📅 2023-yil 10-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 10 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 января 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 10 January 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон таэквондо академияси ва ихтисослаштирилган таэквондо марказлари фаолиятини ташкил этиш чора-тадбирлари тўғрисида
Ўзбекистон Республикаси Президентининг «Таэквондо (WT) спорт турини янада ривожлантириш чора-тадбирлари тўғрисида» 2022 йил 29 июлдаги ПҚ-337-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Таэквондо (WT) спорт турини янада ривожлантириш чора-тадбирлари тўғрисида» 2022 йил 29 июлдаги ПҚ-337-сон қарорига мувофиқ Ўзбекистон таэквондо (WT) ассоциацияси тизимида Ўзбекистон таэквондо академиясини ҳамда 2023-2024 йилларда ҳудудларда 14 та ихтисослаштирилган таэквондо марказлари ташкил этиш тўғрисидаги таклифга розилик берилганлиги маълумот учун қабул қилинсин.
2. Қуйидагилар:
а) Ўзбекистон таэквондо академиясининг асосий вазифалари этиб:
таэквондо (WT) бўйича миллий терма жамоалар (катталар, ёшлар, ўсмирлар ёш тоифалари спортчилари, шунингдек спорт фахрийлари) аъзоларининг жисмоний ривожланиши, жисмоний тайёргарлиги, функционал ҳолати, техник-тактик ва психологик тайёргарлигини ўрганиш;
таэквондо (WT) бўйича миллий терма жамоаларни халқаро мусобақаларга тайёрлашда уларга амалий ва илмий-методик жиҳатдан кўмаклашиш;
таэквондо (WT) бўйича илғор тажрибаларни ўрганиш ва мамлакатимизда жорий этиш бўйича тавсиялар ишлаб чиқиш, хорижий мамлакатларнинг етакчи муассасалари билан халқаро алоқаларни ривожлантириш;
таэквондо (WT) бўйича илмий-услубий тавсияномалар, ўқув-қўлланмалар, дарсликларни нашрга тайёрлаш ва чоп этиш;
б) ихтисослаштирилган таэквондо марказларининг асосий вазифалари этиб:
республика ва халқаро мусобақаларда қатнашиш учун спорт захирасини ҳудудий терма жамоалар таркибига тайёрлаш;
ҳудудий терма жамоалар аъзоларининг республика ва халқаро мусобақаларда иштирок этиши учун зарур бўлган маҳорати ва кўникмалари чуқур ривожлантирилишини таъминлаш;
спорт захирасини сифатли тайёрлаш учун зарур ташкилий, ўқув-методик, психологик-педагогик, тиббий-биологик ва моддий-техник шарт-шароитлар яратиш белгилансин.
3. Белгилаб қўйилсинки, Ўзбекистон таэквондо академияси ва ихтисослаштирилган таэквондо марказлари Ўзбекистон таэквондо (WT) ассоциацияси тизимида муассаса шаклидаги нодавлат нотижорат ташкилоти ҳисобланади.
Ўзбекистон Республикаси Ёшлар сиёсати ва спорт вазирлиги Ўзбекистон таэквондо (WT) ассоциацияси билан биргаликда уч ой муддатда Ўзбекистон таэквондо академияси ва ихтисослаштирилган таэквондо марказларининг уставлари тасдиқланишини ва белгиланган тартибда давлат рўйхатидан ўтказилишини таъминласин.
4. Ўзбекистон Республикаси Мудофаа вазирлиги Ёшлар сиёсати ва спорт вазирлиги, Давлат активларини бошқариш агентлиги, Ўзбекистон таэквондо (WT) ассоциацияси билан биргаликда Тошкент вилояти, Чирчиқ шаҳри, Аранча қўрғони манзилидаги Мудофаа вазирлигига тегишли бино ва иншоотларнинг бир қисмини (тиббиёт пункти, 56 ўринли меҳмонхона, 100 ўринли ётоқхона, 7 та ўқув-синф хонаси, 2 та конференциялар зали ва бошқалар), шунингдек, Бутунжаҳон «Kukkiwon» таэквондо академияси намунаси бўйича спорт залини қуриш учун ушбу ҳудуддан тегишли ер майдонини Ўзбекистон таэквондо академиясига ажратиш чораларини кўрсин.
5. Ўзбекистон Республикаси Президентининг «Таэквондо (WT) спорт турини янада ривожлантириш чора-тадбирлари тўғрисида» 2022 йил 29 июлдаги ПҚ-337-сон қарорига мувофиқ Ўзбекистон таэквондо академиясини инновацион технологияларга асосланган, қиммат бўлмаган, энергия тежовчи ва тез барпо этиладиган енгил конструкция ва материаллардан қуриш ишларини 2023 йил 1 сентябрга қадар якунлаш ва фойдаланишга топшириш белгиланганлиги маълумот учун қабул қилинсин.
6. Қуйидагилар:
а) Иқтисодиёт ва молия вазирлиги Ёшлар сиёсати ва спорт вазирлиги ҳамда Тошкент вилояти ҳокимлиги билан биргаликда Ўзбекистон таэквондо академияси ҳудудида спорт зал қуриш ҳамда мавжуд бино ва иншоотларни реконструкция қилиш бўйича:
лойиҳа-смета ҳужжатларини ишлаб чиқиш билан боғлиқ харажатларни — 2023 йилда ижтимоий ва ишлаб чиқариш инфратузилмасини ривожлантириш дастури доирасида спорт объектларининг лойиҳа-қидирув ишларига ажратилган маблағлар ҳисобидан;
қурилиш-монтаж ва жиҳозлаш ишларини — 2023 йилда ижтимоий ва ишлаб чиқариш инфратузилмасини ривожлантириш дастури доирасида иқтисод қилинган ва тақсимланмаган маблағлар ҳисобидан молиялаштирсин.
б) Ўзбекистон Республикаси Спорт вазирлиги Мудофаа вазирлиги, Ўзбекистон Миллий олимпия қўмитаси ва Ўзбекистон таэквондо (WT) ассоциацияси билан биргаликда белгиланган муддатларда Бутунжаҳон «Kukkiwon» таэквондо академиясининг тавсиялари асосида Ўзбекистон таэквондо академияси фаолиятини 2023 йил 1 сентябрдан бошлаб йўлга қўйиш чораларини кўрсин.
7. Ўзбекистон Миллий олимпия қўмитаси, Ўзбекистон Республикаси Ёшлар сиёсати ва спорт вазирлиги, Ўзбекистон таэквондо (WT) ассоциацияси ва Тошкент вилояти ҳокимлиги билан биргаликда Ўзбекистон Миллий олимпия қўмитасига тегишли Тошкент вилояти, Бўстонлиқ тумани, Чимён МФЙ манзилида жойлашган «Азия-Чимган» меҳмонхонасини Ўзбекистон таэквондо академиясига белгиланган тартибда бепул ўтказиб берсин.
Бунда, Ўзбекистон таэквондо (WT) ассоциацияси томонидан Ёшлар сиёсати ва спорт вазирлиги, Ўзбекистон Миллий олимпия қўмитаси ва Тошкент вилояти ҳокимлиги билан биргаликда спортчиларнинг ўқув-йиғин машғулотларини ўтказиш базаси ташкил этилади.
8. 2023-2024 йилларда Қорақалпоғистон Республикаси, вилоятлар ва Тошкент шаҳрида ихтисослаштирилган таэквондо марказларини ташкил этиш режаси иловага мувофиқ тасдиқлансин.
9. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
ҳар йили ихтисослаштирилган таэквондо марказлари фаолиятини қўллаб-қувватлаш, спортчиларнинг ҳудудий, республика ва халқаро спорт мусобақаларида иштирок этиши учун ҳудудий спорт ва оммавий жисмоний тарбия тадбирларининг календарь режасига тегишли таклифларни Спорт вазирлигига тақдим этсин;
2023 йил 1 февралга қадар иловага мувофиқ ҳудудларда ихтисослаштирилган таэквондо марказларини ташкил этиш учун белгиланган тартибда фойдаланилмаётган бўш биноларни Ўзбекистон таэквондо (WT) ассоциациясининг ҳудудий бўлинмаларига вақтинчалик фойдаланиш учун бепул ажратиш ва белгиланган муддатларда мазкур марказлар фаолиятини йўлга қўйиш чораларини кўрсин.
10. Ўзбекистон Республикаси Спорт вазирлиги Ўзбекистон таэквондо (WT) ассоциацияси билан биргаликда:
ихтисослаштирилган таэквондо марказларининг турли даражадаги мусобақалар ва ўқув-машқ йиғинлари спорт тадбирлари режасини белгиланган муддатларда тасдиқлаш;
тренерлар таркиби ва ўқувчи-спортчиларнинг таэквондо бўйича етакчи хорижий марказлар ва мактабларда стажировкадан ўтишини тизимли асосда ташкил этиш;
ихтисослаштирилган таэквондо марказларини зарур ўқув-методик адабиётлар билан таъминлаш;
ихтисослаштирилган таэквондо марказлари спортчилари тайёргарлигининг сифатини мунтазам равишда мониторинг қилиб бориш ва зарур ҳолларда тайёргарлик жараёнига тегишли ўзгартиришлар киритиш чораларини кўрсин.
11. Ўзбекистон Республикаси Ёшлар сиёсати ва спорт вазирлиги, Мудофаа вазирлиги, Ўзбекистон таэквондо (WT) ассоциациясининг:
Ўзбекистон таэквондо академиясига фуқароларни, шу жумладан чет эл фуқароларини тўлов-контракт асосида уларнинг касбий маҳорати ва малакасини ошириш учун қабул қилиш;
Ўзбекистон таэквондо (WT) ассоциацияси раиси, Ўзбекистон таэквондо академияси директори ва Ўзбекистон таэквондо академиясининг Тренерлар кенгаши аъзолари лавозимини ҳарбий хизматчи мақомига тенглаштириш тўғрисидаги таклифлари маъқуллансин.
Ўзбекистон Республикаси Ёшлар сиёсати ва спорт вазирлиги уч ой муддатда Ўзбекистон таэквондо (WT) ассоциацияси томонидан Ўзбекистон таэквондо академиясида спортчи, тренер ва бошқа мутахассисларнинг касбий маҳоратини ошириш тартиби, тингловчилар контингенти ва ўқитиш графиги тасдиқланишини таъминласин.
12. Ўзбекистон Миллий телерадиокомпанияси, Ўзбекистон Миллий ахборот агентлигига Ўзбекистон таэквондо академияси ва ихтисослаштирилган таэквондо марказлари фаолияти ташкил этилишининг мазмун-моҳияти ва амалий аҳамиятини ёритишга оид телерадиодастурлар, таэквондо ва паратаэквондо бўйича спортчилар, тренерлар, тренер-селекционерлар, ҳакамларнинг касбий маҳорати ва малакасини ошириш фаолияти ҳақида махсус кўрсатув ва мақолалар тайёрлаш тавсия этилсин.
13. Мазкур қарорнинг бажарилишини назорат қилиш ёшлар сиёсати ва спорт вазири А.И. Икрамов зиммасига юклансин.
Вазирлар Маҳкамасининг 2023 йил 10 январдаги 9-сон қарорига ИЛОВА
2023-2024 йилларда Қорақалпоғистон Республикаси, вилоятлар ва Тошкент шаҳрида ихтисослаштирилган таэквондо марказларини ташкил этиш режаси
Т/р Ҳудудлар Жами Шу жумладан: 2023 йил 2024 йил Жами: 14 5 9 1. Қорақалпоғистон Республикаси 1 1 2. Андижон вилояти 1 1 3. Бухоро вилояти 1 1 4. Жиззах вилояти 1 1 5. Қашқадарё вилояти 1 1 6. Навоий вилояти 1 1 7. Наманган вилояти 1 1 8. Самарқанд вилояти 1 1 9. Сирдарё вилояти 1 1 10. Сурхондарё вилояти 1 1 11. Тошкент вилояти 1 1 12. Фарғона вилояти 1 1 13. Хоразм вилояти 1 1 14. Тошкент шаҳри 1 1
Ўзбекистон Республикасининг Бош вазири А. АРИПОВ
Тошкент ш.,
2023 йил 10 январь,
9-сон
Oʻzbekiston Respublikasi Vazirlar Mahkamasining
qarori
Oʻzbekiston taekvondo akademiyasi va ixtisoslashtirilgan taekvondo markazlari faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Taekvondo (WT) sport turini yanada rivojlantirish chora-tadbirlari toʻgʻrisida” 2022-yil 29-iyuldagi PQ-337-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Taekvondo (WT) sport turini yanada rivojlantirish chora-tadbirlari toʻgʻrisida” 2022-yil 29-iyuldagi PQ-337-son qaroriga muvofiq Oʻzbekiston taekvondo (WT) assotsiatsiyasi tizimida Oʻzbekiston taekvondo akademiyasini hamda 2023-2024-yillarda hududlarda 14 ta ixtisoslashtirilgan taekvondo markazlari tashkil etish toʻgʻrisidagi taklifga rozilik berilganligi maʼlumot uchun qabul qilinsin.
2. Quyidagilar:
a) Oʻzbekiston taekvondo akademiyasining asosiy vazifalari etib:
taekvondo (WT) boʻyicha milliy terma jamoalar (kattalar, yoshlar, oʻsmirlar yosh toifalari sportchilari, shuningdek sport faxriylari) aʼzolarining jismoniy rivojlanishi, jismoniy tayyorgarligi, funksional holati, texnik-taktik va psixologik tayyorgarligini oʻrganish;
taekvondo (WT) boʻyicha milliy terma jamoalarni xalqaro musobaqalarga tayyorlashda ularga amaliy va ilmiy-metodik jihatdan koʻmaklashish;
taekvondo (WT) boʻyicha ilgʻor tajribalarni oʻrganish va mamlakatimizda joriy etish boʻyicha tavsiyalar ishlab chiqish, xorijiy mamlakatlarning yetakchi muassasalari bilan xalqaro aloqalarni rivojlantirish;
taekvondo (WT) boʻyicha ilmiy-uslubiy tavsiyanomalar, oʻquv-qoʻllanmalar, darsliklarni nashrga tayyorlash va chop etish;
b) ixtisoslashtirilgan taekvondo markazlarining asosiy vazifalari etib:
respublika va xalqaro musobaqalarda qatnashish uchun sport zaxirasini hududiy terma jamoalar tarkibiga tayyorlash;
hududiy terma jamoalar aʼzolarining respublika va xalqaro musobaqalarda ishtirok etishi uchun zarur boʻlgan mahorati va koʻnikmalari chuqur rivojlantirilishini taʼminlash;
sport zaxirasini sifatli tayyorlash uchun zarur tashkiliy, oʻquv-metodik, psixologik-pedagogik, tibbiy-biologik va moddiy-texnik shart-sharoitlar yaratish belgilansin.
3. Belgilab qoʻyilsinki, Oʻzbekiston taekvondo akademiyasi va ixtisoslashtirilgan taekvondo markazlari Oʻzbekiston taekvondo (WT) assotsiatsiyasi tizimida muassasa shaklidagi nodavlat notijorat tashkiloti hisoblanadi.
Oʻzbekiston Respublikasi Yoshlar siyosati va sport vazirligi Oʻzbekiston taekvondo (WT) assotsiatsiyasi bilan birgalikda uch oy muddatda Oʻzbekiston taekvondo akademiyasi va ixtisoslashtirilgan taekvondo markazlarining ustavlari tasdiqlanishini va belgilangan tartibda davlat roʻyxatidan oʻtkazilishini taʼminlasin.
4. Oʻzbekiston Respublikasi Mudofaa vazirligi Yoshlar siyosati va sport vazirligi, Davlat aktivlarini boshqarish agentligi, Oʻzbekiston taekvondo (WT) assotsiatsiyasi bilan birgalikda Toshkent viloyati, Chirchiq shahri, Arancha qoʻrgʻoni manzilidagi Mudofaa vazirligiga tegishli bino va inshootlarning bir qismini (tibbiyot punkti, 56 oʻrinli mehmonxona, 100 oʻrinli yotoqxona, 7 ta oʻquv-sinf xonasi, 2 ta konferensiyalar zali va boshqalar), shuningdek, Butunjahon “Kukkiwon” taekvondo akademiyasi namunasi boʻyicha sport zalini qurish uchun ushbu hududdan tegishli yer maydonini Oʻzbekiston taekvondo akademiyasiga ajratish choralarini koʻrsin.
5. Oʻzbekiston Respublikasi Prezidentining “Taekvondo (WT) sport turini yanada rivojlantirish chora-tadbirlari toʻgʻrisida” 2022-yil 29-iyuldagi PQ-337-son qaroriga muvofiq Oʻzbekiston taekvondo akademiyasini innovatsion texnologiyalarga asoslangan, qimmat boʻlmagan, energiya tejovchi va tez barpo etiladigan yengil konstruksiya va materiallardan qurish ishlarini 2023-yil 1-sentabrga qadar yakunlash va foydalanishga topshirish belgilanganligi maʼlumot uchun qabul qilinsin.
6. Quyidagilar:
a) Iqtisodiyot va moliya vazirligi Yoshlar siyosati va sport vazirligi hamda Toshkent viloyati hokimligi bilan birgalikda Oʻzbekiston taekvondo akademiyasi hududida sport zal qurish hamda mavjud bino va inshootlarni rekonstruksiya qilish boʻyicha:
loyiha-smeta hujjatlarini ishlab chiqish bilan bogʻliq xarajatlarni — 2023-yilda ijtimoiy va ishlab chiqarish infratuzilmasini rivojlantirish dasturi doirasida sport obyektlarining loyiha-qidiruv ishlariga ajratilgan mablagʻlar hisobidan;
qurilish-montaj va jihozlash ishlarini — 2023-yilda ijtimoiy va ishlab chiqarish infratuzilmasini rivojlantirish dasturi doirasida iqtisod qilingan va taqsimlanmagan mablagʻlar hisobidan moliyalashtirsin.
b) Oʻzbekiston Respublikasi Sport vazirligi Mudofaa vazirligi, Oʻzbekiston Milliy olimpiya qoʻmitasi va Oʻzbekiston taekvondo (WT) assotsiatsiyasi bilan birgalikda belgilangan muddatlarda Butunjahon “Kukkiwon” taekvondo akademiyasining tavsiyalari asosida Oʻzbekiston taekvondo akademiyasi faoliyatini 2023-yil 1-sentabrdan boshlab yoʻlga qoʻyish choralarini koʻrsin.
7. Oʻzbekiston Milliy olimpiya qoʻmitasi, Oʻzbekiston Respublikasi Yoshlar siyosati va sport vazirligi, Oʻzbekiston taekvondo (WT) assotsiatsiyasi va Toshkent viloyati hokimligi bilan birgalikda Oʻzbekiston Milliy olimpiya qoʻmitasiga tegishli Toshkent viloyati, Boʻstonliq tumani, Chimyon MFY manzilida joylashgan “Aziya-Chimgan” mehmonxonasini Oʻzbekiston taekvondo akademiyasiga belgilangan tartibda bepul oʻtkazib bersin.
Bunda, Oʻzbekiston taekvondo (WT) assotsiatsiyasi tomonidan Yoshlar siyosati va sport vazirligi, Oʻzbekiston Milliy olimpiya qoʻmitasi va Toshkent viloyati hokimligi bilan birgalikda sportchilarning oʻquv-yigʻin mashgʻulotlarini oʻtkazish bazasi tashkil etiladi.
8. 2023-2024-yillarda Qoraqalpogʻiston Respublikasi, viloyatlar va Toshkent shahrida ixtisoslashtirilgan taekvondo markazlarini tashkil etish rejasi ilovaga muvofiq tasdiqlansin.
9. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
har yili ixtisoslashtirilgan taekvondo markazlari faoliyatini qoʻllab-quvvatlash, sportchilarning hududiy, respublika va xalqaro sport musobaqalarida ishtirok etishi uchun hududiy sport va ommaviy jismoniy tarbiya tadbirlarining kalendar rejasiga tegishli takliflarni Sport vazirligiga taqdim etsin;
2023-yil 1-fevralga qadar ilovaga muvofiq hududlarda ixtisoslashtirilgan taekvondo markazlarini tashkil etish uchun belgilangan tartibda foydalanilmayotgan boʻsh binolarni Oʻzbekiston taekvondo (WT) assotsiatsiyasining hududiy boʻlinmalariga vaqtinchalik foydalanish uchun bepul ajratish va belgilangan muddatlarda mazkur markazlar faoliyatini yoʻlga qoʻyish choralarini koʻrsin.
10. Oʻzbekiston Respublikasi Sport vazirligi Oʻzbekiston taekvondo (WT) assotsiatsiyasi bilan birgalikda:
ixtisoslashtirilgan taekvondo markazlarining turli darajadagi musobaqalar va oʻquv-mashq yigʻinlari sport tadbirlari rejasini belgilangan muddatlarda tasdiqlash;
trenerlar tarkibi va oʻquvchi-sportchilarning taekvondo boʻyicha yetakchi xorijiy markazlar va maktablarda stajirovkadan oʻtishini tizimli asosda tashkil etish;
ixtisoslashtirilgan taekvondo markazlarini zarur oʻquv-metodik adabiyotlar bilan taʼminlash;
ixtisoslashtirilgan taekvondo markazlari sportchilari tayyorgarligining sifatini muntazam ravishda monitoring qilib borish va zarur hollarda tayyorgarlik jarayoniga tegishli oʻzgartirishlar kiritish choralarini koʻrsin.
11. Oʻzbekiston Respublikasi Yoshlar siyosati va sport vazirligi, Mudofaa vazirligi, Oʻzbekiston taekvondo (WT) assotsiatsiyasining:
Oʻzbekiston taekvondo akademiyasiga fuqarolarni, shu jumladan chet el fuqarolarini toʻlov-kontrakt asosida ularning kasbiy mahorati va malakasini oshirish uchun qabul qilish;
Oʻzbekiston taekvondo (WT) assotsiatsiyasi raisi, Oʻzbekiston taekvondo akademiyasi direktori va Oʻzbekiston taekvondo akademiyasining Trenerlar kengashi aʼzolari lavozimini harbiy xizmatchi maqomiga tenglashtirish toʻgʻrisidagi takliflari maʼqullansin.
Oʻzbekiston Respublikasi Yoshlar siyosati va sport vazirligi uch oy muddatda Oʻzbekiston taekvondo (WT) assotsiatsiyasi tomonidan Oʻzbekiston taekvondo akademiyasida sportchi, trener va boshqa mutaxassislarning kasbiy mahoratini oshirish tartibi, tinglovchilar kontingenti va oʻqitish grafigi tasdiqlanishini taʼminlasin.
12. Oʻzbekiston Milliy teleradiokompaniyasi, Oʻzbekiston Milliy axborot agentligiga Oʻzbekiston taekvondo akademiyasi va ixtisoslashtirilgan taekvondo markazlari faoliyati tashkil etilishining mazmun-mohiyati va amaliy ahamiyatini yoritishga oid teleradiodasturlar, taekvondo va parataekvondo boʻyicha sportchilar, trenerlar, trener-seleksionerlar, hakamlarning kasbiy mahorati va malakasini oshirish faoliyati haqida maxsus koʻrsatuv va maqolalar tayyorlash tavsiya etilsin.
13. Mazkur qarorning bajarilishini nazorat qilish yoshlar siyosati va sport vaziri A.I. Ikramov zimmasiga yuklansin.
Vazirlar Mahkamasining 2023-yil 10-yanvardagi 9-son qaroriga ILOVA
2023-2024-yillarda Qoraqalpogʻiston Respublikasi, viloyatlar va Toshkent shahrida ixtisoslashtirilgan taekvondo markazlarini tashkil etish rejasi
T/r Hududlar Jami Shu jumladan: 2023-yil 2024-yil Jami: 14 5 9 1. Qoraqalpogʻiston Respublikasi 1 1 2. Andijon viloyati 1 1 3. Buxoro viloyati 1 1 4. Jizzax viloyati 1 1 5. Qashqadaryo viloyati 1 1 6. Navoiy viloyati 1 1 7. Namangan viloyati 1 1 8. Samarqand viloyati 1 1 9. Sirdaryo viloyati 1 1 10. Surxondaryo viloyati 1 1 11. Toshkent viloyati 1 1 12. Fargʻona viloyati 1 1 13. Xorazm viloyati 1 1 14. Toshkent shahri 1 1
Oʻzbekiston Respublikasining Bosh vaziri A. ARIPOV
Toshkent sh.,
2023-yil 10-yanvar,
9-son