📅 2022-yil 15-dekabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 15 декабрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 15 декабря 2022 г. · Законы и кодексы
Официальный текст. Официальный документ. Редакционные примечания не включены.
📅 15 December 2022 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида»ги Ўзбекистон Республикаси Қонунига қўшимча ва ўзгартишлар киритиш ҳақида
Қонунчилик палатаси томонидан 2022 йил 27 сентябрда қабул қилинган Сенат томонидан 2022 йил 19 ноябрда маъқулланган
Кейинги йилларда Ўзбекистон Республикасида хотин-қизлар ва эркаклар учун тенг ҳуқуқ ҳамда имкониятларга эришиш, жамият ва давлат ишларини бошқаришда уларнинг тенг равишда иштирок этишини таъминлаш, хотин-қизларни ижтимоий-ҳуқуқий жиҳатдан қўллаб-қувватлаш соҳасида мустаҳкам ҳуқуқий асослар яратилди.
Шунингдек мамлакатимиз ижтимоий-сиёсий ҳаётининг барча соҳаларида хотин-қизлар ва эркакларнинг тенг равишда иштирок этишини таъминлашга қаратилган махсус стратегиялар ҳамда дастурлар қабул қилинди. Шу билан бирга гендер тенгликни таъминлаш механизмлари такомиллаштирилмоқда.
Ушбу Қонун гендерга оид аудит ўтказишнинг ҳуқуқий асосларини мустаҳкамлайди, хотин-қизлар ва эркаклар учун тенг ҳуқуқ ҳамда имкониятлар кафолатлари таъминланишини, шунингдек ушбу соҳада жамоатчилик назорати ўтказилишини кучайтиришга хизмат қилади.
1-модда. Ўзбекистон Республикасининг 2019 йил 2 сентябрда қабул қилинган «Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида»ги ЎРҚ-562-сонли Қонунига (Ўзбекистон Республикаси Олий Мажлиси палаталарининг Ахборотномаси, 2019 йил, № 9, 587-модда; 2021 йил, 4-сонга илова) қуйидаги қўшимча ва ўзгартишлар киритилсин:
1) 3-модда :
қуйидаги мазмундаги олтинчи хатбоши билан тўлдирилсин:
« гендерга оид аудит — давлат органлари ва ташкилотлари фаолиятида, шу жумладан кадрлар сиёсатини олиб боришда хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисидаги қонунчилик талабларига риоя этилиши ҳолатини, шунингдек гендерга доир комплекс ёндашувни ўрганиш ва баҳолаш»;
олтинчи ва еттинчи хатбошилари тегишинча еттинчи ва саккизинчи хатбошилар деб ҳисоблансин;
қуйидаги мазмундаги тўққизинчи хатбоши билан тўлдирилсин:
« гендерга доир комплекс ёндашув — давлат органлари ва ташкилотлари томонидан ўз фаолиятини, шу жумладан кадрлар сиёсатини олиб боришни хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисидаги қонунчиликка мувофиқ ташкил этиш»;
2) 1-боб қуйидаги мазмундаги 8 1 ва 8 2 -моддалар билан тўлдирилсин:
«8 1 -модда. Гендерга оид аудитнинг асосий вазифалари
Гендерга оид аудитнинг асосий вазифалари қуйидагилардан иборат:
давлат органлари ва ташкилотларида хотин-қизлар ва эркаклар сонининг нисбатини ўрганиш;
давлат органлари ва ташкилотлари ўз фаолиятини гендерга доир комплекс ёндашув асосида ташкил этганлиги ҳолатини ўрганиш;
хотин-қизлар ва эркаклар учун тенг ҳуқуқ ҳамда имкониятларни таъминлаш соҳасидаги қонунчиликнинг ижро этилиш ҳолатини баҳолаш;
хотин-қизлар ва эркаклар учун тенг ҳуқуқ ҳамда имкониятларни таъминлаш бўйича таклифлар ишлаб чиқиш.
8 2 -модда. Гендерга оид аудитни ўтказиш ва унинг натижаларини кўриб чиқиш тартиби
Гендерга оид аудит тасдиқланган уч йиллик режага асосан Ўзбекистон Касаба уюшмалари федерацияси томонидан давлат органлари ва ташкилотларида жамоатчилик назорати доирасида ўтказилади.
Гендерга оид аудит давлат органлари ва ташкилотлари фаолиятининг ўзига хос хусусиятларини ҳисобга олган ҳолда гендерга оид аудитни ўтказиш услубияти асосида ўтказилади.
Гендерга оид аудитни ўтказиш учун тегишли соҳада зарур билимга ва иш тажрибасига эга бўлган мутахассислар жамоатчилик асосида жалб этилиши мумкин.
Гендерга оид аудит натижаларига доир ахборот ва таклифлар гендерга оид аудит ўтказилганидан кейин Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссиясига ўн иш кунидан кечиктирмай юборилади.
Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссияси гендерга оид аудит натижаларига доир ахборотни ва таклифларни бир ой ичида кўриб чиқади. Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссияси гендерга оид аудит натижаларига доир ахборотни ва таклифларни кўриб чиқиш якунлари бўйича давлат органлари ва ташкилотлари фаолиятига, шу жумладан кадрлар сиёсатини олиб боришда гендерга доир комплекс ёндашувни босқичма-босқич жорий этишга қаратилган чора-тадбирларни белгилайди ва уларнинг амалга оширилишини назорат қилади.
Гендерга оид аудит натижалари тўғрисидаги ахборот Ўзбекистон Касаба уюшмалари федерациясининг расмий веб-сайтига жойлаштирилади»;
3) 10-модданинг матнидаги «Ўзбекистон Республикасининг Гендер тенгликни таъминлаш масалалари бўйича комиссияси» деган сўзлар «Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссияси» деган сўзлар билан алмаштирилсин;
4) 12-модда қуйидаги таҳрирда баён этилсин:
«12-модда. Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссиясининг ваколатлари
Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссияси:
хотин-қизларнинг жамиятдаги ролини оширишга, хотин-қизлар ва эркаклар ўртасида гендер тенгликка эришишга, оилани мустаҳкамлашга, оналик, оталик ҳамда болаликни муҳофаза қилишга қаратилган давлат сиёсатини амалга оширишда иштирок этади;
жамият ҳаётининг барча соҳаларида хотин-қизлар ва эркакларнинг ҳақиқий тенглигига эришишга, давлат хизматининг раҳбарлик лавозимларига илгари суриш чоғида жинс бўйича камситишга йўл қўймаслик принципини таъминлашга кўмаклашади;
хотин-қизлар ва эркаклар учун тенг ҳуқуқ ҳамда имкониятларни таъминлаш соҳасидаги давлат дастурларини, миллий ҳаракатлар режаларини ва стратегияларни ишлаб чиқишда ҳамда амалга оширишда иштирок этади;
гендер тенгликни, хотин-қизларнинг ҳуқуқлари ва қонуний манфаатларини таъминлаш борасидаги ишларнинг жорий ҳолатини ўрганиш, мавжуд муаммоларни танқидий жиҳатдан таҳлил қилиш ва бартараф этиш чораларини кўради;
хотин-қизларни ижтимоий-ҳуқуқий жиҳатдан қўллаб-қувватлаш, хотин-қизларнинг ижтимоий-иқтисодий ва ижтимоий-сиёсий фаоллигини эркаклар билан тенг равишда ошириш чораларини кўради;
давлат органларининг жамият ҳаётининг барча соҳаларида хотин-қизлар ва эркаклар учун тенг ҳуқуқ ҳамда имкониятларга эришишга қаратилган фаолиятини мувофиқлаштиради;
жинси бўйича бевосита ёки билвосита камситилганлиги муносабати билан оғир ҳаётий вазиятга тушиб қолган шахсларнинг ҳуқуқларини ҳимоя қилиш ва уларга ёрдам кўрсатиш бўйича махсус муассасаларни ташкил этиш юзасидан таклифлар ишлаб чиқади;
гендер сиёсати амалга оширилишини таъминлаш бўйича вақтинчалик махсус чоралар кўриш ва уларни бекор қилиш юзасидан Ўзбекистон Республикаси Вазирлар Маҳкамасига таклифлар киритади;
хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисидаги қонунчиликнинг ижроси устидан назоратни амалга оширади;
жисмоний ва юридик шахсларнинг хотин-қизлар ва эркаклар учун тенг ҳуқуқ ҳамда имкониятларни таъминлаш масалаларига доир мурожаатларини қабул қилишни, кўриб чиқишни ва таҳлил қилишни амалга оширади ҳамда бузилган ҳуқуқларни тиклаш юзасидан чоралар кўради;
гендерга оид аудитни ўтказиш режасини тасдиқлайди ва гендерга оид аудитни ўтказиш услубиятини белгилайди;
хотин-қизлар ва эркаклар учун тенг ҳуқуқ ҳамда имкониятларни таъминлаш ва бу соҳадаги халқаро стандартларга риоя этиш борасида халқаро ташкилотлар, хорижий мамлакатларнинг тегишли органлари билан ҳамкорликни амалга оширади».
2-модда. Ўзбекистон Республикаси Оила ва хотин-қизлар давлат қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2022 йил 15 декабрь,
ЎРҚ-809-сон
Oʻzbekiston Respublikasining Qonuni
“Xotin-qizlar va erkaklar uchun teng huquq hamda imkoniyatlar kafolatlari toʻgʻrisida”gi Oʻzbekiston Respublikasi Qonuniga qoʻshimcha va oʻzgartishlar kiritish haqida
Qonunchilik palatasi tomonidan 2022-yil 27-sentabrda qabul qilingan Senat tomonidan 2022-yil 19-noyabrda maʼqullangan
Keyingi yillarda Oʻzbekiston Respublikasida xotin-qizlar va erkaklar uchun teng huquq hamda imkoniyatlarga erishish, jamiyat va davlat ishlarini boshqarishda ularning teng ravishda ishtirok etishini taʼminlash, xotin-qizlarni ijtimoiy-huquqiy jihatdan qoʻllab-quvvatlash sohasida mustahkam huquqiy asoslar yaratildi.
Shuningdek mamlakatimiz ijtimoiy-siyosiy hayotining barcha sohalarida xotin-qizlar va erkaklarning teng ravishda ishtirok etishini taʼminlashga qaratilgan maxsus strategiyalar hamda dasturlar qabul qilindi. Shu bilan birga gender tenglikni taʼminlash mexanizmlari takomillashtirilmoqda.
Ushbu Qonun genderga oid audit oʻtkazishning huquqiy asoslarini mustahkamlaydi, xotin-qizlar va erkaklar uchun teng huquq hamda imkoniyatlar kafolatlari taʼminlanishini, shuningdek ushbu sohada jamoatchilik nazorati oʻtkazilishini kuchaytirishga xizmat qiladi.
1-modda. Oʻzbekiston Respublikasining 2019-yil 2-sentabrda qabul qilingan “Xotin-qizlar va erkaklar uchun teng huquq hamda imkoniyatlar kafolatlari toʻgʻrisida”gi OʻRQ-562-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 9, 587-modda; 2021-yil, 4-songa ilova) quyidagi qoʻshimcha va oʻzgartishlar kiritilsin:
1) 3-modda :
quyidagi mazmundagi oltinchi xatboshi bilan toʻldirilsin:
“ genderga oid audit — davlat organlari va tashkilotlari faoliyatida, shu jumladan kadrlar siyosatini olib borishda xotin-qizlar va erkaklar uchun teng huquq hamda imkoniyatlar kafolatlari toʻgʻrisidagi qonunchilik talablariga rioya etilishi holatini, shuningdek genderga doir kompleks yondashuvni oʻrganish va baholash”;
oltinchi va yettinchi xatboshilari tegishincha yettinchi va sakkizinchi xatboshilar deb hisoblansin;
quyidagi mazmundagi toʻqqizinchi xatboshi bilan toʻldirilsin:
“ genderga doir kompleks yondashuv — davlat organlari va tashkilotlari tomonidan oʻz faoliyatini, shu jumladan kadrlar siyosatini olib borishni xotin-qizlar va erkaklar uchun teng huquq hamda imkoniyatlar kafolatlari toʻgʻrisidagi qonunchilikka muvofiq tashkil etish”;
2) 1-bob quyidagi mazmundagi 8 1 va 8 2 -moddalar bilan toʻldirilsin:
“8 1 -modda. Genderga oid auditning asosiy vazifalari
Genderga oid auditning asosiy vazifalari quyidagilardan iborat:
davlat organlari va tashkilotlarida xotin-qizlar va erkaklar sonining nisbatini oʻrganish;
davlat organlari va tashkilotlari oʻz faoliyatini genderga doir kompleks yondashuv asosida tashkil etganligi holatini oʻrganish;
xotin-qizlar va erkaklar uchun teng huquq hamda imkoniyatlarni taʼminlash sohasidagi qonunchilikning ijro etilish holatini baholash;
xotin-qizlar va erkaklar uchun teng huquq hamda imkoniyatlarni taʼminlash boʻyicha takliflar ishlab chiqish.
8 2 -modda. Genderga oid auditni oʻtkazish va uning natijalarini koʻrib chiqish tartibi
Genderga oid audit tasdiqlangan uch yillik rejaga asosan Oʻzbekiston Kasaba uyushmalari federatsiyasi tomonidan davlat organlari va tashkilotlarida jamoatchilik nazorati doirasida oʻtkaziladi.
Genderga oid audit davlat organlari va tashkilotlari faoliyatining oʻziga xos xususiyatlarini hisobga olgan holda genderga oid auditni oʻtkazish uslubiyati asosida oʻtkaziladi.
Genderga oid auditni oʻtkazish uchun tegishli sohada zarur bilimga va ish tajribasiga ega boʻlgan mutaxassislar jamoatchilik asosida jalb etilishi mumkin.
Genderga oid audit natijalariga doir axborot va takliflar genderga oid audit oʻtkazilganidan keyin Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasiga oʻn ish kunidan kechiktirmay yuboriladi.
Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi genderga oid audit natijalariga doir axborotni va takliflarni bir oy ichida koʻrib chiqadi. Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi genderga oid audit natijalariga doir axborotni va takliflarni koʻrib chiqish yakunlari boʻyicha davlat organlari va tashkilotlari faoliyatiga, shu jumladan kadrlar siyosatini olib borishda genderga doir kompleks yondashuvni bosqichma-bosqich joriy etishga qaratilgan chora-tadbirlarni belgilaydi va ularning amalga oshirilishini nazorat qiladi.
Genderga oid audit natijalari toʻgʻrisidagi axborot Oʻzbekiston Kasaba uyushmalari federatsiyasining rasmiy veb-saytiga joylashtiriladi”;
3) 10-moddaning matnidagi “Oʻzbekiston Respublikasining Gender tenglikni taʼminlash masalalari boʻyicha komissiyasi” degan soʻzlar “Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi” degan soʻzlar bilan almashtirilsin;
4) 12-modda quyidagi tahrirda bayon etilsin:
“12-modda. Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasining vakolatlari
Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi:
xotin-qizlarning jamiyatdagi rolini oshirishga, xotin-qizlar va erkaklar oʻrtasida gender tenglikka erishishga, oilani mustahkamlashga, onalik, otalik hamda bolalikni muhofaza qilishga qaratilgan davlat siyosatini amalga oshirishda ishtirok etadi;
jamiyat hayotining barcha sohalarida xotin-qizlar va erkaklarning haqiqiy tengligiga erishishga, davlat xizmatining rahbarlik lavozimlariga ilgari surish chogʻida jins boʻyicha kamsitishga yoʻl qoʻymaslik prinsipini taʼminlashga koʻmaklashadi;
xotin-qizlar va erkaklar uchun teng huquq hamda imkoniyatlarni taʼminlash sohasidagi davlat dasturlarini, milliy harakatlar rejalarini va strategiyalarni ishlab chiqishda hamda amalga oshirishda ishtirok etadi;
gender tenglikni, xotin-qizlarning huquqlari va qonuniy manfaatlarini taʼminlash borasidagi ishlarning joriy holatini oʻrganish, mavjud muammolarni tanqidiy jihatdan tahlil qilish va bartaraf etish choralarini koʻradi;
xotin-qizlarni ijtimoiy-huquqiy jihatdan qoʻllab-quvvatlash, xotin-qizlarning ijtimoiy-iqtisodiy va ijtimoiy-siyosiy faolligini erkaklar bilan teng ravishda oshirish choralarini koʻradi;
davlat organlarining jamiyat hayotining barcha sohalarida xotin-qizlar va erkaklar uchun teng huquq hamda imkoniyatlarga erishishga qaratilgan faoliyatini muvofiqlashtiradi;
jinsi boʻyicha bevosita yoki bilvosita kamsitilganligi munosabati bilan ogʻir hayotiy vaziyatga tushib qolgan shaxslarning huquqlarini himoya qilish va ularga yordam koʻrsatish boʻyicha maxsus muassasalarni tashkil etish yuzasidan takliflar ishlab chiqadi;
gender siyosati amalga oshirilishini taʼminlash boʻyicha vaqtinchalik maxsus choralar koʻrish va ularni bekor qilish yuzasidan Oʻzbekiston Respublikasi Vazirlar Mahkamasiga takliflar kiritadi;
xotin-qizlar va erkaklar uchun teng huquq hamda imkoniyatlar kafolatlari toʻgʻrisidagi qonunchilikning ijrosi ustidan nazoratni amalga oshiradi;
jismoniy va yuridik shaxslarning xotin-qizlar va erkaklar uchun teng huquq hamda imkoniyatlarni taʼminlash masalalariga doir murojaatlarini qabul qilishni, koʻrib chiqishni va tahlil qilishni amalga oshiradi hamda buzilgan huquqlarni tiklash yuzasidan choralar koʻradi;
genderga oid auditni oʻtkazish rejasini tasdiqlaydi va genderga oid auditni oʻtkazish uslubiyatini belgilaydi;
xotin-qizlar va erkaklar uchun teng huquq hamda imkoniyatlarni taʼminlash va bu sohadagi xalqaro standartlarga rioya etish borasida xalqaro tashkilotlar, xorijiy mamlakatlarning tegishli organlari bilan hamkorlikni amalga oshiradi”.
2-modda. Oʻzbekiston Respublikasi Oila va xotin-qizlar davlat qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2022-yil 15-dekabr,
OʻRQ-809-son
Закон Республики Узбекистан
O внесении дополнений и изменений в Закон Республики Узбекистан «О гарантиях равных прав и возможностей для женщин и мужчин»
Принят Законодательной палатой 27 сентября 2022 года Одобрен Сенатом 19 ноября 2022 года
За последние годы в Республике Узбекистан созданы прочные правовые основы в сфере достижения равных прав и возможностей для женщин и мужчин, обеспечения их равного участия в управлении делами общества и государства, социально-правовой поддержки женщин.
Также приняты специальные стратегии и программы, направленные на обеспечение равного участия женщин и мужчин во всех сферах общественно-политичекой жизни страны. Вместе с тем совершенствуются механизмы обеспечения гендерного равенства.
Настоящий Закон укрепляет правовые основы проведения гендерного аудита, послужит усилению обеспечения гарантий равных прав и возможностей для женщин и мужчин, а также проведения общественного контроля в данной сфере.
Статья 1. Внести в Закон Республики Узбекистан от 2 сентября 2019 года № ЗРУ-562 «О гарантиях равных прав и возможностей для женщин и мужчин» (Ведомости палат Олий Мажлиса Республики Узбекистана, 2019 г., № 9, ст. 587; 2021 г., приложение к № 4) следующие дополнения и изменения:
1) в статье 3 :
дополнить абзацем шестым следующего содержания:
« гендерный аудит — изучение и оценка состояния соблюдения требований законодательства о гарантиях равных прав и возможностей для женщин и мужчин, а также комплексного гендерного подхода в деятельности государственных органов и организаций, в том числе при проведении кадровой политики»;
абзацы шестой и седьмой считать соответственно абзацами седьмым и восьмым;
дополнить абзацем девятым следующего содержания:
« комплексный гендерный подход — организация государственными органами и организациями своей деятельности, в том числе проведение кадровой политики в соответствии с законодательством о гарантиях равных прав и возможностей для женщин и мужчин»;
2) главу 1 дополнить статьями 8 1 и 8 2 следующего содержания:
«Статья 8 1 . Основные задачи гендерного аудита
Основными задачами гендерного аудита являются:
изучение соотношения количества женщин и мужчин в государственных органах и организациях;
изучение состояния организации государственными органами и организациями своей деятельности на основе комплексного гендерного подхода;
оценка состояния исполнения законодательства в сфере обеспечения равных прав и возможностей для женщин и мужчин;
разработка предложений по обеспечению равных прав и возможностей для женщин и мужчин.
Статья 8 2 . Порядок проведения гендерного аудита и рассмотрения его результатов
Гендерный аудит проводится на основании утвержденного трехлетнего плана Федерацией профсоюзов Узбекистана в государственных органах и организациях в рамках общественного контроля.
Гендерный аудит проводится на основе методики проведения гендерного аудита, с учетом специфики деятельности государственных органов и организаций.
Для проведения гендерного аудита могут быть на общественных началах привлечены специалисты, обладающие необходимыми знаниями и опытом работы в соответствующей сфере.
Информация и предложения по результатам гендерного аудита направляются в Республиканскую комиссию по вопросам повышения роли женщин в обществе, гендерного равенства и семьи не позднее десяти рабочих дней после проведения гендерного аудита.
Республиканская комиссия по вопросам повышения роли женщин в обществе, гендерного равенства и семьи в течение одного месяца рассматривает информацию и предложения по результатам гендерного аудита. По итогам рассмотрения информации и предложений по результатам гендерного аудита Республиканская комиссия по вопросам повышения роли женщин в обществе, гендерного равенства и семьи определяет меры, направленные на поэтапное внедрение комплексного гендерного подхода в деятельность государственных органов и организаций, в том числе при проведении кадровой политики, и контролирует их реализацию.
Информация о результатах гендерного аудита размещается на официальном веб-сайте Федерации профсоюзов Узбекистана»;
3) в тексте статьи 10 слова «Комиссией по вопросам обеспечения Гендерного равенства Республики Узбекистан» заменить словами «Республиканской комиссией по вопросам повышения роли женщин в обществе, гендерного равенства и семьи»;
4) статью 12 изложить в следующей редакции:
«Статья 12. Полномочия Республиканской комиссии по вопросам повышения роли женщин в обществе, гендерного равенства и семьи
Республиканская комиссия по вопросам повышения роли женщин в обществе, гендерного равенства и семьи:
участвует в реализации государственной политики, направленной на повышение роли женщин в обществе, достижение гендерного равенства между женщинами и мужчинами, укрепление семьи, защиту материнства, отцовства и детства;
содействует достижению фактического равенства женщин и мужчин во всех сферах жизни общества, обеспечению принципа недопустимости дискриминации по признаку пола при продвижении на руководящие должности государственной службы;
участвует в разработке и реализации государственных программ, национальных планов действий и стратегий в сфере обеспечения равных прав и возможностей для женщин и мужчин;
принимает меры по изучению текущего состояния дел в обеспечении гендерного равенства, прав и законных интересов женщин, критическому анализу имеющихся проблем и их устранению;
принимает меры по социально-правовой поддержке женщин, повышению социально-экономической и социально-политической активности женщин наравне с мужчинами;
координирует деятельность государственных органов, направленную на достижение равных прав и возможностей для женщин и мужчин во всех сферах жизни общества;
разрабатывает предложения по созданию специальных учреждений по защите прав и оказанию помощи лицам, оказавшимся в трудной жизненной ситуации, в связи с прямой или косвенной дискриминацией по признаку пола;
вносит в Кабинет Министров Республики Узбекистан предложения по принятию временных специальных мер по обеспечению реализации гендерной политики и их отмене;
осуществляет контроль за исполнением законодательства о гарантиях равных прав и возможностей для женщин и мужчин;
осуществляет прием, рассмотрение и анализ обращений физических и юридических лиц по вопросам обеспечения равных прав и возможностей для женщин и мужчин и принимает меры по восстановлению нарушенных прав;
утверждает план проведения гендерного аудита и определяет методику проведения гендерного аудита;
осуществляет сотрудничество с международными организациями, соответствующими органами зарубежных стран в сфере обеспечения равных прав и возможностей для женщин и мужчин и соблюдения международных стандартов в этой сфере».
Статья 2. Государственному комитету семьи и женщин Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
15 декабря 2022 г.,
№ ЗРУ-809