📅 2022-yil 23-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 23 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 декабря 2022 г. · Постановления Президента
Официальный текст. Официальный документ. Редакционные примечания не включены.
📅 23 December 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида
Республикамизда чет эл фуқаролари ва фуқаролиги бўлмаган шахсларни доимий яшаш жойи бўйича рўйхатга олиш тартибини такомиллаштириш ҳамда йўл ҳаракати хавфсизлигини назорат қилиш ва йўл-транспорт ҳодисаларининг олдини олишнинг самарали механизмларини татбиқ этишга инвестицияларни жалб қилишни давом эттириш мақсадида:
1. Ўзбекистон Республикаси Президентининг айрим қарорларига иловага мувофиқ ўзгартириш ва қўшимчалар киритилсин.
2. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2022 йил 23 декабрдаги ПҚ-448-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 28 августдаги ПҚ-3924-сон қарори билан тасдиқланган Қорақалпоғистон Республикаси ва вилоятларда (Тошкент вилоятидан ташқари) бошқа давлатлардан келган ва доимий яшаш жойи бўйича рўйхатга олиниш ҳуқуқига эга бўлган шахслар — чет эл фуқаролари ва фуқаролиги бўлмаган шахслар тоифалари рўйхати қуйидаги мазмундаги 11-банд билан тўлдирилсин:
«11. Ўзбекистон Республикаси Президентининг 2019 йил 5 январдаги «Ўзбекистон Республикасида туризмни жадал ривожлантиришга оид қўшимча чора-тадбирлар тўғрисида»ги ПФ-5611-сон Фармонининг 5-банди ва мазкур Фармонга 6-иловага мувофиқ кўчмас мулк сотиб олган хорижий мамлакатлар фуқаролари».
2. Ўзбекистон Республикаси Президентининг 2018 йил 30 октябрдаги «Йўл ҳаракати хавфсизлигини таъминлаш соҳасида инвестициявий лойиҳани амалга ошириш чора-тадбирлари тўғрисида»ги ПҚ-3989-сон қарорида :
а) 2-бандда :
иккинчи хатбошидаги «2018-2019» рақамлари «2018 — 2025» рақамлари билан алмаштирилсин;
олтинчи хатбошидаги «унинг» сўзи «Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати» сўзлари билан алмаштирилсин;
б) 3-банднинг биринчи хатбошиси «бузганлик учун» сўзларидан кейин «ундирилган» сўзи билан тўлдирилсин;
в) 7-банднинг еттинчи хатбошиси «текширувларини ўтказиш фаолияти» сўзларидан кейин «(шу жумладан асбоб-ускуналар), қурилиш-монтаж, лойиҳалаш ва лойиҳа-қидирув ишлари» сўзлари билан тўлдирилсин;
г) 10-банд қуйидаги таҳрирда баён этилсин:
«10. Лойиҳани амалга ошириш доирасида қуйидагилар таъминласин:
а) Ички ишлар вазирлиги, Транспорт вазирлиги ҳузуридаги Автомобиль йўллари қўмитаси томонидан:
йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситалари ўз вақтида ўрнатилиши;
автомобиль йўлларида меъёрий ҳужжатлар талабларига мос равишда, узоқ вақт давомида хизмат кўрсатувчи чидамли йўл ҳаракати чизиқларининг чизилиши;
ташкилий, консультатив ва ахборот-таҳлилий кўмак кўрсатилиши;
б) Инвестор томонидан:
қурилиш ва монтаж ишларини амалга ошириш учун зарур бўлган лойиҳа ҳужжатлари, шу жумладан рухсат бериш ҳужжатларининг олиниши;
тегишли масъул давлат ташкилотлари ва идоралар билан лойиҳа ҳужжатларининг келишилиши;
тизимнинг муҳандислик, коммуникация ва электр тармоқларига уланиши;
ўз маблағлари ҳисобидан инвестициявий харажатлар сифатида лойиҳа ҳужжатларига мувофиқ қурилиш ва монтаж ишлари лозим даражада амалга оширилиши ҳамда ташқи тармоқлардан автоматлаштирилган тизимнинг объектларигача электр узатиш линиялари ва телекоммуникация тармоқларини тортиш ишлари амалга оширилиши, шунингдек, барча ҳудудларда маълумотларни қайта ишлаш марказларининг ташкил этилиши;
в) Андижон, Наманган, Тошкент ва Фарғона вилоятлари ҳокимликлари, бошқа манфаатдор вазирлик ва идоралар томонидан тизимнинг муҳандислик, коммуникация ва электр тармоқларига уланиши, қурилиш ва монтаж ишлари ўз вақтида амалга оширилиши, шунингдек, йўл объектлари эксплуатацияга киритилишида Инвестор ва Корхонага ҳар томонлама ташкилий ва амалий кўмаклашиш».
3. Ўзбекистон Республикаси Президентининг 2022 йил 8 февралдаги «Ички ишлар органларининг эксперт-криминалистика фаолиятини замонавий илм-фан ютуқларини кенг жорий этган ҳолда янада такомиллаштириш чора-тадбирлари тўғрисида»ги ПҚ-122-сон қарорига 2-илованинг 6-позицияси чиқариб ташлансин.
4. Ўзбекистон Республикаси Президентининг 2022 йил 16 майдаги «Айрим долзарб вирусли инфекциялар тарқалишига қарши курашиш чора-тадбирларини такомиллаштириш тўғрисида»ги ПҚ-243-сон қарорига 1-илованинг 15-позицияси чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 23 декабрь,
ПҚ-448-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida
Respublikamizda chet el fuqarolari va fuqaroligi boʻlmagan shaxslarni doimiy yashash joyi boʻyicha roʻyxatga olish tartibini takomillashtirish hamda yoʻl harakati xavfsizligini nazorat qilish va yoʻl-transport hodisalarining oldini olishning samarali mexanizmlarini tatbiq etishga investitsiyalarni jalb qilishni davom ettirish maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq oʻzgartirish va qoʻshimchalar kiritilsin.
2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2022-yil 23-dekabrdagi PQ-448-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 28-avgustdagi PQ-3924-son qarori bilan tasdiqlangan Qoraqalpogʻiston Respublikasi va viloyatlarda (Toshkent viloyatidan tashqari) boshqa davlatlardan kelgan va doimiy yashash joyi boʻyicha roʻyxatga olinish huquqiga ega boʻlgan shaxslar — chet el fuqarolari va fuqaroligi boʻlmagan shaxslar toifalari roʻyxati quyidagi mazmundagi 11-band bilan toʻldirilsin:
“11. Oʻzbekiston Respublikasi Prezidentining 2019-yil 5-yanvardagi “Oʻzbekiston Respublikasida turizmni jadal rivojlantirishga oid qoʻshimcha chora-tadbirlar toʻgʻrisida”gi PF-5611-son Farmonining 5-bandi va mazkur Farmonga 6-ilovaga muvofiq koʻchmas mulk sotib olgan xorijiy mamlakatlar fuqarolari”.
2. Oʻzbekiston Respublikasi Prezidentining 2018-yil 30-oktabrdagi “Yoʻl harakati xavfsizligini taʼminlash sohasida investitsiyaviy loyihani amalga oshirish chora-tadbirlari toʻgʻrisida”gi PQ-3989-son qarorida :
a) 2-bandda :
ikkinchi xatboshidagi “2018-2019” raqamlari “2018 — 2025” raqamlari bilan almashtirilsin;
oltinchi xatboshidagi “uning” soʻzi “Ichki ishlar vazirligi Jamoat xavfsizligi departamenti Yoʻl harakati xavfsizligi xizmati” soʻzlari bilan almashtirilsin;
b) 3-bandning birinchi xatboshisi “buzganlik uchun” soʻzlaridan keyin “undirilgan” soʻzi bilan toʻldirilsin;
v) 7-bandning yettinchi xatboshisi “tekshiruvlarini oʻtkazish faoliyati” soʻzlaridan keyin “(shu jumladan asbob-uskunalar), qurilish-montaj, loyihalash va loyiha-qidiruv ishlari” soʻzlari bilan toʻldirilsin;
g) 10-band quyidagi tahrirda bayon etilsin:
“10. Loyihani amalga oshirish doirasida quyidagilar taʼminlasin:
a) Ichki ishlar vazirligi, Transport vazirligi huzuridagi Avtomobil yoʻllari qoʻmitasi tomonidan:
yoʻl belgilari, axborot koʻrsatkichlari va yoʻl harakatini tartibga solishning boshqa texnik vositalari oʻz vaqtida oʻrnatilishi;
avtomobil yoʻllarida meʼyoriy hujjatlar talablariga mos ravishda, uzoq vaqt davomida xizmat koʻrsatuvchi chidamli yoʻl harakati chiziqlarining chizilishi;
tashkiliy, konsultativ va axborot-tahliliy koʻmak koʻrsatilishi;
b) Investor tomonidan:
qurilish va montaj ishlarini amalga oshirish uchun zarur boʻlgan loyiha hujjatlari, shu jumladan ruxsat berish hujjatlarining olinishi;
tegishli masʼul davlat tashkilotlari va idoralar bilan loyiha hujjatlarining kelishilishi;
tizimning muhandislik, kommunikatsiya va elektr tarmoqlariga ulanishi;
oʻz mablagʻlari hisobidan investitsiyaviy xarajatlar sifatida loyiha hujjatlariga muvofiq qurilish va montaj ishlari lozim darajada amalga oshirilishi hamda tashqi tarmoqlardan avtomatlashtirilgan tizimning obyektlarigacha elektr uzatish liniyalari va telekommunikatsiya tarmoqlarini tortish ishlari amalga oshirilishi, shuningdek, barcha hududlarda maʼlumotlarni qayta ishlash markazlarining tashkil etilishi;
v) Andijon, Namangan, Toshkent va Fargʻona viloyatlari hokimliklari, boshqa manfaatdor vazirlik va idoralar tomonidan tizimning muhandislik, kommunikatsiya va elektr tarmoqlariga ulanishi, qurilish va montaj ishlari oʻz vaqtida amalga oshirilishi, shuningdek, yoʻl obyektlari ekspluatatsiyaga kiritilishida Investor va Korxonaga har tomonlama tashkiliy va amaliy koʻmaklashish”.
3. Oʻzbekiston Respublikasi Prezidentining 2022-yil 8-fevraldagi “Ichki ishlar organlarining ekspert-kriminalistika faoliyatini zamonaviy ilm-fan yutuqlarini keng joriy etgan holda yanada takomillashtirish chora-tadbirlari toʻgʻrisida”gi PQ-122-son qaroriga 2-ilovaning 6-pozitsiyasi chiqarib tashlansin.
4. Oʻzbekiston Respublikasi Prezidentining 2022-yil 16-maydagi “Ayrim dolzarb virusli infeksiyalar tarqalishiga qarshi kurashish chora-tadbirlarini takomillashtirish toʻgʻrisida”gi PQ-243-son qaroriga 1-ilovaning 15-pozitsiyasi chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 23-dekabr,
PQ-448-son
Президента Республики Узбекистан
Постановление
О внесении изменений и дополнений в некоторые постановления Президента Республики Узбекистан
В целях совершенствования порядка регистрации иностранных граждан и лиц без гражданства по месту постоянного проживания в республике, а также продолжения привлечения инвестиций к применению эффективных механизмов контроля за безопасностью дорожного движения и предупреждения дорожно-транспортных происшествий:
1. Внести изменения и дополнения в некоторые постановления Президента Республики Узбекистан согласно приложению .
2. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 23 декабря 2022 года № ПП-448
Изменения и дополнения, вносимые в некоторые постановления Президента Республики Узбекистан
1. Перечень категорий лиц — иностранных граждан и лиц без гражданства, прибывших из других государств и имеющих право на регистрацию по месту постоянного проживания в Республике Каракалпакстан и областях (кроме Ташкентской области), утвержденный постановлением Президента Республики Узбекистан от 28 августа 2018 года № ПП-3924, дополнить пунктом 11 следующего содержания:
«11. Граждане зарубежных стран, приобретшие недвижимое имущество в соответствии с пунктом 5 Указа Президента Республики Узбекистан от 5 января 2019 года № УП-5611 «О дополнительных мерах по ускоренному развитию туризма в Республике Узбекистан» и приложением № 6 к настоящему Указу».
2. В постановлении Президента Республики Узбекистан от 30 октября 2018 года № ПП-3989 «О мерах по реализации инвестиционного проекта в сфере обеспечения безопасности дорожного движения»:
а) в пункте 2 :
в абзаце втором цифры «2018-2019» заменить цифрами «2018 — 2025»;
в абзаце шестом слова «на баланс которого передается внедряемая автоматизированная система» заменить словами «внедряемая автоматизированная система передается на баланс Службы безопасности дорожного движения Департамента общественной безопасности Министерства внутренних дел»;
б) абзац первый пункта 3 после слова «суммы» дополнить словом «взысканных»;
в) абзац седьмой пункта 7 после слов «систем фото-видео фиксации» дополнить словами «(в том числе оборудование), строительно-монтажным, проектным и проектно-изыскательским работам»;
г) пункт 10 изложить в следующей редакции:
«10. В рамках реализации проекта:
а) Министерству внутренних дел, Комитету по автомобильным дорогам при Министерстве транспорта обеспечить:
своевременную установку дорожных знаков, информационных указателей и других технических средств регулирования дорожного движения;
нанесение устойчивых дорожных разметок на автомобильных дорогах, обеспечивающее длительный срок их эксплуатации в соответствии с требованиями нормативных документов;
оказание организационного, консультативного и информационно-аналитического содействия;
б) Инвестору обеспечить:
получение проектной документации, в том числе разрешительной документации, необходимой для выполнения строительно-монтажных работ;
согласование проектной документации с соответствующими ответственными государственными организациями и ведомствами;
подключение системы к инженерным, коммуникационным и электрическим сетям;
надлежащее осуществление строительно-монтажных работ в соответствии с проектной документацией, а также работ по подведению линий электропередач и сетей телекоммуникаций от внешних сетей до объектов автоматизированной системы, в том числе создание центров обработки данных во всех регионах за счет собственных средств в качестве инвестиционных затрат;
в) хокимиятам Андижанской, Наманганской, Ташкентской и Ферганской областей, другим заинтересованным министерствам и ведомствам обеспечить всестороннее организационное и практическое содействие Инвестору и Предприятию в подключении системы к инженерным, коммуникационным и электрическим сетям, своевременном осуществлении строительно-монтажных работ, а также введении в эксплуатацию дорожных объектов».
3. Позицию 6 приложения № 2 к постановлению Президента Республики Узбекистан от 8 февраля 2022 года № ПП-122 «О мерах по дальнейшему совершенствованию экспертно-криминалистической деятельности органов внутренних дел с широким внедрением достижений современной науки» исключить.
4. Позицию 15 приложения № 1 к постановлению Президента Республики Узбекистан от 16 мая 2022 года № ПП-243 «О совершенствовании мер противодействия распространению некоторых актуальных вирусных инфекций» исключить.
Президент Республики Узбекистан Ш. МИРЗИЁЕВ
г. Ташкент,
23 декабря 2022 г.,
№ ПП-448