📅 2023-yil 31-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 31 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 31 января 2023 г. · Постановления Президента
Официальный текст. Официальный документ. Редакционные примечания не включены.
📅 31 January 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
МАҚСАДЛИ ПАРАМЕТРЛАРИ
Оилавий тадбиркорликни ривожлантириш дастурлари доирасида аҳолининг бизнес ташаббусларини қўллаб-қувватлашни янги босқичга олиб чиқишга доир қўшимча чора-тадбирлар тўғрисида
Аҳолининг тадбиркорлик ташаббусларини молиявий қўллаб-қувватлаш, биринчи навбатда, маҳаллаларда кичик бизнес ва тадбиркорлик муҳитини янада яхшилаш, ёшлар ва хотин-қизларни даромадли меҳнат билан банд қилиш борасидаги тадбирларни тизимли равишда давом эттириш мақсадида:
1. 2023 йилда оилавий тадбиркорликни ривожлантириш дастурлари (кейинги ўринларда — дастурлар) доирасидаги лойиҳаларни молиялаштириш учун камида 13 триллион сўм йўналтирилсин ва ушбу ресурсларнинг ҳудудлар кесимидаги мақсадли параметрлари 1-иловага мувофиқ тасдиқлансин.
Бунда, дастурлар доирасида 2,8 триллион сўм кредит маблағлари АТ Халқ банки, «Агробанк» АТБ ва «Микрокредитбанк» АТБнинг (кейинги ўринларда — ваколатли банклар) ўз ресурслари ҳисобидан ажратилади.
2. Белгилансинки, 2023 йил 1 февралдан бошлаб дастурлар доирасида:
кредитлар устувор равишда дастурлар бўйича аввал кредитлардан фойдаланмаган аҳоли ва тадбиркорлик субъектларига ажратилади;
аграр тармоқда ўз бизнесини ташкил этишга кўмаклашиш, қишлоқ хўжалиги маҳсулотларини етиштиришда деҳқон хўжаликларининг улушини ошириш мақсадида узоқ муддатга қишлоқ хўжалигига мўлжалланган ер майдонларини ижарага олиб, белгиланган тартибда рўйхатдан ўтган деҳқон хўжаликлари ва кичик тадбиркорлик субъектларига 50 млн сўмгача гаровсиз кредит берилади;
тадбиркорлик субъектларининг маҳаллаларда, шу жумладан ташкил этилган микромарказларда ишлаб чиқаришни, хизмат кўрсатиш соҳасини ва ҳунармандчиликни ҳамда аҳоли билан кооперация ва касаначиликни кенгайтиришга йўналтирилган лойиҳалари учун ҳоким ёрдамчиларининг тавсияномаси асосида ажратиладиган кредитлар миқдори амалдаги 225 миллион сўмдан 300 миллион сўмгача оширилади. Бунда, ташаббускор лойиҳада камида ўттиз фоиз улуш билан иштирок этиши лозим;
дастурлар доирасида илгари олган кредитларидан самарали фойдаланиб, тадбиркорлигини йўлга қўйган ва кредит тўловларини ўз вақтида амалга оширган кичик тадбиркорлик субъектларига фаолиятини янада кенгайтириши учун мазкур кредитлардан такроран фойдаланишга рухсат этилади;
имтиёзли кредитлардан фойдаланиб, даромад топишга қаратилган фаолият билан шуғулланаётган фуқаролар қонунчиликда белгиланган йўналишлар бўйича ўзини ўзи банд қилган шахс сифатида таснифланади;
ҳоким ёрдамчисининг тавсиясига кўра кредит суммасининг 10 миллион сўмгача бўлган қисми (ҳунармандлар учун 20 миллион сўмгача) банк карталарига ўтказиб берилади;
ажратилган кредитларни ўз муддатида қайтармаган фуқаро ва тадбиркорлик субъектларига дастурлар доирасида янги кредитлар берилишига йўл қўйилмайди.
3. Белгилансинки:
дастурлар доирасида кредитларни йиллик 14 фоиз ставкада ажратиш тартиби сақлаб қолинади;
Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан аҳоли томорқаларидан самарали фойдаланиш йўналишида томорқа ер эгаларига бериладиган микрокредитлар миқдори 3 миллион сўмгача оширилади ҳамда ушбу микрокредитлар Оилавий тадбиркорликни ривожлантириш дастурларининг ягона электрон платформаси орқали ажратилади;
дастурларни молиялаштириш учун Давлат бюджети, Тикланиш ва тараққиёт жамғармаси ҳамда бошқа жамғармалардан ажратилган ресурсларнинг 2023-2024 йилларда сўндириладиган қисми ҳар ойда ваколатли банкларга дастурлар доирасидаги лойиҳаларни молиялаштириш учун йўналтирилади.
4. Марказий банк, ваколатли банклар Персоналлаштириш агентлиги, Ички ишлар вазирлиги, Маҳаллабай ишлаш ва тадбиркорликни ривожлантириш агентлиги билан биргаликда 2023 йил 1 июндан бошлаб аҳоли ва тадбиркорлик субъектларига кредит ажратиш жараёнида қарз олувчини ID-картадаги (биометрик паспортдаги) биометрик маълумотлар асосида идентификация қилишни йўлга қўйсин.
Персоналлаштириш агентлиги, Ички ишлар вазирлиги ваколатли банкларга аҳоли ва тадбиркорлик субъектларини рақамли верификациялаш учун биометрик маълумотлардан фойдаланишда амалий ёрдам кўрсатсин.
5. Белгилансинки:
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари тижорат банклари билан биргаликда дастурлар бўйича ажратилган кредитларнинг уларни сўндириш графигига мувофиқ белгиланган муддатларда қайтарилишига масъул ҳисобланади ва ҳар ой якуни билан муаммоли кредитларни ундириш бўйича амалга оширилаётган ишларни муҳокама қилиб боради;
ҳудудларда ҳар ойлик кредитлаш ҳажмлари кредитларни сўндириш графигининг бажарилмаган қисмига мос равишда камайтирилади.
6. Қуйидагиларга:
иқтисодиёт ва молия вазирининг, Марказий банк раисининг ҳамда камбағалликни қисқартириш ва бандлик вазирининг ўринбосарларига (дастур координаторларига) — ҳақиқий эҳтиёждан ҳамда молиялаштириш таклиф этилаётган лойиҳаларнинг истиқболи ва қўшимча иш ўринлари яратишга йўналтирилганлигидан келиб чиққан ҳолда, ажратилаётган маблағларни ваколатли банклар ва вилоятлар кесимида тезкор қайта тақсимлаш;
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига ҳудудий оилавий тадбиркорликни қўллаб-қувватлаш марказлари билан биргаликда — дастурлар доирасида ҳудудларга ажратилган маблағларнинг йиллик ва ойлик лимитларини туман (шаҳар) ва маҳалла (овул) кесимида тақсимлаш, амалга оширилаётган лойиҳаларнинг истиқболи ва қўшимча иш ўринлари яратишга йўналтирилганлигидан келиб чиққан ҳолда, маҳаллалар лимитини ҳар ойнинг ўнинчи санасига қадар қайта кўриб чиқиш ваколати берилсин.
7. Бош вазир ўринбосари Ж. Қўчқоров Марказий банк раиси М. Нурмуратов ва ваколатли банклар билан биргаликда 2023 йил 1 июлга қадар дастурлар доирасида ажратиладиган кредитлар ҳажмини камида яна 2 трлн сўмга ошириш юзасидан Ўзбекистон Республикаси Президенти Администрациясига таклиф киритсин.
8. Вазирлар Маҳкамаси (Ж. Қўчқоров) бир ой муддатда мазкур қарордан келиб чиққан ҳолда дастурлар доирасида кредит ажратиш тартибини такомиллаштиришни назарда тутувчи қарор лойиҳасини ишлаб чиқсин.
9. Ҳисоб палатаси (Б. Турабов) ҳар чоракда дастурлар доирасидаги кредитлардан самарали фойдаланилганлиги ва уларнинг мақсадли ажратилганлиги бўйича ўрганишлар ўтказган ҳолда, Ўзбекистон Республикаси Президенти Администрациясига ахборот киритиб борсин.
10. Ўзбекистон Республикаси Президентининг айрим қарорларига 2-иловага мувофиқ ўзгартириш ва қўшимчалар киритилсин.
11. Мазкур қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2023 йил 31 январдаги ПҚ-39-сон қарорига 1-ИЛОВА
2023 йилда оилавий тадбиркорликни ривожлантириш дастурлари доирасидаги лойиҳаларни молиялаштиришнинг ҳудудлар кесимидаги
млрд сўм Т/р Ҳудудлар номи 2023 йилда йўналтириладиган маблағлар Шундан: аввал берилган кредитларнинг сўндирилиши ҳисобидан Тикланиш ва тараққиёт жамғармаси ҳисобидан ваколатли банкларнинг ресурслари ҳисобидан ЖАМИ: 13 000 6 900 3 381 2 719 1. Қорақалпоғистон Республикаси 950 457 342 151 2. Андижон вилояти 1 100 596 275 229 3. Бухоро вилояти 1 150 570 324 256 4. Жиззах вилояти 790 364 135 290 5. Қашқадарё вилояти 1 100 533 327 240 6. Навоий вилояти 780 396 204 180 7. Наманган вилояти 950 641 159 150 8. Самарқанд вилояти 1 100 668 231 200 9. Сурхондарё вилояти 1 091 572 278 241 10. Сирдарё вилояти 600 319 181 100 11. Тошкент вилояти 1 060 494 356 209 12. Фарғона вилояти 1 100 636 214 249 13. Хоразм вилояти 941 484 266 191 14. Тошкент шаҳри 290 171 89 30
Ўзбекистон Республикаси Президентининг 2023 йил 31 январдаги ПҚ-39-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 7 июндаги «Ҳар бир оила — тадбиркор» дастурини амалга ошириш тўғрисида»ги ПҚ-3777-сон қарорида :
а) 9-бандда :
иккинчи хатбошидаги «жисмоний шахсларга» сўзларидан кейин «ҳамда белгиланган тартибда давлат рўйхатидан ўтган кичик тадбиркорлик субъектларига» сўзлари билан тўлдирилсин;
учинчи ва тўртинчи хатбошилардаги «225» рақами «300» рақами билан алмаштирилсин;
б) 10-банддаги «225» рақами «300» рақами билан алмаштирилсин.
2. Ўзбекистон Республикаси Президентининг 2018 йил 14 июлдаги «Аҳоли бандлигини таъминлаш борасидаги ишларни такомиллаштириш ва самарадорлигини ошириш чора-тадбирлари тўғрисида»ги ПҚ-3856-сон қарори 6-банди «в» кичик бандининг биринчи хатбошисидаги «225» рақами «300» рақами билан алмаштирилсин.
3. Ўзбекистон Республикаси Президентининг 2019 йил 7 мартдаги «Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида»ги ПҚ-4231-сон қарорида :
а) 6-банднинг биринчи хатбошисидаги «Ўзбекистон Республикаси иқтисодий тараққиёт ва камбағалликни қисқартириш вазирининг биринчи ўринбосари С.М. Холхўжаев, молия вазирининг ўринбосари Д.Ш. Султанов, Марказий банк раисининг ўринбосари А.А. Камаловлар» сўзлари «Иқтисодиёт ва молия вазирининг, Марказий банк раисининг ҳамда камбағалликни қисқартириш ва бандлик вазирининг ўринбосарлари» сўзлари билан алмаштирилсин;
б) 8-банднинг учинчи хатбошиси қуйидаги таҳрирда баён этилсин:
«жисмоний шахсларга товарлар (хизматлар) фискал белгили касса чеки асосида етказиб берилган (хизматлар кўрсатилган) ва лойиҳа эгаси ундан қаноатланиш ҳосил қилганидан сўнг ажратилади ва маҳсулот етказиб берувчи (хизмат кўрсатувчи)нинг ҳисобрақамига ўтказиб берилади».
4. Ўзбекистон Республикаси Президентининг 2019 йил 28 ноябрдаги «Ҳунармандчиликни янада ривожлантириш ва ҳунармандларни қўллаб-қувватлаш бўйича қўшимча чора-тадбирлар тўғрисидаги»ги ПҚ-4539-сон қарори 9-бандининг учинчи хатбошисидаги «225» рақами «300» рақами билан алмаштирилсин.
5. Ўзбекистон Республикаси Президентининг 2020 йил 13 октябрдаги «Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида»ги ПҚ-4862-сон қарори 5-бандининг иккинчи хатбошисидаги «ташкил этиш учун» сўзларидан кейин «ҳамда белгиланган тартибда давлат рўйхатидан ўтган кичик тадбиркорлик субъектларига» сўзлари билан тўлдирилсин.
6. Ўзбекистон Республикаси Президентининг 2021 йил 27 мартдаги «Оилавий тадбиркорликни ривожлантириш давлат дастурлари доирасида амалга ошириладиган қўшимча чора-тадбирлар тўғрисида»ги ПҚ-5041-сон қарорида :
а) 2-банднинг биринчи хатбошисидаги «Иқтисодий тараққиёт ва камбағалликни қисқартириш вазирининг биринчи ўринбосари С.М. Холхўжаев, молия вазирининг ўринбосари Қ.Х. Тапаров, Марказий банк раисининг ўринбосари А.А. Камалов» сўзлари «Иқтисодиёт ва молия вазирининг, Марказий банк раисининг ҳамда камбағалликни қисқартириш ва бандлик вазирининг ўринбосарлари» сўзлари билан алмаштирилсин;
б) 3-банднинг тўртинчи хатбошиси қуйидаги таҳрирда баён этилсин:
«кредит олувчи жисмоний шахсларга товарлар (хизматлар) фискал белгили касса чеки асосида етказиб берилган (хизматлар кўрсатилган) ва лойиҳа эгаси ундан қаноатланиш ҳосил қилганидан сўнг кредит маблағлари маҳсулот етказиб берувчи (хизмат кўрсатувчи)нинг ҳисобрақамига ўтказиб берилади».
7. Ўзбекистон Республикаси Президентининг 2021 йил 20 декабрдаги «Оилавий тадбиркорликни ривожлантириш ва аҳолининг даромад манбаини кенгайтиришга доир қўшимча чора-тадбирлар тўғрисида»ги ПҚ-55-сон қарорида :
а) 1-бандда :
биринчи хатбошидаги «давомида» сўзи «1 январдан бошлаб» сўзлари билан алмаштирилсин;
«г» кичик банд қуйидаги таҳрирда баён этилсин:
«г) чорвачиликни ривожлантириш йўналишида кредитлар камида 10 бошдан 50 бошгача четдан келтирилган ёки маҳаллийлаштирилган (наслчилик хўжаликларида етиштирилган) ва чорва ҳайвонларини идентификациялаш тизимида акс этган чорва молларини (қорамол, қўй, эчки) боқиш учун ферма ташкил этишга берилади. Бунда, кредитлар ва харид қилинган чорва моллари (қорамол, қўй, эчки) тўғрисида ахборотлар «Online-mahalla» платформасидаги маълумотлар базасига мажбурий тартибда киритилади»;
б) 5-банднинг тўртинчи хатбошиси қуйидаги таҳрирда баён этилсин:
«дастурлар доирасида илгари ажратилган кредит маблағлари бўйича мавжуд қарздорлиги тўлиқ сўндирилмаган (Фермер, деҳқон хўжаликлари ва томорқа ер эгаларини қўллаб-қувватлаш жамғармасидан ажратиладиган кредитлар ҳамда қарздорлик белгиланган муддатларда тўлиқ сўндириб келинаётган кредитлар бундан мустасно), шунингдек, аввал ажратилган кредитлардан мақсадсиз фойдаланган қарз олувчиларга ушбу дастурлар орқали янги кредит ажратилишига рухсат этилмайди»;
в) 10-банднинг учинчи хатбошисидаги «иқтисодий тараққиёт ва камбағалликни қисқартириш вазирининг биринчи ўринбосари С.М. Холхўжаев, Марказий банк раисининг ўринбосари А.А. Камалов, молия вазирининг ўринбосари Д.Ш. Султановга» сўзлари «иқтисодиёт ва молия вазирининг, Марказий банк раисининг ҳамда камбағалликни қисқартириш ва бандлик вазирининг ўринбосарларига» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 31 январь,
ПҚ-39-сон
Oʻzbekiston Respublikasi Prezidentining
Qarori
MAQSADLI PARAMETRLARI
Oilaviy tadbirkorlikni rivojlantirish dasturlari doirasida aholining biznes tashabbuslarini qoʻllab-quvvatlashni yangi bosqichga olib chiqishga doir qoʻshimcha chora-tadbirlar toʻgʻrisida
Aholining tadbirkorlik tashabbuslarini moliyaviy qoʻllab-quvvatlash, birinchi navbatda, mahallalarda kichik biznes va tadbirkorlik muhitini yanada yaxshilash, yoshlar va xotin-qizlarni daromadli mehnat bilan band qilish borasidagi tadbirlarni tizimli ravishda davom ettirish maqsadida:
1. 2023-yilda oilaviy tadbirkorlikni rivojlantirish dasturlari (keyingi oʻrinlarda — dasturlar) doirasidagi loyihalarni moliyalashtirish uchun kamida 13 trillion soʻm yoʻnaltirilsin va ushbu resurslarning hududlar kesimidagi maqsadli parametrlari 1-ilovaga muvofiq tasdiqlansin.
Bunda, dasturlar doirasida 2,8 trillion soʻm kredit mablagʻlari AT Xalq banki, “Agrobank” ATB va “Mikrokreditbank” ATBning (keyingi oʻrinlarda — vakolatli banklar) oʻz resurslari hisobidan ajratiladi.
2. Belgilansinki, 2023-yil 1-fevraldan boshlab dasturlar doirasida:
kreditlar ustuvor ravishda dasturlar boʻyicha avval kreditlardan foydalanmagan aholi va tadbirkorlik subyektlariga ajratiladi;
agrar tarmoqda oʻz biznesini tashkil etishga koʻmaklashish, qishloq xoʻjaligi mahsulotlarini yetishtirishda dehqon xoʻjaliklarining ulushini oshirish maqsadida uzoq muddatga qishloq xoʻjaligiga moʻljallangan yer maydonlarini ijaraga olib, belgilangan tartibda roʻyxatdan oʻtgan dehqon xoʻjaliklari va kichik tadbirkorlik subyektlariga 50 mln soʻmgacha garovsiz kredit beriladi;
tadbirkorlik subyektlarining mahallalarda, shu jumladan tashkil etilgan mikromarkazlarda ishlab chiqarishni, xizmat koʻrsatish sohasini va hunarmandchilikni hamda aholi bilan kooperatsiya va kasanachilikni kengaytirishga yoʻnaltirilgan loyihalari uchun hokim yordamchilarining tavsiyanomasi asosida ajratiladigan kreditlar miqdori amaldagi 225 million soʻmdan 300 million soʻmgacha oshiriladi. Bunda, tashabbuskor loyihada kamida oʻttiz foiz ulush bilan ishtirok etishi lozim;
dasturlar doirasida ilgari olgan kreditlaridan samarali foydalanib, tadbirkorligini yoʻlga qoʻygan va kredit toʻlovlarini oʻz vaqtida amalga oshirgan kichik tadbirkorlik subyektlariga faoliyatini yanada kengaytirishi uchun mazkur kreditlardan takroran foydalanishga ruxsat etiladi;
imtiyozli kreditlardan foydalanib, daromad topishga qaratilgan faoliyat bilan shugʻullanayotgan fuqarolar qonunchilikda belgilangan yoʻnalishlar boʻyicha oʻzini oʻzi band qilgan shaxs sifatida tasniflanadi;
hokim yordamchisining tavsiyasiga koʻra kredit summasining 10 million soʻmgacha boʻlgan qismi (hunarmandlar uchun 20 million soʻmgacha) bank kartalariga oʻtkazib beriladi;
ajratilgan kreditlarni oʻz muddatida qaytarmagan fuqaro va tadbirkorlik subyektlariga dasturlar doirasida yangi kreditlar berilishiga yoʻl qoʻyilmaydi.
3. Belgilansinki:
dasturlar doirasida kreditlarni yillik 14 foiz stavkada ajratish tartibi saqlab qolinadi;
Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi mablagʻlari hisobidan aholi tomorqalaridan samarali foydalanish yoʻnalishida tomorqa yer egalariga beriladigan mikrokreditlar miqdori 3 million soʻmgacha oshiriladi hamda ushbu mikrokreditlar Oilaviy tadbirkorlikni rivojlantirish dasturlarining yagona elektron platformasi orqali ajratiladi;
dasturlarni moliyalashtirish uchun Davlat budjeti, Tiklanish va taraqqiyot jamgʻarmasi hamda boshqa jamgʻarmalardan ajratilgan resurslarning 2023-2024-yillarda soʻndiriladigan qismi har oyda vakolatli banklarga dasturlar doirasidagi loyihalarni moliyalashtirish uchun yoʻnaltiriladi.
4. Markaziy bank, vakolatli banklar Personallashtirish agentligi, Ichki ishlar vazirligi, Mahallabay ishlash va tadbirkorlikni rivojlantirish agentligi bilan birgalikda 2023-yil 1-iyundan boshlab aholi va tadbirkorlik subyektlariga kredit ajratish jarayonida qarz oluvchini ID-kartadagi (biometrik pasportdagi) biometrik maʼlumotlar asosida identifikatsiya qilishni yoʻlga qoʻysin.
Personallashtirish agentligi, Ichki ishlar vazirligi vakolatli banklarga aholi va tadbirkorlik subyektlarini raqamli verifikatsiyalash uchun biometrik maʼlumotlardan foydalanishda amaliy yordam koʻrsatsin.
5. Belgilansinki:
Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari tijorat banklari bilan birgalikda dasturlar boʻyicha ajratilgan kreditlarning ularni soʻndirish grafigiga muvofiq belgilangan muddatlarda qaytarilishiga masʼul hisoblanadi va har oy yakuni bilan muammoli kreditlarni undirish boʻyicha amalga oshirilayotgan ishlarni muhokama qilib boradi;
hududlarda har oylik kreditlash hajmlari kreditlarni soʻndirish grafigining bajarilmagan qismiga mos ravishda kamaytiriladi.
6. Quyidagilarga:
iqtisodiyot va moliya vazirining, Markaziy bank raisining hamda kambagʻallikni qisqartirish va bandlik vazirining oʻrinbosarlariga (dastur koordinatorlariga) — haqiqiy ehtiyojdan hamda moliyalashtirish taklif etilayotgan loyihalarning istiqboli va qoʻshimcha ish oʻrinlari yaratishga yoʻnaltirilganligidan kelib chiqqan holda, ajratilayotgan mablagʻlarni vakolatli banklar va viloyatlar kesimida tezkor qayta taqsimlash;
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga hududiy oilaviy tadbirkorlikni qoʻllab-quvvatlash markazlari bilan birgalikda — dasturlar doirasida hududlarga ajratilgan mablagʻlarning yillik va oylik limitlarini tuman (shahar) va mahalla (ovul) kesimida taqsimlash, amalga oshirilayotgan loyihalarning istiqboli va qoʻshimcha ish oʻrinlari yaratishga yoʻnaltirilganligidan kelib chiqqan holda, mahallalar limitini har oyning oʻninchi sanasiga qadar qayta koʻrib chiqish vakolati berilsin.
7. Bosh vazir oʻrinbosari J. Qoʻchqorov Markaziy bank raisi M. Nurmuratov va vakolatli banklar bilan birgalikda 2023-yil 1-iyulga qadar dasturlar doirasida ajratiladigan kreditlar hajmini kamida yana 2 trln soʻmga oshirish yuzasidan Oʻzbekiston Respublikasi Prezidenti Administratsiyasiga taklif kiritsin.
8. Vazirlar Mahkamasi (J. Qoʻchqorov) bir oy muddatda mazkur qarordan kelib chiqqan holda dasturlar doirasida kredit ajratish tartibini takomillashtirishni nazarda tutuvchi qaror loyihasini ishlab chiqsin.
9. Hisob palatasi (B. Turabov) har chorakda dasturlar doirasidagi kreditlardan samarali foydalanilganligi va ularning maqsadli ajratilganligi boʻyicha oʻrganishlar oʻtkazgan holda, Oʻzbekiston Respublikasi Prezidenti Administratsiyasiga axborot kiritib borsin.
10. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
11. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2023-yil 31-yanvardagi PQ-39-son qaroriga 1-ILOVA
2023-yilda oilaviy tadbirkorlikni rivojlantirish dasturlari doirasidagi loyihalarni moliyalashtirishning hududlar kesimidagi
mlrd soʻm T/r Hududlar nomi 2023-yilda yoʻnaltiriladigan mablagʻlar Shundan: avval berilgan kreditlarning soʻndirilishi hisobidan Tiklanish va taraqqiyot jamgʻarmasi hisobidan vakolatli banklarning resurslari hisobidan JAMI: 13 000 6 900 3 381 2 719 1. Qoraqalpogʻiston Respublikasi 950 457 342 151 2. Andijon viloyati 1 100 596 275 229 3. Buxoro viloyati 1 150 570 324 256 4. Jizzax viloyati 790 364 135 290 5. Qashqadaryo viloyati 1 100 533 327 240 6. Navoiy viloyati 780 396 204 180 7. Namangan viloyati 950 641 159 150 8. Samarqand viloyati 1 100 668 231 200 9. Surxondaryo viloyati 1 091 572 278 241 10. Sirdaryo viloyati 600 319 181 100 11. Toshkent viloyati 1 060 494 356 209 12. Fargʻona viloyati 1 100 636 214 249 13. Xorazm viloyati 941 484 266 191 14. Toshkent shahri 290 171 89 30
Oʻzbekiston Respublikasi Prezidentining 2023-yil 31-yanvardagi PQ-39-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 7-iyundagi “Har bir oila — tadbirkor” dasturini amalga oshirish toʻgʻrisida”gi PQ-3777-son qarorida :
a) 9-bandda :
ikkinchi xatboshidagi “jismoniy shaxslarga” soʻzlaridan keyin “hamda belgilangan tartibda davlat roʻyxatidan oʻtgan kichik tadbirkorlik subyektlariga” soʻzlari bilan toʻldirilsin;
uchinchi va toʻrtinchi xatboshilardagi “225” raqami “300” raqami bilan almashtirilsin;
b) 10-banddagi “225” raqami “300” raqami bilan almashtirilsin.
2. Oʻzbekiston Respublikasi Prezidentining 2018-yil 14-iyuldagi “Aholi bandligini taʼminlash borasidagi ishlarni takomillashtirish va samaradorligini oshirish chora-tadbirlari toʻgʻrisida”gi PQ-3856-son qarori 6-bandi “v” kichik bandining birinchi xatboshisidagi “225” raqami “300” raqami bilan almashtirilsin.
3. Oʻzbekiston Respublikasi Prezidentining 2019-yil 7-martdagi “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qoʻshimcha chora-tadbirlar toʻgʻrisida”gi PQ-4231-son qarorida :
a) 6-bandning birinchi xatboshisidagi “Oʻzbekiston Respublikasi iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev, moliya vazirining oʻrinbosari D.Sh. Sultanov, Markaziy bank raisining oʻrinbosari A.A. Kamalovlar” soʻzlari “Iqtisodiyot va moliya vazirining, Markaziy bank raisining hamda kambagʻallikni qisqartirish va bandlik vazirining oʻrinbosarlari” soʻzlari bilan almashtirilsin;
b) 8-bandning uchinchi xatboshisi quyidagi tahrirda bayon etilsin:
“jismoniy shaxslarga tovarlar (xizmatlar) fiskal belgili kassa cheki asosida yetkazib berilgan (xizmatlar koʻrsatilgan) va loyiha egasi undan qanoatlanish hosil qilganidan soʻng ajratiladi va mahsulot yetkazib beruvchi (xizmat koʻrsatuvchi)ning hisobraqamiga oʻtkazib beriladi”.
4. Oʻzbekiston Respublikasi Prezidentining 2019-yil 28-noyabrdagi “Hunarmandchilikni yanada rivojlantirish va hunarmandlarni qoʻllab-quvvatlash boʻyicha qoʻshimcha chora-tadbirlar toʻgʻrisidagi”gi PQ-4539-son qarori 9-bandining uchinchi xatboshisidagi “225” raqami “300” raqami bilan almashtirilsin.
5. Oʻzbekiston Respublikasi Prezidentining 2020-yil 13-oktabrdagi “Aholini tadbirkorlikka jalb qilish tizimini takomillashtirish va tadbirkorlikni rivojlantirishga doir qoʻshimcha chora-tadbirlar toʻgʻrisida”gi PQ-4862-son qarori 5-bandining ikkinchi xatboshisidagi “tashkil etish uchun” soʻzlaridan keyin “hamda belgilangan tartibda davlat roʻyxatidan oʻtgan kichik tadbirkorlik subyektlariga” soʻzlari bilan toʻldirilsin.
6. Oʻzbekiston Respublikasi Prezidentining 2021-yil 27-martdagi “Oilaviy tadbirkorlikni rivojlantirish davlat dasturlari doirasida amalga oshiriladigan qoʻshimcha chora-tadbirlar toʻgʻrisida”gi PQ-5041-son qarorida :
a) 2-bandning birinchi xatboshisidagi “Iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev, moliya vazirining oʻrinbosari Q.X. Taparov, Markaziy bank raisining oʻrinbosari A.A. Kamalov” soʻzlari “Iqtisodiyot va moliya vazirining, Markaziy bank raisining hamda kambagʻallikni qisqartirish va bandlik vazirining oʻrinbosarlari” soʻzlari bilan almashtirilsin;
b) 3-bandning toʻrtinchi xatboshisi quyidagi tahrirda bayon etilsin:
“kredit oluvchi jismoniy shaxslarga tovarlar (xizmatlar) fiskal belgili kassa cheki asosida yetkazib berilgan (xizmatlar koʻrsatilgan) va loyiha egasi undan qanoatlanish hosil qilganidan soʻng kredit mablagʻlari mahsulot yetkazib beruvchi (xizmat koʻrsatuvchi)ning hisobraqamiga oʻtkazib beriladi”.
7. Oʻzbekiston Respublikasi Prezidentining 2021-yil 20-dekabrdagi “Oilaviy tadbirkorlikni rivojlantirish va aholining daromad manbaini kengaytirishga doir qoʻshimcha chora-tadbirlar toʻgʻrisida”gi PQ-55-son qarorida :
a) 1-bandda :
birinchi xatboshidagi “davomida” soʻzi “1-yanvardan boshlab” soʻzlari bilan almashtirilsin;
“g” kichik band quyidagi tahrirda bayon etilsin:
“g) chorvachilikni rivojlantirish yoʻnalishida kreditlar kamida 10 boshdan 50 boshgacha chetdan keltirilgan yoki mahalliylashtirilgan (naslchilik xoʻjaliklarida yetishtirilgan) va chorva hayvonlarini identifikatsiyalash tizimida aks etgan chorva mollarini (qoramol, qoʻy, echki) boqish uchun ferma tashkil etishga beriladi. Bunda, kreditlar va xarid qilingan chorva mollari (qoramol, qoʻy, echki) toʻgʻrisida axborotlar “Online-mahalla” platformasidagi maʼlumotlar bazasiga majburiy tartibda kiritiladi”;
b) 5-bandning toʻrtinchi xatboshisi quyidagi tahrirda bayon etilsin:
“dasturlar doirasida ilgari ajratilgan kredit mablagʻlari boʻyicha mavjud qarzdorligi toʻliq soʻndirilmagan (Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan ajratiladigan kreditlar hamda qarzdorlik belgilangan muddatlarda toʻliq soʻndirib kelinayotgan kreditlar bundan mustasno), shuningdek, avval ajratilgan kreditlardan maqsadsiz foydalangan qarz oluvchilarga ushbu dasturlar orqali yangi kredit ajratilishiga ruxsat etilmaydi”;
v) 10-bandning uchinchi xatboshisidagi “iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev, Markaziy bank raisining oʻrinbosari A.A. Kamalov, moliya vazirining oʻrinbosari D.Sh. Sultanovga” soʻzlari “iqtisodiyot va moliya vazirining, Markaziy bank raisining hamda kambagʻallikni qisqartirish va bandlik vazirining oʻrinbosarlariga” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 31-yanvar,
PQ-39-son
Президента Республики Узбекистан
Постановление
ЦЕЛЕВЫЕ ПАРАМЕТРЫ
О дополнительных мерах по поднятию на новый этап поддержки бизнес-инициатив населения в рамках программ развития семейного предпринимательства
В целях финансовой поддержки предпринимательских инициатив населения, в первую очередь дальнейшего улучшения среды малого бизнеса и предпринимательства в махаллях, продолжения на системной основе мероприятий по обеспечению занятости молодежи и женщин трудом, приносящим доход:
1. Направить в 2023 году на финансирование проектов в рамках программ развития семейного предпринимательства (далее — программы) не менее 13 триллионов сумов и утвердить целевые параметры этих ресурсов в разрезе регионов согласно приложению № 1 .
При этом в рамках программ 2,8 триллиона сумов кредитных средств выделяется за счет собственных ресурсов АК «Халк банки», АКБ «Агробанк» и АКБ «Микрокредитбанк» (далее — уполномоченные банки).
2. Установить, что в рамках программ с 1 февраля 2023 года:
кредиты в приоритетном порядке выделяются населению и субъектам предпринимательства, ранее не пользовавшимся кредитами по программам;
в целях содействия организации собственного бизнеса в аграрной сфере, увеличения доли дехканских хозяйств в производстве сельскохозяйственной продукции дехканским хозяйствам и субъектам малого предпринимательства, зарегистрированным в установленном порядке, взявшим в долгосрочную аренду земельные площади сельскохозяйственного назначения, предоставляется беззалоговый кредит до 50 млн сумов;
размер кредитов, выделяемых на основе рекомендаций помощников хокимов на проекты субъектов предпринимательства, направленные на расширение производства, сферы оказания услуг и ремесленничества, а также кооперации с населением и надомничества в махаллях, в том числе созданных микроцентрах, увеличивается с действующих 225 миллионов сумов до 300 миллионов сумов. При этом инициатор должен участвовать в проекте с долей не менее тридцати процентов;
субъектам малого предпринимательства, наладившим свой бизнес, эффективно использовав полученные ранее кредитные средства в рамках программ и своевременно осуществившим кредитные платежи, разрешается повторное пользование данными кредитами для дальнейшего расширения деятельности;
граждане, занимающиеся деятельностью, направленной на получение дохода, с использованием льготных кредитов, классифицируются как самозанятые лица по направлениям, определенным законодательством;
по рекомендации помощника хокима часть до 10 миллионов сумов суммы кредита (для ремесленников — до 20 миллионов сумов) переводится на банковские карты;
гражданам и субъектам предпринимательства, не погасившим выделенные кредиты в срок, выдача новых кредитов в рамках программ не допускается.
3. Установить, что:
в рамках программ сохранится порядок выделения кредитов по ставке 14 процентов годовых;
размер микрокредитов по направлению эффективного пользования приусадебными землями населения для владельцев приусадебных земель за счет средств Фонда поддержки фермерских, дехканских хозяйств и владельцев приусадебных земель увеличивается до 3 миллионов сумов и данные микрокредиты выделяются через Единую электронную платформу программ развития семейного предпринимательства;
часть ресурсов, выделяемых из Государственного бюджета, Фонда реконструкции и развития и других фондов на финансирование программ, которые будут погашены в 2023 — 2024 годах, ежемесячно направляется в уполномоченные банки для финансирования проектов в рамках программ.
4. Центральному банку, уполномоченным банкам совместно с Агентством персонализации, Министерством внутренних дел, Агентством по работе махаллабай и развитию предпринимательства с 1 июня 2023 года в процессе выделения кредита населению и субъектам предпринимательства наладить идентификацию заемщика на основании биометрических данных в ID-карте (биометрическом паспорте).
Агентству персонализации, Министерству внутренних дел оказать практическую помощь уполномоченным банкам в использовании биометрических данных для цифровой верификации населения и субъектов предпринимательства.
5. Определить, что:
Председатель Совета Министров Республики Каракалпакстан, хокимы областей и города Ташкента совместно с коммерческими банками являются ответственными за погашение в установленные сроки выделенных по программам кредитов в соответствии с их графиком погашения и по итогам каждого месяца обсуждают проводимую работу по взысканию проблемных кредитов;
ежемесячные объемы кредитования в регионах снижаются пропорционально невыполненной части графика погашения кредита.
6. Предоставить полномочия:
заместителям министра экономики и финансов, председателя Центрального банка и министра занятости и сокращения бедности (координаторам программ) — оперативно перераспределять выделяемые средства в разрезе уполномоченных банков и областей исходя из фактической потребности, а также перспектив проектов, финансирование которых предлагается, и направленности на создание дополнительных рабочих мест;
Совету Министров Республики Каракалпакстан, хокимиятам областей и города Ташкента совместно с территориальными центрами поддержки семейного предпринимательства — распределять в разрезе районов (городов) и махаллей (аулов) годовые и месячные лимиты выделенных регионам в рамках программ средств исходя из перспектив реализуемых проектов и направленности на создание дополнительных рабочих мест, пересматривать лимит махаллей до десятого числа каждого месяца.
7. Заместителю Премьер-министра Д. Кучкарову совместно с председателем Центрального банка М. Нурмуратовым и уполномоченными банками до 1 июля 2023 года внести предложение в Администрацию Президента Республики Узбекистан об увеличении объема кредитов, выделяемых в рамках программ, еще на не менее 2 трлн сумов.
8. Кабинету Министров (Д. Кучкаров) в месячный срок исходя из настоящего постановления разработать проект постановления, предусматривающего совершенствование порядка выделения кредитов в рамках программ.
9. Счетной палате (Б. Турабов) ежеквартально вносить информацию в Администрацию Президента Республики Узбекистан с проведением изучений по эффективному использованию и целевому выделению кредитов в рамках программ.
10. Внести изменения и дополнения в некоторые постановления Президента Республики Узбекистан согласно приложению № 2 .
11. Контроль за исполнением настоящего постановления возложить на заместителя Премьер-министра Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 31 января 2023 года № ПП-39
финансирования проектов в рамках программ развития семейного предпринимательства в разрезе регионов в 2023 году
млрд сумов № Наименование регионов Средства, направляемые в 2023 году Из них: за счет погашения ранее выданных кредитов за счет Фонда реконструкции и развития за счет ресурсов уполномоченных банков ВСЕГО: 13 000 6 900 3 381 2 719 1. Республика Каракалпакстан 950 457 342 151 2. Андижанская область 1 100 596 275 229 3. Бухарская область 1 150 570 324 256 4. Джизакская область 790 364 135 290 5. Кашкадарьинская область 1 100 533 327 240 6. Навоийская область 780 396 204 180 7. Наманганская область 950 641 159 150 8. Самаркандская область 1 100 668 231 200 9. Сурхандарьинская область 1 091 572 278 241 10. Сырдарьинская область 600 319 181 100 11. Ташкентская область 1 060 494 356 209 12. Ферганская область 1 100 636 214 249 13. Хорезмская область 941 484 266 191 14. Город Ташкент 290 171 89 30
ПРИЛОЖЕНИЕ № 2 к постановлению Президента Республики Узбекистан от 31 января 2023 года № ПП-39
Изменения и дополнения, вносимые в некоторые постановления Президента Республики Узбекистан
1. В постановлении Президента Республики Узбекистан от 7 июня 2018 года № ПП-3777 «О реализации программы «Каждая семья — предприниматель»:
а) в пункте 9 :
в абзаце втором после слов «с предпринимательской инициативой» дополнить словами «и субъектам малого предпринимательства, прошедшим государственную регистрацию в установленном порядке,»;
в абзацах третьем и четвертом цифру «225» заменить цифрой «300»;
б) в пункте 10 цифру «225» заменить цифрой «300».
2. В абзаце первом подпункта «в» пункта 6 постановления Президента Республики Узбекистан от 14 июля 2018 года № ПП-3856 «О мерах по совершенствованию и повышению эффективности работы по обеспечению занятости населения» цифру «225» заменить цифрой «300».
3. В постановлении Президента Республики Узбекистан от 7 марта 2019 года № ПП-4231 «О дополнительных мерах по широкому привлечению населения к предпринимательству и развитию семейного предпринимательства в регионах»:
а) в абзаце первом пункта 6 слова «Первого заместителя министра экономического развития и сокращения бедности С.М. Холхужаева, заместителя министра финансов Д.Ш. Султанова, заместителя председателя Центрального банка Республики Узбекистан А.А. Камалова» заменить словами «Заместителей министра экономики и финансов, председателя Центрального банка и министра занятости и сокращения бедности»;
б) абзац третий пункта 8 изложить в следующей редакции:
«после осуществления поставки физическим лицам товаров (оказания услуг) на основании кассового чека с фискальным знаком и удовлетворения ими владельца проекта, и перечисляются на расчетный счет поставщика товаров (услуг)».
4. В абзаце третьем пункта 9 постановления Президента Республики Узбекистан от 28 ноября 2019 года № ПП-4539 «О дополнительных мерах по дальнейшему развитию ремесленничества и поддержке ремесленников» цифру «225» заменить цифрой «300».
5. В абзаце втором пункта 5 постановления Президента Республики Узбекистан от 13 октября 2020 года № ПП-4862 «О дополнительных мерах по совершенствованию системы вовлечения населения в предпринимательство и развитию предпринимательства» после слов «молодежи и женщинам» дополнить словами «, а также субъектам малого предпринимательства, прошедшим государственную регистрацию в установленном порядке».
6. В постановлении Президента Республики Узбекистан от 27 марта 2021 года № ПП-5041 «О дополнительных мерах, осуществляемых в рамках программ развития семейного предпринимательства»:
а) в абзаце первом пункта 2 слова «Первому заместителю министра экономического развития и сокращения бедности С.М. Холхужаеву, заместителю министра финансов К.Х. Тапарову, заместителю председателя Центрального банка А.А. Камалову» заменить словами «Заместителям министра экономики и финансов, председателя Центрального банка и министра занятости и сокращения бедности»;
б) абзац четвертый пункта 3 изложить в следующей редакции:
«после осуществления поставки физическим лицам товаров (оказания услуг) на основании кассового чека с фискальным знаком и удовлетворения ими владельца проекта кредитные средства перечисляются на расчетный счет поставщика товаров (услуг)».
7. В постановлении Президента Республики Узбекистан от 20 декабря 2021 года № ПП-55 «О дополнительных мерах по развитию семейного предпринимательства и расширению источников доходов населения»:
а) в пункте 1 :
в абзаце первом слова «в 2022 году» заменить словами «с 1 января 2022 года»;
подпункт «г» изложить в следующей редакции:
«г) кредиты в направлении развития животноводства выделяются на создание ферм по разведению от 10 до 50 голов скота (крупного рогатого скота, овец, коз), ввезенного из-за рубежа или локализованного (выращенного в племенных хозяйствах) и отраженного в системе идентификации скота. При этом информация о кредитах и приобретенном скоте (крупный рогатый скот, овцы, козы) в обязательном порядке вводится в базу данных на платформе «Online-mahalla»;
б) абзац четвертый пункта 5 изложить в следующей редакции:
«не допускается выделение в рамках программ новых кредитов заемщикам, не погасившим полностью имеющуюся задолженность по кредитным средствам, ранее выделенным в рамках данных программ (за исключением кредитов, выделяемых из Фонда поддержки фермерских, дехканских хозяйств и владельцев приусадебных земель, и кредитов, полное погашение задолженности по которым обеспечивается в установленные сроки), а также допустившим нецелевое использование ранее выделенных кредитов»;
в) в абзаце третьем пункта 10 слова «первого заместителя министра экономического развития и сокращения бедности С.М. Холхужаева, заместителя председателя Центрального банка А.А. Камалова, заместителя министра финансов Д.Ш. Султанова» заменить словами «заместителей министра экономики и финансов, председателя Центрального банка и министра занятости и сокращения бедности».
Президент Республики Узбекистан Ш. МИРЗИЁЕВ
г. Ташкент,
31 января 2023 г.,
№ ПП-39