📅 2022-yil 24-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 24 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 декабря 2022 г. · Постановления Президента
Официальный текст. Официальный документ. Редакционные примечания не включены.
📅 24 December 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Самарқанд вилоятининг туризм ва транспорт салоҳиятидан самарали фойдаланиш, вилоятни «Самарқанд — Янги Ўзбекистоннинг туризм дарвозаси» концепцияси асосида ривожлантириш бўйича қўшимча чора-тадбирлар тўғрисида
Самарқанд вилоятига хорижий ва маҳаллий туристлар оқимини кўпайтириш, янги туризм инфратузилмаси объектлари салоҳиятидан самарали фойдаланиш учун зарур шарт-шароитларни яратиш, шунингдек, янгидан модернизация қилинган Самарқанд халқаро аэропортида хорижий авиаташувчи компаниялар учун барча имкониятларни яратиш, ҳудуднинг транспорт-логистика тизимини ривожлантириш, кўрсатилаётган хизматлар сифатини янада яхшилаш ва диверсификация қилиш мақсадида:
1. 2021 йил 30 ноябрь — 3 декабрь кунлари Испания Қироллигининг Мадрид шаҳрида бўлиб ўтган БМТнинг Бутунжаҳон туризм ташкилоти Бош Ассамблеясининг 24-сессиясида 2023 йилда Бош Ассамблеянинг навбатдаги 25-сессиясини Самарқанд шаҳрида ўтказиш белгиланганлиги маълумот учун қабул қилинсин.
2. Туризм ва маданий мерос вазирлиги, Транспорт вазирлиги, Иқтисодий тараққиёт ва камбағалликни қисқартириш вазирлиги, Самарқанд вилояти ҳокимлиги ҳамда «Ҳунарманд» уюшмасининг:
республика ҳудудларида ва хорижий мамлакатларда Самарқанднинг туризм салоҳияти ҳамда Самарқанд халқаро аэропорти (кейинги ўринларда — Аэропорт) имкониятларини намойиш этувчи «Самарқанд — Янги Ўзбекистоннинг туризм дарвозаси» тарғибот кампаниясини йўлга қўйиш;
Самарқанд вилоятини авиа, темир йўл ва автомобиль транспорти билан боғланган ҳамда Аэропортни республика ҳудудлари билан боғлаш имконини берувчи йирик транспорт-логистика хабига айлантириш;
Аэропортда хорижий авиаташувчилар учун муқобил жойлаштириш (базировка) тизимини жорий қилиш;
Самарқанд вилоятидаги туристик объектларнинг фаолиятини қўшимча қўллаб-қувватлаш тизимини йўлга қўйиш тўғрисидаги таклифлари маъқуллансин.
3. Белгилаб қўйилсинки:
а) Аэропортда:
2030 йил 1 январга қадар хорижий авиакомпанияларнинг парвозларини амалга ошириш учун Аэропортни бошқариш бўйича хусусий шерик (кейинги ўринларда — хусусий шерик) ҳам рухсатнома олиш учун Транспорт вазирлиги ҳузуридаги Фуқаро авиацияси агентлигига илтимоснома билан мурожаат қилади;
учиш учун рухсатномани бериш масаласи Транспорт вазирлиги ҳузуридаги Фуқаро авиацияси агентлиги томонидан авиақатновларни амалга ошириш учун хорижий авиакомпаниялар томонидан тақдим этилган ҳужжатлар топширилган кундан бошлаб кўпи билан 96 соат давомида, чартер парвозлар учун эса 24 соат давомида кўриб чиқилади;
туристларга хизмат кўрсатиш учун туризм ахборот марказлари ташкил этилади;
б) Ўзбекистон Республикаси Президентининг 2021 йил 30 апрелдаги «Фуқаро авиацияси корхоналарини трансформация қилиш ва қўллаб-қувватлаш чора-тадбирлари тўғрисида»ги ПҚ-5100-сон қарори 12-банди қоидалари хусусий шерикка ҳам татбиқ этилади;
в) 2026 йил 1 январга қадар тадбиркорлик субъектлари:
белгиланган тартибда шакллантириладиган рўйхатларга асосан 4 юлдузли ва ундан юқори тоифага эга бўлган меҳмонхонани ташкил қилиш ва/ёки фаолиятини амалга ошириш учун асбоб-ускуналар, махсус техникалар, ёқилғи-мойлаш материаллари, бутловчи буюмлар, эҳтиёт қисмлари, хомашё ва материаллар, ўсимликлар, мебель, инвентарлар ва бошқа зарур бўлган товарларни олиб кирганда божхона божини тўлашдан;
Самарқанд туристик маркази ҳудудида объектларни қуриш учун «вақтинча олиб кириш» божхона режимига олиб кириладиган махсус техникалар, механизмлар ва технологик ускуналар учун даврий божхона тўловларини тўлашдан озод этилади.
4. Самарқанд вилоятининг Пайариқ, Самарқанд ва Тойлоқ туманлари Ўзбекистон Республикаси Президентининг 2022 йил 27 январдаги ПҚ-104-сон қарори билан тасдиқланган Меҳмонхона (жойлаштириш), савдо, умумий овқатланиш, кўнгилочар, туроператор ва турагент хизматларини кўрсатаётган тадбиркорлик субъектлари учун махсус солиқ режими жорий этиладиган туман ва шаҳарлар рўйхатига киритилсин.
Халқ депутатлари Самарқанд вилояти Кенгашига Туризм ва маданий мерос вазирлиги ҳамда Иқтисодий тараққиёт ва камбағалликни қисқартириш вазирлигининг ҳудудий бош бошқармалари хулосалари асосида Пайариқ, Самарқанд ва Тойлоқ туманларида туристик зона чегараларини белгилаш тавсия этилсин.
5. Туризм ва маданий мерос вазирлиги уч ой муддатда:
2023 йилда Самарқанд шаҳрида Бутунжаҳон туризм ташкилоти Бош Ассамблеясининг 25-сессиясини (кейинги ўринларда — Бош Ассамблея 25-сессияси) юқори савияда ташкил этиш ва ўтказишни;
«Самарқанд — Янги Ўзбекистоннинг туризм дарвозаси» тарғибот кампаниясини ташкил этиш ва Бутунжаҳон туризм ташкилоти билан келишув асосида Бош Ассамблея 25-сессиясининг логотипини ишлаб чиқишни;
2023 йилда Самарқанд шаҳрида ўтказиладиган тадбирлар ва анжуманлар графигини ҳамда 2024 йилда Хива шаҳри «Ислом дунёсининг туризм пойтахти» ҳамда Шаҳрисабз шаҳри «Иқтисодий ҳамкорлик ташкилоти туризм пойтахти» мақомини олганлиги муносабати билан ўтказиладиган чора-тадбирлар режасини тасдиқлашни назарда тутувчи қарор лойиҳаларини ишлаб чиқсин ва Вазирлар Маҳкамасига киритсин.
Белгилансинки:
Бош Ассамблея 25-сессиясини ўтказиш билан боғлиқ харажатлар Вазирлар Маҳкамасининг захира жамғармаси маблағлари;
«Самарқанд — Янги Ўзбекистоннинг туризм дарвозаси» тарғибот кампаниясини ташкил этиш ва Бош Ассамблея 25-сессиясининг логотипини тайёрлаш билан боғлиқ харажатлар Давлат бюджетидан Туризм ва маданий мерос вазирлиги ҳузуридаги бюджетдан ташқари Туризмни қўллаб-қувватлаш жамғармасига ажратиладиган маблағлар ҳисобидан амалга оширилади.
6. Туризм ва маданий мерос вазирлиги Транспорт вазирлиги ва «Uzbekistan Аirports» АЖ билан биргаликда 2023 йилнинг биринчи чорагида ихтисослаштирилган компанияларни жалб қилган ҳолда Самарқанд шаҳрида «Aviation & Logistics Forum» II халқаро авиация форумининг ўтказилишини таъминласин.
7. «Uzbekistan Аirports» АЖ хусусий шерик билан биргаликда бир ҳафта муддатда слотларни тасдиқлаш тўғрисидаги регламентни ишлаб чиқиб, тасдиқласин. Бунда, авиакомпанияларнинг парвозларни амалга оширишни режалаштириш учун аризалари (сўровлари) «Uzbekistan Airports» АЖ томонидан хусусий шерик билан келишилгандан сўнг ваколатли органга тақдим этилиши тартиби назарда тутилсин.
8. Туризм ва маданий мерос вазирлиги Давлат божхона қўмитаси билан биргаликда икки ой муддатда Самарқанд туристик маркази ҳудудида чет эллик шахслар учун бож олинмайдиган савдо дўконларини ташкил этишни таъминласин.
9. Туризм ва маданий мерос вазирлиги Маданият вазирлиги, Молия вазирлиги ва Самарқанд вилояти ҳокимлиги билан биргаликда икки ой муддатда Самарқанд туристик маркази ҳудудида музейлар, галереялар, маданий-томоша ҳамда маданий-маърифий ташкилотлар ҳамда туристларни жалб қиладиган бошқа кўнгилочар ва спорт масканларини ташкил этиш юзасидан Ўзбекистон Республикаси Президент Администрациясига таклиф киритсин.
10. Транспорт вазирлиги:
а) 2023 йил 1 сентябрга қадар тадбиркорлик субъектлари ва инвесторларни жалб қилган ҳолда шаҳарлараро ва халқаро йўналишларда автобус (микроавтобус) қатновларини ахборот технологиялари орқали йўлга қўйишга қаратилган тизимни яратсин. Бунда, шаҳарлараро ва халқаро йўналишларда автобус (микроавтобус) қатновлари тизимида:
чипталарни «Uzbus» платформасида харид қилиш тартиби;
аҳолининг хавфсизлигини таъминлаш ҳамда мавжуд шаҳарлараро ва халқаро йўналишлар бўйича автобусларнинг ўз вақтида ҳаракатланаётганини мониторинг қилиш мақсадида автобусларга GPS қурилмаларини ўрнатиш ҳамда мониторинг қилиш бўйича ягона платформани яратиш назарда тутилсин;
б) «Uzbekistan airways» АЖ билан биргаликда 2023 йил 1 январга қадар юридик шахслар томонидан шахсий кабинет орқали гуруҳ йўл ҳужжатларини расмийлаштириш ҳамда мобил иловалар орқали чипталар мавжудлигини кузатиш ва онлайн брон қилиш имкониятини назарда тутган ҳолда авиачипталар онлайн савдоси ҳажмини ошириш чораларини кўрсин;
в) «Uzbekistan Airports» АЖ ва хусусий шерик билан биргаликда Аэропортда авиаташувчилар учун муқобил жойлаштириш тизимини жорий қилиш чораларини кўрсин;
г) Туризм ва маданий мерос вазирлиги ҳамда Ташқи ишлар вазирлиги билан биргаликда бир ой муддатда зиёрат туризмини ривожлантириш ва туристлар сонини мақсадли кўрсаткичларда белгиланган миқдорларга етказиш учун Индонезия, Малайзия, Япония, Бангладеш мамлакатларидан келаётган туристларни жалб этиш мақсадида хорижий ва учинчи давлат авиакомпаниялари томонидан халқаро аэропортларда жорий этилган «Очиқ осмон» режими доирасида авиапарвозларни амалга оширишни назарда тутувчи қарор лойиҳасини ишлаб чиқиб, Вазирлар Маҳкамасига киритсин.
11. Маданият ва туризм вазирлиги:
Дин ишлари бўйича қўмита, Транспорт вазирлиги ва Ташқи ишлар вазирлиги билан биргаликда зиёрат туризми дастури бўйича хорижий авиакомпанияларни кенг жалб қилиш;
«Uzbekistan Airports» АЖ ва хусусий шерик билан биргаликда 2023 йил 1 февралга қадар Аэропортда туризм ахборот марказини ташкил қилиш чораларини кўрсин.
12. Инвестициялар ва ташқи савдо вазирлиги ҳузуридаги Тариф ва нотариф тартибга солиш кенгаши (Ж. Ходжаев) икки ҳафта муддатда импорт қилинадиган алкоголь маҳсулотлари учун белгиланган божхона тўловлари ставкаларини қайта кўриб чиқиб, таклиф киритсин.
13. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.
14. Туризм ва маданий мерос вазирлиги Транспорт вазирлиги ҳамда манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарорнинг ижросини самарали ташкил қилишга масъул ва шахсий жавобгар этиб транспорт вазири И.Р. Маҳкамов, туризм ва маданий мерос вазири ўринбосари Б. Ибрагимов ҳамда Самарқанд вилояти ҳокими Э.О. Турдимов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Бош вазир ўринбосарлари А.Ж. Раматов ва А.А. Абдухакимов зиммасига юклансин.
Амалга оширилаётган чора-тадбирлар натижадорлиги юзасидан 2023 йил 31 декабрга қадар ҳар чоракда Ўзбекистон Республикаси Президентига ахборот бериб борилсин.
Ўзбекистон Республикаси Президентининг 2022 йил 24 декабрдаги ПҚ-455-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2022 йил 27 январдаги ПҚ-104-сон қарори билан тасдиқланган Меҳмонхона (жойлаштириш), савдо, умумий овқатланиш, кўнгилочар, туроператор ва турагент хизматларини кўрсатаётган тадбиркорлик субъектлари учун махсус солиқ режими жорий этиладиган туман ва шаҳарлар рўйхати қуйидаги мазмундаги 18 1 — 18 3 позициялар билан тўлдирилсин:
«
18 1 . Пайариқ тумани Самарқанд вилояти 18 2 . Самарқанд тумани 18 3 . Тойлоқ тумани
».
2. Вазирлар Маҳкамасининг 2021 йил 2 ноябрдаги «Алкоголь ва тамаки маҳсулотларини акциз маркалари билан маркировкалаш бўйича қўшимча чора-тадбирлар тўғрисида»ги 665-сон қарорида :
1-банддаги «2022 йил 1 ноябрга» сўзлари «2023 йил 1 октябрга» сўзлари билан алмаштирилсин;
3-банд тўртинчи хатбошисидаги «2022 йил 1 октябрга» сўзлари «2023 йил 1 сентябрга» сўзлари билан алмаштирилсин.
3. Вазирлар Маҳкамасининг 2022 йил 2 августдаги 424-сон қарори билан тасдиқланган Ўзбекистон Республикаси ҳудудида хизмат сафарлари тўғрисидаги низомнинг 18-бандида :
биринчи хатбоши қуйидаги таҳрирда баён этилсин:
«18. Меҳмонхона харажатларининг бир кунлик қоплаш миқдори (халқаро миқёсдаги тадбирлар даврида Самарқанд, Бухоро, Хива, Қўқон, Шаҳрисабз шаҳарлари ва Бўстонлиқ туманидаги меҳмонхоналар харажатлари бундан мустасно)»;
қуйидаги мазмундаги олтинчи хатбоши билан тўлдирилсин:
«Халқаро миқёсдаги тадбирлар даврида Самарқанд, Бухоро, Хива, Қўқон, Шаҳрисабз шаҳарлари ва Бўстонлиқ туманидаги меҳмонхоналар харажатларининг мазкур банднинг иккинчи — тўртинчи хатбошиларида назарда тутилган бир кунлик қоплаш миқдоридан ошган қисми ташкилотнинг бюджетдан ташқари маблағлари ҳисобидан қоплаб берилади».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 24 декабрь,
ПҚ-455-сон
Oʻzbekiston Respublikasi Prezidentining
Qarori
Samarqand viloyatining turizm va transport salohiyatidan samarali foydalanish, viloyatni “Samarqand — Yangi Oʻzbekistonning turizm darvozasi” konsepsiyasi asosida rivojlantirish boʻyicha qoʻshimcha chora-tadbirlar toʻgʻrisida
Samarqand viloyatiga xorijiy va mahalliy turistlar oqimini koʻpaytirish, yangi turizm infratuzilmasi obyektlari salohiyatidan samarali foydalanish uchun zarur shart-sharoitlarni yaratish, shuningdek, yangidan modernizatsiya qilingan Samarqand xalqaro aeroportida xorijiy aviatashuvchi kompaniyalar uchun barcha imkoniyatlarni yaratish, hududning transport-logistika tizimini rivojlantirish, koʻrsatilayotgan xizmatlar sifatini yanada yaxshilash va diversifikatsiya qilish maqsadida:
1. 2021-yil 30-noyabr — 3-dekabr kunlari Ispaniya Qirolligining Madrid shahrida boʻlib oʻtgan BMTning Butunjahon turizm tashkiloti Bosh Assambleyasining 24-sessiyasida 2023-yilda Bosh Assambleyaning navbatdagi 25-sessiyasini Samarqand shahrida oʻtkazish belgilanganligi maʼlumot uchun qabul qilinsin.
2. Turizm va madaniy meros vazirligi, Transport vazirligi, Iqtisodiy taraqqiyot va kambagʻallikni qisqartirish vazirligi, Samarqand viloyati hokimligi hamda “Hunarmand” uyushmasining:
respublika hududlarida va xorijiy mamlakatlarda Samarqandning turizm salohiyati hamda Samarqand xalqaro aeroporti (keyingi oʻrinlarda — Aeroport) imkoniyatlarini namoyish etuvchi “Samarqand — Yangi Oʻzbekistonning turizm darvozasi” targʻibot kampaniyasini yoʻlga qoʻyish;
Samarqand viloyatini avia, temir yoʻl va avtomobil transporti bilan bogʻlangan hamda Aeroportni respublika hududlari bilan bogʻlash imkonini beruvchi yirik transport-logistika xabiga aylantirish;
Aeroportda xorijiy aviatashuvchilar uchun muqobil joylashtirish (bazirovka) tizimini joriy qilish;
Samarqand viloyatidagi turistik obyektlarning faoliyatini qoʻshimcha qoʻllab-quvvatlash tizimini yoʻlga qoʻyish toʻgʻrisidagi takliflari maʼqullansin.
3. Belgilab qoʻyilsinki:
a) Aeroportda:
2030-yil 1-yanvarga qadar xorijiy aviakompaniyalarning parvozlarini amalga oshirish uchun Aeroportni boshqarish boʻyicha xususiy sherik (keyingi oʻrinlarda — xususiy sherik) ham ruxsatnoma olish uchun Transport vazirligi huzuridagi Fuqaro aviatsiyasi agentligiga iltimosnoma bilan murojaat qiladi;
uchish uchun ruxsatnomani berish masalasi Transport vazirligi huzuridagi Fuqaro aviatsiyasi agentligi tomonidan aviaqatnovlarni amalga oshirish uchun xorijiy aviakompaniyalar tomonidan taqdim etilgan hujjatlar topshirilgan kundan boshlab koʻpi bilan 96 soat davomida, charter parvozlar uchun esa 24 soat davomida koʻrib chiqiladi;
turistlarga xizmat koʻrsatish uchun turizm axborot markazlari tashkil etiladi;
b) Oʻzbekiston Respublikasi Prezidentining 2021-yil 30-apreldagi “Fuqaro aviatsiyasi korxonalarini transformatsiya qilish va qoʻllab-quvvatlash chora-tadbirlari toʻgʻrisida”gi PQ-5100-son qarori 12-bandi qoidalari xususiy sherikka ham tatbiq etiladi;
v) 2026-yil 1-yanvarga qadar tadbirkorlik subyektlari:
belgilangan tartibda shakllantiriladigan roʻyxatlarga asosan 4 yulduzli va undan yuqori toifaga ega boʻlgan mehmonxonani tashkil qilish va/yoki faoliyatini amalga oshirish uchun asbob-uskunalar, maxsus texnikalar, yoqilgʻi-moylash materiallari, butlovchi buyumlar, ehtiyot qismlari, xomashyo va materiallar, oʻsimliklar, mebel, inventarlar va boshqa zarur boʻlgan tovarlarni olib kirganda bojxona bojini toʻlashdan;
Samarqand turistik markazi hududida obyektlarni qurish uchun “vaqtincha olib kirish” bojxona rejimiga olib kiriladigan maxsus texnikalar, mexanizmlar va texnologik uskunalar uchun davriy bojxona toʻlovlarini toʻlashdan ozod etiladi.
4. Samarqand viloyatining Payariq, Samarqand va Toyloq tumanlari Oʻzbekiston Respublikasi Prezidentining 2022-yil 27-yanvardagi PQ-104-son qarori bilan tasdiqlangan Mehmonxona (joylashtirish), savdo, umumiy ovqatlanish, koʻngilochar, turoperator va turagent xizmatlarini koʻrsatayotgan tadbirkorlik subyektlari uchun maxsus soliq rejimi joriy etiladigan tuman va shaharlar roʻyxatiga kiritilsin.
Xalq deputatlari Samarqand viloyati Kengashiga Turizm va madaniy meros vazirligi hamda Iqtisodiy taraqqiyot va kambagʻallikni qisqartirish vazirligining hududiy bosh boshqarmalari xulosalari asosida Payariq, Samarqand va Toyloq tumanlarida turistik zona chegaralarini belgilash tavsiya etilsin.
5. Turizm va madaniy meros vazirligi uch oy muddatda:
2023-yilda Samarqand shahrida Butunjahon turizm tashkiloti Bosh Assambleyasining 25-sessiyasini (keyingi oʻrinlarda — Bosh Assambleya 25-sessiyasi) yuqori saviyada tashkil etish va oʻtkazishni;
“Samarqand — Yangi Oʻzbekistonning turizm darvozasi” targʻibot kampaniyasini tashkil etish va Butunjahon turizm tashkiloti bilan kelishuv asosida Bosh Assambleya 25-sessiyasining logotipini ishlab chiqishni;
2023-yilda Samarqand shahrida oʻtkaziladigan tadbirlar va anjumanlar grafigini hamda 2024-yilda Xiva shahri “Islom dunyosining turizm poytaxti” hamda Shahrisabz shahri “Iqtisodiy hamkorlik tashkiloti turizm poytaxti” maqomini olganligi munosabati bilan oʻtkaziladigan chora-tadbirlar rejasini tasdiqlashni nazarda tutuvchi qaror loyihalarini ishlab chiqsin va Vazirlar Mahkamasiga kiritsin.
Belgilansinki:
Bosh Assambleya 25-sessiyasini oʻtkazish bilan bogʻliq xarajatlar Vazirlar Mahkamasining zaxira jamgʻarmasi mablagʻlari;
“Samarqand — Yangi Oʻzbekistonning turizm darvozasi” targʻibot kampaniyasini tashkil etish va Bosh Assambleya 25-sessiyasining logotipini tayyorlash bilan bogʻliq xarajatlar Davlat budjetidan Turizm va madaniy meros vazirligi huzuridagi budjetdan tashqari Turizmni qoʻllab-quvvatlash jamgʻarmasiga ajratiladigan mablagʻlar hisobidan amalga oshiriladi.
6. Turizm va madaniy meros vazirligi Transport vazirligi va “Uzbekistan Airports” AJ bilan birgalikda 2023-yilning birinchi choragida ixtisoslashtirilgan kompaniyalarni jalb qilgan holda Samarqand shahrida “Aviation & Logistics Forum” II xalqaro aviatsiya forumining oʻtkazilishini taʼminlasin.
7. “Uzbekistan Airports” AJ xususiy sherik bilan birgalikda bir hafta muddatda slotlarni tasdiqlash toʻgʻrisidagi reglamentni ishlab chiqib, tasdiqlasin. Bunda, aviakompaniyalarning parvozlarni amalga oshirishni rejalashtirish uchun arizalari (soʻrovlari) “Uzbekistan Airports” AJ tomonidan xususiy sherik bilan kelishilgandan soʻng vakolatli organga taqdim etilishi tartibi nazarda tutilsin.
8. Turizm va madaniy meros vazirligi Davlat bojxona qoʻmitasi bilan birgalikda ikki oy muddatda Samarqand turistik markazi hududida chet ellik shaxslar uchun boj olinmaydigan savdo doʻkonlarini tashkil etishni taʼminlasin.
9. Turizm va madaniy meros vazirligi Madaniyat vazirligi, Moliya vazirligi va Samarqand viloyati hokimligi bilan birgalikda ikki oy muddatda Samarqand turistik markazi hududida muzeylar, galereyalar, madaniy-tomosha hamda madaniy-maʼrifiy tashkilotlar hamda turistlarni jalb qiladigan boshqa koʻngilochar va sport maskanlarini tashkil etish yuzasidan Oʻzbekiston Respublikasi Prezident Administratsiyasiga taklif kiritsin.
10. Transport vazirligi:
a) 2023-yil 1-sentabrga qadar tadbirkorlik subyektlari va investorlarni jalb qilgan holda shaharlararo va xalqaro yoʻnalishlarda avtobus (mikroavtobus) qatnovlarini axborot texnologiyalari orqali yoʻlga qoʻyishga qaratilgan tizimni yaratsin. Bunda, shaharlararo va xalqaro yoʻnalishlarda avtobus (mikroavtobus) qatnovlari tizimida:
chiptalarni “Uzbus” platformasida xarid qilish tartibi;
aholining xavfsizligini taʼminlash hamda mavjud shaharlararo va xalqaro yoʻnalishlar boʻyicha avtobuslarning oʻz vaqtida harakatlanayotganini monitoring qilish maqsadida avtobuslarga GPS qurilmalarini oʻrnatish hamda monitoring qilish boʻyicha yagona platformani yaratish nazarda tutilsin;
b) “Uzbekistan airways” AJ bilan birgalikda 2023-yil 1-yanvarga qadar yuridik shaxslar tomonidan shaxsiy kabinet orqali guruh yoʻl hujjatlarini rasmiylashtirish hamda mobil ilovalar orqali chiptalar mavjudligini kuzatish va onlayn bron qilish imkoniyatini nazarda tutgan holda aviachiptalar onlayn savdosi hajmini oshirish choralarini koʻrsin;
v) “Uzbekistan Airports” AJ va xususiy sherik bilan birgalikda Aeroportda aviatashuvchilar uchun muqobil joylashtirish tizimini joriy qilish choralarini koʻrsin;
g) Turizm va madaniy meros vazirligi hamda Tashqi ishlar vazirligi bilan birgalikda bir oy muddatda ziyorat turizmini rivojlantirish va turistlar sonini maqsadli koʻrsatkichlarda belgilangan miqdorlarga yetkazish uchun Indoneziya, Malayziya, Yaponiya, Bangladesh mamlakatlaridan kelayotgan turistlarni jalb etish maqsadida xorijiy va uchinchi davlat aviakompaniyalari tomonidan xalqaro aeroportlarda joriy etilgan “Ochiq osmon” rejimi doirasida aviaparvozlarni amalga oshirishni nazarda tutuvchi qaror loyihasini ishlab chiqib, Vazirlar Mahkamasiga kiritsin.
11. Madaniyat va turizm vazirligi:
Din ishlari boʻyicha qoʻmita, Transport vazirligi va Tashqi ishlar vazirligi bilan birgalikda ziyorat turizmi dasturi boʻyicha xorijiy aviakompaniyalarni keng jalb qilish;
“Uzbekistan Airports” AJ va xususiy sherik bilan birgalikda 2023-yil 1-fevralga qadar Aeroportda turizm axborot markazini tashkil qilish choralarini koʻrsin.
12. Investitsiyalar va tashqi savdo vazirligi huzuridagi Tarif va notarif tartibga solish kengashi (J. Xodjayev) ikki hafta muddatda import qilinadigan alkogol mahsulotlari uchun belgilangan bojxona toʻlovlari stavkalarini qayta koʻrib chiqib, taklif kiritsin.
13. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.
14. Turizm va madaniy meros vazirligi Transport vazirligi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qarorning ijrosini samarali tashkil qilishga masʼul va shaxsiy javobgar etib transport vaziri I.R. Mahkamov, turizm va madaniy meros vaziri oʻrinbosari B. Ibragimov hamda Samarqand viloyati hokimi E.O. Turdimov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Bosh vazir oʻrinbosarlari A.J. Ramatov va A.A. Abduxakimov zimmasiga yuklansin.
Amalga oshirilayotgan chora-tadbirlar natijadorligi yuzasidan 2023-yil 31-dekabrga qadar har chorakda Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidentining 2022-yil 24-dekabrdagi PQ-455-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2022-yil 27-yanvardagi PQ-104-son qarori bilan tasdiqlangan Mehmonxona (joylashtirish), savdo, umumiy ovqatlanish, koʻngilochar, turoperator va turagent xizmatlarini koʻrsatayotgan tadbirkorlik subyektlari uchun maxsus soliq rejimi joriy etiladigan tuman va shaharlar roʻyxati quyidagi mazmundagi 18 1 — 18 3 pozitsiyalar bilan toʻldirilsin:
“
18 1 . Payariq tumani Samarqand viloyati 18 2 . Samarqand tumani 18 3 . Toyloq tumani
”.
2. Vazirlar Mahkamasining 2021-yil 2-noyabrdagi “Alkogol va tamaki mahsulotlarini aksiz markalari bilan markirovkalash boʻyicha qoʻshimcha chora-tadbirlar toʻgʻrisida”gi 665-son qarorida :
1-banddagi “2022-yil 1-noyabrga” soʻzlari “2023-yil 1-oktabrga” soʻzlari bilan almashtirilsin;
3-band toʻrtinchi xatboshisidagi “2022-yil 1-oktabrga” soʻzlari “2023-yil 1-sentabrga” soʻzlari bilan almashtirilsin.
3. Vazirlar Mahkamasining 2022-yil 2-avgustdagi 424-son qarori bilan tasdiqlangan Oʻzbekiston Respublikasi hududida xizmat safarlari toʻgʻrisidagi nizomning 18-bandida :
birinchi xatboshi quyidagi tahrirda bayon etilsin:
“18. Mehmonxona xarajatlarining bir kunlik qoplash miqdori (xalqaro miqyosdagi tadbirlar davrida Samarqand, Buxoro, Xiva, Qoʻqon, Shahrisabz shaharlari va Boʻstonliq tumanidagi mehmonxonalar xarajatlari bundan mustasno)”;
quyidagi mazmundagi oltinchi xatboshi bilan toʻldirilsin:
“Xalqaro miqyosdagi tadbirlar davrida Samarqand, Buxoro, Xiva, Qoʻqon, Shahrisabz shaharlari va Boʻstonliq tumanidagi mehmonxonalar xarajatlarining mazkur bandning ikkinchi — toʻrtinchi xatboshilarida nazarda tutilgan bir kunlik qoplash miqdoridan oshgan qismi tashkilotning budjetdan tashqari mablagʻlari hisobidan qoplab beriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 24-dekabr,
PQ-455-son
Президента Республики Узбекистан
Постановление
О дополнительных мерах по эффективному использованию туристического и транспортного потенциала Самаркандской области, развитию области на основе Концепции «Самарканд — туристические ворота Нового Узбекистана»
В целях увеличения потока иностранных и местных туристов в Самаркандскую область, создания необходимых условий для эффективного использования потенциала новых объектов туристской инфраструктуры, создания всех возможностей для зарубежных компаний-авиаперевозчиков в модернизированном международном аэропорту Самарканда, развития транспортно-логистической системы региона, а также дальнейшей диверсификации и улучшения качества предоставляемых услуг:
1. Принять к сведению, что на 24-й сессии Генеральной Ассамблеи Всемирной туристской организации ООН, состоявшейся 30 ноября — 3 декабря 2021 года в городе Мадриде Королевства Испания, в 2023 году запланировано проведение очередной 25-й сессии Генеральной Ассамблеи в городе Самарканде.
2. Одобрить предложения Министерства туризма и культурного наследия, Министерства транспорта, Министерства экономического развития и сокращения бедности, хокимията Самаркандской области и Ассоциации «Хунарманд»:
о проведении разъяснительной кампании «Самарканд — туристические ворота Нового Узбекистана», демонстрирующей туристический потенциал Самарканда и возможности международного аэропорта Самарканда (далее — Аэропорт) в регионах республики и зарубежных странах;
о трансформации Самаркандской области в крупный транспортно-логистический хаб, соединенный авиа, железнодорожным и автомобильным транспортом, а также связывающий Аэропорт с регионами республики;
о внедрении в Аэропорту альтернативной системы размещения (базирования) для иностранных авиаперевозчиков;
об организации системы дополнительной поддержки деятельности туристских объектов в Самаркандской области.
3. Установить, что:
а) в Аэропорту:
до 1 января 2030 года частный партнер по управлению Аэропортом (далее — частный партнер) для осуществления полетов иностранными авиакомпаниями также обращается в Агентство гражданской авиации при Министерстве транспорта для получения разрешения;
вопрос о выдаче разрешения на полеты рассматривается Агентством гражданской авиации при Министерстве транспорта в течение не более чем 96 часов, а для чартерных рейсов — 24 часов со дня вручения представленных иностранными авиакомпаниями документов для осуществления авиаперелетов;
для обслуживания туристов создаются туристские информационные центры;
б) положения пункта 12 постановления Президента Республики Узбекистан от 30 апреля 2021 года № ПП-5100 «О мерах по трансформации и поддержке предприятий гражданской авиации» применяются также и к частному партнеру;
в) субъекты предпринимательства до 1 января 2026 года освобождаются:
от уплаты таможенной пошлины при ввозе в соответствии с сформированными в установленном порядке перечнями оборудования, специальной техники, горюче-смазочных материалов, комплектующих изделий, запасных частей, сырья и материалов, растений, мебели, инвентаря и других товаров, необходимых для организации и/или осуществления деятельности гостиницы, имеющей категорию 4 звезды и выше;
от уплаты периодических таможенных платежей за специальную технику, механизмы и технологическое оборудование, ввозимые под таможенный режим «временный ввоз» для строительства объектов на территории Самаркандского туристического центра.
4. Внести Пайарыкский, Самаркандский и Тайлакский районы Самаркандской области в Перечень районов и городов, в которых вводится специальный налоговый режим для субъектов предпринимательства, оказывающих гостиничные услуги (услуги по размещению), услуги торговли, общественного питания, в сфере развлечений, туроператорские и турагентские услуги, утвержденный постановлением Президента Республики Узбекистан от 27 января 2022 года № ПП-104.
Рекомендовать Кенгашу народных депутатов Самаркандской области на основании заключений территориальных главных управлений Министерства туризма и культурного наследия и Министерства экономического развития и сокращения бедности определить границы туристской зоны в Пайарыкском, Самаркандском и Тайлакском районах.
5. Министерству туризма и культурного наследия в трехмесячный срок разработать и внести в Кабинет Министров проекты постановлений, предусматривающие:
организацию и проведение на высоком уровне 25-й сессии Генеральной Ассамблеи Всемирной туристской организации (далее — 25-я сессия Генеральной Ассамблеи) в городе Самарканде в 2023 году;
организацию разъяснительной кампании «Самарканд — туристические ворота Нового Узбекистана» и разработку на основании соглашения с Всемирной туристской организацией логотипа 25-й сессии Генеральной Ассамблеи;
утверждение графика проведения мероприятий и конференций в городе Самарканде в 2023 году, а также плана проведения мероприятий в связи с получением в 2024 году городом Хивой статуса «Туристическая столица исламского мира» и городом Шахрисабзом статуса «Туристическая столица Организации экономического сотрудничества».
Установить, что:
средства на организацию 25-й сессии Генеральной Ассамблеи покрываются за счет резервного фонда Кабинета Министров;
расходы на организацию разъяснительной кампании «Самарканд — туристические ворота Нового Узбекистана» и разработку логотипа 25-й сессии Генеральной Ассамблеи покрываются за счет средств, выделяемых из Государственного бюджета во внебюджетный Фонд по поддержке туризма при Министерстве туризма и культурного наследия.
6. Министерству туризма и культурного наследия совместно с Министерством транспорта и АО «Uzbekistan Airports» обеспечить проведение в первом квартале 2023 года в городе Самарканде II Международного авиационного форума «Aviation & Logistics Forum» с привлечением специализированных компаний.
7. АО «Uzbekistan Airports» совместно с частным партнером в недельный срок разработать и утвердить регламент утверждения слотов. При этом предусмотреть порядок представления заявок (запросов) авиакомпаний для планирования осуществления полетов со стороны АО «Uzbekistan Airports» в уполномоченный орган после согласования с частным партнером.
8. Министерству туризма и культурного наследия совместно с Государственным таможенным комитетом в двухмесячный срок обеспечить создание магазинов беспошлинной торговли для иностранных лиц на территории Самаркандского туристического центра.
9. Министерству туризма и культурного наследия совместно с Министерством культуры, Министерством финансов и хокимиятом Самаркандской области в двухмесячный срок внести предложения в Администрацию Президента Республики Узбекистан об организации на территории Самаркандского туристического центра деятельности музеев, галерей, культурно-зрелищных и культурно-просветительных организаций, а также других развлекательных и спортивных объектов по привлечению туристов.
10. Министерству транспорта:
а) до 1 сентября 2023 года создать систему, направленную на налаживание посредством информационных технологий автобусных (микроавтобусных) сообщений на междугородних и международных направлениях с привлечением субъектов предпринимательства и инвесторов. При этом в системе автобусных (микроавтобусных) сообщений на междугородних и международных направлениях предусмотреть:
порядок покупки билетов через платформу «Uzbus»;
создание единой платформы по установке GPS-устройств на автобусах и мониторингу с целью обеспечения безопасности населения и мониторинга своевременного движения автобусов по существующим междугородним и международным направлениям;
б) совместно с АО «Uzbekistan Airways» до 1 января 2023 года принять меры по увеличению объемов онлайн-продаж авиабилетов, предусматривающие возможность оформления юридическими лицами групповых проездных документов через личный кабинет, а также отслеживания наличия и онлайн-бронирования билетов через мобильные приложения;
в) совместно с АО «Uzbekistan Airports» и частным партнером принять меры по внедрению в Аэропорту альтернативной системы для размещения авиаперевозчиков;
г) совместно с Министерством туризма и культурного наследия и Министерством иностранных дел в месячный срок разработать и внести в Кабинет Министров проект постановления по осуществлению авиаперелетов иностранными авиакомпаниями и авиакомпаниями третьих государств в рамках введенного в международных аэропортах режима «Открытое небо» для развития паломнического туризма и доведения количества туристов до целевых показателей в целях привлечения туристов, прибывающих из Индонезии, Малайзии, Японии, Бангладеша.
11. Министерству культуры и туризма принять меры:
совместно с Комитетом по делам религий, Министерством транспорта и Министерством иностранных дел по широкому привлечению иностранных авиакомпаний по программе паломнического туризма;
совместно с АО «Uzbekistan Airports» и частным партнером по созданию в Аэропорту до 1 февраля 2023 года туристского информационного центра.
12. Совету по тарифному и нетарифному регулированию при Министерстве инвестиций и внешней торговли (Ж. Ходжаев) в двухнедельный срок пересмотреть установленные ставки таможенных платежей для импортируемой алкогольной продукции и внести предложения.
13. Внести изменения и дополнения в некоторые решения Президента Республики Узбекистан и Правительства Республики Узбекистан согласно приложению .
14. Министерству туризма и культурного наследия совместно с Министерством транспорта и заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
15. Возложить на министра транспорта И.Р. Махкамова, заместителя министра туризма и культурного наследия Б. Ибрагимова и хокима Самаркандской области Э.О. Турдимова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций возложить на заместителей Премьер-министра А.Ж. Раматова и А.А. Абдухакимова.
О результативности осуществляемых мер вносить информацию Президенту Республики Узбекистан ежеквартально до 31 декабря 2023 года.
ПРИЛОЖЕНИЕ к постановлению Президента Республики Узбекистан от 24 декабря 2022 года № ПП-455
Изменения и дополнения, вносимые в некоторые решения Президента Республики Узбекистан и Правительства Республики Узбекистан
1. Перечень районов и городов, в которых вводится специальный налоговый режим для субъектов предпринимательства, оказывающих гостиничные услуги (услуги по размещению), услуги торговли, общественного питания, в сфере развлечений, туроператорские и турагентские услуги, утвержденный постановлением Президента Республики Узбекистан от 27 января 2022 года № ПП-104, в тексте на государственном языке дополнить позициями 18 1 — 18 3 следующего содержания:
«
18 1 . Пайариқ тумани Самарқанд вилояти 18 2 . Самарқанд тумани 18 3 . Тойлоқ тумани
».
2. В тексте на государственном языке постановления Кабинета Министров от 2 ноября 2021 года № 665 «О дополнительных мерах по маркировке алкогольной и табачной продукции с акцизными марками»:
в пункте 1 слова «2022 йил 1 ноябрга» заменить словами «2023 йил 1 октябрга»;
в абзаце четвертом пункта 3 слова «2022 йил 1 октябрга» заменить словами «2023 йил 1 сентябрга».
3. В тексте на государственном языке пункта 18 Положения о служебных командировках в пределах Республики Узбекистан, утвержденного постановлением Кабинета Министров от 2 августа 2022 года № 424:
абзац первый изложить в следующей редакции:
«18. Меҳмонхона харажатларининг бир кунлик қоплаш миқдори (халқаро миқёсдаги тадбирлар даврида Самарқанд, Бухоро, Хива, Қўқон, Шаҳрисабз шаҳарлари ва Бўстонлиқ туманидаги меҳмонхоналар харажатлари бундан мустасно)»;
дополнить абзацем шестым следующего содержания:
«Халқаро миқёсдаги тадбирлар даврида Самарқанд, Бухоро, Хива, Қўқон, Шаҳрисабз шаҳарлари ва Бўстонлиқ туманидаги меҳмонхоналар харажатларининг мазкур банднинг иккинчи — тўртинчи хатбошиларида назарда тутилган бир кунлик қоплаш миқдоридан ошган қисми ташкилотнинг бюджетдан ташқари маблағлари ҳисобидан қоплаб берилади».
Президент Республики Узбекистан Ш. МИРЗИЁЕВ
г. Ташкент,
24 декабря 2022 г.,
№ ПП-455