📅 2023-yil 23-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 23 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 23 января 2023 г. · Указы Президента
Официальный текст. Официальный документ. Редакционные примечания не включены.
📅 23 January 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Мамлакатимизда хусусий инвестицияларни жалб этиш ҳамда давлатнинг иқтисодиётдаги иштирокини қисқартириш бўйича амалга оширилган тадбирлар натижасида ўтган уч йилда қарийб 2 мингта давлат активлари сотилди ва давлат иштирокидаги корхоналар сони 45 фоизга қисқарди.
Хусусийлаштиришни жадаллаштириш, давлат мулкини ижарага бериш тартибини такомиллаштириш ҳамда иқтисодиётда хусусий мулкнинг улушини янада ошириш мақсадида:
1. Ўзбекистон Республикаси Президентининг айрим ҳужжатларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
алоҳида давлат мулки объектларини хусусийлаштиришдан тушган маблағларни маҳаллалар ва Қорақалпоғистон Республикаси ҳудудидаги сув таъминоти ва канализация тизимларини ривожлантиришга йўналтириш;
давлат мулки объектларини аукцион орқали ижарага бериш муддатини уч йил этиб белгилаш ва ўз мажбуриятларини тўлиқ бажарган ижара олувчиларга ижара муддатини яна уч йил муддатга узайтириш;
уч ойдан ортиқ фойдаланилмасдан бўш турган давлат мулки объектларини (ижтимоий объектлар бундан мустасно) белгиланган тартибда баланс сақловчиларнинг розилигисиз ижарага бериш ёки сотиш учун онлайн-аукцион савдоларига чиқариш.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 23 январдаги ПФ-13-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 14 январдаги «Давлат активларини бошқариш, монополияга қарши курашишни тартибга солиш тизимини ва капитал бозорини тубдан такомиллаштириш чора-тадбирлари тўғрисида»ги ПФ-5630-сон Фармонининг 6-бандида :
а) «б» кичик банди биринчи хатбошидаги «в» ва «г» кичик бандлари» сўзлари «в»-«г» кичик бандлари» сўзлари билан алмаштирилсин;
б) «в» кичик банднинг биринчи хатбошиси қуйидаги таҳрирда баён этилсин:
«в) ҳудуди 10 000 квадрат метргача бўлган давлат кўчмас мулк объектлари (бундан ушбу банднинг «в 1 » кичик банди мустасно), шунингдек, Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳри ҳокимларининг қарорлари асосида сотиладиган давлат кўчмас мулк объектларини сотишдан тушадиган маблағлар:»;
в) қуйидаги мазмундаги «в 1 » ва «в 2 » кичик бандлар билан тўлдирилсин:
«в 1 ) маҳалладаги майдони 2 000 квадрат метргача бўлган давлат кўчмас мулк объектларини ҳоким ёрдамчиларининг онлайн-буюртманомасига асосан сотишдан тушадиган маблағлар тегишли маҳаллаларнинг Маҳалланинг ижтимоий-иқтисодий муаммоларини ҳал этиш жамғармаларига;
в 2 ) хусусийлаштириш дастурларига мувофиқ, Қорақалпоғистон Республикасида жойлашган давлат активларини (бундан ушбу банднинг «в» кичик банди мустасно) сотишдан тушган маблағлар Қорақалпоғистон Республикаси Иқтисодиёт ва молия вазирлиги ҳузуридаги сув таъминоти ва канализация тизимларини ривожлантириш ҳудудий жамғармасига»;
г) «д» кичик банд қуйидаги таҳрирда баён этилсин:
«д) Ўзбекистон Республикаси Президенти ёки Ўзбекистон Республикаси Вазирлар Маҳкамасининг тегишли ҳужжатларида Жамғарманинг умумий маблағлари ҳисобидан ёки аниқ давлат активини сотишдан тушган маблағларни бошқа мақсадларга тўлиқ ёки қисман йўналтириш кўзда тутилган тақдирда, мазкур банднинг «б» — «в 2 » кичик бандлари маблағларнинг қолган қисмига нисбатан татбиқ этилади».
2. Ўзбекистон Республикаси Президентининг 2019 йил 19 февралдаги «Давлат мулки объектларидан самарали фойдаланиш бўйича қўшимча чора-тадбирлар тўғрисида»ги ПФ-5666-сон Фармонида :
а) 4-банд қуйидаги мазмундаги хатбоши билан тўлдирилсин:
«давлат мулки объектлари ижарага бериш учун аукционга чиқарилганда ижарага бериш муддати уч йил этиб белгиланади, қонунчилик ҳужжатларида назарда тутилган ҳоллар бундан мустасно. Бунда, ижарага олувчи томонидан мажбуриятлар ўз вақтида ва тўлиқ бажарилган тақдирда ижара муддати уч йил муддатга узайтирилади, қонунчилик ҳужжатларида назарда тутилган ҳоллар бундан мустасно»;
б) 11-банднинг учинчи хатбошисидан «бир йилгача бўлган муддатга» сўзлари чиқариб ташлансин.
3. Ўзбекистон Республикаси Президентининг 2019 йил 13 августдаги «Хусусий мулкни ҳимоя қилиш ва мулкдорлар ҳуқуқларининг кафолатларини кучайтириш, тадбиркорлик ташаббусларини қўллаб-қувватлаш борасидаги ишларни ташкил қилиш тизимини тубдан такомиллаштириш бўйича қўшимча чора-тадбирлар, шунингдек, тадбиркорлик субъектларининг молиявий ресурслар ва ишлаб чиқариш инфратузилмасидан фойдаланиш имкониятларини кенгайтириш тўғрисида»ги ПФ-5780-сон Фармонининг 9-банди қуйидаги мазмундаги хатбоши билан тўлдирилсин:
«Бунда, вазирлик ва идоралар, маҳаллий давлат ҳокимияти органларига қарашли бўлган, уч ойдан ортиқ фойдаланилмасдан бўш турган объектлар, ижтимоий объектлар бундан мустасно, Давлат активларини бошқариш агентлиги томонидан тасдиқланадиган тартибга мувофиқ уларнинг розилигисиз ижарага бериш ёки сотиш учун «E-auksion» электрон савдо платформасига онлайн-аукцион савдоларига чиқарилади».
4. Ўзбекистон Республикаси Президентининг 2020 йил 27 октябрдаги «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида»ги ПФ-6096-сон Фармонида :
а) 17-банднинг олтинчи хатбошиси чиқариб ташлансин;
б) 20-банднинг тўртинчи хатбошисидаги «2022 йил 1 июлга қадар» сўзлари «2023 йил 1 декабрга қадар» сўзлари билан алмаштирилсин;
в) 4-иловадан 130-позиция чиқариб ташлансин.
6. Ўзбекистон Республикаси Президентининг 2018 йил 6 февралдаги «Хоразм вилоятида тадбиркорлик субъектларига давлат мулки объектларини сотиш ва кичик саноат зоналарини ташкил этиш чора-тадбирлари тўғрисида»ги ПҚ-3513-сон қарорининг 8-банди ўз кучини йўқотган деб ҳисоблансин.
7. Ўзбекистон Республикаси Президентининг 2022 йил 18 мартдаги «Иқтисодиётда давлат иштирокини янада қисқартириш ва хусусийлаштиришни жадаллаштиришга оид қўшимча чора-тадбирлар тўғрисида»ги ПҚ-168-сон қарорининг 3-банди «а» кичик бандининг учинчи хатбошиси қуйидаги таҳрирда баён этилсин:
«қишлоқ хўжалигига мўлжалланмаган ер участкалари (кейинги ўринларда — ер участкалари) бўлганда — «Yerelektron» автоматлаштирилган ахборот тизими орқали юборилган онлайн-буюртманома тегишли идоралар томонидан белгиланган тартибда кўриб чиқилади ҳамда ижобий хулоса берилган тақдирда, тўғридан-тўғри электрон онлайн-аукцион савдоларига чиқарилади».
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 23 январь,
ПФ-13-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Mamlakatimizda xususiy investitsiyalarni jalb etish hamda davlatning iqtisodiyotdagi ishtirokini qisqartirish boʻyicha amalga oshirilgan tadbirlar natijasida oʻtgan uch yilda qariyb 2 mingta davlat aktivlari sotildi va davlat ishtirokidagi korxonalar soni 45 foizga qisqardi.
Xususiylashtirishni jadallashtirish, davlat mulkini ijaraga berish tartibini takomillashtirish hamda iqtisodiyotda xususiy mulkning ulushini yanada oshirish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
alohida davlat mulki obyektlarini xususiylashtirishdan tushgan mablagʻlarni mahallalar va Qoraqalpogʻiston Respublikasi hududidagi suv taʼminoti va kanalizatsiya tizimlarini rivojlantirishga yoʻnaltirish;
davlat mulki obyektlarini auksion orqali ijaraga berish muddatini uch yil etib belgilash va oʻz majburiyatlarini toʻliq bajargan ijara oluvchilarga ijara muddatini yana uch yil muddatga uzaytirish;
uch oydan ortiq foydalanilmasdan boʻsh turgan davlat mulki obyektlarini (ijtimoiy obyektlar bundan mustasno) belgilangan tartibda balans saqlovchilarning roziligisiz ijaraga berish yoki sotish uchun onlayn-auksion savdolariga chiqarish.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 23-yanvardagi PF-13-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 14-yanvardagi “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi PF-5630-son Farmonining 6-bandida :
a) “b” kichik bandi birinchi xatboshidagi “v” va “g” kichik bandlari” soʻzlari “v”-“g” kichik bandlari” soʻzlari bilan almashtirilsin;
b) “v” kichik bandning birinchi xatboshisi quyidagi tahrirda bayon etilsin:
“v) hududi 10 000 kvadrat metrgacha boʻlgan davlat koʻchmas mulk obyektlari (bundan ushbu bandning “v 1 ” kichik bandi mustasno), shuningdek, Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining qarorlari asosida sotiladigan davlat koʻchmas mulk obyektlarini sotishdan tushadigan mablagʻlar:”;
v) quyidagi mazmundagi “v 1 ” va “v 2 ” kichik bandlar bilan toʻldirilsin:
“v 1 ) mahalladagi maydoni 2 000 kvadrat metrgacha boʻlgan davlat koʻchmas mulk obyektlarini hokim yordamchilarining onlayn-buyurtmanomasiga asosan sotishdan tushadigan mablagʻlar tegishli mahallalarning Mahallaning ijtimoiy-iqtisodiy muammolarini hal etish jamgʻarmalariga;
v 2 ) xususiylashtirish dasturlariga muvofiq, Qoraqalpogʻiston Respublikasida joylashgan davlat aktivlarini (bundan ushbu bandning “v” kichik bandi mustasno) sotishdan tushgan mablagʻlar Qoraqalpogʻiston Respublikasi Iqtisodiyot va moliya vazirligi huzuridagi suv taʼminoti va kanalizatsiya tizimlarini rivojlantirish hududiy jamgʻarmasiga”;
g) “d” kichik band quyidagi tahrirda bayon etilsin:
“d) Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining tegishli hujjatlarida Jamgʻarmaning umumiy mablagʻlari hisobidan yoki aniq davlat aktivini sotishdan tushgan mablagʻlarni boshqa maqsadlarga toʻliq yoki qisman yoʻnaltirish koʻzda tutilgan taqdirda, mazkur bandning “b” — “v 2 ” kichik bandlari mablagʻlarning qolgan qismiga nisbatan tatbiq etiladi”.
2. Oʻzbekiston Respublikasi Prezidentining 2019-yil 19-fevraldagi “Davlat mulki obyektlaridan samarali foydalanish boʻyicha qoʻshimcha chora-tadbirlar toʻgʻrisida”gi PF-5666-son Farmonida :
a) 4-band quyidagi mazmundagi xatboshi bilan toʻldirilsin:
“davlat mulki obyektlari ijaraga berish uchun auksionga chiqarilganda ijaraga berish muddati uch yil etib belgilanadi, qonunchilik hujjatlarida nazarda tutilgan hollar bundan mustasno. Bunda, ijaraga oluvchi tomonidan majburiyatlar oʻz vaqtida va toʻliq bajarilgan taqdirda ijara muddati uch yil muddatga uzaytiriladi, qonunchilik hujjatlarida nazarda tutilgan hollar bundan mustasno”;
b) 11-bandning uchinchi xatboshisidan “bir yilgacha boʻlgan muddatga” soʻzlari chiqarib tashlansin.
3. Oʻzbekiston Respublikasi Prezidentining 2019-yil 13-avgustdagi “Xususiy mulkni himoya qilish va mulkdorlar huquqlarining kafolatlarini kuchaytirish, tadbirkorlik tashabbuslarini qoʻllab-quvvatlash borasidagi ishlarni tashkil qilish tizimini tubdan takomillashtirish boʻyicha qoʻshimcha chora-tadbirlar, shuningdek, tadbirkorlik subyektlarining moliyaviy resurslar va ishlab chiqarish infratuzilmasidan foydalanish imkoniyatlarini kengaytirish toʻgʻrisida”gi PF-5780-son Farmonining 9-bandi quyidagi mazmundagi xatboshi bilan toʻldirilsin:
“Bunda, vazirlik va idoralar, mahalliy davlat hokimiyati organlariga qarashli boʻlgan, uch oydan ortiq foydalanilmasdan boʻsh turgan obyektlar, ijtimoiy obyektlar bundan mustasno, Davlat aktivlarini boshqarish agentligi tomonidan tasdiqlanadigan tartibga muvofiq ularning roziligisiz ijaraga berish yoki sotish uchun “E-auksion” elektron savdo platformasiga onlayn-auksion savdolariga chiqariladi”.
4. Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmonida :
a) 17-bandning oltinchi xatboshisi chiqarib tashlansin;
b) 20-bandning toʻrtinchi xatboshisidagi “2022-yil 1-iyulga qadar” soʻzlari “2023-yil 1-dekabrga qadar” soʻzlari bilan almashtirilsin;
v) 4-ilovadan 130-pozitsiya chiqarib tashlansin.
6. Oʻzbekiston Respublikasi Prezidentining 2018-yil 6-fevraldagi “Xorazm viloyatida tadbirkorlik subyektlariga davlat mulki obyektlarini sotish va kichik sanoat zonalarini tashkil etish chora-tadbirlari toʻgʻrisida”gi PQ-3513-son qarorining 8-bandi oʻz kuchini yoʻqotgan deb hisoblansin.
7. Oʻzbekiston Respublikasi Prezidentining 2022-yil 18-martdagi “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-168-son qarorining 3-bandi “a” kichik bandining uchinchi xatboshisi quyidagi tahrirda bayon etilsin:
“qishloq xoʻjaligiga moʻljallanmagan yer uchastkalari (keyingi oʻrinlarda — yer uchastkalari) boʻlganda — “Yerelektron” avtomatlashtirilgan axborot tizimi orqali yuborilgan onlayn-buyurtmanoma tegishli idoralar tomonidan belgilangan tartibda koʻrib chiqiladi hamda ijobiy xulosa berilgan taqdirda, toʻgʻridan-toʻgʻri elektron onlayn-auksion savdolariga chiqariladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 23-yanvar,
PF-13-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан
В результате осуществленных в стране мероприятий по привлечению частных инвестиций и сокращению государственного участия в экономике за последние три года реализовано около 2 тысяч государственных активов, а количество предприятий с государственным участием сократилось на 45 процентов.
В целях ускорения приватизации, совершенствования порядка предоставления в аренду государственного имущества и дальнейшего увеличения доли частной собственности в экономике:
1. Внести изменения и дополнения в некоторые акты Президента Республики Узбекистан согласно приложению , предусматривающие:
направление средств, полученных от приватизации отдельных объектов государственной собственности, на развитие махаллей и находящихся на территории Республики Каракалпакстан систем водоснабжения и канализации;
установление трехлетнего срока аренды объектов государственной собственности через аукцион и продление срока аренды еще на три года арендаторам, полностью выполнившим свои обязательства;
выставление в установленном порядке неиспользуемых более трех месяцев пустующих объектов государственной собственности (за исключением социальных объектов) на онлайн-аукционные торги для предоставления в аренду или реализации без согласия балансодержателей.
2. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 23 января 2023 года № УП-13
Изменения и дополнения, вносимые в некоторые акты Президента Республики Узбекистан
1. В пункте 6 Указа Президента Республики Узбекистан от 14 января 2019 года № УП-5630 «О мерах по коренному совершенствованию системы управления государственными активами, антимонопольного регулирования и рынка капитала»:
а) в абзаце первом подпункта «б» слова «подпунктов «в» и «г» заменить словами «подпунктов «в»-«г»;
б) абзац первый подпункта «в» изложить в следующей редакции:
«средства, поступающие от реализации государственных объектов недвижимого имущества с территорией до 10 000 квадратных метров (за исключением подпункта «в 1 » настоящего пункта), а также от реализации государственных объектов недвижимого имущества, реализуемых на основании решений Председателя Совета Министров Республики Каракалпакстан, хокимов областей и г. Ташкента:»;
в) дополнить подпунктами «в 1 » и «в 2 » следующего содержания:
«в 1 ) средства, поступающие от реализации государственных объектов недвижимого имущества в махалле площадью до 2 000 квадратных метров на основании онлайн-заявки помощников хокимов, перечисляются в фонды по решению социально-экономических проблем махалли соответствующих махаллей;
в 2 ) средства, поступающие от реализации государственных активов, в соответствии с программами приватизации, расположенных в Республике Каракалпакстан (за исключением подпункта «в» настоящего пункта), в Территориальный фонд развития систем водоснабжения и канализации при Министерстве экономики и финансов Республики Каракалпакстан»;
г) подпункт «д» изложить следующей редакции:
«д) в случае, если соответствующими актами Президента Республики Узбекистан или Кабинета Министров Республики Узбекистан предусмотрено полное или частичное направление средств за счет общих средств Фонда или от реализации конкретного государственного актива на иные цели, подпункты «б» — «в 2 » настоящего пункта применяются к оставшейся части средств».
2. В Указе Президента Республики Узбекистан от 19 февраля 2019 года № УП-5666 «О дополнительных мерах по эффективному использованию объектов государственной собственности»:
а) пункт 4 дополнить абзацем следующего содержания:
«при выставлении на аукцион объектов государственной собственности для предоставления в аренду срок аренды устанавливается в три года, за исключением случаев, предусмотренных актами законодательства. При этом при своевременном и полном исполнении арендатором своих обязательств срок аренды продлевается на три года, за исключением случаев, предусмотренных актами законодательства»;
б) из абзаца третьего пункта 11 слова «на срок до одного года» исключить.
3. Пункт 9 Указа Президента Республики Узбекистан от 13 августа 2019 года № УП-5780 «О дополнительных мерах по усилению защиты частной собственности и гарантий прав собственников, коренному совершенствованию системы организации работ по поддержке предпринимательских инициатив, а также расширении доступа субъектов предпринимательства к финансовым ресурсам и производственной инфраструктуре» дополнить абзацем следующего содержания:
«При этом неиспользуемые более трех месяцев пустующие объекты, принадлежащие министерствам и ведомствам, органам государственной власти на местах, за исключением социальных объектов, без их согласия выставляются на онлайн-аукционные торги на электронной торговой платформе «E-auksion» для предоставления в аренду или реализации в соответствии с порядком, утверждаемым Агентством по управлению государственными активами».
4. В Указе Президента Республики Узбекистан от 27 октября 2020 года № УП-6096 «О мерах по ускоренному реформированию предприятий с участием государства и приватизации государственных активов»:
а) абзац шестой пункта 17 исключить;
б) в абзаце четвертом пункта 20 слова «до 1 июля 2022 года» заменить словами «до 1 декабря 2023 года»;
в) из приложения № 4 позицию 130 исключить.
6. Пункт 8 постановления Президента Республики Узбекистан от 6 февраля 2018 года № ПП-3513 «О мерах по реализации субъектам предпринимательства объектов государственной собственности и созданию малых промышленных зон в Хорезмской области» признать утратившим силу.
7. Абзац третий подпункта «а» пункта 3 постановления Президента Республики Узбекистан от 18 марта 2022 года № ПП-168 «О дополнительных мерах по дальнейшему сокращению государственного участия в экономике и ускорению приватизации» изложить в следующей редакции:
«земельными участками несельскохозяйственного назначения (далее — земельные участки) — онлайн-заявка, направленная посредством автоматизированной информационной системы «Yerelektron», рассматривается соответствующими ведомствами в установленном порядке, и в случае вынесения положительного заключения эти участки напрямую выставляются на электронные онлайн-аукционные торги».
Президент Республики Узбекистан Ш. МИРЗИЁЕВ
г. Ташкент,
23 января 2023 г.,
№ УП-13