📅 2023-yil 30-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 30 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 января 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 30 January 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Транспорт ва туризм объектларида хавфсизликни таъминлаш соҳасидаги фаолият такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида
Сўнгги йилларда мамлакатимизда туризм салоҳиятини юксалтириш борасида салмоқли ишлар амалга оширилди, шунингдек, туристлар учун қулай шароитлар яратиш ҳамда Ўзбекистоннинг ташриф учун хавфсиз мамлакат сифатидаги имижини шакллантиришга қаратилган тизимли ислоҳотлар олиб борилмоқда.
Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш натижасида Ўзбекистон Республикаси Ички ишлар вазирлиги тузилмасида Транспортда хавфсизликни таъминлаш бош бошқармаси ва Хавфсиз туризмни таъминлашни мувофиқлаштириш бошқармасини ўз ичига олган Транспорт ва туризм объектларида хавфсизликни таъминлаш департаменти ташкил этилди.
Ички ишлар органлари тизими ислоҳ қилинганлиги муносабати билан ушбу соҳадаги норматив-ҳуқуқий ҳужжатларни ўзаро мувофиқлаштириш мақсадида, шунингдек, Ўзбекистон Республикаси Президентининг «Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида» 2021 йил 26 мартдаги ПФ-6196-сон Фармони ҳамда «Ўзбекистон Республикаси Президентининг айрим қарорларига ўзгартиришлар киритиш тўғрисида» 2022 йил 1 августдаги ПҚ-339-сон қарорига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига Ички ишлар вазирлиги Транспорт ва туризм объектларида хавфсизликни таъминлаш департаменти ташкил этилганлиги муносабати билан соҳага оид айрим қонунчилик ҳужжатларини ўзаро мувофиқлаштиришни назарда тутувчи ўзгартиришлар киритилсин.
2. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2023 йил 30 январдаги 37-сон қарорига ИЛОВА
Ўзбекистон Рес п убликаси Ҳукумати н инг айрим қарорларига киритилаётган ўзгартиришлар
1. Вазирлар Маҳкамасининг 2011 йил 30 ноябрдаги 314-сон қарори билан тасдиқланган Темир йўл вокзалларида (станцияларда) йўловчилар ва бошқа шахсларни, қўл юкини, багажни кўздан кечириш тартиби тўғрисидаги низомнинг 3-банди , 4-банди олтинчи хатбошиси ва 8-банди «д» кичик бандидаги «Ички ишлар вазирлигининг Транспортдаги ички ишлар бошқармаси» сўзлари «Ички ишлар вазирлиги Транспорт ва туризм объектларида хавфсизликни таъминлаш департаменти» сўзлари билан алмаштирилсин.
2. Вазирлар Маҳкамасининг 2017 йил 15 сентябрдаги 727-сон қарори билан тасдиқланган Ички ишлар органларининг тергов бўлинмалари ходимларига қўшимча устамалар тўланадиган махсус малака даражасини бериш тартиби тўғрисидаги низомнинг 2-бандидаги «Ички ишлар вазирлигининг Транспортда хавфсизликни таъминлаш бош бошқармаси» сўзлари «Ички ишлар вазирлиги Транспорт ва туризм объектларида хавфсизликни таъминлаш департаменти» сўзлари билан алмаштирилсин.
3. Вазирлар Маҳкамасининг «Бухоро, Самарқанд, Хива ва Шаҳрисабз шаҳарларида хавфсиз туризмни таъминлаш чора-тадбирлари тўғрисида» 2017 йил 23 ноябрдаги 939-сон қарорининг 6-банди бешинчи хатбошисидаги «Ички ишлар вазирлигининг Хавфсиз туризмни таъминлашни мувофиқлаштириш бошқармасига» сўзлари «Ички ишлар вазирлиги Транспорт ва туризм объектларида хавфсизликни таъминлаш департаментининг Хавфсиз туризм бошқармасига» сўзлари билан алмаштирилсин.
4. Вазирлар Маҳкамасининг 2019 йил 13 августдаги 669-сон қарори билан тасдиқланган Ички ишлар органларининг хавфсиз туризмни таъминлаш бўлинмалари томонидан шартнома асосида туристлар ва туристик гуруҳларни кузатиб бориш бўйича пулли хизматлар кўрсатиш тартиби тўғрисидаги низомнинг 2-бандидаги «Ички ишлар вазирлигининг Хавфсиз туризмни таъминлашни мувофиқлаштириш бошқармаси ва унинг ҳудудий бўлинмалари» сўзлари «Ички ишлар вазирлиги Транспорт ва туризм объектларида хавфсизликни таъминлаш департаментининг Хавфсиз туризм бошқармаси ва унинг ҳудудий бўлинмалари» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2023 йил 30 январь,
37-сон
Oʻzbekiston Respublikasi Vazirlar Mahkamasining
qarori
Transport va turizm obyektlarida xavfsizlikni taʼminlash sohasidagi faoliyat takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida
Soʻnggi yillarda mamlakatimizda turizm salohiyatini yuksaltirish borasida salmoqli ishlar amalga oshirildi, shuningdek, turistlar uchun qulay sharoitlar yaratish hamda Oʻzbekistonning tashrif uchun xavfsiz mamlakat sifatidagi imijini shakllantirishga qaratilgan tizimli islohotlar olib borilmoqda.
Jamoat xavfsizligini taʼminlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga koʻtarish natijasida Oʻzbekiston Respublikasi Ichki ishlar vazirligi tuzilmasida Transportda xavfsizlikni taʼminlash bosh boshqarmasi va Xavfsiz turizmni taʼminlashni muvofiqlashtirish boshqarmasini oʻz ichiga olgan Transport va turizm obyektlarida xavfsizlikni taʼminlash departamenti tashkil etildi.
Ichki ishlar organlari tizimi isloh qilinganligi munosabati bilan ushbu sohadagi normativ-huquqiy hujjatlarni oʻzaro muvofiqlashtirish maqsadida, shuningdek, Oʻzbekiston Respublikasi Prezidentining “Jamoat xavfsizligini taʼminlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga koʻtarish chora-tadbirlari toʻgʻrisida” 2021-yil 26-martdagi PF-6196-son Farmoni hamda “Oʻzbekiston Respublikasi Prezidentining ayrim qarorlariga oʻzgartirishlar kiritish toʻgʻrisida” 2022-yil 1-avgustdagi PQ-339-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga Ichki ishlar vazirligi Transport va turizm obyektlarida xavfsizlikni taʼminlash departamenti tashkil etilganligi munosabati bilan sohaga oid ayrim qonunchilik hujjatlarini oʻzaro muvofiqlashtirishni nazarda tutuvchi oʻzgartirishlar kiritilsin.
2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2023-yil 30-yanvardagi 37-son qaroriga ILOVA
Oʻzbekiston Res p ublikasi Hukumati n ing ayrim qarorlariga kiritilayotgan oʻzgartirishlar
1. Vazirlar Mahkamasining 2011-yil 30-noyabrdagi 314-son qarori bilan tasdiqlangan Temir yoʻl vokzallarida (stansiyalarda) yoʻlovchilar va boshqa shaxslarni, qoʻl yukini, bagajni koʻzdan kechirish tartibi toʻgʻrisidagi nizomning 3-bandi , 4-bandi oltinchi xatboshisi va 8-bandi “d” kichik bandidagi “Ichki ishlar vazirligining Transportdagi ichki ishlar boshqarmasi” soʻzlari “Ichki ishlar vazirligi Transport va turizm obyektlarida xavfsizlikni taʼminlash departamenti” soʻzlari bilan almashtirilsin.
2. Vazirlar Mahkamasining 2017-yil 15-sentabrdagi 727-son qarori bilan tasdiqlangan Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomning 2-bandidagi “Ichki ishlar vazirligining Transportda xavfsizlikni taʼminlash bosh boshqarmasi” soʻzlari “Ichki ishlar vazirligi Transport va turizm obyektlarida xavfsizlikni taʼminlash departamenti” soʻzlari bilan almashtirilsin.
3. Vazirlar Mahkamasining “Buxoro, Samarqand, Xiva va Shahrisabz shaharlarida xavfsiz turizmni taʼminlash chora-tadbirlari toʻgʻrisida” 2017-yil 23-noyabrdagi 939-son qarorining 6-bandi beshinchi xatboshisidagi “Ichki ishlar vazirligining Xavfsiz turizmni taʼminlashni muvofiqlashtirish boshqarmasiga” soʻzlari “Ichki ishlar vazirligi Transport va turizm obyektlarida xavfsizlikni taʼminlash departamentining Xavfsiz turizm boshqarmasiga” soʻzlari bilan almashtirilsin.
4. Vazirlar Mahkamasining 2019-yil 13-avgustdagi 669-son qarori bilan tasdiqlangan Ichki ishlar organlarining xavfsiz turizmni taʼminlash boʻlinmalari tomonidan shartnoma asosida turistlar va turistik guruhlarni kuzatib borish boʻyicha pulli xizmatlar koʻrsatish tartibi toʻgʻrisidagi nizomning 2-bandidagi “Ichki ishlar vazirligining Xavfsiz turizmni taʼminlashni muvofiqlashtirish boshqarmasi va uning hududiy boʻlinmalari” soʻzlari “Ichki ishlar vazirligi Transport va turizm obyektlarida xavfsizlikni taʼminlash departamentining Xavfsiz turizm boshqarmasi va uning hududiy boʻlinmalari” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 30-yanvar,
37-son