📅 2022-yil 8-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 8 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 8 ноября 2022 г. · Указы Президента
Официальный текст. Официальный документ. Редакционные примечания не включены.
📅 8 November 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
НИЗОМ
ТАВСИФИ
«Ўзбекистон Конституциясининг 30 йиллиги» эсдалик нишонини таъсис этиш тўғрисида
Ўзбекистон Республикаси Конституцияси халқимиз сиёсий-ҳуқуқий тафаккурининг ёрқин ифодаси сифатида демократик давлат ва кучли фуқаролик жамиятини барпо этиш, аҳолининг эркин ва обод турмушини таъминлаш, мамлакатнинг халқаро майдондаги обрў-эътиборини юксалтириш ҳамда барча соҳаларда ислоҳотларни муваффақиятли амалга оширишда мустаҳкам пойдевор бўлиб хизмат қилмоқда.
Юртимиз тараққиётининг янги босқичида халқимизнинг тинч ва фаровон ҳаёти учун ишончли кафолат бўлган Бош қомусимизни бугунги давр талабларига мос ҳолда, энг муҳими, фуқароларимиз хоҳиш-иродаси ва фикри ҳамда мамлакатимизда олиб борилаётган ислоҳотларнинг бош мақсади бўлган «Инсон — жамият — давлат» тамойили асосида ҳақиқий халқ Конституциясига айлантириш ишлари изчил амалга оширилмоқда.
Ўзбекистон Республикаси Конституцияси қабул қилинганининг 30 йиллиги муносабати билан, шунингдек, мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини юксалтириш, мудофаа қудратини оширишга муносиб ҳисса қўшиб келаётган юртдошларимизни тақдирлаш мақсадида:
1. «Ўзбекистон Конституциясининг 30 йиллиги» эсдалик нишони таъсис этилсин.
2. Белгилансинки:
«Ўзбекистон Конституциясининг 30 йиллиги» эсдалик нишони билан мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини юксалтириш, мудофаа қудратини ошириш, давлатимиз сарҳадларининг дахлсизлигини таъминлаш, тинчлик ва барқарорликни, миллатлараро дўстлик ва тотувликни асраш, Янги Ўзбекистонда демократик ислоҳотларни чуқурлаштириш, инсон ҳуқуқлари ва эркинликлари, қадр-қиммати улуғланадиган адолатли фуқаролик жамиятини барпо этиш, Асосий Қонунимизнинг ҳаётимиздаги ўрни ва аҳамиятини кенг тарғиб қилиш, ёш авлодни қонунга ҳурмат, Ватанга меҳр ва садоқат руҳида тарбиялаш ишларига муносиб ҳисса қўшиб келаётган барча соҳа вакиллари, меҳнат фахрийлари, ҳарбий хизматчилар ва ҳуқуқни муҳофаза қилувчи органлар ходимлари ҳамда бошқа шахслар тақдирланади;
«Ўзбекистон Конституциясининг 30 йиллиги» эсдалик нишони билан Ўзбекистон Республикаси фуқароси бўлмаган шахслар ҳам тақдирланиши мумкин.
3. «Ўзбекистон Конституциясининг 30 йиллиги» эсдалик нишонининг низоми ва тавсифи 1 ва 2-иловаларга мувофиқ тасдиқлансин.
4. Вазирлар Маҳкамаси (А. Арипов) бир ой муддатда:
«Ўзбекистон Конституциясининг 30 йиллиги» эсдалик нишонлари ва уларнинг гувоҳномалари белгиланган тартибда тайёрланишини таъминласин;
«Ўзбекистон Конституциясининг 30 йиллиги» эсдалик нишони билан тақдирлаш учун номзодлар бўйича таклифларни тўплаш ва умумлаштириш ишларини ташкил этсин.
5. Вазирликлар, идоралар, жамоат бирлашмалари ва бошқа республика органлари раҳбарлари, Қорақалпоғистон Республикаси Жўқорғи Кенгеси раиси, вилоятлар ва Тошкент шаҳар ҳокимлари «Ўзбекистон Конституциясининг 30 йиллиги» эсдалик нишонлари Конституция қабул қилинган кун муносабати билан жойларда ўтказиладиган тадбирларда тантанали вазиятда топширилишини ташкил этсин.
6. Белгилаб қўйилсинки, «Ўзбекистон Конституциясининг 30 йиллиги» эсдалик нишонлари ва уларнинг гувоҳномаларини тайёрлаш билан боғлиқ харажатлар Вазирлар Маҳкамасининг захира жамғармаси маблағлари ҳисобидан қопланади.
Молия вазирлиги (Т. Ишметов) мазкур бандда назарда тутилган тадбирлар билан боғлиқ сарф-харажатлар учун Вазирлар Маҳкамасининг захира жамғармасидан зарур маблағлар ажратилишини таъминласин.
7. Ахборот ва оммавий коммуникациялар агентлиги Ўзбекистон Миллий ахборот агентлиги ва Ўзбекистон Миллий телерадиокомпанияси билан биргаликда «Ўзбекистон Конституциясининг 30 йиллиги» эсдалик нишони билан тақдирлашга бағишланган тадбирларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
8. Ушбу Фармоннинг ижросини назорат қилиш Ўзбекистон Республикаси Президенти Администрацияси раҳбари С.У. Умурзаков зиммасига юклансин.
Ўзбекистон Республикаси Президентининг 2022 йил 8 ноябрдаги ПФ-243-сон Фармонига 1-ИЛОВА
«Ўзбекистон Конституциясининг 30 йиллиги» эсдалик нишони тўғрисидаги
1. «Ўзбекистон Конституциясининг 30 йиллиги» эсдалик нишони билан мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини юксалтириш, мудофаа қудратини ошириш, давлатимиз сарҳадларининг дахлсизлигини таъминлаш, тинчлик ва барқарорликни, миллатлараро дўстлик ва тотувликни асраш, Янги Ўзбекистонда демократик ислоҳотларни чуқурлаштириш, инсон ҳуқуқлари ва эркинликлари, қадр-қиммати улуғланадиган адолатли фуқаролик жамиятини барпо этиш, Асосий Қонунимизнинг ҳаётимиздаги ўрни ва аҳамиятини кенг тарғиб қилиш, ёш авлодни қонунга ҳурмат, Ватанга меҳр ва садоқат руҳида тарбиялаш ишларига муносиб ҳисса қўшиб келаётган барча соҳа вакиллари, меҳнат фахрийлари, ҳарбий хизматчилар ва ҳуқуқни муҳофаза қилувчи органлар ходимлари ҳамда бошқа шахслар тақдирланади.
2. «Ўзбекистон Конституциясининг 30 йиллиги» эсдалик нишони билан Ўзбекистон Республикаси фуқароси бўлмаган шахслар ҳам тақдирланиши мумкин.
3. «Ўзбекистон Конституциясининг 30 йиллиги» эсдалик нишони Ўзбекистон Республикаси Президенти ёки унинг номидан Олий Мажлис Сенатининг Раиси, Олий Мажлис Қонунчилик палатасининг Спикери, Бош вазир, вазирликлар, идоралар, жамоат бирлашмалари ва бошқа республика органлари раҳбарлари, Қорақалпоғистон Республикаси Жўқорғи Кенгеси раиси, вилоятлар ва Тошкент шаҳар ҳокимлари, шунингдек, шу ишга вакил қилинган бошқа шахслар томонидан тантанали вазиятда топширилади.
Мукофотланганларга эсдалик нишони билан бирга унинг гувоҳномаси берилади.
4. «Ўзбекистон Конституциясининг 30 йиллиги» эсдалик нишони кўкракнинг чап томонига давлат мукофотларидан кейин тақилади.
Ўзбекистон Республикаси Президентининг 2022 йил 8 ноябрдаги ПФ-243-сон Фармонига 2-ИЛОВА
«Ўзбекистон Конституциясининг 30 йиллиги» эсдалик нишонининг
«Ўзбекистон Конституциясининг 30 йиллиги» эсдалик нишони 0,25 микрон қалинликда олтин билан қопланган мис қотишмасидан тайёрланади ва диаметри 34 миллиметрли доира шаклида бўлади. Эсдалик нишонининг умумий баландлиги 54 миллиметрни ташкил этади.
Эсдалик нишонининг қалинлиги — 2,2 миллиметр, олд ва орқа томонларининг четлари қабариқ доира билан ўралган.
Эсдалик нишонининг олд томони марказида миллий нақшлар фонида қонунийлик ва адолат тимсоли бўлган тарози ва очиқ ҳолатдаги китоб — Ўзбекистон Республикаси Конституцияси рамзий маънода акс эттирилган. Китоб тасвирининг ичида баландлиги 8,6 миллиметр бўлган «30», пастки қисмида эса баландлиги 2,5 миллиметрли «YILLIGI» ёзуви жойлашган.
Китоб тасвири ортида давлатимиз суверенитети ҳамда чегараларимиз дахлсизлигини ифода этувчи миллий нақшдаги мустаҳкам дарвоза акс эттирилган.
Эсдалик нишони айланаси миллий нақшлар билан безатилган бўлиб, унинг юқори қисмида «OʻZBEKISTON», пастки қисмида «KONSTITUTSIYASINING» сўзлари ёзилган. Ёзувлар ва тасвирлар зарҳал рангда бўлиб, ҳарфларнинг баландлиги 1,8 миллиметрни ташкил этади.
Эсдалик нишонининг орқа томонида Ўзбекистон Республикаси Давлат герби тасвирланган.
Эсдалик нишони Ўзбекистон Республикаси Давлат байроғи рангларидаги шойи лента билан қопланган тўғри тўртбурчак шаклидаги қадағичга илгакчалар ва ҳалқача ёрдамида уланган. Қадағичнинг бўйи — 16 миллиметр, эни — 25 миллиметр.
Қадағичнинг орқа томонига эсдалик нишонини кийимга тақиб қўйиш учун тўғноғич кўринишидаги мослама ўрнатилган.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 8 ноябрь,
ПФ-243-сон
Oʻzbekiston Respublikasi Prezidentining
Farmoni
NIZOM
TAVSIFI
“Oʻzbekiston Konstitutsiyasining 30 yilligi” esdalik nishonini taʼsis etish toʻgʻrisida
Oʻzbekiston Respublikasi Konstitutsiyasi xalqimiz siyosiy-huquqiy tafakkurining yorqin ifodasi sifatida demokratik davlat va kuchli fuqarolik jamiyatini barpo etish, aholining erkin va obod turmushini taʼminlash, mamlakatning xalqaro maydondagi obroʻ-eʼtiborini yuksaltirish hamda barcha sohalarda islohotlarni muvaffaqiyatli amalga oshirishda mustahkam poydevor boʻlib xizmat qilmoqda.
Yurtimiz taraqqiyotining yangi bosqichida xalqimizning tinch va farovon hayoti uchun ishonchli kafolat boʻlgan Bosh qomusimizni bugungi davr talablariga mos holda, eng muhimi, fuqarolarimiz xohish-irodasi va fikri hamda mamlakatimizda olib borilayotgan islohotlarning bosh maqsadi boʻlgan “Inson — jamiyat — davlat” tamoyili asosida haqiqiy xalq Konstitutsiyasiga aylantirish ishlari izchil amalga oshirilmoqda.
Oʻzbekiston Respublikasi Konstitutsiyasi qabul qilinganining 30 yilligi munosabati bilan, shuningdek, mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, maʼnaviy salohiyatini yuksaltirish, mudofaa qudratini oshirishga munosib hissa qoʻshib kelayotgan yurtdoshlarimizni taqdirlash maqsadida:
1. “Oʻzbekiston Konstitutsiyasining 30 yilligi” esdalik nishoni taʼsis etilsin.
2. Belgilansinki:
“Oʻzbekiston Konstitutsiyasining 30 yilligi” esdalik nishoni bilan mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, maʼnaviy salohiyatini yuksaltirish, mudofaa qudratini oshirish, davlatimiz sarhadlarining daxlsizligini taʼminlash, tinchlik va barqarorlikni, millatlararo doʻstlik va totuvlikni asrash, Yangi Oʻzbekistonda demokratik islohotlarni chuqurlashtirish, inson huquqlari va erkinliklari, qadr-qimmati ulugʻlanadigan adolatli fuqarolik jamiyatini barpo etish, Asosiy Qonunimizning hayotimizdagi oʻrni va ahamiyatini keng targʻib qilish, yosh avlodni qonunga hurmat, Vatanga mehr va sadoqat ruhida tarbiyalash ishlariga munosib hissa qoʻshib kelayotgan barcha soha vakillari, mehnat faxriylari, harbiy xizmatchilar va huquqni muhofaza qiluvchi organlar xodimlari hamda boshqa shaxslar taqdirlanadi;
“Oʻzbekiston Konstitutsiyasining 30 yilligi” esdalik nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
3. “Oʻzbekiston Konstitutsiyasining 30 yilligi” esdalik nishonining nizomi va tavsifi 1 va 2-ilovalarga muvofiq tasdiqlansin.
4. Vazirlar Mahkamasi (A. Aripov) bir oy muddatda:
“Oʻzbekiston Konstitutsiyasining 30 yilligi” esdalik nishonlari va ularning guvohnomalari belgilangan tartibda tayyorlanishini taʼminlasin;
“Oʻzbekiston Konstitutsiyasining 30 yilligi” esdalik nishoni bilan taqdirlash uchun nomzodlar boʻyicha takliflarni toʻplash va umumlashtirish ishlarini tashkil etsin.
5. Vazirliklar, idoralar, jamoat birlashmalari va boshqa respublika organlari rahbarlari, Qoraqalpogʻiston Respublikasi Joʻqorgʻi Kengesi raisi, viloyatlar va Toshkent shahar hokimlari “Oʻzbekiston Konstitutsiyasining 30 yilligi” esdalik nishonlari Konstitutsiya qabul qilingan kun munosabati bilan joylarda oʻtkaziladigan tadbirlarda tantanali vaziyatda topshirilishini tashkil etsin.
6. Belgilab qoʻyilsinki, “Oʻzbekiston Konstitutsiyasining 30 yilligi” esdalik nishonlari va ularning guvohnomalarini tayyorlash bilan bogʻliq xarajatlar Vazirlar Mahkamasining zaxira jamgʻarmasi mablagʻlari hisobidan qoplanadi.
Moliya vazirligi (T. Ishmetov) mazkur bandda nazarda tutilgan tadbirlar bilan bogʻliq sarf-xarajatlar uchun Vazirlar Mahkamasining zaxira jamgʻarmasidan zarur mablagʻlar ajratilishini taʼminlasin.
7. Axborot va ommaviy kommunikatsiyalar agentligi Oʻzbekiston Milliy axborot agentligi va Oʻzbekiston Milliy teleradiokompaniyasi bilan birgalikda “Oʻzbekiston Konstitutsiyasining 30 yilligi” esdalik nishoni bilan taqdirlashga bagʻishlangan tadbirlarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
8. Ushbu Farmonning ijrosini nazorat qilish Oʻzbekiston Respublikasi Prezidenti Administratsiyasi rahbari S.U. Umurzakov zimmasiga yuklansin.
Oʻzbekiston Respublikasi Prezidentining 2022-yil 8-noyabrdagi PF-243-son Farmoniga 1-ILOVA
“Oʻzbekiston Konstitutsiyasining 30 yilligi” esdalik nishoni toʻgʻrisidagi
1. “Oʻzbekiston Konstitutsiyasining 30 yilligi” esdalik nishoni bilan mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, maʼnaviy salohiyatini yuksaltirish, mudofaa qudratini oshirish, davlatimiz sarhadlarining daxlsizligini taʼminlash, tinchlik va barqarorlikni, millatlararo doʻstlik va totuvlikni asrash, Yangi Oʻzbekistonda demokratik islohotlarni chuqurlashtirish, inson huquqlari va erkinliklari, qadr-qimmati ulugʻlanadigan adolatli fuqarolik jamiyatini barpo etish, Asosiy Qonunimizning hayotimizdagi oʻrni va ahamiyatini keng targʻib qilish, yosh avlodni qonunga hurmat, Vatanga mehr va sadoqat ruhida tarbiyalash ishlariga munosib hissa qoʻshib kelayotgan barcha soha vakillari, mehnat faxriylari, harbiy xizmatchilar va huquqni muhofaza qiluvchi organlar xodimlari hamda boshqa shaxslar taqdirlanadi.
2. “Oʻzbekiston Konstitutsiyasining 30 yilligi” esdalik nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
3. “Oʻzbekiston Konstitutsiyasining 30 yilligi” esdalik nishoni Oʻzbekiston Respublikasi Prezidenti yoki uning nomidan Oliy Majlis Senatining Raisi, Oliy Majlis Qonunchilik palatasining Spikeri, Bosh vazir, vazirliklar, idoralar, jamoat birlashmalari va boshqa respublika organlari rahbarlari, Qoraqalpogʻiston Respublikasi Joʻqorgʻi Kengesi raisi, viloyatlar va Toshkent shahar hokimlari, shuningdek, shu ishga vakil qilingan boshqa shaxslar tomonidan tantanali vaziyatda topshiriladi.
Mukofotlanganlarga esdalik nishoni bilan birga uning guvohnomasi beriladi.
4. “Oʻzbekiston Konstitutsiyasining 30 yilligi” esdalik nishoni koʻkrakning chap tomoniga davlat mukofotlaridan keyin taqiladi.
Oʻzbekiston Respublikasi Prezidentining 2022-yil 8-noyabrdagi PF-243-son Farmoniga 2-ILOVA
“Oʻzbekiston Konstitutsiyasining 30 yilligi” esdalik nishonining
“Oʻzbekiston Konstitutsiyasining 30 yilligi” esdalik nishoni 0,25 mikron qalinlikda oltin bilan qoplangan mis qotishmasidan tayyorlanadi va diametri 34 millimetrli doira shaklida boʻladi. Esdalik nishonining umumiy balandligi 54 millimetrni tashkil etadi.
Esdalik nishonining qalinligi — 2,2 millimetr, old va orqa tomonlarining chetlari qabariq doira bilan oʻralgan.
Esdalik nishonining old tomoni markazida milliy naqshlar fonida qonuniylik va adolat timsoli boʻlgan tarozi va ochiq holatdagi kitob — Oʻzbekiston Respublikasi Konstitutsiyasi ramziy maʼnoda aks ettirilgan. Kitob tasvirining ichida balandligi 8,6 millimetr boʻlgan “30”, pastki qismida esa balandligi 2,5 millimetrli “YILLIGI” yozuvi joylashgan.
Kitob tasviri ortida davlatimiz suvereniteti hamda chegaralarimiz daxlsizligini ifoda etuvchi milliy naqshdagi mustahkam darvoza aks ettirilgan.
Esdalik nishoni aylanasi milliy naqshlar bilan bezatilgan boʻlib, uning yuqori qismida “OʻZBEKISTON”, pastki qismida “KONSTITUTSIYASINING” soʻzlari yozilgan. Yozuvlar va tasvirlar zarhal rangda boʻlib, harflarning balandligi 1,8 millimetrni tashkil etadi.
Esdalik nishonining orqa tomonida Oʻzbekiston Respublikasi Davlat gerbi tasvirlangan.
Esdalik nishoni Oʻzbekiston Respublikasi Davlat bayrogʻi ranglaridagi shoyi lenta bilan qoplangan toʻgʻri toʻrtburchak shaklidagi qadagʻichga ilgakchalar va halqacha yordamida ulangan. Qadagʻichning boʻyi — 16 millimetr, eni — 25 millimetr.
Qadagʻichning orqa tomoniga esdalik nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 8-noyabr,
PF-243-son
Президента Республики Узбекистан
Указ
ПОЛОЖЕНИЕ
ОПИСАНИЕ
Об учреждении памятного знака «Ўзбекистон Конституциясининг 30 йиллиги»
Конституция Республики Узбекистан как яркое проявление политико-правового сознания нашего народа служит прочным фундаментом для построения демократического государства и сильного гражданского общества, обеспечения свободной и благоустроенной жизни населения, повышения авторитета нашего государства на международной арене, а также успешной реализации реформ во всех сферах.
На новом этапе развития страны в соответствии с требованиями сегодняшнего дня и, самое важное, на основе воли и мнений наших граждан, а также принципа «Человек — общество — государство», являющегося главной целью проводимых в стране реформ, осуществляется последовательная работа с тем, чтобы наш Основной закон, надежный гарант мирной и благополучной жизни народа, стал подлинно народной Конституцией .
В связи с 30-й годовщиной принятия Конституции Республики Узбекистан, а также в целях награждения соотечественников, вносящих достойный вклад в укрепление независимости нашей страны, повышение ее экономического, политического, социального, научного, духовного потенциала, оборонной мощи:
1. Учредить памятный знак «Ўзбекистон Конституциясининг 30 йиллиги».
2. Установить, что:
памятным знаком «Ўзбекистон Конституциясининг 30 йиллиги» награждаются представители всех сфер, ветераны труда, военнослужащие и сотрудники правоохранительных органов, а также другие лица, внесшие достойный вклад в укрепление независимости нашей страны, повышение ее экономического, политического, социального, научного, духовного потенциала, оборонной мощи, обеспечение неприкосновенности границ нашего государства, сохранение мира и стабильности, межнациональной дружбы и согласия, углубление демократических реформ в Новом Узбекистане, построение справедливого гражданского общества, в котором права, свободы, честь и достоинство человека являются высшей ценностью, широкую пропаганду роли и значения Основного закона в нашей жизни, воспитание молодого поколения в духе уважения к закону, любви и преданности Родине;
памятным знаком «Ўзбекистон Конституциясининг 30 йиллиги» могут награждаться и лица, не являющиеся гражданами Республики Узбекистан.
3. Утвердить положение и описание памятного знака «Ўзбекистон Конституциясининг 30 йиллиги» согласно приложениям №№ 1 и 2 .
4. Кабинету Министров (А. Арипов) в месячный срок:
обеспечить в установленном порядке изготовление памятных знаков «Ўзбекистон Конституциясининг 30 йиллиги» и удостоверений к ним;
организовать работу по сбору и обобщению предложений по кандидатам на награждение памятным знаком «Ўзбекистон Конституциясининг 30 йиллиги».
5. Руководителям министерств, ведомств, общественных объединений и других республиканских органов, председателю Жокаргы Кенеса Республики Каракалпакстан, хокимам областей и города Ташкента организовать на местах вручение памятных знаков «Ўзбекистон Конституциясининг 30 йиллиги» в торжественной обстановке на мероприятиях в честь дня принятия Конституции .
6. Определить, что расходы, связанные с изготовлением памятных знаков «Ўзбекистон Конституциясининг 30 йиллиги» и удостоверений к ним, покрываются за счет средств резервного фонда Кабинета Министров.
Министерству финансов (Т. Ишметов) обеспечить выделение из резервного фонда Кабинета Министров необходимых средств для расходов, связанных с мероприятиями, предусмотренными настоящим пунктом.
7. Агентству информации и массовых коммуникаций совместно с Национальным информационным агентством Узбекистана и Национальной телерадиокомпанией Узбекистана организовать работу по широкому освещению мероприятий, посвященных награждению памятным знаком «Ўзбекистон Конституциясининг 30 йиллиги», в средствах массовой информации, сети Интернет и социальных сетях.
8. Контроль за исполнением настоящего Указа возложить на руководителя Администрации Президента Республики Узбекистан С.У. Умурзакова.
ПРИЛОЖЕНИЕ № 1 к Указу Президента Республики Узбекистан от 8 ноября 2022 года № УП-243
о памятном знаке «Ўзбекистон Конституциясининг 30 йиллиги»
1. Памятным знаком «Ўзбекистон Конституциясининг 30 йиллиги» награждаются представители всех сфер, ветераны труда, военнослужащие и сотрудники правоохранительных органов, а также другие лица, внесшие достойный вклад в укрепление независимости нашей страны, повышение ее экономического, политического, социального, научного, духовного потенциала, оборонной мощи, обеспечение неприкосновенности границ нашего государства, сохранение мира и стабильности, межнациональной дружбы и согласия, углубление демократических реформ в Новом Узбекистане, построение справедливого гражданского общества, в котором права, свободы, честь и достоинство человека являются высшей ценностью, широкую пропаганду роли и значения Основного закона в нашей жизни, воспитание молодого поколения в духе уважения к закону, любви и преданности Родине.
2. Памятным знаком «Ўзбекистон Конституциясининг 30 йиллиги» могут награждаться и лица, не являющиеся гражданами Республики Узбекистан.
3. Вручение памятного знака «Ўзбекистон Конституциясининг 30 йиллиги» производится в торжественной обстановке Президентом Республики Узбекистан или от его имени Председателем Сената Олий Мажлиса Республики Узбекистан, Спикером Законодательной палаты Олий Мажлиса Республики Узбекистан, Премьер-министром Республики Узбекистан, руководителями министерств, ведомств, общественных объединений и других республиканских органов, председателем Жокаргы Кенеса Республики Каракалпакстан, хокимами областей и города Ташкента, другими уполномоченными на это лицами.
Вместе с памятным знаком награжденным вручается удостоверение к нему.
4. Памятный знак «Ўзбекистон Конституциясининг 30 йиллиги» носится на левой стороне груди после государственных наград.
ПРИЛОЖЕНИЕ № 2 к Указу Президента Республики Узбекистан от 8 ноября 2022 года № УП-243
памятного знака «Ўзбекистон Конституциясининг 30 йиллиги»
Памятный знак «Ўзбекистон Конституциясининг 30 йиллиги» изготавливается из медного сплава, покрытого золотом толщиной 0,25 микрона, и имеет форму круга диаметром 34 миллиметра. Общая высота памятного знака 54 миллиметра.
Толщина памятного знака — 2,2 миллиметра, края с лицевой и оборотной сторон знака окаймлены бортиком.
На лицевой стороне памятного знака, в центре, на фоне национального орнамента изображены весы, символизирующие справедливость и законность, а также раскрытая книга — Конституция Республики Узбекистан. Во внутренней части книги расположена надпись в две строки: «30» и «YILLIGI», высота букв 8,6 и 2,5 миллиметра соответственно.
За книгой изображены прочные резные ворота, украшенные национальным орнаментом, символизирующие суверенитет нашего государства и неприкосновенность границ.
По окружности памятный знак украшен национальным орнаментом, в ее верхней части расположена надпись «OʻZBEKISTON», а в нижней — «KONSTITUTSIYASINING». Надписи и изображения позолоченные. Высота букв 1,8 миллиметра.
На оборотной стороне памятного знака изображен Государственный герб Республики Узбекистан.
Памятный знак при помощи ушка и кольца соединяется с прямоугольной колодкой, покрытой шелковой лентой цветов Государственного флага Республики Узбекистан. Высота колодки — 16 миллиметров, ширина — 25 миллиметров.
На оборотной стороне колодки имеется приспособление в виде булавки для крепления памятного знака к одежде.
Президент Республики Узбекистан Ш. МИРЗИЁЕВ
г. Ташкент,
8 ноября 2022 г.,
№ УП-243