📅 2022-yil 31-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 31 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 декабря 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 31 December 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ЎЗГАРТИРИШЛАР
Давлат харидлари электрон тизими операторлари фаолиятини тартибга солиш механизмларини такомиллаштириш чора-тадбирлари тўғрисида
Давлат харидлари электрон тизими операторларининг фаолиятини такомиллаштириш, шунингдек, давлат буюртмачилари ва давлат харидлари тизимида иштирок этадиган тадбиркорлик субъектларининг маблағларини молиявий хавф-хатарлардан ҳимоя қилиш тизимини кучайтириш мақсадида Вазирлар Маҳкамаси қарор қилади:
1. «Давлат харидлари тўғрисида»ги Ўзбекистон Республикасининг Қонунига мувофиқ давлат харидлари электрон тизими оператори давлат харидлари соҳасидаги ваколатли орган томонидан белгиланиши маълумот учун қабул қилинсин.
3. Шундай тартиб ўрнатилсинки, унга мувофиқ:
операторларнинг давлат харидлари электрон тизими давлат харидлари соҳасидаги давлат назорати органларининг ахборот тизимларига белгиланган тартибда интеграция қилинади.
4. Иқтисодиёт ва молия вазирлиги:
а) бир ой муддатда давлат харидлари электрон тизими операторлар фаолиятини тартибга солишни янада такомиллаштириш муносабати билан қонун ҳужжатларига ўзгартириш ва қўшимчалар тўғрисида таклифларни Вазирлар Маҳкамасига киритсин;
б) давлат харидлари электрон тизими операторлар фаолиятини тартибга солишни янада такомиллаштириш муносабати билан қонун ҳужжатларига тегишли ўзгартириш ва қўшимчалар киритилгандан сўнг бир ой муддатда қуйидагиларни назарда тутувчи давлат харидлари электрон тизими операторлар фаолиятини ташкил этиш регламентини тасдиқлаш учун Вазирлар Маҳкамасига киритсин:
операторлар фаолиятига қўйиладиган талаблар, мазкур фаолиятга рухсат бериш, уни назорат қилиш, тўхтатиш ва тугатиш тартиби;
давлат харидларининг электрон тизимларига, шу жумладан, уларнинг ахборот хавфсизлигига, маълумотларни қайта ишлаш марказига ва дастурий қурилмаларга қўйиладиган техник талаблар;
в) уч ой муддатда:
операторлар томонидан давлат харидларининг субъектлари билан давлат харидлари соҳасидаги барча ҳисоб-китобларни Иқтисодиёт ва молия вазирлиги ахборот тизимида очиладиган шахсий ғазна ҳисобварақлари орқали амалга оширилишини таъминлаш;
давлат харидлари иштирокчилари учун методик ўқув қўлланма ишлаб чиқиш ва давлат буюртмачилари масъул мутахассисларини мунтазам равишда малакасини ошириб бориш чораларини кўрсин.
5. Давлат активларини бошқариш агентлиги:
икки ой муддатда Иқтисодиёт ва молия вазирлиги билан биргаликда корпоратив буюртмачилар рўйхатини шакллантириб, махсус ахборот порталига жойлаштиришни;
давлат активларини сотиш ва ижарага бериш бўйича электрон савдо майдончалари операторларига мазкур қарорнинг 2 ва 3-бандларида назарда тутилган талаб ва тартибларнинг амал қилишини таъминласин. Бунда, уч ой муддатда амалда мавжуд электрон савдо майдончалари операторларининг фаолиятини мазкур қарор талабларига мувофиқлаштирсин.
6. Иқтисодиёт ва молия вазирлигининг давлат буюртмачилари ва иштирокчиларнинг «Давлат харидларида шаффофлик» рейтингини юритиш амалиётини жорий этиш тўғрисидаги таклифи маъқуллансин.
Иқтисодиёт ва молия вазирлиги уч ой муддатда халқаро тажрибани ўрганган ҳолда юқори рейтингга эга бўлган давлат харидларининг иштирокчилари томонидан тузилган шартномалар бўйича тўловларни кафолатлашнинг соддалаштирилган механизмларини қўллаш амалиётини жорий этсин.
7. Иқтисодиёт ва молия вазирлиги 2023 йил 1 майга қадар халқаро тажрибани ўрганган ҳолда биржа савдоларидаги ҳисоб-китоб тизимларини қуйидагилар орқали такомиллаштириш чораларини кўрсин:
биржа савдолари иштирокчилари рейтингини юритиш ва юқори рейтингга эга бўлган ишончли иштирокчиларни аниқлаш, улар учун шартнома суммасининг бир фоизидан ошмаган миқдорда гаров маблағлари билан савдоларда иштирок этиш имкониятини яратиш;
товар-хом ашё биржалари ҳисоб-китоб ва клиринг палатасида биржа савдо иштирокчилари маблағларини хавфсиз ва кафолатли сақланишини таъминлаш мақсадида ҳисоб-китоб ва клиринг палаталари очиладиган тижорат банкларига қўйиладиган техник ва молиявий талабларни белгилаш.
8. Иқтисодиёт ва молия вазирлиги, Инвестициялар, саноат ва савдо вазирлиги, Қурилиш ва уй-жой коммунал хўжалиги вазирлиги, Давлат активларини бошқариш агентлиги уч ой муддатда амалда фаолият кўрсатаётган операторларнинг фаолиятини мазкур қарор талабларига мувофиқлаштириш чораларини кўрсин.
9. Вазирлар Маҳкамасининг 2022 йил 20 майдаги 276-сон қарори билан тасдиқланган Давлат харидларини амалга ошириш билан боғлиқ тартиб-таомилларни ташкил этиш ва ўтказиш тартиби тўғрисидаги низомга иловага мувофиқ ўзгартиришлар киритилсин.
Белгилансинки, мазкур қарорга илованинг 2 — 5-бандлари қарор расмий эълон қилинган кундан эътиборан уч ой ўтгач кучга киради.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Вазирлар Маҳкамасининг 2022 йил 31 декабрдаги 734-сон қарорига ИЛОВА
Давлат харидларини амалга ошириш билан боғлиқ тартиб-таомилларни ташкил этиш ва ўтказиш тартиби тўғрисида низомга киритилаётган
1. 15-бандда :
иккинчи хатбоши қуйидаги таҳрирда баён этилсин:
«Танлаш ёки тендер ғолибининг закалати шартнома тузилгунига қадар банд қилиб қўйилади. Бунда ғолиб шартнома тузишни рад этган тақдирда, унга закалат суммаси қайтариб берилмайди ва мазкур маблағлар оператор томонидан давлат буюртмачиларининг тегишли ҳисобварағига (бюджет буюртмачисининг бюджетдан ташқари тегишли ҳисобварағига) ўтказиб берилади.»;
тўртинчи хатбошидаги «1 — 3 фоизи, тендер ўтказишда эса 1 — 5 фоизи доирасида» сўзлари «3 фоизидан, тендер ўтказишда эса 5 фоизидан ошмаган ҳолда» сўзлари билан алмаштирилсин.
2. 17-банднинг биринчи хатбошисидаги «операторга хизмат кўрсатувчи банкда ҲККП учун алоҳида иккиламчи банк ҳисобварағини» сўзлари «ҲККП учун Иқтисодиёт ва молия вазирлигининг ахборот тизимида шахсий ғазна ҳисобварақларини» сўзлари билан алмаштирилсин.
3. 18-банддаги «бюджет» сўзлари «давлат» сўзлари билан алмаштирилсин.
4. 24-банднинг иккинчи хатбошисидаги «фойдаланмаган ҳолда амалга оширади» сўзлари «фойдаланган ҳолда амалга ошириши мумкин» сўзлари билан алмаштирилсин.
5. 31-бандда :
иккинчи хатбошидаги «бюджет» сўзи «давлат» сўзи билан алмаштирилсин;
учинчи хатбоши чиқариб ташлансин;
тўртинчи — олтинчи хатбошилар тегишинча учинчи — бешинчи хатбошилар деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 31 декабрь,
734-сон
Oʻzbekiston Respublikasi Vazirlar Mahkamasining
qarori
OʻZGARTIRISHLAR
Davlat xaridlari elektron tizimi operatorlari faoliyatini tartibga solish mexanizmlarini takomillashtirish chora-tadbirlari toʻgʻrisida
Davlat xaridlari elektron tizimi operatorlarining faoliyatini takomillashtirish, shuningdek, davlat buyurtmachilari va davlat xaridlari tizimida ishtirok etadigan tadbirkorlik subyektlarining mablagʻlarini moliyaviy xavf-xatarlardan himoya qilish tizimini kuchaytirish maqsadida Vazirlar Mahkamasi qaror qiladi:
1. “Davlat xaridlari toʻgʻrisida”gi Oʻzbekiston Respublikasining Qonuniga muvofiq davlat xaridlari elektron tizimi operatori davlat xaridlari sohasidagi vakolatli organ tomonidan belgilanishi maʼlumot uchun qabul qilinsin.
3. Shunday tartib oʻrnatilsinki, unga muvofiq:
operatorlarning davlat xaridlari elektron tizimi davlat xaridlari sohasidagi davlat nazorati organlarining axborot tizimlariga belgilangan tartibda integratsiya qilinadi.
4. Iqtisodiyot va moliya vazirligi:
a) bir oy muddatda davlat xaridlari elektron tizimi operatorlar faoliyatini tartibga solishni yanada takomillashtirish munosabati bilan qonun hujjatlariga oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin;
b) davlat xaridlari elektron tizimi operatorlar faoliyatini tartibga solishni yanada takomillashtirish munosabati bilan qonun hujjatlariga tegishli oʻzgartirish va qoʻshimchalar kiritilgandan soʻng bir oy muddatda quyidagilarni nazarda tutuvchi davlat xaridlari elektron tizimi operatorlar faoliyatini tashkil etish reglamentini tasdiqlash uchun Vazirlar Mahkamasiga kiritsin:
operatorlar faoliyatiga qoʻyiladigan talablar, mazkur faoliyatga ruxsat berish, uni nazorat qilish, toʻxtatish va tugatish tartibi;
davlat xaridlarining elektron tizimlariga, shu jumladan, ularning axborot xavfsizligiga, maʼlumotlarni qayta ishlash markaziga va dasturiy qurilmalarga qoʻyiladigan texnik talablar;
v) uch oy muddatda:
operatorlar tomonidan davlat xaridlarining subyektlari bilan davlat xaridlari sohasidagi barcha hisob-kitoblarni Iqtisodiyot va moliya vazirligi axborot tizimida ochiladigan shaxsiy gʻazna hisobvaraqlari orqali amalga oshirilishini taʼminlash;
davlat xaridlari ishtirokchilari uchun metodik oʻquv qoʻllanma ishlab chiqish va davlat buyurtmachilari masʼul mutaxassislarini muntazam ravishda malakasini oshirib borish choralarini koʻrsin.
5. Davlat aktivlarini boshqarish agentligi:
ikki oy muddatda Iqtisodiyot va moliya vazirligi bilan birgalikda korporativ buyurtmachilar roʻyxatini shakllantirib, maxsus axborot portaliga joylashtirishni;
davlat aktivlarini sotish va ijaraga berish boʻyicha elektron savdo maydonchalari operatorlariga mazkur qarorning 2 va 3-bandlarida nazarda tutilgan talab va tartiblarning amal qilishini taʼminlasin. Bunda, uch oy muddatda amalda mavjud elektron savdo maydonchalari operatorlarining faoliyatini mazkur qaror talablariga muvofiqlashtirsin.
6. Iqtisodiyot va moliya vazirligining davlat buyurtmachilari va ishtirokchilarning “Davlat xaridlarida shaffoflik” reytingini yuritish amaliyotini joriy etish toʻgʻrisidagi taklifi maʼqullansin.
Iqtisodiyot va moliya vazirligi uch oy muddatda xalqaro tajribani oʻrgangan holda yuqori reytingga ega boʻlgan davlat xaridlarining ishtirokchilari tomonidan tuzilgan shartnomalar boʻyicha toʻlovlarni kafolatlashning soddalashtirilgan mexanizmlarini qoʻllash amaliyotini joriy etsin.
7. Iqtisodiyot va moliya vazirligi 2023-yil 1-mayga qadar xalqaro tajribani oʻrgangan holda birja savdolaridagi hisob-kitob tizimlarini quyidagilar orqali takomillashtirish choralarini koʻrsin:
birja savdolari ishtirokchilari reytingini yuritish va yuqori reytingga ega boʻlgan ishonchli ishtirokchilarni aniqlash, ular uchun shartnoma summasining bir foizidan oshmagan miqdorda garov mablagʻlari bilan savdolarda ishtirok etish imkoniyatini yaratish;
tovar-xom ashyo birjalari hisob-kitob va kliring palatasida birja savdo ishtirokchilari mablagʻlarini xavfsiz va kafolatli saqlanishini taʼminlash maqsadida hisob-kitob va kliring palatalari ochiladigan tijorat banklariga qoʻyiladigan texnik va moliyaviy talablarni belgilash.
8. Iqtisodiyot va moliya vazirligi, Investitsiyalar, sanoat va savdo vazirligi, Qurilish va uy-joy kommunal xoʻjaligi vazirligi, Davlat aktivlarini boshqarish agentligi uch oy muddatda amalda faoliyat koʻrsatayotgan operatorlarning faoliyatini mazkur qaror talablariga muvofiqlashtirish choralarini koʻrsin.
9. Vazirlar Mahkamasining 2022-yil 20-maydagi 276-son qarori bilan tasdiqlangan Davlat xaridlarini amalga oshirish bilan bogʻliq tartib-taomillarni tashkil etish va oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
Belgilansinki, mazkur qarorga ilovaning 2 — 5-bandlari qaror rasmiy eʼlon qilingan kundan eʼtiboran uch oy oʻtgach kuchga kiradi.
10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Vazirlar Mahkamasining 2022-yil 31-dekabrdagi 734-son qaroriga ILOVA
Davlat xaridlarini amalga oshirish bilan bogʻliq tartib-taomillarni tashkil etish va oʻtkazish tartibi toʻgʻrisida nizomga kiritilayotgan
1. 15-bandda :
ikkinchi xatboshi quyidagi tahrirda bayon etilsin:
“Tanlash yoki tender gʻolibining zakalati shartnoma tuzilguniga qadar band qilib qoʻyiladi. Bunda gʻolib shartnoma tuzishni rad etgan taqdirda, unga zakalat summasi qaytarib berilmaydi va mazkur mablagʻlar operator tomonidan davlat buyurtmachilarining tegishli hisobvaragʻiga (budjet buyurtmachisining budjetdan tashqari tegishli hisobvaragʻiga) oʻtkazib beriladi.”;
toʻrtinchi xatboshidagi “1 — 3 foizi, tender oʻtkazishda esa 1 — 5 foizi doirasida” soʻzlari “3 foizidan, tender oʻtkazishda esa 5 foizidan oshmagan holda” soʻzlari bilan almashtirilsin.
2. 17-bandning birinchi xatboshisidagi “operatorga xizmat koʻrsatuvchi bankda HKKP uchun alohida ikkilamchi bank hisobvaragʻini” soʻzlari “HKKP uchun Iqtisodiyot va moliya vazirligining axborot tizimida shaxsiy gʻazna hisobvaraqlarini” soʻzlari bilan almashtirilsin.
3. 18-banddagi “budjet” soʻzlari “davlat” soʻzlari bilan almashtirilsin.
4. 24-bandning ikkinchi xatboshisidagi “foydalanmagan holda amalga oshiradi” soʻzlari “foydalangan holda amalga oshirishi mumkin” soʻzlari bilan almashtirilsin.
5. 31-bandda :
ikkinchi xatboshidagi “budjet” soʻzi “davlat” soʻzi bilan almashtirilsin;
uchinchi xatboshi chiqarib tashlansin;
toʻrtinchi — oltinchi xatboshilar tegishincha uchinchi — beshinchi xatboshilar deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 31-dekabr,
734-son