📅 2022-yil 22-dekabr · Vazirlik va idoralar hujjatlari · Transport vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 22 декабрь · Вазирлик ва идоралар ҳужжатлари · Транспорт вазири
Расмий матн. Расмий ҳужжат. Таҳририй изоҳлар киритилмаган.
📅 22 декабря 2022 г. · Документы министерств и ведомств · Министр транспорта
Официальный текст. Официальный документ. Редакционные примечания не включены.
📅 22 December 2022 · Ministry and agency documents · Transport vaziri
Official text. Official document. Editorial notes are not included.
Ўзбекистон Республикаси Транспорт вазирининг
буйруғи
Ўзбекистон Республикасининг «Хавфли юкларни ҳаво транспортида ташиш қоидалари»га (ЎзР АҚ-198) ўзгартиришлар киритиш тўғрисида
Ўзбекистон Республикаси фуқаро авиацияси фаолиятини тартибга солувчи норматив-ҳуқуқий ҳужжатларни Халқаро фуқаро авиацияси ташкилотининг (ИКАО) стандартлари ва тавсияларини инобатга олган ҳолда такомиллаштириш мақсадида ҳамда Ўзбекистон Республикасининг «Стандартлаштириш тўғрисида»ги Қонунига мувофиқ буюраман:
1. Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2007 йил 24 августдаги 131-сон буйруғи (рўйхат рақами 1721, 2007 йил 25 сентябрь) (Ўзбекистон Республикаси қонун ҳужжатлари тўплами, 2007 й., 39-сон, 407-модда) билан тасдиқланган Ўзбекистон Республикасининг «Хавфли юкларни ҳаво транспортида ташиш қоидалари» га (ЎзР АҚ-198) иловага мувофиқ ўзгартиришлар киритилсин.
2. Мазкур буйруқ Ўзбекистон Республикаси Ички ишлар вазирлиги ҳамда Соғлиқни сақлаш вазирлиги билан келишилган.
3. Мазкур буйруқ расмий эълон қилинган кундан эътиборан кучга киради.
Мазкур буйруқ иловасининг 2-банди 2023 йилнинг 5 ноябридан амалга киритилади.
Келишилди:
Ўзбекистон Республикаси транспорт вазирининг 2022 йил 19 декабрдаги 19-сон буйруғига ИЛОВА
Ўзбекистон Республикасининг «Хавфли юкларни ҳаво транспортида ташиш қоидалари»га (ЎзР АҚ-198) киритилаётган ўзгартиришлар
1. 1-бандда :
бешинчи хатбоши қуйидаги таҳрирда баён этилсин:
«Бирлашган Миллатлар Ташкилотининг рўйхати бўйича тартиб рақами — Бирлашган Миллатлар Ташкилотининг Хавфли юкларни ташиш бўйича экспертлар қўмитаси томонидан берилган ва буюм ёки модда ёхуд буюмлар ёки моддаларнинг маълум бир гуруҳини аниқлаш учун кимёвий моддаларни таснифлаш ва маркировкалаш тизимининг глобал миқёсда келишилган тўрт хонали рақами;»;
саккизинчи хатбоши қуйидаги таҳрирда баён этилсин:
«йўловчи ҳаво кемаси — экипаж аъзоси, ўз хизмат мажбуриятларини бажараётган эксплуатант ходим, тегишли миллий органнинг ваколатли вакили ёки юк партияси ва бошқа юкларни кузатиб борувчи ходим ҳисобланмаган бошқа ҳар қандай шахсни ташишни амалга оширувчи ҳаво кемаси;»;
ўн еттинчи хатбоши қуйидаги таҳрирда баён этилсин:
«хавфли юклар — соғлиқ, хавфсизлик, мулк ёки атроф-муҳит учун хавф туғдириши мумкин бўлган ва Техник йўриқномаларнинг хавфли юклари рўйхатида кўрсатилган ёки ушбу Йўриқномаларга мувофиқ таснифланган буюмлар ёки моддалар;»;
йигирма биринчи хатбоши қуйидаги таҳрирда баён этилсин:
«юк ўрни — ташиш учун тайёрланган, ўраш тўпламаси ва унинг таркибий қисмларидан иборат бўлган юкни жойлаш бўйича операцияларнинг якуний маҳсулоти;».
2. 104 , 108-бандлар ва 327-банднинг «б» кичик бандидаги «давлат» деган сўзлар «миллий» деган сўзлар билан алмаштирилсин.
Вазир И. МАХКАМОВ
Соғлиқни сақлаш вазири Б. МУСАЕВ
Ички ишлар вазири П. БОБОЖОНОВ
Тошкент ш.,
2022 йил 22 декабрь,
2022 йил 30 ноябрь
2022 йил 29 ноябрь
19-сон
Oʻzbekiston Respublikasi Transport vazirining
buyrugʻi
Oʻzbekiston Respublikasining “Xavfli yuklarni havo transportida tashish qoidalari”ga (OʻzR AQ-198) oʻzgartirishlar kiritish toʻgʻrisida
Oʻzbekiston Respublikasi fuqaro aviatsiyasi faoliyatini tartibga soluvchi normativ-huquqiy hujjatlarni Xalqaro fuqaro aviatsiyasi tashkilotining (IKAO) standartlari va tavsiyalarini inobatga olgan holda takomillashtirish maqsadida hamda Oʻzbekiston Respublikasining “Standartlashtirish toʻgʻrisida”gi Qonuniga muvofiq buyuraman:
1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2007-yil 24-avgustdagi 131-son buyrugʻi (roʻyxat raqami 1721, 2007-yil 25-sentabr) (Oʻzbekiston Respublikasi qonun hujjatlari toʻplami, 2007-y., 39-son, 407-modda) bilan tasdiqlangan Oʻzbekiston Respublikasining “Xavfli yuklarni havo transportida tashish qoidalari” ga (OʻzR AQ-198) ilovaga muvofiq oʻzgartirishlar kiritilsin.
2. Mazkur buyruq Oʻzbekiston Respublikasi Ichki ishlar vazirligi hamda Sogʻliqni saqlash vazirligi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Mazkur buyruq ilovasining 2-bandi 2023-yilning 5-noyabridan amalga kiritiladi.
Kelishildi:
Oʻzbekiston Respublikasi transport vazirining 2022-yil 19-dekabrdagi 19-son buyrugʻiga ILOVA
Oʻzbekiston Respublikasining “Xavfli yuklarni havo transportida tashish qoidalari”ga (OʻzR AQ-198) kiritilayotgan oʻzgartirishlar
1. 1-bandda :
beshinchi xatboshi quyidagi tahrirda bayon etilsin:
“Birlashgan Millatlar Tashkilotining roʻyxati boʻyicha tartib raqami — Birlashgan Millatlar Tashkilotining Xavfli yuklarni tashish boʻyicha ekspertlar qoʻmitasi tomonidan berilgan va buyum yoki modda yoxud buyumlar yoki moddalarning maʼlum bir guruhini aniqlash uchun kimyoviy moddalarni tasniflash va markirovkalash tizimining global miqyosda kelishilgan toʻrt xonali raqami;”;
sakkizinchi xatboshi quyidagi tahrirda bayon etilsin:
“yoʻlovchi havo kemasi — ekipaj aʼzosi, oʻz xizmat majburiyatlarini bajarayotgan ekspluatant xodim, tegishli milliy organning vakolatli vakili yoki yuk partiyasi va boshqa yuklarni kuzatib boruvchi xodim hisoblanmagan boshqa har qanday shaxsni tashishni amalga oshiruvchi havo kemasi;”;
oʻn yettinchi xatboshi quyidagi tahrirda bayon etilsin:
“xavfli yuklar — sogʻliq, xavfsizlik, mulk yoki atrof-muhit uchun xavf tugʻdirishi mumkin boʻlgan va Texnik yoʻriqnomalarning xavfli yuklari roʻyxatida koʻrsatilgan yoki ushbu Yoʻriqnomalarga muvofiq tasniflangan buyumlar yoki moddalar;”;
yigirma birinchi xatboshi quyidagi tahrirda bayon etilsin:
“yuk oʻrni — tashish uchun tayyorlangan, oʻrash toʻplamasi va uning tarkibiy qismlaridan iborat boʻlgan yukni joylash boʻyicha operatsiyalarning yakuniy mahsuloti;”.
2. 104 , 108-bandlar va 327-bandning “b” kichik bandidagi “davlat” degan soʻzlar “milliy” degan soʻzlar bilan almashtirilsin.
Vazir I. MAXKAMOV
Sogʻliqni saqlash vaziri B. MUSAYEV
Ichki ishlar vaziri P. BOBOJONOV
Toshkent sh.,
2022-yil 22-dekabr,
2022-yil 30-noyabr
2022-yil 29-noyabr
19-son