UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Умумий ўрта таълим тўғрисидаги электрон шаҳодатноманинг давлат намунасини тасдиқлаш ҳақида

Умумий ўрта таълим тўғрисидаги электрон шаҳодатноманинг давлат намунаси шакли

Ўзбекистон Республикаси Президентининг «2022 — 2026 йилларда халқ таълимини ривожлантириш бўйича миллий дастурни тасдиқлаш тўғрисида» 2022 йил 11 майдаги ПФ-134-сон Фармони ижросини таъминлаш ва умумий ўрта таълим тўғрисидаги электрон шаҳодатноманинг давлат намунасини тасдиқлаш мақсадида Вазирлар Маҳкамаси қарор қилади:

1. Қуйидагилар:

Таянч ўрта таълим тўғрисидаги электрон шаҳодатноманинг давлат намунаси шакли 1-иловага мувофиқ;

Умумий ўрта таълим тўғрисидаги электрон шаҳодатноманинг давлат намунаси шакли 2-иловага мувофиқ;

Психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги электрон сертификат намунаси шакли 3-иловага мувофиқ;

Умумий ўрта таълим тўғрисида электрон шаҳодатномаларни бериш тартиби ҳақидаги низом 4-иловага мувофиқ тасдиқлансин.

2. Ўзбекистон Республикаси Мактабгача ва мактаб таълими вазирлиги:

икки ой муддатда Рақамли технологиялар вазирлиги билан биргаликда «Электрон шаҳодатнома» ахборот тизимини ишлаб чиқсин;

2022/2023 ўқув йили якунидан бошлаб, шунингдек тизимида умумий ўрта таълим ташкилотлари бўлган вазирликлар ва идоралар билан биргаликда давлат ва нодавлат таълим ташкилотларида «Электрон шаҳодатнома» ахборот тизимига битирувчилар ҳақидаги маълумотлар киритиб борилишини таъминласин;

2023 йил 20 апрелга қадар «Электрон шаҳодатнома» ахборот тизимини «Электрон ҳукумат» тизими идоралараро интеграциялашув платформаси орқали Билим ва малакаларни баҳолаш агентлигининг «ABITUR» махсус электрон дастурига интеграциялаштирсин.

3. Белгилаб қўйилсинки, Электрон шаҳодатнома» ахборот тизимини ишга тушириш ва кейинчалик қўллаб-қувватлаш Мактабгача ва мактаб таълими соҳасидаги ислоҳотларга кўмаклашиш жамғармаси маблағлари ҳисобидан молиялаштирилади.

4. Ўзбекистон Республикаси Вазирлар Маҳкамасининг «Умумий ўрта таълим тўғрисидаги расмий ҳужжатларнинг давлат намунасини тасдиқлаш ҳақида» 2019 йил 13 майдаги 393-сон қарори ўз кучини йўқотган деб ҳисоблансин.

5. Ўзбекистон Республикаси Мактабгача ва мактаб таълими вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

6. Мазкур қарорнинг бажарилишини назорат қилиш Ўзбекистон Республикаси мактабгача ва мактаб таълими вазири Х.У. Умарова ҳамда рақамли технологиялар вазири Ш.Х. Шерматов зиммасига юклансин.

Вазирлар Маҳкамасининг 2023 йил 31 январдаги 44-сон қарорига 1-ИЛОВА

Таянч ўрта таълим тўғрисидаги электрон шаҳодатноманинг давлат намунаси шакли

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI REPUBLIC OF UZBEKISTAN ________________________________________________________________________________ TAYANCH OʻRTA TAʼLIM TOʻGʻRISIDA S H A H O D A T N O M A ‎CERTIFICATE OF BASIC SECONDARY EDUCATION TM № 00000000 ‎ ‎Ushbu shahodatnoma / This is to certify that ________________________________________________ (familiyasi, ismi, otasining ismi / surname, given name(s), patronymic) ________________ yilda ___________________________________________________ ‎ (berilgan yili / year of issue) ‎ (berilgan joyi / place of issue) ‎ ‎ ______________________________________________________________________ni (taʼlim tashkiloti / educational organization) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ bitirganligi va tayanch oʻrta taʼlim olganligini tasdiqlaydi. ‎completed and received Basic Secondary Education. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Belgilangan oʻquv fanlaridan bilimi quyidagicha baholandi: ‎The following subjects were assessed: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Oʻquv fanlari Bahosi ‎ № Subjects Score ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Direktor / Director ______________________ ‎ ‎ ‎ ‎ ‎ ‎ ‎ ‎ Berilgan sana / ‎ Date of issue ‎__________ ‎ ‎ ‎ (familiyasi, ismi, otasining ismi / surname, given name(s), patronymic) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI REPUBLIC OF UZBEKISTAN ________________________________________________________________________________ TAYANCH OʻRTA TAʼLIM TOʻGʻRISIDA AʼLO DARAJALI S H A H O D A T N O M A CERTIFICATE OF BASIC SECONDARY EDUCATION WITH HONOURS TM-A № 00000000 ‎ ‎Ushbu shahodatnoma / This is to certify that ________________________________________________ (familiyasi, ismi, otasining ismi / surname, given name(s), patronymic) ________________ yilda ___________________________________________________ ‎ (berilgan yili / year of issue) ‎ (berilgan joyi / place of issue) ‎ ‎ ______________________________________________________________________ni (taʼlim tashkiloti / educational organization) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ bitirganligi va tayanch oʻrta taʼlim olganligini tasdiqlaydi. ‎completed and received Basic Secondary Education. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Belgilangan oʻquv fanlaridan bilimi quyidagicha baholandi: ‎The following subjects were assessed: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Oʻquv fanlari Bahosi ‎ № Subjects Score ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Direktor / Director ______________________ ‎ ‎ ‎ ‎ ‎ ‎ ‎ ‎ Berilgan sana / ‎ Date of issue ‎__________ ‎ ‎ ‎ (familiyasi, ismi, otasining ismi / surname, given name(s), patronymic) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Таянч ўрта таълим тўғрисидаги электрон шаҳодатноманинг тавсифи

Таянч ўрта таълим тўғрисидаги электрон шаҳодатнома А4 (210х297 мм) ўлчамли кўринишга эга. Унинг юқори қисмига «OʻZBEKISTON RESPUBLIKASI, REPUBLIC OF UZBEKISTAN», қуйи қисмига «TAYANCH OʻRTA TAʼLIM TOʻGʻRISIDA SHAHODATNOMA, CERTIFICATE OF BASIC SECONDARY EDUCATION», аъло даражали шаҳодатномага «TAYANCH OʻRTA TAʼLIM TOʻGʻRISIDA AʼLO DARAJALI SHAHODATNOMA, CERTIFICATE OF BASIC SECONDARY EDUCATION WITH HONOURS» сўзлари ёзилади ва марказига Ўзбекистон Республикаси Давлат герби тасвири туширилади.

Таянч ўрта таълим тўғрисидаги электрон шаҳодатномада «TM», аъло даражали шаҳодатномада «TM-А» ҳарфи ва саккизта рақамли тартиб рақами ёзилади.

Таянч ўрта таълим тўғрисидаги электрон шаҳодатномага QR-код тасвири туширилади.

Ўзбекистон Республикаси Мактабгача ва мактаб таълими вазирлиги томонидан Таянч ўрта таълим тўғрисидаги электрон шаҳодатноманинг давлат намунаси ва тавсифига ўзгартириш ҳамда қўшимчалар киритилиши мумкин.

Вазирлар Маҳкамасининг 2023 йил 31 январдаги 44-сон қарорига 2-ИЛОВА

OʻZBEKISTON RESPUBLIKASI REPUBLIC OF UZBEKISTAN UMUMIY OʻRTA TAʼLIM TOʻGʻRISIDA S H A H O D A T N O M A CERTIFICATE OF GENERAL SECONDARY EDUCATION UM № 00000000 Ushbu shahodatnoma / This is to certify that ________________________________ (familiyasi, ismi, otasining ismi / surname, given name(s), patronymic) ________ ______ _____ yilda ___________________________________________________ (berilgan yili / year of issue) (berilgan joyi / place of issue) _________________________________________________________________________ ni (taʼlim tashkiloti / educational organization) bitirganligi va umumiy oʻrta taʼlim olganligini tasdiqlaydi. completed and received General Secondary Education. Belgilangan oʻquv fanlaridan bilimi quyidagicha baholandi: The following subjects were assessed: T/r Oʻquv fanlari Bahosi No Subjects Score ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument Direktor / Director ____ _______ __________________ (familiyasi, ismi, otasining ismi / surname, given name(s), patronymic) QR-kod Berilgan sana / Date of issue ___________

OʻZBEKISTON RESPUBLIKASI REPUBLIC OF UZBEKISTAN UMUMIY OʻRTA TAʼLIM TOʻGʻRISIDA S H A H O D A T N O M A CERTIFICATE OF GENERAL SECONDARY EDUCATION UM № 00000000 Ushbu shahodatnoma / This is to certify that ________________________________ (familiyasi, ismi, otasining ismi / surname, given name(s), patronymic) ________ ______ _____ yilda ___________________________________________________ (berilgan yili / year of issue) (berilgan joyi / place of issue) _________________________________________________________________________ ni (taʼlim tashkiloti / educational organization) bitirganligi va umumiy oʻrta taʼlim olganligini tasdiqlaydi. completed and received General Secondary Education. «Oʻqishdagi muvaffaqiyatlari uchun KUMUSH medal bilan taqdirlandi» Belgilangan oʻquv fanlaridan bilimi quyidagicha baholandi: The following subjects were assessed: T/r Oʻquv fanlari Bahosi No Subjects Score ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument Direktor / Director ____ _______ __________________ (familiyasi, ismi, otasining ismi / surname, given name(s), patronymic) QR-kod Berilgan sana / Date of issue ___________

OʻZBEKISTON RESPUBLIKASI REPUBLIC OF UZBEKISTAN UMUMIY OʻRTA TAʼLIM TOʻGʻRISIDA S H A H O D A T N O M A CERTIFICATE OF GENERAL SECONDARY EDUCATION UM № 00000000 Ushbu shahodatnoma / This is to certify that ________________________________ (familiyasi, ismi, otasining ismi / surname, given name(s), patronymic) ________ ______ _____ yilda ___________________________________________________ (berilgan yili / year of issue) (berilgan joyi / place of issue) _________________________________________________________________________ ni (taʼlim tashkiloti / educational organization) bitirganligi va umumiy oʻrta taʼlim olganligini tasdiqlaydi. completed and received General Secondary Education. «Oʻqishdagi muvaffaqiyatlari uchun OLTIN medal bilan taqdirlandi» Belgilangan oʻquv fanlaridan bilimi quyidagicha baholandi: The following subjects were assessed: T/r Oʻquv fanlari Bahosi No Subjects Score ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument Direktor / Director ____ _______ __________________ (familiyasi, ismi, otasining ismi / surname, given name(s), patronymic) QR-kod Berilgan sana / Date of issue ___________

Умумий ўрта таълим тўғрисидаги электрон шаҳодатноманинг тавсифи

Умумий ўрта таълим тўғрисидаги электрон шаҳодатнома А4 (210х297мм) ўлчамли кўринишга эга. Унинг юқори қисмига «O ʻ ZBEKISTON RESPUBLIKASI, REPUBLIC OF UZBEKISTAN», қуйи қисмига «UMUMIY O ʻ RTA TAʼLIM TO ʻ G ʻ RISIDA SHAHODATNOMA, CERTIFICATE OF GENERAL SECONDARY EDUCATION» аъло даражали шаҳодатномага «UMUMIY O ʻ RTA TAʼLIM TO ʻ G ʻ RISIDA AʼLO DARAJALI SHAHODATNOMA, CERTIFICATE OF GENERAL SECONDARY EDUCATION WITH HONOURS» сўзлари ёзилади ва марказига Ўзбекистон Республикаси Давлат герби тасвири туширилади.

Умумий ўрта таълим тўғрисидаги электрон шаҳодатномада «UM», кумуш медаль билан шаҳодатномада «UM-K», аъло даражали олтин медаль билан шаҳодатномада «UM-O» ҳарфи ва саккизта рақамли тартиб рақами ёзилади.

Умумий ўрта таълим тўғрисидаги электрон шаҳодатномага QR-код тасвири туширилади.

Ўзбекистон Республикаси Мактабгача ва мактаб таълими вазирлиги томонидан Умумий ўрта таълим тўғрисидаги электрон шаҳодатноманинг давлат намунаси ва тавсифига ўзгартириш ҳамда қўшимчалар киритилиши мумкин.

Вазирлар Маҳкамасининг 2023 йил 31 январдаги 44-сон қарорига 3-ИЛОВА

Психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги электрон сертификат намунаси шакли

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI REPUBLIC OF UZBEKISTAN S E R T I F I K A T CERTIFICATE S № 00000000 ‎ ‎Ushbu sertifikat / This is to certify that ________________________________________________ (familiyasi, ismi, otasining ismi / surname, given name(s), patronymic) ________________ yilda ___________________________________________________ ‎ (berilgan yili / year of issue) ‎ (berilgan joyi / place of issue) ‎ ‎ _______________________________________________________________________ni (taʼlim tashkiloti / educational organization) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ bitirganligini tasdiqlaydi. ‎сompleted. Belgilangan oʻquv fanlaridan bilimi quyidagicha baholandi: ‎The following subjects were assessed: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Oʻquv fanlari Bahosi ‎ № Subjects Score ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument ‎ ‎Direktor / Director ______________________ ‎ ‎ ‎ ‎ ‎ ‎‎‏‎‏‎‎‎‎ Berilgan sana / Date of issue ‎ ‎ ____________ ‎ ‎ (familiyasi, ismi, otasining ismi / surname, given name(s), patronymic) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги электрон сертификатнинг тавсифи

Психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги электрон сертификат А4 (210х297мм) ўлчамли кўринишга эга. Унинг юқори қисмига «OʻZBEKISTON RESPUBLIKASI, REPUBLIC OF UZBEKISTAN», қуйи қисмига «SERTIFIKAT, CERTIFICATE» сўзи ёзилади ва марказига Ўзбекистон Республикаси Давлат герби тасвири туширилади.

Психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги электрон сертификатда S ҳарфи ва саккизта рақамли тартиб рақами ёзилади.

Психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги электрон сертификатга QR-код тасвири туширилади.

Ўзбекистон Республикаси Мактабгача ва мактаб таълими вазирлиги томонидан электрон сертификатнинг давлат намунаси ва тавсифига ўзгартириш ҳамда қўшимчалар киритилиши мумкин.

Вазирлар Маҳкамасининг 2023 йил 31 январдаги 44-сон қарорига 4-ИЛОВА

Умумий ўрта таълим тўғрисидаги электрон шаҳодатномаларни бериш тартиби ҳақида

1-боб. Умумий қоидалар

1. Мазкур Низом умумий ўрта таълим ташкилотлари (кейинги ўринларда — таълим ташкилоти) томонидан умумий ўрта таълим тўғрисидаги электрон шаҳодатномага буюртма бериш, уни шакллантириш, сақлаш ва битирувчиларга бериш тартибини белгилайди.

2. Ушбу Низомда қуйидаги асосий тушунчалар қўлланилади:

битирувчи — таълим ташкилотининг 9 ёки 11-синфини тугатган, таълим дастурларини давлат таълим стандартлари талаблари даражасида ўзлаштирган ва ўқув фанларидан йил якуни бўйича ижобий баҳоланган, якуний давлат аттестациясини муваффақиятли топширган ўқувчилар;

буюртма — таълим ташкилоти томонидан таълим ташкилоти битирувчиларига бериладиган шаҳодатномаларга Ўзбекистон Республикаси Мактабгача ва мактаб таълими вазирлигига (кейинги ўринларда — вазирлик) «электрон шаҳодатнома» ахборот тизими орқали юбориладиган талабнома;

шаҳодатнома — умумий ҳамда таянч ўрта таълим тўғрисидаги расмий давлат ҳужжати;

«Электрон шаҳодатнома» ахборот тизими (кейинги ўринларда — электрон платформа) — вазирликнинг таълим ташкилоти битирувчилари ҳақидаги маълумотларни киритиш ва уларга бериладиган шаҳодатномага буюртма бериш, уни шакллантириш, пухта ишлаб чиқиш, сақлаш ва битирувчилар томонидан юклаб олиш ҳамда ҳисоботларни юритиш жараёнларини амалга ошириш имкониятини берадиган электрон платформаси.

3. Таянч ўрта таълим тўғрисидаги шаҳодатнома таълим ташкилотларининг 10-синфида ўқишни давом эттириш ҳамда Ўзбекистон Республикаси ҳудудидаги ва таълим йўналиши бўйича халқаро битим имзолаган давлатлар ҳудудидаги академик лицейлар ва касб-ҳунар мактабларига, умумий ўрта таълим тўғрисидаги шаҳодатнома коллежлар, техникумлар ва олий таълим ташкилотларига кириш учун ҳужжатларни топшириш ҳамда танлов натижаларига кўра таълим олишни давом эттириш ҳуқуқини беради.

4. Битирувчиларга қуйидаги турдаги шаҳодатномалар берилади:

а) таянч ўрта таълим тўғрисида шаҳодатнома (9-синф);

таянч ўрта таълим тўғрисидаги аъло даражали шаҳодатнома (9-синф);

б) умумий ўрта таълим тўғрисидаги шаҳодатнома (11-синф);

умумий ўрта таълим тўғрисида (кумуш медаль билан) шаҳодатнома (11-синф);

умумий ўрта таълим тўғрисидаги аъло даражали (олтин медаль билан) шаҳодатнома (11-синф);

в) психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги сертификат.

5. Шаҳодатнома белгиланган намуна бўйича ўзбек ва инглиз тилларида шакллантирилади.

6. Битирувчиларга шаҳодатнома мазкур Низомга иловадаги схемага мувофиқ берилади.

2-боб. Буюртмаларни бериш ва шаҳодатномаларни шакллантириш

7. Битирувчиларга шаҳодатнома синф журналлари (электрон журнал), якуний давлат аттестацияси натижалари ва педагогик кенгаш қарори асосида берилади.

Шаҳодатномага ўқув фанлари таълим ташкилотлари учун мўлжалланган ўқув дастури ва режадаги фанлар асосида киритилади.

8. Буюртма бериш ва шаҳодатномани шакллантириш электрон платформа орқали амалга оширилади.

9. Тизимида таълим ташкилотлари бўлган вазирликлар ва идоралар, вазирликнинг Қорақалпоғистон Республикаси, вилоятлар ва Тошкент шаҳридаги бошқармалари (кейинги ўринларда — ҳудудий бошқармалар), туман (шаҳар) бўлимлари ва таълим ташкилотларида электрон платформадан фойдаланиш, шаҳодатномани шакллантириш, сақлаш, пухта ишлаб чиқиш ва назорат қилиш бўйича масъул ходимлар (кейинги ўринларда — масъул шахслар) белгиланади.

Масъул шахслар бошқа ишга ўтганда ёки лавозимидан озод этилганда, мазкур вазифалар бошқа шахсларга юкланади.

10. Вазирлик, ҳудудий бошқармалар ҳамда туман (шаҳар) бўлимлари таълим ташкилотларининг Ягона идентификация тизимидан рўйхатдан ўтган масъул шахсларига электрон платформадан фойдаланиш ҳуқуқи берилади.

11. Ҳар йили 1 декабрга қадар таълим ташкилотининг масъул шахслари томонидан битирувчи ҳақида қуйидаги маълумотларни электрон платформага киритиш орқали буюртма шакллантирилади:

шахсини тасдиқловчи ҳужжатлар тўғрисидаги маълумотлар (ID-карта, паспорт ёки туғилганлик тўғрисидаги гувоҳнома серияси ва рақами);

жисмоний шахснинг шахсий идентификация рақами (ЖШШИР);

фамилияси, исми, отасининг исми, туғилган санаси ва жинси ҳақидаги маълумотлар;

шаҳодатнома тури.

12. Ҳар йили 25 майга қадар таълим ташкилотининг масъул шахслари томонидан электрон платформадаги маълумотлар янгилаб борилади. Бунда:

ўқувчилар сафидан чиқарилган битирувчи ҳақидаги маълумотлар электрон платформадан ўчирилади;

ўқувчилар сафига қабул қилинган битирувчи ҳақидаги маълумотлар электрон платформага киритилади.

13. Таълим ташкилоти директори, туман (шаҳар) бўлими мудири ва ҳудудий бошқарма бошлиғи ҳар йили 30 майга қадар буюртмаларнинг давлат статистика ҳисоботи кўрсаткичига мос келишини текшириб, электрон платформа орқали тасдиқлайди.

14. Вазирлик буюртмалар асосида шаҳодатномаларнинг серияси ва тартиб рақамини электрон платформа орқали ажратади.

15. Ҳар йили 15 июнга қадар таълим ташкилотининг педагогик кенгаши битирувчиларга шаҳодатнома бериш тўғрисида қарор қабул қилади.

16. Ҳар йили 20 июнга қадар якуний аттестация натижалари, педагогик кенгаш қарори ва синф журналлари (электрон журнал) асосида масъул шахслар электрон платформага ўқув фанларидан якуний баҳоларни киритади ва ушбу маълумотлар таълим ташкилоти директори томонидан электрон платформа орқали тасдиқланади.

17. Битирувчи ҳақидаги маълумотлар таълим ташкилоти директори томонидан электрон платформа орқали тасдиқлангандан сўнг шаҳодатнома автоматик тарзда шакллантирилади ва унга QR-код тасвири туширилади.

Таълим ташкилоти директори томонидан тасдиқланмаган ва QR-код тасвири бўлмаган шаҳодатномалар ҳақиқий ҳисобланмайди.

Таълим ташкилоти директори томонидан тасдиқланган ва QR-код тасвири туширилган шаҳодатномани электрон платформа орқали ўзгартиришга йўл қўйилмайди.

18. Якуний давлат аттестацияларини экстернат тартибида топширган шахслар шаҳодатномасининг юқори қисми ўнг бурчагига «экстерн» сўзи ёзилади.

3-боб. Шаҳодатномаларни битирувчиларга бериш

19. Шаҳодатномаларни битирувчиларга ҳар йили 20 июнга қадар берилади.

20. Битирувчилар шаҳодатномани электрон платформадан шахсини тасдиқловчи ҳужжатлар тўғрисидаги маълумотларни (ID-карта, паспорт ёки туғилганлик тўғрисидаги гувоҳнома серияси ва рақами) киритиш орқали бепул юклаб олади.

Электрон платформадан юклаб олинган шаҳодатномалар йўқолган ёки яроқсиз ҳолга келган тақдирда, битирувчиларга дубликат шаҳодатнома берилмайди. Битирувчилар шаҳодатномани электрон платформадан бепул қайта юклаб олади.

Шаҳодатномаси бузилган ёки фамилияси, исми, отасининг исми ўзгарган битирувчилар умумий ўрта таълим тўғрисидаги расмий давлат ҳужжат дубликатини бериш бўйича давлат хизматидан фойдаланиш орқали дубликат шаҳодатнома олади.

Туман (шаҳар) бўлимлари Интернет жаҳон ахборот тармоғи етиб бормаган олис ва чекка ҳудудларда жойлашган таълим ташкилотларига шаҳодатномаларни электрон платформадан юклаб олиб, чоп этган ҳолда тақдим этади.

21. Битирувчилар шаҳодатномасини олгандан сўнг тегишли йилнинг 1 октябрига қадар уларга берилган шаҳодатномада хатолик (фамилияси, исми, отасининг исми, туғилган санасида, ўқув фанларида, баҳосида) борлиги аниқланган тақдирда, электрон платформа орқали ёки таълим ташкилотига бу ҳақда мурожаат қилади.

22. Таълим ташкилоти битирувчи мурожаатини кўриб чиқиб, аниқланган хатоликни бартараф қилган ҳолда, электрон платформа орқали QR-код тасвири туширилган янги шаҳодатномани шакллантирилади ёки хатолик асослантирилмаган тақдирда, янги шаҳодатнома беришни рад этади.

Янги шакллантирилган шаҳодатнома дубликат ҳисобланмайди.

23. Шаҳодатномаларни шакллантириш жараёнида хатоликларга йўл қўйган масъул шахсларга нисбатан интизомий жазо чоралари кўрилади.

Бузилган шаҳодатномалар тўғрисида таълим ташкилотида далолатнома тузилади.

Таълим ташкилоти далолатномага бузилган шаҳодатнома ва асословчи ҳужжатларни илова қилган ҳолда, электрон платформада туман (шаҳар) бўлими орқали ҳудудий бошқармага юборади.

24. Ҳудудий бошқармалар томонидан бузилган шаҳодатномалар ва уларнинг серия ва тартиб рақами электрон платформа орқали бекор қилинади.

25. Таълим ташкилотлари ҳар йили 1 июлга қадар битирувчиларга берилган шаҳодатноманинг ҳисоботларини электрон платформадан юклаб олади ва реестрини юритиб боради.

5-боб. Якунловчи қоидалар

26. Электрон платформага маълумотларнинг тўғри киритилиши, жумладан, битирувчиларнинг баҳолари ҳаққоний қўйилиши бўйича жавобгарлик шахсан таълим ташкилоти директорига юкланади.

27. Ушбу Низомни қўллашда юзага келадиган низолар қонунчиликда белгиланган тартибда ҳал этилади.

28. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавоб берадилар.

Умумий ўрта таълим тўғрисида электрон шаҳодатномаларни бериш тартиби тўғрисидаги низомга ИЛОВА

Электрон шаҳодатномаларга буюртма бериш, уларни шакллантириш ҳамда битирувчиларга бериш

Босқичлар Субъектлар Тадбирлар Муддат 1-босқич Таълим ташкилоти 1. Битирувчи ҳақидаги маълумотларни электрон платформага киритиш орқали буюртмани шакллантиради. Ҳар йили 1 декабрга қадар 2. Битирувчи тўғрисидаги маълумотларни электрон платформа орқали янгилаб боради. Ҳар йили 25 майга қадар 2-босқич Туман (шаҳар) халқ таълими бўлими ва ҳудудий бошқарма 1. Буюртмаларнинг давлат статистика ҳисоботи кўрсаткичига мос келишини текширади ва электрон платформа орқали тасдиқлайди. Ҳар йили 30 майга қадар 2. Таълим ташкилоти педагогик кенгаши битирувчиларга шаҳодатнома бериш тўғрисида қарор қабул қилади. Ҳар йили 15 июнга қадар 3-босқич Халқ таълими вазирлиги Буюртмалар асосида электрон шаҳодатномага серия ва тартиб рақами ажратилади. Буюртма келиб тушиши билан 4-босқич Таълим ташкилоти 1. Электрон платформага ўқув фанларидан якуний баҳоларни киритади ва тасдиқлайди. 2. Шаҳодатномаларни битирувчиларга беради. Ҳар йили 20 июнга қадар 5-босқич «Электрон шаҳодатнома» ахборот тизими QR-код тасвири туширилган шаҳодатномалар шакллантирилади. Якуний баҳолар тасдиқланиши билан 6-босқич Битирувчи Шаҳодатномани «Электрон шаҳодатнома» ахборот тизимидан юклаб олади. Ўз хоҳишига кўра 7-босқич Таълим ташкилоти Таълим ташкилотлари битирувчиларга берилган шаҳодатномаларнинг ҳисоботларини электрон платформадан юклаб олади ва реестрини юритиб боради. Ҳар йили 1 июлга қадар

Ўзбекистон Республикасининг Бош вазири А. АРИПОВ

Тошкент ш.,

2023 йил 31 январь,

44-сон

(Қонунчилик маълумотлари миллий базаси, 01.02.2023 й., 09/23/44/0066-сон; 25.08.2026 й., 09/26/456/0870-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Umumiy oʻrta taʼlim toʻgʻrisidagi elektron shahodatnomaning davlat namunasini tasdiqlash haqida

Umumiy oʻrta taʼlim toʻgʻrisidagi elektron shahodatnomaning davlat namunasi shakli

Oʻzbekiston Respublikasi Prezidentining “2022 — 2026-yillarda xalq taʼlimini rivojlantirish boʻyicha milliy dasturni tasdiqlash toʻgʻrisida” 2022-yil 11-maydagi PF-134-son Farmoni ijrosini taʼminlash va umumiy oʻrta taʼlim toʻgʻrisidagi elektron shahodatnomaning davlat namunasini tasdiqlash maqsadida Vazirlar Mahkamasi qaror qiladi:

1. Quyidagilar:

Tayanch oʻrta taʼlim toʻgʻrisidagi elektron shahodatnomaning davlat namunasi shakli 1-ilovaga muvofiq;

Umumiy oʻrta taʼlim toʻgʻrisidagi elektron shahodatnomaning davlat namunasi shakli 2-ilovaga muvofiq;

Psixik rivojlanishida nuqsoni boʻlgan bolalar uchun ixtisoslashtirilgan maktabni (maktab-internat) tamomlaganlik toʻgʻrisidagi elektron sertifikat namunasi shakli 3-ilovaga muvofiq;

Umumiy oʻrta taʼlim toʻgʻrisida elektron shahodatnomalarni berish tartibi haqidagi nizom 4-ilovaga muvofiq tasdiqlansin.

2. Oʻzbekiston Respublikasi Maktabgacha va maktab taʼlimi vazirligi:

ikki oy muddatda Raqamli texnologiyalar vazirligi bilan birgalikda “Elektron shahodatnoma” axborot tizimini ishlab chiqsin;

2022/2023 oʻquv yili yakunidan boshlab, shuningdek tizimida umumiy oʻrta taʼlim tashkilotlari boʻlgan vazirliklar va idoralar bilan birgalikda davlat va nodavlat taʼlim tashkilotlarida “Elektron shahodatnoma” axborot tizimiga bitiruvchilar haqidagi maʼlumotlar kiritib borilishini taʼminlasin;

2023-yil 20-aprelga qadar “Elektron shahodatnoma” axborot tizimini “Elektron hukumat” tizimi idoralararo integratsiyalashuv platformasi orqali Bilim va malakalarni baholash agentligining “ABITUR” maxsus elektron dasturiga integratsiyalashtirsin.

3. Belgilab qoʻyilsinki, Elektron shahodatnoma” axborot tizimini ishga tushirish va keyinchalik qoʻllab-quvvatlash Maktabgacha va maktab taʼlimi sohasidagi islohotlarga koʻmaklashish jamgʻarmasi mablagʻlari hisobidan moliyalashtiriladi.

4. Oʻzbekiston Respublikasi Vazirlar Mahkamasining “Umumiy oʻrta taʼlim toʻgʻrisidagi rasmiy hujjatlarning davlat namunasini tasdiqlash haqida” 2019-yil 13-maydagi 393-son qarori oʻz kuchini yoʻqotgan deb hisoblansin.

5. Oʻzbekiston Respublikasi Maktabgacha va maktab taʼlimi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi maktabgacha va maktab taʼlimi vaziri X.U. Umarova hamda raqamli texnologiyalar vaziri Sh.X. Shermatov zimmasiga yuklansin.

Vazirlar Mahkamasining 2023-yil 31-yanvardagi 44-son qaroriga 1-ILOVA

Tayanch oʻrta taʼlim toʻgʻrisidagi elektron shahodatnomaning davlat namunasi shakli

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI REPUBLIC OF UZBEKISTAN ________________________________________________________________________________ TAYANCH OʻRTA TAʼLIM TOʻGʻRISIDA S H A H O D A T N O M A ‎CERTIFICATE OF BASIC SECONDARY EDUCATION TM № 00000000 ‎ ‎Ushbu shahodatnoma / This is to certify that ________________________________________________ (familiyasi, ismi, otasining ismi / surname, given name(s), patronymic) ________________ yilda ___________________________________________________ ‎ (berilgan yili / year of issue) ‎ (berilgan joyi / place of issue) ‎ ‎ ______________________________________________________________________ni (taʼlim tashkiloti / educational organization) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ bitirganligi va tayanch oʻrta taʼlim olganligini tasdiqlaydi. ‎completed and received Basic Secondary Education. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Belgilangan oʻquv fanlaridan bilimi quyidagicha baholandi: ‎The following subjects were assessed: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Oʻquv fanlari Bahosi ‎ № Subjects Score ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Direktor / Director ______________________ ‎ ‎ ‎ ‎ ‎ ‎ ‎ ‎ Berilgan sana / ‎ Date of issue ‎__________ ‎ ‎ ‎ (familiyasi, ismi, otasining ismi / surname, given name(s), patronymic) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI REPUBLIC OF UZBEKISTAN ________________________________________________________________________________ TAYANCH OʻRTA TAʼLIM TOʻGʻRISIDA AʼLO DARAJALI S H A H O D A T N O M A CERTIFICATE OF BASIC SECONDARY EDUCATION WITH HONOURS TM-A № 00000000 ‎ ‎Ushbu shahodatnoma / This is to certify that ________________________________________________ (familiyasi, ismi, otasining ismi / surname, given name(s), patronymic) ________________ yilda ___________________________________________________ ‎ (berilgan yili / year of issue) ‎ (berilgan joyi / place of issue) ‎ ‎ ______________________________________________________________________ni (taʼlim tashkiloti / educational organization) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ bitirganligi va tayanch oʻrta taʼlim olganligini tasdiqlaydi. ‎completed and received Basic Secondary Education. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Belgilangan oʻquv fanlaridan bilimi quyidagicha baholandi: ‎The following subjects were assessed: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Oʻquv fanlari Bahosi ‎ № Subjects Score ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Direktor / Director ______________________ ‎ ‎ ‎ ‎ ‎ ‎ ‎ ‎ Berilgan sana / ‎ Date of issue ‎__________ ‎ ‎ ‎ (familiyasi, ismi, otasining ismi / surname, given name(s), patronymic) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Tayanch oʻrta taʼlim toʻgʻrisidagi elektron shahodatnomaning tavsifi

Tayanch oʻrta taʼlim toʻgʻrisidagi elektron shahodatnoma A4 (210x297 mm) oʻlchamli koʻrinishga ega. Uning yuqori qismiga “OʻZBEKISTON RESPUBLIKASI, REPUBLIC OF UZBEKISTAN”, quyi qismiga “TAYANCH OʻRTA TAʼLIM TOʻGʻRISIDA SHAHODATNOMA, CERTIFICATE OF BASIC SECONDARY EDUCATION”, aʼlo darajali shahodatnomaga “TAYANCH OʻRTA TAʼLIM TOʻGʻRISIDA AʼLO DARAJALI SHAHODATNOMA, CERTIFICATE OF BASIC SECONDARY EDUCATION WITH HONOURS” soʻzlari yoziladi va markaziga Oʻzbekiston Respublikasi Davlat gerbi tasviri tushiriladi.

Tayanch oʻrta taʼlim toʻgʻrisidagi elektron shahodatnomada “TM”, aʼlo darajali shahodatnomada “TM-A” harfi va sakkizta raqamli tartib raqami yoziladi.

Tayanch oʻrta taʼlim toʻgʻrisidagi elektron shahodatnomaga QR-kod tasviri tushiriladi.

Oʻzbekiston Respublikasi Maktabgacha va maktab taʼlimi vazirligi tomonidan Tayanch oʻrta taʼlim toʻgʻrisidagi elektron shahodatnomaning davlat namunasi va tavsifiga oʻzgartirish hamda qoʻshimchalar kiritilishi mumkin.

Vazirlar Mahkamasining 2023-yil 31-yanvardagi 44-son qaroriga 2-ILOVA

OʻZBEKISTON RESPUBLIKASI REPUBLIC OF UZBEKISTAN UMUMIY OʻRTA TAʼLIM TOʻGʻRISIDA S H A H O D A T N O M A CERTIFICATE OF GENERAL SECONDARY EDUCATION UM № 00000000 Ushbu shahodatnoma / This is to certify that ________________________________ (familiyasi, ismi, otasining ismi / surname, given name(s), patronymic) ________ ______ _____ yilda ___________________________________________________ (berilgan yili / year of issue) (berilgan joyi / place of issue) _________________________________________________________________________ ni (taʼlim tashkiloti / educational organization) bitirganligi va umumiy oʻrta taʼlim olganligini tasdiqlaydi. completed and received General Secondary Education. Belgilangan oʻquv fanlaridan bilimi quyidagicha baholandi: The following subjects were assessed: T/r Oʻquv fanlari Bahosi No Subjects Score ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument Direktor / Director ____ _______ __________________ (familiyasi, ismi, otasining ismi / surname, given name(s), patronymic) QR-kod Berilgan sana / Date of issue ___________

OʻZBEKISTON RESPUBLIKASI REPUBLIC OF UZBEKISTAN UMUMIY OʻRTA TAʼLIM TOʻGʻRISIDA S H A H O D A T N O M A CERTIFICATE OF GENERAL SECONDARY EDUCATION UM № 00000000 Ushbu shahodatnoma / This is to certify that ________________________________ (familiyasi, ismi, otasining ismi / surname, given name(s), patronymic) ________ ______ _____ yilda ___________________________________________________ (berilgan yili / year of issue) (berilgan joyi / place of issue) _________________________________________________________________________ ni (taʼlim tashkiloti / educational organization) bitirganligi va umumiy oʻrta taʼlim olganligini tasdiqlaydi. completed and received General Secondary Education. “Oʻqishdagi muvaffaqiyatlari uchun KUMUSH medal bilan taqdirlandi” Belgilangan oʻquv fanlaridan bilimi quyidagicha baholandi: The following subjects were assessed: T/r Oʻquv fanlari Bahosi No Subjects Score ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument Direktor / Director ____ _______ __________________ (familiyasi, ismi, otasining ismi / surname, given name(s), patronymic) QR-kod Berilgan sana / Date of issue ___________

OʻZBEKISTON RESPUBLIKASI REPUBLIC OF UZBEKISTAN UMUMIY OʻRTA TAʼLIM TOʻGʻRISIDA S H A H O D A T N O M A CERTIFICATE OF GENERAL SECONDARY EDUCATION UM № 00000000 Ushbu shahodatnoma / This is to certify that ________________________________ (familiyasi, ismi, otasining ismi / surname, given name(s), patronymic) ________ ______ _____ yilda ___________________________________________________ (berilgan yili / year of issue) (berilgan joyi / place of issue) _________________________________________________________________________ ni (taʼlim tashkiloti / educational organization) bitirganligi va umumiy oʻrta taʼlim olganligini tasdiqlaydi. completed and received General Secondary Education. “Oʻqishdagi muvaffaqiyatlari uchun OLTIN medal bilan taqdirlandi” Belgilangan oʻquv fanlaridan bilimi quyidagicha baholandi: The following subjects were assessed: T/r Oʻquv fanlari Bahosi No Subjects Score ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument Direktor / Director ____ _______ __________________ (familiyasi, ismi, otasining ismi / surname, given name(s), patronymic) QR-kod Berilgan sana / Date of issue ___________

Umumiy oʻrta taʼlim toʻgʻrisidagi elektron shahodatnomaning tavsifi

Umumiy oʻrta taʼlim toʻgʻrisidagi elektron shahodatnoma A4 (210x297mm) oʻlchamli koʻrinishga ega. Uning yuqori qismiga “O ʻ ZBEKISTON RESPUBLIKASI, REPUBLIC OF UZBEKISTAN”, quyi qismiga “UMUMIY O ʻ RTA TAʼLIM TO ʻ G ʻ RISIDA SHAHODATNOMA, CERTIFICATE OF GENERAL SECONDARY EDUCATION” aʼlo darajali shahodatnomaga “UMUMIY O ʻ RTA TAʼLIM TO ʻ G ʻ RISIDA AʼLO DARAJALI SHAHODATNOMA, CERTIFICATE OF GENERAL SECONDARY EDUCATION WITH HONOURS” soʻzlari yoziladi va markaziga Oʻzbekiston Respublikasi Davlat gerbi tasviri tushiriladi.

Umumiy oʻrta taʼlim toʻgʻrisidagi elektron shahodatnomada “UM”, kumush medal bilan shahodatnomada “UM-K”, aʼlo darajali oltin medal bilan shahodatnomada “UM-O” harfi va sakkizta raqamli tartib raqami yoziladi.

Umumiy oʻrta taʼlim toʻgʻrisidagi elektron shahodatnomaga QR-kod tasviri tushiriladi.

Oʻzbekiston Respublikasi Maktabgacha va maktab taʼlimi vazirligi tomonidan Umumiy oʻrta taʼlim toʻgʻrisidagi elektron shahodatnomaning davlat namunasi va tavsifiga oʻzgartirish hamda qoʻshimchalar kiritilishi mumkin.

Vazirlar Mahkamasining 2023-yil 31-yanvardagi 44-son qaroriga 3-ILOVA

Psixik rivojlanishida nuqsoni boʻlgan bolalar uchun ixtisoslashtirilgan maktabni (maktab-internat) tamomlaganlik toʻgʻrisidagi elektron sertifikat namunasi shakli

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI REPUBLIC OF UZBEKISTAN S E R T I F I K A T CERTIFICATE S № 00000000 ‎ ‎Ushbu sertifikat / This is to certify that ________________________________________________ (familiyasi, ismi, otasining ismi / surname, given name(s), patronymic) ________________ yilda ___________________________________________________ ‎ (berilgan yili / year of issue) ‎ (berilgan joyi / place of issue) ‎ ‎ _______________________________________________________________________ni (taʼlim tashkiloti / educational organization) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ bitirganligini tasdiqlaydi. ‎sompleted. Belgilangan oʻquv fanlaridan bilimi quyidagicha baholandi: ‎The following subjects were assessed: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Oʻquv fanlari Bahosi ‎ № Subjects Score ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________ musiqa cholgʻusida kuy ijro etish koʻnikmasiga ega / has the ability to play a melody on a musical instrument ‎ ‎Direktor / Director ______________________ ‎ ‎ ‎ ‎ ‎ ‎‎‏‎‏‎‎‎‎ Berilgan sana / Date of issue ‎ ‎ ____________ ‎ ‎ (familiyasi, ismi, otasining ismi / surname, given name(s), patronymic) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Psixik rivojlanishida nuqsoni boʻlgan bolalar uchun ixtisoslashtirilgan maktabni (maktab-internat) tamomlaganlik toʻgʻrisidagi elektron sertifikatning tavsifi

Psixik rivojlanishida nuqsoni boʻlgan bolalar uchun ixtisoslashtirilgan maktabni (maktab-internat) tamomlaganlik toʻgʻrisidagi elektron sertifikat A4 (210x297mm) oʻlchamli koʻrinishga ega. Uning yuqori qismiga “OʻZBEKISTON RESPUBLIKASI, REPUBLIC OF UZBEKISTAN”, quyi qismiga “SERTIFIKAT, CERTIFICATE” soʻzi yoziladi va markaziga Oʻzbekiston Respublikasi Davlat gerbi tasviri tushiriladi.

Psixik rivojlanishida nuqsoni boʻlgan bolalar uchun ixtisoslashtirilgan maktabni (maktab-internat) tamomlaganlik toʻgʻrisidagi elektron sertifikatda S harfi va sakkizta raqamli tartib raqami yoziladi.

Psixik rivojlanishida nuqsoni boʻlgan bolalar uchun ixtisoslashtirilgan maktabni (maktab-internat) tamomlaganlik toʻgʻrisidagi elektron sertifikatga QR-kod tasviri tushiriladi.

Oʻzbekiston Respublikasi Maktabgacha va maktab taʼlimi vazirligi tomonidan elektron sertifikatning davlat namunasi va tavsifiga oʻzgartirish hamda qoʻshimchalar kiritilishi mumkin.

Vazirlar Mahkamasining 2023-yil 31-yanvardagi 44-son qaroriga 4-ILOVA

Umumiy oʻrta taʼlim toʻgʻrisidagi elektron shahodatnomalarni berish tartibi haqida

1-bob. Umumiy qoidalar

1. Mazkur Nizom umumiy oʻrta taʼlim tashkilotlari (keyingi oʻrinlarda — taʼlim tashkiloti) tomonidan umumiy oʻrta taʼlim toʻgʻrisidagi elektron shahodatnomaga buyurtma berish, uni shakllantirish, saqlash va bitiruvchilarga berish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

bitiruvchi — taʼlim tashkilotining 9 yoki 11-sinfini tugatgan, taʼlim dasturlarini davlat taʼlim standartlari talablari darajasida oʻzlashtirgan va oʻquv fanlaridan yil yakuni boʻyicha ijobiy baholangan, yakuniy davlat attestatsiyasini muvaffaqiyatli topshirgan oʻquvchilar;

buyurtma — taʼlim tashkiloti tomonidan taʼlim tashkiloti bitiruvchilariga beriladigan shahodatnomalarga Oʻzbekiston Respublikasi Maktabgacha va maktab taʼlimi vazirligiga (keyingi oʻrinlarda — vazirlik) “elektron shahodatnoma” axborot tizimi orqali yuboriladigan talabnoma;

shahodatnoma — umumiy hamda tayanch oʻrta taʼlim toʻgʻrisidagi rasmiy davlat hujjati;

“Elektron shahodatnoma” axborot tizimi (keyingi oʻrinlarda — elektron platforma) — vazirlikning taʼlim tashkiloti bitiruvchilari haqidagi maʼlumotlarni kiritish va ularga beriladigan shahodatnomaga buyurtma berish, uni shakllantirish, puxta ishlab chiqish, saqlash va bitiruvchilar tomonidan yuklab olish hamda hisobotlarni yuritish jarayonlarini amalga oshirish imkoniyatini beradigan elektron platformasi.

3. Tayanch oʻrta taʼlim toʻgʻrisidagi shahodatnoma taʼlim tashkilotlarining 10-sinfida oʻqishni davom ettirish hamda Oʻzbekiston Respublikasi hududidagi va taʼlim yoʻnalishi boʻyicha xalqaro bitim imzolagan davlatlar hududidagi akademik litseylar va kasb-hunar maktablariga, umumiy oʻrta taʼlim toʻgʻrisidagi shahodatnoma kollejlar, texnikumlar va oliy taʼlim tashkilotlariga kirish uchun hujjatlarni topshirish hamda tanlov natijalariga koʻra taʼlim olishni davom ettirish huquqini beradi.

4. Bitiruvchilarga quyidagi turdagi shahodatnomalar beriladi:

a) tayanch oʻrta taʼlim toʻgʻrisida shahodatnoma (9-sinf);

tayanch oʻrta taʼlim toʻgʻrisidagi aʼlo darajali shahodatnoma (9-sinf);

b) umumiy oʻrta taʼlim toʻgʻrisidagi shahodatnoma (11-sinf);

umumiy oʻrta taʼlim toʻgʻrisida (kumush medal bilan) shahodatnoma (11-sinf);

umumiy oʻrta taʼlim toʻgʻrisidagi aʼlo darajali (oltin medal bilan) shahodatnoma (11-sinf);

v) psixik rivojlanishida nuqsoni boʻlgan bolalar uchun ixtisoslashtirilgan maktabni (maktab-internat) tamomlaganlik toʻgʻrisidagi sertifikat.

5. Shahodatnoma belgilangan namuna boʻyicha oʻzbek va ingliz tillarida shakllantiriladi.

6. Bitiruvchilarga shahodatnoma mazkur Nizomga ilovadagi sxemaga muvofiq beriladi.

2-bob. Buyurtmalarni berish va shahodatnomalarni shakllantirish

7. Bitiruvchilarga shahodatnoma sinf jurnallari (elektron jurnal), yakuniy davlat attestatsiyasi natijalari va pedagogik kengash qarori asosida beriladi.

Shahodatnomaga oʻquv fanlari taʼlim tashkilotlari uchun moʻljallangan oʻquv dasturi va rejadagi fanlar asosida kiritiladi.

8. Buyurtma berish va shahodatnomani shakllantirish elektron platforma orqali amalga oshiriladi.

9. Tizimida taʼlim tashkilotlari boʻlgan vazirliklar va idoralar, vazirlikning Qoraqalpogʻiston Respublikasi, viloyatlar va Toshkent shahridagi boshqarmalari (keyingi oʻrinlarda — hududiy boshqarmalar), tuman (shahar) boʻlimlari va taʼlim tashkilotlarida elektron platformadan foydalanish, shahodatnomani shakllantirish, saqlash, puxta ishlab chiqish va nazorat qilish boʻyicha masʼul xodimlar (keyingi oʻrinlarda — masʼul shaxslar) belgilanadi.

Masʼul shaxslar boshqa ishga oʻtganda yoki lavozimidan ozod etilganda, mazkur vazifalar boshqa shaxslarga yuklanadi.

10. Vazirlik, hududiy boshqarmalar hamda tuman (shahar) boʻlimlari taʼlim tashkilotlarining Yagona identifikatsiya tizimidan roʻyxatdan oʻtgan masʼul shaxslariga elektron platformadan foydalanish huquqi beriladi.

11. Har yili 1-dekabrga qadar taʼlim tashkilotining masʼul shaxslari tomonidan bitiruvchi haqida quyidagi maʼlumotlarni elektron platformaga kiritish orqali buyurtma shakllantiriladi:

shaxsini tasdiqlovchi hujjatlar toʻgʻrisidagi maʼlumotlar (ID-karta, pasport yoki tugʻilganlik toʻgʻrisidagi guvohnoma seriyasi va raqami);

jismoniy shaxsning shaxsiy identifikatsiya raqami (JSHSHIR);

familiyasi, ismi, otasining ismi, tugʻilgan sanasi va jinsi haqidagi maʼlumotlar;

shahodatnoma turi.

12. Har yili 25-mayga qadar taʼlim tashkilotining masʼul shaxslari tomonidan elektron platformadagi maʼlumotlar yangilab boriladi. Bunda:

oʻquvchilar safidan chiqarilgan bitiruvchi haqidagi maʼlumotlar elektron platformadan oʻchiriladi;

oʻquvchilar safiga qabul qilingan bitiruvchi haqidagi maʼlumotlar elektron platformaga kiritiladi.

13. Taʼlim tashkiloti direktori, tuman (shahar) boʻlimi mudiri va hududiy boshqarma boshligʻi har yili 30-mayga qadar buyurtmalarning davlat statistika hisoboti koʻrsatkichiga mos kelishini tekshirib, elektron platforma orqali tasdiqlaydi.

14. Vazirlik buyurtmalar asosida shahodatnomalarning seriyasi va tartib raqamini elektron platforma orqali ajratadi.

15. Har yili 15-iyunga qadar taʼlim tashkilotining pedagogik kengashi bitiruvchilarga shahodatnoma berish toʻgʻrisida qaror qabul qiladi.

16. Har yili 20-iyunga qadar yakuniy attestatsiya natijalari, pedagogik kengash qarori va sinf jurnallari (elektron jurnal) asosida masʼul shaxslar elektron platformaga oʻquv fanlaridan yakuniy baholarni kiritadi va ushbu maʼlumotlar taʼlim tashkiloti direktori tomonidan elektron platforma orqali tasdiqlanadi.

17. Bitiruvchi haqidagi maʼlumotlar taʼlim tashkiloti direktori tomonidan elektron platforma orqali tasdiqlangandan soʻng shahodatnoma avtomatik tarzda shakllantiriladi va unga QR-kod tasviri tushiriladi.

Taʼlim tashkiloti direktori tomonidan tasdiqlanmagan va QR-kod tasviri boʻlmagan shahodatnomalar haqiqiy hisoblanmaydi.

Taʼlim tashkiloti direktori tomonidan tasdiqlangan va QR-kod tasviri tushirilgan shahodatnomani elektron platforma orqali oʻzgartirishga yoʻl qoʻyilmaydi.

18. Yakuniy davlat attestatsiyalarini eksternat tartibida topshirgan shaxslar shahodatnomasining yuqori qismi oʻng burchagiga “ekstern” soʻzi yoziladi.

3-bob. Shahodatnomalarni bitiruvchilarga berish

19. Shahodatnomalarni bitiruvchilarga har yili 20-iyunga qadar beriladi.

20. Bitiruvchilar shahodatnomani elektron platformadan shaxsini tasdiqlovchi hujjatlar toʻgʻrisidagi maʼlumotlarni (ID-karta, pasport yoki tugʻilganlik toʻgʻrisidagi guvohnoma seriyasi va raqami) kiritish orqali bepul yuklab oladi.

Elektron platformadan yuklab olingan shahodatnomalar yoʻqolgan yoki yaroqsiz holga kelgan taqdirda, bitiruvchilarga dublikat shahodatnoma berilmaydi. Bitiruvchilar shahodatnomani elektron platformadan bepul qayta yuklab oladi.

Shahodatnomasi buzilgan yoki familiyasi, ismi, otasining ismi oʻzgargan bitiruvchilar umumiy oʻrta taʼlim toʻgʻrisidagi rasmiy davlat hujjat dublikatini berish boʻyicha davlat xizmatidan foydalanish orqali dublikat shahodatnoma oladi.

Tuman (shahar) boʻlimlari Internet jahon axborot tarmogʻi yetib bormagan olis va chekka hududlarda joylashgan taʼlim tashkilotlariga shahodatnomalarni elektron platformadan yuklab olib, chop etgan holda taqdim etadi.

21. Bitiruvchilar shahodatnomasini olgandan soʻng tegishli yilning 1-oktabriga qadar ularga berilgan shahodatnomada xatolik (familiyasi, ismi, otasining ismi, tugʻilgan sanasida, oʻquv fanlarida, bahosida) borligi aniqlangan taqdirda, elektron platforma orqali yoki taʼlim tashkilotiga bu haqda murojaat qiladi.

22. Taʼlim tashkiloti bitiruvchi murojaatini koʻrib chiqib, aniqlangan xatolikni bartaraf qilgan holda, elektron platforma orqali QR-kod tasviri tushirilgan yangi shahodatnomani shakllantiriladi yoki xatolik asoslantirilmagan taqdirda, yangi shahodatnoma berishni rad etadi.

Yangi shakllantirilgan shahodatnoma dublikat hisoblanmaydi.

23. Shahodatnomalarni shakllantirish jarayonida xatoliklarga yoʻl qoʻygan masʼul shaxslarga nisbatan intizomiy jazo choralari koʻriladi.

Buzilgan shahodatnomalar toʻgʻrisida taʼlim tashkilotida dalolatnoma tuziladi.

Taʼlim tashkiloti dalolatnomaga buzilgan shahodatnoma va asoslovchi hujjatlarni ilova qilgan holda, elektron platformada tuman (shahar) boʻlimi orqali hududiy boshqarmaga yuboradi.

24. Hududiy boshqarmalar tomonidan buzilgan shahodatnomalar va ularning seriya va tartib raqami elektron platforma orqali bekor qilinadi.

25. Taʼlim tashkilotlari har yili 1-iyulga qadar bitiruvchilarga berilgan shahodatnomaning hisobotlarini elektron platformadan yuklab oladi va reyestrini yuritib boradi.

5-bob. Yakunlovchi qoidalar

26. Elektron platformaga maʼlumotlarning toʻgʻri kiritilishi, jumladan, bitiruvchilarning baholari haqqoniy qoʻyilishi boʻyicha javobgarlik shaxsan taʼlim tashkiloti direktoriga yuklanadi.

27. Ushbu Nizomni qoʻllashda yuzaga keladigan nizolar qonunchilikda belgilangan tartibda hal etiladi.

28. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradilar.

Umumiy oʻrta taʼlim toʻgʻrisida elektron shahodatnomalarni berish tartibi toʻgʻrisidagi nizomga ILOVA

Elektron shahodatnomalarga buyurtma berish, ularni shakllantirish hamda bitiruvchilarga berish

Bosqichlar Subyektlar Tadbirlar Muddat 1-bosqich Taʼlim tashkiloti 1. Bitiruvchi haqidagi maʼlumotlarni elektron platformaga kiritish orqali buyurtmani shakllantiradi. Har yili 1-dekabrga qadar 2. Bitiruvchi toʻgʻrisidagi maʼlumotlarni elektron platforma orqali yangilab boradi. Har yili 25-mayga qadar 2-bosqich Tuman (shahar) xalq taʼlimi boʻlimi va hududiy boshqarma 1. Buyurtmalarning davlat statistika hisoboti koʻrsatkichiga mos kelishini tekshiradi va elektron platforma orqali tasdiqlaydi. Har yili 30-mayga qadar 2. Taʼlim tashkiloti pedagogik kengashi bitiruvchilarga shahodatnoma berish toʻgʻrisida qaror qabul qiladi. Har yili 15-iyunga qadar 3-bosqich Xalq taʼlimi vazirligi Buyurtmalar asosida elektron shahodatnomaga seriya va tartib raqami ajratiladi. Buyurtma kelib tushishi bilan 4-bosqich Taʼlim tashkiloti 1. Elektron platformaga oʻquv fanlaridan yakuniy baholarni kiritadi va tasdiqlaydi. 2. Shahodatnomalarni bitiruvchilarga beradi. Har yili 20-iyunga qadar 5-bosqich “Elektron shahodatnoma” axborot tizimi QR-kod tasviri tushirilgan shahodatnomalar shakllantiriladi. Yakuniy baholar tasdiqlanishi bilan 6-bosqich Bitiruvchi Shahodatnomani “Elektron shahodatnoma” axborot tizimidan yuklab oladi. Oʻz xohishiga koʻra 7-bosqich Taʼlim tashkiloti Taʼlim tashkilotlari bitiruvchilarga berilgan shahodatnomalarning hisobotlarini elektron platformadan yuklab oladi va reyestrini yuritib boradi. Har yili 1-iyulga qadar

Oʻzbekiston Respublikasining Bosh vaziri A. ARIPOV

Toshkent sh.,

2023-yil 31-yanvar,

44-son

(Qonunchilik maʼlumotlari milliy bazasi, 01.02.2023-y., 09/23/44/0066-son; 25.08.2026-y., 09/26/456/0870-son)

lex.uz