📅 2023-yil 6-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 6 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 января 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 6 January 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Сурхон» профессионал футбол клуби» масъулияти чекланган жамияти устав фондидаги давлат улушини «FC-Surhan» масъулияти чекланган жамиятига сотиш тўғрисида
Ўзбекистон Республикаси Президентининг 2019 йил 4 декабрдаги «Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида»ги ПФ-5887-сон Фармони ижросини таъминлаш, шунингдек, профессионал футбол клублари фаолиятига хусусий инвестицияларни жалб қилишни рағбатлантириш мақсадида Вазирлар Маҳкамаси қарор қилади:
1. Ёшлар сиёсати ва спорт вазирлиги, Давлат активларини бошқариш агентлиги, Сурхондарё вилояти ҳокимлиги ва Ўзбекистон футбол ассоциациясининг «Сурхон» профессионал футбол клуби» масъулияти чекланган жамияти устав фондидаги давлат улушини «FC-Surhan» масъулияти чекланган жамиятига номинал (баланс) қийматда тўғридан-тўғри сотиш ҳақидаги таклифига розилик берилсин.
2. Сурхондарё вилояти ҳокимлиги:
бир ҳафта муддатда «Сурхон» профессионал футбол клуби» масъулияти чекланган жамиятининг ўтган даврдаги фаолияти юзасидан тезкор мустақил аудит текширувини ўтказиб, аниқланган клубнинг кредитор қарздорлиги 2023 йил 10 январга қадар бартараф этилишини;
бир ой муддатда «Сурхон» профессионал футбол клуби» масъулияти чекланган жамияти устав фондидаги давлат улушининг белгиланган тартибда «FC-Surhan» масъулияти чекланган жамиятига номинал (баланс) қийматда берилишини таъминласин.
3. Вазирлар Маҳкамасининг 2021 йил 30 апрелдаги 261-сон қарори билан тасдиқланган Устав капиталидаги давлат улушлари давлат органлари ва хўжалик жамиятларига ўтказиладиган футбол клублари рўйхатининг 13-позицияси ўз кучини йўқотган деб ҳисоблансин.
4. Давлат активларини бошқариш агентлиги Спорт вазирлиги, Ўзбекистон футбол ассоциацияси ҳамда бошқа манфаатдор вазирлик ва идоралар билан биргаликда профессионал футбол клублари устав фондидаги давлат улушларини салоҳиятли хусусий инвесторларга сотиш бўйича таклифларни Давлат активларини хусусийлаштириш ва хусусийлаштириш жараёнларини мувофиқлаштириш давлат комиссиясига киритсин.
5. Мазкур қарорнинг бажарилишини назорат қилиш Бош вазир ўринбосари Ж.А. Қўчқоров, ёшлар сиёсати ва спорт вазири А.И. Икрамов ҳамда Сурхондарё вилояти ҳокими вазифасини бажарувчиси У.Б. Қосимов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 6 январь,
4-сон
Oʻzbekiston Respublikasi Vazirlar Mahkamasining
qarori
“Surxon” professional futbol klubi” masʼuliyati cheklangan jamiyati ustav fondidagi davlat ulushini “FC-Surhan” masʼuliyati cheklangan jamiyatiga sotish toʻgʻrisida
Oʻzbekiston Respublikasi Prezidentining 2019-yil 4-dekabrdagi “Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida”gi PF-5887-son Farmoni ijrosini taʼminlash, shuningdek, professional futbol klublari faoliyatiga xususiy investitsiyalarni jalb qilishni ragʻbatlantirish maqsadida Vazirlar Mahkamasi qaror qiladi:
1. Yoshlar siyosati va sport vazirligi, Davlat aktivlarini boshqarish agentligi, Surxondaryo viloyati hokimligi va Oʻzbekiston futbol assotsiatsiyasining “Surxon” professional futbol klubi” masʼuliyati cheklangan jamiyati ustav fondidagi davlat ulushini “FC-Surhan” masʼuliyati cheklangan jamiyatiga nominal (balans) qiymatda toʻgʻridan-toʻgʻri sotish haqidagi taklifiga rozilik berilsin.
2. Surxondaryo viloyati hokimligi:
bir hafta muddatda “Surxon” professional futbol klubi” masʼuliyati cheklangan jamiyatining oʻtgan davrdagi faoliyati yuzasidan tezkor mustaqil audit tekshiruvini oʻtkazib, aniqlangan klubning kreditor qarzdorligi 2023-yil 10-yanvarga qadar bartaraf etilishini;
bir oy muddatda “Surxon” professional futbol klubi” masʼuliyati cheklangan jamiyati ustav fondidagi davlat ulushining belgilangan tartibda “FC-Surhan” masʼuliyati cheklangan jamiyatiga nominal (balans) qiymatda berilishini taʼminlasin.
3. Vazirlar Mahkamasining 2021-yil 30-apreldagi 261-son qarori bilan tasdiqlangan Ustav kapitalidagi davlat ulushlari davlat organlari va xoʻjalik jamiyatlariga oʻtkaziladigan futbol klublari roʻyxatining 13-pozitsiyasi oʻz kuchini yoʻqotgan deb hisoblansin.
4. Davlat aktivlarini boshqarish agentligi Sport vazirligi, Oʻzbekiston futbol assotsiatsiyasi hamda boshqa manfaatdor vazirlik va idoralar bilan birgalikda professional futbol klublari ustav fondidagi davlat ulushlarini salohiyatli xususiy investorlarga sotish boʻyicha takliflarni Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasiga kiritsin.
5. Mazkur qarorning bajarilishini nazorat qilish Bosh vazir oʻrinbosari J.A. Qoʻchqorov, yoshlar siyosati va sport vaziri A.I. Ikramov hamda Surxondaryo viloyati hokimi vazifasini bajaruvchisi U.B. Qosimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 6-yanvar,
4-son