UzbekAI

Ўзбекистон Республикаси Олий ва ўрта махсус таълим вазирлиги Ўзбекистон Республикаси Бандлик ва меҳнат муносабатлари вазирлигининг

Қарори

Академик лицейлар битирувчиларига мутахассисликлар бериш тартиби тўғрисидаги низомга ўзгартиришлар киритиш ҳақида

Ўзбекистон Республикасининг «Таълим тўғрисида»ги Қонуни , Ўзбекистон Республикаси Президентининг 2019 йил 6 сентябрдаги ПФ-5812-сон «Профессионал таълим тизимини янада такомиллаштиришга доир қўшимча чора-тадбирлар тўғрисида»ги Фармони ҳамда 2020 йил 3 декабрдаги ПҚ-4910-сон «Иқтидорли ёшларни саралаб олиш тизими ва академик лицейлар фаолиятини такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Олий ва ўрта махсус таълим вазирлиги ва Бандлик ва меҳнат муносабатлари вазирлиги қарор қилади:

1. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази ҳамда Меҳнат вазирлигининг 2017 йил 7 апрелдаги 22/ҚҚ ва 8-Қ/Қ-сон қарори (рўйхат рақами 2882, 2017 йил 10 май) (Ўзбекистон Республикаси қонун ҳужжатлари тўплами, 2017 й., 19-сон, 350-модда) билан тасдиқланган Академик лицейлар битирувчиларига мутахассисликлар бериш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Олий ва ўрта махсус таълим вазирлигининг 2022 йил 24 ноябрдаги 22-2022-сон ҳамда Бандлик ва меҳнат муносабатлари вазирлигининг 2022 йил 16 ноябрдаги 32-2022/ҚҚ-сон қарорига ИЛОВА

Академик лицейлар битирувчиларига мутахассисликлар бериш тартиби тўғрисидаги низомга киритилаётган ўзгартиришлар

1. 4-банд ва 15-банднинг бешинчи хатбошисидаги «махсус фан» деган сўзлар «касбий фан» деган сўзлар билан алмаштирилсин.

2. 12-бандда :

биринчи хатбошидаги «академик лицей директорининг» деган сўзлар «тегишли олий таълим муассасаси ректорининг» деган сўзлар билан алмаштирилсин;

бешинчи хатбоши қуйидаги таҳрирда баён этилсин:

«комиссия аъзолари — тегишли олий таълим муассасаси вакили, шунингдек академик лицей ҳамда келишув асосида турдош профессионал таълим муассасаларининг касбий фан ўқитувчилари.».

3. 19-банднинг биринчи хатбошисидаги «кейинги ўқув йили бошлангунга қадар (бироқ, академик лицейни тамомлаганлик тўғрисидаги диплом берилгунга қадар)» деган сўзлар «академик лицейни тамомлаганлик тўғрисидаги диплом берилгунга қадар» деган сўзлар билан алмаштирилсин.

4. 20-банддаги «академик лицей директорининг» деган сўзлар «тегишли олий таълим муассасаси ректорининг» деган сўзлар билан алмаштирилсин.

5. Низомнинг иловаси мазкур ўзгартиришларнинг иловасига мувофиқ таҳрирда баён этилсин.

Академик лицейлар битирувчиларига мутахассисликлар бериш тартиби тўғрисидаги низомга киритилаётган ўзгартиришларга ИЛОВА

«Академик лицейлар битирувчиларига мутахассисликлар бериш тартиби тўғрисидаги низомга ИЛОВА

Академик лицей сертификатининг давлат намунаси. Академик лицей сертификатининг тавсифи.

Сертификат 105х297 мм ўлчамда, қоғози 100% пахтадан тайёрланган, зичлиги 120+5 гр/м2, оқартиргичсиз, акс этмайдиган ультрабинафша нур ва миллий орнамент нақши кўринишидаги сув белгисидан иборат бўлади.

Сертификат бланкасининг юз томони юқори қисми марказида диаметри 30 мм бўлган Ўзбекистон Республикаси Давлат герби (рангли) тасвири туширилади. Давлат гербидан (рангли) 10 мм паст қисмида «OʻZBEKISTON RESPUBLIKASI» сўзлари, унинг таг қисмида «SERTIFIKAT» сўзи қизил рангда лотин алифбосида ёзилади.

Матн — Сертификат бланкаси ички қисми чап томонида лотин алифбосида, ўнг томонида инглиз тилида тегишли ёзувлар туширилади.

Сертификат варағи ички қисмининг икки тарафи марказида «Ҳумо» қуши (25х10 мм ўлчамда) қиёфаси кўринмайдиган тасвири жойлаштирилади ва мазкур қуш қиёфаси ультрабинафша нурлари остида кўринади.

Сертификат бланкаси қуйидаги ҳимоя элементлари билан тайёрланади:

а) тартиб рақами қора флуоресценция бўёғида чоп этилиб, ультрабинафша нурларида яшил рангда ёруғлик сочади;

б) босма жараёнида кимёвий барқарор матбаа бўёқлардан фойдаланади;

в) ҳар хил шаклдаги растрли сеткалардан фойдаланиш;

г) махсус ҳимояланган сув белгили қоғоз ишлатиш;

д) давлат гербини рангли тасвирлаш;

е) кичик матн бир неча бор катталаштирилганда кўринадиган сертификат саҳифасининг матн чизиқларида жойлашади ва такрорланувчи «OʻZBEKISTON RESPUBLIKASI» микроматнли сўз бирикмаси мавжуд.

‎ ‎ ‎ ‎ ‎ ‎ ‎‎Сертификатнинг ташқи ўнг томони: ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(Oʻzbekiston Respublikasi Davlat gerbining tasviri) ‎ ‎ ‎‎‎OʻZBEKISTON RESPUBLIKASI ‎ ‎SERTIFIKAT‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Сертификатнинг ички чап томони: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎O`ZBEKISTON RESPUBLIKASI ‎‎AKADEMIK LITSEY SERTIFIKATI ‎‎LS № __________________________ ‎ ‎ ‎ ‎ ‎‎‎‎(diрlоmsiz kuchga ega emas) ‎ ‎ ‎ ‎‎ ‎‎________________________________________________________________________ (familiyasi, ismi, otasining ismi)‎‎ ‎‎20 ____ yilda _______________________________________________________________________ ‎‎(akademik litsey nomi) ‎‎____________________________________________________________________________ga kirib, ‎ ‎‎20___yilda _________________________________________________________________________ ‎‎(akademik litsey nomi) __________________________________________________________________________ akademik ‎ ‎‎litseyni ____________________________________________________________________ yoʻnalishi ‎‎(yoʻnalish nomi) ‎ ‎‎boʻyicha tamomladi hamda _____________________________________________ mutaxassisligi berildi. ‎‎(mutaxassislik nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ M.Oʻ‎ ‎‎Davlat attestatsiya ‎ komissiyasi raisi ‎ ‎‎Direktor ‎ Kotib(а) ‎ ‎ ‎‎ ‎‎_______________________ shahri (tumani), 20___ yil ‎‎Roʻyxat raqami _____________ ‎‎

‎‎Сертификатнинг ички ўнг томони: ‎ ‎ ‎ ‎ ‎ ‎ ‎ ‎ ‎ ‎ ‎‎TНE REPUBLIC OF UZBEKISTAN CERTIFICATE OF ACADEMIC LYCEUM‎‎ ‎‎LS № ___________________________ ‎ ‎ ‎ ‎ ‎‎‎‎(not valid without diploma) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________________________________________________________________ (full name)‎‎ ‎‎enrolled in 20________________________________________________________________ ‎ ‎‎‎‎(name of academic lyceum) ‎‎and completed in 20 ___________________________________________________________ ‎‎(name of academic lyceum) ‎‎_________________________________________________________________ ‎‎‎having speсialized in __________________________________________________________ ‎‎(field of study) having speсialist in ___________________________________________________________ ‎‎(speciality) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Seal)‎‎ ‎ ‎ ‎‎‎‎Chairman of the State Attestation commission ‎‎‎ ‎ ‎‎‎‎Director ‎ Kotib(a)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Given________________________ ‎ ‎ ‎‎Registration № ________________».

Олий ва ўрта махсус таълим вазири А. ТОШКУЛОВ

Бандлик ва меҳнат муносабатлари вазири Н. ХУСАНОВ

Тошкент ш.,

2022 йил 24 ноябрь,

Тошкент ш.,

2022 йил 16 ноябрь,

22-2022-сон

32-2022/ҚҚ-сон

(Қонунчилик маълумотлари миллий базаси, 12.12.2022 й., 10/22/2882-2/1077-сон)

lex.uz

Oʻzbekiston Respublikasi Oliy va oʻrta maxsus taʼlim vazirligi Oʻzbekiston Respublikasi Bandlik va mehnat munosabatlari vazirligining

Qarori

Akademik litseylar bitiruvchilariga mutaxassisliklar berish tartibi toʻgʻrisidagi nizomga oʻzgartirishlar kiritish haqida

Oʻzbekiston Respublikasining “Taʼlim toʻgʻrisida”gi Qonuni , Oʻzbekiston Respublikasi Prezidentining 2019-yil 6-sentabrdagi PF-5812-son “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi Farmoni hamda 2020-yil 3-dekabrdagi PQ-4910-son “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Oliy va oʻrta maxsus taʼlim vazirligi va Bandlik va mehnat munosabatlari vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi hamda Mehnat vazirligining 2017-yil 7-apreldagi 22/QQ va 8-Q/Q-son qarori (roʻyxat raqami 2882, 2017-yil 10-may) (Oʻzbekiston Respublikasi qonun hujjatlari toʻplami, 2017-y., 19-son, 350-modda) bilan tasdiqlangan Akademik litseylar bitiruvchilariga mutaxassisliklar berish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Oliy va oʻrta maxsus taʼlim vazirligining 2022-yil 24-noyabrdagi 22-2022-son hamda Bandlik va mehnat munosabatlari vazirligining 2022-yil 16-noyabrdagi 32-2022/QQ-son qaroriga ILOVA

Akademik litseylar bitiruvchilariga mutaxassisliklar berish tartibi toʻgʻrisidagi nizomga kiritilayotgan oʻzgartirishlar

1. 4-band va 15-bandning beshinchi xatboshisidagi “maxsus fan” degan soʻzlar “kasbiy fan” degan soʻzlar bilan almashtirilsin.

2. 12-bandda :

birinchi xatboshidagi “akademik litsey direktorining” degan soʻzlar “tegishli oliy taʼlim muassasasi rektorining” degan soʻzlar bilan almashtirilsin;

beshinchi xatboshi quyidagi tahrirda bayon etilsin:

“komissiya aʼzolari — tegishli oliy taʼlim muassasasi vakili, shuningdek akademik litsey hamda kelishuv asosida turdosh professional taʼlim muassasalarining kasbiy fan oʻqituvchilari.”.

3. 19-bandning birinchi xatboshisidagi “keyingi oʻquv yili boshlangunga qadar (biroq, akademik litseyni tamomlaganlik toʻgʻrisidagi diplom berilgunga qadar)” degan soʻzlar “akademik litseyni tamomlaganlik toʻgʻrisidagi diplom berilgunga qadar” degan soʻzlar bilan almashtirilsin.

4. 20-banddagi “akademik litsey direktorining” degan soʻzlar “tegishli oliy taʼlim muassasasi rektorining” degan soʻzlar bilan almashtirilsin.

5. Nizomning ilovasi mazkur oʻzgartirishlarning ilovasiga muvofiq tahrirda bayon etilsin.

Akademik litseylar bitiruvchilariga mutaxassisliklar berish tartibi toʻgʻrisidagi nizomga kiritilayotgan oʻzgartirishlarga ILOVA

“Akademik litseylar bitiruvchilariga mutaxassisliklar berish tartibi toʻgʻrisidagi nizomga ILOVA

Akademik litsey sertifikatining davlat namunasi. Akademik litsey sertifikatining tavsifi.

Sertifikat 105x297 mm oʻlchamda, qogʻozi 100% paxtadan tayyorlangan, zichligi 120+5 gr/m2, oqartirgichsiz, aks etmaydigan ultrabinafsha nur va milliy ornament naqshi koʻrinishidagi suv belgisidan iborat boʻladi.

Sertifikat blankasining yuz tomoni yuqori qismi markazida diametri 30 mm boʻlgan Oʻzbekiston Respublikasi Davlat gerbi (rangli) tasviri tushiriladi. Davlat gerbidan (rangli) 10 mm past qismida “OʻZBEKISTON RESPUBLIKASI” soʻzlari, uning tag qismida “SERTIFIKAT” soʻzi qizil rangda lotin alifbosida yoziladi.

Matn — Sertifikat blankasi ichki qismi chap tomonida lotin alifbosida, oʻng tomonida ingliz tilida tegishli yozuvlar tushiriladi.

Sertifikat varagʻi ichki qismining ikki tarafi markazida “Humo” qushi (25x10 mm oʻlchamda) qiyofasi koʻrinmaydigan tasviri joylashtiriladi va mazkur qush qiyofasi ultrabinafsha nurlari ostida koʻrinadi.

Sertifikat blankasi quyidagi himoya elementlari bilan tayyorlanadi:

a) tartib raqami qora fluoressensiya boʻyogʻida chop etilib, ultrabinafsha nurlarida yashil rangda yorugʻlik sochadi;

b) bosma jarayonida kimyoviy barqaror matbaa boʻyoqlardan foydalanadi;

v) har xil shakldagi rastrli setkalardan foydalanish;

g) maxsus himoyalangan suv belgili qogʻoz ishlatish;

d) davlat gerbini rangli tasvirlash;

e) kichik matn bir necha bor kattalashtirilganda koʻrinadigan sertifikat sahifasining matn chiziqlarida joylashadi va takrorlanuvchi “OZBEKISTON RESPUBLIKASI” mikromatnli soʻz birikmasi mavjud.

‎ ‎ ‎ ‎ ‎ ‎ ‎‎Sertifikatning tashqi oʻng tomoni: ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(Oʻzbekiston Respublikasi Davlat gerbining tasviri) ‎ ‎ ‎‎‎OʻZBEKISTON RESPUBLIKASI ‎ ‎SERTIFIKAT‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Sertifikatning ichki chap tomoni: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎O`ZBEKISTON RESPUBLIKASI ‎‎AKADEMIK LITSEY SERTIFIKATI ‎‎LS № __________________________ ‎ ‎ ‎ ‎ ‎‎‎‎(dirlomsiz kuchga ega emas) ‎ ‎ ‎ ‎‎ ‎‎________________________________________________________________________ (familiyasi, ismi, otasining ismi)‎‎ ‎‎20 ____ yilda _______________________________________________________________________ ‎‎(akademik litsey nomi) ‎‎____________________________________________________________________________ga kirib, ‎ ‎‎20___yilda _________________________________________________________________________ ‎‎(akademik litsey nomi) __________________________________________________________________________ akademik ‎ ‎‎litseyni ____________________________________________________________________ yoʻnalishi ‎‎(yoʻnalish nomi) ‎ ‎‎boʻyicha tamomladi hamda _____________________________________________ mutaxassisligi berildi. ‎‎(mutaxassislik nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ M.Oʻ‎ ‎‎Davlat attestatsiya ‎ komissiyasi raisi ‎ ‎‎Direktor ‎ Kotib(a) ‎ ‎ ‎‎ ‎‎_______________________ shahri (tumani), 20___ yil ‎‎Roʻyxat raqami _____________ ‎‎

‎‎Sertifikatning ichki oʻng tomoni: ‎ ‎ ‎ ‎ ‎ ‎ ‎ ‎ ‎ ‎ ‎‎TNE REPUBLIC OF UZBEKISTAN CERTIFICATE OF ACADEMIC LYCEUM‎‎ ‎‎LS № ___________________________ ‎ ‎ ‎ ‎ ‎‎‎‎(not valid without diploma) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________________________________________________________________ (full name)‎‎ ‎‎enrolled in 20________________________________________________________________ ‎ ‎‎‎‎(name of academic lyceum) ‎‎and completed in 20 ___________________________________________________________ ‎‎(name of academic lyceum) ‎‎_________________________________________________________________ ‎‎‎having spesialized in __________________________________________________________ ‎‎(field of study) having spesialist in ___________________________________________________________ ‎‎(speciality) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Seal)‎‎ ‎ ‎ ‎‎‎‎Chairman of the State Attestation commission ‎‎‎ ‎ ‎‎‎‎Director ‎ Kotib(a)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Given________________________ ‎ ‎ ‎‎Registration № ________________”.

Oliy va oʻrta maxsus taʼlim vaziri A. TOShKULOV

Bandlik va mehnat munosabatlari vaziri N. XUSANOV

Toshkent sh.,

2022-yil 24-noyabr,

Toshkent sh.,

2022-yil 16-noyabr,

22-2022-son

32-2022/QQ-son

(Qonunchilik maʼlumotlari milliy bazasi, 12.12.2022-y., 10/22/2882-2/1077-son)

lex.uz