UzbekAI

Ўзбекистон Республикаси Президентининг

Қарори

РЎЙХАТИ

Савдо-саноат палатаси фаолиятини янада такомиллаштириш бўйича қўшимча чора-тадбирлар тўғрисида

Аҳолини тадбиркорликка жалб қилишни янада жадаллаштириш, тадбиркорлик ташаббусини амалга ошириш учун қулай ҳуқуқий, иқтисодий ва ижтимоий шарт-шароитларни таъминлаш, республикамиз тадбиркорлик субъектларининг халқаро ишбилармонлик ҳамжамиятига интеграциялашувини кенгайтириш борасидаги Савдо-саноат палатаси фаолиятини такомиллаштириш мақсадида:

1. Савдо-саноат палатасига (кейинги ўринларда — Палата) қуйидаги ваколатлар берилсин:

Ҳукуматга ишбилармонлик ва инвестиция муҳитини яхшилаш, бизнеснинг ривожланишига тўсқинлик қилаётган ёки уни чеклаётган норматив-ҳуқуқий ҳужжатларга ўзгартириш ва қўшимчалар киритиш, шунингдек, уларни бекор қилиш тўғрисидаги кўриб чиқилиши мажбурий бўлган масалаларни киритиш;

Палата аъзоларининг манфаатларини кўзлаб Олий судга ариза бериш ҳамда иқтисодий, маъмурий, фуқаролик ва жиноят ишлари бўйича суд қарорларини қайта кўриб чиқиш юзасидан шикоят киритиш;

тадбиркорлик муҳитини яхшилаш бўйича таклифларни тўғридан-тўғри Бош вазирга киритиб бориш;

Ўзбекистон Республикаси Олий Мажлиси, Ўзбекистон Республикаси Президенти Администрацияси, Вазирлар Маҳкамаси, вазирликлар ва идораларда, шунингдек, халқаро ташкилотларда тадбиркорлик субъектлари манфаатларини ифодалаш;

бизнес муҳитини яхшилаш бўйича таклиф ва тавсиялар ишлаб чиқиш мақсадида, тадбиркорлик масалалари борасида жамоатчилик эшитувларини ташкил қилиб бориш;

тадбиркорликни ривожлантириш, республиканинг ижтимоий-иқтисодий салоҳиятини оширишда ўзининг муносиб ҳиссасини қўшаётган бизнес вакиллари ва бошқа шахсларни мукофотларга тавсия қилиш;

маҳаллий давлат ҳокимияти ва бошқа ҳудудий давлат органларига ҳудудда тадбиркорликни ривожлантириш, ишбилармонлик ва инвестиция муҳитини янада яхшилаш, тадбиркорлик субъектларининг ҳуқуқлари ва қонуний манфаатларини ҳимоя қилиш юзасидан кўриб чиқилиши мажбурий бўлган тақдимномалар киритиш;

халқ депутатлари вилоят, туман (шаҳар) Кенгашлари ва ҳокимлар билан ҳудуддаги ишбилармонлик муҳитининг ҳолати, тадбиркорлик соҳасида қабул қилинган қонунчилик ҳужжатларининг ижроси натижадорлиги бўйича танқидий муҳокамалар ўтказиб бориш.

2. Белгилаб қўйилсинки, 2023 йил 1 февралдан бошлаб:

микро, кичик ва ўрта тадбиркорлик субъектлари Палата аъзолигига, аъзолик ва кириш бадалларидан озод қилинган ҳолда, текин қабул қилинади ҳамда қонунда назарда тутилган аъзолик билан боғлиқ Палата хизматларидан тўлақонли фойдаланиш ҳуқуқига эга, Палата томонидан кўрсатилиши мумкин бўлган қўшимча пуллик хизматлар бундан мустасно;

тадбиркорлик субъектларини давлат рўйхатидан ўтказувчи орган томонидан давлат рўйхатидан ўтган тадбиркорлик субъектлари тўғрисидаги маълумотлар аъзо сифатида рўйхатга қўйиш учун Палатага электрон тизим орқали юборилади;

Ўзбекистон Республикаси Олий Мажлиси ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди (кейинги ўринларда — Жамоат фонди) ҳамда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фондлари (кейинги ўринларда — ҳудудий жамоат фондлари) ҳисобидан Палатанинг асосланган ҳисоб-китобларига мувофиқ, мос равишда Палата ва унинг ҳудудий бўлинмаларига давлат субсидиясини ажратиш тизими жорий этилади;

Палата ва унинг ҳудудий бўлинмалари томонидан давлат субсидиясининг сарфланиши бўйича ҳар йили тегишинча Жамоат фонди ҳамда ҳудудий жамоат фондларига ҳисобот бериб борилади.

3. Ўзбекистон Республикаси Олий Мажлиси ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясига Иқтисодиёт ва молия вазирлиги ҳамда Камбағалликни қисқартириш ва бандлик вазирлиги билан келишилган ҳолда бир ой муддатда Палата ва унинг ҳудудий бўлинмалари учун тавсиявий штатлар меъёрлари ҳамда меҳнатга ҳақ тўлаш миқдорларини тасдиқлаш ва ҳудудий жамоат фондларига етказиш тавсия этилсин.

4. Шундай тартиб ўрнатилсинки, унга мувофиқ:

Палата тадбиркорлик субъектларининг манфаатларида Ўзбекистон Республикаси судларига тақдим этадиган ариза, даъволар ҳамда апелляция ва кассация шикоятлари бўйича давлат божи тўловларидан озод этилади;

Ўзбекистон Республикаси ҳудудида халқаро грант лойиҳаларини амалга оширишда Палатага миллий ҳамкор бириктириш талаби қўлланилмайди;

давлат органлари ва идоралар томонидан тадбиркорликка оид барча ташқи беғараз кўмак лойиҳаларини амалга оширишда Палата лойиҳа ҳамкори сифатида жалб қилинади.

5. Палатанинг тадбиркорлик соҳасида тармоқлар билан тўғридан-тўғри ишлаш, уларнинг ўзига хос муаммоларини аниқлаш, таҳлил қилиш ва ечимини топиш борасидаги фаолиятини мувофиқлаштириш механизмини яратиш мақсадида унинг ҳузурида жамоатчилик асосида тармоқлар кесимида қўмиталар ташкил этилсин.

Бунда, ушбу қўмиталарга келишув асосида иқтисодиёт тармоқлари бўйича фаолият юритаётган уюшмалар раислари раҳбарлик қилади ва улар бир вақтнинг ўзида Палата раисининг маслаҳатчиси ҳисобланади.

6. Палата, Инвестициялар, саноат ва савдо вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг тадбиркорлар билан жойларда тўғридан-тўғри мулоқотни йўлга қўйиш мақсадида Палатанинг ҳудудий бошқармалари ҳузурида жамоатчилик асосида асосий вазифалари қуйидагилар ҳисобланган, камида 20 нафар илғор тадбиркорлардан иборат Тадбиркорлик кенгашларини ташкил этиш тўғрисидаги таклифи қўллаб-қувватлансин:

доимий равишда тадбиркорлар билан учрашувлар ташкил қилиб бориш;

тадбиркорлар ўртасида бизнесга оид қонунчилик ҳужжатлари моҳияти ва аҳамиятини тушунтириш ишларини амалга ошириш;

тармоқ корхоналари орасида кооперацияни йўлга қўйиш;

жойлардаги ишбилармонлик муҳитининг ҳолатини таҳлил қилиш ҳамда таклифларни Палатага тақдим этиб бориш.

7. Республика ҳудудларида ташкил этиладиган «Тадбиркорлар хиёбонлари»нинг (кейинги ўринларда — хиёбонлар) рўйхати иловага мувофиқ тасдиқлансин. Бунда:

а) хиёбонлар тадбиркорлик субъектлари томонидан Савдо-саноат палатасига тўланган аъзолик бадаллари, жисмоний ва юридик шахсларнинг хайрия маблағлари ҳамда маҳаллий бюджетлар маблағлари ҳисобидан барпо этилади;

б) ташкил этилаётган хиёбонларда:

тадбиркорлар, банк вакиллари, инвесторларнинг бизнес лойиҳаларини муҳокама қилиш ҳамда «B2B» тадбирлари ва «коворкинг» фаолияти учун қулай шарт-шароитлар яратилади, Wi-Fi зоналар ташкил қилинади;

фаол тадбиркорларнинг эришган натижаларини намойиш этиш мақсадида йил давомида кўргазмалар ўтказиб борилади;

хиёбонлардаги бино-иншоотлар Палатанинг ҳудудий бошқармалари балансига ўтказиб берилади.

Палата Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда Давлат активларини бошқариш агентлиги билан биргаликда 2 ой муддатда ҳудудларда бўш турган, самарасиз ишлатилаётган давлат кўчмас мулк объектлари негизида республика ҳудудларида хиёбонлар ташкил қилиш тўғрисидаги таклифларни Вазирлар Маҳкамасига киритсин.

8. Белгилансинки, Палатанинг ташкилий тузилмаси, унинг ижроия қўмитаси, ҳудудий бошқармалари, туман (шаҳар)лар бўлимлари тузилмалари Палата раиси томонидан унинг Раёсати билан келишилган ҳолда тасдиқланади.

Палата (Ваҳобов) бир ой муддатда:

Палата раиси ўринбосарлари ўртасида аниқ вазифалар ва функцияларни тақсимлаб, Палата ижроия қўмитаси ва ҳудудий бўлинмаларининг тузилмалари ҳамда штат бирликларини тасдиқласин;

Палата ижроия қўмитаси ва ҳудудий бўлинмаларининг малакали, чуқур назарий билимлар ва амалий кўникмаларга эга бўлган, ўз вазифаларини самарали ва масъулият билан бажарадиган кадрлар билан тўлдирилишини таъминласин.

9. Марказий банк, Адлия вазирлиги, Инвестициялар, саноат ва савдо вазирлиги, Солиқ қўмитаси, Божхона қўмитаси ва Статистика агентлиги республикадаги ишбилармонлик муҳити, бизнес юритиш ҳамда тадбиркорлик субъектларининг яшовчанлиги ҳолатини таҳлил қилиш мақсадида уч ой муддатда ўз электрон ахборот тизимлари Палатанинг электрон ахборот тизими билан интеграция қилинишини таъминласин.

10. Палата икки ой муддатда:

Иқтисодиёт ва молия вазирлиги ҳамда Марказий банк билан биргаликда республика ҳудудларида стартаплар, бизнес-инкубаторлар ва бошқа кичик тадбиркорлик лойиҳаларини молиялаштириш учун нобанк кредит ташкилотларини ташкил қилиш;

илғор хорижий тажрибани ўрганган ҳолда дуал таълим тизимини такомиллаштириш, «Устоз-шогирд» анъаналарининг замонавий механизмларини тажриба тариқасида 3 та олий ўқув юртининг 3- ва 4-босқичига ҳамда 2 та касб-ҳунар коллежига жорий қилиш;

Иқтисодиёт ва молия вазирлиги билан биргаликда «Давлат божи тўғрисида»ги Қонунга ўзгартиш ва қўшимчалар киритиш;

манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар киритиш тўғрисидаги таклифларни Вазирлар Маҳкамасига киритсин.

11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2023 йил 23 январдаги ПҚ-15-сон қарорига ИЛОВА

Республика ҳудудларида ташкил этиладиган «Тадбиркорлар хиёбонлари»нинг

Т/р Туман (шаҳар) Ишга тушириш муддати 1. Амударё тумани 2023 йил апрель ойи якунига қадар 2. Шуманай тумани 3. Қонликўл тумани 4. Пешку тумани 5. Олот тумани 6. Арнасой тумани 7. Бахмал тумани 2023 йил июнь ойи якунига қадар 8. Ш. Рашидов тумани 9. Қамаши тумани 2023 йил июль ойи якунига қадар 10. Нишон тумани 11. Ғозғон тумани 2023 йил август ойи якунига қадар 12. Хатирчи тумани 13. Чортоқ тумани 2023 йил сентябрь ойи якунига қадар 14. Норин тумани 15. Каттақўрғон тумани 16. Боёвут тумани 2023 йил октябрь ойи якунига қадар 17. Сардоба тумани 18. Бандихон тумани 19. Бўка тумани 2023 йил ноябрь ойи якунига қадар 20. Пискент тумани 21. Риштон тумани 2023 йил декабрь ойи якунига қадар 22. Ёзёвон тумани 23. Янгиариқ тумани

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 23 январь,

ПҚ-15-сон

(Қонунчилик маълумотлари миллий базаси, 23.01.2023 й., 07/23/15/0048-сон)

lex.uz

Oʻzbekiston Respublikasi Prezidentining

Qarori

ROʻYXATI

Savdo-sanoat palatasi faoliyatini yanada takomillashtirish boʻyicha qoʻshimcha chora-tadbirlar toʻgʻrisida

Aholini tadbirkorlikka jalb qilishni yanada jadallashtirish, tadbirkorlik tashabbusini amalga oshirish uchun qulay huquqiy, iqtisodiy va ijtimoiy shart-sharoitlarni taʼminlash, respublikamiz tadbirkorlik subyektlarining xalqaro ishbilarmonlik hamjamiyatiga integratsiyalashuvini kengaytirish borasidagi Savdo-sanoat palatasi faoliyatini takomillashtirish maqsadida:

1. Savdo-sanoat palatasiga (keyingi oʻrinlarda — Palata) quyidagi vakolatlar berilsin:

Hukumatga ishbilarmonlik va investitsiya muhitini yaxshilash, biznesning rivojlanishiga toʻsqinlik qilayotgan yoki uni cheklayotgan normativ-huquqiy hujjatlarga oʻzgartirish va qoʻshimchalar kiritish, shuningdek, ularni bekor qilish toʻgʻrisidagi koʻrib chiqilishi majburiy boʻlgan masalalarni kiritish;

Palata aʼzolarining manfaatlarini koʻzlab Oliy sudga ariza berish hamda iqtisodiy, maʼmuriy, fuqarolik va jinoyat ishlari boʻyicha sud qarorlarini qayta koʻrib chiqish yuzasidan shikoyat kiritish;

tadbirkorlik muhitini yaxshilash boʻyicha takliflarni toʻgʻridan-toʻgʻri Bosh vazirga kiritib borish;

Oʻzbekiston Respublikasi Oliy Majlisi, Oʻzbekiston Respublikasi Prezidenti Administratsiyasi, Vazirlar Mahkamasi, vazirliklar va idoralarda, shuningdek, xalqaro tashkilotlarda tadbirkorlik subyektlari manfaatlarini ifodalash;

biznes muhitini yaxshilash boʻyicha taklif va tavsiyalar ishlab chiqish maqsadida, tadbirkorlik masalalari borasida jamoatchilik eshituvlarini tashkil qilib borish;

tadbirkorlikni rivojlantirish, respublikaning ijtimoiy-iqtisodiy salohiyatini oshirishda oʻzining munosib hissasini qoʻshayotgan biznes vakillari va boshqa shaxslarni mukofotlarga tavsiya qilish;

mahalliy davlat hokimiyati va boshqa hududiy davlat organlariga hududda tadbirkorlikni rivojlantirish, ishbilarmonlik va investitsiya muhitini yanada yaxshilash, tadbirkorlik subyektlarining huquqlari va qonuniy manfaatlarini himoya qilish yuzasidan koʻrib chiqilishi majburiy boʻlgan taqdimnomalar kiritish;

xalq deputatlari viloyat, tuman (shahar) Kengashlari va hokimlar bilan hududdagi ishbilarmonlik muhitining holati, tadbirkorlik sohasida qabul qilingan qonunchilik hujjatlarining ijrosi natijadorligi boʻyicha tanqidiy muhokamalar oʻtkazib borish.

2. Belgilab qoʻyilsinki, 2023-yil 1-fevraldan boshlab:

mikro, kichik va oʻrta tadbirkorlik subyektlari Palata aʼzoligiga, aʼzolik va kirish badallaridan ozod qilingan holda, tekin qabul qilinadi hamda qonunda nazarda tutilgan aʼzolik bilan bogʻliq Palata xizmatlaridan toʻlaqonli foydalanish huquqiga ega, Palata tomonidan koʻrsatilishi mumkin boʻlgan qoʻshimcha pullik xizmatlar bundan mustasno;

tadbirkorlik subyektlarini davlat roʻyxatidan oʻtkazuvchi organ tomonidan davlat roʻyxatidan oʻtgan tadbirkorlik subyektlari toʻgʻrisidagi maʼlumotlar aʼzo sifatida roʻyxatga qoʻyish uchun Palataga elektron tizim orqali yuboriladi;

Oʻzbekiston Respublikasi Oliy Majlisi huzuridagi Nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash jamoat fondi (keyingi oʻrinlarda — Jamoat fondi) hamda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi Nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash jamoat fondlari (keyingi oʻrinlarda — hududiy jamoat fondlari) hisobidan Palataning asoslangan hisob-kitoblariga muvofiq, mos ravishda Palata va uning hududiy boʻlinmalariga davlat subsidiyasini ajratish tizimi joriy etiladi;

Palata va uning hududiy boʻlinmalari tomonidan davlat subsidiyasining sarflanishi boʻyicha har yili tegishincha Jamoat fondi hamda hududiy jamoat fondlariga hisobot berib boriladi.

3. Oʻzbekiston Respublikasi Oliy Majlisi huzuridagi Nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga Iqtisodiyot va moliya vazirligi hamda Kambagʻallikni qisqartirish va bandlik vazirligi bilan kelishilgan holda bir oy muddatda Palata va uning hududiy boʻlinmalari uchun tavsiyaviy shtatlar meʼyorlari hamda mehnatga haq toʻlash miqdorlarini tasdiqlash va hududiy jamoat fondlariga yetkazish tavsiya etilsin.

4. Shunday tartib oʻrnatilsinki, unga muvofiq:

Palata tadbirkorlik subyektlarining manfaatlarida Oʻzbekiston Respublikasi sudlariga taqdim etadigan ariza, daʼvolar hamda apellyatsiya va kassatsiya shikoyatlari boʻyicha davlat boji toʻlovlaridan ozod etiladi;

Oʻzbekiston Respublikasi hududida xalqaro grant loyihalarini amalga oshirishda Palataga milliy hamkor biriktirish talabi qoʻllanilmaydi;

davlat organlari va idoralar tomonidan tadbirkorlikka oid barcha tashqi begʻaraz koʻmak loyihalarini amalga oshirishda Palata loyiha hamkori sifatida jalb qilinadi.

5. Palataning tadbirkorlik sohasida tarmoqlar bilan toʻgʻridan-toʻgʻri ishlash, ularning oʻziga xos muammolarini aniqlash, tahlil qilish va yechimini topish borasidagi faoliyatini muvofiqlashtirish mexanizmini yaratish maqsadida uning huzurida jamoatchilik asosida tarmoqlar kesimida qoʻmitalar tashkil etilsin.

Bunda, ushbu qoʻmitalarga kelishuv asosida iqtisodiyot tarmoqlari boʻyicha faoliyat yuritayotgan uyushmalar raislari rahbarlik qiladi va ular bir vaqtning oʻzida Palata raisining maslahatchisi hisoblanadi.

6. Palata, Investitsiyalar, sanoat va savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining tadbirkorlar bilan joylarda toʻgʻridan-toʻgʻri muloqotni yoʻlga qoʻyish maqsadida Palataning hududiy boshqarmalari huzurida jamoatchilik asosida asosiy vazifalari quyidagilar hisoblangan, kamida 20 nafar ilgʻor tadbirkorlardan iborat Tadbirkorlik kengashlarini tashkil etish toʻgʻrisidagi taklifi qoʻllab-quvvatlansin:

doimiy ravishda tadbirkorlar bilan uchrashuvlar tashkil qilib borish;

tadbirkorlar oʻrtasida biznesga oid qonunchilik hujjatlari mohiyati va ahamiyatini tushuntirish ishlarini amalga oshirish;

tarmoq korxonalari orasida kooperatsiyani yoʻlga qoʻyish;

joylardagi ishbilarmonlik muhitining holatini tahlil qilish hamda takliflarni Palataga taqdim etib borish.

7. Respublika hududlarida tashkil etiladigan “Tadbirkorlar xiyobonlari”ning (keyingi oʻrinlarda — xiyobonlar) roʻyxati ilovaga muvofiq tasdiqlansin. Bunda:

a) xiyobonlar tadbirkorlik subyektlari tomonidan Savdo-sanoat palatasiga toʻlangan aʼzolik badallari, jismoniy va yuridik shaxslarning xayriya mablagʻlari hamda mahalliy budjetlar mablagʻlari hisobidan barpo etiladi;

b) tashkil etilayotgan xiyobonlarda:

tadbirkorlar, bank vakillari, investorlarning biznes loyihalarini muhokama qilish hamda “B2B” tadbirlari va “kovorking” faoliyati uchun qulay shart-sharoitlar yaratiladi, Wi-Fi zonalar tashkil qilinadi;

faol tadbirkorlarning erishgan natijalarini namoyish etish maqsadida yil davomida koʻrgazmalar oʻtkazib boriladi;

xiyobonlardagi bino-inshootlar Palataning hududiy boshqarmalari balansiga oʻtkazib beriladi.

Palata Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda Davlat aktivlarini boshqarish agentligi bilan birgalikda 2 oy muddatda hududlarda boʻsh turgan, samarasiz ishlatilayotgan davlat koʻchmas mulk obyektlari negizida respublika hududlarida xiyobonlar tashkil qilish toʻgʻrisidagi takliflarni Vazirlar Mahkamasiga kiritsin.

8. Belgilansinki, Palataning tashkiliy tuzilmasi, uning ijroiya qoʻmitasi, hududiy boshqarmalari, tuman (shahar)lar boʻlimlari tuzilmalari Palata raisi tomonidan uning Rayosati bilan kelishilgan holda tasdiqlanadi.

Palata (Vahobov) bir oy muddatda:

Palata raisi oʻrinbosarlari oʻrtasida aniq vazifalar va funksiyalarni taqsimlab, Palata ijroiya qoʻmitasi va hududiy boʻlinmalarining tuzilmalari hamda shtat birliklarini tasdiqlasin;

Palata ijroiya qoʻmitasi va hududiy boʻlinmalarining malakali, chuqur nazariy bilimlar va amaliy koʻnikmalarga ega boʻlgan, oʻz vazifalarini samarali va masʼuliyat bilan bajaradigan kadrlar bilan toʻldirilishini taʼminlasin.

9. Markaziy bank, Adliya vazirligi, Investitsiyalar, sanoat va savdo vazirligi, Soliq qoʻmitasi, Bojxona qoʻmitasi va Statistika agentligi respublikadagi ishbilarmonlik muhiti, biznes yuritish hamda tadbirkorlik subyektlarining yashovchanligi holatini tahlil qilish maqsadida uch oy muddatda oʻz elektron axborot tizimlari Palataning elektron axborot tizimi bilan integratsiya qilinishini taʼminlasin.

10. Palata ikki oy muddatda:

Iqtisodiyot va moliya vazirligi hamda Markaziy bank bilan birgalikda respublika hududlarida startaplar, biznes-inkubatorlar va boshqa kichik tadbirkorlik loyihalarini moliyalashtirish uchun nobank kredit tashkilotlarini tashkil qilish;

ilgʻor xorijiy tajribani oʻrgangan holda dual taʼlim tizimini takomillashtirish, “Ustoz-shogird” anʼanalarining zamonaviy mexanizmlarini tajriba tariqasida 3 ta oliy oʻquv yurtining 3- va 4-bosqichiga hamda 2 ta kasb-hunar kollejiga joriy qilish;

Iqtisodiyot va moliya vazirligi bilan birgalikda “Davlat boji toʻgʻrisida”gi Qonunga oʻzgartish va qoʻshimchalar kiritish;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisidagi takliflarni Vazirlar Mahkamasiga kiritsin.

11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2023-yil 23-yanvardagi PQ-15-son qaroriga ILOVA

Respublika hududlarida tashkil etiladigan “Tadbirkorlar xiyobonlari”ning

T/r Tuman (shahar) Ishga tushirish muddati 1. Amudaryo tumani 2023-yil aprel oyi yakuniga qadar 2. Shumanay tumani 3. Qonlikoʻl tumani 4. Peshku tumani 5. Olot tumani 6. Arnasoy tumani 7. Baxmal tumani 2023-yil iyun oyi yakuniga qadar 8. Sh. Rashidov tumani 9. Qamashi tumani 2023-yil iyul oyi yakuniga qadar 10. Nishon tumani 11. Gʻozgʻon tumani 2023-yil avgust oyi yakuniga qadar 12. Xatirchi tumani 13. Chortoq tumani 2023-yil sentabr oyi yakuniga qadar 14. Norin tumani 15. Kattaqoʻrgʻon tumani 16. Boyovut tumani 2023-yil oktabr oyi yakuniga qadar 17. Sardoba tumani 18. Bandixon tumani 19. Boʻka tumani 2023-yil noyabr oyi yakuniga qadar 20. Piskent tumani 21. Rishton tumani 2023-yil dekabr oyi yakuniga qadar 22. Yozyovon tumani 23. Yangiariq tumani

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 23-yanvar,

PQ-15-son

(Qonunchilik maʼlumotlari milliy bazasi, 23.01.2023-y., 07/23/15/0048-son)

lex.uz

Президента Республики Узбекистан

Постановление

ПЕРЕЧЕНЬ

О дополнительных мерах по дальнейшему совершенствованию деятельности Торгово-промышленной палаты

В целях дальнейшего расширения привлечения населения к предпринимательству, обеспечения благоприятных правовых, экономических и социальных условий для реализации предпринимательских инициатив, а также совершенствования деятельности Торгово-промышленной палаты в области расширения интеграции субъектов предпринимательства республики в международное деловое сообщество:

1. Предоставить Торгово-промышленной палате (далее — Палата) следующие полномочия:

внесение в Правительство обязательных для рассмотрения вопросов по улучшению деловой и инвестиционной среды, внесению изменений и дополнений, а также отмене нормативно-правовых актов, препятствующих либо ограничивающих развитие бизнеса;

внесение заявлений в интересах членов Палаты, а также жалоб о пересмотре судебных решений по экономическим, административным, гражданским и уголовным делам в Верховный суд;

внесение предложений по улучшению предпринимательской среды непосредственно Премьер-министру;

представление интересов субъектов предпринимательства в Олий Мажлисе Республики Узбекистан, Администрации Президента Республики Узбекистан, Кабинете Министров, министерствах и ведомствах, а также международных организациях;

организация общественных слушаний по вопросам предпринимательства в целях разработки предложений и рекомендаций по улучшению бизнес-среды;

представление к наградам представителей бизнеса и иных лиц, вносящих достойный вклад в развитие предпринимательства и повышение социально-экономического потенциала республики;

внесение в органы государственной власти на местах и иные региональные государственные органы обязательных для рассмотрения представлений по развитию предпринимательства, дальнейшему улучшению деловой и инвестиционной среды, защите прав и законных интересов субъектов предпринимательства в регионах;

проведение с Кенгашами народных депутатов областей, районов (городов) и хокимами критических обсуждений состояния деловой среды на соответствующей территории, результативности исполнения актов законодательства, принятых в сфере предпринимательства.

2. Установить, что начиная с 1 февраля 2023 года:

субъекты микро-, малого, среднего бизнеса принимаются в члены Палаты на бесплатной основе с освобождением от уплаты вступительных и членских взносов и имеют право полного пользования предусмотренными законом услугами Палаты, связанными с членством, за исключением дополнительных платных услуг, которые могут оказываться Палатой;

орган, проводящий государственную регистрацию субъектов предпринимательства, направляет Палате посредством электронной системы данные субъектов предпринимательства, прошедших государственную регистрацию, для регистрации в качестве членов;

внедряется система выделения Палате и ее территориальным подразделениям государственных субсидий по обоснованным расчетам Палаты за счет соответственно Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан (далее — Общественный фонд), общественных фондов по поддержке негосударственных некоммерческих организаций и других институтов гражданского общества при Жокаргы Кенесе Республики Каракалпакстан, Кенгашах народных депутатов областей и города Ташкента (далее — региональные общественные фонды);

Палата и ее территориальные подразделения ежегодно отчитываются о расходовании государственных субсидий соответственно перед Общественным фондом и региональными общественными фондами.

3. Рекомендовать Парламентской комиссии по управлению средствами Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан по согласованию с Министерством экономики и финансов и Министерством сокращения бедности и занятости в месячный срок утвердить и довести до региональных общественных фондов штатные нормативы и размеры оплаты труда, рекомендуемые для Палаты и ее территориальных подразделений.

4. Установить порядок, в соответствии с которым:

Палата освобождается от оплаты государственной пошлины по заявлениям, искам, апелляционным и кассационным жалобам, вносимым в суды Республики Узбекистан в интересах субъектов предпринимательства;

при реализации международных грантовых проектов на территории Республики Узбекистан требование о прикреплении национального партнера к Палате не применяется;

при реализации любых проектов внешнего безвозмездного содействия в сфере предпринимательства государственными органами и ведомствами Палата привлекается в качестве партнера проектов.

5. В целях создания механизма непосредственной работы Палаты с отраслями в сфере предпринимательства, координации деятельности по выявлению, анализу и поиску решения их специфических проблем создать при ней комитеты в разрезе отраслей на общественной основе.

При этом руководство данными комитетами осуществляют по согласованию председатели ассоциаций, ведущих деятельность в отраслях экономики, которые одновременно считаются советниками председателя Палаты.

6. Поддержать предложение Палаты, Министерства инвестиций, промышленности и торговли, Совета Министров Республики Каракалпакстан, хокимиятов областей и города Ташкента о создании при территориальных управлениях Палаты на общественных началах предпринимательских советов, состоящих из не менее 20 передовых предпринимателей, в целях установления прямого диалога с предпринимателями на местах, основными задачами которых определить:

регулярную организацию встреч с предпринимателями;

проведение разъяснительных работ среди предпринимателей о сути и значении актов законодательства о бизнесе;

налаживание кооперации между отраслевыми предприятиями;

проведение анализа состояния деловой среды на местах и регулярное представление предложений в Палату.

7. Утвердить перечень «скверов предпринимателей», создаваемых в регионах республики (далее — скверы), согласно приложению . При этом установить, что:

а) скверы строятся за счет членских взносов, уплаченных субъектами предпринимательства Торгово-промышленной палате, благотворительных средств физических и юридических лиц, а также средств местных бюджетов;

б) в образуемых скверах:

создаются благоприятные условия для обсуждения бизнес-проектов предпринимателей, представителей банков, инвесторов, для «B2B» мероприятий и «коворкинг» деятельности, а также организуются зоны Wi-Fi;

в течение года проводятся выставки для демонстрации результатов, достигнутых активными предпринимателями;

здания и сооружения скверов передаются на баланс территориальных управлений Палаты.

Палате совместно с Советом Министров Республики Каракалпакстан, хокимиятами областей и города Ташкента, а также Агентством по управлению государственными активами в двухмесячный срок внести в Кабинет Министров предложения о создании скверов в регионах республики на базе пустующих неэффективно эксплуатируемых государственных объектов недвижимого имущества в регионах.

8. Определить, что организационная структура, структуры исполнительного комитета, территориальных управлений, районных (городских) отделов Палаты утверждаются председателем Палаты по согласованию с ее Президиумом.

Палате (Вахобов) в месячный срок:

распределить между заместителями председателя Палаты конкретные задачи и функции, утвердить структуры и штатные единицы исполнительного комитета и территориальных подразделений Палаты;

обеспечить укомплектование исполнительного комитета и территориальных подразделений Палаты квалифицированными кадрами, обладающими глубокими теоретическими знаниями и практическими навыками, способными эффективно и ответственно выполнять свои задачи и функции.

9. Центральному банку, Министерству юстиции, Министерству инвестиций, промышленности и торговли, Налоговому комитету, Таможенному комитету и Агентству статистики в целях проведения анализа деловой среды, состояния ведения бизнеса и жизнеспособности субъектов предпринимательства в трехмесячный срок обеспечить интеграцию своих электронных информационных систем с электронной информационной системой Палаты.

10. Палате в двухмесячный срок внести в Кабинет Министров предложения о:

создании совместно с Министерством экономики и финансов и Центральным банком небанковских кредитных организаций для финансирования стартапов, бизнес-инкубаторов и иных малых предпринимательских проектов в регионах республики;

совершенствовании дуальной системы образования с изучением передового зарубежного опыта, а также внедрении в порядке эксперимента современных механизмов традиций «наставник — ученик» на третьем и четвертом курсах трех высших образовательных учреждений и в двух профессиональных колледжах;

внесении совместно с Министерством экономики и финансов изменений и дополнений в Закон «О государственной пошлине»;

внесении совместно с заинтересованными министерствами и ведомствами изменений и дополнений в акты законодательства, вытекающих из настоящего постановления.

11. Контроль за исполнением настоящего постановления возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 23 января 2023 года № ПП-15

«скверов предпринимателей», создаваемых в регионах республики

№ Районы (города) Срок сдачи в эксплуатацию 1. Амударьинский район До конца апреля 2023 года 2. Шуманайский район 3. Канлыкульский район 4. Пешкунский район 5. Алатский район 6. Арнасайский район 7. Бахмальский район Июнь 2023 года 8. Шараф-Рашидовский район 9. Камашинский район Июль 2023 года 10. Нишанский район 11. Газганский район Август 2023 года 12. Хатырчинский район 13. Чартакский район До конца сентября 2023 года 14. Нарынский район 15. Каттакурганский район 16. Баяутский район До конца октября 2023 года 17. Сардобинский район 18. Бандыханский район 19. Букинский район Ноябрь 2023 года 20. Пскентский район 21. Риштанский район До конца декабря 2023 года 22. Язъяванский район 23. Янгиарыкский район

Президент Республики Узбекистан Ш. МИРЗИЁЕВ

г. Ташкент,

23 января 2023 г.,

№ ПП-15

(Национальная база данных законодательства, 23.01.2023 г., № 07/23/15/0048)

lex.uz