📅 2022-yil 2-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 декабря 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 2 December 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАРКИБИ
Атоқли давлат арбоби, Ўзбекистон Қаҳрамони Муса Ерниязов таваллудининг 75 йиллигини кенг нишонлаш тўғрисида
Ўзбекистон Республикасини ижтимоий-иқтисодий ривожлантириш, ўзбек ва қорақалпоқ халқларининг азалий дўстлиги ва қардошлигини мустаҳкамлаш йўлида фидокорона хизмат қилган, ижтимоий ва сиёсий фаолияти билан мамлакатимиз тараққиётига катта ҳисса қўшган атоқли давлат арбоби, Ўзбекистон Қаҳрамони Муса Тажетдинович Ерниязовнинг ёрқин хотирасини улуғлаш ҳамда таваллудининг 75 йиллигини муносиб нишонлаш мақсадида:
1. Қорақалпоғистон Республикаси Жўқорғи Кенгеси ва Вазирлар Кенгаши, Ўзбекистон Республикаси Маданият вазирлиги, Маҳалла ва нуронийларни қўллаб-қувватлаш вазирлиги, Республика Маънавият ва маърифат маркази ҳамда жамоатчилик вакилларининг 2022 йил декабрь ойида Ўзбекистон Қаҳрамони Муса Тажетдинович Ерниязов таваллудининг 75 йиллигини нишонлаш тўғрисидаги таклифи қўллаб-қувватлансин.
2. Ўзбекистон Қаҳрамони Муса Тажетдинович Ерниязов таваллудининг 75 йиллигини нишонлаш бўйича ташкилий қўмита (кейинги ўринларда — Ташкилий қўмита) таркиби иловага мувофиқ тасдиқлансин.
3. Ташкилий қўмита (А.Т. Орынбаев, Т.А. Худайбергенов) ўн кун муддатда Муса Тажетдинович Ерниязов таваллудининг 75 йиллигини нишонлаш бўйича қуйидаги чора-тадбирларни назарда тутувчи дастурни, уни молиялаштиришнинг аниқ манбаларини белгилаган ҳолда ишлаб чиқсин ва тасдиқласин:
2022 йил декабрь ойининг иккинчи ўн кунлигида Нукус шаҳрида Муса Тажетдинович Ерниязов таваллудининг 75 йиллигига бағишланган хотира кечасини ўтказиш;
М.Т. Ерниязовнинг ҳаёти ва ижтимоий-сиёсий фаолияти ҳақида ҳужжатли фильм яратиш;
М.Т. Ерниязов ҳаёти ва фаолиятига бағишланган китоб-альбомни нашрга тайёрлаш ва чоп этиш;
Нукус шаҳри «Жеке терек» маҳалласидаги М.Т. Ерниязов яшаган хонадонда ёдгорлик лавҳаси ўрнатиш;
таниқли сиёсатшунос ва олимлар ҳамда нуронийлар иштирокида хотира тадбирлари, давра суҳбатлари ва учрашувлар ташкил этиш.
Белгилансинки, ушбу банднинг:
учинчи хатбошидаги вазифалар Ўзбекистон Республикаси Кинематография агентлигига Давлат бюджетидан фильмлар ишлаб чиқариш учун ажратилган маблағлар доирасида;
тўртинчи хатбошидаги вазифалар Қорақалпоғистон Республикасининг республика бюджети ҳисобидан;
бешинчи хатбошидаги вазифалар Ўзбекистон Республикаси Бадиий академиясига Давлат бюджетидан ҳайкалтарошлик асарларини яратиш учун ажратилган маблағлар доирасида қопланади.
4. Ташкилий қўмитага (А.Т. Орынбаев, Т.А. Худайбергенов) Ўзбекистон Қаҳрамони Муса Тажетдинович Ерниязов таваллудининг 75 йиллигини нишонлаш доирасида ўтказиладиган тадбирларни юксак савияда ташкил этиш, мазкур қарор ва чора-тадбирлар дастурининг ўз вақтида, сифатли ва тўлиқ амалга оширилишини мувофиқлаштириб бориш вазифаси юклатилсин.
5. Ўзбекистон Миллий ахборот агентлиги, Ўзбекистон Миллий телерадиокомпаниясига Ўзбекистон Қаҳрамони Муса Тажетдинович Ерниязов таваллудининг 75 йиллигини нишонлаш билан боғлиқ тадбирларни ёритиш тавсия этилсин.
6. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — туризм ва маданий мерос вазири А.А. Абдуҳакимов ва Қорақалпоғистон Республикаси Вазирлар Кенгаши Раиси Қ.Р. Сариев зиммасига юклансин.
Вазирлар Маҳкамасининг 2022 йил 2 декабрдаги 690-сон қарорига ИЛОВА
Ўзбекистон Қаҳрамони Муса Тажетдинович Ерниязов таваллудининг 75 йиллигини нишонлаш бўйича ташкилий қўмита
1. А.Т. Ор ын баев — Қорақалпоғистон Республикаси Жўқорғи Кенгеси Раиси, Ташкилий қўмита раиси (келишувга асосан) 2. Т.А. Худайбергенов — Ўзбекистон Республикаси маҳалла ва нуронийларни қўллаб-қувватлаш вазири вазифасини бажарувчи, Ташкилий қўмита ҳамраиси 3. Қ.Р. Сариев — Қорақалпоғистон Республикаси Вазирлар Кенгаши Раиси 4. Г.А. Аннакличева — Ўзбекистон Республикаси Олий Мажлиси Сенати аъзоси, «Қорақалпоқ адабиёти» газетаси бош муҳаррири 5. А. Жаббарбергенова — М.Т. Ерниязовнинг турмуш ўртоғи 6. Б.М. Ахмедов — Ўзбекистон Республикаси маданият вазирининг биринчи ўринбосари 7. К.Х. Каримов — Ўзбекистон Республикаси олий ва ўрта махсус таълим вазирининг биринчи ўринбосари 8. У.У. Шарифходжаев — Ўзбекистон Республикаси халқ таълими вазирининг биринчи ўринбосари 9. Ж.И. Абруев — Ўзбекистон Республикаси молия вазири ўринбосари 10. У.А. Азамов — Ахборот ва оммавий коммуникациялар агентлиги директори ўринбосари 11. Ф.Н. Жўрақулов — Республика Маънавият ва маърифат маркази раҳбарининг биринчи ўринбосари 12. Д.С. Каттахонова — Ўзбекистон Республикаси Ёшлар ишлари агентлиги директори ўринбосари 13. А.М. Хаджибаев — Ўзбекистон Касаба уюшмалари Федерацияси Кенгаши раиси ўринбосари 14. Х.Ғ. Худайбердиев — Ўзбекистон Миллий ахборот агентлиги бош директори ўринбосари 15. С.З. Мирзаев — Ўзбекистон Фанлар академияси вице-президенти 16. Ф.Э. Ташмухамедов — Ўзбекистон Бадиий академияси раиси ўринбосари 17. Ш.Т. Ризаев — Ўзбекистон Кинематография агентлиги бош директорининг биринчи ўринбосари 18. М.А. Сафаров — Ўзбекистон Миллий телерадиокомпанияси раиси ўринбосари 19. Ғ.А. Мажидов — Ўзбекистон Ёзувчилар уюшмаси раиси ўринбосари 20. С.Т. Турманов — Қорақалпоғистон Республикаси маҳалла ва нуронийларни қўллаб-қувватлаш вазири 21. Н.К. Аимбетов — Ўзбекистон Республикаси Фанлар академияси Қорақалпоғистон бўлими раиси 22. А.М. Реймов — Бердақ номидаги Қорақалпоқ давлат университети ректори 23. К.К. Каримов — Қорақалпоғистон Ёзувчилар уюшмаси раиси 24. У.Б. Панаев — Нукус шаҳар ҳокими
Ўзбекистон Республикасининг Бош вазири А. АРИПОВ
Тошкент ш.,
2022 йил 2 декабрь,
690-сон
Oʻzbekiston Respublikasi Vazirlar Mahkamasining
qarori
TARKIBI
Atoqli davlat arbobi, Oʻzbekiston Qahramoni Musa Yerniyazov tavalludining 75 yilligini keng nishonlash toʻgʻrisida
Oʻzbekiston Respublikasini ijtimoiy-iqtisodiy rivojlantirish, oʻzbek va qoraqalpoq xalqlarining azaliy doʻstligi va qardoshligini mustahkamlash yoʻlida fidokorona xizmat qilgan, ijtimoiy va siyosiy faoliyati bilan mamlakatimiz taraqqiyotiga katta hissa qoʻshgan atoqli davlat arbobi, Oʻzbekiston Qahramoni Musa Tajetdinovich Yerniyazovning yorqin xotirasini ulugʻlash hamda tavalludining 75 yilligini munosib nishonlash maqsadida:
1. Qoraqalpogʻiston Respublikasi Joʻqorgʻi Kengesi va Vazirlar Kengashi, Oʻzbekiston Respublikasi Madaniyat vazirligi, Mahalla va nuroniylarni qoʻllab-quvvatlash vazirligi, Respublika Maʼnaviyat va maʼrifat markazi hamda jamoatchilik vakillarining 2022-yil dekabr oyida Oʻzbekiston Qahramoni Musa Tajetdinovich Yerniyazov tavalludining 75 yilligini nishonlash toʻgʻrisidagi taklifi qoʻllab-quvvatlansin.
2. Oʻzbekiston Qahramoni Musa Tajetdinovich Yerniyazov tavalludining 75 yilligini nishonlash boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi ilovaga muvofiq tasdiqlansin.
3. Tashkiliy qoʻmita (A.T. Orinbayev, T.A. Xudaybergenov) oʻn kun muddatda Musa Tajetdinovich Yerniyazov tavalludining 75 yilligini nishonlash boʻyicha quyidagi chora-tadbirlarni nazarda tutuvchi dasturni, uni moliyalashtirishning aniq manbalarini belgilagan holda ishlab chiqsin va tasdiqlasin:
2022-yil dekabr oyining ikkinchi oʻn kunligida Nukus shahrida Musa Tajetdinovich Yerniyazov tavalludining 75 yilligiga bagʻishlangan xotira kechasini oʻtkazish;
M.T. Yerniyazovning hayoti va ijtimoiy-siyosiy faoliyati haqida hujjatli film yaratish;
M.T. Yerniyazov hayoti va faoliyatiga bagʻishlangan kitob-albomni nashrga tayyorlash va chop etish;
Nukus shahri “Jeke terek” mahallasidagi M.T. Yerniyazov yashagan xonadonda yodgorlik lavhasi oʻrnatish;
taniqli siyosatshunos va olimlar hamda nuroniylar ishtirokida xotira tadbirlari, davra suhbatlari va uchrashuvlar tashkil etish.
Belgilansinki, ushbu bandning:
uchinchi xatboshidagi vazifalar Oʻzbekiston Respublikasi Kinematografiya agentligiga Davlat budjetidan filmlar ishlab chiqarish uchun ajratilgan mablagʻlar doirasida;
toʻrtinchi xatboshidagi vazifalar Qoraqalpogʻiston Respublikasining respublika budjeti hisobidan;
beshinchi xatboshidagi vazifalar Oʻzbekiston Respublikasi Badiiy akademiyasiga Davlat budjetidan haykaltaroshlik asarlarini yaratish uchun ajratilgan mablagʻlar doirasida qoplanadi.
4. Tashkiliy qoʻmitaga (A.T. Orinbayev, T.A. Xudaybergenov) Oʻzbekiston Qahramoni Musa Tajetdinovich Yerniyazov tavalludining 75 yilligini nishonlash doirasida oʻtkaziladigan tadbirlarni yuksak saviyada tashkil etish, mazkur qaror va chora-tadbirlar dasturining oʻz vaqtida, sifatli va toʻliq amalga oshirilishini muvofiqlashtirib borish vazifasi yuklatilsin.
5. Oʻzbekiston Milliy axborot agentligi, Oʻzbekiston Milliy teleradiokompaniyasiga Oʻzbekiston Qahramoni Musa Tajetdinovich Yerniyazov tavalludining 75 yilligini nishonlash bilan bogʻliq tadbirlarni yoritish tavsiya etilsin.
6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — turizm va madaniy meros vaziri A.A. Abduhakimov va Qoraqalpogʻiston Respublikasi Vazirlar Kengashi Raisi Q.R. Sariyev zimmasiga yuklansin.
Vazirlar Mahkamasining 2022-yil 2-dekabrdagi 690-son qaroriga ILOVA
Oʻzbekiston Qahramoni Musa Tajetdinovich Yerniyazov tavalludining 75 yilligini nishonlash boʻyicha tashkiliy qoʻmita
1. A.T. Or in bayev — Qoraqalpogʻiston Respublikasi Joʻqorgʻi Kengesi Raisi, Tashkiliy qoʻmita raisi (kelishuvga asosan) 2. T.A. Xudaybergenov — Oʻzbekiston Respublikasi mahalla va nuroniylarni qoʻllab-quvvatlash vaziri vazifasini bajaruvchi, Tashkiliy qoʻmita hamraisi 3. Q.R. Sariyev — Qoraqalpogʻiston Respublikasi Vazirlar Kengashi Raisi 4. G.A. Annaklicheva — Oʻzbekiston Respublikasi Oliy Majlisi Senati aʼzosi, “Qoraqalpoq adabiyoti” gazetasi bosh muharriri 5. A. Jabbarbergenova — M.T. Yerniyazovning turmush oʻrtogʻi 6. B.M. Axmedov — Oʻzbekiston Respublikasi madaniyat vazirining birinchi oʻrinbosari 7. K.X. Karimov — Oʻzbekiston Respublikasi oliy va oʻrta maxsus taʼlim vazirining birinchi oʻrinbosari 8. U.U. Sharifxodjayev — Oʻzbekiston Respublikasi xalq taʼlimi vazirining birinchi oʻrinbosari 9. J.I. Abruyev — Oʻzbekiston Respublikasi moliya vaziri oʻrinbosari 10. U.A. Azamov — Axborot va ommaviy kommunikatsiyalar agentligi direktori oʻrinbosari 11. F.N. Joʻraqulov — Respublika Maʼnaviyat va maʼrifat markazi rahbarining birinchi oʻrinbosari 12. D.S. Kattaxonova — Oʻzbekiston Respublikasi Yoshlar ishlari agentligi direktori oʻrinbosari 13. A.M. Xadjibayev — Oʻzbekiston Kasaba uyushmalari Federatsiyasi Kengashi raisi oʻrinbosari 14. X.Gʻ. Xudayberdiyev — Oʻzbekiston Milliy axborot agentligi bosh direktori oʻrinbosari 15. S.Z. Mirzayev — Oʻzbekiston Fanlar akademiyasi vitse-prezidenti 16. F.E. Tashmuxamedov — Oʻzbekiston Badiiy akademiyasi raisi oʻrinbosari 17. Sh.T. Rizayev — Oʻzbekiston Kinematografiya agentligi bosh direktorining birinchi oʻrinbosari 18. M.A. Safarov — Oʻzbekiston Milliy teleradiokompa�iyasi raisi oʻrinbosari 19. Gʻ.A. Majidov — Oʻzbekiston Yozuvchilar uyushmasi raisi oʻrinbosari 20. S.T. Turmanov — Qoraqalpogʻiston Respublikasi mahalla va nuroniylarni qoʻllab-quvvatlash vaziri 21. N.K. Aimbetov — Oʻzbekiston Respublikasi Fanlar akademiyasi Qoraqalpogʻiston boʻlimi raisi 22. A.M. Reymov — Berdaq nomidagi Qoraqalpoq davlat universiteti rektori 23. K.K. Karimov — Qoraqalpogʻiston Yozuvchilar uyushmasi raisi 24. U.B. Panayev — Nukus shahar hokimi
Oʻzbekiston Respublikasining Bosh vaziri A. ARIPOV
Toshkent sh.,
2022-yil 2-dekabr,
690-son