📅 2022-yil 17-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 17 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 ноября 2022 г. · Постановления Президента
Официальный текст. Официальный документ. Редакционные примечания не включены.
📅 17 November 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қурилиш лойиҳаларини амалга оширишда назорат механизмларини такомиллаштириш, жараённинг очиқлиги ва шаффофлигини янада ошириш чора-тадбирлари тўғрисида
Давлат бюджетидан ажратилаётган маблағларнинг мақсадли ва самарали сарфланишини таъминлаш, замонавий ахборот-коммуникация технологияларини кенг жорий этиш орқали қурилиш устидан давлат ва жамоатчилик назорати механизмларини такомиллаштириш, очиқлик ва шаффофликни таъминлаш мақсадида:
1. 2023 йил 1 январдан бошлаб Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига ва Давлат бюджети маблағлари ҳисобидан амалга ошириладиган дастурларга (кейинги ўринларда — Дастурлар) киритилган лойиҳалар, шунингдек, ташаббусли бюджетлаштириш жараёнлари асосида молиялаштириладиган қурилиш-таъмирлаш ишлари бўйича лойиҳалар (кейинги ўринларда — Лойиҳалар) доирасида:
объектларнинг бош лойиҳа-қидирув ва бош қурилиш-пудрат ташкилотлари Қурилиш вазирлигининг «Шаффоф қурилиш» миллий ахборот тизимида инсон омилисиз ўтказиладиган электрон тендер (танлов) савдолари орқали аниқланиши таъминлансин;
«Шаффоф қурилиш» миллий ахборот тизимида ўтказилган тендер (танлов) савдолари якуни, шунингдек, қонунчилик ҳужжатларига мувофиқ тўғридан-тўғри музокаралар бўйича буюртмачи билан лойиҳа-қидирув ва қурилиш-пудрат ташкилотлари ўртасидаги лойиҳа-смета ҳужжатларини ишлаб чиқиш ва пудрат ишларини бажариш тўғрисидаги шартномалар мазкур тизимда электрон рақамли имзо орқали тузилсин ҳамда рўйхатдан ўтказиш ёки ҳисобга олиш учун Молия вазирлигининг Давлат молиясини бошқариш ахборот тизимига электрон шаклда юборилсин;
тасдиқланган манзилли рўйхатларга киритилган ҳар бир объект идентификация рақами берилган ҳолда, «Шаффоф қурилиш» миллий ахборот тизимига киритилсин ҳамда улар бўйича ҳар қандай ўзгартириш ёки қўшимчалар мазкур ахборот тизимида акс эттирилсин;
хавф-хатар тоифасидан қатъи назар, барча объектлар қурилиш-монтаж ишларини бошлаш учун ваколатли органда рўйхатдан ўтказилиши ва назоратга олиниши таъминлансин;
маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчиси, маҳалла фаоллари ва ёшлар етакчилари, оммавий ахборот воситалари ва бошқа жамоат ташкилотлари тегишли ҳудудда Дастурлар ва Лойиҳалар доирасида амалга оширилаётган ишларнинг ҳолати, сифати ҳамда кўлами устидан жамоатчилик назоратини ўрнатсин, унда аниқланган камчиликлар ҳақида Давлат дастурлари ижро этилишини назорат қилиш ва мувофиқлаштириш бўйича туман (шаҳар) штабларига маълумот тақдим этсин;
«Шаффоф қурилиш» миллий ахборот тизимида объектлар бўйича аниқланган бош пудрат ташкилоти томонидан ишлар бажарилганлигини (товарлар етказиб берилганлигини) тасдиқловчи далолатнома унинг мазкур тизимдаги шахсий кабинетида электрон тарзда шакллантирилиб, буюртмачи ташкилот билан электрон тарзда келишилсин. Бунда, буюртмачи томонидан ҳисобварақ-фактуралар Давлат молиясини бошқариш ахборот тизимига молиялаштириш учун электрон шаклда юборилади;
«Шаффоф қурилиш» миллий ахборот тизимидаги лойиҳа-қидирув ва қурилиш-пудрат ташкилотларининг рейтингида мавжуд бўлган корхоналар, уларнинг рейтингини ҳисоблаш мезонлари кесимидаги баллари, Дастурлар ҳамда Лойиҳалардаги ҳар бир объектнинг шаҳарсозлик ҳужжатлари, объектда бажарилган иш ҳажмлари ва молиялаштирилган маблағлар ҳақидаги маълумотлар тизимда реал вақт режимида жамоатчилик учун очиқ эълон қилинсин.
2. Бош прокуратура (Н. Йўлдошев):
а) Дастурлар ва Лойиҳалар доирасида қуйидаги йўналишларда назоратни кучайтирсин:
Дастурларнинг манзилли рўйхатини шакллантириш, объектларни молиялаштириш ва қурилиш-таъмирлаш ишларини олиб бориш тадбирларини Ўзбекистон Республикаси Президентининг 2021 йил 10 декабрдаги «Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури ҳамда бошқа давлат дастурлари ижроси устидан назоратни кучайтиришга доир қўшимча чора-тадбирлар тўғрисида»ги ПҚ-43-сон қарори билан белгиланган талаблар асосида амалга ошириш;
ҳар бир объект бўйича ер майдони ажратиш, лойиҳа-смета ҳужжатларини ишлаб чиқиш ва экспертиза қилиш, тендер (танлов) савдоларини ўтказиш ва молиялаштириш тадбирларини қонунчилик ҳужжатларида белгиланган муддатларда бажариш;
объектда қурилиш-таъмирлаш ишларини амалга оширишда архитектура, шаҳарсозлик ва бошқа қонунчилик ҳужжатларига қатъий риоя этилишини таъминлаш;
лойиҳа-смета ҳужжатларида ортиқча иш ҳажмлари кўрсатилиши ва маҳсулотлар нархлари асоссиз оширилган ҳолда киритилишининг олдини олиш чораларини кўриш;
қурилиши тугалланган объектларни фойдаланишга топшириш ва қабул қилиш талабларига риоя этилишини таъминлаш, ушбу жараёнда ортиқча бюрократияга йўл қўйилмаслик чораларини кўриш;
жисмоний ва юридик шахсларнинг Дастур ва Лойиҳалар доирасидаги қурилишлар билан боғлиқ мурожаатларини ўрганиш, уларнинг бузилган ҳуқуқларини тиклаш, қонун бузилишига йўл қўйган шахсларга нисбатан қонун устуворлиги ва жазо муқаррарлигини таъминлаш;
б) ҳар чоракда вилоят, туман (шаҳар) прокурорлари ва уларга тенглаштирилган прокурорлар томонидан қурилиш соҳасида коррупция ва қонун бузилиши ҳолатларининг олдини олиш юзасидан кўрилаётган чора-тадбирлар ҳақида кенг жамоатчиликка ахборот бериб борилишини таъминласин.
3. Ташаббусли бюджетлаштириш жараёнлари доирасида амалга ошириладиган қурилиш-таъмирлаш ишлари бўйича буюртмачилар этиб:
ички автомобиль йўллари бўйича — Автомобиль йўллари қўмитаси тизимидаги буюртмачи ташкилотлар;
ичимлик сув таъминоти ва оқова сув тизими объектлари бўйича — «Сув таъминоти ва оқова сув объектлари қурилиши бўйича инжиниринг компанияси» унитар корхонаси;
электр энергияси ва газ таъминоти объектлари ҳамда алоқа тармоқлари бўйича — тегишинча «Ҳудудий электр тармоқлари» АЖ, «Ҳудудгазтаъминот» АЖ ва «Ўзбектелеком» АК;
ижтимоий соҳа объектлари, маҳалла фуқаролар йиғинлари идоралари, ободонлаштириш, тунги ёритиш ускуналарини ўрнатиш ишлари ва бошқа объектлар бўйича — Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги «Ягона буюртмачи хизмати» инжиниринг компаниялари ҳамда ушбу объектларни сақлаш билан боғлиқ таъмирлаш ишлари бўйича — тегишли тармоқ корхоналари белгилансин.
4. Қурилиш вазирлиги (Б. Закиров):
а) Транспорт вазирлиги (И. Махкамов) ва Бош прокуратура (Н. Йўлдошев) билан биргаликда 2023 йил 1 январга қадар Қурилиш вазирлиги ҳузуридаги Қурилиш соҳасида назорат инспекцияси ва Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси иш услубларини тўлиқ қайта кўриб чиқиб, қурилиш объектларини рўйхатга олишдан бошлаб, фойдаланишга қабул қилишгача бўлган барча жараёнларни рақамлаштирсин ҳамда «Шаффоф қурилиш» миллий ахборот тизимининг вазирлик ва идораларнинг автоматлаштирилган реал вақт режимида ишловчи мониторинг тизимлари билан интеграция қилинишини таъминласин;
б) Иқтисодий тараққиёт ва камбағалликни қисқартириш вазирлиги (А. Бобоев), Молия вазирлиги (Т. Ишметов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда «Шаффоф қурилиш» миллий ахборот тизимида 2023 йил 1 январга қадар:
Дастурлар ва Лойиҳаларнинг рўйхатларини юритиш, уларга киритиладиган барча ўзгартириш ва қўшимчаларни акс эттириш;
бош пудрат ташкилоти томонидан ишлар бажарилганлигини (товарлар етказиб берилганлигини) тасдиқловчи далолатномаларни унинг шахсий кабинетида электрон шаклда расмийлаштириш, буюртмачи билан электрон тарзда келишиш ва буюртмачи томонидан ҳисобварақ-фактурани Давлат молиясини бошқариш ахборот тизимига молиялаштириш учун электрон шаклда юбориш имкониятини яратсин;
в) Ахборот технологиялари ва коммуникацияларини ривожлантириш вазирлиги (Ш. Шерматов), Молия вазирлиги (Т. Ишметов) билан биргаликда бир ой муддатда «Шаффоф қурилиш» миллий ахборот тизимидаги лойиҳа-қидирув ва қурилиш-пудрат ташкилотларининг рейтингида мавжуд бўлган корхоналар ҳамда уларнинг рейтингини ҳисоблаш мезонлари кесимидаги баллари, Дастурлар ва Лойиҳалардаги ҳар бир объектнинг шаҳарсозлик ҳужжатлари, объектда бажарилган иш ҳажмлари ва молиялаштирилган маблағлар тўғрисидаги маълумотларни тизимда реал вақт режимида жамоатчилик учун очиқ эълон қилинишини таъминлаш чораларини кўрсин;
г) икки ой муддатда қурилиши тугалланган объектларни қабул қилиш ва фойдаланишга топшириш бўйича тузиладиган комиссияларнинг таркибини шакллантириш бўйича таклифларни Вазирлар Маҳкамасига киритсин;
д) уч ой муддатда Давлат бюджети маблағлари ҳисобидан қурилиш-таъмирлаш ишлари амалга ошириладиган объектларда жамоатчилик назоратини амалга оширишда лойиҳа-қидирув ва қурилиш-пудрат ташкилотлари рейтинги ва электрон тендер (танлов) савдолари билан боғлиқ жараёнларни ҳамда қурилиш объектларидаги камчиликлар ва қонун бузилиш ҳолатларини акс эттирувчи фото ва видео материалларни юклаш имконини берувчи «Шаффоф қурилиш» миллий ахборот тизимининг мобил иловасини яратсин.
5. Молия вазирлиги (Т. Ишметов) икки ой муддатда Коррупцияга қарши курашиш агентлиги (А. Бурханов), Қурилиш вазирлиги (Б. Закиров) билан биргаликда Инсофсиз ижрочиларнинг ягона реестрини шакллантириш тартибини тасдиқласин ҳамда ушбу реестрнинг «Шаффоф қурилиш» миллий ахборот тизими билан интеграция қилинишини таъминласин.
6. Иқтисодий тараққиёт ва камбағалликни қисқартириш вазирлиги (А. Бобоев) Молия вазирлиги (Т. Ишметов), Қурилиш вазирлиги (Б. Закиров), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, манфаатдор вазирлик ва идоралар билан биргаликда 2023 йил 1 апрелга қадар Дастурларга киритиладиган объектларнинг манзилли рўйхатини «Шаффоф қурилиш» миллий ахборот тизими орқали шакллантириш имкониятини яратиш бўйича техник топшириқни ишлаб чиқсин ҳамда келгусида Дастурлар ушбу тизимда шакллантирилишини таъминласин.
7. Ҳисоб палатаси (Б. Турабов) Дастурлар ва Лойиҳалар асосида молиялаштириладиган объектларга ажратилган маблағларнинг мақсадли ҳамда самарали ишлатилишини назорат қилиб борсин.
8. Бош прокуратура (Н. Йўлдошев) икки ой муддатда:
ушбу қарор билан жорий этилаётган тартибнинг мазмун-моҳиятини тушунтириш бўйича масъул вазирлик ва идоралар, лойиҳа-қидирув ва қурилиш-пудрат ташкилотлари вакиллари иштирокида ўқув семинарлари ўтказилишини, улар ўртасида тарғибот ишлари олиб борилишини таъминласин;
манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Ушбу қарорнинг ижросини назорат қилиш Ўзбекистон Республикаси Президентининг маслаҳатчиси Р.А. Гулямов ва Ўзбекистон Республикаси Президенти маслаҳатчисининг ўринбосари Д.Б. Кадиров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 17 ноябрь,
ПҚ-425-сон
Oʻzbekiston Respublikasi Prezidentining
Qarori
Qurilish loyihalarini amalga oshirishda nazorat mexanizmlarini takomillashtirish, jarayonning ochiqligi va shaffofligini yanada oshirish chora-tadbirlari toʻgʻrisida
Davlat budjetidan ajratilayotgan mablagʻlarning maqsadli va samarali sarflanishini taʼminlash, zamonaviy axborot-kommunikatsiya texnologiyalarini keng joriy etish orqali qurilish ustidan davlat va jamoatchilik nazorati mexanizmlarini takomillashtirish, ochiqlik va shaffoflikni taʼminlash maqsadida:
1. 2023-yil 1-yanvardan boshlab Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga va Davlat budjeti mablagʻlari hisobidan amalga oshiriladigan dasturlarga (keyingi oʻrinlarda — Dasturlar) kiritilgan loyihalar, shuningdek, tashabbusli budjetlashtirish jarayonlari asosida moliyalashtiriladigan qurilish-taʼmirlash ishlari boʻyicha loyihalar (keyingi oʻrinlarda — Loyihalar) doirasida:
obyektlarning bosh loyiha-qidiruv va bosh qurilish-pudrat tashkilotlari Qurilish vazirligining “Shaffof qurilish” milliy axborot tizimida inson omilisiz oʻtkaziladigan elektron tender (tanlov) savdolari orqali aniqlanishi taʼminlansin;
“Shaffof qurilish” milliy axborot tizimida oʻtkazilgan tender (tanlov) savdolari yakuni, shuningdek, qonunchilik hujjatlariga muvofiq toʻgʻridan-toʻgʻri muzokaralar boʻyicha buyurtmachi bilan loyiha-qidiruv va qurilish-pudrat tashkilotlari oʻrtasidagi loyiha-smeta hujjatlarini ishlab chiqish va pudrat ishlarini bajarish toʻgʻrisidagi shartnomalar mazkur tizimda elektron raqamli imzo orqali tuzilsin hamda roʻyxatdan oʻtkazish yoki hisobga olish uchun Moliya vazirligining Davlat moliyasini boshqarish axborot tizimiga elektron shaklda yuborilsin;
tasdiqlangan manzilli roʻyxatlarga kiritilgan har bir obyekt identifikatsiya raqami berilgan holda, “Shaffof qurilish” milliy axborot tizimiga kiritilsin hamda ular boʻyicha har qanday oʻzgartirish yoki qoʻshimchalar mazkur axborot tizimida aks ettirilsin;
xavf-xatar toifasidan qatʼi nazar, barcha obyektlar qurilish-montaj ishlarini boshlash uchun vakolatli organda roʻyxatdan oʻtkazilishi va nazoratga olinishi taʼminlansin;
mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchisi, mahalla faollari va yoshlar yetakchilari, ommaviy axborot vositalari va boshqa jamoat tashkilotlari tegishli hududda Dasturlar va Loyihalar doirasida amalga oshirilayotgan ishlarning holati, sifati hamda koʻlami ustidan jamoatchilik nazoratini oʻrnatsin, unda aniqlangan kamchiliklar haqida Davlat dasturlari ijro etilishini nazorat qilish va muvofiqlashtirish boʻyicha tuman (shahar) shtablariga maʼlumot taqdim etsin;
“Shaffof qurilish” milliy axborot tizimida obyektlar boʻyicha aniqlangan bosh pudrat tashkiloti tomonidan ishlar bajarilganligini (tovarlar yetkazib berilganligini) tasdiqlovchi dalolatnoma uning mazkur tizimdagi shaxsiy kabinetida elektron tarzda shakllantirilib, buyurtmachi tashkilot bilan elektron tarzda kelishilsin. Bunda, buyurtmachi tomonidan hisobvaraq-fakturalar Davlat moliyasini boshqarish axborot tizimiga moliyalashtirish uchun elektron shaklda yuboriladi;
“Shaffof qurilish” milliy axborot tizimidagi loyiha-qidiruv va qurilish-pudrat tashkilotlarining reytingida mavjud boʻlgan korxonalar, ularning reytingini hisoblash mezonlari kesimidagi ballari, Dasturlar hamda Loyihalardagi har bir obyektning shaharsozlik hujjatlari, obyektda bajarilgan ish hajmlari va moliyalashtirilgan mablagʻlar haqidagi maʼlumotlar tizimda real vaqt rejimida jamoatchilik uchun ochiq eʼlon qilinsin.
2. Bosh prokuratura (N. Yoʻldoshev):
a) Dasturlar va Loyihalar doirasida quyidagi yoʻnalishlarda nazoratni kuchaytirsin:
Dasturlarning manzilli roʻyxatini shakllantirish, obyektlarni moliyalashtirish va qurilish-taʼmirlash ishlarini olib borish tadbirlarini Oʻzbekiston Respublikasi Prezidentining 2021-yil 10-dekabrdagi “Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi hamda boshqa davlat dasturlari ijrosi ustidan nazoratni kuchaytirishga doir qoʻshimcha chora-tadbirlar toʻgʻrisida”gi PQ-43-son qarori bilan belgilangan talablar asosida amalga oshirish;
har bir obyekt boʻyicha yer maydoni ajratish, loyiha-smeta hujjatlarini ishlab chiqish va ekspertiza qilish, tender (tanlov) savdolarini oʻtkazish va moliyalashtirish tadbirlarini qonunchilik hujjatlarida belgilangan muddatlarda bajarish;
obyektda qurilish-taʼmirlash ishlarini amalga oshirishda arxitektura, shaharsozlik va boshqa qonunchilik hujjatlariga qatʼiy rioya etilishini taʼminlash;
loyiha-smeta hujjatlarida ortiqcha ish hajmlari koʻrsatilishi va mahsulotlar narxlari asossiz oshirilgan holda kiritilishining oldini olish choralarini koʻrish;
qurilishi tugallangan obyektlarni foydalanishga topshirish va qabul qilish talablariga rioya etilishini taʼminlash, ushbu jarayonda ortiqcha byurokratiyaga yoʻl qoʻyilmaslik choralarini koʻrish;
jismoniy va yuridik shaxslarning Dastur va Loyihalar doirasidagi qurilishlar bilan bogʻliq murojaatlarini oʻrganish, ularning buzilgan huquqlarini tiklash, qonun buzilishiga yoʻl qoʻygan shaxslarga nisbatan qonun ustuvorligi va jazo muqarrarligini taʼminlash;
b) har chorakda viloyat, tuman (shahar) prokurorlari va ularga tenglashtirilgan prokurorlar tomonidan qurilish sohasida korrupsiya va qonun buzilishi holatlarining oldini olish yuzasidan koʻrilayotgan chora-tadbirlar haqida keng jamoatchilikka axborot berib borilishini taʼminlasin.
3. Tashabbusli budjetlashtirish jarayonlari doirasida amalga oshiriladigan qurilish-taʼmirlash ishlari boʻyicha buyurtmachilar etib:
ichki avtomobil yoʻllari boʻyicha — Avtomobil yoʻllari qoʻmitasi tizimidagi buyurtmachi tashkilotlar;
ichimlik suv taʼminoti va oqova suv tizimi obyektlari boʻyicha — “Suv taʼminoti va oqova suv obyektlari qurilishi boʻyicha injiniring kompaniyasi” unitar korxonasi;
elektr energiyasi va gaz taʼminoti obyektlari hamda aloqa tarmoqlari boʻyicha — tegishincha “Hududiy elektr tarmoqlari” AJ, “Hududgaztaʼminot” AJ va “Oʻzbektelekom” AK;
ijtimoiy soha obyektlari, mahalla fuqarolar yigʻinlari idoralari, obodonlashtirish, tungi yoritish uskunalarini oʻrnatish ishlari va boshqa obyektlar boʻyicha — Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Yagona buyurtmachi xizmati” injiniring kompaniyalari hamda ushbu obyektlarni saqlash bilan bogʻliq taʼmirlash ishlari boʻyicha — tegishli tarmoq korxonalari belgilansin.
4. Qurilish vazirligi (B. Zakirov):
a) Transport vazirligi (I. Maxkamov) va Bosh prokuratura (N. Yoʻldoshev) bilan birgalikda 2023-yil 1-yanvarga qadar Qurilish vazirligi huzuridagi Qurilish sohasida nazorat inspeksiyasi va Transport vazirligi huzuridagi Yoʻl-qurilish ishlari sifatini nazorat qilish inspeksiyasi ish uslublarini toʻliq qayta koʻrib chiqib, qurilish obyektlarini roʻyxatga olishdan boshlab, foydalanishga qabul qilishgacha boʻlgan barcha jarayonlarni raqamlashtirsin hamda “Shaffof qurilish” milliy axborot tizimining vazirlik va idoralarning avtomatlashtirilgan real vaqt rejimida ishlovchi monitoring tizimlari bilan integratsiya qilinishini taʼminlasin;
b) Iqtisodiy taraqqiyot va kambagʻallikni qisqartirish vazirligi (A. Boboyev), Moliya vazirligi (T. Ishmetov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda “Shaffof qurilish” milliy axborot tizimida 2023-yil 1-yanvarga qadar:
Dasturlar va Loyihalarning roʻyxatlarini yuritish, ularga kiritiladigan barcha oʻzgartirish va qoʻshimchalarni aks ettirish;
bosh pudrat tashkiloti tomonidan ishlar bajarilganligini (tovarlar yetkazib berilganligini) tasdiqlovchi dalolatnomalarni uning shaxsiy kabinetida elektron shaklda rasmiylashtirish, buyurtmachi bilan elektron tarzda kelishish va buyurtmachi tomonidan hisobvaraq-fakturani Davlat moliyasini boshqarish axborot tizimiga moliyalashtirish uchun elektron shaklda yuborish imkoniyatini yaratsin;
v) Axborot texnologiyalari va kommunikatsiyalarini rivojlantirish vazirligi (Sh. Shermatov), Moliya vazirligi (T. Ishmetov) bilan birgalikda bir oy muddatda “Shaffof qurilish” milliy axborot tizimidagi loyiha-qidiruv va qurilish-pudrat tashkilotlarining reytingida mavjud boʻlgan korxonalar hamda ularning reytingini hisoblash mezonlari kesimidagi ballari, Dasturlar va Loyihalardagi har bir obyektning shaharsozlik hujjatlari, obyektda bajarilgan ish hajmlari va moliyalashtirilgan mablagʻlar toʻgʻrisidagi maʼlumotlarni tizimda real vaqt rejimida jamoatchilik uchun ochiq eʼlon qilinishini taʼminlash choralarini koʻrsin;
g) ikki oy muddatda qurilishi tugallangan obyektlarni qabul qilish va foydalanishga topshirish boʻyicha tuziladigan komissiyalarning tarkibini shakllantirish boʻyicha takliflarni Vazirlar Mahkamasiga kiritsin;
d) uch oy muddatda Davlat budjeti mablagʻlari hisobidan qurilish-taʼmirlash ishlari amalga oshiriladigan obyektlarda jamoatchilik nazoratini amalga oshirishda loyiha-qidiruv va qurilish-pudrat tashkilotlari reytingi va elektron tender (tanlov) savdolari bilan bogʻliq jarayonlarni hamda qurilish obyektlaridagi kamchiliklar va qonun buzilish holatlarini aks ettiruvchi foto va video materiallarni yuklash imkonini beruvchi “Shaffof qurilish” milliy axborot tizimining mobil ilovasini yaratsin.
5. Moliya vazirligi (T. Ishmetov) ikki oy muddatda Korrupsiyaga qarshi kurashish agentligi (A. Burxanov), Qurilish vazirligi (B. Zakirov) bilan birgalikda Insofsiz ijrochilarning yagona reyestrini shakllantirish tartibini tasdiqlasin hamda ushbu reyestrning “Shaffof qurilish” milliy axborot tizimi bilan integratsiya qilinishini taʼminlasin.
6. Iqtisodiy taraqqiyot va kambagʻallikni qisqartirish vazirligi (A. Boboyev) Moliya vazirligi (T. Ishmetov), Qurilish vazirligi (B. Zakirov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar bilan birgalikda 2023-yil 1-aprelga qadar Dasturlarga kiritiladigan obyektlarning manzilli roʻyxatini “Shaffof qurilish” milliy axborot tizimi orqali shakllantirish imkoniyatini yaratish boʻyicha texnik topshiriqni ishlab chiqsin hamda kelgusida Dasturlar ushbu tizimda shakllantirilishini taʼminlasin.
7. Hisob palatasi (B. Turabov) Dasturlar va Loyihalar asosida moliyalashtiriladigan obyektlarga ajratilgan mablagʻlarning maqsadli hamda samarali ishlatilishini nazorat qilib borsin.
8. Bosh prokuratura (N. Yoʻldoshev) ikki oy muddatda:
ushbu qaror bilan joriy etilayotgan tartibning mazmun-mohiyatini tushuntirish boʻyicha masʼul vazirlik va idoralar, loyiha-qidiruv va qurilish-pudrat tashkilotlari vakillari ishtirokida oʻquv seminarlari oʻtkazilishini, ular oʻrtasida targʻibot ishlari olib borilishini taʼminlasin;
manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Ushbu qarorning ijrosini nazorat qilish Oʻzbekiston Respublikasi Prezidentining maslahatchisi R.A. Gulyamov va Oʻzbekiston Respublikasi Prezidenti maslahatchisining oʻrinbosari D.B. Kadirov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 17-noyabr,
PQ-425-son
Президента Республики Узбекистан
Постановление
О мерах по совершенствованию механизмов контроля при реализации строительных проектов, дальнейшему повышению открытости и прозрачности процесса
В целях обеспечения целевого и эффективного расходования средств, выделяемых из Государственного бюджета, совершенствования механизмов государственного и общественного контроля за строительством посредством широкого внедрения современных информационно-коммуникационных технологий, обеспечения открытости и прозрачности:
1. В рамках проектов, включенных в Программу развития социальной и производственной инфраструктуры Республики Узбекистан и программы, реализуемые за счет средств Государственного бюджета (далее — Программы), а также проектов по строительно-ремонтным работам, финансируемых на основе процессов инициативного бюджетирования (далее — Проекты) с 1 января 2023 года:
обеспечить определение генеральной проектно-изыскательской и генеральной строительно-подрядной организаций объектов посредством электронных тендерных (конкурсных) торгов, проводимых без человеческого фактора в Национальной информационной системе «Прозрачное строительство» Министерства строительства;
заключать по итогам тендерных (конкурсных) торгов, проводимых в Национальной информационной системе «Прозрачное строительство», а также по итогам прямых переговоров в соответствии с актами законодательства договора на разработку проектно-сметной документации и выполнение подрядных работ между заказчиком и проектно-изыскательскими и строительно-подрядными организациями в этой системе посредством электронной цифровой подписи и направлять в электронной форме для регистрации или учета в Информационную систему управления государственными финансами Министерства финансов;
внести каждый объект, включенный в утвержденные адресные перечни, в Национальную информационную систему «Прозрачное строительство» с выдачей идентификационного номера, а также отражать любые изменения или дополнения по ним в данной информационной системе;
обеспечить регистрацию в уполномоченном органе всех объектов, независимо от категории риска, для начала строительно-монтажных работ, а также их контроль;
помощнику хокима по вопросам развития предпринимательства, обеспечения занятости населения и сокращения бедности в махалле, активистам махалли и лидерам молодежи, средствам массовой информации и иным общественным организациям установить общественный контроль за состоянием, качеством и объемом работ, проводимых в рамках Программ и Проектов на соответствующей территории, представлять информацию по выявленным недостаткам в районные (городские) штабы по контролю и координации реализации государственных программ;
акт, подтверждающий выполнение работ (поставку товаров) генеральной подрядной организацией, определенной по объектам в Национальной информационной системе «Прозрачное строительство», формировать в электронной форме в ее личном кабинете в данной системе и согласовывать в электронной форме с организацией-заказчиком. При этом счета-фактуры направляются заказчиком для финансирования в Информационную систему управления государственными финансами в электронной форме;
открыто публиковать для общественности в системе в режиме реального времени информацию о предприятиях, включенных в рейтинг проектно-изыскательских и строительно-подрядных организаций в Национальной информационной системе «Прозрачное строительство», об их баллах в разрезе критериев подсчета рейтинга, о градостроительных документах каждого объекта Программ и Проектов, об объемах работ, выполненных на объекте, и о средствах финансирования.
2. Генеральной прокуратуре (Н. Йулдошев):
а) в рамках Программ и Проектов усилить надзор по следующим направлениям:
осуществление мероприятий по формированию адресного перечня Программ, финансированию объектов, ведению строительно-ремонтных работ на основании требований, установленных постановлением Президента Республики Узбекистан от 10 декабря 2021 года № ПП-43 «О дополнительных мерах по усилению контроля за реализацией Программы развития социальной и производственной инфраструктуры Республики Узбекистан и других государственных программ»;
выполнение мероприятий по выделению земельных участков по каждому объекту, разработке и экспертизе проектно-сметной документации, проведению тендерных (конкурсных) торгов и финансированию в сроки, установленные актами законодательства;
обеспечение строгого соблюдения архитектурных, градостроительных и других актов законодательства при проведении строительно-ремонтных работ на объекте;
принятие мер по недопущению в проектно-сметной документации указания завышенных объемов работ и необоснованного завышения цен на продукцию;
обеспечение соблюдения требований по вводу в эксплуатацию и приемке завершенных строительством объектов, принятие мер по недопущению излишней бюрократии в этом процессе;
изучение обращений физических и юридических лиц, связанных со строительством в рамках Программ и Проектов, восстановление их нарушенных прав, обеспечение верховенства закона и неотвратимости наказания лицам, допустившим нарушение закона;
б) обеспечить ежеквартальное информирование широкой общественности о мерах, принимаемых прокурорами областей, районов (городов) и приравненными к ним прокурорами по предупреждению коррупции и правонарушений в сфере строительства.
3. Определить заказчиками по строительно-ремонтным работам, осуществляемым в рамках процессов инициативного бюджетирования:
по внутренним автомобильным дорогам — организации-заказчики в системе Комитета по автомобильным дорогам;
по объектам питьевого водоснабжения и системы канализации — Унитарное предприятие «Инжиниринговая компания по строительству объектов водоснабжения и канализации»;
по объектам электро- и газоснабжения и сетям связи соответственно — АО «Региональные электрические сети», АО «Худудгазтаъминот» и АК «Узбектелеком»;
по объектам социальной сферы, зданиям сходов граждан махаллей, работе по благоустройству и установке оборудования ночного освещения и другим объектам — инжиниринговые компании «Служба единого заказчика» при Совете Министров Республики Каракалпакстан, хокимиятах областей и города Ташкента, а также по ремонтным работам, связанным с содержанием данных объектов, — соответствующие отраслевые предприятия.
4. Министерству строительства (Б. Закиров):
а) совместно с Министерством транспорта (И. Махкамов) и Генеральной прокуратурой (Н. Йулдошев) до 1 января 2023 года полностью пересмотреть методы работы Инспекции по контролю в сфере строительства при Министерстве строительства и Инспекции по контролю за качеством дорожно-строительных работ при Министерстве транспорта, провести цифровизацию всех процессов от регистрации объектов строительства до приемки в эксплуатацию и обеспечить интеграцию Национальной информационной системы «Прозрачное строительство» с автоматизированными, функционирующими в режиме реального времени системами мониторинга министерств и ведомств;
б) совместно с Министерством экономического развития и сокращения бедности (А. Бобоев), Министерством финансов (Т. Ишметов), Советом Министров Республики Каракалпакстан, хокимиятами областей и города Ташкента в Национальной информационной системе «Прозрачное строительство» до 1 января 2023 года создать возможность:
ведения перечня Программ и Проектов с отражением всех изменений и дополнений к ним;
оформления актов, подтверждающих выполнение работ (поставку товаров) генеральной подрядной организацией в электронной форме в ее личном кабинете, электронного согласования с заказчиком, а также направления заказчиком счета-фактуры для финансирования в Информационную систему управления государственными финансами;
в) совместно с Министерством по развитию информационных технологий и коммуникаций (Ш. Шерматов) и Министерством финансов (Т. Ишметов) в месячный срок принять меры по обеспечению открытого публикования для общественности информации о предприятиях, включенных в рейтинг проектно-изыскательских и строительно-подрядных организаций в Национальной информационной системе «Прозрачное строительство», об их баллах в разрезе критериев подсчета рейтинга, о градостроительных документах каждого объекта Программ и Проектов, объемах работ, выполненных на объекте и средствах финансирования в системе в режиме реального времени;
г) в двухмесячный срок внести в Кабинет Министров предложения по формированию состава комиссий, создаваемых для приемки и ввода в эксплуатацию завершенных строительством объектов;
д) в трехмесячный срок создать мобильное приложение Национальной информационной системы «Прозрачное строительство», позволяющее загружать фото- и видеоматериалы, отражающие процессы, связанные с рейтингом проектно-изыскательских и строительно-подрядных организаций, и процессы, связанные с электронными тендерными (конкурсными) торгами при осуществлении общественного контроля на объектах, ремонтно-строительные работы на которых проводятся за счет средств Государственного бюджета, недостатки и нарушения закона на объектах строительства.
5. Министерству финансов (Т. Ишметов) в двухмесячный срок совместно с Агентством по борьбе с коррупцией (А. Бурханов), Министерством строительства (Б. Закиров) утвердить порядок формирования Единого реестра недобросовестных исполнителей и обеспечить его интеграцию с Национальной информационной системой «Прозрачное строительство».
6. Министерству экономического развития и сокращения бедности (А. Бобоев) совместно с Министерством финансов (Т. Ишметов), Министерством строительства (Б. Закиров), Советом Министров Республики Каракалпакстан, хокимиятами областей и города Ташкента и заинтересованными министерствами и ведомствами до 1 апреля 2023 года разработать техническое задание по созданию возможности формирования адресного перечня объектов для включения в Программы через Национальную информационную систему «Прозрачное строительство» и обеспечить в дальнейшем формирование Программ в этой системе.
7. Счетной палате (Б. Турабов) контролировать целевое и эффективное использование выделенных средств на объекты, финансируемые на основании Программ и Проектов.
8. Генеральной прокуратуре (Н. Йулдошев) в двухмесячный срок:
обеспечить проведение учебных семинаров по разъяснению сути и содержания порядка, внедряемого настоящим постановлением, с участием представителей ответственных министерств и ведомств, проектно-изыскательских и строительно-подрядных организаций, проведение пропаганды среди них;
совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Контроль за исполнением настоящего постановления возложить на советника Президента Республики Узбекистан Р.А. Гулямова и заместителя советника Президента Республики Узбекистан Д.Б. Кадирова.
Президент Республики Узбекистан Ш. МИРЗИЁЕВ
г. Ташкент,
17 ноября 2022 г.,
№ ПП-425