📅 2023-yil 26-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 26 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 января 2023 г. · Постановления Президента
Официальный текст. Официальный документ. Редакционные примечания не включены.
📅 26 January 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
РЎЙХАТИ
Озиқ-овқат технологияси ва муҳандислиги халқаро институтини ташкил қилиш чора-тадбирлари тўғрисида
Мамлакатимизда «Янги Ўзбекистон — янгича дунёқараш» ғояси асосида иқтисодиётни фаол ривожлантириш, шу жумладан таълим ва қишлоқ хўжалигида билим ва инновацияларни, озиқ-овқат саноатида янги механизмларни кенг жорий этиш, соҳада халқаро талаблар асосида юқори малакали кадрлар тайёрлаш ҳамда Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегияси ижросини самарали ташкил этиш мақсадида:
1. Қишлоқ хўжалиги вазирлиги ҳамда Олий таълим, фан ва инновациялар вазирлигининг Қишлоқ хўжалиги вазирлиги таъсисчилигида ҳамда Уммон Султонлигининг Atyab International Services компанияси иштирокида Озиқ-овқат технологияси ва муҳандислиги халқаро институтини (кейинги ўринларда — Институт) ташкил этиш тўғрисидаги таклифига розилик берилсин.
2. Қуйидагилар Институтнинг асосий вазифалари ва фаолият йўналишлари сифатида белгилансин:
халқаро тенденцияларни акс эттиришга мослашган «илмга асосланган, амалиёт ва бизнесга йўналтирилган (science-based, practice-business-oriented) таълим» тамойили асосида халқаро тан олинган сифат стандартларини (Global G.A.P, Organic, НACCP ва бошқалар) жорий эта оладиган юқори малакали кадрларни тайёрлаш;
соҳада ишлаб чиқариш ва қайта ишлаш технологиялари, бозор тенденциялари, хавфсизлик ва сифат стандартлари (кодекси), тармоқни бошқариш усуллари ва маҳсулот бўйича маълумотлар каби йўналишларда таълимни ривожлантириш;
ўқув жараёнига малакали чет эллик ҳамда хорижий таълим муассасаларида таҳсил олган, малакасини оширган халқаро тажрибага эга маҳаллий мутахассисларни жалб қилиш;
озиқ-овқат маҳсулотларини қайта ишлаш соҳасида кичик ва ўрта бизнес учун рақобатбардош технологиялар, жараёнлар ва тармоқларни ривожлантирадиган мукаммал технологлар, етук кадрлар ва бизнес раҳбарларини тайёрлаш;
мева-сабзавот, сут, гўшт, нон ва қандолат маҳсулотларини, мойли уруғлар, асал ва зираворларни қайта ишлаш ҳамда дон маҳсулотлари бўйича замонавий бизнес инкубация хизматларини кўрсатиш;
озиқ-овқат технологияси соҳасида амалий ва инновацион тадқиқотлар ҳамда замонавий талаблар асосида илмий ва илмий-педагогик кадрлар тайёрлаш.
3. Қишлоқ хўжалиги вазирлиги ва Уммон Султонлигининг Atyab International Services компанияси (кейинги ўринларда — Компания) ўртасида озиқ-овқат хавфсизлиги, сифат назорати ва халқаро сертификатлаш тизимларини жорий этиш бўйича Келишув битими имзоланганлиги ҳамда Компания томонидан қуйидагилар амалга оширилиши маълумот учун қабул қилинсин:
Институт фаолиятига оид норматив-ҳуқуқий ҳужжатлар, академик регламентлар, молиявий низом, йўриқномалар, маъмурий тартиб ва қоидаларни ишлаб чиқишда ёрдам кўрсатиш;
озиқ-овқат хавфсизлиги, сифат назорати, халқаро сертификациялаш тизимларини ўз ичига олган ва аккредитациядан ўтган лабораториялар ташкил этишга кўмаклашиш;
тармоқда мавжуд муаммолар ечимини топиш ва махсус тадқиқотлар учун саноат академик интерфейсини яратиш;
Институт ҳузурида халқаро сифат ва назорат стандартларига жавоб берадиган мева-сабзавот, сут, гўшт, нон ва қандолат маҳсулотларини ишлаб чиқариш, қайта ишлаш линиялари бўйича 12 та инкубация марказларини ташкил этишга кўмаклашиш;
озиқ-овқатни қайта ишлаш саноати вакиллари ва соҳага алоқадор манфаатдор томонлар эҳтиёжидан келиб чиқиб, қисқа муддатли ўқув дастурлари бўйича ўқув режаларини ишлаб чиқиш, тренинглар ўтказиш, «устоз-шогирд» анъаналарини жорий этиш учун тармоқда саноат ҳамкорлигини яратиш;
йирик таълим ва илмий муассасалар билан ҳамкорликни йўлга қўйиш, хусусан Халқаро озиқ-овқат сифат назорати уюшмаси, Чикаго озиқ-овқат технологиялари институти, Канада озиқ-овқат технологиялари ва фанлари институти, Туркиянинг озиқ-овқат маҳсулотлари хавфсизлиги уюшмаси ҳамда бошқа халқаро ва хорижий муассасалар билан билим ва инсон ресурсларини алмашиш учун институционал ҳамкорликни ривожлантириш.
6. Белгилансинки, Институтни ташкил этиш учун назарда тутилган харажатларни молиялаштириш Жаҳон банкининг «Фарғона водийсида қишлоқ тадбиркорлигини ривожлантириш» лойиҳаси доирасидаги 19,5 млн АҚШ доллари миқдоридаги маблағлар ҳисобидан амалга оширилади.
7. Андижон қишлоқ хўжалиги ва агротехнологиялар институти ҳузуридаги Қўқон қишлоқ хўжалиги ва технологиялар техникуми негизида Озиқ-овқат технологияси ва муҳандислиги халқаро институти ҳузуридаги Қўқон озиқ-овқат саноати ва хизмат кўрсатиш техникуми (кейинги ўринларда — Техникум) ташкил этилсин.
8. Қишлоқ хўжалиги вазирлиги (А. Воитов) 2024 йил якунига қадар Техникумни Жаҳон банкининг «Ўзбекистон Республикаси қишлоқ хўжалигини модернизация қилиш» лойиҳаси доирасидаги 2 млн АҚШ доллари миқдоридаги маблағлар ҳисобидан модернизация қилиш, намойиш участкаларини қуриш ҳамда бинода таъмирлаш-қурилиш ишларини ташкил этиш чораларини кўрсин. Техникум Ўзбекистон Республикаси Президентининг 2020 йил 30 июлдаги «Аграр таълим тизимини янада такомиллаштириш чора-тадбирлари тўғрисида«ги ПҚ-4795-сон қарорига асосан молиялаштирилиши белгилаб қўйилсин.
9. Белгилансинки, Техникумни муваффақиятли тамомлаган битирувчилар Институтга соҳага мос бўлган бакалавриат таълим йўналишлари бўйича кириш имтиҳонларисиз якка тартибдаги суҳбат орқали 2-курсдан тўлов-контракт асосида қабул қилинади.
Қишлоқ хўжалиги вазирлиги Техникумни муваффақиятли тамомлаган битирувчиларни имтиҳонларсиз якка тартибдаги суҳбат орқали қабул қилиш тартибини ишлаб чиқиб, белгиланган тартибда тасдиқласин.
10. Техникум Фарғона вилояти, Қўқон шаҳри, Мовароуннаҳр кўчаси 92-уй манзилига доимий фойдаланиш ҳуқуқи асосида жойлаштирилсин.
11. Белгилаб қўйилсинки:
Институт тўлиқ академик ва молиявий мустақил бўлган давлат олий таълим муассасаси ҳисобланади ҳамда битирувчиларга давлат намунасидаги диплом берилади;
Институтда ўқитиш давлат таълим стандартларини ҳисобга олган ҳолда инглиз, рус ва ўзбек тилларида ҳамда кундузги, сиртқи ҳамда масофавий таълим шаклларида амалга оширилади;
Институт жалб этилган хорижий мутахассислар ва маҳаллий ходимларнинг меҳнатига ҳақ тўлаш миқдорларини бозор конъюнктурасидан келиб чиқиб, мустақил белгилайди;
Институтда таълим олувчиларни қабул қилиш квоталари манфаатдор вазирлик, идора ва бошқа ташкилотларнинг тегишли кадрларга бўлган эҳтиёжини ҳисобга олган ҳолда Бошқарув кенгаши қарори билан тасдиқланади;
кадрларга бўлган эҳтиёждан келиб чиқиб, Бошқарув кенгашига янги истиқболли бакалавриат таълим йўналишлари ва магистратура мутахассисликларини очиш ҳуқуқи берилади;
Институт Ўзбекистон Республикаси Давлат герби тасвири ва давлат тилида номи туширилган муҳр, банк ҳисобварақлари, штамп ва бошқа реквизитларга эга бўлади;
Институт Фарғона вилояти, Фарғона шаҳри, Ал-Фарғоний кўчаси, 204-уй манзилига оператив бошқарув ҳуқуқи асосида жойлаштирилади.
12. Қишлоқ хўжалиги вазирлиги, Инвестициялар, саноат ва савдо вазирлиги ҳамда Савдо-саноат палатасининг 2024/2025 ўқув йилидан бошлаб Институтда бакалавриат таълим йўналишлари бўйича дуал таълим тизимини жорий қилиш тўғрисидаги таклифи маъқуллансин. Бунда:
Германия ва Венгрия тажрибасини ўрганган ҳолда озиқ-овқат саноати корхоналарида маҳсулотларни сақлаш, қайта ишлаш йўналишлари бўйича дуал таълим тизимини жорий этиш орқали назарий билимлар — таълим муассасасида, амалий билимлар — ишлаб чиқариш корхоналарида «устоз-шогирд» анъаналари асосида ташкил этилиши;
дуал таълим асосида таълим олаётган талабаларнинг «стартап» лойиҳалари ҳамда дуал таълим ривожланган хорижий давлатлардан мутахассисларни таклиф этиш билан боғлиқ харажатлар Инвестициялар, саноат ва савдо вазирлиги ҳузуридаги Ёш тадбиркорларни қўллаб-қувватлаш жамғармаси, Қишлоқ хўжалиги вазирлиги ҳузуридаги Қишлоқ хўжалигини ривожлантириш ва озиқ-овқат таъминоти жамғармаси ҳамда Савдо-саноат палатасининг маблағлари ҳисобидан молиялаштирилиши маълумот учун қабул қилинсин.
13. Қишлоқ хўжалиги вазирлиги, Олий таълим, фан ва инновациялар вазирлиги 2024 йил 1 январдан бошлаб Институтнинг илмий салоҳиятини ошириш учун озиқ-овқат саноати ва уни қайта ишлаш бўйича илмий педагогик кадрлар (таянч докторантура (PhD) ва докторантура (DSc) тайёрлаш тизимини йўлга қўйсин.
14. Қуйидагилар:
Озиқ-овқат технологияси ва муҳандислиги халқаро институти Бошқарув кенгашининг (кейинги ўринларда — Бошқарув кенгаши) таркиби 1-иловага мувофиқ;
Институтда 2023/2024 ўқув йилида тўлов-контракт асосида ташкил этиладиган бакалавриат таълим йўналишлари ва магистратура мутахассисликлари рўйхати 2-иловага мувофиқ тасдиқлансин.
15. Бошқарув кенгаши (Ж. Ходжаев, А. Воитов):
а) Институтнинг асосий вазифалари ва фаолият йўналишларини ўз ичига олган узоқ ва ўрта муддатли стратегик ривожлантириш дастурини, халқаро эътироф этилган ташкилотлар рейтингларида иштирок этиш бўйича мақсадли чора-тадбирларни белгилаш ва уни амалга ошириш бўйича «йўл харитаси»ни ишлаб чиқсин ва тасдиқласин;
б) қуйидаги чораларни кўрсин:
таълим йўналишлари, мутахассисликлар ҳамда ихтисосликлар бўйича тўлов-контракт асосида ўқишга қабул параметрларини белгилаш тўғрисида қарор қабул қилиш;
хорижий ва маҳаллий етакчи олий таълим муассасалари билан талабаларнинг академик мобиллигини таъминлаш ҳамда қўшма таълим дастурларини жорий этиш;
Институтнинг молиявий йил учун мўлжалланган бизнес-режасини, даромад ва харажатлар параметрларини тасдиқлаш ҳамда уларнинг ижросини муҳокама қилиш;
таълим ва тадқиқот жараёнларига инвестицияларни жалб этиш, Институт фаолиятини ташкил этишда халқаро ҳамкорликни ривожлантириш ва халқаро молия институтларидан грант маблағларини жалб этиш.
16. Институт фаолиятини молиялаштириш манбалари этиб қуйидагилар белгилансин:
Ўзбекистон Республикасининг Давлат бюджети маблағлари, бунда 2024 йилда Ўзбекистон Республикасининг республика бюджетидан Қишлоқ хўжалиги вазирлигига ажратилган бюджет маблағлари, 2025 йилдан бошлаб эса Ўзбекистон Республикасининг Давлат бюджети параметрларида кўзда тутилган маблағлар;
халқаро молия ташкилотларининг грантлари, муассислар маблағлари, тўлов-контракт асосида ўқитишдан тушадиган маблағлар;
хўжалик, илмий фаолият ва шартнома асосида хизматлар кўрсатишдан тушадиган маблағлар, юридик ва жисмоний шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар.
17. Олий таълим, фан ва инновациялар вазирлиги ҳар йили Давлат буюртмаси асосида тақсимланадиган квоталар доирасида Институтга давлат гранти асосида квоталар ажратиш чораларини кўрсин.
18. Қишлоқ хўжалиги вазирлиги (А. Воитов):
а) 2025 йил якунига қадар:
Институтнинг бино ва иншоотлари қурилиши, шунингдек, Институтнинг моддий-техник воситалар билан жиҳозланишини;
халқаро молия институтлари маблағлари ҳисобидан Институт учун ўқув аудиториялари жиҳозлари харид қилиниши, бинолар комплекси ҳудудида ошхона ва ёрдамчи хоналар ташкил этилишини таъминласин;
в) 2025 йил якунига қадар етакчи лойиҳа ва пудратчи ташкилотларни жалб этган ҳолда Институтнинг янги ўқув кампуси халқаро стандартлар асосида қурилишини таъминласин;
г) уч ой муддатда таъсис ҳужжатлари ишлаб чиқилиши ва келишилишини, шунингдек, Институтнинг белгиланган тартибда давлат рўйхатидан ўтказилишини таъминласин.
19. Ташқи ишлар вазирлиги Қишлоқ хўжалиги вазирлигининг виза талабномаларига биноан Институтга таклиф қилинадиган чет эллик профессор-ўқитувчилар, мутахассислар ҳамда уларнинг оила аъзолари учун кириш визалари консуллик йиғимлари ва ҳақиқий харажатларнинг ўрнини қоплаш ҳисобидан йиғимлар ундирилмасдан расмийлаштирилишини таъминласин.
20. Фарғона вилояти ҳокимлиги (Х. Бозоров) Институтнинг илмий салоҳиятини ошириш мақсадида хориждан ва республиканинг бошқа ҳудудларидан таклиф этилган олим ва мутахассисларни турар жой билан таъминлаш мақсадида Фарғона шаҳрида қурилаётган арзон уй-жойларни имтиёзли шартлар асосида ажратиш чораларини кўрсин.
21. Қишлоқ хўжалиги вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
22. Мазкур қарорнинг ижросини самарали ташкил қилишга масъул ва шахсий жавобгар этиб қишлоқ хўжалиги вазири А.Б. Воитов белгилансин.
Мазкур қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2023 йил 26 январдаги ПҚ-22-сон қарорига 1-ИЛОВА
Озиқ-овқат технологияси ва муҳандислиги халқаро институти бошқарув кенгашининг
Ж. Ходжаев — Бош вазир ўринбосари, Бошқарув кенгаши раиси А. Воитов — қишлоқ хўжалиги вазири, Бошқарув кенгаши раиси ўринбосари А. Шукуров — қишлоқ хўжалиги вазири маслаҳатчиси, Бошқарув кенгаши раиси ўринбосари Д. Вахабов — Савдо-саноат палатаси раиси А. Тўраев — қишлоқ хўжалиги вазири ўринбосари Ф. Қосимов — Фарғона вилояти ҳокими ўринбосари С. Исламов — Тошкент давлат аграр университетининг биринчи проректори К. Комилов — Андижон қишлоқ хўжалиги ва агротехнологиялар институти ректори Мохиб Ахмедхон — Уммон Султонлигининг «Atyab International Services» компанияси раҳбари Мохсинуддин Суед — Уммон Султонлигининг «Atyab International Services» компанияси лойиҳаси раҳбари Лавозим бўйича — Озиқ-овқат технологияси ва муҳандислиги халқаро институти ректори, Бошқарув кенгаши котиби
Ўзбекистон Республикаси Президентининг 2023 йил 26 январдаги ПҚ-22-сон қарорига 2-ИЛОВА
Озиқ-овқат технологияси ва муҳандислиги халқаро институтида 2023/2024 ўқув йилида тўлов-контракт асосида ташкил этиладиган бакалавриат таълим йўналишлари ва магистратура мутахассисликлари
Т/р Бакалавриат таълим йўналишлари ва магистратура мутахассисликлари номи I. Бакалавриат таълим йўналишлари 1. Озиқ-овқат технологияси B.tech. (Food technology) 2. Метрология, стандартлаштириш ва маҳсулот сифати менежменти 3. Иқтисодиёт: Озиқ-овқат ва ресурслар иқтисодиёти 4. Аҳоли ва туристларнинг овқатланишини ташкил этиш сервиси II. Магистратура мутахассисликлари 5. Озиқ-овқат технологияси М.tech. (Food technology) 6. Master of Business Administration (MBA)
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 26 январь,
ПҚ-22-сон
Oʻzbekiston Respublikasi Prezidentining
Qarori
TARKIBI
ROʻYXATI
Oziq-ovqat texnologiyasi va muhandisligi xalqaro institutini tashkil qilish chora-tadbirlari toʻgʻrisida
Mamlakatimizda “Yangi Oʻzbekiston — yangicha dunyoqarash” gʻoyasi asosida iqtisodiyotni faol rivojlantirish, shu jumladan taʼlim va qishloq xoʻjaligida bilim va innovatsiyalarni, oziq-ovqat sanoatida yangi mexanizmlarni keng joriy etish, sohada xalqaro talablar asosida yuqori malakali kadrlar tayyorlash hamda Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasi ijrosini samarali tashkil etish maqsadida:
1. Qishloq xoʻjaligi vazirligi hamda Oliy taʼlim, fan va innovatsiyalar vazirligining Qishloq xoʻjaligi vazirligi taʼsischiligida hamda Ummon Sultonligining Atyab International Services kompaniyasi ishtirokida Oziq-ovqat texnologiyasi va muhandisligi xalqaro institutini (keyingi oʻrinlarda — Institut) tashkil etish toʻgʻrisidagi taklifiga rozilik berilsin.
2. Quyidagilar Institutning asosiy vazifalari va faoliyat yoʻnalishlari sifatida belgilansin:
xalqaro tendensiyalarni aks ettirishga moslashgan “ilmga asoslangan, amaliyot va biznesga yoʻnaltirilgan (science-based, practice-business-oriented) taʼlim” tamoyili asosida xalqaro tan olingan sifat standartlarini (Global G.A.P, Organic, NACCP va boshqalar) joriy eta oladigan yuqori malakali kadrlarni tayyorlash;
sohada ishlab chiqarish va qayta ishlash texnologiyalari, bozor tendensiyalari, xavfsizlik va sifat standartlari (kodeksi), tarmoqni boshqarish usullari va mahsulot boʻyicha maʼlumotlar kabi yoʻnalishlarda taʼlimni rivojlantirish;
oʻquv jarayoniga malakali chet ellik hamda xorijiy taʼlim muassasalarida tahsil olgan, malakasini oshirgan xalqaro tajribaga ega mahalliy mutaxassislarni jalb qilish;
oziq-ovqat mahsulotlarini qayta ishlash sohasida kichik va oʻrta biznes uchun raqobatbardosh texnologiyalar, jarayonlar va tarmoqlarni rivojlantiradigan mukammal texnologlar, yetuk kadrlar va biznes rahbarlarini tayyorlash;
meva-sabzavot, sut, goʻsht, non va qandolat mahsulotlarini, moyli urugʻlar, asal va ziravorlarni qayta ishlash hamda don mahsulotlari boʻyicha zamonaviy biznes inkubatsiya xizmatlarini koʻrsatish;
oziq-ovqat texnologiyasi sohasida amaliy va innovatsion tadqiqotlar hamda zamonaviy talablar asosida ilmiy va ilmiy-pedagogik kadrlar tayyorlash.
3. Qishloq xoʻjaligi vazirligi va Ummon Sultonligining Atyab International Services kompaniyasi (keyingi oʻrinlarda — Kompaniya) oʻrtasida oziq-ovqat xavfsizligi, sifat nazorati va xalqaro sertifikatlash tizimlarini joriy etish boʻyicha Kelishuv bitimi imzolanganligi hamda Kompaniya tomonidan quyidagilar amalga oshirilishi maʼlumot uchun qabul qilinsin:
Institut faoliyatiga oid normativ-huquqiy hujjatlar, akademik reglamentlar, moliyaviy nizom, yoʻriqnomalar, maʼmuriy tartib va qoidalarni ishlab chiqishda yordam koʻrsatish;
oziq-ovqat xavfsizligi, sifat nazorati, xalqaro sertifikatsiyalash tizimlarini oʻz ichiga olgan va akkreditatsiyadan oʻtgan laboratoriyalar tashkil etishga koʻmaklashish;
tarmoqda mavjud muammolar yechimini topish va maxsus tadqiqotlar uchun sanoat akademik interfeysini yaratish;
Institut huzurida xalqaro sifat va nazorat standartlariga javob beradigan meva-sabzavot, sut, goʻsht, non va qandolat mahsulotlarini ishlab chiqarish, qayta ishlash liniyalari boʻyicha 12 ta inkubatsiya markazlarini tashkil etishga koʻmaklashish;
oziq-ovqatni qayta ishlash sanoati vakillari va sohaga aloqador manfaatdor tomonlar ehtiyojidan kelib chiqib, qisqa muddatli oʻquv dasturlari boʻyicha oʻquv rejalarini ishlab chiqish, treninglar oʻtkazish, “ustoz-shogird” anʼanalarini joriy etish uchun tarmoqda sanoat hamkorligini yaratish;
yirik taʼlim va ilmiy muassasalar bilan hamkorlikni yoʻlga qoʻyish, xususan Xalqaro oziq-ovqat sifat nazorati uyushmasi, Chikago oziq-ovqat texnologiyalari instituti, Kanada oziq-ovqat texnologiyalari va fanlari instituti, Turkiyaning oziq-ovqat mahsulotlari xavfsizligi uyushmasi hamda boshqa xalqaro va xorijiy muassasalar bilan bilim va inson resurslarini almashish uchun institutsional hamkorlikni rivojlantirish.
6. Belgilansinki, Institutni tashkil etish uchun nazarda tutilgan xarajatlarni moliyalashtirish Jahon bankining “Fargʻona vodiysida qishloq tadbirkorligini rivojlantirish” loyihasi doirasidagi 19,5 mln AQSH dollari miqdoridagi mablagʻlar hisobidan amalga oshiriladi.
7. Andijon qishloq xoʻjaligi va agrotexnologiyalar instituti huzuridagi Qoʻqon qishloq xoʻjaligi va texnologiyalar texnikumi negizida Oziq-ovqat texnologiyasi va muhandisligi xalqaro instituti huzuridagi Qoʻqon oziq-ovqat sanoati va xizmat koʻrsatish texnikumi (keyingi oʻrinlarda — Texnikum) tashkil etilsin.
8. Qishloq xoʻjaligi vazirligi (A. Voitov) 2024-yil yakuniga qadar Texnikumni Jahon bankining “Oʻzbekiston Respublikasi qishloq xoʻjaligini modernizatsiya qilish” loyihasi doirasidagi 2 mln AQSH dollari miqdoridagi mablagʻlar hisobidan modernizatsiya qilish, namoyish uchastkalarini qurish hamda binoda taʼmirlash-qurilish ishlarini tashkil etish choralarini koʻrsin. Texnikum Oʻzbekiston Respublikasi Prezidentining 2020-yil 30-iyuldagi “Agrar taʼlim tizimini yanada takomillashtirish chora-tadbirlari toʻgʻrisida“gi PQ-4795-son qaroriga asosan moliyalashtirilishi belgilab qoʻyilsin.
9. Belgilansinki, Texnikumni muvaffaqiyatli tamomlagan bitiruvchilar Institutga sohaga mos boʻlgan bakalavriat taʼlim yoʻnalishlari boʻyicha kirish imtihonlarisiz yakka tartibdagi suhbat orqali 2-kursdan toʻlov-kontrakt asosida qabul qilinadi.
Qishloq xoʻjaligi vazirligi Texnikumni muvaffaqiyatli tamomlagan bitiruvchilarni imtihonlarsiz yakka tartibdagi suhbat orqali qabul qilish tartibini ishlab chiqib, belgilangan tartibda tasdiqlasin.
10. Texnikum Fargʻona viloyati, Qoʻqon shahri, Movarounnahr koʻchasi 92-uy manziliga doimiy foydalanish huquqi asosida joylashtirilsin.
11. Belgilab qoʻyilsinki:
Institut toʻliq akademik va moliyaviy mustaqil boʻlgan davlat oliy taʼlim muassasasi hisoblanadi hamda bitiruvchilarga davlat namunasidagi diplom beriladi;
Institutda oʻqitish davlat taʼlim standartlarini hisobga olgan holda ingliz, rus va oʻzbek tillarida hamda kunduzgi, sirtqi hamda masofaviy taʼlim shakllarida amalga oshiriladi;
Institut jalb etilgan xorijiy mutaxassislar va mahalliy xodimlarning mehnatiga haq toʻlash miqdorlarini bozor konyunkturasidan kelib chiqib, mustaqil belgilaydi;
Institutda taʼlim oluvchilarni qabul qilish kvotalari manfaatdor vazirlik, idora va boshqa tashkilotlarning tegishli kadrlarga boʻlgan ehtiyojini hisobga olgan holda Boshqaruv kengashi qarori bilan tasdiqlanadi;
kadrlarga boʻlgan ehtiyojdan kelib chiqib, Boshqaruv kengashiga yangi istiqbolli bakalavriat taʼlim yoʻnalishlari va magistratura mutaxassisliklarini ochish huquqi beriladi;
Institut Oʻzbekiston Respublikasi Davlat gerbi tasviri va davlat tilida nomi tushirilgan muhr, bank hisobvaraqlari, shtamp va boshqa rekvizitlarga ega boʻladi;
Institut Fargʻona viloyati, Fargʻona shahri, Al-Fargʻoniy koʻchasi, 204-uy manziliga operativ boshqaruv huquqi asosida joylashtiriladi.
12. Qishloq xoʻjaligi vazirligi, Investitsiyalar, sanoat va savdo vazirligi hamda Savdo-sanoat palatasining 2024/2025 oʻquv yilidan boshlab Institutda bakalavriat taʼlim yoʻnalishlari boʻyicha dual taʼlim tizimini joriy qilish toʻgʻrisidagi taklifi maʼqullansin. Bunda:
Germaniya va Vengriya tajribasini oʻrgangan holda oziq-ovqat sanoati korxonalarida mahsulotlarni saqlash, qayta ishlash yoʻnalishlari boʻyicha dual taʼlim tizimini joriy etish orqali nazariy bilimlar — taʼlim muassasasida, amaliy bilimlar — ishlab chiqarish korxonalarida “ustoz-shogird” anʼanalari asosida tashkil etilishi;
dual taʼlim asosida taʼlim olayotgan talabalarning “startap” loyihalari hamda dual taʼlim rivojlangan xorijiy davlatlardan mutaxassislarni taklif etish bilan bogʻliq xarajatlar Investitsiyalar, sanoat va savdo vazirligi huzuridagi Yosh tadbirkorlarni qoʻllab-quvvatlash jamgʻarmasi, Qishloq xoʻjaligi vazirligi huzuridagi Qishloq xoʻjaligini rivojlantirish va oziq-ovqat taʼminoti jamgʻarmasi hamda Savdo-sanoat palatasining mablagʻlari hisobidan moliyalashtirilishi maʼlumot uchun qabul qilinsin.
13. Qishloq xoʻjaligi vazirligi, Oliy taʼlim, fan va innovatsiyalar vazirligi 2024-yil 1-yanvardan boshlab Institutning ilmiy salohiyatini oshirish uchun oziq-ovqat sanoati va uni qayta ishlash boʻyicha ilmiy pedagogik kadrlar (tayanch doktorantura (PhD) va doktorantura (DSc) tayyorlash tizimini yoʻlga qoʻysin.
14. Quyidagilar:
Oziq-ovqat texnologiyasi va muhandisligi xalqaro instituti Boshqaruv kengashining (keyingi oʻrinlarda — Boshqaruv kengashi) tarkibi 1-ilovaga muvofiq;
Institutda 2023/2024 oʻquv yilida toʻlov-kontrakt asosida tashkil etiladigan bakalavriat taʼlim yoʻnalishlari va magistratura mutaxassisliklari roʻyxati 2-ilovaga muvofiq tasdiqlansin.
15. Boshqaruv kengashi (J. Xodjayev, A. Voitov):
a) Institutning asosiy vazifalari va faoliyat yoʻnalishlarini oʻz ichiga olgan uzoq va oʻrta muddatli strategik rivojlantirish dasturini, xalqaro eʼtirof etilgan tashkilotlar reytinglarida ishtirok etish boʻyicha maqsadli chora-tadbirlarni belgilash va uni amalga oshirish boʻyicha “yoʻl xaritasi”ni ishlab chiqsin va tasdiqlasin;
b) quyidagi choralarni koʻrsin:
taʼlim yoʻnalishlari, mutaxassisliklar hamda ixtisosliklar boʻyicha toʻlov-kontrakt asosida oʻqishga qabul parametrlarini belgilash toʻgʻrisida qaror qabul qilish;
xorijiy va mahalliy yetakchi oliy taʼlim muassasalari bilan talabalarning akademik mobilligini taʼminlash hamda qoʻshma taʼlim dasturlarini joriy etish;
Institutning moliyaviy yil uchun moʻljallangan biznes-rejasini, daromad va xarajatlar parametrlarini tasdiqlash hamda ularning ijrosini muhokama qilish;
taʼlim va tadqiqot jarayonlariga investitsiyalarni jalb etish, Institut faoliyatini tashkil etishda xalqaro hamkorlikni rivojlantirish va xalqaro moliya institutlaridan grant mablagʻlarini jalb etish.
16. Institut faoliyatini moliyalashtirish manbalari etib quyidagilar belgilansin:
Oʻzbekiston Respublikasining Davlat budjeti mablagʻlari, bunda 2024-yilda Oʻzbekiston Respublikasining respublika budjetidan Qishloq xoʻjaligi vazirligiga ajratilgan budjet mablagʻlari, 2025-yildan boshlab esa Oʻzbekiston Respublikasining Davlat budjeti parametrlarida koʻzda tutilgan mablagʻlar;
xalqaro moliya tashkilotlarining grantlari, muassislar mablagʻlari, toʻlov-kontrakt asosida oʻqitishdan tushadigan mablagʻlar;
xoʻjalik, ilmiy faoliyat va shartnoma asosida xizmatlar koʻrsatishdan tushadigan mablagʻlar, yuridik va jismoniy shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar.
17. Oliy taʼlim, fan va innovatsiyalar vazirligi har yili Davlat buyurtmasi asosida taqsimlanadigan kvotalar doirasida Institutga davlat granti asosida kvotalar ajratish choralarini koʻrsin.
18. Qishloq xoʻjaligi vazirligi (A. Voitov):
a) 2025-yil yakuniga qadar:
Institutning bino va inshootlari qurilishi, shuningdek, Institutning moddiy-texnik vositalar bilan jihozlanishini;
xalqaro moliya institutlari mablagʻlari hisobidan Institut uchun oʻquv auditoriyalari jihozlari xarid qilinishi, binolar kompleksi hududida oshxona va yordamchi xonalar tashkil etilishini taʼminlasin;
v) 2025-yil yakuniga qadar yetakchi loyiha va pudratchi tashkilotlarni jalb etgan holda Institutning yangi oʻquv kampusi xalqaro standartlar asosida qurilishini taʼminlasin;
g) uch oy muddatda taʼsis hujjatlari ishlab chiqilishi va kelishilishini, shuningdek, Institutning belgilangan tartibda davlat roʻyxatidan oʻtkazilishini taʼminlasin.
19. Tashqi ishlar vazirligi Qishloq xoʻjaligi vazirligining viza talabnomalariga binoan Institutga taklif qilinadigan chet ellik professor-oʻqituvchilar, mutaxassislar hamda ularning oila aʼzolari uchun kirish vizalari konsullik yigʻimlari va haqiqiy xarajatlarning oʻrnini qoplash hisobidan yigʻimlar undirilmasdan rasmiylashtirilishini taʼminlasin.
20. Fargʻona viloyati hokimligi (X. Bozorov) Institutning ilmiy salohiyatini oshirish maqsadida xorijdan va respublikaning boshqa hududlaridan taklif etilgan olim va mutaxassislarni turar joy bilan taʼminlash maqsadida Fargʻona shahrida qurilayotgan arzon uy-joylarni imtiyozli shartlar asosida ajratish choralarini koʻrsin.
21. Qishloq xoʻjaligi vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
22. Mazkur qarorning ijrosini samarali tashkil qilishga masʼul va shaxsiy javobgar etib qishloq xoʻjaligi vaziri A.B. Voitov belgilansin.
Mazkur qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2023-yil 26-yanvardagi PQ-22-son qaroriga 1-ILOVA
Oziq-ovqat texnologiyasi va muhandisligi xalqaro instituti boshqaruv kengashining
J. Xodjayev — Bosh vazir oʻrinbosari, Boshqaruv kengashi raisi A. Voitov — qishloq xoʻjaligi vaziri, Boshqaruv kengashi raisi oʻrinbosari A. Shukurov — qishloq xoʻjaligi vaziri maslahatchisi, Boshqaruv kengashi raisi oʻrinbosari D. Vaxabov — Savdo-sanoat palatasi raisi A. Toʻrayev — qishloq xoʻjaligi vaziri oʻrinbosari F. Qosimov — Fargʻona viloyati hokimi oʻrinbosari S. Islamov — Toshkent davlat agrar universitetining birinchi prorektori K. Komilov — Andijon qishloq xoʻjaligi va agrotexnologiyalar instituti rektori Moxib Axmedxon — Ummon Sultonligining “Atyab International Services” kompaniyasi rahbari Moxsinuddin Suyed — Ummon Sultonligining “Atyab International Services” kompaniyasi loyihasi rahbari Lavozim boʻyicha — Oziq-ovqat texnologiyasi va muhandisligi xalqaro instituti rektori, Boshqaruv kengashi kotibi
Oʻzbekiston Respublikasi Prezidentining 2023-yil 26-yanvardagi PQ-22-son qaroriga 2-ILOVA
Oziq-ovqat texnologiyasi va muhandisligi xalqaro institutida 2023/2024 oʻquv yilida toʻlov-kontrakt asosida tashkil etiladigan bakalavriat taʼlim yoʻnalishlari va magistratura mutaxassisliklari
T/r Bakalavriat taʼlim yoʻnalishlari va magistratura mutaxassisliklari nomi I. Bakalavriat taʼlim yoʻnalishlari 1. Oziq-ovqat texnologiyasi B.tech. (Food technology) 2. Metrologiya, standartlashtirish va mahsulot sifati menejmenti 3. Iqtisodiyot: Oziq-ovqat va resurslar iqtisodiyoti 4. Aholi va turistlarning ovqatlanishini tashkil etish servisi II. Magistratura mutaxassisliklari 5. Oziq-ovqat texnologiyasi M.tech. (Food technology) 6. Master of Business Administration (MBA)
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 26-yanvar,
PQ-22-son
Президента Республики Узбекистан
Постановление
СОСТАВ
ПЕРЕЧЕНЬ
О мерах по созданию Международного института пищевых технологий и инженерии
В стране в целях активного развития экономики на основе идеи «Новый Узбекистан — новое мировоззрение», в том числе широкого внедрения знаний и инноваций в образовании и сельском хозяйстве, новых механизмов в пищевой промышленности, подготовки высококвалифицированных кадров в сфере на основе международных требований, а также эффективной организации исполнения Стратегии развития сельского хозяйства Республики Узбекистан на 2020 — 2030 годы:
1. Согласиться с предложением Министерства сельского хозяйства и Министерства высшего образования, науки и инноваций о создании Международного института пищевых технологий и инженерии (далее — Институт) при учредительстве Министерства сельского хозяйства с участием компании «Atyab International Services» Султаната Оман.
2. Определить в качестве основных задач и направлений деятельности Института:
подготовку высококвалифицированных кадров, способных внедрить международно признанные стандарты качества (Global G.A.P, Organic, НACCP и другие) на основе принципа «научно обоснованного, ориентированного на практику и бизнес (science-based, practice-business-oriented) образования», адаптированного к отображению международных тенденций;
развитие образования в таких направлениях сферы, как технологии производства и переработки, рыночные тенденции, безопасность и стандарты (кодекс) качества, методы управления отраслью и информация о продукции;
привлечение к учебному процессу квалифицированных зарубежных, а также обладающих международным опытом отечественных специалистов, обучавшихся и повысивших квалификацию в зарубежных образовательных учреждениях;
подготовку опытных технологов, зрелых кадров и бизнес-руководителей для малого и среднего бизнеса в сфере переработки пищевой продукции, способных развивать конкурентоспособные технологии, процессы и отрасли;
оказание современных бизнес-инкубационных услуг по переработке плодоовощной, молочной, мясной, хлебной и кондитерской продукции, масличных семян, меда и пряностей, а также зерновой продукции;
подготовку научных и научно-педагогических кадров на основе прикладных и инновационных исследований, а также современных требований в сфере пищевых технологий.
3. Принять к сведению, что между Министерством сельского хозяйства и компанией Atyab International Services Султаната Оман (далее — Компания) подписано Мировое соглашение по внедрению систем продовольственной безопасности, контроля качества и международной сертификации и осуществлению Компанией:
помощи в разработке нормативно-правовых актов, академических регламентов, финансовых положений, инструкций, административных порядков и правил касательно деятельности Института;
содействия в создании лабораторий, прошедших аккредитацию, включающих в себя системы продовольственной безопасности, контроля качества и международной сертификации;
создания промышленного академического интерфейса для поиска решений имеющихся проблем в отрасли и специальных исследований;
содействия в создании при Институте 12 инкубационных центров по линиям производства и переработки плодоовощной, молочной, мясной, хлебной и кондитерской продукции, соответствующих международным стандартам качества и контроля;
создания отраслевого промышленного взаимодействия по разработке учебных планов краткосрочных учебных программ и проведению тренингов исходя из потребностей представителей промышленности переработки пищевой продукции и заинтересованных лиц в данной сфере, а также внедрению традиций «наставник — ученик»;
сотрудничества с крупными образовательными и научными учреждениями, в частности, развития институционального сотрудничества с Международной ассоциацией контроля качества продовольствия, Чикагским институтом пищевых технологий, Канадским институтом пищевых технологий и наук, Ассоциацией безопасности пищевых продуктов Турции, а также другими международными и зарубежными учреждениями для обмена знаниями и человеческими ресурсами.
6. Установить, что финансирование расходов, предусмотренных для создания Института, осуществляется за счет средств в размере 19,5 млн долларов США в рамках проекта Всемирного банка «Развитие сельского предпринимательства в Ферганской долине».
7. Образовать Кокандский техникум пищевой промышленности и сервиса при Международном институте пищевых технологий и инженерии (далее — Техникум) на базе Кокандского техникума сельского хозяйства и технологий при Андижанском институте сельского хозяйства и агротехнологий.
8. Министерству сельского хозяйства (А. Воитов) в срок до конца 2024 года принять меры по модернизации, строительству демонстрационных участков и организации ремонтно-строительных работ в здании Техникума за счет средств в размере 2 млн долларов США в рамках проекта Всемирного банка «Модернизация сельского хозяйства Республики Узбекистан». Установить, что Техникум финансируется на основании постановления Президента Республики Узбекистан от 30 июля 2020 года № ПП-4795 «О мерах по дальнейшему совершенствованию системы аграрного образования».
9. Определить, что выпускники, успешно окончившие Техникум, принимаются на второй курс Института по профильным направлениям образования бакалавриата без вступительных экзаменов путем индивидуального собеседования на платно-контрактной основе.
Министерству сельского хозяйства разработать и в установленном порядке утвердить порядок приема выпускников, успешно окончивших Техникум, без экзаменов путем индивидуального собеседования.
10. Разместить Техникум по адресу: Ферганская область, город Коканд, улица Мовароуннахр, 92 на основе права постоянного пользования.
11. Установить, что:
Институт является государственным высшим образовательным учреждением, обладающим полной академической и финансовой независимостью, выпускникам которого выдается диплом государственного образца;
в Институте преподавание осуществляется на английском, русском и узбекском языках по дневной, заочной и дистанционной формам обучения с учетом государственных образовательных стандартов;
Институт устанавливает размеры оплаты труда привлеченных зарубежных специалистов и отечественного персонала самостоятельно, исходя из конъюнктуры рынка;
квоты приема студентов в Институт утверждаются решением Управляющего совета с учетом потребности в соответствующих кадрах заинтересованных министерств, ведомств и иных организаций;
Управляющему совету предоставляется право открывать новые перспективные направления образования бакалавриата и специальности магистратуры исходя из потребности в кадрах;
Институт имеет печать, банковские счета, штамп и иные реквизиты с изображением Государственного герба Республики Узбекистан и своим наименованием на государственном языке;
Институт размещается по адресу: Ферганская область, город Фергана, улица Аль-Фаргоний, 204 на основе права оперативного управления.
12. Одобрить предложение Министерства сельского хозяйства, Министерства инвестиций, промышленности и торговли и Торгово-промышленной палаты о внедрении в Институте системы дуального образования в направлениях образования бакалавриата, начиная с 2024/2025 учебного года. При этом принять к сведению, что:
получение теоретических знаний организуется в образовательном учреждении, практических знаний — на производственных предприятиях на основе традиций «наставник-ученик» путем внедрения системы дуального образования на предприятиях пищевой промышленности в направлениях хранения и переработки продукции с изучением опыта Германии и Венгрии;
стартап-проекты студентов, обучающихся на основе дуального образования, а также расходы, связанные с приглашением специалистов из зарубежных государств с развитым дуальным образованием, финансируются за счет средств Фонда поддержки молодых предпринимателей при Министерстве инвестиций, промышленности и торговли, Фонда развития сельского хозяйства и продовольственного обеспечения при Министерстве сельского хозяйства, а также Торгово-промышленной палаты.
13. Министерству сельского хозяйства и Министерству высшего образования, науки и инноваций начиная с 1 января 2024 года в целях повышения научного потенциала Института внедрить систему подготовки научно-педагогических кадров (базовую докторантуру (PhD) и докторантуру (DSc) по пищевой промышленности и переработке пищевой продукции.
14. Утвердить:
Состав Управляющего совета Международного института пищевых технологий и инженерии (далее — Управляющий совет) согласно приложению № 1 ;
Перечень направлений образования бакалавриата и специальностей магистратуры, организуемых на платно-контрактной основе в Институте в 2023/2024 учебном году, согласно приложению № 2 .
15. Управляющему совету (Ж. Ходжаев, А. Воитов):
а) разработать и утвердить Программу долгосрочного и среднесрочного стратегического развития Института, включающую его основные задачи и направления деятельности, а также «Дорожную карту» по определению и реализации целевых мер по участию в рейтингах международно признанных организаций;
б) принять меры по:
принятию решений по определению параметров приема на учебу по направлениям образования, специальностям и специализациям на платно-контрактной основе;
обеспечению академической мобильности студентов и внедрению совместных образовательных программ с ведущими зарубежными и отечественными высшими образовательными учреждениями;
утверждению и проведению обсуждений исполнения бизнес-плана, параметров доходов и расходов Института на финансовый год;
привлечению инвестиций в процессы образования и исследований, развитию международного сотрудничества и привлечению грантов международных финансовых институтов при организации деятельности Института.
16. Определить источниками финансирования деятельности Института:
средства Государственного бюджета Республики Узбекистан, при этом в 2024 году — бюджетные средства, выделенные Министерству сельского хозяйства из республиканского бюджета Республики Узбекистан, начиная с 2025 года — средства, предусмотренные в параметрах Государственного бюджета Республики Узбекистан;
гранты международных финансовых организаций, средства учредителей, а также средства, поступающие от обучения на платно-контрактной основе;
средства, поступающие от хозяйственной, научной деятельности и оказания услуг на договорной основе, благотворительные пожертвования юридических и физических лиц, а также иные источники, не запрещенные актами законодательства.
17. Министерству высшего образования, науки и инноваций принять меры по выделению Институту квот на основе государственного гранта в рамках квот, ежегодно распределяемых на основе Государственного заказа.
18. Министерству сельского хозяйства (А. Воитов):
а) в срок до конца 2025 года обеспечить:
строительство зданий и сооружений Института, а также его оснащение материально-техническими средствами;
закупку оборудования для учебных аудиторий Института, а также организацию столовой и вспомогательных помещений на территории комплекса зданий, за счет средств международных финансовых институтов;
в) до конца 2025 года обеспечить строительство нового учебного кампуса Института на основе международных стандартов с привлечением ведущих проектных и подрядных организаций;
г) в трехмесячный срок обеспечить разработку и согласование учредительской документации, а также государственную регистрацию Института в установленном порядке.
19. Министерству иностранных дел по визовым требованиям Министерства сельского хозяйства обеспечить оформление въездных виз приглашенным в Институт зарубежным профессорам-преподавателям и специалистам, а также членам их семей без взимания консульских сборов и сборов в счет возмещения фактических расходов.
20. Хокимияту Ферганской области (Х. Бозоров) в целях обеспечения жильем ученых и специалистов, приглашенных из-за рубежа и других регионов республики для повышения научного потенциала Института, принять меры по выделению на льготных условиях доступного жилья, строящегося в городе Фергане.
21. Министерству сельского хозяйства совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
22. Возложить на министра сельского хозяйства А.Б. Воитова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Ж.А. Ходжаева.
ПРИЛОЖЕНИЕ № 1 к постановлению Президента Республики Узбекистан от 26 января 2023 года № ПП-22
Управляющего совета Международного института пищевых технологий и инженерии
Ж. Ходжаев — заместитель Премьер-министра, председатель Управляющего совета А. Воитов — министр сельского хозяйства, заместитель председателя Управляющего совета А. Шукуров — советник министра сельского хозяйства, заместитель председателя Управляющего совета Д. Вахабов — председатель Торгово-промышленной палаты А. Тураев — заместитель министра сельского хозяйства Ф. Косимов — заместитель хокима Ферганской области С. Исламов — первый проректор Ташкентского государственного аграрного университета К. Комилов — ректор Андижанского института сельского хозяйства и агротехнологий Мохиб Ахмедхон — руководитель компании «Atyab International Services» Султаната Оман Мохсинуддин Суед — руководитель проекта компании «Atyab International Services» Султаната Оман По должности — ректор Международного института пищевых технологий и инженерии, секретарь Управляющего совета
ПРИЛОЖЕНИЕ № 2 к постановлению Президента Республики Узбекистан от 26 января 2023 года № ПП-22
направлений образования бакалавриата и специальностей магистратуры, организуемых на платно-контрактной основе в Международном институте пищевых технологий и инженерии в 2023/2024 учебном году
№ Наименование направлений образования бакалавриата и специальностей магистратуры I. Направления образования бакалавриата 1. Пищевая технология B.tech. (Food technology) 2. Метрология, стандартизация и менеджмент качества продукции 3. Экономика: экономика продовольствия и ресурсов 4. Сервис организации питания населения и туристов II. Специальности магистратуры 5. Пищевая технология М.tech. (Food technology) 6. Master of Business Administration (MBA)
Президент Республики Узбекистан Ш. МИРЗИЁЕВ
г. Ташкент,
26 января 2023 г.,
№ ПП-22