📅 2022-yil 21-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 21 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 декабря 2022 г. · Указы Президента
Официальный текст. Официальный документ. Редакционные примечания не включены.
📅 21 December 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тадбиркорлик субъектларининг экспорт фаолиятини қўллаб-қувватлашнинг қўшимча чора-тадбирлари тўғрисида
Ўзбекистон Республикаси Президентининг 2022 йил 28 январдаги «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида»ги ПФ-60-сон Фармонига мувофиқ, шунингдек, экспорт фаолиятини қўшимча қўллаб-қувватлаш орқали маҳаллий маҳсулотларнинг янги истиқболли бозорларга кириб бориши учун қулай шарт-шароитлар яратиш мақсадида:
1. Белгилансинки:
Экспортни рағбатлантириш агентлиги томонидан экспортолди ва экспорт билан боғлиқ савдо операцияларини молиялаштириш учун ажратиладиган молиявий ресурслар ҳисобидан берилган кредитларни ўз вақтида сўндириб келаётган тадбиркорлик субъектларига кредитнинг сўндирилган қисмига мутаносиб равишда қўшимча кредитлар ажратишга рухсат этилади;
2024 йил 1 январга қадар Европа, Туркия, Марокаш, Шимолий ва Жанубий Америка, Араб, Корея ва Япония давлатларига газлама, трикотаж мато ва тайёр тикув-трикотаж маҳсулотларини экспорт қилишда ташиш харажатларининг 70 фоизини компенсация қилишга субсидиялар тақдим этилади.
2. Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси (Ж. Ходжаев) икки ҳафта муддатда Экспортни рағбатлантириш агентлиги томонидан тижорат банкларига экспорт билан боғлиқ савдо операциялари ва экспортолди молиялаштириш кредитлари учун молиявий ресурслар тақдим этиш ҳамда экспорт қилишда ташиш харажатларининг бир қисмини компенсация қилиш тартибларига тегишли ўзгартириш киритсин.
3. Ўзбекистон Республикаси Президентининг айрим фармонларига иловага мувофиқ ўзгартиришлар киритилсин.
4. Мазкур Фармоннинг ижросини назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2022 йил 21 декабрдаги ПФ-268-сон Фармонига ИЛОВА
Ўзбекистон Республикаси Президентининг айрим фармонларига киритилаётган ўзгартиришлар
1. Ўзбекистон Республикаси Президентининг 2020 йил 21 октябрдаги «Экспорт фаолиятини молиявий қўллаб-қувватлашни янада кенгайтириш чора-тадбирлари тўғрисида»ги ПФ-6091-сон Фармони 5-бандининг тўртинчи хатбошиси қуйидаги таҳрирда баён этилсин:
«Экспортни рағбатлантириш агентлиги томонидан экспортолди ва экспорт билан боғлиқ савдо операцияларини молиялаштириш учун ажратиладиган молиявий ресурслар ҳисобидан берилган кредитларнинг маълум бир қисми белгиланган муддатларда сўндирилган тақдирда, тадбиркорлик субъектларига кредитнинг сўндирилган қисмига мутаносиб равишда қўшимча кредитлар ажратилади».
2. Ўзбекистон Республикаси Президентининг 2022 йил 31 майдаги «Истеъмол бозорларида нархлар барқарорлигини таъминлашга ва монополияга қарши чораларнинг таъсирчанлигини оширишга доир қўшимча чора-тадбирлар тўғрисида»ги ПФ-145-сон Фармони 2-бандининг иккинчи хатбошисидаги «ўсимлик ёғи, шу жумладан пахта, кунгабоқар ёғи» сўзлари «пахта, кунгабоқар, маккажўхори ва соя ёғи» сўзлари билан алмаштирилсин.
3. Ўзбекистон Республикаси Президентининг 2022 йил 30 сентябрдаги «Тадбиркорлик субъектларининг экспорт салоҳиятини янада кенгайтириш чора-тадбирлари тўғрисида»ги ПФ-228-сон Фармони 1-бандининг иккинчи хатбошисидаги «нархининг» сўзи «қийматининг» сўзи билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 21 декабрь,
ПФ-268-сон
Oʻzbekiston Respublikasi Prezidentining
Farmoni
Tadbirkorlik subyektlarining eksport faoliyatini qoʻllab-quvvatlashning qoʻshimcha chora-tadbirlari toʻgʻrisida
Oʻzbekiston Respublikasi Prezidentining 2022-yil 28-yanvardagi “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi PF-60-son Farmoniga muvofiq, shuningdek, eksport faoliyatini qoʻshimcha qoʻllab-quvvatlash orqali mahalliy mahsulotlarning yangi istiqbolli bozorlarga kirib borishi uchun qulay shart-sharoitlar yaratish maqsadida:
1. Belgilansinki:
Eksportni ragʻbatlantirish agentligi tomonidan eksportoldi va eksport bilan bogʻliq savdo operatsiyalarini moliyalashtirish uchun ajratiladigan moliyaviy resurslar hisobidan berilgan kreditlarni oʻz vaqtida soʻndirib kelayotgan tadbirkorlik subyektlariga kreditning soʻndirilgan qismiga mutanosib ravishda qoʻshimcha kreditlar ajratishga ruxsat etiladi;
2024-yil 1-yanvarga qadar Yevropa, Turkiya, Marokash, Shimoliy va Janubiy Amerika, Arab, Koreya va Yaponiya davlatlariga gazlama, trikotaj mato va tayyor tikuv-trikotaj mahsulotlarini eksport qilishda tashish xarajatlarining 70 foizini kompensatsiya qilishga subsidiyalar taqdim etiladi.
2. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi (J. Xodjayev) ikki hafta muddatda Eksportni ragʻbatlantirish agentligi tomonidan tijorat banklariga eksport bilan bogʻliq savdo operatsiyalari va eksportoldi moliyalashtirish kreditlari uchun moliyaviy resurslar taqdim etish hamda eksport qilishda tashish xarajatlarining bir qismini kompensatsiya qilish tartiblariga tegishli oʻzgartirish kiritsin.
3. Oʻzbekiston Respublikasi Prezidentining ayrim farmonlariga ilovaga muvofiq oʻzgartirishlar kiritilsin.
4. Mazkur Farmonning ijrosini nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2022-yil 21-dekabrdagi PF-268-son Farmoniga ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirishlar
1. Oʻzbekiston Respublikasi Prezidentining 2020-yil 21-oktabrdagi “Eksport faoliyatini moliyaviy qoʻllab-quvvatlashni yanada kengaytirish chora-tadbirlari toʻgʻrisida”gi PF-6091-son Farmoni 5-bandining toʻrtinchi xatboshisi quyidagi tahrirda bayon etilsin:
“Eksportni ragʻbatlantirish agentligi tomonidan eksportoldi va eksport bilan bogʻliq savdo operatsiyalarini moliyalashtirish uchun ajratiladigan moliyaviy resurslar hisobidan berilgan kreditlarning maʼlum bir qismi belgilangan muddatlarda soʻndirilgan taqdirda, tadbirkorlik subyektlariga kreditning soʻndirilgan qismiga mutanosib ravishda qoʻshimcha kreditlar ajratiladi”.
2. Oʻzbekiston Respublikasi Prezidentining 2022-yil 31-maydagi “Isteʼmol bozorlarida narxlar barqarorligini taʼminlashga va monopoliyaga qarshi choralarning taʼsirchanligini oshirishga doir qoʻshimcha chora-tadbirlar toʻgʻrisida”gi PF-145-son Farmoni 2-bandining ikkinchi xatboshisidagi “oʻsimlik yogʻi, shu jumladan paxta, kungaboqar yogʻi” soʻzlari “paxta, kungaboqar, makkajoʻxori va soya yogʻi” soʻzlari bilan almashtirilsin.
3. Oʻzbekiston Respublikasi Prezidentining 2022-yil 30-sentabrdagi “Tadbirkorlik subyektlarining eksport salohiyatini yanada kengaytirish chora-tadbirlari toʻgʻrisida”gi PF-228-son Farmoni 1-bandining ikkinchi xatboshisidagi “narxining” soʻzi “qiymatining” soʻzi bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 21-dekabr,
PF-268-son
Президента Республики Узбекистан
Указ
O дополнительных мepax по поддержке экспортной деятельности субъектов предпринимательства
В соответствии с Указом Президента Республики Узбекистан от 28 января 2022 года № УП-60 «О Стратегии развития Нового Узбекистана на 2022 — 2026 годы», а также в целях создания благоприятных условий для продвижения отечественной продукции на новые перспективные рынки путем дополнительной поддержки экспортной деятельности:
1. Установить, что:
субъектам предпринимательства, своевременно погашающим кредиты, выданные за счет финансовых ресурсов, предоставляемых Агентством продвижения экспорта для финансирования предэкспортных и связанных с экспортом торговых операций, разрешается выделять дополнительные кредиты пропорционально погашенной части кредита;
на срок до 1 января 2024 года при экспорте продукции из тканей, трикотажного полотна и готовой швейно-трикотажной продукции в государства Европы, Турцию, Марокко, Северную и Южную Америку, Арабские государства, Корею и Японию предоставляются субсидии для компенсации 70 процентов расходов по транспортировке.
2. Правительственной комиссии по вопросам внешней торговли, инвестиций, развития местной промышленности и технического регулирования (Ж. Ходжаев) в двухнедельный срок внести соответствующие изменения в порядки предоставления Агентством продвижения экспорта финансовых ресурсов коммерческим банкам для кредитов на торговые операции, связанные с экспортом, и предэкспортного финансирования, а также компенсации части расходов по транспортировке при экспорте.
3. Внести изменения в некоторые указы Президента Республики Узбекистан согласно приложению .
4. Контроль за исполнением настоящего Указа возложить на заместителя Премьер-министра Ж.А. Ходжаева.
ПРИЛОЖЕНИЕ к Указу Президента Республики Узбекистан от 21 декабря 2022 года № УП-268
Изменения, вносимые в некоторые указы Президента Республики Узбекистан
1. Абзац четвертый пункта 5 Указа Президента Республики Узбекистан от 21 октября 2020 года № УП-6091 «О мерах по дальнейшему расширению финансовой поддержки экспортной деятельности» изложить в следующей редакции:
«В случае погашения в установленные сроки определенной части кредитов, выданных за счет финансовых ресурсов, предоставляемых Агентством продвижения экспорта для финансирования предэкспортных и связанных с экспортом торговых операций, субъектам предпринимательства выделяются дополнительные кредиты пропорционально погашенной части кредита».
2. В абзаце втором пункта 2 Указа Президента Республики Узбекистан от 31 мая 2022 года № УП-145 «О дополнительных мерах по обеспечению стабильности цен на потребительских рынках и повышению действенности антимонопольных мер» слова «масла растительного, в том числе хлопкового, подсолнечного,» заменить словами «масла хлопкового, подсолнечного, кукурузного и соевого,».
3. В абзаце втором пункта 1 Указа Президента Республики Узбекистан от 30 сентября 2022 года № УП-228 «О мерах по дальнейшему расширению экспортного потенциала субъектов предпринимательства» в тексте на государственном языке слово «нархининг» заменить словом «қийматининг».
Президент Республики Узбекистан Ш. МИРЗИЁЕВ
г. Ташкент,
21 декабря 2022 г.,
№ УП-268