UzbekAI

Ўзбекистон Республикаси Президентининг

Қарори

Оилавий тадбиркорликни ривожлантириш дастурларини қўллаб-қувватлаш бўйича қўшимча чора-тадбирлар тўғрисида

Оилавий тадбиркорликни ривожлантириш дастурлари доирасида аҳолининг бандлиги ва даромад манбаларини оширишга доир меҳнат фаолиятини қўллаб-қувватлаш чораларини янада кенгайтириш мақсадида:

1. 2023 йилда Оилавий тадбиркорликни ривожлантириш дастурлари (кейинги ўринда — Дастурлар) доирасида лойиҳаларни молиялаштириш учун Тикланиш ва тараққиёт жамғармасидан «Агробанк» АТБ, «Микрокредитбанк» АТБ ва АТ Халқ банкига алоҳида тасдиқланадиган тақсимотга асосан 300 миллион АҚШ доллари эквивалентидаги маблағлар 3 йиллик имтиёзли давр билан 7 йил муддатга 10 фоиз ставкада ажратилсин.

2. Вазирлар Маҳкамаси бир ҳафта муддатда 2023 йилда Дастурлар доирасида аҳолининг бизнес ташаббусларини қўллаб-қувватлашни янги босқичга олиб чиқишга доир қўшимча чора-тадбирлар тўғрисидаги қарор лойиҳасини Ўзбекистон Республикаси Президенти Администрациясига киритсин.

3. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 25 январь,

ПҚ-18-сон

(Қонунчилик маълумотлари миллий базаси, 26.01.2023 й., 07/23/18/0054-сон)

lex.uz

Oʻzbekiston Respublikasi Prezidentining

Qarori

Oilaviy tadbirkorlikni rivojlantirish dasturlarini qoʻllab-quvvatlash boʻyicha qoʻshimcha chora-tadbirlar toʻgʻrisida

Oilaviy tadbirkorlikni rivojlantirish dasturlari doirasida aholining bandligi va daromad manbalarini oshirishga doir mehnat faoliyatini qoʻllab-quvvatlash choralarini yanada kengaytirish maqsadida:

1. 2023-yilda Oilaviy tadbirkorlikni rivojlantirish dasturlari (keyingi oʻrinda — Dasturlar) doirasida loyihalarni moliyalashtirish uchun Tiklanish va taraqqiyot jamgʻarmasidan “Agrobank” ATB, “Mikrokreditbank” ATB va AT Xalq bankiga alohida tasdiqlanadigan taqsimotga asosan 300 million AQSH dollari ekvivalentidagi mablagʻlar 3 yillik imtiyozli davr bilan 7 yil muddatga 10 foiz stavkada ajratilsin.

2. Vazirlar Mahkamasi bir hafta muddatda 2023-yilda Dasturlar doirasida aholining biznes tashabbuslarini qoʻllab-quvvatlashni yangi bosqichga olib chiqishga doir qoʻshimcha chora-tadbirlar toʻgʻrisidagi qaror loyihasini Oʻzbekiston Respublikasi Prezidenti Administratsiyasiga kiritsin.

3. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 25-yanvar,

PQ-18-son

(Qonunchilik maʼlumotlari milliy bazasi, 26.01.2023-y., 07/23/18/0054-son)

lex.uz

Президента Республики Узбекистан

Постановление

О дополнительных мерах по поддержке программ развития семейного предпринимательства

В целях дальнейшего усиления мер по повышению занятости, расширению источников доходов и поддержки трудовой деятельности населения в рамках программ развития семейного предпринимательства:

1. Выделить в 2023 году из Фонда реконструкции и развития на финансирование проектов в рамках программ развития семейного предпринимательства (далее — Программы) АКБ «Агробанк», АКБ «Микрокредитбанк» и АК «Халк банки» на основе отдельно утверждаемого распределения средства в эквиваленте 300 миллионов долларов США сроком на 7 лет, включая трехлетний льготный период по ставке 10 процентов.

2. Кабинету Министров в недельный срок внести в Администрацию Президента Республики Узбекистан проект постановления о дополнительных мерах по поднятию на новый этап поддержки бизнес-инициатив населения в рамках Программ в 2023 году.

3. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.

Президент Республики Узбекистан Ш. МИРЗИЁЕВ

г. Ташкент,

25 января 2023 г.,

№ ПП-18

(Национальная база данных законодательства, 26.01.2023 г., № 07/23/18/0054)

lex.uz