирлаш ва сақлаш ишлари таснифининг 31-банди учинчи хатбошисидаги «соқчилик» сўзи «қўриқлаш» сўзи билан алмаштирилсин.

4. Вазирлар Маҳкамасининг «Ўзбекистон Республикаси Миллий гвардияси Қўриқлаш бош бошқармасининг ҳарбийлаштирилган соқчилик бўлинмалари ва қоровуллик бўлинмалари тўғрисидаги низомни тасдиқлаш ҳақида» 2021 йил 16 декабрдаги 757-сон қарорида :

а) номи қуйидаги таҳрирда баён этилсин:

«Ўзбекистон Республикаси Миллий гвардияси Қўриқлаш бош бошқармасининг идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари тўғрисидаги низомни тасдиқлаш ҳақида»;

б) 1-банд қуйидаги таҳрирда баён этилсин:

«1. Қуйидагиларни назарда тутувчи Ўзбекистон Республикаси Миллий гвардияси Қўриқлаш бош бошқармасининг идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари тўғрисидаги низом иловага мувофиқ тасдиқлансин:

тоифаланган объектларни, давлат бошқаруви органлари ва хўжалик бирлашмалари, маҳаллий давлат ҳокимияти органлари, жисмоний ва юридик шахсларнинг объектларини, уларнинг мол-мулкини қўриқлаш учун тузиладиган шартномаларга асосан қўриқлаш хизматларини кўрсатиш эвазига тушадиган маблағлар ҳисобидан идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларини тузиш ва уларнинг фаолиятини ташкил этиш тартиби;

идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари томонидан тоифаланган объектларни, давлат бошқаруви органлари ва хўжалик бирлашмалари, жисмоний ва юридик шахсларнинг объектларини, уларнинг мол-мулкини қўриқлаш бўйича кўрсатиладиган қўриқлаш хизматларининг турлари;

идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларининг ишчи ва хизматчи лавозимлари, тоифалари ҳамда штатларини ташкил этиш, идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларига ишга кирадиган номзодларга қўйиладиган талаблар, уларни ишга қабул қилиш, бошланғич тайёрлаш ва қайта тайёрлаш тартиби;

идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларининг вазифалари, ҳуқуқ ва мажбуриятлари, уларнинг фаолиятини ташкил этиш, хизматга тўғри тақсимлаш ва назорат қилиш тартиби;

идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларининг молиявий ва моддий-техник таъминотини ташкил этиш тартиби»;

в) илова қуйидаги таҳрирда баён этилсин:

«Вазирлар Маҳкамасининг 2021 йил 16 декабрдаги 757-сон қарорига ИЛОВА

Ўзбекистон Республикаси Миллий гвардияси Қўриқлаш бош бошқармасининг идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари тўғрисида

1-боб. Умумий қоидалар

1. Мазкур Низом Ўзбекистон Республикаси Миллий гвардияси (кейинги ўринларда — Миллий гвардия) Қўриқлаш бош бошқармасининг таркибида идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларини тузиш ва уларнинг фаолиятини ташкил этиш ҳамда ушбу бўлинмалар ишчи ва хизматчиларининг ҳуқуқлари ва мажбуриятларини, бўлинмаларнинг молиявий ва моддий-техник таъминотини ташкил этиш тартибини белгилайди.

2. Миллий гвардия Қўриқлаш бош бошқармасининг (кейинги ўринларда — Қўриқлаш бош бошқармаси) идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари шахсий таркиби меҳнат муносабатлари меҳнат тўғрисидаги қонунчилик ҳужжатлари билан тартибга солинадиган ишчи ва хизматчилардан иборат бўлади.

3. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларининг қўриқлаш фаолияти ушбу Низом, Миллий гвардиянинг ички идоравий ҳужжатлари ва бошқа қонунчилик ҳужжатлари билан тартибга солинади.

2-боб. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларининг фаолиятини ташкил этиш

4. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари Қўриқлаш бош бошқармасининг ваколатлари доирасида ўта муҳим ҳамда тоифаланган объектларни, давлат бошқаруви органлари, хўжалик бирлашмалари ва маҳаллий давлат ҳокимияти органларининг, шунингдек, жисмоний ва юридик шахсларнинг мол-мулкини қўриқлаш учун тузиладиган шартномаларга асосан қўриқлаш хизматларини кўрсатиш эвазига тушадиган маблағлар ҳисобидан Қўриқлаш бош бошқармаси бошлиғининг буйруғи асосида ташкил этилади.

5. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари томонидан қуйидаги хизматлар кўрсатилади:

а) идоравий жиҳатдан тегишли бўлмаган ҳарбийлаштирилган қўриқлаш бўлинмалари томонидан:

объект ёки унинг бир қисмида хизмат ўташ учун белгиланган жой ёки ҳудуд (кейинги ўринларда — қўзғалмас пост (йўналиш)) орқали қўриқлаш ва хавфсизлигини таъминлаш;

пиёда ёки транспорт воситасида, шунингдек, бошқа воситаларда муайян ҳудуддаги объектларни ёки уларнинг ҳудудларини йўналиш бўйлаб қўриқлаш;

б) идоравий жиҳатдан тегишли бўлмаган қоровуллик бўлинмалари томонидан — қўзғалмас пост (йўналиш) орқали объект ёки унинг бир қисмини қўриқлаш ва хавфсизлигини таъминлаш.

6. Қуйидагилар идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларининг асосий вазифалари ҳисобланади:

ўта муҳим ҳамда тоифаланган объектларни, давлат бошқаруви органлари, хўжалик бирлашмалари ва маҳаллий давлат ҳокимияти органларининг, шунингдек, жисмоний ва юридик шахсларнинг мол-мулкини ҳамда объектларини тажовузлардан ҳимоя қилиш;

юридик шахсларнинг қўриқланадиган объектларида назорат-ўтказиш ва объектнинг ички режимларини таъминлаш;

қўриқланадиган объектлар ҳудудида жамоат тартибини таъминлаш, ҳуқуқбузарликларни профилактика қилиш ва уларга чек қўйиш;

қўриқланадиган объектларда табиий ва техноген хусусиятли фавқулодда вазиятларнинг олдини олиш ҳамда уларни бартараф этишда иштирок этиш;

объектларнинг хавфсизлигини таъминлашда ҳуқуқни муҳофаза қилувчи органлар, бошқа давлат органлари, жамоатчилик вакиллари билан ҳамкорлик қилиш ҳамда ҳуқуқни муҳофаза қилувчи органларга юкланган вазифаларни ҳал этишда ўз ваколатлари доирасида кўмаклашиш.

Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари қонунчилик ҳужжатларига мувофиқ бошқа вазифаларни ҳам амалга ошириши мумкин.

7. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ишчи ва хизматчиларининг лавозимлари, тоифалари ҳамда штатлари мазкур Низомга 1-иловага мувофиқ ташкил этилади.

8. Объектларни қўриқлаш бўйича ишчи ва хизматчиларнинг фаолиятини ташкил этиш, хизматга тўғри тақсимлаш ва назорат қилиш учун мазкур Низомга 2-иловага мувофиқ идоравий жиҳатдан тегишли бўлмаган ҳарбийлаштирилган қўриқлаш бўлинмалари гуруҳлари тузилади.

9. Объектларни қўриқлаш учун қўзғалмас постлар (йўналишлар)ни қўйиш қоидалари ва шартлари, шунингдек, уларнинг фаолиятини назорат қилиш тартиби Миллий гвардиянинг ички идоравий ҳужжатларига асосан белгиланади.

10. Объектнинг жойлашуви, унинг ва хизматни ўташнинг ўзига хос хусусиятларидан келиб чиққан ҳолда, идоравий жиҳатдан тегишли бўлмаган ҳарбийлаштирилган қўриқлаш бўлинмалари нарядларининг хизмати суткалик ва вахта усулида ташкил этилиши мумкин.

Вахтанинг давомийлиги етти суткагача белгиланади ва бунда нарядларнинг хизматни ўташи тартиби Ўзбекистон Республикаси Қуролли Кучларининг Гарнизон ва қоровуллик хизмати тўғрисидаги низомга асосан ишлаб чиқилган ва Миллий гвардия қўмондони томонидан тасдиқланган йўриқномага мувофиқ ташкил этилади.

Вахта усулида хизмат ташкил этилганда ишчи ва хизматчиларнинг дам олиши, овқатланиши, ювиниши ва улар билан ўқув машғулотларини ўтказиш, уларнинг табель қуролларини сақлаш бўйича тегишли шарт-шароитлар яратилган бўлиши шарт.

11. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари Миллий гвардия қўмондони томонидан тасдиқланган намунадаги формали кийим-бош ва хизмат гувоҳномалари билан таъминланади.

12. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари томонидан фойдаланиладиган хизмат қуроллари, уларнинг ўқ-дорилари ва махсус воситалар турлари, уларнинг сони, таъминлаш ва фойдаланиш тартиби қонунчилик ҳужжатларига мувофиқ белгиланади.

3-боб. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларига ишга қабул қилиш, ишчи ва хизматчиларни бошланғич тайёрлаш ва қайта тайёрлаш

13. Идоравий жиҳатдан тегишли бўлмаган ҳарбийлаштирилган қўриқлаш бўлинмаларига ихтиёрий тартибда танлов асосида, белгиланган талабларга жавоб берадиган ўн саккиз ёшдан йигирма беш ёшгача бўлган, шу жумладан, йигирма беш ёшдаги Ўзбекистон Республикаси фуқаролари иш (хизмат)га қабул қилинади.

Идоравий жиҳатдан тегишли бўлмаган қоровуллик бўлинмаларига ихтиёрий тартибда мазкур низомда белгиланган талабларга жавоб берадиган Ўзбекистон Республикаси фуқаролари иш (хизмат)га қабул қилинади.

Қабул қилинадиган фуқаролар камида умумий ўрта ёки ўрта махсус маълумотга эга бўлиши, соғлиғининг ҳолати ва жисмоний тайёргарлиги бўйича хизмат мажбуриятларини бажаришга қодир бўлиши лозим.

Эркак номзодлар Ўзбекистон Республикаси Қуролли Кучлари сафида муддатли ҳарбий хизматни ёки сафарбарлик чақируви резервида ҳарбий хизматни ўтаган бўлиши керак.

14. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари бошлиқлар таркибига Миллий гвардия ва бошқа ҳуқуқни муҳофаза қилувчи органларда самарали хизмат қилиб, нафақага бўшаган номзодлар суҳбат асосида, жисмоний тайёргарлиги ва саломатлиги ҳолатига кўра ишга қабул қилиниши мумкин.

15. Номзодлар билан танлов ўтказиш, уларнинг ҳужжатларини расмийлаштириш ва ишга қабул қилиш тартиби ҳамда номзодларга қўйиладиган махсус талаблар Миллий гвардия қўмондони томонидан белгиланади. Қабул қилинган шахсларга уч ойдан ортиқ бўлмаган дастлабки синов муддати белгиланади.

16. Идоравий жиҳатдан тегишли бўлмаган ҳарбийлаштирилган қўриқлаш бўлинмаларига қабул қилишда номзодларнинг бўй ўлчами қуйидаги махсус антропометрик параметрларга жавоб бериши талаб этилади:

а) эркак номзодлар учун 178 сантиметрдан паст бўлмаслиги;

б) аёл номзодлар учун 170 сантиметрдан паст бўлмаслиги.

Идоравий жиҳатдан тегишли бўлмаган қоровуллик бўлинмаларига қабул қилинадиган номзодларга антропометрик параметрлар белгиланмайди.

17. Қуйидаги шахсларнинг иш (хизмат)га қабул қилинишига йўл қўйилмайди:

қасддан содир этган жиноятлари учун судланганлик ҳолати тугалланмаган ёки судланганлиги олиб ташланмаган шахслар;

жиноий жазони ўтаётган шахслар;

мулкка тажовуз қилувчи ҳуқуқбузарликларни содир этганлик учун маъмурий жавобгарликка тортилган, шунингдек, жамоат тартибига ёки бошқарувнинг белгиланган тартибига тажовуз қилувчи ҳуқуқбузарликларни содир этганлик учун бир йил ичида такроран маъмурий жавобгарликка тортилган шахслар;

руҳий касалликлари бўлган, наркологик касалликларга чалинган, шунингдек соғлиғининг ҳолатига нисбатан белгиланган талабларга жавоб бермайдиган шахслар;

суд томонидан муомалага лаёқатсиз ёки муомала лаёқати чекланган деб топилган шахслар;

давлатнинг бошқа хизматларидан салбий сабабларга кўра бўшатилган;

ўзи ва яқин қариндошлари тўғрисида била туриб нотўғри маълумотлар тақдим қилганлиги аниқланган;

оғир ва ўта оғир жиноят содир этганлар;

номзод ва яқин қариндошлари бўйича белгиланган ҳужжатларни тақдим этишдан бош тортганлар;

умумий ўрта ва ўрта махсус маълумотга эга бўлмаган шахслар;

чет эл фуқаролари бўлган шахслар.

18. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларига ишга қабул қилинаётган фуқаролар ҳудудий тиббиёт бирлашмаларида тиббий кўрикдан ўтади. Тиббий кўрикдан ўтиш шартлари ва уни ташкил этиш тартиби, номзодларнинг соғлиғига бўлган талаблар Миллий гвардия қўмондони томонидан белгиланади.

19. Танлов якунига кўра энг юқори натижаларга эришган номзод билан номуайян муддатга меҳнат шартномаси тузилади. Меҳнат шартномасида ходим бошланғич тайёрлашга жалб этилиши ва белгиланган тартибда ўқув курсини муваффақиятли тамомлаб сертификат олган тақдирда, меҳнат муносабатлари давом эттирилиши, акс ҳолда меҳнат шартномаси бекор қилиниши ҳақидаги қоида назарда тутилади.

20. Ишга қабул қилинган Ўзбекистон Республикаси фуқаролари мажбурий тартибда бошланғич тайёргарликдан ўтади.

Идоравий жиҳатдан тегишли бўлмаган ҳарбийлаштирилган қўриқлаш бўлинмалари ишчи ва хизматчиларини бошланғич тайёрлаш, қайта тайёрлаш ва малакасини ошириш Миллий гвардиянинг таълим муассасаларида амалга оширилади.

21. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари махсус ўқув дастурлари бўйича махсус тайёргарликдан (маънавий-психологик, хизмат тайёргарлигидан, жисмоний ва жанговар тайёргарликдан) ўтади. Машғулотлар ўтказиладиган вақт иш вақтига киритилади.

22. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларининг шахсий таркиби билан махсус дастурлар асосида қуйидаги тартибда хизмат ва жанговар тайёргарлик машғулотлари ўтказилади:

идоравий жиҳатдан тегишли бўлмаган ҳарбийлаштирилган қўриқлаш бўлинмаларида — ойига 8 академик соат (ўқув йилида 80 академик соат);

идоравий жиҳатдан тегишли бўлмаган қоровуллик бўлинмаларида — ойига 4 академик соат (ўқув йилида 40 академик соат).

23. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари йилда бир марта мажбурий тиббий кўрикдан ўтади. Махсус тайёргарликдан, шунингдек, жисмоний куч ишлатиш, махсус воситаларни ҳамда хизмат қуролини қўллаш билан боғлиқ шароитлардаги ҳаракатларга касбий яроқлилигини аниқлаш учун даврий текширувлардан (кейинги ўринларда — синов) ўтиши керак. Махсус тайёргарликдан ўтган ишчи ва хизматчиларга белгиланган намунадаги сертификатлар берилади. Синовларни ўтказиш тартиби Миллий гвардия қўмондони томонидан белгиланади.

Синов натижалари бўйича қониқарсиз баҳоланган идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларининг малакаси етарли эмас деб ҳисобланиб, жисмоний куч ишлатиш, махсус воситаларни ҳамда хизмат қуролини қўллаш билан боғлиқ бўлмаган бошқа лавозимга меҳнат шартномасига мувофиқ ўтказилади ёки улар билан тузилган меҳнат шартномаси бекор қилинади.

24. Қўриқлаш бош бошқармаси психологлари томонидан тузилган дастур (режа, жадвал)ларга асосан идоравий жиҳатдан тегишли бўлмаган ҳарбийлаштирилган қўриқлаш бўлинмалари ишчи ва хизматчилари билан маънавий-психологик тайёргарлик босқичма-босқич, мақсадли ва доимий равишда ўтказилади.

4-боб. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларининг ҳуқуқлари, мажбуриятлари ва жавобгарлиги

25. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари хизматни ўташ вақтида қуйидаги ҳуқуқларга эга:

жисмоний ва юридик шахслардан белгиланган назорат-ўтказиш ва объектнинг ички режимларига, шунингдек, жамоат тартибига риоя этишини талаб қилиш;

қўриқланадиган объект ҳудудидан мол-мулкни қонунга хилоф равишда олиб чиқишга ёки қўриқланадиган объектга тақиқланган предметларни олиб киришга уриниш чоғида шахсларни ушлаш;

қўриқланадиган объектлардаги мол-мулкни сақлаш шароитларини, қўриқлашнинг муҳандислик ва техник воситалари ҳолатини ҳамда созлигини текшириш, аниқланган қоидабузарликларнинг, камчиликларнинг бартараф этилишини талаб қилиш;

қўриқланадиган объектга қонунга хилоф равишда кирган ёки қўриқланадиган объектда ҳуқуқбузарлик содир этган шахсларнинг шахсини аниқлаш, уларни ушлаш ҳамда қўриқлаш хизмати хонасига етказиш (бундай ваколатлари мавжуд бўлмаганда ҳуқуқни муҳофаза қилувчи органларнинг ходимларини чақириш);

муомалада бўлиши чекланган моддалар, шу жумладан, объектга олиб кириш (ундан олиб чиқиш) учун тақиқланган предметлар рўйхатига қўриқланадиган объект маъмурияти томонидан киритилган моддалар бор деб ҳисоблаш учун асослар мавжуд бўлган тақдирда, фуқароларни шахсий кўрикдан ўтказиш, уларнинг ашёлари, қўл юки, багажини кўздан кечириш ҳамда уларни олиб юриш ҳамда сақлаш учун асослар мавжуд бўлмаган тақдирда, мазкур предметлар, воситалар ва моддаларни олиб қўйиш, шунингдек, транспорт воситаларини кўздан кечириш, уларда ташилаётган юкларнинг илова қилинадиган ҳужжатларга мувофиқлигини текшириш;

қўриқланадиган объектдаги, патруллик йўналишидаги ҳодисани, содир этилган ҳуқуқбузарликни белгиланган тартибда расмийлаштириш, жиноят изларини сақлаш мақсадида фуқаролардан ҳодиса жойини тарк этишни талаб қилиш;

фуқароларнинг ҳаёти ва соғлигига, атроф муҳитга зарар етказмайдиган қўриқлаш техник воситаларидан фойдаланиш;

қўриқланадиган объектларга қонунга хилоф равишда кирган ёки киришга уринган шахсларни аниқлаш учун, шунингдек, бундай киришларнинг олдини олиш мақсадида хизмат (қўриқчи) итларидан фойдаланиш;

қонунчиликда назарда тутилган тартибда хизмат қуролини ҳамда махсус воситаларни олиб юриш ва улардан фойдаланиш, шунингдек, жисмоний куч ишлатиш.

Қўриқлаш бўлинмаларининг хизматни меҳнат шароитлари соғлиқ учун зарарли бўлган объектларда ўтайдиган ишчи ва хизматчилари ушбу қўриқланадиган объектларнинг ишчи ва хизматчилари учун назарда тутилган меҳнат соҳасидаги қўшимча имтиёзлардан ҳамда афзалликлардан фойдаланади. Мазкур имтиёзлар қўриқлаш хизматларини кўрсатиш тўғрисидаги шартномада акс эттирилади ва устувор шартлар сифатида белгиланиши мумкин.

Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари қонунчилик ҳужжатларида назарда тутилган бошқа ҳуқуқлардан ҳам фойдаланадилар.

26. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари қўриқлаш тури, шакллари ва усулларидан қатъи назар, хизматни ўташ жараёнида қуйидагиларга мажбур:

объектларни қўриқлаш ва қонунга хилоф тажовузлардан ҳимоя қилиш, белгиланган тартибга ва қўриқлаш фаолияти тўғрисидаги қонунчилик талабларига қатъий риоя этиш, мол-мулкини қўриқлаш ва уни кузатиб бориш;

ўз ваколатлари доирасида давлат, жисмоний ва юридик шахсларнинг мол-мулкини ҳимоя қилиш, шунингдек фуқаролар ва давлат хавфсизлигини таъминлаш учун зарур бўлган чораларни кўриш;

хизматни ўташ жойларида жамоат тартибини сақлаши, ҳуқуқбузарликларнинг олдини олиш ва уларга чек қўйиш;

қўриқланадиган объектда шубҳали буюм аниқланганда ваколатли органларга хабар бериш, ваколатли орган ходимлари етиб келгунига қадар шубҳали буюмнинг дахлсизлигини таъминлаш;

қўриқланадиган объектда ҳуқуқбузарликлар ва ҳодисаларнинг, шу жумладан, жиноят, маъмурий ҳуқуқбузарликларнинг излари сақланишини таъминлаш;

ҳодиса жойида жабрланган фуқароларга, шунингдек, ҳаётига ва соғлиғига зарар етказилган шахсларга биринчи ёрдам кўрсатиш ёки шундай ёрдам кўрсатилишини ташкил этиш;

қўриқланадиган объектлар хавфсизлигини таъминлаш мақсадида фуқаролар, ҳуқуқни муҳофаза қилувчи органлар ва бошқа давлат органлари, жамоатчилик вакиллари билан ҳамкорликни амалга ошириш;

ҳуқуқни муҳофаза қилувчи органларга уларга юкланган вазифаларни ҳал этишда ўз ваколатлари доирасида кўмаклашиш;

қўриқланадиган объектлардаги табиий ва техноген хусусиятли фавқулодда вазиятлар оқибатларини бартараф этишда иштирок этиш;

қўриқланадиган объектда назорат-ўтказиш ва объектнинг ички режимларига риоя этилишини қўриқланадиган объект маъмурияти томонидан қўриқлаш фаолиятини амалга оширувчи субъектлар билан келишувга кўра тасдиқланган қоидаларга мувофиқ таъминлаш;

ўзига ишониб топширилган хизмат қуролининг ва унинг ўқ-дориларининг, махсус ва техник воситаларнинг, шахсий ҳимоя воситалари ҳамда мол-мулкнинг хавфсиз ва лозим даражада сақланишини таъминлаш;

белгиланган тартибда махсус формали кийим-бош кийиш ва фарқловчи белгиларини тақиб юриш;

қўриқлаш фаолиятини амалга ошириш чоғида ўзларига маълум бўлган хизматга доир ахборот ва бошқа ахборотнинг махфийлигини таъминлаш.

Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларининг зиммасида қонунчиликка мувофиқ бошқа мажбуриятлар ҳам юкланиши мумкин.

27. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларининг хизмат мажбуриятларини бажариши деганда қуйидагилар тушунилади:

лавозим мажбуриятларини бажариш;

хизматни ўташ;

хизмат сафарида бўлиш;

кун тартибида белгиланган иш вақти давомида ёки хизмат зарурати туфайли қўриқлаш бўлинмалари (қўриқланаётган объект) ҳудудида бўлиш;

хизмат жойига бориш ёки улардан қайтиш;

ўқув йиғинларида иштирок этиш;

суд томонидан ишчи ва хизматчиларнинг шахс, жамият ва давлат манфаатларини кўзлаб содир этилган деб топилган бошқа ҳаракатлари.

28. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари давлат органи вакили ҳисобланади.

29. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларидан фақат қўриқлаш фаолияти билан боғлиқ вазифаларни бажариш мақсадида шартнома асосида фойдаланилади.

5-боб. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмаларининг молиявий ва моддий-техник таъминоти, ишчи ва хизматчиларнинг ижтимоий ҳимояси

30. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари иш ҳақи ва бепул формали кийим-бош билан таъминланади. Уларнинг моддий-техник таъминоти нормалари ва формали кийим-бошни кийиш қоидалари Миллий гвардия қўмондони томонидан белгиланади.

Идоравий жиҳатдан тегишли бўлмаган ҳарбийлаштирилган қўриқлаш бўлинмалари ишчи ва хизматчилари юқори касбий тайёргарлик даражасига ва фаолиятида самарали натижаларга эришганлиги учун ҳар йили Миллий гвардия қўмондони томонидан белгиланган тартибда «учинчи малака тоифаси», «иккинчи малака тоифаси», «биринчи малака тоифаси» малака тоифалари берилади.

Малака тоифасига эга бўлган идоравий жиҳатдан тегишли бўлмаган ҳарбийлаштирилган қўриқлаш бўлинмалари ишчи ва хизматчиларига уларнинг лавозим маошига нисбатан қуйидаги миқдорларда ҳар ойлик устамалар тўланади:

«учинчи малака тоифаси» — 10 %;

«иккинчи малака тоифаси» — 15 %;

«биринчи малака тоифаси» — 20 %.

31. Қўриқлаш бош бошқармасининг шаклланадиган пул таъминоти жамғармаси доирасида идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларига:

ягона тариф сеткаси бўйича меҳнатга ҳақ тўлашнинг тасдиқланган разрядларига кўра лавозим маошларига қонунчилик ҳужжатларида белгиланган тартибда оширилган коэффициентлар қўлланилади;

бир йилда бир марта икки ойлик лавозим маоши миқдорида рағбатлантирилади;

бир йилда бир марта бир ойлик лавозим маоши миқдорида моддий ёрдам кўрсатилади.

32. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари қонунчилик ҳужжатларида белгиланган ижтимоий кафолат ва имтиёзлардан фойдаланадилар.

33. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари меҳнат фаолияти давомидаги бахтсиз ҳодисалар ва касбий касалликларидан қонунчилик ҳужжатларида белгиланган тартибда давлат мажбурий ижтимоий суғуртаси қилиниши лозим.

34. Идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчилари хизмат вазифаларини бажариш чоғида жароҳат олган ёки ҳалок бўлган тақдирда, етказилган зарар тегишли жамоа шартномалари ва жамоа келишувларига мувофиқ амалдаги қонунчиликда белгилаб қўйилган нормалардан кам бўлмаган тартибда қопланади.

35. Қўриқланаётган объектлар маъмурияти ўз хизмат вазифасини виждонан бажараётган идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари ишчи ва хизматчиларини рағбатлантириши ва мукофотлаши мумкин.

6-боб. Якунловчи қоида

36. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Миллий гвардияси Қўриқлаш бош бошқармасининг идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари тўғрисидаги низомга 1-ИЛОВА

Идоравий жиҳатдан тегишли бўлмаган ҳарбийлаштирилган қўриқлаш бўлинмалари ишчи ва хизматчиларининг лавозимлари, тоифалари ҳамда штатлари

Т/р Лавозим номлари Тоифаси Штат сони 1. Отряд бошлиғи Катта бошлиқ Тузилган шартномаларга асосан ажратилган штат бирликлари сони 76 бирликдан ошганда киритилади. 2. Отряд бошлиғи ўринбосари 3. Отряд бошлиғининг моддий таъминот бўйича ёрдамчиси 4. Алоҳида команда ва отряд таркибидаги команда бошлиғи Тузилган шартномаларга асосан ажратилган штат бирликлари сони 16 бирликдан 75 бирликкача бўлганда киритилади. 5. Отряд (команда) қоровул итлари инструктори Ўрта бошлиқ Идоравий жиҳатдан тегишли бўлмаган ҳарбийлаштирилган қўриқлаш отряди (командаси) таркибидаги мавжуд 7 бирлик кинолог штат лавозимига 1 бирлик қоровул итлари инструктори киритилади. 6. Отряд (команда) старшинаси Кичик бошлиқ Идоравий жиҳатдан тегишли бўлмаган ҳарбийлаштирилган қўриқлаш отряди (командаси) иш ҳажми ва хизмат заруратига мувофиқ 1 бирлик киритилади. 7. Қоровул бошлиғи Тузилган шартномаларга асосан ажратилган штат бирликлари 16 бирликдан ошганда кейинчалик ҳар 25 бирлик учун киритилади. 8. Гуруҳ бошлиғи Тузилган шартномаларга асосан ажратилган штат бирликлари сони 6 бирликдан 15 бирликкача бўлганда киритилади. 9. Рухсатномалар бюроси бошлиғи 3 бирлик рухсатномалар бюроси навбатчиси бўлганда киритилади. 10. Рухсатномалар бюроси навбатчиси Рухсатномалар бюроси ташкил этилган назорат-ўтказиш пунктларида 3 бирлик рухсатномалар бюроси навбатчиси киритилади. 11. Кинолог Оддий таркиб Тузилган шартномаларга асосан хизмат фаолиятида фойдаланилаётган ҳар бир қоровул ити учун идоравий жиҳатдан тегишли бўлмаган ҳарбийлаштирилган қўриқлаш штати ҳисобидан 1 бирлик киритилади. 12. Назоратчи Қўриқлаш вақти ҳисоби ва тўлов сметасига мувофиқ киритилади. 13. Ўқчи Қўриқлаш вақти ҳисоби ва тўлов сметасига мувофиқ киритилади.

Ўзбекистон Республикаси Миллий гвардияси Қўриқлаш бош бошқармасининг идоравий жиҳатдан тегишли бўлмаган ҳарбийлаштирилган қўриқлаш бўлинмалари ва идоравий жиҳатдан тегишли бўлмаган қоровуллик бўлинмалари тўғрисидаги низомга 2-ИЛОВА

Идоравий жиҳатдан тегишли бўлмаган ҳарбийлаштирилган қўриқлаш бўлинмалари гуруҳлари

Т/р Гуруҳлар Штат сони 1. Гуруҳ 1 — 15 бирлик 2. 3-гуруҳ командаси 16 — 35 бирлик 3. 2-гуруҳ командаси 36 — 50 бирлик 4. 1-гуруҳ командаси 51 — 75 бирлик 5. 3-гуруҳ отряди 76 — 200 бирлик 6. 2-гуруҳ отряди 201 — 350 бирлик 7. 1-гуруҳ отряди 351 бирлик ва ундан ортиқ

Вазирлар Маҳкамасининг 2022 йил 1 ноябрдаги 630-сон қарорига 6-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг «Идоравий ҳарбийлаштирилган қўриқлаш хизмати тўғрисидаги намунавий низомни тасдиқлаш ҳақида» 2012 йил 1 мартдаги 60-сон қарори .

2. Вазирлар Маҳкамасининг «Қўриқлаш ва назорат-лицензия фаолияти такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 9 июлдаги 568-сон қарорига илованинг 7-банди .

3. Вазирлар Маҳкамасининг «Қурол муомаласи соҳасида рухсат бериш тартиб-таомилларини такомиллаштиришга доир қўшимча чора-тадбирлар тўғрисида» 2020 йил 26 декабрдаги 810-сон қарорига 3-илованинг 10-банди .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон қонуни)» 2022 йил 4 апрелдаги 153-сон қарорига илованинг 279-банди .

Ўзбекистон Республикасининг Бош вазири А. АРИПОВ

Тошкент ш.,

2022 йил 1 ноябрь,

630-сон

(Қонунчилик маълумотлари миллий базаси, 02.11.2022 й., 09/22/630/0980-сон; 20.09.2023 й., 09/23/481/0716-сон; 10.03.2026 й., 09/26/94/0218-сон)

lex.uz

Oʻzbekiston Respublikasi Vazirlar Mahkamasining

qarori

NAMUNAVIY NIZOM

NIZOM

QOIDALARI

ROʻYXATI

NIZOM

ROʻYXATI

ROʻYXATI

ROʻYXATI

Idoraviy harbiylashtirilgan qoʻriqlash hamda idoraviy qorovullik boʻlinmalari faoliyatini tashkil etish chora-tadbirlari toʻgʻrisida

“Qoʻriqlash faoliyati toʻgʻrisida”gi Oʻzbekiston Respublikasi Qonuniga muvofiq, shuningdek, idoraviy harbiylashtirilgan qoʻriqlash hamda idoraviy qorovullik boʻlinmalari faoliyatini samarali tashkil etish maqsadida Vazirlar Mahkamasi qaror qiladi:

1. “Qoʻriqlash faoliyati toʻgʻrisida”gi Oʻzbekiston Respublikasi Qonunining 7-moddasiga muvofiq:

Idoraviy harbiylashtirilgan qoʻriqlash toʻgʻrisidagi namunaviy nizomni tasdiqlash;

idoraviy harbiylashtirilgan qoʻriqlash boʻlinmalari ishchi va xizmatchilarining kasbiy tayyorgarligini amalga oshirish tartibini belgilash;

idoraviy harbiylashtirilgan qoʻriqlash hamda idoraviy qorovullik boʻlinmalarining ishchi va xizmatchilari tomonidan shaxsiy koʻrikdan oʻtkazish, ashyolar, qoʻl yuki, bagaj va transport vositalarini koʻzdan kechirish qoidalarini belgilash;

idoraviy harbiylashtirilgan qoʻriqlash hamda idoraviy qorovullik boʻlinmalari ishchi va xizmatchilarining oʻz majburiyatlarini bajarishiga toʻsqinlik qiladigan kasalliklar va jismoniy nuqsonlar roʻyxatini tasdiqlash Vazirlar Mahkamasi tomonidan amalga oshirilishi maʼlumot uchun qabul qilinsin.

2. Quyidagilarni nazarda tutuvchi:

a) Idoraviy harbiylashtirilgan qoʻriqlash boʻlinmalari toʻgʻrisidagi namunaviy nizom 1-ilovaga muvofiq:

idoraviy harbiylashtirilgan qoʻriqlash boʻlinmalari vazifalari;

idoraviy harbiylashtirilgan qoʻriqlash boʻlinmalarini tashkil etish, idoraviy harbiylashtirilgan qoʻriqlash boʻlinmalari ishchi va xizmatchilari lavozimlariga nomzodlarga qoʻyiladigan talablar;

idoraviy harbiylashtirilgan qoʻriqlash boʻlinmalarining ishchi va xizmatchilarining huquq va majburiyatlari, ularni ijtimoiy himoya qilish;

idoraviy harbiylashtirilgan qoʻriqlash boʻlinmalarining moliyaviy va moddiy-texnik taʼminoti;

b) Idoraviy harbiylashtirilgan qoʻriqlash boʻlinmalari ishchi va xizmatchilarining kasbiy tayyorgarligini amalga oshirish tartibi toʻgʻrisidagi nizom 2-ilovaga muvofiq:

idoraviy harbiylashtirilgan qoʻriqlash boʻlinmalari ishchi va xizmatchilarining kasbiy tayyorgarlik mashgʻulotlari boʻyicha vazifalari;

idoraviy harbiylashtirilgan qoʻriqlash boʻlinmalari ishchi va xizmatchilarining kasbiy tayyorgarlik mashgʻulotlarini rejalashtirish va tashkil etish, shuningdek, tashkil etishga masʼul shaxslarga qoʻyiladigan talablar;

idoraviy harbiylashtirilgan qoʻriqlash boʻlinmalari ishchilarining va xizmatchilarining kasbiy tayyorgarlik yakunlari boʻyicha sinovlar qabul qilish tartibi;

v) Idoraviy harbiylashtirilgan qoʻriqlash hamda idoraviy qorovullik boʻlinmalarining ishchi va xizmatchilari tomonidan shaxsiy koʻrikdan oʻtkazish, ashyolar, qoʻl yuki, bagaj va transport vositalarini koʻzdan kechirish qoidalari 3-ilovaga muvofiq:

idoraviy harbiylashtirilgan qoʻriqlash va idoraviy qorovullik boʻlinmalarining ishchi va xizmatchilari tomonidan obyekt xodimlari hamda tashrif buyuruvchilarni shaxsiy koʻrikdan oʻtkazish tartibi;

idoraviy harbiylashtirilgan qoʻriqlash va idoraviy qorovullik boʻlinmalarining ishchi va xizmatchilari tomonidan ashyolar, qoʻl yuki, bagaj va transport vositalarini koʻzdan kechirish tartibi;

ashyolar, qoʻl yuki, bagaj va transport vositalarini koʻzdan kechirish vakolatiga ega boʻlgan shaxslarning huquq va majburiyatlari;

maxsus yuklar, maxsus pochta va soqchilar nazorati ostidagi shaxslarga hamrohlik qiluvchi shaxslarni, harbiy xizmatchilar, mergan sportchilar, ovchilar, geologlar, qurol saqlash va tashish huquqiga ega boʻlgan boshqa shaxslarning ashyolarini koʻzdan kechirish tartibi;

g) Idoraviy harbiylashtirilgan qoʻriqlash hamda idoraviy qorovullik boʻlinmalari ishchi va xizmatchilarining oʻz majburiyatlarini bajarishiga toʻsqinlik qiladigan kasalliklar va jismoniy nuqsonlar roʻyxati 4-ilovaga muvofiq tasdiqlansin.

3. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirishlar kiritilsin.

4. Oʻzbekiston Respublikasi Hukumatining 6-ilovaga muvofiq ayrim qarorlari oʻz kuchini yoʻqotgan deb hisoblansin.

5. Oʻzbekiston Respublikasi Milliy gvardiyasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Milliy gvardiyasi qoʻmondoni R.M. Djurayev zimmasiga yuklansin.

Vazirlar Mahkamasining 2022-yil 1-noyabrdagi 630-son qaroriga 1-ILOVA

Idoraviy harbiylashtirilgan qoʻriqlash boʻlinmalari toʻgʻrisida

1-bob. Umumiy qoidalar

1. Mazkur Namunaviy nizom Idoraviy harbiylashtirilgan qoʻriqlash boʻlinmalarining (keyingi oʻrinlarda — qoʻriqlash boʻlinmalari) vazifalari va ularni tashkil etish tartibi, qoʻriqlash boʻlinmalarning ishchi va xizmatchilari lavozimlariga nomzodlarga qoʻyiladigan talablar, ishchilar va xizmatchilarning huquqlari, majburiyatlari va ijtimoiy himoyasi, shuningdek, qoʻriqlash boʻlinmalarining moliyaviy va moddiy-texnik taʼminotini tashkil etish tartibini belgilaydi.

2. Quyidagilar qoʻriqlash boʻlinmalarining vazifalari hisoblanadi:

jismoniy shaxslar hayotini va sogʻligʻini tajovuzlardan himoya qilish;

obyektlarni qoʻriqlash va tajovuzlardan himoya qilish;

qoʻriqlanadigan obyektlarda nazorat-oʻtkazish va obyektning ichki rejimlarini taʼminlash;

qoʻriqlanadigan obyektlar hududida jamoat tartibini taʼminlash, huquqbuzarliklarni profilaktika qilish va ularga chek qoʻyish;

qoʻriqlanadigan obyektlardagi mol-mulkni qoʻriqlash va kuzatib borish;

qoʻriqlanadigan obyektlarda tabiiy va texnogen xususiyatli favqulodda vaziyatlar oqibatlarini bartaraf qilishda ishtirok etish;

qoʻriqlashning ilgʻor muhandislik va texnik vositalari hamda usullarini joriy etish va ulardan foydalanish;

qoʻriqlash boʻlinmalari ishchi va xizmatchilarining jangovar hamda xizmat tayyorgarligini yuqori darajada taʼminlash va saqlash;

obyektlar va mol-mulkni qoʻporuvchilik-terrorchilik harakatlari sodir etilishidan, yoqish, oʻgʻirlash va boshqa jinoiy tajovuzlardan ishonchli qoʻriqlashni tashkil etish masalalari boʻyicha huquqni muhofaza qilish organlari va boshqa davlat organlari, jamoatchilik vakillari bilan oʻzaro hamkorlikni taʼminlash.

Qoʻriqlash boʻlinmalari qonunchilik hujjatlariga muvofiq boshqa vazifalarni ham amalga oshiradi.

2-bob. Qoʻriqlash boʻlinmalarini tashkil etish

3. Qoʻriqlash boʻlinmalari Vazirlar Mahkamasi tasdiqlagan roʻyxatga muvofiq davlat boshqaruvi organlari, xoʻjalik birlashmalari, mahalliy davlat hokimiyati organlari va boshqa tashkilotlarda (keyingi oʻrinlarda — tegishli tashkilotlar) tashkil etiladi.

Qoʻriqlash boʻlinmalarining tuzilmasi, ishchi va xizmatchilari sonining normasi va qoʻriqlash boʻlinmalari faoliyatini tashkil etish tartibi tegishli tashkilotlarning ushbu Namunaviy nizomga muvofiq ishlab chiqiladigan hujjatlari bilan belgilanadi.

4. Qoʻriqlash boʻlinmalarining ishchi va xizmatchilari tomonidan xizmatni oʻtashni tashkil etish va xizmat oʻtash tartibi Oʻzbekiston Respublikasi Qurolli Kuchlarining Garnizon va qorovullik xizmatlari nizomi asosida ishlab chiqilgan va Oʻzbekiston Respublikasi Ichki ishlar vazirligi bilan kelishilgan holda, oʻz tizimida qoʻriqlash boʻlinmalari boʻlgan tegishli tashkilotlar tasdiqlagan qoidalarga muvofiq belgilanadi.

5. Qoʻriqlash boʻlinmalarining ishchi va xizmatchilari oʻz xizmat majburiyatlarini bajarish chogʻida tegishli tashkilotlar tomonidan Oʻzbekiston Respublikasi Ichki ishlar vazirligi bilan kelishilgan holda ishlab chiqilgan va tasdiqlangan hamda farqlovchi belgilari boʻlgan formali kiyim-bosh kiyib yurish huquqiga ega.

Qoʻriqlash boʻlinmalari ishchi va xizmatchilariga tegishli tashkilotlar tomonidan belgilangan tartibda xizmat guvohnomalari beriladi.

6. Qoʻriqlash boʻlinmalari oʻzlariga yuklangan vazifalarni bajarish uchun xizmat (qoʻriqchi) itlaridan foydalanishi mumkin.

Xizmat (qoʻriqchi) itlari xizmatda foydalanishga yaroqli deb topilgan boʻlishi va ularning veterinar pasporti boʻlishi kerak.

3-bob. Qoʻriqlash boʻlinmalari ishchi va xizmatchilari lavozimlariga nomzodlarga qoʻyiladigan talablar

7. Qoʻriqlash boʻlinmalariga Oʻzbekiston Respublikasi Qurolli Kuchlari safida kontrakt boʻyicha harbiy xizmatni, muddatli harbiy xizmatni yoki safarbarlik chaqiruvi rezervida xizmatni oʻtagan fuqarolar olinadi (boshqaruv, xizmat koʻrsatuvchi va texnik xodimlar bundan mustasno).

8. Quyidagilar qoʻriqlash boʻlinmalariga ish (xizmat)ga qabul qilinmaydi:

qasddan sodir etgan jinoyatlari uchun sudlanganlik holati tugallanmagan yoki sudlanganligi olib tashlanmagan shaxslar;

jinoiy jazoni oʻtayotgan shaxslar;

mulkka tajovuz qiluvchi huquqbuzarliklarni sodir etganlik uchun maʼmuriy javobgarlikka tortilgan, shuningdek, jamoat tartibiga yoki boshqaruvning belgilangan tartibiga tajovuz qiluvchi huquqbuzarliklarni sodir etganlik uchun bir yil ichida takroran maʼmuriy javobgarlikka tortilgan shaxslar;

ruhiy kasalliklari boʻlgan, narkologik kasalliklarga chalingan, shuningdek, sogʻligʻi boʻyicha tegishli tashkilotlar tomonidan belgilangan talablarga javob bermaydigan shaxslar;

sud tomonidan muomalaga layoqatsiz yoki muomala layoqati cheklangan deb topilgan shaxslar;

umumiy oʻrta yoki oʻrta maxsus maʼlumotga ega boʻlmagan shaxslar;

chet el fuqarolari va fuqaroligi boʻlmagan shaxslar.

Qoʻriqlash boʻlinmalariga ishga (xizmatga) kirish uchun nomzodlarga nisbatan qonunchilikka muvofiq qoʻshimcha talablar qoʻyilishi mumkin.

9. Qoʻriqlash boʻlinmalarining ishchi va xizmatchilari maxsus oʻquv dasturlari boʻyicha kasbiy tayyorgarlikdan oʻtadi.

Kasbiy tayyorgarlik boʻyicha mashgʻulotlar oʻtkaziladigan vaqt ish vaqtiga kiritiladi.

4-bob. Qoʻriqlash boʻlinmalari ishchi va xizmatchilarining huquq va majburiyatlari

10. Qoʻriqlash boʻlinmalarining ishchi va xizmatchilari oʻz vazifalarini bajarishda quyidagi huquqlarga ega:

qoʻriqlanadigan obyektga kelgan va uning hududida turgan shaxslardan nazorat-oʻtkazish va obyektning ichki rejimlariga, shuningdek, jamoat tartibiga rioya etishni talab qilish;

qoʻriqlanadigan obyekt hududidan mol-mulkni qonunga xilof ravishda olib chiqishga yoki qoʻriqlanadigan obyektga taqiqlangan predmetlarni olib kirishga urinish chogʻida shaxslarni ushlash;

shaxsini tasdiqlaydigan va qoʻriqlanadigan obyektga kirish (chiqish) va unda boʻlish, shuningdek, transport vositalarining kirishi (chiqishi), mol-mulkni qoʻriqlanadigan obyektlarga olib kirish (olib chiqish) huquqini beradigan hujjatlarni tekshirish;

qoʻriqlanadigan obyektlardagi mol-mulkni saqlash sharoitlarini, qoʻriqlashning muhandislik va texnik vositalari holatini hamda sozligini tekshirish, aniqlangan qoidabuzarliklar va kamchiliklarning bartaraf etilishini tegishli tashkilotlarning masʼul xodimlaridan talab qilish;

obyektlarni qoʻriqlash va mol-mulk saqlanishi, nazorat-oʻtkazish va obyekt ichki rejimi qoidalari buzilishi aniqlangan taqdirda, ularga barham berish va ularga koʻmaklashadigan shart-sharoitlarni tugatish chora-tadbirlarini koʻrish;

fuqarolar va mansabdor shaxslardan xizmat vazifalari bajarilishiga toʻsqinlik qiluvchi huquqbuzarliklar va xatti-harakatlarni toʻxtatishni talab qilish. Ushbu talablar bajarilmagan taqdirda, huquqqa zid xatti-harakatlar, huquqbuzarliklarga barham berish yuzasidan qonunchilikda nazarda tutilgan tegishli choralarni qoʻllash;

qoʻriqlanadigan obyektdagi, patrullik yoʻnalishidagi hodisani, sodir etilgan huquqbuzarlikni belgilangan tartibda rasmiylashtirish, jinoyat izlarini saqlash maqsadida fuqarolardan hodisa joyini tark etishni talab qilish;

qoʻriqlanadigan obyektga qonunga xilof ravishda kirgan yoki qoʻriqlanadigan obyektda huquqbuzarlik sodir etgan shaxslarning shaxsini aniqlash, ularni ushlash hamda qoʻriqlash xizmati xonasiga yetkazish;

muomalada boʻlishi cheklangan moddalar, shu jumladan, obyektga olib kirish (undan olib chiqish) uchun taqiqlangan predmetlar roʻyxatiga qoʻriqlanadigan obyekt maʼmuriyati tomonidan kiritilgan moddalar bor deb hisoblash uchun asoslar mavjud boʻlgan taqdirda, fuqarolarni shaxsiy koʻrikdan oʻtkazish, ularning ashyolarini, qoʻl yukini, bagajini koʻzdan kechirish hamda ularni olib yurish hamda saqlash uchun asoslar mavjud boʻlmagan taqdirda, mazkur predmetlar, vositalar va moddalarni olib qoʻyish, shuningdek, transport vositalarini koʻzdan kechirish, ularda tashilayotgan yuklarning ilova qilinadigan hujjatlarga muvofiqligini tekshirish;

qonunchilikda nazarda tutilgan tartibda xizmat qurolini hamda maxsus vositalarni olib yurish va ulardan foydalanish, shuningdek, jismoniy kuch ishlatish.

Qoʻriqlash boʻlinmalarining noqulay mehnat sharoitlariga ega boʻlgan obyektlarda xizmat oʻtaydigan ishchi va xizmatchilari ushbu obyektlarning xodimlari uchun nazarda tutilgan mehnat sohasidagi qoʻshimcha kafolatlardan foydalanadi. Mehnat sohasidagi qoʻshimcha kafolatlar qoʻriqlash xizmatlarini koʻrsatish toʻgʻrisidagi shartnomada aks ettiriladi.

Qoʻriqlash boʻlinmalarining ishchi va xizmatchilari qonunchilikda nazarda tutilgan boshqa huquqlardan ham foydalanish huquqiga ega.

11. Qoʻriqlash boʻlinmalarining ishchi va xizmatchilari qoʻriqlash turi, shakllari, usullaridan qatʼi nazar, xizmatni oʻtash vaqtida quyidagilarga majbur:

qoʻriqlanadigan obyektlarni himoya qilish, belgilangan tartibga va qoʻriqlash faoliyati toʻgʻrisidagi qonunchilik talablariga qatʼi rioya etish, qoʻriqlanadigan obyektni kuzatib borish;

qoʻriqlanadigan obyektga tajovuz qilgan shaxslarga nisbatan ayni holatda lozim boʻlgan ehtiyot choralarini qoʻllagan holda, qonunchilikda belgilangan tartibda harakatlarni amalga oshirish;

qoʻriqlanayotgan mol-mulkning oʻgʻirlanishi yoki buzilishiga olib kelishi mumkin boʻlgan xoʻjasizlik va beparvolik namoyon boʻlishining har qanday koʻrinishiga nisbatan oʻz vaqtida choralar koʻrish;

hodisa joyida jabrlangan fuqarolarga, shuningdek, hayotiga va sogʻligʻiga zarar yetkazilgan shaxslarga birinchi yordam koʻrsatish yoki shunday yordam koʻrsatilishini tashkil etish;

xizmatni oʻtash joylarida jamoat tartibini saqlash, huquqbuzarliklarni profilaktika qilish va ularga chek qoʻyish;

oʻz vakolatlari doirasida jismoniy shaxslar hayoti, sogʻligʻi va mol-mulkini, shuningdek, yuridik shaxslarning mol-mulkini himoya qilish uchun zarur choralar koʻrish;

qoʻriqlanadigan obyektda huquqbuzarliklar va hodisalarning izlari saqlanishini taʼminlash;

qoʻriqlanadigan obyektlardagi tabiiy va texnogen xususiyatli favqulodda vaziyatlar oqibatlarini bartaraf qilishda ishtirok etish;

qoʻriqlash faoliyatini amalga oshirish chogʻida oʻzlariga maʼlum boʻlgan xizmatga doir axborotning va boshqa axborotning maxfiyligini taʼminlash;

qoʻriqlanadigan obyektda nazorat-oʻtkazish va obyektning ichki rejimlariga rioya etilishini qoʻriqlanadigan obyekt maʼmuriyati tomonidan qoʻriqlash faoliyatini amalga oshiruvchi subyektlar bilan kelishuvga koʻra tasdiqlangan qoidalarga muvofiq taʼminlash;

qoʻriqlanadigan obyektlar xavfsizligini taʼminlash maqsadida fuqarolar, huquqni muhofaza qiluvchi organlar va boshqa davlat organlari, jamoatchilik vakillari bilan hamkorlikni amalga oshirish;

huquqni muhofaza qiluvchi organlarga ularning zimmasiga yuklatilgan vazifalarni hal etishda oʻz vakolatlari doirasida koʻmaklashish;

oʻziga ishonib topshirilgan xizmat quroli va uning oʻq-dorilari, maxsus va texnik vositalar, shaxsiy himoya vositalari hamda mol-mulkning xavfsiz va lozim darajada saqlanishini taʼminlash;

oʻzlariga yuklangan vazifalarni bajarishga halol va vijdonan munosabatda boʻlish, intizomli boʻlish, oʻz kasbiy bilimlarini doimo oshirib borish;

tegishli maxsus oʻquv dasturlari boʻyicha kasbiy tayyorgarlik darajasini taʼminlash;

belgilangan tartibda maxsus formali kiyim-boshini kiyish va farqlovchi belgilarini taqib yurish.

Qoʻriqlash boʻlinmalarining ishchi va xizmatchilarining zimmasiga qonunchilikka muvofiq boshqa majburiyatlar ham yuklanishi mumkin.

12. Qoʻriqlash boʻlinmalarining ishchi va xizmatchilari bir yilda kamida bir marta ish beruvchining hisobidan majburiy tibbiy koʻrikdan oʻtadi.

Majburiy tibbiy koʻrikdan oʻtishdan bosh tortgan qoʻriqlash boʻlinmalari ishchi va xizmatchilari ish beruvchining qaroriga asosan majburiy tibbiy koʻrikdan oʻtib boʻlguniga qadar ishdan chetlashtiriladi.

Tibbiy koʻrik natijalari boʻyicha xizmatga yaroqsiz deb topilgan qoʻriqlash boʻlinmalarining ishchi va xizmatchilari bilan tuzilgan mehnat shartnomasi umumiy asoslarda bekor qilinadi.

13. Qoʻriqlash boʻlinmalarining ishchi va xizmatchilarining noqonuniy xatti-harakatlari (harakatsizligi) yuzasidan qonunchilik hujjatlarida belgilangan tartibda shikoyat qilinishi mumkin.

14. Qoʻriqlash boʻlinmalarining ishchi va xizmatchilarining jismoniy kuch ishlatish, maxsus vositalarni va xizmat qurolini qoʻllash tartibi “Qoʻriqlash faoliyati toʻgʻrisida”gi Oʻzbekiston Respublikasi Qonuniga muvofiq amalga oshiriladi.

5-bob. Qoʻriqlash boʻlinmalarining ishchilari va xizmatchilarining ijtimoiy himoyasi

15. Qoʻriqlash boʻlinmalarining ishchi va xizmatchilariga tegishli jamoaviy shartnomalar hamda bitimlarda nazarda tutilgan qoidalar va imtiyozlar joriy etiladi.

16. Qoʻriqlash boʻlinmalarining ishchi va xizmatchilari mehnat faoliyati davomidagi baxtsiz hodisalar va kasbiy kasalliklaridan qonunchilik hujjatlarida belgilangan tartibda davlat majburiy ijtimoiy sugʻurtasi qilinishi lozim.

17. Qoʻriqlash boʻlinmalarining ishchi va xizmatchilari xizmat vazifalarini bajarish chogʻida jarohat olgan yoki halok boʻlgan taqdirda, yetkazilgan zarar tegishli jamoa shartnomalari va jamoa kelishuvlariga muvofiq amaldagi qonunchilikda belgilab qoʻyilgan normalardan kam boʻlmagan tartibda qoplanadi.

6-bob. Qoʻriqlash boʻlinmalarining moliyaviy va moddiy-texnik taʼminoti

18. Qoʻriqlash boʻlinmalarini moliyalashtirish va moddiy-texnik taʼminlash qoʻriqlash boʻlinmalarini tashkil etgan tegishli tashkilotlar mablagʻlari hisobidan amalga oshiriladi.

19. Qoʻriqlash boʻlinmalarining ishchi va xizmatchilari mehnatiga haq toʻlash, ularni formali kiyim-bosh va maxsus vositalar bilan taʼminlash qoʻriqlash boʻlinmalarini tashkil etgan tegishli tashkilotlar tomonidan belgilanadigan normalarga muvofiq amalga oshiriladi.

20. Qoʻriqlash boʻlinmalarining ishchi va xizmatchilari faoliyati tegishli tashkilotlar, shuningdek, Oʻzbekiston Respublikasi Ichki ishlar vazirligi huzuridagi Qoʻriqlash departamenti boʻlinmalari tomonidan ularning vakolatlari doirasida nazorat qilinadi.

7-bob. Yakunlovchi qoidalar

21. Qoʻriqlash boʻlinmalari qonunchilik hujjatlariga muvofiq qayta tashkil etiladi va tugatiladi.

22. Ushbu Namunaviy nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2022-yil 1-noyabrdagi 630-son qaroriga 2-ILOVA

Idoraviy harbiylashtirilgan qoʻriqlash boʻlinmalari ishchilarining va xizmatchilarining kasbiy tayyorgarligini amalga oshirish tartibi toʻgʻrisida

1-bob. Umumiy qoidalar

1. Ushbu Nizom Idoraviy harbiylashtirilgan qoʻriqlash boʻlinmalari ishchi va xizmatchilarining (keyingi oʻrinlarda — ishchi va xizmatchilar) kasbiy tayyorgarligini amalga oshirish tartibini belgilaydi.

2. Ishchi va xizmatchilarning kasbiy tayyorgarligi ularning oʻz xizmat vazifalarini bajarishi uchun zarur boʻlgan bilim, koʻnikma, malakalarni oshirishga, chidamlilik va epchillikni taʼminlashga qaratilgan xizmat-jangovar, ijtimoiy-huquqiy, axloqiy-ruhiy va jismoniy tayyorgarlik mashgʻulotlarini oʻz ichiga oladi.

3. Zarur bilim, koʻnikma va malakalarni oʻzlashtirish, yetarli darajada takomillashtirib borish hamda jangovar, jismoniy va axloqiy-ruhiy yetuklikka erishishga intilish har bir ishchi va xizmatchining xizmat burchidir.

4. Ishchi va xizmatchilar bilan kasbiy tayyorgarlik mashgʻulotlarini amalga oshirish maqsadi va vazifalari quyidagilardan iborat:

ishchi va xizmatchilarning kasbiy tayyorgarlikdagi masʼuliyat hissini va mahoratini doimiy ravishda takomillashtirib borish;

ishchilar va xizmatchilarga obyektlarni qoʻriqlashni tashkil etishning normativ-huquqiy asoslarini oʻrgatish, ularning amaliy koʻnikma hamda malakalarini oshirish;

ishchi va xizmatchilarga kasbiy-etika qoidalariga asoslanib, qoʻriqlash faoliyatini amalga oshirish davomida turli xil vaziyatlarda oʻzini tutishni, fuqarolar bilan muomala qilish madaniyatini va axloqiy-ruhiy holatini nazorat qilishni oʻrgatish;

qoʻriqlanadigan obyektlarning oʻziga xosligi va xususiyatlarini oʻrgatish;

ishchi va xizmatchilar orasidan boshqaruvchanlik qobiliyatiga egalarini saralab, ularga qoʻriqlash faoliyati jarayonida boshqaruvni amalga oshirishni oʻrgatish;

ishchi va xizmatchilarni mustaqil hamda guruh tarkibida oʻz xizmat vazifalarini bajarishga, jismoniy kuch ishlatish, maxsus vositalarni qoʻllash, xizmat qurolidan mohirona foydalanish talablarini oʻrgatish;

qoʻriqlanadigan obyektlar hududida jamoat tartibini taʼminlash, huquqbuzarliklarni profilaktika qilish va ularga chek qoʻyish boʻyicha doimiy amaliy mashgʻulotlarni tashkil etish;

qoʻriqlanadigan obyektlarda tabiiy va texnogen xususiyatli favqulodda vaziyatlar oqibatlarini bartaraf qilishda ishtirok etishni hamda qoʻriqlashning ilgʻor muhandislik, texnik vositalari va usullarini joriy etishni, ulardan foydalanishni oʻrgatish;

ishchi va xizmatchilarning turli holatlarda mohirona hamda samarali harakatlanishi, qurol va maxsus vositalarni jangovar shay holatda saqlashi boʻyicha bilim va koʻnikmalarini shakllantirish;

ishchi va xizmatchilarga qoʻriqlanadigan obyektlarni tajovuzlardan hamda obyektdagi jismoniy shaxslarning hayoti va sogʻligʻini himoya qilishni oʻrgatish;

ishchi va xizmatchilarda yuqori ruhiy barqarorlik, jasoratlilik, qatʼiyatlilik, jismoniy chidamlilik va epchillik, zukkolik, ogʻir sharoitlarda jismoniy va axloqiy-ruhiy zoʻriqishga bardosh berish qobiliyatini shakllantirish, ziyraklik, hushyorlik, xotira, tafakkur va qoʻriqlash faoliyatini amalga oshirishda zarur boʻladigan boshqa aqliy-hissiy koʻnikmalarini rivojlantirish.

5. Ishchi va xizmatchilar kasbiy tayyorgarlik mashgʻulotlari bilan toʻliq qamrab olinadi. Xizmatda, mehnat taʼtilida boʻlganlar, kasallik varaqasi boʻyicha ishda boʻlmaganlar yoki boshqa uzrli sabablar bilan qatnashmaganlar uchun qoʻshimcha mashgʻulotlar tashkil etiladi.

2-bob. Kasbiy tayyorgarlikni rejalashtirish va tashkil etish

6. Kasbiy tayyorgarlik mashgʻulotlari ikki oʻquv bosqichida oʻtkaziladi:

birinchi oʻquv bosqichi yanvar — may oylarida;

ikkinchi oʻquv bosqichi iyul — noyabr oylarida.

Iyun va dekabr oyi yangi oʻquv bosqichiga tayyorgarlik oylari hisoblanadi.

7. Kasbiy tayyorgarlik mashgʻulotlari nazariy, amaliy, mustaqil tayyorgarlik va sinovlarni qabul qilish kabi oʻqitish usullaridan foydalangan holda tashkil etiladi.

Kasbiy tayyorgarlikni amalga oshirishda oʻqitishning zamonaviy usullaridan foydalaniladi.

8. Kasbiy tayyorgarlik boʻyicha ishchi va xizmatchilarning xizmat-jangovar, ijtimoiy-huquqiy, axloqiy-ruhiy va jismoniy tayyorgarlik mashgʻulotlarini amalga oshirish tartibi Oʻzbekiston Respublikasi ichki ishlar vaziri tomonidan belgilanadi.

9. Kasbiy tayyorgarlik mashgʻulotlari tarkibida idoraviy harbiylashtirilgan qoʻriqlash boʻlinmalari boʻlgan davlat boshqaruvi organi, xoʻjalik birlashmasi, mahalliy davlat hokimiyati organi yoki boshqa tashkilotlar rahbarining buyrugʻi (farmoyishi) asosida tashkil etiladi va ushbu buyruqda (farmoyishda) mashgʻulotlarni tashkil etish uchun masʼullar, tayyorgarlik mashgʻulotlarni tashkil etish kuni, joyi, vaqti, kim tomonidan oʻtkazilishi belgilanadi.

10. Kasbiy tayyorgarlik mashgʻulotlarini tashkil etish uchun masʼul etib belgilangan mutaxassislarning vazifalari:

oʻquv jarayonini rejalashtirish va ishlab chiqishda qoʻl ostidagi ishchi va xizmatchilarga vazifalarni taqsimlab berish hamda ularning bajarilishini nazorat qilish;

oʻquv jarayonini tashkil etish uchun maʼlumotlar va maʼruzalar resurslarini shakllantirish hamda yangilab borish;

mashgʻulotlar guruhlar tarkibida va maxsus taktik mashqlar oʻquv rejalari hamda dasturlariga asosan oʻtkazilib, oʻquv guruh jurnallarini toʻgʻri yuritilishini nazorat qilish;

oʻquv-moddiy bazani yaxshilash va talab darajasida saqlab turishga rahbarlik qilish;

mashgʻulotlarni oʻtkazishda xavfsizlik qoidalari hamda talablarining bajarilishi, mehnatni muhofaza qilish qoidalariga rioya etilishini nazorat qilish.

3-bob. Kasbiy tayyorgarlik yakunlari boʻyicha sinov imtihonlarini oʻtkazish tartibi

11. Ishchi va xizmatchilar kasbiy tayyorgarlik yakunlari boʻyicha sinov imtihonlaridan (keyingi oʻrinlarda — sinov) oʻtkaziladi. Sinov kasbiy tayyorgarlik mashgʻulotlarining ikkinchi oʻquv bosqichi yakunida oʻtkaziladi.

Sinovni oʻtkazish va baholash tarkibida idoraviy harbiylashtirilgan qoʻriqlash boʻlinmalari boʻlgan davlat boshqaruvi organi, xoʻjalik birlashmasi, mahalliy davlat hokimiyati organi yoki boshqa tashkilot rahbarining buyrugʻi bilan tashkil etilgan komissiya (keyingi oʻrinlarda — komissiya) tomonidan amalga oshiradi.

12. Sinov quyidagi yoʻnalishlarda va ketma-ketlikda oʻtkaziladi:

a) amaliy sinovlar:

jismoniy tayyorgarlik boʻyicha (erkaklar uchun toʻsinda tortilish, ayollar uchun kuch ishlatish mashqlari, belgilangan masofalarga yugurish);

jangovar tayyorgarlik boʻyicha xizmat qurolidan oʻq otish mashgʻuloti bajariladi (xizmat quroli biriktirilmagan ishchilar va xizmatchilar bundan mustasno);

b) nazariy sinovlar — qoʻriqlash faoliyatini amalga oshirish, ijtimoiy-huquqiy, axloqiy-ruhiy, jismoniy kuch ishlatish, maxsus vositalarni va xizmat qurolini qoʻllash shartlari, shaxsiy koʻrikdan oʻtkazishni, ashyolar, qoʻl yuki, bagaj va transport vositalarini koʻzdan kechirish qoidalarini va huquqbuzarlik sodir etgan shaxsni ushlash va qoʻlga olish boʻyicha oʻquv bosqichida oʻtilgan nazariy bilimlarni test topshirish orqali aniqlash.

13. Amaliy sinovlar boʻyicha meʼyorlar Oʻzbekiston Respublikasi ichki ishlar vaziri tomonidan belgilanadi. Amaliy sinovlarni muvaffaqiyatli topshirganlar (“qoniqarli”, “yaxshi” va “aʼlo” baholanganlar) nazariy sinoviga kirishiga ruxsat beriladi.

14. Nazariy sinovlar test savollar toʻplami asosida oʻtkaziladi. Test savollari oʻquv yili davomida oʻtkazilgan mashgʻulotlar mavzularidan kelib chiqqan holda, oʻz xizmat yoʻnalishlari boʻyicha ishlab chiqiladi.

15. Test savollarining matni “Times New Roman” shriftida Misrosoft Word matn redaktorida quyidagi tartibda ketma-ketlikda tayyorlanadi:

savollar ketma-ketlikni bildiruvchi raqamlar (“1.”, “2.”, “3.” va hokazo) bilan belgilanadi;

javob variantlarining har biri yangi xatboshidan boshlanadi va kamida uchta boʻladi, harflar (“A)”, “B)”, “V)” va boshqalar) bilan belgilanadi, javoblarning bittasi toʻgʻri boʻladi.

16. Test savollari komissiya tomonidan tekshiriladi, toʻgʻri javobning xatboshida “*” belgisi koʻrsatiladi va zarur holatlarda oʻzgartirishlar kiritilib, toʻgʻriligiga ishonch hosil qilingandan soʻng test bazasiga kiritiladi.

17. Ishchi va xizmatchilardan qabul qilinadigan kasbiy tayyorgarlik boʻyicha nazariy sinovlar testi 50 ta savoldan iborat boʻlib, ularni yechish uchun 60 daqiqa vaqt ajratiladi.

18. Nazariy sinovlar test savollari toʻplami uchta yoʻnalishdan iborat:

qoʻriqlash faoliyati yoʻnalishi boʻyicha (20 ta savol);

ijtimoiy-huquqiy hamda axloqiy-ruhiy yoʻnalish boʻyicha (15 ta savol);

jismoniy kuch ishlatish, maxsus vositalarni va xizmat qurolini qoʻllash shartlari boʻyicha (15 ta savol).

19. Nazariy sinovlar testlarini baholashda har bir toʻgʻri topilgan javob uchun 2 ball beriladi va quyidagicha baholanadi:

“aʼlo” baho — 43 tadan 50 tagacha toʻgʻri javob (86,0 balldan 100 ballgacha);

“yaxshi” baho — 36 tadan 42 tagacha toʻgʻri javob (72,0 balldan 84,0 ballgacha);

“qoniqarli” baho — 28 tadan 35 tagacha toʻgʻri javob (56,0 balldan 70,0 ballgacha);

“qoniqarsiz” baho — 27 tagacha toʻgʻri javob (54,0 ballgacha).

20. Nazariy sinovlarni topshiradigan ishchi va xizmatchilar kundalik xizmat kiyimida boʻladi, ularga yordamchi maʼlumotlardan (shpargalka, uyali aloqa va boshqa vositalar) foydalanish, test kitobchasini sinov olinayotgan xonadan olib chiqib ketish qatʼiyan man etiladi. Sinov olish jarayonida belgilangan tartib va xizmat intizomiga toʻliq rioya etilishi lozim.

21. Nazariy sinovlar kompyuter texnika vositalari va videokuzatuv orqali toʻgʻridan-toʻgʻri onlayn translyatsiya qilish vositalari bilan jihozlangan maxsus xonalarda yoki bunday maxsus xonalar mavjud boʻlmasa, yozma ravishda qabul qilinadi.

Nazariy sinovlarni qabul qilishdan oldin ishchi va xizmatchilarga komissiya tomonidan berilgan koʻrsatmani (tizimga kirish, test savollarini tanlash va ular bilan ishlash tartibi) aniq tushuntiriladi.

Agarda, ishchi va xizmatchi kompyuterda ishlash jarayonida xatoga yoʻl qoʻysa, sinovni qayta topshirishga ruxsat berilmaydi va uning bahosi “qoniqarsiz” deb baholanadi.

Ishchi va xizmatchiga nazariy sinovni qayta topshirishga kompyuterda yoki elektr tarmoqda texnik sabablarga koʻra nosozliklar paydo boʻlganda ruxsat beriladi.

22. Amaliy va nazariy sinovlar jarayonlari video tasvirga tushirib boriladi hamda bir yil davomida saqlanadi.

23. Oʻtkazilgan sinov natijalari boʻyicha komissiya tomonidan bayonnoma rasmiylashtirilib, imzolanadi va belgilangan tartibda saqlanadi.

24. Uzrli sabablarga koʻra (taʼtil, xizmat safari, mehnatga vaqtincha layoqatsiz boʻlgan davr) oʻquv bosqichi yakuni boʻyicha oʻtkazilgan sinovda qatnasha olmagan ishchi va xizmatchilar uchun qoʻshimcha ravishda sinovlar oʻtkaziladi.

Oʻquv bosqichi davrlari oʻrtasida ish (xizmat)ga qabul qilingan ishchi va xizmatchilar uchun ish (xizmat)ga qabul qilingan yilda belgilangan sinov oʻtkazilmaydi.

25. Sinovdan oʻta olmagan ishchi va xizmatchilarga bevosita boshligʻining tavsiyasiga muvofiq mazkur Nizomning 12-bandida nazarda tutilgan sinovlarni bir marotaba qaytadan topshirishga ruxsat beriladi.

26. Sinov natijalari boʻyicha va qayta topshirishda qoniqarsiz baholangan ishchi va xizmatchilar malakasi yetarli emas deb hisoblanib, navbatdan tashqari kasbiy yaroqliligini aniqlash maqsadida davriy tekshiruvlardan oʻtish uchun Oʻzbekiston Respublikasi Ichki ishlar vazirligi mintaqaviy oʻquv markazlarining maxsus oʻquv kurslarida oʻz mablagʻlari hisobidan oʻqiga yuboriladi.

4-bob. Yakunlovchi qoida

27. Mazkur Nizom talablari buzilishida aybdor deb topilgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2022-yil 1-noyabrdagi 630-son qaroriga 3-ILOVA

Idoraviy harbiylashtirilgan qoʻriqlash hamda idoraviy qorovullik boʻlinmalarining ishchi va xizmatchilari tomonidan shaxsiy koʻrikdan oʻtkazish, ashyolar, qoʻl yuki, bagaj va transport vositalarini koʻzdan kechirish

1-bob. Umumiy qoidalar

1. Ushbu Qoidalar Idoraviy harbiylashtirilgan qoʻriqlash hamda idoraviy qorovullik boʻlinmalari (keyingi oʻrinlarda — boʻlinma) ishchi va xizmatchilari tomonidan qoʻriqlanadigan obyektning (keyingi oʻrinlarda — obyekt) nazorat-oʻtkazish joyida obyekt xodimlari va tashrif buyuruvchilarni shaxsiy koʻrikdan oʻtkazish hamda ashyolar, qoʻl yuki, bagaj va transport vositalarini koʻzdan kechirish tartibini belgilaydi.

2. Boʻlinmalar obyektda shaxsiy koʻrikdan oʻtkazish va koʻzdan kechirish huquqiga ega boʻlgan vakolatli tuzilma hisoblanadi.

3. Ushbu Qoidalarda quyidagi asosiy tushunchalar qoʻllaniladi:

ashyo — muayyan moddiy qiymatga ega boʻlgan hamda iqtisodiy munosabatning predmeti boʻla oladigan, obyekt xodimlari va tashrif buyuruvchilar tomonidan yoki ulardan alohida tarzda olib kiriladigan (olib chiqiladigan) narsa;

koʻzdan kechirish — obyekt xodimlariga va tashrif buyuruvchilarga obyektning nazorat-oʻtkazish joyida ashyolar, qoʻl yuki va bagaj shaklida olib kirish (chiqish) taqiqlangan, noqonuniy aralashish harakatini sodir etish uchun foydalanilishi mumkin boʻlgan xavfli moddalar va buyumlarni aniqlashga moʻljallangan tadbirlar kompleksi;

qoʻl yuki — oʻz oʻlchamiga koʻra obyektning nazorat-oʻtkazish joylarida obyekt xodimlari va tashrif buyuruvchilar tomonidan qiyinchiliksiz olib kirilishi (chiqilishi) mumkin boʻlgan, oʻrashning turi va xilidan qatʼi nazar, yengil tashiladigan buyumlar va ashyolar;

noqonuniy aralashish harakati — obyektning barqaror faoliyat koʻrsatishini izdan chiqarishga qaratilgan, odamlar hayoti va sogʻligʻiga, obyektga moddiy zarar yetkazadigan yoxud bunday oqibatlarning kelib chiqish xavfini yaratgan noqonuniy harakatlar yoki urinishlar;

obyekt xodimi — qoʻriqlanadigan korxonalar, muassasalar, tashkilotlarda mehnat shartnomasi (kontrakt) boʻyicha ishlayotgan jismoniy shaxslar;

tashrif buyuruvchi — obyektga vaqtincha (oʻz ixtiyori yoki xizmat vazifalarini bajarish munosabati bilan) kelgan jismoniy shaxs;

shaxsiy koʻrik — obyektning nazorat-oʻtkazish joyida boʻlgan jismoniy shaxsga nisbatan oʻtkaziladigan tadbirlar kompleksi;

mansabdor shaxs — idoraviy harbiylashtirilgan qoʻriqlash hamda idoraviy qorovullik boʻlinmalarining qoʻriqlash faoliyatini amalga oshirish vakolati yuklatilgan, obyekt xodimlari va tashrif buyuruvchilarni shaxsiy koʻrikdan oʻtkazish va koʻzdan kechirish vakolatiga ega boʻlgan ishchi va xizmatchilari;

shaxsini tasdiqlaydigan hujjatlar — fuqaroning biometrik pasporti yoki identifikatsiyalovchi ID-kartasi, harbiy guvohnoma, tugʻilganlik toʻgʻrisidagi guvohnoma, haydovchilik guvohnomasi, Oʻzbekiston Respublikasi fuqarosining xorijga chiqish biometrik pasporti, Oʻzbekiston Respublikasi hududida doimiy yashovchi chet el fuqarosi va fuqaroligi boʻlmagan shaxsning yashash guvohnomasi, fuqaroligi boʻlmagan shaxslarning harakatlanish hujjatlari.

2-bob. Shaxsiy koʻrikdan oʻtkazish tartibi

4. Shaxsiy koʻrik obyektga olib kirish (chiqish) taqiqlangan ashyolarni obyekt xodimlari hamda tashrif buyuruvchilar yonida yashirgan deb taxmin qilishga asoslar boʻlganda, yashirmoqchi boʻlganda va ularni oʻz ixtiyori bilan taqdim etish soʻralganda, taqdim etish rad etilganda mansabdor shaxs tomonidan amalga oshiriladi.

5. Mansabdor shaxs tomonidan shaxsiy koʻrikdan oʻtkazish toʻgʻrisida yozma shaklda qaror qabul qilinadi.

6. Shaxsiy koʻrikdan oʻtkazishni boshlashdan avval mansabdor shaxs:

shaxsiy koʻrikdan oʻtkazish toʻgʻrisidagi qarorni obyekt xodimlari hamda tashrif buyuruvchilarga eʼlon qilishi;

shaxsiy koʻrik oʻtkazilayotganda obyekt xodimlari hamda tashrif buyuruvchilarning huquqlari hamda shaxsiy koʻrikni amalga oshirish tartibi bilan tanishtirishi shart.

7. Obyekt xodimlari hamda tashrif buyuruvchilar shaxsiy koʻrikni rad etgan taqdirda, shaxsiy koʻrikdan oʻtkazish toʻgʻrisidagi qarorga mansabdor shaxs tomonidan rad etilganligi toʻgʻrisida belgi qoʻyiladi hamda ushbu shaxslarning obyekt hududiga kirishiga (hududdan chiqishiga) yoʻl qoʻyilmaydi.

8. Agar shaxsiy koʻrikdan oʻtkazilayotgan obyekt xodimlari hamda tashrif buyuruvchilar mansabdor shaxsning qonuniy talablarini bajarmasa yoki bajarishga qarshilik koʻrsatsa, ushbu harakatlar maʼmuriy javobgarlik toʻgʻrisidagi qonunchilikka muvofiq ushbu shaxslarni maʼmuriy yoʻl bilan ushlab turish uchun asos boʻladi.

9. Shaxsiy koʻrik sanitariya-gigiyena talablariga javob beradigan alohida xonada boʻlinmaning shaxsiy koʻrikdan oʻtkazilayotgan obyekt xodimlari hamda tashrif buyuruvchilar bilan bir jinsdagi mansabdor shaxs tomonidan xuddi shu jinsdagi ikki xolis hozirligida oʻtkaziladi. Boshqa shaxslarning bu xonaga kirishi va shaxsiy koʻrikdan oʻtkazishni kuzatishiga yoʻl qoʻyilmaydi. Zarur hollarda, shaxsiy koʻrik oʻtkazilayotganda tarjimon jalb qilinadi.

Voyaga yetmagan yoki muomalaga layoqatsiz tashrif buyuruvchilar shaxsiy koʻrikdan oʻtkazilayotganda ularning qonuniy vakillari yoki ularni kuzatib boruvchi shaxslar hozir boʻlishga haqli.

10. Shaxsiy koʻrik koʻrikdan oʻtkazilayotgan obyekt xodimlari hamda tashrif buyuruvchilar tomonidan oʻzida yashirib qoʻyilgan ashyolarni topish uchun zarur boʻlgan doirada hamda inson shaʼni va qadr-qimmati kamsitilishini, uning sogʻligʻi va mol-mulkiga ziyon yetkazilishini istisno etadigan shaklda amalga oshiriladi.

11. Obyekt xodimlari hamda tashrif buyuruvchilar shaxsiy koʻrikdan oʻtish jarayonida quyidagi huquqlarga ega:

mansabdor shaxsning shaxsiy koʻrikdan oʻtkazish toʻgʻrisidagi qarori eʼlon qilinishini talab qilish;

oʻz ona tilidan foydalanish, shuningdek, tarjimondan foydalanish;

oʻz huquqlari va majburiyatlari bilan tanishish;

tushuntirishlar, iltimosnomalar berish;

shaxsiy koʻrik bayonnomasi tuzilgandan soʻng u bilan tanishib chiqish va mazkur bayonnomaga kiritilishi lozim boʻlgan maʼlumotlarni bayon etish;

mansabdor shaxsning shaxsiy koʻrikdan oʻtkazish toʻgʻrisidagi qarori va uning harakatlari (harakatsizligi) boʻyicha belgilangan tartibda shikoyat qilish.

Shaxsiy koʻrikdan oʻtkazilayotgan obyekt xodimlari hamda tashrif buyuruvchilar qonunchilikka muvofiq boshqa huquqlarga ham ega boʻlishi mumkin.

12. Shaxsiy koʻrikdan oʻtkazilayotgan obyekt xodimlari hamda tashrif buyuruvchilar mansabdor shaxslarning qonuniy talablarini bajarishlari shart.

13. Shaxsiy koʻrik natijalari boʻyicha belgilanadigan shaklda bayonnoma tuziladi yoki maʼmuriy huquqbuzarlik toʻgʻrisidagi bayonnomaga yoxud maʼmuriy yoʻl bilan ushlab turish toʻgʻrisidagi bayonnomaga tegishlicha yozib qoʻyiladi. Bayonnoma quyidagilar tomonidan imzolanadi:

shaxsiy koʻrikni oʻtkazgan mansabdor shaxs;

xolislar;

shaxsiy koʻrikdan oʻtkazilgan obyekt xodimlari hamda tashrif buyuruvchilar.

Shaxsiy koʻrikdan oʻtkazilgan obyekt xodimlari hamda tashrif buyuruvchilarga shaxsiy koʻrik oʻtkazilganligi toʻgʻrisidagi bayonnomaning koʻchirma nusxasi imzo qoʻydirib taqdim etiladi.

14. Shaxsiy koʻrikdan oʻtkazish yoki ashyolarni koʻzdan kechirish vaqtida aniqlangan huquqbuzarlikni sodir etish quroli yoki bevosita shunday ashyolar va hujjatlar Oʻzbekiston Respublikasining Maʼmuriy javobgarlik toʻgʻrisidagi kodeksida nazarda tutilgan organlar tomonidan olib qoʻyiladi.

3-bob. Koʻzdan kechirishning umumiy qoidalari

15. Quyidagilar koʻzdan kechirishda asosiy prinsiplar hisoblanadi:

koʻzdan kechirishda qonunchilikka qatʼi rioya qilish;

ushbu Qoidalar talablariga rioya qilish;

koʻzdan kechirilayotgan ashyolar, qoʻl yuki, bagajda va avtotransport vositasida obyektga olib kirish (olib chiqish) taqiqlangan moddiy boyliklar va buyumlarni obyekt xodimlari hamda tashrif buyuruvchilardan belgilangan tartibda (vaqtincha muddatga qaytarib berish sharti bilan yoki butunlay) olib qoʻyish;

qonunchilik hujjatlari va ushbu Qoidalar talablarini buzuvchi obyekt xodimlari hamda tashrif buyuruvchilarni aniqlash.

16. Koʻzdan kechirish quyidagilarni nazarda tutadi:

koʻzdan kechirishdan oʻtishning maqsadlari va qoidalaridan, ularning huquq va majburiyatlaridan, shuningdek, obyektga ashyolar, qoʻl yuki, bagaj va avtotransport vositasida olib kirilishi (chiqilishi) taqiqlangan moddiy boyliklar va buyumlar hamda ular noqonuniy olib kirilganligi (chiqilganligi) uchun javobgarlik toʻgʻrisida obyekt xodimlari hamda tashrif buyuruvchilarni xabardor qilish;

maxsus texnik vositalarni zarurat boʻlganda xizmat itlaridan foydalangan holda ashyolar, qoʻl yuki, bagaj va avtotransport vositalarini puxta va sifatli koʻzdan kechirish;

obyektga ashyolar, qoʻl yuki, bagaj va avtotransport vositasida olib kirilishi (chiqilishi) taqiqlangan moddiy boyliklar va buyumlarning noqonuniy olib kirilishini (chiqilishini) oʻz vaqtida aniqlash va oldini olish;

koʻzdan kechirilgan va obyektga qoʻyilgan obyekt xodimlari hamda tashrif buyuruvchilarning koʻzdan kechirishdan oʻtmagan obyekt xodimlari hamda tashrif buyuruvchilar bilan muomala qilishini istisno etish;

obyektga kirish uchun beriladigan ruxsatnomalarga ega boʻlmagan obyekt xodimlari hamda tashrif buyuruvchilarni obyekt hududiga qoʻymaslik.

17. Obyekt xodimlari hamda tashrif buyuruvchilar ashyolari, qoʻl yuki, bagaji va avtotransport vositasini koʻzdan kechirishga taqdim etishni rad etgan taqdirda, obyektga kirish uchun beriladigan ruxsatnomalarga ega boʻlishidan qatʼi nazar, ularning obyekt hududiga kirishiga (hududdan chiqishiga) yoʻl qoʻyilmaydi.

4-bob. Koʻzdan kechirish vakolatiga ega boʻlgan shaxslarning huquq va majburiyatlari

18. Koʻzdan kechirishni amalga oshiruvchi mansabdor shaxslar quyidagi huquqlarga ega:

obyektga kirmoqchi boʻlgan obyekt xodimlari hamda tashrif buyuruvchilardan ushbu Qoidalar talablarini soʻzsiz bajarishni talab qilish;

obyekt xodimlari hamda tashrif buyuruvchilardan shaxsini tasdiqlaydigan hujjatlari, avtotransport vositalarida bagaj hujjatlari mavjudligini tekshirish;

nazorat-oʻtkazish joyidan kirayotgan shaxslardan koʻzdan kechirish jarayonida aniqlangan, obyektga olib kirilishi (chiqilishi) taqiqlangan ashyolar, qoʻl yuki, bagaj va avtotransport vositasidagi moddiy boyliklar va buyumlarni mansabdor shaxslar tomonidan olib qoʻyish bayonnomasi tuzilib, uning nusxasini obyekt xodimlari va tashrif buyuruvchilarga bergan holda, belgilangan tartibda olib qoʻyish;

zaruratga koʻra, noqonuniy aralashish harakatini yoki boshqa jinoiy harakatlarni sodir etish niyatidagi obyekt xodimlari hamda tashrif buyuruvchilar uchun xos boʻlgan bir qancha oʻzini tutish belgilari boʻyicha potensial xavfli shaxslarni aniqlash maqsadida koʻzdan kechirilayotganlarni psixologik soʻrab chiqish;

ayrim shaxslar tomonidan qurol-yarogʻ, oʻq-dorilarni obyektga kirib-chiqishning belgilangan tartibiga rioya qilinishini nazorat qilish;

noqonuniy aralashish harakatlarining oldini olish maqsadida obyektning butun hududini koʻzdan kechirib chiqish.

19. Mansabdor shaxslar koʻzdan kechirish davomida:

ushbu Qoidalarga, obyekt xavfsizligini taʼminlashga, obyekt xodimlari hamda tashrif buyuruvchilarning hayoti, sogʻligʻi va huquqlarini muhofaza qilishga qaratilgan qonunchilik hujjatlarining boshqa normalari talablariga qatʼi rioya qilishi;

koʻzdan kechirilayotgan ashyolarning egalariga nisbatan hushyor, eʼtiborli va iltifotli munosabatda boʻlishi hamda ularning shaʼni va qadr-qimmatini kamsituvchi harakatlarga yoʻl qoʻymasligi;

koʻzdan kechirilayotgan ashyolarning egalariga oʻzlarida boʻlishi mumkin boʻlgan ashyolar, qoʻl yuki va bagajda obyektga olib kirishi (chiqishi) taqiqlangan moddiy boyliklar va buyumlarni ixtiyoriy ravishda koʻrsatishni taklif etishi;

ashyolarni koʻzdan kechirish vaqtida obyekt xodimlari va tashrif buyuruvchilarning asossiz ravishda ushlanib qolishiga yoʻl qoʻymasligi;

qoida buzilishiga barham berish choralarini koʻrishi;

obyekt hududiga olib kirilishi (chiqilishi) taqiqlangan moddiy boyliklar va buyumlarni aniqlashning zarur koʻnikmalariga ega boʻlishi;

obyektdagi tabiiy va texnogen xususiyatli favqulodda vaziyatlar oqibatlarida tan jarohati olgan obyekt xodimlari hamda tashrif buyuruvchilarga birinchi yordam koʻrsatish, maxsus qutqaruv xizmatlarini chaqirish choralarini koʻrishi;

qonunchilik hujjatlarida belgilangan tartibda maʼmuriy huquqbuzarlik toʻgʻrisida bayonnomalar tuzish uchun davlat organlariga xabar berishi shart.

20. Koʻzdan kechirish natijasida:

obyekt hududiga obyekt xodimlari va tashrif buyuruvchilarning ashyolari, qoʻl yuki, bagaji va transport vositasida olib kirilishi (chiqilishi) taqiqlangan moddiy boyliklar va buyumlar olib kirilishi mumkin boʻlgan yoki ular olib kirilishiga yoʻl qoʻyilgan koʻzdan kechirish boʻyicha xizmat majburiyatlari bajarmaganligi;

koʻzdan kechirilayotgan ashyolar egasining shaʼni va qadr-qimmatini kamsitishga olib kelgan xizmat vakolatlaridan chetga chiqqan mansabdor shaxslar qonunchilik hujjatlarida belgilangan tartibda javob beradilar.

5-bob. Koʻzdan kechirish tartibi

21. Obyekt hududiga kirishdan oldin mansabdor shaxslar tomonidan nazorat-oʻtkazish joyida obyekt xodimlari hamda tashrif buyuruvchilarning shaxsini tasdiqlaydigan hujjatlari (obyekt hududiga kirish huquqini beruvchi hujjatlari) tekshiriladi.

Obyektga kirishda (chiqishda) har bir obyekt xodimlari va tashrif buyuruvchilar ashyolari, qoʻl yuki, bagaji va avtotransport vositasini koʻzdan kechirishga taqdim etgan holda koʻzdan kechirishdan oʻtishi (zaruratga koʻra shaxsiy koʻrikdan oʻtkazishi) kerak.

22. Obyekt xodimlari va tashrif buyuruvchilarning ashyolari, qoʻl yuki, bagaji va avtotransport vositasi nazorat-oʻtkazish joyida koʻzdan kechiriladi, huquqbuzarlik sodir etish holatlari bundan mustasno.

23. Koʻzdan kechirish maxsus texnik vositalarni qoʻllagan holda, zarurat boʻlganda — xizmat itlaridan foydalanib quyidagi izchillikda oʻtkaziladi:

obyekt xodimlari hamda tashrif buyuruvchilar ushbu obyektning nazorat-oʻtkazish joyi orqali oʻtadilar hamda ularga tegishli ashyolar, qoʻl yuki, bagaj va avtotransport vositasida obyektga olib kirilishi (chiqilishi) taqiqlangan moddiy boyliklar va buyumlar toʻgʻrisida maʼlumot berish taklif etiladi;

ashyolar koʻzdan kechirilayotganda, obyekt xodimlari hamda tashrif buyuruvchilarga kiyimdagi mavjud metall buyumlarni (kalitlar, folgali qutilardagi sigaretlar, tangalar va shu kabilarni) nazarda tutilgan idishga qoʻyish va turgʻun metall detektor orqali oʻtish taklif etiladi, metall buyumlar mavjudligi toʻgʻrisida signal tushgan taqdirda, qoʻlda ishlatiladigan metall detektor qoʻllaniladi, u boʻlmaganda esa — vizual koʻzdan kechiriladi, zarur hollarda ashyolar, qoʻl yuki va bagaj maxsus qoʻshimcha uskunadan foydalangan holda koʻzdan kechiriladi;

koʻzdan kechirishda obyekt xodimlari hamda tashrif buyuruvchilarga ashyolar, qoʻl yuki, bagaj va avtotransport vositasida obyektga olib kirilishi (chiqilishi) taqiqlangan moddiy boyliklar va buyumlar aniqlangan taqdirda mansabdor shaxslar tegishli choralar koʻrish uchun darhol obyekt rahbariyatini va ichki ishlar organlari xodimini xabardor qiladi;

hajmi katta buyumlar, obyekt xodimlari va tashrif buyuruvchilarning qoʻlidagi ustki kiyimlar va ularning ichida nimalar borligini texnik vositalar orqali aniqlab boʻlmaydigan ashyolar qoʻl yordamida tekshiriladi;

qidiruvdagi shaxslarni aniqlash va ushlash maqsadida shubhali tashrif buyuruvchilarning shaxsini tasdiqlaydigan hujjatlari qoʻshimcha manbalardan oʻrganiladi;

texnik sabablarga koʻra introskopdan yoki turgʻun metall detektordan foydalanish mumkin boʻlmagan holatda, obyekt xodimlari hamda tashrif buyuruvchilar, shuningdek, ularning ashyolari, qoʻl yuki va bagaji qoʻlda ishlatiladigan metall detektor yordamida koʻzdan kechiriladi.

24. Ashyo va qoʻl yuki sifatida olib kirilayotgan maishiy maqsaddagi radioelektron apparatlar umumiy asoslarda koʻzdan kechiriladi.

25. Foto va video apparatlar maxsus texnik vositalar qoʻllanmasdan koʻzdan kechiriladi.

26. Yashirin olib kirish (chiqish) uchun buyumlardan foydalanish holatlarini aniqlash maqsadida ashyolarni koʻzdan kechirishda:

uyali telefonlar va shu kabi elektron priborlar ishlashi tekshiriladi;

foto va video apparatlarining gʻiloflari, jildlari, quvvatlantirish bloklari tekshiriladi (apparatni oʻchirib-yoqish, quvvatlantirish bloklarini ochish ushbu ashyolar egasi tomonidan amalga oshiriladi);

suyuqliklar solingan idishlar va termoslar vizual koʻzdan kechirish orqali tekshiriladi;

gabaritiga koʻra maxsus texnik vositalar yordamida tekshirib boʻlmaydigan musiqa asboblari gʻiloflari va jildlari ochib tekshiriladi.

27. Yurak faoliyatini ragʻbatlantiruvchi implantatsiya apparatlariga ega boʻlgan shaxslar maxsus texnik vositalar qoʻllanilmasdan shaxsiy koʻrikdan oʻtkaziladi.

28. Koʻzdan kechirish tartib-qoidalaridan oʻtilgandan keyin obyekt xodimlari hamda tashrif buyuruvchilarga (taqiqlangan ashyolar yoʻqligi aniqlangandan soʻng) ularning ashyolari, qoʻl yuki va bagaji qaytariladi yoki maʼmuriy binodan chiqib ketishda olib ketish uchun vaqtincha muddatga saqlash uchun belgilangan joyda qoldiriladi.

Tegishli ruxsatnomaga ega boʻlgan va xizmat vazifalarini bajaruvchi huquqni muhofaza qiluvchi organlar hamda boʻlinma ishchi va xizmatchilarining xizmat quroli koʻzdan kechirilmaydi. Bunday hollarda qurol mavjudligi ushbu shaxslarning tegishli hujjatlarida koʻrsatiladi.

29. Koʻzdan kechirishdan oʻtish vaqti obyekt xodimlari va tashrif buyuruvchilarning obyektga kirib-chiqishidan kechikishi uchun shart-sharoitlar yaratmasligi zarur.

Bunda koʻzdan kechirish vaqtini qisqartirish maqsadida obyekt xodimlari va tashrif buyuruvchilarning ashyolarini koʻzdan kechirish tartib-qoidasini soddalashtirishga yoʻl qoʻyilmaydi.

6-bob. Maxsus yuklar, maxsus pochta va soqchilar nazorati ostidagi shaxslarga hamrohlik qiluvchi shaxslarni, harbiy xizmatchilar, mergan sportchilar, ovchilar, geologlar, qurol saqlash va tashish huquqiga ega boʻlgan boshqa shaxslarning ashyolarini koʻzdan kechirish tartibi

30. Obyektning nazorat-oʻtkazish joyidan oʻtadigan maxsus yuklar, maxsus pochta va rasmiy xat-xabarlar hamda ularni kuzatib boruvchi vazirlik va idoralarning qurollangan xodimlari, feldegerlik va maxsus aloqa xodimlari, konsullik valezlari va Oʻzbekiston Respublikasi xalqaro shartnomalari asosida ularga tenglashtirilgan, diplomatik maqomga ega boʻlgan shaxslar kuzatuvida kelgan xorijiy muassasalar va xalqaro tashkilotlarning vakillari tegishli hujjatlar taqdim etilgandan keyin koʻzdan kechirilmaydi va ushlab turilmaydi.

31. Qurollangan xodimlar tomonidan kuzatib kelingan maxsus yuklar va pochtani ortish, shuningdek, qurollangan xodimlarni va soqchilar nazorati ostidagi shaxslarni obyektga kirishi (chiqishi) qonunchilik hujjatlariga muvofiq amalga oshiriladi.

32. Obyektga (obyektdan) feldegerlik va maxsus aloqa xodimlari olib kelgan (olib chiqayotgan) maxsus yuklar va maxsus pochtada obyektga olib kirilishi (olib chiqilishi) taqiqlangan ashyolar, buyumlar boʻlmasligi kerak. Ushbu qoidalar buzilganligi uchun belgilangan tartibda feldegerlik va maxsus aloqa xodimlari javob beradi.

33. Obyektga kirish uchun tegishli ruxsat beruvchi hujjatlar mavjud boʻlgan taqdirda, qurol saqlash va olib yurish huquqiga ega boʻlgan mergan sportchilar, ovchilar, geologlar oʻzlariga tegishli boʻlgan qurol-yarogʻ, oʻq-dorilar, ov pichoqlari va raketnitsalar (signal beruvchi pistolet) bilan obyekt hududiga kirayotganda (chiqayotganda), ularning qurollari oʻqsizlantirilgan va gʻilof kiydirilgan boʻlishi kerak hamda magazinlarda oʻq-dorilar boʻlmasligi zarur.

7-bob. Yakunlovchi qoida

34. Ushbu Qoidalar talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2022-yil 1-noyabrdagi 630-son qaroriga 4-ILOVA

Idoraviy harbiylashtirilgan qoʻriqlash hamda idoraviy qorovullik boʻlinmalari ishchilarining va xizmatchilarining oʻz majburiyatlarini bajarishiga toʻsqinlik qiladigan kasalliklar va jismoniy nuqsonlar

1. Yuqumli va parazitar kasalliklar. 2. Nafas olish aʼzolarining sil kasalligi. 3. Boshqa aʼzolar va tizimlarning sil kasalligi. 4. Zaxm va asosan jinsiy yoʻl bilan yuqadigan, boshqa aniqlangan kasalliklar. 5. Mikozlar. 6. Oʻsmalar. 7. Xavfli oʻsmalar (limfa, qon hosil qiluvchi va ularga turdosh toʻqimalarning oʻsmalari bundan istisno). 8. Limfa, qon hosil qiluvchi va ularga turdosh toʻqimalarning xavfli oʻsmalari. 9. Xavfsiz oʻsmalar (bosh va orqa miya oʻsmalari bundan istisno), in situ oʻsmalar. 10. Qon, qon hosil qiluvchi aʼzolarning kasalliklari va immun mexanizmini (tizimini) jalb qiluvchi alohida buzilishlar. 11. Endokrin tizimi kasalliklari, oziqlanish va moddalar almashinuvining buzilishlari. 12. Ruhiy va xulq-atvor buzilishlari. 13. Organik ruhiy buzilishlar. 14. Endogen psixozlar: shizofreniya, shizotipik buzilishlar, shizoaffektiv, vasvasali, oʻtkir va oʻtkinchi psixotik buzilishlar va affektiv buzilishlar (kayfiyat buzilishlari). 15. Simptomatik va boshqa ekzogen etiologiyali ruhiy buzilishlar. 16. Stress bilan bogʻliq nevrotik va somatik shakldagi buzilishlar. 17. Shaxs buzilishlari. 18. Ruhiyatga faol taʼsir etuvchi vositalarni isteʼmol qilish natijasida kelib chiqqan ruhiy va xulq-atvor buzilishlari. 19. Aqliy qoloqlik (zaiflik). 20. Asab tizimi kasalliklari. 21. Epilepsiya va epileptik tutqanoqlar. 22. Markaziy asab tizimining yalligʻlanishlari, miyelinsizlantiruvchi kasalliklari va ularning asoratlari. 23. Koʻproq markaziy asab tizimini zararlovchi tizimli atrofiyalar, ekstrapiramidal, boshqa asab tizimining degenerativ kasalliklari, asab-mushak sinaps va mushak kasalliklari, bolalarning serebral falaji, asab tizimining tugʻma anomaliyalari (rivojlanish nuqsonlari), bosh va orqa miya oʻsmalari. 24. Bosh va orqa miyaning tomir kasalliklari. 25. Bosh va orqa miya jarohatlanishlari va ularning asoratlari. Tashqi taʼsir omillaridan boʻlgan markaziy asab tizimining zararlanish asoratlari. 26. Periferik nervlar kasalliklari. 27. Periferik nervlar jarohati va asoratlari. 28. Oʻtkir kasallik, surunkali kasallikning xurujidan, jarohat va jarrohlik yoʻli bilan davolanishdan keyingi markaziy va periferik asab tizimlari faoliyatining vaqtincha buzilishlari. 29. Qovoqlarning kasalliklari va shikastlanish oqibatlari. 30. Konyunktiva, koʻz yoshi yoʻllari, koʻz kosasining kasalliklari, jarohatlar va kuyish oqibatlari. 31. Koʻz sklerasi, shoh pardasi, tomirli pardasi, gavhari, shishasimon tanasi, toʻr pardasi, koʻrish nervining kasalliklari, jarohatlari va kuyishlar asoratlari. 32. Koʻz toʻr pardasining koʻchishi. 33. Glaukoma. 34. Koʻz mushaklari kasalliklari, ikki koʻzning hamkorlikda barobar koʻrish faoliyati buzilishi. 35. Refraksiya va akkomodatsiyaning buzilishlari. 36. Koʻrlik, koʻrish oʻtkirligining pasayishi, rang ajratish anomaliyalari. 37. Oʻtkir kasallik, surunkali kasallikning xurujlari, jarohat yoki jarrohlik amaliyotidan keyingi koʻrish aʼzolari faoliyatining vaqtincha buzilishlari. 38. Quloq va soʻrgʻichsimon oʻsiq kasalliklari. 39. Tashqi quloq (shu jumladan tugʻma) kasalliklari. 40. Oʻrta quloq va soʻrgʻichsimon oʻsiq kasalliklari. 41. Organizm vestibulyar qobiliyatining buzilishi. 42. Karlik, kar-soqovlik, eshitish qobiliyatining pasayishi. 43. Oʻtkir kasallik, surunkali kasallik xurujlari, jarohat yoki jarrohlik amaliyotidan keyingi quloq va soʻrgʻichsimon oʻsiq faoliyatining vaqtincha buzilishlari. 44. Qon aylanish tizimi kasalliklari. 45. Revmatizm, yurakning boshqa revmatik va revmatik boʻlmagan (shu jumladan tugʻma) kasalliklari. 46. Gipertoniya (xafaqonlik) kasalligi. 47. Yurakning ishemik kasalligi. 48. Aorta, periferik yirik arteriya, vena va limfa tomirlari kasalliklari, rivojlanishning tugʻma anomaliyalari va shikastlanishlar asoratlari. 49. Gemorroy (bavosil). 50. Neyrotsirkulyator asteniya. 51. Oʻtkir kasallik, surunkali kasallik xuruji, jarohat yoki jarrohlik amaliyotidan keyingi qon aylanish tizimi faoliyatining vaqtincha buzilishlari. 52. Nafas olish aʼzolari kasalliklari. 53. Burun boʻshligʻi, burunning yondosh boʻshliqlari va hiqildoq kasalliklari. 54. Hiqildoq va traxeyaning boʻyin qismi kasalliklari va shikastlanishlari. 55. Nafas olish aʼzolarining boshqa kasalliklari (shu jumladan tugʻma). 56. Bronxial astma. 57. Oʻtkir kasallik, surunkali kasallik xuruji, jarohat, jarrohlik amaliyotidan keyingi nafas olish aʼzolari faoliyatining vaqtincha buzilishlari. 58. Tishlarning rivojlanishi va chiqish ildizidagi buzilishlar, tishning qattiq toʻqimalari va yumshoq qismi kasalliklari. 59. Periapikal toʻqimalar, milklar va parodont, soʻlak bezlari, ogʻiz boʻshligʻi yumshoq toʻqimalari, tilning (shu jumladan tugʻma) kasalliklari. 60. Yuz-jagʻ anomaliyalari, nuqsonlari, shakl oʻzgarishlari, jarohat asoratlari, boshqa kasalliklar va tishlarning tayanch vositalaridagi oʻzgarishlar, jagʻlarning kasalliklari. 61. Qiziloʻngach, ichaklarning (oʻn ikki barmoqli ichakdan tashqari) va qorin pardaning (shu jumladan tugʻma) kasalliklari. 62. Meʼda va oʻn ikki barmoq ichakning yara kasalligi. 63. Meʼda va oʻn ikki barmoq ichakning boshqa kasalliklari, jigarning, oʻt qopining, oʻt ajratish yoʻllari va meʼda osti bezining kasalliklari. 64. Churralar. 65. Oʻtkir kasallik, surunkali kasalliklarining xurujlari yoki jarrohlik amaliyotidan keyingi ovqat hazm qilish aʼzolari faoliyatining vaqtincha buzilishlari. 66. Teri va teri osti qavati surunkali, tizimli kasalliklari. 67. Teri va teri osti qavatining oʻtkir kasalliklari asoratlari va surunkali kasalliklarining qaytalanishidan keyin faoliyatning buzilishi. 68. Suyak-mushak tizimi va biriktiruvchi toʻqimalarning kasalliklari. 69. Yuqumli, yalligʻlanish, autoimmun va boshqa sabablardan kelib chiqqan artritlar va artropatiyalar, biriktiruvchi toʻqimaning tizimli kasalliklari. 70. Suyaklar, yirik boʻgʻimlar, togʻaylarning jarrohlik kasalliklari va zararlanishi. 71. Umurtqaning kasalliklari va ularning asoratlari. 72. Kaftning, barmoqlarning shakl oʻzgarishlari va umuman yoʻqligi. 73. Yassioyoqlilik, oyoq panjasining boshqa shakl oʻzgarishlari va barmoqlari nuqsonlari. 74. Oyoq-qoʻlning faoliyatini oʻzgartiruvchi va (yoki) xizmat kiyimlar, oyoq kiyimlar kiyishni va kamarlar taqishni qiyinlashtiruvchi tugʻma va orttirilgan shakl oʻzgarishlari. 75. Oyoq yoki qoʻlning yoʻqligi. 76. Jinsiy va siydik chiqarish aʼzolari kasalliklari. 77. Buyraklarning surunkali kasalliklari. 78. Buyrak va siydik toshi kasalligi. 79. Siydik chiqarish yoʻllarida siydik chiqarishning buzilishi (gidronefroz), piyelonefrit (ikkilamchi), buyrak va siydik chiqarish yoʻllarining boshqa kasalliklari, qovuqning yalligʻlanishi va boshqa kasalliklari, tanosil kasalliklariga aloqasi boʻlmagan uretrit, siydik chiqarish yoʻlining torayishi va uning boshqa kasalliklari. 80. Erkaklarning jinsiy aʼzolari kasalliklari (shu jumladan tugʻma). 81. Ayollarning jinsiy aʼzolari surunkali yalligʻlanishlar bilan kechadigan kasalliklari. 82. Endometrioz. 83. Genital prolaps, siydikni tuta olmaslik, oqmalar, ayollar jinsiy aʼzolarining boshqa yalligʻlanishsiz kechadigan kasalliklari (shu jumladan tugʻma boʻlgan). 84. Hayz koʻrish faoliyatining buzilishlari. 85. Oʻtkir kasallik, surunkali kasallikning xuruji yoki jarrohlik amaliyotidan keyingi siydik chiqarish va jinsiy aʼzolarning faoliyatining vaqtincha buzilishlari. 86. Homiladorlik, tugʻishdan keyingi davr va uning asoratlari. 87. Jarohatlar, zaharlanishlar va boshqa tashqi omillar taʼsiri oqibatlari. 88. Bosh suyaklari jarohat va jarrohlik amaliyotidan keyingi nuqsonlari. 89. Umurtqa pogʻonasi, gavda, oyoq va qoʻllar suyaklari siniqlarining asoratlari (chanoq suyaklari, kurak, oʻmrov, toʻsh, qovurgʻalar, yelka, tirsak va bilak, son suyagi boʻyinchasi va son, kichik va katta boldir, tizza qopqogʻi suyagi va boshqa suyaklarining siniqlari). 90. Koʻkrak qafasi, qorin boʻshligʻi va chanoq ichki aʼzolarining jarohatlari (jarohat tufayli yuzaga kelgan pnevmo va gemotoraks, yurak, oʻpka, meʼda ichak yoʻli, jigar, taloq, buyraklar, chanoq aʼzolari, qorin boʻshligʻining boshqa aʼzolari jarohatlari, koʻp tarmoqli ogʻir jarohatlar), yuqorida qayd etilgan aʼzolarning kasalliklari tufayli oʻtkazilgan jarrohlik amaliyotlari asoratlari. 91. Teri va teri osti qavati toʻqimalarining jarohatlari asoratlari. 92. Dori, tibbiy va biologik vositalar bilan zaharlanish, tibbiyotga daxli boʻlmagan moddalarning toksik taʼsiri, tashqi omillarning taʼsiri (radiatsiya, past yoki yuqori harorat va yorugʻlik, havoning yoki suvning ortiqcha bosimi va boshqalar). 93. Suyak-mushak tizimining, biriktiruvchi toʻqimaning, teri va teri osti qavatining kasalliklaridan davolanishdan keyin, jarohatlar, zaharlanishlar va tashqi omillarning boshqa taʼsirlaridan keyingi faoliyatning vaqtincha buzilishlari. 94. Jismoniy rivojlanish yetishmovchiligi. 95. Siydik tutolmaslik (enurez). 96. Nutqning buzilishi.

Vazirlar Mahkamasining 2022-yil 1-noyabrdagi 630-son qaroriga 5-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar

1. Vazirlar Mahkamasining “Portlovchi moddalar va portlatish vositalarini Oʻzbekiston Respublikasiga olib kirish, transportda tashish, saqlash va ulardan foydalanish tartibini takomillashtirish chora-tadbirlari toʻgʻrisida” 2004-yil 6-maydagi 213-son qarorining 2-bandi sakkizinchi xatboshisidagi “idoraviy harbiylashtirilgan soqchilik” soʻzlari “idoraviy jihatdan tegishli boʻlmagan harbiylashtirilgan qoʻriqlash” soʻzlari bilan almashtirilsin.

2. Vazirlar Mahkamasining 2006-yil 1-noyabrdagi 226-son qarori bilan tasdiqlangan Avtomobil yoʻllarini taʼmirlash va saqlash ishlari tasnifining 31-bandi uchinchi xatboshisidagi “soqchilik” soʻzi “qoʻriqlash” soʻzi bilan almashtirilsin.

4. Vazirlar Mahkamasining “Oʻzbekiston Respublikasi Milliy gvardiyasi Qoʻriqlash bosh boshqarmasining harbiylashtirilgan soqchilik boʻlinmalari va qorovullik boʻlinmalari toʻgʻrisidagi nizomni tasdiqlash haqida” 2021-yil 16-dekabrdagi 757-son qarorida :

a) nomi quyidagi tahrirda bayon etilsin:

“Oʻzbekiston Respublikasi Milliy gvardiyasi Qoʻriqlash bosh boshqarmasining idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari toʻgʻrisidagi nizomni tasdiqlash haqida”;

b) 1-band quyidagi tahrirda bayon etilsin:

“1. Quyidagilarni nazarda tutuvchi Oʻzbekiston Respublikasi Milliy gvardiyasi Qoʻriqlash bosh boshqarmasining idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari toʻgʻrisidagi nizom ilovaga muvofiq tasdiqlansin:

toifalangan obyektlarni, davlat boshqaruvi organlari va xoʻjalik birlashmalari, mahalliy davlat hokimiyati organlari, jismoniy va yuridik shaxslarning obyektlarini, ularning mol-mulkini qoʻriqlash uchun tuziladigan shartnomalarga asosan qoʻriqlash xizmatlarini koʻrsatish evaziga tushadigan mablagʻlar hisobidan idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarini tuzish va ularning faoliyatini tashkil etish tartibi;

idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari tomonidan toifalangan obyektlarni, davlat boshqaruvi organlari va xoʻjalik birlashmalari, jismoniy va yuridik shaxslarning obyektlarini, ularning mol-mulkini qoʻriqlash boʻyicha koʻrsatiladigan qoʻriqlash xizmatlarining turlari;

idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining ishchi va xizmatchi lavozimlari, toifalari hamda shtatlarini tashkil etish, idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalariga ishga kiradigan nomzodlarga qoʻyiladigan talablar, ularni ishga qabul qilish, boshlangʻich tayyorlash va qayta tayyorlash tartibi;

idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilarining vazifalari, huquq va majburiyatlari, ularning faoliyatini tashkil etish, xizmatga toʻgʻri taqsimlash va nazorat qilish tartibi;

idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining moliyaviy va moddiy-texnik taʼminotini tashkil etish tartibi”;

v) ilova quyidagi tahrirda bayon etilsin:

“Vazirlar Mahkamasining 2021-yil 16-dekabrdagi 757-son qaroriga ILOVA

Oʻzbekiston Respublikasi Milliy gvardiyasi Qoʻriqlash bosh boshqarmasining idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Milliy gvardiyasi (keyingi oʻrinlarda — Milliy gvardiya) Qoʻriqlash bosh boshqarmasining tarkibida idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarini tuzish va ularning faoliyatini tashkil etish hamda ushbu boʻlinmalar ishchi va xizmatchilarining huquqlari va majburiyatlarini, boʻlinmalarning moliyaviy va moddiy-texnik taʼminotini tashkil etish tartibini belgilaydi.

2. Milliy gvardiya Qoʻriqlash bosh boshqarmasining (keyingi oʻrinlarda — Qoʻriqlash bosh boshqarmasi) idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari shaxsiy tarkibi mehnat munosabatlari mehnat toʻgʻrisidagi qonunchilik hujjatlari bilan tartibga solinadigan ishchi va xizmatchilardan iborat boʻladi.

3. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilarining qoʻriqlash faoliyati ushbu Nizom, Milliy gvardiyaning ichki idoraviy hujjatlari va boshqa qonunchilik hujjatlari bilan tartibga solinadi.

2-bob. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining faoliyatini tashkil etish

4. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari Qoʻriqlash bosh boshqarmasining vakolatlari doirasida oʻta muhim hamda toifalangan obyektlarni, davlat boshqaruvi organlari, xoʻjalik birlashmalari va mahalliy davlat hokimiyati organlarining, shuningdek, jismoniy va yuridik shaxslarning mol-mulkini qoʻriqlash uchun tuziladigan shartnomalarga asosan qoʻriqlash xizmatlarini koʻrsatish evaziga tushadigan mablagʻlar hisobidan Qoʻriqlash bosh boshqarmasi boshligʻining buyrugʻi asosida tashkil etiladi.

5. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari tomonidan quyidagi xizmatlar koʻrsatiladi:

a) idoraviy jihatdan tegishli boʻlmagan harbiylashtirilgan qoʻriqlash boʻlinmalari tomonidan:

obyekt yoki uning bir qismida xizmat oʻtash uchun belgilangan joy yoki hudud (keyingi oʻrinlarda — qoʻzgʻalmas post (yoʻnalish)) orqali qoʻriqlash va xavfsizligini taʼminlash;

piyoda yoki transport vositasida, shuningdek, boshqa vositalarda muayyan hududdagi obyektlarni yoki ularning hududlarini yoʻnalish boʻylab qoʻriqlash;

b) idoraviy jihatdan tegishli boʻlmagan qorovullik boʻlinmalari tomonidan — qoʻzgʻalmas post (yoʻnalish) orqali obyekt yoki uning bir qismini qoʻriqlash va xavfsizligini taʼminlash.

6. Quyidagilar idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining asosiy vazifalari hisoblanadi:

oʻta muhim hamda toifalangan obyektlarni, davlat boshqaruvi organlari, xoʻjalik birlashmalari va mahalliy davlat hokimiyati organlarining, shuningdek, jismoniy va yuridik shaxslarning mol-mulkini hamda obyektlarini tajovuzlardan himoya qilish;

yuridik shaxslarning qoʻriqlanadigan obyektlarida nazorat-oʻtkazish va obyektning ichki rejimlarini taʼminlash;

qoʻriqlanadigan obyektlar hududida jamoat tartibini taʼminlash, huquqbuzarliklarni profilaktika qilish va ularga chek qoʻyish;

qoʻriqlanadigan obyektlarda tabiiy va texnogen xususiyatli favqulodda vaziyatlarning oldini olish hamda ularni bartaraf etishda ishtirok etish;

obyektlarning xavfsizligini taʼminlashda huquqni muhofaza qiluvchi organlar, boshqa davlat organlari, jamoatchilik vakillari bilan hamkorlik qilish hamda huquqni muhofaza qiluvchi organlarga yuklangan vazifalarni hal etishda oʻz vakolatlari doirasida koʻmaklashish.

Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari qonunchilik hujjatlariga muvofiq boshqa vazifalarni ham amalga oshirishi mumkin.

7. Idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va xizmatchilarining lavozimlari, toifalari hamda shtatlari mazkur Nizomga 1-ilovaga muvofiq tashkil etiladi.

8. Obyektlarni qoʻriqlash boʻyicha ishchi va xizmatchilarning faoliyatini tashkil etish, xizmatga toʻgʻri taqsimlash va nazorat qilish uchun mazkur Nizomga 2-ilovaga muvofiq idoraviy jihatdan tegishli boʻlmagan harbiylashtirilgan qoʻriqlash boʻlinmalari guruhlari tuziladi.

9. Obyektlarni qoʻriqlash uchun qoʻzgʻalmas postlar (yoʻnalishlar)ni qoʻyish qoidalari va shartlari, shuningdek, ularning faoliyatini nazorat qilish tartibi Milliy gvardiyaning ichki idoraviy hujjatlariga asosan belgilanadi.

10. Obyektning joylashuvi, uning va xizmatni oʻtashning oʻziga xos xususiyatlaridan kelib chiqqan holda, idoraviy jihatdan tegishli boʻlmagan harbiylashtirilgan qoʻriqlash boʻlinmalari naryadlarining xizmati sutkalik va vaxta usulida tashkil etilishi mumkin.

Vaxtaning davomiyligi yetti sutkagacha belgilanadi va bunda naryadlarning xizmatni oʻtashi tartibi Oʻzbekiston Respublikasi Qurolli Kuchlarining Garnizon va qorovullik xizmati toʻgʻrisidagi nizomga asosan ishlab chiqilgan va Milliy gvardiya qoʻmondoni tomonidan tasdiqlangan yoʻriqnomaga muvofiq tashkil etiladi.

Vaxta usulida xizmat tashkil etilganda ishchi va xizmatchilarning dam olishi, ovqatlanishi, yuvinishi va ular bilan oʻquv mashgʻulotlarini oʻtkazish, ularning tabel qurollarini saqlash boʻyicha tegishli shart-sharoitlar yaratilgan boʻlishi shart.

11. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari Milliy gvardiya qoʻmondoni tomonidan tasdiqlangan namunadagi formali kiyim-bosh va xizmat guvohnomalari bilan taʼminlanadi.

12. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari tomonidan foydalaniladigan xizmat qurollari, ularning oʻq-dorilari va maxsus vositalar turlari, ularning soni, taʼminlash va foydalanish tartibi qonunchilik hujjatlariga muvofiq belgilanadi.

3-bob. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalariga ishga qabul qilish, ishchi va xizmatchilarni boshlangʻich tayyorlash va qayta tayyorlash

13. Idoraviy jihatdan tegishli boʻlmagan harbiylashtirilgan qoʻriqlash boʻlinmalariga ixtiyoriy tartibda tanlov asosida, belgilangan talablarga javob beradigan oʻn sakkiz yoshdan yigirma besh yoshgacha boʻlgan, shu jumladan, yigirma besh yoshdagi Oʻzbekiston Respublikasi fuqarolari ish (xizmat)ga qabul qilinadi.

Idoraviy jihatdan tegishli boʻlmagan qorovullik boʻlinmalariga ixtiyoriy tartibda mazkur nizomda belgilangan talablarga javob beradigan Oʻzbekiston Respublikasi fuqarolari ish (xizmat)ga qabul qilinadi.

Qabul qilinadigan fuqarolar kamida umumiy oʻrta yoki oʻrta maxsus maʼlumotga ega boʻlishi, sogʻligʻining holati va jismoniy tayyorgarligi boʻyicha xizmat majburiyatlarini bajarishga qodir boʻlishi lozim.

Erkak nomzodlar Oʻzbekiston Respublikasi Qurolli Kuchlari safida muddatli harbiy xizmatni yoki safarbarlik chaqiruvi rezervida harbiy xizmatni oʻtagan boʻlishi kerak.

14. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari boshliqlar tarkibiga Milliy gvardiya va boshqa huquqni muhofaza qiluvchi organlarda samarali xizmat qilib, nafaqaga boʻshagan nomzodlar suhbat asosida, jismoniy tayyorgarligi va salomatligi holatiga koʻra ishga qabul qilinishi mumkin.

15. Nomzodlar bilan tanlov oʻtkazish, ularning hujjatlarini rasmiylashtirish va ishga qabul qilish tartibi hamda nomzodlarga qoʻyiladigan maxsus talablar Milliy gvardiya qoʻmondoni tomonidan belgilanadi. Qabul qilingan shaxslarga uch oydan ortiq boʻlmagan dastlabki sinov muddati belgilanadi.

16. Idoraviy jihatdan tegishli boʻlmagan harbiylashtirilgan qoʻriqlash boʻlinmalariga qabul qilishda nomzodlarning boʻy oʻlchami quyidagi maxsus antropometrik parametrlarga javob berishi talab etiladi:

a) erkak nomzodlar uchun 178 santimetrdan past boʻlmasligi;

b) ayol nomzodlar uchun 170 santimetrdan past boʻlmasligi.

Idoraviy jihatdan tegishli boʻlmagan qorovullik boʻlinmalariga qabul qilinadigan nomzodlarga antropometrik parametrlar belgilanmaydi.

17. Quyidagi shaxslarning ish (xizmat)ga qabul qilinishiga yoʻl qoʻyilmaydi:

qasddan sodir etgan jinoyatlari uchun sudlanganlik holati tugallanmagan yoki sudlanganligi olib tashlanmagan shaxslar;

jinoiy jazoni oʻtayotgan shaxslar;

mulkka tajovuz qiluvchi huquqbuzarliklarni sodir etganlik uchun maʼmuriy javobgarlikka tortilgan, shuningdek, jamoat tartibiga yoki boshqaruvning belgilangan tartibiga tajovuz qiluvchi huquqbuzarliklarni sodir etganlik uchun bir yil ichida takroran maʼmuriy javobgarlikka tortilgan shaxslar;

ruhiy kasalliklari boʻlgan, narkologik kasalliklarga chalingan, shuningdek sogʻligʻining holatiga nisbatan belgilangan talablarga javob bermaydigan shaxslar;

sud tomonidan muomalaga layoqatsiz yoki muomala layoqati cheklangan deb topilgan shaxslar;

davlatning boshqa xizmatlaridan salbiy sabablarga koʻra boʻshatilgan;

oʻzi va yaqin qarindoshlari toʻgʻrisida bila turib notoʻgʻri maʼlumotlar taqdim qilganligi aniqlangan;

ogʻir va oʻta ogʻir jinoyat sodir etganlar;

nomzod va yaqin qarindoshlari boʻyicha belgilangan hujjatlarni taqdim etishdan bosh tortganlar;

umumiy oʻrta va oʻrta maxsus maʼlumotga ega boʻlmagan shaxslar;

chet el fuqarolari boʻlgan shaxslar.

18. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalariga ishga qabul qilinayotgan fuqarolar hududiy tibbiyot birlashmalarida tibbiy koʻrikdan oʻtadi. Tibbiy koʻrikdan oʻtish shartlari va uni tashkil etish tartibi, nomzodlarning sogʻligʻiga boʻlgan talablar Milliy gvardiya qoʻmondoni tomonidan belgilanadi.

19. Tanlov yakuniga koʻra eng yuqori natijalarga erishgan nomzod bilan nomuayyan muddatga mehnat shartnomasi tuziladi. Mehnat shartnomasida xodim boshlangʻich tayyorlashga jalb etilishi va belgilangan tartibda oʻquv kursini muvaffaqiyatli tamomlab sertifikat olgan taqdirda, mehnat munosabatlari davom ettirilishi, aks holda mehnat shartnomasi bekor qilinishi haqidagi qoida nazarda tutiladi.

20. Ishga qabul qilingan Oʻzbekiston Respublikasi fuqarolari majburiy tartibda boshlangʻich tayyorgarlikdan oʻtadi.

Idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va xizmatchilarini boshlangʻich tayyorlash, qayta tayyorlash va malakasini oshirish Milliy gvardiyaning taʼlim muassasalarida amalga oshiriladi.

21. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari maxsus oʻquv dasturlari boʻyicha maxsus tayyorgarlikdan (maʼnaviy-psixologik, xizmat tayyorgarligidan, jismoniy va jangovar tayyorgarlikdan) oʻtadi. Mashgʻulotlar oʻtkaziladigan vaqt ish vaqtiga kiritiladi.

22. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining shaxsiy tarkibi bilan maxsus dasturlar asosida quyidagi tartibda xizmat va jangovar tayyorgarlik mashgʻulotlari oʻtkaziladi:

idoraviy jihatdan tegishli boʻlmagan harbiylashtirilgan qoʻriqlash boʻlinmalarida — oyiga 8 akademik soat (oʻquv yilida 80 akademik soat);

idoraviy jihatdan tegishli boʻlmagan qorovullik boʻlinmalarida — oyiga 4 akademik soat (oʻquv yilida 40 akademik soat).

23. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari yilda bir marta majburiy tibbiy koʻrikdan oʻtadi. Maxsus tayyorgarlikdan, shuningdek, jismoniy kuch ishlatish, maxsus vositalarni hamda xizmat qurolini qoʻllash bilan bogʻliq sharoitlardagi harakatlarga kasbiy yaroqliligini aniqlash uchun davriy tekshiruvlardan (keyingi oʻrinlarda — sinov) oʻtishi kerak. Maxsus tayyorgarlikdan oʻtgan ishchi va xizmatchilarga belgilangan namunadagi sertifikatlar beriladi. Sinovlarni oʻtkazish tartibi Milliy gvardiya qoʻmondoni tomonidan belgilanadi.

Sinov natijalari boʻyicha qoniqarsiz baholangan idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilarining malakasi yetarli emas deb hisoblanib, jismoniy kuch ishlatish, maxsus vositalarni hamda xizmat qurolini qoʻllash bilan bogʻliq boʻlmagan boshqa lavozimga mehnat shartnomasiga muvofiq oʻtkaziladi yoki ular bilan tuzilgan mehnat shartnomasi bekor qilinadi.

24. Qoʻriqlash bosh boshqarmasi psixologlari tomonidan tuzilgan dastur (reja, jadval)larga asosan idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va xizmatchilari bilan maʼnaviy-psixologik tayyorgarlik bosqichma-bosqich, maqsadli va doimiy ravishda oʻtkaziladi.

4-bob. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilarining huquqlari, majburiyatlari va javobgarligi

25. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari xizmatni oʻtash vaqtida quyidagi huquqlarga ega:

jismoniy va yuridik shaxslardan belgilangan nazorat-oʻtkazish va obyektning ichki rejimlariga, shuningdek, jamoat tartibiga rioya etishini talab qilish;

qoʻriqlanadigan obyekt hududidan mol-mulkni qonunga xilof ravishda olib chiqishga yoki qoʻriqlanadigan obyektga taqiqlangan predmetlarni olib kirishga urinish chogʻida shaxslarni ushlash;

qoʻriqlanadigan obyektlardagi mol-mulkni saqlash sharoitlarini, qoʻriqlashning muhandislik va texnik vositalari holatini hamda sozligini tekshirish, aniqlangan qoidabuzarliklarning, kamchiliklarning bartaraf etilishini talab qilish;

qoʻriqlanadigan obyektga qonunga xilof ravishda kirgan yoki qoʻriqlanadigan obyektda huquqbuzarlik sodir etgan shaxslarning shaxsini aniqlash, ularni ushlash hamda qoʻriqlash xizmati xonasiga yetkazish (bunday vakolatlari mavjud boʻlmaganda huquqni muhofaza qiluvchi organlarning xodimlarini chaqirish);

muomalada boʻlishi cheklangan moddalar, shu jumladan, obyektga olib kirish (undan olib chiqish) uchun taqiqlangan predmetlar roʻyxatiga qoʻriqlanadigan obyekt maʼmuriyati tomonidan kiritilgan moddalar bor deb hisoblash uchun asoslar mavjud boʻlgan taqdirda, fuqarolarni shaxsiy koʻrikdan oʻtkazish, ularning ashyolari, qoʻl yuki, bagajini koʻzdan kechirish hamda ularni olib yurish hamda saqlash uchun asoslar mavjud boʻlmagan taqdirda, mazkur predmetlar, vositalar va moddalarni olib qoʻyish, shuningdek, transport vositalarini koʻzdan kechirish, ularda tashilayotgan yuklarning ilova qilinadigan hujjatlarga muvofiqligini tekshirish;

qoʻriqlanadigan obyektdagi, patrullik yoʻnalishidagi hodisani, sodir etilgan huquqbuzarlikni belgilangan tartibda rasmiylashtirish, jinoyat izlarini saqlash maqsadida fuqarolardan hodisa joyini tark etishni talab qilish;

fuqarolarning hayoti va sogʻligiga, atrof muhitga zarar yetkazmaydigan qoʻriqlash texnik vositalaridan foydalanish;

qoʻriqlanadigan obyektlarga qonunga xilof ravishda kirgan yoki kirishga uringan shaxslarni aniqlash uchun, shuningdek, bunday kirishlarning oldini olish maqsadida xizmat (qoʻriqchi) itlaridan foydalanish;

qonunchilikda nazarda tutilgan tartibda xizmat qurolini hamda maxsus vositalarni olib yurish va ulardan foydalanish, shuningdek, jismoniy kuch ishlatish.

Qoʻriqlash boʻlinmalarining xizmatni mehnat sharoitlari sogʻliq uchun zararli boʻlgan obyektlarda oʻtaydigan ishchi va xizmatchilari ushbu qoʻriqlanadigan obyektlarning ishchi va xizmatchilari uchun nazarda tutilgan mehnat sohasidagi qoʻshimcha imtiyozlardan hamda afzalliklardan foydalanadi. Mazkur imtiyozlar qoʻriqlash xizmatlarini koʻrsatish toʻgʻrisidagi shartnomada aks ettiriladi va ustuvor shartlar sifatida belgilanishi mumkin.

Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari qonunchilik hujjatlarida nazarda tutilgan boshqa huquqlardan ham foydalanadilar.

26. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari qoʻriqlash turi, shakllari va usullaridan qatʼi nazar, xizmatni oʻtash jarayonida quyidagilarga majbur:

obyektlarni qoʻriqlash va qonunga xilof tajovuzlardan himoya qilish, belgilangan tartibga va qoʻriqlash faoliyati toʻgʻrisidagi qonunchilik talablariga qatʼiy rioya etish, mol-mulkini qoʻriqlash va uni kuzatib borish;

oʻz vakolatlari doirasida davlat, jismoniy va yuridik shaxslarning mol-mulkini himoya qilish, shuningdek fuqarolar va davlat xavfsizligini taʼminlash uchun zarur boʻlgan choralarni koʻrish;

xizmatni oʻtash joylarida jamoat tartibini saqlashi, huquqbuzarliklarning oldini olish va ularga chek qoʻyish;

qoʻriqlanadigan obyektda shubhali buyum aniqlanganda vakolatli organlarga xabar berish, vakolatli organ xodimlari yetib kelguniga qadar shubhali buyumning daxlsizligini taʼminlash;

qoʻriqlanadigan obyektda huquqbuzarliklar va hodisalarning, shu jumladan, jinoyat, maʼmuriy huquqbuzarliklarning izlari saqlanishini taʼminlash;

hodisa joyida jabrlangan fuqarolarga, shuningdek, hayotiga va sogʻligʻiga zarar yetkazilgan shaxslarga birinchi yordam koʻrsatish yoki shunday yordam koʻrsatilishini tashkil etish;

qoʻriqlanadigan obyektlar xavfsizligini taʼminlash maqsadida fuqarolar, huquqni muhofaza qiluvchi organlar va boshqa davlat organlari, jamoatchilik vakillari bilan hamkorlikni amalga oshirish;

huquqni muhofaza qiluvchi organlarga ularga yuklangan vazifalarni hal etishda oʻz vakolatlari doirasida koʻmaklashish;

qoʻriqlanadigan obyektlardagi tabiiy va texnogen xususiyatli favqulodda vaziyatlar oqibatlarini bartaraf etishda ishtirok etish;

qoʻriqlanadigan obyektda nazorat-oʻtkazish va obyektning ichki rejimlariga rioya etilishini qoʻriqlanadigan obyekt maʼmuriyati tomonidan qoʻriqlash faoliyatini amalga oshiruvchi subyektlar bilan kelishuvga koʻra tasdiqlangan qoidalarga muvofiq taʼminlash;

oʻziga ishonib topshirilgan xizmat qurolining va uning oʻq-dorilarining, maxsus va texnik vositalarning, shaxsiy himoya vositalari hamda mol-mulkning xavfsiz va lozim darajada saqlanishini taʼminlash;

belgilangan tartibda maxsus formali kiyim-bosh kiyish va farqlovchi belgilarini taqib yurish;

qoʻriqlash faoliyatini amalga oshirish chogʻida oʻzlariga maʼlum boʻlgan xizmatga doir axborot va boshqa axborotning maxfiyligini taʼminlash.

Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilarining zimmasida qonunchilikka muvofiq boshqa majburiyatlar ham yuklanishi mumkin.

27. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilarining xizmat majburiyatlarini bajarishi deganda quyidagilar tushuniladi:

lavozim majburiyatlarini bajarish;

xizmatni oʻtash;

xizmat safarida boʻlish;

kun tartibida belgilangan ish vaqti davomida yoki xizmat zarurati tufayli qoʻriqlash boʻlinmalari (qoʻriqlanayotgan obyekt) hududida boʻlish;

xizmat joyiga borish yoki ulardan qaytish;

oʻquv yigʻinlarida ishtirok etish;

sud tomonidan ishchi va xizmatchilarning shaxs, jamiyat va davlat manfaatlarini koʻzlab sodir etilgan deb topilgan boshqa harakatlari.

28. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari davlat organi vakili hisoblanadi.

29. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilaridan faqat qoʻriqlash faoliyati bilan bogʻliq vazifalarni bajarish maqsadida shartnoma asosida foydalaniladi.

5-bob. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining moliyaviy va moddiy-texnik taʼminoti, ishchi va xizmatchilarning ijtimoiy himoyasi

30. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari ish haqi va bepul formali kiyim-bosh bilan taʼminlanadi. Ularning moddiy-texnik taʼminoti normalari va formali kiyim-boshni kiyish qoidalari Milliy gvardiya qoʻmondoni tomonidan belgilanadi.

Idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va xizmatchilari yuqori kasbiy tayyorgarlik darajasiga va faoliyatida samarali natijalarga erishganligi uchun har yili Milliy gvardiya qoʻmondoni tomonidan belgilangan tartibda “uchinchi malaka toifasi”, “ikkinchi malaka toifasi”, “birinchi malaka toifasi” malaka toifalari beriladi.

Malaka toifasiga ega boʻlgan idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va xizmatchilariga ularning lavozim maoshiga nisbatan quyidagi miqdorlarda har oylik ustamalar toʻlanadi:

“uchinchi malaka toifasi” — 10 %;

“ikkinchi malaka toifasi” — 15 %;

“birinchi malaka toifasi” — 20 %.

31. Qoʻriqlash bosh boshqarmasining shakllanadigan pul taʼminoti jamgʻarmasi doirasida idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilariga:

yagona tarif setkasi boʻyicha mehnatga haq toʻlashning tasdiqlangan razryadlariga koʻra lavozim maoshlariga qonunchilik hujjatlarida belgilangan tartibda oshirilgan koeffitsiyentlar qoʻllaniladi;

bir yilda bir marta ikki oylik lavozim maoshi miqdorida ragʻbatlantiriladi;

bir yilda bir marta bir oylik lavozim maoshi miqdorida moddiy yordam koʻrsatiladi.

32. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari qonunchilik hujjatlarida belgilangan ijtimoiy kafolat va imtiyozlardan foydalanadilar.

33. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari mehnat faoliyati davomidagi baxtsiz hodisalar va kasbiy kasalliklaridan qonunchilik hujjatlarida belgilangan tartibda davlat majburiy ijtimoiy sugʻurtasi qilinishi lozim.

34. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilari xizmat vazifalarini bajarish chogʻida jarohat olgan yoki halok boʻlgan taqdirda, yetkazilgan zarar tegishli jamoa shartnomalari va jamoa kelishuvlariga muvofiq amaldagi qonunchilikda belgilab qoʻyilgan normalardan kam boʻlmagan tartibda qoplanadi.

35. Qoʻriqlanayotgan obyektlar maʼmuriyati oʻz xizmat vazifasini vijdonan bajarayotgan idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va xizmatchilarini ragʻbatlantirishi va mukofotlashi mumkin.

6-bob. Yakunlovchi qoida

36. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi Milliy gvardiyasi Qoʻriqlash bosh boshqarmasining idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari toʻgʻrisidagi nizomga 1-ILOVA

Idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va xizmatchilarining lavozimlari, toifalari hamda shtatlari

T/r Lavozim nomlari Toifasi Shtat soni 1. Otryad boshligʻi Katta boshliq Tuzilgan shartnomalarga asosan ajratilgan shtat birliklari soni 76 birlikdan oshganda kiritiladi. 2. Otryad boshligʻi oʻrinbosari 3. Otryad boshligʻining moddiy taʼminot boʻyicha yordamchisi 4. Alohida komanda va otryad tarkibidagi komanda boshligʻi Tuzilgan shartnomalarga asosan ajratilgan shtat birliklari soni 16 birlikdan 75 birlikkacha boʻlganda kiritiladi. 5. Otryad (komanda) qorovul itlari instruktori Oʻrta boshliq Idoraviy jihatdan tegishli boʻlmagan harbiylashtirilgan qoʻriqlash otryadi (komandasi) tarkibidagi mavjud 7 birlik kinolog shtat lavozimiga 1 birlik qorovul itlari instruktori kiritiladi. 6. Otryad (komanda) starshinasi Kichik boshliq Idoraviy jihatdan tegishli boʻlmagan harbiylashtirilgan qoʻriqlash otryadi (komandasi) ish hajmi va xizmat zaruratiga muvofiq 1 birlik kiritiladi. 7. Qorovul boshligʻi Tuzilgan shartnomalarga asosan ajratilgan shtat birliklari 16 birlikdan oshganda keyinchalik har 25 birlik uchun kiritiladi. 8. Guruh boshligʻi Tuzilgan shartnomalarga asosan ajratilgan shtat birliklari soni 6 birlikdan 15 birlikkacha boʻlganda kiritiladi. 9. Ruxsatnomalar byurosi boshligʻi 3 birlik ruxsatnomalar byurosi navbatchisi boʻlganda kiritiladi. 10. Ruxsatnomalar byurosi navbatchisi Ruxsatnomalar byurosi tashkil etilgan nazorat-oʻtkazish punktlarida 3 birlik ruxsatnomalar byurosi navbatchisi kiritiladi. 11. Kinolog Oddiy tarkib Tuzilgan shartnomalarga asosan xizmat faoliyatida foydalanilayotgan har bir qorovul iti uchun idoraviy jihatdan tegishli boʻlmagan harbiylashtirilgan qoʻriqlash shtati hisobidan 1 birlik kiritiladi. 12. Nazoratchi Qoʻriqlash vaqti hisobi va toʻlov smetasiga muvofiq kiritiladi. 13. Oʻqchi Qoʻriqlash vaqti hisobi va toʻlov smetasiga muvofiq kiritiladi.

Oʻzbekiston Respublikasi Milliy gvardiyasi Qoʻriqlash bosh boshqarmasining idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari toʻgʻrisidagi nizomga 2-ILOVA

Idoraviy jihatdan tegishli boʻlmagan harbiylashtirilgan qoʻriqlash boʻlinmalari guruhlari

T/r Guruhlar Shtat soni 1. Guruh 1 — 15 birlik 2. 3-guruh komandasi 16 — 35 birlik 3. 2-guruh komandasi 36 — 50 birlik 4. 1-guruh komandasi 51 — 75 birlik 5. 3-guruh otryadi 76 — 200 birlik 6. 2-guruh otryadi 201 — 350 birlik 7. 1-guruh otryadi 351 birlik va undan ortiq

Vazirlar Mahkamasining 2022-yil 1-noyabrdagi 630-son qaroriga 6-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Vazirlar Mahkamasining “Idoraviy harbiylashtirilgan qoʻriqlash xizmati toʻgʻrisidagi namunaviy nizomni tasdiqlash haqida” 2012-yil 1-martdagi 60-son qarori .

2. Vazirlar Mahkamasining “Qoʻriqlash va nazorat-litsenziya faoliyati takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 9-iyuldagi 568-son qaroriga ilovaning 7-bandi .

3. Vazirlar Mahkamasining “Qurol muomalasi sohasida ruxsat berish tartib-taomillarini takomillashtirishga doir qoʻshimcha chora-tadbirlar toʻgʻrisida” 2020-yil 26-dekabrdagi 810-son qaroriga 3-ilovaning 10-bandi .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son qonuni)” 2022-yil 4-apreldagi 153-son qaroriga ilovaning 279-bandi .

Oʻzbekiston Respublikasining Bosh vaziri A. ARIPOV

Toshkent sh.,

2022-yil 1-noyabr,

630-son

(Qonunchilik maʼlumotlari milliy bazasi, 02.11.2022-y., 09/22/630/0980-son; 20.09.2023-y., 09/23/481/0716-son; 10.03.2026-y., 09/26/94/0218-son)

lex.uz