📅 2022-yil 26-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 26 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 декабря 2022 г. · Постановления Президента
Официальный текст. Официальный документ. Редакционные примечания не включены.
📅 26 December 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Маҳалла бюджети» тизимини жорий этиш орқали маҳаллаларнинг молиявий имкониятини янада кенгайтириш бўйича қўшимча чора-тадбирлар тўғрисида
Маҳаллабай ишлаш тизимини янги босқичга олиб чиқиш, жисмоний шахслардан олинадиган мол-мулк солиғи ва ер солиғини йиғиш кўрсаткичларини ошириш орқали янги ижтимоий лойиҳаларни амалга ошириш учун қўшимча маблағларни жалб қилиш мақсадида:
1. Маҳаллалар томонидан жисмоний шахслардан олинадиган мол-мулк солиғи ва ер солиғини (кейинги ўринларда — мол-мулк ва ер солиғи) аҳолининг солиқ тўлаш саводхонлигини ошириш орқали ундиришга кўмаклашиш ва ҳар бир маҳалла ўзининг муаммосини мустақил ҳал этиши учун 2023 йил 1 январдан бошлаб иловада кўрсатилган ва солиқларни ундириш кўрсаткичи паст бўлган туманларда «Маҳалла бюджети» тизими ҳуқуқий эксперимент тариқасида жорий этилсин.
2. Шундай тартиб ўрнатилсинки, унга мувофиқ «Маҳалла бюджети» тизими Маҳалла ва нуронийларни қўллаб-қувватлаш вазирлиги томонидан Молия вазирлиги, Иқтисодий тараққиёт ва камбағалликни қисқартириш вазирлиги ҳамда Давлат солиқ қўмитаси билан биргаликда ҳар бир маҳалланинг ўзига хос хусусияти ва салоҳиятидан келиб чиққан ҳолда қўшимча манбаларни излаш ва шу асосда уларнинг даромадлари базасини кенгайтириш йўли билан маҳалланинг ижтимоий-иқтисодий муаммоларини ҳал этиш жамғармаларининг (кейинги ўринларда — Жамғарма) даромадлари параметрларини сўзсиз бажариш бўйича фаолият мувофиқлаштирилган ҳолда йўлга қўйилади.
3. Белгилансинки, 2023 йил 1 январдан бошлаб, иловага мувофиқ туманларда мол-мулк ва ер солиғи (бундан нотурар жойлар бўйича мол-мулк ва ер солиғи мустасно) бўйича ундирилган маблағларнинг 10 фоизи ҳисобот ойидан кейинги ойнинг 10-санасига қадар туман бюджетлари орқали тегишли Жамғармаларга йўналтирилади.
4. Давлат солиқ қўмитаси 2023 йил 1 мартга қадар мол-мулк ва ер солиғи бўйича ҳисобланган, тўланган маблағлар ва солиқ қарздорликлари тўғрисидаги маълумотлардан фуқароларнинг ўзини ўз бошқариш органи томонидан реал вақт режимида фойдаланиш имкониятини яратсин.
5. Белгилаб қўйилсинки:
а) «Маҳалла бюджети» тизими асосида шакллантирилган маблағлар қуйидагиларни ўз ичига олади:
мазкур қарорнинг 3-бандида назарда тутилган мол мулк ва ер солиғидан ажратмалар;
Ўзбекистон Республикаси Президентининг 2022 йил 16 августдаги «Маҳалла институтининг жамият ҳаётидаги ролини мустаҳкамлаш ва молиявий имкониятини янада кенгайтириш чора-тадбирлари тўғрисида»ги ПҚ-353-сон қарори 2-бандининг «а» кичик бандида назарда тутилган маблағлар;
б) «Маҳалла бюджети» тизими асосида шакллантирилган маблағлар «Фуқароларнинг ўзини ўзи бошқариш органлари тўғрисида»ги Қонунда назарда тутилган фуқаролар йиғини кенгаши томонидан бошқарилади.
Бунда:
фуқаролар йиғини кенгаши йиғилишларида «Маҳалла бюджети» тизими асосида шакллантирилган маблағлардан фойдаланиш йўналишлари келишиб олинади;
фуқаролар йиғини кенгаши таркибига маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокими ёрдамчиси ҳам киритилади.
6. Белгилансинки, фуқароларнинг ўзини ўз бошқариш органи томонидан «Очиқ бюджет» ахборот порталига қуйидаги маълумотлар жойлаштириб борилади:
«Маҳалла бюджети» тизими асосида шакллантирилган маблағлар ҳисобидан молиялаштирилиши таклиф этилаётган ва амалга оширилган тадбирлар тўғрисидаги маълумотлар;
жисмоний шахсларнинг мол-мулк ва ер солиғи бўйича солиқ қарзи ҳақидаги маълумотлар.
7. Молия вазирлиги, Давлат солиқ қўмитаси ҳамда Маҳалла ва нуронийларни қўллаб-қувватлаш вазирлиги:
2023 йил 1 июлга қадар ҳуқуқий эксперимент натижалари тўғрисидаги ахборотни ва ушбу тизимни республиканинг барча туман (шаҳар)ларида жорий этиш юзасидан таклифларни;
манфаатдор вазирлик ва идоралар билан биргаликда бир ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
8. Мазкур қарорнинг ижросини самарали ташкил қилишга масъул ва шахсий жавобгар этиб маҳалла ва нуронийларни қўллаб-қувватлаш вазири в.б. Т.А. Худайбергенов ва молия вазири Т.А. Ишметов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 26 декабрдаги ПҚ-458-сон қарорига ИЛОВА
«Маҳалла бюджети» тизими жорий этиладиган ва солиқларни ундириш кўрсаткичи паст бўлган туманлар
Т/р Ҳудуд номи Туман номи 1. Қорақалпоғистон Республикаси Беруний 2. Андижон вилояти Андижон 3. Бухоро вилояти Олот 4. Жиззах вилояти Зомин 5. Қашқадарё вилояти Қарши 6. Навоий вилояти Кармана 7. Наманган вилояти Уйчи 8. Самарқанд вилояти Ургут 9. Сурхондарё вилояти Жарқўрғон 10. Сирдарё вилояти Сайхунобод 11. Тошкент вилояти Бўка 12. Фарғона вилояти Бағдод 13. Хоразм вилояти Боғот 14. Тошкент шаҳри Учтепа
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 26 декабрь,
ПҚ-458-сон
Oʻzbekiston Respublikasi Prezidentining
Qarori
ROʻYXATI
“Mahalla budjeti” tizimini joriy etish orqali mahallalarning moliyaviy imkoniyatini yanada kengaytirish boʻyicha qoʻshimcha chora-tadbirlar toʻgʻrisida
Mahallabay ishlash tizimini yangi bosqichga olib chiqish, jismoniy shaxslardan olinadigan mol-mulk soligʻi va yer soligʻini yigʻish koʻrsatkichlarini oshirish orqali yangi ijtimoiy loyihalarni amalga oshirish uchun qoʻshimcha mablagʻlarni jalb qilish maqsadida:
1. Mahallalar tomonidan jismoniy shaxslardan olinadigan mol-mulk soligʻi va yer soligʻini (keyingi oʻrinlarda — mol-mulk va yer soligʻi) aholining soliq toʻlash savodxonligini oshirish orqali undirishga koʻmaklashish va har bir mahalla oʻzining muammosini mustaqil hal etishi uchun 2023-yil 1-yanvardan boshlab ilovada koʻrsatilgan va soliqlarni undirish koʻrsatkichi past boʻlgan tumanlarda “Mahalla budjeti” tizimi huquqiy eksperiment tariqasida joriy etilsin.
2. Shunday tartib oʻrnatilsinki, unga muvofiq “Mahalla budjeti” tizimi Mahalla va nuroniylarni qoʻllab-quvvatlash vazirligi tomonidan Moliya vazirligi, Iqtisodiy taraqqiyot va kambagʻallikni qisqartirish vazirligi hamda Davlat soliq qoʻmitasi bilan birgalikda har bir mahallaning oʻziga xos xususiyati va salohiyatidan kelib chiqqan holda qoʻshimcha manbalarni izlash va shu asosda ularning daromadlari bazasini kengaytirish yoʻli bilan mahallaning ijtimoiy-iqtisodiy muammolarini hal etish jamgʻarmalarining (keyingi oʻrinlarda — Jamgʻarma) daromadlari parametrlarini soʻzsiz bajarish boʻyicha faoliyat muvofiqlashtirilgan holda yoʻlga qoʻyiladi.
3. Belgilansinki, 2023-yil 1-yanvardan boshlab, ilovaga muvofiq tumanlarda mol-mulk va yer soligʻi (bundan noturar joylar boʻyicha mol-mulk va yer soligʻi mustasno) boʻyicha undirilgan mablagʻlarning 10 foizi hisobot oyidan keyingi oyning 10-sanasiga qadar tuman budjetlari orqali tegishli Jamgʻarmalarga yoʻnaltiriladi.
4. Davlat soliq qoʻmitasi 2023-yil 1-martga qadar mol-mulk va yer soligʻi boʻyicha hisoblangan, toʻlangan mablagʻlar va soliq qarzdorliklari toʻgʻrisidagi maʼlumotlardan fuqarolarning oʻzini oʻz boshqarish organi tomonidan real vaqt rejimida foydalanish imkoniyatini yaratsin.
5. Belgilab qoʻyilsinki:
a) “Mahalla budjeti” tizimi asosida shakllantirilgan mablagʻlar quyidagilarni oʻz ichiga oladi:
mazkur qarorning 3-bandida nazarda tutilgan mol mulk va yer soligʻidan ajratmalar;
Oʻzbekiston Respublikasi Prezidentining 2022-yil 16-avgustdagi “Mahalla institutining jamiyat hayotidagi rolini mustahkamlash va moliyaviy imkoniyatini yanada kengaytirish chora-tadbirlari toʻgʻrisida”gi PQ-353-son qarori 2-bandining “a” kichik bandida nazarda tutilgan mablagʻlar;
b) “Mahalla budjeti” tizimi asosida shakllantirilgan mablagʻlar “Fuqarolarning oʻzini oʻzi boshqarish organlari toʻgʻrisida”gi Qonunda nazarda tutilgan fuqarolar yigʻini kengashi tomonidan boshqariladi.
Bunda:
fuqarolar yigʻini kengashi yigʻilishlarida “Mahalla budjeti” tizimi asosida shakllantirilgan mablagʻlardan foydalanish yoʻnalishlari kelishib olinadi;
fuqarolar yigʻini kengashi tarkibiga mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisi ham kiritiladi.
6. Belgilansinki, fuqarolarning oʻzini oʻz boshqarish organi tomonidan “Ochiq budjet” axborot portaliga quyidagi maʼlumotlar joylashtirib boriladi:
“Mahalla budjeti” tizimi asosida shakllantirilgan mablagʻlar hisobidan moliyalashtirilishi taklif etilayotgan va amalga oshirilgan tadbirlar toʻgʻrisidagi maʼlumotlar;
jismoniy shaxslarning mol-mulk va yer soligʻi boʻyicha soliq qarzi haqidagi maʼlumotlar.
7. Moliya vazirligi, Davlat soliq qoʻmitasi hamda Mahalla va nuroniylarni qoʻllab-quvvatlash vazirligi:
2023-yil 1-iyulga qadar huquqiy eksperiment natijalari toʻgʻrisidagi axborotni va ushbu tizimni respublikaning barcha tuman (shahar)larida joriy etish yuzasidan takliflarni;
manfaatdor vazirlik va idoralar bilan birgalikda bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
8. Mazkur qarorning ijrosini samarali tashkil qilishga masʼul va shaxsiy javobgar etib mahalla va nuroniylarni qoʻllab-quvvatlash vaziri v.b. T.A. Xudaybergenov va moliya vaziri T.A. Ishmetov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 26-dekabrdagi PQ-458-son qaroriga ILOVA
“Mahalla budjeti” tizimi joriy etiladigan va soliqlarni undirish koʻrsatkichi past boʻlgan tumanlar
T/r Hudud nomi Tuman nomi 1. Qoraqalpogʻiston Respublikasi Beruniy 2. Andijon viloyati Andijon 3. Buxoro viloyati Olot 4. Jizzax viloyati Zomin 5. Qashqadaryo viloyati Qarshi 6. Navoiy viloyati Karmana 7. Namangan viloyati Uychi 8. Samarqand viloyati Urgut 9. Surxondaryo viloyati Jarqoʻrgʻon 10. Sirdaryo viloyati Sayxunobod 11. Toshkent viloyati Boʻka 12. Fargʻona viloyati Bagʻdod 13. Xorazm viloyati Bogʻot 14. Toshkent shahri Uchtepa
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 26-dekabr,
PQ-458-son
Президента Республики Узбекистан
Постановление
ПЕРЕЧЕНЬ
О дополнительных мерах по расширению финансовых возможностей махаллей путем внедрения системы «Бюджет махалли»
В целях выведения на новый уровень системы работы «махаллабай», привлечения дополнительных средств на реализацию новых социальных проектов путем увеличения показателей собираемости налога на имущество физических лиц и земельного налога с физических лиц:
1. Внедрить с 1 января 2023 года в порядке правового эксперимента систему «Бюджет махалли» для оказания содействия во взимании махаллями налога на имущество физических лиц и земельного налога с физических лиц (далее — налог на имущество и земельный налог) путем повышения грамотности населения по оплате налогов, а также самостоятельного решения своих проблем каждой махаллей в районах, указанных в приложении , с низкими показателями взимания налогов.
2. Установить порядок, в соответствии с которым система «Бюджет махалли» внедряется Министерством по поддержке махалли и старшего поколения совместно с Министерством финансов, Министерством экономического развития и сокращения бедности и Государственным налоговым комитетом путем координации деятельности по безусловному исполнению параметров доходов фондов по решению социально-экономических проблем махалли (далее — Фонд) посредством изыскания дополнительных источников и расширения на данной основе доходной базы каждой махалли исходя из своеобразных особенностей и потенциала махаллей.
3. Определить, что с 1 января 2023 года 10 процентов средств, взысканных по налогу на имущество и земельному налогу (за исключением налога на имущество и земельного налога по нежилым помещениям) в районах согласно приложению , перечисляются в соответствующие фонды до 10-го числа месяца, следующего за отчетным месяцем, через бюджеты районов.
4. Государственному налоговому комитету в срок до 1 марта 2023 года создать возможность использования органами самоуправления граждан сведений о начисленных и оплаченных средствах и налоговой задолженности по налогу на имущество и земельному налогу в режиме реального времени.
5. Установить, что:
а) средства, сформированные на основе системы «Бюджет махалли», включают:
отчисления от налога на имущество и земельного налога, предусмотренные пунктом 3 настоящего постановления;
средства, предусмотренные подпунктом «а» пункта 2 постановления Президента Республики Узбекистан от 16 августа 2022 года № ПП-353 «О мерах по укреплению роли института махалли в жизни общества и дальнейшему расширению его финансовых возможностей»;
б) средствами, сформированными на основе системы «Бюджет махалли», распоряжаются кенгаши сходов граждан, предусмотренные Законом Республики Узбекистан «Об органах самоуправления граждан».
При этом:
на заседаниях кенгашей сходов граждан согласовываются направления расходования средств, сформированных на основе системы «Бюджет махалли»;
в состав кенгашей сходов граждан также включаются помощники хокимов районов (городов) по вопросам развития предпринимательства, обеспечения занятости населения и сокращения бедности в махаллях.
6. Определить, что органами самоуправления граждан регулярно размещаются на информационном портале «Открытый бюджет» сведения по:
проведенным мероприятиям и мероприятиям, рекомендованным для финансирования за счет средств, сформированных на основе системы «Бюджет махалли»;
налоговой задолженности физических лиц по налогу на имущество и земельному налогу.
7. Министерству финансов, Государственному налоговому комитету и Министерству по поддержке махалли и старшего поколения внести в Кабинет Министров:
в срок до 1 июля 2023 года — информацию о результатах правового эксперимента и предложения о внедрении данной системы во всех районах (городах) республики;
в месячных срок совместно с заинтересованными министерствами и ведомствами — предложения об изменениях и дополнениях в законодательные акты, вытекающих из настоящего постановления.
8. Возложить на исполняющего обязанности министра по поддержке махалли и старшего поколения Т.А. Худойбергенова и министра финансов Т.А. Ишметова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 26 декабря 2022 года № ПП-458
районов с низкими показателями взыскания налога на имущество физических лиц и земельного налога с физических лиц, в которых внедряется система «Бюджет махалли»
№ Наименование регионов Наименование районов 1. Республика Каракалпакстан Берунийский 2. Андижанская область Андижанский 3. Бухарская область Алатский 4. Джизакская область Зааминский 5. Кашкадарьинская область Каршинский 6. Навоийская область Карманинский 7. Наманганская область Уйчинский 8. Самаркандская область Ургутский 9. Сурхандарьинская область Джаркурганский 10. Сырдарьинская область Сайхунабадский 11. Ташкентская область Букинский 12. Ферганская область Багдадский 13. Хорезмская область Багатский 14. город Ташкент Учтепинский
Президент Республики Узбекистан Ш. МИРЗИЁЕВ
г. Ташкент,
26 декабря 2022 г.,
№ ПП-458