📅 2023-yil 16-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 16 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 16 января 2023 г. · Указы Президента
Официальный текст. Официальный документ. Редакционные примечания не включены.
📅 16 January 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАВСИФИ
ТУЗИЛМАСИ
Одил судлов фаолиятини амалга оширишни самарали ташкил этиш бўйича қўшимча чора-тадбирлар тўғрисида
Ўзбекистон Республикаси Президентининг 2023 йил 16 январдаги «Одил судловга эришиш имкониятларини янада кенгайтириш ва судлар фаолияти самарадорлигини оширишга доир қўшимча чора-тадбирлар тўғрисида»ги ПФ-11-сон Фармони ижросини самарали таъминлаш мақсадида:
1. Бош прокурор (Н. Йўлдошев):
Рақамли технологиялар вазирлиги билан биргаликда бюджетдан ташқари маблағлар ҳисобидан Одил судловни амалга оширишга кўмаклашиш бўйича ихтисослашган прокурорлар корпуси (кейинги ўринларда — Ихтисослашган прокурорлар корпуси) фаолиятида 2023 йил 1 сентябрга қадар «Судларда прокурор иштироки» ахборот тизимини яратиб, дастлаб синов тарзида ишга туширсин ҳамда 2024 йилдан амалиётга тўлиқ жорий этсин;
Олий суд билан биргаликда 2023 йил 1 июлдан Бош прокуратура ва Олий суд ахборот тизимларини интеграция қилиш йўли билан ўзаро ҳужжат алмашинувини тўлиқ йўлга қўйсин.
2. Ўзбекистон Республикаси Олий судининг эмблемаси намунаси 1-иловага мувофиқ тасдиқлансин.
Белгилансинки, эмблемани тайёрлаш ва сақлаш ҳамда ундан фойдаланиш тартиби Олий суд раиси томонидан тасдиқланади.
3. Одил судлов фаолиятини амалга ошириш учун жалб этилган ресурслардан самарали фойдаланилишини таъминлаш мақсадида Олий суд Судьялар олий кенгаши, Бош прокуратура ва Адлия вазирлиги билан биргаликда икки ой муддатда:
илғор хорижий тажрибадан келиб чиққан ҳолда айрим тоифадаги фуқаролик, иқтисодий ва маъмурий ҳуқуқбузарлик тўғрисидаги ишларни кўриш ваколатини тегишлилиги бўйича маъмурий органларга ўтказиш;
айрим тоифадаги жиноят, фуқаролик, иқтисодий ва маъмурий ҳуқуқбузарлик тўғрисидаги ишларни қуйи инстанция судларининг ўзида якунлаш тартибини белгилаш;
фуқаролик ва иқтисодий ишлар бўйича тарафларни келиштириш ва медиация институтини кенг жорий этиш бўйича асослантирилган таклифларни ишлаб чиқсин ва белгиланган тартибда Ўзбекистон Республикаси Президенти Администрациясига киритилишини таъминласин.
Олий суд Судьялар олий кенгаши ҳамда Иқтисодиёт ва молия вазирлиги билан биргаликда 2023 йил 1 июлга қадар ушбу бандда назарда тутилган янги механизмлар жорий этилиши натижасида иш юкламаси мақбуллаштирилган судларнинг штат бирликларини самарали тақсимлаш бўйича асослантирилган таклифларни Ўзбекистон Республикаси Президенти Администрациясига киритилишини таъминласин.
4. Бош прокурор (Н. Йўлдошев) Иқтисодиёт ва молия вазирлиги билан биргаликда икки ой муддатда илғор хорижий тажрибани ҳамда судларда кўриладиган иш ҳажмини инобатга олиб, айрим йўналишларда прокурор назоратини қисқартириш, шунингдек, Бош прокуратура ҳузуридаги ташкилотлар штат бирликларини мақбуллаштириш ҳисобидан Ихтисослашган прокурорлар корпуси штат бирликлари сонини кўпайтириш бўйича таклифларни Ўзбекистон Республикаси Президенти Администрациясига киритсин.
5. Ихтисослашган прокурорлар корпуси ходимлари ўз фаолиятини самарали амалга оширишлари учун Олий суд (Б. Исламов) суд биноларида алоҳида хизмат хоналари ажратилишини, Бош прокурор (Н. Йўлдошев) мазкур хоналарнинг жиҳозланишини таъминлаш чораларини кўрсин.
6. Рақамли технологиялар вазирлиги (Ш. Шерматов):
доимий равишда суд ҳокимияти органлари фаолиятини рақамлаштириш бўйича белгиланган вазифаларнинг ўз вақтида ва сифатли ижро этилишига кўмаклашиб борсин;
Олий суд (Б. Исламов) билан биргаликда ҳар чоракда Ўзбекистон Республикаси Президентининг 2020 йил 3 сентябрдаги «Суд ҳокимияти органлари фаолиятини рақамлаштириш чора-тадбирлари тўғрисида»ги ПҚ-4818-сон қарори ижросини мониторинг қилсин.
7. Ўзбекистон Республикаси Президентининг айрим ҳужжатларига 2-иловага мувофиқ ўзгартиш ва қўшимчалар киритилсин.
8. Олий суд манфаатдор идоралар билан биргаликда уч ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида таклифлар киритсин.
9. Мазкур Фармон ижросини самарали ташкил қилишга масъул ва шахсий жавобгар этиб Олий суд раиси Б. Исламов ҳамда Бош прокурор Н. Йўлдошев белгилансин.
Фармон ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Президенти Администрацияси раҳбари С.У. Умурзаков зиммасига юклансин.
Ўзбекистон Республикаси Президентининг 2023 йил 16 январдаги ПФ-12-сон Фармонига 1-ИЛОВА
Ўзбекистон Республикаси Олий судининг эмблемаси
Ўзбекистон Республикаси Олий судининг эмблемаси (кейинги ўринларда — эмблема) қуйидаги кўринишга эга: унинг марказида Ўзбекистон Республикаси харитаси, адолат тарозиси, китоб тасвирланган бўлиб, ўнг ва чап томонларида судьяларнинг махсус кийимидаги нишон рамзлари ва нақшлари акс эттирилган. Эмблема саккизбурчак шаклда бўлиб, ички қисми эса доирасимон шаклда тасвирланган. Доиранинг устки қисмида айланаси бўйлаб «OʻZBEKISTON RESPUBLIKASI» сўзлари, пастки қисмида айланаси бўйлаб «OLIY SUDI» сўзлари ёзилган. Ёзувлар нишонлар ва нақш безаклари билан ажратилган.
Эмблема донолик, улуғворлик ва юксакликни ифода этувчи олтин, оқ, тўқ кўк, оч яшил ва оч кўк ранглар кўринишида акс эттирилган. Саккизбурчак, доиранинг нақшлари, ундаги сўзлар, адолат тарозиси — олтин рангида, китоб — олтин зарҳал билан ҳошияланган ҳолда оқ рангда, Ўзбекистон Республикаси харитаси оч яшил ва оч кўк рангда, доиранинг ички қисми олтин зарҳал билан ҳошияланган ҳолда оч яшил ва оч кўк рангда, доиранинг айлана ён қисмлари — олтин зарҳал билан ҳошияланган ҳолда тўқ кўк рангда тасвирланган.
Доиранинг марказидаги харита — Ўзбекистон Республикасини ҳудудини англатади. Марказдаги тарози одиллик мезонини англатиб турувчи рамз маъносида, китоб эса, судьялар одил судловни фақат Конституция ва қонунларга қатъий риоя қилган ҳолда амалга оширишини ифодалайди. Доиранинг икки ён четининг ўртасида судьяларнинг махсус кийимида акс эттирилган нишон рамзи туширилган. Нишон — Ўзбекистон Республикаси гербида тасвирланган саккизбурчак билан бойитилган доирадан иборат. Икки томон нишоннинг орқа ва пастки қисмларида миллийликни ифодаловчи айланаси бўйлаб нақш безаклари тасвирланган.
Ўзбекистон Республикаси Президентининг 2023 йил 16 январдаги ПФ-12-сон Фармонига 2-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 21 февралдаги «Ўзбекистон Республикаси суд тизими тузилмасини тубдан такомиллаштириш ва фаолияти самарадорлигини ошириш чора-тадбирлари тўғрисида»ги ПФ-4966-сон Фармони 9-бандида :
а) учинчи хатбошидаги «200» рақами «208» рақами билан алмаштирилсин;
б) бешинчи хатбошидаги «216» рақами «207» рақами билан алмаштирилсин.
2. Ўзбекистон Республикаси Президентининг 2020 йил 24 июлдаги «Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида»ги ПФ-6034-сон Фармонида :
а) 4-банд «а» кичик бандининг учинчи ва тўртинчи хатбошилари қуйидаги таҳрирда баён этилсин:
«Одил судлов соҳасидаги қонунчиликни таҳлил қилиш департаменти;
Жамоатчилик билан ҳамкорлик маркази»;
б) 5-банднинг иккинчи хатбошисидаги «Суд-ҳуқуқ соҳасидаги қонунчиликни таҳлил қилиш бошқармасини» сўзлари «Одил судлов соҳасидаги қонунчиликни таҳлил қилиш департаментини» сўзлари билан алмаштирилсин;
в) 6-банднинг биринчи хатбошиси «аппарати раҳбари,» сўзларидан кейин «Департамент директори ва» сўзлари билан тўлдирилсин;
г) 1-илова қуйидаги таҳрирда баён этилсин:
«Ўзбекистон Республикаси Президентининг 2020 йил 24 июлдаги ПФ-6034-сон Фармонига 1-ИЛОВА
Ўзбекистон Республикаси Олий судининг
Раис Раис котибияти (маслаҳатчи, бош консультант, катта консультант) 3 Раиснинг биринчи ўринбосари — маъмурий ишлар бўйича судлов ҳайъати раиси Раис ўринбосари — фуқаролик ишлари бўйича судлов ҳайъати раиси Раис ўринбосари — жиноят ишлари бўйича судлов ҳайъати раиси Раис ўринбосари — иқтисодий ишлар бўйича судлов ҳайъати раиси Пленум котиби Одил судлов соҳасидаги қонунчиликни таҳлил қилиш департаменти 16 Маъмурий ишлар бўйича судлов ҳайъати 12 Фуқаролик ишлари бўйича судлов ҳайъати 20 Жиноят ишлари бўйича судлов ҳайъати 22 Иқтисодий ишлар бўйича судлов ҳайъати 14 Олий суд ҳузуридаги Судлар фаолиятини таъминлаш департаменти ва унинг ҳудудий бўлимлари 68 Ҳайъат котибияти 6 Ҳайъат котибияти 12 Ҳайъат котибияти 15 Ҳайъат котибияти 7 «Ўзбекистон Республикаси Олий суди Ахборотномаси» ҳамда «Куч адолатда» газетасининг бирлашган таҳририяти Ижро аппарати Аппарат раҳбари Кадрлар бошқармаси 10 Мурожаатлар билан ишлаш бошқармаси 14 Ахборот-коммуникация технологияларини жорий қилиш ва ахборот хавфсизлигини таъминлаш бошқармаси 10 Жамоатчилик билан ҳамкорлик маркази 6 Биринчи бўлим 1 Ишлар бошқармаси 11 Ташкилий-назорат бошқармаси 15 Бухгалтерия 4 Халқаро-ҳуқуқий бўлим 4
д) 3-иловадаги «216» рақами «207» рақами билан алмаштирилсин.
3. Ўзбекистон Республикаси Президентининг 2021 йил 13 январдаги «Суд органлари фаолиятини молиялаштириш тизимини тубдан такомиллаштириш чора-тадбирлари тўғрисида»ги ПФ-6134-сон Фармонига 3-илованинг «Лавозимлар номи» устунида:
а) «Суд аппарати раҳбари» сўзларидан кейин «, Департамент директори» сўзлари билан тўлдирилсин;
б) «Бошқарма бошлиғи» сўзларидан кейин «, Департамент директорининг ўринбосари» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 16 январь,
ПФ-12-сон
Oʻzbekiston Respublikasi Prezidentining
Farmoni
TAVSIFI
TUZILMASI
Odil sudlov faoliyatini amalga oshirishni samarali tashkil etish boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining 2023-yil 16-yanvardagi “Odil sudlovga erishish imkoniyatlarini yanada kengaytirish va sudlar faoliyati samaradorligini oshirishga doir qoʻshimcha chora-tadbirlar toʻgʻrisida”gi PF-11-son Farmoni ijrosini samarali taʼminlash maqsadida:
1. Bosh prokuror (N. Yoʻldoshev):
Raqamli texnologiyalar vazirligi bilan birgalikda budjetdan tashqari mablagʻlar hisobidan Odil sudlovni amalga oshirishga koʻmaklashish boʻyicha ixtisoslashgan prokurorlar korpusi (keyingi oʻrinlarda — Ixtisoslashgan prokurorlar korpusi) faoliyatida 2023-yil 1-sentabrga qadar “Sudlarda prokuror ishtiroki” axborot tizimini yaratib, dastlab sinov tarzida ishga tushirsin hamda 2024-yildan amaliyotga toʻliq joriy etsin;
Oliy sud bilan birgalikda 2023-yil 1-iyuldan Bosh prokuratura va Oliy sud axborot tizimlarini integratsiya qilish yoʻli bilan oʻzaro hujjat almashinuvini toʻliq yoʻlga qoʻysin.
2. Oʻzbekiston Respublikasi Oliy sudining emblemasi namunasi 1-ilovaga muvofiq tasdiqlansin.
Belgilansinki, emblemani tayyorlash va saqlash hamda undan foydalanish tartibi Oliy sud raisi tomonidan tasdiqlanadi.
3. Odil sudlov faoliyatini amalga oshirish uchun jalb etilgan resurslardan samarali foydalanilishini taʼminlash maqsadida Oliy sud Sudyalar oliy kengashi, Bosh prokuratura va Adliya vazirligi bilan birgalikda ikki oy muddatda:
ilgʻor xorijiy tajribadan kelib chiqqan holda ayrim toifadagi fuqarolik, iqtisodiy va maʼmuriy huquqbuzarlik toʻgʻrisidagi ishlarni koʻrish vakolatini tegishliligi boʻyicha maʼmuriy organlarga oʻtkazish;
ayrim toifadagi jinoyat, fuqarolik, iqtisodiy va maʼmuriy huquqbuzarlik toʻgʻrisidagi ishlarni quyi instansiya sudlarining oʻzida yakunlash tartibini belgilash;
fuqarolik va iqtisodiy ishlar boʻyicha taraflarni kelishtirish va mediatsiya institutini keng joriy etish boʻyicha asoslantirilgan takliflarni ishlab chiqsin va belgilangan tartibda Oʻzbekiston Respublikasi Prezidenti Administratsiyasiga kiritilishini taʼminlasin.
Oliy sud Sudyalar oliy kengashi hamda Iqtisodiyot va moliya vazirligi bilan birgalikda 2023-yil 1-iyulga qadar ushbu bandda nazarda tutilgan yangi mexanizmlar joriy etilishi natijasida ish yuklamasi maqbullashtirilgan sudlarning shtat birliklarini samarali taqsimlash boʻyicha asoslantirilgan takliflarni Oʻzbekiston Respublikasi Prezidenti Administratsiyasiga kiritilishini taʼminlasin.
4. Bosh prokuror (N. Yoʻldoshev) Iqtisodiyot va moliya vazirligi bilan birgalikda ikki oy muddatda ilgʻor xorijiy tajribani hamda sudlarda koʻriladigan ish hajmini inobatga olib, ayrim yoʻnalishlarda prokuror nazoratini qisqartirish, shuningdek, Bosh prokuratura huzuridagi tashkilotlar shtat birliklarini maqbullashtirish hisobidan Ixtisoslashgan prokurorlar korpusi shtat birliklari sonini koʻpaytirish boʻyicha takliflarni Oʻzbekiston Respublikasi Prezidenti Administratsiyasiga kiritsin.
5. Ixtisoslashgan prokurorlar korpusi xodimlari oʻz faoliyatini samarali amalga oshirishlari uchun Oliy sud (B. Islamov) sud binolarida alohida xizmat xonalari ajratilishini, Bosh prokuror (N. Yoʻldoshev) mazkur xonalarning jihozlanishini taʼminlash choralarini koʻrsin.
6. Raqamli texnologiyalar vazirligi (Sh. Shermatov):
doimiy ravishda sud hokimiyati organlari faoliyatini raqamlashtirish boʻyicha belgilangan vazifalarning oʻz vaqtida va sifatli ijro etilishiga koʻmaklashib borsin;
Oliy sud (B. Islamov) bilan birgalikda har chorakda Oʻzbekiston Respublikasi Prezidentining 2020-yil 3-sentabrdagi “Sud hokimiyati organlari faoliyatini raqamlashtirish chora-tadbirlari toʻgʻrisida”gi PQ-4818-son qarori ijrosini monitoring qilsin.
7. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartish va qoʻshimchalar kiritilsin.
8. Oliy sud manfaatdor idoralar bilan birgalikda uch oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.
9. Mazkur Farmon ijrosini samarali tashkil qilishga masʼul va shaxsiy javobgar etib Oliy sud raisi B. Islamov hamda Bosh prokuror N. Yoʻldoshev belgilansin.
Farmon ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Prezidenti Administratsiyasi rahbari S.U. Umurzakov zimmasiga yuklansin.
Oʻzbekiston Respublikasi Prezidentining 2023-yil 16-yanvardagi PF-12-son Farmoniga 1-ILOVA
Oʻzbekiston Respublikasi Oliy sudining emblemasi
Oʻzbekiston Respublikasi Oliy sudining emblemasi (keyingi oʻrinlarda — emblema) quyidagi koʻrinishga ega: uning markazida Oʻzbekiston Respublikasi xaritasi, adolat tarozisi, kitob tasvirlangan boʻlib, oʻng va chap tomonlarida sudyalarning maxsus kiyimidagi nishon ramzlari va naqshlari aks ettirilgan. Emblema sakkizburchak shaklda boʻlib, ichki qismi esa doirasimon shaklda tasvirlangan. Doiraning ustki qismida aylanasi boʻylab “OʻZBEKISTON RESPUBLIKASI” soʻzlari, pastki qismida aylanasi boʻylab “OLIY SUDI” soʻzlari yozilgan. Yozuvlar nishonlar va naqsh bezaklari bilan ajratilgan.
Emblema donolik, ulugʻvorlik va yuksaklikni ifoda etuvchi oltin, oq, toʻq koʻk, och yashil va och koʻk ranglar koʻrinishida aks ettirilgan. Sakkizburchak, doiraning naqshlari, undagi soʻzlar, adolat tarozisi — oltin rangida, kitob — oltin zarhal bilan hoshiyalangan holda oq rangda, Oʻzbekiston Respublikasi xaritasi och yashil va och koʻk rangda, doiraning ichki qismi oltin zarhal bilan hoshiyalangan holda och yashil va och koʻk rangda, doiraning aylana yon qismlari — oltin zarhal bilan hoshiyalangan holda toʻq koʻk rangda tasvirlangan.
Doiraning markazidagi xarita — Oʻzbekiston Respublikasini hududini anglatadi. Markazdagi tarozi odillik mezonini anglatib turuvchi ramz maʼnosida, kitob esa, sudyalar odil sudlovni faqat Konstitutsiya va qonunlarga qatʼiy rioya qilgan holda amalga oshirishini ifodalaydi. Doiraning ikki yon chetining oʻrtasida sudyalarning maxsus kiyimida aks ettirilgan nishon ramzi tushirilgan. Nishon — Oʻzbekiston Respublikasi gerbida tasvirlangan sakkizburchak bilan boyitilgan doiradan iborat. Ikki tomon nishonning orqa va pastki qismlarida milliylikni ifodalovchi aylanasi boʻylab naqsh bezaklari tasvirlangan.
Oʻzbekiston Respublikasi Prezidentining 2023-yil 16-yanvardagi PF-12-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 21-fevraldagi “Oʻzbekiston Respublikasi sud tizimi tuzilmasini tubdan takomillashtirish va faoliyati samaradorligini oshirish chora-tadbirlari toʻgʻrisida”gi PF-4966-son Farmoni 9-bandida :
a) uchinchi xatboshidagi “200” raqami “208” raqami bilan almashtirilsin;
b) beshinchi xatboshidagi “216” raqami “207” raqami bilan almashtirilsin.
2. Oʻzbekiston Respublikasi Prezidentining 2020-yil 24-iyuldagi “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi PF-6034-son Farmonida :
a) 4-band “a” kichik bandining uchinchi va toʻrtinchi xatboshilari quyidagi tahrirda bayon etilsin:
“Odil sudlov sohasidagi qonunchilikni tahlil qilish departamenti;
Jamoatchilik bilan hamkorlik markazi”;
b) 5-bandning ikkinchi xatboshisidagi “Sud-huquq sohasidagi qonunchilikni tahlil qilish boshqarmasini” soʻzlari “Odil sudlov sohasidagi qonunchilikni tahlil qilish departamentini” soʻzlari bilan almashtirilsin;
v) 6-bandning birinchi xatboshisi “apparati rahbari,” soʻzlaridan keyin “Departament direktori va” soʻzlari bilan toʻldirilsin;
g) 1-ilova quyidagi tahrirda bayon etilsin:
“Oʻzbekiston Respublikasi Prezidentining 2020-yil 24-iyuldagi PF-6034-son Farmoniga 1-ILOVA
Oʻzbekiston Respublikasi Oliy sudining
Rais Rais kotibiyati (maslahatchi, bosh konsultant, katta konsultant) 3 Raisning birinchi oʻrinbosari — maʼmuriy ishlar boʻyicha sudlov hayʼati raisi Rais oʻrinbosari — fuqarolik ishlari boʻyicha sudlov hayʼati raisi Rais oʻrinbosari — jinoyat ishlari boʻyicha sudlov hayʼati raisi Rais oʻrinbosari — iqtisodiy ishlar boʻyicha sudlov hayʼati raisi Plenum kotibi Odil sudlov sohasidagi qonunchilikni tahlil qilish departamenti 16 Maʼmuriy ishlar boʻyicha sudlov hayʼati 12 Fuqarolik ishlari boʻyicha sudlov hayʼati 20 Jinoyat ishlari boʻyicha sudlov hayʼati 22 Iqtisodiy ishlar boʻyicha sudlov hayʼati 14 Oliy sud huzuridagi Sudlar faoliyatini taʼminlash departamenti va uning hududiy boʻlimlari 68 Hayʼat kotibiyati 6 Hayʼat kotibiyati 12 Hayʼat kotibiyati 15 Hayʼat kotibiyati 7 “Oʻzbekiston Respublikasi Oliy sudi Axborotnomasi” hamda “Kuch adolatda” gazetasining birlashgan tahririyati Ijro apparati Apparat rahbari Kadrlar boshqarmasi 10 Murojaatlar bilan ishlash boshqarmasi 14 Axborot-kommunikatsiya texnologiyalarini joriy qilish va axborot xavfsizligini taʼminlash boshqarmasi 10 Jamoatchilik bilan hamkorlik markazi 6 Birinchi boʻlim 1 Ishlar boshqarmasi 11 Tashkiliy-nazorat boshqarmasi 15 Buxgalteriya 4 Xalqaro-huquqiy boʻlim 4
d) 3-ilovadagi “216” raqami “207” raqami bilan almashtirilsin.
3. Oʻzbekiston Respublikasi Prezidentining 2021-yil 13-yanvardagi “Sud organlari faoliyatini moliyalashtirish tizimini tubdan takomillashtirish chora-tadbirlari toʻgʻrisida”gi PF-6134-son Farmoniga 3-ilovaning “Lavozimlar nomi” ustunida:
a) “Sud apparati rahbari” soʻzlaridan keyin “, Departament direktori” soʻzlari bilan toʻldirilsin;
b) “Boshqarma boshligʻi” soʻzlaridan keyin “, Departament direktorining oʻrinbosari” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 16-yanvar,
PF-12-son
Президента Республики Узбекистан
Указ
ОПИСАНИЕ
СТРУКТУРА
О дополнительных мерах эффективной организации деятельности по отправлению правосудия
В целях эффективного обеспечения исполнения Указа Президента Республики Узбекистан от 16 января 2023 года № УП-11 «О дополнительных мерах по дальнейшему расширению доступа к правосудию и повышению эффективности деятельности судов»:
1. Генеральному прокурору (Н. Йулдошев):
совместно с Министерством цифровых технологий за счет внебюджетных средств до 1 сентября 2023 года создать и запустить в порядке предварительного эксперимента информационную систему «Участие прокурора в судах» в деятельности Корпуса специализированных прокуроров по оказанию содействия в отправлении правосудия (далее — Корпус специализированных прокуроров), с 2024 года — полностью внедрить в практику;
совместно с Верховным судом с 1 июля 2023 года полностью наладить взаимный документооборот путем интеграции информационных систем Генеральной прокуратуры и Верховного суда.
2. Утвердить образец эмблемы Верховного суда Республики Узбекистан согласно приложению № 1 .
Установить, что порядок изготовления, хранения и использования эмблемы утверждается председателем Верховного суда.
3. Верховному суду совместно с Высшим судейским советом, Генеральной прокуратурой и Министерством юстиции в целях обеспечения эффективного использования ресурсов, привлеченных для осуществления деятельности по отправлению правосудия, в двухмесячный срок разработать и обеспечить внесение в Администрацию Президента Республики Узбекистан в установленном порядке обоснованных предложений по:
передаче полномочий по рассмотрению некоторых категорий гражданских, экономических дел и дел об административном правонарушении исходя из передового зарубежного опыта административным органам по подведомственности;
определению порядка завершения некоторых категорий уголовных, гражданских, экономических дел и дел об административном правонарушении в судах нижестоящей инстанции;
широкому внедрению института примирения сторон и медиации по гражданским и экономическим делам.
Верховному суду совместно с Высшим судейским советом, Министерством экономики и финансов в срок до 1 июля 2023 года обеспечить внесение в Администрацию Президента Республики Узбекистан обоснованных предложений по эффективному распределению штатных единиц судов с оптимизированной рабочей нагрузкой в результате внедрения новых механизмов, предусмотренных в данном пункте.
4. Генеральному прокурору (Н. Йулдошев) совместно с Министерством экономики и финансов в двухмесячный срок, исходя из передового зарубежного опыта и объема дел, рассматриваемых в судах, внести в Администрацию Президента Республики Узбекистан предложения по увеличению количества штатных единиц Корпуса специализированных прокуроров за счет сокращения прокурорского надзора в некоторых направлениях, а также оптимизации штатных единиц организаций при Генеральной прокуратуре.
5. Верховному суду (Б. Исламов) принять меры по выделению отдельных служебных помещений в зданиях судов для эффективного осуществления деятельности работниками Корпуса специализированных прокуроров, Генеральному прокурору (Н. Йулдошев) — по обеспечению оснащения данных помещений.
6. Министерству цифровых технологий (Ш. Шерматов):
оказывать постоянное содействие своевременному и качественному исполнению определенных задач по цифровизации деятельности органов судебной власти;
совместно с Верховным судом (Б. Исламов) ежеквартально проводить мониторинг исполнения постановления Президента Республики Узбекистан от 3 сентября 2020 года № ПП-4818 «О мерах по цифровизации деятельности органов судебной власти».
7. Внести изменения и дополнения в некоторые акты Президента Республики Узбекистан согласно приложению № 2 .
8. Верховному суду совместно с заинтересованными ведомствами в трехмесячный срок внести предложения об изменениях и дополнениях в акты законодательства, вытекающих из настоящего Указа.
9. Возложить на председателя Верховного суда Б. Исламова и Генерального прокурора Н. Йулдошева персональную ответственность за эффективную организацию исполнения настоящего Указа.
Контроль за исполнением настоящего Указа и осуществление координации деятельности организаций, ответственных за его исполнение, возложить на руководителя Администрации Президента Республики Узбекистан С.У. Умурзакова.
ПРИЛОЖЕНИЕ № 1 к Указу Президента Республики Узбекистан от 16 января 2023 года № УП-12
эмблемы Верховного суда Республики Узбекистан
Эмблема Верховного суда Республики Узбекистан (далее — эмблема) представляет собой изображение, в центре которого находятся карта Республики Узбекистан, весы справедливости и книга, с правой и с левой сторон отражены знаки и символы со специальной одежды судей. Эмблема имеет форму восьмигранника, а ее внутренняя часть представлена в виде окружности. В верхней части окружности имеется надпись «OʻZBEKISTON RESPUBLIKASI», а в нижней части — «OLIY SUDI». Надписи разделены значками и узорными украшениями.
Эмблема изображается в виде золотого, белого, темно-синего, светло-зеленого и светло-синего цветов, которые олицетворяют мудрость и величие. Восьмигранник, узоры окружности, а также надписи, весы справедливости изображены в цвете золота, книга — белого цвета и обрамлена золотистой каймой, карта Республики Узбекистан в светло-зеленом и светло-синем цвете, фон изображения внутри окружности — светло-зеленого и светло-синего цветов, внутренняя часть окружности обрамлена золотистой каймой и имеет темно-синий цвет.
Карта в центре окружности означает территорию Республики Узбекистан. Весы в центре олицетворяют символ критерия правосудия, а книга — принцип того, что правосудие в Республике Узбекистан осуществляется судьями строго в соответствии с Конституцией и законами. Посередине правой и левой сторон окружности находятся символы со специальной одежды судей. Знак представляет собой окружность, в которой расположен восьмигранник, изображенный на Гербе Республики Узбекистан. На верхней и нижней частях обеих сторон вокруг окружности изображены узорные украшения, олицетворяющие национальную самобытность.
ПРИЛОЖЕНИЕ № 2 к Указу Президента Республики Узбекистан от 16 января 2023 года № УП-12
Изменения и дополнения, вносимые в некоторые акты Президента Республики Узбекистан
1. В пункте 9 Указа Президента Республики Узбекистан от 21 февраля 2017 года № УП-4966 «О мерах по коренному совершенствованию структуры и повышению эффективности деятельности судебной системы Республики Узбекистан»:
а) в абзаце третьем цифру «200» заменить цифрой «208»;
б) в абзаце пятом цифру «216» заменить цифрой «207».
2. В Указе Президента Республики Узбекистан от 24 июля 2020 года № УП-6034 «О дополнительных мерах по дальнейшему совершенствованию деятельности судов и повышению эффективности правосудия»:
а) абзацы третий и четвертый подпункта «а» пункта 4 изложить в следующей редакции:
«Департамент анализа законодательства в сфере правосудия;
Центр по взаимодействию с общественностью»;
б) в абзаце втором пункта 5 слова «Управления анализа законодательства в судебно-правовой сфере» заменить словами «Департамента анализа законодательства в сфере правосудия»;
в) абзац первый пункта 6 после слов «руководителя аппарата» дополнить словами «, директора Департамента»;
г) приложение № 1 изложить в следующей редакции:
«ПРИЛОЖЕНИЕ № 1 к Указу Президента Республики Узбекистан от 24 июля 2020 года № УП-6034
Верховного суда Республики Узбекистан
Председатель Секретариат председателя (советник, главный консультант, старший консультант) 3 Первый заместитель председателя — председатель судебной коллегии по административным делам Заместитель председателя — председатель судебной коллегии по гражданским делам Заместитель председателя — председатель судебной коллегии по уголовным делам Заместитель председателя — председатель судебной коллегии по экономическим делам Секретарь Пленума Департамент анализа законодательства в сфере правосудия 16 Судебная коллегия по административным делам 12 Судебная коллегия по гражданским делам 20 Судебная коллегия по уголовным делам 22 Судебная коллегия по экономическим делам 14 Департамент по обеспечению деятельности судов при Верховном суде и его территориальные отделы 68 Секретариат коллегии 6 Секретариат коллегии 12 Секретариат коллегии 15 Секретариат коллегии 7 Объединенная редакция «Бюллетеня Верховного суда Республики Узбекистан» и газеты «Куч адолатда» Исполнительный аппарат Руководитель аппарата Управление кадров 10 Управление по работе с обращениями 14 Управление по внедрению информационно-коммуникационных технологий и обеспечению информационной безопасности 10 Центр по взаимодействию с общественностью 6 Первый отдел 1 Управление делами 11 Организационно-контрольное управление 15 Бухгалтерия 4 Международно-правовой отдел 4
д) в приложении № 3 цифру «216» заменить цифрой «207».
3. В графе «Наименование должности» приложения № 3 к Указу Президента Республики Узбекистан от 13 января 2021 года № УП-6134 «О мерах по коренному совершенствованию системы финансирования деятельности судебных органов»:
а) после слов «Руководитель аппарата суда» дополнить словами «, директор Департамента»;
б) после слов «Начальник управления» дополнить словами «, заместитель директора Департамента».
Президент Республики Узбекистан Ш. МИРЗИЁЕВ
г. Ташкент,
16 января 2023 г.,
№ УП-12