📅 2022-yil 30-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 декабря 2022 г. · Постановления Президента
Официальный текст. Официальный документ. Редакционные примечания не включены.
📅 30 December 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Сирдарё вилояти Боёвут туманида қуввати 1573 МВт бўлган буғ-газ электр станциясини қуриш» инвестиция лойиҳасини амалга ошириш чора-тадбирлари тўғрисида
Электр энергетика тармоғига тўғридан-тўғри хорижий инвестицияларни жалб этган ҳолда электр энергиясини ишлаб чиқариш қувватларини ошириш, аҳолини ва иқтисодиёт тармоқларини энергия ресурслари билан барқарор таъминлаш мақсадида:
1. Қуйидагилар:
а) Халқаро молия корпорациясининг молиявий ва техник кўмагида «Сирдарё вилояти Боёвут туманида умумий қуввати 1573 МВт бўлган буғ-газ электр станциясини қуриш» инвестиция лойиҳасини (кейинги ўринларда — Инвестиция лойиҳаси) амалга ошириш учун инвестор танлаб олиш жараёни якунланганлиги;
б) Инвестиция лойиҳасини амалга ошириш доирасида ўтказилган халқаро тендер савдолари натижаларига кўра, «EDF International S.A.S.» (Франция), «Nebras Power Investment Management B.V.» (Қатар), «Sojitz Corporation» (Япония) ва «Kyuden International Corporation» (Япония) компаниялари консорциуми (кейинги ўринларда — Инвестор) ғолиб деб топилганлиги;
в) Инвестиция лойиҳасини амалга ошириш мақсадида Инвестор томонидан Ўзбекистон Республикасида масъулияти чекланган жамият шаклида «Enersok» хорижий корхонаси (кейинги ўринларда — Лойиҳа компанияси) ташкил этилганлиги;
г) Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Лойиҳа компанияси ўртасида 2022 йил 16 февралда инвестиция шартномаси (кейинги ўринларда — Инвестиция битими) имзоланганлиги ҳамда унга мувофиқ Инвестор ва Лойиҳа компанияси:
Инвестиция лойиҳасини амалга оширишнинг бутун даври мобайнида Сирдарё вилояти Боёвут туманида қуввати 1573 МВт бўлган буғ-газ электр станциясини лойиҳалаштириш, молиялаштириш, қуриш ва эксплуатация қилиши;
юзага келиши мумкин бўлган хавф-хатарларни ўз зиммасига олган ҳолда, дастлабки баҳолаш бўйича жами 875 млн АҚШ доллари миқдорида тўғридан-тўғри хорижий инвестицияларни жалб этиши;
д) «Ўзбекистон миллий электр тармоқлари» АЖ (кейинги ўринларда — «Ўз МЭТ» АЖ) ва Лойиҳа компанияси ўртасида 2022 йил 16 февралда Электр энергиясини сотиб олиш тўғрисидаги битим ҳамда 2022 йил 1 декабрда Электр энергиясини сотиб олиш тўғрисидаги битимга ўзгартиришлар киритишни назарда тутувчи битим (кейинги ўринларда — электр энергиясини сотиб олиш тўғрисидаги битимлар) имзоланганлиги ҳамда унга мувофиқ:
Лойиҳа компанияси ишлаб чиқарилган электр энергиясини «Ўз МЭТ» АЖга кафолатланган тарзда сотиш мажбуриятини олиши;
Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 80 млн АҚШ доллари миқдорида биринчи даражали хорижий банк кафолатини тақдим этиши;
Лойиҳа компанияси Инвестиция лойиҳаси доирасида буғ-газ электр станциясини ягона электр энергияси тармоғига улаш учун қуриладиган ҳаво электр узатиш тармоқларини қуриш ва улар ишга туширилгандан сўнг «Ўз МЭТ» АЖга топшириш мажбуриятини ўз зиммасига олиши;
«Ўз МЭТ» АЖ 25 йил давомида электр энергиясини кафолатланган тарзда харид қилиш мажбуриятини олиши ва электр энергияси учун тўловни миллий валютада амалга ошириши маълумот учун қабул қилинсин.
2. Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ҳамда Лойиҳа компанияси ўртасида имзоланган Инвестиция битими тасдиқлансин.
3. «Ўз МЭТ» АЖ ва Лойиҳа компанияси ўртасида тузилган электр энергиясини сотиб олиш тўғрисидаги битимлар маъқуллансин.
4. Инвестиция лойиҳасини амалга ошириш доирасида ишлаб чиқарилган 1 киловатт/соат электр энергияси учун тариф миқдори электр энергиясини сотиб олиш тўғрисидаги битимларда назарда тутилган миқдорда ва хорижий валютада ўрнатилганлиги белгилаб қўйилсин ҳамда тўлов нархларининг АҚШ долларига боғланишига рухсат берилсин.
5. Инвестициялар, саноат ва савдо вазирлиги, Энергетика вазирлиги ҳамда «Ўз МЭТ» АЖга Инвестор, Лойиҳа компанияси ва Инвестиция лойиҳасини молиялаштиришда иштирок этаётган кредиторлар билан Инвестиция лойиҳасини амалга ошириш доирасида имзоланган битимлар бўйича мажбуриятлар Лойиҳа компанияси томонидан бажарилмаган тақдирда, Лойиҳа компанияси ва Инвестор ҳуқуқларини кредиторларга бериш юзасидан тўғридан-тўғри битимлар тузиш ҳуқуқи берилсин.
6. «Ўз МЭТ» АЖга:
Лойиҳа компанияси билан биргаликда электр энергиясини сотиб олиш тўғрисидаги битимларда белгиланган тартиб-таомилларга мувофиқ, Инвестиция лойиҳасини амалга ошириш учун халқаро мустақил инжиниринг компаниясини ва бошқа маслаҳатчиларни тендер ва мажбурий экспертиза ўтказмаган ҳолда танлаб олишга ва шартномалар тузишга;
Лойиҳа компанияси томонидан ишлаб чиқариладиган электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига чет эл банкининг хорижий валютада тасдиқланган ва тикланадиган аккредитивини очишига рухсат берилсин.
7. Сув хўжалиги вазирлиги ва «UzGasTrade» АЖ «Ўз МЭТ» АЖ билан электр энергиясини сотиб олиш тўғрисидаги битимларда кўзда тутилган ҳажмларга ва параметрларга мувофиқ, Лойиҳа компаниясига табиий газ ва техник сув етказиб бериш бўйича шартномалар имзоланишини таъминласин.
Бунда, Сув хўжалиги вазирлиги ва «UzGasTrade» АЖнинг айби билан табиий газ ва техник сув етказиб берилмаслиги натижасида «Ўз МЭТ» АЖ томонидан Лойиҳа компаниясига етказилган зарарлар, шу жумладан барча турдаги жарима ва бой берилган фойда суммаларини тўлаб бериш мажбурияти юзасидан, агар шартномада бошқа қоидалар назарда тутилмаган бўлса, табиий газ ва техник сув етказиб берувчилар «Ўз МЭТ» АЖ олдида қонунчиликка мувофиқ регресс тартибида жавобгар бўлиши белгилаб қўйилсин.
8. Иқтисодиёт ва молия вазирига Ўзбекистон Республикаси Ҳукумати номидан «Ўз МЭТ» АЖнинг аккредитив очадиган хорижий банк олдидаги тўлов мажбуриятлари Жаҳон банки кафолати орқали бажарилган тақдирда, Жаҳон банки билан Ўзбекистон Республикаси Ҳукуматига мақбул шаклдаги Жаҳон банки харажатларини қоплаш тўғрисидаги битимни имзолаш ваколати берилсин.
9. «Ўз МЭТ» АЖ Инвестиция лойиҳаси доирасида буғ-газ электр станциясини ягона электр энергетика тармоғига улаш учун ҳаво электр узатиш тармоқларини қуриш ишлари бошланишини таъминласин.
10. Инвестиция лойиҳасини амалга ошириш доирасида Лойиҳа компаниясига, тўланиши лозим бўлган барча солиқлар ва йиғимлар амалга оширилган ҳолда, хорижий кредиторларнинг лойиҳаларни молиялаштиришда анъанавий қўллайдиган таваккалчиликни бошқариш талабларига мувофиқ, қуйидаги ҳуқуқлар берилсин:
кредит олиш, хорижий валютадаги маблағларни олиш ва улардан фойдаланиш (шу жумладан, хорижий валютада кредит маблағлари тушумлари) учун чет эллардаги хорижий банкларда банк ҳисобварақлари очиш;
Ўзбекистон Республикасидан ташқарида бўлган хорижий пудратчилар, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан тўғридан-тўғри амалга ошириш.
11. Инвестиция лойиҳасини жойлаштириш учун Сирдарё вилоятининг Боёвут туманидаги иловага мувофиқ 60,25 гектар ер майдони қишлоқ хўжалигига мўлжалланган ерлар тоифасидан саноат мақсадларига мўлжалланган ерлар тоифасига ўтказилсин.
Сирдарё вилояти ҳокимлиги 2023 йил охирига қадар ушбу қарор билан тоифаси ўзгартирилаётган ер майдонлари майдонининг беш баравари миқдорида қишлоқ хўжалигига мўлжалланган янги ерлар ўзлаштирилишини таъминласин.
Бунда, мазкур бандга асосан қишлоқ хўжалигига мўлжалланган ер майдонининг ер фонди тоифаси ўзгартирилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари тўланмайди.
12. Сирдарё вилояти ҳокимлиги бир ой муддатда Инвестиция битими ва электр энергиясини сотиб олиш тўғрисидаги битимларда кўрсатилган шартларга мос келадиган буғ-газ электр станцияси ва унинг инфратузилмасини қуриш учун зарур бўлган ер участкасининг жамоат эҳтиёжлари учун Энергетика вазирлигига доимий фойдаланиш ҳуқуқи билан ажратилишини таъминласин.
Энергетика вазирлиги мазкур бандга асосан ажратилган ер участкасининг Инвестиция лойиҳасини амалга ошириш муддатига тенг даврга Лойиҳа компаниясига ижарага берилишини таъминласин.
Ерни ижарага олиш ҳуқуқи учун бозор қийматида ҳақ тўлаш ерга нисбатан амал қилувчи ва Лойиҳа компанияси томонидан тўланадиган ижара тўловлари кўринишида ифодаланиши белгилансин.
Инвестиция лойиҳаси доирасида Энергетика вазирлиги билан тузилган ер участкасининг ижара шартномалари асосида берилган ер участкалари учун тўланадиган ижара тўлови миқдори ер солиғи миқдорига тенглаштирилсин.
13. Инвестициялар, саноат ва савдо вазирлиги Инвестиция лойиҳасининг амалга оширилиши, шунингдек, томонларнинг Инвестиция битими ва электр энергиясини сотиб олиш тўғрисидаги битимлар доирасидаги мажбуриятларини бажариши устидан доимий назорат ўрнатсин.
14. Табиат ресурслари вазирлиги Инвестиция лойиҳаси ҳужжатларининг давлат экология экспертизасидан ўтказилишини ва Инвестиция лойиҳасини амалга оширишда табиатни муҳофаза қилишга оид қонунчиликка риоя қилиниши устидан лозим даражада назорат ўрнатилишини белгиланган тартибда таъминласин.
15. Адлия вазирлиги Инвестиция лойиҳасини амалга ошириш доирасида Инвестиция битими ҳамда унинг қоидаларига мувофиқ имзоланган битимлар юзасидан юридик хулосалар берсин.
16. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот бериб борилсин.
Ўзбекистон Республикаси Президентининг 2022 йил 30 декабрдаги ПҚ-464-сон қарорига ИЛОВА
Сирдарё вилояти Боёвут туманида қуввати 1 573 МВт бўлган буғ-газ электр станциясини қуриш» инвестиция лойиҳасини амалга ошириш доирасида қишлоқ хўжалигига мўлжалланган ерлар тоифасидан саноат мақсадларига мўлжалланган ерлар тоифасига ўтказилаётган ер участкалари
Ҳудуд номи Контур рақами Жами ер участкаси майдони (гектар) шундан: Тупроқ бонитет бали суғориладиган экин ерлари (гектар) яйлов ерлар (гектар) бошқа ерлар (йўллар, ариқ-зовур) (гектар) Сирдарё вилояти, Боёвут тумани, «Т. Латипов» МФЙ 254қ 1,71 1,61 0,10 51 258қ 7,72 7,62 0,10 45 259қ 16,08 15,94 0,14 51 260қ 11,29 11,09 0,20 46 236қ 5,80 5,80 261қ 0,05 0,05 262қ 0,52 0,52 Жами 43,17 36,26 6,91 Сирдарё вилояти, Боёвут тумани, «Ширин» МФЙ 143қ 3,90 3,90 44 145қ 0,90 0,90 44 138 1,20 1,0 0,10 0,10 44 139 0,80 0,80 44 140 2,20 2,0 0,15 0,05 44 133қ 2,0 1,98 0,02 54 136қ 0,95 0,95 137қ 2,0 2,0 44 142қ 0,78 0,78 144қ 0,55 0,55 Жами 15,28 11,78 1,05 2,45 Сирдарё вилояти, Ширин шаҳри, «М. Улуғбек» МФЙ 1,03 0,47 0,56 41 0,77 0,54 0,23 41 Жами 1,80 1,01 0,79 Умумий ажратиладиган ер майдони 60,25 49,05 1,05 10,15
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 30 декабрь,
ПҚ-464-сон
Oʻzbekiston Respublikasi Prezidentining
Qarori
ROʻYXATI
“Sirdaryo viloyati Boyovut tumanida quvvati 1573 MVt boʻlgan bugʻ-gaz elektr stansiyasini qurish” investitsiya loyihasini amalga oshirish chora-tadbirlari toʻgʻrisida
Elektr energetika tarmogʻiga toʻgʻridan-toʻgʻri xorijiy investitsiyalarni jalb etgan holda elektr energiyasini ishlab chiqarish quvvatlarini oshirish, aholini va iqtisodiyot tarmoqlarini energiya resurslari bilan barqaror taʼminlash maqsadida:
1. Quyidagilar:
a) Xalqaro moliya korporatsiyasining moliyaviy va texnik koʻmagida “Sirdaryo viloyati Boyovut tumanida umumiy quvvati 1573 MVt boʻlgan bugʻ-gaz elektr stansiyasini qurish” investitsiya loyihasini (keyingi oʻrinlarda — Investitsiya loyihasi) amalga oshirish uchun investor tanlab olish jarayoni yakunlanganligi;
b) Investitsiya loyihasini amalga oshirish doirasida oʻtkazilgan xalqaro tender savdolari natijalariga koʻra, “EDF International S.A.S.” (Fransiya), “Nebras Power Investment Management B.V.” (Qatar), “Sojitz Corporation” (Yaponiya) va “Kyuden International Corporation” (Yaponiya) kompaniyalari konsorsiumi (keyingi oʻrinlarda — Investor) gʻolib deb topilganligi;
v) Investitsiya loyihasini amalga oshirish maqsadida Investor tomonidan Oʻzbekiston Respublikasida masʼuliyati cheklangan jamiyat shaklida “Enersok” xorijiy korxonasi (keyingi oʻrinlarda — Loyiha kompaniyasi) tashkil etilganligi;
g) Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Loyiha kompaniyasi oʻrtasida 2022-yil 16-fevralda investitsiya shartnomasi (keyingi oʻrinlarda — Investitsiya bitimi) imzolanganligi hamda unga muvofiq Investor va Loyiha kompaniyasi:
Investitsiya loyihasini amalga oshirishning butun davri mobaynida Sirdaryo viloyati Boyovut tumanida quvvati 1573 MVt boʻlgan bugʻ-gaz elektr stansiyasini loyihalashtirish, moliyalashtirish, qurish va ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmasiga olgan holda, dastlabki baholash boʻyicha jami 875 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;
d) “Oʻzbekiston milliy elektr tarmoqlari” AJ (keyingi oʻrinlarda — “Oʻz MET” AJ) va Loyiha kompaniyasi oʻrtasida 2022-yil 16-fevralda Elektr energiyasini sotib olish toʻgʻrisidagi bitim hamda 2022-yil 1-dekabrda Elektr energiyasini sotib olish toʻgʻrisidagi bitimga oʻzgartirishlar kiritishni nazarda tutuvchi bitim (keyingi oʻrinlarda — elektr energiyasini sotib olish toʻgʻrisidagi bitimlar) imzolanganligi hamda unga muvofiq:
Loyiha kompaniyasi ishlab chiqarilgan elektr energiyasini “Oʻz MET” AJga kafolatlangan tarzda sotish majburiyatini olishi;
Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 80 mln AQSH dollari miqdorida birinchi darajali xorijiy bank kafolatini taqdim etishi;
Loyiha kompaniyasi Investitsiya loyihasi doirasida bugʻ-gaz elektr stansiyasini yagona elektr energiyasi tarmogʻiga ulash uchun quriladigan havo elektr uzatish tarmoqlarini qurish va ular ishga tushirilgandan soʻng “Oʻz MET” AJga topshirish majburiyatini oʻz zimmasiga olishi;
“Oʻz MET” AJ 25 yil davomida elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni milliy valyutada amalga oshirishi maʼlumot uchun qabul qilinsin.
2. Oʻzbekiston Respublikasi Hukumati nomidan Investitsiyalar va tashqi savdo vazirligi, Investor hamda Loyiha kompaniyasi oʻrtasida imzolangan Investitsiya bitimi tasdiqlansin.
3. “Oʻz MET” AJ va Loyiha kompaniyasi oʻrtasida tuzilgan elektr energiyasini sotib olish toʻgʻrisidagi bitimlar maʼqullansin.
4. Investitsiya loyihasini amalga oshirish doirasida ishlab chiqarilgan 1 kilovatt/soat elektr energiyasi uchun tarif miqdori elektr energiyasini sotib olish toʻgʻrisidagi bitimlarda nazarda tutilgan miqdorda va xorijiy valyutada oʻrnatilganligi belgilab qoʻyilsin hamda toʻlov narxlarining AQSH dollariga bogʻlanishiga ruxsat berilsin.
5. Investitsiyalar, sanoat va savdo vazirligi, Energetika vazirligi hamda “Oʻz MET” AJga Investor, Loyiha kompaniyasi va Investitsiya loyihasini moliyalashtirishda ishtirok etayotgan kreditorlar bilan Investitsiya loyihasini amalga oshirish doirasida imzolangan bitimlar boʻyicha majburiyatlar Loyiha kompaniyasi tomonidan bajarilmagan taqdirda, Loyiha kompaniyasi va Investor huquqlarini kreditorlarga berish yuzasidan toʻgʻridan-toʻgʻri bitimlar tuzish huquqi berilsin.
6. “Oʻz MET” AJga:
Loyiha kompaniyasi bilan birgalikda elektr energiyasini sotib olish toʻgʻrisidagi bitimlarda belgilangan tartib-taomillarga muvofiq, Investitsiya loyihasini amalga oshirish uchun xalqaro mustaqil injiniring kompaniyasini va boshqa maslahatchilarni tender va majburiy ekspertiza oʻtkazmagan holda tanlab olishga va shartnomalar tuzishga;
Loyiha kompaniyasi tomonidan ishlab chiqariladigan elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga chet el bankining xorijiy valyutada tasdiqlangan va tiklanadigan akkreditivini ochishiga ruxsat berilsin.
7. Suv xoʻjaligi vazirligi va “UzGasTrade” AJ “Oʻz MET” AJ bilan elektr energiyasini sotib olish toʻgʻrisidagi bitimlarda koʻzda tutilgan hajmlarga va parametrlarga muvofiq, Loyiha kompaniyasiga tabiiy gaz va texnik suv yetkazib berish boʻyicha shartnomalar imzolanishini taʼminlasin.
Bunda, Suv xoʻjaligi vazirligi va “UzGasTrade” AJning aybi bilan tabiiy gaz va texnik suv yetkazib berilmasligi natijasida “Oʻz MET” AJ tomonidan Loyiha kompaniyasiga yetkazilgan zararlar, shu jumladan barcha turdagi jarima va boy berilgan foyda summalarini toʻlab berish majburiyati yuzasidan, agar shartnomada boshqa qoidalar nazarda tutilmagan boʻlsa, tabiiy gaz va texnik suv yetkazib beruvchilar “Oʻz MET” AJ oldida qonunchilikka muvofiq regress tartibida javobgar boʻlishi belgilab qoʻyilsin.
8. Iqtisodiyot va moliya vaziriga Oʻzbekiston Respublikasi Hukumati nomidan “Oʻz MET” AJning akkreditiv ochadigan xorijiy bank oldidagi toʻlov majburiyatlari Jahon banki kafolati orqali bajarilgan taqdirda, Jahon banki bilan Oʻzbekiston Respublikasi Hukumatiga maqbul shakldagi Jahon banki xarajatlarini qoplash toʻgʻrisidagi bitimni imzolash vakolati berilsin.
9. “Oʻz MET” AJ Investitsiya loyihasi doirasida bugʻ-gaz elektr stansiyasini yagona elektr energetika tarmogʻiga ulash uchun havo elektr uzatish tarmoqlarini qurish ishlari boshlanishini taʼminlasin.
10. Investitsiya loyihasini amalga oshirish doirasida Loyiha kompaniyasiga, toʻlanishi lozim boʻlgan barcha soliqlar va yigʻimlar amalga oshirilgan holda, xorijiy kreditorlarning loyihalarni moliyalashtirishda anʼanaviy qoʻllaydigan tavakkalchilikni boshqarish talablariga muvofiq, quyidagi huquqlar berilsin:
kredit olish, xorijiy valyutadagi mablagʻlarni olish va ulardan foydalanish (shu jumladan, xorijiy valyutada kredit mablagʻlari tushumlari) uchun chet ellardagi xorijiy banklarda bank hisobvaraqlari ochish;
Oʻzbekiston Respublikasidan tashqarida boʻlgan xorijiy pudratchilar, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan toʻgʻridan-toʻgʻri amalga oshirish.
11. Investitsiya loyihasini joylashtirish uchun Sirdaryo viloyatining Boyovut tumanidagi ilovaga muvofiq 60,25 gektar yer maydoni qishloq xoʻjaligiga moʻljallangan yerlar toifasidan sanoat maqsadlariga moʻljallangan yerlar toifasiga oʻtkazilsin.
Sirdaryo viloyati hokimligi 2023-yil oxiriga qadar ushbu qaror bilan toifasi oʻzgartirilayotgan yer maydonlari maydonining besh baravari miqdorida qishloq xoʻjaligiga moʻljallangan yangi yerlar oʻzlashtirilishini taʼminlasin.
Bunda, mazkur bandga asosan qishloq xoʻjaligiga moʻljallangan yer maydonining yer fondi toifasi oʻzgartirilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari toʻlanmaydi.
12. Sirdaryo viloyati hokimligi bir oy muddatda Investitsiya bitimi va elektr energiyasini sotib olish toʻgʻrisidagi bitimlarda koʻrsatilgan shartlarga mos keladigan bugʻ-gaz elektr stansiyasi va uning infratuzilmasini qurish uchun zarur boʻlgan yer uchastkasining jamoat ehtiyojlari uchun Energetika vazirligiga doimiy foydalanish huquqi bilan ajratilishini taʼminlasin.
Energetika vazirligi mazkur bandga asosan ajratilgan yer uchastkasining Investitsiya loyihasini amalga oshirish muddatiga teng davrga Loyiha kompaniyasiga ijaraga berilishini taʼminlasin.
Yerni ijaraga olish huquqi uchun bozor qiymatida haq toʻlash yerga nisbatan amal qiluvchi va Loyiha kompaniyasi tomonidan toʻlanadigan ijara toʻlovlari koʻrinishida ifodalanishi belgilansin.
Investitsiya loyihasi doirasida Energetika vazirligi bilan tuzilgan yer uchastkasining ijara shartnomalari asosida berilgan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
13. Investitsiyalar, sanoat va savdo vazirligi Investitsiya loyihasining amalga oshirilishi, shuningdek, tomonlarning Investitsiya bitimi va elektr energiyasini sotib olish toʻgʻrisidagi bitimlar doirasidagi majburiyatlarini bajarishi ustidan doimiy nazorat oʻrnatsin.
14. Tabiat resurslari vazirligi Investitsiya loyihasi hujjatlarining davlat ekologiya ekspertizasidan oʻtkazilishini va Investitsiya loyihasini amalga oshirishda tabiatni muhofaza qilishga oid qonunchilikka rioya qilinishi ustidan lozim darajada nazorat oʻrnatilishini belgilangan tartibda taʼminlasin.
15. Adliya vazirligi Investitsiya loyihasini amalga oshirish doirasida Investitsiya bitimi hamda uning qoidalariga muvofiq imzolangan bitimlar yuzasidan yuridik xulosalar bersin.
16. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorak yakunida Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidentining 2022-yil 30-dekabrdagi PQ-464-son qaroriga ILOVA
Sirdaryo viloyati Boyovut tumanida quvvati 1 573 MVt boʻlgan bugʻ-gaz elektr stansiyasini qurish” investitsiya loyihasini amalga oshirish doirasida qishloq xoʻjaligiga moʻljallangan yerlar toifasidan sanoat maqsadlariga moʻljallangan yerlar toifasiga oʻtkazilayotgan yer uchastkalari
Hudud nomi Kontur raqami Jami yer uchastkasi maydoni (gektar) shundan: Tuproq bonitet bali sugʻoriladigan ekin yerlari (gektar) yaylov yerlar (gektar) boshqa yerlar (yoʻllar, ariq-zovur) (gektar) Sirdaryo viloyati, Boyovut tumani, “T. Latipov” MFY 254q 1,71 1,61 0,10 51 258q 7,72 7,62 0,10 45 259q 16,08 15,94 0,14 51 260q 11,29 11,09 0,20 46 236q 5,80 5,80 261q 0,05 0,05 262q 0,52 0,52 Jami 43,17 36,26 6,91 Sirdaryo viloyati, Boyovut tumani, “Shirin” MFY 143q 3,90 3,90 44 145q 0,90 0,90 44 138 1,20 1,0 0,10 0,10 44 139 0,80 0,80 44 140 2,20 2,0 0,15 0,05 44 133q 2,0 1,98 0,02 54 136q 0,95 0,95 137q 2,0 2,0 44 142q 0,78 0,78 144q 0,55 0,55 Jami 15,28 11,78 1,05 2,45 Sirdaryo viloyati, Shirin shahri, “M. Ulugʻbek” MFY 1,03 0,47 0,56 41 0,77 0,54 0,23 41 Jami 1,80 1,01 0,79 Umumiy ajratiladigan yer maydoni 60,25 49,05 1,05 10,15
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 30-dekabr,
PQ-464-son
Президента Республики Узбекистан
Постановление
ПЕРЕЧЕНЬ
О мерах по реализации инвестиционного проекта «Строительство парогазовой электростанции мощностью 1 573 МВт в Баяутском районе Сырдарьинской области»
В целях наращивания мощностей производства электроэнергии с привлечением прямых иностранных инвестиций в электроэнергетическую отрасль, а также стабильного обеспечения населения и отраслей экономики энергоресурсами:
1. Принять к сведению, что:
а) при финансовом и техническом содействии Международной финансовой корпорации завершен процесс отбора инвестора для реализации инвестиционного проекта «Строительство парогазовой электростанции мощностью 1 573 МВт в Баяутском районе Сырдарьинской области» (далее — Инвестиционный проект);
б) по результатам международных тендерных торгов, проведенных в рамках реализации Инвестиционного проекта, консорциум компаний «EDF International S.A.S.» (Франция), «Nebras Power Investment Management B.V.» (Катар), «Sojitz Corporation» (Япония) и «Kyuden International Corporation» (Япония) (далее — Инвестор) признан победителем;
в) в целях реализации Инвестиционного проекта Инвестором в Республике Узбекистан создано иностранное предприятие «Enersok» в форме общества с ограниченной ответственностью (далее — Проектная компания);
г) между Правительством Республики Узбекистан в лице Министерства инвестиций и внешней торговли, Инвестором и Проектной компанией 16 февраля 2022 года подписано инвестиционное соглашение (далее — Инвестиционное соглашение), в соответствии с которым Инвестор и Проектная компания осуществляют:
проектирование, финансирование, строительство и эксплуатацию парогазовой электростанции мощностью 1 573 МВт в Баяутском районе Сырдарьинской области на протяжении всего периода реализации Инвестиционного проекта;
привлечение прямых иностранных инвестиций в размере по предварительной оценке 875 млн долларов США с принятием на себя возможных рисков;
д) между АО «Национальные электрические сети Узбекистана» (далее — АО «НЭС Уз») и Проектной компанией 16 февраля 2022 года заключено Соглашение о закупке электрической энергии (далее — Соглашение о закупке электрической энергии), а также 1 декабря 2022 года заключено Соглашение, предусматривающее внесение изменений в Соглашение о закупке электрической энергии, в соответствии с которыми:
Проектная компания принимает обязательство гарантированной продажи произведенной электрической энергии АО «НЭС Уз»;
Проектная компания предоставляет гарантию первоклассного иностранного банка в качестве обеспечения надлежащего исполнения своих обязательств в период строительства в размере 80 млн долларов США;
Проектная компания принимает обязательства строительства и передачи АО «НЭС Уз» воздушных линий электропередач для подключения парогазовой электростанции к единой электроэнергетической сети после их ввода в эксплуатацию в рамках Инвестиционного проекта;
АО «НЭС Уз» принимает обязательства гарантированной закупки электрической энергии и осуществления оплаты за электрическую энергию в национальной валюте в течение 25 лет.
2. Утвердить Инвестиционное соглашение, подписанное между Министерства инвестиций и внешней торговли от имени Правительства Республики Узбекистан, Инвестором и Проектной компанией.
3. Одобрить соглашения о закупке электрической энергии, заключенные между АО «НЭС Уз» и Проектной компанией.
4. Определить, что стоимость тарифа за 1 киловатт/час электрической энергии, выработанной в рамках реализации Инвестиционного проекта, установлена в иностранной валюте в размере, предусмотренном соглашениями о закупке электрической энергии, а также разрешить привязку ставок платежей к доллару США.
5. Предоставить Министерству инвестиций, промышленности и торговли, Министерству энергетики и АО «НЭС Уз» право на заключение с Инвестором, Проектной компанией и кредиторами, принимающими участие в финансировании Инвестиционного проекта, прямых соглашений по уступке кредиторам прав Проектной компании и Инвестора в случае неисполнения Проектной компанией обязательств по соглашениям, подписанным в рамках реализации Инвестиционного проекта.
6. Разрешить АО «НЭС Уз»:
проведение совместно с Проектной компанией отбора и заключение договоров с международными независимыми инжиниринговыми компаниями и иными консультантами в целях реализации Инвестиционного проекта без проведения тендера и обязательной экспертизы в соответствии с процедурами, определенными соглашениями о закупке электрической энергии;
открытие подтверждающего в иностранной валюте возобновляемого аккредитива иностранного банка в пользу Проектной компании в качестве обеспечения исполнения обязательств для покрытия закупки производимой Проектной компанией электрической энергии на протяжении трех месяцев.
7. Министерству водного хозяйства и АО «UzGasTrade» обеспечить заключение с АО «НЭС Уз» договоров по поставке Проектной компании природного газа и технической воды в соответствии с объемами и параметрами, предусмотренными соглашениями о закупке электроэнергии.
При этом установить, что поставщики природного газа и технической воды, если иное не предусмотрено договором, несут ответственность перед АО «НЭС Уз» в регрессном порядке в соответствии с законодательством по обязательству возмещения АО «НЭС Уз» Проектной компании причиненных убытков, включая любые обязательства по выплате штрафов и сумм упущенной выгоды, возникающие в результате отсутствия поставки природного газа и технической воды по вине Министерства водного хозяйства и АО «UzGasTrade».
8. Уполномочить министра экономики и финансов подписать от имени Правительства Республики Узбекистан со Всемирным банком соглашение о возмещении расходов Всемирного банка в форме, приемлемой для Правительства Республики Узбекистан, в случае исполнения АО «НЭС Уз» платежных обязательств перед иностранным банком, открывающим аккредитив, под гарантию Всемирного банка.
9. АО «НЭС Уз» обеспечить начало работ по строительству воздушных линий электропередач для подключения парогазовой электростанции к единой электроэнергетической сети в рамках Инвестиционного проекта.
10. Предоставить Проектной компании в рамках реализации Инвестиционного проекта после оплаты всех налогов и сборов, подлежащих уплате, в соответствии с традиционно применяемыми иностранными кредиторами требованиями управления рисками при финансировании проектов, следующие права:
открывать банковские счета в иностранных банках за рубежом для получения кредитов, получения и использования денежных средств в иностранной валюте (включая кредитные поступления в иностранной валюте);
напрямую осуществлять платежи иностранным подрядчикам, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
11. Перевести земельные участки площадью 60,25 гектара в Баяутском районе Сырдарьинской области, выделенные для размещения Инвестиционного проекта, из категории земель сельскохозяйственного назначения в категорию земель промышленного назначения согласно приложению .
Хокимияту Сырдарьинской области в срок до конца 2023 года обеспечить освоение новых земель сельскохозяйственного назначения, площадью, равной пятикратному размеру земельных участков, категория которых изменена в соответствии с настоящим постановлением.
При этом компенсационные выплаты по возмещению потерь сельскохозяйственного и лесохозяйственного производства, связанные с изменением категории земельного фонда земельных участков сельскохозяйственного назначения на основании настоящего пункта, не выплачиваются.
12. Хокимияту Сырдарьинской области в месячный срок обеспечить выделение Министерству энергетики для общественных нужд с правом постоянного пользования земельных участков, необходимых для строительства парогазовой электростанции и ее инфраструктуры, соответствующих условиям, указанным в Инвестиционном соглашении и соглашениях о закупке электрической энергии.
Министерству энергетики обеспечить передачу в аренду Проектной компании земельных участков, выделенных на основании настоящего пункта, на срок, равный периоду реализации Инвестиционного проекта.
Определить, что плата за право аренды земельных участков по рыночной стоимости выражается в форме арендной платы, действующей в отношении земли и уплачиваемой Проектной компанией.
Приравнять размер арендной платы, уплачиваемой за земельные участки, переданные на основании договоров аренды, заключенных с Министерством энергетики в рамках Инвестиционного проекта, к размеру земельного налога.
13. Министерству инвестиций, промышленности и торговли установить постоянный контроль за реализацией Инвестиционного проекта и исполнением сторонами своих обязательств в рамках Инвестиционного соглашения и соглашений о закупке электрической энергии.
14. Министерству природных ресурсов обеспечить в установленном порядке установление надлежащего контроля за проведением государственной экологической экспертизы документации Инвестиционного проекта и соблюдением природоохранного законодательства при реализации Инвестиционного проекта.
15. Министерству юстиции выдать юридические заключения по соглашениям, подписанным в соответствии с Инвестиционным соглашением и его положениями, в рамках реализации Инвестиционного проекта.
16. Контроль за исполнением настоящего постановления возложить на Премьер-министра Республики Узбекистан А.Н. Арипова.
О результативности осуществляемых мер информировать Президента Республики Узбекистан по итогам каждого квартала.
ПРИЛОЖЕНИЕ к постановлению Президента Республики Узбекистан от 30 декабря 2022 года № ПП-464
земельных участков, переводимых из категории земель сельскохозяйственного назначения в категорию земель промышленного назначения в рамках реализации Инвестиционного проекта «Строительство парогазовой электростанции мощностью 1 573 МВт в Баяутском районе Сырдарьинской области»
Наименование территории Номер контура Общая площадь земельного участка (гектар) из них: Балл бонитета почвы орошаемые посевные земли (гектар) пастбищные земли (гектар) прочие земли (дороги, арыки и канавы ) (гектар) Сырдарьинская область, Баяутский район, СГМ «Т. Латипов» 254к 1,71 1,61 0,10 51 258к 7,72 7,62 0,10 45 259к 16,08 15,94 0,14 51 260к 11,29 11,09 0,20 46 236к 5,80 5,80 261к 0,05 0,05 262к 0,52 0,52 Всего 43,17 36,26 6,91 Сырдарьинская область, Баяутский район, СГМ «Ширин» 143к 3,90 3,90 44 145к 0,90 0,90 44 138 1,20 1,0 0,10 0,10 44 139 0,80 0,80 44 140 2,20 2,0 0,15 0,05 44 133к 2,0 1,98 0,02 54 136к 0,95 0,95 137к 2,0 2,0 44 142к 0,78 0,78 144к 0,55 0,55 Всего 15,28 11,78 1,05 2,45 Сырдарьинская область, город Ширин, СГМ «М. Улугбек» 1,03 0,47 0,56 41 0,77 0,54 0,23 41 Всего 1,80 1,01 0,79 Общая выделяемая земельная площадь 60,25 49,05 1,05 10,15
Президент Республики Узбекистан Ш. МИРЗИЁЕВ
г. Ташкент,
30 декабря 2022 г.,
№ ПП-464