📅 2022-yil 10-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 10 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 ноября 2022 г. · Постановления Президента
Официальный текст. Официальный документ. Редакционные примечания не включены.
📅 10 November 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«ЙЎЛ ХАРИТАСИ»
Ҳисобот тақдим этиш ва архив ҳужжатларини сақлаш тартиб-таомилларини мақбуллаштириш чора-тадбирлари тўғрисида
Ўзбекистон Республикаси Президентининг жорий йил 22 август куни тадбиркорлар билан ўтказган очиқ мулоқоти доирасида белгиланган устувор вазифалар ижросини таъминлаш, шунингдек, молиявий, солиқ ва статистика ҳисобот турларини қисқартириш, ҳужжатларни сақлаш ва давлат идораларига топшириш амалиётини замонавий талаблар асосида такомиллаштириш мақсадида:
1. Шундай тартиб ўрнатилсинки, унга мувофиқ:
юридик шахслар томонидан 2022 йил 1 январдан кейин ҳисобланган жисмоний шахсларнинг иш ҳақи ва бошқа даромадлари ҳамда улар бўйича ҳисобланган солиқ суммалари тўғрисидаги архив ҳужжатларини сақлаш ҳамда давлат ёки нодавлат архивларига топшириш мажбурияти бекор қилинади;
юридик шахслар 2022 йил 1 январдан бошлаб давлат солиқ хизмати ва статистика органларига электрон тарзда топширилган молиявий, солиқ ва статистика ҳисоботларини, шунингдек, солиқ органининг автоматлаштирилган ахборот тизимлари орқали электрон шаклда расмийлаштирилган ҳужжатларни сақлаш ҳамда давлат ёки нодавлат архивларига топшириш мажбуриятидан озод этилади;
2023 йил 1 январдан бошлаб бухгалтерия ҳисоби субъектлари томонидан молиявий ҳисоботларни солиқ ва статистика органларига ҳар чоракда тақдим этиш талаби бекор қилинади;
2023 йилдан 2026 йил 1 январга қадар айланмадан олинадиган солиқни қатъий белгиланган солиқ ставкаси бўйича тўлайдиган тадбиркорлик субъектлари йиллик молиявий ҳисоботларни солиқ органларига топшириш мажбуриятидан озод этилади.
2. 2023 йил 1 январдан бошлаб 1-иловага мувофиқ статистик ҳисобот турлари бекор қилинсин.
Давлат статистика қўмитаси:
мазкур бандга асосан бекор қилинаётган статистик ҳисобот турларида назарда тутилган статистик маълумотларнинг статистика дастурларига мувофиқ тегишли вазирлик ва идораларнинг маъмурий маълумотлари асосида шакллантирилишини таъминласин;
икки ой муддатда барча турдаги статистика ҳисоботларининг мақсадга мувофиқлиги, уларни соддалаштириш ва топшириш муддатларини қайта кўриб чиқиш бўйича таклифларни Ўзбекистон Республикаси Президенти Администрациясига киритсин.
3. Молия вазирлиги икки ой муддатда тадбиркорлик субъектларига тегишли товар-моддий захиралар ва пул маблағлари ҳамда иш берувчининг ходимлар билан боғлиқ бўлган ички хўжалик операциялари бўйича техник воситалар ҳамда ахборот тизимлари ёрдамида қатнашчиларни идентификациялашни таъминлаган ҳолда тузилган ҳисоб ҳужжатлари электрон шаклда юритилиши учун зарур шарт-шароитларни яратсин.
4. 2023 йил 1 майдан бошлаб қуйидагиларга:
тижорат банкларига ариза берувчини масофадан туриб идентификация қилиш учун зарур шарт-шароитлар мавжуд бўлганда, таъсисчилари Ўзбекистон Республикаси резидентлари бўлган юридик шахслар ҳамда якка тартибдаги тадбиркорларга банк ҳисобварағини масофадан туриб очишга;
юридик шахсларга электр энергияси, табиий газ, иссиқ сув, ичимлик сув таъминоти, оқова сув ва телекоммуникация хизматлари кўрсатиш бўйича шартномаларни, уларнинг истеъмоли тўғрисидаги ҳисоботларни ва келгуси давр учун шартномавий миқдорлар тўғрисидаги бир марталик ва даврий ҳужжатларни электрон шаклда расмийлаштиришга рухсат этилсин.
5. 2023 йил 1 январдан бошлаб нодавлат архивларни давлат ва нодавлат архивлари реестрига киритиш ҳамда ҳужжатларни электрон архивлаш (сақлаш) хизматларини кўрсатувчи нодавлат архивларнинг маълумотлар узатиш тармоқлари хизматларини кўрсатиш учун лицензия олиш талаби хабардор қилиш тартибини жорий этиш орқали бекор қилинсин.
6. Ҳисобот тақдим этиш ва архив ҳужжатларини сақлаш тартиб-таомилларини мақбуллаштириш бўйича «йўл харитаси» 2-иловага мувофиқ тасдиқлансин.
7. «Ўзархив» агентлиги:
Ахборотлаштириш ва телекоммуникациялар соҳасида назорат бўйича давлат инспекцияси ҳузуридаги «Ахборот технологиялари ва ахборот ресурсларини ривожлантириш маркази» давлат унитар корхонаси ва Ахборот технологиялари ва коммуникацияларини ривожлантириш вазирлиги билан биргаликда 2024 йил 1 январга қадар «Архив» ахборот тизимини тегишли вазирлик ва идораларнинг ахборот тизимлари ва маълумотлар базалари билан белгиланган тартибда интеграция қилган ҳолда тадбиркорлик субъектларининг дастурий таъминот воситасида жамланган ҳужжатларини электрон кўринишда қабул қилиш, сақлаш ҳамда сўровга кўра тақдим этиш амалиётини йўлга қўйсин;
мазкур қарорнинг 1-бандига асосан давлат архивига топшириш бекор қилинаётган архив ҳужжатларининг давлат солиқ хизмати ва статистика органлари маълумотлари асосида шакллантирилишини таъминласин.
8. Молия вазирлиги, Давлат солиқ қўмитаси, Давлат статистика қўмитаси, «Ўзархив» агентлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб молия вазири Т.А. Ишметов, Давлат солиқ қўмитаси раиси Ш.Д. Кудбиев ҳамда Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д.С. Касимов белгилансин.
Қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 10 ноябрдаги ПҚ-419-сон қарорига 1-ИЛОВА
2023 йил 1 январдан бошлаб бекор қилинадиган статистик ҳисобот турлари
Т/р Статистика ҳисоботи номи Даврийлиги Маълумотни шакллантириш манбаи 1. 1-биржа шакли — «Биржа фаолияти тўғрисида ҳисобот» Йиллик «Республика кўп тармоқли агросаноат биржаси» АЖ, «Ўзбекистон Республика валюта биржаси» АЖ, «Ўзбекистон Республикаси товар-хом ашё биржаси» АЖ, «Тошкент» Республика фонд биржаси» АЖ 2. 1-мш шакли — «Меҳнат шароитлари аҳволи тўғрисида ҳисобот» Йиллик Бандлик ва меҳнат муносабатлари вазирлиги 3. 1-нҳ шакли — «Ҳисобланган иш ҳақи миқдори бўйича ходимлар сонининг тақсимланиши тўғрисида ҳисобот» Йиллик Давлат солиқ қўмитаси 4. 1-темир йўл (умумфойдаланадиган) — «Умумий фойдаланишдаги темир йўл транспорти хизматлари тўғрисида ҳисобот» Йиллик «Ўзбекистон темир йўллари» АЖ 5. 1-тб шакли — «Тижорат банки фаолияти тўғрисида ҳисобот» Йиллик Марказий банк 6. 1-суғурта шакли — «Суғурта ташкилоти фаолияти тўғрисида ҳисобот» Йиллик Молия вазирлиги ҳузуридаги Суғурта бозорини ривожлантириш агентлиги 7. 1-кб (қм) (1-кб шаклига илова) — «Кичик қурилиш ташкилотлари ва микрофирмаларда мавжуд қурилиш машина ва механизмлари тўғрисидаги ҳисобот» Йиллик Қурилиш вазирлиги 8. 4-қувур йўли — «Қувур йўли транспорти фаолияти тўғрисида ҳисобот» Чораклик « Ўзтрансгаз » АЖ , «Asia Trans Gas» МЧЖ 9. 4-мева-сабзавот — «Мева-сабзавот маҳсулотлари хариди тўғрисида ҳисобот» Чораклик «Ўзбекозиқовқатзахира» уюшмаси ва «Ўзагроэкспорт» АЖ
Ўзбекистон Республикаси Президентининг 2022 йил 10 ноябрдаги ПҚ-419-сон қарорига 2-ИЛОВА
Ҳисобот тақдим этиш ва архив ҳужжатларини сақлаш тартиб-таомилларини мақбуллаштириш бўйича
Т/р Чора-тадбирлар номи Амалга ошириш механизми Бажариш муддати Ижро учун масъуллар 1. Статистика ҳисоботларини вазирлик ва идоралар томонидан юритиладиган, шу жумладан молиявий ва солиқ ҳисоботи бўйича маълумотлар базаларини интеграция қилиш орқали мақбуллаштириш. 1. Малакали мутахассислардан иборат Идоралараро ишчи гуруҳ тузиш. 2022 йил ноябрь Давлат статистика қўмитаси, Молия вазирлиги , Давлат солиқ қўмитаси, Бандлик ва меҳнат муносабатлари вазирлиги, манфаатдор вазирлик ва идоралар 2. Ишчи гуруҳ томонидан вазирлик ва идораларнинг маълумотлар базаларидаги ҳамда ҳисоботларидаги маълумотлар рўйхати, уларни шакллантириш (тўплаш, умумлаштириш, қайта ишлаш) услубияти, манбаларини хатловдан ўтказиш. 2023 йил январь 3. Мавжуд маълумотлардан расмий статистика услубиятига мос келувчи маълумотлар рўйхатини шакллантириш ва уларни тақдим этиш шаклларини белгилаш. 2023 йил май 4. Шакллантирилган рўйхатдаги маълумотларнинг келгуси йил учун Статистика дастури доирасида тегишли вазирлик ва идоралар томонидан тақдим этилишини ташкил этиш мақсадида уларни интеграция асосида узатиш бўйича Техник йўриқномалар ишлаб чиқиш ва тасдиқлаш. 2023 йил июнь 5. Техник йўриқнома асосида тегишли интеграцияни йўлга қўйиш. 2023 йил сентябрь 2. Электрон ҳужжатларни сақлаш, архивга топшириш ва улар айланишини рақамлаштириш. 1. Тадбиркорлик субъектлари учун архив ҳужжатларининг тўлиқлигига, уларни ҳисобга олиш ва сақлашга қўйиладиган талабларни соддалаштириш, шу жумладан, муддатларни қайта кўриб чиқиш ва узоқ муддат сақланиши лозим бўлган архив ҳужжатлари турларини қисқартириш. 2022 йил декабрь «Ўзархив» агентлиги 2. Нодавлат электрон архивлар ташкил этиш билан боғлиқ бўлган тартиб-таомилларни соддалаштириш юзасидан ҳукумат қарори лойиҳасини ишлаб чиқиб, Вазирлар Маҳкамасига киритиш. 2022 йил декабрь 3. Тадбиркорлик субъектлари томонидан ишончномаларни расмийлаштириш жараёнларини соддалаштириш. Электрон ишончнома беришда талаб қилинадиган мажбурий реквизитларни камайтириш. 2023 йил январь Давлат солиқ қўмитаси, Молия вазирлиги 4. Ташувчиларнинг юк автомобиллари учун йўл варақалари, товар-транспорт юкхатларини расмийлаштириш тартибини такомиллаштириш. 1. Ташувчиларнинг юк автомобиллари учун йўл варақалари, товар-транспорт юкхатларини тайёрлаш, ҳисобга олиш, тўлдириш ва қайта ишлаш бўйича йўриқномани электрон ҳужжат шаклида расмийлаштириш имкониятини ҳисобга олган ҳолда қайта кўриб чиқиш. 2023 йил январь Транспорт вазирлиги, Давлат солиқ қўмитаси, Ички ишлар вазирлиги 2. Товар-транспорт юкхатлари айланишига оид ҳукумат қарори лойиҳасини ишлаб чиқиб, тасдиқлаш учун Вазирлар Маҳкамасига киритиш. 2023 йил апрель 5. Бир нечта алоҳида бўлинмаларга эга бўлган юридик шахсларнинг жисмоний шахслардан олинадиган даромад солиғини тўлаш тартибини соддалаштириш. Йирик солиқ тўловчилар томонидан тўланадиган жисмоний шахслардан олинадиган даромад солиғини ушбу ва бошқа туманда (шаҳарда) ишловчиларнинг ҳақиқий сонидан келиб чиқиб автоматлаштирилган тарзда тақсимлаш механизмини яратиш. 2023 йил март Давлат солиқ қўмитаси, Молия вазирлиги 6. Алимент ва бошқа ижро ҳужжатларини ижро этиш ва назорат қилиш тизимини рақамлаштириш. Алимент ва бошқа мажбуриятларни ягона ахборот тизими орқали ижро этиш ва назорат қилишни таъминлаш. 2023 йил январь Бош прокуратура ҳузуридаги Мажбурий ижро бюроси 7. «Ягона миллий меҳнат тизими» идоралараро дастурий-аппарат комплекси электрон ахборот тизимини ташкилотлар ходимларининг шахсий таркиби тўғрисидаги маълумотлар базасини шакллантириш орқали оптималлаштириш. 1. «Ягона миллий меҳнат тизими» идоралараро дастурий-аппарат комплексининг дастурий таъминотини, ходимларнинг шахсий таркиби тўғрисидаги маълумотларни киритиш нуқтаи назаридан такомиллаштириш. 2. «Ягона миллий меҳнат тизими» идоралараро дастурий-аппарат комплексини ташкилотларнинг тегишли ахборот тизимлари ва «Электрон архив» тизими билан босқичма-босқич интеграция қилиш. 2023 йил июль Бандлик ва меҳнат муносабатлари вазирлиги, Ахборот технологиялари ва коммуникацияларини ривожлантириш вазирлиги, «Ўзархив» агентлиги
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 10 ноябрь,
ПҚ-419-сон
Oʻzbekiston Respublikasi Prezidentining
Qarori
ROʻYXATI
“YOʻL XARITASI”
Hisobot taqdim etish va arxiv hujjatlarini saqlash tartib-taomillarini maqbullashtirish chora-tadbirlari toʻgʻrisida
Oʻzbekiston Respublikasi Prezidentining joriy yil 22-avgust kuni tadbirkorlar bilan oʻtkazgan ochiq muloqoti doirasida belgilangan ustuvor vazifalar ijrosini taʼminlash, shuningdek, moliyaviy, soliq va statistika hisobot turlarini qisqartirish, hujjatlarni saqlash va davlat idoralariga topshirish amaliyotini zamonaviy talablar asosida takomillashtirish maqsadida:
1. Shunday tartib oʻrnatilsinki, unga muvofiq:
yuridik shaxslar tomonidan 2022-yil 1-yanvardan keyin hisoblangan jismoniy shaxslarning ish haqi va boshqa daromadlari hamda ular boʻyicha hisoblangan soliq summalari toʻgʻrisidagi arxiv hujjatlarini saqlash hamda davlat yoki nodavlat arxivlariga topshirish majburiyati bekor qilinadi;
yuridik shaxslar 2022-yil 1-yanvardan boshlab davlat soliq xizmati va statistika organlariga elektron tarzda topshirilgan moliyaviy, soliq va statistika hisobotlarini, shuningdek, soliq organining avtomatlashtirilgan axborot tizimlari orqali elektron shaklda rasmiylashtirilgan hujjatlarni saqlash hamda davlat yoki nodavlat arxivlariga topshirish majburiyatidan ozod etiladi;
2023-yil 1-yanvardan boshlab buxgalteriya hisobi subyektlari tomonidan moliyaviy hisobotlarni soliq va statistika organlariga har chorakda taqdim etish talabi bekor qilinadi;
2023-yildan 2026-yil 1-yanvarga qadar aylanmadan olinadigan soliqni qatʼiy belgilangan soliq stavkasi boʻyicha toʻlaydigan tadbirkorlik subyektlari yillik moliyaviy hisobotlarni soliq organlariga topshirish majburiyatidan ozod etiladi.
2. 2023-yil 1-yanvardan boshlab 1-ilovaga muvofiq statistik hisobot turlari bekor qilinsin.
Davlat statistika qoʻmitasi:
mazkur bandga asosan bekor qilinayotgan statistik hisobot turlarida nazarda tutilgan statistik maʼlumotlarning statistika dasturlariga muvofiq tegishli vazirlik va idoralarning maʼmuriy maʼlumotlari asosida shakllantirilishini taʼminlasin;
ikki oy muddatda barcha turdagi statistika hisobotlarining maqsadga muvofiqligi, ularni soddalashtirish va topshirish muddatlarini qayta koʻrib chiqish boʻyicha takliflarni Oʻzbekiston Respublikasi Prezidenti Administratsiyasiga kiritsin.
3. Moliya vazirligi ikki oy muddatda tadbirkorlik subyektlariga tegishli tovar-moddiy zaxiralar va pul mablagʻlari hamda ish beruvchining xodimlar bilan bogʻliq boʻlgan ichki xoʻjalik operatsiyalari boʻyicha texnik vositalar hamda axborot tizimlari yordamida qatnashchilarni identifikatsiyalashni taʼminlagan holda tuzilgan hisob hujjatlari elektron shaklda yuritilishi uchun zarur shart-sharoitlarni yaratsin.
4. 2023-yil 1-maydan boshlab quyidagilarga:
tijorat banklariga ariza beruvchini masofadan turib identifikatsiya qilish uchun zarur shart-sharoitlar mavjud boʻlganda, taʼsischilari Oʻzbekiston Respublikasi rezidentlari boʻlgan yuridik shaxslar hamda yakka tartibdagi tadbirkorlarga bank hisobvaragʻini masofadan turib ochishga;
yuridik shaxslarga elektr energiyasi, tabiiy gaz, issiq suv, ichimlik suv taʼminoti, oqova suv va telekommunikatsiya xizmatlari koʻrsatish boʻyicha shartnomalarni, ularning isteʼmoli toʻgʻrisidagi hisobotlarni va kelgusi davr uchun shartnomaviy miqdorlar toʻgʻrisidagi bir martalik va davriy hujjatlarni elektron shaklda rasmiylashtirishga ruxsat etilsin.
5. 2023-yil 1-yanvardan boshlab nodavlat arxivlarni davlat va nodavlat arxivlari reyestriga kiritish hamda hujjatlarni elektron arxivlash (saqlash) xizmatlarini koʻrsatuvchi nodavlat arxivlarning maʼlumotlar uzatish tarmoqlari xizmatlarini koʻrsatish uchun litsenziya olish talabi xabardor qilish tartibini joriy etish orqali bekor qilinsin.
6. Hisobot taqdim etish va arxiv hujjatlarini saqlash tartib-taomillarini maqbullashtirish boʻyicha “yoʻl xaritasi” 2-ilovaga muvofiq tasdiqlansin.
7. “Oʻzarxiv” agentligi:
Axborotlashtirish va telekommunikatsiyalar sohasida nazorat boʻyicha davlat inspeksiyasi huzuridagi “Axborot texnologiyalari va axborot resurslarini rivojlantirish markazi” davlat unitar korxonasi va Axborot texnologiyalari va kommunikatsiyalarini rivojlantirish vazirligi bilan birgalikda 2024-yil 1-yanvarga qadar “Arxiv” axborot tizimini tegishli vazirlik va idoralarning axborot tizimlari va maʼlumotlar bazalari bilan belgilangan tartibda integratsiya qilgan holda tadbirkorlik subyektlarining dasturiy taʼminot vositasida jamlangan hujjatlarini elektron koʻrinishda qabul qilish, saqlash hamda soʻrovga koʻra taqdim etish amaliyotini yoʻlga qoʻysin;
mazkur qarorning 1-bandiga asosan davlat arxiviga topshirish bekor qilinayotgan arxiv hujjatlarining davlat soliq xizmati va statistika organlari maʼlumotlari asosida shakllantirilishini taʼminlasin.
8. Moliya vazirligi, Davlat soliq qoʻmitasi, Davlat statistika qoʻmitasi, “Oʻzarxiv” agentligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov, Davlat soliq qoʻmitasi raisi Sh.D. Kudbiyev hamda Tadbirkorlik subyektlarining huquqlari va qonuniy manfaatlarini himoya qilish boʻyicha vakil D.S. Kasimov belgilansin.
Qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 10-noyabrdagi PQ-419-son qaroriga 1-ILOVA
2023-yil 1-yanvardan boshlab bekor qilinadigan statistik hisobot turlari
T/r Statistika hisoboti nomi Davriyligi Maʼlumotni shakllantirish manbai 1. 1-birja shakli — “Birja faoliyati toʻgʻrisida hisobot” Yillik “Respublika koʻp tarmoqli agrosanoat birjasi” AJ, “Oʻzbekiston Respublika valyuta birjasi” AJ, “Oʻzbekiston Respublikasi tovar-xom ashyo birjasi” AJ, “Toshkent” Respublika fond birjasi” AJ 2. 1-msh shakli — “Mehnat sharoitlari ahvoli toʻgʻrisida hisobot” Yillik Bandlik va mehnat munosabatlari vazirligi 3. 1-nh shakli — “Hisoblangan ish haqi miqdori boʻyicha xodimlar sonining taqsimlanishi toʻgʻrisida hisobot” Yillik Davlat soliq qoʻmitasi 4. 1-temir yoʻl (umumfoydalanadigan) — “Umumiy foydalanishdagi temir yoʻl transporti xizmatlari toʻgʻrisida hisobot” Yillik “Oʻzbekiston temir yoʻllari” AJ 5. 1-tb shakli — “Tijorat banki faoliyati toʻgʻrisida hisobot” Yillik Markaziy bank 6. 1-sugʻurta shakli — “Sugʻurta tashkiloti faoliyati toʻgʻrisida hisobot” Yillik Moliya vazirligi huzuridagi Sugʻurta bozorini rivojlantirish agentligi 7. 1-kb (qm) (1-kb shakliga ilova) — “Kichik qurilish tashkilotlari va mikrofirmalarda mavjud qurilish mashina va mexanizmlari toʻgʻrisidagi hisobot” Yillik Qurilish vazirligi 8. 4-quvur yoʻli — “Quvur yoʻli transporti faoliyati toʻgʻrisida hisobot” Choraklik “ Oʻztransgaz ” AJ , “Asia Trans Gas” MCHJ 9. 4-meva-sabzavot — “Meva-sabzavot mahsulotlari xaridi toʻgʻrisida hisobot” Choraklik “Oʻzbekoziqovqatzaxira” uyushmasi va “Oʻzagroeksport” AJ
Oʻzbekiston Respublikasi Prezidentining 2022-yil 10-noyabrdagi PQ-419-son qaroriga 2-ILOVA
Hisobot taqdim etish va arxiv hujjatlarini saqlash tartib-taomillarini maqbullashtirish boʻyicha
T/r Chora-tadbirlar nomi Amalga oshirish mexanizmi Bajarish muddati Ijro uchun masʼullar 1. Statistika hisobotlarini vazirlik va idoralar tomonidan yuritiladigan, shu jumladan moliyaviy va soliq hisoboti boʻyicha maʼlumotlar bazalarini integratsiya qilish orqali maqbullashtirish. 1. Malakali mutaxassislardan iborat Idoralararo ishchi guruh tuzish. 2022-yil noyabr Davlat statistika qoʻmitasi, Moliya vazirligi , Davlat soliq qoʻmitasi, Bandlik va mehnat munosabatlari vazirligi, manfaatdor vazirlik va idoralar 2. Ishchi guruh tomonidan vazirlik va idoralarning maʼlumotlar bazalaridagi hamda hisobotlaridagi maʼlumotlar roʻyxati, ularni shakllantirish (toʻplash, umumlashtirish, qayta ishlash) uslubiyati, manbalarini xatlovdan oʻtkazish. 2023-yil yanvar 3. Mavjud maʼlumotlardan rasmiy statistika uslubiyatiga mos keluvchi maʼlumotlar roʻyxatini shakllantirish va ularni taqdim etish shakllarini belgilash. 2023-yil may 4. Shakllantirilgan roʻyxatdagi maʼlumotlarning kelgusi yil uchun Statistika dasturi doirasida tegishli vazirlik va idoralar tomonidan taqdim etilishini tashkil etish maqsadida ularni integratsiya asosida uzatish boʻyicha Texnik yoʻriqnomalar ishlab chiqish va tasdiqlash. 2023-yil iyun 5. Texnik yoʻriqnoma asosida tegishli integratsiyani yoʻlga qoʻyish. 2023-yil sentabr 2. Elektron hujjatlarni saqlash, arxivga topshirish va ular aylanishini raqamlashtirish. 1. Tadbirkorlik subyektlari uchun arxiv hujjatlarining toʻliqligiga, ularni hisobga olish va saqlashga qoʻyiladigan talablarni soddalashtirish, shu jumladan, muddatlarni qayta koʻrib chiqish va uzoq muddat saqlanishi lozim boʻlgan arxiv hujjatlari turlarini qisqartirish. 2022-yil dekabr “Oʻzarxiv” agentligi 2. Nodavlat elektron arxivlar tashkil etish bilan bogʻliq boʻlgan tartib-taomillarni soddalashtirish yuzasidan hukumat qarori loyihasini ishlab chiqib, Vazirlar Mahkamasiga kiritish. 2022-yil dekabr 3. Tadbirkorlik subyektlari tomonidan ishonchnomalarni rasmiylashtirish jarayonlarini soddalashtirish. Elektron ishonchnoma berishda talab qilinadigan majburiy rekvizitlarni kamaytirish. 2023-yil yanvar Davlat soliq qoʻmitasi, Moliya vazirligi 4. Tashuvchilarning yuk avtomobillari uchun yoʻl varaqalari, tovar-transport yukxatlarini rasmiylashtirish tartibini takomillashtirish. 1. Tashuvchilarning yuk avtomobillari uchun yoʻl varaqalari, tovar-transport yukxatlarini tayyorlash, hisobga olish, toʻldirish va qayta ishlash boʻyicha yoʻriqnomani elektron hujjat shaklida rasmiylashtirish imkoniyatini hisobga olgan holda qayta koʻrib chiqish. 2023-yil yanvar Transport vazirligi, Davlat soliq qoʻmitasi, Ichki ishlar vazirligi 2. Tovar-transport yukxatlari aylanishiga oid hukumat qarori loyihasini ishlab chiqib, tasdiqlash uchun Vazirlar Mahkamasiga kiritish. 2023-yil aprel 5. Bir nechta alohida boʻlinmalarga ega boʻlgan yuridik shaxslarning jismoniy shaxslardan olinadigan daromad soligʻini toʻlash tartibini soddalashtirish. Yirik soliq toʻlovchilar tomonidan toʻlanadigan jismoniy shaxslardan olinadigan daromad soligʻini ushbu va boshqa tumanda (shaharda) ishlovchilarning haqiqiy sonidan kelib chiqib avtomatlashtirilgan tarzda taqsimlash mexanizmini yaratish. 2023-yil mart Davlat soliq qoʻmitasi, Moliya vazirligi 6. Aliment va boshqa ijro hujjatlarini ijro etish va nazorat qilish tizimini raqamlashtirish. Aliment va boshqa majburiyatlarni yagona axborot tizimi orqali ijro etish va nazorat qilishni taʼminlash. 2023-yil yanvar Bosh prokuratura huzuridagi Majburiy ijro byurosi 7. “Yagona milliy mehnat tizimi” idoralararo dasturiy-apparat kompleksi elektron axborot tizimini tashkilotlar xodimlarining shaxsiy tarkibi toʻgʻrisidagi maʼlumotlar bazasini shakllantirish orqali optimallashtirish. 1. “Yagona milliy mehnat tizimi” idoralararo dasturiy-apparat kompleksining dasturiy taʼminotini, xodimlarning shaxsiy tarkibi toʻgʻrisidagi maʼlumotlarni kiritish nuqtai nazaridan takomillashtirish. 2. “Yagona milliy mehnat tizimi” idoralararo dasturiy-apparat kompleksini tashkilotlarning tegishli axborot tizimlari va “Elektron arxiv” tizimi bilan bosqichma-bosqich integratsiya qilish. 2023-yil iyul Bandlik va mehnat munosabatlari vazirligi, Axborot texnologiyalari va kommunikatsiyalarini rivojlantirish vazirligi, “Oʻzarxiv” agentligi
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 10-noyabr,
PQ-419-son
Президента Республики Узбекистан
Постановление
ПЕРЕЧЕНЬ
«ДОРОЖНАЯ КАРТА»
О мерах по оптимизации процедур представления отчетов и хранения архивных документов
В целях обеспечения реализации приоритетных задач, определенных в рамках открытого диалога Президента Республики Узбекистан с предпринимателями, проведенного 22 августа текущего года, а также сокращения видов финансовой, налоговой и статистической отчетности, совершенствования практики хранения и передачи в государственные органы документов на основе современных требований:
1. Установить порядок, в соответствии с которым:
отменяется обязательство по хранению и передаче в государственные или негосударственные архивы архивных документов о начисленной юридическими лицами заработной плате и иных доходах физических лиц после 1 января 2022 года, а также суммах начисленных по ним налогов;
юридические лица освобождаются от обязательства по хранению и передаче в государственные или негосударственные архивы финансовых, налоговых и статистических отчетов, представленных начиная с 1 января 2022 года в органы государственной налоговой службы и статистики в электронной форме, а также документов, оформленных в электронной форме через автоматизированные информационные системы налогового органа;
начиная с 1 января 2023 года отменяется требование ежеквартального представления в налоговые и статистические органы финансовых отчетов субъектами бухгалтерского учета;
субъекты предпринимательства, уплачивающие налог с оборота по фиксированной налоговой ставке, на период с 2023 года до 1 января 2026 года освобождаются от обязательства по представлению годовых финансовых отчетов в налоговые органы.
2. Начиная с 1 января 2023 года отменить виды статистической отчетности согласно приложению № 1 .
Государственному комитету по статистике:
обеспечить формирование статистических данных, предусмотренных в отменяемых видах статистической отчетности согласно настоящему пункту, на основе административных данных соответствующих министерств и ведомств в соответствии со статистическими программами;
внести в двухмесячный срок в Администрацию Президента Республики Узбекистан предложения о целесообразности всех видов статистической отчетности, упрощении и пересмотре сроков их передачи.
3. Министерству финансов в двухмесячный срок создать необходимые условия по ведению в электронной форме учетных документов, составленных с помощью технических средств и информационных систем, с обеспечением идентификации участников, по товарно-материальным резервам и денежным средствам субъектов предпринимательства, а также внутрихозяйственным операциям работодателей, связанным с работниками.
4. Начиная с 1 мая 2023 года разрешить:
коммерческим банкам — дистанционное открытие банковского счета юридическим лицам и индивидуальным предпринимателям, учредители которых являются резидентами Республики Узбекистан, при наличии необходимых условий дистанционной идентификации заявителя;
юридическим лицам — оформление в электронной форме договоров по обеспечению электроэнергией, природным газом, горячей водой, питьевым водоснабжением, оказанию услуг канализации и телекоммуникации, отчетов об их потреблении, разовых и периодических документов по договорной величине на очередной период.
5. Отменить с 1 января 2023 года требование о включении негосударственных архивов в реестр государственных и негосударственных архивов, а также получении негосударственными архивами, оказывающими услуги по электронному архивированию (хранению) документов, лицензии на оказание услуг сетей передачи данных путем внедрения уведомительного порядка.
6. Утвердить «Дорожную карту» по оптимизации процедур представления отчетов и хранения архивных документов согласно приложению № 2 .
7. Агентству «Узархив» обеспечить:
до 1 января 2024 года совместно с Государственным унитарным предприятием «Центр развития информационных технологий и информационных ресурсов» при Государственной инспекции по контролю в сфере информатизации и телекоммуникаций и Министерством по развитию информационных технологий и коммуникаций внедрение практики приема, хранения и представления на основании запроса в электронной форме документов субъектов предпринимательства, аккумулированных посредством программного обеспечения, путем интеграции информационной системы «Архив» с информационными системами и базами данных соответствующих министерств и ведомств в установленном порядке;
формирование архивных документов, передача которых в государственный архив отменяется согласно пункту 1 настоящего постановления, на основании сведений органов государственной налоговой службы и статистики.
8. Министерству финансов, Государственному налоговому комитету, Государственному комитету по статистике, Агентству «Узархив» совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на министра финансов Т.А. Ишметова, председателя Государственного налогового комитета Ш.Д. Кудбиева и Уполномоченного по защите прав и законных интересов субъектов предпринимательства Д.С. Косимова персональную ответственность за эффективную организацию исполнения настоящего постановления.
Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 10 ноября 2022 года № ПП-419
видов статистической отчетности, подлежащих отмене с 1 января 2023 года
№ Наименование статистической отчетности Периодичность Источник формирования данных 1. Форма 1 — биржа — «Отчет о биржевой деятельности» Годовая АО «Республиканская многоотраслевая агропромышленная биржа», АО «Валютная биржа Республики Узбекистан», АО «Узбекская республиканская товарно-сырьевая биржа», ОАО «Республиканская фондовая биржа «Ташкент» 2. Форма 1 мш — «Отчет о состоянии условий труда» Годовая Министерство занятости и трудовых отношений 3. Форма 1-нх — «Отчет о распределении численности работников по сумме начисленной заработной платы» Годовая Государственный налоговый комитет 4. Форма 1 — железная дорога (общего пользования) — «Отчет об услугах железнодорожного транспорта общего пользования» Годовая АО «Узбекистон темир йуллари» 5. Форма 1-тб — «Отчет о деятельности коммерческого банка» Годовая Центральный банк 6. Форма 1 — страхование — «Отчет о деятельности страховой организации» Годовая Агентство по развитию страхового рынка при Министерстве финансов 7. 1-кб (км) (приложение к форме 1-кб) — «Отчет об имеющихся строительных машинах и механизмах в малых строительных организациях и микрофирмах» Годовая Министерство строительства 8. 4-я трубопроводная дорога — «Отчет о деятельности трубопроводного транспорта» Квартальная АО «Узтрансгаз», ООО «Asia Trans Gas» 9. Форма 4 — плодоовощная — «Отчет о закупке плодоовощной продукции» Квартальная Ассоциация «Узбекозиквокатзахира» и АО «Узагроэкспорт»
ПРИЛОЖЕНИЕ № 2 к постановлению Президента Республики Узбекистан от 10 ноября 2022 года № ПП-419
по оптимизации процедур представления отчетов и хранения архивных документов
№ Наименование мер Механизм реализации Срок исполнения Ответственные исполнители 1. Оптимизация статистической отчетности путем интеграции базы данных министерств и ведомств, в том числе финансовой и налоговой отчетности. 1. Создание Межведомственной рабочей группы из числа квалифицированных специалистов. Ноябрь 2022 года Государственный комитет по статистике, Министерство финансов , Государственный налоговый комитет, Министерство занятости и трудовых отношений, заинтересованные министерства и ведомства 2. Проведение инвентаризации источников формирования информации в базах данных министерств и ведомств, а также в отчетности, их методологии составления (сбор, обобщение, обработка). Январь 2023 года 3. Формирование на базе имеющихся данных перечня информации, соответствующей методологии официальной статистики, и форм их представления. Май 2023 года 4. В целях организации представления соответствующими министерствами и ведомствами сформированного перечня данных в рамках Статистической программы на предстоящий год разработка и утверждение технических инструкций по их передаче на основе интеграции. Июнь 2023 года 5. Налаживание соответствующей интеграции на основе технической инструкции. Сентябрь 2023 года 2. Цифровизация документооборота, хранения и передачи в архив электронных документов. 1. Упрощение для субъектов предпринимательства требований по комплектованию, учету и хранению архивных документов, включая пересмотр сроков и сокращение видов архивных документов, подлежащих длительному хранению . Декабрь 2022 года Агентство «Узархив» 2. Разработка и внесение в Кабинет Министров проекта постановления об упрощении процедур, связанных с созданием негосударственных электронных архивов. Декабрь 2022 года 3. Упрощение процедур оформления доверенностей субъектами предпринимательства. Сокращение обязательных реквизитов, требуемых для оформления электронной доверенности. Январь 2023 года Государственный налоговый комитет, Министерство финансов 4. Совершенствование порядка оформления путевых листов, товарно-транспортных накладных для грузовых автомобилей перевозчиков. 1. Пересмотр инструкции по изготовлению, учету, заполнению и обработке путевых листов, товарно-транспортных накладных для грузовых автомобилей перевозчиков с учетом возможности их оформления в форме электронного документа. Январь 2023 года Министерство транспорта, Государственный налоговый комитет, Министерство внутренних дел 2. Разработка и внесение на утверждение в Кабинет Министров проекта постановления Правительства по обороту товарно-транспортных накладных . Апрель 2023 года 5. Упрощение для юридических лиц, имеющих несколько обособленных подразделений, порядка уплаты налога на доходы физических лиц. Создание механизма автоматического распределения налога на доходы физических лиц, уплачиваемого крупными налогоплательщиками, исходя из фактической численности его работников в данном и другом районе (городе). Март 2023 года Государственный налоговый комитет, Министерство финансов 6. Цифровизация системы исполнения и контроля алиментных и других исполнительных документов. Обеспечение исполнения и контроля алиментных и иных обязательств через единую информационную систему. Январь 2023 года Бюро принудительного исполнения при Генеральной прокуратуре 7. Оптимизация электронной информационной системы межведомственного аппаратно-программного комплекса «Единая национальная система труда» путем формирования базы данных по личному составу работников организаций. 1. Совершенствование программного обеспечения межведомственного аппаратно-программного комплекса «Единая национальная система труда» в части внесения информации по личному составу работников. 2. Проведение поэтапной интеграции межведомственного аппаратно-программного комплекса «Единая национальная система труда» с соответствующими информационными системами организаций и системой «Электронный архив». Июль 2023 года Министерство занятости и трудовых отношений, Министерство по развитию информационных технологий и коммуникаций, Агентство «Узархив»
Президент Республики Узбекистан Ш. МИРЗИЁЕВ
г. Ташкент,
10 ноября 2022 г.,
№ ПП-419