UzbekAI

Ўзбекистон Республикасининг Қонуни

Ўзбекистон Республикасининг айрим қонун ҳужжатларига ўзгартишлар киритиш тўғрисида

Қонунчилик палатаси томонидан 2022 йил 2 августда қабул қилинган Сенат томонидан 2022 йил 7 октябрда маъқулланган

Ҳозирги вақтда қонунчиликда мулкдорлар ҳуқуқларининг кафолатларини таъминлаш борасида барча чора-тадбирлар назарда тутилган. Хусусий мулкнинг бут сақланишини таъминлаш учун давлат томонидан шарт-шароитлар яратилган.

Мулкдорлар ҳуқуқларининг кафолатлари Ўзбекистон Республикасининг Конституциясида , Ўзбекистон Республикасининг Фуқаролик кодексида , « Ер участкаларини компенсация эвазига жамоат эҳтиёжлари учун олиб қўйиш тартиб-таомиллари тўғрисида »ги, « Гаров тўғрисида »ги Ўзбекистон Республикаси қонунларида ва бошқа қонунларда мустаҳкамлаб қўйилган.

Ўзбекистон Республикаси Конституциясининг 53-моддасига мувофиқ мулкдор фақат қонунда назарда тутилган ҳолларда ва тартибда мулкидан маҳрум этилиши мумкин. Шу билан бирга Ўзбекистон Республикасининг Фуқаролик кодексида мулк ҳуқуқи бекор қилинишига, шу жумладан мулкдорнинг мол-мулкини қонунчилик ҳужжатларида назарда тутилган ҳолларда, жамоат эҳтиёжлари учун олиб қўйиш чоғида унинг мулк ҳуқуқи бекор қилинишига йўл қўйилиши белгиланган. Шу муносабат билан Ўзбекистон Республикасининг Фуқаролик кодексига мулкдорнинг ҳуқуқини фақат қонунга асосан бекор қилишни назарда тутувчи ўзгартишлар киритилмоқда.

Бундан ташқари «Ер участкаларини компенсация эвазига жамоат эҳтиёжлари учун олиб қўйиш тартиб-таомиллари тўғрисида»ги Ўзбекистон Республикаси Қонунига асосан «Гаров тўғрисида»ги Ўзбекистон Республикаси Қонунига ҳам гаровга қўювчининг мол-мулки жамоат эҳтиёжлари учун олиб қўйилган (ҳақини тўлаб олинган) тақдирда, унинг мулк ҳуқуқи ҳимоя қилинишини таъминлайдиган ўзгартиш киритилмоқда.

Ушбу Қонун мулкдорларнинг ҳуқуқлари ишончли ҳимоя қилинишини ва хусусий мулкнинг бут сақланишини таъминлаш учун қўшимча ҳуқуқий шарт-шароитлар яратади.

1-модда. Ўзбекистон Республикасининг 1992 йил 9 декабрда қабул қилинган «Гаров тўғрисида»ги 736-ХII-сонли Қонуни (Ўзбекистон Республикасининг 1998 йил 1 майда қабул қилинган 614-I-сонли Қонуни таҳририда) (Ўзбекистон Республикаси Олий Мажлисининг Ахборотномаси, 1998 йил, № 5-6, 96-модда; 2002 йил, № 1, 20-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 4, 156-модда; 2009 йил, № 9, 337-модда; 2015 йил, № 8, 312-модда; 2018 йил, № 1, 4-модда, № 4, 224-модда; 2019 йил, № 10, 671-модда; 2020 йил, № 1, 3-модда; 2021 йил, 4-сонга илова) 47-моддасининг биринчи қисмидаги «давлат эҳтиёжлари учун олиб қўйилиши (сотиб олиниши)» деган сўзлар «жамоат эҳтиёжлари учун олиб қўйилиши (қайта сотиб олиниши)» деган сўзлар билан алмаштирилсин.

2-модда. Ўзбекистон Республикасининг 1995 йил 21 декабрда қабул қилинган 163-I-сонли ва 1996 йил 29 августда қабул қилинган 256-I-сонли қонунлари билан тасдиқланган Ўзбекистон Республикасининг Фуқаролик кодексига (Ўзбекистон Республикаси Олий Мажлисининг Ахборотномаси, 1996 йил, 2-сонга илова, № 11-12; 1997 йил, № 2, 56-модда, № 9, 241-модда; 1998 йил, № 5-6, 102-модда; 1999 йил, № 1, 20-модда, № 9, 229-модда; 2001 йил, № 1-2, 23-модда, № 9-10, 182-модда; 2002 йил, № 1, 20-модда, № 9, 165-модда; 2003 йил, № 1, 8-модда, № 5, 67-модда; 2004 йил, № 1-2, 18-модда, № 5, 90-модда, № 9, 171-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 4, 154-модда, № 9, 494, 498-моддалар; 2007 йил, № 1, 3, 5-моддалар, № 4, 156, 164-моддалар, № 8, 367-модда, № 9, 416-модда, № 12, 598, 608-моддалар; 2008 йил, № 4, 192-модда, № 12, 640-модда; 2009 йил, № 9, 337-модда; 2010 йил, № 9, 335, 337, 340-моддалар; 2011 йил, № 12/2, 363, 364, 365-моддалар; 2012 йил, № 4, 106, 109-моддалар, № 12, 336-модда; 2013 йил, № 10, 263-модда; 2014 йил, № 5, 130-модда, № 12, 343-модда; 2015 йил, № 8, 310, 312-моддалар; 2016 йил, № 4, 125-модда; 2017 йил, № 4, 137-модда, № 9, 510-модда, № 12, 773-модда; 2018 йил, № 1, 4-модда, № 4, 224-модда, № 7, 433-модда, № 10, 673-модда; 2019 йил, № 3, 161, 166-моддалар, № 5, 267-модда, № 10, 671-модда, № 12, 880, 886-моддалар; 2020 йил, № 1, 3, 4-моддалар; № 10, 593-модда; 2021 йил, 4-сонга илова, № 8, 801-модда, № 10, 968-модда; 2022 йил, № 2, 79-модда, № 3, 217, 218-моддалар, № 4, 340-модда, № 5, 464-модда, № 6, 570-модда) қуйидаги ўзгартишлар киритилсин:

1) 83-модданинг тўртинчи қисмидаги «қонун ҳужжатлари» деган сўзлар «қонун» деган сўз билан алмаштирилсин;

2) 166-модданинг учинчи қисмидаги «қонун ҳужжатларида» деган сўзлар «қонунда» деган сўз билан алмаштирилсин;

3) 197-модданинг матнидаги «шунингдек мулк ҳуқуқини бекор қилувчи қонунчиликка асосан бекор бўлади» деган сўзлар «шунингдек мулк ҳуқуқини қонун асосида бекор қилувчи қонунчилик ҳужжатига асосан бекор бўлади» деган сўзлар билан алмаштирилсин;

4) 198-модданинг биринчи қисмидаги «қонун ҳужжатларига» деган сўзлар «қонунларга» деган сўз билан алмаштирилсин;

5) 199-модданинг биринчи қисмидаги «қонун ҳужжатларида» деган сўзлар «қонунда» деган сўз билан алмаштирилсин;

6) 206-модданинг биринчи қисмидаги «қонун ҳужжатларида» деган сўзлар «қонунда» деган сўз билан алмаштирилсин.

3-модда. Ўзбекистон Республикаси Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

4-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

5-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2022 йил 7 ноябрь,

ЎРҚ-801-сон

(Қонунчилик маълумотлари миллий базаси, 08.11.2022 й., 03/22/801/0998-сон)

lex.uz

Oʻzbekiston Respublikasining Qonuni

Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida

Qonunchilik palatasi tomonidan 2022-yil 2-avgustda qabul qilingan Senat tomonidan 2022-yil 7-oktabrda maʼqullangan

Hozirgi vaqtda qonunchilikda mulkdorlar huquqlarining kafolatlarini taʼminlash borasida barcha chora-tadbirlar nazarda tutilgan. Xususiy mulkning but saqlanishini taʼminlash uchun davlat tomonidan shart-sharoitlar yaratilgan.

Mulkdorlar huquqlarining kafolatlari Oʻzbekiston Respublikasining Konstitutsiyasida , Oʻzbekiston Respublikasining Fuqarolik kodeksida , “ Yer uchastkalarini kompensatsiya evaziga jamoat ehtiyojlari uchun olib qoʻyish tartib-taomillari toʻgʻrisida ”gi, “ Garov toʻgʻrisida ”gi Oʻzbekiston Respublikasi qonunlarida va boshqa qonunlarda mustahkamlab qoʻyilgan.

Oʻzbekiston Respublikasi Konstitutsiyasining 53-moddasiga muvofiq mulkdor faqat qonunda nazarda tutilgan hollarda va tartibda mulkidan mahrum etilishi mumkin. Shu bilan birga Oʻzbekiston Respublikasining Fuqarolik kodeksida mulk huquqi bekor qilinishiga, shu jumladan mulkdorning mol-mulkini qonunchilik hujjatlarida nazarda tutilgan hollarda, jamoat ehtiyojlari uchun olib qoʻyish chogʻida uning mulk huquqi bekor qilinishiga yoʻl qoʻyilishi belgilangan. Shu munosabat bilan Oʻzbekiston Respublikasining Fuqarolik kodeksiga mulkdorning huquqini faqat qonunga asosan bekor qilishni nazarda tutuvchi oʻzgartishlar kiritilmoqda.

Bundan tashqari “Yer uchastkalarini kompensatsiya evaziga jamoat ehtiyojlari uchun olib qoʻyish tartib-taomillari toʻgʻrisida”gi Oʻzbekiston Respublikasi Qonuniga asosan “Garov toʻgʻrisida”gi Oʻzbekiston Respublikasi Qonuniga ham garovga qoʻyuvchining mol-mulki jamoat ehtiyojlari uchun olib qoʻyilgan (haqini toʻlab olingan) taqdirda, uning mulk huquqi himoya qilinishini taʼminlaydigan oʻzgartish kiritilmoqda.

Ushbu Qonun mulkdorlarning huquqlari ishonchli himoya qilinishini va xususiy mulkning but saqlanishini taʼminlash uchun qoʻshimcha huquqiy shart-sharoitlar yaratadi.

1-modda. Oʻzbekiston Respublikasining 1992-yil 9-dekabrda qabul qilingan “Garov toʻgʻrisida”gi 736-XII-sonli Qonuni (Oʻzbekiston Respublikasining 1998-yil 1-mayda qabul qilingan 614-I-sonli Qonuni tahririda) (Oʻzbekiston Respublikasi Oliy Majlisining Axborotnomasi, 1998-yil, № 5-6, 96-modda; 2002-yil, № 1, 20-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 156-modda; 2009-yil, № 9, 337-modda; 2015-yil, № 8, 312-modda; 2018-yil, № 1, 4-modda, № 4, 224-modda; 2019-yil, № 10, 671-modda; 2020-yil, № 1, 3-modda; 2021-yil, 4-songa ilova) 47-moddasining birinchi qismidagi “davlat ehtiyojlari uchun olib qoʻyilishi (sotib olinishi)” degan soʻzlar “jamoat ehtiyojlari uchun olib qoʻyilishi (qayta sotib olinishi)” degan soʻzlar bilan almashtirilsin.

2-modda. Oʻzbekiston Respublikasining 1995-yil 21-dekabrda qabul qilingan 163-I-sonli va 1996-yil 29-avgustda qabul qilingan 256-I-sonli qonunlari bilan tasdiqlangan Oʻzbekiston Respublikasining Fuqarolik kodeksiga (Oʻzbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda; 1999-yil, № 1, 20-modda, № 9, 229-modda; 2001-yil, № 1-2, 23-modda, № 9-10, 182-modda; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda, № 9, 494, 498-moddalar; 2007-yil, № 1, 3, 5-moddalar, № 4, 156, 164-moddalar, № 8, 367-modda, № 9, 416-modda, № 12, 598, 608-moddalar; 2008-yil, № 4, 192-modda, № 12, 640-modda; 2009-yil, № 9, 337-modda; 2010-yil, № 9, 335, 337, 340-moddalar; 2011-yil, № 12/2, 363, 364, 365-moddalar; 2012-yil, № 4, 106, 109-moddalar, № 12, 336-modda; 2013-yil, № 10, 263-modda; 2014-yil, № 5, 130-modda, № 12, 343-modda; 2015-yil, № 8, 310, 312-moddalar; 2016-yil, № 4, 125-modda; 2017-yil, № 4, 137-modda, № 9, 510-modda, № 12, 773-modda; 2018-yil, № 1, 4-modda, № 4, 224-modda, № 7, 433-modda, № 10, 673-modda; 2019-yil, № 3, 161, 166-moddalar, № 5, 267-modda, № 10, 671-modda, № 12, 880, 886-moddalar; 2020-yil, № 1, 3, 4-moddalar; № 10, 593-modda; 2021-yil, 4-songa ilova, № 8, 801-modda, № 10, 968-modda; 2022-yil, № 2, 79-modda, № 3, 217, 218-moddalar, № 4, 340-modda, № 5, 464-modda, № 6, 570-modda) quyidagi oʻzgartishlar kiritilsin:

1) 83-moddaning toʻrtinchi qismidagi “qonun hujjatlari” degan soʻzlar “qonun” degan soʻz bilan almashtirilsin;

2) 166-moddaning uchinchi qismidagi “qonun hujjatlarida” degan soʻzlar “qonunda” degan soʻz bilan almashtirilsin;

3) 197-moddaning matnidagi “shuningdek mulk huquqini bekor qiluvchi qonunchilikka asosan bekor boʻladi” degan soʻzlar “shuningdek mulk huquqini qonun asosida bekor qiluvchi qonunchilik hujjatiga asosan bekor boʻladi” degan soʻzlar bilan almashtirilsin;

4) 198-moddaning birinchi qismidagi “qonun hujjatlariga” degan soʻzlar “qonunlarga” degan soʻz bilan almashtirilsin;

5) 199-moddaning birinchi qismidagi “qonun hujjatlarida” degan soʻzlar “qonunda” degan soʻz bilan almashtirilsin;

6) 206-moddaning birinchi qismidagi “qonun hujjatlarida” degan soʻzlar “qonunda” degan soʻz bilan almashtirilsin.

3-modda. Oʻzbekiston Respublikasi Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2022-yil 7-noyabr,

OʻRQ-801-son

(Qonunchilik maʼlumotlari milliy bazasi, 08.11.2022-y., 03/22/801/0998-son)

lex.uz

Закон Республики Узбекистан

O внесении изменений в некоторые законодательные акты Республики Узбекистан

Принят Законодательной палатой 2 августа 2022 года Одобрен Сенатом 7 октября 2022 года

В настоящее время законодательством предусмотрены все необходимые меры по обеспечению гарантий прав собственников. Государством созданы правовые условия для обеспечения сохранности частной собственности.

Гарантии прав собственников закреплены в Конституции Республики Узбекистан, Гражданском кодексе Республики Узбекистан, законах Республики Узбекистан « О процедурах изъятия земельных участков для общественных нужд с компенсацией », « О залоге » и других законах.

В соответствии со статьей 53 Конституции Республики Узбекистан собственник может быть лишен собственности только в предусмотренных законом случаях и порядке. Вместе с тем Гражданским кодексом Республики Узбекистан допускается возможность прекращения права собственности, в том числе при изъятии имущества у собственника для общественных нужд, в случаях, предусмотренных актами законодательства. В связи с этим в Гражданский кодекс Республики Узбекистан вносятся изменения, предусматривающие прекращение права собственности только на основании закона.

Кроме того, на основании Закона Республики Узбекистан «О процедурах изъятия земельных участков для общественных нужд с компенсацией» в Закон Республики Узбекистан «О залоге» вносится изменение, обеспечивающее защиту права собственности залогодателя в случае изъятия (выкупа) его имущества для общественных нужд.

Настоящий Закон создаст дополнительные правовые условия для обеспечения надежной защиты прав собственников и сохранности частной собственности.

Статья 1. В части первой статьи 47 Закона Республики Узбекистан от 9 декабря 1992 года № 736-ХII «О залоге» (в редакции Закона Республики Узбекистан от 1 мая 1998 года № 614-I) (Ведомости Олий Мажлиса Республики Узбекистан, 1998 г., № 5-6, ст. 96; 2002 г., № 1, ст. 20; Ведомости палат Олий Мажлиса Республики Узбекистан, 2007 г., № 4, ст. 156; 2009 г., № 9, ст. 337; 2015 г., № 8, ст. 312; 2018 г., № 1, ст. 4, № 4, ст. 224; 2019 г., № 10, ст. 671; 2020 г., № 1, ст. 3; 2021 г., приложение к № 4) слова «изъятия (выкупа) для государственных нужд» заменить словами «изъятия (выкупа) для общественных нужд».

Статья 2. Внести в Гражданский кодекс Республики Узбекистан, утвержденный законами Республики Узбекистан от 21 декабря 1995 года № 163-I и от 29 августа 1996 года № 256-I (Ведомости Олий Мажлиса Республики Узбекистан, 1996 г., приложение к № 2, № 11-12; 1997 г., № 2, ст. 56, № 9, ст. 241; 1998 г., № 5-6, ст. 102; 1999 г., № 1, ст. 20, № 9, ст. 229; 2001 г., № 1-2, ст. 23, № 9-10, ст. 182; 2002 г., № 1, ст. 20, № 9, ст. 165; 2003 г., № 1, ст. 8, № 5, ст. 67; 2004 г., № 1-2, ст. 18, № 5, ст. 90, № 9, ст. 171; Ведомости палат Олий Мажлиса Республики Узбекистан, 2006 г., № 4, ст. 154, № 9, ст.ст. 494, 498; 2007 г., № 1, ст.ст. 3, 5, № 4, ст.ст. 156, 164, № 8, ст. 367, № 9, ст. 416, № 12, ст.ст. 598, 608; 2008 г., № 4, ст. 192, № 12, ст. 640; 2009 г., № 9, ст. 337; 2010 г., № 9, ст.ст. 335, 337, 340; 2011 г., № 12/2, ст.ст. 363, 364, 365; 2012 г., № 4, ст.ст. 106, 109, № 12, ст. 336; 2013 г., № 10, ст. 263; 2014 г., № 5, ст. 130, № 12, ст. 343; 2015 г., № 8, ст.ст. 310, 312; 2016 г., № 4, ст. 125; 2017 г., № 4, ст. 137, № 9, ст. 510, № 12, ст. 773; 2018 г., № 1, ст. 4, № 4, ст. 224, № 7, ст. 433, № 10, ст. 673; 2019 г., № 3, ст.ст. 161, 166, № 5, ст. 267, № 10, ст. 671, № 12, ст.ст. 880, 886; 2020 г., № 1, ст.ст. 3, 4, № 10, ст. 593; 2021 г., приложение к № 4, № 8, ст. 801, № 10, ст. 968; 2022 г., № 2, ст. 79, № 3, ст.ст. 217, 218, № 4, ст. 340, № 5, ст. 464, № 6, ст. 570), следующие изменения:

1) в части четвертой статьи 83 слова «законодательными актами» заменить словом «законом»;

2) в части третьей статьи 166 слова «законодательными актами» заменить словом «законом»;

3) в тексте статьи 197 слова «а также акта законодательства, прекращающего право собственности» заменить словами «а также акта законодательства, прекращающего право собственности на основе закона»;

4) в части первой статьи 198 слова «законодательным актам» заменить словом «законам»;

5) в части первой статьи 199 слова «законодательными актами» заменить словом «законом»;

6) в части первой статьи 206 слова «законодательными актами» заменить словом «законом».

Статья 3. Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 4. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену органами государственного управления их нормативно-правовых актов, противоречащих настоящему Закону.

Статья 5. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

7 ноября 2022 г.,

№ ЗРУ-801

(Национальная база данных законодательства, 08.11.2022 г., № 03/22/801/0998)

lex.uz