📅 2022-yil 8-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 8 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 ноября 2022 г. · Постановления Президента
Официальный текст. Официальный документ. Редакционные примечания не включены.
📅 8 November 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«ЙЎЛ ХАРИТАСИ»
Корпоратив муносабатларнинг ҳуқуқий асосларини янада такомиллаштириш чора-тадбирлари тўғрисида
Тижорат ташкилотлари фаолиятининг ташкилий-ҳуқуқий асосларини янада такомиллаштириш, юридик шахслар ташкилий-ҳуқуқий шаклларининг ўз аҳамиятини йўқотган айрим турларини тугатиш ҳамда замонавий корпоратив бошқарув усулларини жорий этиш мақсадида:
1. 2022 йил 1 декабрдан бошлаб тижорат ташкилотлари фаолиятига оид қуйидаги талаблар бекор қилинсин:
а) қуйидаги ташкилотларга нисбатан ички аудит хизматларини ташкил этиш:
масъулияти чекланган жамиятлар, бундан активларининг баланс қиймати базавий ҳисоблаш миқдорининг юз минг баробаридан кўп бўлган, давлат улуши 50 фоиз ва ундан ортиқ бўлган масъулияти чекланган жамият, шунингдек, кредит ташкилоти мустасно;
активларининг баланс қиймати базавий ҳисоблаш миқдорининг юз минг баробаридан кам бўлган, давлат улуши 50 фоиз ва ундан ортиқ бўлган акциядорлик жамиятлари ва давлат унитар корхоналари;
б) масъулияти чекланган жамиятнинг таъсис шартномасини давлат рўйхатидан ўтказиш;
в) масъулияти чекланган жамиятнинг юридик шахс ҳисобланган иштирокчилари вакилларига умумий йиғилишда иштирок этиш учун бериладиган ишончномани нотариал тартибда тасдиқлаш;
г) масъулияти чекланган жамиятда захира жамғармаси ташкил этилганда, унинг миқдорини устав фондининг (устав капиталининг) камида 15 фоизи этиб белгилаш.
2. Белгилансинки, 2023 йил 1 мартдан бошлаб унитар корхона ёки қўшимча масъулиятли жамият ташкилий-ҳуқуқий шаклида юридик шахс ташкил этишга йўл қўйилмайди.
Адлия вазирлиги тегишли вазирлик ва идоралар билан биргаликда 2023 йил 1 мартга қадар амалда фаолият юритиб келаётган унитар корхона ёки қўшимча масъулиятли жамият ташкилий-ҳуқуқий шаклидаги юридик шахсларнинг ташкилий-ҳуқуқий шаклини ўзгартириш жараёнларини 2025 йил 1 январга қадар якунлашни назарда тутувчи ташкилий чора-тадбирлар режасини тасдиқласин.
3. Адлия вазирлиги, Молия вазирлиги ва Давлат активларини бошқариш агентлигининг қимматли қоғозлар эмитентлари томонидан ахборот ва ҳисоботларни ошкор этиш талабини такомиллаштириш тўғрисидаги таклифига розилик берилсин.
Белгилансинки 2023 йил 1 октябрдан бошлаб:
қимматли қоғозлар фонд биржасининг листингига киритилган хўжалик жамиятлари қонунчилик ҳужжатларига мувофиқ ошкор этиладиган ахборот ва ҳисоботлар билан бир қаторда пул маблағларининг ҳаракати ҳамда акциялар чиқаришнинг бир қисми бекор қилинганлиги тўғрисидаги маълумотларни ошкор этади;
қимматли қоғозлар фонд биржасининг листингига киритилмаган хўжалик жамиятлари рўйхати қимматли қоғозлар бозорини тартибга солиш бўйича ваколатли давлат органи томонидан белгиланадиган муҳим фактларни мажбурий тартибда ошкор этмайди, бундан тижорат банклари, суғурта ташкилотлари ва устав фондида (устав капиталида) давлат улуши 50 фоиз ва ундан юқори бўлган акциядорлик жамиятлари, шунингдек, устав фондида (устав капиталида) ушбу акциядорлик жамиятларининг улуши миқдори 50 фоиз ва ундан юқори бўлган акциядорлик жамиятлари мустасно.
4. Хўжалик жамиятларининг иштирокчиси (акциядори) ва кредиторлари ҳуқуқларини ҳимоя қилиш мақсадида шундай тартиб ўрнатилсинки, унга мувофиқ 2023 йил 1 апрелдан бошлаб:
масъулияти чекланган жамият устав фондига (устав капиталига) қўшиладиган, қиймати базавий ҳисоблаш миқдорининг ўн минг бараваридан кўп бўлган пулсиз ҳиссалар баҳоловчи ташкилот томонидан баҳоланади ва баҳоланган қийматдан юқори бўлиши мумкин эмас;
юридик шахслар қўшиб юбориш, қўшиб олиш ва ташкилий-ҳуқуқий шаклини ўзгартириш орқали қайта ташкил этилганда, корхоналарнинг ҳуқуқ ва мажбуриятлари, топшириш ҳужжатида кўрсатилган ёки кўрсатилмаганлигидан қатъи назар, қайта ташкил этилган юридик шахсга ўтган ҳисобланади;
хўжалик жамиятлари кузатув кенгашининг акция, корпоратив облигация ва бошқа қимматли қоғозларни чиқариш бўйича қарорлари қонунчилик ҳужжатларига мувофиқ муҳим факт сифатида ошкор қилинади.
5. Шундай тартиб ўрнатилсинки, унга мувофиқ 2023 йил 1 мартдан бошлаб қимматли қоғозлар бозорини тартибга солиш бўйича ваколатли давлат органи оммавий ахборот воситалари ва (ёки) ўзининг расмий веб-сайти орқали қуйидаги фактлар тўғрисидаги ахборотни улар юз берган санадан икки иш куни ичида эълон қилади:
қимматли қоғозлар чиқарилишини давлат рўйхатидан ўтказиш, уни тўхтатиб туриш, амалга ошмаган ёки ҳақиқий эмас деб топиш;
қимматли қоғозлар бозорида профессионал фаолиятни амалга ошириш учун лицензия бериш, унинг амал қилишини тўхтатиб туриш ёки тугатиш, лицензияни бекор қилиш;
қимматли қоғозлар бозорида қимматли қоғозлар билан операцияларни амалга ошириш, хизматларни кўрсатиш ва (ёки) ишларни бажариш ҳуқуқини берувчи малака сертификатини бериш.
6. Белгилансинки:
а) 2023 йил 1 июлдан бошлаб хўжалик жамиятининг филиаллари, ваколатхоналари ташкил этилганлиги ва унинг устав фонди (устав капитали) шакллантирилганлиги ҳамда тўловга қобилиятсизлиги юзасидан иш қўзғатилганлиги тўғрисидаги маълумотлар Ягона интерактив давлат хизматлари порталида эълон қилинади.
Бунда, мазкур маълумотлар масъул вазирлик ва идоралар томонидан «Электрон ҳукумат» тизимининг идоралараро интеграциялашув платформасига киритиб борилади;
б) фонд биржасида қимматли қоғозлар билан савдоларни амалга ошириш қоидаларига киритиладиган биржа аъзоларига ва листинг компанияларига таъсир қилувчи муҳим ўзгартириш ва қўшимчалар улар тасдиқланишидан камида ўн беш кун олдин фонд биржаси сайтида муҳокамага қўйилади;
в) 2023 йил 1 январдан бошлаб устав фондида (устав капиталида) давлат улуши 50 фоиз ва ундан юқори бўлган хўжалик жамиятларининг кузатув кенгаши мажлиси ва иштирокчилари (акциядорлари) умумий йиғилиши баёнлари улар расмийлаштирилгандан сўнг ўн кун муддатда Давлат активларини бошқариш агентлигининг «Давлат мулки» ахборот тизимида жойлаштирилади.
7. Олий суд Адлия вазирлиги ва Истиқболли лойиҳалар миллий агентлиги билан биргаликда:
корпоратив низоларни кўриш натижалари бўйича суд қарорларини эгасизлантирган ҳолда Олий суднинг расмий веб-сайти, Ўзбекистон Республикаси қонунчилик маълумотлари миллий базаси ва ижтимоий тармоқларда ҳар ойда жойлаштириб борсин;
корпоратив муносабатлардан келиб чиқадиган низолар ҳамда уларни ҳал этиш амалиёти бўйича судьялар ва хўжалик жамиятлари вакиллари иштирокида ҳар чоракда семинар ва давра суҳбатларини ташкил этсин.
8. Корпоратив муносабатларнинг ҳуқуқий асосларини янада такомиллаштириш бўйича «йўл харитаси» иловага мувофиқ тасдиқлансин.
9. Адлия вазирлиги Молия вазирлиги, Иқтисодий тараққиёт ва камбағалликни қисқартириш вазирлиги, Давлат активларини бошқариш агентлиги, Савдо-саноат палатаси билан биргаликда:
2023 йил 1 июлга қадар илғор хорижий тажриба асосида «Масъулияти чекланган жамиятлар тўғрисида»ги қонун лойиҳасини ишлаб чиқсин ва Вазирлар Маҳкамасига киритсин;
янгича корпоратив бошқарув механизмларини, шу жумладан корпоратив шартномалар ва консорциум шартномаларини амалиётга кенг жорий этиш юзасидан чора-тадбирларни амалга ошириб борсин;
манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2022 йил 8 ноябрдаги ПҚ-415-сон қарорига ИЛОВА
Корпоратив муносабатларнинг ҳуқуқий асосларини янада такомиллаштириш бўйича
Т/р Чора-тадбирлар номи Амалга ошириш шакли Ижро муддати Масъул ижрочилар 8. Хўжалик жамиятларининг ижро органи, кузатув кенгаши ҳамда мажоритар акциядорларининг (иштирокчиларининг) фидуциар мажбуриятлари ва улар бўйича жавобгарлигини аниқлаштиришни назарда тутувчи норматив-ҳуқуқий ҳужжат ишлаб чиқиш ва Вазирлар Маҳкамасига киритиш. Норматив-ҳуқуқий ҳужжат лойиҳаси 2023 йил декабрь Адлия вазирлиги, Молия вазирлиги, Давлат активларини бошқариш агентлиги 12. «Шерикчилик тўғрисида»ги қонун лойиҳасини ишлаб чиқиш, вазирлик ва идоралар билан келишиш ҳамда белгиланган тартибда Вазирлар Маҳкамасига киритиш. Қонун лойиҳаси 2025 йил декабрь Молия вазирлиги, Инвестициялар ва ташқи савдо вазирлиги, Инновацион ривожланиш вазирлиги, манфаатдор вазирлик ва идоралар 15. Корпоратив низоларни кўриш натижалари бўйича суд қарорларини эгасизлантирган ҳолда Олий суднинг расмий веб-сайти, Ўзбекистон Республикаси қонунчилик маълумотлари миллий базаси ва ижтимоий тармоқларда ҳар ойда жойлаштириб бориш. Чора-тадбирлар Доимий равишда Олий суд, Адлия вазирлиги, Молия вазирлиги
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 8 ноябрь,
ПҚ-415-сон
Oʻzbekiston Respublikasi Prezidentining
Qarori
“YOʻL XARITASI”
Korporativ munosabatlarning huquqiy asoslarini yanada takomillashtirish chora-tadbirlari toʻgʻrisida
Tijorat tashkilotlari faoliyatining tashkiliy-huquqiy asoslarini yanada takomillashtirish, yuridik shaxslar tashkiliy-huquqiy shakllarining oʻz ahamiyatini yoʻqotgan ayrim turlarini tugatish hamda zamonaviy korporativ boshqaruv usullarini joriy etish maqsadida:
1. 2022-yil 1-dekabrdan boshlab tijorat tashkilotlari faoliyatiga oid quyidagi talablar bekor qilinsin:
a) quyidagi tashkilotlarga nisbatan ichki audit xizmatlarini tashkil etish:
masʼuliyati cheklangan jamiyatlar, bundan aktivlarining balans qiymati bazaviy hisoblash miqdorining yuz ming barobaridan koʻp boʻlgan, davlat ulushi 50 foiz va undan ortiq boʻlgan masʼuliyati cheklangan jamiyat, shuningdek, kredit tashkiloti mustasno;
aktivlarining balans qiymati bazaviy hisoblash miqdorining yuz ming barobaridan kam boʻlgan, davlat ulushi 50 foiz va undan ortiq boʻlgan aksiyadorlik jamiyatlari va davlat unitar korxonalari;
b) masʼuliyati cheklangan jamiyatning taʼsis shartnomasini davlat roʻyxatidan oʻtkazish;
v) masʼuliyati cheklangan jamiyatning yuridik shaxs hisoblangan ishtirokchilari vakillariga umumiy yigʻilishda ishtirok etish uchun beriladigan ishonchnomani notarial tartibda tasdiqlash;
g) masʼuliyati cheklangan jamiyatda zaxira jamgʻarmasi tashkil etilganda, uning miqdorini ustav fondining (ustav kapitalining) kamida 15 foizi etib belgilash.
2. Belgilansinki, 2023-yil 1-martdan boshlab unitar korxona yoki qoʻshimcha masʼuliyatli jamiyat tashkiliy-huquqiy shaklida yuridik shaxs tashkil etishga yoʻl qoʻyilmaydi.
Adliya vazirligi tegishli vazirlik va idoralar bilan birgalikda 2023-yil 1-martga qadar amalda faoliyat yuritib kelayotgan unitar korxona yoki qoʻshimcha masʼuliyatli jamiyat tashkiliy-huquqiy shaklidagi yuridik shaxslarning tashkiliy-huquqiy shaklini oʻzgartirish jarayonlarini 2025-yil 1-yanvarga qadar yakunlashni nazarda tutuvchi tashkiliy chora-tadbirlar rejasini tasdiqlasin.
3. Adliya vazirligi, Moliya vazirligi va Davlat aktivlarini boshqarish agentligining qimmatli qogʻozlar emitentlari tomonidan axborot va hisobotlarni oshkor etish talabini takomillashtirish toʻgʻrisidagi taklifiga rozilik berilsin.
Belgilansinki 2023-yil 1-oktabrdan boshlab:
qimmatli qogʻozlar fond birjasining listingiga kiritilgan xoʻjalik jamiyatlari qonunchilik hujjatlariga muvofiq oshkor etiladigan axborot va hisobotlar bilan bir qatorda pul mablagʻlarining harakati hamda aksiyalar chiqarishning bir qismi bekor qilinganligi toʻgʻrisidagi maʼlumotlarni oshkor etadi;
qimmatli qogʻozlar fond birjasining listingiga kiritilmagan xoʻjalik jamiyatlari roʻyxati qimmatli qogʻozlar bozorini tartibga solish boʻyicha vakolatli davlat organi tomonidan belgilanadigan muhim faktlarni majburiy tartibda oshkor etmaydi, bundan tijorat banklari, sugʻurta tashkilotlari va ustav fondida (ustav kapitalida) davlat ulushi 50 foiz va undan yuqori boʻlgan aksiyadorlik jamiyatlari, shuningdek, ustav fondida (ustav kapitalida) ushbu aksiyadorlik jamiyatlarining ulushi miqdori 50 foiz va undan yuqori boʻlgan aksiyadorlik jamiyatlari mustasno.
4. Xoʻjalik jamiyatlarining ishtirokchisi (aksiyadori) va kreditorlari huquqlarini himoya qilish maqsadida shunday tartib oʻrnatilsinki, unga muvofiq 2023-yil 1-apreldan boshlab:
masʼuliyati cheklangan jamiyat ustav fondiga (ustav kapitaliga) qoʻshiladigan, qiymati bazaviy hisoblash miqdorining oʻn ming baravaridan koʻp boʻlgan pulsiz hissalar baholovchi tashkilot tomonidan baholanadi va baholangan qiymatdan yuqori boʻlishi mumkin emas;
yuridik shaxslar qoʻshib yuborish, qoʻshib olish va tashkiliy-huquqiy shaklini oʻzgartirish orqali qayta tashkil etilganda, korxonalarning huquq va majburiyatlari, topshirish hujjatida koʻrsatilgan yoki koʻrsatilmaganligidan qatʼi nazar, qayta tashkil etilgan yuridik shaxsga oʻtgan hisoblanadi;
xoʻjalik jamiyatlari kuzatuv kengashining aksiya, korporativ obligatsiya va boshqa qimmatli qogʻozlarni chiqarish boʻyicha qarorlari qonunchilik hujjatlariga muvofiq muhim fakt sifatida oshkor qilinadi.
5. Shunday tartib oʻrnatilsinki, unga muvofiq 2023-yil 1-martdan boshlab qimmatli qogʻozlar bozorini tartibga solish boʻyicha vakolatli davlat organi ommaviy axborot vositalari va (yoki) oʻzining rasmiy veb-sayti orqali quyidagi faktlar toʻgʻrisidagi axborotni ular yuz bergan sanadan ikki ish kuni ichida eʼlon qiladi:
qimmatli qogʻozlar chiqarilishini davlat roʻyxatidan oʻtkazish, uni toʻxtatib turish, amalga oshmagan yoki haqiqiy emas deb topish;
qimmatli qogʻozlar bozorida professional faoliyatni amalga oshirish uchun litsenziya berish, uning amal qilishini toʻxtatib turish yoki tugatish, litsenziyani bekor qilish;
qimmatli qogʻozlar bozorida qimmatli qogʻozlar bilan operatsiyalarni amalga oshirish, xizmatlarni koʻrsatish va (yoki) ishlarni bajarish huquqini beruvchi malaka sertifikatini berish.
6. Belgilansinki:
a) 2023-yil 1-iyuldan boshlab xoʻjalik jamiyatining filiallari, vakolatxonalari tashkil etilganligi va uning ustav fondi (ustav kapitali) shakllantirilganligi hamda toʻlovga qobiliyatsizligi yuzasidan ish qoʻzgʻatilganligi toʻgʻrisidagi maʼlumotlar Yagona interaktiv davlat xizmatlari portalida eʼlon qilinadi.
Bunda, mazkur maʼlumotlar masʼul vazirlik va idoralar tomonidan “Elektron hukumat” tizimining idoralararo integratsiyalashuv platformasiga kiritib boriladi;
b) fond birjasida qimmatli qogʻozlar bilan savdolarni amalga oshirish qoidalariga kiritiladigan birja aʼzolariga va listing kompaniyalariga taʼsir qiluvchi muhim oʻzgartirish va qoʻshimchalar ular tasdiqlanishidan kamida oʻn besh kun oldin fond birjasi saytida muhokamaga qoʻyiladi;
v) 2023-yil 1-yanvardan boshlab ustav fondida (ustav kapitalida) davlat ulushi 50 foiz va undan yuqori boʻlgan xoʻjalik jamiyatlarining kuzatuv kengashi majlisi va ishtirokchilari (aksiyadorlari) umumiy yigʻilishi bayonlari ular rasmiylashtirilgandan soʻng oʻn kun muddatda Davlat aktivlarini boshqarish agentligining “Davlat mulki” axborot tizimida joylashtiriladi.
7. Oliy sud Adliya vazirligi va Istiqbolli loyihalar milliy agentligi bilan birgalikda:
korporativ nizolarni koʻrish natijalari boʻyicha sud qarorlarini egasizlantirgan holda Oliy sudning rasmiy veb-sayti, Oʻzbekiston Respublikasi qonunchilik maʼlumotlari milliy bazasi va ijtimoiy tarmoqlarda har oyda joylashtirib borsin;
korporativ munosabatlardan kelib chiqadigan nizolar hamda ularni hal etish amaliyoti boʻyicha sudyalar va xoʻjalik jamiyatlari vakillari ishtirokida har chorakda seminar va davra suhbatlarini tashkil etsin.
8. Korporativ munosabatlarning huquqiy asoslarini yanada takomillashtirish boʻyicha “yoʻl xaritasi” ilovaga muvofiq tasdiqlansin.
9. Adliya vazirligi Moliya vazirligi, Iqtisodiy taraqqiyot va kambagʻallikni qisqartirish vazirligi, Davlat aktivlarini boshqarish agentligi, Savdo-sanoat palatasi bilan birgalikda:
2023-yil 1-iyulga qadar ilgʻor xorijiy tajriba asosida “Masʼuliyati cheklangan jamiyatlar toʻgʻrisida”gi qonun loyihasini ishlab chiqsin va Vazirlar Mahkamasiga kiritsin;
yangicha korporativ boshqaruv mexanizmlarini, shu jumladan korporativ shartnomalar va konsorsium shartnomalarini amaliyotga keng joriy etish yuzasidan chora-tadbirlarni amalga oshirib borsin;
manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2022-yil 8-noyabrdagi PQ-415-son qaroriga ILOVA
Korporativ munosabatlarning huquqiy asoslarini yanada takomillashtirish boʻyicha
T/r Chora-tadbirlar nomi Amalga oshirish shakli Ijro muddati Masʼul ijrochilar 8. Xoʻjalik jamiyatlarining ijro organi, kuzatuv kengashi hamda majoritar aksiyadorlarining (ishtirokchilarining) fidutsiar majburiyatlari va ular boʻyicha javobgarligini aniqlashtirishni nazarda tutuvchi normativ-huquqiy hujjat ishlab chiqish va Vazirlar Mahkamasiga kiritish. Normativ-huquqiy hujjat loyihasi 2023-yil dekabr Adliya vazirligi, Moliya vazirligi, Davlat aktivlarini boshqarish agentligi 12. “Sherikchilik toʻgʻrisida”gi qonun loyihasini ishlab chiqish, vazirlik va idoralar bilan kelishish hamda belgilangan tartibda Vazirlar Mahkamasiga kiritish. Qonun loyihasi 2025-yil dekabr Moliya vazirligi, Investitsiyalar va tashqi savdo vazirligi, Innovatsion rivojlanish vazirligi, manfaatdor vazirlik va idoralar 15. Korporativ nizolarni koʻrish natijalari boʻyicha sud qarorlarini egasizlantirgan holda Oliy sudning rasmiy veb-sayti, Oʻzbekiston Respublikasi qonunchilik maʼlumotlari milliy bazasi va ijtimoiy tarmoqlarda har oyda joylashtirib borish. Chora-tadbirlar Doimiy ravishda Oliy sud, Adliya vazirligi, Moliya vazirligi
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 8-noyabr,
PQ-415-son
Президента Республики Узбекистан
Постановление
«ДОРОЖНАЯ КАРТА»
О мерах по дальнейшему совершенствованию правовых основ корпоративных отношений
В целях дальнейшего совершенствования организационно-правовых основ деятельности коммерческих организаций, прекращения утративших свою актуальность некоторых видов организационно-правовых форм юридических лиц, а также внедрения современных методов корпоративного управления:
1. Отменить с 1 декабря 2022 года следующие требования касательно деятельности коммерческих организаций:
а) создание служб внутреннего аудита в следующих организациях:
общества с ограниченной ответственностью, за исключением обществ с ограниченной ответственностью с долей государства 50 процентов и более, балансовая стоимость активов которых превышает стотысячекратный размер базовой расчетной величины, а также кредитных организаций;
акционерные общества с долей государства 50 процентов и более и государственные унитарные предприятия, балансовая стоимость активов которых составляет менее стотысячекратного размера базовой расчетной величины;
б) государственная регистрация учредительного договора общества с ограниченной ответственностью;
в) нотариальное удостоверение доверенности, выдаваемой представителям участников обществ с ограниченной ответственностью, являющихся юридическим лицом, для участия на общем собрании;
г) установление размера резервного фонда при его создании в обществах с ограниченной ответственностью не менее 15 процентов от их уставного фонда (уставного капитала).
2. Установить, что, начиная с 1 марта 2023 года, не допускается создание юридического лица в организационно-правовой форме унитарного предприятия или общества с дополнительной ответственностью.
Министерству юстиции совместно с соответствующими министерствами и ведомствами в срок до 1 марта 2023 года утвердить план организационных мер, предусматривающий завершение в срок до 1 января 2025 года процессов изменения организационно-правовой формы юридических лиц, осуществляющих деятельность в организационно-правовой форме унитарного предприятия или общества с дополнительной ответственностью.
3. Согласиться с предложением Министерства юстиции, Министерства финансов и Агентства по управлению государственными активами о совершенствовании требования раскрытия информации и отчетов эмитентами ценных бумаг.
Определить, что, начиная с 1 октября 2023 года, хозяйственные общества:
ценные бумаги которых включены в листинг фондовой биржи, наряду с информацией и отчетами, подлежащими раскрытию в соответствии с актами законодательства, раскрывают сведения о движении денежных средств и аннулировании части выпуска акций;
ценные бумаги которых не включены в листинг фондовой биржи, не раскрывают в обязательном порядке существенные факты, перечень которых определяется уполномоченным государственным органом по регулированию рынка ценных бумаг, за исключением коммерческих банков, страховых организаций и акционерных обществ, в уставном фонде (уставном капитале) которых государственная доля составляет 50 процентов и более, а также акционерных обществ, в уставном фонде (уставном капитале) которых доля данных акционерных обществ составляет 50 процентов и более.
4. В целях защиты прав участников (акционеров) и кредиторов хозяйственных обществ установить порядок, в соответствии с которым начиная с 1 апреля 2023 года:
неденежные вклады в уставный фонд (уставный капитал) общества с ограниченной ответственностью стоимостью свыше десятитысячного размера базовой расчетной величины оцениваются оценочной организацией и не могут превышать оценочной стоимости;
при реорганизации юридических лиц путем слияния, присоединения и изменения организационно-правовой формы права и обязательства предприятий считаются перешедшими к реорганизованному юридическому лицу независимо от указания об этом в передаточном акте;
решения наблюдательного совета хозяйственных обществ о выпуске акций, корпоративных облигаций и иных ценных бумаг раскрываются в соответствии с актами законодательства в качестве существенного факта.
5. Установить порядок, в соответствии с которым начиная с 1 марта 2023 года уполномоченный государственный орган по регулированию рынка ценных бумаг публикует в средствах массовой информации и (или) на своем официальном веб-сайте информацию о следующих фактах в течение двух рабочих дней с даты их наступления:
государственная регистрация выпуска ценных бумаг, его приостановление, признание несостоявшимся либо недействительным;
выдаче, приостановлении, прекращении действия, аннулировании лицензии на право осуществления профессиональной деятельности на рынке ценных бумаг;
выдаче квалификационного сертификата на право осуществления операций с ценными бумагами, оказания услуг и (или) выполнения работ на рынке ценных бумаг.
6. Установить, что:
а) начиная с 1 июля 2023 года информация о создании филиалов, представительств и формировании уставного фонда (уставного капитала), а также возбуждении дела о неплатежеспособности хозяйственного общества публикуется на Едином портале интерактивных государственных услуг.
При этом данная информация размещается ответственными министерствами и ведомствами на Межведомственной интеграционной платформе системы «Электронное правительство»;
б) важные изменения и дополнения, вносимые в правила осуществления торгов с ценными бумагами на фондовой бирже, оказывающие влияние на членов биржи и листинговые компании, размещаются на сайте фондовой биржи для обсуждения минимум за пятнадцать дней до их утверждения;
в) начиная с 1 января 2023 года протоколы заседания наблюдательного совета и общего собрания участников (акционеров) хозяйственных обществ, в уставном фонде (уставном капитале) которых государственная доля составляет 50 процентов и более, размещаются в информационной системе «Давлат мулки» Агентства по управлению государственными активами в десятидневный срок после их оформления.
7. Верховному суду совместно с Министерством юстиции и Национальным агентством перспективных проектов:
ежемесячно размещать на официальном веб-сайте Верховного суда, в Национальной базе данных законодательства Республики Узбекистан и социальных сетях решения судов о результатах рассмотрения корпоративных споров в обезличенной форме;
ежеквартально организовывать семинары и «круглые столы» по спорам, вытекающим из корпоративных отношений, а также практике их разрешения с участием судей и представителей хозяйственных обществ.
8. Утвердить «Дорожную карту» по дальнейшему совершенствованию правовых основ корпоративных отношений согласно приложению .
9. Министерству юстиции совместно с Министерством финансов, Министерством экономического развития и сокращения бедности, Агентством по управлению государственными активами и Торгово-промышленной палатой:
в срок до 1 июля 2023 года разработать на основе передового зарубежного опыта и внести в Кабинет Министров проект закона «Об обществах с ограниченной ответственностью»;
регулярно реализовывать меры по широкому внедрению на практике новых механизмов корпоративного управления, включая корпоративные и консорциумные соглашения;
совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 8 ноября 2022 года № ПП-415
по дальнейшему совершенствованию правовых основ корпоративных отношений
№ Наименование мер Форма реализации Сроки исполнения Ответственные исполнители 8. Разработка и внесение в Кабинет Министров нормативно-правового акта, предусматривающего определение фидуциарных обязательств и ответственности по ним исполнительного органа, наблюдательного совета и мажоритарных акционеров (участников) хозяйственных обществ. Проект нормативно-правового акта Декабрь 2023 года Министерство юстиции, Министерство финансов, Агентство по управлению государственными активами 12. Разработка, согласование с министерствами и ведомствами и внесение в Кабинет Министров в установленном порядке проекта закона «О партнерствах». Проект закона Декабрь 2025 года Министерство финансов, Министерство инвестиций и внешней торговли, Министерство инновационного развития, заинтересованные министерства и ведомства 15. Ежемесячное размещение судебных решений по результатам рассмотрения корпоративных споров в обезличенной форме на официальном веб-сайте Верховного суда, Национальной базе данных законодательства Республики Узбекистан и социальных сетях. Меры На постоянной основе Верховный суд, Министерство юстиции, Министерство финансов
Президент Республики Узбекистан Ш. МИРЗИЁЕВ
г. Ташкент,
8 ноября 2022 г.,
№ ПП-415