📅 2022-yil 2-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 ноября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 2 November 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ЧОРА-ТАДБИРЛАР ДАСТУРИ
Ўзбекистон Республикаси давлат божхона хизмати органлари ходимларини хизмат уйлари билан таъминлаш чора-тадбирлари тўғрисида
Ўзбекистон Республикаси Президентининг «Божхона маъмуриятчилигини янада такомиллаштириш бўйича қўшимча чора-тадбирлар тўғрисида» 2022 йил 27 апрелдаги ПФ-122-сон Фармонига мувофиқ, шунингдек, божхона органлари ходимлари учун кўп квартирали хизмат уйлари қурилишини ташкил этиш чора-тадбирларини белгилаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Божхона маъмуриятчилигини янада такомиллаштириш бўйича қўшимча чора-тадбирлар тўғрисида» 2022 йил 27 апрелдаги ПФ-122-сон Фармонига мувофиқ божхона органлари ходимлари учун ҳудудларда хизмат уйларини қуриш бўйича топшириқ белгиланганлиги маълумот учун қабул қилинсин.
2. Ўзбекистон Республикаси давлат божхона хизмати органлари ходимларини 2022 — 2025 йилларда кўп квартирали хизмат уйлари билан таъминлаш бўйича чора-тадбирлар дастури (кейинги ўринларда — Дастур) иловага мувофиқ тасдиқлансин.
3. Белгилаб қўйилсинки, Дастур доирасида:
Ўзбекистон Республикаси Давлат божхона қўмитаси кўп квартирали хизмат уйларини фойдаланишга тайёр ҳолда топшириш шарти асосида қуриш бўйича буюртмачи ҳисобланади;
қурилиш ишларини амалга оширишда бош лойиҳа ва бош пудрат ташкилотлари қонунчилик ҳужжатларида белгиланган тартибда аниқланади;
кўп квартирали хизмат уйларини қуриш бўйича лойиҳа ҳужжатларини тайёрлаш, қурилиш-монтаж ва ҳудудни ободонлаштириш ишлари билан боғлиқ харажатлар Ўзбекистон Республикаси Давлат божхона қўмитасининг Моддий ёрдам, ижтимоий ҳимоя ва божхона органларини ривожлантириш махсус жамғармаси ҳисобидан амалга оширилади.
4. Андижон, Фарғона, Сирдарё ва Хоразм вилоятлари ҳокимликлари Дастур ижроси доирасида божхона органлари ходимлари учун 2022 — 2025 йилларда кўп квартирали хизмат уйларини қуриш учун ер участкаларини белгиланган тартибда ажратиш чораларини кўрсин.
5. Ўзбекистон Республикаси Қурилиш ва уй-жой коммунал хизмат кўрсатиш вазирлиги ҳузуридаги Қурилиш ва уй-жой коммунал хизмат кўрсатиш соҳасида назорат қилиш инспекцияси иловага мувофиқ қуриладиган хизмат уйларида қурилиш-монтаж ишлари сифатли амалга оширилиши бўйича белгиланган тартибда назорат ўрнатсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат божхона қўмитаси раиси А.Ю. Мавлонов зиммасига юклансин.
Вазирлар Маҳкамасининг 2022 йил 2 ноябрдаги 636-сон қарорига ИЛОВА
Ўзбекистон Республикаси давлат божхона хизмати орга нлари ходимларини 2022 — 2025 йилларда кўп квартирали хизмат уйлари билан таъминлаш бўйича
Т/р Хизмат уйи қуриладиган ҳудуд Хонадон сони * Хизмат уйларини қуриш муддати Молиялаштириш манбаи 1. Сирдарё вилояти Гулистон шаҳри 70 2022 — 2024 йиллар Ўзбекистон Республикаси Давлат божхона қўмитасининг Моддий ёрдам, ижтимоий ҳимоя, божхона органларини ривожлантириш ва кўзда тутилмаган харажатлар махсус жамғармаси 2. Фарғона вилояти Қўқон шаҳри 30 2023-2024 йиллар Фарғона вилояти Фарғона шаҳри 50 2023-2024 йиллар 3. Андижон вилояти Андижон шаҳри 60 2024-2025 йиллар 4. Хоразм вилояти Урганч шаҳри 16 2023-2024 йиллар 5. Тошкент шаҳар М. Улуғбек тумани Дархонтепа кўчаси 7-уй ** 54 2024-2025 йиллар ЖАМИ 280
Ўзбекистон Республикасининг Бош вазири А. АРИПОВ
Тошкент ш.,
2022 йил 2 ноябрь,
636-сон
Oʻzbekiston Respublikasi Vazirlar Mahkamasining
qarori
CHORA-TADBIRLAR DASTURI
Oʻzbekiston Respublikasi davlat bojxona xizmati organlari xodimlarini xizmat uylari bilan taʼminlash chora-tadbirlari toʻgʻrisida
Oʻzbekiston Respublikasi Prezidentining “Bojxona maʼmuriyatchiligini yanada takomillashtirish boʻyicha qoʻshimcha chora-tadbirlar toʻgʻrisida” 2022-yil 27-apreldagi PF-122-son Farmoniga muvofiq, shuningdek, bojxona organlari xodimlari uchun koʻp kvartirali xizmat uylari qurilishini tashkil etish chora-tadbirlarini belgilash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Bojxona maʼmuriyatchiligini yanada takomillashtirish boʻyicha qoʻshimcha chora-tadbirlar toʻgʻrisida” 2022-yil 27-apreldagi PF-122-son Farmoniga muvofiq bojxona organlari xodimlari uchun hududlarda xizmat uylarini qurish boʻyicha topshiriq belgilanganligi maʼlumot uchun qabul qilinsin.
2. Oʻzbekiston Respublikasi davlat bojxona xizmati organlari xodimlarini 2022 — 2025-yillarda koʻp kvartirali xizmat uylari bilan taʼminlash boʻyicha chora-tadbirlar dasturi (keyingi oʻrinlarda — Dastur) ilovaga muvofiq tasdiqlansin.
3. Belgilab qoʻyilsinki, Dastur doirasida:
Oʻzbekiston Respublikasi Davlat bojxona qoʻmitasi koʻp kvartirali xizmat uylarini foydalanishga tayyor holda topshirish sharti asosida qurish boʻyicha buyurtmachi hisoblanadi;
qurilish ishlarini amalga oshirishda bosh loyiha va bosh pudrat tashkilotlari qonunchilik hujjatlarida belgilangan tartibda aniqlanadi;
koʻp kvartirali xizmat uylarini qurish boʻyicha loyiha hujjatlarini tayyorlash, qurilish-montaj va hududni obodonlashtirish ishlari bilan bogʻliq xarajatlar Oʻzbekiston Respublikasi Davlat bojxona qoʻmitasining Moddiy yordam, ijtimoiy himoya va bojxona organlarini rivojlantirish maxsus jamgʻarmasi hisobidan amalga oshiriladi.
4. Andijon, Fargʻona, Sirdaryo va Xorazm viloyatlari hokimliklari Dastur ijrosi doirasida bojxona organlari xodimlari uchun 2022 — 2025-yillarda koʻp kvartirali xizmat uylarini qurish uchun yer uchastkalarini belgilangan tartibda ajratish choralarini koʻrsin.
5. Oʻzbekiston Respublikasi Qurilish va uy-joy kommunal xizmat koʻrsatish vazirligi huzuridagi Qurilish va uy-joy kommunal xizmat koʻrsatish sohasida nazorat qilish inspeksiyasi ilovaga muvofiq quriladigan xizmat uylarida qurilish-montaj ishlari sifatli amalga oshirilishi boʻyicha belgilangan tartibda nazorat oʻrnatsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat bojxona qoʻmitasi raisi A.Yu. Mavlonov zimmasiga yuklansin.
Vazirlar Mahkamasining 2022-yil 2-noyabrdagi 636-son qaroriga ILOVA
Oʻzbekiston Respublikasi davlat bojxona xizmati orga nlari xodimlarini 2022 — 2025-yillarda koʻp kvartirali xizmat uylari bilan taʼminlash boʻyicha
T/r Xizmat uyi quriladigan hudud Xonadon soni * Xizmat uylarini qurish muddati Moliyalashtirish manbai 1. Sirdaryo viloyati Guliston shahri 70 2022 — 2024-yillar Oʻzbekiston Respublikasi Davlat bojxona qoʻmitasining Moddiy yordam, ijtimoiy himoya, bojxona organlarini rivojlantirish va koʻzda tutilmagan xarajatlar maxsus jamgʻarmasi 2. Fargʻona viloyati Qoʻqon shahri 30 2023-2024-yillar Fargʻona viloyati Fargʻona shahri 50 2023-2024-yillar 3. Andijon viloyati Andijon shahri 60 2024-2025-yillar 4. Xorazm viloyati Urganch shahri 16 2023-2024-yillar 5. Toshkent shahar M. Ulugʻbek tumani Darxontepa koʻchasi 7-uy ** 54 2024-2025-yillar JAMI 280
Oʻzbekiston Respublikasining Bosh vaziri A. ARIPOV
Toshkent sh.,
2022-yil 2-noyabr,
636-son