📅 2022-yil 19-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 19 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 декабря 2022 г. · Постановления Президента
Официальный текст. Официальный документ. Редакционные примечания не включены.
📅 19 December 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Электромобиллардан фойдаланиш инфратузилмасини кенгайтириш чора-тадбирлари тўғрисида
«Яшил» иқтисодиётга ўтишни жадаллаштириш, электромобиллардан фойдаланишни оммалаштириш ва уларни қувватлантириш станциялари тармоғи яратилишини рағбатлантириш ва ривожлантириш мақсадида:
1. Қурилиш вазирлиги ва Энергетика вазирлигининг 2024 йил 1 январдан бошлаб республикада қуриб битказиладиган савдо ва бизнес марказлари, кўнгилочар ва дам олиш масканлари, автомобилларга ёқилғи қуйиш шохобчалари, меҳмонхоналар, халқаро ва давлат аҳамиятидаги автомобиль йўллари бўйидаги инфратузилма объектларининг лойиҳаларига мажбурий тартибда электромобилларни қувватлантириш станцияларини киритиш талабини белгилаш тўғрисидаги таклифига розилик берилсин.
Қурилиш вазирлиги мазкур талабга жавоб бермайдиган объектлар лойиҳаларини тасдиқлашни (келишишни) тақиқлаш юзасидан уч ой муддатда техник жиҳатдан тартибга солиш соҳасидаги норматив ҳужжатларга тегишли ўзгартиришлар киритилишини таъминласин.
2. Вазирлар Маҳкамаси бир ой муддатда 2024 йил якунига қадар республикада электромобилларни қувватлантириш станциялари сонини камида 2 500 тага етказиш бўйича чора-тадбирлар дастурини тасдиқласин. Бунда:
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан 2023 йил давомида электр узатиш тармоқлари, трансформатор пунктлари ва нимстанцияларга туташ ҳудудлардан 1 500 та электромобилларни қувватлантириш станцияларини ўрнатиш учун ер участкалари аукционга чиқарилишини;
халқаро ва давлат аҳамиятидаги автомобиль йўлларига туташ ҳудудларда жойлашган электр узатиш тармоқлари, трансформатор пунктлари ва нимстанциялари яқинида «Ҳудудий электр тармоқлари» АЖ томонидан камида 500 та электромобилларни қувватлантириш станциялари барпо этилишини;
Давлат солиқ қўмитаси ҳузуридаги Кадастр агентлиги томонидан давлат бошқаруви ва маҳаллий давлат ҳокимияти органлари, уларнинг ҳудудий бўлинмаларининг ер участкалари хатловдан ўтказилиб, 2023-2024 йилларда камида 500 та электромобилларни қувватлантириш станцияларини жойлаштириш учун ер участкалари «K-SAVDO» ААТ орқали аукцион савдоларига чиқарилишини назарда тутсин.
3. Белгилансинки, 2023 йил 1 январдан бошлаб:
тадбиркорлик субъектларига электромобилларни қувватлантириш станциялари орқали электр энергияси манбаларида ҳаракатланувчи транспорт воситаларини қувватлантириш мақсадида электр энергиясини сотиш (реализация қилиш) ҳуқуқи берилади;
транспорт воситаларини қувватлантириш хизматининг тарифи (нархи), электр энергиясининг тасдиқланган тарифидан қатъи назар тадбиркорлик субъектлари томонидан мустақил равишда белгиланади.
4. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Энергетика вазирлиги, Транспорт вазирлиги ва «Ўзнефтгазинспекция» билан биргаликда 2023 йил 1 декабрга қадар фаолият кўрсатаётган автомобилларга бензин, дизель ёқилғиси ва газ қуйиш шохобчаларида камида 1 та (4 каналли) 60 кВт ва ундан юқори қувватли электромобилларни қувватлантириш станциясини ўрнатиш чораларини кўрсин.
5. 2023 йил 1 январдан 2028 йил 1 январга қадар:
электромобилларни қувватлантириш станциялари ҳамда улар ўрнатилган автомобиль тўхташ жойлари жойлашган ер участкалари юридик шахслардан олинадиган ер солиғидан, шунингдек, электромобилларни қувватлантириш станциялари юридик шахсларнинг мол-мулк солиғидан;
асосий фаолият тури транспорт воситаларини қувватлантириш хизматини кўрсатиш (ушбу фаолият тури бўйича тушумнинг умумий реализация қилиш ҳажмидаги улуши 50 фоиз ва ундан юқори) бўлган тадбиркорлик субъектлари фойда солиғидан;
транспорт воситаларини қувватлантириш хизматини кўрсатишдан олинган даромад айланмадан олинадиган солиқдан;
белгиланган тартибда шакллантириладиган рўйхатлар бўйича хориждан олиб келинадиган электромобилларни қувватлантириш станциялари, уларнинг компонентлари ва сервис инфратузилмаси учун технологик асбоб-ускуналар божхона божидан озод қилинсин.
Бунда, мазкур бандга асосан импорт қилувчилар томонидан «Лойиҳалар ва импорт контрактларини комплекс экспертиза қилиш маркази» ДУК нинг ижобий хулосаси олинган ва божхона божи тўланмасдан олиб кириладиган товарлар рўйхатлари Марказнинг ва Давлат божхона қўмитасининг расмий веб-сайтида жойлаштирилади ҳамда келгусида импорт қилувчиларга рўйхатда кўрсатилган товарларни божхона божи тўламасдан импорт қилиш учун асос ҳисобланади.
Молия вазирлиги уч ой муддатда Солиқ кодексига ушбу банддан келиб чиқадиган ўзгартириш ва қўшимчалар тўғрисида Вазирлар Маҳкамасига таклиф киритсин.
6. Ўзбекистон техник жиҳатдан тартибга солиш агентлиги Иқтисодий тараққиёт ва камбағалликни қисқартириш вазирлиги, Транспорт вазирлиги, Энергетика вазирлиги, «Ўзавтосаноат» АЖ ва соҳада фаолият кўрсатаётган тадбиркорлик субъектлари билан биргаликда икки ой муддатда:
электромобилларни қувватлантириш станцияларини электр қувватига улаш ҳамда улар томонидан кўрсатиладиган хизматлар бўйича умумий талаблар ва ягона стандартларни;
электромобилларни қувватлантириш станцияларини ўрнатиш, эксплуатация қилиш ва даврий техник кўрикдан ўтказиш тартибини назарда тутувчи қарор лойиҳасини Вазирлар Маҳкамасига киритсин.
7. Иқтисодий тараққиёт ва камбағалликни қисқартириш вазирлиги, Энергетика вазирлиги ҳамда Молия вазирлиги 2023 йил 1 июлга қадар «Яшил» иқтисодиётни ривожлантириш махсус жамғармасини ташкил этиш чора-тадбирларини якунласин. Бунда:
халқаро аудиторлик ва консалтинг компанияларини жалб қилган ҳолда Жамғармани шакллантириш манбаларини белгилаш, биринчи навбатда халқаро молия институтларининг имтиёзли кредит ва грант маблағлари ҳисобидан шакллантириш;
аҳоли ва тадбиркорлар томонидан қайта тикланувчи энергия манбаларидан кенг фойдаланишни ривожлантириш дастурини ва қўллаб-қувватлаш механизмларини белгилаш;
электромобилларни оммалаштириш ва улардан фойдаланиш инфратузилмасини кенгайтиришга алоҳида эътибор қаратсин.
8. Иқтисодий тараққиёт ва камбағалликни қисқартириш вазирлиги уч ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Иқтисодий тараққиёт ва камбағалликни қисқартириш вазирлиги, Энергетика вазирлиги, «Ўзавтосаноат» АЖ Ўзбекистон Миллий ахборот агентлиги ва Ўзбекистон Миллий телерадиокомпанияси билан биргаликда электромобилдан фойдаланиш ва унга сервис хизмат кўрсатиш харажатлари, шунингдек, унинг атроф-муҳитга зарари ички ёнув двигателлида ҳаракатланувчи транспорт воситаларига нисбатан камлиги тўғрисида маълумотлар кенг жамоатчиликка мунтазам равишда етказиб борилишини таъминласин.
10. Мазкур қарор ижросини самарали ташкил қилишга масъул ва шахсий жавобгар этиб Бош вазир маслаҳатчиси Б.Ф. Исламов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 19 декабрь,
ПҚ-444-сон
Oʻzbekiston Respublikasi Prezidentining
qarori
Elektromobillardan foydalanish infratuzilmasini kengaytirish chora-tadbirlari toʻgʻrisida
“Yashil” iqtisodiyotga oʻtishni jadallashtirish, elektromobillardan foydalanishni ommalashtirish va ularni quvvatlantirish stansiyalari tarmogʻi yaratilishini ragʻbatlantirish va rivojlantirish maqsadida:
1. Qurilish vazirligi va Energetika vazirligining 2024-yil 1-yanvardan boshlab respublikada qurib bitkaziladigan savdo va biznes markazlari, koʻngilochar va dam olish maskanlari, avtomobillarga yoqilgʻi quyish shoxobchalari, mehmonxonalar, xalqaro va davlat ahamiyatidagi avtomobil yoʻllari boʻyidagi infratuzilma obyektlarining loyihalariga majburiy tartibda elektromobillarni quvvatlantirish stansiyalarini kiritish talabini belgilash toʻgʻrisidagi taklifiga rozilik berilsin.
Qurilish vazirligi mazkur talabga javob bermaydigan obyektlar loyihalarini tasdiqlashni (kelishishni) taqiqlash yuzasidan uch oy muddatda texnik jihatdan tartibga solish sohasidagi normativ hujjatlarga tegishli oʻzgartirishlar kiritilishini taʼminlasin.
2. Vazirlar Mahkamasi bir oy muddatda 2024-yil yakuniga qadar respublikada elektromobillarni quvvatlantirish stansiyalari sonini kamida 2 500 taga yetkazish boʻyicha chora-tadbirlar dasturini tasdiqlasin. Bunda:
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan 2023-yil davomida elektr uzatish tarmoqlari, transformator punktlari va nimstansiyalarga tutash hududlardan 1 500 ta elektromobillarni quvvatlantirish stansiyalarini oʻrnatish uchun yer uchastkalari auksionga chiqarilishini;
xalqaro va davlat ahamiyatidagi avtomobil yoʻllariga tutash hududlarda joylashgan elektr uzatish tarmoqlari, transformator punktlari va nimstansiyalari yaqinida “Hududiy elektr tarmoqlari” AJ tomonidan kamida 500 ta elektromobillarni quvvatlantirish stansiyalari barpo etilishini;
Davlat soliq qoʻmitasi huzuridagi Kadastr agentligi tomonidan davlat boshqaruvi va mahalliy davlat hokimiyati organlari, ularning hududiy boʻlinmalarining yer uchastkalari xatlovdan oʻtkazilib, 2023-2024-yillarda kamida 500 ta elektromobillarni quvvatlantirish stansiyalarini joylashtirish uchun yer uchastkalari “K-SAVDO” AAT orqali auksion savdolariga chiqarilishini nazarda tutsin.
3. Belgilansinki, 2023-yil 1-yanvardan boshlab:
tadbirkorlik subyektlariga elektromobillarni quvvatlantirish stansiyalari orqali elektr energiyasi manbalarida harakatlanuvchi transport vositalarini quvvatlantirish maqsadida elektr energiyasini sotish (realizatsiya qilish) huquqi beriladi;
transport vositalarini quvvatlantirish xizmatining tarifi (narxi), elektr energiyasining tasdiqlangan tarifidan qatʼi nazar tadbirkorlik subyektlari tomonidan mustaqil ravishda belgilanadi.
4. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Energetika vazirligi, Transport vazirligi va “Oʻzneftgazinspeksiya” bilan birgalikda 2023-yil 1-dekabrga qadar faoliyat koʻrsatayotgan avtomobillarga benzin, dizel yoqilgʻisi va gaz quyish shoxobchalarida kamida 1 ta (4 kanalli) 60 kVt va undan yuqori quvvatli elektromobillarni quvvatlantirish stansiyasini oʻrnatish choralarini koʻrsin.
5. 2023-yil 1-yanvardan 2028-yil 1-yanvarga qadar:
elektromobillarni quvvatlantirish stansiyalari hamda ular oʻrnatilgan avtomobil toʻxtash joylari joylashgan yer uchastkalari yuridik shaxslardan olinadigan yer soligʻidan, shuningdek, elektromobillarni quvvatlantirish stansiyalari yuridik shaxslarning mol-mulk soligʻidan;
asosiy faoliyat turi transport vositalarini quvvatlantirish xizmatini koʻrsatish (ushbu faoliyat turi boʻyicha tushumning umumiy realizatsiya qilish hajmidagi ulushi 50 foiz va undan yuqori) boʻlgan tadbirkorlik subyektlari foyda soligʻidan;
transport vositalarini quvvatlantirish xizmatini koʻrsatishdan olingan daromad aylanmadan olinadigan soliqdan;
belgilangan tartibda shakllantiriladigan roʻyxatlar boʻyicha xorijdan olib kelinadigan elektromobillarni quvvatlantirish stansiyalari, ularning komponentlari va servis infratuzilmasi uchun texnologik asbob-uskunalar bojxona bojidan ozod qilinsin.
Bunda, mazkur bandga asosan import qiluvchilar tomonidan “Loyihalar va import kontraktlarini kompleks ekspertiza qilish markazi” DUK ning ijobiy xulosasi olingan va bojxona boji toʻlanmasdan olib kiriladigan tovarlar roʻyxatlari Markazning va Davlat bojxona qoʻmitasining rasmiy veb-saytida joylashtiriladi hamda kelgusida import qiluvchilarga roʻyxatda koʻrsatilgan tovarlarni bojxona boji toʻlamasdan import qilish uchun asos hisoblanadi.
Moliya vazirligi uch oy muddatda Soliq kodeksiga ushbu banddan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.
6. Oʻzbekiston texnik jihatdan tartibga solish agentligi Iqtisodiy taraqqiyot va kambagʻallikni qisqartirish vazirligi, Transport vazirligi, Energetika vazirligi, “Oʻzavtosanoat” AJ va sohada faoliyat koʻrsatayotgan tadbirkorlik subyektlari bilan birgalikda ikki oy muddatda:
elektromobillarni quvvatlantirish stansiyalarini elektr quvvatiga ulash hamda ular tomonidan koʻrsatiladigan xizmatlar boʻyicha umumiy talablar va yagona standartlarni;
elektromobillarni quvvatlantirish stansiyalarini oʻrnatish, ekspluatatsiya qilish va davriy texnik koʻrikdan oʻtkazish tartibini nazarda tutuvchi qaror loyihasini Vazirlar Mahkamasiga kiritsin.
7. Iqtisodiy taraqqiyot va kambagʻallikni qisqartirish vazirligi, Energetika vazirligi hamda Moliya vazirligi 2023-yil 1-iyulga qadar “Yashil” iqtisodiyotni rivojlantirish maxsus jamgʻarmasini tashkil etish chora-tadbirlarini yakunlasin. Bunda:
xalqaro auditorlik va konsalting kompaniyalarini jalb qilgan holda Jamgʻarmani shakllantirish manbalarini belgilash, birinchi navbatda xalqaro moliya institutlarining imtiyozli kredit va grant mablagʻlari hisobidan shakllantirish;
aholi va tadbirkorlar tomonidan qayta tiklanuvchi energiya manbalaridan keng foydalanishni rivojlantirish dasturini va qoʻllab-quvvatlash mexanizmlarini belgilash;
elektromobillarni ommalashtirish va ulardan foydalanish infratuzilmasini kengaytirishga alohida eʼtibor qaratsin.
8. Iqtisodiy taraqqiyot va kambagʻallikni qisqartirish vazirligi uch oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Iqtisodiy taraqqiyot va kambagʻallikni qisqartirish vazirligi, Energetika vazirligi, “Oʻzavtosanoat” AJ Oʻzbekiston Milliy axborot agentligi va Oʻzbekiston Milliy teleradiokompaniyasi bilan birgalikda elektromobildan foydalanish va unga servis xizmat koʻrsatish xarajatlari, shuningdek, uning atrof-muhitga zarari ichki yonuv dvigatellida harakatlanuvchi transport vositalariga nisbatan kamligi toʻgʻrisida maʼlumotlar keng jamoatchilikka muntazam ravishda yetkazib borilishini taʼminlasin.
10. Mazkur qaror ijrosini samarali tashkil qilishga masʼul va shaxsiy javobgar etib Bosh vazir maslahatchisi B.F. Islamov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 19-dekabr,
PQ-444-son
Президента Республики Узбекистан
Постановление
О мерах по расширению инфраструктуры эксплуатации электромобилей
В целях ускорения перехода к «зеленой экономике», популяризации эксплуатации электромобилей, а также стимулирования и развития создания сети станций их зарядки:
1. Согласиться с предложением Министерства строительства и Министерства энергетики об установлении начиная с 1 января 2024 года требования по обязательному включению станций зарядки электромобилей в проекты строящихся в республике торговых и бизнес-центров, развлекательных комплексов, автозаправочных станций, гостиниц, объектов инфраструктуры вдоль автомобильных дорог международного и государственного значения.
Министерству строительства в трехмесячный срок обеспечить внесение соответствующих изменений в нормативные акты в области технического регулирования, запрещающие утверждение (согласование) проектов объектов, не соответствующих указанному требованию.
2. Кабинету Министров в месячный срок утвердить Программу мер по доведению количества станций зарядки электромобилей в республике минимум до 2 500 единиц до конца 2024 года. При этом предусмотреть:
выставление на аукцион Советом Министров Республики Каракалпакстан, хокимиятами областей и города Ташкента земельных участков для установки 1 500 станций зарядки электромобилей в местах, прилегающих к сетям электропередач, трансформаторным пунктам и подстанциям, в течение 2023 года;
создание Акционерным обществом «Региональные электрические сети» не менее 500 станций зарядки электромобилей вблизи линий электропередач, трансформаторных пунктов и подстанций, расположенных в местах, прилегающих к автомобильным дорогам международного и государственного значения;
проведение Агентством по кадастру при Государственном налоговом комитете инвентаризации земельных участков органов государственного управления и органов государственного управления на местах, их территориальных подразделений и выставление земельных участков на аукционные торги посредством АИС «K-SAVDO» для размещения не менее 500 станций зарядки электромобилей в 2023-2024 годах.
3. Установить, что с 1 января 2023 года:
субъектам предпринимательства предоставляется право продажи (реализации) электрической энергии посредством станций зарядки электромобилей в целях зарядки транспортных средств, движущихся от источников электрической энергии;
тарифы (цены) на услуги зарядки транспортных средств устанавливаются субъектами предпринимательства самостоятельно, независимо от утвержденных тарифов на электроэнергию.
4. Совету Министров Республики Каракалпакстан, хокимиятам областей и города Ташкента совместно с Министерством энергетики, Министерством транспорта и Узнефтегазинспекцией в срок до 1 декабря 2023 года принять меры по установке не менее одной (четырехканальной) станции зарядки электромобилей мощностью 60 кВт и более в действующих пунктах заправки автомобилей бензином, дизельным топливом и газом.
5. Освободить в период с 1 января 2023 года по 1 января 2028 года от:
земельного налога с юридических лиц — станции зарядки электромобилей, а также земельные участки, на которых расположены автостоянки (парковки), налога на имущество юридических лиц — станции зарядки электромобилей;
налога на прибыль — субъекты предпринимательства, основным видом деятельности которых является оказание услуг зарядки транспортных средств (имеющих долю выручки от данного вида деятельности в совокупном объеме реализации 50 процентов и более);
налога с оборота по доходам от оказания услуг зарядки транспортных средств;
таможенной пошлины — станции зарядки электромобилей, их компоненты и технологическое оборудование сервисной инфраструктуры, ввозимые из-за рубежа по перечням, формируемым в установленном порядке.
При этом на основании настоящего пункта перечни товаров, по которым получено положительное заключение ГУП «Центр комплексной экспертизы проектов и импортных контрактов», ввозимые импортерами без уплаты таможенной пошлины, размещаются на официальных веб-сайтах Центра и Государственного таможенного комитета, которые в дальнейшем являются основанием для импорта товаров, указанных в этих перечнях, импортерами без уплаты таможенной пошлины.
Министерству финансов в трехмесячный срок внести в Кабинет Министров предложения об изменениях и дополнениях в Налоговый кодекс , вытекающих из настоящего пункта.
6. Узбекскому Агентству по техническому регулированию совместно с Министерством экономического развития и сокращения бедности, Министерством транспорта, Министерством энергетики, АО «Узавтосаноат» и субъектами предпринимательства, осуществляющими деятельность в данной сфере, в двухмесячный срок внести в Кабинет Министров проект постановления, предусматривающий:
общие требования и единые стандарты подключения станций зарядки электромобилей к электроснабжению и оказываемых ими услуг;
Порядок установки, эксплуатации и проведения периодического технического осмотра станций зарядки электромобилей.
7. Министерству экономического развития и сокращения бедности, Министерству энергетики и Министерству финансов в срок до 1 июля 2023 года завершить мероприятия по созданию Специального фонда развития «зеленой экономики». При этом уделить особое внимание:
определению источников формирования Фонда, их формированию в первую очередь за счет льготных кредитов и грантовых средств международных финансовых институтов, с привлечением международных аудиторских и консалтинговых компаний;
определению программы и механизмов поддержки развития широкого использования возобновляемых источников энергии населением и предпринимателями;
популяризации электромобилей и расширению инфраструктуры их эксплуатации.
8. Министерству экономического развития и сокращения бедности совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Министерству экономического развития и сокращения бедности, Министерству энергетики и АО «Узавтосаноат» совместно с Национальным информационным агентством Узбекистана и Национальной телерадиокомпанией Узбекистана обеспечить регулярное доведение до широкой общественности сведений об относительно низких затратах на эксплуатацию и сервисное обслуживание электромобилей, их относительно меньшем ущербе окружающей среде по сравнению с транспортными средствами с двигателем внутреннего сгорания.
10. Возложить на советника Премьер-министра Б.Ф. Исламова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
19 декабря 2022 г.,
№ ПП-444