📅 2023-yil 7-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 7 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 января 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 7 January 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ»;
Маҳаллий авиақатновлар ва ички туризмни, минтақавий авиаташувларни ривожлантириш бўйича қўшимча чора-тадбирлар белгиланганлиги муносабати билан Вазирлар Маҳкамасининг 2021 йил 24 февралдаги 100-сон қарорига ўзгартириш ва қўшимчалар киритиш тўғрисида
Сўнгги йилларда мамлакатимиз транспорт тизимини тубдан такомиллаштириш, хусусан, аэропортлар инфратузилмасини ривожлантириш, фуқаро авиацияси ташкилотлари томонидан йўловчиларга хизмат кўрсатиш сифатини янада ошириш борасида комплекс чора-тадбирлар амалга оширилмоқда.
Жумладан, республикада ички туризмни ривожлантириш, йўловчиларга арзон нархларда авиаташув хизматлари кўрсатиш ва авиакомпаниялар фаолиятини қўллаб-қувватлаш мақсадида резидент авиакомпанияларга ички туризм йўналишларидаги авиақатновлар учун авиа чипта нархининг 25 фоизи миқдорида Ўзбекистон Республикаси республика бюджетидан субсидия ажратиш тизими жорий этилган.
Ўтган 2021 йил 1 мартдан 2022 йил 1 июнга қадар ички туризм йўналишларидаги авиақатновлар учун 265 минг республика фуқаролари учун авиакомпанияларга Ўзбекистон Республикаси республика бюджетидан 27,5 млрд сўм субсидия тўлаб берилган.
Жорий этилган тизим маҳаллий туристлар учун Ўзбекистон бўйлаб саёҳат қилиш, айниқса зиёрат туризмини амалга оширишда кенг имкониятлар яратмоқда.
Ўзбекистон Республикаси Президентининг «Республикада маҳаллий авиақатновларни ривожлантиришга оид қўшимча чора-тадбирлар тўғрисида» 2022 йил 26 октябрдаги ПҚ-412-сон қарорига мувофиқ ҳамда республикада ички туризм ва минтақавий авиаташувларни ривожлантириш учун қулай шарт-шароитлар яратиш, аҳолининг авиақатновларга бўлган эҳтиёжини тўлиқ қондириш мақсадида Вазирлар Маҳкамаси қарор қилади:
1. Вазирлар Маҳкамасининг «Ички ва зиёрат туризмини ривожлантириш бўйича қўшимча чора-тадбирлар тўғрисида» 2021 йил 24 февралдаги 100-сон қарорига иловага мувофиқ ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ва транспорт вазири И.Р. Махкамов зиммасига юклансин.
Вазирлар Маҳкамасининг 2023 йил 7 январдаги 5-сон қарорига ИЛОВА
Вазирлар Маҳкамасининг «Ички ва зиёрат туризмини ривожлантириш бўйича қўшимча чора-тадбирлар тўғрисида» 2021 йил 24 февралдаги 100-сон қарорига киритилаётган ўзгартириш ва қўшимчалар
1. 1-бандда :
а) олтинчи хатбоши қуйидаги таҳрирда баён этилсин:
«Ўзбекистон бўйлаб саёҳат қилиш ҳамда ижтимоий аҳамиятга эга бўлган йўналишлар харажатларининг бир қисмини Ўзбекистон Республикаси республика бюджетидан қайтариш тартиби тўғрисидаги низом 5-иловага мувофиқ;»;
б) тўққизинчи хатбоши қуйидаги таҳрирда баён этилсин:
«йўловчи ташувчилар, туроператор (турагент) ва бошқа манфаатдор вазирликлар ва идораларнинг Махсус комиссияга киритган таклифларига асосан субсидияланадиган авиа ва темир йўл қатновлари йўналишларини ҳамда ижтимоий аҳамиятга эга бўлган йўналишларни белгилаш;»;
в) ўн биринчи хатбоши қуйидаги таҳрирда баён этилсин:
«субсидияланадиган авиа ва темир йўл қатновлари йўналишларини ҳамда ижтимоий аҳамиятга эга бўлган йўналишлар бандлигини таъминлаш билан боғлиқ бўлган низоларни музокаралар ўтказиш йўли билан тезкорлик билан кўриб чиқиш, ҳал этиш бўйича қарорлар қабул қилиш.».
2. 3-банднинг иккинчи хатбошисидаги «авиақатновларга чипталар 40 фоизгача» сўзлари «авиақатновлар чипталарига 25 фоиз» сўзлари билан алмаштирилсин.
3. 5-иловада (Ўзбекистон бўйлаб саёҳат қилиш харажатларининг бир қисмини Ўзбекистон Республикаси республика бюджетидан қайтариш тартиби тўғрисидаги низом):
а) Низом номи қуйидаги таҳрирда баён этилсин:
«Ўзбекистон бўйлаб саёҳат қилиш ҳамда ижтимоий аҳамиятга эга бўлган йўналишлар харажатларининг бир қисмини Ўзбекистон Республикаси республика бюджетидан қайтариш тартиби тўғрисида
б) 1-банд «маҳаллий йўналишлардаги авиақатновлар» сўзларидан кейин «, шу жумладан, ижтимоий аҳамиятга эга бўлган йўналишлар» сўзлари билан тўлдирилсин;
в) 2-бандда :
еттинчи хатбоши қуйидаги таҳрирда баён этилсин:
«махсус комиссия — субсидияланадиган авиа қатновлар чипталари ва меҳмонхона хизматлари нархларини ҳамда авиа ва темир йўл қатнови йўналишларини ва ижтимоий аҳамиятга эга бўлган маҳаллий йўналишларни белгилаш бўйича тузилган комиссия;»;
тўққизинчи хатбоши қуйидаги таҳрирда баён этилсин:
«субсидияланадиган авиақатнов — махсус комиссия томонидан тасдиқланган маҳаллий йўналишлар, шу жумладан, ижтимоий аҳамиятга эга бўлган йўналишлар бўйича амалга ошириладиган авиақатнов;»;
ўн биринчи хатбоши қуйидаги таҳрирда баён этилсин:
«субсидия — авиаташувчиларга маҳаллий йўналишлардаги, шу жумладан, ижтимоий аҳамиятга эга бўлган йўналишлардаги авиақатновлар учун чипта нархининг бир қисмини, шунингдек, туроператор ва турагентларга маҳаллий туристлар учун Ўзбекистон бўйлаб ташкил этилган саёҳатларнинг транспорт чипталари ҳамда меҳмонхона хизматлари нархларининг бир қисмини қайтариш учун Ўзбекистон Республикаси республика бюджети маблағлари ҳисобидан ажратиладиган маблағ.»;
г) 3-банд қуйидаги таҳрирда баён этилсин:
«3. Субсидия 2021 йил 1 мартдан 2022 йил 1 июнгача саёҳат ташкилотчиларига — Ўзбекистон Республикаси фуқаролари ва Ўзбекистон Республикасида доимий яшовчи фуқаролиги бўлмаган шахслар учун ташкил этилган турлар юзасидан транспорт чипталари нархининг 15 фоизи ҳамда меҳмонхона хизматлари нархининг 10 фоизи миқдорида ажратилади.»;
д) қуйидаги мазмундаги 3 1 -банд билан тўлдирилсин:
«3 1 . Авиаташувчиларга ички туризм, шу жумладан, ижтимоий аҳамиятга эга бўлган маҳаллий йўналишларда авиа чипта нархининг 25 фоизи миқдорида субсидия 2026 йил 1 январгача ажратилади.».
Ўзбекистон Республикасининг Бош вазири А. АРИПОВ
Тошкент ш.,
2023 йил 7 январь,
5-сон
Oʻzbekiston Respublikasi Vazirlar Mahkamasining
qarori
NIZOM”;
Mahalliy aviaqatnovlar va ichki turizmni, mintaqaviy aviatashuvlarni rivojlantirish boʻyicha qoʻshimcha chora-tadbirlar belgilanganligi munosabati bilan Vazirlar Mahkamasining 2021-yil 24-fevraldagi 100-son qaroriga oʻzgartirish va qoʻshimchalar kiritish toʻgʻrisida
Soʻnggi yillarda mamlakatimiz transport tizimini tubdan takomillashtirish, xususan, aeroportlar infratuzilmasini rivojlantirish, fuqaro aviatsiyasi tashkilotlari tomonidan yoʻlovchilarga xizmat koʻrsatish sifatini yanada oshirish borasida kompleks chora-tadbirlar amalga oshirilmoqda.
Jumladan, respublikada ichki turizmni rivojlantirish, yoʻlovchilarga arzon narxlarda aviatashuv xizmatlari koʻrsatish va aviakompaniyalar faoliyatini qoʻllab-quvvatlash maqsadida rezident aviakompaniyalarga ichki turizm yoʻnalishlaridagi aviaqatnovlar uchun avia chipta narxining 25 foizi miqdorida Oʻzbekiston Respublikasi respublika budjetidan subsidiya ajratish tizimi joriy etilgan.
Oʻtgan 2021-yil 1-martdan 2022-yil 1-iyunga qadar ichki turizm yoʻnalishlaridagi aviaqatnovlar uchun 265 ming respublika fuqarolari uchun aviakompaniyalarga Oʻzbekiston Respublikasi respublika budjetidan 27,5 mlrd soʻm subsidiya toʻlab berilgan.
Joriy etilgan tizim mahalliy turistlar uchun Oʻzbekiston boʻylab sayohat qilish, ayniqsa ziyorat turizmini amalga oshirishda keng imkoniyatlar yaratmoqda.
Oʻzbekiston Respublikasi Prezidentining “Respublikada mahalliy aviaqatnovlarni rivojlantirishga oid qoʻshimcha chora-tadbirlar toʻgʻrisida” 2022-yil 26-oktabrdagi PQ-412-son qaroriga muvofiq hamda respublikada ichki turizm va mintaqaviy aviatashuvlarni rivojlantirish uchun qulay shart-sharoitlar yaratish, aholining aviaqatnovlarga boʻlgan ehtiyojini toʻliq qondirish maqsadida Vazirlar Mahkamasi qaror qiladi:
1. Vazirlar Mahkamasining “Ichki va ziyorat turizmini rivojlantirish boʻyicha qoʻshimcha chora-tadbirlar toʻgʻrisida” 2021-yil 24-fevraldagi 100-son qaroriga ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov va transport vaziri I.R. Maxkamov zimmasiga yuklansin.
Vazirlar Mahkamasining 2023-yil 7-yanvardagi 5-son qaroriga ILOVA
Vazirlar Mahkamasining “Ichki va ziyorat turizmini rivojlantirish boʻyicha qoʻshimcha chora-tadbirlar toʻgʻrisida” 2021-yil 24-fevraldagi 100-son qaroriga kiritilayotgan oʻzgartirish va qoʻshimchalar
1. 1-bandda :
a) oltinchi xatboshi quyidagi tahrirda bayon etilsin:
“Oʻzbekiston boʻylab sayohat qilish hamda ijtimoiy ahamiyatga ega boʻlgan yoʻnalishlar xarajatlarining bir qismini Oʻzbekiston Respublikasi respublika budjetidan qaytarish tartibi toʻgʻrisidagi nizom 5-ilovaga muvofiq;”;
b) toʻqqizinchi xatboshi quyidagi tahrirda bayon etilsin:
“yoʻlovchi tashuvchilar, turoperator (turagent) va boshqa manfaatdor vazirliklar va idoralarning Maxsus komissiyaga kiritgan takliflariga asosan subsidiyalanadigan avia va temir yoʻl qatnovlari yoʻnalishlarini hamda ijtimoiy ahamiyatga ega boʻlgan yoʻnalishlarni belgilash;”;
v) oʻn birinchi xatboshi quyidagi tahrirda bayon etilsin:
“subsidiyalanadigan avia va temir yoʻl qatnovlari yoʻnalishlarini hamda ijtimoiy ahamiyatga ega boʻlgan yoʻnalishlar bandligini taʼminlash bilan bogʻliq boʻlgan nizolarni muzokaralar oʻtkazish yoʻli bilan tezkorlik bilan koʻrib chiqish, hal etish boʻyicha qarorlar qabul qilish.”.
2. 3-bandning ikkinchi xatboshisidagi “aviaqatnovlarga chiptalar 40 foizgacha” soʻzlari “aviaqatnovlar chiptalariga 25 foiz” soʻzlari bilan almashtirilsin.
3. 5-ilovada (Oʻzbekiston boʻylab sayohat qilish xarajatlarining bir qismini Oʻzbekiston Respublikasi respublika budjetidan qaytarish tartibi toʻgʻrisidagi nizom):
a) Nizom nomi quyidagi tahrirda bayon etilsin:
“Oʻzbekiston boʻylab sayohat qilish hamda ijtimoiy ahamiyatga ega boʻlgan yoʻnalishlar xarajatlarining bir qismini Oʻzbekiston Respublikasi respublika budjetidan qaytarish tartibi toʻgʻrisida
b) 1-band “mahalliy yoʻnalishlardagi aviaqatnovlar” soʻzlaridan keyin “, shu jumladan, ijtimoiy ahamiyatga ega boʻlgan yoʻnalishlar” soʻzlari bilan toʻldirilsin;
v) 2-bandda :
yettinchi xatboshi quyidagi tahrirda bayon etilsin:
“maxsus komissiya — subsidiyalanadigan avia qatnovlar chiptalari va mehmonxona xizmatlari narxlarini hamda avia va temir yoʻl qatnovi yoʻnalishlarini va ijtimoiy ahamiyatga ega boʻlgan mahalliy yoʻnalishlarni belgilash boʻyicha tuzilgan komissiya;”;
toʻqqizinchi xatboshi quyidagi tahrirda bayon etilsin:
“subsidiyalanadigan aviaqatnov — maxsus komissiya tomonidan tasdiqlangan mahalliy yoʻnalishlar, shu jumladan, ijtimoiy ahamiyatga ega boʻlgan yoʻnalishlar boʻyicha amalga oshiriladigan aviaqatnov;”;
oʻn birinchi xatboshi quyidagi tahrirda bayon etilsin:
“subsidiya — aviatashuvchilarga mahalliy yoʻnalishlardagi, shu jumladan, ijtimoiy ahamiyatga ega boʻlgan yoʻnalishlardagi aviaqatnovlar uchun chipta narxining bir qismini, shuningdek, turoperator va turagentlarga mahalliy turistlar uchun Oʻzbekiston boʻylab tashkil etilgan sayohatlarning transport chiptalari hamda mehmonxona xizmatlari narxlarining bir qismini qaytarish uchun Oʻzbekiston Respublikasi respublika budjeti mablagʻlari hisobidan ajratiladigan mablagʻ.”;
g) 3-band quyidagi tahrirda bayon etilsin:
“3. Subsidiya 2021-yil 1-martdan 2022-yil 1-iyungacha sayohat tashkilotchilariga — Oʻzbekiston Respublikasi fuqarolari va Oʻzbekiston Respublikasida doimiy yashovchi fuqaroligi boʻlmagan shaxslar uchun tashkil etilgan turlar yuzasidan transport chiptalari narxining 15 foizi hamda mehmonxona xizmatlari narxining 10 foizi miqdorida ajratiladi.”;
d) quyidagi mazmundagi 3 1 -band bilan toʻldirilsin:
“3 1 . Aviatashuvchilarga ichki turizm, shu jumladan, ijtimoiy ahamiyatga ega boʻlgan mahalliy yoʻnalishlarda avia chipta narxining 25 foizi miqdorida subsidiya 2026-yil 1-yanvargacha ajratiladi.”.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 7-yanvar,
5-son