📅 2022-yil 13-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 13 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 декабря 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 13 December 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НАМУНАВИЙ НИЗОМ
СХЕМАСИ
МЕЗОНЛАРИ
НИЗОМ
СХЕМАСИ
Суд-экспертлик фаолиятини тартибга солувчи айрим норматив-хуқуқий ҳужжатларни тасдиқлаш тўғрисида
Ўзбекистон Республикаси Президентининг « Ўзбекистон Республикасида суд-экспертлик тизимини такомиллаштириш чора-тадбирлари тўғрисида » 2021 йил 5 июлдаги ПФ-6256-сон ҳамда « Фуқароларнинг ҳуқуқ ва эркинликларини таъминлаш ҳамда ҳуқуқий хизмат кўрсатишда адлия органлари ва муассасалари фаолияти самарадорлигини янада ошириш чора-тадбирлари тўғрисида » 2022 йил 17 мартдаги ПФ-89-сон фармонлари ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг « Ўзбекистон Республикасида суд-экспертлик тизимини такомиллаштириш чора-тадбирлари тўғрисида » 2021 йил 5 июлдаги ПФ-6256-сон ҳамда « Фуқароларнинг ҳуқуқ ва эркинликларини таъминлаш ҳамда ҳуқуқий хизмат кўрсатишда адлия органлари ва муассасалари фаолияти самарадорлигини янада ошириш чора-тадбирлари тўғрисида» 2022 йил 17 мартдаги ПФ-89-сон фармонларига мувофиқ:
а) суд экспертларининг фаолиятини касбий лаёқатлилиги, ўтказилган суд-экспертизаларининг сифати ва бошқа мезонларга асосан рейтинг тизимида баҳолаб бориш белгиланганлиги;
б) Адлия вазирлиги ҳузурида юридик шахс ташкил этмаган ҳолда Суд-экспертлик фаолиятини ривожлантиришни қўллаб-қувватлаш жамғармаси ташкил қилинганлиги маълумот учун қабул қилинсин.
2. Қуйидагиларни назарда тутувчи:
а) Суд экспертларининг фаолиятини рейтинг тизимида баҳолаб бориш тўғрисидаги намунавий низом 1-иловага мувофиқ тасдиқлансин:
суд экспертларини рейтинг тизимида баҳолаш тартиби;
баҳолаш учун асос бўладиган мезонлар;
суд экспертларини баҳолаш натижасида тўплаган балларини инобатга олган ҳолда таснифлаш;
рейтинг натижалари бўйича суд экспертларини рағбатлантириш, мавжуд рағбатлантиришни камайтириш ёки бекор қилиш ёхуд интизомий жазо қўллашгача бўлган чораларни кўриш;
рейтинг кўрсаткичлари юқори бўлган суд экспертининг иш фаолиятини оммалаштириш, келгусида уни бошқа рағбатлантириш ва мукофотлар билан тақдирлашда ҳисобга олиш;
б) Ўзбекистон Республикаси Адлия вазирлиги ҳузуридаги Суд-экспертлик фаолиятини ривожлантиришни қўллаб-қувватлаш жамғармаси тўғрисидаги низом 2-иловага мувофиқ тасдиқлансин:
Адлия вазирлиги ҳузуридаги Суд-экспертлик фаолиятини ривожлантиришни қўллаб-қувватлаш жамғармаси (кейинги ўринларда — Жамғарма) фаолиятини ташкил этиш, жумладан, Жамғарма маблағларини шакллантириш ва улардан фойдаланиш, Жамғармадан маблағ ажратиш ва Жамғарма фаолиятини бошқариш тартиблари, шунингдек, Жамғарма маблағларидан фойдаланиш юзасидан назоратни ташкил қилиш;
суд-экспертиза соҳасидаги ислоҳотларни қўшимча молиявий қўллаб-қувватлаш мақсадида нодавлат суд-экспертиза ташкилотларига субсидиялар ажратиш;
нодавлат суд-экспертиза ташкилотлари билан давлат-хусусий шериклик асосида амалга ошириладиган лойиҳаларни молиялаштириш;
суд экспертиза соҳасидаги илмий тадқиқотларга кўмаклашиш, суд экспертизанинг янги турлари ва тадқиқот ишларини қўллаб-қувватлаш учун грантлар ажратиш;
суд экспертларини қайта тайёрлаш ва уларнинг малакасини ошириш дастурларини амалга ошириш;
суд-экспертлик фаолиятига илғор фан ва техника ютуқларини жорий этиш;
давлат суд-экспертиза муассасаларининг моддий-техника базасини мустаҳкамлаш.
3. Белгилансинки:
давлат суд-экспертиза муассасаларига уларнинг бюджетдан ташқари ривожлантириш жамғармаси маблағларининг 50 фоизгача бўлган қисмини суд-экспертиза муассасалари ходимларини ижтимоий ҳимоя қилиш ва моддий рағбатлантириш тадбирларига сарфлашга рухсат этилади;
тизимида давлат суд-экспертиза муассасалари бўлган вазирликлар ва идораларга давлат суд-экспертиза муассасалари тушумларидан фойдаланиш тўғрисидаги тартибни Иқтисодиёт ва молия вазирлиги билан келишган ҳолда тасдиқлаш ҳуқуқи берилади.
4. Ўзбекистон Республикаси Ҳукуматининг 3-иловага айрим қарорларига ўзгартиришлар киритилсин.
5. Тизимида давлат суд-экспертиза муассасалари бўлган вазирликлар, давлат қўмиталари ва идоралари икки ой муддатда:
Суд экспертларининг фаолиятини рейтинг тизимида баҳолаб бориш тўғрисидаги намунавий низом ҳамда фаолият йўналишларидан келиб чиқиб, ўзларининг низомларини ишлаб чиқсин ва тасдиқласин;
ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
6. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.
Вазирлар Маҳкамасининг 2022 йил 13 декабрдаги 705-сон қарорига 1-ИЛОВА
Суд экспертларининг фаолиятини рейтинг тизимида баҳолаб бориш тўғрисида
1-боб. Умумий қоидалар
1. Мазкур Намунавий низом давлат суд-экспертиза муассасаси ва нодавлат суд-экспертиза ташкилоти экспертларининг (кейинги ўринларда — суд экспертлари) фаолиятини касбий лаёқатлилиги, ўтказилган суд экспертизаларининг сифати ва бошқа мезонларга асосан рейтинг тизимида баҳолаш тартибини белгилайди.
2. Фаолият кўрсатиб келаётган суд экспертларининг илмий салоҳиятини янада ошириш, суд-экспертлик соҳасидаги инновацион технологияларни кенг оммалаштириш, суд-экспертиза фаолиятида соғлом рақобат муҳитини яратиш рейтинг тизимида баҳолашнинг асосий мақсади ҳисобланади.
Суд экспертлари фаолиятини баҳолаш қонунийлик, ошкоралик, холислик, адолатлилик ва шаффофлик принципларига асосланади.
Бунда берилган суд-экспертиза хулосаларининг муддатида ва сифатли бажарганлиги, бажарилган суд экспертизаларининг ҳажми, суд экспертининг меҳнат ва ижро интизомига риоя қилиши, илмий лойиҳаларда иштирок этиши, илмий фаолият билан шуғулланиши (фалсафа доктори (PhD) илмий даражаси ва фан доктори (DSc) илмий даражасини олиш учун изланишлари), янги суд-экспертиза турларини жорий қилиши, янги методикаларни ишлаб чиқиши, мавжуд методикаларни такомиллаштириш, амалга оширилган тарғибот тадбирлари, фаолиятини такомиллаштириш юзасидан берган асосли таклифлари инобатга олинади.
3. Суд экспертининг фаолиятини касбий лаёқатлилиги, ўтказилган суд экспертизаларининг сифати ва бошқа мезонларга асосан баҳолаш қоида тариқасида бир йилда бир маротаба амалга оширилади. Суд экспертларини рейтинг тизимида баҳолаш ушбу Намунавий низомга 1-иловада назарда тутилган схемага мувофиқ ташкил этилади.
2-боб. Рейтинг тизимида баҳолаш тартиби
4. Рейтингни белгиланган тартибда юритиш давлат суд-экспертиза муассасаси ёки нодавлат суд-экспертиза ташкилоти, шунингдек, тизимида суд-экспертиза муассасаси мавжуд бўлган вазирлик ёки идора раҳбарининг буйруғи билан тасдиқланадиган Суд эксперти фаолиятини касбий лаёқатлилиги, ўтказилган суд экспертизаларининг сифати ва бошқа мезонлар асосида баҳолаш бўйича комиссия (кейинги ўринларда — Комиссия) томонидан амалга оширилади.
5. Комиссия 5 ёки 7 нафар аъзодан иборат таркибда ташкил этилади.
6. Комиссия таркиби қоида тариқасида куйидаги тартибда шакллантирилади: давлат суд-экспертиза муассасаси ёки нодавлат суд-экспертиза ташкилоти раҳбари ёхуд унинг ўринбосари — Комиссия раиси, давлат суд-экспертиза муассасаси ёки нодавлат суд-экспертиза ташкилотининг кадрлар иши бўйича масъул ходими — Комиссия котиби ҳисобланади, давлат суд-экспертиза муассасаси ёки нодавлат суд-экспертиза ташкилотининг тегишли таркибий бўлими масъул ходимлари, тизимида суд-экспертиза муассасаси мавжуд бўлган вазирлик ёки идоранинг вакили, шунингдек келишув асосида суд ва ҳуқуқни муҳофаза қилувчи органлар, олий таълим муассасалари ва илмий ташкилотлар ходимлари ҳам унинг таркибига киритилиши мумкин.
7. Комиссия котиби Комиссия мажлисларини ўтказишни ташкил қилади, ҳужжатларни тўплайди, баённомаларни расмийлаштиради, таништиради, эълон қилади, сақлайди, баённомаларда белгиланган тадбирларни бажарилишини назорат қилади ва бошқа тадбирларни амалга оширади.
8. Комиссия аъзолари Комиссия мажлиси ўтказиладиган санадан камида 5 кун олдин хабардор қилинади.
9. Комиссия мажлислари унинг аъзолари умумий сонининг учдан икки қисми иштирок этган бўлса, ваколатли ҳисобланади. Комиссия ҳар бир аъзосининг суд экспертига мустақил тарзда тегишли мезонлар асосида қўйган баллар Комиссия котиби томонидан умумлаштирилиб, Комиссия аъзолари сонига нисбатан яхлитлаш орқали ўртача умумий балл аниқланади.
10. Фаолиятни баҳолаш юзасидан асослантирувчи ҳужжатлар тегишли таркибий бўлим (лаборатория ва бўлимлар) масъул ходимлари томонидан Комиссия котибига ҳар йили 10 январга қадар топширилади, 10 январдан кечиктириб топширилган ҳужжатлар Комиссия котиби томонидан қабул қилинишига йўл қўйилмайди.
11. Комиссияга асосланмаган ёки сохта ҳужжатларни тақдим қилиш тегишли жавобгарликни келтириб чиқаради.
12. Комиссияга тақдим этилган ҳужжатлар ҳар йили 20 январга қадар тегишли тартибда кўриб чиқилиб ва ҳар бир фаолиятнинг долзарблиги инобатга олиниб, ушбу Намунавий низомга 2-иловада назарда тутилган мезонлар асосида баҳоланади.
Комиссия томонидан тақдим этилган ҳужжатлар белгиланган мезонлар асосида 100 баллик тизимда баҳоланади.
13. Суд эксперти фаолиятини рейтинг тизими асосида баҳолаш кўрсаткичлари бўйича тўпланган баллардан келиб чиқиб, қуйидагича тавсифланади:
86 — 100 балл — «аъло»;
71 — 85 балл — «яхши»;
56 — 70 балл — «қониқарли»;
0 — 55 балл — «қониқарсиз».
14. Комиссия мажлиси баённома орқали расмийлаштирилади, баҳолаш жадвали баённомага илова қилинади.
3-боб. Рейтинг натижалари бўйича суд экспертларини рағбатлантириш
15. Баҳолаш натижасида тўпланган рейтинг кўрсаткичларига асосан «қониқарли», «яхши» ва «аъло» деб топилган:
давлат суд экспертига нисбатан давлат суд-экспертиза муассасаси ёки вазирлик, идора ва ташкилотларнинг бюджетдан ташқари ривожлантириш жамғармалари ҳисобидан рағбатлантириш, хусусан, ҳар ойлик қўшимча устамалар миқдорини белгилашга доир чоралар қўлланилиши мумкин;
нодавлат суд-экспертиза ташкилотининг экспертларини рағбатлантириш ушбу ташкилотларнинг жамоа келишувлари ёки меҳнат ҳақидаги бошқа ҳуқуқий ҳужжатлари билан тартибга солинади.
16. Рейтинг натижасига кўра, фаолияти аъло деб топилган суд экспертига нисбатан давлат суд-экспертиза муассасаларининг бюджетдан ташқари ривожлантириш жамғармалари, шунингдек, нодавлат суд-экспертиза ташкилоти ҳисобидан лавозим маошининг 50 фоизигача миқдорида бир марталик пул мукофоти берилиши мумкин.
17. Суд эксперти фаолиятини рейтинг тизимида баҳолашда фаолияти қониқарсиз деб топилган суд экспертларини лавозим маошига қўлланиб келинган рағбатлантиришлар камайтирилиши ёки бекор қилиниши мумкин.
Рейтинг тизими асосида баҳолаш фаолияти қониқарсиз деб топилганлиги суд экспертига нисбатан интизомий жазо чораси қўлланилишига асос бўлиши мумкин.
18. Комиссия рейтинг натижаларини ҳар йили 25 январга қадар эълон қилади.
19. Давлат суд-экспертиза муассасаси ёки нодавлат суд-экспертиза ташкилотлари ҳар йили 10 мартга қадар рейтинг кўрсаткичларига асосан суд экспертларига нисбатан рағбатлантириш, мавжуд рағбатлантиришни камайтириш ва бекор қилиш ёки интизомий жазо чораси қўллашгача бўлган чораларни кўради.
4-боб. Якунловчи қоидалар
20. Рейтинг кўрсаткичлари юқори бўлган суд экспертининг иш фаолиятини оммалаштириш келгусида уни бошқа рағбатлантириш ва мукофотлар билан тақдирлашда ҳисобга олинади.
21. Рейтинг кўрсаткичлари суд-экспертиза муассасасининг расмий ахборот манбаларида, суд-экспертиза фаолиятига оид ахборот порталларида ва бошқа ижтимоий тармоқларда эълон қилинади.
22. Ушбу Намунавий низом талабларининг бузилишига йўл қўйган айбдор шахслар қонунчилик ҳужжатларига мувофиқ жавобгар бўлади.
Суд экспертларининг фаолиятини рейтинг тизимида баҳолаб бориш тўғрисидаги намунавий низомга 1-ИЛОВА
Суд экспертларини рейтинг тизимида баҳолашни ташкил этиш
Босқичлар Субъектлар Тадбирлар Бажариш муддатлари 1-босқич Давлат суд-экспертиза муассасаси ёки нодавлат суд-экспертиза ташкилоти Давлат суд-экспертиза муассасаси ёки нодавлат суд-экспертиза ташкилоти, шунингдек, тизимида суд-экспертиза муассасаси мавжуд бўлган вазирлик ёки идора раҳбарининг буйруғи билан Намунавий низомда белгиланган тартибда Суд эксперти фаолиятини касбий лаёқатлилиги, ўтказилган суд экспертизаларининг сифати ва бошқа мезонлар асосида баҳолаш бўйича комиссия таркибини тасдиқлаш. Комиссия йиғилиши бошлангунга қадар 2-босқич Давлат суд-экспертиза муассасаси ёки нодавлат суд-экспертиза ташкилотининг тегишли таркибий бўлим (лаборатория ва бўлимлар) масъул ходимлари Фаолиятни баҳолаш юзасидан асослантирувчи ҳужжатларни Комиссия котибига топшириш. ҳар йили 10 январга қадар 3-босқич Суд эксперти фаолиятини касбий лаёқатлилиги, ўтказилган суд-экспертизаларининг сифати ва бошқа мезонлар асосида баҳолаш бўйича комиссия 1. Комиссияга тақдим этилган ҳужжатларни тегишли тартибда кўриб чиқиб, ҳар бир фаолият долзарблигини инобатга олиб баҳолаш. ҳар йили 20 январга қадар 2. Комиссия мажлисини баённома орқали расмийлаштириш, баҳолаш жадвалини баённомага илова қилиш. ҳар йили 20 январда 4-босқич Суд эксперти фаолиятини касбий лаёқатлилиги, ўтказилган суд-экспертизаларининг сифати ва бошқа мезонлар асосида баҳолаш бўйича комиссия Рейтинг натижаларини суд-экспертиза муассасаси ёки нодавлат суд-экспертиза ташкилоти расмий ахборот манбаларида, суд-экспертиза фаолиятига оид ахборот порталларида ва бошқа ижтимоий тармоқларда эълон қилиш. ҳар йили 25 январга қадар 5-босқич Давлат суд-экспертиза муассасаси ёки нодавлат суд-экспертиза ташкилоти Баҳолаш натижасида тўпланган рейтинг кўрсаткичларига асосан суд экспертларига нисбатан рағбатлантириш, мавжуд рағбатлантиришни камайтириш ва бекор қилиш ёки интизомий жазо чораси қўллашгача бўлган чораларни кўриш. ҳар йили 10 мартга қадар
Суд экспертларининг фаолиятини рейтинг тизимида баҳолаб бориш тўғрисидаги намунавий низомга 2-ИЛОВА
Суд экспертларининг фаолиятини касбий лаёқатлилиги, ўтказилган суд экспертизаларининг сифати ва бошқа мезонларга мувофиқлиги даражасини белгилаш
Т/р Мезонлар Балл Ижобий кўрсаткичлар 1. Суд экспертининг суд-экспертлик фаолиятининг асосий принципларига риоя этганлиги 0 — 15 2. Суд-экспертиза тадқиқотларини белгиланган иш ҳажми меъёридан ортиқ бажарилганлиги (меъёрдан ошган ҳар бир баравар учун 2 балл, бироқ энг юқори балл 15 баллдан ошмаслиги керак) 0 — 15 3. Суд экспертизаларининг муддатида бажарилиши. Суд экспертизасини тайинлаш ҳақидаги қарорда кўрсатилган саволларга тўлиқ ва асослантирувчи далиллар билан эксперт томонидан хулоса берилганлиги, унинг тергов ва суд жараёнларида жиноятларни фош этишга кўмаклашиши. 0 — 10 4. Жисмоний ва юридик шахсларнинг мурожаатларига асосан 20 тадан ортиқ тадқиқотлар ўтказиши 0 — 8 5. Янги суд-экспертиза турлари ёки янги методикаларни амалиётга жорий қилиши 0 — 5 6. Мавжуд фойдаланиб келинаётган 1 та услубий қўлланмани танқидий таҳлил қилган ҳолда уни такомиллаштиришга доир асосланган таклифлар ишлаб чиқиши ва уларни Х. Сулаймонова номидаги Республика суд-экспертиза марказининг Суд-экспертлик илмий-тадқиқот институтига киритиши 0 — 5 7. Илмий (грант) лойиҳаларида ижрочи, илмий ишларни тайёрлашга раҳбар ҳамда диссертация тадқиқотларини амалга оширишга мўлжалланган Илмий кенгашларда аъзо сифатидаги иштироки 0 — 5 8. Илмий фаолият билан шуғулланиши (фалсафа доктори (PhD) илмий даражаси ва фан доктори (DSc) илмий даражасини олиш учун изланишлари 0 — 5 9. Хорижий тилларни билиш даражаси (B2 ва ундан юқори даражадаги миллий ёки унга мос даражадаги халқаро сертификатга эга бўлиши) 5 10. Қуйидаги тадбирлардаги иштироки учун: 0 — 18 Илмий нашрлар ва қўлланмалар тайёрланиши Хорижий Маҳаллий ҳар бир нашр учун 10 балл ҳар бир нашр учун 3 балл ОАВ орқали ҳамда ижтимоий тармоқларда чиқишлари, шунингдек, илмий анжуманлар ва семинарларда иштироки учун Республика Вилоят ҳар бир тадбир учун 2 балл ҳар бир тадбир учун 1 балл Ҳуқуқни муҳофаза қилувчи органларда ҳамда таълим муассасаларида учрашувлар ўтказганлиги учун Ҳар бир тадбир учун 1 балл Меҳнат жамоаларида учрашувлар ўтказганлиги, шунингдек фаолият юритадиган муассасасининг расмий ахборот манбаларида чиқишлари ҳамда бошқалар учун Ҳар бир тадбир учун 0,5 балл 11. Меҳнат интизомига риоя этиши 0 — 5 12. Жамоат ишларидаги иштироки ёки ёш суд-экспертларга устозлик қилиши 0 — 4 Салбий кўрсаткичлар: 1. Тадқиқот ўтказиш муддати асоссиз ўтказиб юборилган ишлар (ҳар бир ҳолат учун) -2 2. Суд томонидан асоссиз деб топилган ёки бекор қилинган суд-экспертиза хулосалари (ҳар бир хулоса учун) -10 3. Ҳуқуқни муҳофаза қилувчи органлар томонидан қонунчилик бузилиши ҳолати бўйича киритилган тақдимномалар (ҳар бир киритилган тақдимнома учун) * -10 4. Жисмоний ва юридик шахсларнинг мурожаатларида кўрсатилган важларнинг тўлиқ ўз тасдиғини топиши (ҳар бир тасдиғини топган мурожаат учун) -10 5. Ўтказилган тақризлар бўйича суд-экспертиза хулосаларида тасдиқланган суд-экспертизаларни ўтказиш методикаси қоидалари бузилганлиги аниқланиши (ҳар бир камчилик аниқланган суд-экспертизаси хулосаси учун) -5
Вазирлар Маҳкамасининг 2022 йил 13 декабрдаги 705-сон қарорига 2-ИЛОВА
Ўзбекистон Республикаси Адлия вазирлиги ҳузуридаги Суд-экспертлик фаолиятини ривожлантиришни қўллаб-қувватлаш жамғармаси тўғрисида
1-боб. Умумий қоидалар
1. Ушбу Низом Ўзбекистон Республикаси Адлия вазирлиги ҳузуридаги Суд-экспертлик фаолиятини ривожлантиришни қўллаб-қувватлаш жамғармаси (кейинги ўринларда — Жамғарма) фаолиятини ташкил этиш тартибини белгилайди.
2. Жамғарма Ўзбекистон Республикаси Президентининг «Ўзбекистон Республикасида суд-экспертлик тизимини такомиллаштириш чора-тадбирлари тўғрисида» 2021 йил 5 июлдаги ПФ-6256-сон Фармонига асосан ташкил қилинган.
3. Жамғарма ўз маблағларини Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг ҳужжатлари, Вазирлар Маҳкамасининг қарорларига, бошқа қонунчилик ҳужжатларига ва мазкур Низомга асосан тасарруф қилади.
4. Жамғарма юридик шахс ҳисобланмайди, унинг маблағлари Ўзбекистон Республикаси Адлия вазирлигининг (кейинги ўринларда — Адлия вазирлиги) Ўзбекистон Республикаси Молия вазирлиги Ғазначилигидаги шахсий ҳисобварағига жамланади ҳамда белгиланган тартибда бухгалтерия ҳисоби юритилади ва амалга оширилади.
5. Жамғармани бошқариш ва унинг маблағларини мақсадли тақсимлаш Жамғарма фаолиятини бошқариш кенгаши (кейинги ўринларда — Жамғарма кенгаши) томонидан амалга оширилади.
Адлия вазирлигининг Молия-иқтисод бошқармаси Жамғарма кенгашининг ишчи органи (кейинги ўринларда — Ишчи орган) ҳисобланади.
2-боб. Жамғарма маблағларини шакллантириш ва улардан фойдаланиш тартиби
6. Қуйидагилар Ўзбекистон Республикаси Президентининг «Ўзбекистон Республикасида суд-экспертлик тизимини такомиллаштириш чора-тадбирлари тўғрисида» 2021 йил 5 июлдаги ПФ-6256-сон Фармонига мувофиқ Жамғарма маблағларини шакллантириш манбалари ҳисобланади:
Ўзбекистон Республикаси Бош прокуратураси, Адлия вазирлиги, Давлат божхона қўмитаси ва улар тизимидаги ташкилотларнинг бюджетдан ташқари жамғармаларига тушадиган тушумнинг 1 фоизи миқдоридаги ажратмалар;
давлат суд-экспертиза муассасалари томонидан шартнома асосида жисмоний ва юридик шахсларнинг мурожаатларига мувофиқ ўтказиладиган суд-экспертиза тадқиқотлари учун олинган тўловларнинг 5 фоизи;
хорижий (халқаро) молия институтлари ва бошқа хорижий донорларнинг техник кўмак воситалари ва грантлари;
Жамғарманинг бўш маблағларини тижорат банкларининг депозитларига жойлаштиришдан олинадиган даромадлар ва қонунчиликда тақиқланмаган бошқа манбалар.
7. Жамғарма маблағлари:
«E-ekspertiza» электрон ахборот тизимини жорий этиш, техник қўллаб-қувватлаш ва ундан фойдаланиш билан боғлиқ харажатларни қоплаш;
нодавлат суд-экспертиза ташкилотлари билан давлат-хусусий шериклик асосида белгиланган тартибда амалга ошириладиган лойиҳаларни молиялаштириш;
нодавлат суд-экспертиза ташкилотларига субсидиялар ажратиш;
суд-экспертиза соҳасидаги илмий тадқиқотларга кўмаклашиш, суд экспертизасининг янги турлари ва тадқиқот ишларини қўллаб-қувватлаш учун грантлар ажратиш;
суд экспертларини қайта тайёрлаш ва уларнинг малакасини ошириш дастурларини амалга ошириш;
суд-экспертлик фаолиятига илғор фан ва техника ютуқларини жорий этиш;
давлат суд-экспертиза муассасаларининг моддий-техника базасини мустаҳкамлашга йўналтирилади.
8. Давлат суд-экспертиза муассасаларининг сўровларига асосан «E-ekspertiza» электрон ахборот тизимини жорий этиш, техник қўллаб-қувватлаш ва ундан фойдаланиш билан боғлиқ харажатларнинг бир қисмини қоплаш учун Жамғарма ҳисобидан маблағлар ажратилиши мумкин.
Бунда ажратилган маблағлар, биринчи навбатда, «E-ekspertiza» электрон ахборот тизимини техник қўллаб-қувватлашга йўналтирилади.
9. Жамғарма маблағларидан нодавлат суд-экспертиза ташкилотларига субсидиялар қуйидаги мақсадларда ажратилади:
суд-экспертлик фаолиятини амалга ошириш учун ижарага олинган бинолар дастлабки олти ойлик ижарасининг 50 фоизгача бўлган миқдорини тўлаб бериш;
тадқиқотлар ўтказишда фойдаланиладиган замонавий ускуналарни хорижий давлатлардан импорт қилишда сарфланган транспорт харажатларини бир қисми бўлган, бироқ базавий ҳисоблаш миқдорининг 100 бараваридан кўп бўлмаган миқдорда амалга оширилади.
Бунда, Жамғарма маблағларидан самарали ва тўғри фойдаланишни ташкил этиш учун нодавлат суд-экспертиза ташкилотига йил давомида бир маротаба субсидия ажратилади.
10. Суд-экспертиза соҳасидаги илмий тадқиқотларга кўмаклашиш, суд экспертизасининг янги турлари ва тадқиқот ишларини қўллаб-қувватлаш учун зарур билим ва тажрибага эга бўлган илмий-тадқиқот муассасаларига Жамғарма маблағлари ҳисобидан грантлар ажратилади.
11. Суд экспертларини қайта тайёрлаш ва уларнинг малакасини ошириш дастурларини амалга оширишда Жамғарма маблағлари давлат суд-экспертиза муассасалари, нодавлат суд-экспертиза ташкилотлари эҳтиёжларидан келиб чиқиб, бироқ йил давомида ўн нафардан кўп бўлмаган номзодларни хорижий давлатларда қайта тайёрлаш ва уларнинг малакасини ошириш тадбирларига йўналтирилади.
12. Жамғармага тушадиган хорижий валютадаги маблағлар Адлия вазирлигининг Ўзбекистон Республикаси Молия вазирлиги Ғазначилигидаги шахсий ҳисобварағига жамланади ва мазкур маблағлардан қонунчиликда ўрнатилган тартибда фойдаланилади.
13. Жамғармадан мазкур Низомнинг 7-бандида белгиланган йўналишларга маблағлар тасдиқланган харажатлар сметаси бўйича ажратилади ҳамда улардан ушбу тақсимот доирасидаги тадбирларни молиялаштиришда фойдаланилади.
14. Жамғарманинг жорий йилда фойдаланилмаган маблағлари Ўзбекистон Республикаси Давлат бюджетига олиб қўйилмайди ва улардан кейинги молия йилларида фойдаланилади.
3-боб. Жамғармадан маблағ ажратиш тартиби
15. Давлат суд-экспертиза муассасаси, нодавлат суд-экспертиза ташкилотига Жамғармадан маблағ мазкур Низомга иловада келтирилган схемага мувофиқ ажратилади.
Жамғармадан маблағлар ажратишда, маблағлар биринчи навбатда Ўзбекистон Республикаси Президентининг фармон, қарор ва фармойишлари ҳамда Вазирлар Маҳкамасининг қарорларида Жамғармага юклатилган вазифаларни молиялаштиришга йўналтирилади.
16. Давлат суд-экспертиза муассасалари ҳамда нодавлат суд-экспертиза ташкилотлари мазкур Низомнинг 7-бандида назарда тутилган йўналишлар бўйича Жамғарма кенгашига заруратга кўра ҳар йили декабрь ойининг 15-санасига қадар қуйидаги ҳужжатларни тақдим этади:
мурожаат этувчи юридик шахс номи, ташкилий-ҳуқуқий шакли, жойлашган жойи (почта манзили), банк бўлинмасининг номи ва банкдаги ҳисобварағи, электрон почта манзили ҳамда СТИР кўрсатилган ариза;
Жамғармадан маблағлар ажратиш зарурлигини асословчи тегишли ҳужжатлар (маблағлардан фойдаланиш йўналишига қараб).
Бунда амалга оширилиши режалаштирилаётган лойиҳалар, грантлар, режалар ҳамда уларни молиялаштириш билан боғлиқ ҳисоб-китоблар тақдим этилади.
Тақдим этилган ҳужжатларнинг тўлиқ ва ҳаққонийлиги учун ариза берувчилар жавобгар ҳисобланади.
17. Давлат суд-экспертиза муассасаси, нодавлат суд-экспертиза ташкилотидан ушбу Низом талабларига мувофиқ келиб тушган аризалар Жамғарма кенгашининг навбатдаги йиғилиши кун тартибига қўйилади ва кўриб чиқилади.
Ариза ва унга илова қилинган ҳужжатлар Ишчи орган томонидан ўрганиб чиқилади.
Жамғарма кенгаши Жамғармадан маблағлар ажратиш зарурлигига аниқлик киритиш мақсадида қўшимча ҳужжатларни сўраб олиши мумкин.
18. Жамғарма маблағларини олиш учун давлат суд-экспертиза муассасаси, нодавлат суд-экспертиза ташкилоти томонидан тақдим этилган ҳужжатларни кўриб чиқиш жараёнида, агар буюртманома Жамғарманинг мақсад ва вазифаларига мос келмаса, маблағлардан мақсадсиз фойдаланиш таваккалчилиги мавжуд бўлса ва лойиҳанинг мақсадга мувофиқлиги ҳамда иқтисодий самарадорлиги етарлича асосланмаган бўлса, маблағларни ажратишни рад этиш тўғрисида қарор қабул қилинади.
19. Жамғармадан маблағлар ажратиш тўғрисида тегишли қарор қабул қилинган тақдирда, Жамғарма кенгаши томонидан қарор қабул қилингандан кейин 3 иш куни ичида ариза берувчи хабардор қилинади ва белгиланган маблағ ариза берувчининг аризасида кўрсатилган банк ҳисобварағига 15 иш куни ичида ўтказиб берилади.
20. Ариза берувчи давлат суд-экспертиза муассасаси, нодавлат суд-экспертиза ташкилоти ушбу Низомнинг 7-бандида кўрсатилган тадбирлар амалга оширилгандан сўнг тасдиқловчи ҳужжатларни 15 иш куни ичида Жамғарма кенгашига тақдим этиши шарт.
21. Давлат суд-экспертиза муассасаси, нодавлат суд-экспертиза ташкилотида ўзлаштирилмасдан қолган маблағ ҳамда ажратилган йўналишдан бошқа мақсадларга сарфланган маблағ тўлиқ ҳажмда давлат суд-экспертиза муассасаси, нодавлат суд-экспертиза ташкилоти томонидан Жамғармага қайтарилади.
4-боб. Жамғармани бошқариш
22. Жамғармани бошқариш ва унинг маблағларини мақсадли тақсимлаш Жамғарма кенгаши томонидан амалга оширилади. Унга Ўзбекистон Республикаси адлия вазири ўринбосари раҳбарлик қилади ва Жамғарма кенгашининг раиси ҳисобланади.
Жамғарма кенгаши Ўзбекистон Республикаси адлия вазирининг буйруғи билан камида етти нафар аъзодан иборат таркибда тасдиқланади ва вазир ўринбосарлари, вазирликнинг тегишли таркибий бўлинмалари бошлиқлари, манфаатдор вазирлик ва идораларнинг вакиллари ҳамда давлат суд-экспертиза муассасалари ва нодавлат суд-экспертиза ташкилотлари раҳбарларидан шакллантирилади.
Жамғарма кенгаши ўз фаолиятини мазкур Низомга мувофиқ амалга оширади. Жамғарма кенгаши аъзолари Жамғарма бошқарувидаги ўз мажбуриятларини жамоатчилик асосида бажаради.
Жамғарма кенгаши мажлиси аъзоларнинг ярмидан кўпи қатнашган тақдирда ваколатли ҳисобланади. Кўриб чиқилаётган масалалар бўйича қарорлар оддий кўпчилик овоз билан қабул қилинади. Қабул қилинган қарор баённома шаклида расмийлаштирилади ва Жамғарма кенгашининг раиси томонидан имзоланади.
23. Жамғарма кенгаши мажлиси ҳар ярим йилликда ўтказилади, шунингдек, зарур бўлганда навбатдан ташқари мажлислар ҳам ўтказилиши мумкин.
24. Ишчи орган:
Жамғармадан ажратилган маблағлардан фойдаланилишини назорат қилади ва унинг мониторингини амалга оширади;
ҳар йил якунида бир маротаба Жамғарма кенгашига Жамғарма маблағларидан фойдаланилиши бўйича ҳисобот тақдим этади;
Жамғарма кенгашининг қарорларига асосан Жамғарма фаолияти билан боғлиқ бошқа ишларни амалга оширади.
5-боб. Жамғарма маблағларидан фойдаланиш юзасидан ҳисоб ва ҳисобот ҳамда назорат
25. Жамғарма маблағларидан фойдаланиш бўйича ҳисоб-китоблар алоҳида ғазна ҳисобварақлари орқали юритилади.
26. Жамғарманинг даромадлар ва харажатлар сметаларини бюджет ташкилотларининг харажатлар сметалари учун белгиланган тартибда тузилади ва Жамғарма кенгаши томонидан тасдиқланади.
27. Жамғарманинг даромадлари ва харажатлари сметаларининг бажарилиши бўйича йиллик ҳисобот Жамғарма кенгаши мажлисида кўриб чиқилади ва тасдиқланади ҳамда Адлия вазирлигининг расмий веб-сайтига жойлаштирилади.
28. Жамғарма ишчи органи томонидан Жамғарма маблағларидан фойдаланиш, шу жумладан, Жамғарма даромадлари ва харажатлари бўйича қонунчиликда белгиланган тартиб ва муддатларда Адлия вазирлигининг умумий ҳисоботлари доирасида Ўзбекистон Республикаси Молия вазирлигига ҳисобот топширилади.
6-боб. Якунловчи қоидалар
29. Жамғарма кенгаши аъзолари Жамғарма маблағларининг мақсадли ва самарали тақсимланиши учун жавоб беради.
30. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
Ўзбекистон Республикаси Адлия вазирлиги ҳузуридаги Суд-экспертлик фаолиятини ривожлантиришни қўллаб-қувватлаш жамғармаси тўғрисидаги низомга ИЛОВА
Суд-экспертлик фаолиятини ривожлантиришни қўллаб-қувватлаш жамғармасидан маблағ ажратиш
Босқичлар Масъул ижрочилар Тадбирлар Ижро муддати 1-босқич Давлат суд-экспертиза муассасаси, нодавлат суд-экспертиза ташкилоти Адлия вазирлиги ҳузуридаги Суд-экспертлик фаолиятини ривожлантиришни қўллаб-қувватлаш жамғармасидан (кейинги ўринларда — Жамғарма) маблағ олиш учун Низом талабларига мувофиқ Жамғарма кенгашига ариза билан мурожаат қилиш. Жамғармадан маблағлар олиш учун зарур ҳужжатларни тақдим этиш. Заруратга кўра ҳар йили декабрь ойининг 15-санасига қадар 2-босқич Жамғарма кенгаши 1. Жамғармадан маблағ олиш учун Давлат суд-экспертиза муассасаси, нодавлат суд-экспертиза ташкилоти томонидан тақдим этилган ҳужжатларни қабул қилиш, таҳлил этиш ва кўриб чиқиш. 2. Жамғармадан маблағлар ажратиш тўғрисида ёки маблағлар ажратишни рад этиш тўғрисида қарор қабул қилиш. Жамғарма кенгашининг навбатдаги йиғилишида 3-босқич Жамғарма кенгаши Давлат суд-экспертиза муассасаси, нодавлат суд-экспертиза ташкилотига қабул қилинган қарор тўғрисида хабарнома юбориш. Жамғарма кенгашининг тегишли қарори қабул қилингандан сўнг 3 иш куни ичида 4-босқич Жамғарма кенгаши Жамғармадан маблағлар ажратиш тўғрисида тегишли қарор қабул қилинган тақдирда, давлат суд-экспертиза муассасаси, нодавлат суд-экспертиза ташкилоти аризасида кўрсатилган банк ҳисобварағига Жамғармадан маблағлар ўтказиш. Жамғарма кенгашининг тегишли қарори қабул қилингандан сўнг 15 иш куни ичида 5-босқич Давлат суд-экспертиза муассасаси, нодавлат суд-экспертиза ташкилоти Давлат суд-экспертиза муассасаси, нодавлат суд-экспертиза ташкилоти томонидан тадбирлар амалга оширилганини тасдиқловчи ҳужжатларни Жамғарма кенгаши (Ишчи орган)га тақдим этиш. Тадбирлар амалга оширилгандан сўнг 15 иш куни ичида
Вазирлар Маҳкамасининг 2022 йил 13 декабрдаги 705-сон қарорига 3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти, давлат солиқ хизмати ва давлат божхона хизмати органлари ходимларига имтиёзли шартларда уй-жой сотиб олишга узоқ муддатли ипотека кредитлари бериш тартиби тўғрисидаги низомни ҳамда Судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти, давлат солиқ хизмати ва давлат божхона хизмати органлари ходимларига уй-жойларни ижарага олганлик (ижарага турганлик) учун ҳар ойлик пул компенсацияси тўлаш тартиби тўғрисидаги низомни тасдиқлаш ҳақида» 2012 йил 31 октябрдаги 312-сон қарорида (Ўзбекистон Республикаси ҚТ, 2012 й., 10-сон, 78-модда):
а) муқаддима «ПФ-5147-сон» сўзларидан кейин ««Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида» 2018 йил 12 апрелдаги ПФ-5414-сон,» сўзлари билан тўлдирилсин;
б) 1-банднинг учинчи хатбошиси қуйидаги таҳрирда баён этилсин:
«Судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти, давлат солиқ хизмати ва давлат божхона хизмати органлари ходимларига уй-жойларни ижарага олганлик (ижарага турганлик) учун ҳар ойлик пул компенсацияси тўлаш тартиби тўғрисидаги низом 2-иловага мувофиқ тасдиқлансин»;
в) 1-иловада :
1-банд қуйидаги таҳрирда баён этилсин:
«1. Мазкур Низом «Ипотека тўғрисида»ги Ўзбекистон Республикаси Қонунига, Ўзбекистон Республикаси Президентининг «Суд тизими ходимларини ижтимоий муҳофаза қилишни тубдан яхшилаш чора-тадбирлари тўғрисида» 2012 йил 2 августдаги ПФ-4459-сон, «Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида» 2017 йил 18 июлдаги ПФ-5116-сон, «Ўзбекистон Республикаси Ҳисоб палатаси фаолиятини тубдан такомиллаштириш чора-тадбирлари тўғрисида» 2017 йил 10 августдаги ПФ-5147-сон, «Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида» 2018 йил 12 апрелдаги ПФ-5414-сон, «Суд-ҳуқуқ тизимини янада такомиллаштириш ва суд ҳокимияти органларига ишончни ошириш чора-тадбирлари тўғрисида» 2018 йил 13 июлдаги ПФ-5482-сон фармонларига, шунингдек, Ўзбекистон Республикаси Президентининг «Ўзбекистон Республикаси прокуратура органлари ходимларини моддий рағбатлантириш ва ижтимоий ҳимоя қилишни кучайтириш чора-тадбирлари тўғрисида» 2013 йил 13 ноябрдаги ПҚ-2065-сон, «Судлар ва адлия органлари фаолиятини моддий-техник ва молиявий таъминлаш тартибини такомиллаштириш тўғрисида» 2017 йил 23 августдаги ПҚ-3240-сон қарорларига мувофиқ тижорат банклари томонидан судьяларга, Конституциявий суд, Судьялар олий кенгаши, Олий суд, қуйи судлар аппаратлари, Ўзбекистон Республикаси Олий суди ҳузуридаги Судлар фаолиятини таъминлаш департаменти ва унинг ҳудудий бўлимлари (кейинги ўринларда суд органлари деб аталади) ходимларига, Ўзбекистон Республикаси Ҳисоб палатаси, прокуратура органлари ҳамда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти (кейинги ўринларда прокуратура органлари деб аталади) ва давлат солиқ хизмати ва давлат божхона хизмати органлари ходимларига имтиёзли шартларда уй-жой сотиб олишга узоқ муддатли ипотека кредити бериш тартибини белгилайди.
Ушбу Низомнинг амал қилиши судьяларга, шу жумладан, Ўзбекистон Республикаси Конституциявий суди судьяларига (кейинги ўринларда судьялар деб аталади), суд органлари, Ўзбекистон Республикаси Ҳисоб палатаси, прокуратура, давлат солиқ хизмати ва давлат божхона хизмати органлари ходимларига нисбатан татбиқ этилади»;
10-банднинг иккинчи хатбошиси қуйидаги таҳрирда баён этилсин:
«Кўрсатиб ўтилган маблағлар тижорат банкида судьянинг, суд органлари, Ўзбекистон Республикаси Ҳисоб палатаси, прокуратура, давлат солиқ хизмати ва давлат божхона хизмати органлари ходимининг номига миллий валютада очилган жамғарма ҳисоб рақамида бўлиши керак»;
II бобнинг номи қуйидаги таҳрирда баён этилсин:
«II. Судьяларнинг ва суд органлари ходимларининг дастлабки бадални олиши, уни бериш ва қайтариш тартиби»;
11-банддаги «судьянинг суд органлари, ходимининг» сўзлари «судьянинг, суд органлари ходимининг» сўзлари билан алмаштирилсин;
19 9 -банддаги «солиқ» сўзи «божхона» сўзи билан алмаштирилсин;
20-бандда :
учинчи ва тўртинчи хатбошилардаги «Ўзбекистон Республикаси Ҳисоб палатаси прокуратура» сўзлари «Ўзбекистон Республикаси Ҳисоб палатаси, прокуратура» сўзлари билан алмаштирилсин;
бешинчи хатбоши қуйидаги таҳрирда баён этилсин:
«судьяни лавозимга тайинлаш (сайлаш), Ўзбекистон Республикаси Ҳисоб палатаси ходимларини лавозимга тайинлаш тўғрисидаги тегишли қарорнинг, суд органлари, прокуратура, давлат солиқ хизмати ва давлат божхона хизмати органлари ходимларини лавозимга тайинлаш тўғрисидаги буйруқнинг нусхалари»;
23-банддаги «Ўзбекистон Республикаси Ҳисоб палатаси прокуратура» сўзлари «Ўзбекистон Республикаси Ҳисоб палатаси, прокуратура» сўзлари билан алмаштирилсин;
26-бандда :
иккинчи хатбошидаги «Ўзбекистон Республикаси Ҳисоб палатаси прокуратура, давлат солиқ хизмати ва давлат божхона хизмати органлари ходимлари» сўзлари «Ўзбекистон Республикаси Ҳисоб палатаси, прокуратура, давлат солиқ хизмати ва давлат божхона хизмати органлари ходимларини» сўзлари билан алмаштирилсин;
тўртинчи хатбошидаги «ипотека тўғрисида шартнома, шунингдек кредит шартномаси» сўзлари «ипотека тўғрисида шартномани, шунингдек кредит шартномасини» сўзлари билан алмаштирилсин;
28-банддаги «судья, Ўзбекистон Республикаси Ҳисоб палатаси, суд органлари,» сўзлари «судья, суд органлари, Ўзбекистон Республикаси Ҳисоб палатаси,» сўзлари билан, «судьянинг, Ўзбекистон Республикаси Ҳисоб палатаси, суд органлари,» сўзлари «судьянинг, суд органлари, Ўзбекистон Республикаси Ҳисоб палатаси,» сўзлари билан алмаштирилсин;
30-банднинг биринчи хатбошисидаги «суд органлари Ўзбекистон Республикаси Ҳисоб палатаси,» сўзлари «суд органлари, Ўзбекистон Республикаси Ҳисоб палатаси,» сўзлари билан алмаштирилсин;
32-банддаги «органлари ходимлари» сўзлари «ходимлари» сўзи билан алмаштирилсин;
г) 2-иловада :
номи қуйидаги таҳрирда баён этилсин:
«Судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти, давлат солиқ хизмати ва давлат божхона хизмати органлари ходимларига уй-жойларни ижарага олганлик (ижарага турганлик) учун ҳар ойлик пул компенсацияси тўлаш тартиби тўғрисидаги низом»;
1-банд қуйидаги таҳрирда баён этилсин:
«1. Мазкур Низом Ўзбекистон Республикаси Президентининг «Суд тизими ходимларини ижтимоий муҳофаза қилишни тубдан яхшилаш чора-тадбирлари тўғрисида» 2012 йил 2 августдаги ПФ-4459-сон, «Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида» 2017 йил 18 июлдаги ПФ-5116-сон, «Ўзбекистон Республикаси Ҳисоб палатаси фаолиятини тубдан такомиллаштириш чора-тадбирлари тўғрисида» 2017 йил 10 августдаги ПФ-5147-сон, «Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида» 2018 йил 12 апрелдаги ПФ-5414-сон, «Суд-ҳуқуқ тизимини янада такомиллаштириш ва суд ҳокимияти органларига ишончни ошириш чора-тадбирлари тўғрисида» 2018 йил 13 июлдаги ПФ-5482-сон фармонларига, шунингдек «Ўзбекистон Республикаси прокуратура органлари ходимларини моддий рағбатлантириш ва ижтимоий ҳимоя қилишни кучайтириш чора-тадбирлари тўғрисида» 2013 йил 13 ноябрдаги ПҚ-2065-сон, «Судлар ва адлия органлари фаолиятини моддий-техник ва молиявий таъминлаш тартибини такомиллаштириш тўғрисида» 2017 йил 23 августдаги ПҚ-3240-сон қарорларига мувофиқ судьяларга, Конституциявий суд, Судьялар олий кенгаши, Олий суд, қуйи судлар аппаратлари, Ўзбекистон Республикаси Олий суди ҳузуридаги Судлар фаолиятини таъминлаш департаменти ва унинг ҳудудий бўлимлари (кейинги ўринларда суд органлари деб аталади) ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти (кейинги ўринларда прокуратура органлари ходимлари деб аталади), давлат солиқ хизмати ва давлат божхона хизмати органлари ходимларига уй-жойларни ижарага олганлик (ижарада турганлик) учун ҳар ойлик пул компенсацияси тўлаш тартибини белгилайди»;
Ушбу Низомнинг амал қилиши судьяларга, шу жумладан, Ўзбекистон Республикаси Конституциявий суди судьяларига (кейинги ўринларда судьялар деб аталади), суд органлари, Ўзбекистон Республикаси Ҳисоб палатаси, прокуратура, давлат солиқ хизмати ва давлат божхона хизмати органлари ходимларига нисбатан татбиқ этилади»;
2-бандда :
биринчи хатбоши қуйидаги таҳрирда баён этилсин:
«2. Уй-жойларни ижарага олганлик (ижарада турганлик) учун ҳар ойлик пул компенсацияси (кейинги ўринларда пул компенсацияси деб аталади) уй-жойлар билан таъминланмаган судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари ходимларига, давлат солиқ хизмати ва давлат божхона хизмати органлари ходимларига амалдаги сарф-харажатлар доирасида (коммунал хизматлар ҳақи бундан мустасно), лекин:»;
бешинчи хатбоши қуйидаги таҳрирда баён этилсин:
«Оила аъзолари уч киши ва ундан ортиқ бўлган тақдирда (судьянинг, суд органлари ходимининг, Ўзбекистон Республикаси Ҳисоб палатаси, прокуратура органлари ходимларининг, давлат солиқ хизмати ва давлат божхона хизмати органлари ходимларининг ўзини ҳисобламаган ҳолда) ушбу пул компенсацияси миқдорлари 50 фоизга оширилади. Бунда судьяни тайинлаш (сайлаш), суд органлари ходимини, Ўзбекистон Республикаси Ҳисоб палатаси, прокуратура органлари ходимларини, давлат солиқ хизмати ва давлат божхона хизмати органлари ходимларини тайинлаш жойига келган оила аъзолари: хотини (эри), уларнинг болалари ва ота-оналари, шунингдек қонунчиликка мувофиқ ижарага олувчининг оила аъзолари деб эътироф этилган бошқа шахслар ҳисобга олинади»;
3-банд қуйидаги таҳрирда баён этилсин:
«3. Судьяга, суд органлари ходимларига, Ўзбекистон Республикаси Ҳисоб палатаси, прокуратура органлари ходимларига, давлат солиқ хизмати органлари ва давлат божхона хизмати органлари ходимларига пул компенсацияси тўлаш судья тайинланган (сайланган) жойга келгандан, суд органлари ходимлари, Ўзбекистон Республикаси Ҳисоб палатаси, прокуратура органлари ходимлари, давлат солиқ хизмати органлари ва давлат божхона хизмати органлари ходимлари тайинланган жойга келгандан кейин уй-жой ижарага олинган (ижарада турган) кундан бошлаб белгиланган тартибда расмийлаштирилган уй-жойни ижарага олиш (ижарада туриш) шартномаси асосида амалга оширилади. Судьяга тайинланган (сайланган) жойида, суд органлари ходимига, Ўзбекистон Республикаси Ҳисоб палатаси, прокуратура ходимларига, давлат солиқ хизмати ва давлат божхона хизмати органлари ходимларига тайинланган жойида хизмат уй-жой майдони берилган тақдирда ёки у уй-жой сотиб олганда, унинг ваколатлари тўхтатилганда ва тугаганда пул компенсацияси тўлаш тўхтатилади»;
5-банд қуйидаги таҳрирда баён этилсин:
«5. Тайинланган (сайланган) жойида ота-оналари ёки эри (хотини)нинг ота-оналари уй-жойларида бирга яшаётган судьяларга, тайинланган жойида ота-оналари ёки эри (хотини)нинг ота-оналари уй-жойларида бирга яшаётган суд органлари ходимларига, Ўзбекистон Республикаси Ҳисоб палатаси, прокуратура органлари ходимларига, давлат солиқ хизмати ва давлат божхона хизмати органлари ходимларига пул компенсацияси тўланмайди»;
6-банднинг биринчи хатбошиси қуйидаги таҳрирда баён этилсин:
«6. Судья, суд органлари ходимлари, Ўзбекистон Республикаси Ҳисоб палатаси, прокуратура органлари ходимлари, давлат солиқ хизмати ва давлат божхона хизмати органлари ходимлари пул компенсациясини олиш учун вақтинча яшаш жойини ва уй-жойни ижарага олганлик (ижарада турганлик) учун коммунал хизматлар қийматисиз амалдаги харажатлар суммасини кўрсатган ҳолда тегишли орган раҳбарига ариза беради»;
7-банднинг иккинчи хатбошисидаги «прокуратура,» сўзи «прокуратура органлари ходимларига» сўзлари билан алмаштирилсин;
9 ва 10-бандлар қуйидаги таҳрирда баён этилсин:
«9. Пул компенсацияси миқдорини аниқлашда ҳисобга олинадиган оила таркиби ўзгарган тақдирда, судьянинг, суд органлари ходимининг, Ўзбекистон Республикаси Ҳисоб палатаси, прокуратура органлари ходимларининг, давлат солиқ хизмати ва давлат божхона хизмати органлари ходимларининг оила таркиби ўзгарганлигини тасдиқловчи ҳужжатлар нусхалари илова қилинган пул компенсацияси миқдорини қайта кўриб чиқиш тўғрисидаги аризаси асосида янги миқдорлардаги пул компенсацияси белгиланган тартибда ушбу ўзгаришлар бошланган кундан бошлаб тўланади.
10. Судья, суд органлари ходими, Ўзбекистон Республикаси Ҳисоб палатаси, прокуратура органлари ходимлари, давлат солиқ хизмати ва давлат божхона хизмати органлари ходимлари томонидан ортиқча олинган пул компенсацияси суммаси қонунчиликда белгиланган тартибда иш ҳақидан ушлаб қолиш йўли билан тўлиқ миқдорда ундан ундириб олинади»;
11-банднинг биринчи хатбошиси қуйидаги таҳрирда баён этилсин:
«11. Ушбу Низомга мувофиқ судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари ходимларига пул компенсацияси тўлаш билан боғлиқ харажатлар Ўзбекистон Республикаси Давлат бюджети маблағлари ҳисобига амалга оширилади».
2. Вазирлар Маҳкамасининг «Ўзбекистон Республикаси Адлия вазирлиги ҳузуридаги X. Сулаймонова номидаги Республика суд экспертизаси маркази фаолиятини янада такомиллаштириш ҳамда суд экспертларининг малакасини ошириш тизимини ташкил қилиш тўғрисида» 2017 йил 13 апрелдаги 206-сон қарорининг (Ўзбекистон Республикаси ҚТ, 2017 й., 4-сон, 45-модда) 2-банди иккинчи хатбошиси қуйидаги таҳрирда баён этилсин:
«Ўзбекистон Республикаси Адлия вазирлиги тизимидаги суд экспертларининг малакасини ва ҳуқуқий билимларини, шунингдек, давлат ва нодавлат ташкилотларининг сўровига асосан бошқа суд экспертларининг ҳуқуқий билимларини ошириш бўйича ўқув жараёнини ташкил қилиш».
5. Вазирлар Маҳкамасининг «Ўзбекистон Республикаси Адлия вазирлиги тизимидаги таълим муассасалари фаолиятини янада такомиллаштириш чора-тадбирлари тўғрисида» 2021 йил 22 ноябрдаги 705-сон қарорининг 3-банди (Ўзбекистон Республикаси ҚТ, 2021 й., 11-сон, 235-модда) бешинчи хатбошисида «харажатларни қоплаш» сўзларидан кейин «, фаолиятини ташкил этиш ва доимий равишда молиявий қўллаб-қувватлаш» сўзлари билан тўлдирилсин.
Ўзбекистон Республикасининг Бош вазири А. АРИПОВ
Тошкент ш.,
2022 йил 13 декабрь,
705-сон
Oʻzbekiston Respublikasi Vazirlar Mahkamasining
qarori
NAMUNAVIY NIZOM
SXEMASI
MEZONLARI
NIZOM
SXEMASI
Sud-ekspertlik faoliyatini tartibga soluvchi ayrim normativ-xuquqiy hujjatlarni tasdiqlash toʻgʻrisida
Oʻzbekiston Respublikasi Prezidentining “ Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida ” 2021-yil 5-iyuldagi PF-6256-son hamda “ Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida ” 2022-yil 17-martdagi PF-89-son farmonlari ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “ Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida ” 2021-yil 5-iyuldagi PF-6256-son hamda “ Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida” 2022-yil 17-martdagi PF-89-son farmonlariga muvofiq:
a) sud ekspertlarining faoliyatini kasbiy layoqatliligi, oʻtkazilgan sud-ekspertizalarining sifati va boshqa mezonlarga asosan reyting tizimida baholab borish belgilanganligi;
b) Adliya vazirligi huzurida yuridik shaxs tashkil etmagan holda Sud-ekspertlik faoliyatini rivojlantirishni qoʻllab-quvvatlash jamgʻarmasi tashkil qilinganligi maʼlumot uchun qabul qilinsin.
2. Quyidagilarni nazarda tutuvchi:
a) Sud ekspertlarining faoliyatini reyting tizimida baholab borish toʻgʻrisidagi namunaviy nizom 1-ilovaga muvofiq tasdiqlansin:
sud ekspertlarini reyting tizimida baholash tartibi;
baholash uchun asos boʻladigan mezonlar;
sud ekspertlarini baholash natijasida toʻplagan ballarini inobatga olgan holda tasniflash;
reyting natijalari boʻyicha sud ekspertlarini ragʻbatlantirish, mavjud ragʻbatlantirishni kamaytirish yoki bekor qilish yoxud intizomiy jazo qoʻllashgacha boʻlgan choralarni koʻrish;
reyting koʻrsatkichlari yuqori boʻlgan sud ekspertining ish faoliyatini ommalashtirish, kelgusida uni boshqa ragʻbatlantirish va mukofotlar bilan taqdirlashda hisobga olish;
b) Oʻzbekiston Respublikasi Adliya vazirligi huzuridagi Sud-ekspertlik faoliyatini rivojlantirishni qoʻllab-quvvatlash jamgʻarmasi toʻgʻrisidagi nizom 2-ilovaga muvofiq tasdiqlansin:
Adliya vazirligi huzuridagi Sud-ekspertlik faoliyatini rivojlantirishni qoʻllab-quvvatlash jamgʻarmasi (keyingi oʻrinlarda — Jamgʻarma) faoliyatini tashkil etish, jumladan, Jamgʻarma mablagʻlarini shakllantirish va ulardan foydalanish, Jamgʻarmadan mablagʻ ajratish va Jamgʻarma faoliyatini boshqarish tartiblari, shuningdek, Jamgʻarma mablagʻlaridan foydalanish yuzasidan nazoratni tashkil qilish;
sud-ekspertiza sohasidagi islohotlarni qoʻshimcha moliyaviy qoʻllab-quvvatlash maqsadida nodavlat sud-ekspertiza tashkilotlariga subsidiyalar ajratish;
nodavlat sud-ekspertiza tashkilotlari bilan davlat-xususiy sheriklik asosida amalga oshiriladigan loyihalarni moliyalashtirish;
sud ekspertiza sohasidagi ilmiy tadqiqotlarga koʻmaklashish, sud ekspertizaning yangi turlari va tadqiqot ishlarini qoʻllab-quvvatlash uchun grantlar ajratish;
sud ekspertlarini qayta tayyorlash va ularning malakasini oshirish dasturlarini amalga oshirish;
sud-ekspertlik faoliyatiga ilgʻor fan va texnika yutuqlarini joriy etish;
davlat sud-ekspertiza muassasalarining moddiy-texnika bazasini mustahkamlash.
3. Belgilansinki:
davlat sud-ekspertiza muassasalariga ularning budjetdan tashqari rivojlantirish jamgʻarmasi mablagʻlarining 50 foizgacha boʻlgan qismini sud-ekspertiza muassasalari xodimlarini ijtimoiy himoya qilish va moddiy ragʻbatlantirish tadbirlariga sarflashga ruxsat etiladi;
tizimida davlat sud-ekspertiza muassasalari boʻlgan vazirliklar va idoralarga davlat sud-ekspertiza muassasalari tushumlaridan foydalanish toʻgʻrisidagi tartibni Iqtisodiyot va moliya vazirligi bilan kelishgan holda tasdiqlash huquqi beriladi.
4. Oʻzbekiston Respublikasi Hukumatining 3-ilovaga ayrim qarorlariga oʻzgartirishlar kiritilsin.
5. Tizimida davlat sud-ekspertiza muassasalari boʻlgan vazirliklar, davlat qoʻmitalari va idoralari ikki oy muddatda:
Sud ekspertlarining faoliyatini reyting tizimida baholab borish toʻgʻrisidagi namunaviy nizom hamda faoliyat yoʻnalishlaridan kelib chiqib, oʻzlarining nizomlarini ishlab chiqsin va tasdiqlasin;
oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
6. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.
Vazirlar Mahkamasining 2022-yil 13-dekabrdagi 705-son qaroriga 1-ILOVA
Sud ekspertlarining faoliyatini reyting tizimida baholab borish toʻgʻrisida
1-bob. Umumiy qoidalar
1. Mazkur Namunaviy nizom davlat sud-ekspertiza muassasasi va nodavlat sud-ekspertiza tashkiloti ekspertlarining (keyingi oʻrinlarda — sud ekspertlari) faoliyatini kasbiy layoqatliligi, oʻtkazilgan sud ekspertizalarining sifati va boshqa mezonlarga asosan reyting tizimida baholash tartibini belgilaydi.
2. Faoliyat koʻrsatib kelayotgan sud ekspertlarining ilmiy salohiyatini yanada oshirish, sud-ekspertlik sohasidagi innovatsion texnologiyalarni keng ommalashtirish, sud-ekspertiza faoliyatida sogʻlom raqobat muhitini yaratish reyting tizimida baholashning asosiy maqsadi hisoblanadi.
Sud ekspertlari faoliyatini baholash qonuniylik, oshkoralik, xolislik, adolatlilik va shaffoflik prinsiplariga asoslanadi.
Bunda berilgan sud-ekspertiza xulosalarining muddatida va sifatli bajarganligi, bajarilgan sud ekspertizalarining hajmi, sud ekspertining mehnat va ijro intizomiga rioya qilishi, ilmiy loyihalarda ishtirok etishi, ilmiy faoliyat bilan shugʻullanishi (falsafa doktori (PhD) ilmiy darajasi va fan doktori (DSc) ilmiy darajasini olish uchun izlanishlari), yangi sud-ekspertiza turlarini joriy qilishi, yangi metodikalarni ishlab chiqishi, mavjud metodikalarni takomillashtirish, amalga oshirilgan targʻibot tadbirlari, faoliyatini takomillashtirish yuzasidan bergan asosli takliflari inobatga olinadi.
3. Sud ekspertining faoliyatini kasbiy layoqatliligi, oʻtkazilgan sud ekspertizalarining sifati va boshqa mezonlarga asosan baholash qoida tariqasida bir yilda bir marotaba amalga oshiriladi. Sud ekspertlarini reyting tizimida baholash ushbu Namunaviy nizomga 1-ilovada nazarda tutilgan sxemaga muvofiq tashkil etiladi.
2-bob. Reyting tizimida baholash tartibi
4. Reytingni belgilangan tartibda yuritish davlat sud-ekspertiza muassasasi yoki nodavlat sud-ekspertiza tashkiloti, shuningdek, tizimida sud-ekspertiza muassasasi mavjud boʻlgan vazirlik yoki idora rahbarining buyrugʻi bilan tasdiqlanadigan Sud eksperti faoliyatini kasbiy layoqatliligi, oʻtkazilgan sud ekspertizalarining sifati va boshqa mezonlar asosida baholash boʻyicha komissiya (keyingi oʻrinlarda — Komissiya) tomonidan amalga oshiriladi.
5. Komissiya 5 yoki 7 nafar aʼzodan iborat tarkibda tashkil etiladi.
6. Komissiya tarkibi qoida tariqasida kuyidagi tartibda shakllantiriladi: davlat sud-ekspertiza muassasasi yoki nodavlat sud-ekspertiza tashkiloti rahbari yoxud uning oʻrinbosari — Komissiya raisi, davlat sud-ekspertiza muassasasi yoki nodavlat sud-ekspertiza tashkilotining kadrlar ishi boʻyicha masʼul xodimi — Komissiya kotibi hisoblanadi, davlat sud-ekspertiza muassasasi yoki nodavlat sud-ekspertiza tashkilotining tegishli tarkibiy boʻlimi masʼul xodimlari, tizimida sud-ekspertiza muassasasi mavjud boʻlgan vazirlik yoki idoraning vakili, shuningdek kelishuv asosida sud va huquqni muhofaza qiluvchi organlar, oliy taʼlim muassasalari va ilmiy tashkilotlar xodimlari ham uning tarkibiga kiritilishi mumkin.
7. Komissiya kotibi Komissiya majlislarini oʻtkazishni tashkil qiladi, hujjatlarni toʻplaydi, bayonnomalarni rasmiylashtiradi, tanishtiradi, eʼlon qiladi, saqlaydi, bayonnomalarda belgilangan tadbirlarni bajarilishini nazorat qiladi va boshqa tadbirlarni amalga oshiradi.
8. Komissiya aʼzolari Komissiya majlisi oʻtkaziladigan sanadan kamida 5 kun oldin xabardor qilinadi.
9. Komissiya majlislari uning aʼzolari umumiy sonining uchdan ikki qismi ishtirok etgan boʻlsa, vakolatli hisoblanadi. Komissiya har bir aʼzosining sud ekspertiga mustaqil tarzda tegishli mezonlar asosida qoʻygan ballar Komissiya kotibi tomonidan umumlashtirilib, Komissiya aʼzolari soniga nisbatan yaxlitlash orqali oʻrtacha umumiy ball aniqlanadi.
10. Faoliyatni baholash yuzasidan asoslantiruvchi hujjatlar tegishli tarkibiy boʻlim (laboratoriya va boʻlimlar) masʼul xodimlari tomonidan Komissiya kotibiga har yili 10-yanvarga qadar topshiriladi, 10-yanvardan kechiktirib topshirilgan hujjatlar Komissiya kotibi tomonidan qabul qilinishiga yoʻl qoʻyilmaydi.
11. Komissiyaga asoslanmagan yoki soxta hujjatlarni taqdim qilish tegishli javobgarlikni keltirib chiqaradi.
12. Komissiyaga taqdim etilgan hujjatlar har yili 20-yanvarga qadar tegishli tartibda koʻrib chiqilib va har bir faoliyatning dolzarbligi inobatga olinib, ushbu Namunaviy nizomga 2-ilovada nazarda tutilgan mezonlar asosida baholanadi.
Komissiya tomonidan taqdim etilgan hujjatlar belgilangan mezonlar asosida 100 ballik tizimda baholanadi.
13. Sud eksperti faoliyatini reyting tizimi asosida baholash koʻrsatkichlari boʻyicha toʻplangan ballardan kelib chiqib, quyidagicha tavsiflanadi:
86 — 100 ball — “aʼlo”;
71 — 85 ball — “yaxshi”;
56 — 70 ball — “qoniqarli”;
0 — 55 ball — “qoniqarsiz”.
14. Komissiya majlisi bayonnoma orqali rasmiylashtiriladi, baholash jadvali bayonnomaga ilova qilinadi.
3-bob. Reyting natijalari boʻyicha sud ekspertlarini ragʻbatlantirish
15. Baholash natijasida toʻplangan reyting koʻrsatkichlariga asosan “qoniqarli”, “yaxshi” va “aʼlo” deb topilgan:
davlat sud ekspertiga nisbatan davlat sud-ekspertiza muassasasi yoki vazirlik, idora va tashkilotlarning budjetdan tashqari rivojlantirish jamgʻarmalari hisobidan ragʻbatlantirish, xususan, har oylik qoʻshimcha ustamalar miqdorini belgilashga doir choralar qoʻllanilishi mumkin;
nodavlat sud-ekspertiza tashkilotining ekspertlarini ragʻbatlantirish ushbu tashkilotlarning jamoa kelishuvlari yoki mehnat haqidagi boshqa huquqiy hujjatlari bilan tartibga solinadi.
16. Reyting natijasiga koʻra, faoliyati aʼlo deb topilgan sud ekspertiga nisbatan davlat sud-ekspertiza muassasalarining budjetdan tashqari rivojlantirish jamgʻarmalari, shuningdek, nodavlat sud-ekspertiza tashkiloti hisobidan lavozim maoshining 50 foizigacha miqdorida bir martalik pul mukofoti berilishi mumkin.
17. Sud eksperti faoliyatini reyting tizimida baholashda faoliyati qoniqarsiz deb topilgan sud ekspertlarini lavozim maoshiga qoʻllanib kelingan ragʻbatlantirishlar kamaytirilishi yoki bekor qilinishi mumkin.
Reyting tizimi asosida baholash faoliyati qoniqarsiz deb topilganligi sud ekspertiga nisbatan intizomiy jazo chorasi qoʻllanilishiga asos boʻlishi mumkin.
18. Komissiya reyting natijalarini har yili 25-yanvarga qadar eʼlon qiladi.
19. Davlat sud-ekspertiza muassasasi yoki nodavlat sud-ekspertiza tashkilotlari har yili 10-martga qadar reyting koʻrsatkichlariga asosan sud ekspertlariga nisbatan ragʻbatlantirish, mavjud ragʻbatlantirishni kamaytirish va bekor qilish yoki intizomiy jazo chorasi qoʻllashgacha boʻlgan choralarni koʻradi.
4-bob. Yakunlovchi qoidalar
20. Reyting koʻrsatkichlari yuqori boʻlgan sud ekspertining ish faoliyatini ommalashtirish kelgusida uni boshqa ragʻbatlantirish va mukofotlar bilan taqdirlashda hisobga olinadi.
21. Reyting koʻrsatkichlari sud-ekspertiza muassasasining rasmiy axborot manbalarida, sud-ekspertiza faoliyatiga oid axborot portallarida va boshqa ijtimoiy tarmoqlarda eʼlon qilinadi.
22. Ushbu Namunaviy nizom talablarining buzilishiga yoʻl qoʻygan aybdor shaxslar qonunchilik hujjatlariga muvofiq javobgar boʻladi.
Sud ekspertlarining faoliyatini reyting tizimida baholab borish toʻgʻrisidagi namunaviy nizomga 1-ILOVA
Sud ekspertlarini reyting tizimida baholashni tashkil etish
Bosqichlar Subyektlar Tadbirlar Bajarish muddatlari 1-bosqich Davlat sud-ekspertiza muassasasi yoki nodavlat sud-ekspertiza tashkiloti Davlat sud-ekspertiza muassasasi yoki nodavlat sud-ekspertiza tashkiloti, shuningdek, tizimida sud-ekspertiza muassasasi mavjud boʻlgan vazirlik yoki idora rahbarining buyrugʻi bilan Namunaviy nizomda belgilangan tartibda Sud eksperti faoliyatini kasbiy layoqatliligi, oʻtkazilgan sud ekspertizalarining sifati va boshqa mezonlar asosida baholash boʻyicha komissiya tarkibini tasdiqlash. Komissiya yigʻilishi boshlangunga qadar 2-bosqich Davlat sud-ekspertiza muassasasi yoki nodavlat sud-ekspertiza tashkilotining tegishli tarkibiy boʻlim (laboratoriya va boʻlimlar) masʼul xodimlari Faoliyatni baholash yuzasidan asoslantiruvchi hujjatlarni Komissiya kotibiga topshirish. har yili 10-yanvarga qadar 3-bosqich Sud eksperti faoliyatini kasbiy layoqatliligi, oʻtkazilgan sud-ekspertizalarining sifati va boshqa mezonlar asosida baholash boʻyicha komissiya 1. Komissiyaga taqdim etilgan hujjatlarni tegishli tartibda koʻrib chiqib, har bir faoliyat dolzarbligini inobatga olib baholash. har yili 20-yanvarga qadar 2. Komissiya majlisini bayonnoma orqali rasmiylashtirish, baholash jadvalini bayonnomaga ilova qilish. har yili 20-yanvarda 4-bosqich Sud eksperti faoliyatini kasbiy layoqatliligi, oʻtkazilgan sud-ekspertizalarining sifati va boshqa mezonlar asosida baholash boʻyicha komissiya Reyting natijalarini sud-ekspertiza muassasasi yoki nodavlat sud-ekspertiza tashkiloti rasmiy axborot manbalarida, sud-ekspertiza faoliyatiga oid axborot portallarida va boshqa ijtimoiy tarmoqlarda eʼlon qilish. har yili 25-yanvarga qadar 5-bosqich Davlat sud-ekspertiza muassasasi yoki nodavlat sud-ekspertiza tashkiloti Baholash natijasida toʻplangan reyting koʻrsatkichlariga asosan sud ekspertlariga nisbatan ragʻbatlantirish, mavjud ragʻbatlantirishni kamaytirish va bekor qilish yoki intizomiy jazo chorasi qoʻllashgacha boʻlgan choralarni koʻrish. har yili 10-martga qadar
Sud ekspertlarining faoliyatini reyting tizimida baholab borish toʻgʻrisidagi namunaviy nizomga 2-ILOVA
Sud ekspertlarining faoliyatini kasbiy layoqatliligi, oʻtkazilgan sud ekspertizalarining sifati va boshqa mezonlarga muvofiqligi darajasini belgilash
T/r Mezonlar Ball Ijobiy koʻrsatkichlar 1. Sud ekspertining sud-ekspertlik faoliyatining asosiy prinsiplariga rioya etganligi 0 — 15 2. Sud-ekspertiza tadqiqotlarini belgilangan ish hajmi meʼyoridan ortiq bajarilganligi (meʼyordan oshgan har bir baravar uchun 2 ball, biroq eng yuqori ball 15 balldan oshmasligi kerak) 0 — 15 3. Sud ekspertizalarining muddatida bajarilishi. Sud ekspertizasini tayinlash haqidagi qarorda koʻrsatilgan savollarga toʻliq va asoslantiruvchi dalillar bilan ekspert tomonidan xulosa berilganligi, uning tergov va sud jarayonlarida jinoyatlarni fosh etishga koʻmaklashishi. 0 — 10 4. Jismoniy va yuridik shaxslarning murojaatlariga asosan 20 tadan ortiq tadqiqotlar oʻtkazishi 0 — 8 5. Yangi sud-ekspertiza turlari yoki yangi metodikalarni amaliyotga joriy qilishi 0 — 5 6. Mavjud foydalanib kelinayotgan 1 ta uslubiy qoʻllanmani tanqidiy tahlil qilgan holda uni takomillashtirishga doir asoslangan takliflar ishlab chiqishi va ularni X. Sulaymonova nomidagi Respublika sud-ekspertiza markazining Sud-ekspertlik ilmiy-tadqiqot institutiga kiritishi 0 — 5 7. Ilmiy (grant) loyihalarida ijrochi, ilmiy ishlarni tayyorlashga rahbar hamda dissertatsiya tadqiqotlarini amalga oshirishga moʻljallangan Ilmiy kengashlarda aʼzo sifatidagi ishtiroki 0 — 5 8. Ilmiy faoliyat bilan shugʻullanishi (falsafa doktori (PhD) ilmiy darajasi va fan doktori (DSc) ilmiy darajasini olish uchun izlanishlari 0 — 5 9. Xorijiy tillarni bilish darajasi (B2 va undan yuqori darajadagi milliy yoki unga mos darajadagi xalqaro sertifikatga ega boʻlishi) 5 10. Quyidagi tadbirlardagi ishtiroki uchun: 0 — 18 Ilmiy nashrlar va qoʻllanmalar tayyorlanishi Xorijiy Mahalliy har bir nashr uchun 10 ball har bir nashr uchun 3 ball OAV orqali hamda ijtimoiy tarmoqlarda chiqishlari, shuningdek, ilmiy anjumanlar va seminarlarda ishtiroki uchun Respublika Viloyat har bir tadbir uchun 2 ball har bir tadbir uchun 1 ball Huquqni muhofaza qiluvchi organlarda hamda taʼlim muassasalarida uchrashuvlar oʻtkazganligi uchun Har bir tadbir uchun 1 ball Mehnat jamoalarida uchrashuvlar oʻtkazganligi, shuningdek faoliyat yuritadigan muassasasining rasmiy axborot manbalarida chiqishlari hamda boshqalar uchun Har bir tadbir uchun 0,5 ball 11. Mehnat intizomiga rioya etishi 0 — 5 12. Jamoat ishlaridagi ishtiroki yoki yosh sud-ekspertlarga ustozlik qilishi 0 — 4 Salbiy koʻrsatkichlar: 1. Tadqiqot oʻtkazish muddati asossiz oʻtkazib yuborilgan ishlar (har bir holat uchun) -2 2. Sud tomonidan asossiz deb topilgan yoki bekor qilingan sud-ekspertiza xulosalari (har bir xulosa uchun) -10 3. Huquqni muhofaza qiluvchi organlar tomonidan qonunchilik buzilishi holati boʻyicha kiritilgan taqdimnomalar (har bir kiritilgan taqdimnoma uchun) * -10 4. Jismoniy va yuridik shaxslarning murojaatlarida koʻrsatilgan vajlarning toʻliq oʻz tasdigʻini topishi (har bir tasdigʻini topgan murojaat uchun) -10 5. Oʻtkazilgan taqrizlar boʻyicha sud-ekspertiza xulosalarida tasdiqlangan sud-ekspertizalarni oʻtkazish metodikasi qoidalari buzilganligi aniqlanishi (har bir kamchilik aniqlangan sud-ekspertizasi xulosasi uchun) -5
Vazirlar Mahkamasining 2022-yil 13-dekabrdagi 705-son qaroriga 2-ILOVA
Oʻzbekiston Respublikasi Adliya vazirligi huzuridagi Sud-ekspertlik faoliyatini rivojlantirishni qoʻllab-quvvatlash jamgʻarmasi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Adliya vazirligi huzuridagi Sud-ekspertlik faoliyatini rivojlantirishni qoʻllab-quvvatlash jamgʻarmasi (keyingi oʻrinlarda — Jamgʻarma) faoliyatini tashkil etish tartibini belgilaydi.
2. Jamgʻarma Oʻzbekiston Respublikasi Prezidentining “Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida” 2021-yil 5-iyuldagi PF-6256-son Farmoniga asosan tashkil qilingan.
3. Jamgʻarma oʻz mablagʻlarini Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining hujjatlari, Vazirlar Mahkamasining qarorlariga, boshqa qonunchilik hujjatlariga va mazkur Nizomga asosan tasarruf qiladi.
4. Jamgʻarma yuridik shaxs hisoblanmaydi, uning mablagʻlari Oʻzbekiston Respublikasi Adliya vazirligining (keyingi oʻrinlarda — Adliya vazirligi) Oʻzbekiston Respublikasi Moliya vazirligi Gʻaznachiligidagi shaxsiy hisobvaragʻiga jamlanadi hamda belgilangan tartibda buxgalteriya hisobi yuritiladi va amalga oshiriladi.
5. Jamgʻarmani boshqarish va uning mablagʻlarini maqsadli taqsimlash Jamgʻarma faoliyatini boshqarish kengashi (keyingi oʻrinlarda — Jamgʻarma kengashi) tomonidan amalga oshiriladi.
Adliya vazirligining Moliya-iqtisod boshqarmasi Jamgʻarma kengashining ishchi organi (keyingi oʻrinlarda — Ishchi organ) hisoblanadi.
2-bob. Jamgʻarma mablagʻlarini shakllantirish va ulardan foydalanish tartibi
6. Quyidagilar Oʻzbekiston Respublikasi Prezidentining “Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida” 2021-yil 5-iyuldagi PF-6256-son Farmoniga muvofiq Jamgʻarma mablagʻlarini shakllantirish manbalari hisoblanadi:
Oʻzbekiston Respublikasi Bosh prokuraturasi, Adliya vazirligi, Davlat bojxona qoʻmitasi va ular tizimidagi tashkilotlarning budjetdan tashqari jamgʻarmalariga tushadigan tushumning 1 foizi miqdoridagi ajratmalar;
davlat sud-ekspertiza muassasalari tomonidan shartnoma asosida jismoniy va yuridik shaxslarning murojaatlariga muvofiq oʻtkaziladigan sud-ekspertiza tadqiqotlari uchun olingan toʻlovlarning 5 foizi;
xorijiy (xalqaro) moliya institutlari va boshqa xorijiy donorlarning texnik koʻmak vositalari va grantlari;
Jamgʻarmaning boʻsh mablagʻlarini tijorat banklarining depozitlariga joylashtirishdan olinadigan daromadlar va qonunchilikda taqiqlanmagan boshqa manbalar.
7. Jamgʻarma mablagʻlari:
“E-ekspertiza” elektron axborot tizimini joriy etish, texnik qoʻllab-quvvatlash va undan foydalanish bilan bogʻliq xarajatlarni qoplash;
nodavlat sud-ekspertiza tashkilotlari bilan davlat-xususiy sheriklik asosida belgilangan tartibda amalga oshiriladigan loyihalarni moliyalashtirish;
nodavlat sud-ekspertiza tashkilotlariga subsidiyalar ajratish;
sud-ekspertiza sohasidagi ilmiy tadqiqotlarga koʻmaklashish, sud ekspertizasining yangi turlari va tadqiqot ishlarini qoʻllab-quvvatlash uchun grantlar ajratish;
sud ekspertlarini qayta tayyorlash va ularning malakasini oshirish dasturlarini amalga oshirish;
sud-ekspertlik faoliyatiga ilgʻor fan va texnika yutuqlarini joriy etish;
davlat sud-ekspertiza muassasalarining moddiy-texnika bazasini mustahkamlashga yoʻnaltiriladi.
8. Davlat sud-ekspertiza muassasalarining soʻrovlariga asosan “E-ekspertiza” elektron axborot tizimini joriy etish, texnik qoʻllab-quvvatlash va undan foydalanish bilan bogʻliq xarajatlarning bir qismini qoplash uchun Jamgʻarma hisobidan mablagʻlar ajratilishi mumkin.
Bunda ajratilgan mablagʻlar, birinchi navbatda, “E-ekspertiza” elektron axborot tizimini texnik qoʻllab-quvvatlashga yoʻnaltiriladi.
9. Jamgʻarma mablagʻlaridan nodavlat sud-ekspertiza tashkilotlariga subsidiyalar quyidagi maqsadlarda ajratiladi:
sud-ekspertlik faoliyatini amalga oshirish uchun ijaraga olingan binolar dastlabki olti oylik ijarasining 50 foizgacha boʻlgan miqdorini toʻlab berish;
tadqiqotlar oʻtkazishda foydalaniladigan zamonaviy uskunalarni xorijiy davlatlardan import qilishda sarflangan transport xarajatlarini bir qismi boʻlgan, biroq bazaviy hisoblash miqdorining 100 baravaridan koʻp boʻlmagan miqdorda amalga oshiriladi.
Bunda, Jamgʻarma mablagʻlaridan samarali va toʻgʻri foydalanishni tashkil etish uchun nodavlat sud-ekspertiza tashkilotiga yil davomida bir marotaba subsidiya ajratiladi.
10. Sud-ekspertiza sohasidagi ilmiy tadqiqotlarga koʻmaklashish, sud ekspertizasining yangi turlari va tadqiqot ishlarini qoʻllab-quvvatlash uchun zarur bilim va tajribaga ega boʻlgan ilmiy-tadqiqot muassasalariga Jamgʻarma mablagʻlari hisobidan grantlar ajratiladi.
11. Sud ekspertlarini qayta tayyorlash va ularning malakasini oshirish dasturlarini amalga oshirishda Jamgʻarma mablagʻlari davlat sud-ekspertiza muassasalari, nodavlat sud-ekspertiza tashkilotlari ehtiyojlaridan kelib chiqib, biroq yil davomida oʻn nafardan koʻp boʻlmagan nomzodlarni xorijiy davlatlarda qayta tayyorlash va ularning malakasini oshirish tadbirlariga yoʻnaltiriladi.
12. Jamgʻarmaga tushadigan xorijiy valyutadagi mablagʻlar Adliya vazirligining Oʻzbekiston Respublikasi Moliya vazirligi Gʻaznachiligidagi shaxsiy hisobvaragʻiga jamlanadi va mazkur mablagʻlardan qonunchilikda oʻrnatilgan tartibda foydalaniladi.
13. Jamgʻarmadan mazkur Nizomning 7-bandida belgilangan yoʻnalishlarga mablagʻlar tasdiqlangan xarajatlar smetasi boʻyicha ajratiladi hamda ulardan ushbu taqsimot doirasidagi tadbirlarni moliyalashtirishda foydalaniladi.
14. Jamgʻarmaning joriy yilda foydalanilmagan mablagʻlari Oʻzbekiston Respublikasi Davlat budjetiga olib qoʻyilmaydi va ulardan keyingi moliya yillarida foydalaniladi.
3-bob. Jamgʻarmadan mablagʻ ajratish tartibi
15. Davlat sud-ekspertiza muassasasi, nodavlat sud-ekspertiza tashkilotiga Jamgʻarmadan mablagʻ mazkur Nizomga ilovada keltirilgan sxemaga muvofiq ajratiladi.
Jamgʻarmadan mablagʻlar ajratishda, mablagʻlar birinchi navbatda Oʻzbekiston Respublikasi Prezidentining farmon, qaror va farmoyishlari hamda Vazirlar Mahkamasining qarorlarida Jamgʻarmaga yuklatilgan vazifalarni moliyalashtirishga yoʻnaltiriladi.
16. Davlat sud-ekspertiza muassasalari hamda nodavlat sud-ekspertiza tashkilotlari mazkur Nizomning 7-bandida nazarda tutilgan yoʻnalishlar boʻyicha Jamgʻarma kengashiga zaruratga koʻra har yili dekabr oyining 15-sanasiga qadar quyidagi hujjatlarni taqdim etadi:
murojaat etuvchi yuridik shaxs nomi, tashkiliy-huquqiy shakli, joylashgan joyi (pochta manzili), bank boʻlinmasining nomi va bankdagi hisobvaragʻi, elektron pochta manzili hamda STIR koʻrsatilgan ariza;
Jamgʻarmadan mablagʻlar ajratish zarurligini asoslovchi tegishli hujjatlar (mablagʻlardan foydalanish yoʻnalishiga qarab).
Bunda amalga oshirilishi rejalashtirilayotgan loyihalar, grantlar, rejalar hamda ularni moliyalashtirish bilan bogʻliq hisob-kitoblar taqdim etiladi.
Taqdim etilgan hujjatlarning toʻliq va haqqoniyligi uchun ariza beruvchilar javobgar hisoblanadi.
17. Davlat sud-ekspertiza muassasasi, nodavlat sud-ekspertiza tashkilotidan ushbu Nizom talablariga muvofiq kelib tushgan arizalar Jamgʻarma kengashining navbatdagi yigʻilishi kun tartibiga qoʻyiladi va koʻrib chiqiladi.
Ariza va unga ilova qilingan hujjatlar Ishchi organ tomonidan oʻrganib chiqiladi.
Jamgʻarma kengashi Jamgʻarmadan mablagʻlar ajratish zarurligiga aniqlik kiritish maqsadida qoʻshimcha hujjatlarni soʻrab olishi mumkin.
18. Jamgʻarma mablagʻlarini olish uchun davlat sud-ekspertiza muassasasi, nodavlat sud-ekspertiza tashkiloti tomonidan taqdim etilgan hujjatlarni koʻrib chiqish jarayonida, agar buyurtmanoma Jamgʻarmaning maqsad va vazifalariga mos kelmasa, mablagʻlardan maqsadsiz foydalanish tavakkalchiligi mavjud boʻlsa va loyihaning maqsadga muvofiqligi hamda iqtisodiy samaradorligi yetarlicha asoslanmagan boʻlsa, mablagʻlarni ajratishni rad etish toʻgʻrisida qaror qabul qilinadi.
19. Jamgʻarmadan mablagʻlar ajratish toʻgʻrisida tegishli qaror qabul qilingan taqdirda, Jamgʻarma kengashi tomonidan qaror qabul qilingandan keyin 3 ish kuni ichida ariza beruvchi xabardor qilinadi va belgilangan mablagʻ ariza beruvchining arizasida koʻrsatilgan bank hisobvaragʻiga 15 ish kuni ichida oʻtkazib beriladi.
20. Ariza beruvchi davlat sud-ekspertiza muassasasi, nodavlat sud-ekspertiza tashkiloti ushbu Nizomning 7-bandida koʻrsatilgan tadbirlar amalga oshirilgandan soʻng tasdiqlovchi hujjatlarni 15 ish kuni ichida Jamgʻarma kengashiga taqdim etishi shart.
21. Davlat sud-ekspertiza muassasasi, nodavlat sud-ekspertiza tashkilotida oʻzlashtirilmasdan qolgan mablagʻ hamda ajratilgan yoʻnalishdan boshqa maqsadlarga sarflangan mablagʻ toʻliq hajmda davlat sud-ekspertiza muassasasi, nodavlat sud-ekspertiza tashkiloti tomonidan Jamgʻarmaga qaytariladi.
4-bob. Jamgʻarmani boshqarish
22. Jamgʻarmani boshqarish va uning mablagʻlarini maqsadli taqsimlash Jamgʻarma kengashi tomonidan amalga oshiriladi. Unga Oʻzbekiston Respublikasi adliya vaziri oʻrinbosari rahbarlik qiladi va Jamgʻarma kengashining raisi hisoblanadi.
Jamgʻarma kengashi Oʻzbekiston Respublikasi adliya vazirining buyrugʻi bilan kamida yetti nafar aʼzodan iborat tarkibda tasdiqlanadi va vazir oʻrinbosarlari, vazirlikning tegishli tarkibiy boʻlinmalari boshliqlari, manfaatdor vazirlik va idoralarning vakillari hamda davlat sud-ekspertiza muassasalari va nodavlat sud-ekspertiza tashkilotlari rahbarlaridan shakllantiriladi.
Jamgʻarma kengashi oʻz faoliyatini mazkur Nizomga muvofiq amalga oshiradi. Jamgʻarma kengashi aʼzolari Jamgʻarma boshqaruvidagi oʻz majburiyatlarini jamoatchilik asosida bajaradi.
Jamgʻarma kengashi majlisi aʼzolarning yarmidan koʻpi qatnashgan taqdirda vakolatli hisoblanadi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi. Qabul qilingan qaror bayonnoma shaklida rasmiylashtiriladi va Jamgʻarma kengashining raisi tomonidan imzolanadi.
23. Jamgʻarma kengashi majlisi har yarim yillikda oʻtkaziladi, shuningdek, zarur boʻlganda navbatdan tashqari majlislar ham oʻtkazilishi mumkin.
24. Ishchi organ:
Jamgʻarmadan ajratilgan mablagʻlardan foydalanilishini nazorat qiladi va uning monitoringini amalga oshiradi;
har yil yakunida bir marotaba Jamgʻarma kengashiga Jamgʻarma mablagʻlaridan foydalanilishi boʻyicha hisobot taqdim etadi;
Jamgʻarma kengashining qarorlariga asosan Jamgʻarma faoliyati bilan bogʻliq boshqa ishlarni amalga oshiradi.
5-bob. Jamgʻarma mablagʻlaridan foydalanish yuzasidan hisob va hisobot hamda nazorat
25. Jamgʻarma mablagʻlaridan foydalanish boʻyicha hisob-kitoblar alohida gʻazna hisobvaraqlari orqali yuritiladi.
26. Jamgʻarmaning daromadlar va xarajatlar smetalarini budjet tashkilotlarining xarajatlar smetalari uchun belgilangan tartibda tuziladi va Jamgʻarma kengashi tomonidan tasdiqlanadi.
27. Jamgʻarmaning daromadlari va xarajatlari smetalarining bajarilishi boʻyicha yillik hisobot Jamgʻarma kengashi majlisida koʻrib chiqiladi va tasdiqlanadi hamda Adliya vazirligining rasmiy veb-saytiga joylashtiriladi.
28. Jamgʻarma ishchi organi tomonidan Jamgʻarma mablagʻlaridan foydalanish, shu jumladan, Jamgʻarma daromadlari va xarajatlari boʻyicha qonunchilikda belgilangan tartib va muddatlarda Adliya vazirligining umumiy hisobotlari doirasida Oʻzbekiston Respublikasi Moliya vazirligiga hisobot topshiriladi.
6-bob. Yakunlovchi qoidalar
29. Jamgʻarma kengashi aʼzolari Jamgʻarma mablagʻlarining maqsadli va samarali taqsimlanishi uchun javob beradi.
30. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
Oʻzbekiston Respublikasi Adliya vazirligi huzuridagi Sud-ekspertlik faoliyatini rivojlantirishni qoʻllab-quvvatlash jamgʻarmasi toʻgʻrisidagi nizomga ILOVA
Sud-ekspertlik faoliyatini rivojlantirishni qoʻllab-quvvatlash jamgʻarmasidan mablagʻ ajratish
Bosqichlar Masʼul ijrochilar Tadbirlar Ijro muddati 1-bosqich Davlat sud-ekspertiza muassasasi, nodavlat sud-ekspertiza tashkiloti Adliya vazirligi huzuridagi Sud-ekspertlik faoliyatini rivojlantirishni qoʻllab-quvvatlash jamgʻarmasidan (keyingi oʻrinlarda — Jamgʻarma) mablagʻ olish uchun Nizom talablariga muvofiq Jamgʻarma kengashiga ariza bilan murojaat qilish. Jamgʻarmadan mablagʻlar olish uchun zarur hujjatlarni taqdim etish. Zaruratga koʻra har yili dekabr oyining 15-sanasiga qadar 2-bosqich Jamgʻarma kengashi 1. Jamgʻarmadan mablagʻ olish uchun Davlat sud-ekspertiza muassasasi, nodavlat sud-ekspertiza tashkiloti tomonidan taqdim etilgan hujjatlarni qabul qilish, tahlil etish va koʻrib chiqish. 2. Jamgʻarmadan mablagʻlar ajratish toʻgʻrisida yoki mablagʻlar ajratishni rad etish toʻgʻrisida qaror qabul qilish. Jamgʻarma kengashining navbatdagi yigʻilishida 3-bosqich Jamgʻarma kengashi Davlat sud-ekspertiza muassasasi, nodavlat sud-ekspertiza tashkilotiga qabul qilingan qaror toʻgʻrisida xabarnoma yuborish. Jamgʻarma kengashining tegishli qarori qabul qilingandan soʻng 3 ish kuni ichida 4-bosqich Jamgʻarma kengashi Jamgʻarmadan mablagʻlar ajratish toʻgʻrisida tegishli qaror qabul qilingan taqdirda, davlat sud-ekspertiza muassasasi, nodavlat sud-ekspertiza tashkiloti arizasida koʻrsatilgan bank hisobvaragʻiga Jamgʻarmadan mablagʻlar oʻtkazish. Jamgʻarma kengashining tegishli qarori qabul qilingandan soʻng 15 ish kuni ichida 5-bosqich Davlat sud-ekspertiza muassasasi, nodavlat sud-ekspertiza tashkiloti Davlat sud-ekspertiza muassasasi, nodavlat sud-ekspertiza tashkiloti tomonidan tadbirlar amalga oshirilganini tasdiqlovchi hujjatlarni Jamgʻarma kengashi (Ishchi organ)ga taqdim etish. Tadbirlar amalga oshirilgandan soʻng 15 ish kuni ichida
Vazirlar Mahkamasining 2022-yil 13-dekabrdagi 705-son qaroriga 3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, davlat soliq xizmati va davlat bojxona xizmati organlari xodimlariga imtiyozli shartlarda uy-joy sotib olishga uzoq muddatli ipoteka kreditlari berish tartibi toʻgʻrisidagi nizomni hamda Sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, davlat soliq xizmati va davlat bojxona xizmati organlari xodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizomni tasdiqlash haqida” 2012-yil 31-oktabrdagi 312-son qarorida (Oʻzbekiston Respublikasi QT, 2012-y., 10-son, 78-modda):
a) muqaddima “PF-5147-son” soʻzlaridan keyin ““Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son,” soʻzlari bilan toʻldirilsin;
b) 1-bandning uchinchi xatboshisi quyidagi tahrirda bayon etilsin:
“Sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, davlat soliq xizmati va davlat bojxona xizmati organlari xodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizom 2-ilovaga muvofiq tasdiqlansin”;
v) 1-ilovada :
1-band quyidagi tahrirda bayon etilsin:
“1. Mazkur Nizom “Ipoteka toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Prezidentining “Sud tizimi xodimlarini ijtimoiy muhofaza qilishni tubdan yaxshilash chora-tadbirlari toʻgʻrisida” 2012-yil 2-avgustdagi PF-4459-son, “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida” 2017-yil 18-iyuldagi PF-5116-son, “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son, “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son, “Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida” 2018-yil 13-iyuldagi PF-5482-son farmonlariga, shuningdek, Oʻzbekiston Respublikasi Prezidentining “Oʻzbekiston Respublikasi prokuratura organlari xodimlarini moddiy ragʻbatlantirish va ijtimoiy himoya qilishni kuchaytirish chora-tadbirlari toʻgʻrisida” 2013-yil 13-noyabrdagi PQ-2065-son, “Sudlar va adliya organlari faoliyatini moddiy-texnik va moliyaviy taʼminlash tartibini takomillashtirish toʻgʻrisida” 2017-yil 23-avgustdagi PQ-3240-son qarorlariga muvofiq tijorat banklari tomonidan sudyalarga, Konstitutsiyaviy sud, Sudyalar oliy kengashi, Oliy sud, quyi sudlar apparatlari, Oʻzbekiston Respublikasi Oliy sudi huzuridagi Sudlar faoliyatini taʼminlash departamenti va uning hududiy boʻlimlari (keyingi oʻrinlarda sud organlari deb ataladi) xodimlariga, Oʻzbekiston Respublikasi Hisob palatasi, prokuratura organlari hamda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti (keyingi oʻrinlarda prokuratura organlari deb ataladi) va davlat soliq xizmati va davlat bojxona xizmati organlari xodimlariga imtiyozli shartlarda uy-joy sotib olishga uzoq muddatli ipoteka krediti berish tartibini belgilaydi.
Ushbu Nizomning amal qilishi sudyalarga, shu jumladan, Oʻzbekiston Respublikasi Konstitutsiyaviy sudi sudyalariga (keyingi oʻrinlarda sudyalar deb ataladi), sud organlari, Oʻzbekiston Respublikasi Hisob palatasi, prokuratura, davlat soliq xizmati va davlat bojxona xizmati organlari xodimlariga nisbatan tatbiq etiladi”;
10-bandning ikkinchi xatboshisi quyidagi tahrirda bayon etilsin:
“Koʻrsatib oʻtilgan mablagʻlar tijorat bankida sudyaning, sud organlari, Oʻzbekiston Respublikasi Hisob palatasi, prokuratura, davlat soliq xizmati va davlat bojxona xizmati organlari xodimining nomiga milliy valyutada ochilgan jamgʻarma hisob raqamida boʻlishi kerak”;
II bobning nomi quyidagi tahrirda bayon etilsin:
“II. Sudyalarning va sud organlari xodimlarining dastlabki badalni olishi, uni berish va qaytarish tartibi”;
11-banddagi “sudyaning sud organlari, xodimining” soʻzlari “sudyaning, sud organlari xodimining” soʻzlari bilan almashtirilsin;
19 9 -banddagi “soliq” soʻzi “bojxona” soʻzi bilan almashtirilsin;
20-bandda :
uchinchi va toʻrtinchi xatboshilardagi “Oʻzbekiston Respublikasi Hisob palatasi prokuratura” soʻzlari “Oʻzbekiston Respublikasi Hisob palatasi, prokuratura” soʻzlari bilan almashtirilsin;
beshinchi xatboshi quyidagi tahrirda bayon etilsin:
“sudyani lavozimga tayinlash (saylash), Oʻzbekiston Respublikasi Hisob palatasi xodimlarini lavozimga tayinlash toʻgʻrisidagi tegishli qarorning, sud organlari, prokuratura, davlat soliq xizmati va davlat bojxona xizmati organlari xodimlarini lavozimga tayinlash toʻgʻrisidagi buyruqning nusxalari”;
23-banddagi “Oʻzbekiston Respublikasi Hisob palatasi prokuratura” soʻzlari “Oʻzbekiston Respublikasi Hisob palatasi, prokuratura” soʻzlari bilan almashtirilsin;
26-bandda :
ikkinchi xatboshidagi “Oʻzbekiston Respublikasi Hisob palatasi prokuratura, davlat soliq xizmati va davlat bojxona xizmati organlari xodimlari” soʻzlari “Oʻzbekiston Respublikasi Hisob palatasi, prokuratura, davlat soliq xizmati va davlat bojxona xizmati organlari xodimlarini” soʻzlari bilan almashtirilsin;
toʻrtinchi xatboshidagi “ipoteka toʻgʻrisida shartnoma, shuningdek kredit shartnomasi” soʻzlari “ipoteka toʻgʻrisida shartnomani, shuningdek kredit shartnomasini” soʻzlari bilan almashtirilsin;
28-banddagi “sudya, Oʻzbekiston Respublikasi Hisob palatasi, sud organlari,” soʻzlari “sudya, sud organlari, Oʻzbekiston Respublikasi Hisob palatasi,” soʻzlari bilan, “sudyaning, Oʻzbekiston Respublikasi Hisob palatasi, sud organlari,” soʻzlari “sudyaning, sud organlari, Oʻzbekiston Respublikasi Hisob palatasi,” soʻzlari bilan almashtirilsin;
30-bandning birinchi xatboshisidagi “sud organlari Oʻzbekiston Respublikasi Hisob palatasi,” soʻzlari “sud organlari, Oʻzbekiston Respublikasi Hisob palatasi,” soʻzlari bilan almashtirilsin;
32-banddagi “organlari xodimlari” soʻzlari “xodimlari” soʻzi bilan almashtirilsin;
g) 2-ilovada :
nomi quyidagi tahrirda bayon etilsin:
“Sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, davlat soliq xizmati va davlat bojxona xizmati organlari xodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizom”;
1-band quyidagi tahrirda bayon etilsin:
“1. Mazkur Nizom Oʻzbekiston Respublikasi Prezidentining “Sud tizimi xodimlarini ijtimoiy muhofaza qilishni tubdan yaxshilash chora-tadbirlari toʻgʻrisida” 2012-yil 2-avgustdagi PF-4459-son, “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida” 2017-yil 18-iyuldagi PF-5116-son, “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son, “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son, “Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida” 2018-yil 13-iyuldagi PF-5482-son farmonlariga, shuningdek “Oʻzbekiston Respublikasi prokuratura organlari xodimlarini moddiy ragʻbatlantirish va ijtimoiy himoya qilishni kuchaytirish chora-tadbirlari toʻgʻrisida” 2013-yil 13-noyabrdagi PQ-2065-son, “Sudlar va adliya organlari faoliyatini moddiy-texnik va moliyaviy taʼminlash tartibini takomillashtirish toʻgʻrisida” 2017-yil 23-avgustdagi PQ-3240-son qarorlariga muvofiq sudyalarga, Konstitutsiyaviy sud, Sudyalar oliy kengashi, Oliy sud, quyi sudlar apparatlari, Oʻzbekiston Respublikasi Oliy sudi huzuridagi Sudlar faoliyatini taʼminlash departamenti va uning hududiy boʻlimlari (keyingi oʻrinlarda sud organlari deb ataladi) xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti (keyingi oʻrinlarda prokuratura organlari xodimlari deb ataladi), davlat soliq xizmati va davlat bojxona xizmati organlari xodimlariga uy-joylarni ijaraga olganlik (ijarada turganlik) uchun har oylik pul kompensatsiyasi toʻlash tartibini belgilaydi”;
Ushbu Nizomning amal qilishi sudyalarga, shu jumladan, Oʻzbekiston Respublikasi Konstitutsiyaviy sudi sudyalariga (keyingi oʻrinlarda sudyalar deb ataladi), sud organlari, Oʻzbekiston Respublikasi Hisob palatasi, prokuratura, davlat soliq xizmati va davlat bojxona xizmati organlari xodimlariga nisbatan tatbiq etiladi”;
2-bandda :
birinchi xatboshi quyidagi tahrirda bayon etilsin:
“2. Uy-joylarni ijaraga olganlik (ijarada turganlik) uchun har oylik pul kompensatsiyasi (keyingi oʻrinlarda pul kompensatsiyasi deb ataladi) uy-joylar bilan taʼminlanmagan sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari xodimlariga, davlat soliq xizmati va davlat bojxona xizmati organlari xodimlariga amaldagi sarf-xarajatlar doirasida (kommunal xizmatlar haqi bundan mustasno), lekin:”;
beshinchi xatboshi quyidagi tahrirda bayon etilsin:
“Oila aʼzolari uch kishi va undan ortiq boʻlgan taqdirda (sudyaning, sud organlari xodimining, Oʻzbekiston Respublikasi Hisob palatasi, prokuratura organlari xodimlarining, davlat soliq xizmati va davlat bojxona xizmati organlari xodimlarining oʻzini hisoblamagan holda) ushbu pul kompensatsiyasi miqdorlari 50 foizga oshiriladi. Bunda sudyani tayinlash (saylash), sud organlari xodimini, Oʻzbekiston Respublikasi Hisob palatasi, prokuratura organlari xodimlarini, davlat soliq xizmati va davlat bojxona xizmati organlari xodimlarini tayinlash joyiga kelgan oila aʼzolari: xotini (eri), ularning bolalari va ota-onalari, shuningdek qonunchilikka muvofiq ijaraga oluvchining oila aʼzolari deb eʼtirof etilgan boshqa shaxslar hisobga olinadi”;
3-band quyidagi tahrirda bayon etilsin:
“3. Sudyaga, sud organlari xodimlariga, Oʻzbekiston Respublikasi Hisob palatasi, prokuratura organlari xodimlariga, davlat soliq xizmati organlari va davlat bojxona xizmati organlari xodimlariga pul kompensatsiyasi toʻlash sudya tayinlangan (saylangan) joyga kelgandan, sud organlari xodimlari, Oʻzbekiston Respublikasi Hisob palatasi, prokuratura organlari xodimlari, davlat soliq xizmati organlari va davlat bojxona xizmati organlari xodimlari tayinlangan joyga kelgandan keyin uy-joy ijaraga olingan (ijarada turgan) kundan boshlab belgilangan tartibda rasmiylashtirilgan uy-joyni ijaraga olish (ijarada turish) shartnomasi asosida amalga oshiriladi. Sudyaga tayinlangan (saylangan) joyida, sud organlari xodimiga, Oʻzbekiston Respublikasi Hisob palatasi, prokuratura xodimlariga, davlat soliq xizmati va davlat bojxona xizmati organlari xodimlariga tayinlangan joyida xizmat uy-joy maydoni berilgan taqdirda yoki u uy-joy sotib olganda, uning vakolatlari toʻxtatilganda va tugaganda pul kompensatsiyasi toʻlash toʻxtatiladi”;
5-band quyidagi tahrirda bayon etilsin:
“5. Tayinlangan (saylangan) joyida ota-onalari yoki eri (xotini)ning ota-onalari uy-joylarida birga yashayotgan sudyalarga, tayinlangan joyida ota-onalari yoki eri (xotini)ning ota-onalari uy-joylarida birga yashayotgan sud organlari xodimlariga, Oʻzbekiston Respublikasi Hisob palatasi, prokuratura organlari xodimlariga, davlat soliq xizmati va davlat bojxona xizmati organlari xodimlariga pul kompensatsiyasi toʻlanmaydi”;
6-bandning birinchi xatboshisi quyidagi tahrirda bayon etilsin:
“6. Sudya, sud organlari xodimlari, Oʻzbekiston Respublikasi Hisob palatasi, prokuratura organlari xodimlari, davlat soliq xizmati va davlat bojxona xizmati organlari xodimlari pul kompensatsiyasini olish uchun vaqtincha yashash joyini va uy-joyni ijaraga olganlik (ijarada turganlik) uchun kommunal xizmatlar qiymatisiz amaldagi xarajatlar summasini koʻrsatgan holda tegishli organ rahbariga ariza beradi”;
7-bandning ikkinchi xatboshisidagi “prokuratura,” soʻzi “prokuratura organlari xodimlariga” soʻzlari bilan almashtirilsin;
9 va 10-bandlar quyidagi tahrirda bayon etilsin:
“9. Pul kompensatsiyasi miqdorini aniqlashda hisobga olinadigan oila tarkibi oʻzgargan taqdirda, sudyaning, sud organlari xodimining, Oʻzbekiston Respublikasi Hisob palatasi, prokuratura organlari xodimlarining, davlat soliq xizmati va davlat bojxona xizmati organlari xodimlarining oila tarkibi oʻzgarganligini tasdiqlovchi hujjatlar nusxalari ilova qilingan pul kompensatsiyasi miqdorini qayta koʻrib chiqish toʻgʻrisidagi arizasi asosida yangi miqdorlardagi pul kompensatsiyasi belgilangan tartibda ushbu oʻzgarishlar boshlangan kundan boshlab toʻlanadi.
10. Sudya, sud organlari xodimi, Oʻzbekiston Respublikasi Hisob palatasi, prokuratura organlari xodimlari, davlat soliq xizmati va davlat bojxona xizmati organlari xodimlari tomonidan ortiqcha olingan pul kompensatsiyasi summasi qonunchilikda belgilangan tartibda ish haqidan ushlab qolish yoʻli bilan toʻliq miqdorda undan undirib olinadi”;
11-bandning birinchi xatboshisi quyidagi tahrirda bayon etilsin:
“11. Ushbu Nizomga muvofiq sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari xodimlariga pul kompensatsiyasi toʻlash bilan bogʻliq xarajatlar Oʻzbekiston Respublikasi Davlat budjeti mablagʻlari hisobiga amalga oshiriladi”.
2. Vazirlar Mahkamasining “Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi faoliyatini yanada takomillashtirish hamda sud ekspertlarining malakasini oshirish tizimini tashkil qilish toʻgʻrisida” 2017-yil 13-apreldagi 206-son qarorining (Oʻzbekiston Respublikasi QT, 2017-y., 4-son, 45-modda) 2-bandi ikkinchi xatboshisi quyidagi tahrirda bayon etilsin:
“Oʻzbekiston Respublikasi Adliya vazirligi tizimidagi sud ekspertlarining malakasini va huquqiy bilimlarini, shuningdek, davlat va nodavlat tashkilotlarining soʻroviga asosan boshqa sud ekspertlarining huquqiy bilimlarini oshirish boʻyicha oʻquv jarayonini tashkil qilish”.
5. Vazirlar Mahkamasining “Oʻzbekiston Respublikasi Adliya vazirligi tizimidagi taʼlim muassasalari faoliyatini yanada takomillashtirish chora-tadbirlari toʻgʻrisida” 2021-yil 22-noyabrdagi 705-son qarorining 3-bandi (Oʻzbekiston Respublikasi QT, 2021-y., 11-son, 235-modda) beshinchi xatboshisida “xarajatlarni qoplash” soʻzlaridan keyin “, faoliyatini tashkil etish va doimiy ravishda moliyaviy qoʻllab-quvvatlash” soʻzlari bilan toʻldirilsin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 13-dekabr,
705-son