📅 2023-yil 19-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 19 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 января 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 19 January 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
НИЗОМ
СХЕМАСИ
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари фаолиятини ташкил этиш чора-тадбирлари тўғрисида
Хотин-қизлар орасида ҳуқуқбузарликлар содир этилишининг олдини олиш, уларнинг ҳуқуқ ва эркинликлари ҳамда қонуний манфаатларини ҳимоя қилиш борасида олиб борилаётган ишларнинг самарадорлигини ошириш, шунингдек, Ўзбекистон Республикаси Президентининг «Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида» 2021 йил 29 ноябрдаги ПФ-27-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида» 2021 йил 29 ноябрдаги ПФ-27-сон Фармонига мувофиқ ички ишлар органлари хотин-қизлар масалалари бўйича бўлинмалари ҳузурида ёшлар орасидан «Тўмарис издошлари» жамоавий гуруҳларини ташкил этиш ҳамда ушбу гуруҳ аъзоларига Ўзбекистон Республикаси Ички ишлар вазирлиги Академияси ҳамда Ўзбекистон Республикаси Миллий гвардияси тизимидаги Жамоат хавфсизлиги университетига (кейинги ўринларда — ҳуқуқ-тартибот органларининг олий таълим муассасалари) ўқишга киришда имтиёзлар бериш белгиланганлиги маълумот учун қабул қилинсин.
2. 2023 йил 1 июндан бошлаб ёши ўн саккиздан кичик ва ўттиздан катта бўлмаган, умумий ўрта ёки ўрта махсус маълумотли, бириктирилган ҳудудда доимий яшовчи ҳамда мулоқотга киришувчан ва ташкилотчилик қобилиятига эга хотин-қизларни кўнгилли асосда жалб қилиш орқали «Тўмарис издошлари» жамоавий гуруҳлари фаолияти ташкил этилсин.
3. Қуйидагилар «Тўмарис издошлари» жамоавий гуруҳларининг асосий вазифалари этиб белгилансин:
хотин-қизларнинг ҳуқуқ ва эркинликлари ҳамда қонуний манфаатларини ҳимоя қилишда ҳамкорликда тадбирларда иштирок этиш;
хотин-қизлар ўртасида ҳуқуқбузарликлар профилактикасини амалга оширишга кўмаклашиш;
аҳоли ўртасида ўтказилаётган профилактик тадбирларда хотин-қизлар муаммоларини ўрганиш ҳамда уларни ҳал этишнинг мақбул йўлларини аниқлашда ёрдам кўрсатиш;
ўрта, ўрта махсус ва профессионал таълим муассасаларида таълим олаётган қизларнинг хулқ-атворига салбий таъсир кўрсатаётган ҳамда уларнинг ҳуқуқ ва манфаатлари бузилиши билан боғлиқ масалаларни аниқлашда кўмаклашиш.
4. Қуйидагиларни назарда тутувчи:
а) Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари фаолиятини ташкил этиш тартиби тўғрисидаги низом 1-иловага мувофиқ:
ички ишлар органлари хотин-қизлар масалалари бўйича бўлинмалари ҳузурида «Тўмарис издошлари» жамоавий гуруҳларини (кейинги ўринларда — «Тўмарис издошлари» жамоавий гуруҳлари) шакллантириш, ушбу гуруҳга аъзо бўлиш тартиби;
«Тўмарис издошлари» жамоавий гуруҳлари аъзоларининг асосий вазифалари;
«Тўмарис издошлари» жамоавий гуруҳлари аъзоларининг фаолиятини назорат қилиш ва мониторингини олиб бориш тартиби;
б) Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга кириши учун тавсиянома бериш тартиби тўғрисидаги низом 2-иловага мувофиқ тасдиқлансин:
«Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга кириш учун тавсияномалар беришда инобатга олинадиган мезонлар;
ҳуқуқ-тартибот органларининг олий таълим муассасаларига ўқишга кириш учун квота асосида тавсияномаларни бериш тартиби;
«Тўмарис издошлари» жамоавий гуруҳлари аъзоларини ҳуқуқ-тартибот органларининг олий таълим муассасаларига ўқишга қабул қилиш квоталари.
5. Белгилансинки:
«Тўмарис издошлари» жамоавий гуруҳлари республиканинг барча туман (шаҳар)ларида 2 нафардан (криминоген вазият оғир бўлган туман (шаҳар)ларда 3 нафардан) ички ишлар органлари хотин-қизлар масалалари бўйича бўлинмалари ҳузурида шакллантирилади;
«Тўмарис издошлари» жамоавий гуруҳлари аъзолари бир йил давомида ўқиш ва иш жараёнига салбий таъсир этмаган ҳолда умумий 360 соат вақт мобайнида фаолият олиб боради;
хотин-қизлар ўртасида ҳуқуқбузарликлар профилактикасига ва хотин-қизларнинг ҳуқуқ ва эркинликларини ҳимоя қилишга муносиб ҳисса қўшган «Тўмарис издошлари» жамоавий гуруҳлари аъзоларига Ўзбекистон Республикаси Ички ишлар вазирлиги Жамоат хавфсизлиги департаменти бошлиғининг тавсияномасига асосан ҳуқуқ-тартибот органларининг олий таълим муассасаларига белгиланган тартибда саралашнинг барча босқичларидан муваффақиятли ўтганидан сўнг якка тартибдаги суҳбатсиз (тест синовларисиз) квота асосида ўқишга кириш ҳуқуқи берилади;
тавсиянома берилган номзодлар сони белгиланган квотадан кўп бўлган тақдирда, уларни ўқишга қабул қилиш танлов натижалари бўйича тўпланган баллардан келиб чиқиб, ажратилган қабул квоталари доирасида кетма-кетлик тартибида тақсимланган ҳолда амалга оширилади.
6. Белгилаб қўйилсинки, «Тўмарис издошлари» жамоавий гуруҳларини шакллантириш ҳамда гуруҳларнинг фаол аъзоларига ҳуқуқ-тартибот органларининг олий таълим муассасаларига имтиёзли ўқишга кириш учун тавсиянома бериш бўйича Ўзбекистон Республикаси Ички ишлар вазирлиги ҳамда Оила ва хотин-қизлар қўмитасининг ҳамкорлиги қуйидаги тартибда амалга оширилади:
а) туман (шаҳар) даражасида:
ички ишлар органлари — «Тўмарис издошлари» жамоавий гуруҳлари аъзолигига кирмоқчи бўлган ёшлар (хотин-қизлар)дан аризаларни қабул қилади, улар орасидан оила ва хотин-қизлар бўлимлари вакиллари иштирокида ўтказиладиган суҳбат асосида мазкур қарор талабларига жавоб берадиганларини танлаб олади, гуруҳларни ташкил этиш ва номзодларни қабул қилиш ёки рад этиш бўйича оила ва хотин-қизлар бўлимлари билан келишган ҳолда тегишли қарорни қабул қилади, номзодлар билан ўтказилган суҳбат ва гуруҳларга қабул қилиш натижалари бўйича вилоят бошқармаларига маълумот тақдим этади, гуруҳ аъзоларининг ҳар ойлик иш жадвалини ишлаб чиқади ва тасдиқлайди, гуруҳлар томонидан ишни ташкил этиш натижадорлиги бўйича мониторинг ўтказади;
оила ва хотин-қизлар бўлимлари — «Тўмарис издошлари» жамоавий гуруҳлари аъзолигига кирмоқчи бўлган ёшлар (хотин-қизлар)дан аризаларни қабул қилади, улар орасидан белгиланган талабларга жавоб берадиганлари бўйича ички ишлар органлари раҳбарларига ёзма тавсиянома беради, номзодлар билан ички ишлар органларида ўтказиладиган суҳбат жараёнида ва тегишли қарор қабул қилишда иштирок этади, гуруҳ аъзоларининг ҳар ойлик иш жадвалини ишлаб чиқишда ҳамда гуруҳлар томонидан ишни ташкил этиш натижадорлиги бўйича ўтказиладиган мониторингда иштирок этади;
б) Қорақалпоғистон Республикаси, вилоятлар ва Тошкент шаҳри даражасида:
ички ишлар органлари — «Тўмарис издошлари» жамоавий гуруҳлари аъзолари ҳақидаги маълумотларни жамлайди, гуруҳлар томонидан амалга оширилаётган ишлар натижадорлиги бўйича мониторинг ўтказади, туман (шаҳар) ички ишлар органлари раҳбарлари томонидан тақдим этилган ҳужжатлар асосида ҳуқуқ-тартибот органларининг олий таълим муассасаларига имтиёзли ўқишга кириш учун тавсиянома олишга номзод бўлган гуруҳ аъзолари билан оила ва хотин-қизлар бошқармаларининг масъул ходимлари ҳамда номзодларнинг ота-оналари (қонуний вакиллари) иштирокида очиқ суҳбат ташкил этади, суҳбат натижалари бўйича бошқарма бошлиқлари томонидан тасдиқланадиган хулоса шакллантирилади ва Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизматига юборилади;
оила ва хотин-қизлар бошқармалари — «Тўмарис издошлари» жамоавий гуруҳлари аъзолари ҳақидаги маълумотларни жамлайди, гуруҳлар томонидан амалга оширилаётган ишлар натижадорлиги бўйича мониторинг ўтказади, ҳуқуқ-тартибот органларининг олий таълим муассасаларига имтиёзли ўқишга кириш учун тавсиянома олишга номзод бўлган гуруҳ аъзолари билан ички ишлар органлари томонидан ўтказиладиган суҳбатда иштирок этади;
в) республика даражасида:
Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати — «Тўмарис издошлари» жамоавий гуруҳлари фаолияти бўйича маълумотларни жамлайди, гуруҳларнинг ишчанлиги ва иш натижадорлиги бўйича тизимли таҳлил олиб боради, лозим даражада уларни методик материаллар билан таъминлайди, Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармалари томонидан тақдим этилган хулосаларни кўриб чиқади ва Ўзбекистон Республикаси ички ишлар вазирининг ўринбосари — Жамоат хавфсизлиги департаменти бошлиғи томонидан тасдиқланадиган ҳуқуқ-тартибот органларининг олий таълим муассасаларига имтиёзли ўқишга кириш учун тавсияномалар беради;
Оила ва хотин-қизлар қўмитаси — «Тўмарис издошлари» жамоавий гуруҳлари фаолияти бўйича маълумотларни жамлайди, гуруҳларнинг ишчанлиги ва иш натижадорлиги бўйича тизимли таҳлил олиб боради, лозим даражада уларни методик материаллар билан таъминлашда иштирок этади, Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати ҳузурида ҳуқуқ-тартибот органларининг олий таълим муассасаларига имтиёзли ўқишга кириш учун тавсияномалар бериш бўйича тузиладиган ишчи гуруҳ фаолиятида иштирок этади.
7. Вазирлар Маҳкамасининг 2017 йил 1 декабрдаги 958-сон қарори билан тасдиқланган Ўзбекистон Республикаси Ички ишлар вазирлиги Академиясининг кундузги таълим шаклига номзодларни танлаш ва ўқишга қабул қилиш тартиби тўғрисидаги низомга 3-иловага мувофиқ қўшимчалар киритилсин.
8. Ўзбекистон Республикаси Ички ишлар вазирлиги:
а) бир ой муддатда ушбу қарорнинг мазмун-моҳияти оммавий ахборот воситаларида кенг ёритилишини таъминласин;
б) уч ой муддатда:
«Тўмарис издошлари» жамоавий гуруҳларини шакллантирсин ва уларнинг фаолият кўрсатиши учун зарур шарт-шароитлар яратсин;
Миллий гвардия билан биргаликда тавсияномалар берилган «Тўмарис издошлари» жамоавий гуруҳлари аъзоларига ўзларининг олий таълим муассасаларига қабул қилишда қабул қилишнинг умумий сонидан икки фоизли квота ажратсин;
манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари З.Б. Маҳкамова ҳамда Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2023 йил 19 январдаги 21-сон қарорига 1-ИЛОВА
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари фаолиятини ташкил этиш тартиби тўғрисида
1-боб. Умумий қоидалар
1. Мазкур Низом ички ишлар органлари хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари (кейинги ўринларда — «Тўмарис издошлари» жамоавий гуруҳлари) фаолиятини ташкил этиш ва амалга ошириш тартибини белгилайди.
2. «Тўмарис издошлари» жамоавий гуруҳлари ўз фаолиятини Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, Ўзбекистон Республикаси ички ишлар вазирининг буйруқларига ва ушбу Низомга мувофиқ амалга оширади.
3. «Тўмарис издошлари» жамоавий гуруҳларининг мақсади белгиланган ҳудуднинг осойишталиги ва хавфсизлигини таъминлашдан ҳамда хотин-қизлар ўртасида ҳуқуқбузарликларнинг олдини олишда ички ишлар органларига кўмаклашишдан иборат.
4. «Тўмарис издошлари» жамоавий гуруҳларининг фаолияти Ўзбекистон Республикаси Ички ишлар вазирлиги (кейинги ўринларда — вазирлик) Жамоат хавфсизлиги департаменти Ҳуқуқбузарликлар профилактикаси хизмати томонидан Ўзбекистон Республикаси Оила ва хотин қизлар қўмитаси (кейинги ўринларда — Оила ва хотин қизлар қўмитаси) билан ҳамкорликда мувофиқлаштирилиб борилади.
2-боб. «Тўмарис издошлари» жамоавий гуруҳлари фаолиятини ташкил этиш тартиби
5. «Тўмарис издошлари» жамоавий гуруҳларини шакллантириш мазкур Низомга 1-иловада келтирилган схемага мувофиқ амалга оширилади.
6. «Тўмарис издошлари» жамоавий гуруҳлари таркибига кўнгилли асосда бевосита хотин-қизлар ўртасида ҳуқуқбузарликларнинг олдини олишда ўз ҳиссасини қўшиш истагини билдирган ўн саккиз ёшдан ўттиз ёшгача бўлган хотин-қизлар киритилади.
Гуруҳга ички ишлар органларининг профилактик ҳисобида ҳамда руҳий касалликлар диспансери, гиёҳвандлик, сурункали ичкиликбозликка ружу қўйганлиги учун тегишли тиббиёт муассасалари ҳисобида турган, судланганлик ҳолати тугалланмаган ёки олиб ташланмаган, суд томонидан муомалага лаёқатсиз ёки муомала лаёқати чекланган деб топилганлар, диний ташкилотларнинг профессионал хизматчилари қабул қилинмайди.
7. «Тўмарис издошлари» жамоавий гуруҳлари ҳуқуқ-тартибот органларининг олий таълим муассасаларига ўқишга кириш ниятидаги ҳамда бевосита хотин-қизлар ўртасида ҳуқуқбузарликларнинг олдини олишга ўз ҳиссасини қўшиш истагини билдирган ёшлар (хотин-қизлар)нинг туман (шаҳар) ички ишлар органлари ёки туман (шаҳар) оила ва хотин-қизлар бўлимлари бошлиқлари номига ёзган аризалари асосида шакллантирилади.
Туман (шаҳар) оила ва хотин-қизлар бўлими раҳбари ёшлар (хотин-қизлар)нинг «Тўмарис издошлари» жамоавий гуруҳларига киритиш юзасидан ёзган аризасини мазкур Низомда белгиланган тартибда ўрганиб чиққандан кейин туман (шаҳар) ички ишлар органлари бошлиқлари номига ёзма равишда тавсия киритади.
8. Туман (шаҳар) ички ишлар органлари кадрлар билан таъминлаш бўлинмаси (гуруҳи) томонидан туман (шаҳар) оила ва хотин-қизлар бўлимининг вакили иштирокида номзод ҳақидаги маълумотлар ўрганиб чиқилади.
Туман (шаҳар) ички ишлар органлари ҳуқуқбузарликлар профилактикаси бўлими (бўлинмаси) бошлиғи, туман (шаҳар) ички ишлар органлари ҳуқуқбузарликлар профилактикаси бўлими (бўлинмаси)нинг хотин-қизлар масалалари бўйича катта инспектори, туман (шаҳар) ички ишлар органлари кадрлар билан таъминлаш бўлинмаси (гуруҳи) ҳамда туман (шаҳар) оила ва хотин-қизлар бўлимининг масъул ходимлари номзодларнинг мулоқотга киришувчан ва ташкилотчилик қобилиятига эга эканлигини, уларнинг шахсий ва ишчанлик сифатларини аниқлаш мақсадида улар билан суҳбат ўтказади.
Суҳбат натижаларига кўра ҳамда мазкур Низомда белгиланган талабларга асосан «Тўмарис издошлари» жамоавий гуруҳи аъзолигига қабул қилиш ёки рад этиш тўғрисида 3 кун ичида туман (шаҳар) ички ишлар органлари раҳбарининг қарори қабул қилинади ва туман (шаҳар) ички ишлар органлари ҳуқуқбузарликлар профилактикаси бўлими (бўлинмаси)нинг хотин-қизлар масалалари бўйича катта инспекторига бириктирилади.
Туман (шаҳар) ички ишлар органлари кадрлар билан таъминлаш бўлинмаси (гуруҳи) номзод ҳақидаги маълумотларни ўрганиб чиқиш жараёнида мазкур Низомда номзодларга қўйилган талабларга жавоб бермайдиган ҳолатлар аниқланганда, бу ҳақида 3 кун ичида номзодга хабар беради.
9. Туман (шаҳар) ички ишлар органлари ҳуқуқбузарликлар профилактикаси бўлими (бўлинмаси) номзоднинг «Тўмарис издошлари» жамоавий гуруҳига қабул қилинганлиги тўғрисида 3 кун ичида Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ва вилоятлар ички ишлар бошқармалари Ҳуқуқбузарликлар профилактикаси бошқармаларига хабар беради.
Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ва вилоятлар ички ишлар бошқармалари Ҳуқуқбузарликлар профилактикаси бошқармалари «Тўмарис издошлари» жамоавий гуруҳлари аъзоларининг туман (шаҳар) ички ишлар органлари ҳуқуқбузарликлар профилактикаси бўлинмалари хотин-қизлар масалалари бўйича катта инспекторларига бириктирилганлиги бўйича вазирликнинг Жамоат хавфсизлиги департаменти Ҳуқуқбузарликлар профилактикаси хизмати ҳамда Оила ва хотин-қизлар қўмитасига ахборот беради.
10. «Тўмарис издошлари» жамоавий гуруҳлари аъзолари хизмат олиб бориш жараёнида ажралиб туришлари учун 9х12 ҳажмдаги 3х4 расм жойлаштирилган бейжик билан таъминланади.
11. Туман (шаҳар) ички ишлар органлари «Тўмарис издошлари» жамоавий гуруҳларининг шакллантирилиши ва фаолият кўрсатиши учун зарур шарт-шароитларни яратадилар.
12. «Тўмарис издошлари» жамоавий гуруҳлари фаолиятини самарали ташкил этиш бўйича жавобгарлик туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари) бошлиқлари ва хотин-қизлар масалалари бўйича катта инспекторлари зиммасига юклатилади.
13. «Тўмарис издошлари» жамоавий гуруҳлари ўз фаолиятини ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари билан биргаликда олиб боради.
«Тўмарис издошлари» жамоавий гуруҳлари фаолиятига бевосита раҳбарлик ҳудудий ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари томонидан амалга оширилади.
«Тўмарис издошлари» жамоавий гуруҳлари ўз фаолияти самарадорлиги юзасидан туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари олдида ҳисоб беради.
«Тўмарис издошлари» жамоавий гуруҳлари ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари билан ҳуқуқбузарликларнинг олдини олишга қаратилган профилактика тадбирларининг ташкил этилиши ҳамда ўтказилишида туман (шаҳар) оила ва хотин-қизлар бўлимлари билан бирга иштирок этади.
14. Туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари қуйидагиларни амалга оширади:
«Тўмарис издошлари» жамоавий гуруҳларининг вазифа ва функциялари давлат органлари, нодавлат нотижорат ташкилотлар ва фуқаролик жамиятининг бошқа институтлари, шу жумладан, фуқароларнинг ўзини ўзи бошқариш органлари билан ҳамкорликда амалга оширилишини таъминлайди;
«Тўмарис издошлари» жамоавий гуруҳларига юклатилган вазифаларни бажаришга қаратилган аниқ кўрсатмаларни, ўзаро алоқа ҳамда ҳамкорлик қилиш йўналишларини белгилаб беради;
«Тўмарис издошлари» жамоавий гуруҳларининг фаолиятини ва юклатилган вазифаларни бажариш жараёнидаги хатти-ҳаракатларини мунтазам назорат қилиб боради;
«Тўмарис издошлари» жамоавий гуруҳлари томонидан маълум қилинган ҳуқуқбузарлик фактлари ва ҳуқуқбузарлик билан боғлиқ бошқа ҳолатларни биргаликда ҳал этиш чораларини кўради;
«Тўмарис издошлари» жамоавий гуруҳлари аъзолари ўртасида тегишли ҳудудда осойишталикни таъминлаш билан боғлиқ вазифаларни бажаришда, биринчи навбатда, қонун устуворлигини таъминлаш, қонунчиликка ва жамиятда юриш-туриш қоидаларига риоя этиш зарурлиги юзасидан тушунтириш ишларини олиб боради.
15. «Тўмарис издошлари» жамоавий гуруҳлари аъзоларига қонунга хилоф топшириқлар, ҳуқуқбузарлик аломатлари мавжуд бўлган маълумотларни ҳамда бевосита ички ишлар органлари ваколати доирасига кирувчи топшириқ ва вазифаларни бериш, уларни давлат ҳамда хизмат сирига эга бўлган ҳужжатлар билан таништириш тақиқланади.
16. Туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари билан келишган ҳолда «Тўмарис издошлари» жамоавий гуруҳ аъзолари фаолияти уларнинг сонидан келиб чиқиб белгиланган йўналиш бўйича ҳар куни 3 соатдан кўп бўлмаган вақтда амалга оширилади.
«Тўмарис издошлари» жамоавий гуруҳларининг фаолияти уларнинг ўқиш ва иш жараёнига салбий таъсир этмаслиги лозим.
17. «Тўмарис издошлари» жамоавий гуруҳлари аъзоларининг хизматга чиқиши бўйича туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспектори ҳамда туман (шаҳар) оила ва хотин-қизлар бўлим бошлиқлари билан келишган ҳолда ойлик жадвал ишлаб чиқилади ва туман (шаҳар) ички ишлар органлари ҳуқуқбузарликлар профилактикаси бўлинмалари бошлиқлари томонидан тасдиқланади.
Узрли сабаблар мавжуд бўлганда (тиббий хулосага кўра соғлиғининг ёмонлашуви, яқин қариндошларининг вафот этиши) «Тўмарис издошлари» жамоавий гуруҳлари таркибида фаолият олиб бормаган шахсларнинг олдинги хизмат соатлари бир йилгача сақлаб қолинади.
«Тўмарис издошлари» жамоавий гуруҳлари аъзоларининг яшаш манзили ўзгарганда, улар янги яшаш манзилидаги маҳаллада олдинги хизмат соатлари қўшилган ҳолда ўз фаолиятини давом эттириши мумкин.
18. «Тўмарис издошлари» жамоавий гуруҳлари аъзоларининг ҳужжатлари хизматга (ўқишга) қабул қилишда ҳамда рағбатлантиришда уларнинг белгиланган йўналиш бўйича бир йил давомида умумий 360 соат вақт мобайнида фаолият юритганлиги учун асос ҳисобланади.
19. «Тўмарис издошлари» жамоавий гуруҳлари аъзолари қуйидаги ҳолларда гуруҳ сафидан чиқарилади:
вафот этганда;
ўз хоҳишига (аризасига) кўра;
туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторини хабардор қилмаган ҳолда узлуксиз уч кун давомида белгиланган вазифасини бажармаганда ҳамда мазкур Низом талабларини бузганда;
соғлиғи ҳолати ёки бошқа узрли сабабларга кўра уч ой давомида ўз вазифаларини бажара олмай қолганда;
Ўзбекистон Республикасининг фуқаролиги тугатилганда ёки чет давлат фуқаролигини олганда;
содир этган жинояти учун суднинг ҳукми, ажрими, қарори қонуний кучга кирганда;
суднинг қонуний кучга кирган ҳал қилув қарори асосида бедарак йўқолган деб топилган ёхуд вафот этган деб эълон қилинганда.
20. Хотин-қизларни «Тўмарис издошлари» жамоавий гуруҳлари таркибидан чиқариш туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторларининг тавсиясига кўра туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари) бошлиқлари томонидан амалга оширилади ва бу ҳақида уч кун муддатда Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармалари Ҳуқуқбузарликлар профилактикаси бошқармалари ҳамда вилоят оила ва хотин-қизлар бошқармалари бошлиқлари хабардор қилинади.
21. Хотин-қизлар «Тўмарис издошлари» жамоавий гуруҳлари аъзолигидан чиқарилган тақдирда, уларга тавсиянома берилмайди ҳамда уларнинг «Тўмарис издошлари» жамоавий гуруҳида фаолият олиб борган муддати ҳисобга олинмайди.
22. «Тўмарис издошлари» жамоавий гуруҳи сафидан чиқарилган хотин-қизлар ўз хоҳишига кўра гуруҳга янгидан аъзо бўлишни сўраб ёзган аризаси бўйича бир ойдан сўнг «Тўмарис издошлари» жамоавий гуруҳлари таркибига қайта қабул қилиниши мумкин.
3-боб. «Тўмарис издошлари» жамоавий гуруҳлари аъзоларининг вазифалари, ҳуқуқлари ва мажбуриятлари
23. Қуйидагилар «Тўмарис издошлари» жамоавий гуруҳи аъзоларининг асосий вазифалари ҳисобланади:
хотин-қизларнинг ҳуқуқ ва эркинликлари ҳамда қонуний манфаатларини ҳимоя қилишда ҳамкорликда тадбирларда иштирок этиш;
хотин-қизлар ўртасида ҳуқуқбузарликлар профилактикасини амалга оширишга кўмаклашиш;
аҳоли ўртасида ўтказилаётган профилактик тадбирларда хотин-қизлар муаммоларини ўрганиш ҳамда уларни ҳал этишнинг мақбул йўлларини аниқлашда ёрдам кўрсатиш;
ўрта, ўрта махсус ва профессионал таълим муассасаларида таълим олаётган қизларнинг хулқ-атворига салбий таъсир кўрсатаётган ҳамда уларнинг ҳуқуқ ва манфаатлари бузилиши билан боғлиқ масалаларни аниқлашда кўмаклашиш.
«Тўмарис издошлари» жамоавий гуруҳлари аъзолари ушбу вазифаларни бевосита ички ишлар органлари ходимлари иштирокида амалга оширади.
«Тўмарис издошлари» жамоавий гуруҳлари жойларда туман (шаҳар) оила ва хотин-қизлар бўлимлари томонидан хотин-қизлар орасида қонунийлик ва ҳуқуқ-тартиботни таъминлаш, ҳуқуқбузарликлар профилактикаси ва жиноятчиликка қарши курашиш бўйича ўтказиладиган тадбирларда фаол иштирок этади.
24. «Тўмарис издошлари» жамоавий гуруҳлари аъзолари қуйидаги ҳуқуқларга эга:
жамоат тартибига, хавфсизликка, жамиятда юриш-туриш ва одоб-ахлоқ қоидаларига хотин-қизлар томонидан риоя қилинмаган ҳолларда, тегишли органлар билан биргаликда тушунтириш ишларини олиб бориш ва ташкил этишда қатнашиш;
хотин-қизлар томонидан ҳамда уларга нисбатан содир этилаётган ҳуқуқбузарликларни тўхтатишни талаб қилиш;
ҳудудда истиқомат қилувчи хотин-қизлар ўртасидаги турли низоларни ҳал этишда, улар томонидан содир этилган ҳуқуқбузарликларни аниқлаш ва уларни ушлашда, ўзининг хатти-ҳаракатлари билан ҳуқуқбузарлик содир этиш эҳтимоли бўлган хотин-қизлар билан ҳуқуқий-тарбиявий мазмундаги суҳбатларда ва қонунчилик ҳужжатларида белгиланган тартибда бошқа профилактик чора-тадбирларда бевосита иштирок этиш;
ҳуқуқ-тартиботни мустаҳкамлаш ва жамоат тартибини таъминлаш юзасидан олиб борилаётган фаолият самарадорлигини оширишга доир таклифларни ички ишлар органларига киритиш;
ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторидан ўз хизмат вазифаларини бажариш учун шарт-шароитлар яратишни ҳамда амалий ёрдам кўрсатишни талаб қилиш.
25. Қуйидагилар «Тўмарис издошлари» жамоавий гуруҳларининг мажбуриятлари ҳисобланади:
фуқаролар билан мулоқотда вазмин ва хушмуомала бўлиш;
шахсий хавфсизлик қоидаларига риоя этиш;
ўзининг ижтимоий-сиёсий, ҳуқуқий билимларини ошириб бориш;
ҳуқуқни муҳофаза қилиш органлари ходимларига ушбу Низомда кўрсатилган вазифаларни бажаришда кўмаклашиш ва уларнинг қонуний талабларини бажариш;
хотин-қизлар томонидан жиноят ва ҳуқуқбузарликлар содир этилганда ёки улар билан бахтсиз ҳодисалар юз берганда бу ҳақида зудлик билан ички ишлар органларига ва бошқа тегишли ташкилотларга хабар бериш.
26. «Тўмарис издошлари» жамоавий гуруҳлари аъзоларига ўзларига юклатилган вазифаларни бажариш вақтида қуйидагилар тақиқланади:
одоб-ахлоқ қоидаларига зид хатти-ҳаракатлар содир этиш;
фуқароларга нисбатан жисмоний куч ишлатиш (зарурий мудофаа ва охирги зарурат бундан мустасно);
ҳуқуқ-тартибот органлари ходимлари хизмат фаолияти давомида фойдаланадиган махсус воситалар, ўқотар қуролларни ишлатиш;
ўзини ҳуқуқ-тартибот органлари ходими деб таништириш ёки уларнинг ваколатларидан фойдаланиш.
4-боб. «Тўмарис издошлари» жамоавий гуруҳлари фаолиятини мониторинг қилиш тартиби
27. «Тўмарис издошлари» жамоавий гуруҳлари фаолияти туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари ҳамда ички ишлар органларининг ҳуқуқбузарликлар профилактикаси бўлинмалари ва туман (шаҳар) оила ва хотин-қизлар бўлимлари томонидан мониторинг қилиб борилади.
28. «Тўмарис издошлари» жамоавий гуруҳлари фаолиятининг мониторинги натижалари туман (шаҳар) ички ишлар органлари ҳуқуқбузарликлар профилактикаси бўлинмалари бошлиқлари томонидан туман (шаҳар) оила ва хотин-қизлар бўлимлари вакиллари иштирокида ҳар ярим йил якуни бўйича муҳокама қилиб борилади.
29. Вазирлик Жамоат хавфсизлиги департаменти Ҳуқуқбузарликлар профилактикаси хизмати бошлиғининг ўринбосари «Тўмарис издошлари» жамоавий гуруҳларининг фаолияти устидан умумий раҳбарликни амалга оширади.
30. «Тўмарис издошлари» жамоавий гуруҳлари аъзолари амалга оширилган ишлар юзасидан ўз ҳисоботларини (кейинги ўринларда — ҳисоботлар) ҳар чоракнинг охирги кунида туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари ва туман (шаҳар) оила ва хотин-қизлар бўлимларига тақдим этади.
Ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспектори ҳисоботларни ўрганиб, таҳлил қилади ва умумлаштириб, кейинги ойнинг 5-кунига қадар Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ва вилоятлар ички ишлар бошқармалари Ҳуқуқбузарликлар профилактикаси бошқармаларига тақдим этади.
Туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторлари ҳисоботларнинг ҳаққонийлигига шахсан жавобгар ҳисобланади.
31. Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ва вилоятлар ички ишлар бошқармалари Ҳуқуқбузарликлар профилактикаси бошқармалари ҳамда Қорақалпоғистон Республикаси, Тошкент шаҳар ва вилоятлар оила ва хотин-қизлар бошқармалари ушбу ҳисоботларни ўрганиб, умумлаштиради ҳамда Ўзбекистон Республикаси Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати ҳамда Оила ва хотин-қизлар қўмитасига тақдим этади.
4-боб. Якунловчи қоидалар
32. Маҳаллий ижроия ҳокимият органлари ва ёшлар етакчилари «Тўмарис издошлари» жамоавий гуруҳлари билан ҳамкорликни фақат ушбу Низомда белгиланган вазифалар доирасида хотин-қизлар масалалари бўйича катта инспектор билан келишган ҳолда амалга оширади.
33. «Тўмарис издошлари» жамоавий гуруҳларини ушбу Низомда ҳамда бошқа қонунчилик ҳужжатларида кўрсатилмаган вазифаларни бажаришга жалб этиш тақиқланади.
34. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари фаолиятини ташкил этиш тартиби тўғрисидаги низомга 1-ИЛОВА
«Тўмарис издошлари» жамоавий гуруҳларини шакллантириш
Босқичлар Субъектлар Тадбирлар номи Бажариш муддатлари 1-босқич 18 — 30 ёшдаги хотин-қизлар 1. Туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари) ҳузурида ташкил этилган «Тўмарис издошлари» жамоавий гуруҳи аъзолигига қабул қилиш бўйича туман (шаҳар) ички ишлар органлари ёки оила ва хотин-қизлар бўлимлари бошлиқлари номига ариза билан мурожаат қилади. Ихтиёрий муддатда 2. Туман (шаҳар) оила ва хотин-қизлар бўлими раҳбари аризани белгиланган тартибда ўрганиш асосида, туман (шаҳар) ички ишлар органлари бошлиқлари номига ёзма равишда тавсия киритади. 10 кун ичида 2-босқич Туман (шаҳар) ички ишлар органлари кадрлар билан таъминлаш гуруҳи (бўлинмаси) бўлимлари «Тўмарис издошлари» жамоавий гуруҳлари аъзолигига қабул қилишда номзодларни ўрганиб чиқиб, улар билан туман (шаҳар) ички ишлар органлари ҳуқуқбузарликлар профилактикаси бўлинмаси бошлиғи, туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспектори ҳамда туман (шаҳар) оила ва хотин-қизлар бўлимлари вакили иштирокида суҳбат ташкил этади. 15 кун ичида 3-босқич Туман (шаҳар) ички ишлар органлари Туман (шаҳар) ички ишлар органлари раҳбарлари «Тўмарис издошлари» жамоавий гуруҳлари фаолиятини ташкил этиш ва гуруҳ аъзолигига номзодларни қабул қилиш ёки рад этиш тўғрисида туман (шаҳар) оила ва хотин-қизлар бўлимлари раҳбарлари билан келишилган ҳолда қарор қабул қилади. 3 кун ичида 4-босқич Туман (шаҳар) ички ишлар органлари ҳуқуқбузарликлар профилактикаси бўлинмалари «Тўмарис издошлари» жамоавий гуруҳлари аъзолигига номзодлар қабул қилинганлиги ҳақида Қорақалпоғистон Республикаси ИИВ, Тошкент шаҳар ва Тошкент вилояти ИИББ ва вилоятлар ИИБлари Ҳуқуқбузарликлар профилактикаси бошқармалари ҳамда Қорақалпоғистон Республикаси, Тошкент шаҳар ва вилоятлар оила ва хотин-қизлар бошқармаларига маълумот тақдим этади. 3 кун ичида 5-босқич Қорақалпоғистон Республикаси ИИВ, Тошкент шаҳар ва Тошкент вилояти ИИББ ва вилоятлар ИИБлари Ҳуқуқбузарликлар профилактикаси бошқармалари «Тўмарис издошлари» жамоавий гуруҳлари ташкил этилганлиги ва гуруҳ аъзоларининг туман (шаҳар) ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторларига бириктирилганлиги бўйича Ички ишлар вазирлиги Ҳуқуқбузарликлар профилактикаси хизмати ҳамда Оила ва хотин-қизлар қўмитасига ахборот беради. 10 кун ичида
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари фаолиятини ташкил этиш тартиби тўғрисидаги низомга 2-ИЛОВА
НАМУНА ___________________________________________ __________________________________________га (Ички ишлар органи раҳбарининг унвони, Ф.И.О.) ___________________________________________ (Ф.И.О., тугилган санаси, тугилган жойи) ___________________________________________ ________________________________________дан ___________________________________________ (телефон рақами) 20____ йил «____» ______________ АРИЗА Мени хотин-қизлар ўртасида ҳуқуқбузарлик профилактикасини ташкил этиш ва жиноятчиликка қарши курашиш борасида кўмаклашиш мақсадида ички ишлар органлари хотин-қизлар масалалари бўйича бўлинмалари ҳузурида ташкил этилган «Тўмарис издошлари» жамоатчилик гуруҳи аъзолигига қабул қилишингизни сўрайман. Ф.И.О. имзо сана
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари фаолиятини ташкил этиш тартиби тўғрисидаги низомга 3-ИЛОВА
НАМУНА __________________________________га (юборилаётган туман (шаҳар) ички ишлар органи номи) ТАВСИЯНОМА Ғиёсова Азизахон Шоҳрух қизини тумани (шаҳар) ички ишлар органлари Ҳуқуқбузарликлар профилактикаси бўлими «Тўмарис издошлари» жамоатчилик гуруҳига аъзо сифатида қабул қилиш учун тавсия қиламиз. Изоҳ. Ушбу тавсиянома туман (шаҳар) оила ва хотин-қизлар бўлимининг ташаббуси билан «Тумарис издошлари» жамоатчилик гуруҳига қабул қилиш ҳуқуқини беради. Туман (шаҳар) оила ва хотин-қизлар бўлими бошлиғи имзо Ф.И.О.
Вазирлар Маҳкамасининг 2023 йил 19 январдаги 21-сон қарорига 2-ИЛОВА
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга кириши учун тавсиянома бериш тартиби тўғрисида
1-боб. Умумий қоидалар
1. Мазкур Низом ички ишлар органлари хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳларига (кейинги ўринларда — «Тўмарис издошлари» жамоавий гуруҳлари) жалб қилинган хотин-қизларнинг квота асосида Ўзбекистон Республикаси Ички ишлар вазирлиги Академияси ҳамда Ўзбекистон Республикаси Миллий гвардияси тизимидаги Жамоат хавфсизлиги университетига (кейинги ўринларда — ҳуқуқ-тартибот органларининг олий таълим муассасалари) ўқишга кириши учун тавсиянома бериш тартибини белгилайди.
2. Тавсиянома ҳуқуқ-тартибот органларининг олий таълим муассасаларига ўқишга қабул қилишда белгиланган талабларга жавоб берадиган «Тўмарис издошлари» жамоавий гуруҳлари аъзоларига берилади.
3. Тавсиянома мазкур Низомга 1-иловага мувофиқ белгиланган схема бўйича бир йил муддат давомида умумий 360 соат вақт мобайнида белгиланган туман (шаҳар)да фаолият кўрсатган «Тўмарис издошлари» жамоавий гуруҳи аъзосига ҳуқуқ-тартибот органларининг битта олий таълим муассасасига ўқишга кириши учун бир йилдан кўп бўлмаган муддатга бир марта берилади.
4. «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга кириш учун тавсиянома беришда қуйидаги мезонлар инобатга олинади:
ўз фаолияти давомида ҳуқуқбузарликлар содир этишга мойил бўлган хотин-қизларни аниқлаб, ўз вақтида ички ишлар органлари ҳуқуқбузарликлар профилактикаси бўлинмаларининг хотин-қизлар масалалари бўйича катта инспекторига камида 5 марта хабар берганлиги;
«Тўмарис издошлари» жамоавий гуруҳига аъзолиги вақтида ўзига юклатилган вазифаларни бажаришда, ҳуқуқбузарлик профилактикасини ташкил этишда, шунингдек, хотин-қизлар томонидан содир этилган камида 5 та ҳуқуқбузарликни аниқлашда ўз ҳиссасини қўшганлиги;
ҳуқуқбузарлик содир этган хотин-қизларни ижтимоий реабилитация қилиш ва ижтимоий мослаштиришда фаол иштирок этганлиги;
аҳоли ўртасида ўтказилаётган профилактик тадбирларда хотин-қизлар ўртасидаги мавжуд муаммоларни ўрганиш ҳамда уларни ҳал этишнинг мақбул йўлларини аниқлашда фаол иштирок этганлиги;
оила-турмуш ва одоб-ахлоқ доирасида мунтазам равишда ҳуқуқбузарлик содир этувчи ҳамда бошқа ғайриижтимоий хулқ-атворга эга бўлган хотин-қизларни, фарзанд тарбиясига салбий таъсир кўрсатувчи ёки улар тарбияси билан шуғулланмайдиган ота-оналар, носоғлом турмуш тарзида ҳаёт кечираётган оилаларни аниқлашга, уларнинг ижтимоий мослашувини таъминлашга, доимий яшаш манзилларидан узоқ муддатга чиқиб кетган хотин-қизларни яшаш манзилларига қайтаришга кўмаклашганлиги;
туман (шаҳар) оила ва хотин-қизлар бўлимлари томонидан оила-турмуш доирасида ўтказиладиган тадбирларда камида ўн маротаба иштирок этганлиги.
5. Тавсиянома бланкаси қатъий ҳисобда турувчи ҳужжат ҳисобланади, ҳисоб серияси, рақами ва ҳимояланганлик даражасига эга бўлади, «Давлат белгиси» давлат ишлаб чиқариш бирлашмасида тайёрланади ва уни тайёрлаш билан боғлиқ харажатлар вазирликнинг бюджетдан ташқари маблағлари ҳисобидан амалга оширилади.
2-боб. Тавсияномани бериш тартиби
6. «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга киришга тавсиянома бериш масалалари ҳар йили 15 февралдан 10 мартга қадар туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари) томонидан туман (шаҳар) оила ва хотин-қизлар бўлимларининг вакиллари иштирокида «Тўмарис издошлари» жамоавий гуруҳлари аъзолари фаолияти давомида амалга оширилган ишлар натижадорлиги юзасидан берилган хулосалар асосида кўриб чиқилади ҳамда қуйидаги ҳужжатлар билан бирга Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари Ҳуқуқбузарликлар профилактикаси бошқармаларига тақдим этилади:
«Тўмарис издошлари» жамоавий гуруҳи аъзолигига жалб қилинганлиги тўғрисидаги тегишли ҳужжатдан ва ўрта, ўрта махсус ёки касб-ҳунар маълумотга эга эканлигини тасдиқловчи ҳужжатдан нусхалар;
туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари)нинг бошлиқлари тавсифномаси ва «Тўмарис издошлари» жамоавий гуруҳ аъзоси сифатида амалга оширган ишлари бўйича туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари)нинг хотин-қизлар масалалари бўйича катта инспекторининг батафсил маълумотномаси;
туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари)нинг бевосита фикрномаси.
Мазкур бандда назарда тутилмаган ҳужжатларни тақдим этишни талаб қилиш тақиқланади.
7. Тегишли ҳужжатлар 15 мартдан 1 апрелга қадар Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари Ҳуқуқбузарликлар профилактикаси бошқармалари томонидан кўриб чиқилади.
8. Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари Ҳуқуқбузарликлар профилактикаси бошқармаларида оила ва хотин-қизлар бошқармаларининг масъул ходимлари иштирокида тавсияномага номзод бўлган гуруҳ аъзолари билан суҳбат ўтказилади. Бунда суҳбат жараёнининг очиқлигини таъминлаш мақсадида номзодларнинг ота-оналари (қонуний вакиллар) ушбу суҳбатда бевосита иштирок этади.
Суҳбатда номзодларнинг билимлари савол-жавоб ўтказиш йўли билан текширилади.
Суҳбат натижалари бўйича Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари Ҳуқуқбузарликлар профилактикаси бошқармалари масъул ходимлари томонидан хулоса тайёрланади ва бошқарма бошлиқлари томонидан тасдиқланади.
Қорақалпоғистон Республикаси ички ишлар вазири, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари бошлиқларининг номзодларга тавсиянома бериш тўғрисидаги хулосалари вазирлик Жамоат хавфсизлиги департаменти Ҳуқуқбузарликлар профилактикаси хизматига 25 апрелга қадар юборилади.
9. Хулосалар вазирлик Жамоат хавфсизлиги департаменти Ҳуқуқбузарликлар профилактикаси хизмати ҳузурида тузиладиган, Оила ва хотин қизлар қўмитаси вакили киритилган ишчи гуруҳ томонидан 1 майга қадар кўриб чиқилади, муносиб деб топилган номзодларга мазкур Низомга 2-иловага мувофиқ шаклдаги Ўзбекистон Республикаси ички ишлар вазирининг ўринбосари — Жамоат хавфсизлиги департаменти бошлиғи томонидан тасдиқланадиган тавсиянома берилади ҳамда улар ҳуқуқ-тартибот органларининг олий таълим муассасаларига ҳар йили 15 майга қадар юборилади.
10. Тавсияномага эга бўлган номзодларга белгиланган тартибда саралашнинг барча босқичларидан муваффақиятли ўтганидан сўнг ҳуқуқ-тартибот органларининг олий таълим муассасаларига якка тартибдаги суҳбатсиз (тест синовларисиз) квота асосида ўқишга кириш ҳуқуқи берилади.
11. Тавсияномага эга бўлган номзодлар ҳуқуқ-тартибот органларининг олий таълим муассасаларига қабул қилишнинг умумий сонидан икки фоизли квоталарга мувофиқ қабул қилинади.
12. Тавсияномага асосан ўқишга қабул қилинган курсант ўқишдан четлаштирилган тақдирда (шу жумладан, ўз хоҳиши билан ўқишдан кетганда), уларга тавсиянома қайта берилмайди.
3-боб. Якунловчи қоидалар
13. «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга кириш учун тавсияномалар бериш билан боғлиқ масалалар бўйича қонунчилик ҳужжатларида белгиланган тартибда юқори турувчи органга ёки судга шикоят қилиниши мумкин.
14. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга кириши учун тавсиянома бериш тартиби тўғрисидаги низомга 1-ИЛОВА
«Тўмарис издошлари» жамоавий гуруҳларига жалб қилинган хотин-қизларга тавсиянома бериш
Босқичлар Субъектлар Бажариш тартиби Бажариш муддатлари 1-босқич Туман (шаҳар) ички ишлар органлари ҳуқуқбузарликлар профилактикаси бўлимлари (бўлинмалари) «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга киришда имтиёз берадиган тавсияномаларни бериш масалаларини туман (шаҳар) оила ва хотин-қизлар бўлимларининг масъул ходимлари иштирокида қўриб чиқади ва Низомда белгиланган ҳужжатларни Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари Ҳуқуқбузарликлар профилактикаси бошқармаларига тақдим этади. Ҳар йили 15 февралдан 10 мартга қадар 2-босқич Қорақалпоғистон Республикаси ички ишлар вазирлиги, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармалари Ҳуқуқбузарликлар профилактикаси бошқармалари 1. Туман (шаҳар) ички ишлар органлари раҳбарлари томонидан тақдим этилган ҳужжатлар асосида тавсияномага номзод бўлган гуруҳ аъзолари билан оша ва хотин-қизлар бошқармаларининг масъул ходимлари ҳамда «Тўмарис издошлари» жамоавий гуруҳлари аъзоларининг ота-оналари (қонуний вакиллари) иштирокида очиқ суҳбат ташкил этилади. 2. Суҳбат натижалари бўйича бошқарма бошлиқлари томонидан тасдиқланадиган хулоса шакллантирилади ва Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизматига юборилади. Ҳар йили 15 мартдан 1 апрелгача 3-босқич Ҳуқуқбузарликлар профилактикаси хизмати 1. Тақдим этилган хулосалар Ҳуқуқбузарликлар профилактикаси хизмати ҳузурида тузиладиган, Оила ва хотин қизлар қўмитаси вакили киритилган ишчи гуруҳ томонидан кўриб чиқилади. 2. Ўзбекистон Республикаси ички ишлар вазирининг ўринбосари — Жамоат хавфсизлиги департаменти бошлиғи томонидан тасдиқланадиган тавсияномалар берилади. Ҳар йили 1 майгача 4-босқич Ҳуқуқбузарликлар профилактикаси хизмати «Тўмарис издошлари» жамоавий гуруҳларига жалб қилинган хотин-қизларга берилган тавсияномаларни Ўзбекистон Республикаси Ички ишлар вазирлиги Академияси хамда Ўзбекистон Республикаси Миллий гвардияси Жамоат хавфсизлиги университетига юборади. Ҳар йили 15 майгача 5-босқич Таълим муассасалари Тавсиянома берилган «Тўмарис издошлари» жамоавий гуруҳлари аъзолари белгиланган тартибда саралашнинг барча босқичларидан муваффақиятли ўтганидан сўнг ҳуқуқ-тартибот органларининг олий таълим муассасаларига якка тартибдаги суҳбатсиз (тест синовларисиз) квота асосида ўқишга қабул қилинади. Ҳар йили 5 июлгача
Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари аъзоларига ҳуқуқ-тартибот органларининг олий таълим муассасаларига ўқишга кириши учун тавсиянома бериш тартиби тўғрисидаги низомга 2-ИЛОВА
НАМУНА OʻZBEKISTON RESPUBLIKASI ICHKI ISHLAR VAZIRLIGI 100029, Toshkent shahri, Yunus Rajabiy koʻchasi, 1-uy. web: www.iiv.uz e-mail: info@iiv.uz exat: iiv@exat.uz ____/_____ 20___ йил «___» _____________ ______________________________ (юборилаётган ўқув муассасаси номи) ТАВСИЯНОМА Ғиёсова Азизахон Шоҳрух қизи 2022 йил 1 сентябрдан 15 апрелга қадар 360 соат мобайнида «Тўмарис издошлари» жамоатчилик гуруҳида аъзо сифатида _______________ тумани (шаҳри) ички ишлар органлари Ҳуқуқбузарликлар профилактикаси бўлими хотин-қизлар масалалари бўйича катта инспектори билан ҳамкорликда фаолият кўрсатди. А. Ғиёсова ўзига бириктирилган ҳудудда жамоат хавфсизлигини таъминлаш, хотин-қизлар ўртасида ҳуқуқбузарликларнинг олдини олиш мақсадида тарғибот тадбирларида ички ишлар органларига фаол кўмаклашди. Юқоридагиларни инобатга олиб, «Тўмарис издошлари» жамоатчилик гуруҳи аъзоси Ғиёсова Азизахон Шоҳрух қизини белгиланган тартибда рағбатлантириш сифатида _______________ олий таълим муассасасига ўқишга кириш бўйича тавсия этамиз. Изоҳ. Ушбу тавсиянома ҳуқуқ-тартибот идораларининг олий таълим муассасаларига белгиланган тартибда саралашнинг барча босқичларидан муваффақиятли ўтганидан сўнг якка тартибдаги суҳбатсиз (тест синовларисиз) квота асосида ўқишга кириш ҳуқуқини беради. Вазир ўринбосари имзо Ф.И.О.
Вазирлар Маҳкамасининг 2023 йил 19 январдаги 21-сон қарорига 3-ИЛОВА
Вазирлар Маҳкамасининг 2017 йил 1 декабрдаги 958-сон қарори билан тасдиқланган Ўзбекистон Республикаси Ички ишлар вазирлиги Академиясининг кундузги таълим шаклига номзодларни танлаш ва ўқишга қабул қилиш тартиби тўғрисидаги низомга киритилаётган қўшимчалар
1. 2-банд қуйидаги мазмундаги тўртинчи хатбоши билан тўлдирилсин:
«Тўмарис издошлари» жамоавий гуруҳлари аъзоларига Академияга кириш учун курсантларни қабул қилишнинг умумий сонидан икки фоизли квота ажратилади»;
2. Қуйидаги мазмундаги 49 1 -банд билан тўлдирилсин:
«49 1 . «Тўмарис издошлари» жамоавий гуруҳлари аъзолари ажратилган икки фоизли квоталар доирасида дастлабки ва махсус касбий танловда (ёзма иш, умумжисмоний тайёргарлик ва чет тилларини ўзлаштирганлик даражаларини баҳолаш бўйича) тўпланиши мумкин бўлган энг юқори баллнинг 50 фоизидан кўп балл тўплаганда тавсиянома асосида ўқишга қабул қилинадилар.
Бунда ўринлар махсус касбий танлов натижалари бўйича тўпланган баллардан келиб чиқиб, кетма-кетлик тартибида тақсимланади.
Ажратилган икки фоизли квота ўринларига қабул қилинмаган номзодлар махсус касбий танлов натижалари бўйича тўплаган баллари билан умумий тартибда танловда иштирок этадилар».
Ўзбекистон Республикасининг Бош вазири А. АРИПОВ
Тошкент ш.,
2023 йил 19 январь,
21-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
NIZOM
SXEMASI
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari faoliyatini tashkil etish chora-tadbirlari toʻgʻrisida
Xotin-qizlar orasida huquqbuzarliklar sodir etilishining oldini olish, ularning huquq va erkinliklari hamda qonuniy manfaatlarini himoya qilish borasida olib borilayotgan ishlarning samaradorligini oshirish, shuningdek, Oʻzbekiston Respublikasi Prezidentining “Oʻzbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari toʻgʻrisida” 2021-yil 29-noyabrdagi PF-27-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari toʻgʻrisida” 2021-yil 29-noyabrdagi PF-27-son Farmoniga muvofiq ichki ishlar organlari xotin-qizlar masalalari boʻyicha boʻlinmalari huzurida yoshlar orasidan “Toʻmaris izdoshlari” jamoaviy guruhlarini tashkil etish hamda ushbu guruh aʼzolariga Oʻzbekiston Respublikasi Ichki ishlar vazirligi Akademiyasi hamda Oʻzbekiston Respublikasi Milliy gvardiyasi tizimidagi Jamoat xavfsizligi universitetiga (keyingi oʻrinlarda — huquq-tartibot organlarining oliy taʼlim muassasalari) oʻqishga kirishda imtiyozlar berish belgilanganligi maʼlumot uchun qabul qilinsin.
2. 2023-yil 1-iyundan boshlab yoshi oʻn sakkizdan kichik va oʻttizdan katta boʻlmagan, umumiy oʻrta yoki oʻrta maxsus maʼlumotli, biriktirilgan hududda doimiy yashovchi hamda muloqotga kirishuvchan va tashkilotchilik qobiliyatiga ega xotin-qizlarni koʻngilli asosda jalb qilish orqali “Toʻmaris izdoshlari” jamoaviy guruhlari faoliyati tashkil etilsin.
3. Quyidagilar “Toʻmaris izdoshlari” jamoaviy guruhlarining asosiy vazifalari etib belgilansin:
xotin-qizlarning huquq va erkinliklari hamda qonuniy manfaatlarini himoya qilishda hamkorlikda tadbirlarda ishtirok etish;
xotin-qizlar oʻrtasida huquqbuzarliklar profilaktikasini amalga oshirishga koʻmaklashish;
aholi oʻrtasida oʻtkazilayotgan profilaktik tadbirlarda xotin-qizlar muammolarini oʻrganish hamda ularni hal etishning maqbul yoʻllarini aniqlashda yordam koʻrsatish;
oʻrta, oʻrta maxsus va professional taʼlim muassasalarida taʼlim olayotgan qizlarning xulq-atvoriga salbiy taʼsir koʻrsatayotgan hamda ularning huquq va manfaatlari buzilishi bilan bogʻliq masalalarni aniqlashda koʻmaklashish.
4. Quyidagilarni nazarda tutuvchi:
a) Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari faoliyatini tashkil etish tartibi toʻgʻrisidagi nizom 1-ilovaga muvofiq:
ichki ishlar organlari xotin-qizlar masalalari boʻyicha boʻlinmalari huzurida “Toʻmaris izdoshlari” jamoaviy guruhlarini (keyingi oʻrinlarda — “Toʻmaris izdoshlari” jamoaviy guruhlari) shakllantirish, ushbu guruhga aʼzo boʻlish tartibi;
“Toʻmaris izdoshlari” jamoaviy guruhlari aʼzolarining asosiy vazifalari;
“Toʻmaris izdoshlari” jamoaviy guruhlari aʼzolarining faoliyatini nazorat qilish va monitoringini olib borish tartibi;
b) Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirishi uchun tavsiyanoma berish tartibi toʻgʻrisidagi nizom 2-ilovaga muvofiq tasdiqlansin:
“Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirish uchun tavsiyanomalar berishda inobatga olinadigan mezonlar;
huquq-tartibot organlarining oliy taʼlim muassasalariga oʻqishga kirish uchun kvota asosida tavsiyanomalarni berish tartibi;
“Toʻmaris izdoshlari” jamoaviy guruhlari aʼzolarini huquq-tartibot organlarining oliy taʼlim muassasalariga oʻqishga qabul qilish kvotalari.
5. Belgilansinki:
“Toʻmaris izdoshlari” jamoaviy guruhlari respublikaning barcha tuman (shahar)larida 2 nafardan (kriminogen vaziyat ogʻir boʻlgan tuman (shahar)larda 3 nafardan) ichki ishlar organlari xotin-qizlar masalalari boʻyicha boʻlinmalari huzurida shakllantiriladi;
“Toʻmaris izdoshlari” jamoaviy guruhlari aʼzolari bir yil davomida oʻqish va ish jarayoniga salbiy taʼsir etmagan holda umumiy 360 soat vaqt mobaynida faoliyat olib boradi;
xotin-qizlar oʻrtasida huquqbuzarliklar profilaktikasiga va xotin-qizlarning huquq va erkinliklarini himoya qilishga munosib hissa qoʻshgan “Toʻmaris izdoshlari” jamoaviy guruhlari aʼzolariga Oʻzbekiston Respublikasi Ichki ishlar vazirligi Jamoat xavfsizligi departamenti boshligʻining tavsiyanomasiga asosan huquq-tartibot organlarining oliy taʼlim muassasalariga belgilangan tartibda saralashning barcha bosqichlaridan muvaffaqiyatli oʻtganidan soʻng yakka tartibdagi suhbatsiz (test sinovlarisiz) kvota asosida oʻqishga kirish huquqi beriladi;
tavsiyanoma berilgan nomzodlar soni belgilangan kvotadan koʻp boʻlgan taqdirda, ularni oʻqishga qabul qilish tanlov natijalari boʻyicha toʻplangan ballardan kelib chiqib, ajratilgan qabul kvotalari doirasida ketma-ketlik tartibida taqsimlangan holda amalga oshiriladi.
6. Belgilab qoʻyilsinki, “Toʻmaris izdoshlari” jamoaviy guruhlarini shakllantirish hamda guruhlarning faol aʼzolariga huquq-tartibot organlarining oliy taʼlim muassasalariga imtiyozli oʻqishga kirish uchun tavsiyanoma berish boʻyicha Oʻzbekiston Respublikasi Ichki ishlar vazirligi hamda Oila va xotin-qizlar qoʻmitasining hamkorligi quyidagi tartibda amalga oshiriladi:
a) tuman (shahar) darajasida:
ichki ishlar organlari — “Toʻmaris izdoshlari” jamoaviy guruhlari aʼzoligiga kirmoqchi boʻlgan yoshlar (xotin-qizlar)dan arizalarni qabul qiladi, ular orasidan oila va xotin-qizlar boʻlimlari vakillari ishtirokida oʻtkaziladigan suhbat asosida mazkur qaror talablariga javob beradiganlarini tanlab oladi, guruhlarni tashkil etish va nomzodlarni qabul qilish yoki rad etish boʻyicha oila va xotin-qizlar boʻlimlari bilan kelishgan holda tegishli qarorni qabul qiladi, nomzodlar bilan oʻtkazilgan suhbat va guruhlarga qabul qilish natijalari boʻyicha viloyat boshqarmalariga maʼlumot taqdim etadi, guruh aʼzolarining har oylik ish jadvalini ishlab chiqadi va tasdiqlaydi, guruhlar tomonidan ishni tashkil etish natijadorligi boʻyicha monitoring oʻtkazadi;
oila va xotin-qizlar boʻlimlari — “Toʻmaris izdoshlari” jamoaviy guruhlari aʼzoligiga kirmoqchi boʻlgan yoshlar (xotin-qizlar)dan arizalarni qabul qiladi, ular orasidan belgilangan talablarga javob beradiganlari boʻyicha ichki ishlar organlari rahbarlariga yozma tavsiyanoma beradi, nomzodlar bilan ichki ishlar organlarida oʻtkaziladigan suhbat jarayonida va tegishli qaror qabul qilishda ishtirok etadi, guruh aʼzolarining har oylik ish jadvalini ishlab chiqishda hamda guruhlar tomonidan ishni tashkil etish natijadorligi boʻyicha oʻtkaziladigan monitoringda ishtirok etadi;
b) Qoraqalpogʻiston Respublikasi, viloyatlar va Toshkent shahri darajasida:
ichki ishlar organlari — “Toʻmaris izdoshlari” jamoaviy guruhlari aʼzolari haqidagi maʼlumotlarni jamlaydi, guruhlar tomonidan amalga oshirilayotgan ishlar natijadorligi boʻyicha monitoring oʻtkazadi, tuman (shahar) ichki ishlar organlari rahbarlari tomonidan taqdim etilgan hujjatlar asosida huquq-tartibot organlarining oliy taʼlim muassasalariga imtiyozli oʻqishga kirish uchun tavsiyanoma olishga nomzod boʻlgan guruh aʼzolari bilan oila va xotin-qizlar boshqarmalarining masʼul xodimlari hamda nomzodlarning ota-onalari (qonuniy vakillari) ishtirokida ochiq suhbat tashkil etadi, suhbat natijalari boʻyicha boshqarma boshliqlari tomonidan tasdiqlanadigan xulosa shakllantiriladi va Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmatiga yuboriladi;
oila va xotin-qizlar boshqarmalari — “Toʻmaris izdoshlari” jamoaviy guruhlari aʼzolari haqidagi maʼlumotlarni jamlaydi, guruhlar tomonidan amalga oshirilayotgan ishlar natijadorligi boʻyicha monitoring oʻtkazadi, huquq-tartibot organlarining oliy taʼlim muassasalariga imtiyozli oʻqishga kirish uchun tavsiyanoma olishga nomzod boʻlgan guruh aʼzolari bilan ichki ishlar organlari tomonidan oʻtkaziladigan suhbatda ishtirok etadi;
v) respublika darajasida:
Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmati — “Toʻmaris izdoshlari” jamoaviy guruhlari faoliyati boʻyicha maʼlumotlarni jamlaydi, guruhlarning ishchanligi va ish natijadorligi boʻyicha tizimli tahlil olib boradi, lozim darajada ularni metodik materiallar bilan taʼminlaydi, Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari tomonidan taqdim etilgan xulosalarni koʻrib chiqadi va Oʻzbekiston Respublikasi ichki ishlar vazirining oʻrinbosari — Jamoat xavfsizligi departamenti boshligʻi tomonidan tasdiqlanadigan huquq-tartibot organlarining oliy taʼlim muassasalariga imtiyozli oʻqishga kirish uchun tavsiyanomalar beradi;
Oila va xotin-qizlar qoʻmitasi — “Toʻmaris izdoshlari” jamoaviy guruhlari faoliyati boʻyicha maʼlumotlarni jamlaydi, guruhlarning ishchanligi va ish natijadorligi boʻyicha tizimli tahlil olib boradi, lozim darajada ularni metodik materiallar bilan taʼminlashda ishtirok etadi, Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmati huzurida huquq-tartibot organlarining oliy taʼlim muassasalariga imtiyozli oʻqishga kirish uchun tavsiyanomalar berish boʻyicha tuziladigan ishchi guruh faoliyatida ishtirok etadi.
7. Vazirlar Mahkamasining 2017-yil 1-dekabrdagi 958-son qarori bilan tasdiqlangan Oʻzbekiston Respublikasi Ichki ishlar vazirligi Akademiyasining kunduzgi taʼlim shakliga nomzodlarni tanlash va oʻqishga qabul qilish tartibi toʻgʻrisidagi nizomga 3-ilovaga muvofiq qoʻshimchalar kiritilsin.
8. Oʻzbekiston Respublikasi Ichki ishlar vazirligi:
a) bir oy muddatda ushbu qarorning mazmun-mohiyati ommaviy axborot vositalarida keng yoritilishini taʼminlasin;
b) uch oy muddatda:
“Toʻmaris izdoshlari” jamoaviy guruhlarini shakllantirsin va ularning faoliyat koʻrsatishi uchun zarur shart-sharoitlar yaratsin;
Milliy gvardiya bilan birgalikda tavsiyanomalar berilgan “Toʻmaris izdoshlari” jamoaviy guruhlari aʼzolariga oʻzlarining oliy taʼlim muassasalariga qabul qilishda qabul qilishning umumiy sonidan ikki foizli kvota ajratsin;
manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.B. Mahkamova hamda Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2023-yil 19-yanvardagi 21-son qaroriga 1-ILOVA
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari faoliyatini tashkil etish tartibi toʻgʻrisida
1-bob. Umumiy qoidalar
1. Mazkur Nizom ichki ishlar organlari xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari (keyingi oʻrinlarda — “Toʻmaris izdoshlari” jamoaviy guruhlari) faoliyatini tashkil etish va amalga oshirish tartibini belgilaydi.
2. “Toʻmaris izdoshlari” jamoaviy guruhlari oʻz faoliyatini Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, Oʻzbekiston Respublikasi ichki ishlar vazirining buyruqlariga va ushbu Nizomga muvofiq amalga oshiradi.
3. “Toʻmaris izdoshlari” jamoaviy guruhlarining maqsadi belgilangan hududning osoyishtaligi va xavfsizligini taʼminlashdan hamda xotin-qizlar oʻrtasida huquqbuzarliklarning oldini olishda ichki ishlar organlariga koʻmaklashishdan iborat.
4. “Toʻmaris izdoshlari” jamoaviy guruhlarining faoliyati Oʻzbekiston Respublikasi Ichki ishlar vazirligi (keyingi oʻrinlarda — vazirlik) Jamoat xavfsizligi departamenti Huquqbuzarliklar profilaktikasi xizmati tomonidan Oʻzbekiston Respublikasi Oila va xotin qizlar qoʻmitasi (keyingi oʻrinlarda — Oila va xotin qizlar qoʻmitasi) bilan hamkorlikda muvofiqlashtirilib boriladi.
2-bob. “Toʻmaris izdoshlari” jamoaviy guruhlari faoliyatini tashkil etish tartibi
5. “Toʻmaris izdoshlari” jamoaviy guruhlarini shakllantirish mazkur Nizomga 1-ilovada keltirilgan sxemaga muvofiq amalga oshiriladi.
6. “Toʻmaris izdoshlari” jamoaviy guruhlari tarkibiga koʻngilli asosda bevosita xotin-qizlar oʻrtasida huquqbuzarliklarning oldini olishda oʻz hissasini qoʻshish istagini bildirgan oʻn sakkiz yoshdan oʻttiz yoshgacha boʻlgan xotin-qizlar kiritiladi.
Guruhga ichki ishlar organlarining profilaktik hisobida hamda ruhiy kasalliklar dispanseri, giyohvandlik, surunkali ichkilikbozlikka ruju qoʻyganligi uchun tegishli tibbiyot muassasalari hisobida turgan, sudlanganlik holati tugallanmagan yoki olib tashlanmagan, sud tomonidan muomalaga layoqatsiz yoki muomala layoqati cheklangan deb topilganlar, diniy tashkilotlarning professional xizmatchilari qabul qilinmaydi.
7. “Toʻmaris izdoshlari” jamoaviy guruhlari huquq-tartibot organlarining oliy taʼlim muassasalariga oʻqishga kirish niyatidagi hamda bevosita xotin-qizlar oʻrtasida huquqbuzarliklarning oldini olishga oʻz hissasini qoʻshish istagini bildirgan yoshlar (xotin-qizlar)ning tuman (shahar) ichki ishlar organlari yoki tuman (shahar) oila va xotin-qizlar boʻlimlari boshliqlari nomiga yozgan arizalari asosida shakllantiriladi.
Tuman (shahar) oila va xotin-qizlar boʻlimi rahbari yoshlar (xotin-qizlar)ning “Toʻmaris izdoshlari” jamoaviy guruhlariga kiritish yuzasidan yozgan arizasini mazkur Nizomda belgilangan tartibda oʻrganib chiqqandan keyin tuman (shahar) ichki ishlar organlari boshliqlari nomiga yozma ravishda tavsiya kiritadi.
8. Tuman (shahar) ichki ishlar organlari kadrlar bilan taʼminlash boʻlinmasi (guruhi) tomonidan tuman (shahar) oila va xotin-qizlar boʻlimining vakili ishtirokida nomzod haqidagi maʼlumotlar oʻrganib chiqiladi.
Tuman (shahar) ichki ishlar organlari huquqbuzarliklar profilaktikasi boʻlimi (boʻlinmasi) boshligʻi, tuman (shahar) ichki ishlar organlari huquqbuzarliklar profilaktikasi boʻlimi (boʻlinmasi)ning xotin-qizlar masalalari boʻyicha katta inspektori, tuman (shahar) ichki ishlar organlari kadrlar bilan taʼminlash boʻlinmasi (guruhi) hamda tuman (shahar) oila va xotin-qizlar boʻlimining masʼul xodimlari nomzodlarning muloqotga kirishuvchan va tashkilotchilik qobiliyatiga ega ekanligini, ularning shaxsiy va ishchanlik sifatlarini aniqlash maqsadida ular bilan suhbat oʻtkazadi.
Suhbat natijalariga koʻra hamda mazkur Nizomda belgilangan talablarga asosan “Toʻmaris izdoshlari” jamoaviy guruhi aʼzoligiga qabul qilish yoki rad etish toʻgʻrisida 3 kun ichida tuman (shahar) ichki ishlar organlari rahbarining qarori qabul qilinadi va tuman (shahar) ichki ishlar organlari huquqbuzarliklar profilaktikasi boʻlimi (boʻlinmasi)ning xotin-qizlar masalalari boʻyicha katta inspektoriga biriktiriladi.
Tuman (shahar) ichki ishlar organlari kadrlar bilan taʼminlash boʻlinmasi (guruhi) nomzod haqidagi maʼlumotlarni oʻrganib chiqish jarayonida mazkur Nizomda nomzodlarga qoʻyilgan talablarga javob bermaydigan holatlar aniqlanganda, bu haqida 3 kun ichida nomzodga xabar beradi.
9. Tuman (shahar) ichki ishlar organlari huquqbuzarliklar profilaktikasi boʻlimi (boʻlinmasi) nomzodning “Toʻmaris izdoshlari” jamoaviy guruhiga qabul qilinganligi toʻgʻrisida 3 kun ichida Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari Huquqbuzarliklar profilaktikasi boshqarmalariga xabar beradi.
Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari Huquqbuzarliklar profilaktikasi boshqarmalari “Toʻmaris izdoshlari” jamoaviy guruhlari aʼzolarining tuman (shahar) ichki ishlar organlari huquqbuzarliklar profilaktikasi boʻlinmalari xotin-qizlar masalalari boʻyicha katta inspektorlariga biriktirilganligi boʻyicha vazirlikning Jamoat xavfsizligi departamenti Huquqbuzarliklar profilaktikasi xizmati hamda Oila va xotin-qizlar qoʻmitasiga axborot beradi.
10. “Toʻmaris izdoshlari” jamoaviy guruhlari aʼzolari xizmat olib borish jarayonida ajralib turishlari uchun 9x12 hajmdagi 3x4 rasm joylashtirilgan beyjik bilan taʼminlanadi.
11. Tuman (shahar) ichki ishlar organlari “Toʻmaris izdoshlari” jamoaviy guruhlarining shakllantirilishi va faoliyat koʻrsatishi uchun zarur shart-sharoitlarni yaratadilar.
12. “Toʻmaris izdoshlari” jamoaviy guruhlari faoliyatini samarali tashkil etish boʻyicha javobgarlik tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari) boshliqlari va xotin-qizlar masalalari boʻyicha katta inspektorlari zimmasiga yuklatiladi.
13. “Toʻmaris izdoshlari” jamoaviy guruhlari oʻz faoliyatini ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari bilan birgalikda olib boradi.
“Toʻmaris izdoshlari” jamoaviy guruhlari faoliyatiga bevosita rahbarlik hududiy ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari tomonidan amalga oshiriladi.
“Toʻmaris izdoshlari” jamoaviy guruhlari oʻz faoliyati samaradorligi yuzasidan tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari oldida hisob beradi.
“Toʻmaris izdoshlari” jamoaviy guruhlari ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari bilan huquqbuzarliklarning oldini olishga qaratilgan profilaktika tadbirlarining tashkil etilishi hamda oʻtkazilishida tuman (shahar) oila va xotin-qizlar boʻlimlari bilan birga ishtirok etadi.
14. Tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari quyidagilarni amalga oshiradi:
“Toʻmaris izdoshlari” jamoaviy guruhlarining vazifa va funksiyalari davlat organlari, nodavlat notijorat tashkilotlar va fuqarolik jamiyatining boshqa institutlari, shu jumladan, fuqarolarning oʻzini oʻzi boshqarish organlari bilan hamkorlikda amalga oshirilishini taʼminlaydi;
“Toʻmaris izdoshlari” jamoaviy guruhlariga yuklatilgan vazifalarni bajarishga qaratilgan aniq koʻrsatmalarni, oʻzaro aloqa hamda hamkorlik qilish yoʻnalishlarini belgilab beradi;
“Toʻmaris izdoshlari” jamoaviy guruhlarining faoliyatini va yuklatilgan vazifalarni bajarish jarayonidagi xatti-harakatlarini muntazam nazorat qilib boradi;
“Toʻmaris izdoshlari” jamoaviy guruhlari tomonidan maʼlum qilingan huquqbuzarlik faktlari va huquqbuzarlik bilan bogʻliq boshqa holatlarni birgalikda hal etish choralarini koʻradi;
“Toʻmaris izdoshlari” jamoaviy guruhlari aʼzolari oʻrtasida tegishli hududda osoyishtalikni taʼminlash bilan bogʻliq vazifalarni bajarishda, birinchi navbatda, qonun ustuvorligini taʼminlash, qonunchilikka va jamiyatda yurish-turish qoidalariga rioya etish zarurligi yuzasidan tushuntirish ishlarini olib boradi.
15. “Toʻmaris izdoshlari” jamoaviy guruhlari aʼzolariga qonunga xilof topshiriqlar, huquqbuzarlik alomatlari mavjud boʻlgan maʼlumotlarni hamda bevosita ichki ishlar organlari vakolati doirasiga kiruvchi topshiriq va vazifalarni berish, ularni davlat hamda xizmat siriga ega boʻlgan hujjatlar bilan tanishtirish taqiqlanadi.
16. Tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari bilan kelishgan holda “Toʻmaris izdoshlari” jamoaviy guruh aʼzolari faoliyati ularning sonidan kelib chiqib belgilangan yoʻnalish boʻyicha har kuni 3 soatdan koʻp boʻlmagan vaqtda amalga oshiriladi.
“Toʻmaris izdoshlari” jamoaviy guruhlarining faoliyati ularning oʻqish va ish jarayoniga salbiy taʼsir etmasligi lozim.
17. “Toʻmaris izdoshlari” jamoaviy guruhlari aʼzolarining xizmatga chiqishi boʻyicha tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektori hamda tuman (shahar) oila va xotin-qizlar boʻlim boshliqlari bilan kelishgan holda oylik jadval ishlab chiqiladi va tuman (shahar) ichki ishlar organlari huquqbuzarliklar profilaktikasi boʻlinmalari boshliqlari tomonidan tasdiqlanadi.
Uzrli sabablar mavjud boʻlganda (tibbiy xulosaga koʻra sogʻligʻining yomonlashuvi, yaqin qarindoshlarining vafot etishi) “Toʻmaris izdoshlari” jamoaviy guruhlari tarkibida faoliyat olib bormagan shaxslarning oldingi xizmat soatlari bir yilgacha saqlab qolinadi.
“Toʻmaris izdoshlari” jamoaviy guruhlari aʼzolarining yashash manzili oʻzgarganda, ular yangi yashash manzilidagi mahallada oldingi xizmat soatlari qoʻshilgan holda oʻz faoliyatini davom ettirishi mumkin.
18. “Toʻmaris izdoshlari” jamoaviy guruhlari aʼzolarining hujjatlari xizmatga (oʻqishga) qabul qilishda hamda ragʻbatlantirishda ularning belgilangan yoʻnalish boʻyicha bir yil davomida umumiy 360 soat vaqt mobaynida faoliyat yuritganligi uchun asos hisoblanadi.
19. “Toʻmaris izdoshlari” jamoaviy guruhlari aʼzolari quyidagi hollarda guruh safidan chiqariladi:
vafot etganda;
oʻz xohishiga (arizasiga) koʻra;
tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorini xabardor qilmagan holda uzluksiz uch kun davomida belgilangan vazifasini bajarmaganda hamda mazkur Nizom talablarini buzganda;
sogʻligʻi holati yoki boshqa uzrli sabablarga koʻra uch oy davomida oʻz vazifalarini bajara olmay qolganda;
Oʻzbekiston Respublikasining fuqaroligi tugatilganda yoki chet davlat fuqaroligini olganda;
sodir etgan jinoyati uchun sudning hukmi, ajrimi, qarori qonuniy kuchga kirganda;
sudning qonuniy kuchga kirgan hal qiluv qarori asosida bedarak yoʻqolgan deb topilgan yoxud vafot etgan deb eʼlon qilinganda.
20. Xotin-qizlarni “Toʻmaris izdoshlari” jamoaviy guruhlari tarkibidan chiqarish tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlarining tavsiyasiga koʻra tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari) boshliqlari tomonidan amalga oshiriladi va bu haqida uch kun muddatda Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari Huquqbuzarliklar profilaktikasi boshqarmalari hamda viloyat oila va xotin-qizlar boshqarmalari boshliqlari xabardor qilinadi.
21. Xotin-qizlar “Toʻmaris izdoshlari” jamoaviy guruhlari aʼzoligidan chiqarilgan taqdirda, ularga tavsiyanoma berilmaydi hamda ularning “Toʻmaris izdoshlari” jamoaviy guruhida faoliyat olib borgan muddati hisobga olinmaydi.
22. “Toʻmaris izdoshlari” jamoaviy guruhi safidan chiqarilgan xotin-qizlar oʻz xohishiga koʻra guruhga yangidan aʼzo boʻlishni soʻrab yozgan arizasi boʻyicha bir oydan soʻng “Toʻmaris izdoshlari” jamoaviy guruhlari tarkibiga qayta qabul qilinishi mumkin.
3-bob. “Toʻmaris izdoshlari” jamoaviy guruhlari aʼzolarining vazifalari, huquqlari va majburiyatlari
23. Quyidagilar “Toʻmaris izdoshlari” jamoaviy guruhi aʼzolarining asosiy vazifalari hisoblanadi:
xotin-qizlarning huquq va erkinliklari hamda qonuniy manfaatlarini himoya qilishda hamkorlikda tadbirlarda ishtirok etish;
xotin-qizlar oʻrtasida huquqbuzarliklar profilaktikasini amalga oshirishga koʻmaklashish;
aholi oʻrtasida oʻtkazilayotgan profilaktik tadbirlarda xotin-qizlar muammolarini oʻrganish hamda ularni hal etishning maqbul yoʻllarini aniqlashda yordam koʻrsatish;
oʻrta, oʻrta maxsus va professional taʼlim muassasalarida taʼlim olayotgan qizlarning xulq-atvoriga salbiy taʼsir koʻrsatayotgan hamda ularning huquq va manfaatlari buzilishi bilan bogʻliq masalalarni aniqlashda koʻmaklashish.
“Toʻmaris izdoshlari” jamoaviy guruhlari aʼzolari ushbu vazifalarni bevosita ichki ishlar organlari xodimlari ishtirokida amalga oshiradi.
“Toʻmaris izdoshlari” jamoaviy guruhlari joylarda tuman (shahar) oila va xotin-qizlar boʻlimlari tomonidan xotin-qizlar orasida qonuniylik va huquq-tartibotni taʼminlash, huquqbuzarliklar profilaktikasi va jinoyatchilikka qarshi kurashish boʻyicha oʻtkaziladigan tadbirlarda faol ishtirok etadi.
24. “Toʻmaris izdoshlari” jamoaviy guruhlari aʼzolari quyidagi huquqlarga ega:
jamoat tartibiga, xavfsizlikka, jamiyatda yurish-turish va odob-axloq qoidalariga xotin-qizlar tomonidan rioya qilinmagan hollarda, tegishli organlar bilan birgalikda tushuntirish ishlarini olib borish va tashkil etishda qatnashish;
xotin-qizlar tomonidan hamda ularga nisbatan sodir etilayotgan huquqbuzarliklarni toʻxtatishni talab qilish;
hududda istiqomat qiluvchi xotin-qizlar oʻrtasidagi turli nizolarni hal etishda, ular tomonidan sodir etilgan huquqbuzarliklarni aniqlash va ularni ushlashda, oʻzining xatti-harakatlari bilan huquqbuzarlik sodir etish ehtimoli boʻlgan xotin-qizlar bilan huquqiy-tarbiyaviy mazmundagi suhbatlarda va qonunchilik hujjatlarida belgilangan tartibda boshqa profilaktik chora-tadbirlarda bevosita ishtirok etish;
huquq-tartibotni mustahkamlash va jamoat tartibini taʼminlash yuzasidan olib borilayotgan faoliyat samaradorligini oshirishga doir takliflarni ichki ishlar organlariga kiritish;
ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektoridan oʻz xizmat vazifalarini bajarish uchun shart-sharoitlar yaratishni hamda amaliy yordam koʻrsatishni talab qilish.
25. Quyidagilar “Toʻmaris izdoshlari” jamoaviy guruhlarining majburiyatlari hisoblanadi:
fuqarolar bilan muloqotda vazmin va xushmuomala boʻlish;
shaxsiy xavfsizlik qoidalariga rioya etish;
oʻzining ijtimoiy-siyosiy, huquqiy bilimlarini oshirib borish;
huquqni muhofaza qilish organlari xodimlariga ushbu Nizomda koʻrsatilgan vazifalarni bajarishda koʻmaklashish va ularning qonuniy talablarini bajarish;
xotin-qizlar tomonidan jinoyat va huquqbuzarliklar sodir etilganda yoki ular bilan baxtsiz hodisalar yuz berganda bu haqida zudlik bilan ichki ishlar organlariga va boshqa tegishli tashkilotlarga xabar berish.
26. “Toʻmaris izdoshlari” jamoaviy guruhlari aʼzolariga oʻzlariga yuklatilgan vazifalarni bajarish vaqtida quyidagilar taqiqlanadi:
odob-axloq qoidalariga zid xatti-harakatlar sodir etish;
fuqarolarga nisbatan jismoniy kuch ishlatish (zaruriy mudofaa va oxirgi zarurat bundan mustasno);
huquq-tartibot organlari xodimlari xizmat faoliyati davomida foydalanadigan maxsus vositalar, oʻqotar qurollarni ishlatish;
oʻzini huquq-tartibot organlari xodimi deb tanishtirish yoki ularning vakolatlaridan foydalanish.
4-bob. “Toʻmaris izdoshlari” jamoaviy guruhlari faoliyatini monitoring qilish tartibi
27. “Toʻmaris izdoshlari” jamoaviy guruhlari faoliyati tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari hamda ichki ishlar organlarining huquqbuzarliklar profilaktikasi boʻlinmalari va tuman (shahar) oila va xotin-qizlar boʻlimlari tomonidan monitoring qilib boriladi.
28. “Toʻmaris izdoshlari” jamoaviy guruhlari faoliyatining monitoringi natijalari tuman (shahar) ichki ishlar organlari huquqbuzarliklar profilaktikasi boʻlinmalari boshliqlari tomonidan tuman (shahar) oila va xotin-qizlar boʻlimlari vakillari ishtirokida har yarim yil yakuni boʻyicha muhokama qilib boriladi.
29. Vazirlik Jamoat xavfsizligi departamenti Huquqbuzarliklar profilaktikasi xizmati boshligʻining oʻrinbosari “Toʻmaris izdoshlari” jamoaviy guruhlarining faoliyati ustidan umumiy rahbarlikni amalga oshiradi.
30. “Toʻmaris izdoshlari” jamoaviy guruhlari aʼzolari amalga oshirilgan ishlar yuzasidan oʻz hisobotlarini (keyingi oʻrinlarda — hisobotlar) har chorakning oxirgi kunida tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari va tuman (shahar) oila va xotin-qizlar boʻlimlariga taqdim etadi.
Ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektori hisobotlarni oʻrganib, tahlil qiladi va umumlashtirib, keyingi oyning 5-kuniga qadar Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari Huquqbuzarliklar profilaktikasi boshqarmalariga taqdim etadi.
Tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlari hisobotlarning haqqoniyligiga shaxsan javobgar hisoblanadi.
31. Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari Huquqbuzarliklar profilaktikasi boshqarmalari hamda Qoraqalpogʻiston Respublikasi, Toshkent shahar va viloyatlar oila va xotin-qizlar boshqarmalari ushbu hisobotlarni oʻrganib, umumlashtiradi hamda Oʻzbekiston Respublikasi Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmati hamda Oila va xotin-qizlar qoʻmitasiga taqdim etadi.
4-bob. Yakunlovchi qoidalar
32. Mahalliy ijroiya hokimiyat organlari va yoshlar yetakchilari “Toʻmaris izdoshlari” jamoaviy guruhlari bilan hamkorlikni faqat ushbu Nizomda belgilangan vazifalar doirasida xotin-qizlar masalalari boʻyicha katta inspektor bilan kelishgan holda amalga oshiradi.
33. “Toʻmaris izdoshlari” jamoaviy guruhlarini ushbu Nizomda hamda boshqa qonunchilik hujjatlarida koʻrsatilmagan vazifalarni bajarishga jalb etish taqiqlanadi.
34. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari faoliyatini tashkil etish tartibi toʻgʻrisidagi nizomga 1-ILOVA
“Toʻmaris izdoshlari” jamoaviy guruhlarini shakllantirish
Bosqichlar Subyektlar Tadbirlar nomi Bajarish muddatlari 1-bosqich 18 — 30 yoshdagi xotin-qizlar 1. Tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari) huzurida tashkil etilgan “Toʻmaris izdoshlari” jamoaviy guruhi aʼzoligiga qabul qilish boʻyicha tuman (shahar) ichki ishlar organlari yoki oila va xotin-qizlar boʻlimlari boshliqlari nomiga ariza bilan murojaat qiladi. Ixtiyoriy muddatda 2. Tuman (shahar) oila va xotin-qizlar boʻlimi rahbari arizani belgilangan tartibda oʻrganish asosida, tuman (shahar) ichki ishlar organlari boshliqlari nomiga yozma ravishda tavsiya kiritadi. 10 kun ichida 2-bosqich Tuman (shahar) ichki ishlar organlari kadrlar bilan taʼminlash guruhi (boʻlinmasi) boʻlimlari “Toʻmaris izdoshlari” jamoaviy guruhlari aʼzoligiga qabul qilishda nomzodlarni oʻrganib chiqib, ular bilan tuman (shahar) ichki ishlar organlari huquqbuzarliklar profilaktikasi boʻlinmasi boshligʻi, tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektori hamda tuman (shahar) oila va xotin-qizlar boʻlimlari vakili ishtirokida suhbat tashkil etadi. 15 kun ichida 3-bosqich Tuman (shahar) ichki ishlar organlari Tuman (shahar) ichki ishlar organlari rahbarlari “Toʻmaris izdoshlari” jamoaviy guruhlari faoliyatini tashkil etish va guruh aʼzoligiga nomzodlarni qabul qilish yoki rad etish toʻgʻrisida tuman (shahar) oila va xotin-qizlar boʻlimlari rahbarlari bilan kelishilgan holda qaror qabul qiladi. 3 kun ichida 4-bosqich Tuman (shahar) ichki ishlar organlari huquqbuzarliklar profilaktikasi boʻlinmalari “Toʻmaris izdoshlari” jamoaviy guruhlari aʼzoligiga nomzodlar qabul qilinganligi haqida Qoraqalpogʻiston Respublikasi IIV, Toshkent shahar va Toshkent viloyati IIBB va viloyatlar IIBlari Huquqbuzarliklar profilaktikasi boshqarmalari hamda Qoraqalpogʻiston Respublikasi, Toshkent shahar va viloyatlar oila va xotin-qizlar boshqarmalariga maʼlumot taqdim etadi. 3 kun ichida 5-bosqich Qoraqalpogʻiston Respublikasi IIV, Toshkent shahar va Toshkent viloyati IIBB va viloyatlar IIBlari Huquqbuzarliklar profilaktikasi boshqarmalari “Toʻmaris izdoshlari” jamoaviy guruhlari tashkil etilganligi va guruh aʼzolarining tuman (shahar) ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektorlariga biriktirilganligi boʻyicha Ichki ishlar vazirligi Huquqbuzarliklar profilaktikasi xizmati hamda Oila va xotin-qizlar qoʻmitasiga axborot beradi. 10 kun ichida
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari faoliyatini tashkil etish tartibi toʻgʻrisidagi nizomga 2-ILOVA
NAMUNA ___________________________________________ __________________________________________ga (Ichki ishlar organi rahbarining unvoni, F.I.O.) ___________________________________________ (F.I.O., tugilgan sanasi, tugilgan joyi) ___________________________________________ ________________________________________dan ___________________________________________ (telefon raqami) 20____ yil “____” ______________ ARIZA Meni xotin-qizlar oʻrtasida huquqbuzarlik profilaktikasini tashkil etish va jinoyatchilikka qarshi kurashish borasida koʻmaklashish maqsadida ichki ishlar organlari xotin-qizlar masalalari boʻyicha boʻlinmalari huzurida tashkil etilgan “Toʻmaris izdoshlari” jamoatchilik guruhi aʼzoligiga qabul qilishingizni soʻrayman. F.I.O. imzo sana
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari faoliyatini tashkil etish tartibi toʻgʻrisidagi nizomga 3-ILOVA
NAMUNA __________________________________ga (yuborilayotgan tuman (shahar) ichki ishlar organi nomi) TAVSIYANOMA Gʻiyosova Azizaxon Shohrux qizini tumani (shahar) ichki ishlar organlari Huquqbuzarliklar profilaktikasi boʻlimi “Toʻmaris izdoshlari” jamoatchilik guruhiga aʼzo sifatida qabul qilish uchun tavsiya qilamiz. Izoh. Ushbu tavsiyanoma tuman (shahar) oila va xotin-qizlar boʻlimining tashabbusi bilan “Tumaris izdoshlari” jamoatchilik guruhiga qabul qilish huquqini beradi. Tuman (shahar) oila va xotin-qizlar boʻlimi boshligʻi imzo F.I.O.
Vazirlar Mahkamasining 2023-yil 19-yanvardagi 21-son qaroriga 2-ILOVA
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirishi uchun tavsiyanoma berish tartibi toʻgʻrisida
1-bob. Umumiy qoidalar
1. Mazkur Nizom ichki ishlar organlari xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlariga (keyingi oʻrinlarda — “Toʻmaris izdoshlari” jamoaviy guruhlari) jalb qilingan xotin-qizlarning kvota asosida Oʻzbekiston Respublikasi Ichki ishlar vazirligi Akademiyasi hamda Oʻzbekiston Respublikasi Milliy gvardiyasi tizimidagi Jamoat xavfsizligi universitetiga (keyingi oʻrinlarda — huquq-tartibot organlarining oliy taʼlim muassasalari) oʻqishga kirishi uchun tavsiyanoma berish tartibini belgilaydi.
2. Tavsiyanoma huquq-tartibot organlarining oliy taʼlim muassasalariga oʻqishga qabul qilishda belgilangan talablarga javob beradigan “Toʻmaris izdoshlari” jamoaviy guruhlari aʼzolariga beriladi.
3. Tavsiyanoma mazkur Nizomga 1-ilovaga muvofiq belgilangan sxema boʻyicha bir yil muddat davomida umumiy 360 soat vaqt mobaynida belgilangan tuman (shahar)da faoliyat koʻrsatgan “Toʻmaris izdoshlari” jamoaviy guruhi aʼzosiga huquq-tartibot organlarining bitta oliy taʼlim muassasasiga oʻqishga kirishi uchun bir yildan koʻp boʻlmagan muddatga bir marta beriladi.
4. “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirish uchun tavsiyanoma berishda quyidagi mezonlar inobatga olinadi:
oʻz faoliyati davomida huquqbuzarliklar sodir etishga moyil boʻlgan xotin-qizlarni aniqlab, oʻz vaqtida ichki ishlar organlari huquqbuzarliklar profilaktikasi boʻlinmalarining xotin-qizlar masalalari boʻyicha katta inspektoriga kamida 5-marta xabar berganligi;
“Toʻmaris izdoshlari” jamoaviy guruhiga aʼzoligi vaqtida oʻziga yuklatilgan vazifalarni bajarishda, huquqbuzarlik profilaktikasini tashkil etishda, shuningdek, xotin-qizlar tomonidan sodir etilgan kamida 5 ta huquqbuzarlikni aniqlashda oʻz hissasini qoʻshganligi;
huquqbuzarlik sodir etgan xotin-qizlarni ijtimoiy reabilitatsiya qilish va ijtimoiy moslashtirishda faol ishtirok etganligi;
aholi oʻrtasida oʻtkazilayotgan profilaktik tadbirlarda xotin-qizlar oʻrtasidagi mavjud muammolarni oʻrganish hamda ularni hal etishning maqbul yoʻllarini aniqlashda faol ishtirok etganligi;
oila-turmush va odob-axloq doirasida muntazam ravishda huquqbuzarlik sodir etuvchi hamda boshqa gʻayriijtimoiy xulq-atvorga ega boʻlgan xotin-qizlarni, farzand tarbiyasiga salbiy taʼsir koʻrsatuvchi yoki ular tarbiyasi bilan shugʻullanmaydigan ota-onalar, nosogʻlom turmush tarzida hayot kechirayotgan oilalarni aniqlashga, ularning ijtimoiy moslashuvini taʼminlashga, doimiy yashash manzillaridan uzoq muddatga chiqib ketgan xotin-qizlarni yashash manzillariga qaytarishga koʻmaklashganligi;
tuman (shahar) oila va xotin-qizlar boʻlimlari tomonidan oila-turmush doirasida oʻtkaziladigan tadbirlarda kamida oʻn marotaba ishtirok etganligi.
5. Tavsiyanoma blankasi qatʼiy hisobda turuvchi hujjat hisoblanadi, hisob seriyasi, raqami va himoyalanganlik darajasiga ega boʻladi, “Davlat belgisi” davlat ishlab chiqarish birlashmasida tayyorlanadi va uni tayyorlash bilan bogʻliq xarajatlar vazirlikning budjetdan tashqari mablagʻlari hisobidan amalga oshiriladi.
2-bob. Tavsiyanomani berish tartibi
6. “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirishga tavsiyanoma berish masalalari har yili 15-fevraldan 10-martga qadar tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari) tomonidan tuman (shahar) oila va xotin-qizlar boʻlimlarining vakillari ishtirokida “Toʻmaris izdoshlari” jamoaviy guruhlari aʼzolari faoliyati davomida amalga oshirilgan ishlar natijadorligi yuzasidan berilgan xulosalar asosida koʻrib chiqiladi hamda quyidagi hujjatlar bilan birga Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari Huquqbuzarliklar profilaktikasi boshqarmalariga taqdim etiladi:
“Toʻmaris izdoshlari” jamoaviy guruhi aʼzoligiga jalb qilinganligi toʻgʻrisidagi tegishli hujjatdan va oʻrta, oʻrta maxsus yoki kasb-hunar maʼlumotga ega ekanligini tasdiqlovchi hujjatdan nusxalar;
tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari)ning boshliqlari tavsifnomasi va “Toʻmaris izdoshlari” jamoaviy guruh aʼzosi sifatida amalga oshirgan ishlari boʻyicha tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari)ning xotin-qizlar masalalari boʻyicha katta inspektorining batafsil maʼlumotnomasi;
tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari)ning bevosita fikrnomasi.
Mazkur bandda nazarda tutilmagan hujjatlarni taqdim etishni talab qilish taqiqlanadi.
7. Tegishli hujjatlar 15-martdan 1-aprelga qadar Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari Huquqbuzarliklar profilaktikasi boshqarmalari tomonidan koʻrib chiqiladi.
8. Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari Huquqbuzarliklar profilaktikasi boshqarmalarida oila va xotin-qizlar boshqarmalarining masʼul xodimlari ishtirokida tavsiyanomaga nomzod boʻlgan guruh aʼzolari bilan suhbat oʻtkaziladi. Bunda suhbat jarayonining ochiqligini taʼminlash maqsadida nomzodlarning ota-onalari (qonuniy vakillar) ushbu suhbatda bevosita ishtirok etadi.
Suhbatda nomzodlarning bilimlari savol-javob oʻtkazish yoʻli bilan tekshiriladi.
Suhbat natijalari boʻyicha Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari Huquqbuzarliklar profilaktikasi boshqarmalari masʼul xodimlari tomonidan xulosa tayyorlanadi va boshqarma boshliqlari tomonidan tasdiqlanadi.
Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari boshliqlarining nomzodlarga tavsiyanoma berish toʻgʻrisidagi xulosalari vazirlik Jamoat xavfsizligi departamenti Huquqbuzarliklar profilaktikasi xizmatiga 25-aprelga qadar yuboriladi.
9. Xulosalar vazirlik Jamoat xavfsizligi departamenti Huquqbuzarliklar profilaktikasi xizmati huzurida tuziladigan, Oila va xotin qizlar qoʻmitasi vakili kiritilgan ishchi guruh tomonidan 1-mayga qadar koʻrib chiqiladi, munosib deb topilgan nomzodlarga mazkur Nizomga 2-ilovaga muvofiq shakldagi Oʻzbekiston Respublikasi ichki ishlar vazirining oʻrinbosari — Jamoat xavfsizligi departamenti boshligʻi tomonidan tasdiqlanadigan tavsiyanoma beriladi hamda ular huquq-tartibot organlarining oliy taʼlim muassasalariga har yili 15-mayga qadar yuboriladi.
10. Tavsiyanomaga ega boʻlgan nomzodlarga belgilangan tartibda saralashning barcha bosqichlaridan muvaffaqiyatli oʻtganidan soʻng huquq-tartibot organlarining oliy taʼlim muassasalariga yakka tartibdagi suhbatsiz (test sinovlarisiz) kvota asosida oʻqishga kirish huquqi beriladi.
11. Tavsiyanomaga ega boʻlgan nomzodlar huquq-tartibot organlarining oliy taʼlim muassasalariga qabul qilishning umumiy sonidan ikki foizli kvotalarga muvofiq qabul qilinadi.
12. Tavsiyanomaga asosan oʻqishga qabul qilingan kursant oʻqishdan chetlashtirilgan taqdirda (shu jumladan, oʻz xohishi bilan oʻqishdan ketganda), ularga tavsiyanoma qayta berilmaydi.
3-bob. Yakunlovchi qoidalar
13. “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirish uchun tavsiyanomalar berish bilan bogʻliq masalalar boʻyicha qonunchilik hujjatlarida belgilangan tartibda yuqori turuvchi organga yoki sudga shikoyat qilinishi mumkin.
14. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirishi uchun tavsiyanoma berish tartibi toʻgʻrisidagi nizomga 1-ILOVA
“Toʻmaris izdoshlari” jamoaviy guruhlariga jalb qilingan xotin-qizlarga tavsiyanoma berish
Bosqichlar Subyektlar Bajarish tartibi Bajarish muddatlari 1-bosqich Tuman (shahar) ichki ishlar organlari huquqbuzarliklar profilaktikasi boʻlimlari (boʻlinmalari) “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirishda imtiyoz beradigan tavsiyanomalarni berish masalalarini tuman (shahar) oila va xotin-qizlar boʻlimlarining masʼul xodimlari ishtirokida qoʻrib chiqadi va Nizomda belgilangan hujjatlarni Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari Huquqbuzarliklar profilaktikasi boshqarmalariga taqdim etadi. Har yili 15-fevraldan 10-martga qadar 2-bosqich Qoraqalpogʻiston Respublikasi ichki ishlar vazirligi, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari Huquqbuzarliklar profilaktikasi boshqarmalari 1. Tuman (shahar) ichki ishlar organlari rahbarlari tomonidan taqdim etilgan hujjatlar asosida tavsiyanomaga nomzod boʻlgan guruh aʼzolari bilan osha va xotin-qizlar boshqarmalarining masʼul xodimlari hamda “Toʻmaris izdoshlari” jamoaviy guruhlari aʼzolarining ota-onalari (qonuniy vakillari) ishtirokida ochiq suhbat tashkil etiladi. 2. Suhbat natijalari boʻyicha boshqarma boshliqlari tomonidan tasdiqlanadigan xulosa shakllantiriladi va Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmatiga yuboriladi. Har yili 15-martdan 1-aprelgacha 3-bosqich Huquqbuzarliklar profilaktikasi xizmati 1. Taqdim etilgan xulosalar Huquqbuzarliklar profilaktikasi xizmati huzurida tuziladigan, Oila va xotin qizlar qoʻmitasi vakili kiritilgan ishchi guruh tomonidan koʻrib chiqiladi. 2. Oʻzbekiston Respublikasi ichki ishlar vazirining oʻrinbosari — Jamoat xavfsizligi departamenti boshligʻi tomonidan tasdiqlanadigan tavsiyanomalar beriladi. Har yili 1-maygacha 4-bosqich Huquqbuzarliklar profilaktikasi xizmati “Toʻmaris izdoshlari” jamoaviy guruhlariga jalb qilingan xotin-qizlarga berilgan tavsiyanomalarni Oʻzbekiston Respublikasi Ichki ishlar vazirligi Akademiyasi xamda Oʻzbekiston Respublikasi Milliy gvardiyasi Jamoat xavfsizligi universitetiga yuboradi. Har yili 15-maygacha 5-bosqich Taʼlim muassasalari Tavsiyanoma berilgan “Toʻmaris izdoshlari” jamoaviy guruhlari aʼzolari belgilangan tartibda saralashning barcha bosqichlaridan muvaffaqiyatli oʻtganidan soʻng huquq-tartibot organlarining oliy taʼlim muassasalariga yakka tartibdagi suhbatsiz (test sinovlarisiz) kvota asosida oʻqishga qabul qilinadi. Har yili 5-iyulgacha
Ichki ishlar organlarining xotin-qizlar masalalari boʻyicha boʻlinmalari huzuridagi “Toʻmaris izdoshlari” jamoaviy guruhlari aʼzolariga huquq-tartibot organlarining oliy taʼlim muassasalariga oʻqishga kirishi uchun tavsiyanoma berish tartibi toʻgʻrisidagi nizomga 2-ILOVA
NAMUNA OʻZBEKISTON RESPUBLIKASI ICHKI ISHLAR VAZIRLIGI 100029, Toshkent shahri, Yunus Rajabiy koʻchasi, 1-uy. web: www.iiv.uz e-mail: info@iiv.uz exat: iiv@exat.uz ____/_____ 20___ yil “___” _____________ ______________________________ (yuborilayotgan oʻquv muassasasi nomi) TAVSIYANOMA Gʻiyosova Azizaxon Shohrux qizi 2022-yil 1-sentabrdan 15-aprelga qadar 360 soat mobaynida “Toʻmaris izdoshlari” jamoatchilik guruhida aʼzo sifatida _______________ tumani (shahri) ichki ishlar organlari Huquqbuzarliklar profilaktikasi boʻlimi xotin-qizlar masalalari boʻyicha katta inspektori bilan hamkorlikda faoliyat koʻrsatdi. A. Gʻiyosova oʻziga biriktirilgan hududda jamoat xavfsizligini taʼminlash, xotin-qizlar oʻrtasida huquqbuzarliklarning oldini olish maqsadida targʻibot tadbirlarida ichki ishlar organlariga faol koʻmaklashdi. Yuqoridagilarni inobatga olib, “Toʻmaris izdoshlari” jamoatchilik guruhi aʼzosi Gʻiyosova Azizaxon Shohrux qizini belgilangan tartibda ragʻbatlantirish sifatida _______________ oliy taʼlim muassasasiga oʻqishga kirish boʻyicha tavsiya etamiz. Izoh. Ushbu tavsiyanoma huquq-tartibot idoralarining oliy taʼlim muassasalariga belgilangan tartibda saralashning barcha bosqichlaridan muvaffaqiyatli oʻtganidan soʻng yakka tartibdagi suhbatsiz (test sinovlarisiz) kvota asosida oʻqishga kirish huquqini beradi. Vazir oʻrinbosari imzo F.I.O.
Vazirlar Mahkamasining 2023-yil 19-yanvardagi 21-son qaroriga 3-ILOVA
Vazirlar Mahkamasining 2017-yil 1-dekabrdagi 958-son qarori bilan tasdiqlangan Oʻzbekiston Respublikasi Ichki ishlar vazirligi Akademiyasining kunduzgi taʼlim shakliga nomzodlarni tanlash va oʻqishga qabul qilish tartibi toʻgʻrisidagi nizomga kiritilayotgan qoʻshimchalar
1. 2-band quyidagi mazmundagi toʻrtinchi xatboshi bilan toʻldirilsin:
“Toʻmaris izdoshlari” jamoaviy guruhlari aʼzolariga Akademiyaga kirish uchun kursantlarni qabul qilishning umumiy sonidan ikki foizli kvota ajratiladi”;
2. Quyidagi mazmundagi 49 1 -band bilan toʻldirilsin:
“49 1 . “Toʻmaris izdoshlari” jamoaviy guruhlari aʼzolari ajratilgan ikki foizli kvotalar doirasida dastlabki va maxsus kasbiy tanlovda (yozma ish, umumjismoniy tayyorgarlik va chet tillarini oʻzlashtirganlik darajalarini baholash boʻyicha) toʻplanishi mumkin boʻlgan eng yuqori ballning 50 foizidan koʻp ball toʻplaganda tavsiyanoma asosida oʻqishga qabul qilinadilar.
Bunda oʻrinlar maxsus kasbiy tanlov natijalari boʻyicha toʻplangan ballardan kelib chiqib, ketma-ketlik tartibida taqsimlanadi.
Ajratilgan ikki foizli kvota oʻrinlariga qabul qilinmagan nomzodlar maxsus kasbiy tanlov natijalari boʻyicha toʻplagan ballari bilan umumiy tartibda tanlovda ishtirok etadilar”.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 19-yanvar,
21-son