📅 2023-yil 11-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 11 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 января 2023 г. · Постановления Президента
Официальный текст. Официальный документ. Редакционные примечания не включены.
📅 11 January 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Ғиждувон» эркин иқтисодий зонасининг ҳудудини кенгайтириш чора-тадбирлари тўғрисида
Ўзбекистон Республикаси Президентининг 2021 йил 17 ноябрдаги «Ғиждувон» эркин иқтисодий зонаси фаолиятини янада такомиллаштириш чора-тадбирлари тўғрисида»ги ПҚ-13-сон қарорига мувофиқ, «Ғиждувон» эркин иқтисодий зонаси ҳудудини кенгайтириш, замонавий технологияларни жорий қилиш, тадбиркорлар учун қулай шароитлар яратиш ҳамда импорт ўрнини босувчи, экспортбоп ишлаб чиқариш қувватларини ташкил қилиш мақсадида:
1. Бухоро вилояти ҳокимлиги, Инвестициялар, саноат ва савдо вазирлиги, Қишлоқ хўжалиги вазирлиги ҳамда Кадастр агентлигининг:
иловага мувофиқ Ғиждувон туманидаги 150,8 гектар ҳамда Ромитан туманидаги 200 гектар қишлоқ хўжалигига мўлжалланган бўш турган яйлов ва бўз ер майдонларини қишлоқ хўжалигига мўлжалланган ерлар тоифасидан саноат, транспорт, алоқа ва бошқа мақсадларга мўлжалланган ерлар тоифасига ўтказиш;
Ғиждувон туманидан 150,8 гектар ва Ромитан туманидан 200 гектар, жами 350,8 гектар бўш ер участкаларини ажратиш ҳисобига «Ғиждувон» эркин иқтисодий зонаси ҳудудини кенгайтириш тўғрисидаги таклифларига розилик берилсин.
2. Бухоро вилояти ҳокимлиги Қишлоқ хўжалиги вазирлиги ва Кадастр агентлиги билан биргаликда бир ой муддатда ушбу қарор талабларидан келиб чиқиб давлат ер кадастри маълумотларига тегишли ўзгартиришлар киритсин.
3. Бухоро вилояти ҳокимлиги Қурилиш ва уй-жой коммунал хўжалиги вазирлиги, Инвестициялар, саноат ва савдо вазирлиги билан биргаликда «Ғиждувон» эркин иқтисодий зонаси дирекцияси» давлат унитар корхонаси маблағлари ҳисобига бир ой муддатда «Ғиждувон» эркин иқтисодий зонасининг янги ҳудудлари (кейинги ўринларда — «Ғиждувон» ЭИЗнинг янги ҳудудлари) бош режаси ишлаб чиқилишини ва тасдиқланишини таъминласин.
Бунда:
бош режа лойиҳасини ишлаб чиқиш бўйича буюртмачи этиб «Ғиждувон» эркин иқтисодий зонаси дирекцияси» давлат унитар корхонаси белгиланади;
бош режа лойиҳасини ишлаб чиқиш Бухоро вилояти маҳаллий бюджети маблағлари ҳамда Бухоро вилояти ҳокимлиги ҳузуридаги Тадбиркорлик инфратузилмасини ривожлантириш жамғармаси маблағлари ҳисобидан амалга оширилади;
бош режа лойиҳасини ишлаб чиқиш бўйича лойиҳа ташкилоти тендер (танлов) савдолари натижасига кўра аниқланади.
4. Белгилансинки, «Ғиждувон» ЭИЗнинг янги ҳудудларида:
инвестиция лойиҳаларини амалга ошириш учун ер участкаларини ажратиш Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонига мувофиқ электрон онлайн-аукцион савдолари орқали амалга оширилади;
инфратузилма объектларини қуриш ишларини молиялаштириш Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорига мувофиқ амалга оширилади;
инфратузилма объектларини қуриш-таъмирлаш ишлари бўйича буюртмачи вазифаси Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарорида белгиланган ташкилотлар томонидан амалга оширилади;
қишлоқ хўжалигидан бошқа мақсадларда фойдаланиш учун ажратиладиган ерларда қишлоқ хўжалиги ишлаб чиқариши нобудгарчилигининг ўрнини қоплаш учун компенсация тўловлари, истисно тариқасида, ундирилмайди.
5. Инвестициялар, саноат ва савдо вазирлиги Иқтисодиёт ва молия вазирлиги, Рақамли технологиялар вазирлиги, Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ, «Ўзсувтаъминот» АЖ ва Бухоро вилояти ҳокимлиги билан биргаликда «Ғиждувон» ЭИЗнинг янги ҳудудлари тасдиқланган бош режага асосан:
уч ой муддатда 2023-2024 йилларда муҳандислик-коммуникация ва йўл инфратузилмаси билан таъминлаш лозим бўлган объектлар рўйхатини шакллантирсин ва тасдиқласин;
2023 йил 1 апрелга қадар амалга ошириладиган объектларнинг лойиҳа ҳужжатларини ишлаб чиқсин ва ўрнатилган тартибда келишиш ишларини якунласин.
6. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар, саноат ва савдо вазири Л.Ш. Қудратов ҳамда Бухоро вилояти ҳокими Б.К. Зарипов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир А.Н. Арипов зиммасига юклансин.
Ўзбекистон Республикаси Президентининг 2023 йил 11 январдаги ПҚ-3-сон қарорига ИЛОВА
Бухоро вилоятининг Ғиждувон ва Ромитан туманлари ҳудудидаги қишлоқ хўжалигига мўлжалланган ерлар тоифасидан саноат, транспорт, алоқа ва бошқа мақсадларга мўлжалланган ерлар тоифасига ўтказиладиган ер участкалари
Т/р Ҳудудлар номи Ердан фойдаланувчи номи Контур рақами Жами ер участкаси, га Шундан: Тупроқ бонитет бали бўз ерлар, га яйлов ерлар, га бошқа ерлар, га Ғиждувон туманидан танланган ерлар 150,8 119,9 25,6 5,1 Х 1. «Барака» МФЙ ҳудуди «Она Ер Саховати» ф/х 940 1,83 1,77 0,06 48 941 2,50 2,33 0,17 48 938 1,0 1,0 48 1019 4,19 3,99 0,2 48 1020 3,82 3,17 0,65 48 1021 2,80 2,63 0,17 48 1014(1015) 9,31 9,27 0,04 48 1016(1017) 9,98 9,98 48 994(993) 7,37 7,34 0,03 48 995 3,49 3,43 0,06 48 996 4,0 3,94 0,06 48 2. «Барака» МФЙ ҳудуди «Ражаб Жасур Замини» ф/х 1044 4,16 4,01 0.15 38 1048 4,24 4,04 0,20 38 1051к 4,50 4,50 38 1045 2,09 2,01 0,08 39 1046 3,96 3,81 0,15 39 1047 3,80 3,61 0,19 39 1051к 4,0 4,0 38 1053 7,68 6,60 1,08 38 2. «Барака» МФЙ ҳудуди «Ражаб Жасур Замини» ф/х 1060 4,71 4,59 0,12 39 1062 4,42 4,29 0,13 39 1063 4,20 4,07 0,13 39 1061 4,38 4,26 0,12 39 1066 3,82 3,70 0,12 38 1068 4,15 4,03 0,12 39 1072 6,14 6,01 0,13 39 1057 3,41 3,32 0,09 38 1070 4,12 4,01 0,11 39 3. «Барака» МФЙ ҳудуди «Мухаммад Сардор» ф/х 723 1,19 1,16 0,03 39 724 2,97 2,85 0,12 39 725 1,05 0,95 0,10 39 728 9,31 8,99 0,32 39 729 3,24 3,15 0,09 34 720 3,50 3,43 0,07 39 719 5,53 5,39 0,14 39 Ромитан туманидан танланган ерлар 200,0 200,0 Х 4. «Қоқиштувон» МФЙ ҳудуди «Ўлмас Сардор» ф/х 4 50,0 50,0 7 28,0 28,0 «Чориқулбой» ф/х 10 35,0 35,0 96 40,0 40,0 102 25,0 25,0 «Асл Омад» ф/х 7 22,0 22,0 ЖАМИ: 350,8 119,9 225,6 5,1 Х
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 11 январь,
ПҚ-3-сон
Oʻzbekiston Respublikasi Prezidentining
Qarori
ROʻYXATI
“Gʻijduvon” erkin iqtisodiy zonasining hududini kengaytirish chora-tadbirlari toʻgʻrisida
Oʻzbekiston Respublikasi Prezidentining 2021-yil 17-noyabrdagi “Gʻijduvon” erkin iqtisodiy zonasi faoliyatini yanada takomillashtirish chora-tadbirlari toʻgʻrisida”gi PQ-13-son qaroriga muvofiq, “Gʻijduvon” erkin iqtisodiy zonasi hududini kengaytirish, zamonaviy texnologiyalarni joriy qilish, tadbirkorlar uchun qulay sharoitlar yaratish hamda import oʻrnini bosuvchi, eksportbop ishlab chiqarish quvvatlarini tashkil qilish maqsadida:
1. Buxoro viloyati hokimligi, Investitsiyalar, sanoat va savdo vazirligi, Qishloq xoʻjaligi vazirligi hamda Kadastr agentligining:
ilovaga muvofiq Gʻijduvon tumanidagi 150,8 gektar hamda Romitan tumanidagi 200 gektar qishloq xoʻjaligiga moʻljallangan boʻsh turgan yaylov va boʻz yer maydonlarini qishloq xoʻjaligiga moʻljallangan yerlar toifasidan sanoat, transport, aloqa va boshqa maqsadlarga moʻljallangan yerlar toifasiga oʻtkazish;
Gʻijduvon tumanidan 150,8 gektar va Romitan tumanidan 200 gektar, jami 350,8 gektar boʻsh yer uchastkalarini ajratish hisobiga “Gʻijduvon” erkin iqtisodiy zonasi hududini kengaytirish toʻgʻrisidagi takliflariga rozilik berilsin.
2. Buxoro viloyati hokimligi Qishloq xoʻjaligi vazirligi va Kadastr agentligi bilan birgalikda bir oy muddatda ushbu qaror talablaridan kelib chiqib davlat yer kadastri maʼlumotlariga tegishli oʻzgartirishlar kiritsin.
3. Buxoro viloyati hokimligi Qurilish va uy-joy kommunal xoʻjaligi vazirligi, Investitsiyalar, sanoat va savdo vazirligi bilan birgalikda “Gʻijduvon” erkin iqtisodiy zonasi direksiyasi” davlat unitar korxonasi mablagʻlari hisobiga bir oy muddatda “Gʻijduvon” erkin iqtisodiy zonasining yangi hududlari (keyingi oʻrinlarda — “Gʻijduvon” EIZning yangi hududlari) bosh rejasi ishlab chiqilishini va tasdiqlanishini taʼminlasin.
Bunda:
bosh reja loyihasini ishlab chiqish boʻyicha buyurtmachi etib “Gʻijduvon” erkin iqtisodiy zonasi direksiyasi” davlat unitar korxonasi belgilanadi;
bosh reja loyihasini ishlab chiqish Buxoro viloyati mahalliy budjeti mablagʻlari hamda Buxoro viloyati hokimligi huzuridagi Tadbirkorlik infratuzilmasini rivojlantirish jamgʻarmasi mablagʻlari hisobidan amalga oshiriladi;
bosh reja loyihasini ishlab chiqish boʻyicha loyiha tashkiloti tender (tanlov) savdolari natijasiga koʻra aniqlanadi.
4. Belgilansinki, “Gʻijduvon” EIZning yangi hududlarida:
investitsiya loyihalarini amalga oshirish uchun yer uchastkalarini ajratish Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq elektron onlayn-auksion savdolari orqali amalga oshiriladi;
infratuzilma obyektlarini qurish ishlarini moliyalashtirish Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qaroriga muvofiq amalga oshiriladi;
infratuzilma obyektlarini qurish-taʼmirlash ishlari boʻyicha buyurtmachi vazifasi Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qarorida belgilangan tashkilotlar tomonidan amalga oshiriladi;
qishloq xoʻjaligidan boshqa maqsadlarda foydalanish uchun ajratiladigan yerlarda qishloq xoʻjaligi ishlab chiqarishi nobudgarchiligining oʻrnini qoplash uchun kompensatsiya toʻlovlari, istisno tariqasida, undirilmaydi.
5. Investitsiyalar, sanoat va savdo vazirligi Iqtisodiyot va moliya vazirligi, Raqamli texnologiyalar vazirligi, Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ, “Oʻzsuvtaʼminot” AJ va Buxoro viloyati hokimligi bilan birgalikda “Gʻijduvon” EIZning yangi hududlari tasdiqlangan bosh rejaga asosan:
uch oy muddatda 2023-2024-yillarda muhandislik-kommunikatsiya va yoʻl infratuzilmasi bilan taʼminlash lozim boʻlgan obyektlar roʻyxatini shakllantirsin va tasdiqlasin;
2023-yil 1-aprelga qadar amalga oshiriladigan obyektlarning loyiha hujjatlarini ishlab chiqsin va oʻrnatilgan tartibda kelishish ishlarini yakunlasin.
6. Mazkur qarorning ijrosini samarali tashkil qilishga masʼul va shaxsiy javobgar etib investitsiyalar, sanoat va savdo vaziri L.Sh. Qudratov hamda Buxoro viloyati hokimi B.K. Zaripov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir A.N. Aripov zimmasiga yuklansin.
Oʻzbekiston Respublikasi Prezidentining 2023-yil 11-yanvardagi PQ-3-son qaroriga ILOVA
Buxoro viloyatining Gʻijduvon va Romitan tumanlari hududidagi qishloq xoʻjaligiga moʻljallangan yerlar toifasidan sanoat, transport, aloqa va boshqa maqsadlarga moʻljallangan yerlar toifasiga oʻtkaziladigan yer uchastkalari
T/r Hududlar nomi Yerdan foydalanuvchi nomi Kontur raqami Jami yer uchastkasi, ga Shundan: Tuproq bonitet bali boʻz yerlar, ga yaylov yerlar, ga boshqa yerlar, ga Gʻijduvon tumanidan tanlangan yerlar 150,8 119,9 25,6 5,1 X 1. “Baraka” MFY hududi “Ona Yer Saxovati” f/x 940 1,83 1,77 0,06 48 941 2,50 2,33 0,17 48 938 1,0 1,0 48 1019 4,19 3,99 0,2 48 1020 3,82 3,17 0,65 48 1021 2,80 2,63 0,17 48 1014(1015) 9,31 9,27 0,04 48 1016(1017) 9,98 9,98 48 994(993) 7,37 7,34 0,03 48 995 3,49 3,43 0,06 48 996 4,0 3,94 0,06 48 2. “Baraka” MFY hududi “Rajab Jasur Zamini” f/x 1044 4,16 4,01 0.15 38 1048 4,24 4,04 0,20 38 1051k 4,50 4,50 38 1045 2,09 2,01 0,08 39 1046 3,96 3,81 0,15 39 1047 3,80 3,61 0,19 39 1051k 4,0 4,0 38 1053 7,68 6,60 1,08 38 2. “Baraka” MFY hududi “Rajab Jasur Zamini” f/x 1060 4,71 4,59 0,12 39 1062 4,42 4,29 0,13 39 1063 4,20 4,07 0,13 39 1061 4,38 4,26 0,12 39 1066 3,82 3,70 0,12 38 1068 4,15 4,03 0,12 39 1072 6,14 6,01 0,13 39 1057 3,41 3,32 0,09 38 1070 4,12 4,01 0,11 39 3. “Baraka” MFY hududi “Muxammad Sardor” f/x 723 1,19 1,16 0,03 39 724 2,97 2,85 0,12 39 725 1,05 0,95 0,10 39 728 9,31 8,99 0,32 39 729 3,24 3,15 0,09 34 720 3,50 3,43 0,07 39 719 5,53 5,39 0,14 39 Romitan tumanidan tanlangan yerlar 200,0 200,0 X 4. “Qoqishtuvon” MFY hududi “Oʻlmas Sardor” f/x 4 50,0 50,0 7 28,0 28,0 “Choriqulboy” f/x 10 35,0 35,0 96 40,0 40,0 102 25,0 25,0 “Asl Omad” f/x 7 22,0 22,0 JAMI: 350,8 119,9 225,6 5,1 X
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 11-yanvar,
PQ-3-son
Президента Республики Узбекистан
Постановление
О мерах по расширению территории свободной экономической зоны «Гиждуван»
В соответствии с постановлением Президента Республики Узбекистан от 17 ноября 2021 года № ПП-13 «О мерах по дальнейшему совершенствованию деятельности свободной экономической зоны «Гиждуван» в целях расширения территории свободной экономической зоны «Гиждуван», внедрения современных технологий, создания благоприятных условий для предпринимателей, также организации импортозамещающих, экспортоориентированных производственных мощностей:
1. Согласиться с предложениями хокимията Бухарской области, Министерства инвестиций, промышленности и торговли, Министерства сельского хозяйства и Агентства по кадастру по:
переводу 150,8 гектара пустующих пастбищных и целинных земельных площадей в Гиждуванском районе, 200 гектаров — в Ромитанском районе из категории земель сельскохозяйственного назначения в категорию земель промышленности, транспорта, связи и иного назначения согласно приложению * ;
расширению территории свободной экономической зоны «Гиждуван» за счет выделения 150,8 гектара пустующих земельных участков в Гиждуванском районе и 200 гектаров — в Ромитанском районе, всего 350,8 гектара.
2. Хокимияту Бухарской области совместно с Министерством сельского хозяйства и Агентством по кадастру в месячный срок исходя из требований настоящего постановления внести соответствующие изменения в данные Государственного земельного кадастра.
3. Хокимияту Бухарской области совместно с Министерством строительства и жилищно-коммунального хозяйства, Министерством инвестиций, промышленности и торговли в месячный срок обеспечить разработку и утверждение генерального плана новых территорий свободной экономической зоны «Гиждуван» (далее — новые территории СЭЗ «Гиждуван») за счет средств Государственного унитарного предприятия «Дирекция свободной экономической зоны «Гиждуван».
При этом:
заказчиком разработки проекта генерального плана определяется Государственное унитарное предприятие «Дирекция свободной экономической зоны «Гиждуван»;
разработка проекта генерального плана осуществляется за счет средств местного бюджета Бухарской области, а также Фонда развития предпринимательской инфраструктуры при хокимияте Бухарской области;
проектная организация по разработке проекта генерального плана определяется по результатам тендерных (конкурсных) торгов.
4. Установить, что на новых территориях СЭЗ «Гиждуван»:
выделение земельных участков для реализации инвестиционных проектов осуществляется посредством электронных онлайн-аукционных торгов в соответствии с Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон»;
финансирование работ по строительству инфраструктурных объектов осуществляется в соответствии с постановлением Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах»;
задачи заказчика работ по строительству и ремонту инфраструктурных объектов осуществляются организациями, определенными в постановлении Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон»;
компенсационные выплаты по возмещению потерь сельскохозяйственного производства на землях, выделяемых для использования в несельскохозяйственных целях, в порядке исключения не взимаются.
5. Министерству инвестиций, промышленности и торговли совместно с Министерством экономики и финансов, Министерством цифровых технологий, Комитетом по автомобильным дорогам, АО «Худудий электр тармоклари», АО «Худудгазтаминот», АО «Узсувтаъминот» и хокимиятом Бухарской области на основании утвержденного генерального плана новых территорий СЭЗ «Гиждуван»:
в трехмесячный срок сформировать и утвердить перечень объектов, подлежащих обеспечению инженерно-коммуникационной и дорожной инфраструктурой в 2023-2024 годах;
в срок до 1 апреля 2023 года разработать и завершить в установленном порядке работы по согласованию проектной документации строящихся объектов.
6. Возложить на министра инвестиций, промышленности и торговли Л.Ш. Кудратова и хокима Бухарской области Б.К. Зарипова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра А.Н. Арипова.
Президент Республики Узбекистан Ш. МИРЗИЁЕВ
г. Ташкент,
11 января 2023 г.,
№ ПП-3