📅 2022-yil 2-noyabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 ноябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 2 ноября 2022 г. · Законы и кодексы
Официальный текст. Официальный документ. Редакционные примечания не включены.
📅 2 November 2022 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Географик объектларнинг номлари тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида
Қонунчилик палатаси томонидан 2022 йил 9 августда қабул қилинган Сенат томонидан 2022 йил 7 октябрда маъқулланган
Кейинги йилларда «Инсон қадри учун» тамойили асосида инсон ҳуқуқлари ва манфаатларини таъминлаш, халқ билан очиқ мулоқот механизмларини янада такомиллаштириш, жамият ҳаётига оид муҳим ҳужжатларни жамоатчилик фикрини инобатга олган ҳолда қабул қилиш амалиётини жорий этиш борасида изчил ислоҳотлар амалга оширилмоқда.
«Географик объектларнинг номлари тўғрисида»ги Ўзбекистон Республикаси Қонунида географик объектларга ном беришда маҳаллий аҳолининг фикрини ҳисобга олиш назарда тутилган, бироқ бу жараённи амалга ошириш тартиби, шунингдек фуқароларнинг географик объектларга ном бериш бўйича ташаббусларни илгари суриш ваколатлари ушбу Қонунда кўзда тутилмаган.
Шунингдек амалдаги қонунчиликда географик объектларга Ўзбекистон ёки жаҳон тарихида чуқур из қолдирган шахсларнинг исми-шарифини беришга доир нормалар ҳам очиб берилмаган.
Бундан ташқари, таркибида туманлар мавжуд бўлган шаҳарларда географик объектларга ном бериш ваколати халқ депутатлари туман Кенгашларига берилганлиги ушбу йўналишдаги фаолиятни самарали мувофиқлаштириш ҳамда қонунчиликнинг аниқ ва бир хилда қўлланилишини таъминлашга тўсқинлик қилмоқда.
Юқорида келтирилган масалаларни ҳал этишга қаратилган мазкур Қонун билан «Географик объектларнинг номлари тўғрисида»ги Ўзбекистон Республикаси Қонунига бир қатор янги нормалар ҳамда тегишли ўзгартиш ва қўшимчалар киритилмоқда. Хусусан, ушбу Қонун билан географик объектларга ном бериш ва уларнинг номларини ўзгартиришда маҳаллий аҳолининг фикри давлат ва хўжалик бошқаруви органлари ҳамда тегишли маҳаллий ижро этувчи ҳокимият органлари томонидан ҳисобга олиниши белгиланмоқда.
Қонунда фуқароларга аҳоли пунктларининг таркибий қисмларига ном бериш ва уларнинг номларини ўзгартириш тўғрисида таклифлар киритиш ваколатини белгилашга қаратилган, шунингдек таркибида туманлар мавжуд бўлган шаҳарларда аҳоли пунктларининг таркибий қисмларига ном бериш ва уларнинг номларини ўзгартириш туманлар ҳокимлари киритган таклифларга асосан халқ депутатлари шаҳарлар Кенгашлари томонидан амалга оширилишини назарда тутувчи ўзгартишлар киритилмоқда.
Шу билан бирга аҳоли пунктларининг таркибий қисмларига Ўзбекистон ёки жаҳон тарихида чуқур из қолдирган шахсларнинг исми-шарифини бериш уларнинг вафотидан кейин Ўзбекистон Республикаси Вазирлар Маҳкамасининг таклифига биноан Ўзбекистон Республикаси Президентининг қарори асосида ҳамда, қоида тариқасида, номлари мавжуд бўлмаган объектларга нисбатан амалга оширилиши белгиланмоқда.
Ушбу Қонун географик объектларга ном бериш ва уларнинг номларини ўзгартириш тизимини янада такомиллаштириш, ушбу жараёнда фуқаролар иштирокининг ҳуқуқий асосларини яратиш, Ўзбекистон ёки жаҳон тарихида чуқур из қолдирган шахсларнинг номларини абадийлаштириш мақсадида аҳоли пунктларининг таркибий қисмларига ном бериш механизмларини аниқлаштириш учун хизмат қилади.
1-модда. Ўзбекистон Республикасининг 2011 йил 12 октябрда қабул қилинган «Географик объектларнинг номлари тўғрисида»ги ЎРҚ-303-сонли Қонунига (Ўзбекистон Республикаси Олий Мажлиси палаталарининг Ахборотномаси, 2011 йил, № 10, 273-модда; 2017 йил, № 8, 383-модда; 2021 йил, 4-сонга илова, № 8, 800-модда) қуйидаги ўзгартиш ва қўшимчалар киритилсин:
1) 4-модда :
учинчи қисми қуйидаги таҳрирда баён этилсин:
«Аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) айрим одамларнинг, жамоат арбобларининг, сиёсий арбобларнинг исми-шарифини беришга, қоида тариқасида, йўл қўйилмайди, бундан Ўзбекистон ёки жаҳон тарихида чуқур из қолдирган шахслар мустасно»;
еттинчи қисмининг тўртинчи хатбошиси қуйидаги таҳрирда баён этилсин:
«бир туман, шаҳар доирасидаги, таркибида туманлар мавжуд бўлган шаҳар ёки аҳоли пункти доирасидаги бир нечта турдош географик объектга»;
2) қуйидаги мазмундаги 4 1 -модда билан тўлдирилсин:
«4 1 -модда. Географик объектларга ном бериш ва уларнинг номларини ўзгартиришда маҳаллий аҳолининг фикрини ҳисобга олиш
Географик объектларга ном бериш ва уларнинг номларини ўзгартириш тўғрисида таклифлар тайёрлаш жараёнида маҳаллий аҳолининг фикри ҳисобга олинади.
Географик объектларга ном бериш ва уларнинг номларини ўзгартиришда давлат ва хўжалик бошқаруви органлари, тегишли маҳаллий ижро этувчи ҳокимият органлари томонидан маҳаллий аҳолининг фикри ҳисобга олинади.
Давлат ва хўжалик бошқаруви органлари, тегишли маҳаллий ижро этувчи ҳокимият органлари географик объектларга ном бериш ва уларнинг номларини ўзгартириш тўғрисидаги таклифларни келиб тушганидан кейин муҳокама қилиш учун уларни беш иш кунидан кечиктирмай ўз расмий нашрларида, расмий веб-сайтларида, шунингдек оммавий ахборот воситаларида эълон қилади.
Таклифларнинг муҳокамасини ўтказиш муддати географик объектларга ном бериш ва уларнинг номларини ўзгартириш тўғрисидаги таклифлар эълон қилинган санадан эътиборан ўн беш кундан кам бўлмаслиги керак.
Маҳаллий аҳоли географик объектларга ном бериш ва уларнинг номларини ўзгартириш тўғрисидаги таклифларга нисбатан ўз фикрини оғзаки, ёзма ёхуд электрон шаклда якка тартибда ёки жамоа бўлиб билдириши мумкин. Бунда шахснинг фамилияси, исми, отасининг исми, шунингдек унинг яшаш жойи тўғрисидаги маълумотлар кўрсатилади.
Давлат ва хўжалик бошқаруви органлари, тегишли маҳаллий ижро этувчи ҳокимият органи географик объектларга ном бериш ва уларнинг номларини ўзгартириш тўғрисидаги таклифларга нисбатан аҳолидан келиб тушган фикрларни умумлаштиради ҳамда бу фикрларни географик объектларга ном бериш ва уларнинг номларини ўзгартириш масалалари бўйича тегишли комиссияга киритади, мазкур комиссия хулоса тайёрлаш чоғида бу фикрларни ҳисобга олади»;
3) 10-модданинг :
биринчи қисми қуйидаги таҳрирда баён этилсин:
«Аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) ном бериш ва уларнинг номларини ўзгартириш фуқароларнинг ташаббуслари, шунингдек фуқаролар ўзини ўзи бошқариш органларининг, корхоналар, муассасалар, ташкилотларнинг илтимосномаларига асосан туманлар, шаҳарлар ҳокимлари киритган таклифга кўра халқ депутатлари туманлар, шаҳарлар Кенгашлари томонидан, таркибида туманлар мавжуд бўлган шаҳарларда эса туманлар ҳокимлари киритган таклифларга кўра халқ депутатлари шаҳарлар Кенгашлари томонидан амалга оширилади, бундан ушбу Қонуннинг 10 1 -моддасида назарда тутилган ҳоллар мустасно»;
учинчи қисми қуйидаги таҳрирда баён этилсин:
«Туман, шаҳар ҳокими фуқароларнинг ташаббусларини, шунингдек фуқаролар ўзини ўзи бошқариш органларининг, корхоналар, муассасалар, ташкилотларнинг аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) ном бериш ва уларнинг номларини ўзгартириш тўғрисидаги илтимосномаларини кўриб чиқади ҳамда уларни зарур ҳужжатлар билан бирга таклифлар тайёрлаш учун туман, шаҳар комиссиясига юборади»;
бешинчи қисми қуйидаги таҳрирда баён этилсин:
«Туман, шаҳар ҳокими аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) ном бериш ва уларнинг номларини ўзгартириш тўғрисидаги туман, шаҳар комиссияси томонидан кўриб чиқилган таклифларни тегишинча Қорақалпоғистон Республикаси, вилоят, Тошкент шаҳар комиссиясига юборади, комиссия тақдим этилган ҳужжатларнинг ҳар томонлама ўрганилишини ташкил этади, шундан сўнг уларни географик объектларнинг номлари тўғрисидаги қонунчилик талабларига мувофиқлиги ёки мувофиқ эмаслиги нуқтаи назаридан давлат экспертизасидан ўтказиш учун Кадастр агентлигига топширади. Қорақалпоғистон Республикаси, вилоят, Тошкент шаҳар комиссияси амалга оширилган ишларнинг якунларига кўра ҳамда давлат экспертизаси натижаларини ҳисобга олган ҳолда тегишли хулоса беради, ушбу хулоса аҳоли пунктларининг таркибий қисмларига ном бериш ва уларнинг номларини ўзгартириш тўғрисида таклиф киритган туман, шаҳар ҳокимига юборилади»;
4) қуйидаги мазмундаги 10 1 -модда билан тўлдирилсин:
«10 1 -модда. Аҳоли пунктларининг таркибий қисмларига Ўзбекистон ёки жаҳон тарихида чуқур из қолдирган шахсларнинг исми-шарифини бериш
Ўзбекистон ёки жаҳон тарихида чуқур из қолдирган шахсларнинг исми-шарифини бериш уларнинг вафотидан кейин Ўзбекистон Республикаси Вазирлар Маҳкамасининг таклифига биноан Ўзбекистон Республикаси Президентининг қарорига асосан ҳамда, қоида тариқасида, номлари мавжуд бўлмаган аҳоли пунктларининг таркибий қисмларига нисбатан амалга оширилади.
Туман, шаҳар ҳокими аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) Ўзбекистон ёки жаҳон тарихида чуқур из қолдирган шахсларнинг исми-шарифини бериш тўғрисидаги фуқаролар ташаббусларини, шунингдек фуқаролар ўзини ўзи бошқариш органларининг, корхоналар, муассасалар, ташкилотларнинг илтимосномаларини кўриб чиқади ҳамда уларни зарур ҳужжатлар билан бирга таклифлар тайёрлаш учун туман, шаҳар комиссиясига юборади.
Туман, шаҳар комиссияси тақдим этилган ҳужжатларни уларнинг географик объектларнинг номлари тўғрисидаги қонунчилик талабларига мувофиқлиги ёки мувофиқ эмаслиги нуқтаи назаридан кўриб чиқади, кейинчалик тегишинча Қорақалпоғистон Республикаси, вилоят, Тошкент шаҳар комиссиясига киритиш учун таклифлар тайёрлайди, шунингдек уларни туман, шаҳар ҳокимига юборади.
Туман, шаҳар ҳокими туман, шаҳар комиссияси томонидан кўриб чиқилган аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) Ўзбекистон ёки жаҳон тарихида чуқур из қолдирган шахсларнинг исми-шарифини бериш тўғрисидаги таклифларни тегишинча Қорақалпоғистон Республикаси, вилоят, Тошкент шаҳар комиссиясига юборади, комиссия тақдим этилган ҳужжатларнинг ҳар томонлама ўрганилишини ташкил этади ва уларни географик объектларнинг номлари тўғрисидаги қонунчилик талабларига мувофиқлиги ёки мувофиқ эмаслиги нуқтаи назаридан давлат экспертизасидан ўтказиш учун Кадастр агентлигига топширади. Қорақалпоғистон Республикаси, вилоят, Тошкент шаҳар комиссияси амалга оширилган ишларнинг якунларига кўра ҳамда давлат экспертизаси натижаларини ҳисобга олган ҳолда тегишли хулоса беради, ушбу хулоса Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимларига юборилади.
Қорақалпоғистон Республикаси Вазирлар Кенгашининг Раиси аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) Ўзбекистон ёки жаҳон тарихида чуқур из қолдирган шахсларнинг исми-шарифини бериш тўғрисидаги таклифни Қорақалпоғистон Республикаси Жўқорғи Кенгеси билан келишади.
Қорақалпоғистон Республикаси Вазирлар Кенгаши Раиси, вилоятлар, Тошкент шаҳар ҳокимлари аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) Ўзбекистон ёки жаҳон тарихида чуқур из қолдирган шахсларнинг исми-шарифини бериш тўғрисидаги илтимосномани, шунингдек Қорақалпоғистон Республикаси, вилоят, Тошкент шаҳар комиссиясининг хулосасини Ўзбекистон Республикаси Вазирлар Маҳкамасига тақдим этади.
Ўзбекистон Республикаси Вазирлар Маҳкамаси Қорақалпоғистон Республикаси Вазирлар Кенгаши Раисининг, вилоятлар, Тошкент шаҳар ҳокимларининг аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) Ўзбекистон ёки жаҳон тарихида чуқур из қолдирган шахсларнинг исми-шарифини бериш тўғрисидаги илтимосномаларини кўриб чиқади ҳамда уларни зарур ҳужжатлар билан бирга хулоса олиш учун республика комиссиясига юборади.
Республика комиссияси тақдим этилган ҳужжатларни ҳар томонлама ўрганиб чиқади ва тегишли хулоса беради, ушбу хулоса Ўзбекистон Республикаси Вазирлар Маҳкамасига тақдим этилади.
Ўзбекистон Республикаси Вазирлар Маҳкамаси аҳоли пунктларининг таркибий қисмларига (маҳаллалар, шоҳкўчалар, кўчалар, майдонлар, боғлар, хиёбонларга) Ўзбекистон ёки жаҳон тарихида чуқур из қолдирган шахсларнинг исми-шарифини бериш тўғрисида республика комиссиясининг хулосасини ҳисобга олган ҳолда таклифлар тайёрлайди ҳамда уларни Ўзбекистон Республикаси Президентига кўриб чиқиш учун киритади.
Ўзбекистон Республикаси Президенти Ўзбекистон Республикаси Вазирлар Маҳкамасининг таклифларини кўриб чиқади ва тегишли қарор қабул қилади.
Ўзбекистон ёки жаҳон тарихида чуқур из қолдирган шахсларнинг тоифаларини аниқлаш мезонлари Ўзбекистон Республикаси Вазирлар Маҳкамаси томонидан белгиланади»;
5) 14-модданинг иккинчи қисми қуйидаги таҳрирда баён этилсин:
«Географик объектларга ном бериш ва уларнинг номларини ўзгартириш тўғрисидаги таклифларнинг давлат экспертизаси:
республика комиссияси томонидан — туманлар, шаҳарлар, вилоятларга, табиий объектларга, транспорт ва муҳандислик-техника инфратузилмаси объектларига ном бериш ва уларнинг номларини ўзгартириш тўғрисидаги таклифларга нисбатан;
Қорақалпоғистон Республикаси комиссияси томонидан — Қорақалпоғистон Республикаси ҳудудида жойлашган туманлар, шаҳарлар, шаҳарчалар, қишлоқлар, овулларга, аҳоли пунктларига ҳамда уларнинг таркибий қисмларига ном бериш ва уларнинг номларини ўзгартириш тўғрисидаги таклифларга нисбатан;
вилоятлар комиссиялари томонидан — шаҳарчалар, қишлоқлар, овулларга, аҳоли пунктларига ҳамда уларнинг таркибий қисмларига ном бериш ва уларнинг номларини ўзгартириш тўғрисидаги таклифларга нисбатан;
Тошкент шаҳар комиссияси томонидан — аҳоли пунктларининг таркибий қисмларига ном бериш ва уларнинг номларини ўзгартириш тўғрисидаги таклифларга нисбатан тайинланади»;
6) 15-модданинг биринчи қисми :
қуйидаги мазмундаги тўртинчи хатбоши билан тўлдирилсин:
«тегишли географик объект жойлашган ҳудудда яшовчи маҳаллий аҳолининг фикрини ўрганишга оид ҳужжатлар»;
тўртинчи — еттинчи хатбошилари тегишинча бешинчи — саккизинчи хатбошилар деб ҳисоблансин.
2-модда. Ўзбекистон Республикаси Давлат солиқ қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2022 йил 2 ноябрь,
ЎРҚ-799-сон
Oʻzbekiston Respublikasining Qonuni
“Geografik obyektlarning nomlari toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida
Qonunchilik palatasi tomonidan 2022-yil 9-avgustda qabul qilingan Senat tomonidan 2022-yil 7-oktabrda maʼqullangan
Keyingi yillarda “Inson qadri uchun” tamoyili asosida inson huquqlari va manfaatlarini taʼminlash, xalq bilan ochiq muloqot mexanizmlarini yanada takomillashtirish, jamiyat hayotiga oid muhim hujjatlarni jamoatchilik fikrini inobatga olgan holda qabul qilish amaliyotini joriy etish borasida izchil islohotlar amalga oshirilmoqda.
“Geografik obyektlarning nomlari toʻgʻrisida”gi Oʻzbekiston Respublikasi Qonunida geografik obyektlarga nom berishda mahalliy aholining fikrini hisobga olish nazarda tutilgan, biroq bu jarayonni amalga oshirish tartibi, shuningdek fuqarolarning geografik obyektlarga nom berish boʻyicha tashabbuslarni ilgari surish vakolatlari ushbu Qonunda koʻzda tutilmagan.
Shuningdek amaldagi qonunchilikda geografik obyektlarga Oʻzbekiston yoki jahon tarixida chuqur iz qoldirgan shaxslarning ismi-sharifini berishga doir normalar ham ochib berilmagan.
Bundan tashqari, tarkibida tumanlar mavjud boʻlgan shaharlarda geografik obyektlarga nom berish vakolati xalq deputatlari tuman Kengashlariga berilganligi ushbu yoʻnalishdagi faoliyatni samarali muvofiqlashtirish hamda qonunchilikning aniq va bir xilda qoʻllanilishini taʼminlashga toʻsqinlik qilmoqda.
Yuqorida keltirilgan masalalarni hal etishga qaratilgan mazkur Qonun bilan “Geografik obyektlarning nomlari toʻgʻrisida”gi Oʻzbekiston Respublikasi Qonuniga bir qator yangi normalar hamda tegishli oʻzgartish va qoʻshimchalar kiritilmoqda. Xususan, ushbu Qonun bilan geografik obyektlarga nom berish va ularning nomlarini oʻzgartirishda mahalliy aholining fikri davlat va xoʻjalik boshqaruvi organlari hamda tegishli mahalliy ijro etuvchi hokimiyat organlari tomonidan hisobga olinishi belgilanmoqda.
Qonunda fuqarolarga aholi punktlarining tarkibiy qismlariga nom berish va ularning nomlarini oʻzgartirish toʻgʻrisida takliflar kiritish vakolatini belgilashga qaratilgan, shuningdek tarkibida tumanlar mavjud boʻlgan shaharlarda aholi punktlarining tarkibiy qismlariga nom berish va ularning nomlarini oʻzgartirish tumanlar hokimlari kiritgan takliflarga asosan xalq deputatlari shaharlar Kengashlari tomonidan amalga oshirilishini nazarda tutuvchi oʻzgartishlar kiritilmoqda.
Shu bilan birga aholi punktlarining tarkibiy qismlariga Oʻzbekiston yoki jahon tarixida chuqur iz qoldirgan shaxslarning ismi-sharifini berish ularning vafotidan keyin Oʻzbekiston Respublikasi Vazirlar Mahkamasining taklifiga binoan Oʻzbekiston Respublikasi Prezidentining qarori asosida hamda, qoida tariqasida, nomlari mavjud boʻlmagan obyektlarga nisbatan amalga oshirilishi belgilanmoqda.
Ushbu Qonun geografik obyektlarga nom berish va ularning nomlarini oʻzgartirish tizimini yanada takomillashtirish, ushbu jarayonda fuqarolar ishtirokining huquqiy asoslarini yaratish, Oʻzbekiston yoki jahon tarixida chuqur iz qoldirgan shaxslarning nomlarini abadiylashtirish maqsadida aholi punktlarining tarkibiy qismlariga nom berish mexanizmlarini aniqlashtirish uchun xizmat qiladi.
1-modda. Oʻzbekiston Respublikasining 2011-yil 12-oktabrda qabul qilingan “Geografik obyektlarning nomlari toʻgʻrisida”gi OʻRQ-303-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2011-yil, № 10, 273-modda; 2017-yil, № 8, 383-modda; 2021-yil, 4-songa ilova, № 8, 800-modda) quyidagi oʻzgartish va qoʻshimchalar kiritilsin:
1) 4-modda :
uchinchi qismi quyidagi tahrirda bayon etilsin:
“Aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) ayrim odamlarning, jamoat arboblarining, siyosiy arboblarning ismi-sharifini berishga, qoida tariqasida, yoʻl qoʻyilmaydi, bundan Oʻzbekiston yoki jahon tarixida chuqur iz qoldirgan shaxslar mustasno”;
yettinchi qismining toʻrtinchi xatboshisi quyidagi tahrirda bayon etilsin:
“bir tuman, shahar doirasidagi, tarkibida tumanlar mavjud boʻlgan shahar yoki aholi punkti doirasidagi bir nechta turdosh geografik obyektga”;
2) quyidagi mazmundagi 4 1 -modda bilan toʻldirilsin:
“4 1 -modda. Geografik obyektlarga nom berish va ularning nomlarini oʻzgartirishda mahalliy aholining fikrini hisobga olish
Geografik obyektlarga nom berish va ularning nomlarini oʻzgartirish toʻgʻrisida takliflar tayyorlash jarayonida mahalliy aholining fikri hisobga olinadi.
Geografik obyektlarga nom berish va ularning nomlarini oʻzgartirishda davlat va xoʻjalik boshqaruvi organlari, tegishli mahalliy ijro etuvchi hokimiyat organlari tomonidan mahalliy aholining fikri hisobga olinadi.
Davlat va xoʻjalik boshqaruvi organlari, tegishli mahalliy ijro etuvchi hokimiyat organlari geografik obyektlarga nom berish va ularning nomlarini oʻzgartirish toʻgʻrisidagi takliflarni kelib tushganidan keyin muhokama qilish uchun ularni besh ish kunidan kechiktirmay oʻz rasmiy nashrlarida, rasmiy veb-saytlarida, shuningdek ommaviy axborot vositalarida eʼlon qiladi.
Takliflarning muhokamasini oʻtkazish muddati geografik obyektlarga nom berish va ularning nomlarini oʻzgartirish toʻgʻrisidagi takliflar eʼlon qilingan sanadan eʼtiboran oʻn besh kundan kam boʻlmasligi kerak.
Mahalliy aholi geografik obyektlarga nom berish va ularning nomlarini oʻzgartirish toʻgʻrisidagi takliflarga nisbatan oʻz fikrini ogʻzaki, yozma yoxud elektron shaklda yakka tartibda yoki jamoa boʻlib bildirishi mumkin. Bunda shaxsning familiyasi, ismi, otasining ismi, shuningdek uning yashash joyi toʻgʻrisidagi maʼlumotlar koʻrsatiladi.
Davlat va xoʻjalik boshqaruvi organlari, tegishli mahalliy ijro etuvchi hokimiyat organi geografik obyektlarga nom berish va ularning nomlarini oʻzgartirish toʻgʻrisidagi takliflarga nisbatan aholidan kelib tushgan fikrlarni umumlashtiradi hamda bu fikrlarni geografik obyektlarga nom berish va ularning nomlarini oʻzgartirish masalalari boʻyicha tegishli komissiyaga kiritadi, mazkur komissiya xulosa tayyorlash chogʻida bu fikrlarni hisobga oladi”;
3) 10-moddaning :
birinchi qismi quyidagi tahrirda bayon etilsin:
“Aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) nom berish va ularning nomlarini oʻzgartirish fuqarolarning tashabbuslari, shuningdek fuqarolar oʻzini oʻzi boshqarish organlarining, korxonalar, muassasalar, tashkilotlarning iltimosnomalariga asosan tumanlar, shaharlar hokimlari kiritgan taklifga koʻra xalq deputatlari tumanlar, shaharlar Kengashlari tomonidan, tarkibida tumanlar mavjud boʻlgan shaharlarda esa tumanlar hokimlari kiritgan takliflarga koʻra xalq deputatlari shaharlar Kengashlari tomonidan amalga oshiriladi, bundan ushbu Qonunning 10 1 -moddasida nazarda tutilgan hollar mustasno”;
uchinchi qismi quyidagi tahrirda bayon etilsin:
“Tuman, shahar hokimi fuqarolarning tashabbuslarini, shuningdek fuqarolar oʻzini oʻzi boshqarish organlarining, korxonalar, muassasalar, tashkilotlarning aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) nom berish va ularning nomlarini oʻzgartirish toʻgʻrisidagi iltimosnomalarini koʻrib chiqadi hamda ularni zarur hujjatlar bilan birga takliflar tayyorlash uchun tuman, shahar komissiyasiga yuboradi”;
beshinchi qismi quyidagi tahrirda bayon etilsin:
“Tuman, shahar hokimi aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) nom berish va ularning nomlarini oʻzgartirish toʻgʻrisidagi tuman, shahar komissiyasi tomonidan koʻrib chiqilgan takliflarni tegishincha Qoraqalpogʻiston Respublikasi, viloyat, Toshkent shahar komissiyasiga yuboradi, komissiya taqdim etilgan hujjatlarning har tomonlama oʻrganilishini tashkil etadi, shundan soʻng ularni geografik obyektlarning nomlari toʻgʻrisidagi qonunchilik talablariga muvofiqligi yoki muvofiq emasligi nuqtai nazaridan davlat ekspertizasidan oʻtkazish uchun Kadastr agentligiga topshiradi. Qoraqalpogʻiston Respublikasi, viloyat, Toshkent shahar komissiyasi amalga oshirilgan ishlarning yakunlariga koʻra hamda davlat ekspertizasi natijalarini hisobga olgan holda tegishli xulosa beradi, ushbu xulosa aholi punktlarining tarkibiy qismlariga nom berish va ularning nomlarini oʻzgartirish toʻgʻrisida taklif kiritgan tuman, shahar hokimiga yuboriladi”;
4) quyidagi mazmundagi 10 1 -modda bilan toʻldirilsin:
“10 1 -modda. Aholi punktlarining tarkibiy qismlariga Oʻzbekiston yoki jahon tarixida chuqur iz qoldirgan shaxslarning ismi-sharifini berish
Oʻzbekiston yoki jahon tarixida chuqur iz qoldirgan shaxslarning ismi-sharifini berish ularning vafotidan keyin Oʻzbekiston Respublikasi Vazirlar Mahkamasining taklifiga binoan Oʻzbekiston Respublikasi Prezidentining qaroriga asosan hamda, qoida tariqasida, nomlari mavjud boʻlmagan aholi punktlarining tarkibiy qismlariga nisbatan amalga oshiriladi.
Tuman, shahar hokimi aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) Oʻzbekiston yoki jahon tarixida chuqur iz qoldirgan shaxslarning ismi-sharifini berish toʻgʻrisidagi fuqarolar tashabbuslarini, shuningdek fuqarolar oʻzini oʻzi boshqarish organlarining, korxonalar, muassasalar, tashkilotlarning iltimosnomalarini koʻrib chiqadi hamda ularni zarur hujjatlar bilan birga takliflar tayyorlash uchun tuman, shahar komissiyasiga yuboradi.
Tuman, shahar komissiyasi taqdim etilgan hujjatlarni ularning geografik obyektlarning nomlari toʻgʻrisidagi qonunchilik talablariga muvofiqligi yoki muvofiq emasligi nuqtai nazaridan koʻrib chiqadi, keyinchalik tegishincha Qoraqalpogʻiston Respublikasi, viloyat, Toshkent shahar komissiyasiga kiritish uchun takliflar tayyorlaydi, shuningdek ularni tuman, shahar hokimiga yuboradi.
Tuman, shahar hokimi tuman, shahar komissiyasi tomonidan koʻrib chiqilgan aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) Oʻzbekiston yoki jahon tarixida chuqur iz qoldirgan shaxslarning ismi-sharifini berish toʻgʻrisidagi takliflarni tegishincha Qoraqalpogʻiston Respublikasi, viloyat, Toshkent shahar komissiyasiga yuboradi, komissiya taqdim etilgan hujjatlarning har tomonlama oʻrganilishini tashkil etadi va ularni geografik obyektlarning nomlari toʻgʻrisidagi qonunchilik talablariga muvofiqligi yoki muvofiq emasligi nuqtai nazaridan davlat ekspertizasidan oʻtkazish uchun Kadastr agentligiga topshiradi. Qoraqalpogʻiston Respublikasi, viloyat, Toshkent shahar komissiyasi amalga oshirilgan ishlarning yakunlariga koʻra hamda davlat ekspertizasi natijalarini hisobga olgan holda tegishli xulosa beradi, ushbu xulosa Qoraqalpogʻiston Respublikasi Vazirlar Kengashiga, viloyatlar va Toshkent shahar hokimlariga yuboriladi.
Qoraqalpogʻiston Respublikasi Vazirlar Kengashining Raisi aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) Oʻzbekiston yoki jahon tarixida chuqur iz qoldirgan shaxslarning ismi-sharifini berish toʻgʻrisidagi taklifni Qoraqalpogʻiston Respublikasi Joʻqorgʻi Kengesi bilan kelishadi.
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar hokimlari aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) Oʻzbekiston yoki jahon tarixida chuqur iz qoldirgan shaxslarning ismi-sharifini berish toʻgʻrisidagi iltimosnomani, shuningdek Qoraqalpogʻiston Respublikasi, viloyat, Toshkent shahar komissiyasining xulosasini Oʻzbekiston Respublikasi Vazirlar Mahkamasiga taqdim etadi.
Oʻzbekiston Respublikasi Vazirlar Mahkamasi Qoraqalpogʻiston Respublikasi Vazirlar Kengashi Raisining, viloyatlar, Toshkent shahar hokimlarining aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) Oʻzbekiston yoki jahon tarixida chuqur iz qoldirgan shaxslarning ismi-sharifini berish toʻgʻrisidagi iltimosnomalarini koʻrib chiqadi hamda ularni zarur hujjatlar bilan birga xulosa olish uchun respublika komissiyasiga yuboradi.
Respublika komissiyasi taqdim etilgan hujjatlarni har tomonlama oʻrganib chiqadi va tegishli xulosa beradi, ushbu xulosa Oʻzbekiston Respublikasi Vazirlar Mahkamasiga taqdim etiladi.
Oʻzbekiston Respublikasi Vazirlar Mahkamasi aholi punktlarining tarkibiy qismlariga (mahallalar, shohkoʻchalar, koʻchalar, maydonlar, bogʻlar, xiyobonlarga) Oʻzbekiston yoki jahon tarixida chuqur iz qoldirgan shaxslarning ismi-sharifini berish toʻgʻrisida respublika komissiyasining xulosasini hisobga olgan holda takliflar tayyorlaydi hamda ularni Oʻzbekiston Respublikasi Prezidentiga koʻrib chiqish uchun kiritadi.
Oʻzbekiston Respublikasi Prezidenti Oʻzbekiston Respublikasi Vazirlar Mahkamasining takliflarini koʻrib chiqadi va tegishli qaror qabul qiladi.
Oʻzbekiston yoki jahon tarixida chuqur iz qoldirgan shaxslarning toifalarini aniqlash mezonlari Oʻzbekiston Respublikasi Vazirlar Mahkamasi tomonidan belgilanadi”;
5) 14-moddaning ikkinchi qismi quyidagi tahrirda bayon etilsin:
“Geografik obyektlarga nom berish va ularning nomlarini oʻzgartirish toʻgʻrisidagi takliflarning davlat ekspertizasi:
respublika komissiyasi tomonidan — tumanlar, shaharlar, viloyatlarga, tabiiy obyektlarga, transport va muhandislik-texnika infratuzilmasi obyektlariga nom berish va ularning nomlarini oʻzgartirish toʻgʻrisidagi takliflarga nisbatan;
Qoraqalpogʻiston Respublikasi komissiyasi tomonidan — Qoraqalpogʻiston Respublikasi hududida joylashgan tumanlar, shaharlar, shaharchalar, qishloqlar, ovullarga, aholi punktlariga hamda ularning tarkibiy qismlariga nom berish va ularning nomlarini oʻzgartirish toʻgʻrisidagi takliflarga nisbatan;
viloyatlar komissiyalari tomonidan — shaharchalar, qishloqlar, ovullarga, aholi punktlariga hamda ularning tarkibiy qismlariga nom berish va ularning nomlarini oʻzgartirish toʻgʻrisidagi takliflarga nisbatan;
Toshkent shahar komissiyasi tomonidan — aholi punktlarining tarkibiy qismlariga nom berish va ularning nomlarini oʻzgartirish toʻgʻrisidagi takliflarga nisbatan tayinlanadi”;
6) 15-moddaning birinchi qismi :
quyidagi mazmundagi toʻrtinchi xatboshi bilan toʻldirilsin:
“tegishli geografik obyekt joylashgan hududda yashovchi mahalliy aholining fikrini oʻrganishga oid hujjatlar”;
toʻrtinchi — yettinchi xatboshilari tegishincha beshinchi — sakkizinchi xatboshilar deb hisoblansin.
2-modda. Oʻzbekiston Respublikasi Davlat soliq qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2022-yil 2-noyabr,
OʻRQ-799-son
Закон Республики Узбекистан
О внесении изменений и дополнений в Закон Республики Узбекистан «О наименованиях географических объектов»
Принят Законодательной палатой 9 августа 2022 года Одобрен Сенатом 7 октября 2022 года
В последние годы на основе принципа «Во имя чести и достоинства человека» осуществляются последовательные реформы по обеспечению прав и интересов человека, дальнейшему совершенствованию механизмов открытого диалога с народом, внедрению практики принятия важных документов, касающихся общественной жизни, с учетом общественного мнения.
В Законе Республики Узбекистан «О наименованиях географических объектов» предусматривается учет мнения местных жителей при присвоении наименований географическим объектам, однако порядок осуществления этого процесса, а также полномочия граждан по выдвижению инициатив по присвоению наименований географическим объектам этим Законом не предусмотрены.
В действующем законодательстве также не раскрывается порядок присвоения географическим объектам имен личностей, оставивших глубокий след в истории Узбекистана или мира.
Кроме того, предоставление районным Кенгашам народных депутатов полномочий по присвоению наименований географическим объектам в городах, имеющих в составе районы, препятствует эффективной координации деятельности в этом направлении и обеспечению четкого и единообразного применения законодательства.
Данным Законом, направленным на решение вышеуказанных вопросов, в Закон Республики Узбекистан «О наименованиях географических объектов» вносятся ряд новых норм и соответствующие изменения и дополнения. В частности, настоящим Законом устанавливается, что при присвоении наименований и переименовании географических объектов мнение местного населения учитывается органами государственного и хозяйственного управления и соответствующими органами исполнительной власти на местах.
Закон направлен на определение полномочий граждан по внесению предложений о присвоении наименований и переименовании составных частей населенных пунктов, а также вносятся изменения, предусматривающие, что присвоение наименований и переименование составных частей населенных пунктов в городах, имеющих в составе районы, осуществляются городскими Кенгашами народных депутатов на основании предложений, внесенных хокимами районов.
Вместе с тем определяется, что присвоение составным частям населенных пунктов имен личностей, оставивших глубокий след в истории Узбекистана или мира, осуществляется посмертно на основании решения Президента Республики Узбекистан по предложению Кабинета Министров Республики Узбекистан и, как правило, в отношении объектов, которые не имеют наименований.
Настоящий Закон служит дальнейшему совершенствованию системы присвоения наименований и переименования географических объектов, созданию правовых основ участия граждан в этом процессе, уточнению механизмов присвоения наименований составным частям населенных пунктов в целях увековечения имен личностей, оставивших глубокий след в истории Узбекистана или мира.
Статья 1. Внести в Закон Республики Узбекистан от 12 октября 2011 года № ЗРУ-303 «О наименованиях географических объектов» (Ведомости палат Олий Мажлиса Республики Узбекистан, 2011 г., № 10, ст. 273; 2017 г., № 8, ст. 383; 2021 г., приложение к № 4, № 8, ст. 800) следующие изменения и дополнения:
1) в статье 4 :
часть третью изложить в следующей редакции:
«Присвоение составным частям населенных пунктов (махалли, проспекты, улицы, площади, парки, скверы) имен отдельных людей, общественно-политических деятелей, как правило, не допускается, за исключением личностей, оставивших глубокий след в истории Узбекистана или мира»;
абзац четвертый части седьмой изложить в следующей редакции:
«нескольким однородным географическим объектам в пределах одного района, города, города, имеющего в составе районы, или населенного пункта»;
2) дополнить статьей 4 1 следующего содержания:
«Статья 4 1 . Учет мнения местного населения при присвоении наименований и переименовании географических объектов
В процессе подготовки предложений о присвоении наименований и переименовании географических объектов учитывается мнение местного населения.
При присвоении наименований и переименовании географических объектов органами государственного и хозяйственного управления, соответствующими органами исполнительной власти на местах учитывается мнение местного населения.
Органы государственного и хозяйственного управления, соответствующие органы исполнительной власти на местах публикуют предложения о присвоении наименований и переименовании географических объектов для обсуждения в своих официальных изданиях, на официальных веб-сайтах, а также в средствах массовой информации не позднее пяти рабочих дней со дня их поступления.
Срок проведения обсуждения предложений о присвоении наименований и переименовании географических объектов должен быть не менее пятнадцати дней с даты опубликования.
Местное население в отношении предложений о присвоении наименований и переименовании географических объектов может выражать свое мнение индивидуально или коллективно в устной, письменной либо электронной форме. При этом указываются фамилия, имя, отчество лица, а также сведения о его месте жительства.
Органы государственного и хозяйственного управления, соответствующий орган исполнительной власти на местах обобщают мнения, поступившие от местного населения в отношении предложений о присвоении наименований и переименовании географических объектов, и вносят их в соответствующую комиссию по вопросам присвоения наименований и переименования географических объектов, которая учитывает их при подготовке заключения»;
3) в статье 10 :
часть первую изложить в следующей редакции:
«Присвоение наименований и переименование составных частей населенных пунктов (махалли, проспекты, улицы, площади, парки, скверы) осуществляются Кенгашами народных депутатов районов, городов по предложению хокимов районов, городов, а в городах, имеющих в составе районы, — Кенгашами народных депутатов городов по предложению хокимов районов, внесенному на основании инициатив граждан, а также ходатайств органов самоуправления граждан, предприятий, учреждений, организаций, за исключением случаев, предусмотренных статьей 10 1 настоящего Закона»;
часть третью изложить в следующей редакции:
«Хоким района, города рассматривает инициативы граждан, а также ходатайства органов самоуправления граждан, предприятий, учреждений, организаций о присвоении наименований и переименовании составных частей населенных пунктов (махалли, проспекты, улицы, площади, парки, скверы) и направляет их вместе с необходимыми документами для подготовки предложения в комиссию района, города»;
часть пятую изложить в следующей редакции:
«Хоким района, города направляет предложения о присвоении наименований и переименовании составных частей населенных пунктов (махалли, проспекты, улицы, площади, парки, скверы), рассмотренные комиссией района, города, соответственно в комиссию Республики Каракалпакстан, области, города Ташкента, которая организует всестороннее изучение представленных документов, после чего передает их в Агентство по кадастру для проведения государственной экспертизы на предмет их соответствия требованиям законодательства о наименованиях географических объектов. По итогам проведенной работы и с учетом результатов государственной экспертизы комиссия Республики Каракалпакстан, области, города Ташкента выдает соответствующее заключение, которое направляется хокиму района, города, внесшему предложение о присвоении наименований и переименовании составных частей населенных пунктов»;
4) дополнить статьей 10 1 следующего содержания:
«Статья 10 1 . Присвоение составным частям населенных пунктов имен личностей, оставивших глубокий след в истории Узбекистана или мира
Присвоение имен личностей, оставивших глубокий след в истории Узбекистана или мира, осуществляется посмертно на основании решения Президента Республики Узбекистан по предложению Кабинета Министров Республики Узбекистан и, как правило, в отношении составных частей населенных пунктов, которые не имеют наименований.
Хоким района, города рассматривает инициативы граждан, ходатайства органов самоуправления граждан, предприятий, учреждений, организаций о присвоении составным частям населенных пунктов (махалли, проспекты, улицы, площади, парки, скверы) имен личностей, оставивших глубокий след в истории Узбекистана или мира, и направляет их вместе с необходимыми документами для подготовки предложений в комиссию района, города.
Комиссия района, города рассматривает представленные документы на предмет их соответствия требованиям законодательства о наименованиях географических объектов, подготавливает предложения для последующего внесения соответственно в комиссию Республики Каракалпакстан, области, города Ташкента, а также направляет их хокиму района, города.
Хоким района, города направляет предложения о присвоении составным частям населенных пунктов (махалли, проспекты, улицы, площади, парки, скверы) имен личностей, оставивших глубокий след в истории Узбекистана или мира, рассмотренные комиссией района, города, соответственно в комиссию Республики Каракалпакстан, области, города Ташкента, которая организует всестороннее изучение представленных документов, после чего передает их в Агентство по кадастру для проведения государственной экспертизы на предмет их соответствия требованиям законодательства о наименованиях географических объектов. По итогам проведенной работы и с учетом результатов государственной экспертизы комиссия Республики Каракалпакстан, области, города Ташкента выдает соответствующее заключение, которое направляется Совету Министров Республики Каракалпакстан, хокимам областей и города Ташкента.
Председатель Совета Министров Республики Каракалпакстан согласовывает с Жокаргы Кенесом Республики Каракалпакстан предложение о присвоении составным частям населенных пунктов (махалли, проспекты, улицы, площади, парки, скверы) имен личностей, оставивших глубокий след в истории Узбекистана или мира.
Председатель Совета Министров Республики Каракалпакстан, хокимы областей, города Ташкента представляют в Кабинет Министров Республики Узбекистан ходатайство о присвоении составным частям населенных пунктов (махалли, проспекты, улицы, площади, парки, скверы) имен личностей, оставивших глубокий след в истории Узбекистана или мира, а также заключение комиссии Республики Каракалпакстан, области, города Ташкента.
Кабинет Министров Республики Узбекистан рассматривает ходатайства Председателя Совета Министров Республики Каракалпакстан, хокимов областей, города Ташкента о присвоении составным частям населенных пунктов (махалли, проспекты, улицы, площади, парки, скверы) имен личностей, оставивших глубокий след в истории Узбекистана или мира, и направляет их вместе с необходимыми документами для получения заключения в республиканскую комиссию.
Республиканская комиссия организует всестороннее изучение представленных документов и выдает соответствующее заключение, которое представляется в Кабинет Министров Республики Узбекистан.
Кабинет Министров Республики Узбекистан с учетом заключения республиканской комиссии подготавливает предложения о присвоении составным частям населенных пунктов (махалли, проспекты, улицы, площади, парки, скверы) имен личностей, оставивших глубокий след в истории Узбекистана или мира, и вносит их на рассмотрение Президенту Республики Узбекистан.
Президент Республики Узбекистан рассматривает предложения Кабинета Министров Республики Узбекистан и принимает соответствующее решение.
Критерии определения категорий личностей, оставивших глубокий след в истории Узбекистана или мира, устанавливаются Кабинетом Министров Республики Узбекистан»;
5) часть вторую статьи 14 изложить в следующей редакции:
«Государственная экспертиза предложений о присвоении наименований и переименовании географических объектов назначается:
республиканской комиссией — в отношении предложений о присвоении наименований и переименовании районов, городов, областей, природных объектов, объектов транспортной и инженерно-технической инфраструктуры;
комиссией Республики Каракалпакстан — в отношении предложений о присвоении наименований и переименовании районов, городов, поселков, кишлаков, аулов, населенных пунктов, а также составных частей населенных пунктов, расположенных на территории Республики Каракалпакстан;
комиссиями областей — в отношении предложений о присвоении наименований и переименовании поселков, кишлаков, аулов, населенных пунктов, а также составных частей населенных пунктов;
комиссией города Ташкента — в отношении предложений о присвоении наименований и переименовании составных частей населенных пунктов»;
6) в части первой статьи 15:
дополнить абзацем четвертым следующего содержания:
«документы по изучению мнения местного населения, проживающего на территории, на которой расположен соответствующий географический объект»;
абзацы четвертый — седьмой считать соответственно абзацами пятым — восьмым.
Статья 2. Государственному налоговому комитету Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
2 ноября 2022 г.,
№ ЗРУ-799