📅 2022-yil 28-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 28 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2022 г. · Постановления Президента
Официальный текст. Официальный документ. Редакционные примечания не включены.
📅 28 December 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Ташқи иқтисодий фаолият товар номенклатурасининг 2022 йилги таҳририни жорий этиш тўғрисида
Ўзбекистон Республикаси Ташқи иқтисодий фаолият товар номенклатурасини жаҳон амалиётида қўлланилаётган Товарларни тавсифлаш ва кодлашнинг уйғунлаштирилган тизими (2022 йилги таҳрири) билан унификациялаш мақсадида:
1. Қуйидагилар:
Ўзбекистон Республикаси Олий Мажлисининг 1998 йил 29 августдаги «Товарларни тавсифлаш ва кодлаштиришнинг уйғунлаштирилган тизими тўғрисидаги халқаро конвенцияга қўшилиш ҳақида»ги 687-I-сон қарорига мувофиқ Ўзбекистон Республикаси Товарларни тавсифлаш ва кодлаштиришнинг уйғунлаштирилган тизими тўғрисидаги халқаро конвенцияга (Брюссель, 1983 йил 14 июнь) қўшилганлиги;
Мустақил Давлатлар Ҳамдўстлигининг Ягона ташқи иқтисодий фаолият товар номенклатураси тўғрисида 1995 йил 3 ноябрдаги битимга мувофиқ давлатлар Жаҳон божхона ташкилоти томонидан ишлаб чиқилган Товарларни тавсифлаш ва кодлаштиришнинг уйғунлаштирилган тизимига асосланган ҳолда ягона Ташқи иқтисодий фаолият товар номенклатурасидан фойдаланиши бўйича ўзаро келишувга эришилганлиги;
Жаҳон божхона ташкилоти томонидан жаҳон савдосида муомалада бўлган товарларнинг халқаро таснифини уйғунлаштириш мақсадида Товарларни тавсифлаш ва кодлашнинг уйғунлаштирилган тизимига ўзгартириш ва қўшимчалар киритилганлиги;
Мустақил Давлатлар Ҳамдўстлигининг Ягона ташқи иқтисодий фаолият товар номенклатурасининг 7-таҳрири 2022 йил 1 январдан бошлаб амалиётга татбиқ этилганлиги маълумот учун қабул қилинсин.
2. Товарларни тавсифлаш ва кодлашнинг уйғунлаштирилган янги тизими негизида ишлаб чиқилган Ўзбекистон Республикаси Ташқи иқтисодий фаолият товар номенклатурасининг 2022 йилги таҳрири 2023 йил 1 январдан бошлаб амалга киритилсин.
3. Вазирлар Маҳкамаси 2023 йил 1 январга қадар Ташқи иқтисодий фаолият товар номенклатурасининг 2022 йилги таҳрири амалга киритилиши муносабати билан таснифлаш кодлари ўзгарган маҳсулотлар рўйхатини тасдиқласин.
4. Инвестициялар ва ташқи савдо вазирлиги ҳамда Давлат божхона қўмитаси 2023 йил 1 январга қадар Ўзбекистон Республикаси Ташқи иқтисодий фаолият товар номенклатурасининг 2022 йилги таҳрири чоп этилишини ва манфаатдор ташкилотларга етказилишини, шунингдек, ўз расмий веб-сайтларида жойлаштирилишини таъминласин.
5. Ўзбекистон Республикаси Президентининг 2017 йил 28 декабрдаги «Ўзбекистон Республикаси Ташқи иқтисодий фаолият товар номенклатурасининг 2017 йилги версиясини жорий этиш тўғрисида»ги ПҚ-3448-сон қарори 2023 йил 1 январдан эътиборан ўз кучини йўқотган деб ҳисоблансин.
6. Мазкур қарорнинг ижросини назорат қилиш Бош вазир ўринбосари Ж.А. Ходжаев ҳамда Давлат божхона қўмитаси раиси А.Ю. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 28 декабрь,
ПҚ-460-сон
Oʻzbekiston Respublikasi Prezidentining
Qarori
Oʻzbekiston Respublikasi Tashqi iqtisodiy faoliyat tovar nomenklaturasining 2022-yilgi tahririni joriy etish toʻgʻrisida
Oʻzbekiston Respublikasi Tashqi iqtisodiy faoliyat tovar nomenklaturasini jahon amaliyotida qoʻllanilayotgan Tovarlarni tavsiflash va kodlashning uygʻunlashtirilgan tizimi (2022-yilgi tahriri) bilan unifikatsiyalash maqsadida:
1. Quyidagilar:
Oʻzbekiston Respublikasi Oliy Majlisining 1998-yil 29-avgustdagi “Tovarlarni tavsiflash va kodlashtirishning uygʻunlashtirilgan tizimi toʻgʻrisidagi xalqaro konvensiyaga qoʻshilish haqida”gi 687-I-son qaroriga muvofiq Oʻzbekiston Respublikasi Tovarlarni tavsiflash va kodlashtirishning uygʻunlashtirilgan tizimi toʻgʻrisidagi xalqaro konvensiyaga (Bryussel, 1983-yil 14-iyun) qoʻshilganligi;
Mustaqil Davlatlar Hamdoʻstligining Yagona tashqi iqtisodiy faoliyat tovar nomenklaturasi toʻgʻrisida 1995-yil 3-noyabrdagi bitimga muvofiq davlatlar Jahon bojxona tashkiloti tomonidan ishlab chiqilgan Tovarlarni tavsiflash va kodlashtirishning uygʻunlashtirilgan tizimiga asoslangan holda yagona Tashqi iqtisodiy faoliyat tovar nomenklaturasidan foydalanishi boʻyicha oʻzaro kelishuvga erishilganligi;
Jahon bojxona tashkiloti tomonidan jahon savdosida muomalada boʻlgan tovarlarning xalqaro tasnifini uygʻunlashtirish maqsadida Tovarlarni tavsiflash va kodlashning uygʻunlashtirilgan tizimiga oʻzgartirish va qoʻshimchalar kiritilganligi;
Mustaqil Davlatlar Hamdoʻstligining Yagona tashqi iqtisodiy faoliyat tovar nomenklaturasining 7-tahriri 2022-yil 1-yanvardan boshlab amaliyotga tatbiq etilganligi maʼlumot uchun qabul qilinsin.
2. Tovarlarni tavsiflash va kodlashning uygʻunlashtirilgan yangi tizimi negizida ishlab chiqilgan Oʻzbekiston Respublikasi Tashqi iqtisodiy faoliyat tovar nomenklaturasining 2022-yilgi tahriri 2023-yil 1-yanvardan boshlab amalga kiritilsin.
3. Vazirlar Mahkamasi 2023-yil 1-yanvarga qadar Tashqi iqtisodiy faoliyat tovar nomenklaturasining 2022-yilgi tahriri amalga kiritilishi munosabati bilan tasniflash kodlari oʻzgargan mahsulotlar roʻyxatini tasdiqlasin.
4. Investitsiyalar va tashqi savdo vazirligi hamda Davlat bojxona qoʻmitasi 2023-yil 1-yanvarga qadar Oʻzbekiston Respublikasi Tashqi iqtisodiy faoliyat tovar nomenklaturasining 2022-yilgi tahriri chop etilishini va manfaatdor tashkilotlarga yetkazilishini, shuningdek, oʻz rasmiy veb-saytlarida joylashtirilishini taʼminlasin.
5. Oʻzbekiston Respublikasi Prezidentining 2017-yil 28-dekabrdagi “Oʻzbekiston Respublikasi Tashqi iqtisodiy faoliyat tovar nomenklaturasining 2017-yilgi versiyasini joriy etish toʻgʻrisida”gi PQ-3448-son qarori 2023-yil 1-yanvardan eʼtiboran oʻz kuchini yoʻqotgan deb hisoblansin.
6. Mazkur qarorning ijrosini nazorat qilish Bosh vazir oʻrinbosari J.A. Xodjayev hamda Davlat bojxona qoʻmitasi raisi A.Yu. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 28-dekabr,
PQ-460-son
Президента Республики Узбекистан
Постановление
О введении Товарной номенклатуры внешнеэкономической деятельности Республики Узбекистан версии 2022 года
В целях унификации Товарной номенклатуры внешнеэкономической деятельности Республики Узбекистан с применяемой в мировой практике Гармонизированной системой описания и кодирования товаров (версия 2022 года):
1. Принять к сведению, что:
в соответствии с постановлением Олий Мажлиса Республики Узбекистан от 29 августа 1998 года № 687-I «О присоединении к Международной конвенции о гармонизированной системе описания и кодирования» Республика Узбекистан присоединилась к Международной конвенции о гармонизированной системе описания и кодирования (Брюссель, 14 июня 1983 года);
в соответствии с Соглашением о единой Товарной номенклатуре внешнеэкономической деятельности Содружества Независимых Государств от 3 ноября 1995 года достигнуто взаимное согласие о применении единой Товарной номенклатуры внешнеэкономической деятельности, основанной на Гармонизированной системе описания и кодирования товаров, разработанной Всемирной таможенной организацией;
Всемирной таможенной организацией с целью гармонизации международной классификации товаров, обращающихся в мировой торговле, внесены изменения и дополнения в Гармонизированную систему описания и кодирования товаров;
начиная с 1 января 2022 года внедрена в практику 7-я версия единой Товарной номенклатуры внешнеэкономической деятельности Содружества Независимых Государств.
2. Ввести в действие с 1 января 2023 года Товарную номенклатуру внешнеэкономической деятельности Республики Узбекистан версии 2022 года, разработанную на базе обновленной Гармонизированной системы описания и кодирования товаров.
3. Кабинету Министров в срок до 1 января 2023 года в связи с введением в действие Товарной номенклатуры внешнеэкономической деятельности Республики Узбекистан версии 2022 года утвердить перечень товаров с измененными классификационными кодами.
4. Министерству инвестиций и внешней торговли и Государственному таможенному комитету в срок до 1 января 2023 года обеспечить издание, доведение до заинтересованных организаций и размещение на своих официальных веб-сайтах Товарной номенклатуры внешнеэкономической деятельности Республики Узбекистан версии 2022 года.
5. Признать утратившим силу с 1 января 2023 года постановление Президента Республики Узбекистан от 28 декабря 2017 года № ПП-3448 «О введении Товарной номенклатуры внешнеэкономической деятельности Республики Узбекистан версии 2017 года».
6. Контроль за исполнением настоящего постановления возложить на заместителя Премьер-министра Ж.А. Ходжаева и председателя Государственного таможенного комитета А.Ю. Мавлонова.
Президент Республики Узбекистан Ш. МИРЗИЁЕВ
г. Ташкент,
28 декабря 2022 г.,
№ ПП-460