📅 2023-yil 26-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 26 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 января 2023 г. · Постановления Президента
Официальный текст. Официальный документ. Редакционные примечания не включены.
📅 26 January 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Пахта хом ашёси етиштирувчилар фаолиятини янада қўллаб-қувватлашнинг қўшимча чора-тадбирлари тўғрисида
Пахта-тўқимачилик кластерлари ва фермер хўжаликлари ўртасида ўзаро манфаатли муносабатни йўлга қўйиш, пахта хом ашёсини етиштирувчи ва уни қайта ишловчи корхоналар фаолиятининг самарадорлигини янада ошириш мақсадида:
1. Белгилансинки:
маҳаллий давлат ҳокимияти органлари томонидан пахта-тўқимачилик кластерлари фаолиятига ноқонуний аралашиш, уларнинг таъсисчиларини йиғилишлар ва бошқа тадбирларга чақириш, фермерлар билан бўладиган муносабатларига таъсир ўтказиш қатъиян ман этилади;
пахта-тўқимачилик кластерлари ҳамда маҳсулот етиштирувчиларга экинларни жойлаштириш, ер ва сув ресурсларидан фойдаланишда қонунчиликда назарда тутилмаган чекловлар киритган мутасаддиларга белгиланган тартибда жавобгарлик чоралари қўлланилади;
пахта-тўқимачилик кластерларига уч томонлама битим доирасида олинган мажбуриятлардан ташқари қўшимча мажбуриятларни юклаш тақиқланади.
Бош прокуратура (Ш. Аминов) ва Ички ишлар вазирлиги (С. Нишанбаев) мазкур ҳолатлар юзасидан назоратни кучайтирсин ва ўз вақтида тезкор чоралар кўриб борсин.
2. Шундай тартиб ўрнатилсинки, унга кўра 2023 йил ҳосилидан бошлаб:
б) Қишлоқ хўжалиги вазирлиги Нью-Йорк биржаси пахта толасининг ўртача ойлик фьючерс котировкалари таҳлилини ўзининг расмий веб-сайтида эълон қилиб боради.
Вазирлар Маҳкамаси ўн беш кун муддатда Нью-Йорк биржаси ўртача ойлик фьючерс котировкалари таҳлилини Қишлоқ хўжалиги вазирлигининг расмий веб-сайтида эълон қилиш регламентини тасдиқласин.
Бунда, пахта-тўқимачилик кластерлари ва фермер хўжаликлари томонидан пахта хом ашёсининг харид нархи ўзаро манфаатли келишув асосида шакллантирилишига эътибор қаратилсин;
в) ғўза экинини навлар бўйича жойлаштириш ва Қишлоқ хўжалиги вазирлиги билан келишилган ҳолда уруғлик хўжаликларини танлаш пахта-тўқимачилик кластерлари томонидан уларга ажратилган ер участкалари ва фермер хўжаликларининг пахта майдони доирасида мустақил равишда амалга оширилади;
3. Белгилаб қўйилсинки:
Қишлоқ хўжалиги вазирлиги тизимидаги илмий-тадқиқот институтлари томонидан давлат-хусусий шериклик шартлари асосида пахта-тўқимачилик кластерларини жалб этган ҳолда ғўзанинг энг ҳосилдор навларини четдан олиб кириб, белгиланган тартибда қатъий карантин ҳимояси остида изоляцияланган муҳитда селекция мақсадлари учун синовдан ўтказишга рухсат берилади;
2023 йилдан бошлаб, хориждан олиб келинган ва республикамизда ишлаб чиқарилган лазерли қурилмага эга автоматлаштирилган ер текислагич агрегатларини сотиб олган қишлоқ хўжалиги маҳсулотлари ишлаб чиқарувчиларига ер текислагич агрегатлари қийматининг 30 фоизи Давлат бюджетидан қоплаб берилади;
пахта хом ашёси етиштириладиган майдонларни насос орқали суғоришда сарфланадиган электр энергияси харажатларининг 50 фоизигача қисми Давлат бюджетидан қоплаб берилади.
Қишлоқ хўжалиги вазирлиги Сув хўжалиги вазирлиги, Иқтисодиёт ва молия вазирлиги билан биргаликда ўн кун муддатда лазерли қурилмага эга автоматлаштирилган ер текислагич агрегатларини сотиб олиш ҳамда пахта хом ашёси етиштиришда насосларга сарфланган меъёр даражасидаги электр энергияси харажатларини қоплаб бериш тартибини Вазирлар Маҳкамасига киритсин.
4. Пахта-тўқимачилик кластерлари фаолиятини такомиллаштириш мақсадида қуйидаги тизим жорий этилсин:
янги пахта-тўқимачилик кластерини ташкил этиш ва мавжудларининг фаолиятини кенгайтириш танлов асосида фақатгина янги ўзлаштириладиган майдонларда ҳамда суд тартибида ер майдони камайтирилган ва/ёки фаолияти тугатилган пахта-тўқимачилик кластерлари майдонларида амалга оширилади;
пахта-тўқимачилик кластерлари пахтачилик ва тўқимачилик соҳаларидан бошқа йўналишдаги лойиҳаларни ихтиёрий равишда амалга оширади.
Қишлоқ хўжалиги вазирлигига Табиат ресурслари вазирлиги ва Сув хўжалиги вазирлигининг хулосаларига асосан 10 баробар кўп миқдорда тут ва бошқа дарахтлар экиш шарти билан контурларни йириклаштиришга рухсат бериш ваколати берилсин.
5. Қишлоқ хўжалиги вазирлигининг давлат-хусусий шериклик асосида пахта-тўқимачилик кластерларини жалб этган ҳолда, уларнинг маблағлари ҳисобидан учувчисиз учадиган аппаратларни хориждан олиб келиш ва вазирлик ҳузуридаги Агросаноатни ривожлантириш агентлиги ва унинг ҳудудий бўлинмалари орқали қишлоқ хўжалиги корхоналарига хизматлар кўрсатишни ташкил этиш тўғрисидаги таклифига розилик берилсин.
6. Ўзбекистон фермер, деҳқон хўжаликлари ва томорқа ер эгалари кенгашига пахта ва ғаллачилик йўналишидаги фермер хўжаликлари томонидан пахта хом ашёси ҳамда донни сотишдан тушган пул маблағларидан тўланадиган мажбурий ажратма 0,6 фоиз миқдорида белгилансин.
7. Белгилансинки, 2025 йил 1 январга қадар импорт қилинадиган минерал ўғитларга (ТИФ ТН кодлари 3105 59 000 0, 3105 40 000 0, 3104 30 000 0, 3105 30 000 0 ва 2835 29 900 0) божхона божининг «ноль» ставкаси қўлланилади.
8. Қишлоқ хўжалиги вазирлиги 2023 — 2025 йилларда пахта етиштиришда замонавий илм-фан ютуқлари, илғор хорижий тажрибаларни фермер хўжаликларига жорий этиш учун Қишлоқ хўжалигида билим ва инновациялар миллий маркази ҳамда унинг ҳудудий агрохизматлар марказларига 20 миллион АҚШ доллари миқдорида халқаро молия институтлари маблағларини жалб қилиш чораларини кўрсин.
9. «Ўзтўқимачиликсаноат» уюшмаси бир ой муддатда амалда жорий қилинган Пахта толасини мажбурий автоматлаштирилган ҳисобга олиш тизимини Қишлоқ хўжалиги вазирлиги балансига ўтказиб берсин.
10. Пахта ва ғалла етиштирувчи фермер хўжаликларининг мазкур қарор кучга кириш санаси ҳолатига барча солиқлари бўйича ҳисобланган ва тўланмаган пенялари, истисно тариқасида ҳисобдан чиқарилсин.
Қишлоқ хўжалиги вазирлиги Иқтисодиёт ва молия вазирлиги билан биргаликда икки ой муддатда қўшилган қиймат солиғини тўлаш ҳамда уни ҳисобга олиш муддатини пахта хом ашёси бўйича амалга ошириладиган ҳисоб-китоб муддатига мувофиқлаштиришни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритсин.
12. Қишлоқ хўжалиги вазирлиги, Инвестициялар, саноат ва савдо вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари пахта-тўқимачилик кластерлари билан биргаликда икки ой муддатда тўқимачилик ва тикув-трикотаж маҳсулотлари ишлаб чиқаришда мавжуд қувватлар ва амалга ошириладиган инвестиция лойиҳаларининг барча қайта ишлаш босқичларида ўзаро боғлиқлигини таҳлил қилган ҳолда, пахта-тўқимачилик кластерлари билан тузилган тўрт томонлама битимга ўзгартириш ва қўшимчалар киритишни таъминласин.
13. Қишлоқ хўжалиги вазирлигига Иқтисодиёт ва молия вазирлиги билан бирга пахта хом ашёси етиштирувчиларга ажратилган маблағлардан самарали фойдаланилишини аудитдан ўтказиш ва бизнес-консалтинг ташкилотларини шартнома асосида жалб қилган ҳолда, пахта-тўқимачилик кластерлари фаолиятини баҳолаш ва уч томонлама битим мажбуриятлари бажарилишининг мониторингини олиб бориш ҳуқуқи берилсин.
14. Қишлоқ хўжалиги вазирлиги Инвестициялар, саноат ва савдо вазирлиги билан биргаликда ҳар ҳосил йили якуни билан томонларнинг келишувида назарда тутилган мажбуриятларнинг бажарилиши, пахта-тўқимачилик кластерлари фаолияти бўйича мониторинг олиб борсин ҳамда натижаси юзасидан Вазирлар Маҳкамаси ва Ўзбекистон Республикаси Президенти Администрациясига ахборот киритиб борсин.
15. Иқтисодиёт ва молия вазирлиги Қишлоқ хўжалигини давлат томонидан қўллаб-қувватлаш жамғармаси томонидан пахта хом ашёси етиштиришга минерал ўғитлар ва бошқа моддий ресурсларни ўз вақтида жамғариш учун пахта-тўқимачилик кластерлари ва элита уруғчилик хўжаликлари буюртмасига мувофиқ имтиёзли кредитлар ажратилишини таъминласин.
16. Марказий банк тижорат банклари билан биргаликда бир ой муддатда томчилатиб суғоришга бериладиган кредитлар муддатини 5 йил этиб белгилаш ҳамда мазкур мақсадлар учун аввал берилган кредитларни ҳам ушбу муддатга қайта расмийлаштириш чораларини кўрсин.
17. Ахборот ва оммавий коммуникациялар агентлиги, Ўзбекистон Миллий телерадиокомпанияси, Ўзбекистон Миллий ахборот агентлиги Қишлоқ хўжалиги вазирлиги билан биргаликда мазкур қарорнинг мазмун-моҳияти ҳамда мақсад ва вазифаларининг оммавий ахборот воситаларида кенг ёритилишини таъминласин.
18. Қишлоқ хўжалиги вазирлиги Адлия вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
19. Мазкур қарорнинг ижросини самарали ташкил қилишга масъул ва шахсий жавобгар этиб қишлоқ хўжалиги вазири А.Б. Воитов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 26 январь,
ПҚ-23-сон
Oʻzbekiston Respublikasi Prezidentining
Qarori
Paxta xom ashyosi yetishtiruvchilar faoliyatini yanada qoʻllab-quvvatlashning qoʻshimcha chora-tadbirlari toʻgʻrisida
Paxta-toʻqimachilik klasterlari va fermer xoʻjaliklari oʻrtasida oʻzaro manfaatli munosabatni yoʻlga qoʻyish, paxta xom ashyosini yetishtiruvchi va uni qayta ishlovchi korxonalar faoliyatining samaradorligini yanada oshirish maqsadida:
1. Belgilansinki:
mahalliy davlat hokimiyati organlari tomonidan paxta-toʻqimachilik klasterlari faoliyatiga noqonuniy aralashish, ularning taʼsischilarini yigʻilishlar va boshqa tadbirlarga chaqirish, fermerlar bilan boʻladigan munosabatlariga taʼsir oʻtkazish qatʼiyan man etiladi;
paxta-toʻqimachilik klasterlari hamda mahsulot yetishtiruvchilarga ekinlarni joylashtirish, yer va suv resurslaridan foydalanishda qonunchilikda nazarda tutilmagan cheklovlar kiritgan mutasaddilarga belgilangan tartibda javobgarlik choralari qoʻllaniladi;
paxta-toʻqimachilik klasterlariga uch tomonlama bitim doirasida olingan majburiyatlardan tashqari qoʻshimcha majburiyatlarni yuklash taqiqlanadi.
Bosh prokuratura (Sh. Aminov) va Ichki ishlar vazirligi (S. Nishanbayev) mazkur holatlar yuzasidan nazoratni kuchaytirsin va oʻz vaqtida tezkor choralar koʻrib borsin.
2. Shunday tartib oʻrnatilsinki, unga koʻra 2023-yil hosilidan boshlab:
b) Qishloq xoʻjaligi vazirligi Nyu-York birjasi paxta tolasining oʻrtacha oylik fyuchers kotirovkalari tahlilini oʻzining rasmiy veb-saytida eʼlon qilib boradi.
Vazirlar Mahkamasi oʻn besh kun muddatda Nyu-York birjasi oʻrtacha oylik fyuchers kotirovkalari tahlilini Qishloq xoʻjaligi vazirligining rasmiy veb-saytida eʼlon qilish reglamentini tasdiqlasin.
Bunda, paxta-toʻqimachilik klasterlari va fermer xoʻjaliklari tomonidan paxta xom ashyosining xarid narxi oʻzaro manfaatli kelishuv asosida shakllantirilishiga eʼtibor qaratilsin;
v) gʻoʻza ekinini navlar boʻyicha joylashtirish va Qishloq xoʻjaligi vazirligi bilan kelishilgan holda urugʻlik xoʻjaliklarini tanlash paxta-toʻqimachilik klasterlari tomonidan ularga ajratilgan yer uchastkalari va fermer xoʻjaliklarining paxta maydoni doirasida mustaqil ravishda amalga oshiriladi;
3. Belgilab qoʻyilsinki:
Qishloq xoʻjaligi vazirligi tizimidagi ilmiy-tadqiqot institutlari tomonidan davlat-xususiy sheriklik shartlari asosida paxta-toʻqimachilik klasterlarini jalb etgan holda gʻoʻzaning eng hosildor navlarini chetdan olib kirib, belgilangan tartibda qatʼiy karantin himoyasi ostida izolyatsiyalangan muhitda seleksiya maqsadlari uchun sinovdan oʻtkazishga ruxsat beriladi;
2023-yildan boshlab, xorijdan olib kelingan va respublikamizda ishlab chiqarilgan lazerli qurilmaga ega avtomatlashtirilgan yer tekislagich agregatlarini sotib olgan qishloq xoʻjaligi mahsulotlari ishlab chiqaruvchilariga yer tekislagich agregatlari qiymatining 30 foizi Davlat budjetidan qoplab beriladi;
paxta xom ashyosi yetishtiriladigan maydonlarni nasos orqali sugʻorishda sarflanadigan elektr energiyasi xarajatlarining 50 foizigacha qismi Davlat budjetidan qoplab beriladi.
Qishloq xoʻjaligi vazirligi Suv xoʻjaligi vazirligi, Iqtisodiyot va moliya vazirligi bilan birgalikda oʻn kun muddatda lazerli qurilmaga ega avtomatlashtirilgan yer tekislagich agregatlarini sotib olish hamda paxta xom ashyosi yetishtirishda nasoslarga sarflangan meʼyor darajasidagi elektr energiyasi xarajatlarini qoplab berish tartibini Vazirlar Mahkamasiga kiritsin.
4. Paxta-toʻqimachilik klasterlari faoliyatini takomillashtirish maqsadida quyidagi tizim joriy etilsin:
yangi paxta-toʻqimachilik klasterini tashkil etish va mavjudlarining faoliyatini kengaytirish tanlov asosida faqatgina yangi oʻzlashtiriladigan maydonlarda hamda sud tartibida yer maydoni kamaytirilgan va/yoki faoliyati tugatilgan paxta-toʻqimachilik klasterlari maydonlarida amalga oshiriladi;
paxta-toʻqimachilik klasterlari paxtachilik va toʻqimachilik sohalaridan boshqa yoʻnalishdagi loyihalarni ixtiyoriy ravishda amalga oshiradi.
Qishloq xoʻjaligi vazirligiga Tabiat resurslari vazirligi va Suv xoʻjaligi vazirligining xulosalariga asosan 10 barobar koʻp miqdorda tut va boshqa daraxtlar ekish sharti bilan konturlarni yiriklashtirishga ruxsat berish vakolati berilsin.
5. Qishloq xoʻjaligi vazirligining davlat-xususiy sheriklik asosida paxta-toʻqimachilik klasterlarini jalb etgan holda, ularning mablagʻlari hisobidan uchuvchisiz uchadigan apparatlarni xorijdan olib kelish va vazirlik huzuridagi Agrosanoatni rivojlantirish agentligi va uning hududiy boʻlinmalari orqali qishloq xoʻjaligi korxonalariga xizmatlar koʻrsatishni tashkil etish toʻgʻrisidagi taklifiga rozilik berilsin.
6. Oʻzbekiston fermer, dehqon xoʻjaliklari va tomorqa yer egalari kengashiga paxta va gʻallachilik yoʻnalishidagi fermer xoʻjaliklari tomonidan paxta xom ashyosi hamda donni sotishdan tushgan pul mablagʻlaridan toʻlanadigan majburiy ajratma 0,6 foiz miqdorida belgilansin.
7. Belgilansinki, 2025-yil 1-yanvarga qadar import qilinadigan mineral oʻgʻitlarga (TIF TN kodlari 3105 59 000 0, 3105 40 000 0, 3104 30 000 0, 3105 30 000 0 va 2835 29 900 0) bojxona bojining “nol” stavkasi qoʻllaniladi.
8. Qishloq xoʻjaligi vazirligi 2023 — 2025-yillarda paxta yetishtirishda zamonaviy ilm-fan yutuqlari, ilgʻor xorijiy tajribalarni fermer xoʻjaliklariga joriy etish uchun Qishloq xoʻjaligida bilim va innovatsiyalar milliy markazi hamda uning hududiy agroxizmatlar markazlariga 20 million AQSH dollari miqdorida xalqaro moliya institutlari mablagʻlarini jalb qilish choralarini koʻrsin.
9. “Oʻztoʻqimachiliksanoat” uyushmasi bir oy muddatda amalda joriy qilingan Paxta tolasini majburiy avtomatlashtirilgan hisobga olish tizimini Qishloq xoʻjaligi vazirligi balansiga oʻtkazib bersin.
10. Paxta va gʻalla yetishtiruvchi fermer xoʻjaliklarining mazkur qaror kuchga kirish sanasi holatiga barcha soliqlari boʻyicha hisoblangan va toʻlanmagan penyalari, istisno tariqasida hisobdan chiqarilsin.
Qishloq xoʻjaligi vazirligi Iqtisodiyot va moliya vazirligi bilan birgalikda ikki oy muddatda qoʻshilgan qiymat soligʻini toʻlash hamda uni hisobga olish muddatini paxta xom ashyosi boʻyicha amalga oshiriladigan hisob-kitob muddatiga muvofiqlashtirishni nazarda tutuvchi normativ-huquqiy hujjat loyihasini Vazirlar Mahkamasiga kiritsin.
12. Qishloq xoʻjaligi vazirligi, Investitsiyalar, sanoat va savdo vazirligi, Qoraqalpogʻiston Respublikasi Vazirlar Kengashi va viloyatlar hokimliklari paxta-toʻqimachilik klasterlari bilan birgalikda ikki oy muddatda toʻqimachilik va tikuv-trikotaj mahsulotlari ishlab chiqarishda mavjud quvvatlar va amalga oshiriladigan investitsiya loyihalarining barcha qayta ishlash bosqichlarida oʻzaro bogʻliqligini tahlil qilgan holda, paxta-toʻqimachilik klasterlari bilan tuzilgan toʻrt tomonlama bitimga oʻzgartirish va qoʻshimchalar kiritishni taʼminlasin.
13. Qishloq xoʻjaligi vazirligiga Iqtisodiyot va moliya vazirligi bilan birga paxta xom ashyosi yetishtiruvchilarga ajratilgan mablagʻlardan samarali foydalanilishini auditdan oʻtkazish va biznes-konsalting tashkilotlarini shartnoma asosida jalb qilgan holda, paxta-toʻqimachilik klasterlari faoliyatini baholash va uch tomonlama bitim majburiyatlari bajarilishining monitoringini olib borish huquqi berilsin.
14. Qishloq xoʻjaligi vazirligi Investitsiyalar, sanoat va savdo vazirligi bilan birgalikda har hosil yili yakuni bilan tomonlarning kelishuvida nazarda tutilgan majburiyatlarning bajarilishi, paxta-toʻqimachilik klasterlari faoliyati boʻyicha monitoring olib borsin hamda natijasi yuzasidan Vazirlar Mahkamasi va Oʻzbekiston Respublikasi Prezidenti Administratsiyasiga axborot kiritib borsin.
15. Iqtisodiyot va moliya vazirligi Qishloq xoʻjaligini davlat tomonidan qoʻllab-quvvatlash jamgʻarmasi tomonidan paxta xom ashyosi yetishtirishga mineral oʻgʻitlar va boshqa moddiy resurslarni oʻz vaqtida jamgʻarish uchun paxta-toʻqimachilik klasterlari va elita urugʻchilik xoʻjaliklari buyurtmasiga muvofiq imtiyozli kreditlar ajratilishini taʼminlasin.
16. Markaziy bank tijorat banklari bilan birgalikda bir oy muddatda tomchilatib sugʻorishga beriladigan kreditlar muddatini 5 yil etib belgilash hamda mazkur maqsadlar uchun avval berilgan kreditlarni ham ushbu muddatga qayta rasmiylashtirish choralarini koʻrsin.
17. Axborot va ommaviy kommunikatsiyalar agentligi, Oʻzbekiston Milliy teleradiokompaniyasi, Oʻzbekiston Milliy axborot agentligi Qishloq xoʻjaligi vazirligi bilan birgalikda mazkur qarorning mazmun-mohiyati hamda maqsad va vazifalarining ommaviy axborot vositalarida keng yoritilishini taʼminlasin.
18. Qishloq xoʻjaligi vazirligi Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Mazkur qarorning ijrosini samarali tashkil qilishga masʼul va shaxsiy javobgar etib qishloq xoʻjaligi vaziri A.B. Voitov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 26-yanvar,
PQ-23-son
Президента Республики Узбекистан
Постановление
О дополнительных мерах по дальнейшей поддержке деятельности производителей хлопка-сырца
В целях налаживания взаимовыгодных отношений между хлопково-текстильными кластерами и фермерскими хозяйствами, дальнейшего повышения эффективности деятельности предприятий, выращивающих и перерабатывающих хлопок-сырец:
1. Определить, что:
органам государственной власти на местах категорически запрещается незаконно вмешиваться в деятельность хлопково-текстильных кластеров, привлекать их учредителей к собраниям и иным мероприятиям, оказывать воздействие на их отношения с фермерами;
к ответственным лицам, введшим не предусмотренные законодательством ограничения к хлопково-текстильным кластерам и производителям продукции на размещение культур, использование земельных и водных ресурсов, применяются меры ответственности в установленном порядке;
запрещается возлагать на хлопково-текстильные кластеры дополнительные обязательства, за исключением обязательств, принятых в рамках трехсторонних соглашений.
Генеральной прокуратуре (Ш. Аминов) и Министерству внутренних дел (С. Нишанбаев) усилить контроль по данным фактам и своевременно принимать оперативные меры.
2. Установить порядок, в соответствии с которым начиная с урожая 2023 года:
б) Министерство сельского хозяйства публикует на своем официальном веб-сайте анализ среднемесячных котировок фьючерсов хлопковолокна Нью-Йоркской биржи.
Кабинету Министров в пятнадцатидневный срок утвердить Регламент опубликования анализа среднемесячных котировок фьючерсов Нью-Йоркской биржи на официальном веб-сайте Министерства сельского хозяйства.
При этом уделить внимание формированию закупочной цены хлопка-сырца хлопково-текстильными кластерами и фермерскими хозяйствами на основе взаимовыгодной договоренности;
в) размещение хлопчатника по сортам и выбор семеноводческих хозяйств по согласованию с Министерством сельского хозяйства осуществляются хлопково-текстильными кластерами самостоятельно в рамках выделенных им земельных участков и хлопковых площадей фермерских хозяйств;
3. Установить, что:
научно-исследовательским институтам системы Министерства сельского хозяйства разрешается ввозить из-за рубежа и проводить для целей селекции испытания наиболее урожайных сортов хлопчатника в изолированной среде с обеспечением строгой карантинной охраны в установленном порядке с привлечением хлопково-текстильных кластеров на основе условий государственно-частного партнерства;
начиная с 2023 года производителям сельскохозяйственной продукции, закупившим автоматизированные землепланировочные агрегаты с лазерной установкой, ввезенные из-за рубежа и произведенные в республике, покрывается 30 процентов их стоимости из Государственного бюджета;
часть до 50 процентов расходов на электроэнергию, затрачиваемую для орошения площадей выращивания хлопка-сырца посредством насосов, покрывается из Государственного бюджета.
Министерству сельского хозяйства совместно с Министерством водного хозяйства, Министерством экономики и финансов в десятидневный срок внести в Кабинет Министров порядок покрытия расходов на закупку автоматизированных землепланировочных агрегатов с лазерной установкой и нормированную электроэнергию, затраченную на насосы при выращивании хлопка-сырца.
4. В целях совершенствования деятельности хлопково-текстильных кластеров внедрить систему, в соответствии с которой:
создание новых и расширение деятельности действующих хлопково-текстильных кластеров осуществляются исключительно на осваиваемых новых площадях и площадях хлопково-текстильных кластеров, земельная площадь которых сокращена и/или деятельность которых прекращена в судебном порядке, на основе отбора;
хлопково-текстильные кластеры реализуют проекты в направлениях, иных, чем сфера хлопководства и текстильная отрасль, на добровольной основе.
Уполномочить Министерство сельского хозяйства предоставлять разрешения на увеличение контуров с условием увеличения в 10-кратном размере количества посадок тутовника и других деревьев на основании заключений Министерства природных ресурсов и Министерства водного хозяйства.
5. Согласиться с предложением Министерства сельского хозяйства о ввозе из-за рубежа беспилотных летательных аппаратов с привлечением на основе государственно-частного партнерства хлопково-текстильных кластеров за счет их средств и организации оказания услуг сельскохозяйственным предприятиям Агентством по развитию агропромышленности при министерстве и его территориальными подразделениями.
6. Установить размер обязательного отчисления, перечисляемого фермерскими хозяйствами в направлении хлопководства и зерноводства Совету фермерских, дехканских хозяйств и владельцев приусадебных земель Узбекистана за счет денежных средств, поступивших от реализации хлопка-сырца и зерна, — 0,6 процента.
7. Определить, что к минеральным удобрениям (коды ТН ВЭД 3105 59 000 0, 3105 40 000 0, 3104 30 000 0, 3105 30 000 0 и 2835 29 900 0), импортируемым до 1 января 2025 года, применяется «нулевая» ставка таможенной пошлины.
8. Министерству сельского хозяйства принять меры по привлечению средств международных финансовых институтов в размере 20 миллионов долларов США для Национального центра знаний и инноваций в сельском хозяйстве и его региональных центров агроуслуг в целях внедрения в фермерские хозяйства современных достижений науки и передового зарубежного опыта выращивания хлопка в 2023 — 2025 годах.
9. Ассоциации «Узтекстильпром» в месячный срок передать на баланс Министерства сельского хозяйства внедренную на практике Систему обязательного автоматизированного учета хлопкового волокна.
10. Списать в порядке исключения начисленные и неоплаченные пени по всем налогам фермерских хозяйств, выращивающих хлопок и зерно, по состоянию на дату вступления в силу настоящего постановления.
Министерству сельского хозяйства совместно с Министерством экономики и финансов в двухмесячный срок внести в Кабинет Министров проект нормативно-правового акта, предусматривающий координацию сроков оплаты налога на добавленную стоимость и его учета со сроками расчета за хлопок-сырец.
12. Министерству сельского хозяйства, Министерству инвестиций, промышленности и торговли, Совету Министров Республики Каракалпакстан и хокимиятам областей совместно с хлопково-текстильными кластерами в двухмесячный срок обеспечить внесение изменений и дополнений в четырехсторонние соглашения, заключенные с хлопково-текстильными кластерами, с проведением анализа взаимосвязи действующих мощностей производства текстильной и швейно-трикотажной продукции и реализуемых инвестиционных проектов на всех этапах переработки.
13. Предоставить Министерству сельского хозяйства право на проведение совместно с Министерством экономики и финансов аудита эффективного использования средств, выделенных производителям хлопка-сырца, а также оценку деятельности хлопково-текстильных кластеров и ведение мониторинга исполнения обязательств по трехсторонним соглашениям с привлечением бизнес-консалтинговых организаций на договорной основе.
14. Министерству сельского хозяйства совместно с Министерством инвестиций, промышленности и торговли осуществлять мониторинг исполнения обязательств, предусмотренных соглашениями между сторонами, а также деятельности хлопково-текстильных кластеров по итогам каждого урожайного года, по результатам — вносить информацию в Кабинет Министров и Администрацию Президента Республики Узбекистан.
15. Министерству экономики и финансов по заявкам хлопково-текстильных кластеров и элитных семеноводческих хозяйств обеспечить выделение Фондом государственной поддержки сельского хозяйства льготных кредитов на своевременное накопление минеральных удобрений и иных материальных ресурсов для выращивания хлопка-сырца.
16. Центральному банку совместно с коммерческими банками в месячный срок принять меры по установлению срока кредитов, выделяемых на капельное орошение, — 5 лет, а также переоформлению кредитов, ранее предоставленных на указанные цели, на этот срок.
17. Агентству информации и массовых коммуникаций, Национальной телерадиокомпании Узбекистана и Национальному информационному агентству Узбекистана совместно с Министерством сельского хозяйства обеспечить широкое освещение сути и содержания, а также целей и задач настоящего постановления в средствах массовой информации.
18. Министерству сельского хозяйства совместно с Министерством юстиции в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
19. Возложить на министра сельского хозяйства А.Б. Воитова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Ж.А. Ходжаева.
Президент Республики Узбекистан Ш. МИРЗИЁЕВ
г. Ташкент,
26 января 2023 г.,
№ ПП-23