📅 2023-yil 25-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 25 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 января 2023 г. · Постановления Президента
Официальный текст. Официальный документ. Редакционные примечания не включены.
📅 25 January 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Буюк шоир ва олим, машҳур давлат арбоби Заҳириддин Муҳаммад Бобур таваллудининг 540 йиллигини кенг нишонлаш тўғрисида
Жаҳон тарихида ўчмас из қолдирган бетакрор сиймолардан бири Заҳириддин Муҳаммад Бобур буюк шоир, қомусий олим, давлат арбоби ва моҳир саркарда сифатида бутун дунёда маълум ва машҳурдир. Унинг беқиёс илмий-ижодий мероси нафақат миллий маданиятимиз ва халқимиз адабий-эстетик тафаккурининг шаклланишида, балки жаҳон адабиёти, илм-фани ва давлатчилиги тарихида алоҳида ўринга эга.
Мустақиллик даврида Заҳириддин Муҳаммад Бобурнинг ҳаёти ва фаолиятини ҳар томонлама чуқур ўрганиш, унинг асарларини юртимиз ва хорижий давлатларда тарғиб қилиш борасида кенг кўламли ишлар амалга оширилди. Хусусан, шоир туғилган кун — 14 февраль санаси ҳар йили мамлакатимиз бўйлаб адабиёт ва илм-маърифат байрами сифатида нишонланмоқда. Бобуршунослик соҳасида кўплаб тадқиқотлар, республика ва халқаро миқёсда илмий анжуманлар мунтазам ўтказилмоқда.
Кейинги йилларда Тошкент ва Андижон шаҳарларида Бобур Мирзонинг муаззам ҳайкаллари ўрнатилгани, унинг туғилиб ўсган юрти — Андижон шаҳрида Бобур номидаги халқаро жамоат фонди ва унинг тасарруфидаги «Бобур ва жаҳон маданияти» китоб музейи фаолият кўрсатаётгани, «Бобур энциклопедияси», «Бобур куллиёти», «Бабур. Бабуриды. Библиография» деб номланган салмоқли асарларнинг нашрдан чиқарилгани, «Бобур ва дунё» журналининг ташкил қилингани маданий ҳаётимизда катта воқеа сифатида эътироф этилди.
Жонажон Ватанимиз миллий ривожланишнинг янги босқичига — Учинчи Ренессанс даврига қадам қўяётган, ҳаётимизнинг барча жабҳаларида туб ўзгаришлар юз бераётган бугунги кунда Бобур Мирзонинг бебаҳо меросини чуқур ўрганиш ва оммалаштириш янада муҳим аҳамият касб этмоқда.
Буюк аждодимиз асарларининг миллий ва умуминсоний моҳиятини, унинг ёш авлодимиз интеллектуал ва маънавий салоҳиятини ошириш, фарзандларимизни шу асосда Янги Ўзбекистон бунёдкорлари этиб тарбиялаш борасидаги улкан ўрни ва таъсирини инобатга олиб, Бобур Мирзонинг илмий ва ижодий меросини мамлакатимиз ва халқаро миқёсда янада чуқур ўрганиш ва тарғиб этиш мақсадида:
1. Маданият ва туризм вазирлиги, Олий таълим, фан ва инновациялар вазирлиги, Фанлар академияси, Ёзувчилар уюшмаси, Республика Маънавият ва маърифат маркази, Бобур номидаги халқаро жамоат фонди ҳамда жамоатчилик вакилларининг 2023 йилда Заҳириддин Муҳаммад Бобур таваллудининг 540 йиллигини кенг нишонлаш тўғрисидаги таклифи маъқуллансин.
2. Заҳириддин Муҳаммад Бобур таваллудининг 540 йиллигини нишонлаш бўйича ташкилий қўмита (кейинги ўринларда — Ташкилий қўмита) тузилсин ва унинг таркиби иловага мувофиқ тасдиқлансин.
Ташкилий қўмита (А.Н. Арипов):
бир ҳафта муддатда Заҳириддин Муҳаммад Бобур таваллудининг 540 йиллигини нишонлаш бўйича амалга ошириладиган чора-тадбирлар дастурини тасдиқласин. Ушбу дастурда қуйидаги масалаларга алоҳида эътибор қаратилсин:
мамлакатимиздаги Заҳириддин Муҳаммад Бобур номи билан боғлиқ обида ва қадамжоларни, жумладан ёдгорлик мажмуаларини таъмирлаш ва уларнинг ҳудудларини ободонлаштириш;
Бобур Мирзо меросига мансуб қўлёзма, қадимий китоблар, санъат асарлари ва бошқа маданий бойликларни реставрация қилиш, уларни ишончли даражада сақлаш учун зарур шароит яратиш;
хорижий мамлакатларда сақланаётган Заҳириддин Муҳаммад Бобурнинг ҳаёти, илмий-ижодий мероси ҳамда у яшаган даврга оид ноёб қўлёзма асарлар ва бошқа маданий бойликларни аниқлаш, уларнинг нусхаларини Ўзбекистонга олиб келиш ва тадқиқ қилишни давом эттириш;
Заҳириддин Муҳаммад Бобурнинг илмий-ижодий меросини, давлатчилик ва саркардалик фаолиятини кенг ўрганиш мақсадида халқаро миқёсда илмий изланишлар олиб бориш ва уларнинг натижаларини эълон қилиш, янги илмий, бадиий-публицистик асарлар яратиш;
Заҳириддин Муҳаммад Бобурнинг ҳаёти ва фаолиятига бағишланган юқори сифатли медиа маҳсулотлар ҳамда аудиовизуал асарлар яратиш, уларни маҳаллий ва хорижий оммавий ахборот воситаларида эълон қилиш, Интернет ва ижтимоий тармоқларда кенг тарғиб қилиш;
Ўзбекистон Республикасининг хорижий мамлакатлардаги элчихоналари, Ўзбек миллий маданий марказлари, ватандошлар жамиятларида Заҳириддин Муҳаммад Бобур ижодини кенг ўрганиш ва тарғиб қилишга бағишланган маърифий тадбирлар, давра суҳбатлари ташкил этиш.
3. Маданият ва туризм вазирлиги Ташкилий қўмитанинг ишчи органи этиб белгилансин ва мазкур қарорда белгиланган вазифалар бўйича вазирлик ва идоралар фаолиятини мувофиқлаштириб борсин.
4. Ташкилий қўмита қуйидаги тадбирлар:
Андижон вилояти ҳокимлиги томонидан Бобур номидаги халқаро жамоат фонди билан биргаликда Андижон шаҳрида «Заҳириддин Муҳаммад Бобур ижодий меросининг башарият маънавий-маърифий тараққиётидаги ўрни» мавзусидаги халқаро илмий-амалий конференция;
Олий таълим, фан ва инновациялар вазирлиги томонидан Алишер Навоий номидаги Тошкент давлат ўзбек тили ва адабиёти университетида «Заҳириддин Муҳаммад Бобур меросининг Шарқ давлатчилиги ва маданияти ривожида тутган ўрни» мавзусида халқаро илмий-назарий анжуман;
Тошкент шаҳар ҳокимлиги, Маданият ва туризм вазирлиги томонидан Тошкент шаҳрида Заҳириддин Муҳаммад Бобур таваллудининг 540 йиллигига бағишланган адабий-бадиий анжуман;
Маданий мерос агентлиги ва Бобур номидаги халқаро жамоат фонди томонидан Андижон шаҳридаги «Бобур ва жаҳон маданияти» китоб музейида Бобурнинг ҳаёти, илмий ва ижодий фаолиятига бағишланган асарларнинг қўлёзма ва нашр нусхаларининг кўргазмаси;
Бадиий академия ва «Ҳунарманд» уюшмаси томонидан мавзуга бағишланган тасвирий санъат асарлари, миниатюралар, халқ амалий санъати намуналари кўргазмалари юқори савияда ўтказилишини таъминласин.
5. Заҳириддин Муҳаммад Бобурнинг ибратли ҳаёти ва бой меросини аҳоли орасида кенг тарғиб қилиш мақсадида:
а) Маданият ва туризм вазирлиги Бобур номидаги халқаро жамоат фонди билан биргаликда:
«Бобур мероси» халқаро сайёҳлик тарғибот дастурини амалга оширсин;
2023 йилда Заҳириддин Муҳаммад Бобур ҳаёти ва асарлари асосида янги спектакллар яратиш, шоир ғазаллари билан ижро этиладиган энг яхши қўшиқлар танловлари ҳамда «Назм ва наво» мақом кечаларини ташкил этишни таъминласин;
давлат буюртмаси асосида Заҳириддин Муҳаммад Бобурнинг болалик даврига бағишлаб суратга олинаётган «Йўлбарснинг туғилиши» бадиий фильмини якунига етказиш чораларини кўрсин;
б) Маданият ва санъатни ривожлантириш жамғармаси 2023-2024 йилларда болалар учун Бобур Мирзо ҳақидаги спектакль ва кўп қисмли мультипликацион фильмни яратсин.
6. Ташкилий қўмита Фанлар академияси, Олий таълим, фан ва инновациялар вазирлиги, Ахборот ва оммавий коммуникациялар агентлиги, Жамоат хавфсизлиги университети, Бобур номидаги халқаро жамоат фонди, Ёзувчилар уюшмаси билан биргаликда:
ўзбек, рус ва инглиз тилларида Заҳириддин Муҳаммад Бобур ҳаёти ва ижодига доир «Бобур энциклопедияси»нинг тўлдирилган учинчи нашри, «Бобур» китоб-альбоми, шунингдек, Бобур асарлари луғати, Бобур девонининг мукаммал нашрини;
«Бобурнома» асарининг замонавий ўзбек ва қорақалпоқ тилларига табдилини яратиш;
«Бобурга армуғон» рукни остида шоир асарлари, унинг ҳаёти ва ижоди ҳақидаги илмий ва оммабоп китоблар туркумини тайёрлаш ва чоп қилиш чораларини кўрсин.
7. Олий таълим, фан ва инновациялар вазирлиги Ёзувчилар уюшмаси, Республика Маънавият ва маърифат маркази, Бобур номидаги халқаро жамоат фонди билан биргаликда:
икки ой муддатда Заҳириддин Муҳаммад Бобур ҳаёти ва ижодий меросини тадқиқ этиш бўйича илмий тадқиқот ишларига давлат буюртмаси талабларига мувофиқ илмий лойиҳалар танловини эълон қилсин;
ушбу қарорнинг 6-бандида белгиланган адабиётларни тайёрлаш билан боғлиқ ишлар учун давлат илмий дастурлари доирасида мақсадли маблағлар ажратилишини таъминласин;
талабалар ҳамда тадқиқотчилар ўртасида Бобур Мирзо ҳаёти ва ижодига бағишланган янги илмий-публицистик ҳамда бадиий асарлар танловини ўтказсин;
Бобур Мирзо ҳаёти ва фаолиятига бағишланган асарларнинг ўзбек тилидан хорижий тилларга ҳамда хорижий тиллардан ўзбек тилига босқичма-босқич таржима қилиниши ва чоп этилишини таъминласин.
8. 2023/2024 ўқув йилидан бошлаб олий таълим муассасалари талабалари учун тарих ва география йўналишларида Заҳириддин Муҳаммад Бобур номидаги давлат стипендияси таъсис этилсин.
Вазирлар Маҳкамаси уч ой муддатда мазкур давлат стипендиясини тайинлаш тартиби тўғрисидаги низомни тасдиқласин.
9. Ёшлар сиёсати ва спорт вазирлиги, Мактабгача ва мактаб таълими вазирлиги манфаатдор вазирлик ва идоралар билан биргаликда 2023 йил давомида қуйидаги вазифаларни ўз ичига олган «Бобур ва ёшлар» махсус дастурини амалга оширсин:
умумий ўрта таълим муассасалари ўқувчилари ўртасида «Бобур асарларининг билимдонлари» танлови ва «Бобурни англаш» мавзусида иншолар танловини ўтказиш ва ғолибларни муносиб тақдирлаш;
замонавий ахборот ва тарғибот технологиялари асосида Заҳириддин Муҳаммад Бобур асарларини ёшлар ўртасида кенг оммалаштириш.
10. Андижон вилояти ҳокимлиги Олий таълим, фан ва инновациялар вазирлиги, Фанлар академияси, Бобур номидаги халқаро жамоат фонди билан биргаликда 2023 йил 1 августга қадар маҳаллий бюджет маблағлари ҳисобидан ўзбек, рус, инглиз тилларида фаолият юритадиган халқаро илмий бобуршунослик электрон платформаси ва унинг мобиль иловасини яратсин. Бунда, мазкур платформанинг келгусида самарали юритилиши Бобур номидаги халқаро жамоат фонди томонидан амалга оширилиши белгилаб қўйилсин.
11. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Республика Маънавият ва маърифат маркази, Ёзувчилар уюшмаси, Мактабгача ва мактаб таълими вазирлиги, Олий таълим, фан ва инновациялар вазирлиги ҳамда бошқа вазирлик, идора ва ташкилотлар Заҳириддин Муҳаммад Бобурнинг илмий-ижодий меросига бағишланган ижодий учрашувлар, давра суҳбатлари, китоблар тақдимотлари ҳамда бошқа тадбирларни ташкил қилсин.
12. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги, Ўзбекистон миллий медиа ассоциацияси ва бошқа оммавий ахборот воситаларига Заҳириддин Муҳаммад Бобур таваллудининг 540 йиллигини нишонлаш билан боғлиқ тадбирларни кенг ёритиш тавсия этилсин.
13. Мазкур қарорда назарда тутилган чора-тадбирларни молиялаштириш манбалари этиб маҳаллий бюджетларнинг қўшимча манбалари, ижрочиларга ажратилган маблағлар доирасида Давлат бюджети маблағлари, ташкилотчиларнинг ўз маблағлари ҳамда қонунчилик ҳужжатлари билан тақиқланмаган бошқа манбалар белгилансин.
14. Ушбу қарор ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси О.Қ. Абдурахманов зиммасига юклансин.
Ўзбекистон Республикаси Президентининг 2023 йил 25 январдаги ПҚ-20-сон қарорига ИЛОВА
Заҳириддин Муҳаммад Бобур таваллудининг 540 йиллигини нишонлаш бўйича ташкилий қўмита
А. Арипов — Ўзбекистон Республикаси Бош вазири, ташкилий қўмита раиси О. Абдурахманов — Ўзбекистон Республикаси Президентининг маслаҳатчиси, ташкилий қўмита раисининг ўринбосари Х. Султонов — Ўзбекистон Республикаси Президентининг маслаҳатчиси О. Назарбеков — маданият ва туризм вазири, ташкилий қўмита раисининг ўринбосари И. Абдураҳмонов — олий таълим, фан ва инновация вазири Х. Умарова — мактабгача ва мактаб таълими вазири Б. Саидов — ташқи ишлар вазири вазифасини бажарувчи Б. Раҳмонов — Тошкент шаҳар ҳокими вазифасини бажарувчи Ш. Абдураҳмонов — Андижон вилояти ҳокими А. Саъдуллаев — ёшлар сиёсати ва спорт вазирининг биринчи ўринбосари — Ёшлар ишлари агентлиги директори А. Ходжаев — Ахборот ва оммавий коммуникациялар агентлиги директори Г. Умерова — Маданият ва санъатни ривожлантириш жамғармаси ижрочи директори Б. Юлдашев — Фанлар академияси президенти А. Нуридинов — Бадиий академия раиси Б. Абдукаримов — Маданий мерос агентлиги директори М. Ҳожиматов — Республика Маънавият ва маърифат маркази раҳбари А. Хаджаев — Ўзбекистон миллий телерадиокомпанияси раиси С. Турдиев — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси республика бошқаруви раиси С. Саидов — Ўзбекистон Ёзувчилар уюшмаси раиси К. Каримов — Қорақалпоғистон Ёзувчилар уюшмаси раиси З. Машрабов — Бобур номидаги халқаро жамоат фонди раиси Н. Маҳмудов — Фанлар академияси Ўзбек тили, адабиёти ва фольклори институти директори Ш. Сирожиддинов — Алишер Навоий номидаги Тошкент давлат ўзбек тили ва адабиёти университети ректори Ҳ. Болтабоев — «Бобур энциклопедияси» бош муҳаррири, Ўзбекистон Миллий университети кафедра мудири А. Мадраимов — Амир Темур ва темурийлар давлат музейи катта илмий ходими В. Раҳмонов — филология фанлари номзоди, доцент Қ. Кенжаев — Ўзбекистон Ёзувчилар уюшмаси аъзоси, бобуршунос адиб
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 25 январь,
ПҚ-20-сон
Oʻzbekiston Respublikasi Prezidentining
Qarori
TARKIBI
Buyuk shoir va olim, mashhur davlat arbobi Zahiriddin Muhammad Bobur tavalludining 540 yilligini keng nishonlash toʻgʻrisida
Jahon tarixida oʻchmas iz qoldirgan betakror siymolardan biri Zahiriddin Muhammad Bobur buyuk shoir, qomusiy olim, davlat arbobi va mohir sarkarda sifatida butun dunyoda maʼlum va mashhurdir. Uning beqiyos ilmiy-ijodiy merosi nafaqat milliy madaniyatimiz va xalqimiz adabiy-estetik tafakkurining shakllanishida, balki jahon adabiyoti, ilm-fani va davlatchiligi tarixida alohida oʻringa ega.
Mustaqillik davrida Zahiriddin Muhammad Boburning hayoti va faoliyatini har tomonlama chuqur oʻrganish, uning asarlarini yurtimiz va xorijiy davlatlarda targʻib qilish borasida keng koʻlamli ishlar amalga oshirildi. Xususan, shoir tugʻilgan kun — 14-fevral sanasi har yili mamlakatimiz boʻylab adabiyot va ilm-maʼrifat bayrami sifatida nishonlanmoqda. Boburshunoslik sohasida koʻplab tadqiqotlar, respublika va xalqaro miqyosda ilmiy anjumanlar muntazam oʻtkazilmoqda.
Keyingi yillarda Toshkent va Andijon shaharlarida Bobur Mirzoning muazzam haykallari oʻrnatilgani, uning tugʻilib oʻsgan yurti — Andijon shahrida Bobur nomidagi xalqaro jamoat fondi va uning tasarrufidagi “Bobur va jahon madaniyati” kitob muzeyi faoliyat koʻrsatayotgani, “Bobur ensiklopediyasi”, “Bobur kulliyoti”, “Babur. Baburidi. Bibliografiya” deb nomlangan salmoqli asarlarning nashrdan chiqarilgani, “Bobur va dunyo” jurnalining tashkil qilingani madaniy hayotimizda katta voqea sifatida eʼtirof etildi.
Jonajon Vatanimiz milliy rivojlanishning yangi bosqichiga — Uchinchi Renessans davriga qadam qoʻyayotgan, hayotimizning barcha jabhalarida tub oʻzgarishlar yuz berayotgan bugungi kunda Bobur Mirzoning bebaho merosini chuqur oʻrganish va ommalashtirish yanada muhim ahamiyat kasb etmoqda.
Buyuk ajdodimiz asarlarining milliy va umuminsoniy mohiyatini, uning yosh avlodimiz intellektual va maʼnaviy salohiyatini oshirish, farzandlarimizni shu asosda Yangi Oʻzbekiston bunyodkorlari etib tarbiyalash borasidagi ulkan oʻrni va taʼsirini inobatga olib, Bobur Mirzoning ilmiy va ijodiy merosini mamlakatimiz va xalqaro miqyosda yanada chuqur oʻrganish va targʻib etish maqsadida:
1. Madaniyat va turizm vazirligi, Oliy taʼlim, fan va innovatsiyalar vazirligi, Fanlar akademiyasi, Yozuvchilar uyushmasi, Respublika Maʼnaviyat va maʼrifat markazi, Bobur nomidagi xalqaro jamoat fondi hamda jamoatchilik vakillarining 2023-yilda Zahiriddin Muhammad Bobur tavalludining 540 yilligini keng nishonlash toʻgʻrisidagi taklifi maʼqullansin.
2. Zahiriddin Muhammad Bobur tavalludining 540 yilligini nishonlash boʻyicha tashkiliy qoʻmita (keyingi oʻrinlarda — Tashkiliy qoʻmita) tuzilsin va uning tarkibi ilovaga muvofiq tasdiqlansin.
Tashkiliy qoʻmita (A.N. Aripov):
bir hafta muddatda Zahiriddin Muhammad Bobur tavalludining 540 yilligini nishonlash boʻyicha amalga oshiriladigan chora-tadbirlar dasturini tasdiqlasin. Ushbu dasturda quyidagi masalalarga alohida eʼtibor qaratilsin:
mamlakatimizdagi Zahiriddin Muhammad Bobur nomi bilan bogʻliq obida va qadamjolarni, jumladan yodgorlik majmualarini taʼmirlash va ularning hududlarini obodonlashtirish;
Bobur Mirzo merosiga mansub qoʻlyozma, qadimiy kitoblar, sanʼat asarlari va boshqa madaniy boyliklarni restavratsiya qilish, ularni ishonchli darajada saqlash uchun zarur sharoit yaratish;
xorijiy mamlakatlarda saqlanayotgan Zahiriddin Muhammad Boburning hayoti, ilmiy-ijodiy merosi hamda u yashagan davrga oid noyob qoʻlyozma asarlar va boshqa madaniy boyliklarni aniqlash, ularning nusxalarini Oʻzbekistonga olib kelish va tadqiq qilishni davom ettirish;
Zahiriddin Muhammad Boburning ilmiy-ijodiy merosini, davlatchilik va sarkardalik faoliyatini keng oʻrganish maqsadida xalqaro miqyosda ilmiy izlanishlar olib borish va ularning natijalarini eʼlon qilish, yangi ilmiy, badiiy-publitsistik asarlar yaratish;
Zahiriddin Muhammad Boburning hayoti va faoliyatiga bagʻishlangan yuqori sifatli media mahsulotlar hamda audiovizual asarlar yaratish, ularni mahalliy va xorijiy ommaviy axborot vositalarida eʼlon qilish, Internet va ijtimoiy tarmoqlarda keng targʻib qilish;
Oʻzbekiston Respublikasining xorijiy mamlakatlardagi elchixonalari, Oʻzbek milliy madaniy markazlari, vatandoshlar jamiyatlarida Zahiriddin Muhammad Bobur ijodini keng oʻrganish va targʻib qilishga bagʻishlangan maʼrifiy tadbirlar, davra suhbatlari tashkil etish.
3. Madaniyat va turizm vazirligi Tashkiliy qoʻmitaning ishchi organi etib belgilansin va mazkur qarorda belgilangan vazifalar boʻyicha vazirlik va idoralar faoliyatini muvofiqlashtirib borsin.
4. Tashkiliy qoʻmita quyidagi tadbirlar:
Andijon viloyati hokimligi tomonidan Bobur nomidagi xalqaro jamoat fondi bilan birgalikda Andijon shahrida “Zahiriddin Muhammad Bobur ijodiy merosining bashariyat maʼnaviy-maʼrifiy taraqqiyotidagi oʻrni” mavzusidagi xalqaro ilmiy-amaliy konferensiya;
Oliy taʼlim, fan va innovatsiyalar vazirligi tomonidan Alisher Navoiy nomidagi Toshkent davlat oʻzbek tili va adabiyoti universitetida “Zahiriddin Muhammad Bobur merosining Sharq davlatchiligi va madaniyati rivojida tutgan oʻrni” mavzusida xalqaro ilmiy-nazariy anjuman;
Toshkent shahar hokimligi, Madaniyat va turizm vazirligi tomonidan Toshkent shahrida Zahiriddin Muhammad Bobur tavalludining 540 yilligiga bagʻishlangan adabiy-badiiy anjuman;
Madaniy meros agentligi va Bobur nomidagi xalqaro jamoat fondi tomonidan Andijon shahridagi “Bobur va jahon madaniyati” kitob muzeyida Boburning hayoti, ilmiy va ijodiy faoliyatiga bagʻishlangan asarlarning qoʻlyozma va nashr nusxalarining koʻrgazmasi;
Badiiy akademiya va “Hunarmand” uyushmasi tomonidan mavzuga bagʻishlangan tasviriy sanʼat asarlari, miniaturalar, xalq amaliy sanʼati namunalari koʻrgazmalari yuqori saviyada oʻtkazilishini taʼminlasin.
5. Zahiriddin Muhammad Boburning ibratli hayoti va boy merosini aholi orasida keng targʻib qilish maqsadida:
a) Madaniyat va turizm vazirligi Bobur nomidagi xalqaro jamoat fondi bilan birgalikda:
“Bobur merosi” xalqaro sayyohlik targʻibot dasturini amalga oshirsin;
2023-yilda Zahiriddin Muhammad Bobur hayoti va asarlari asosida yangi spektakllar yaratish, shoir gʻazallari bilan ijro etiladigan eng yaxshi qoʻshiqlar tanlovlari hamda “Nazm va navo” maqom kechalarini tashkil etishni taʼminlasin;
davlat buyurtmasi asosida Zahiriddin Muhammad Boburning bolalik davriga bagʻishlab suratga olinayotgan “Yoʻlbarsning tugʻilishi” badiiy filmini yakuniga yetkazish choralarini koʻrsin;
b) Madaniyat va sanʼatni rivojlantirish jamgʻarmasi 2023-2024-yillarda bolalar uchun Bobur Mirzo haqidagi spektakl va koʻp qismli multiplikatsion filmni yaratsin.
6. Tashkiliy qoʻmita Fanlar akademiyasi, Oliy taʼlim, fan va innovatsiyalar vazirligi, Axborot va ommaviy kommunikatsiyalar agentligi, Jamoat xavfsizligi universiteti, Bobur nomidagi xalqaro jamoat fondi, Yozuvchilar uyushmasi bilan birgalikda:
oʻzbek, rus va ingliz tillarida Zahiriddin Muhammad Bobur hayoti va ijodiga doir “Bobur ensiklopediyasi”ning toʻldirilgan uchinchi nashri, “Bobur” kitob-albomi, shuningdek, Bobur asarlari lugʻati, Bobur devonining mukammal nashrini;
“Boburnoma” asarining zamonaviy oʻzbek va qoraqalpoq tillariga tabdilini yaratish;
“Boburga armugʻon” rukni ostida shoir asarlari, uning hayoti va ijodi haqidagi ilmiy va ommabop kitoblar turkumini tayyorlash va chop qilish choralarini koʻrsin.
7. Oliy taʼlim, fan va innovatsiyalar vazirligi Yozuvchilar uyushmasi, Respublika Maʼnaviyat va maʼrifat markazi, Bobur nomidagi xalqaro jamoat fondi bilan birgalikda:
ikki oy muddatda Zahiriddin Muhammad Bobur hayoti va ijodiy merosini tadqiq etish boʻyicha ilmiy tadqiqot ishlariga davlat buyurtmasi talablariga muvofiq ilmiy loyihalar tanlovini eʼlon qilsin;
ushbu qarorning 6-bandida belgilangan adabiyotlarni tayyorlash bilan bogʻliq ishlar uchun davlat ilmiy dasturlari doirasida maqsadli mablagʻlar ajratilishini taʼminlasin;
talabalar hamda tadqiqotchilar oʻrtasida Bobur Mirzo hayoti va ijodiga bagʻishlangan yangi ilmiy-publitsistik hamda badiiy asarlar tanlovini oʻtkazsin;
Bobur Mirzo hayoti va faoliyatiga bagʻishlangan asarlarning oʻzbek tilidan xorijiy tillarga hamda xorijiy tillardan oʻzbek tiliga bosqichma-bosqich tarjima qilinishi va chop etilishini taʼminlasin.
8. 2023/2024 oʻquv yilidan boshlab oliy taʼlim muassasalari talabalari uchun tarix va geografiya yoʻnalishlarida Zahiriddin Muhammad Bobur nomidagi davlat stipendiyasi taʼsis etilsin.
Vazirlar Mahkamasi uch oy muddatda mazkur davlat stipendiyasini tayinlash tartibi toʻgʻrisidagi nizomni tasdiqlasin.
9. Yoshlar siyosati va sport vazirligi, Maktabgacha va maktab taʼlimi vazirligi manfaatdor vazirlik va idoralar bilan birgalikda 2023-yil davomida quyidagi vazifalarni oʻz ichiga olgan “Bobur va yoshlar” maxsus dasturini amalga oshirsin:
umumiy oʻrta taʼlim muassasalari oʻquvchilari oʻrtasida “Bobur asarlarining bilimdonlari” tanlovi va “Boburni anglash” mavzusida insholar tanlovini oʻtkazish va gʻoliblarni munosib taqdirlash;
zamonaviy axborot va targʻibot texnologiyalari asosida Zahiriddin Muhammad Bobur asarlarini yoshlar oʻrtasida keng ommalashtirish.
10. Andijon viloyati hokimligi Oliy taʼlim, fan va innovatsiyalar vazirligi, Fanlar akademiyasi, Bobur nomidagi xalqaro jamoat fondi bilan birgalikda 2023-yil 1-avgustga qadar mahalliy budjet mablagʻlari hisobidan oʻzbek, rus, ingliz tillarida faoliyat yuritadigan xalqaro ilmiy boburshunoslik elektron platformasi va uning mobil ilovasini yaratsin. Bunda, mazkur platformaning kelgusida samarali yuritilishi Bobur nomidagi xalqaro jamoat fondi tomonidan amalga oshirilishi belgilab qoʻyilsin.
11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Respublika Maʼnaviyat va maʼrifat markazi, Yozuvchilar uyushmasi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi hamda boshqa vazirlik, idora va tashkilotlar Zahiriddin Muhammad Boburning ilmiy-ijodiy merosiga bagʻishlangan ijodiy uchrashuvlar, davra suhbatlari, kitoblar taqdimotlari hamda boshqa tadbirlarni tashkil qilsin.
12. Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi, Oʻzbekiston milliy media assotsiatsiyasi va boshqa ommaviy axborot vositalariga Zahiriddin Muhammad Bobur tavalludining 540 yilligini nishonlash bilan bogʻliq tadbirlarni keng yoritish tavsiya etilsin.
13. Mazkur qarorda nazarda tutilgan chora-tadbirlarni moliyalashtirish manbalari etib mahalliy budjetlarning qoʻshimcha manbalari, ijrochilarga ajratilgan mablagʻlar doirasida Davlat budjeti mablagʻlari, tashkilotchilarning oʻz mablagʻlari hamda qonunchilik hujjatlari bilan taqiqlanmagan boshqa manbalar belgilansin.
14. Ushbu qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi O.Q. Abduraxmanov zimmasiga yuklansin.
Oʻzbekiston Respublikasi Prezidentining 2023-yil 25-yanvardagi PQ-20-son qaroriga ILOVA
Zahiriddin Muhammad Bobur tavalludining 540 yilligini nishonlash boʻyicha tashkiliy qoʻmita
A. Aripov — Oʻzbekiston Respublikasi Bosh vaziri, tashkiliy qoʻmita raisi O. Abduraxmanov — Oʻzbekiston Respublikasi Prezidentining maslahatchisi, tashkiliy qoʻmita raisining oʻrinbosari X. Sultonov — Oʻzbekiston Respublikasi Prezidentining maslahatchisi O. Nazarbekov — madaniyat va turizm vaziri, tashkiliy qoʻmita raisining oʻrinbosari I. Abdurahmonov — oliy taʼlim, fan va innovatsiya vaziri X. Umarova — maktabgacha va maktab taʼlimi vaziri B. Saidov — tashqi ishlar vaziri vazifasini bajaruvchi B. Rahmonov — Toshkent shahar hokimi vazifasini bajaruvchi Sh. Abdurahmonov — Andijon viloyati hokimi A. Saʼdullayev — yoshlar siyosati va sport vazirining birinchi oʻrinbosari — Yoshlar ishlari agentligi direktori A. Xodjayev — Axborot va ommaviy kommunikatsiyalar agentligi direktori G. Umerova — Madaniyat va sanʼatni rivojlantirish jamgʻarmasi ijrochi direktori B. Yuldashev — Fanlar akademiyasi prezidenti A. Nuridinov — Badiiy akademiya raisi B. Abdukarimov — Madaniy meros agentligi direktori M. Hojimatov — Respublika Maʼnaviyat va maʼrifat markazi rahbari A. Xadjayev — Oʻzbekiston milliy teleradiokompaniyasi raisi S. Turdiyev — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi respublika boshqaruvi raisi S. Saidov — Oʻzbekiston Yozuvchilar uyushmasi raisi K. Karimov — Qoraqalpogʻiston Yozuvchilar uyushmasi raisi Z. Mashrabov — Bobur nomidagi xalqaro jamoat fondi raisi N. Mahmudov — Fanlar akademiyasi Oʻzbek tili, adabiyoti va folklori instituti direktori Sh. Sirojiddinov — Alisher Navoiy nomidagi Toshkent davlat oʻzbek tili va adabiyoti universiteti rektori H. Boltaboyev — “Bobur ensiklopediyasi” bosh muharriri, Oʻzbekiston Milliy universiteti kafedra mudiri A. Madraimov — Amir Temur va temuriylar davlat muzeyi katta ilmiy xodimi V. Rahmonov — filologiya fanlari nomzodi, dotsent Q. Kenjayev — Oʻzbekiston Yozuvchilar uyushmasi aʼzosi, boburshunos adib
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 25-yanvar,
PQ-20-son
Президента Республики Узбекистан
Постановление
СОСТАВ
О широком праздновании 540-летия великого поэта и ученого, выдающегося государственного деятеля Захириддина Мухаммада Бабура
Захириддин Мухаммад Бабур является одной из выдающихся личностей, оставивших немеркнущий след в мировой истории, известен всему миру как великий поэт, ученый-энциклопедист, государственный деятель и талантливый полководец. Его бесценное научное и творческое наследие занимает особое место не только в формировании национальной культуры и литературно-эстетического мышления нашего народа, но и в истории мировой литературы, науки и государственности.
В годы независимости осуществлена масштабная работа по глубокому изучению жизни и деятельности Захириддина Мухаммада Бабура, популяризации его произведений в стране и зарубежных государствах. В частности, день рождения поэта — 14 февраля ежегодно отмечается в нашей стране как праздник литературы, науки и просвещения. Проводится множество исследований в области бабуроведения, регулярно организуются республиканские и международные научные конференции.
В последние годы в городах Ташкенте и Андижане установлены величественные памятники Бабуру Мирзо, также в Андижане, где он родился и вырос, действуют Международный общественный фонд имени Бабура и открытый при нем книжный музей «Бабур и мировая культура», изданы такие значимые труды, как «Энциклопедия Бабура», полное собрание сочинений Бабура, «Бабур. Бабуриды. Библиография», создан журнал «Бабур и мировое наследие». Все это стало большим событием в культурной жизни страны.
Сегодня, когда наша Родина вступает в новый этап национального развития, эпоху Третьего Ренессанса и во всех сферах нашей жизни происходят коренные преобразования, всестороннее изучение и популяризация уникального наследия Бабура Мирзо приобретают еще большую актуальность.
Учитывая огромное национальное и общечеловеческое значение произведений нашего великого предка, его выдающуюся роль и влияние в повышении интеллектуального и духовного потенциала молодого поколения, воспитании наших детей на этой основе созидателями Нового Узбекистана, в целях дальнейшего глубокого изучения и популяризации в республиканском и международном масштабах научного и творческого наследия Бабура Мирзо:
1. Одобрить предложения Министерства культуры и туризма, Министерства высшего образования, науки и инноваций, Академии наук, Союза писателей, Республиканского центра духовности и просветительства, Международного общественного фонда имени Бабура и представителей общественности о широком праздновании в 2023 году 540-летия Захириддина Мухаммада Бабура.
2. Создать организационный комитет по празднованию 540-летия Захириддина Мухаммада Бабура (далее — Организационный комитет) и утвердить его состав согласно приложению.
Организационному комитету (А.Н. Арипов):
в недельный срок утвердить программу мероприятий по празднованию 540-летия Захириддина Мухаммада Бабура. В данной программе уделить особое внимание таким вопросам, как:
ремонт и благоустройство памятников и мест поклонения, в том числе мемориальных комплексов в нашей стране, связанных с именем Захириддина Мухаммада Бабура;
реставрация рукописей, древних книг, произведений искусства и других артефактов, относящихся к наследию Бабура Мирзо, создание необходимых условий для их надежного сохранения;
поиск хранящихся в зарубежных странах уникальных рукописей и других культурных ценностей, связанных с жизнью и научно-творческим наследием Захириддина Мухаммада Бабура, а также относящихся к эпохе, когда он жил, создание их копий, ввоз в Узбекистан и тщательное исследование;
в целях широкого изучения научно-творческого наследия Захириддина Мухаммада Бабура, его деятельности как правителя и полководца проведение научных исследований в международном масштабе и опубликование их результатов, создание новых научных трудов и художественно-публицистических произведений;
выпуск высококачественной медиа-продукции и аудиовизуальных произведений, посвященных жизни и деятельности Захириддина Мухаммада Бабура, их опубликование в отечественных и зарубежных средствах массовой информации, широкая пропаганда в Интернете и социальных сетях;
организация в посольствах Республики Узбекистан в зарубежных странах, узбекских национальных культурных центрах, обществах соотечественников просветительских мероприятий, бесед за «круглым столом», посвященных широкому изучению и популяризации творчества Захириддина Мухаммада Бабура.
3. Определить Министерство культуры и туризма рабочим органом Организационного комитета, ответственным за координацию деятельности министерств и ведомств по выполнению задач, определенных настоящим постановлением.
4. Организационному комитету обеспечить проведение на высоком уровне следующих мероприятий:
хокимиятом Андижанской области совместно с Международным общественным фондом имени Бабура в городе Андижане — международной научно-практической конференции на тему «Роль творческого наследия Захириддина Мухаммада Бабура в духовно-просветительском развитии человечества»;
Министерством высшего образования, науки и инноваций в Ташкентском государственном университете узбекского языка и литературы имени Алишера Навои — международной научно-теоретической конференции на тему «Роль наследия Захириддина Мухаммада Бабура в развитии государственности и культуры на Востоке»;
хокимиятом города Ташкента, Министерством культуры и туризма в городе Ташкенте — литературно-художественного мероприятия, посвященного 540-летию Захириддина Мухаммада Бабура;
Агентством культурного наследия и Международным общественным фондом имени Бабура в книжном музее «Бабур и мировая культура» в городе Андижане — выставки рукописных и печатных изданий, посвященных жизни, научной и творческой деятельности Бабура;
Академией художеств и Ассоциацией «Хунарманд» — тематических выставок произведений изобразительного искусства, миниатюр, образцов народно-прикладного искусства.
5. В целях широкой популяризации поучительной жизни и богатого наследия Захириддина Мухаммада Бабура:
а) Министерству культуры и туризма совместно с Международным общественным фондом имени Бабура:
реализовать международную туристическую пропагандистскую программу «Наследие Бабура»;
обеспечить в 2023 году постановку новых спектаклей на основе жизни и произведений Захириддина Мухаммада Бабура, организацию конкурсов лучших песен на стихи поэта, вечеров макома;
принять меры по завершению съемок на основе государственного заказа художественного фильма «Йулбарснинг тугилиши» («Рождение тигра»), посвященного детству Захириддина Мухаммада Бабура;
б) Фонду развития культуры и искусства в 2023-2024 годах создать для детей спектакль и многосерийный мультипликационный фильм о Бабуре Мирзо.
6. Организационному комитету совместно с Академией наук, Министерством высшего образования, науки и инноваций, Агентством информации и массовых коммуникаций, Университетом общественной безопасности, Международным общественным фондом имени Бабура, Союзом писателей подготовить и организовать выпуск:
на узбекском, русском и английском языках третьего, дополненного издания «Энциклопедия Бабура» и книги-альбома «Бабур», посвященных жизни и творчеству Захириддина Мухаммада Бабура, а также словаря произведений Бабура, сборника поэтических произведений Бабура;
нового издания «Бабурнаме» на современном узбекском, а также каракалпакском языках;
серии поэтических произведений, научно-популярных книг о его жизни и творчестве под рубрикой «Посвящение Бабуру».
7. Министерству высшего образования, науки и инноваций совместно с Союзом писателей, Республиканским центром духовности и просветительства, Международным общественным фондом имени Бабура:
в двухмесячный срок объявить конкурс научных проектов по проведению научно-исследовательских работ о жизни и творческом наследии Захириддина Мухаммада Бабура на основе требований государственного заказа;
обеспечить выделение целевых средств в рамках государственных научных программ для работ, связанных с подготовкой литературы, предусмотренной пунктом 6 настоящего постановления;
провести среди студентов и исследователей конкурс новых научно-публицистических и художественных произведений, посвященных жизни и творчеству Бабура Мирзо;
обеспечить поэтапный перевод посвященных жизни и деятельности Бабура Мирзо произведений на узбекском языке — на иностранные языки и на иностранных языках — на узбекский язык, а также их издание.
8. Начиная с 2023/2024 учебного года учредить государственную стипендию имени Захириддина Мухаммада Бабура для студентов высших образовательных учреждений по направлениям «история» и «география».
Кабинету Министров в трехмесячный срок утвердить положение о порядке назначения данной государственной стипендии.
9. Министерству молодежной политики и спорта, Министерству дошкольного и школьного образования совместно с заинтересованными министерствами и ведомствами реализовать в 2023 году специальную программу «Бабур и молодежь», предусматривающую:
проведение среди учащихся учреждений общего среднего образования конкурса «Знатоки произведений Бабура», конкурса сочинений «Осмысление наследия Бабура» и достойное награждение победителей;
широкую популяризацию среди молодежи произведений Захириддина Мухаммада Бабура посредством современных информационных и пропагандистских технологий.
10. Хокимияту Андижанской области совместно с Министерством высшего образования, науки и инноваций, Академией наук, Международным общественным фондом имени Бабура до 1 августа 2023 года создать международную научную электронную платформу по бабуроведению и ее мобильное приложение на узбекском, русском и английском языках за счет средств местного бюджета. При этом установить, что эффективное управление данной платформой в дальнейшем будет осуществлять Международный общественный фонд имени Бабура.
11. Совету Министров Республики Каракалпакстан, хокимиятам областей и города Ташкента, Республиканскому центру духовности и просветительства, Союзу писателей, Министерству дошкольного и школьного образования, Министерству высшего образования, науки и инноваций, а также другим министерствам, ведомствам и структурам организовать творческие встречи, беседы за «круглым столом», презентации книг и другие мероприятия, посвященные научно-творческому наследию Захириддина Мухаммада Бабура.
12. Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций, Национальной медиа-ассоциации Узбекистана и другим средствам массовой информации рекомендовать широкое освещение мероприятий, приуроченных к празднованию 540-летия Захириддина Мухаммада Бабура.
13. Определить источниками финансирования мероприятий, предусмотренных настоящим постановлением, дополнительные источники местных бюджетов, средства Государственного бюджета в рамках средств, выделенных исполнителям, собственные средства организаторов и иные источники, не запрещенные актами законодательства.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан О.К. Абдурахманова.
ПРИЛОЖЕНИЕ к постановлению Президента Республики Узбекистан от 25 января 2023 года № ПП-20
организационного комитета по празднованию 540-летия со дня рождения Захириддина Мухаммада Бабура
А. Арипов — Премьер-министр Республики Узбекистан, председатель Организационного комитета О. Абдурахманов — советник Президента Республики Узбекистан, заместитель председателя Организационного комитета Х. Султонов — советник Президента Республики Узбекистан О. Назарбеков — министр культуры и туризма, заместитель председателя Организационного комитета И. Абдурахмонов — министр высшего образования, науки и инновации Х. Умарова — министр дошкольного и школьного образования Б. Саидов — исполняющий обязанности министра иностранных дел Б. Рахмонов — исполняющий обязанности хокима города Ташкента Ш. Абдурахмонов — хоким Андижанской области А. Саъдуллаев — первый заместитель министра молодежной политики и спорта — директор Агентства по делам молодежи А. Ходжаев — директор Агентства информации и массовых коммуникаций Г. Умерова — исполнительный директор Фонда развития культуры и искусства Б. Юлдошев — президент Академии наук А. Нуридинов — председатель Академии художеств Б. Абдукаримов — директор Агентства культурного наследия М. Хожиматов — руководитель Республиканского центра духовности и просветительства А. Хаджаев — председатель Национальной телерадиокомпании Узбекистана С. Турдиев — председатель республиканского правления Фонда по поддержке общественной деятельности ветеранов Узбекистана «Нуроний» С. Саидов — председатель Союза писателей Узбекистана К. Каримов — председатель Союза писателей Каракалпакстана З. Машрабов — руководитель Международного фонда имени Бабура Н. Махмудов — директор Института узбекского языка, литературы и фольклора Академии наук Ш. Сирожиддинов — ректор Ташкентского государственного университета узбекского языка и литературы имени Алишера Навои Х. Болтабоев — главный редактор «Бобур энциклопедияси», заведующий кафедрой Национального университета Узбекистана А. Мадраимов — старший научный сотрудник Государственного музея истории Амира Темура и темуридов В. Рахмонов — кандидат филологических наук, доцент К. Кенжаев — член Союза писателей Узбекистана, писатель бабуровед
Президент Республики Узбекистан Ш. МИРЗИЁЕВ
г. Ташкент,
25 января 2023 г.,
№ ПП-20