📅 2023-yil 11-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 11 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 января 2023 г. · Постановления Президента
Официальный текст. Официальный документ. Редакционные примечания не включены.
📅 11 January 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Нукус» ва Чироқчи» эркин иқтисодий зоналарининг ҳудудини кенгайтириш чора-тадбирлари тўғрисида
«Ургут» эркин иқтисодий зонасининг муваффақиятли тажрибаси асосида Қорақалпоғистон Республикаси ва Қашқадарё вилоятининг ишлаб чиқариш ҳамда ресурс салоҳиятидан комплекс ва самарали фойдаланиш, шу асосда янги иш ўринлари ташкил этиш ҳамда аҳоли даромадларини ошириш мақсадида:
1. Инвестициялар, саноат ва савдо вазирлиги, Қорақалпоғистон Республикаси Вазирлар Кенгаши, Қашқадарё вилояти ҳокимлигининг:
иловага мувофиқ Беруний туманидаги 22,3 гектар, Китоб туманидаги 37,4 гектар бўш турган яйлов ва лалми ер участкаларини қишлоқ хўжалигига мўлжалланган ерлар тоифасидан саноат, транспорт, алоқа ва бошқа мақсадларга мўлжалланган ерлар тоифасига ўтказиш;
Қорақалпоғистон Республикаси Беруний туманидаги 22,3 гектар ҳамда Қашқадарё вилояти Китоб туманидаги 37,4 гектар ер участкаларини ажратиш ҳисобига «Нукус» ва «Чироқчи» эркин иқтисодий зоналари ҳудудини кенгайтириш тўғрисидаги таклифларига розилик берилсин.
2. Қорақалпоғистон Республикаси Вазирлар Кенгаши, Қашқадарё вилояти ҳокимлиги Қишлоқ хўжалиги вазирлиги, Кадастр агентлиги билан биргаликда бир ой муддатда ушбу қарор талабларидан келиб чиқиб, давлат ер кадастри маълумотларига тегишли ўзгартиришлар киритсин.
3. Қорақалпоғистон Республикаси Вазирлар Кенгаши ва Қашқадарё вилояти ҳокимлиги икки ой муддатда «Нукус» ва «Чироқчи» эркин иқтисодий зоналарининг Қорақалпоғистон Республикаси Беруний туманидаги ва Қашқадарё вилояти Китоб туманидаги ҳудудлари (кейинги ўринларда — «Нукус» ва «Чироқчи» ЭИЗларнинг Беруний ва Китоб туманидаги ҳудудлари) бош режалари Қурилиш ва уй-жой коммунал хўжалиги вазирлиги ҳамда Инвестициялар, саноат ва савдо вазирлиги билан келишилган ҳолда ишлаб чиқилиши ва тасдиқланишини таъминласин.
Бунда:
бош режалар лойиҳасини ишлаб чиқиш Қорақалпоғистон Республикаси ва Қашқадарё вилояти маҳаллий бюджети маблағлари ҳамда Қорақалпоғистон Республикаси Вазирлар Кенгаши ва Қашқадарё вилояти ҳокимлиги ҳузуридаги Тадбиркорлик инфратузилмасини ривожлантириш жамғармалари маблағлари ҳисобидан амалга оширилади;
бош режалар лойиҳасини ишлаб чиқиш бўйича лойиҳа ташкилоти тендер (танлов) савдолари асосида аниқланади.
4. Белгилансинки, «Нукус» ЭИЗнинг Беруний ва «Чироқчи» ЭИЗнинг Китоб туманларидаги ҳудудларида:
инвестиция лойиҳаларини амалга ошириш учун ер участкаларини ажратиш Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонига мувофиқ электрон онлайн-аукцион савдолари орқали амалга оширилади;
инфратузилма объектларини қуриш ишларини молиялаштириш Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорига мувофиқ амалга оширилади;
инфратузилма объектларини қуриш-таъмирлаш ишлари бўйича буюртмачи вазифаси Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарорида белгиланган ташкилотлар томонидан амалга оширилади;
қишлоқ хўжалигидан бошқа мақсадларда фойдаланиш учун ажратиладиган ерларда қишлоқ хўжалиги ишлаб чиқариши нобудгарчилигининг ўрнини қоплаш учун компенсация тўловлари, истисно тариқасида, ундирилмайди.
5. Инвестициялар, саноат ва савдо вазирлиги Иқтисодиёт ва молия вазирлиги, Рақамли технологиялар вазирлиги, Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ ва «Ўзсувтаъминот» АЖ, Қорақалпоғистон Республикаси Вазирлар Кенгаши, Қашқадарё вилояти ҳокимлиги билан биргаликда «Нукус» ЭИЗнинг Беруний ва «Чироқчи» ЭИЗнинг Китоб туманидаги ҳудудлари тасдиқланган бош режасига асосан:
уч ой муддатда 2023-2024 йилларда муҳандислик-коммуникация ва йўл инфратузилмаси билан таъминлаш лозим бўлган объектлар рўйхатини шакллантирсин ва тасдиқласин;
2023 йил 1 апрелга қадар амалга ошириладиган объектларнинг лойиҳа ҳужжатларини ишлаб чиқсин ва ўрнатилган тартибда келишиш ишларини якунласин.
6. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар, саноат ва савдо вазири Л.Ш. Қудратов, Қорақалпоғистон Республикаси Вазирлар Кенгаши раиси Ф.У. Эрманов ва Қашқадарё вилояти ҳокими М.Б. Азимов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир А.Н. Арипов зиммасига юклансин.
Ўзбекистон Республикаси Президентининг 2023 йил 11 январдаги ПҚ-2-сон қарорига ИЛОВА
Қорақалпоғистон Республикасининг Беруний тумани ва Қашқадарё вилоятининг Китоб тумани ҳудудидаги қишлоқ хўжалигига мўлжалланган ерлар тоифасидан саноат, транспорт, алоқа ва бошқа мақсадларга мўлжалланган ерлар тоифасига ўтказиладиган ер участкалари
Т/р Ҳудудлар номи Ердан фойдаланувчи номи Контур рақами Жами ер участкаси, га Шундан: Тупроқ бонитет бали лалми ерлар, га яйлов ерлар, га бошқа ерлар, га Беруний туманидан танланган ерлар 22,3 22,3 1. «Абай» МФЙ Туман захира ерлари Рақамланмаган 22,3 22,3 Баҳоланмаган Китоб туманидан танланган ерлар 37,4 37,4 2. «Макрид» МФЙ Туман захира ерлари 104 4,4 4,4 23 3. «Шуробсой» МФЙ Туман захира ерлари 2к 33,0 33,0 23 ЖАМИ: 59,7 37,4 22,3
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 11 январь,
ПҚ-2-сон
Oʻzbekiston Respublikasi Prezidentining
Qarori
ROʻYXATI
“Nukus” va Chiroqchi” erkin iqtisodiy zonalarining hududini kengaytirish chora-tadbirlari toʻgʻrisida
“Urgut” erkin iqtisodiy zonasining muvaffaqiyatli tajribasi asosida Qoraqalpogʻiston Respublikasi va Qashqadaryo viloyatining ishlab chiqarish hamda resurs salohiyatidan kompleks va samarali foydalanish, shu asosda yangi ish oʻrinlari tashkil etish hamda aholi daromadlarini oshirish maqsadida:
1. Investitsiyalar, sanoat va savdo vazirligi, Qoraqalpogʻiston Respublikasi Vazirlar Kengashi, Qashqadaryo viloyati hokimligining:
ilovaga muvofiq Beruniy tumanidagi 22,3 gektar, Kitob tumanidagi 37,4 gektar boʻsh turgan yaylov va lalmi yer uchastkalarini qishloq xoʻjaligiga moʻljallangan yerlar toifasidan sanoat, transport, aloqa va boshqa maqsadlarga moʻljallangan yerlar toifasiga oʻtkazish;
Qoraqalpogʻiston Respublikasi Beruniy tumanidagi 22,3 gektar hamda Qashqadaryo viloyati Kitob tumanidagi 37,4 gektar yer uchastkalarini ajratish hisobiga “Nukus” va “Chiroqchi” erkin iqtisodiy zonalari hududini kengaytirish toʻgʻrisidagi takliflariga rozilik berilsin.
2. Qoraqalpogʻiston Respublikasi Vazirlar Kengashi, Qashqadaryo viloyati hokimligi Qishloq xoʻjaligi vazirligi, Kadastr agentligi bilan birgalikda bir oy muddatda ushbu qaror talablaridan kelib chiqib, davlat yer kadastri maʼlumotlariga tegishli oʻzgartirishlar kiritsin.
3. Qoraqalpogʻiston Respublikasi Vazirlar Kengashi va Qashqadaryo viloyati hokimligi ikki oy muddatda “Nukus” va “Chiroqchi” erkin iqtisodiy zonalarining Qoraqalpogʻiston Respublikasi Beruniy tumanidagi va Qashqadaryo viloyati Kitob tumanidagi hududlari (keyingi oʻrinlarda — “Nukus” va “Chiroqchi” EIZlarning Beruniy va Kitob tumanidagi hududlari) bosh rejalari Qurilish va uy-joy kommunal xoʻjaligi vazirligi hamda Investitsiyalar, sanoat va savdo vazirligi bilan kelishilgan holda ishlab chiqilishi va tasdiqlanishini taʼminlasin.
Bunda:
bosh rejalar loyihasini ishlab chiqish Qoraqalpogʻiston Respublikasi va Qashqadaryo viloyati mahalliy budjeti mablagʻlari hamda Qoraqalpogʻiston Respublikasi Vazirlar Kengashi va Qashqadaryo viloyati hokimligi huzuridagi Tadbirkorlik infratuzilmasini rivojlantirish jamgʻarmalari mablagʻlari hisobidan amalga oshiriladi;
bosh rejalar loyihasini ishlab chiqish boʻyicha loyiha tashkiloti tender (tanlov) savdolari asosida aniqlanadi.
4. Belgilansinki, “Nukus” EIZning Beruniy va “Chiroqchi” EIZning Kitob tumanlaridagi hududlarida:
investitsiya loyihalarini amalga oshirish uchun yer uchastkalarini ajratish Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq elektron onlayn-auksion savdolari orqali amalga oshiriladi;
infratuzilma obyektlarini qurish ishlarini moliyalashtirish Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qaroriga muvofiq amalga oshiriladi;
infratuzilma obyektlarini qurish-taʼmirlash ishlari boʻyicha buyurtmachi vazifasi Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qarorida belgilangan tashkilotlar tomonidan amalga oshiriladi;
qishloq xoʻjaligidan boshqa maqsadlarda foydalanish uchun ajratiladigan yerlarda qishloq xoʻjaligi ishlab chiqarishi nobudgarchiligining oʻrnini qoplash uchun kompensatsiya toʻlovlari, istisno tariqasida, undirilmaydi.
5. Investitsiyalar, sanoat va savdo vazirligi Iqtisodiyot va moliya vazirligi, Raqamli texnologiyalar vazirligi, Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ va “Oʻzsuvtaʼminot” AJ, Qoraqalpogʻiston Respublikasi Vazirlar Kengashi, Qashqadaryo viloyati hokimligi bilan birgalikda “Nukus” EIZning Beruniy va “Chiroqchi” EIZning Kitob tumanidagi hududlari tasdiqlangan bosh rejasiga asosan:
uch oy muddatda 2023-2024-yillarda muhandislik-kommunikatsiya va yoʻl infratuzilmasi bilan taʼminlash lozim boʻlgan obyektlar roʻyxatini shakllantirsin va tasdiqlasin;
2023-yil 1-aprelga qadar amalga oshiriladigan obyektlarning loyiha hujjatlarini ishlab chiqsin va oʻrnatilgan tartibda kelishish ishlarini yakunlasin.
6. Mazkur qarorning ijrosini samarali tashkil qilishga masʼul va shaxsiy javobgar etib investitsiyalar, sanoat va savdo vaziri L.Sh. Qudratov, Qoraqalpogʻiston Respublikasi Vazirlar Kengashi raisi F.U. Ermanov va Qashqadaryo viloyati hokimi M.B. Azimov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir A.N. Aripov zimmasiga yuklansin.
Oʻzbekiston Respublikasi Prezidentining 2023-yil 11-yanvardagi PQ-2-son qaroriga ILOVA
Qoraqalpogʻiston Respublikasining Beruniy tumani va Qashqadaryo viloyatining Kitob tumani hududidagi qishloq xoʻjaligiga moʻljallangan yerlar toifasidan sanoat, transport, aloqa va boshqa maqsadlarga moʻljallangan yerlar toifasiga oʻtkaziladigan yer uchastkalari
T/r Hududlar nomi Yerdan foydalanuvchi nomi Kontur raqami Jami yer uchastkasi, ga Shundan: Tuproq bonitet bali lalmi yerlar, ga yaylov yerlar, ga boshqa yerlar, ga Beruniy tumanidan tanlangan yerlar 22,3 22,3 1. “Abay” MFY Tuman zaxira yerlari Raqamlanmagan 22,3 22,3 Baholanmagan Kitob tumanidan tanlangan yerlar 37,4 37,4 2. “Makrid” MFY Tuman zaxira yerlari 104 4,4 4,4 23 3. “Shurobsoy” MFY Tuman zaxira yerlari 2k 33,0 33,0 23 JAMI: 59,7 37,4 22,3
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 11-yanvar,
PQ-2-son
Президента Республики Узбекистан
Постановление
О мерах по расширению территории свободных экономических зон «Нукус» и «Чирокчи»
В целях комплексного и эффективного использования производственного и ресурсного потенциала Республики Каракалпакстан и Кашкадарьинской области исходя из успешного опыта свободной экономической зоны «Ургут», а также создания на этой основе новых рабочих мест и увеличения доходов населения:
1. Согласиться с предложениями Министерства инвестиций, промышленности и торговли, Совета Министров Республики Каракалпакстан и хокимията Кашкадарьинской области по:
переводу 22,3 гектара пустующих пастбищ и богарных земельных участков в Берунийском районе, 37,4 гектара — в Китабском районе из категории земель сельскохозяйственного назначения в категорию земель промышленности, транспорта, связи и иного назначения согласно приложению * ;
расширению территории свободных экономических зон «Нукус» и «Чирокчи» за счет выделения 22,3 гектара земельных участков в Берунийском районе Республики Каракалпакстан и 37,4 гектара земельных участков в Китабском районе Кашкадарьинской области.
2. Совету Министров Республики Каракалпакстан и хокимияту Кашкадарьинской области совместно с Министерством сельского хозяйства и Агентством по кадастру в месячный срок исходя из требований настоящего постановления внести соответствующие изменения в данные Государственного земельного кадастра.
3. Совету Министров Республики Каракалпакстан и хокимияту Кашкадарьинской области в двухмесячный срок обеспечить разработку и утверждение по согласованию с Министерством строительства и жилищно-коммунального хозяйства и Министерством инвестиций, промышленности и торговли генеральных планов территорий свободных экономических зон «Нукус» и «Чирокчи» в Берунийском районе Республики Каракалпакстан и Китабском районе Кашкадарьинской области (далее — территории «СЭЗ «Нукус» и «Чирокчи» в Берунийском и Китабском районах).
При этом:
разработка проектов генеральных планов осуществляется за счет средств местных бюджетов Республики Каракалпакстан и Кашкадарьинской области, а также фондов развития предпринимательской инфраструктуры при Совете Министров Республики Каракалпакстан и хокимияте Кашкадарьинской области;
проектная организация по разработке проектов генеральных планов определяется на основании тендерных (конкурсных) торгов.
4. Установить, что на территориях СЭЗ «Нукус» в Берунийском и «Чирокчи» в Китабском районах:
выделение земельных участков для реализации инвестиционных проектов осуществляется посредством электронных онлайн-аукционных торгов в соответствии с Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон»;
финансирование работ по строительству инфраструктурных объектов осуществляется в соответствии с постановлением Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах»;
задачи заказчика работ по строительству и ремонту инфраструктурных объектов осуществляются организациями, определенными в постановлении Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон»;
компенсационные выплаты по возмещению потерь сельскохозяйственного производства на землях, выделяемых для использования в несельскохозяйственных целях, в порядке исключения не взимаются.
5. Министерству инвестиций, промышленности и торговли совместно с Министерством экономики и финансов, Министерством цифровых технологий, Комитетом по автомобильным дорогам, АО «Худудий электр тармоклари», АО «Худудгазтаминот», АО «Узсувтаъминот», Советом Министров Республики Каракалпакстан и хокимиятом Кашкадарьинской области на основании утвержденных генеральных планов территорий СЭЗ «Нукус» в Берунийском и «Чирокчи» в Китабском районах:
в трехмесячный срок сформировать и утвердить перечень объектов, подлежащих обеспечению инженерно-коммуникационной и дорожной инфраструктурой в 2023-2024 годах;
в срок до 1 апреля 2023 года разработать и завершить в установленном порядке работы по согласованию проектной документации строящихся объектов.
6. Возложить на министра инвестиций, промышленности и торговли Л.Ш. Кудратова, Председателя Совета Министров Республики Каракалпакстан Ф.У. Эрманова и хокима Кашкадарьинской области М.Б. Азимова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра А.Н. Арипова.
Президент Республики Узбекистан Ш. МИРЗИЁЕВ
г. Ташкент,
11 января 2023 г.,
№ ПП-2