📅 2022-yil 2-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 ноября 2022 г. · Постановления Президента
Официальный текст. Официальный документ. Редакционные примечания не включены.
📅 2 November 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
МАНЗИЛЛИ РЎЙХАТ
таркиби
Иссиқхона хўжаликлари фаолияти самарадорлигини ошириш юзасидан қўшимча чора-тадбирлар тўғрисида
Мамлакат аҳолисига сифатли ва кафолатли қишлоқ хўжалиги маҳсулотларини етказиб бериш орқали озиқ-овқат хавфсизлигини таъминлаш, иссиқхона хўжаликлари ва музлаткичли омборхоналарнинг иқтисодий жиҳатдан самарали ишлаши учун янада қулай шарт-шароитлар яратиш, шунингдек, мазкур соҳада банд бўлган аҳоли даромадларини оширишни қўшимча рағбатлантириш мақсадида:
1. Иссиқхона хўжаликларида маҳсулот етиштириш ва тайёр маҳсулотни ички ва ташқи бозорга йўналтиришнинг шундай янги механизми жорий этилсинки, унга мувофиқ Агросаноатни ривожлантириш агентлиги:
иссиқхона хўжаликларига уруғ, кўчат, минерал ўғит ва бошқа моддий ресурсларни етказиб бериш ва етиштирилган маҳсулотни улардан харид қилиш чораларини кўради;
республикада фаолият юритаётган тажрибали ва малакали агроном, энтомолог, лаборатория мутахассисларини иссиқхона хўжаликларига шартнома асосида тавсия қилади;
сертификатланган ва кафолатланган уруғ ва кўчатларни етиштириш бўйича махсус кўчатхоналарни ташкил этишга кўмаклашади;
иссиқхона хўжаликлари билан ўзаро ҳамкорлик асосида кооперация фаолиятини йўлга қўйиш, етиштирилган маҳсулотни саралаш, қайта ишлаш, сақлаш, қадоқлаш ва экспорт қилишга кўмаклашади;
Ўсимликлар карантини ва ҳимояси агентлиги билан биргаликда келишув асосида ҳудудий инспекторларни бириктиради ва ўсимликлар ҳимоясини ташкил этиш бўйича хизматлар кўрсатилишини таъминлайди.
2. Инвестициялар ва ташқи савдо вазирлиги, Марказий банк, Қишлоқ хўжалиги вазирлиги ҳамда Қорақалпоғистон Республикаси Вазирлар Кенгаши ва вилоятлар ҳокимликларининг қуйидаги таклифлари маъқуллансин:
а) халқаро молия институтлари, мақсадли жамғармалар ҳамда Тикланиш ва тараққиёт жамғармаси маблағлари ҳисобидан иссиқхона хўжаликлари ва музлаткичли омборхоналар учун ажратилган миллий ва хорижий валютадаги кредитларни қайтариш муддатларини умумий ҳисобда 14 йил этиб белгилаш ва имтиёзли даврини 3 йилдан 5 йилгача узайтириш (муддати ўтган асосий ва фоиз қарздорликларини кредит даврига мутаносиб равишда узайтириш). Бунда, Тадбиркорлик фаолиятини қўллаб-қувватлаш давлат жамғармаси томонидан аввал тақдим қилинган кафиллик ва кредит фоизлари компенсациялари сақланиб қолади.
Мазкур имтиёзлар Иссиқхона хўжаликлари молиявий аҳволини соғломлаштириш ва ривожлантириш бўйича республика ишчи гуруҳининг ўрганиш натижаларига кўра шакллантирилган рўйхат асосида тақдим этилади;
б) иссиқхона хўжаликларини айланма маблағ (уруғлик, кўчат, ўғит, кимёвий воситалар, иссиқхона материалларини сотиб олиш ва иситиш харажатлари учун) билан таъминлаш учун тижорат банклари томонидан бир йил муддатга олти ойлик имтиёзли давр билан кредит ажратиш. Бунда:
мазкур кредитлар Ўзбекистон Республикаси Президентининг 2022 йил 6 октябрдаги ПҚ-387-сон қарорида назарда тутилган тартибда ва шартларда Агросаноатни ривожлантириш агентлигига ажратилган бюджет ссудаси ҳисобидан молиялаштирилади;
иссиқхона хўжаликларида экспортбоп маҳсулот етиштиришга талаб этиладиган айланма маблағлар учун хорижий валютадаги банк кредитлари Экспортни рағбатлантириш агентлиги маблағлари ҳисобидан йиллик 4 фоиз ставкада (шундан, банк маржаси 2 фоиз) ажратилади. Бунда, кредит таъминоти сифатида «Ўзбекинвест» суғурта компанияси суғурта полиси қабул қилинади ва суғурта мукофоти харажатларининг 75 фоизи Экспортни рағбатлантириш агентлиги маблағлари ҳисобидан қоплаб берилади;
ажратилган кредитларни қайтариш муддатлари иссиқхоналарда ҳосилни йиғиб олиш ва сотиш муддатларига мослаштирилади ҳамда кредитларни қайтариш графиклари шу асосида тасдиқланади;
в) иссиқхона хўжаликларига табиий газ бўйича тўловни ўз вақтида амалга оширмаганлик учун пеня суммаси 2022 йил 1 октябрдан 2023 йил 1 апрелгача, истисно тариқасида, ҳисобланмайди.
3. Инвестициялар ва ташқи савдо вазирлиги Марказий банк ва тижорат банклари билан биргаликда 15 кун муддатда мазкур қарорнинг 2-бандида назарда тутилган миллий ва хорижий валютадаги кредитларнинг белгиланган тартибда қайта расмийлаштирилишини таъминласин.
4. Шундай тартиб ўрнатилсинки, унга кўра:
а) иссиқхона хўжаликлари учун тижорат банкларига кредит ва уларнинг фоизини қайтариш муддати қатъий равишда маҳсулотнинг пишиб-етилиши даврига мослаштирилади;
б) саноат типидаги замонавий иссиқхона ва логистика марказларини ташкил этиш учун яхлит майдонлар ягона (ҳудудда) «лот» билан очиқ аукцион савдоларига чиқарилади. Бунда, ажратиладиган майдонлар ҳажми ҳудуд шароитидан келиб чиқиб, Қорақалпоғистон Республикаси Вазирлар Кенгаши Раиси ва вилоятлар ҳокимлари томонидан белгиланади.
5. 2022-2023 йилларда иссиқхона хўжаликларини муҳандислик-коммуникация тармоқлари (ичимлик ва оқова сув, электр энергияси ва ирригация тармоқлари) билан таъминлаш бўйича манзилли рўйхат 1-иловага мувофиқ тасдиқлансин.
Молия вазирлиги, Энергетика вазирлиги, Қишлоқ хўжалиги вазирлиги, Сув хўжалиги вазирлиги Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда 2022-2023 йилларда республика бўйича фаолият кўрсатаётган ва янгидан ташкил этиладиган иссиқхоналар учун электр узатиш линияларини қуриш, ирригация ва мелиорация тармоқларини тортиш дастурини ҳамда ажратиладиган бюджет маблағлари параметрларини тасдиқласин. Бунда, ажратиладиган маблағлар кичик саноат зоналари учун назарда тутилган бюджет маблағлари доирасида кўриб чиқилади.
6. Инвестициялар ва ташқи савдо вазирлиги Қишлоқ хўжалиги вазирлиги ҳамда Ўзбекистоннинг хорижий давлатлардаги элчихоналари билан биргаликда:
бир ой муддатда хусусий сектор иштирокида анъанавий йирик экспорт бозорлари ҳудудида мева-сабзавотларни сақлаш, саралаш ва қадоқлаш каби комплекс логистика имкониятларига эга бўлган савдо мажмуаларини ташкил этиш юзасидан таклифларни Вазирлар Маҳкамасига киритсин;
ташқи бозорларда «олдиндан кутилмаган» ва носоғлом рақобат оқибатида юзага келадиган молиявий йўқотишларни, аввало экспортга юкланадиган маҳсулотлар бўйича хорижий ҳамкорлар билан тузиладиган узоқ муддатли савдо шартномалари орқали олдини олиш чораларини кўрсин;
2022 йил якунига қадар Япония, Корея Республикаси, Европа мамлакатларида янги экспорт бозорларини очиш юзасидан ҳукуматлараро келишувлар имзоланишини таъминласин.
7. Монополияга қарши курашиш қўмитаси ва Энергетика вазирлиги бир ой муддатда ҳудудлардаги иссиқлик электр станциялари ва марказларидан иссиқлик энергияси олиб фаолият юритадиган иссиқхоналарга энергия етказиб беришда «сунъий» воситачилар пайдо бўлиши ва нархларнинг асоссиз ўсишининг олдини олиш чораларини кўрсин.
8. Қишлоқ хўжалиги вазирлиги Инвестициялар ва ташқи савдо вазирлиги билан биргаликда иссиқхоналарда етиштирилган маҳсулотларни бозорларга етказишни кенгайтириш мақсадида халқаро молия институтлари маблағлари ҳисобидан агрологистика лойиҳаларини амалга оширишда юк автомобилларини (совиткичли) харид қилишни молиялаштириш чораларини кўрсин.
9. Иссиқхона хўжаликлари молиявий аҳволини соғломлаштириш ва ривожлантириш бўйича республика ишчи гуруҳининг таркиби (кейинги ўринларда — Республика ишчи гуруҳи) 2-иловага мувофиқ тасдиқлансин.
Республика ишчи гуруҳи (А. Воитов):
Қорақалпоғистон Республикаси Вазирлар Кенгаши, вилоятлар ҳокимликлари, тижорат банклари билан биргаликда ҳудудлардаги самарасиз иссиқхона хўжаликларини аниқлаб, эгалари билан келишган ҳолда уларнинг янги ташаббускорларга ўтказиб берилишини (олди-сотди, кредит бўйича банк олдидаги мажбуриятларни сотиб олиш ёки бошқа келишилган шартларда) ташкил этсин;
икки ой муддатда ер участкасига бўлган эгалик ҳуқуқини расмийлаштиришда муаммоси бўлган иссиқхона хўжаликларини хатловдан ўтказиб, уларнинг ечими бўйича Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклиф киритсин;
иссиқхона хўжаликлари молиявий аҳволини соғломлаштириш ва ривожлантириш бўйича доимий равишда таклифлар киритиб борсин.
10. Ўзбекистон Миллий телерадиокомпанияси, Ўзбекистон Миллий ахборот агентлиги оммавий ахборот воситаларида иссиқхона хўжаликларида интенсив усулда маҳсулот етиштириш, уларни ички ва ташқи бозорларга йўналтириш бўйича ижобий тажрибаларни атрофлича ёритиб борсин.
11. Қишлоқ хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил қилишга масъул ва шахсий жавобгар этиб қишлоқ хўжалиги вазири А.Б. Воитов ва молия вазири Т.А. Ишметов белгилансин.
Қарор ижросини муҳокама қилиб бориш, унинг ижроси учун масъул идоралар фаолиятини мувофиқлаштириш ва назорат қилиш Бош вазир ўринбосарлари Ш.М. Ғаниев ва Ж.А. Ходжаев зиммасига юклансин.
Ўзбекистон Республикаси Президентининг 2022 йил 2 ноябрдаги ПҚ-413-сон қарорига 1-ИЛОВА
2022-2023 йилларда иссиқхона хўжаликларини муҳандислик-коммуникация тармоқлари (ичимлик ва оқова сув, электр энергияси ва ирригация тармоқлари) билан таъминлаш бўйича
Т/р Ҳудуд номи Лойиҳа номи Ажратиладиган маблағ, млн сўм Иссиқхона майдони, гектар 1. Андижон вилояти Балиқчи тумани «Қумтепа» ва «Ифтихор» МФЙларда жойлашган замонавий иссиқхона мажмуаларида 1 дона сув қудуғини қуриш ва сув тармоғини тортиш 700,0 36 2. Балиқчи тумани «Қумтепа» ва «Ифтихор» МФЙларда жойлашган замонавий иссиқхона мажмуаларида 1х400 кВа ТП ўрнатиш ва 2,1 км ҳаво тармоғини тортиш 243,2 3. Балиқчи тумани «Қумтепа» ва «Ифтихор» МФЙларда жойлашган замонавий иссиқхона мажмуаларини ирригация тизими билан таъминлаш учун лоток ўрнатиш 635,0 4. Навоий вилояти Навбаҳор тумани «Қушқочди» МФЙда жойлашган замонавий иссиқхона мажмуасида трансформатор ўрнатиш 1 050,0 20 5. Навбаҳор тумани «Қушқочди» МФЙда жойлашган замонавий иссиқхона мажмуасида 4 дона сув иншоотини ва 4 дона сув қудуғини қуриш 2 000,0 6. Навбаҳор тумани «Қушқочди» МФЙда жойлашган замонавий иссиқхона мажмуасини ирригация тизими билан таъминлаш учун лоток ўрнатиш 2 000,0 7. Наманган вилояти Поп тумани «Ором» МФЙда жойлашган замонавий иссиқхона мажмуасини ирригация тизими билан таъминлаш учун лоток ўрнатиш 2 560,0 48 8. Самарқанд вилояти Каттақўрғон тумани «Ойижон» МФЙда жойлашган замонавий иссиқхона мажмуасига 10 км ҳаво тармоғини тортиш ҳамда 50 та иссиқхонани электр тармоғи билан таъминлаш 500,0 50 9. Сирдарё вилояти Мирзаобод тумани «Мирзо Улуғбек» МФЙда жойлашган замонавий иссиқхона мажмуасида 50 дона бетон устун, яъни 10 дона СV-110 ва 40 дона CV-95 маркадаги бетон устун ўрнатиш ва 2,5 км ҳаво тармоғини тортиш 420,3 14 10. Сурхондарё вилояти Жарқўрғон тумани «Исмоилтепа» МФЙ ҳудудида ташкил этилган иссиқхоналар мажмуасининг 4,5 км ички йўлларини таъмирлаш 2 800,0 17,5 11. Жарқўрғон тумани «Исмоилтепа» МФЙ ҳудудида ташкил этилган иссиқхоналар мажмуасида сув таъминоти учун лоток қуриш (5 км) 1 800,0 12. Жарқўрғон тумани «Исмоилтепа» МФЙ ҳудудида ташкил этилган иссиқхоналар мажмуасини электр таъминотини билан таъминлаш, бунда 10 км ҳаво тармоғини тортиш ва 50 дона бетон устун ўрнатиш 475,0 13. Қумқўрғон тумани «С. Бойматов» МФЙ ҳудудида ташкил этилган иссиқхоналар мажмуасининг 7,4 км ички йўлларини таъмирлаш 2 886,0 33 14. Қумқўрғон тумани «С. Бойматов» МФЙ ҳудудида ташкил этилган иссиқхоналар мажмуасида сув таъминоти учун лоток ўрнатиш (1,5 км) 300,0 15. Қумқўрғон тумани «С. Бойматов» МФЙ ҳудудида ташкил этилган иссиқхоналар мажмуасида 1 дона сув насосини ўрнатиш ва 700 метр масофадан сув қувурини тортиш 85,9 16. Қашқадарё вилояти Нишон тумани «Пахтазор» МФЙда жойлашган замонавий иссиқхона мажмуасида 4х600 кВа ТП ўрнатиш, 5,5 км ҳаво тармоғини тортиш, кечки ёритиш чироқларини ўрнатиш 850,0 15 17. Нишон тумани «Пахтазор» МФЙда жойлашган замонавий иссиқхона мажмуасига сув таъминоти учун 1,9 км лоток қуриш 800,0 18. Нишон тумани «Пахтазор» МФЙда жойлашган замонавий иссиқхона мажмуасининг кириш ва ички йўлларини таъмирлаш 1 100,0 19. Миришкор тумани Янги Миришкор массивида жойлашган замонавий иссиқхона мажмуасига сув таъминоти учун 7 км лоток қуриш, 1х150 кВа ТП ўрнатиш, 3 км ҳаво тармоғини тортиш ҳамда 1 дона сув чиқариш насосини ўрнатиш 3 800,0 30 20. Хоразм вилояти ҳокимлиги Қўшкўпир тумани «Довуд» МФЙда жойлашган лимонарий иссиқхона мажмуасида 1х650 кВа ТП ўрнатиш ва 6,8 км ҳаво тармоғини тортиш 1 100,0 16 21. Фарғона вилояти Бағдод тумани «Мурувват» МФЙда жойлашган замонавий иссиқхона мажмуасида 2 дона артезиан қудуғини қуриш 700,0 34,2 22. Фарғона тумани «Ямбароқ» МФЙда жойлашган иссиқхона мажмуасида 1 дона артезиан қудуғини қуриш ва 2 км ҳаво тармоғини тортиш 450,0 1,08 23. Тошкент вилояти Чиноз тумани «Тилла топган» МФЙда жойлашган лимонарий иссиқхоналари мажмуасида ирригация тармоғи учун оқова сув тармоғини (лоток) қуриш 2 000,0 31 24. Чиноз тумани «Тилла топган» МФЙда жойлашган лимонарий иссиқхоналар мажмуасида 2х400 кВа ТП ўрнатиш ва ҳаво тармоғини тортиш 300,0 25. Чиноз тумани «Тилла топган» МФЙда жойлашган лимонарий иссиқхоналар мажмуаси учун 3 дона сув чиқариш иншоотини қуриш 1 353,6 26. Янгийўл тумани «Обод» МФЙ, Дўстлик массиви ҳудудида жойлашган лимонарий иссиқхона мажмуаси учун 4 дона сув чиқариш иншоотини қуриш 2 160,0 21,5 27. Янгийўл тумани «Обод» МФЙ, Дўстлик массиви ҳудудида жойлашган иссиқхона мажмуасидаги 4000 кВа кучланишга эга (ПС) трансформаторни 6300 кВа қувватли куч трансформаторига алмаштириш 1 200,0 28. Янгийўл тумани «Обод» МФЙ, Дўстлик массиви ҳудудида жойлашган иссиқхона мажмуаси учун 3х400 кВт ТП ўрнатиш ва ҳаво тармоғини тортиш 600,0 29. Бўка тумани «Чавлисой» МФЙда жойлашган замонавий иссиқхона мажмуаси учун 3 дона артезиан қудуғини қуриш 2 900,0 13,5 30. Бўка тумани «Чавлисой» МФЙда жойлашган замонавий иссиқхона мажмуаси учун 3 дона сув минораси ва ирригация тармоғини (лоток) қуриш ва сув қувурларини тортиш 1 200,0 3 1. Бўка тумани «Чавлисой» МФЙда жойлашган замонавий иссиқхона мажмуаси учун 2х400 кВа ТП ўрнатиш ва ҳаво тармоғини тортиш 330,0 Жами 39 299 381
Ўзбекистон Республикаси Президентининг 2022 йил 2 ноябрдаги ПҚ-413-сон қарорига 2-ИЛОВА
Иссиқхона хўжаликлари молиявий аҳволини соғломлаштириш ва ривожлантириш бўйича республика ишчи гуруҳи
1. А.Б. Воитов — қишлоқ хўжалиги вазири, Ишчи гуруҳ раҳбари 2. А.А. Камалов — Марказий банк раисининг ўринбосари, Ишчи гуруҳ раҳбари ўринбосари 3. Лавозимига кўра — Агросаноатни ривожлантириш агентлиги директори, Ишчи гуруҳ раҳбари ўринбосари 4. Ш.Ш. Мирзаев — қишлоқ хўжалиги вазирининг ўринбосари 5. Ш.Х. Ходжаев — энергетика вазирининг ўринбосари 6. Ж.И. Абдиев — Давлат солиқ қўмитаси раисининг ўринбосари 7. Б.Б. Эшмуратов — «Ҳудудгазтаъминот» АЖ бошқаруви раиси 8. И.К. Эргашев — Ўсимликлар карантини ва ҳимояси агентлиги директори 9. Лавозимига кўра — Қорақалпоғистон Республикаси Вазирлар Кенгаши Раиси, вилоятлар ҳокимларининг қишлоқ ва сув хўжалиги масалалари бўйича ўринбосарлари 10. А. Мирзаев — Қишлоқ хўжалиги вазирлиги бошқарма бошлиғи ўринбосари — Ишчи гуруҳ котиби
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 2 ноябрь,
ПҚ-413-сон
Oʻzbekiston Respublikasi Prezidentining
Qarori
MANZILLI ROʻYXAT
tarkibi
Issiqxona xoʻjaliklari faoliyati samaradorligini oshirish yuzasidan qoʻshimcha chora-tadbirlar toʻgʻrisida
Mamlakat aholisiga sifatli va kafolatli qishloq xoʻjaligi mahsulotlarini yetkazib berish orqali oziq-ovqat xavfsizligini taʼminlash, issiqxona xoʻjaliklari va muzlatkichli omborxonalarning iqtisodiy jihatdan samarali ishlashi uchun yanada qulay shart-sharoitlar yaratish, shuningdek, mazkur sohada band boʻlgan aholi daromadlarini oshirishni qoʻshimcha ragʻbatlantirish maqsadida:
1. Issiqxona xoʻjaliklarida mahsulot yetishtirish va tayyor mahsulotni ichki va tashqi bozorga yoʻnaltirishning shunday yangi mexanizmi joriy etilsinki, unga muvofiq Agrosanoatni rivojlantirish agentligi:
issiqxona xoʻjaliklariga urugʻ, koʻchat, mineral oʻgʻit va boshqa moddiy resurslarni yetkazib berish va yetishtirilgan mahsulotni ulardan xarid qilish choralarini koʻradi;
respublikada faoliyat yuritayotgan tajribali va malakali agronom, entomolog, laboratoriya mutaxassislarini issiqxona xoʻjaliklariga shartnoma asosida tavsiya qiladi;
sertifikatlangan va kafolatlangan urugʻ va koʻchatlarni yetishtirish boʻyicha maxsus koʻchatxonalarni tashkil etishga koʻmaklashadi;
issiqxona xoʻjaliklari bilan oʻzaro hamkorlik asosida kooperatsiya faoliyatini yoʻlga qoʻyish, yetishtirilgan mahsulotni saralash, qayta ishlash, saqlash, qadoqlash va eksport qilishga koʻmaklashadi;
Oʻsimliklar karantini va himoyasi agentligi bilan birgalikda kelishuv asosida hududiy inspektorlarni biriktiradi va oʻsimliklar himoyasini tashkil etish boʻyicha xizmatlar koʻrsatilishini taʼminlaydi.
2. Investitsiyalar va tashqi savdo vazirligi, Markaziy bank, Qishloq xoʻjaligi vazirligi hamda Qoraqalpogʻiston Respublikasi Vazirlar Kengashi va viloyatlar hokimliklarining quyidagi takliflari maʼqullansin:
a) xalqaro moliya institutlari, maqsadli jamgʻarmalar hamda Tiklanish va taraqqiyot jamgʻarmasi mablagʻlari hisobidan issiqxona xoʻjaliklari va muzlatkichli omborxonalar uchun ajratilgan milliy va xorijiy valyutadagi kreditlarni qaytarish muddatlarini umumiy hisobda 14 yil etib belgilash va imtiyozli davrini 3 yildan 5 yilgacha uzaytirish (muddati oʻtgan asosiy va foiz qarzdorliklarini kredit davriga mutanosib ravishda uzaytirish). Bunda, Tadbirkorlik faoliyatini qoʻllab-quvvatlash davlat jamgʻarmasi tomonidan avval taqdim qilingan kafillik va kredit foizlari kompensatsiyalari saqlanib qoladi.
Mazkur imtiyozlar Issiqxona xoʻjaliklari moliyaviy ahvolini sogʻlomlashtirish va rivojlantirish boʻyicha respublika ishchi guruhining oʻrganish natijalariga koʻra shakllantirilgan roʻyxat asosida taqdim etiladi;
b) issiqxona xoʻjaliklarini aylanma mablagʻ (urugʻlik, koʻchat, oʻgʻit, kimyoviy vositalar, issiqxona materiallarini sotib olish va isitish xarajatlari uchun) bilan taʼminlash uchun tijorat banklari tomonidan bir yil muddatga olti oylik imtiyozli davr bilan kredit ajratish. Bunda:
mazkur kreditlar Oʻzbekiston Respublikasi Prezidentining 2022-yil 6-oktabrdagi PQ-387-son qarorida nazarda tutilgan tartibda va shartlarda Agrosanoatni rivojlantirish agentligiga ajratilgan budjet ssudasi hisobidan moliyalashtiriladi;
issiqxona xoʻjaliklarida eksportbop mahsulot yetishtirishga talab etiladigan aylanma mablagʻlar uchun xorijiy valyutadagi bank kreditlari Eksportni ragʻbatlantirish agentligi mablagʻlari hisobidan yillik 4 foiz stavkada (shundan, bank marjasi 2 foiz) ajratiladi. Bunda, kredit taʼminoti sifatida “Oʻzbekinvest” sugʻurta kompaniyasi sugʻurta polisi qabul qilinadi va sugʻurta mukofoti xarajatlarining 75 foizi Eksportni ragʻbatlantirish agentligi mablagʻlari hisobidan qoplab beriladi;
ajratilgan kreditlarni qaytarish muddatlari issiqxonalarda hosilni yigʻib olish va sotish muddatlariga moslashtiriladi hamda kreditlarni qaytarish grafiklari shu asosida tasdiqlanadi;
v) issiqxona xoʻjaliklariga tabiiy gaz boʻyicha toʻlovni oʻz vaqtida amalga oshirmaganlik uchun penya summasi 2022-yil 1-oktabrdan 2023-yil 1-aprelgacha, istisno tariqasida, hisoblanmaydi.
3. Investitsiyalar va tashqi savdo vazirligi Markaziy bank va tijorat banklari bilan birgalikda 15 kun muddatda mazkur qarorning 2-bandida nazarda tutilgan milliy va xorijiy valyutadagi kreditlarning belgilangan tartibda qayta rasmiylashtirilishini taʼminlasin.
4. Shunday tartib oʻrnatilsinki, unga koʻra:
a) issiqxona xoʻjaliklari uchun tijorat banklariga kredit va ularning foizini qaytarish muddati qatʼiy ravishda mahsulotning pishib-yetilishi davriga moslashtiriladi;
b) sanoat tipidagi zamonaviy issiqxona va logistika markazlarini tashkil etish uchun yaxlit maydonlar yagona (hududda) “lot” bilan ochiq auksion savdolariga chiqariladi. Bunda, ajratiladigan maydonlar hajmi hudud sharoitidan kelib chiqib, Qoraqalpogʻiston Respublikasi Vazirlar Kengashi Raisi va viloyatlar hokimlari tomonidan belgilanadi.
5. 2022-2023-yillarda issiqxona xoʻjaliklarini muhandislik-kommunikatsiya tarmoqlari (ichimlik va oqova suv, elektr energiyasi va irrigatsiya tarmoqlari) bilan taʼminlash boʻyicha manzilli roʻyxat 1-ilovaga muvofiq tasdiqlansin.
Moliya vazirligi, Energetika vazirligi, Qishloq xoʻjaligi vazirligi, Suv xoʻjaligi vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda 2022-2023-yillarda respublika boʻyicha faoliyat koʻrsatayotgan va yangidan tashkil etiladigan issiqxonalar uchun elektr uzatish liniyalarini qurish, irrigatsiya va melioratsiya tarmoqlarini tortish dasturini hamda ajratiladigan budjet mablagʻlari parametrlarini tasdiqlasin. Bunda, ajratiladigan mablagʻlar kichik sanoat zonalari uchun nazarda tutilgan budjet mablagʻlari doirasida koʻrib chiqiladi.
6. Investitsiyalar va tashqi savdo vazirligi Qishloq xoʻjaligi vazirligi hamda Oʻzbekistonning xorijiy davlatlardagi elchixonalari bilan birgalikda:
bir oy muddatda xususiy sektor ishtirokida anʼanaviy yirik eksport bozorlari hududida meva-sabzavotlarni saqlash, saralash va qadoqlash kabi kompleks logistika imkoniyatlariga ega boʻlgan savdo majmualarini tashkil etish yuzasidan takliflarni Vazirlar Mahkamasiga kiritsin;
tashqi bozorlarda “oldindan kutilmagan” va nosogʻlom raqobat oqibatida yuzaga keladigan moliyaviy yoʻqotishlarni, avvalo eksportga yuklanadigan mahsulotlar boʻyicha xorijiy hamkorlar bilan tuziladigan uzoq muddatli savdo shartnomalari orqali oldini olish choralarini koʻrsin;
2022-yil yakuniga qadar Yaponiya, Koreya Respublikasi, Yevropa mamlakatlarida yangi eksport bozorlarini ochish yuzasidan hukumatlararo kelishuvlar imzolanishini taʼminlasin.
7. Monopoliyaga qarshi kurashish qoʻmitasi va Energetika vazirligi bir oy muddatda hududlardagi issiqlik elektr stansiyalari va markazlaridan issiqlik energiyasi olib faoliyat yuritadigan issiqxonalarga energiya yetkazib berishda “sunʼiy” vositachilar paydo boʻlishi va narxlarning asossiz oʻsishining oldini olish choralarini koʻrsin.
8. Qishloq xoʻjaligi vazirligi Investitsiyalar va tashqi savdo vazirligi bilan birgalikda issiqxonalarda yetishtirilgan mahsulotlarni bozorlarga yetkazishni kengaytirish maqsadida xalqaro moliya institutlari mablagʻlari hisobidan agrologistika loyihalarini amalga oshirishda yuk avtomobillarini (sovitkichli) xarid qilishni moliyalashtirish choralarini koʻrsin.
9. Issiqxona xoʻjaliklari moliyaviy ahvolini sogʻlomlashtirish va rivojlantirish boʻyicha respublika ishchi guruhining tarkibi (keyingi oʻrinlarda — Respublika ishchi guruhi) 2-ilovaga muvofiq tasdiqlansin.
Respublika ishchi guruhi (A. Voitov):
Qoraqalpogʻiston Respublikasi Vazirlar Kengashi, viloyatlar hokimliklari, tijorat banklari bilan birgalikda hududlardagi samarasiz issiqxona xoʻjaliklarini aniqlab, egalari bilan kelishgan holda ularning yangi tashabbuskorlarga oʻtkazib berilishini (oldi-sotdi, kredit boʻyicha bank oldidagi majburiyatlarni sotib olish yoki boshqa kelishilgan shartlarda) tashkil etsin;
ikki oy muddatda yer uchastkasiga boʻlgan egalik huquqini rasmiylashtirishda muammosi boʻlgan issiqxona xoʻjaliklarini xatlovdan oʻtkazib, ularning yechimi boʻyicha Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga taklif kiritsin;
issiqxona xoʻjaliklari moliyaviy ahvolini sogʻlomlashtirish va rivojlantirish boʻyicha doimiy ravishda takliflar kiritib borsin.
10. Oʻzbekiston Milliy teleradiokompaniyasi, Oʻzbekiston Milliy axborot agentligi ommaviy axborot vositalarida issiqxona xoʻjaliklarida intensiv usulda mahsulot yetishtirish, ularni ichki va tashqi bozorlarga yoʻnaltirish boʻyicha ijobiy tajribalarni atroflicha yoritib borsin.
11. Qishloq xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil qilishga masʼul va shaxsiy javobgar etib qishloq xoʻjaligi vaziri A.B. Voitov va moliya vaziri T.A. Ishmetov belgilansin.
Qaror ijrosini muhokama qilib borish, uning ijrosi uchun masʼul idoralar faoliyatini muvofiqlashtirish va nazorat qilish Bosh vazir oʻrinbosarlari Sh.M. Gʻaniyev va J.A. Xodjayev zimmasiga yuklansin.
Oʻzbekiston Respublikasi Prezidentining 2022-yil 2-noyabrdagi PQ-413-son qaroriga 1-ILOVA
2022-2023-yillarda issiqxona xoʻjaliklarini muhandislik-kommunikatsiya tarmoqlari (ichimlik va oqova suv, elektr energiyasi va irrigatsiya tarmoqlari) bilan taʼminlash boʻyicha
T/r Hudud nomi Loyiha nomi Ajratiladigan mablagʻ, mln soʻm Issiqxona maydoni, gektar 1. Andijon viloyati Baliqchi tumani “Qumtepa” va “Iftixor” MFYlarda joylashgan zamonaviy issiqxona majmualarida 1 dona suv qudugʻini qurish va suv tarmogʻini tortish 700,0 36 2. Baliqchi tumani “Qumtepa” va “Iftixor” MFYlarda joylashgan zamonaviy issiqxona majmualarida 1x400 kVa TP oʻrnatish va 2,1 km havo tarmogʻini tortish 243,2 3. Baliqchi tumani “Qumtepa” va “Iftixor” MFYlarda joylashgan zamonaviy issiqxona majmualarini irrigatsiya tizimi bilan taʼminlash uchun lotok oʻrnatish 635,0 4. Navoiy viloyati Navbahor tumani “Qushqochdi” MFYda joylashgan zamonaviy issiqxona majmuasida transformator oʻrnatish 1 050,0 20 5. Navbahor tumani “Qushqochdi” MFYda joylashgan zamonaviy issiqxona majmuasida 4 dona suv inshootini va 4 dona suv qudugʻini qurish 2 000,0 6. Navbahor tumani “Qushqochdi” MFYda joylashgan zamonaviy issiqxona majmuasini irrigatsiya tizimi bilan taʼminlash uchun lotok oʻrnatish 2 000,0 7. Namangan viloyati Pop tumani “Orom” MFYda joylashgan zamonaviy issiqxona majmuasini irrigatsiya tizimi bilan taʼminlash uchun lotok oʻrnatish 2 560,0 48 8. Samarqand viloyati Kattaqoʻrgʻon tumani “Oyijon” MFYda joylashgan zamonaviy issiqxona majmuasiga 10 km havo tarmogʻini tortish hamda 50 ta issiqxonani elektr tarmogʻi bilan taʼminlash 500,0 50 9. Sirdaryo viloyati Mirzaobod tumani “Mirzo Ulugʻbek” MFYda joylashgan zamonaviy issiqxona majmuasida 50 dona beton ustun, yaʼni 10 dona SV-110 va 40 dona CV-95 markadagi beton ustun oʻrnatish va 2,5 km havo tarmogʻini tortish 420,3 14 10. Surxondaryo viloyati Jarqoʻrgʻon tumani “Ismoiltepa” MFY hududida tashkil etilgan issiqxonalar majmuasining 4,5 km ichki yoʻllarini taʼmirlash 2 800,0 17,5 11. Jarqoʻrgʻon tumani “Ismoiltepa” MFY hududida tashkil etilgan issiqxonalar majmuasida suv taʼminoti uchun lotok qurish (5 km) 1 800,0 12. Jarqoʻrgʻon tumani “Ismoiltepa” MFY hududida tashkil etilgan issiqxonalar majmuasini elektr taʼminotini bilan taʼminlash, bunda 10 km havo tarmogʻini tortish va 50 dona beton ustun oʻrnatish 475,0 13. Qumqoʻrgʻon tumani “S. Boymatov” MFY hududida tashkil etilgan issiqxonalar majmuasining 7,4 km ichki yoʻllarini taʼmirlash 2 886,0 33 14. Qumqoʻrgʻon tumani “S. Boymatov” MFY hududida tashkil etilgan issiqxonalar majmuasida suv taʼminoti uchun lotok oʻrnatish (1,5 km) 300,0 15. Qumqoʻrgʻon tumani “S. Boymatov” MFY hududida tashkil etilgan issiqxonalar majmuasida 1 dona suv nasosini oʻrnatish va 700 metr masofadan suv quvurini tortish 85,9 16. Qashqadaryo viloyati Nishon tumani “Paxtazor” MFYda joylashgan zamonaviy issiqxona majmuasida 4x600 kVa TP oʻrnatish, 5,5 km havo tarmogʻini tortish, kechki yoritish chiroqlarini oʻrnatish 850,0 15 17. Nishon tumani “Paxtazor” MFYda joylashgan zamonaviy issiqxona majmuasiga suv taʼminoti uchun 1,9 km lotok qurish 800,0 18. Nishon tumani “Paxtazor” MFYda joylashgan zamonaviy issiqxona majmuasining kirish va ichki yoʻllarini taʼmirlash 1 100,0 19. Mirishkor tumani Yangi Mirishkor massivida joylashgan zamonaviy issiqxona majmuasiga suv taʼminoti uchun 7 km lotok qurish, 1x150 kVa TP oʻrnatish, 3 km havo tarmogʻini tortish hamda 1 dona suv chiqarish nasosini oʻrnatish 3 800,0 30 20. Xorazm viloyati hokimligi Qoʻshkoʻpir tumani “Dovud” MFYda joylashgan limonariy issiqxona majmuasida 1x650 kVa TP oʻrnatish va 6,8 km havo tarmogʻini tortish 1 100,0 16 21. Fargʻona viloyati Bagʻdod tumani “Muruvvat” MFYda joylashgan zamonaviy issiqxona majmuasida 2 dona artezian qudugʻini qurish 700,0 34,2 22. Fargʻona tumani “Yambaroq” MFYda joylashgan issiqxona majmuasida 1 dona artezian qudugʻini qurish va 2 km havo tarmogʻini tortish 450,0 1,08 23. Toshkent viloyati Chinoz tumani “Tilla topgan” MFYda joylashgan limonariy issiqxonalari majmuasida irrigatsiya tarmogʻi uchun oqova suv tarmogʻini (lotok) qurish 2 000,0 31 24. Chinoz tumani “Tilla topgan” MFYda joylashgan limonariy issiqxonalar majmuasida 2x400 kVa TP oʻrnatish va havo tarmogʻini tortish 300,0 25. Chinoz tumani “Tilla topgan” MFYda joylashgan limonariy issiqxonalar majmuasi uchun 3 dona suv chiqarish inshootini qurish 1 353,6 26. Yangiyoʻl tumani “Obod” MFY, Doʻstlik massivi hududida joylashgan limonariy issiqxona majmuasi uchun 4 dona suv chiqarish inshootini qurish 2 160,0 21,5 27. Yangiyoʻl tumani “Obod” MFY, Doʻstlik massivi hududida joylashgan issiqxona majmuasidagi 4000 kVa kuchlanishga ega (PS) transformatorni 6300 kVa quvvatli kuch transformatoriga almashtirish 1 200,0 28. Yangiyoʻl tumani “Obod” MFY, Doʻstlik massivi hududida joylashgan issiqxona majmuasi uchun 3x400 kVt TP oʻrnatish va havo tarmogʻini tortish 600,0 29. Boʻka tumani “Chavlisoy” MFYda joylashgan zamonaviy issiqxona majmuasi uchun 3 dona artezian qudugʻini qurish 2 900,0 13,5 30. Boʻka tumani “Chavlisoy” MFYda joylashgan zamonaviy issiqxona majmuasi uchun 3 dona suv minorasi va irrigatsiya tarmogʻini (lotok) qurish va suv quvurlarini tortish 1 200,0 3 1. Boʻka tumani “Chavlisoy” MFYda joylashgan zamonaviy issiqxona majmuasi uchun 2x400 kVa TP oʻrnatish va havo tarmogʻini tortish 330,0 Jami 39 299 381
Oʻzbekiston Respublikasi Prezidentining 2022-yil 2-noyabrdagi PQ-413-son qaroriga 2-ILOVA
Issiqxona xoʻjaliklari moliyaviy ahvolini sogʻlomlashtirish va rivojlantirish boʻyicha respublika ishchi guruhi
1. A.B. Voitov — qishloq xoʻjaligi vaziri, Ishchi guruh rahbari 2. A.A. Kamalov — Markaziy bank raisining oʻrinbosari, Ishchi guruh rahbari oʻrinbosari 3. Lavozimiga koʻra — Agrosanoatni rivojlantirish agentligi direktori, Ishchi guruh rahbari oʻrinbosari 4. Sh.Sh. Mirzayev — qishloq xoʻjaligi vazirining oʻrinbosari 5. Sh.X. Xodjayev — energetika vazirining oʻrinbosari 6. J.I. Abdiyev — Davlat soliq qoʻmitasi raisining oʻrinbosari 7. B.B. Eshmuratov — “Hududgaztaʼminot” AJ boshqaruvi raisi 8. I.K. Ergashev — Oʻsimliklar karantini va himoyasi agentligi direktori 9. Lavozimiga koʻra — Qoraqalpogʻiston Respublikasi Vazirlar Kengashi Raisi, viloyatlar hokimlarining qishloq va suv xoʻjaligi masalalari boʻyicha oʻrinbosarlari 10. A. Mirzayev — Qishloq xoʻjaligi vazirligi boshqarma boshligʻi oʻrinbosari — Ishchi guruh kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 2-noyabr,
PQ-413-son
Президента Республики Узбекистан
Постановление
АДРЕСНЫЙ ПЕРЕЧЕНЬ
СОСТАВ
О дополнительных мерах по повышению эффективности деятельности тепличных хозяйств
В целях обеспечения продовольственной безопасности путем поставки качественной и гарантированной сельскохозяйственной продукции населению страны, создания наиболее благоприятных условий для экономически эффективного функционирования тепличных хозяйств и холодильных хранилищ, а также дополнительного стимулирования увеличения доходов населения, занятого в данной сфере:
1. Внедрить новый механизм выращивания продукции в тепличных хозяйствах и направления готовой продукции на внутренний и внешний рынки, в соответствии с которым Агентство по развитию агропромышленности:
принимает меры по поставке тепличным хозяйствам семян, рассады, минеральных удобрений и иных материальных ресурсов и закупке у них выращенной продукции;
рекомендует тепличным хозяйствам опытных и квалифицированных агрономов, энтомологов и специалистов лабораторий, осуществляющих деятельность в республике, на договорной основе;
оказывает содействие в создании специальных питомников по выращиванию сертифицированных и гарантированных семян и рассады;
оказывает содействие в налаживании кооперационной деятельности, сортировке, переработке, хранении, упаковке и экспорте выращенной продукции на основе взаимодействия с тепличными хозяйствами;
совместно с Агентством по карантину и защите растений закрепляет территориальных инспекторов и обеспечивает оказание услуг по организации защиты растений на основе соглашения.
2. Одобрить предложения Министерства инвестиций и внешней торговли, Центрального банка, Министерства сельского хозяйства, Совета Министров Республики Каракалпакстан и хокимиятов областей, предусматривающие:
а) установление общего срока погашения 14 лет и продление с 3 лет до 5 лет льготного периода (продление просроченной основной и процентной задолженности соответственно кредитному периоду) кредитов, выделенных тепличным хозяйствам и холодильным хранилищам за счет средств международных финансовых институтов, целевых фондов, Фонда реконструкции и развития в национальной и иностранной валюте. При этом сохраняются поручительство и компенсации кредитных процентов, ранее предоставленные Государственным фондом поддержки предпринимательской деятельности.
Данные льготы предоставляются по перечню, сформированному по результатам изучения Республиканской рабочей группой по оздоровлению финансового состояния и развитию тепличных хозяйств;
б) выделение коммерческими банками кредитов сроком на один год, включая шестимесячный льготный период, для обеспечения тепличных хозяйств оборотными средствами (на расходы по закупке семян, саженцев, удобрений, химических средств, тепличных материалов и обогреву). При этом:
данные кредиты финансируются за счет бюджетной ссуды, выделяемой Агентству по развитию агропромышленности в порядке и на условиях, предусмотренных постановлением Президента Республики Узбекистан от 6 октября 2022 года № ПП-387;
банковские кредиты в иностранной валюте выделяются за счет средств Агентства продвижения экспорта на оборотные средства, необходимые для выращивания экспортоориентированной продукции в тепличных хозяйствах, по ставке 4 процента годовых (из них маржа банка — 2 процента). При этом в качестве кредитного обеспечения принимаются страховые полисы страховой компании «Узбекинвест», 75 процентов расходов на страховые премии — возмещаются за счет средств Агентства продвижения экспорта;
сроки погашения выделенных кредитов приводятся в соответствие со сроками сбора урожая в теплицах и его реализации, на основе чего утверждаются графики погашения кредитов;
в) тепличным хозяйствам в порядке исключения в период с 1 октября 2022 года по 1 апреля 2023 года не начисляются суммы пени за несвоевременную оплату за природный газ.
3. Министерству инвестиций и внешней торговли совместно с Центральным банком и коммерческими банками обеспечить переоформление в пятнадцатидневный срок в установленном порядке кредитов в национальной и иностранной валюте, предусмотренных пунктом 2 настоящего постановления.
4. Установить порядок, в соответствии с которым:
а) сроки погашения кредитов и их процентов коммерческим банкам для тепличных хозяйств приводятся в соответствие строго со сроком созревания продукции;
б) цельные площади под сооружение современных теплиц и центров логистики промышленного типа выставляются на открытые аукционные торги единым лотом (на территории). При этом размер выделяемых площадей определяется Председателем Совета Министров Республики Каракалпакстан и хокимами областей исходя из условий регионов.
5. Утвердить Адресный перечень обеспечения инженерно-коммуникационными сетями (питьевой воды и сточных вод, электрической энергии и ирригации) тепличных хозяйств в 2022-2023 годах согласно приложению № 1 .
Министерству финансов, Министерству энергетики, Министерству сельского хозяйства и Министерству водного хозяйства совместно с Советом Министров Республики Каракалпакстан и хокимиятами областей в месячный срок утвердить Программу строительства линий электропередач, подведения ирригационных и мелиоративных сетей и параметры бюджетных средств, выделяемых на действующие и создаваемые в республике новые теплицы в 2022-2023 годах. При этом выделяемые средства рассматриваются в рамках бюджетных средств, предусмотренных для малых промышленных зон.
6. Министерству инвестиций и внешней торговли совместно с Министерством сельского хозяйства и посольствами Республики Узбекистан в зарубежных государствах:
в месячный срок внести в Кабинет Министров предложения о создании на территории традиционных крупных рынков экспорта торговых комплексов, обладающих комплексом логистических возможностей, таких как хранение, сортировка и упаковка плодоовощной продукции, с участием частного сектора;
принять меры по недопущению финансовых потерь, возникающих в результате «непредвиденной» и нездоровой конкуренции на внешних рынках, прежде всего посредством долгосрочных торговых контрактов, заключаемых с иностранными партнерами по продукции, отгружаемой на экспорт;
в срок до конца 2022 года обеспечить заключение межправительственных соглашений по открытию новых рынков экспорта в Японии, Республике Корея и странах Европы.
7. Антимонопольному комитету и Министерству энергетики в месячный срок принять меры по пресечению появления «искусственных» посредников и предупреждению необоснованного роста цен при поставке энергии действующим теплицам, получающим тепловую энергию от теплоэлектростанций и центров в регионах.
8. Министерству сельского хозяйства совместно с Министерством инвестиций и внешней торговли принять меры по финансированию закупки грузовых автомобилей (с рефрижератором) при реализации агрологистических проектов за счет средств международных финансовых институтов в целях расширения поставок продукции, выращенной в теплицах, на рынки.
9. Утвердить состав Республиканской рабочей группы по оздоровлению финансового положения и развитию тепличных хозяйств (далее — Республиканская рабочая группа) согласно приложению № 2 .
Республиканской рабочей группе (А. Воитов):
совместно с Советом Министров Республики Каракалпакстан, хокимиятами областей и коммерческими банками выявить неэффективные тепличные хозяйства в регионах, по согласованию с владельцами организовать их передачу (куплю-продажу, выкуп обязательств по кредитам перед банком либо на иных согласованных условиях) новым инициаторам;
в двухмесячный срок провести инвентаризацию тепличных хозяйств, у которых имеются проблемы при оформлении права собственности на земельные участки, а также внести предложения по их разрешению в Правительственную комиссию по рассмотрению вопросов изменения категорий земельного фонда земель сельскохозяйственного назначения и лесного фонда;
регулярно вносить предложения по оздоровлению финансового положения и развитию тепличных хозяйств.
10. Национальной телерадиокомпании Узбекистана и Национальному информационному агентству Узбекистана всесторонне освещать в средствах массовой информации положительный опыт выращивания продукции в тепличных хозяйствах интенсивным методом и направления ее на внутренний и внешний рынки.
11. Министерству сельского хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра сельского хозяйства А.Б. Воитова и министра финансов Т.А. Ишметова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан Ш.М. Ганиева и Ж.А. Ходжаева.
ПРИЛОЖЕНИЕ № 1 к постановлению Президента Республики Узбекистан от 2 ноября 2022 года № ПП-413
обеспечения инженерно-коммуникационными сетями (питьевой воды и сточных вод, электрической энергии и ирригации) тепличных хозяйств в 2022-2023 годах
№ Наименование региона Наименование проекта Выделяемые средства, млн сумов Площадь теплицы, га 1. Андижанская область Строительство одной скважины и водопроводной сети в современном тепличном комплексе, расположенном в СГМ « Кумтепа » и « Ифтихор » Балыкчинского района 700,0 36 2. Монтаж ТП 1 х 400 кВа и прокладка воздушной сети протяженностью 2,1 км в современном тепличном комплексе, расположенном в СГМ « Кумтепа » и « Ифтихор » Балыкчинского района 243,2 3. Монтаж лотков для обеспечения ирригационной системой современного тепличного комплекса, расположенного в СГМ « Кумтепа » и « Ифтихор » Балыкчинского района 635,0 4. Навоийская область Установка трансформатора в современном тепличном комплексе, расположенном в СГМ « Кушкочди » Навбахорского района 1 050,0 20 5. Строительство 4 гидротехнических сооружений и 4 водозаборных скважин в современном тепличном комплексе, расположенном в СГМ « Кушкочди » Навбахорского района 2 000,0 6. Монтаж лотков для обеспечения ирригационной системой современного тепличного комплекса, расположенного в СГМ « Кушкочди » Навбахорского района 2 000,0 7. Наманганская область Монтаж лотков для обеспечения ирригационной системой современного тепличного комплекса, расположенного в СГМ « Ором » Навбахорского района 2 560,0 48 8. Самаркандская область Электроснабжение 50 теплиц и прокладка 10 км воздушной сети к современному тепличному комплексу, расположенному в СГМ « Ойижон » Каттакурганского района 500,0 50 9. Сырдарьинская область Монтаж 50 единиц бетонных столбов, из них 10 единиц бетонных столбов марки CV-110 и 40 единиц марки CV-95, и прокладка 2,5 км воздушной сети в современном тепличном комплексе, расположенном в СГМ « Мирзо Улугбек » Мирзаабадского района 420,3 14 10. Сурхандарьинская область Ремонт 4,5 км внутренних дорог тепличного комплекса, созданного на территории СГМ « Исмоилтепа » Джаркурганского района 2 800,0 17,5 11. Строительство 5 км лотков для подачи воды в тепличном комплексе, созданном на территории СГМ « Исмоилтепа » Джаркурганского района 1 800,0 12. Электроснабжение, в том числе прокладка 10 км воздушной сети и 50 бетонных столбов в тепличном комплексе, созданном на территории СГМ « Исмоилтепа » Джаркурганского района 475,0 13. Ремонт 7,4 км внутренних дорог тепличного комплекса, созданного на территории СГМ « С. Бойматов » Кумкурганского района 2 886,0 33 14. Монтаж 1,5 км лотков для подачи воды в тепличном комплексе, созданном на территории СГМ « С. Бойматов » Кумкурганского района 300,0 15. Монтаж 1 водонасоса и прокладка водопровода с расстояния 700 метров в тепличном комплексе, созданном на территории СГМ « С. Бойматов » Кумкурганского района 85,9 16. Кашкадарьинская область Монтаж ТП 4х600 кВа, прокладка 5,5 км воздушной сети, установка приборов ночного освещения в современном тепличном комплексе, расположенном в СГМ « Пахтазор » Нишанского района 850,0 15 17. Строительство 1,9 км лотков для водоснабжения современного тепличного комплекса, расположенного в СГМ « Пахтазор » Нишанского района 800,0 18. Ремонт подъездных и внутренних дорог современного тепличного комплекса, расположенного в СГМ « Пахтазор » Нишанского района 1 100,0 19. Строительство 7 км лотков, монтаж ТП 1х150 кВа, прокладка 3 км воздушной сети и установка 1 водонасоса в современном тепличном комплексе, расположенном на массиве « Янги Миришкор » в Миришкорском районе 3 800,0 30 20. Хорезмская область Монтаж ТП 1х650 кВа и прокладка 6,8 км воздушной сети в тепличном комплексе-лимонарии, расположенном в СГМ « Довуд » Кушкупырского района 1 100,0 16 21. Ферганская область Строительство 2 артезианских скважин в современном тепличном комплексе, расположенном в СГМ « Мурувват » Багдадского района 700,0 34,2 22. Строительство 1 артезианской скважины и прокладка 2 км воздушной сети в тепличном комплексе, расположенном в СГМ « Ямбарок » Ферганской области 450,0 1,08 23. Ташкентская область Строительство водоотводных каналов (укладка лотков) для ирригационной сети в тепличном комплексе-лимонарии, расположенном в СГМ « Тилла топган » Чиназского района 2 000,0 31 24. Монтаж ТП 2х400 кВа и прокладка воздушной сети в тепличном комплексе-лимонарии, расположенном в СГМ « Тилла топган » Чиназского района 300,0 25. Строительство 3 водоподъемных сооружений для тепличного комплекса-лимонария, расположенного в СГМ « Тилла топган » Чиназского района 1 353,6 26. Строительство 4 водоподъемных сооружений для тепличного комплекса-лимонария, расположенного на территории массива Дустлик в СГМ « Обод » Янгиюльского района 2 160,0 21,5 27. Замена трансформатора (ПС) 4000 кВА на силовой трансформатор 6 300 кВА в тепличном комплексе, расположенном на территории массива Дустлик в СГМ « Обод » Янгиюльского района 1 200,0 28. Монтаж ТП 3х400 кВт и прокладка воздушной сети для тепличного комплекса, расположенного на территории массива Дустлик в СГМ « Обод » Янгиюльского района 600,0 29. Строительство 3 артезианских скважин для современного тепличного комплекса, расположенного в СГМ « Чавлисой » Букинского района 2 900,0 13,5 30. Строительство 3 водонапорных башен, монтаж ирригационной сети (лотка) и водопроводов для современного тепличного комплекса, расположенного в СГМ « Чавлисой » Букинского района 1 200,0 31. Монтаж ТП 2х400 кВа и прокладка воздушной сети для современного тепличного комплекса, расположенного в СГМ « Чавлисой » Букинского района 330,0 Всего 39 299 381
ПРИЛОЖЕНИЕ № 2 к постановлению Президента Республики Узбекистан от 2 ноября 2022 года № ПП-413
Республиканской рабочей группы по оздоровлению и развитию финансового положения тепличных хозяйств
1. А.Б. Воитов — министр сельского хозяйства, руководитель Рабочей группы 2. А.А. Камалов — заместитель председателя Центрального банка, заместитель руководителя Рабочей группы 3. По должности — директор Агентства по развитию агропромышленности, заместитель руководителя Рабочей группы 4. Ш.Ш. Мирзаев — заместитель министра сельского хозяйства 5. Ш.Х. Ходжаев — заместитель министра энергетики 6. Ж.И. Абдиев — заместитель председателя Государственного налогового комитета 7. Б.Б. Эшмуратов — председатель правления АО «Худудгазтаъминот» 8. И.К. Эргашев — директор Агентства по карантину и защите растений 9. По должности — заместитель Председателя Совета Министров Республики Каракалпакстан и заместители хокимов областей по вопросам сельского и водного хозяйства 10. А. Мирзаев — заместитель начальника управления Министерства сельского хозяйства, секретарь Рабочей группы
Президент Республики Узбекистан Ш. МИРЗИЁЕВ
г. Ташкент,
2 ноября 2022 г.,
№ ПП-413